МВР: Автобус на ЈСП удрил во пешак

Од Министерството за внатрешни работи информираат дека денеска, 22 јануари 2026 година, околу 12 часот, во СВР Скопје била пријавена сообраќајна несреќа на улицата „Ѓорче Петров“ во Скопје.Според пријавата, автобус на Јавно сообраќајно претпријатие Скопје на линија број 4 удрил во 55-годишната Д.П. од Скопје. Повредената била пренесена во Универзитетски клинички центар „Мајка Тереза“, каде што првично ѝ биле констатирани телесни повреди.На местото на настанот бил извршен увид од увидна екипа на СВР Скопје, а надлежните служби преземаат мерки за целосно расчистување на околностите под кои се случила сообраќајната несреќа.

Скопје | пред 1 седмица

Проштална порака на Агелер до граѓаните на Македонија

Пред три години, како десетта амбасадорка на Соединетите Американски Држави, пристигнав во Скопје, во оваа убава земја, порача Анџела П. Агелер во својата проштална порака. Таа истакна дека тогаш, а и денес, чувствува длабока чест и понизност поради можноста да ја претставува својата земја во Македонија.Агелер потсети дека на почетокот на својот мандат изразила силна вера во храброста и издржливоста на граѓаните на Македонија, вера која, како што нагласи, во изминатите три години постојано се потврдувала, обновувала и зајакнувала. Таа додаде дека верувала оти токму тогаш е вистинскиот момент да се направи суштинска разлика – во јакнењето на економскиот раст, енергетската независност, судскиот интегритет, образованието, културната отпорност и европската интеграција. Во дел од тие области, како што наведе, заедничката работа донела конкретен напредок, додека во други останува уште многу да се направи.Говорејќи за одбележувањето на 30-годишнината од воспоставувањето на билатералните односи меѓу Соединетите Американски Држави и Македонија во 2025 година, Агелер нагласи дека партнерството меѓу двете земји трае повеќе од три децении и претставува пример за сила, компромис и трпелива решителност. Според неа, изминатите три години покажале конкретни и опипливи резултати од вистинското пријателство и конструктивното партнерство.Таа како примери ги наведе реалните планови за исполнување на обврските во рамките на НАТО, набавката на современи тактички возила и нивното учество во големи мултинационални воени вежби, како и напредокот на најголемиот инфраструктурен проект во земјата, кој треба да ги отвори стратешките коридори 8 и 10 и да придонесе за поголема регионална безбедност и трговија. Агелер истакна и дека партнерството значи јавно соочување со корупцијата и криминалните структури, поддршка на судските реформи и санкционирање на оние кои со години ја злоупотребувале довербата на граѓаните.Во пораката таа нагласи дека соработката опфаќала и создавање можности во заедници каде надежта била ослабена, поттикнување реален економски раст, развој на енергетски и инфраструктурни проекти, како и соработка во области како технологијата, здравството, транспортот, безбедноста, образованието и заштитата на животната средина. Посебно ја истакна и грижата за културното наследство, кое, според неа, претставува светско богатство.Агелер оцени дека во текот на трите години, соработката меѓу двете земји прераснала во вистинско и длабоко пријателство со граѓаните низ целата држава. Таа се потсети на посетите на училишта, цркви, судови, домови, фарми и винарии, како и на отворените и искрени разговори за прашања од заедничко значење, дури и кога не постоело целосно согласување. Граѓаните, како што наведе, со неа ги споделувале своите соништа, визии, разочарувања, но и тагата по загубените најблиски.„Постои нешто магично во оваа земја – нејзината убавина, историја, традиции и култури, но и нејзините противречности, издржливоста и хуморот на луѓето и во најтешките моменти“, порача Агелер, додавајќи дека ја напушта Македонија со чувство на длабока благодарност за добрината, дарежливоста и силата на нејзините граѓани.На крајот, таа порача дека Соединетите Американски Држави секогаш ќе стојат покрај Македонија, поддржувајќи ја визијата за посилна, попросперитетна, побезбедна и целосно интегрирана евроатлантска држава. „Ова е ваша земја и секој од вас заслужува таа да биде земјата за која сонува. По три години, сè уште ја носам истата силна вера во храброста и силата на нејзините луѓе“, порача Агелер, завршувајќи со охрабрување граѓаните да бидат здрави, храбри и силни.

Македонија | пред 1 седмица

Сезонскиот грип ги испразни училишните клупи во Тетово, над 600 ученици отсутни од настава

Второто полугодие во основните и средните училишта во Тетово започна со значително намален број ученици, откако околу 610 деца останаа дома поради сезонски грип и други вирусни инфекции. Според надлежните, најголем дел од отсутните се ученици од основното образование, но висок е и бројот на средношколци кои во моментов не ја следат наставата.Од секторот за образование информираат дека досегашните податоци укажуваат на до 400 отсутни ученици во основните училишта и околу 210 во средните, при што причината во најголем дел се вирусни заболувања. Надлежните изразуваат надеж дека ваквата состојба ќе биде привремена и дека во наредниот период бројот на заболени ќе се намали, по што учениците ќе се вратат во училишните клупи. Воедно, упатен е апел до родителите децата со симптоми на вирусни инфекции да не ги испраќаат на настава.Најголем број отсутни ученици е регистриран во основното училиште „Лирија“ во Тетово. Според раководството на училиштето, во секое одделение отсуствуваат од пет до тринаесет ученици, во зависност од паралелката. Од училиштето повторно апелираат родителите да бидат внимателни и да не ги изложуваат децата и нивните соученици на дополнителен здравствен ризик.Во врска со актуелната состојба, министерката за образование и наука Весна Јаневска неодамна изјави дека бројот на заболени од грип не достигнал ниво кое би наложило продолжување на зимскиот распуст. Таа нагласи дека ширењето на вирусите не е поврзано исклучиво со училиштата, посочувајќи дека грипот може да се пренесе и во домашни услови, на јавни места или за време на зимските одмори.

Македонија | пред 1 седмица

Германија го протера заменикот на рускиот воен аташе

Германија го повика рускиот амбасадор на информативен разговор поради апсењето на осомничена руска шпионка, а истовремено донесе одлука за протерување на руски дипломат кој, според истрагата, ѝ служел како контакт. Од германското Министерство за надворешни работи порачаа дека ваквото постапување е директен одговор на, како што го оценија, агресивното дејствување на Русија.Министерот за надворешни работи Јохан Вадефул изјави дека Германија нема да толерира шпионажа на своја територија, особено кога во такви активности се вклучени лица со дипломатски статус, нагласувајќи дека ваквите постапки мора да имаат конкретни последици.Германските власти соопштија дека Илона В., германско-украинска државјанка, била уапсена поради сомнение дека шпионирала за руската воена разузнавачка служба ГРУ. Како нејзина контактна точка е наведен заменикот на воениот аташе на Русија во Берлин, на кого осомничената му доставувала информации поврзани со воените активности во Германија, со посебен фокус на состојбите поврзани со војната во Украина.Според истрагата, Илона В. во повеќе наврати му овозможила на рускиот дипломат пристап до различни политички настани користејќи лажен идентитет. Информациите за активностите на Бундесверот ги добивала преку двајца поранешни припадници на германските вооружени сили, против кои исто така е покрената истрага.Германските безбедносни служби наведуваат дека од почетокот на руската агресија врз Украина, Москва значително ги интензивирала своите разузнавачки активности во Германија, особено во рамки на таканареченото хибридно водење војна и шпионажа, што, според Берлин, претставува сериозна закана за националната безбедност.

Свет | пред 1 седмица

Службата за имиграција на САД приведе 5-годишно дете

Американската служба за имиграција и царина (ICE) привела петгодишно момче од Минесота додека се враќало дома од училиште и заедно со неговиот татко го однела во притворен центар во Тексас, соопштија локалните училишни власти, пренесува „Гардијан“.Детето било приведено пред семејниот дом во предградието Колумбија Хајтс, во близина на Минеаполис. Надзорничката на училишниот округ изјави дека агентите го искористиле момчето за да проверат дали има уште лица во куќата, што таа го оцени како недозволиво постапување.Адвокатот на семејството соопшти дека таткото и детето влегле легално во САД и чекале одлука за азил, без активен налог за депортација. Од Министерството за внатрешна безбедност тврдат дека целта на операцијата бил таткото, а не детето.Училишните власти предупредија дека во последните две недели уште три малолетници од истиот округ биле приведени од имиграциски агенти, нагласувајќи дека ваквите акции предизвикуваат страв и трауми кај децата и целата заедница.

Свет | пред 1 седмица

Зеленски: Испративте 40 војници на Гренланд? Тоа е апсурдно

Украинскиот претседател Володимир Зеленски денеска одржа говор на Светскиот економски форум во Давос, во кој остро ги критикуваше европските лидери поради, како што рече, нивната неодлучност, одолговлекување и потпирање врз Соединетите Американски Држави во клучните безбедносни прашања, вклучително и Украина и Гренланд, објави Би-би-си.Зеленски го започна говорот со споредба со филмот „Бескраен ден“, во кој главниот лик постојано го преживува истиот ден. Тој истакна дека никој не сака да живее така, повторувајќи го истото со денови, недели, месеци и години, додавајќи дека токму така, според него, денес живее светот.Според Зеленски, глобалното внимание во последните денови се пренасочило кон Гренланд, но без јасен одговор што Европа навистина планира да направи. Тој оцени дека повеќето европски лидери сè уште не знаат како да постапат и дека изгледа како сите да чекаат САД да се „оладат“ околу ова прашање и темата едноставно да исчезне.Во продолжение, Зеленски направи паралела со Иран, каде што протестите, како што рече, биле задушени со крв, а потоа повторно се осврна на војната во Украина. Го спомена и случајот со Венецуела, нагласувајќи дека претседателот Николас Мадуро се наоѓа во Њујорк и чека судење, додека рускиот претседател Владимир Путин не се соочува со таква одговорност.Тој ѝ се заблагодари на Европа за замрзнувањето на руските средства, но нагласи дека нивната употреба за одбраната на Украина била блокирана токму во моментот кога тоа било најпотребно. Зеленски изјави дека нема никаков вистински напредок во воспоставувањето меѓународен трибунал за руската агресија врз Украина, и покрај бројните состаноци, прашувајќи дали проблемот е во времето или во политичката волја.Говорејќи за европската безбедност, Зеленски истакна дека Европа мора да биде способна сама да се брани. Тој посочи дека иако некои држави ги зголемиле издвојувањата за одбрана, многу од нив не ги исполнувале ниту сопствените обврски сè додека американскиот претседател Доналд Трамп не извршил притисок. Запраша каква порака тоа им испраќа на Путин и на Кина, додавајќи дека испраќањето 40 војници за заштита на Гренланд нема да направи никаква разлика и го нарече таквиот потег апсурден.Зеленски додаде дека Украина има капацитет да го брани Гренланд, нагласувајќи дека знае како се води борба во такви услови, но потсети дека тоа би било возможно доколку Украина беше членка на НАТО. Тој повторно предупреди дека Европа се однесува како некој друг да ќе го реши прашањето со Гренланд, додека во меѓувреме, како што рече, рускиот воен механизам продолжува да се движи.Украинскиот претседател ги критикуваше и Европа и САД затоа што не ја спречиле продажбата на компоненти за ракети на Русија, истакнувајќи дека додека Европа и Америка молчат, Путин продолжува да произведува ракети. Тој рече дека му било советувано во разговорите со САД да не спомнува одредени системи за вооружување за да не се расипе атмосферата, додека во Европа, според него, се води бескрајна внатрешна дебата што ја спречува отворената и искрена дискусија за решенијата. Европа, рече Зеленски, наместо да стане вистинска глобална сила, останува убав, но фрагментиран мозаик од мали и средни сили.Тој порача дека американскиот претседател нема да се промени и оцени дека некои европски лидери се „од Европа, но не и за Европа“, предупредувајќи дека позицијата на САД се менува, но дека никој не знае точно како и со која брзина.Говорејќи за можен прекин на огнот, Зеленски изјави дека сè уште не е постигнат договор со САД за безбедносни гаранции, кои ги смета за клучни. Тој праша зошто САД можат да запираат танкери од таканаречената руска флота во сенка и да запленуваат нафта, додека Европа тоа не го прави, иако токму таа нафта што минува покрај европските брегови го финансира руското војување против Украина. Според него, доколку Путин остане без пари, нема да има ниту војна за Европа.Осврнувајќи се на денешната средба со Доналд Трамп, Зеленски рече дека документите насочени кон завршување на војната се речиси подготвени и дека Украина работи искрено и решително, додека Русија мора да стане подготвена да ја заврши агресијата. Тој додаде дека претходните разговори со САД резултирале со испорака на противвоздушни ракети и разговори за заштита на небото, изразувајќи надеж дека Вашингтон ќе продолжи да стои зад Украина.На крајот, Зеленски повика на силна Европа и истакна дека континентот има потреба од независна Украина која еден ден би можела да ги брани и другите. Тој порача дека на Украина ѝ се потребни дела, затоа што од нив произлегува светскиот поредок, нагласувајќи дека без дејствување денес, нема утре, и говорот го заврши со пораката: „Слава на Украина“.

Свет | пред 1 седмица

Трамп: Ако Европа почне да продава американски обврзници, ќе следи голема одмазда

Американскиот претседател Доналд Трамп изјави дека Соединетите Американски Држави ќе возвратат доколку европските земји започнат со продажба на американски акции и државни обврзници, како одговор на неговите ставови за можната купопродажба на Гренланд и притисокот врз сојузниците во НАТО. Во интервју за „Фокс бизнис“ од Давос, на прашањето дали го загрижува такво сценарио, Трамп одговори дека во тој случај би следувала „голема одмазда“ од американска страна, нагласувајќи дека САД „ги држат сите карти“.Изјавата доаѓа откако министерот за финансии Скот Бесент ги оцени данските вложувања во САД како небитни, реагирајќи на одлуката на дански пензиски фонд да ги повлече инвестициите во американски државни обврзници поради, како што наведе фондот, лошата состојба на јавните финансии. Данска, која има територијална надлежност над Гренланд, најави повлекување од околу 100 милиони долари, сума што е симболична во однос на вкупниот американски пазар на обврзници, проценет на повеќе од 30 трилиони долари. Сепак, Данска и понатаму поседува речиси 10 милијарди долари во американски државни хартии од вредност, бројка што значително се намалува во последните години во споредба со 2021 година, кога изнесувала околу 18 милијарди долари.На внатрешен план, Трамп призна дека републиканците би можеле да се соочат со тешки меѓуизбори оваа година, потсетувајќи на историската практика според која партијата на актуелниот претседател често губи поддршка на таквите избори. Тој оцени дека постои психолошки фактор кој негативно влијае врз резултатите, без оглед на постигнатите резултати на администрацијата, но додаде дека очекува силна борба и добар исход за републиканците.Осврнувајќи се на можноста за нова обустава на работата на федералната влада кон крајот на месецот, Трамп изрази уверување дека до тоа веројатно ќе дојде и за ситуацијата ги обвини демократите. Тој истакна дека би сакал усвојување на буџетски пакет преку постапка на усогласување, но призна дека тоа ќе биде тешко поради тесното мнозинство на републиканците во Конгресот, при што посочи дека отстапувањата на поединечни пратеници дополнително ја отежнуваат ситуацијата.

Свет | пред 1 седмица

Трамп по разговорите со Зеленски испрати порака до Путин

Американскиот претседател Доналд Трамп изјави дека неговата порака до рускиот претседател Владимир Путин е јасна – војната во Украина мора да заврши, по, како што рече, „добри“ разговори со украинскиот претседател Володимир Зеленски одржани во Давос во четвртокот.Американски и украински претставници веќе со недели водат интензивни дипломатски активности меѓу различни престолнини, во период кога Киев се соочува со засилен притисок од администрацијата на Трамп да обезбеди мировен исход на речиси четиригодишниот конфликт, и покрај ограничените сигнали дека Москва е подготвена да ги прекине борбите.По средбата со Зеленски, која траела околу еден час, Трамп изјави дека разговорот бил „добар“, без да навлезе во детали за содржината. Еден ден претходно тој оцени дека можен договор е „разумно близу“.„Мислам дека средбата со претседателот Зеленски беше добра. Ова е процес што трае“, изјави Трамп пред новинарите, додавајќи дека американските пратеници денеска патуваат во Москва на разговори. На прашањето каква порака му испраќа на Путин, Трамп одговори: „Војната мора да заврши.“Зеленски претходно оваа недела најави дека ќе отпатува во Давос само доколку постои можност за потпишување договори со Трамп за американски безбедносни гаранции и финансирање на повоената обнова на Украина, но по средбата немаше индикации дека е постигнат конкретен напредок.Двајцата лидери се сретнале лице в лице приближно шест пати откако Трамп минатата година се врати во Белата куќа и ја смени американската политика кон Украина, отворајќи простор за дипломатија со Русија.

Свет | пред 1 седмица

Герасимовски: Годинава стартуваме нови проекти со пензионерите, „Носталгија за корзо“, екскурзии, едукативни работилници и Спортски игри 2026

Градоначалникот на Општина Центар, Горан Герасимовски, денеска во просториите на Здружението на пензионери на Општина Центар присуствуваше на одбележувањето на 72 години од постоењето на организацијата.Пензионерите му врачија благодарница на градоначалникот за одличната соработка и партнерскиот однос со Општина Центар.„Чест е да се добие вакво признание токму од првото здружение на пензионери формирано во Македонија. Навистина соработката е одлична. Годинава ни претстојат заеднички  активности со здружението на пензионери на Општина Центар, меѓу кои:  „Носталгија за корзо-сеќавање на едно убаво време“, екскурзии низ Македонија, едукативно-креативни работилници за домаќинство, Пензионерски спортски игри, а во план е и изградба на Дом за стари лица“, истакна Герасимовски, примајќи ја благодарницата.Дополнително, локалната самоуправа реализира низа успешни и популарни проекти наменети за сениорите, како што се „Центар се грижи за возрасните“, „Итно копче“, бесплатен превоз до здравствените установи, како и еднократна парична помош, која годинава е зголемена на 5.000 денари.Општина Центар останува партнер на Здружението и продолжува да поддржува активно стареење и вклученост на повозрасните граѓани во политиките на локалната самоуправа и во животот на заедницата.

Скопје | пред 1 седмица

Андоновски: Нови е-услуги од ФЗО и поврзување со Централниот регистар на население: помалку шалтери, повеќе дигитални решенија за граѓаните и компаниите

Министерството за дигитална трансформација и Фондот за здравствено осигурување означија почеток  на интензивна соработка со конкретни резултати – воведување нови електронски услуги од областа на здравственото осигурување и техничко поврзување на ФЗОМ со Централниот регистар на население (ЦРН), со што се поедноставуваат постапките и се намалува административниот товар за граѓаните и бизнисите.На денешната прес-конференција, министерот за дигитална трансформација, Стефан Андоновски, истакна дека целта на Министерството е јасна: „јавните услуги да бидат достапни, поврзани и ориентирани кон потребите на граѓаните и бизнисите.“Министерот нагласи дека станува збор за услуги „кои директно го поедноставуваат пристапот до важни документи, го намалуваат административниот товар и го елиминираат непотребното чекање и физичко присуство на шалтери.“За правните лица, за прв пат е овозможена електронска услуга за:Издавање потврда за платен придонес за задолжително здравствено осигурување (целосно дигитално, достапно во секое време).За физичките лица, воведени се следните е-услуги:Потврда за пријави и одјави во задолжително здравствено осигурување,Потврда за осигурено или неосигурено лице и платен придонес,Потврда за исплатен надоместок за плата за време на привремена спреченост од работа.„Овие услуги се само почеток на системска дигитална трансформација, а не изолирани технички решенија,“ порача министерот Андоновски.Посебен акцент беше ставен на воведувањето на единствената најава „Корисниците на порталот на Фондот за здравствено осигурување автоматски се воведуваат во системот за единствена најава – SSO,“ рече Андоновски, додавајќи дека „граѓаните добиваат можност со еден кориснички профил непречено да се движат и користат услуги на различни институционални портали, без повторно најавување и без дополнителни административни бариери.“Од денес, ФЗОМ е и технички поврзан со ЦРН, што овозможува автоматско преземање релевантни податоци за граѓаните. Министерот истакна дека преку ова поврзување, ФЗОМ „во рамки на речиси 40 управни и деловни постапки користи податоци од ЦРН како единствен референтен извор,“ со што се намалуваат грешките и потребата од рачно внесување податоци.Ова поврзување, меѓу другото, се применува во постапки како: пријава и одјава на здравствено осигурување, утврдување својство на осигурено лице, боледување, бременост и раѓање, лекување во странство, двојазични обрасци, рефундации, потврди и други права и обврски во надлежност на ФЗОМ.„Ова е пример како дигиталната трансформација треба да изгледа во пракса: институции кои соработуваат, системи кои се поврзуваат и услуги кои функционираат во корист на граѓаните,“ потенцираше Андоновски.„Ќе продолжиме да градиме вакви решенија – решенија кои носат реални, мерливи придобивки и ја трансформираат јавната администрација во модерен, ефикасен и достапен сервис.“ заврши министерот, Стефан Андоновски.

Македонија | пред 1 седмица

(Видео) Героски: Со Заев имав комплицирана врска, тој не е човек со кој можеш да се скараш

Груевски е најлошото нешто што и се случило на Македонија, оцени во „Претрес со Ландов“, новинарот Бранко Героски.„Јас бев најнапаѓаната личност после Шеќеринска во времето на Груевски, но Груевски не побарал од Велија Рамковски да ме сменат од уредник. Дури и во времето на Заев немаше директна навреда или закана врз новинари”, рече Героски.Потврди дека разговарале со Заев за преземање на МИА, но според него, Заев од седница на Влада му се јавил дека разговараат за МИА, дека има кандидати а Драган Антоновски немал работа.„Со Заев имав комплицирана врска. Заев едно време беше надеж. Бранко Црвенковски го донесе во СДСМ, а јас го затекнав. Од Заев побарав да ми купи стапчиња за риба. Заев не е човек со кој можеш да се скараш, а сум го советувал бесплатно. Во прва прилика кога ќе дојде во Скопје, ќе испиеме кафе”, рече Героски.За кажаното за СДСМ, вели, немам зошто да се извинам.„Со мајмуни шах не играј, ќе ти ги растурат или украдат фигурите”, рече Героски.

Скопје | пред 2 седмици

(Видео) Героски: Не ги тужам СДСМ, влегувам во битка со оваа секта

Скоте, мртов коњ, секта, овие зборови напишани за СДСМ за Героски не се навреда. За неговото пишување има 10 претставки до од СДСМ.„Битките ги водам според однесувањето на противникот.Дваесет соопштенија на СДСМ ми се посветени мене, а сега и на Ивона Талевска. Не ги тужам СДСМ, туку влегувам во битка со оваа секта. Ова што е сега СДСМ не наликува на партија. Тоа вечерва го кажа и Петре Шилегов. Јон Фрчковски нема никогаш да го тужам, може да каже што сака”, вели Героски.Ние новинарите, нагласи, не сме секта, сите сме поединци.

Скопје | пред 2 седмици

(Видео) Героски во Претрес со Ландов: Во животот сум заработил еден милион евра

Колку тежи Бранко Героски, на ова прашање во „Претрес со Ландов”, тој одговори: „Сум заработил во мојот живот еден милион евра. Се сам сум заработил”.Тој посочи дека весникот Дневник беше успешна приказна. Основачи со него биле Миле Јовановски, Александар Дамовски а како коосновач е Владимир Милчин .Дневник, вели, беше продаден кога беше во најдобра кондиција.„Дневник имаше 100.000 читатели. Тоа беше огромна енергија.Срѓан Керим врска немаше со тој бизнис, не верувам ни дека сега има врска. Ќе го паметиме по шишето со парите”, вели Героски.За себе вели дека бил чесен, пример за албанското прашање.„Пишував дека албанците беа обесправени”, објасни Героски.

Скопје | пред 2 седмици

(Видео) Героски: Со Мицкоски имам добра, но ретка комуникација, не мислам дека лаже

Јас бев горд член на Комунистичката партија, вели во „Претрес со Ландов”, новинарот Бранко Героски, но посочува дека бил премногу пргав да биде во партија. Тој едно време работел и во Комунист кој му бил сериозна школа исто како и Остен.Одговарајќи на прашањето од гледачи дали Мицкоски лаже, Героски одговори:„Со Мицкоски имам добра но ретка комуникација, не мислам дека лаже”.

Скопје | пред 2 седмици

(Видео) Героски: Суетен сум, но не лажам и не сум лицемерен

Новинарот и уредник на Плусинфо, Бранко Героски е гостин во „Претрес со Ландов”.За неколку дена официјално по повеќе од 40 години работа, заминува во пензија, но вели, ќе разочарал некои бидејќи нема намера да се „отштека” од тоа што најмногу го сака, а тоа е новинарството.„Сум се борел за важни работи во овие четири децении. Мојата генерација беше инсајдер во политиката. Не мора да сум политички активен за да се занимавам со политика”, вели Героски.Не се согласува дека има лицемерие во она што го работи.„Една работа е што никој не ми замерува, дека лажам или дека сум лицемерен. Дневник под притисок од Ватс на Срѓан Керим го напуштив. Истата приказна ми се случи во Шпиц кај Велија Рамковски. Јас му станав товар да се приближи на Груевски. Исто беше и со Слободен печат. Да,суетен сум.Мојот услов да правам весник, а тоа најдобро го правам беше да работам независно. Заев скриено беше сопственик на половина весник. Заев, Роберт Поповски, Владе Милчин, Живковиќ и јас седнавме на маса и ги договаравме весникот. Акции не барав, барав автономија”, вели Героски.

Скопје | пред 2 седмици

Стојаноски: Со новиот Кривичен законик секој во државава ќе мора да ги почитува законите, а правдата ќе важи за сите

„Пред оваа акција каде што беше уапсен и фатен судија во Апелациониот суд со 350.000 евра во ѕидот на неговата семејна куќа, исто така беше уапсен и врховен судија со 10.000 евра поткуп, што значи дека таа метастаза во македонското правосудство постои, 35 години граѓаните ја гледале, а она коешто сега охрабрува е што конечно институциите покажуваат знаци на отпорност кон ваквиот систем и сакаат да го исушат ова политичко обвинителско судско мочуриште кое едноставно го нагризуваше нашиот систем“, истакна Бојан Стојаноски, пратеник од редовите на ВМРО-ДПМНЕ на телевизија Њузмакс Балканс во емисијата „Став на регионот“.Стојаноски исто така истакна дека ќе бидат усвоени 5 закони кои ќе ги заострат критериумите за изборот на судии, обвинители и членови на судскиот Совет со цел да се спречат ваквите појави.“Овој месец ќе бидат усвоени пет закони коишто ќе треба да ја дефинираат обвинителската и судската служба и каде што ќе треба да ги заострат критериумите за избор дали на судии, дали на обвинители, дали на членови на судски Совет, за да може да го спречиме производството на вакви кадри коишто потоа ќе ја срамат целата држава, тие луѓе да не можат да се доближат до институциите а камоли да седат таму и даваат пресуди“, рече Стојаноски и додаде:„Колку човечки судбини се уништени од еден ваков корумпиран судија којшто досега успешно се криел од системот. Нешто за коешто нашата партија со години укажува дека тоа е присутно, се надевам дека ќе има уште акции и во наредните години од преостатокот од нашиот мандат, ќе успееме да санкционираме многу вакви криминалци коишто се заштитени и коишто сеуште егзистираат во тој дел од општеството“.На крај Стојаноски посочи дека со новиот Кривичен законик се предвидени заострени казни со цел да се покаже дека секој во државата треба да ги почитува законите, а правдата важи за сите.„Оваа е порака дека другите судии коишто можеби помислуваат на вакви дејанија, дека криминалот е неисплатлив, ние сега создаваме решенија коишто ќе бидат системски, од коишто некој утре ќе може да ги гони функционерите од оваа власт, одговорни политичари така размислуваат. Во Кривичниот законик којшто ќе го изгласаме во петок се заострени сите казни, ние одлучивме како пратеници согласно уставните надлежности да предложиме повисоки законски казни, затоа што еднаш засекогаш мора да покажеме дека секој во оваа држава треба да знае дека треба да работи по закон, и нема недопирливи, правдата треба да ги стигне сите“, дециден е Стојаноски.

Македонија | пред 2 седмици

Полициски сили влегоа во Филозофскиот факултет во Нови сад по барање на деканот

Српската полиција денеска попладне влезе во зградата на Филозофскиот факултет во Нови Сад по барање на деканот Миливој Алановиќ, додека студентите ја блокираа институцијата поради отпуштањето на професорката Јелена Клеут.„Разговаравме со студентите, разговараме со полицијата, полицијата разговара со студентите“, изјави Алановиќ, додавајќи дека блокадата мора да заврши или ќе биде принуден да преземе мерки за продолжување на работата на факултетот. Продеканот Дејан Пајиќ ги повика студентите да се откажат од блокадата, истакнувајќи дека од нив зависи „дали ќе ги видиме сцените од 5 септември“, кога полицијата бурно реагираше на протестот на студентите.Студентите чекаа до 14 часот на одговор од деканот, од кого побараа институцијата да ја поддржи нивната професорка и да се обиде да ја врати на работа. Откако добија одговор дека факултетот не може да стори повеќе, студентите донесоа душеци подготвени за подолг престој во зградата. Професорката Клеут е присутна во зградата со студентите и ги охрабрува да продолжат да го бранат универзитетот.Митингот во поддршка на професорката, која денеска беше официјално отпуштена, започна во 12 часот со пораката „Ако Клеут не предава, никој нема“. Според официјалното решение, нејзиниот работен однос по Комуникологија завршил на 20 јануари поради истекот на рокот на кој бил заснован.Во текот на август и септември 2025 година, полицијата речиси еден месец беше присутна на Филозофскиот факултет поради претходни протести и блокади од страна на студентите.

Свет | пред 2 седмици

Европските претставници за говорот на Трамп: Сега го сака Исланд, сигурни сме

Дипломати и високите претставници во Брисел денеска го следеа говорот на Доналд Трамп преку пренос на компјутери и телевизија. Настапот на Светскиот економски форум во Давос се одржа во време на незапаметени трансатлантски тензии, но по повеќе од еден час говор, многумина признаа дека неговите намери им останале нејасни.Говорот се случи еден ден пред состанокот на лидерите на Европската унија, на кој ќе се дискутираше одговорот на заканите за нови царини доколку Данска не ѝ ја предаде контролата над Гренланд на САД. „Ниту една нација или група на нации не е во позиција да обезбеди Гренланд освен Соединетите Американски Држави“, рече Трамп, но додаде: „Не морам да употребувам сила, не сакам да употребувам сила, нема да употребам сила.“ Иако со тоа првпат исклучи воена интервенција, неговите изјави не ги умирија сите.Еден анонимен дипломат од ЕУ изјави дека луѓето „самите можат да проценат“ и додаде дека се чини Трамп сè уште упорно се залага за добивање на Гренланд. Друг дипломат потенцираше дека состанокот на лидерите на ЕУ останува итен и дека е важно лидерите да дадат заеднички одговор по турбулентниот викенд.Поранешната германска министерка за надворешни работи, Аналена Бербок, на социјалните мрежи напиша: „Ако повторно се почне со доведување во прашање на границите на државите и обиди тие да се менуваат со сила, закани или присила, ќе се вратиме во мрачни времиња.“Трамп во својот говор повеќе пати ги мешаше Гренланд и Исланд, нарекувајќи го Гренланд „голем, прекрасен дел лед, тешко е да се нарече копно“, а Исланд го спомна најмалку четири пати. Еден од изасланиците на ЕУ со насмевка рече: „Па, сега сака Исланд, а не Гренланд, така што сме сигурни.“ Претходно, американската администрација беше предмет на шеги поради изјавата на Трамповиот кандидат за амбасадор на Исланд, Били Лонг, кој тврдел дека Исланд треба да стане 52-та американска држава.Дел од загрижените европски претставници се насмеаја и на Трамповите коментари за францускиот претседател Емануел Макрон: „Убави сончеви очила, но што се, по ѓаволите, случи?“

Свет | пред 2 седмици

Кина гледа можност на Гренланд, но не на начин на кој Трамп мисли

Американските планови на Доналд Трамп за потенцијално приближување или контрола на Гренланд предизвикуваат сериозни реакции во меѓународната заедница и можат да ја разеднат НАТО алијансата. Шефицата на европската дипломатија, Кaja Калас, предупредува дека Кина и Русија „сигурно имаат причини за задоволство“ поради овие потези, додека самиот Трамп истакнува дека неговите акции се мотивирани од потребата да се спротивстави на „китаиската закана“.Од Пекинг, пак, се гледа дека нестабилноста во американската политика отвора нови можности за Кина. Професорот Ванг Вен од Универзитетот Ренмин вели дека голем дел од Кинезите ова го сметаат за уште една демонстрација на агресивно и хегемонистичко однесување на САД, а „окупацијата на Гренланд би значела пропаст на НАТО, што би ги радувало Кинезите“.Во последните години, американските власти со загриженост ја следат растечката присутност на Кина и Русија во Арктикот. Претходниот државен секретар Мајк Помпео предупредуваше дека влијанието на Пекинг може да создаде „ново Јужно кинеско море“ на Северниот пол и ветуваше засилување на американското присуство.Кинеските компании, сепак, тешко успеваа да се утврдат на Гренланд поради отпорот од САД и Данска. Во 2018 година, Данска, под американски притисок, блокираше кинеска понуда за проширување на мрежата на аеродроми, а претходно беше оневозможена и куповина на напуштена морска база.Кина, во својот официјален документ од 2018 година, се прогласува за „држава блиску до Арктикот“ и најавува изградба на „Поларен пат на свилата“, со цел развој на арктичките поморски рути како дел од иницијативата Пojaс и пат. Првиот чекор во таа насока се случи во октомври со патување на кинески контејнерски брод преку Северниот морски пат, што го скрати времето за транспорт до Европа за половина.Сепак, сојузот со Русија е клучен за овој проект, а воената и политичка криза во Украина го зголеми европското сомневање кон Кина. Инвестициите на кинески компании во рударските проекти на Гренланд се ограничени, особено по забраната за експлоатација на ураниум во 2021 година.И покрај тоа, Пекинг внимателно ги следи потезите на Трамп, кој со нарушувањето на глобалните сојузи создава ризици за сопствените интереси на Кина, но истовремено нуди можности за преиспитување на арктичката стратегија.

Свет | пред 2 седмици

Мурковски: Зборува за Гренланд како да е недвижен имот

Американската републиканска сенаторка Лиза Мурковски јавно го критикуваше предлогот на претседателот Доналд Трамп САД да преземат контрола над Гренланд, оценувајќи го како навреда за тамошниот народ. Мурковски истакна дека во изјавите на Трамп не се признавало постоењето на локалното население и дека судбината на оваа данска автономна територија треба да ја одредуваат неговите жители.„Познавам Гренландци и имам пријатели таму. Денес длабоко размислував за нив. Во Трамповите зборови нема никакво признавање дека на Гренланд живеат луѓе“, изјави Мурковски за CNN. Таа додаде дека иако се согласува дека територијата е стратешки важна, опишувањето на Гренланд како „комад мраз“ го омаловажува животот на автохтоните заедници што таму живеат.Сенаторката истакна дека европските лидери се загрижени поради можните намери на Трамп, особено откако тој закани со воведување на царини кон некои американски сојузници доколку не ја поддржат неговата стратегија за Гренланд.

Свет | пред 2 седмици

Голоб: Словенија сè уште нема да се приклучи на Одборот за мир

Словенечкиот премиер Роберт Голоб изјави дека сè уште не е дојдено време Словенија да се приклучи на таканаречениот Одбор за мир, кој го води американскиот претседател Доналд Трамп, наведувајќи дека најголемата загриженост произлегува од преширокиот мандат на ова тело и можноста тој сериозно да го поткопа меѓународниот поредок заснован на Повелбата на Обединетите нации.Голоб нагласи дека меѓународниот поредок во кој централна улога имале Обединетите нации со децении ѝ служел не само на Словенија, туку и на цела Европа и пошироко, обезбедувајќи стабилност и мир. Според него, токму ризикот од разградување на системот на ОН е она што најмногу загрижува, бидејќи предложениот одбор, од една страна, ги надминува овластувањата што би произлегле од резолуција на Советот за безбедност, а од друга страна, ги надминува и рамките што би ги прифатила Словенија како суверена држава.Тој додаде дека Словенија би била подготвена за соработка доколку мандатот на одборот биде потесно дефиниран и насочен кон прашања како поствоената обнова на Газа и евентуално на Западниот Брег. Воедно, најави дека нема да присуствува на потпишувањето на основачката повелба на одборот во Давос, но дека подоцна истата вечер во Брисел ќе се сретне со лидерите на земјите членки на Европската Унија.Голоб истакна дека ќе се залага за единство и решителност на европските држави во давањето заеднички одговор во кој правото на територијален интегритет, суверенитет и неповредливост на границите ќе биде на прво место, вклучително и кога станува збор за Гренланд. Тој нагласи дека со испраќањето двајца офицери на Гренланд, Словенија испраќа јасна порака дека го брани основното начело на територијалниот интегритет и неповредливоста на границите, повторувајќи го ставот дека Гренланд им припаѓа на Гренланѓаните и дека за Словенија не постои друга позиција освен поддршка на суверенитетот и територијалниот интегритет.

Свет | пред 2 седмици

ЕУ го запира трговскиот договор со САД поради заканите на Трамп

Европската унија го запре процесот на формално одобрување на трговскиот договор постигнат со американскиот претседател Доналд Трамп, откако тој упати закани за воведување царини поврзани со прашањето за Гренланд, објави NBC News. Одлуката следува по реакцијата на Европскиот парламент, каде што претседателот на Комитетот за меѓународна трговија, Бернд Ланге, оцени дека поради заканите насочени кон Гренланд, Данска и нивните европски сојузници, Унијата немала друга можност освен да ја суспендира работата на договорот.Ланге изјави дека, со оглед на континуираните и ескалирачки притисоци, вклучително и заканите со царини, не може да се продолжи со вообичаено деловно функционирање. Тој нагласи дека нема да се преземат никакви чекори за напредување на договорот сè додека Соединетите Американски Држави не се определат повторно за соработка наместо за конфронтација, посочувајќи дека суверенитетот и територијалниот интегритет на европските држави се доведени во прашање.Одлуката доаѓа откако Трамп во саботата изјави дека седум земји-членки на Европската унија, заедно со Обединетото Кралство, би биле погодени од царини доколку не ѝ дозволат на Америка контрола врз Гренланд. Со тоа, политичката атмосфера околу веќе договорената спогодба драстично се заостри.Трговскиот договор беше постигнат во јули, за време на посетата на претседателката на Европската комисија, Урсула фон дер Лајен, на голф-клубот на Трамп во Тарнбери, Шкотска. Суштината на договорот предвидуваше ограничување на американските царини за поголемиот дел од увозот од Европската унија на 15 проценти, што важеше за една од најниските стапки што Вашингтон ги одобри на трговски партнери минатата година. Дел од европскиот извоз, како генеричките лекови, требаше целосно да биде ослободен од царини.За возврат, Европската унија, како најголем трговски партнер на САД, ќе ги намалеше царините за одредени американски производи, со што ќе се олеснеше пласманот на земјоделските и индустриските производи од Соединетите Американски Држави на европскиот пазар. Кога договорот првпат беше објавен, Европската комисија соопшти дека тој носи стабилност во трансатлантските економски односи.Сепак, тонот се промени по најновите закани од Вашингтон. Говорејќи на Светскиот економски форум, Урсула фон дер Лајен порача дека и во политиката, како и во бизнисот, договорите мора да се почитуваат, додавајќи дека кога пријателите си подаваат рака, тоа треба да има значење.

Свет | пред 2 седмици

Марк Руте: Треба да сте задоволни што Трамп е тука

Добро е што Доналд Трамп повторно е избран за претседател на Соединетите Американски Држави, бидејќи без него сојузниците во НАТО не би ги зголемиле издвојувањата за одбрана, изјави генералниот секретар на Алијансата, Марк Руте, на Светскиот економски форум.Говорејќи на панел-дискусијата „Може ли Европа да се одбрани?“, Руте истакна дека, иако неговиот став не е популарен, искрено верува дека европските земји треба да бидат задоволни од присуството на Трамп на чело на САД, бидејќи токму тој ги натерал да се соочат со последиците и да преземат поголема грижа за сопствената одбрана.Според него, големите европски економии, меѓу кои Шпанија, Италија и Франција, никогаш не би прифатиле да издвојуваат два проценти од бруто-домашниот производ за одбрана доколку Трамп повторно не станел американски претседател. Руте оцени дека без неговото влијание таквите одлуки не би биле донесени и нагласи дека тие се клучни за европската и канадската страна на НАТО, со цел сојузот конечно да созрее во светот по Студената војна.Тој потсети дека и неговата матична земја, Холандија, со која раководеше како премиер од 2010 до 2024 година, беше критикувана поради недоволни издвојувања за одбраната во тој период.Руската целосна инвазија врз Украина во 2022 година, според Руте, ги принуди европските држави значително да ја зголемат одбранбената потрошувачка и да се подготват за можноста од намалено американско воено присуство на континентот, додека Вашингтон ги пренасочува своите воени приоритети.Тој истакна дека САД и понатаму имаат повеќе од 80.000 војници во Европа, вклучително и во Полска и Германија, и остануваат силно вклучени во европската одбрана, но дека е логично Американците сè повеќе да се насочуваат кон Азија. Поради тоа, Европа, според Руте, мора постепено да преземе поголем дел од товарот, при што нуклеарниот чадор останува крајната гаранција за безбедноста.Сојузниците во НАТО минатото лето се договорија за нова цел – одбранбените трошоци да достигнат пет проценти од бруто-домашниот производ до 2035 година.

Свет | пред 2 седмици

Пластиката се распаѓа дури 450–600 години – важноста на селекцијата и рециклирањето

Јавното претпријатие „Охридски Комуналец“ потсетува дека отпадот фрлен на земја или во вода не исчезнува, туку ја загадува животната средина за сегашните и идните генерации. Пластичната амбалажа, која се распаѓа дури 450–600 години, има особено штетно влијание.Правилната селекција и рециклирање на пластиката ја намалуваат загаденоста, ја штедат енергијата и природните ресурси и ја зачувуваат животната средина.„Отпадот е прашање кое нѐ засега сите. Селектирајте правилно!“ апелираат од ЈП „Охридски Комуналец“.

ОО | пред 2 седмици

Дежурните екипи на ЈП „Охридски Комуналец“ мобилизирани за дејствување во зимски услови

По синоќешните снежни врнежи, дежурните екипи на ЈП „Охридски Комуналец“ се целосно мобилизирани, со целокупната расположлива механизација и човечки ресурси, за расчистување на снежната покривка.Интервенциите се изведуваат според приоритет: повисоки населени места, главни сообраќајници, пешачки зони и пристапни патеки до објекти од витално значење. Состојбата ќе се следи будно во текот на денот, а екипите ќе интервенираат каде што наметнуваат потребите.ЈП „Охридски Комуналец“ апелира до граѓаните да ја почитуваат обележаната инфраструктура и препораките за безбедно движење во зимски услови.

ОО | пред 2 седмици