ТОП

Нема фотографија

Се намалуваат цените на паркингот во Скопје

Управниот одбор на јавното претпријатие „Градски Паркинг“ – Скопје денес донесе одлука за намалување на цената за паркирање во Скопје од 01.03.2022. Со ова се исполнува едно од главните ветувања на новото раководство за граѓаните на Скопје.Со оваа одлука се предвидува намалување на цените на услугите на ЈП „Градски паркинг“, со што цената за паркирање се намалува во зонското паркирање, во зона А0 од 100 се намалува на 75 денари, во зона А од 50 се намалува на 40 денари, во зона Б од 40 на 30 денари, а во зоните Ц и Д паркирањето ќе се намали од 30 на 25 денари за 1 час.Со усвојување на оваа одлука на УО на ЈП „Градски паркинг“, се потврдува и реализира ветувањето за поевтин паркинг за скопјани.

Скопје | пред 4 години

Маж повреден во пожарот во Тетово, итно префрлен во болница

Пожар изби нешто по 19 часот во Тетово, а поголем дел од стариот дел на градот остана без електрична енергија.-Вечерва околу 19 часот и 20 минути, во СВР Тетово пријавен е пожар во куќа на улица “Вукашин Симовски” во тетовската населба Колтук, сопственост на 50-годишниот тетовец И.С, кој при тоа задобил повреди и веднаш е пренесен во тетовката Клиничка болница за укажување на лекарска помош. Пожарот се проширил и на соседната куќа во која подолго време не живеел никој. Екипи на тетовскста Територијална противпожарна единица со неколку возила ангажирани се на локализирање на пожарот, велат од тетовската полиција за Фокус.Фото: Тетово инфо

Македонија | пред 4 години

(ВИДЕО) Пожар во Тетово, дел од градот без струја

Доцна вечерва изби пожар во куќа во стариот дел од Тетово, јавува ТВ21. Подоцна пожарот се проширил на уште две куќи.„Пожарникарите дојдоа на време. Немаше никој од сопствениците на трите куќи кои горат. Малку да задоцнеа пожарникарите ќе беше голема катастрофа“, вели пред ТВ21 еден од очевидците.Поради пожарот поголем дел од градот е без електрична енергија.

Македонија | пред 4 години

Генијален дизајн на новиот белгиски пасош, од Штрумфови до Тин Тин

Од 7 февруари официјалните пасоши на Белгија ќе бидат илустрирани со цртежи на најпознатите белгиски стрип херои, почнувајќи од Штрумфовите, преку Талик Том до Тин Тин и Марсупилами.Новите белгиски пасоши со тоа ќе станат едни од најуникатните во светот, а тоа ќе биде можност за понатамошна промоција на стрипот како национална уметност со која Белгијците се многу горди.- Белгискиот пасош е еден од најдобрите во светот, тој е извор на гордост за нас, но и предмет на желбата на фалсификаторот. Затоа постојано работиме на подобрување на неговата безбедност - изјави шефицата на дипломатијата на Белгија, Софи Вилмс.Новите пасоши ќе вклучуваат 48 различни безбедносни техники и треба да бидат двојно побезбедни од сегашните кога станува збор за злоупотреба.Белгискиот пасош моментално е седми најценет по слободата на движење што му ја обезбедува на имателот на глобално ниво од 199 национални пасоши.Старите белгиски пасоши ќе важат до крајниот рок, а нови ќе бидат достапни во локалните општини по цена од 65 евра за возрасни и 35 евра за деца.

Магазин | пред 4 години

Министерот за здравство бара лабараториите да ги намалат цените

Новиот министер за здравство Беким Сали побарал лабараториите да ги намалат цените на услугите и вели дека очекува тие позитивно да одговорат.„Ние инициравме состаноци со сите чинители кои влијаат врз формирање на финалната цена на една услуга и очекуваме позитивно рефлектирање од нивна страна, да имаат разбирање и спремност цените да бидат симнати. Повеќе чинители има во формирање на цената, тоа се увозници, веледрогерии, лаборатории и Фондот за здравство. Во контакт сме со Фондот за здравство и преку нив комуницираме и со лаборатории и со увозници, јас се надевам на позитивно рефлектирање од нивна страна. Секој ден имаме ублажување, односно намалување на бројот на новоинфицирани и на бројот на хоспитализирани пациенти. Ние чисто ги замолуваме нив, бараме од нив да преземат мерки колку што е можно повеќе да ја намалат цената која што е финална кон граѓанинот“, рече министерот Сали.

Македонија | пред 4 години

Ние ќе го наследиме минатото, а на етничките Македонци ќе им остане периодот по 1944 година, вели Бугарин од Македонија

Извесен Игор Билбиловски, кој е роден во Тетово и живее и работи во Скопје, а се декларира како Бугарин, ја објаснува бугарската кауза во интервју за бугарската телевизија СКАТ.Билбливоски се самоосознал како Бугарин во 2011 година, бидејќи бил, како што вели, вистинољубив. Во негово самоосознавање му помогнал неговиот духовник, отец Партениј од манастирот Бигорски, кој му раскажувал за нашето бугарско минато и му давал соодветна литература.Во 17. минута од интервјуто Билбиловски објаснува зошто е неопходно Бугарите да бидат запишани во македонскиот Устав.– Бугарите во Македонија мора задолжително да бидат впишани во Уставот. Секако, треба да го прифатиме фактот дека постојат мнозинство на луѓе коишто се декларирани како етнички Македонци, но ако имаме институционализирани Бугари, тие ќе бидат наследници на културното и револуционерно минато на Бугарите во Македонија, а на етничките Македонци ќе им остане само периодот после Илинден 1944 година – објаснува Билбиловски.На ова реагираше и водителот на емисијата, очигледно не очекувајќи да слушне ваква искрена експликација на каузата на македонските Бугари.

Македонија | пред 4 години

Сали вели дека пандемијата стивнува, оти бројките два дена се во опаѓање

Според податоците што ги добиваме на дневна база пандемијата кај нас, зборувам за нашата држава дека дава знаци на стивнување, вели новиот министер за здравство Беким Сали.„Секој ден имаме намалување на бројот на новоинфицирани и на хоспитализирани пациенти. Ја следиме епидемиолошката состојба кај децата. Според нашите сознанија нема да има потреба од онлајн учење во моментов, во овој период, затоа што епидемиолошката состојба се менува секоја недела. Ние врз основа на тие податоци носиме и нови одлуки и нови политики, Тоа значи дека од 1 февруари ќе се почне со физичко присуство во училиштата и ние како министерство ќе преземеме превентивни мерки со скриниг кој што ќе биде по случајност направен кај децата и во зависност од регионот, градот, општината, доколку се појави некој можна нова епидемија кај деца, ќе преземеме мерки “, рече Сали.

Македонија | пред 4 години

Цените остануваат замрзнати до крајот на февруари

Владата на Република Северна Македонија на денешната 8 седница донесе одлука да продолжи важноста на мерката за определување највисоки цени на основните прехранбени производи, како што се: леб, шеќер, брашно-тип 400, сончогледово масло за јадење, трајно млеко со масленост од 2,8%, 3,2% и 3,5%, свежо месо и сувомеснати производи, сирење и урда, ориз, јајца и тестенини.Со оваа одлука највисоките цени на овие производи остануваат на нивото на редовните цени кои се применувале на 1 декември 2021 година, во трговијата на големо и трговијата на мало, при што се исклучуваат цените на попуст (акциски попуст/снижување/распродажба) кои важеле на 1 декември 2021 година.Оваа интервентна мерка на пазарот, која започна да се применува од 6 декември 2021 година ќе продолжи да се применува до 28 февруари 2022 година.

Македонија | пред 4 години

Ќе останат ли замрзнати цените до крајот на февруари

Министерот за економија Крешник Бектеши на својот фејсбук-профил информираше дека е доставен предлог до Владата, мерката за замрзнување цените на основните прехранбени производи да биде продолжена до крајот на февруари 2022 година.– Министерството за економија достави одлука до Владата со која се предлага мерката за замрзнување на цените на основните прехранбени производи да се продолжи до крајот на февруари 2022 година – напиша министерот на Фејсбук.Владата на 4 декември 2021 година донесе одлука за замрзнување на цените на основните прехранбени производи на како леб, шеќер, брашно – тип 400, сончогледово масло за јадење, трајно млеко со масленост од 2,8, 3,2 и 3,5 отсто, свежо месо и сувомеснати производи, сирење и урда, а потоа листата на производи беше проширена и со јајца, ориз и тестенини.Исклучени се цените на привремените попусти кои важеле на 1 декември 2021 година.

Македонија | пред 4 години

Енормен број на починати и 1908 граѓани се заболеа од коронавирусот

Министерството за здравство информира, согласно податоците од Институтот за јавно здравје дека во последните 24 часа:Направени се 5.834 тестови, а регистрирани се 1.908 нови случаи на КОВИД-19:Скопје – 972, Кавадарци – 112, Куманово – 111, Битола – 105, Велес – 62, Тетово – 58, Прилеп – 54, Неготино – 46, Струмица – 45, Охрид – 43, Гостивар – 34, Гевгелија – 30, Штип – 27, Кичево и Кочани – по 24, Радовиш – 22, Ресен – 21, Валандово – 17, Крива Паланка – 16, Струга – 15, Свети Николе – 12, Берово и Богданци – по 10, Делчево – 9, Виница – 5, Демир Капија и Пехчево – по 4, Дебар, Пробиштип и Македонски Брод – по 3, Кратово, Крушево и Македонска Каменица – по 2, Дојран – 1 .Од вкупниот број на позитивни (1.908), регистрирани се 254 реинфекции.Регистрирани сe 1.129 оздравени пациенти од: Скопје – 77, Битола – 61, Прилеп – 52, Куманово – 30, Охрид – 26, Кочани – 23, Тетово – 18, Неготино и Гостивар – по 17, Струмица – 16, Кавадарци и Гевгелија – по 14, Кичево, Ресен и Крива Паланка – по 12, Струга и Делчево – по 10, Велес и Штип – по 9, Виница ,Кратово и Крушево – по 8, Радовиш и Македонска Каменица – по 7, Берово – 4, Богданци , Македонски Брод и Демир Хисар – по 3, Демир Капија и Пехчево – по 2, Валандово, Свети Николе , Дебар , Пробиштип и Дојран – по 1.Во текот на изминатите 24 часа, регистрирани се 22 починати лица: 5 починати лица од Скопје (53г, 69г, 69г, 75г и 75г), по 2 починати од Битола (74г и 85г), Велес (68г и 93г), Куманово ( 78г и 82г ) и Свети Николе ( 52г и 78г) и по едно починато лице од Кавадарци (57г), Кичево (65г), Македонски Брод (60г), Неготино (73г), Охрид (65г), Прилеп (82г), Радовиш (81г), Ресен (63г) и Струга (83г). Од пријавените лица сите се починати во болнички услови..Согласно Регистарот на умрени лица со дијагноза КОВИД-19 од Мој Термин, пријавенисе 4 починати лица од: Делчево (2), Скопје (1) и Пробиштип (1) на возраст од 56г до 79г. Пријавените се починати во период од 04.01.2022 до 26.01.2022г. Од пријавените лица две се починати во болнички услови, а две лица во домашни услови.Од вкупниот број на починати лица (n=26), седум лица се целосно вакцинирани, а кај 19 се регистрирани коморбидитети.Направени се 5.834 тестови преку: ИЈЗ-636, ЦЈЗ Скопје-85, ЦЈЗ Битола-92, ЦЈЗ Прилеп-48, ЦЈЗ Тетово–15, ЦЈЗ Куманово-105, Клиника за инфективни болести и фебрилни состојби-2, Судска медицина-0, лабораторија болница Козле-15, УК Пулмологија со алергологија –0, ГОБ 8-ми Септември-0, Институт за микробиологија–157, Жан Митрев (Филип Втори)-160, Авицена-214, Биотек-263, Систина-117, лабораторија Лаор-137, Синлаб-45, Ремедика-13, Плодност-72, Генеа-27, Никоб Лаб-683, ВФВ Медикал-100, Ели Медика-43, Ројал Медика–27, Спектра-ММ-45, Рапид Лаб–38, Жан Митрев Струмица–24, Нова Лаб Дијагностика–16, Рамус-46, ЈЗУ и ПЗУ (рапид тест) – вкупно 2.609.Досега во земјата се направени вкупно 1.773.325 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 265.101, бројот на оздравени пациенти е 239.581, на починати е 8.338, а бројот на активни случаи изнесува 17.182.

пред 4 години

22 автобуси со неисправни кочници возеле патници

Министерството за внатрешни работи во текот на вчерашниот ден (27 јануари) од 8 до 12 часот, спроведе акциска контрола на возила кои вршат јавен превоз на патници, пред се автобуси и комбиња.При контролата, откриени и санкционирани се 42 технички неисправни возила, од кои 22 имале неисправен уред за запирање, 6 неисправен уред за управување итн. Од овие 42 прекршоци, 11 биле констатирани на територија на СВР Тетово, 10 на територија на Скопје... Возилата се исклучени од сообраќај и ќе следуваат соодветни поднесоци.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 4 години

Петков нема да му ја исполни желбата на Ковачевски, ама е среќен што долго седел во Бугарија - еве што ќе добијат

Димитар Ковачевски е една недела премиер на РС Македонија и 4 од тие 8 дена поминал со бугарската влада. Ова укажува на желба да се заврши работата. Ова го изјави премиерот Кирил Петков одговарајќи на прашања од пратеници за последиците од двете средби со македонскиот премиер, јави репортерот на БГНЕС.„Со министрите кои дојдоа во Бугарија постигнавме голем напредок во повеќето области. Потпишавме 3 меморандуми, кои беа во многу клучни области, вклучувајќи го и Коридорот 8“, рече Петков.Тој рече дека додека траеле разговорите за економијата и инфраструктурата, двете страни разговарале и за теми кои се важни за Бугарија - правата на Бугарите во РСМ и рамковната позиција.„Ковачевски рече дека не гледа проблем со вклучување на Бугарите во РСМ во нивниот Устав. Не се обврза на времето. Веќе не зборуваме за пет плус еден, туку за четири плус еден. Тоа само по себе е напредок“, рече тој.„Ковачевски рече дека Бугарите ќе влезат во Уставот како Албанците. Во моментов разговараме за рокот и ова е дел од дискусиите. Тоа ќе биде факт и Бугарите во РСМ ќе имаат еднакви права“, додаде тој.Според него, многу декларации се дадени од двете страни, но вистинската работа не е завршена.„Организиравме календар на состаноци на секои 7 дена. Ме радува што дури и историската комисија потврди дека ќе имаат три средби во наредните месеци. Немам намера да менувам ниту еден член на Историската комисија. Мислам дека направивме добра работа овие две недели“, рече Петков, откако Ковачевски побара промена во Комисијата.„Историската комисија веќе има подготвени текстови. Решивме да видиме кои се точките и аргументите кои историската комисија веќе ги договори. Навистина ве уверувам дека таму нема да ги менуваме луѓето, бидејќи мислам дека добро си ја вршат работата. „Има напредок во Историската комисија, ќе го искористиме и ќе го официјализираме“, рече тој.За 4 февруари подготвуваме заедничка прослава со РС Македонија за Гоце Делчев по повод 150-годишнината од неговото раѓање, додаде премиерот.

Македонија | пред 4 години

Здравството се понапредно: Изведена уште една трансплатација од починат донор, овојпат на лигамент

На Клиниката за ортопедски болести при ТОАРИЛУЦ Скопје, вчера за прв пат беше изведена трансплантација на лигамент од починат донор.Млад 34-годишен пациент со сериозна повреда на десното колено, доби мекоткивен графт експлантиран од починат донор.Операцијата која траеше неколку часа на Клиниката за ортопедија ја изведе ортопедскиот хирург д-р Алан Андоновски заедно со неговиот тим од клиниката.„Се работи за ревизија на скинат преден вкрстен лигамент на десното колено, што е прилично честа повреда кај физички и спортски активната популација. Пациентот постоперативно се чувствува одлично и пред него е период на рехабилитација“, вели д-р Андоновски, хирург од Клиниката за ортопедија кој долги години работи во делот на мекоткивната ортопедска хирургија.Ова е деветта трансплантација од починат донор во последните десет месеци на Клиниката за ортопедија. Од почетокот на 2021 година на Клиниката е обновена и банката за коскени ткива каде се чуваат експлантираните графтови.„По првата експлантација што ја направи тимот од Клиниката на 17 април минатата година, до денес се направени пет експлантации и девет трансплантаци на коскено и меко ткиво. На пет пациенти со малигна болест им беше трансплантирано здраво коскено ткиво, со што значтелно им се подобри нивниот квалитет на живот, а денес за прв пат трансплантиравме и мекоткивен графт односно лигамент кај млад пациент со сериозна повреда. Благодарност до сите колеги од клиниката кои го препознаа значењето на трансплантацијата во третманот на ортопедските болести“, вели д-р Александар Трајановски, директор на Клинината за ТОАРИЛУЦ Скопје, во чиј состав е Клиниката за ортопедија.Инаку, повредата на меките ткива, лигаментите и тетивите е многу честа кај младите лица, особено кај активните спортисти. Само успешен оперативен третман може да гарантира враќање кон редовните сопртски активности. Со отварање на можноста на трансплантација со графт од починат донор, се исклучува праксата да се земе тетива од здравата нога и со тоа значително се подобрува квалитетот на живот на пациентот.„Со првата употреба на мекоткивен графт на нашата клиника започнуваме со ново поглавје во реконструктивната ортопедска хирургија. Се надевам дека по оваа процедура ќе се отворат повеќе опции за употреба на мекоткивните графтови во нашата секојдневна пракса“, вели др Милена Богојевска Доксевска, болнички координатор на Клиниката за Ортопедија.Во 2021 година во земјава се направени девет експлантации од починат донор и притоа 16 пациенти добија бубрези, петмина срце и кај осум пациенти беа трансплантирани коскени ткива.Минатата недела беше направена и првата трансплантација од починат донор годинава. Двајца пациенти добија бубрези, а кај млад пацинет беше трансплантирано срце.

Македонија | пред 4 години

Пржинската влада треба биде укината, видовме како оваа власт ја злоупотреби, вели Силјановска

Пратеничката на СДСМ Снежана Калеска Ванчева, во емисијата „Вин Вин“ на телевизија Телма истакна дека ставот на СДСМ во врска со Пржинската влада е конзистентен и дека треба да постои консензус помеѓу сите политички чинители, особено оние застапени во парламентот.Она што се случуваше 2016 година е преседан, но да видиме зошто мораше да биде потребна пржинската влада, еднаш треба да сфатиме дека партијата не смее да биде институција, ние имавме партизирани институции, заробени институции и заробена држава, по дефиниција од меѓународните институции, затоа дојдовме во ситуација да воведеме нешто што е надвор од нашиот устав и требаше да биде еднократно, истакна Калеска Ванчева.Таа нагласи дека СДСМ апсолутно го поддржува предлогот да дојде на дневен ред и да се отвори прашањето, по што сите треба да се согласат.Аргументите се за укинување на Пржинската влада и со тоа покажуваме дека времето е созреано, институциите функционираат, веќе немаме не се заробени институции, немаме квалификација на заробена држава и време е да го тргнеме она што значи на Пржински договор и да имаме таканаречена техничка влада, избори во рок од минимум 60 до максимум 90 дена, кои ги спроведува владата што е актуелна и така е во сиот нормален демократски свет, истакна Калеска Ванчева.Таа додаде дека сите останати политички партии ќе го сфатат ова и на крајот ќе има консензус со вистински аргументи, зошто треба да се поддржи таквото законско решение.Атмосферата е зрела за отворање на вистинска дебата да видиме, што на ова општество му е најфункционално во смисла на парламентарна демократија, мора да се отвори широка и експертска дебата, и тоа во собранието, како највисок законодавен дом, каде сите прашања поврзани со изборите, со политиките, законите мора да бидат отворани и затворани, порача Пратеничката на СДСМ Снежана Калеска Ванчева, во емисијата „Вин Вин“ на телевизија Телма.

Македонија | пред 4 години

Левица го поднесе предлог-законот за изменување на Законот за минимална плата до Собранието

На денешната прес-конференција, пратеникот Борислав Крмов објави дека политичката партија Левица го поднесе до Собрание предлог-законот за изменување на Законот за минимална плата, кој е доставен од Сојузот насиндикати од месец декември.„Се работи за предлог-закон за изменување на Законот за минимална плата, кој што е предложен од Сојузот на синдикати. Иако им било ветено дека овој предлог ќе биде донесен во јануари, тој сѐ уште не е усвоен. Целта на овој закон е минималната плата, која е 15.000 денари, да се донесе до 18.000 денари, што би било околу 60% од моменталната просечна плата. Со овој предлог се интервенира минималната плата цело време да не биде пониска за 60% од просечната плата.Потрошувачката кошница за декември била дури 35.000 денари, што значи денеска едно просечно четиричлено семејство со две минимални плати не може ни да се издржува.” - потенцира пратеникот Крмов.”

Македонија | пред 4 години

Шест лица противзаконски доцртале кат на зграда во Свети Николе

Надворешната канцеларија за криминалистички работи Свети Николе поднесе кривична пријава против Ј.A.(73) од Свети Николе, поради постоење основи на сомнение за сторено кривично дело „поттикнување во врска со фалсификување исправа“, потоа Т.Г.(68) и И.П.(63) од Кавадарци, овластени инженери-архитекти во две правни лица, како и против З.С.(59), Б.С.(64) и Д.Ј.(52), тројцата вработени во Секторот за урбанизам, заштита на животна средина, комунални работи и оттуѓување на градежно земјиште во локалната самоуправа на oпштина Свети Николе, поради постоење основи на сомнение за сторено кривично дело „злоупотреба на службената положба и овластување“.Имено Ј.А., во својство на физичко лице, во текот на 2019 година поднела барање за изготвување на основен и идеен проект за изградба на деловен објект на ул.„Плоштад Илинден“ во Свети Николе, спротивно на изводот од ДУП-от, каде за градежната парцела била предвидена градба П+2 ката, додека барањето било за градба П+2+поткровје. Т.Г. ја злоупотребил својата службена положба и ги пречекорил границите на своите овластувања изготвувајќи Идеен и Основен проект за изградба на објект со површина П+2 ката и дополнително ставил уште еден кат (поткровје) со висина 2,70 метри.И.П., пак, ја злоупотребил својата службена положба и ги пречекорил границите на своите овластувања изготвувајќи позитивен Извештај за ревизија, со кој го потврдил изготвениот основен проект, фаза архитектура, како проект изготвен согласно деталниот урбанистички план. Така изготвената фалсификувана проектна документација, заедно со Барањето за издавање на одобрение за градење, Ј.А. ја употребила во општина Свети Николе, за издавање на одобрение за градење, при што З.С., Б.С. и Д.Ј. ја злоупотребиле службената положба и ги пречекориле границите на своите овластувања, издавајќи Одобрение за градење спротивно на Законот за градење и Деталниот урбанистички план.Со наведените дејствија второ, трето, четврто, петто и шестопријавениот, во име и за сметка на првопријавената, овозможиле истата да се стекне со уште една спратна висина-поткровје, со површина од 85 метри квадратни во износ од околу 3.600.000 денари според пазарната вредност.

Македонија | пред 4 години

(ВИДЕО) Најблиските се збогуваа со Аки

Денеска во Алејата на великаните на загрепските гробишта Мирогој, членовите на семејството, најблиските пријатели и колеги се простија од Аки РахимовскиОсвен семејството, сопругата, синот Кристијан и ќерката Едина, први пристигнаа членовите на бендот со Хусеин Хасанефендиќ Хус, потоа Џибони, Никша Братош, Дино Јелушиќ, Нено Белан, Нина Бадриќ, Маријан Бркиќ, Јурица Паѓен и други.Пред ковчегот на Аки имаше посвета со стиховите „Нашата улица е тажна од кога не си овде… Зошто тажната песна ја пеат оние што остануваат“, од песната на „Моја је пјесма лагана“ од „Парни ваљак“. Венецот во форма на срце исто така беше поставен пред ковчегот на последното збогување, кој ја носеше пораката на неговата двегодишна ќерка Антонија: „Тато, те сакам. Антонија“.

Магазин | пред 4 години

1.861 заразен со ковид

Министерството за здравство информира, согласно податоците од Институтот за јавно здравје дека во последните 24 часа:Направени се 5.446 тестови, а регистриран е 1.861 нов случај на КОВИД-19: Скопје – 908, Битола – 115, Кавадарци – 100, Куманово – 88, Тетово – 75, Прилеп – 69, Велес – 54, Струмица – 50, Гостивар – 45, Охрид – 41, Штип – 37, Гевгелија – 34, Неготино – 32, Свети Николе – 23, Кичево – 22, Струга и Ресен – по 20, Радовиш – 18, Кочани и Крива Паланка – по 16, Валандово – 15, Делчево – 11, Богданци – 9, Виница, Македонска Каменица, Демир Капија и Пехчево – по 5, Берово, Дебар и Македонски Брод – по 4, Пробиштип и Демир Хисар – по 3, Кратово и Крушево – по 2, Дојран – 1.Од вкупниот број на позитивни (1.861), регистрирани се 242 реинфекции, од кои една е втора реинфекција.Регистрирани сe 7.273 оздравени пациенти од: Скопје – 4.208, Битола - 582, Прилеп – 317, Охрид – 302, Струмица – 176, Куманово – 170, Тетово – 143, Кавадарци – 136, Струга – 107, Гевгелија – 105, Велес - 92, Крушево – 84, Гостивар – 82, Кичево – 72, Валандово – 71, Штип – 67, Ресен – 66, Неготино – 59, Делчево – 58, Кочани – 57, Радовиш – 54, Крива Паланка – 41, Берово – 34, Кратово – 31, Свети Николе – 25, Демир Хисар – 24, Богданци – 23, Македонски Брод – 17, Виница – 16, Македонска Каменица – 15, Пробиштип – 12, Пехчево – 9, Демир Капија – 8, Дојран – 7, Дебар – 3.Во текот на изминатите 24 часа, регистрирани се 22 починати лица: 9 починати лица од Скопје (68г, 73г, 77г, 81г, 82г, 84г, 84г, 86г и 87), по 3 починати од Кавадарци (69г, 78г и 88г) и Битола (66г, 67г и 73г) и по едно починато лице од Демир Капија (73г), Куманово (86г), Неготино (87г), Прилеп (22г), Струга (76г), Струмица (73г) и Тетово (58г). Од пријавените лица, 21 се починати во болнички услови, а едно лице во домашни услови.Согласно Регистарот на умрени лица со дијагноза КОВИД-19 од Мој Термин, пријавени се 5 починати лица од: Охрид (2), Скопје (1), Прилеп (1) и Гевгелија (1) на возраст од 39г до 90г. Пријавените се починати во период од 17.01.2022 до 25.01.2022г. Од пријавените лица три се починати во болнички услови, а две лица во домашни услови.Од вкупниот број на починати лица (n=27), шест лица се целосно вакцинирани, а кај 24 се регистрирани коморбидитети.Направени се 5.446 тестови преку: ИЈЗ-451, ЦЈЗ Скопје-84, ЦЈЗ Битола-89, ЦЈЗ Прилеп-55, ЦЈЗ Тетово–16, ЦЈЗ Куманово-100, Клиника за инфективни болести и фебрилни состојби-0, Судска медицина-0, лабораторија болница Козле-16, УК Пулмологија со алергологија –0, ГОБ 8-ми Септември-0, Институт за микробиологија–176, Жан Митрев (Филип Втори)-169, Авицена-196, Биотек-273, Систина-109, лабораторија Лаор-109, Синлаб-42, Ремедика-20, Плодност-83, Генеа-25, Никоб Лаб-690, ВФВ Медикал-73, Ели Медика-74, Ројал Медика–18, Спектра-ММ-24, Рапид Лаб–38, Жан Митрев Струмица–12, Нова Лаб Дијагностика–25, Рамус-46, ЈЗУ и ПЗУ (рапид тест) – вкупно 2.433.Досега во земјата се направени вкупно 1.767.491 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 263.206, бројот на оздравени пациенти е 238.452, на починати е 8.312, а бројот на активни случаи изнесува 16.442.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 119472, Активни 8507Куманово 14578, Активни 680Прилеп 12586, Активни 538Битола 12490, Активни 1224Тетово 12232, Активни 476Кавадарци 8711, Активни 671Гостивар 8675, Активни 312Велес 8329, Активни 421Охрид 7833, Активни 370Штип 7438, Активни 299Струмица 7078, Активни 355Кичево 4869, Активни 259Кочани 4561, Активни 218Струга 4324, Активни 177Гевгелија 3668, Активни 368Неготино 3077, Активни 231Свети Николе 2395, Активни 124Ресен 2312, Активни 208Радовиш 2190, Активни 160Крива Паланка 2168, Активни 84Делчево 1734, Активни 130Берово 1630, Активни 73Дебар 1496, Активни 18Валандово 1329, Активни 118Виница 1274, Активни 47Пробиштип 1243, Активни 31Кратово 870, Активни 30Богданци 843, Активни 79Крушево 814, Активни 48Демир Хисар 761, Активни 54Македонски Брод 625, Активни 29Македонска Каменица 492, Активни 36Демир Капија 483, Активни 26Пехчево 418, Активни 30Дојран 208, Активни 11

пред 4 години

Кој јадел бифтеци, пршути, лососи со градски пари

Додека СДСМ блефира и манипулира со јавноста дека Македонија е најдобро рангирана според извештајот на „Транспаренси интернешнал“, денес имаме нов доказ кој покажува зошто Македонија е повторно во групата земји со највисока перцепција за корупција во Европа, рече портпаролката на ВМРО-ДПМНЕ, Марија Митева.Како што кажа таа, на сметка на Град Скопје за време на локалните избори советниците и припадници на противпожарната бригада се гоштевале по ресторани. Таа посочи дека се нарачувале бифтек таљати, пршути, лососи, медаљони, специјална нарачка фрути ди маре во вредност од 8.600 денари.-Според наведеното во барањето за одобрување средства за репрезентација, лицето Владимир Симоновски, командант на противпожарната бригада, навел дека репрезентациите се искористени за гости од странство при промоција на скалата возило – наведе Митева.Партиската портпаролка ја спомена и претседателката на Советот на Град Скопје, Љубица Јанчева, која, како што рече, за време на кампањата за локални избори, од сметка на градот потрошила 39.700 денари за репрезентација во еден ексклузивен угостителски објект на кејот на Вардар.

Скопје | пред 4 години

Какви закани добивала Русковска

Шефицата на Обвинителството за гонење организиран криминал и корупција, Вилма Русковска, пред еден месец добила две писма со закани по живот, објави Дојче веле.Случајот го пријавила веднаш во Министерството за внатрешни работи, по што добила дополнително обезбедување, согласно законот.  Таа сѐ уште чека информации од полицијата дали е откриено кој стои зад заканите.„Писмата пристигнаа околу 23-24 декември минатата година. Заканите беа во смисла дека невини и угледни граѓани се во затвор, а ‘криминалците Зоран и Вице Заеви’ биле на слобода. Ако веднаш не ги осудам ќе бидам убиена. Двете писма беа во таа смисла“, вели Русковска за Дојче веле.

Македонија | пред 4 години

Димитриевски го повредил интегритетот на БиХ, Рамчиловиќ бара извинување

Општина Куманово и нејзиниот градоначалник Максим Димитриевски направиле „грубо кршење и непочитување на територијалниот интегритет и суверенитет“ на Босна и Херцеговина, на средба по повод празникот Свети Сава, помеѓу претседателката на Република Српска и градоначалникот Димитриевски.Ова го тврди Зеќир Рамчиловиќ, пратеник и претседател на групата за пријателство помеѓу парламентите на Република Северна Македонија и Босна и Херцеговина, во отворено писмо до јавноста.„На средба од меѓународен карактер задолжителна е употреба на знамето на државата од која доаѓа високиот гостин, во случајот задолжителна е употреба на државното знаме на Босна и Херцеговина. Што во овој случај не беше направено, туку се користеше знаме на еден нераскинлив дел од Босна и Херцеговина. Знамето на Босна и Херцеговина е симбол со кој се претставува државноста на меѓународни средби и ваквите пропусти и грешки, намерни или ненамерни, не смеат да се случуваат. Особено во ова време во кое сѐ позачестени се сецесионистичките намери на дел од власта и политичарите на Србите од Босна и Херцеговина, кои можат да доведат до катастрофлни последици“, пишува Рамчиловиќ.На средбата, освен споменатите, присуствувале и амбасадорот на Босна и Херцеговина во Република Северна Македонија, Драган Јаќимовиќ, како и пратениците од српската заедница во Собранието на РСМ, Иван Стоиљковиќ и Мирослав Јовановиќ и други јавни личности. Рамчиловиќ ја поздравува средбата, но предупредува:„Со ваквиот чин од страна на Општина Куманово се нанесува штета врз добрите и пријателските односи помеѓу Босна и Херцеговина и Северна Македонија, иако нашата држава во секој поглед го подржува и го смета за неприкосновен територијалниот интегритет и суверенитет на Босна и Херцеговина. На средбата кај претседателот на Северна Македонија, Стево Пендаровски, не се случија вакви пропусти, при што согласно протоколите се користеше државното знаме на Босна и Херцеговина согласно државата од која доаѓа високата делегација“.Рамчиловиќ бара градоначалникот на општина Куманово, Максим Димитриевски, јавно да се им се извини на сите граѓани на нашата држава, особено до сите граѓани чија матична држава е Босна и Херцеговина. Пратеникот очекува амбасадорот на Босна и Херцеговина да се огради од вакво грубо непочитување на Босна и Херцеговина на средбата.

Македонија | пред 4 години

Граѓаните се организираат на протест против сообраќајното насилство

Во недела на 30 ти јануари на булеварот „Партизански одреди“ ќе се одржи мирен протест во знак на револт кон сообраќајното насилство и начинот на кој се третирани пешаците и сите учесници во сообраќајот, кои се придржуваат до правилата.Во поканата до граѓаните стои дека токму поради последните случувања на улиците и пешаците како жртви, со почеток од 12 до 13 часот ќе се оддржи мирен протест на раскрсницата на бул.”Партизански одреди” кај Сити Мол.„Достоен и јавен собир каде што ќе оддадеме почит кон Викторија Николова како последна жртва во ваквото сообраќајно насилство, а воедно и ќе оддадеме почит кон сите жртви во вакви и слични сообраќајни несреќи. Нашата цел е единствена, а тоа е да се стави КРАЈ на бeзобзирното возење ни улиците во државата и да ја подигнеме свеста на учесниците во сообраќајот дека нашите деца, а и самите ние треба да се движиме слободно на пешачките зони и по тротоарите, зато што тоа е единственото место каде што пешаците треба да се чувствуваат слободно“, стои во поканата на Фејсбук.

Скопје | пред 4 години

Обвинителство бара притвор за осомничениот за сообраќајката во Ново Лисиче

Основното јавно обвинителство Скопје донесе Наредба за спроведување истражна постапка против 21-годишен скопјанец за кого постои основано сомнение дека сторил – Тешки дела против безбедноста на луѓето и имотот во сообраќајот согласно член 300 став 2 во врска со член 297 став 1 од Кривичниот законик.На 26 јануари околу полноќ, осомничениот управувал автомобил „Рено меган“ со скопски регистарски ознаки на булеарот „Видое Смилевски Бато“ во Скопје, во насока од запад кон исток. Притоа не се придржувал кон сообраќајните прописи – со автомобилот управувал со брзина поголема од 50 километри на час што е максимално дозволена во населено место и под дејство на алкохол со концентрација од 0,57 промили алкохол во крвта. Кога се приближил до крстосницата со сервисна улица која води кон трговскиот центар „Лиса“, тој навлегол во крстосницата на вклучено црвено светло кое означувало забрана за минување во неговиот правец на движење.Со предниот дел на возилото осомничениот удрил во страничниот лев дел на автомобил „Фолксваген поло“ со скопски регистарски ознаки, кој се движел од сервисната улица кон булеварот. При несреќата, возачот на автомобилот „Фолксваген“ се здобил со тешки телесни повреди и починал на лице место, а неговата 15-годишна ќерка, сопатничка во автомобилот, се здобила со тешки телесни повреди.Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за осомниченото лице, ценејќи дека има можност тој да се даде во бегство, да се обиде да влијае врз сведоците во постапката или да го повтори делото.​​

Македонија | пред 4 години

Во Струмица годинава ќе има карневал

ековната струмичка традиција – Карневалот продолжува оваа година. Тоа е моја и желба на Организациониот одбор, а и на струмичани. Оваа традиција не смее да има долга пауза затоа што ќе ги демотивира карневалските групи за изработка на маски и учество во карневалското дефиле, вели градоначалникот на Струмица, Костадинов.„Но заради пандемијата во којашто се наоѓаме, карневалот ќе биде од локален карактер, а како гости ќе бидат поканети по еден претставник од карневалските групи од странство кои најчесто доаѓаа на струмичкиот карневал и со кои имаме долгогодишна соработка.Карневалските празнувања ќе започнат на 2 март со предавање на клучот од градот на карневалџиите, а ќе завршат на 9 март на празникот Тримери со тримерски ручек и враќање на истиот со почитување на мерките и протоколите за заштита од Ковид 19.Во овие 8 денови ќе ги има традиционалните карневалски содржини, концерт под маски на музичкото училиште „Боро Џони“, маскенбал, детски карневал, бел грав на градскиот плоштад, доделување на награди на најдобрите карневалски маски, афоризми, карикатури и литературни творби на тема карневал, карневалско село – забава на плоштадот, а ќе биде промовирана и Монографија по повод 30 – годишниот јубилеј.Од срце за нашата вековна карневалска традиција“, додаде тој.

Македонија | пред 4 години

Ќе се приватизира дел од Езерото Младост?

Во понеделник ( 31 јануари) ја закажавте 8-мата седница на Совет. Од многуте важни точки на дневен ред, за мене лично, суштинска е онаа со која вашето мнозинство предвидува оттуѓување( продажба или приватизација) на дел на Езерото Младост кој се наоѓа над самиот асфалтен пат. Се работи за супер атрактивен општински имот кој ќе го купат луѓе кои имаат многу пари. Класика. Приказна која ја читаме и ја живееме како реалност во последните 30 години, вели Советникот од Левица во Општина Велес, Игор Смилев.„И тука не гледам проблем. Идеологијата на светото тројство ДПМНЕ/ДУИ/СДС е таа. Поданици на Парите, бизнисот и , профитот. Ќе си го продадете општинскиот имот за грст златници.Ок е тоа. Не се менува карактер и начин на владеење. Капа долу за истрајноста на вашиот карактер и опстојот на вашата идеологија.Знам, од продадените плацеви на езеро, Општината ќе прибира данок и од него ќе бидеме побогати , попросперитетни, почисти, помалку загадени, попошумени, посигурни, еколошки напредни и.т.н..Знам, јас сум тој лошиот кој не сака нов данок да се слева во општинската каса. Јас сум тој проклет реакционер кој не препознава авангарда , туку залутал во ретровизорот на својот живот и во оковите на утопизмот. Јас сум урбанистички лаик кој не разбира носење редовна програма за урбанистичко планирање на која ете и дошол денот да се реализира со ненадејна заинтересираност за продажба.А да, јас сум од Левица, а тие ОД ЛЕВИЦА нели знаат само да мрчат, да критикуваат, да навредуваат. Некултурни, непрокопсани, невоспитани едни.И да, веројатно сте во право. Такви сме. Ама, карактер јбг. Како вашиот, така и нашиот карактер не се менува.И да, не грижете се, ќе си го изгласате во понеделник сето ова. Заедно со тврдокорните вмровци од ДУИ.Седницата секако нема да оди во живо, ќе биде on line, оти нели корона владее, па на раат ќе си го одработите она кое се бара од вас со совршено алиби.А после репризирајте си ја седницата колку сакате. И онака резилот и глупоста заслужуваат да се видат повеќепати.И онака сме навикнати на репризи - Бабуна, Водно, Езеро Младост, Шар Планина, Бреза, Огражден, Беласица, Кожуф........Башка, не заборавајте, огромен број луѓе и еден куп фирми после големиот пожар даваа пари за пошумување на езерото, а не за градење. Е, ама нивните пари не носат данок за градот.Ах да, за малку ќе заборавев зошто ВИ се обратив вам.Сетете се драги мои кога за време на предизборната кампања ( октомври 2021) вие двајца стоевте на брегот на езерото Младост. Гледавте кон другата( поурбана страна) на езерото. Со гнев и жал констатиравте пред четворица сведоци( ако ни дозволите и ќе ги повикаме на седница) дека никогаш повеќе нема да дозволите понатамошно урбано уништување на езерото. Едноставно, се згрозивте од глетката наспроти вас.Три месеци после тоа( 31 јануари) ве згрозува,или ве зачудува ставот на Левица за референдум по ова прашање.Нашите универзуми се сурово различни. Со различни очи гледаме на светот. Се ќе помине, другари мои.И убавото и грдото. И она што го сакаме, и она што не го сакаме.На крајот Ве поздравувам со еден прекрасен стих од Руми :„Нека вашата добрина биде како дождот,на кому е сеедно врз кого ќе падне„Ако веќе грешите, барем останете добри“, додава тој.

Коментари | пред 4 години