ТОП

Јовески: Сопственикот на „Беса транс“ соработува со надлежните органи

Јавниот обвинител во интервју за Радио Слободна Европа објаснува дека семејствата на загинатите патници можат да поднесат жалба до бугарското обвинителство и да побараат да ги разгледаат списите во случајот „Беса транс“.„Обвинителството неколку пати истакнуваше дека паралелно со овој предмет во Република Бугарија, отвори паралелна постапка и тука во Република Македонија. Во оваа постапка издадени се повеќе наредби од страна на јавниот обвинител кој постапува по предметот и тоа до Министерството за внатрешни работи, до Царинската управа, потоа до Управата за јавни приходи, до Централниот регистер, Бирото за вработување, со намера целосно да го согледа работењето на фирмата којашто го организирала оваа патување и го вршела превозот, а особено во делот како автобусот ги поминувал границите на Република Македонија и границите на соседните земји во делот на техничката исправност на овој автобус и неговата регистрација и лиценци и други околности кои се од значење за донесување на јавно-обвинителска одлука.Од сознанијата што јас ги имам сопственикот на Беса транс, Беким Хаџиу е достапен на Обвинителството и од страна на неговиот адвокат и од страна на обвинетиот изјавена е согласност дека тој сака да соработува со надлежните органи во делот на утврдување на причините и околностите кои доведоа до оваа сообраќајна несреќа“, вели Јовески

Македонија | пред 4 години

Ќе успее ли нова жичара да ја спаси Попова Шапка

На jавна трибината, како што извести СДК, се расправа за иднината на Попова Шапка, во кој правец треба да се развива и што треба да биде приоритет. Јавната расправа била иницирана од градоначалникот на Општина Тетово Билал Касами, кој вели дека иако мастерпланот за Попова Шапка е направен уште пред десетина години, сè уште не е донесен Детален урбанистички план (ДУП) за овој туристички центар, што е и една од главните причини за негова стагнација изминативе години.„Сметаме дека најпримарна точка е изградбата на жичарата Тетово-Попова Шапка. Ако успееме неа да ја изградиме, тогаш сите проблеми на Попова Шапка како домино ефект ќе се решат, еден по друг. Исто така, ние бараме Деталниот урбанистички план паралелно да се изработи и за викенд-населбата, делот на хотелите заедно со скијачките патеки. Не можеме да имаме скијачки патеки за 30.000 посетители, а да немаме доволно легла и паркинг-места. Ќе бараме во Деталниот урбанистички план да се предвиди добивање маркици за изградба на хотели, со цел да се зголеми сместувачкиот капацитет“, изјави Хамди Сулејмани од движењето „Да ја спасиме Попова Шапка“.

Македонија | пред 4 години

Недостаток на доктори и сестри во Штип, не може да се отвори модуларната болница

15 доктори и сестри во Штип се позитивни на ковид-19, па поради тоа не може да се реактивира на модуларната болница, па Клиничката болница бара други алтернативи и поголемо активирање на болниците во регионот.„Поради немање доволен кадар кој исто така е заболен, во овој период не можеме да сметаме на модуларната болница. Затоа, бараме Кочанската болница со која добро соработуваме повторно да излезе во пресрет и да ги вклучи своите кадровски и просторни капацитети за прием на заболени од ковид-19. Ние пермаментно примаме пациенти од повеќе градови во Источна Македонија, најмногу од Кочани и Радовиш“, вели директорот на Клиничката болница во Штип, Ален Георгиев, во изјава за СДК.МКЦелиот текст можете да го прочитате тука

Македонија | пред 4 години

Отчетот на Данела се состои од тоалет и една нивелација на шахта, вели СДСМ

Измина и 82-от ден од мандатот на најнеспособната градоначалничка на Скопје Данела Арсовска чиј отчет се состои од тоалет како нејзин проект и една нивелација на шахта, вели СДСМ„Едно нешто е јасно, Данела Арсовска е најнеуспешниот градоначалник којшто го имал Скопје.Арсовска нема реализирано ништо од дадените ветувања пред граѓаните.Бесплатен превоз нема, напротив, воведе билет од 120 денари, а потоа бараше финансиска помош од Владата за ЈСП.Нема ниту пет нови мега паркови, депониите си стојат, не се чисти, нема никаква помош за скопјани во услови на енергетска криза, нема сопствени проекти од нејзината програма.Градоначалничката од ВМРО-ДПМНЕ вети и професионализација на администрацијата, но спроведе груба партизација, полнење на установи и претпријатија со кадри на ВМРО-ДПМНЕ и ќе потроши 670.000 евра за вдомување на 109 партиски кадри во Град Скопје.Граѓаните сведочеа само прекинување на готови проекти како оној за Бас рапид транзит, поништување огласи за пожарникари.Арсовска работи исклучиво на штета на граѓаните и свесно го кочи напредокот на Град Скопје.Граѓаните и Скопје не заслужуваат ваков неспособен и неуспешен градоначалник“, се вели во соопштението.

Скопје | пред 4 години

Повторно прегазен пешак во Скопје, автомобилот заврши во бандера

Синоќа околу 23 часот во близина на постојката пред општина Кисела Вода автомобил удри човек. Повредениот падна на асфалтот на Булеварот Борис Трајковски, на коловозната лента која води кон центарот на Скопје, објави телевизија Телма.Неколку минути по ударот, пристигна тим на Итната помош, а по првична укажаната медицинска грижа, повредениот е префрлен во една од скопските болници.Автомобилот кој го повреди по ударот заврши во бандера во близина на местото на сударот.

Скопје | пред 4 години

Сведоштва за сообраќајката во која беше повредена велосипедистка

Граѓанската иницијатива „На точак“ објави детали за сообраќајката во петокот, кога автомобил удри во велосипедистка.„Ни пишаа приватна порака сведоци на сообраќајниот удар од петокот, на Илинденска, во кој автомобил удри велосипедистка.Според очевидци возачот со автомобилот излегувал од паркингот, возел во забранета насока на ул. Наум Наумовски Борче и кога сакал да се приклучи на Илинденска удрил во велосипедистката, која возела по велосипедско-пешачката патека на Илинденска.Од ударот велосипедистката паднала и се жалела на повреда на ногата, по што дошло амбулантно возило да ја провери нејзината здравствена состојба. Бидејќи немала посериозни повреди не била однесена со амбулантното возило до клиника. Полиција дошла за да направи записник и да земе изјави од очевидци. Се надеваме дека велосипедистката е добро и ги охрабруваме сите кои учествуваат во сообраќајни судири да пријавуваат во полиција.Само така ќе знаеме колку од нас сме жртви во сообраќајот и ќе може полицијата и општинските власти да ги подобруваат условите за нашето движење.Бараме Министерство за внатрешни работи да истражи повеќе за причините кои довеле до судирот, да води детална евиденција за настанот. Бараме Општина Центар да види како може да ги подобри условите за да не можат возачите на автомобили да се приклучат од паркингот на Илинденска, притоа возејќи во забранета насока. Бараме Град Скопје да види дали има можност да се зголеми видливоста на велосипедистите кои се движат по Илинденска, да ги тргне слободните зелени светла за вртење десно, да ги намали растојанијата потребни да се преминат пешачките премини, да го намали радиусот на вртење на колите и да го зголеми времетраењето на зеленото светло за пешаци.Пред се се надеваме дека сите овие институции ќе согледаат дека поради нивна неажурност луѓе ги губат животите или остануваат со трајни последици предизвикани од небезбедност во сообраќајот.А сите ве повикуваме на протест за да се крене вниманието за сите жртви во сообраќајот и да се стави крај на сообраќајното насилство“, велат од иницијативата „На точак“.

Скопје | пред 4 години

Шилегов си имал и свое посебно мени, а главно јадење било бифтек на путер, вели ВМРО-ДПМНЕ

Забавите и гоштевањата на Шилегов и Јанчева граѓаните ги чинат над илјадници евра. Наместо пари за проекти за скопјани, Шилегов се расфрлал пари за гоштевање и скапи пијалоци, вели ВМРО-ДПМНЕ.„Стари пијалоци, скапи вискија биле на менито на забавата на Шилегов и Јанчева. Целосна злоупотреба на парите на граѓаните, пари прибрани во градската каса од даноци.На оваа прослава, како и што „личи“ Шилегов си имал свое посебно мени, како главно јадење било бифтек на путер.Луксузирања и трошење на пари на граѓаните за гоштевање се заштитен знак за СДСМ и нивните функционери.Од документите јасно се гледа дека и покрај луксузирањето Шилегов и Јанчева не ги почитуваат и законите и владеењето на правото во државата.И покрај забелешките од секторот за финансии на Град Скопје до поранешниот градоначалник Шилегов и тогашниот секретар на Град Скопје Викторија Аврамовска Мандиќ дека фактурата за скапата прослава се однесувала за услуги за кои нема склучено договор во 2019 година, при што јасно се укажува дека сето тоа е спротивно на Законот за внатрешна финансиска контрола, да се доставува фактура со архивска дата од претходна година.И покрај забелешките, тогашната претседателка на Совет на Град Скопје ја потпишала фактурата од 91.560 денари.Ниедно бледо соопштение на СДСМ нема да ја сокрие вистината за тоа како се трошеле парите на скопјани. За секој потрошен денар на граѓаните на скапи пијалоци, гоштевања, забави и криминал ќе има одговорност“, се вели во соопштението.

Скопје | пред 4 години

Собир пред “Сити мол” организира повредениот дечко на Викторија која загина кај “Сити мол”

Денес во 12 часот ќе се одржи мирен јавен собир на раскрсницата на бул. Партизански Одреди, кај Сити мол, каде загина 24-годишната Викторија. Собирот го организира дечкото на Викторија кој беше лесно повреден во истата сообраќајна несреќа.„Ве повикуваме во недела, сите кои ја знаете или не ја знаете лично Викторија, кои имате близок настрадан во сообраќаен судир или удар, кои самите сте настрадале или кои сте свесни за нехуманоста на скопските улици, да се придружите на мирниот собир во чест на Викторија чиј живот беше одземен на градска улица, во населено место, и тоа на пешачки премин.Почит за блиските на Викторија кои самоиницијативно не само што оддаваат почит кон одземениот живот, туку и апелираат за спречување на сообраќајното насилство. Таа нека биде последниот одземен живот од сообраќајни насилници!Се придружуваме на нивниот апел „да се стави КРАЈ на бeзобзирното возење ни улиците во државата и да ја подигнеме свеста на учесниците во сообраќајот дека нашите деца, а и самите ние треба да се движиме слободно на пешачките зони и по тротоарите“....Да го препознаеме слонот во собата и да престанеме да релативизираме!Одговорноста кај луѓето со тело во облека и луѓето со тело во 2 тонски-метален оклоп кој развива големи брзини и има голема ударна енергија која убива, не е и не може да биде иста!Соодветното планирање на улиците и казните од полицијата мора да ги скротат неодговорните управувачи на моторно возило, оние кои насилно возат по улиците.Овие последни случаи на насилно одземени животи нека бидат аларм за локалните и централните власти!"Да разјасниме: ако сте во позиција да ги намалите брзините во градовите и не го направите тоа, и вие сте исто така одговорни за личните трагедии“Да ги направиме нашите улици место каде ќе се живее безбедно и пријатно, а не каде што ќе се убива“, стои во објавата на социјалните мрежи.

Скопје | пред 4 години

1837 новозаразени со ковид, починаа 24 лица

Министерството за здравство информира, согласно податоците од Институтот за јавно здравје дека во последните 24 часа:Направени се 6.647 тестови, а регистрирани се 1.837 нови случаи на КОВИД-19:Скопје – 890, Битола – 104, Кавадарци – 95, Куманово – 81, Тетово – 68, Прилеп и Струмица – по 60, Гостивар – 45, Неготино – 42, Велес – 40, Радовиш – 36, Штип и Гевгелија – по 32, Охрид – 31, Кичево и Кочани – по 29, Ресен – 22, Струга и Делчево – по 21, Крива Паланка – 17, Свети Николе – 16, Богданци – 15, Валандово – 13, Македоснки Брод – 7, Пробиштип и Кратово – по 6, Виница – 4, Берово, Крушево и Македонска Каменица  - по 3, Демир Капија и Пехчево – по 2, Демир Хисар и Дојран – по 1.Од вкупниот број на позитивни (1.837), регистрирани се 246 реинфекции.Регистрирани сe 85 оздравени пациенти од: Берово – 26, Скопје – 22, Кочани – 13, Пехчево – 12, Тетово – 6, Битола, Струмица, Кичево, Гевгелија, Кратово и Крушево – по1.Во текот на изминатите 24 часа, регистрирани се 24 починати лица: 7 починати лица од Скопје (61г, 67г, 67г, 72г, 82г, 83г и 83г), 4 починати од Куманово (69г, 75г, 80г и 90г), 3 починати лица од Струмица (66г, 71г и 78г), по 2 починати лица од Охрид ( 48г и 69г ) и Кочани (78г и 82г) и по едно починато лице од  Прилеп (66г), Битола (81г), Велес (73г), Штип (69г), Свети Николе (72г) и Пробиштип (80г). Од пријавените лица сите се починати во болнички услови.Согласно Регистарот на умрени лица со дијагноза КОВИД-19 од Мој Термин, нема пријавени починати лица.Од вкупниот број на починати лица (n=24),  девет лица се целосно вакцинирани, а кај 23 се регистрирани коморбидитети.Направени се 6.647 тестови преку: ИЈЗ-454, ЦЈЗ Скопје-93, ЦЈЗ Битола-116, ЦЈЗ Прилеп-53, ЦЈЗ Тетово–12, ЦЈЗ Куманово-98, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–158, Жан Митрев (Филип Втори)-148, Авицена-280, Биотек-327, Систина-106, лабораторија Лаор-272, Синлаб-55, Ремедика-17, Плодност-77, Генеа-28, Никоб Лаб-723, ВФВ Медикал-158, Ели Медика-75, Ројал Медика–48, Спектра-ММ-27, Рапид Лаб–38, Жан Митрев Струмица–28, Нова Лаб Дијагностика–35, Рамус-41, ЈЗУ и ПЗУ (рапид тест) – вкупно 3.180.Досега во земјата се направени вкупно 1.779.972 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 266.937, бројот на оздравени пациенти е 239.666, на починати е 8.362, а бројот на активни случаи изнесува 18.909.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 121321, Активни 9614Куманово 14770, Активни 836Прилеп 12700, Активни 598Битола 12699, Активни 1368Тетово 12357, Активни 577Кавадарци 8918, Активни 863Гостивар 8756, Активни 376Велес 8431, Активни 511Охрид 7905, Активни 413Штип 7496, Активни 347Струмица 7183, Активни 440Кичево 4923, Активни 299Кочани 4613, Активни 232Струга 4360, Активни 202Гевгелија 3730, Активни 415Неготино 3165, Активни 301Свети Николе 2423, Активни 148Ресен 2355, Активни 238Радовиш 2248, Активни 210Крива Паланка 2201, Активни 105Делчево 1763, Активни 147Берово 1644, Активни 57Дебар 1499, Активни 20Валандово 1359, Активни 147Виница 1284, Активни 49Пробиштип 1252, Активни 37Кратово 878, Активни 29Богданци 868, Активни 101Крушево 819, Активни 44Демир Хисар 762, Активни 52Македонски Брод 635, Активни 35Македонска Каменица 497, Активни 34Демир Капија 489, Активни 30Пехчево 424, Активни 22Дојран 210, Активни 12

пред 4 години

Ангелов доби поддршка од Мицкоски и Ковачевски за праведно обесштетување на четворицата бранители од 2001 година

Стојанче Ангелов заедно со воени инвалиди, бранители од 2001 година одржа прес конференција, на која изјави дека ја продолжува битката за иницијативата за праведно обесштетување на четворицата ранети бранители од 2001-та година.„Во текот на 2001 година одредени припадници на безбедносните сили беа ранети, а некои ги загубија животите. Ччленови на семејствата на загинатите бранители, но и воени инвалиди поднесоа тужби против МВР и министерството за одбрана. Првостепените судови без исклучок пресудуваа во корист на воените инвалиди и во корист на семејствата на загинатите, со што доделуваа одреден паричен надомест, како нематеријална штета за претрпена загуба на блиско лице или за намалена животна активност, претрпен страв.Апелационите судови ги потврдија сите пресуди, по што започна исплатата. За жал неколку години подоцна врховниот суд го поништи основот по кој што воените инвалиди и семејствата на загинатите беа обештетени, после што МВР и министерството за одбрана започнаа со контра тужби а во одредени случаеви и директно со контра извршување кон овие уѓе кои земале паричен надомест. Под силен пиритисок владата на ВМРО-ДПМНЕ во 2009 година донесе одлука со која ги повлече тужбите, но за жал против четири припадници на безбедносните сили тужбите не беа повлечени“, вели АнгеловАнгелов доби поддршка од лидерот на ВМРО-ДПМНЕ Христијан Мицкоски за нивната Иницијатива.„Во текот на оваа недела делегација на Достоинство оствари работна средба со Мицкоски кај кој наидовме на разбирање и недвосмислена директна поддршка за решавање на овој проблем. Свесни дека ова иницијатива повторно може да заглави во владините лавиринти и покрај неспорно позитивната волја на клучните фактори во Владата, ние најавивме и изработка на Предлог-закон за надминување на овој проблем. Законот е во завршна фаза. Од страна на претседателот на ВМРО-ДПМНЕ, Мицкоски добивме уверување и гаранција дека пратеничката група на ВМРО-ДПМНЕ ќе даде поддршка на овој закон“, рече АнгеловТој нагласи дека вчера имал и телефонски разговор со премиерот Димитар Ковачевски, кој, како што рече, исто така дал неспорна поддршка за оваа иницијатива, која треба да ги помине владините процедури.„Останува нашето барање за средба со премиерот Ковачевски во следниот период на која што ќе ја разгледаме оваа иницијатива и можност да помине во владина процедура. Но, доколку повторно не успееме да ја поминеме во владина процедура оваа иницијатива за четирите воени инвалиди коишто со законска камата ја враќаат назад на државата земената оштета, ќе ја предложиме во Собранието како Предлог-закон. Се поставува прашање дали да ја внесеме како граѓанска иницијатива со десет илјади потписи или со поддршка на одреден број пратеници“, посочи Ангелов.Тој додаде дека Достоинство изработи уште една иницијатива за праведно обесштетување на 17 семејства на загинати бранители и на 30 воени инвалиди, коишто за жал до ден денес се уште се необесштетени.Тој посочи дека со сума од 500 до 600 илјади евра државата, како што рече, конечно ќе може да ги затвори прашањата поврзани со воените инвалиди и семејствата на загинатите од 2001 година.

Македонија | пред 4 години

Можно е да ги надминеме оние бројки од 2300 заразени, овој бран се уште не е завршен, вели Мехмедовиќ

Дали ќе имаме повисоки бројки зависи од обемот на тестирање кој што се прави на дневно ниво. Доколку тој не е доволен нема да имаме толку високи бројки“, вели д-р мехмедовиќ во изјава за Канал 5.„Периодот кој следи претпоставувам дека ќе имаме исто ваква тешка епидемоиолошка состојба, во која овие бројки на новозаразени ќе бидат високи. Можно е да ги надминеме оние бројки од 2300 заразени, мислам дека се уште овој бран не е завршен.Омикронот е сериозна варијанта и кога зборувавме на почетокот дека иако има генерално полесни симптоми тоа не значи дека ако е многу висока бројката на новозаразени, дека во апсолутна бројка оние кои што ќе завршат во болница нема да бидат во голем број. Оние кои ќе завршат во болница и не се толку лесни случаи“, вели Мехмедовиќ 

Македонија | пред 4 години

По 13 години одблокирана сметката на Зрновци

Со отплатување на дел од заостанатите долгови и вонсудско спогодување за отпис на каматните обврски, по 13 години е одблокирана буџетската сметка на Општина Зрновци.„Донесовме мудри одлуки, превземавме храбри чекори, Општина Зрновци после 13 години е Општина со деблокирана сметка.Изминатиот период постигнавме вон судски договори со дел од доверителите, исплативме средства по основ на долгови, се обврзуваме на динамичен план за исплата на останати побарувања со цел да заштитиме значителни финансиски средства од Буџетот на Општина Зрновци по основ на камати.Благодарност и пофалба за професионалноста и посветеноста на вработената стручна служба во Локалната самоуправа на Општина Зрновци и конструктивноста и одлучноста на сите советници во Советот на Општина Зрновци!Продолжуваме посветено и одговорно за Економско јакнење на Општина Зрновци, за доброто на сите граѓани на Општина Зрновци“, вели градоначалникот на Зрновци, Борчо Коцев.

Македонија | пред 4 години

Предлогот на Мицковски „рационален парламент“, е копија на предлогот на ЛДП од пред 12 години, вели Милевски

ЛДП во 2010 ја промовира идејата за „рационален парламент“ со 90 пратеници, вели Горан Милевски.„Тоа е запишано и во програмата на ЛДП "Има Излез" - на страна 9.Предлогот на Мицковски даден при вчерашното негово гостување во емисијата 360 степени на Алсат, е копија на предлогот на ЛДП кој е даден уште пред 12 години.Ние знаеме дека идеите на ЛДП во моментот на предлагање се неразбирливи и неприфатливи, но добро е да се знае дека сме пред времето со нашите ставови.Се радуваме што и другите политички чинители конечно разбираат дека на македонската држава и требаат мали и ефикасни институции“, додава Милевски.

Коментари | пред 4 години

Дали Скопје е безбеден град за велосипедисти и пешаци

Дали Скопје е безбеден град за велосипедисти и пешаци? Прашање со едноставен одговор, НЕ Е“, велат од Велосипедски клуб Оксижен и Македонската aсоцијација на планинински велосипедизам МАМБА„Секојдневно сме сведоци на големиот број сообраќајни прекршоци и несреќи во кои многу често трагично завршуваат животите на велосипедистите и пешаците.Апелираме до државните органи, органите на општините, општина Центар и Градот Скопје како и до сите учесници во сообраќајот да го зголемат својот придонес во заштита на животот и здравјето на луѓето. Впрочем тоа е и една од нивните основни обврски како државни органи кој работат во интерес на народот.Министерството за Внатрешни работи континуирано се залага за проактивно спроведување на законските прописи но резултатите се ограничени и без некој видлив резултат напротив се повеќе сообраќајни незгоди и жртви има ширум Скопје и останатите градови во Македонија.Контролата и регулирањето на сообраќајот како огромно значење за безбедноста на сите учесници во сообраќајот потребно е да се доведат до максимум а со тоа и минимизирање на сообраќајните несреќо кој за жал стануваат дел од нашето секојдневние.Подолго време многу здруженија на граѓани апелираат за што поголеми заштити во сообраќајот и воведување на успорувачи на брзината на сите фрекфентни улици како и дополнително стеснување на лентите и поголем простор за велосипедистите и пешаците.Дополнително веќе подолго време Министерството за Внатрешни работи на Македонија најавува систем за автоматско следење на сообраќајот како и казнување на сите прекршители преку автоматизиран систем на камери со што ќе се олесни работата на полицијата но сеуште се е тоа само на ветувања без реализација.Постојат многу иницијативи за зголемување на сообраќајната култура и дисциплина и безбедноста на сите учесници во сообраќајот, дали било автоматски систем на камери за безбедност на сообраќајот или пак некоја друга иницијатива, сите тие досега останале на само ветувања од државните органи.Апелираме до сите државни органи да ги реализираат сите нивни ветувања и да допринесат кон безбедноста во сообраќајот на сите граѓани на Македонија.Секогаш следната жртва може да биде некој твој близок“, се вели во објавата.

Скопје | пред 4 години

(ВИДЕО) Контроли во угостителски објекти, затекнати 56 малолетници, лица без сертификати и дрога

Денеска (29.01.2022) во периодот од 00.00 до 04.00 часот полициски службеници од сите сектори за внатрешни работи во рамки на Бирото за јавна безбедност, во координација со инспектори од Државниот пазарен инспекторат спроведоа акциска контрола во угостителски објекти на целата територија на државата, во која биле исконтролирани 347 угостителски објекти.При контролата во повеќе угостителски објекти после полноќ констатирано е присуство на 56 малолетници, спротивно на законот, а на подрачјето на СВР Велес утврдено е кривично дело „точење на алкохол на малолетно лице“, казниво по член 204 од Кривичниот законик и сите се соодветно санкционирани.На подрачјето на СВР Скопје откриени се кривични дела по член 215 од Кривичниот законик, кој се однесува на „неовластено производство и пуштање во промет на наркотични дроги, психотропни супстанци и прекусори“, при што лишени од слобода се 3 лица, две на подрачјето на Центар и едно на Карпош. При преглед кај нив се пронајдени и одземени ќеси со бела прашкаста материја, грутчеста материја и марихуана.Во угостителски објект на подрачјето на Центар во Скопје, затекнати биле лица без вакцинален сертификат, на кои ќе им бидат поднесени пријави согласно член 206 од Кривичниот законик, а од страна на ДПИ објектот е запечатен и ќе следи соодветна прекршочна санкција.При спроведената акциска контрола покрената е соодветна постапка против две лица кои се однесувале агресивно и спречувале полициски службеници во вршење на службени дејства. Откриени се 3 прекршоци од Законот за заштита од пушење, 3 по член 8 од Законот за прекршоците против за јавниот ред и мир и еден од Законот за странци.Против сите лица кои сториле прекршок или кривично дело ќе биде поднесен соодветен поднесок.

Македонија | пред 4 години

Митева објави документи за државните пари кои се трошеле

СДСМ нема граница во нивните лаги, а нема граница ни во злоупотребата на јавните функции. Денес уште еднаш ќе ја објавиме вистината која Шилегов и Јанчева се обидуваат да ја премолчат пред јавноста, вели Марија Митева, портпарол на ВМРО-ДПМНЕ.„Во предновогодишна забава организирана од Јанчева и Шилегов се потрошиле 91.560 денари.Таа фактура е потпишана од Јанчева, а платена од Град Скопје, од парите на скопјани. И додека СДСМ се обидуваат да ја сокријат вистината преку несоодветни соопштенија, ова се документи, кои ја потврдуваат веродостојноста на тоа што го говорам.Прво, во овој документ, тоа е службена белешка испратена од секторот за финансии на Град Скопје на 03.02.2020 година до тогашниот градоначалник Шилегов и тогашниот секретар на градот,Викторија Аврамовска Мандиќ и јасно е наведено дека доставената фактура со број 76/19 се однесува за извршени услуги за кои нема склучен договор во 2019 година. Притоа, секторот на финансии укажува дека тоа е спротивно на Законот за внатрешна финансиска контрола, да се доставува фактура со архивска дата од претходна година.Ова е начинот на кои работеле СДСМ, без почитување на Законите кое претставува основа за непочитување на владеењето на правото.Второ, во овој документ, тоа е Образец за реализирани средства за репрезентација од 31.01.2020 година и јасно се гледа дека Љубица Јанчева,како претседател на Советот на Град Скопје искористила средства за репрезентација по повод предновогодишна забава во вкупен износ од 91.560 денари.И трето, почитувани граѓани, ова е фискалната сметка од каде се гледа со што се частело друштвото кое било присутно и за да биде уште посрамно, се гледа дека Шилегов тогаш имал посебна сметка на која пишува, цитирам – „специјална нарачка за градоначалник г-дин Шилегов”. Скапи јадења, бифтеци на путер и алкохолни пијалоци барикирани 12 години.Почитувани граѓани,Од ова јасно се гледа на што се трошеле градските пари.Залудно се труди СДСМ преку бледи соопштенија да ја сокрие вистината и да ја одбегне одговорноста.ВМРО-ДПМНЕ транспарентно ги објави документите кои се доказ за ова, па ги повикуваме СДСМ, Шилегов и Јанчева да ѝ објаснат на јавноста дали ова бил нивниот начин на работење, прослави и забави на сметка на скопјани“, додава таа.

Скопје | пред 4 години

Левица бара граѓаните на Велес преку референдум да се изјаснат за продажба на парцели на езерото Младост

На следната осма седница на советот на општина Велес која е закажана за 31.01.2022, понеделник, и ќе се одржи онлајн, една од точките на дневниот ред ќе биде програма за работа во областа на располагањето со градежно земјиште во сопственост на Република Македонија на подрачјето на општина Велес за 2022 година т.е продажба на градежно земјиште, велат од Левица.„Оваа иста точка требаше да биде дел и од претходната седма седница, но по наше барање за повлекување на точката и распишување на јавна анкета за да се испита мислењето на граѓаните на општина Велес, точката беше повлечена од страна на градоначалникот, за да истата точка повторно се најде на дневниот ред на наредната онлајн седница.Бидејќи јавна анкета до овој момент не е распишана, би сакале да ве известиме дека советниците на Левица во општина Велес поднесовме барање до претседателот на совет за итна точка на дневниот ред за следната осма седница во која бараме распишување на РЕФЕРЕНДУМ за граѓаните на општина Велес за располагање на градежните парцели покрај езеро Младост, катастарска општина Башино Село- Вон Град и Новачани, со референдумско прашање:„Дали сте согласни општина Велес по пат на јавно наддавање да ги оттуѓи државните градежни парцели покрај езеро Младост, катастарска општина Башино Село- вон град и Новачани и со нив да стопанисува приватен субјект?“Во предизборната кампања пред само 3 месеци сите политички партии кои учествувавме на локалните избори во своите програми имавме предвидено и ветувавме пошумување на крајбрежјето на езеро младост и разубавување на околината со нови содржини, но не и продажба на градежни парцели на кој би се изградиле хотели и мотели.Поради тоа сметаме дека по ова прашање најбитно е да се прашаат граѓаните и они да одлучат дали сакаат на езеро Младост да има нови зелени површини или сакаат нови хотели.За нас спорно во оваа точка е што ќе се стават на продажба и последните непродадени парцели на крајбрежјето на езеро Младост, кој за жал локалната власт во 2007 година со промена на деталниот урбанистички план одлучила парцелите околу езеро Младост да се пренаменат и да се стават на продажба.Имено во оваа точка предвидено е да се стават на продажба вкупно 38 градежни парцели и 13 градежни парцели за краткотраен закуп, дел во Велес, Новачани, Башино село како и покрај езеро Младост.За нас нај спорни се двете парцели со намена за изградба на хотели и една за мотел со површина од 20 064 метри квадратни.Сметаме дека на крајбрежјето на езеро Младост му фали итно пошумување и подигнување на нови зелени површини, но не и изградба на нови хотели и мотели со кој ќе се узурпира и комерцијализира просторот околу езерото.Апелираме до останатите советници од сите политички партии во советот на општина Велес на разумност, да се стави нашата предлог точка на дневен ред, и истата да биде позитивно изгласана, со што ќе им овозможиме на Велешани да си го искажат своето мислење за ова битно прашање“, се вели во соопштението.

Македонија | пред 4 години

Вработена во ПОЦ избркана од работа оти сакала да наплати паркинг на партиски моќник, тврди советник од Левица

Советникот во општина Центар од партијата Левица, Игор Димески, преку својот твитер профил обвинува дека првата одлука на новиот УО на Паркинзи на Општина Центар бил бркање од работа на вработена која сакала да наплати паркинг на некој партиски моќник.„Првата одлука на новиот управен одбор на ПОЦ е бркање од работа на вработена и тоа со надгласување,3 гласа ЗА од Сдсм2 гласа Против од Левица и ШЗЦИзбркана е поради тоа што сакала да наплати паркинг на лице кое и се обратило со "ќе видиш ти кој сум јас"Па да видиме кој е тој!“, напиша на Твитер советникот Игор Димески од Левица.

Скопје | пред 4 години

„На сите им е полна устата со владеење на правото“, Ременски со лекција до Владата и Османи за Македонците во Бугарија

Професорката и експратеничка Фросина Ременски му посочува на владиниот врв и министерот за надворешни работи, Бујар Османи дека немешањето во внатрешните работи на Бугарија не значи Македонија да не се грижи за својот народ кој живее таму. Таа посочува „Премногу лесно се тегне овој наш правен ластик-систем што е опасно по тоа што на сите им е полна устата - владеење на правото и правната држава“.„Со сета почит кон министерот за надворешни д-р Бујар Османи, но како министер во Владата која ја предвиди надворешната политика на мојата земја треба убаво да го прочита и разбере членот 49 од Уставот. Немешањето во внатрешните работи не е исто со грижата за своите надвор - независно кој (Македонци, Албанци, Турци ...). За грижата за свите ..., тоа е нешто од што Македонците можат да учат од Албанците - регионално. Но, тоа не треба да значи релативизација на македонското за ништо и од никого“, напиша Ременски„Ако треба да кажеме дека има Македонци во Бугарија, а притоа да не се мешаме во "бугарските внатрешни работи", тогаш убаво е да кажеме дека, фактот што во РСМ има Бугари исто така не треба да значи право за мешање во "македонските внатрешни работи". Владата и министрите час поскоро треба да разберат, дека не смеат да имаат селективно почитување на Амандманите на Уставот. Ако се вели дека, може не треба да се почитува Амандманот 1 од Уставот, тогаш тас логика упатува дека може да не се почитуваат и Амандманите кои го инкорпорираат Охридскиот и Преспанскиот договор преку Амандмани во Уставот. Тоа не е добро“, додаде таа.

Коментари | пред 4 години

Пониски сметки за потрошувачите кои имаат неквалитетна испорака на топлинска енергија

Регулаторната комисија за енергетика и водни услуги ја информира јавноста дека согласно Правилникот за утврдување на квалитетот на испорачаната топлинска енергија, потрошувачите кај кои е констатирано со решение од страна на комисијата за проверка на квалитет на испорачаната топлинска енергија дека имаат неквалитетна испорака на топлинска енергија треба да добијат пониски сметки.„Побаравме од снабдувачите со топлинска енергија да донесат решенија кои ќе соодветствуваат со фактичката состојба утврдена на терен при извршената проверка, откако потрошувачите се пожалија дека имаат пониска температура или радијаторите им се ладни. Согласно правилникот, снабдувачот е должен да донесе решение со кое ќе се корегира сметката, во зависност од тоа колку отстапува температурата од онаа што е пропишана . Да заклучам, ако во јануари кај дел од потрошувачите каде што е констатирана неквалитетна испорака на топлинска енергија со решение, по извршена контрола од страна на комисија – снабдувачот треба да им фактурира помала сметка. Регулаторната комисија за енергетика побара од Скопје Север при изработка на фактурите за месец јануари да не се земат во предвид деновите кога немало испорака на топлинска енергија. Дополнително бараме да се прошири надлежноста на државниот инспекторат за техничка инспекција и освен комисија од снабдувачот што го контролира квалитетот на испораката на топлинска енергија, на терен да излегуваат и инспектори кои ќе ја мерат температурата дали отстапува од пропишаната. Снабдувачот не смее да наплати ни еден киловат час што не го испорачал. “ изјави Марко Бислимоски, претседател на Регулаторната комисија за енергетика и водни услуги.

пред 4 години

Не знаеме дали има Бугари во Македонија, вели Најчевска

Во македонскиот Устав не смеат да влезат Бугарите без во исто време да биде признаено македонското малцинство во Бугарија. Ова го сугерира професорката Мирјана Најчевска, откако вчера бугарскиот премиер Кирил Петков пред парламентот во Софија рече дека е договорено Бугарите да бидат впишани во Уставот на РС Македонија, а дека за рокот кога тоа ќе се случи, се уште се преговара.„Прво, не знаеме дали има Бугари во Македонија. Да видиме колку се изјасниле како Бугари на последниот попис (2, 3, 100, 200?).И, второ, Бугарите не смее да влезат во Уставот на Македонија без во исто време да биде препознаено и признаено македонското малцинство во Бугарија. Со сите права кои припаѓаат на едно малцинство согласно меѓународните договори кои ги има ратификувано Бугарија.Секоја друга постапка е срам и понижување за државата и ќе претставува неверојатен удар врз и онака многу нискиот рејтинг кој го имаме на меѓународно ниво.“, се вели во реакцијата која професорката Најчевска ја објави на својот фејсбук профил.

Коментари | пред 4 години

Ако не сте имале млаки, а не топли радијатори, ќе треба да добиете и помали сметки

Регулаторната комисија за енергетика и водни услуги ја информира јавноста дека согласно Правилникот за утврдување на квалитетот на испорачаната топлинска енергија, потрошувачите кај кои е констатирано со решение од страна на комисијата за проверка на квалитет на испорачаната топлинска енергија дека имаат неквалитетна испорака на топлинска енергија треба да добијат пониски сметки.„Побаравме од снабдувачите со топлинска енергија да донесат решенија кои ќе соодветствуваат со фактичката состојба утврдена на терен при извршената проверка, откако потрошувачите се пожалија дека имаат пониска температура или радијаторите им се ладни. Согласно правилникот, снабдувачот е должен да донесе решение со кое ќе се корегира сметката, во зависност од тоа колку отстапува температурата од онаа што е пропишана . Да заклучам, ако во јануари кај дел од потрошувачите каде што е констатирана неквалитетна испорака на топлинска енергија со решение, по извршена контрола од страна на комисија – снабдувачот треба да им фактурира помала сметка. Регулаторната комисија за енергетика побара од Скопје Север при изработка на фактурите за месец јануари да не се земат во предвид деновите кога немало испорака на топлинска енергија. Дополнително бараме да се прошири надлежноста на државниот инспекторат за техничка инспекција и освен комисија од снабдувачот што го контролира квалитетот на испораката на топлинска енергија, на терен да излегуваат и инспектори кои ќе ја мерат температурата дали отстапува од пропишаната. Снабдувачот не смее да наплати ни еден киловат час што не го испорачал. “ изјави Марко Бислимоски, претседател на Регулаторната комисија за енергетика и водни услуги.

Македонија | пред 4 години

Д-р Огњанова до Даниловски: Лесно е од фотелја да се мудрува, кога не сте прегледале ниту еден позитивен пациент

Mатичниот доктор Билјана Петковска Огњанова остро реагираше на коментарот од епидемиологот Драган Данилоски кој го нападна примарното здравство. Данилоски на коментар на социјалните мрежи напиша: „Можно ли е по две години верглање со колегите Пановски, Беќаровски, вда не разбраа матичните дека не смее антибиотик за вирус?“„Аман од овие епидемиолози кои не прегледале ниту еден ковид позитивен пациент. Но, многу е лесно од фотелја да се мудрува. Кога е упатена јавна критика од колеги без да се дебатира во фелата, тоа навистина се доживува како професионален атак. На проф.Даниловски уште пред две години се обидов да му ја опишам сликата на терен, но по се изгледа не ја запомнил“, напиша Петковска Огњанова.

Коментари | пред 4 години

Исчистени 120 депонии во Скопје

За прв пат во децении во Скопје се спроведува акција за чистење на дивите депонии каде се согоруваше опасен отпад, што претставуваше извор на загадување на воздухот, почвите и подземните води со што директно се влијае на квалитетот на живот на граѓаните.За речиси два месеца со заедничка активност на градот Скопје и дел од скопските општини, исчистени се над 120 мапирани депонии за време на предизборната кампања. Засилени се контролите на инспекторатот и за првпат се изречени големи казни за загадувачите на животната средина и оние кои ги загрозуваат безбедноста и здравјето на граѓаните. Чистењето продолжува и понатаму бидејќи секојдневно граѓаните пријавуваат обиди за создавање нови депонии. Инспекциските служби засилено работат на терен, со цел сите да ги почитуваат законите и нема да има никакви отстапки зазагадувачите.Градот Скопје со стратегија за превенција, започнува до имплементација на системско решение кое опфаќа фото документирање на загадувачите, работа во смени на Инспекторатот со цел санкционирање на сторителите, детекција на депонии и обиди за нивно палење со дрон, но и активен систем за пријави од граѓани со цел превенција на загадувачите и нивно неселективно казнување. Град Скопје упатува апел до граѓаните секоја пријава за новонастаната или веќе постоечка депонија да ја испратат на 24@skopje.gov.mk со цел во најкус можен рок да се испратат екипи од градот за чистење на депониите.

Скопје | пред 4 години

(ВИДЕО) Објавени шесте песни за Евросонг, гласајте за вашиот фаворит

МРТ вчера ги претстави шесте избрани песни во трка за Евровизија 2022.Публиката ги слушна песните на Виктор Апостоловски, Лара Иванова, Калина Велковска – Кали, Јон Ајдини, Андреа Коевска и Рис Флауер и од вечерва, па во следните седум дена ќе може да гласа за својот фаворит.Оваа година македонскиот претставник ќе го избираат публиката и меѓународно жири, по принципот 50:50. Публиката може да гласа онлајн на официјалната интернет страница на МРТ. Според правилата, секој ќе може да гласа само еднаш за една композиција. Онлајн гласањето ќе трае до 4 февруари, кога ќе бидат објавени резултатите и ќе се дознае кој ќе ја претставува Македонија на Евросонг во Италија.Ris Flower – “Flying to Berlin” Kaly – “Love and Light” Lara – “Flower of Sorrow”Yon Idy – “Dreams”Andrea – “Circles”Viktor Apostolovski – “Superman”

Магазин | пред 4 години