Со остар предмет се обидел да нападне четири малолетници - пријава за младо лице од Тетово

СВР Тетово поднесе кривична пријава против С.Д. (25) од Тетово, поради постоење основи на сомнение дека сторил кривично дело „загрозување со опасно орудие при тепачка или караница“, соопшти Министерството за внатрешни работи.Според пријавата, на 11 декември 2025 година, во Тетово, пријавениот со употреба на остар предмет се обидел да нападне четири малолетни лица, при што предизвикал чувство на страв и загрозување на нивната безбедност.Случајот е целосно документиран и доставен до надлежното јавно обвинителство за понатамошна постапка.

Македонија | пред 1 месец

Банкар од Прилеп осомничен за злоупотреба: си ги зголемувал кредитните лимити и стекнал над пола милион денари

СВР Битола поднесе кривична пријава против М.С. (35) од Прилеп, поради постоење основи на сомнение дека сторил кривично дело „злоупотреба на службената положба и овластување“, соопшти Министерството за внатрешни работи.Според наводите во пријавата, пријавениот, во својство на службено лице вработено во банка во Битола, во повеќе наврати неовластено ги зголемувал лимитите на сопствената кредитна картичка и специјален лимит, како и лимитот на кредитната картичка на неговата сопруга.Покрај тоа, осомничениот незаконски го зголемил својот имот, како и имотот на сопругата и мајката, овозможувајќи за себе и за нив да се стекнат со вкупна противправна материјална корист во износ од 657.400 денари.Случајот е целосно документиран и доставен до надлежното јавно обвинителство за понатамошна постапка.

Македонија | пред 1 месец

Пукал од кола кон стан во Струга - уапсен маж за настан од крајот на октомври

ОВР Струга поднесе кривична пријава против Г.М. (48) од селото Подмоље, општина Дебрца, поради постоење основи на сомнение дека сторил кривично дело „предизвикување општа опасност“, соопшти Министерството за внатрешни работи.Според информациите од полицијата, на 30 октомври 2025 година, на улицата „Маркс Енгелсова“ во Струга, пријавениот од патничко возило „пежо“ со охридски регистарски таблички, кое го управувал, испукал неколку куршуми од пиштол „Взор“ калибар 7,65 милиметри кон стан во сопственост на Д.М. од Струга.Во инцидентот, според досегашните информации, нема пријавени повредени лица, а случајот е целосно документиран и предаден на надлежното обвинителство за понатамошна постапка.

Македонија | пред 1 месец

Жена приведена во Аеродром поради агресивно однесување кон полицајци

На 18 декември 2025 година околу 14:20 часот, во Скопје, на подрачјето на општина Аеродром, полициски службеници од СВР Скопје ја привеле Д.Ц. (49) од Скопје, информираат од Министерството за внатрешни работи.Според МВР, таа се однесувала агресивно кон полициските службеници кои во моментот вршеле службени дејствија.По целосно документирање на случајот, против неа ќе биде поднесен соодветен поднесок, наведуваат од полицијата.

Скопје | пред 1 месец

Починат маж пронајден во двор од семејна куќа, наредена обдукција

На 18 декември 2025 година околу 11:00 часот, во СВР Скопје било пријавено дека во двор од семејна куќа на подрачјето на Драчево е пронајден починат А.Б. (64) од Скопје, информираат од Министерството за внатрешни работи.Лекар од Итната медицинска помош излегол на местото на настанот и ја констатирал смртта.По наредба на јавен обвинител, телото на починатиот е предадено на обдукција, со цел утврдување на точните причини за смртта.Од МВР наведуваат дека се преземаат соодветни мерки за целосно расчистување на случајот.

Скопје | пред 1 месец

Објавувал интимни фотографии и видеа без дозвола – пријава против 26-годишник

СВР Куманово поднесе кривична пријава против Л.А. (26) од Куманово, поради постоење основи на сомнение дека сторил кривично дело „злоупотреба на лични податоци“, соопшти Министерството за внатрешни работи.Според информациите од МВР, на 28 октомври 2025 година, пријавениот преку свој профил на социјална мрежа објавувал експлицитни фотографии и видеа од женско лице, без нејзина согласност.Со ваквото постапување, осомничениот неовластено ги злоупотребил личните податоци и приватноста на оштетеното лице, поради што против него е поднесена соодветна кривична пријава.Од МВР најавуваат дека постапката продолжува, а случајот ќе биде процесуиран до надлежното јавно обвинителство.

Македонија | пред 1 месец

Русија формира нова воена гранка, Путин зборува за масовни пријави

Рускиот претседател Владимир Путин тврди дека интересот за приклучување кон руската армија е толку голем, што Министерството за одбрана било принудено да воведе селекција на кандидатите.Во телевизиско обраќање, Путин изјави дека повеќе од 400.000 лица лани доброволно стапиле во воена служба, нагласувајќи дека пријавите „буквално го преплавиле“ одбранбениот систем.Според него, особено голем е интересот за служба во новоформираната гранка на руската армија задолжена за бесpilotни системи, односно за војување со дронови. Поради тоа, како што тврди Путин, Министерството за одбрана спроведува конкурсен и селективен процес за избор на кадар.Рускиот претседател истакна дека меѓу пријавените има значителен број млади луѓе и студенти, од кои дел земале академски одмор за да се приклучат како оператори на дронови.Русија во јуни годинава официјално формираше нова самостојна воена гранка под назив Сили за бесpilotни системи, специјализирана за употреба на дронови и автономни технологии во војната во Украина.Тврдењата на Кремљ за масовна доброволна мобилизација доаѓаат во период кога руските воени активности продолжуваат по целата линија на фронтот, додека независни извори и западни аналитичари редовно ги оспоруваат официјалните податоци од Москва.

Свет | пред 1 месец

(Видео) Снимка од моментот кога херојот од масовната пукање во Австралија доби над 1,6 милиони долари донации

Мажот кој јавноста во Австралија и светот го слави како херој по масовната пукање на плажата Бонди, во петокот доби чек во износ од над 1,65 милиони американски долари, средства собрани преку донации од десетици илјади луѓе ширум светот, јавува „Ројтерс“.Станува збор за Ахмед ал Ахмед, кој за време на нападот се сокрил зад паркирани автомобили, а потоа истрчал одзади кон еден од напаѓачите, му го одзел оружјето и го соборил на земја. Во хаосот што следел, тој бил застрелан, најверојатно од вториот напаѓач, и се здобил со прострелни рани. Во моментов се опоравува во болница по извршена операција.Чекот му беше врачeн во болничката соба од инфлуенсерот Закери Дерениовски, кој е еден од организаторите на хуманитарната кампања на платформата GoFundMe. Ал Ахмед, татко на две деца, доби чек во износ од 2.533.585 австралиски долари.Во акцијата за собирање средства учествувале повеќе од 43.000 донатори од целиот свет, меѓу кои и американскиот милијардер и менаџер на хеџ-фонд, Бил Акман, кој донирал 99.999 австралиски долари. Ал Ахмед во болница го посетиле и австралискиот премиер, како и премиерот на сојузната држава, кои јавно ја пофалиле неговата храброст.„Дали навистина го заслужувам ова?“, прашал Ал Ахмед кога му бил врачeн чекот. „Секој цент“, му одговорил Дерениовски.На прашањето што би им порачал на луѓето кои донирале, Ал Ахмед изјави:„Да стоиме еден покрај друг, сите луѓе. Да ги заборавиме лошите работи и да продолжиме да спасуваме животи.“Тој додаде дека реагирал инстинктивно:„Го направив тоа од срце. Тоа беше убав ден, луѓето славеа, беа со своите деца, семејства, сите беа среќни и заслужуваа да уживаат.“Ал Ахмед (43) ја напуштил својата родна област Идлиб во северозападна Сирија пред речиси 20 години и заминал во Австралија во потрага по работа и подобар живот.Во масовниот напад што се случи во неделата, животот го загубија 15 лица, а десетици беа повредени, откако двајца напаѓачи отворија оган врз луѓе кои на плажата Бонди го славеле Ханука, еврејскиот празник на светлината. Властите соопштија дека нападот го извршиле татко (50), кој бил убиен од полицијата, и неговиот 24-годишен син, кој се наоѓа во критична состојба.

Свет | пред 1 месец

Акција за организиран криминал: 11 уапсени, 33 осомничени за злоупотреби тешки 7,6 милиони евра во ЕСМ

Единаесет лица се уапсени, а против вкупно 33 лица е отворена истражна постапка поради сомнеж за сериозен организиран криминал поврзан со јавни набавки во ЕСМ Дистрибуција на топлина, соопшти Основното јавно обвинителство за гонење на организиран криминал и корупција (ОЈО ГОКК).Акцијата била спроведена во текот на ноќта меѓу 17 и 18 декември и во текот на вчерашниот ден, на повеќе локации во Скопје и околината, Куманово, Неготино, Велес, Пехчево, Пробиштип и Кочани, под раководство на јавен обвинител и со учество на полициски службеници од Одделот за организиран и сериозен криминал при МВР.33 осомничени за злосторничко здружувањеСпоред Обвинителството, сите 33 лица се осомничени за кривично дело „Злосторничко здружување“, при што:7 лица се осомничени како помагачи или поттикнувачи за продолжено кривично дело злоупотреба на постапка за јавна набавка,12 лица се товарат за продолжена злоупотреба на службена положба и овластување,20 лица се осомничени како соизвршители за перење пари и други приноси од казниво дело.Според наводите во истрагата, во текот на 2023 година, тројца службени лица вработени во ЕСМ Дистрибуција на топлина ДООЕЛ Скопје, заедно со четворица управители и/или сопственици на две приватни компании, формирале организирана група со цел изигрување на постапките за јавни набавки.Групата однапред изготвила техничка спецификација за набавка на „СКАД ормари – мониторинг ормари со ГСМ контролор за топлински станици“, со што, според Обвинителството, била наместена постапката за конкретни фирми.На јавниот повик се пријавиле две правни лица – едно од Скопје и едно од Куманово. Компанијата од Куманово доставила нецелосна документација и повисока понуда, додека скопската фирма понудила цена речиси идентична со проценетата вредност на набавката, иако таа вредност не била јавно објавена.Со тоа, било овозможено скопската фирма да го добие тендерот, со што се стекнала со противправна имотна корист од 472.470.407 денари со ДДВ, односно околу 7,68 милиони евра, на штета на буџетот на ЕСМ Дистрибуција на топлина.По реализацијата на јавната набавка, во периодот од 2023 до 2025 година, осомничените, со цел прикривање на потеклото на средствата, пуштиле во оптек, примиле и пренеле 125.556.930 денари, односно околу 2,04 милиони евра, со што, според обвинителството, го оствариле кривичното дело перење пари.По предлог на јавниот обвинител, Основниот кривичен суд Скопје прифатил мерки:7 лица добија притвор,за 6 лица се изречени мерки за обезбедување присуство во постапката.Обвинителството најавува продолжување на истрагата и дополнителни дејствија во предметот

Македонија | пред 1 месец

Воведени итни мерки поради екстремно загадување

Министерството за животна средина и просторно планирање воведе низа мерки за скопските населби Центар, Гази Баба, Карпош и Лисиче откако мерните станици регистрирале зголемено загадување на воздухот.„Според податоците од Државниот автоматски мониторинг систем за квалитет на амбиенталниот воздух и добиената временска прогноза од Управата за хидрометеоролошки работи, прагот на алармирање на суспендирани честички со големина до 10 микрометри (надминување на вредноста од 150 милиграми на кубен метар во текот на два последователни денови) е надминат на мерните места во Центар, Гази Баба, Карпош, Лисиче и Ректорат“, соопшти Министерството.Според објавените мерки, им се препорачува на сите работодавци да ги ослободат од работните обврски бремените жени, лицата постари од 60 години и лицата со хронична астма, прележан миокарден инфаркт или мозочен удар, без разлика на возраста.Министерството бара да се засилат вонредните инспекциски надзори на инсталациите со А-Интегрирана еколошка дозвола и на инсталациите со Б-Интегрирана еколошка дозвола и Елаборати, а инсталациите со континуиран мониторинг да овозможат јавен пристап до измерените податоци.„Да се интензивираат вонредните контроли на техничката исправност на возилата, особено оние со дизел горива и нерегистрирани возила и вонредните контроли на градилиштата, а се забранува горење на отворено“, соопшти Министерството за животна средина.Исто така, им се препорачува на сите работодавци да го реорганизираат работното време, а лицата кои работат на отворено да работат од 11 до 17 часот.

Македонија | пред 1 месец

Смртта на новороденчето на ГАК е резултат на систем што штити хиерархија, а не живот, вели Левица

Според Левица, смртта на новороденчето на Клиниката за гинекологија и акушерство во Скопје не претставува изолиран инцидент, туку е последица на длабок системски проблем во здравствениот сектор, каде, како што наведуваат, интересите на хиерархијата, бирократијата и формалностите се ставени над човечкиот живот.Од партијата укажуваат дека на ГАК подолг период недостигаат педијатри-неонатолози и дека новата власт предводена од ВМРО-ДПМНЕ имала обврска итно да реагира и да обезбеди стручен кадар, но тоа, според нив, не било сторено, што резултирало со повторување на трагични случаи.Според Левица, интерната документација на ГАК, вклучително и пријавата од началничката на интензивна нега, д-р супспецијалист Елизабета Петковска, укажува дека педијатарката д-р Емилија Бадева извршила долготрајна, повеќекратна и неуспешна реинтубација во траење од околу 20 минути, по што дошло до дестабилизација и смрт на новороденчето.Како што наведуваат од Левица, сведоштвата на специјализантките д-р Деспина Кочова и д-р Мевљане Ислами Лимани потврдуваат дека тие повеќепати ја предупредувале да ја прекине постапката.Левица дополнително наведува дека интерните податоци отвораат сериозни сомнежи за можна употреба на алкохол од страна на д-р Бадева за време на работното време. Според партијата, овие сомнежи биле игнорирани од директорката на клиниката, д-р Ирена Алексиовска Папестиев, како и од надлежните институции.„Директорката не ги известила Министерството за здравство, ДСЗИ ниту Јавното обвинителство цели два месеци, додека ДСЗИ подоцна се ограничува само на формални извештаи за медицинските состојби, без да го утврди суштинскиот причинско-последичен однос помеѓу несоодветната постапка и трагедијата. Министерот за здравство, Азир Алиу и директорот на ДСЗИ, Кирил Лазов, декларативно најавија формирање стручна комисија, но ова останува празна формалност ако не се обезбеди независна контрола и санкција на одговорните. Системот не овозможува вистинска контрола или санкции, дури и кога постојат сомнежи за алкохол или несоодветна постапка. Семејството на починатото новороденче, оставено без вистина и објаснување, се соочува со неизмерна болка и траума, жртвувајќи се на истиот систем кој ги штити своите формалности над животот. Недовербата и стравот што ги создава институционалниот молк се дополнителна неправда и трагедија. Овој случај е симптом на пазаризација, бирократизација и хиерархизација на здравството, што ги загрозува животите наместо да ги штити. Јавното здравство е претворено во инструмент за заштита на статус-квото, наместо да биде гарант на универзална грижа“, стои во соопштението.Според Левица, неопходно е:Итна, независна и транспарентна истрага од Јавното обвинителство за сите аспекти на случајот;Одговорност за директорката д-р Ирена Алексиовска Папестиев, педијатарката д-р Емилија Бадева и сите лица кои, според наводите, прикривале информации;Јавно објавување на обдукцискиот наод на новороденчето;Законски измени што ќе овозможат реална контрола на медицинските постапки, вклучително и тестирање за супстанции во критични оддели;Крај на културата на молк и заштита на хиерархијата над животите;Темелна реформа кон јавно, транспарентно, колективно и социјално здравство;Итна едукација и вработување на дополнителни педијатри-неонатолози.Од Левица дополнително го отвораат прашањето дали на ГАК постои јасен протокол за соработка со Детската клиника и Детската хирургија и дали навремено се прифаќаат сите новороденчиња за кои е проценето дека им е потребна специјализирана стручна помош.„Секое новороденче заслужува шанса за живот. Секое семејство заслужува вистина. Секоја институција што молчи – станува соучесник во смрт“, порачуваат од Левица.

Македонија | пред 1 месец

(Фото) Погледнете ја картата зад Владимир Путин пред која ѝ се обрати на јавноста

На ѕидот зад Путин е поставена карта на Русија. На нејзината крајна лева страна не е прикажан само Крим, туку јасно се забележуваат и контурите на сите четири источни украински региони кои Русија незаконски ги анектираше во 2022 година – Доњецката, Луганската, Запорожката и Херсонската област.Иако руските сили сѐ уште немаат целосна контрола врз тие територии, тоа не го спречи Путин уште тогаш да ги прогласи за составен дел од Русија. Нивното истакнување во позадината на денешното обраќање делува како јасен сигнал од Кремљ дека Москва нема намера да се откаже од своите територијални претензии.Прашањето за територијата останува најголемата пречка во преговорите за можен мировен договор, а оваа сценографија сугерира дека така и ќе остане – бидејќи Русија засега не покажува никаква подготвеност за компромис.

Свет | пред 1 месец

(Видео) Шест години Интервентна полиција во Скопје: Намалени разбојништва за 40 отсто

Со свечена манифестација денеска беше одбележан Денот на Единицата за интервентна полиција при СВР Скопје, по повод шест години од нејзиното формирање. На настанот беше истакната улогата на единицата во одржувањето на јавниот ред и мир и во заштитата на безбедноста на граѓаните во главниот град.Министерот за внатрешни работи, Панче Тошковски, во своето обраќање оцени дека Интервентната полиција се изградила во еден од клучните сегменти на безбедносниот систем, со висока оперативна подготвеност и брза реакција на терен.„Интервентната полиција често беше прва на местото на настанот и даде значаен придонес во заштитата на граѓаните. Намалувањето на разбојништвата во Скопје за околу 40 проценти е конкретен и мерлив резултат на вашата работа“, изјави Тошковски.Тој најави дека Министерството за внатрешни работи ќе продолжи со инвестиции во опрема, обука и човечки ресурси, со цел понатамошна модернизација и зголемување на капацитетите на Единицата.Командантот на Единицата за интервентна полиција, Милош Столевски, истакна дека за шест години постоење, единицата се етаблирала како неопходна алатка во борбата против криминалот и нарушувањето на јавниот ред.„Членството во Интервентната полиција носи чест, но и сериозна одговорност. Со професионалност и дисциплина изградивме доверба кај граѓаните и придонесовме Скопје да биде побезбедно место за живеење“, изјави Столевски.На настанот беше потенцирана и важноста на меѓуединичната координација и соработката со останатите служби во рамките на МВР, особено при спроведување на комплексни оперативни акции.Од МВР порачуваат дека Интервентната полиција ќе продолжи да се развива како модерна, професионална и ефикасна единица, насочена кон заштита на граѓаните и одржување на стабилен јавен ред и мир.

Македонија | пред 1 месец

Мистериозен прекин на веб-страницата на Белата куќа: Наместо официјална содржина се појави лајв-стрим со непознат маж

Официјалната интернет-страница на Белата куќа била во прекин околу еден час во текот на ноќта меѓу четврток и петок, при што на неа бил прикажуван необичен лајв-стрим со непознат млад маж, објави „Блумберг“.Според информациите, во рубриката Live News на сајтот нешто пред полноќ се појавил видео-пренос на кој се гледа помлад маж со брада и слушалки, како седи пред микрофон. Стримот во текот на следниот час наизменично се појавувал и исчезнувал од страницата.Засега не е познато дали станува збор за хакерски напад врз официјалната веб-страница на Белата куќа или за интерна техничка грешка и случајна објава. Од Белата куќа сè уште нема официјално соопштение со објаснување за инцидентот.Настанот предизвика внимание на социјалните мрежи, каде корисниците шпекулираат за безбедноста на дигиталните системи на американската администрација, но и за можната природа на прикажаната содржина.

Свет | пред 1 месец

Путин повторно условува мир: Повлекување на Украина и без НАТО

Рускиот претседател Владимир Путин изјави дека Русија е подготвена да ја заврши војната во Украина „по мирен пат“, одговарајќи на прашање дали е можно наскоро да се постигне мир или конфликтот ќе продолжи.Путин нагласи дека евентуален мировен договор мора да биде „заснован на принципи“, повикувајќи се на своето обраќање пред врвот на руското Министерство за надворешни работи во јуни 2024 година. Во тој говор, тој побара Украина целосно да ги повлече своите сили од територијата на Доњецката и Луганската област, како и да се откаже од намерите за членство во НАТО.Иако зборуваше за можноста за мирно решение, Путин истовремено изјави дека руските сили „напредуваат долж целата линија на фронтот“. Тој наведе неколку градови и населени места за кои тврди дека се блиску до тоа да бидат преземени од руската војска, меѓу кои и Красни Лиман, во источниот дел на Доњецката област.Сепак, ваквите тврдења од Москва во изминатите месеци често беа оспорувани. Русија во ноември соопшти дека го зазела Купјанск во Харкивската област, но украинскиот претседател Володимир Зеленски минатата недела го посети тоа подрачје и изјави дека украинските сили повторно презеле делови од градот.

Свет | пред 1 месец

Кривичниот законик повторно се „крпи“, а корупцијата се спасува со застарување, обвинува ЛДП

Либерално-демократската партија (ЛДП) изрази сериозна загриженост поради најновите предлог-измени на Кривичниот законик што оваа недела се најдоа пред пратениците во Собранието, оценувајќи дека станува збор за уште едно парцијално „крпење“ на правниот систем, наместо суштинска и долгонајавувана реформа.Од ЛДП посочуваат дека иако на прв поглед измените изгледаат како обид за заострување на казнената политика и исправка на штетите од минатото, во суштина тие не го решаваат клучниот проблем – можноста за застарување на тешки кривични дела.Партијата особено укажува на делата „Злосторничко здружување“ и „Злоупотреба на службената положба“, за кои и покрај предложеното зголемување на казните, застарувањето и понатаму останува реална опасност.„Борбата против корупцијата не смее да зависи од административни рокови кои им овозможуваат на сторителите да ја избегнат правдата“, наведуваат од ЛДП, инсистирајќи на дополнително зголемување на роковите за застарување за кривичните дела од 30-тата глава на Кривичниот законик, кога се нанесува штета на државниот буџет.ЛДП оценува дека повторното воведување на кривичното дело за злоупотреби при јавните набавки е задоцнет чекор и претставува обид за санирање на веќе направена штета, наместо системско решение.Позитивно се оценува воведувањето санкции за злоупотреба на порнографски и сексуални содржини, но од партијата бараат итно проширување на овие одредби. Според нив, Кривичниот законик мора експлицитно да ја опфати и злоупотребата на дигитални содржини создадени со вештачка интелигенција, т.н. deepfake, со цел заштита на достоинството и приватноста на граѓаните.„Доколку ресорното министерство не е способно до крајот на годината да донесе целосно нов, современ и европски Кривичен законик, треба јавно да ја признае својата неспособност“, порачуваат од ЛДП.Партијата нагласува дека Македонија нема време за нови правни експерименти кои отвораат простор за селективна правда и неказнивост.„Ни треба закон што ќе штити, а не закон што ќе амнестира преку застарување“, порачуваат од ЛДП, додавајќи дека ќе продолжат да се залагаат за бескомпромисна борба против криминалот и корупцијата.

Македонија | пред 1 месец

Шокантни податоци за младите: Алкохол на 13 години, цигари во основно

Македонија се соочува со сериозен проблем во однос на раната изложеност на децата и младите на штетни навики. Според најновиот извештај на Европскиот проект за истражување во училиштата (ЕСПАД) за 2024 година, дел од учениците во земјава првпат доаѓаат во контакт со цигари веќе на деветгодишна возраст, додека алкохол пробуваат околу 13 години.Податоците отвораат сериозни прашања за ефикасноста на превентивните политики и улогата на семејството, училиштето и институциите во заштитата на најмладите.Министерката за образование и наука, Весна Јаневска, оцени дека постојните механизми за превенција мора да се унапредат и приспособат на новите реалности, особено имајќи ја предвид сè поголемата употреба на електронски цигари меѓу младите.Таа потсети дека здравствената едукација веќе е вклучена во наставните програми, а од оваа учебна година во средните училишта е воведен и нов изборен предмет – „Учам за моето здравје“, чија цел е да ја зголеми свесноста за ризиците од зависности и нездрави навики.Истражувањето на ЕСПАД е спроведено на национално ниво и опфатило 2.831 ученик од 96 средни училишта низ државата, што, според надлежните, претставува релевантен и алармантен пресек на состојбите кај младата популација.Експертите предупредуваат дека ваквите навики, доколку не се препознаат и спречат навреме, можат да имаат долгорочни последици врз здравјето, образованието и социјалниот развој на младите.

Македонија | пред 1 месец

Јапонка „се венчала“ со виртуелен партнер создаден со вештачка интелигенција

Операторка во кол-центар од Јапонија, 32-годишната Јурина Ногучи, летово одржа симболична церемонија на венчавка со Лун Клаус Вердур – виртуелен лик создаден со помош на вештачка интелигенција, базиран на ChatGPT и инспириран од лик од видео-игра.Церемонијата се одржала во градот Окајама и немала правна важност, бидејќи јапонското законодавство не признава бракови меѓу луѓе и вештачка интелигенција, пренесува „Еуроњуз“.За време на настанот, Ногучи носела светлорозова венчаница и паметни очила со проширена реалност, преку кои комуницирала со својот дигитален „сопруг“. Ликот на Лун Клаус Вердур бил прикажан преку паметен телефон и дигитални илустрации.Церемонијата била замислена како личен и симболичен чин, без формални правни или институционални аспекти. Според медиумските извештаи, Ногучи изјавила дека чувствува емотивна поврзаност со виртуелниот лик и дека за неа настанот претставувал израз на лична слобода и избор.Настанот повторно ја отвори јавната дебата во Јапонија и пошироко за границите на технологијата, емоционалните односи со вештачката интелигенција и иднината на човечките интеракции во дигиталната ера.

Магазин | пред 1 месец

Москва без отстапки: НАТО-членството на Украина е „апсолутно неприфатливо“

Русија нема да прави никакви компромиси кога станува збор за евентуално членство на Украина во НАТО, ниту за распоредување на алијансиски воени контингенти или офанзивно оружје на украинска територија. Ова денеска го изјави заменик-министерот за надворешни работи на Русија, Александар Грушко.Во изјава за агенцијата „Спутник“, Грушко порача дека позицијата на Москва е јасна, цврста и одамна позната.„Членството на Украина во НАТО, како и распоредувањето на воени контингенти и ударно вооружување на нејзина територија, за нас е апсолутно неприфатливо“, изјави Грушко.Тој нагласи дека Русија во повеќе наврати ја има искажано оваа позиција и дека нема простор за нејзино преиспитување.Истовремено, Грушко изјави дека Москва е подготвена за дијалог со земјите членки на НАТО околу безбедносните прашања, но само под јасни и рамноправни услови.„Русија е подготвена да утврди правно обврзувачки безбедносни гаранции со земјите од НАТО, но исклучиво на реципрочна основа“, рече тој.Изјавата доаѓа во период на засилени дипломатски контакти и воени тензии поврзани со војната во Украина, како и во контекст на продолжените расправи за идната безбедносна архитектура во Европа.

Свет | пред 1 месец

Лукашенко: Рускиот ракетен систем „Орешник“ стапи во борбено дежурство во Белорусија

Најновиот руски ракетен систем „Орешник“ официјално стапи во борбено дежурство во рамки на белоруската армија, изјави денеска претседателот на Белорусија, Александар Лукашенко.Обраќајќи се на седницата на Севебелоруското народно собрание во Минск, Лукашенко потврди дека системот веќе е распореден и оперативен, но одби да открие детали за бројот на единици.„Еве го – на борбено дежурство е. Таму има повеќе од едно возило. Нема да зборувам јавно колку точно ги има“, изјави Лукашенко, пренесува белоруската државна агенција Белта.Тој дополнително нагласи дека ракетниот систем „Орешник“ во значителна мера е производ на белоруската воена индустрија.„Околу 50 отсто од системот е произведен во Белорусија“, рече Лукашенко, потенцирајќи ја улогата на домашното производство во заедничките воени проекти со Русија.Распоредувањето на „Орешник“ доаѓа во период на засилена воена соработка меѓу Москва и Минск, во контекст на згол

Свет | пред 1 месец

„Молчењето не е опција“ – 34-ти протестен марш за жртвите од „Пулс“

И оваа сабота, 20 декември, во Кочани ќе се одржи 34-тиот по ред протестен „Марш за ангелите“, посветен на жртвите од трагедијата во објектот „Пулс“. Маршот ќе започне во 14:05 часот.Настанот го организира здружението „16 Март 2025“, кое повторно упати јавен повик до граѓаните од Кочани и од целата држава да се приклучат и заеднички да побараат правда.„Ги повикуваме сите граѓани да чекорат со нас за вистинска правда – за нашите деца кои ги нема и за иднината на сите деца што доаѓаат. Да одиме заедно, во тишината што вреска по правда. Молчењето не е опција, правдата мора да се избори заедно“, се наведува во писменото соопштение на организаторите.Од здружението потенцираат дека секој нов марш е потсетник дека одговорноста за трагедијата сè уште не е целосно утврдена и дека болката на семејствата не стивнува.„Секој чекор, секој поглед и секое присуство е повик за правда“, порачуваат организаторите, нагласувајќи дека маршот е мирен, достоинствен и посветен на сеќавањето на жртвите.

Македонија | пред 1 месец

Трамп ја прекина лотаријата за зелени карти по масовното пукање на Универзитетот Браун

Американскиот претседател Доналд Трамп донесе одлука за суспензија на програмата за лотарија за зелени карти, позната како програмата за имигрантски визи за разноликост (DV1), по масовното пукање на Универзитетот Браун, во која минатата недела беа убиени две лица, пренесува Би-би-си.Осомничениот за нападот, португалски државјанин, влегол во Соединетите Американски Држави токму преку оваа програма во 2017 година, што, според администрацијата на Трамп, претставува сериозен безбедносен пропуст.Министерката за внатрешна безбедност Кристи Ноем потврди дека по директна наредба на претседателот програмата е ставена во мирување, со образложение дека целта е „да се осигура дека ниту еден Американец повеќе нема да биде повреден поради овој катастрофален програм“.„На осомничениот никогаш не требаше да му биде дозволен влез во нашата земја“, изјави Ноем.Програмата DV1 овозможува издавање до 50.000 имигрантски визи годишно, преку случаен избор на апликанти од земји со ниско ниво на имиграција во САД.Ноем потсети дека Трамп уште во 2017 година се залагал за укинување на програмата, по нападот со камион во Њујорк, кога беа убиени осум лица. Напаѓачот, узбекистанскиот државјанин Сајфуло Саипов, исто така влегол во САД преку програмата за разноликост на визи.Главен осомничен за пукањето е 48-годишниот Клаудио Невес Валенте. Американските власти веруваат дека тој претходно, на почетокот на неделата, го убил и португалскиот професор Нуно Луреира од Масачусетскиот институт за технологија (МИТ).Според претседателката на Универзитетот Браун, Кристин Паксон, Валенте бил запишан на докторски студии по физика на универзитетот од есента 2000 до пролетта 2001 година, но немал никаква активна поврзаност со институцијата во моментот на нападот.Само неколку часа по нејзината изјава, Валенте бил пронајден мртов во складишен објект во Салем, Њу Хемпшир. Полицијата смета дека извршил самоубиство со огнено оружје. Кај него биле пронајдени торба и две огнени оружја, а доказите од автомобилот во близина се совпаднале со оние од местото на нападот на Универзитетот Браун, потврди државниот обвинител на Род Ајленд, Питер Нерона.Властите истражуваат и убиство на 47-годишниот професор Нуно Ф. Гомеш Луреира, кој бил застрелан во својот дом во Бруклајн, околу 80 километри од Провиденс. Двајцата мажи студирале на ист универзитет во Португалија кон крајот на 1990-тите години.Во нападот што се случи на 13 декември, кога напаѓачот влегол во зградата на Машинскиот факултет на Универзитетот Браун за време на завршните испити, беа убиени двајца студенти, а деветмина беа повредени.Жртвите се идентификувани како 19-годишната Ела Кук, студентка од втора година од Алабама, и 18-годишниот Мухамад Азиз Умурзоков, студент од узбекистанско потекло, кој штотуку го започнал своето студирање.Мотивите за нападите засега остануваат непознати.

Свет | пред 1 месец

Со неуставна резолуција ДПМНЕ и ЗНАМ се обидуваат да ја замолчат јавната дебата, велат од СДСМ

Резолуцијата што ја изгласаа ДПМНЕ и ЗНАМ во Собранието не е ниту наивна ниту случајна, соопшти СДСМ, оценувајќи дека станува збор за опасен обид за директен удар врз демократијата, слободата на говор и уставниот поредок на државата.Од опозициската партија прашуваат зошто ваква резолуција се носи токму сега, во момент кога, како што велат, сè повеќе информации и докази излегуваат во јавноста за договор кој со месеци е предмет на интерес на британските медиуми, но и на домашната јавност.„Со закани за кривична одговорност и судски прогон, власта се обидува да ја спречи секоја јавна расправа за една крупна и важна тема. Тема за која не зборува само опозицијата, туку и релевантни странски медиуми, како и официјални претставници“, се наведува во соопштението.Според СДСМ, секојдневно се појавуваат нови информации поврзани со договорот со Велика Британија, а дополнителна потврда, како што тврдат, дошла и од редовите на самата Влада. Како пример го наведуваат вицепремиерот и министер за транспорт Александар Николоски, кој јавно потврдил дека голем инфраструктурен проект е дел од поширок меѓународен договор со Британија.„Граѓаните одамна знаат што значи тоа. Со што е врзан овој договор? Што треба Македонија да прифати за возврат за 6 милијарди евра кредити? Одговорот е јасен за сите“, велат од СДСМ.Партијата оценува дека токму поради овие прашања се носат, како што велат, неуставни резолуции, со цел да се воведе забрана за говор, да се замолчи опозицијата и јавноста да се држи во страв.„Ова е обид да се забрани дебата за вистината која веќе е позната. СДСМ, заедно со граѓаните, ќе се спротивстави на ова опасно сценарио и ќе се бори за правда, демократија и слобода на говор“, се наведува во соопштението.

Македонија | пред 1 месец

(Фото) Само една мерна станица во Скопје покажува чист воздух

Сите мерни станици во Скопје утрово регистрираат екстремна загаденост на воздухот – состојба што граѓаните ја живеат речиси секоја зима. Највисоките вредности, според апликацијата „Мој воздух“, се измерени во централното градско подрачје, додека единствено релативно чист воздух има на врвот на Водно.Изминативе денови Македонија се наоѓа на врвот од листата на држави со најзагаден воздух во Европа, а во одредени моменти и во светот, според рангирањата на платформата IQAir. Често, Струмица знае да го надмине и Скопје по загаденост.Здравствените експерти препорачуваат граѓаните да го ограничат престојот на отворено, особено во утринските и вечерните часови кога загадувањето е најизразено. Се советува користење јавен превоз наместо лични возила, како и заедничко возење за намалување на емисиите.Во домовите, граѓаните се повикуваат да не користат отпадни материјали за греење, како лакирано или обоено дрво, мебел, стиропор, пластика, гума и други синтетички материјали, чие согорување ослободува исклучително токсични честички. Посебен акцент се става и на правилна употреба и редовно одржување на печките, со користење суво и квалитетно гориво.Во услови на екстремно загадување, се препорачува прозорците и вратите да останат затворени, а при неопходен престој на отворено да се користат заштитни маски од типот FFP2 или N95. Дополнително, се советува избегнување физички активности на отворено.Придржувањето до овие мерки може значително да го намали внесот на штетни честички и да помогне во заштитата на здравјето, особено кај најранливите категории граѓани.

Скопје | пред 1 месец

ЕУ донесе одлука за финансирањето на Украина, стигна и првата реакција од Русија

Русија позитивно реагираше на компромисот што земјите членки на Европската Унија го постигнаа за финансирањето на Украина, оценувајќи дека со одлуката донесена во Брисел е избегнато, како што велат, „незаконско користење на руските државни резерви“.Главниот руски преговарач Кирил Дмитриев преку Телеграм порача дека „правото и здравиот разум засега надвладеале“, додавајќи дека одлуката претставува „тежок удар“ за, како што ги нарече, политичарите кои туркаат кон продолжување на војната.Во своите јавни реакции, Дмитриев директно ги посочи претседателката на Европската комисија Урсула фон дер Лајен, германскиот канцелар Фридрих Мерц и британскиот премиер Кир Стармер, обвинувајќи ги дека не успеале да издејствуваат конфискација на руските средства.„Неколку гласови на разум во рамките на ЕУ досега го спречија нелегалното користење на руските резерви за финансирање на Украина“, напиша Дмитриев, повторувајќи ја позицијата на Москва дека ваквиот потег би претставувал кражба на државен имот.Русија во повеќе наврати предупреди дека секое користење на замрзнатите руски средства ќе биде третирано како непријателски чин, најавувајќи можни контрамерки, вклучително и користење на западни средства и имот во Русија, особено оние во сопственост на приватни компании и инвеститори.По повеќемесечни несогласувања, земјите членки на ЕУ во раните утрински часови во петокот постигнаа договор за модел на финансирање на Украина за наредните две години. Според компромисното решение, Украина ќе добие бескаматен заем од 90 милијарди евра, а доколку Русија не плати воена отштета, отплатата на заемот би се вршела преку замрзнатата руска имотна маса во рамки на Унијата.Претходно, германскиот канцелар Мерц се залагаше за значително поамбициозен план, со кој преку средствата на руската централна банка – најголем дел замрзнати во Белгија – ќе се обезбедеа заеми до 210 милијарди евра. Сепак, тој предлог пропадна поради противење на неколку земји членки, меѓу кои Франција и Италија, како и поради сериозните правни и политички резерви изразени од Белгија.

Свет | пред 1 месец