ТОП

Правдата за случајот „Алфа“ треба да биде спроведена за да се остават на мир невините души, вели БЕСА

Движење БЕСА, партијата на Билал Касами која премина во опозиција, денеска излезе со реакција дека „смртта на невиниот Реџаил Ќерими е смрт на правдата во Северна Македонија“.- Одвлекувањето на политички монтирани случаи и недостигот на правда ја вратија Северна Македонија многу чекори назад. Смртта во затвор на еден од обвинетите во случајот „Алфа“ уште еднаш го покажува непрофункционирањето на правната држава и непоставувањето на правдата на вистинското место.Смртта на Реџаил Ќерими е смрт за правдата во државата и смрт за оние кои долги години не успеаја да го решат овој случај. Движењето БЕСА цени дека правдата за случајот „Алфа“ треба да биде спроведена за да се остават на мир невините души, реагираше Беса.Од партијата изразија и сочувство до семејството и пријателите на Реџаил.

Македонија | пред 4 години

Нема фотографија

Почина Ќерими осуден на доживотен затвор за нападот на Алфите кај ПМФ

Синоќа почина Реџаил Ќерими кој беше осуден на доживотна затворска казна за случајот со нападот на полициските Алфи кај ПМФ.Од МВР за Курир потврдиле дека кај нив е пријавена смрт на затвореник од КПУ Идризово, Ќ.Р. (52) од Куманово.Алсат неофицијално објавува дека Ќерими починал како последица на мозочен удар. Бил пронајден без свест во затворската бања, а починал при транспортот во болница.На 26 ноември 2008 година, на паркингот на Математичко -природниот факултет во Скопје, во вооружен напад на полициските Алфи еден припадник загина, а двајца негови колеги со кои бил на патрола беа повредени. Во април 2010 година, Реџаил Ќерими и Агим Ислами беа осудени на доживотен затвор.

Македонија | пред 4 години

Македонија се уште нема одлучено, дали би испратила свои војници во Украина

Северна Македонија со внимание ја следи актуелната состојба во Украина, велат од Министерството за надворешни работи. На прашањето на Гласот на Америка дали ќе упатат предупредување до македонските граѓани да не патуваат во Украина или пак повик до оние кои веќе се наоѓаат таму да ја напуштат државата, од МНР велат дека формирале работна група што го следела развојот на настаните и безбедносната ситуација во Украина.Некои држави веќе ги повикаа своите граѓани да не патуваат во Украина, како на пример Канада. Американската амбасада во Киев ги повика своите граѓани веднаш да размислат за напуштање на земјата, потсетува Гласот на Америка.Северна Македонија се’ уште нема одлучено, дали евентуално би испратила и свои војници во Украина, како дел од НАТО сојузничките сили. Од Армијата на Северна Македонија велат дека секоја одлука се носи на повисоко ниво и оти во моментот работат според годишен план за работа.Министерот за надворешни работи Бујар Османи во телефонски разговор вчера со Дерек Чолет советник на Стејт департментот на САД, разменил мислења за актуелната безбедносна состојба во Европа и актуелните случувања во и околу Украина.„Беше изразена взаемна поддршка за суверенитетот, територијалниот интегритет и неповредливоста на границите на Украина, повлекувајќи ја важноста од заштита на човековите права. Воедно, ја истакнаа значајноста од заеднички пристап кон актуелните безбедносни предизвици и упатија повик за деескалација на состојбите во интерес на европската сигурност. Во тој контекст, ги поздравија напорите на меѓународните партнери и заложбите во рамки на НАТО и ОБСЕ за смирување на состојбите и зачувување на мирот“, се вели во соопштението на МНР.

Македонија | пред 4 години

Ременски: Пријавителот на докажан и очигледен криминал станува подвижна мета за бандитите кои креираат и рекетираат

Експратеничката Фросина Ременски која е обвинета и во случајот „Меѓународен сојуз“, посочува дека ја разобличува Вилма Русковска, но и вештаците кои според Ременски не се вештаци, а изготвуваат извештаи поврзани со одземени персонални уреди преку чии податоци се докажува вина во судски предмети.Ременски, ви ја пренесуваме во целост:ТАЗИ ДУПКА, НЕ Е ДУПКА❗Таман кога ќе помислиш дека си ги напишал последните епизоди од крими-серијата за "најорганизираното прикривање на организиран криминал" и можеш да ги емитуваш, ОП еве ти уште 4-5 епизоди плус.Вчерашниот (26.01.2021) испит по информатика и форензика што се одржа мојот технички советник (професор по компјутерски науки) на рочиштето за случајот Меѓународен сојуз и декемвриското рочиште (2020) на кое Катерина Јовановска се бранеше себе си и Секторот за компјутерски криминал и дигитална форензика при МВР, БЕА КРАЈ НА ПРОГРАМАТА или во превод голем срам за нив, за МВР и за ОЈО ГОККМојот технички советник вчера директно го испрашуваше помладиот инспектор Ивица Мицковски за неговата стручност срочена во четири извештаи за "вештачење" (!?) на предмети одземени од мојот дом во НЕЗАКОНСКИ ПРЕТРЕСЗа да ја сфатите целта, упорност и моето инсистирањето овие лица да се појават во Суд, го пренесувам последното изјавено вчера од ЈО Ивана Трајчева пред Суд и мојата неколку пати кажана изјаваЈО Ивана Трајчева која едвај дочека да заврши продолжението на "испитот" од декември до вчера, пред Судот изјави:"ОЈО за ГОКК од бр. 60 од листата на докази - извештаи од "вештачење" на 4 одземени предмети од Фросина Ременски, НА СУДОТ НЕ МУ ПРЕДЛАГА ДА СЕ ИЗВЕДАТ ДОКАЗИ, туку да се изведат само "извештаите"Во неколку мои јавни изјави, а во контекст на ПОТВРДАТА што вчера ја даде ЈО кажав дека:"Јас - Фросина Ременски, со мојата упорност околу докажувањето на НЕЗАКОНИТОСТИТЕ во т.н, "вештачење" на Секторот за компјутерски криминал и дигитална форензика и докажувањето на 👉НЕЗАКОНСКИОТ ПРЕТРЕС, немам цел ДА РУШАМ НИКАКВИ ДОКАЗИ, ЗОШТО ДОКАЗИ НЕМА И НЕ СЕ ПРЕДЛАГААТЦелта ми е да докажам и да покажам на пошироката јавност, на Судот, на ОЈО, на сите одговорни во МВР, дека, потполно неисплатливо е во изрекетиран случај, преку ПР да ме обвинат тие што 100:0 ги фатив во криминал и сеуште го документирам прикривањето на тој криминал со опремата која сакаат да ја "легализираат", преку вакви т.н., постапки и наредби, небулизни и незаконски извештаи кои ОЈО си ги користи да го лаже Судот не само во овој, туку и во многу други случаи.📢 Логиката "Да го убиеме кучето што ги чува овците, наместо да го ловиме волкот што ги јаде овците" Ви е потполно погрешна и САМОУБИСТВЕНА❗Но, за испитот ...Покрај стручната терминологија и знаење со кој професорот го одржа испитот вчера, на кој "вештакот" Ивица Мицковски падна, тој меѓу другото си кажа:👉"Не сум вешто лице",👉"Немам лиценца од Министерство за правда",👉"Не сум запишан во Регистер на вештаци",👉"Лабараторијата на дигитална форензика не е акредитирана и лиценцирана" (предмет од пријавено кривично дело 2013) 👉"Постапувам по наредби на ЈО за вештачење, ама не сум вештак и не изготвувам вешти наод и мислењае",👉"Не знае дали работи на стандардизирани форензички хардвери". 👉"Си гледал материјал без лозинка, ама напишал дека за да се гледа материјал потребна била лозинка" итн.‼ Останува нејсно за овој правен систем, како тогаш ЈО Вилма Русковска издава наредба за вештачење, иако знае (а, знае и Судот) дека, таму кај што ја дава (Сектор за компјутерски криминал и дигитална форензика) НЕМА НИТУ ЕДЕН ВЕШТАК, дека, ТАМУ НЕ СЕ ВРШИ ВЕШТАЧЕЊЕ, дека таму се работи на дива опрема која НЕ Е АКРЕДИТИРАНА, СТАНДАРДИЗИРАНА И ЛИЦЕНЦИРАНА, затоа што е таа дива опрема е предмет на кривична пријава поднесена во НЕЈЗИНОТО ОЈО уште во 2013 година, што прават обиди да го ПРИКРИЈАТ‼За време на неговото испитување неговата шефица Катерина Јовановска го слушаше, а немаше право да присуствува на рочиштето, зошто беше испитана во декември 2020. Се си мислам дека, Ивица и покрај ова што го кажа, ќе кажеше повеќе, ако не беше присутна таа.👉Заклучокот од сето ова е следен:‼Во нормална земја и нормален некорумпиран правосуден систем, по вакви сведочења кои се потврда на кривичната пријава за оваа опрема/лабараторија од 2013 година, веднаш, под итно ЌЕ СЕ ПОСТАПЕШЕ ПО СЛУЖБЕНА ДОЛЖНОСТ, ќе се превенираа хаварии во судски постапки и ќе се земеа на одговорност СИТЕ што учествувале во овој криминал и во неговото прикривање од 2012 до денес❗✅ Судот мора да го почитува законот и да не прифаќа вакви "вештачења" и "вештаци" од ОЈО и МВР кои немаат врска со тоа.‼Во нашиот fucking систем, пријавителот на докажан и очигледен криминал станува подвижна мета за бандитите кои креираат и рекетираат ПР-обвинение од тие што треба да ги гонат токму нив.Тој што го открил и пријавил криминалот станува повиновен што го открил, отколку тие што го сториле.Случајот со Катерина Јовановска во овој циркуз од систем е доказ за тоа - таа што сторила и го прикрива својот криминал се јавуваа како "вештак" во измислен случај за таа што токму неа и другите ги открила и пријавила‼📢 Штета што на овие рочишта немаше заинтересирани новинари ДА ГО ПРЕНЕСАТ СРАМОТ И АПСУРДОТ❗За тој срам организирано се молчи.✅🚩Во епизодата "Тражили сте - гледајте" оваа втората логика на fucking системот за борба против организиран криминал и корупција, ќе се потрудам да им се удри од глава НА СИТЕ "ГЛУМЦИ" кои влегоа во оваа режија против оние кои никогаш не глумеле борба, туку се бореле и ќе се борат за ОДГОВОРНОСТ и НОРМАЛНОСТ, а не за ЛЕГАЛИЗАЦИЈА НА КРИМИНАЛОТ❗Доволно тешко оди легализацијата на криминалот до сега ..., и тоа е криминал - со прикривање што значи ПОМАГАЊЕ со непостапување

Коментари | пред 4 години

Терористичка организација со закани по живот за јавниот обвинител Јовески

Јавниот обвинител на Република Северна Македонија ја известува јавноста дека во текот на вчерашниот ден, преку препорачана пратка експедирана од Пошта Битола на 17.1.2022 година во 10:26 часот, доби закана по неговиот живот.„Препорачаната пратка со заканата е напишана на македонски и на англиски јазик. Заканата се однесува на конкретен кривичен предмет по кој постапката е завршена во декември 2021 година, со тоа што во предметот е донесена Резолуција со која постапката е запрена бидејќи е утврдено дека нема место за јавнообвинителско постапување. Заканата, како што се наведува во писмата, е од терористичка организација која се бори и убива за неправда и нејзините членови се подготвени да гинат за целите на организацијата.Јавниот обвинител на Северна Македонија истакнува дека се залудни ваквите закани и во оваа прилика нагласува дека заканите, па дури и да се по живот нема да го поколебаат во примената на законите и во професионалното и одговорно постапување на Јавното обвинителство.Пратката ќе биде доставена до Министерството за внатрешни работи заради испитување на содржината на наводите и лицето кое ја експедирало пратката.Јавниот обвинител ја става на увид на јавноста содржината на писмената пратка која ја доби на 26.1.2022“, информираа од ЈО.

Македонија | пред 4 години

Нема поблиски народи на овие простори од македонскиот и српскиот, вели Димитриевски

Нема поблиски народи на овие простори од македонскиот и српскиот, вели градоначалникот на Куманово Максим Димитриевски, во Занаетчиски дом, на свечената Светосавска академија, како меѓународно афирмирана манифестација по повод одбележување на Денот на Свети Сава, национален празник на Србите во РСМ.– Куманово е Македонија во мало. Ние сме мултикултурно општество во коешто има место за сите, без разлика дали сме Македонци, Срби, Турци, Албанци, Роми, Власи или било која етничка заедница којашто опстојува на овие македонски и балкански простори. Вечерва за мене е голема чест, а уште поголемо задоволство да присуствувам на оваа свечена академија, Светосавска академија, во чест на човек којшто на овие простори го ширел христијанството, се залагал за мир, взаемно почитување, вреднување и секако за соживот. Тоа е нашето Куманово кое низ векови се ткаело, токму низ ваквите мисли и идеи. Затоа, со право можеме да кажеме дека сите ние сме потомци на овие простори, секој ја негува својата традиција, но мора да ја вреднува и туѓата. Нема поблизок народ на овие простори од македонскиот и српскиот. И тоа не го докажуваме ние политичарите, туку тоа всушност го докажуваат самите граѓани на дело, проткаени низ заеднички бракови, измешани традиции, создадена заедничка љубов којашто дополнително создава заеднички вредности – рече Димитриевски во обраќањето.

Македонија | пред 4 години

Семејствата на загинатите незадоволни од бугарската истрага: Ќе бараме дополнителна истрага, ова ќе оди до Стразбур

Причината за автобуската несреќа на автопатот „Струма“ во Бугарија, во која загинаа 45 македонски државјани, е тоа што возачот изгубил контрола врз автобусот, како и големата брзина на возење, несоодветна за условите на патот – изјави заменик-главниот обвинител Борислав Сарафов, претставувајќи го финалниот извештај на бугарското јавно обвинителство за несреќата на автобусот на македонската агенција „Беса турс“.Членовите на семејствата и на преживеаните во трагичната несреќа не веруваат на извештајот и велат дека ќе бараат дополнителна истрага.– Ќе бараме вистинска истрага. Ова ќе оди до Стразбур! Нека се истакне вистината, некој нека ја преземе одговорноста. Како може шоферот да ја надминал дозволената брзина? Кој автобус оди 120 на час? Јас цел живот сум шофер и тој пат сум го возел неколкупати. Вистината ќе излезе на виделина. Некој нека каже што имало во автобусот, а не дека возачот ја надминал брзината. Не може автобусот тукутака да изгори целосно за 30 минути! Одново ќе има вештачење. Ќе се оди во Стразбур. Немам доверба ни во нашата ни во бугарската држава веќе. Имаме живи луѓе што ја виделе вистината, не им веруваме, а веруваме дека е виновен шоферот, кој е мртов – изјави Ќамуран Пајазитовски, роднина на патник во автобусот на „Беса транс“ за „Слободен печат“.Целиот текст можете да го прочитате тука

Македонија | пред 4 години

Наводните работни групи се обландата со која сакаат да го покријат пазарот со идентитетот, јазикот и историјата, вели ВМРО-ДПМНЕ

Договорот кој Заев го склучи со Бугарија стана пречка на Македонија во ервоинтегративниот пат. Истата погубна политика на Заев ја продолжува и пиунот Ковачевски. Наводните работни групи и меморандуми за кои сега зборува Ковачевски се обландата со која сакаат да го покријат пазарот со идентитетот, јазикот и историјата, вели ВМРО-ДПМНЕ.„Впрочем и досега никој и ништо не ги спречувало двете влади да имаат соработки на економски, енергетски или инфраструктурен план. Да потсетиме дека владата на заевизмот потпишуваше меморандуми со бугарската страна за истите области и во 2017-та година, поточно пред 5 години, па резултати од тоа нема никакви. И тогаш говореа за економска, енергетска соработка, изградба на железничка линија, коридор и слично, па видовме дека од тоа ништо не реализираа. Ниту метар железница, ниту нов граничен премин, ниту позначајна енергетска соработка, ниту економски бум. Напротив, токму после договорот за добрососедство на заевизмот, добивме низа вета и најлоши меѓудржавни односи меѓу Македонија и Бугарија.Додека помпезно ги најавуваат ваквите листови хартија, во тајност се договараат идентитетските прашања кои се од клучен национален интерес. Да не беше на штета на Македонија, јавноста до сега ќе ги знаеше одговорите на прашањата од пакетот 5+1 во форма на конкретни материјали. Народот веќе не верува во зборот на заевизмот, чиј поклоник е и самиот пиун Ковачевски. Во зборот и намерите на Ковачевски не веруваат ниту членовите на СДСМ, а ниту довчерашните соработници на Заевизмот“, се вели во соопштението.

Македонија | пред 4 години

Поштарите повторно ќе носат пензии до врата

Од АД Пошта информираат дека повторно ќе почне на пензионерите да им ги доставува своите пензии до дома.Ова услуга ќе биде достапна за сите пензионери кои пензијата ја примаат на сметка во Халк банка или во НЛБ банка.Како што објави Пошта, секој пензионер кој сака пензијата да ја добива дома треба да пополни формулар во банката.Од денеска почнува етапната исплата на јануарски пензии. Пензиите ќе бидат исплатени предвреме и етапно со цел да се овозможи поголема заштита на пензионерите во услови на здравствена криза. Јануарските пензии ќе бидат зголемени за 2.9 отсто, согласно законското усогласување кое се врши двапати годишно во јануари и јули.Усогласувањето се врши според процентот на порастот на индексот на трошоците на живот во претходното полугодие во однос на полугодието кое му претходи објавени од Државниот завод за статистика.

Македонија | пред 4 години

Избрани новите заменици министри од СДСМ

Вечерва се одржа седница на Централниот одбор на СДСМ. Поради заштита на здравјето седницата се одржа онлајн, преку дигитална платформа. Членовите на Централниот одбор дискутираа за повеќе актуелни теми, здравствената криза предизвикана од пандемијата, мерките за заштита на здравјето на граѓаните и здравствениот систем, подготовките за почеток на училишната година, за мерките кои ги презема државата како одговор на глобалната енергетска криза и прашањата за продолжување на европскиот пат на земјава, информира СДСМ.„Претседателот на СДСМ и премиер, Димитар Ковачевски, информираше дека Владата и надлежните институции интензивно ја следат состојбата со пандемијата и врз основа на анализите и препораките на стручните лица и надлежната здравствена Комисија се преземаат мерки за заштита на здравјето на луѓето, за обезбедување на соодветни здравствени капацитети и функционалност на здравствениот систем.Врз основа на мислењето на Комисијата за заразни болести, согласно препораките на УНИЦЕФ, наставата ќе продолжи со физичко присиство, со доследно придржување и спроведувањето на протоколите.Во однос на глобалната енергетска криза преземени се сите мерки за обезбедување струја од домашно производство, решен е проблемот со парното во Скопје со преземање на компанијата од страна на државата, моментално фокусот е ставен на ликвидноста на компаниите и заштита на граѓаните и фирмите.Беше оценето дека новата енергија и пристап отвора ново поглавје во односите помеѓу Северна Македонија и Бугарија. Се одржа успешна меѓувладина седница на која беа формирани пет работни групи и се потпишаа важни меѓудржавни договори за проекти кои се од интерес на граѓаните од двете држави.Двете влади и надлежните министерства отворија соработка во областа на инфраструктурата, земјоделството, развој на малите и средни претпријатија, либерализација на превозот на стоки, намалување на цената на роамингот.Посебен фокус се стави на железничкото поврзување на двете држави како и инвестиции во важни патни делници од Коридорот 8 што оваа година ќе биде приоритет за Владата предводена од СДСМ.Преку дијалог и меѓусебна почит може да дојдеме до решенија кои ги почитуваат европските вредности и достоинството на двата народи.Централниот обор на СДСМ го овласти претседателот и премиер Ковачевски, да разговара со партнерите во владата и парламентарното мнозинство за избор на заменици министри.На предлог на претседателот Ковачевски, Централниот одбор на СДСМ донесе одлука за замениците министри од СДСМ:Заменик министер за финансии - Филип Николовски. Николовски е независен финансиски и инвестициски експерт, со долгогодишно искуство во финансиите и инвестициското банкарство.Заменик министер за здравство - Доцент доктор Владимир Рендевски. Тој е доцент по хирургија и неврохирургија на катедрата на Медицинскиот факултет во Скопје, докажан хирург на Универзитетка клника за неврохиругија кој има објавено над 70 стручни трудови.Заменик министер за информатичко општество и администрација, Александар Бајдевски. Дипломиран економист во насоката финансиско сметководствен менаџмент, актуелен заменик министер“, се вели во соопштението.

Македонија | пред 4 години

Каевски тврди дека за шест месеци ќе се решат отворените прашања со Бугарија

Пратеникот на СДСМ, Дарко Каевски вели дека во следните 6 месеци ќе ги решат отворените прашања со Бугарија.„Ова што се случуваше изминатата недела во Скопје и Софија е чекор кон деблокада и верувам дека со ваков искрен чесен, отворен и јавен пристап кон решавањето на сите отворени прашања во делот на спорот со Бугарија, можеме да дојдеме до решение, кое ќе го деблокира процесот на преговори на Македонија со ЕУ“, вели пратеникот Каевски во емисијата „Топ тема“.

Македонија | пред 4 години

Жители на Скопје редовно плаќаат, а немаат струја

Жители од Шуто Оризари речиси два месеци имаат проблеми со струјата. Сите сметки редовно ги плаќаат, но половина ден седат во темница. Велат недозволиво е во 21 век да седат на свеќи. Принудени се на минусни темепратури да одат по роднини за да се избањаат и исперат. Се обратиле и до ЕВН, но велат се било залудно, пренесува Сител ТВ.За проблемот одговор побарале и од компанијата. Од таму велат дека се се случува поради нелегални приклучоци.Електродистрибуција секојдневно работи на реконструкција на мрежата и санација на дефектите, но на таа улица истите за жал се повторуваат како резултат на нелегално користење на електирчна енергија.Поради преоптовареност на мрежата, горат осигурачи и кабли, а времетраењето на санацијата зависи од комплексноста на дефектот, велат од ЕВН.Граѓаните револтирани велат дека дивоприклучените не се нивни проблем. Компанјата треба да си најде решение затоа што не може поради поединци да страдаат и оние кои редовно си ја плаќаат услугата.Инаку и минатата зима, жителите од овој дел на градот го имаа истиот проблем. Освен тие, до нашата редакција на проблеми со електричната енетија се пожалија и жители од Стајковци, поради што утре во попладенвните часови ќе излезат на протест во селото.Во изминатиот период постојано има и известувања за прекини во снабдувањето со струјата во различни делови од градот.Извор: Сител

Скопје | пред 4 години

Од 1 февруари учениците се враќаат на училиште

На денешната седница Владата донесе одлука наставата во основното и средното образование да продолжи со физичко присуство на учениците на 1 февруари.Оваа одлука е донесена врз основа на мислењето на Комисијата за заразни болести и согласно препораките на УНИЦЕФ, а Владата повикува на доследно придржување и спроведувањето на протоколите за одржување настава со физичко присуство.

Македонија | пред 4 години

Се намалува периодот на изолација на позитивните на ковид

Владата на Република Северна Македонија на денешната 7-ма редовна седница донесе одлука за намалување на периодот на изолација за лицата кај кои лабораториски е утврдено присуство на КОВИД-19 како и периодот на самоизолација/карантин на лицата кои биле во близок контакт со потврден случај со КОВИД-19.Согласно овие препораки на лицата кои се лабораториски потврдени на КОВИД-19 (со PCR тест или со брз антингенски тест), а кои не развиле симптоми на болест односно се асимптоматски случаи на КОВИД-19 им се одредува домашна изолација од седум дена од денот на тестирањето. По завршување на периодот на изолацијата, потребни се дополнителни три дена строго почитување на мерките за лична заштита (носење заштитна маска N95/FFP2 при престој во затворен простор со други лица или на отворено кога не може да се држи растојание од два метри, честа дезинфекција на раце, избегнување на групирање).За лицата кои се лабораториски потврдени на КОВИД-19 (со PCR тест или со брз антингенски тест), а кои развиле клиничка слика соодветна на вирусот, односно се симптоматски случаи да им се одредува изолација седум дена од денот на тестирањето плус три последователни денови доколку лицето е без покачена телесна температура.Според овие промени, лицата кои имале блиски контакти на потврдени случаи на КОВИД-19 се упатуваат во домашна самоизолација/карантин во траење од седум дена од денот на последниот контакт со потврдениот случај, а по завршување на периодот на самоизолацијата/карантинот потребно е дополнителни три дена строго да ги почитуваат мерките за лична заштита.Исклучок од мерката домашна самоизолација/карантин да има за оние лица кои исполнуваат еден од следните критериуми:- Вакцинирани со COVID-19 вакцина со две или три дози, а од последната доза не поминале повеќе од шест месеци;- Прележани со COVID-19, а позитивниот тест не е постар од шест месеци;- Лицата кои се блиски контакти, а кои заради исполнување на горенаведените критериуми се исклучени од самоизолација/карантин, задолжително треба да ги почитуваат мерките за лична заштита во период од 10 дена од последниот контакт со потврдениот случај.Датумот на последниот контакт со потврдениот случај се смета за нулти ден.

Македонија | пред 4 години

Денес регистрирани 254 реинфекции со ковид

Во изминатите 24 часа направени се 6.119 тестови, а регистрирани се 2.019 нови случаи на КОВИД-19:Скопје – 968, Битола – 150, Кавадарци – 104, Куманово – 75, Тетово – 71, Прилеп – 64, Велес – 62, Струмица – 61, Гевгелија – 48, Кочани – 45, Охрид – 41, Штип – 38, Гостивар и Ресен – по 33, Неготино – 31, Радовиш – 27, Струга – 26, Кичево – 24, Свети Николе и Делчево – по 18, Валандово – 13, Берово – 12, Виница и Богданци – по 10, Крива Паланка – 9, Крушево, Демир Хисар и Македонски Брод – по 5, Кратово – 4, Пробиштип, Пехчево и Дојран – по 2, Дебар, Македонска Каменица и Демир Капија – по 1.Од вкупниот број на позитивни (2.019), регистрирани се 254 реинфекции, од кои две се втора реинфекција.Регистрирани сe 973 оздравени пациенти од: Скопје – 558, Охрид – 87, Битола - 70, Куманово – 38, Струга – 29, Струмица – 26, Прилеп – 25, Кавадарци – 20, Штип – 19, Тетово – 15, Гевгелија – 11, Ресен – 9, Кичево и Крива Паланка – по 8, Гостивар – 7, Велес, Радовиш и Крушево – по 6, Дебар – 5, Свети Николе и Берово – по 4, Кратово – 3, Кочани и Валандово – по 2, Виница, Богданци, Демир Хисар, Пробиштип и Демир Капија – по 1.• Во текот на изминатите 24 часа, регистрирани се 15 починати лица: 4 починати лица од Скопје (61г, 70г, 85г и 85г), 3 починати од Прилеп (71г, 72г и 82г), 2 починати лица од Битола (84г и 84г) и по едно починато лице од Гостивар (72г), Охрид (81г), Кочани (70г), Свети Николе (79г), Струмица (78г) и Штип (78г). Од пријавените лица 14 се починати во болнички услови, а едно лице во домашни услови.Согласно Регистарот на умрени лица со дијагноза КОВИД-19 од Мој Термин, пријавени се четри починати лица, од Скопје (1), Велес (1), Делчево (1) и Радовиш (1) на возраст од 72г до 75г. Пријавените се починати во период од 18.01.2022 до 22.01.2022г. Од пријавените лица три се починати во болнички услови, а едно лице во домашни услови.Од вкупниот број на починати лица (n=19), шест лица се целосно вакцинирани, а кај 17 се регистрирани коморбидитети.Направени се 6.119 тестови преку: ИЈЗ-533, ЦЈЗ Скопје-108, ЦЈЗ Битола-99, ЦЈЗ Прилеп-55, ЦЈЗ Тетово–16, ЦЈЗ Куманово-95, Клиника за инфективни болести и фебрилни состојби-0, Судска медицина-5, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–177, Жан Митрев (Филип Втори)-171, Авицена-237, Биотек-298, Систина-117, лабораторија Лаор-181, Синлаб-43, Ремедика-20, Плодност-97, Генеа-17, Никоб Лаб-1.114, ВФВ Медикал-113, Ели Медика-43, Ројал Медика–32, Спектра-ММ-34, Рапид Лаб–48, Жан Митрев Струмица–20, Нова Лаб Дијагностика–22, Рамус-57, ЈЗУ и ПЗУ (рапид тест) – вкупно 2.366.Досега во земјата се направени вкупно 1.762.045 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 261.347, бројот на оздравени пациенти е 231.179, на починати е 8.285, а бројот на активни случаи изнесува 21.883.

пред 4 години

Омикрон сојот тешко дека некој ќе го избегне, вели Пановски

Микробиологот проф. д-р Никола Пановски во гостувањето на ТВ 24 вели дека заразата со омикрон варијантата тешко дека некој ќе ја избегне, но болеста полесно поминува кај оние кои веќе прележале ковид и кои се вакцинирале против коронавирусот.– Бројот на денови за изолација треба да биде 7 дена, многу малку ќе придонесеме за ширење на болеста, и најважно е тоа што болеста кај прележаните и вакцинираните полесно поминува. Доколку некој праша дали ќе биде заштитен од омикрон тоа е многу тешко бидејќи сите ќе го прележиме. Некој на нога ќе го помине, особено што според податоците на Институтот за јавно здравје покажуваат дека 30 проценти од тестираните досега се асимптоматски случаи. Замислете колку луѓе има кои што одат на работа, не се тестираат и се позитивни. И ако го промениме прагот на изолација, тогаш треба да се затворат сите установи – појаснува професорот Пановски.Според докторот заштитени се оние што го прележале делта сој и што се вакцинирани со трета доза.– Делта сојот не замина. Се надевам дека овие 26 починати од вчера се со делта сојот. Сметам дека делта варијантата доминира, а нашата смртност е недалеку од онаа во светот. Смртноста е помала во однос на заразеност. Заради правилно лекување смртноста се намалува. Колку што се заразуваат толку и оздравуваат. Заштитени се оние што прележале делта сој и што се вакцинирани со трета доза. Најбитно е колку од тие реинфицирани и смртни случаи се од тие вакцинирани. Претседателот на Светската здравствена организација не кажува ништо добро, ништо охрабрувачко, а тоа води во депресија – вели Пановски.

Македонија | пред 4 години

(ФОТО) Следуваат минусни температури, со ќеси се заштитуваат единствените палми во Скопје

Екипи на ЈП „Паркови и зеленило“ деновиве превентивно ги заштитија крошните на палмите на кејот на Вардар.„Деновиве нашите екипи превентивно ги заштитуваа крошните на палмите на кејот на Вардар пиради најавата за уште пониски минусни температури“, велат од претпријатието.Инаку палмите беа поставени на градскиот кеј од 2015 година, но голем дел од нив не ги преживеаја условите кои ги наметнува нашето поднебје.

Скопје | пред 4 години

Мајката на Јелена го усмрти пешакот кај „Гоце Делчев“

Нова трагедија во кумановското семејство Филиповиќ. Како што дознава „Слободен печат“, во сообраќајката во која денеска загина пешак на мостот „Гоце Делчев“ во Скопје, зад воланот на возилото марка БМВ била мајката на загинатата Јелена Филиповиќ – девојката чии фотографии на билборди осамнаа пред скопскиот кривичен суд со напис „Возев пијан и дрогиран, ја убив Јелена“.Како што дознава „Слободен печат“, обвинител од ОЈО Скопје извршил увид и презема дејства за утврдување на фактите за настанатата трагедија во близина на мостот Гоце Делчев во центарот на Скопје.Првичните информации се дека до несреќата дошло кога автомобил марка БМВ со кумановски регистерски таблички со кој управувала Г.Ф. (42) удрил во пешак С.А. (76) кој преминувал непосредно во близина на мостот. Телото на починатиот ќе биде предадено на обдукција.Целиот текст можете да го прочитате тука

Македонија | пред 4 години

Семејството Рашковски со реакција до УМС: Подлегнувате на ниски страсти и недостоинствена политика

Почитувани претставници и активисти на УМС ВМРО ДПМНЕ, за почеток да Ви се заблагодариме како семејтво за вашата грижа во однос на нашата финансиска состојба, по моето заминување од функцијата во Владата на РСМ. Навистина сте се потрудиле да бидете забавни и со високо ниво на сатиричност со спроведувањето на вашата акција, но додека Вие си играте со мојот и угледот на мојата фамилија и за времетраењето на вашатаакција, на неколку метри од Вашиот перформанс, во тој период својот живот во сообраќајни незгоди го изгубија две лица. Додека Вие правите перформанси за забава, нашата земја за жал сеуште сме на врвот на листата по број на жртви од сообраќајни незгоди се вели во реакцијата на семејството Рашковски во врска со перформансот на УМС на ВМРО ДПМНЕ„Наместо млади и прогресивни луѓе како што се претставувате да се занимавате со нови технологии коишто треба да не направат европска држава и да ни го олеснат секојдневието, Вие подлегнувате на ниски страсти и недостоинствена политика од која никој нема никаква корист. Ве поканувам да присуствувате на секое судење за лично да се уверите дека во моето работење нема ниту едно криминално дејствие, ниту еден денарпари на граѓаните не се злоупотребени, ниту пак е прекршена било каква процедура при јавните набавки.Јас нема да Ви сугерирам од каде потекнува мојот и имотот на моето семејство којшто е плод на 20 години работен ангажман, за кои средства може слободно да проверите дека секоја година уредно се пријавувани како до УЈП, така и до ДКСК, туку доколку ги следите судењата самите сакам да заклучите дека целокупниот имот е стекнат на легален начин. Од Вас како прогресивни сили очекувам да поддржите проекти кои спасуваат животи независно од политичката определеност на учесниците во сообраќајот“, се вели во реакцијата.

Македонија | пред 4 години

Над 2.000 заразени со ковид

Направени се 6.119 тестови, а регистрирани се 2.019 нови случаи на КОВИД-19:Скопје – 968, Битола – 150, Кавадарци – 104, Куманово – 75, Тетово – 71, Прилеп – 64, Велес – 62, Струмица – 61, Гевгелија – 48, Кочани – 45, Охрид – 41, Штип – 38, Гостивар и Ресен – по 33, Неготино – 31, Радовиш – 27, Струга – 26, Кичево – 24, Свети Николе и Делчево – по 18, Валандово – 13, Берово – 12, Виница и Богданци – по 10, Крива Паланка – 9, Крушево, Демир Хисар и Македонски Брод – по 5, Кратово – 4, Пробиштип, Пехчево и Дојран – по 2, Дебар, Македонска Каменица и Демир Капија – по 1.Од вкупниот број на позитивни (2.019), регистрирани се 254 реинфекции, од кои две се втора реинфекција.Регистрирани сe 973 оздравени пациенти од: Скопје – 558, Охрид – 87, Битола - 70, Куманово – 38, Струга – 29, Струмица – 26, Прилеп – 25, Кавадарци – 20, Штип – 19, Тетово – 15, Гевгелија – 11, Ресен – 9, Кичево и Крива Паланка – по 8, Гостивар – 7, Велес, Радовиш и Крушево – по 6, Дебар – 5, Свети Николе и Берово – по 4, Кратово – 3, Кочани и Валандово – по 2, Виница, Богданци, Демир Хисар, Пробиштип и Демир Капија – по 1.• Во текот на изминатите 24 часа, регистрирани се 15 починати лица: 4 починати лица од Скопје (61г, 70г, 85г и 85г), 3 починати од Прилеп (71г, 72г и 82г), 2 починати лица од Битола (84г и 84г) и по едно починато лице од Гостивар (72г), Охрид (81г), Кочани (70г), Свети Николе (79г), Струмица (78г) и Штип (78г). Од пријавените лица 14 се починати во болнички услови, а едно лице во домашни услови.Согласно Регистарот на умрени лица со дијагноза КОВИД-19 од Мој Термин, пријавени се четри починати лица, од Скопје (1), Велес (1), Делчево (1) и Радовиш (1) на возраст од 72г до 75г. Пријавените се починати во период од 18.01.2022 до 22.01.2022г. Од пријавените лица три се починати во болнички услови, а едно лице во домашни услови.Од вкупниот број на починати лица (n=19), шест лица се целосно вакцинирани, а кај 17 се регистрирани коморбидитети.Направени се 6.119 тестови преку: ИЈЗ-533, ЦЈЗ Скопје-108, ЦЈЗ Битола-99, ЦЈЗ Прилеп-55, ЦЈЗ Тетово–16, ЦЈЗ Куманово-95, Клиника за инфективни болести и фебрилни состојби-0, Судска медицина-5, лабораторија болница Козле-0, УК Пулмологија со алергологија –1, ГОБ 8-ми Септември-0, Институт за микробиологија–177, Жан Митрев (Филип Втори)-171, Авицена-237, Биотек-298, Систина-117, лабораторија Лаор-181, Синлаб-43, Ремедика-20, Плодност-97, Генеа-17, Никоб Лаб-1.114, ВФВ Медикал-113, Ели Медика-43, Ројал Медика–32, Спектра-ММ-34, Рапид Лаб–48, Жан Митрев Струмица–20, Нова Лаб Дијагностика–22, Рамус-57, ЈЗУ и ПЗУ (рапид тест) – вкупно 2.366.Досега во земјата се направени вкупно 1.762.045 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 261.347, бројот на оздравени пациенти е 231.179, на починати е 8.285, а бројот на активни случаи изнесува 21.883.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 118549, Активни 11802Куманово 14497, Активни 770Прилеп 12519, Активни 790Битола 12372, Активни 1691Тетово 12160, Активни 548Гостивар 8629, Активни 348Кавадарци 8612, Активни 711Велес 8280, Активни 464Охрид 7794, Активни 635Штип 7400, Активни 328Струмица 7028, Активни 482Кичево 4850, Активни 312Кочани 4545, Активни 259Струга 4303, Активни 264Гевгелија 3635, Активни 441Неготино 3045, Активни 259Свети Николе 2371, Активни 125Ресен 2293, Активни 255Радовиш 2174, Активни 198Крива Паланка 2151, Активни 108Делчево 1722, Активни 176Берово 1626, Активни 103Дебар 1492, Активни 17Валандово 1315, Активни 175Виница 1269, Активни 58Пробиштип 1240, Активни 40Кратово 869, Активни 60Богданци 834, Активни 93Крушево 811, Активни 129Демир Хисар 759, Активни 76Македонски Брод 621, Активни 42Македонска Каменица 487, Активни 46Демир Капија 477, Активни 29Пехчево 412, Активни 33Дојран 206, Активни 16

пред 4 години

Се влошува состојбата со короната во Македонија, се отвораат нови оддели

Во продолжение соопштение за медиуми од МЗ:На состанокот на Комисијата за заразни болести на кој присуствуваше министерот за здравство, д-р Беким Сали беше разгледана актуелната епидемиолошка состојба со Ковид–19 во земјава. Заради континуираниот пораст на бројот на новозаболени и со цел проширување на болничките капацитети, Комисијата препорача од клиниките кои претходно работеа како ковид-центри во рамки на првата фаза, Клиниката за кожни болести и Клиниката за неврологија во Скопје во наредните денови да продолжат со работа како ковид центри и да се отвори дополнителен ковид оддел во ГОБ „8 Септември”. За ова сите три јавни здравствени установи веднаш се известени за преземање на сите неопходни активности.Согласно дневните извештаи од инфективните одделенија и ковид центрите, во моментот се хоспитализирани вкупно 573 лица, од кои 180 во Скопје и 393 лица на инфективни одделенија во државата.Воедно, Министерството за здравство ги задолжи универзитетските клиники, Институтот за белодробни заболувања и туберкулоза, Институтот за белодробни заболувања и туберкулоза кај децата Козле-Скопје и Специјалната болница за геријатриска и палијативна медицина „13 Ноември“, при зголемување на бројот на новозаболени, а на кои им е потребна хоспитализација да бидат организациски подготвени за спроведување на здравствениот третман на пациентите болни од Ковид-19. Во однос на медицинскиот персонал, јавните здравствени установи се известени и задолжени да назначат лица – среден медицински кадар за вклучување во работата на КИБФС (медицински сестри и болничари).Исто така, Комисијата за заразни болести, следејќи ја епидемиолошката состојба, препорача почнувањето на второто полугодие од учебната 2021–2022 год, наставата да се одвива со физичко присуство за сите ученици во основно и средно образование со доследно почитување на превентивните мерки и протоколи.

пред 4 години

ФОТО: Страшна несреќа после Стража кон Охрид

Страшна несреќа после Стража накај Охрид. Автомлбил се преврте на кров. Нема информации за повредени, сообраќајот е забавен.На ова место претходно, се случи сообраќајна несреќа со смртен исход.Повеќе информации се очекуваат од полицијата.

Македонија | пред 4 години

Обвинителство тешката за сообраќајка кај МНТ

Јавен обвинител од Основното јавно обвинителство Скопје изврши увид и презема дејствија за утврдување на фактите за настаната тешка сообраќајна несреќа во близина на мостот „Гоце Делчев“ во центарот на Скопје.„Првичните сознанија упатуваат дека до несреќата дошло кога автомобил марка БМВ со кумановски регистарски ознаки удрил во пешак кој ја преминувал улицата во непосредна близина на мостот.По наредба на јавен обвинител ќе се врши обдукција на телото на починатиот, а од лицето кое управувало со автомобилот земени се примероци од крв и урина за да се утврди евентуално присуство на алкохол или други недозволени средства. Со наредба на јавниот обвинител ќе бидат обезбедени и снимките од видео надзорот на околните објекти со цел да се утврдат причините за несреќата. Дежурниот јавен обвинител издаде наредба и за технички преглед на автомобилот“, велат од обвинителството.Фото: Инфомакс

Скопје | пред 4 години

ФОТО: Детали за страшната сообраќајка кај МНТ каде почина пешак

Тешка сообраќајка пред малку се случи во близина на Македонски народен театар на раскрсницата на булеварот Гоце Делчев.Денес во 11,25 часот било пријавено дека на бул.“Гоце Делчев“ патничко моторно возило “бмв“ со кумановски регистарски ознаки удрило во пешак. Во несреќата пешакот починал на местото на настанот. Од страна на лекар од Итна медицинска помош констатирана била смрт. Во моментов се врши увид од увидна екипа од СВР Скопје.“, се вели во соопштението од МВР.Според информациите на Скопје1, лицето е родено 1946 година, односно имало 76 години.Фото: Инфомакс

Скопје | пред 4 години

Ризикот од „омикрон“ сојот е сѐ уште висок

Ризикот од сојот „омикрон“ на коронавирусот останува висок. Ова доцна синоќа го соопшти Светската здравствена организација, откако се регистрираше нов рекордн раст на новозаразените со Ковид-19, пренесе АФП.„Пријавени се над 21 милион нови случаи, што е најголем број неделни случаи од почетокот на пандемијата“, соопшти СЗО во својот неделен епидемиолошки преглед.Во текот на неделата беа пријавени речиси 50.000 смртни случаи.

пред 4 години