Израелски војници пукаа врз Палестинците кои дојдоа да земат храна, убија најмалку 22 лица

Спасувачите во Газа изјавија дека во неделата во пукање од израелската армија загинале најмалку 22 Палестинци во близина на место за дистрибуција на помош поддржано од САД, кратко откако Вашингтон го отфрли одговорот на Хамас на предложеното примирје како „целосно неприфатлив“.Меѓународните критичари, вклучително и некои сојузници, го осудија Израел за хуманитарната криза во воено разорената Газа, каде што Обединетите нации предупредија дека целото население гладува по повеќе од два месеци блокада на помошта.Израел неодамна воведе обновен механизам за испорака на помош во соработка со новоформирана организација поддржана од САД, заобиколувајќи го долгогодишниот систем управуван од ОН.Организацијата, Хуманитарната фондација Газа (GHF), вели дека дистрибуирала стотици илјади оброци откако операциите започнаа минатата недела. Но, испораките на помош се нарушени од хаотични сцени во ограничениот број дистрибутивни центри, како и извештаи за жртви од израелскиот оган во близина.Портпаролот на Цивилната одбрана на Газа, Махмуд Басал, изјави за АФП дека израелските сили отвориле оган врз луѓе во близина на еден од центрите во јужниот град Рафа во неделата, при што загинале „најмалку 22 лица и биле ранети повеќе од 120, вклучувајќи деца“.Снимките на АФП од местото на настанот покажале некои цивили како носат тела на колички со магариња, додека други носеле кутии и вреќи со помош на слабото, рано утринско сонце.Ранетите биле однесени во болницата Насер во Кан Јунис, рече Басал.Раселениот жител на Беит Лахија, Самех Хамуда, 33, изјави за АФП дека пешачел од градот Газа и ја поминал ноќта со роднини во шатор во близина на Рафа пред да се упати кон центарот за помош околу 5 часот наутро за да чека меѓу толпата.

Свет | пред 8 месеци

(Фото) До пред месец во притвор, сега на Босфор: Јахоски добил времен пасош од судот, бил на прослава во Истанбул

Асмир Јахоски, кој до пред еден месец беше во притвор во затворот во Шутка, денеска се појави на фотографии од Босфор, односно Турција. Откако му беше укинат притворот, нему му беше одземен пасошот, а тој даде милиони како гаранција дека нема да бега. „Скопје1“ дознава дека тој потоа побарал времено да му биде вратен пасошот, па така, неговото заминување во Истанбул, е законско, бидејќи судиите одобриле.Можеби и немаше да се дознае дека бизнисменот кој е газда на „Пуцко петрол“ и осомничен за злоупотреби е во Турција, но го „издадоа“ фотографиите објавени од Алија Јахоски, кој честиташе „завршено образование“ на член на семејството. На две од нив е и осомничениот Асмир Јахоски. На едната се заедно со чичко му, татко му и славеникот, а на другата, заедно со татко му и славеникот.Останува непознато кога му бил издаден времениот пасош на Јахоски, ако се има во предвид дека на 06 мај тој остана без патна исправа бидејќи судот му ја одзема одредувајќи му мерка за обезбедување присуство.  Од судот, дополнително ќе побараме одговор кога треба Јахоски да се врати во Македонија. Во решението од Апелација, стои и дека секој прв понеделник во месецот тој треба да се јавува во Кривичен суд, што би значело, дека тоа треба да го направи утре.Јахоски е осомничен во истрагата за набавка на мазут за ТЕЦ Неготино. За тоа како излезе од притвор, пишувавме минатиот месец. 

Македонија | пред 8 месеци

Мицкоски за Арсовска е „маче“, ВМРО-ДПМНЕ вели: Таа е уценета и врзана – со морков и со стап

Градоначалничката Данела Арсовска, го нарече премиерот Христијан Мицкоски дека е „маче“ а не „лав“. Од ВМРО-ДПМНЕ возвратија дека нападите кон нивниот лидер се по нарачка на СДС и Али Ахмети. Ставот на Арсовска дојде откако Мицкоски посочи дека има вистина во тоа дека таа прави „дестабилизација“ пред изборите. Арсовска пак тоа го сметаше како покажување на сила кон жена.„‘Лавот’ Мицкоски не смее да писне против Ганиу и Меџити. Не смее на криво да ги погледне, не пак да бара одговорност за криминал. Лав? Маче. На 150 констатирани дивоградби, поткрепени со целосна документација, со снимки од лице место, ти не смееш да писнеш. Сила покажување на жена, наместо кај криминалци. Што значи тоа “ќе видиш ти”? Што ќе видам, ќе ги реализирате заканите или ќе пак ќе фалсификувате и ќе фабрикувате лаги за да ме девалвирате. Што и да направиш сите ќе знаат дека е од тебе и дека е во функција на заштита на криминалот на ВЛЕН, Изет Меџити и Висар Ганиу! И престанете со приказната за “дестабилизација”, никој не верува на тоа. Ви се дестабилизира сѐ на вас кога немате одговор за криминалот. Кога ќе ве фатат со рачињата во медот. Тогаш е дестабилизација. Мицкоски, кога мафташе со наводниот фалсификат за “Пулс” за 15 минути постапи МВР. Две недели презентирам документи за флагрантен криминал, а полицијата не смее да прими пријава од мене. Ми спуштаат на 192 кога ќе се претставам кој се јавува. Срам сте вие, не гордост“, напишала Арсовска.Реагираа од ВМРО-ДПМНЕ, кои велат: „Додека таа лае по Мицкоски, нејзините вистински газди – градоначалникот на Сарај и раководството на ДУИ – си ја завршуваат работата во тишина“.„Данела Арсовска е главниот инструмент на ДУИ во борбата против ВМРО-ДПМНЕ. Таа е уценета и врзана – со морков и со стап. Преку бизнис интереси, преку лични слабости, преку емотивни врски и релации, ДУИ ја држи целосно под контрола. Секој што имал средба со неа гледа дека нешто не е во ред, дека жената има внатрешен немир, лична конфузија и политичка дезориентација. Арсовска одамна не одлучува сама – таа е само гласноговорник на интересите на СДС и на Ахмети, а неволно или свесно, соработник на криминалот кој го притиска Скопје. Додека таа, со залутан и празен поглед – веројатно резултат на емоции и нарачки темелени врз уцени и лични слабости – напаѓа и скока во јавноста барајќи внимание кое, наместо да го добива за проекти и резултати, го бара секогаш кога сме пред избори, и тоа преку дрски и невоспитани напади кон ВМРО-ДПМНЕ, без да изусти збор за ДУИ и СДС, можеме само да констатираме дека ваквиот недоличен однос зборува најмногу за неа – и за друштвото со кое редовно се среќава по скопски Сарај и со кое сè почесто патува. Жалиме за тоа што ѝ се случува, и ќе издржиме уште неколку месеци сите ние како граѓани во овој политички театар што ни го приредува. А потоа, кога ќе ѝ заврши „употребната вредност“ за оние што сега ја командуваат, само ќе ѝ посакаме среќа во емотивните разрешници. Штета е што во овие 3,5 години, жената се разбудила од емоционалната сенка само трипати. И секој пат – пред избори. И секој пат – против ВМРО. Жално е, но уште пожално е изгубеното време за Скопје и за Македонија. Време кое ќе го надокнадиме по локалните избори – со нова енергија, со силни реформи, со проекти што се гледаат и со работа што ќе се почувствува. Скопје ќе добие шанса за нов почеток, откако ќе си замине срамот што денес го претставува. Нејзините лажни пријави не можат да ја сокријат вистината, дека со нејзин потпис се вршеа милионски криминали, дека се потпишуваа договори со сомнителни фирми, дека се спроведуваше политичка одмазда врз вработените, а улиците на главниот град беа претворени во дупки и руини“, велат од ВМРО-ДПМНЕ.

Скопје | пред 8 месеци

(Видео) Има вистина дека Арсовска се користи за дестабилизација пред изборите, многу скоро јавноста ќе дознае други детали, вели Мицкоски

Премиерот Христијан Мицкоски денеска изрази жалење поради информациите дека градоначалничката на Скопје, Данела Арсовска, добива закани по живот, повикувајќи ја веднаш да ги пријави заканите во Министерството за внатрешни работи.„Навистина жалам ако се случува тоа. Ја охрабрувам веднаш да појде во МВР, а МВР да испита кој стои зад заканите и веднаш да постапи“, изјави Мицкоски, коментирајќи ги тврдењата на Арсовска дека заканите се поврзани со нејзините објави за дивоградбите во Општина Чаир.Тој даде коментар и за изјавата на Изет Меџити, кој рече дека Данела Арсовска се користи како средство за дестабилизација пред изборите.„Има вистина тука, има вистина. И тоа впрочен е јасено на сите. Но, еве, јас не би имал повеќе од тоа што го кажува Меџити и Ганиу. Многу скоро јавноста ќе дознае други детали“, додаде Мицкоски.

Скопје | пред 8 месеци

(Видео) Дали постои снимка на која се гледа дека Петрушев ги заклучува вратите на „Пулс“? Тој е втор кој е заштитен, вели Илиевски

„Мицкоски и Коцевски ја продолжуваат голготата на родителите од Кочани кои речиси три месеци бараат правда за нивните починати деца“, вели Методија Илиевски, потпретседател на СДСМ и додава:Христијан Мицкоски не може да ги погледне овие луѓе во очи затоа што прави се за вистинските виновници за смртта на нивните деца да ги заштити и никогаш да не го видат лицето на правдата.Родителите на починатите и повредените деца од Кочани јавно ги посочуваат виновниците во институциите, но поради политички притисок од власта ниту еден актуелен државен функционер не е опфатен со истрагата на обвинителството.Коцевски и Мицкоски им должат одговор на родителите од Кочани зошто досега нема обвинение против Драган Казак Петрушев сменоводител кој вечерта раководел со акциската контрола во дискотеката Пулс?Дали е точно дека постои снимка на која се гледа дека лично Драган Петрушев спротивно на стандардните оперативни процедури ги заклучува вратите на дискотеката Пулс и не дозволува никој да го напушти објектот?Ако обвинителството поседува ваква снимка од безбедносните камери на дискотеката зошто досега нема обвинение против Петрушев?Дали Драган Петрушев има објаснување зошто акциската контола на објектот Пулс не ја прави во 12:30 часот на почетокот на забавата туку спротивно на добиената наредба прави контрола во друг објект, па дури при крајот на забавата во Пулс прави контрола во објектот кој бил должен да го контролира согласно наредбата уште во 12:30 часот?Мицкоски и Коцевски мора да им одговорат на родителите дали постоела комуникација помеѓу сопственикот на дискотеката и Драган Петрушев и дали барањето од газда Деко било да се прави акциска контрола пред крајот на забавата со цел да го зголеми профитот?Дали е точно дека против Петрушев се води уште една постапка за издавање на службена тајна и контакт со криминалци кои наместо да ги гони ги информирал за постапките кои се водат против нив?Дали Драган Казак Петрушев е заштитен затоа што е истакнат член на ВМРО-ДПМНЕ во Кочани и ги врши валканите работи на партијата во градот со години?Дали можеби Петрушев е заштитен затоа што поседува компромитирачки материјали за истакнати функционери на ВМРО-ДПМНЕ меѓу кои и пратеници?Зошто Петрушев присуствува на речиси секој протест во Кочани во формален капацитет како полицаец, дали целта на Панче Тошковски и Христијан Мицкоски е да ги заплашува родителите на починатите од Кочани да не говорат за што се случувало кобната вечер?Колку време е оставено на вистинските виновници за трагедијата во Кочани да прикриваа и уништуваат докази?Колку време им е оставено вистинските виновници да прават притисок врз сведоците и оштетените, да им се закаануваат на родитиелите на починатите во Пулс?СДСМ остави повеќе од доволно време институциите да донесат правда за жртвите на ова власт, но по се изгледа залудно.СДСМ нема да дозволи да нема правда за 62 починати млади деца и 200 повредени кои се директни жртви на институциите со кои раководи ВМРО-ДПМНЕ!СДСМ на целата македонска јавност ќе и ја обзнани вистината за трагедијата во Кочани.Продолжуваме со објавување на Вистината за трагедијата во Кочани.

Македонија | пред 8 месеци

Трамп споделува теорија на заговор дека Бајден бил погубен во 2020 година

Американскиот претседател Доналд Трамп сподели теорија на заговор за поранешниот претседател и неговиот политички ривал Џо Бајден на својот официјален профил на социјалната мрежа Truth Social.Доцна синоќа, 78-годишниот претседател објави содржина од про-Трамп профил на која пишуваше: „Џо Бајден е заминат - погубен во 2020 година“. Во продолжение на објавата, се тврди дека Бајден е заменет со „клонови, двојници и роботски конструирани бездушни, безумни суштества“ и дека „демократите не ја забележуваат разликата“.Newsweek ја контактираше Белата куќа за да дознае зошто претседателот ја објави оваа теорија и дали таа претставува негово одобрување на тврдењето. Прашања биле испратени и до Бајден преку неговата „Creative Artists Agency“.„Нема докази што го потврдуваат ова тврдење. Бајден постојано се појавуваше во јавноста, учествуваше на непланирани прес-конференции и комуницираше директно со светските лидери, што би било невозможно убедливо да се лажира со денешната технологија. Понатаму, таков голем заговор би барал учество на илјадници луѓе од различни политички кругови, вклучувајќи републиканци, новинари и странски претставници, што е крајно неверојатно“, пишуваат светските медиуми.Трамп ја сподели објавата кратко откако беше објавено дека на поранешниот претседател Бајден му е дијагностицирана агресивна форма на рак на простата. Дијагнозата покрена прашања за тоа зошто болеста не е откриена порано, како и теории дека неговото здравје било прикриено за време на неговото претседателствување, што е поврзано со неговиот наводен когнитивен пад и лошите резултати на јунската дебата со Трамп.Објавата на Truth Social се поврзуваше со статија од сатиричната конзервативна веб-страница Babylon Bee која нема никаква врска со теоријата на заговор. Статијата е насловена како „Семејството Бајден е загрижено дека им снемува време да го искористат неговото здравје“. Објавата беше придружена со десетици MAGA хаштагови и линкови до други про-Трамп профили како што е TheChristianPatriots.Соопштението доаѓа само неколку недели откако поранешниот претседател Бајден објави дека има рак на простата со Глисонов скор од 9, што Американското здружение за рак го дефинира како „високостепена малигност“, со метастази на коските.

Свет | пред 8 месеци

(Видео) Правеле зграда каде што била предвидена улица, хаос со дивоградбите во Чаир, вели СДСМ

„Урбаната мафија не спие ниту за викенди“, вели Љубица Јанчева, координаторка на советничката група на СДСМ и коалицијата во Советот на Град Скопје и додава:Наместо да се бара одговорност и да се спречат сите компромитирачки дејствија во врска со 150 дивоградби во Чаир, ситуацијата добива нови размери, а мрежата на инволиврани во овој мега скандал се проширува.Последните информации покажуваат фрапантни работи.Катастарот за недвижнини донел решение со кое ги избришал претходно впишаните нелегални „легализации“ за над 150 дивоградби во Чаир, за кои од јавноста дознавме дека биле впишани во Катастарот врз основа на фалсификувани документи.Според информации, доставени до нас од свиркачи, Катастарот донел решение за бришење на решение за впишување на објект, по барање, кое било доставено на 2.мај 2025 година, а архивирано на 25. мај 2025 година.За да биде ситуацијата уште потрагична, општина Чаир носи документ дека на локацијата каде што е изградена зградата било предвидено изградба на улица, но и покрај тоа на тоа место се изградила зграда. Ова решение на општина Чаир потоа исчезнало во општинските лавиринти.Прашуваме, дали во оваа спрега на урбаната мафија е инволвиран и директорот на Катастарот Иван Живковски?Живковски претходно беше претседател на Советот на општина Кисела Вода и претседател на. Општинскиот комитет на ВМРО-ДПМНЕ од Кисела Вода.Каква корист имаат Мицкоски и ВМРО-ДПМНЕ од 150 дивоградби во Чаир?Зошто од ВМРО-ДПМНЕ ги штитат подобните од нивниот коалициски партнер ВЛЕН?Недозволиво е институциите да молчат и да го покриваат криминалот на урбаната мафија.ВМРО-ДПМНЕ ветуваше де-ДУИзација, само за да ја промени со ВЛЕН-изација.СДСМ бара институционална разврска за овој мега скандал.Како советничка група во Советот поднесовме и барање за свикување на седница на Советот на Град Скопје.Советот има обврска за вака важно прашање да дискутира, да видиме дали и во други општини под власт на ВМРО-ДПМНЕ, ВЛЕН и ЗНАМ има вакви криминали со дивоградби. Недозволиво е членовите на Советот за вакви прашања да дознава од медиумите.Ги повикуваме сите советници да го поддржат нашето барање. Да покажат одговорност и да ги надминат политичките игри.Граѓаните го бараат тоа од нас, од сите членови на Советот кои со својот глас во Советот одлучуваат за нивните судбини.?feature=shared

Скопје | пред 8 месеци

Партијата на Бачев ќе бара пратениците да изгласаат воведување на една изборна единица

Единствена Македонија во понеделник ќе поднесе барање до пратениците најпосле да го стават на дневен ред Предлог-законот за изменување и дополнување на Изборниот законик поднесен на 22.07.2010 година.Тие во соопштението велат:„Со предлог-законот се предвидува:- измена на изборниот модел, со кој се предлага воведување на една изборна единица. Единствена Македонија како прва политичка партија што јавно ја застапува оваа идеја уштед од 2010 година, сметаме дека е време за праведен изборен систем во Република Македонија бидејќи таквиот изборен модел е покомпатибилен со нејзините карактеристики, култура и политички околности како и правичност и еднакво вреднување на секој глас, со што се овозможува најоптимално совпаѓање на процентот на освоени гласови со добиените пратенички мандати.- забрана на предизборно коалицирање со што ќе се стави крај на т.н. партии-крлежи кои пред секои избори шетаат од една во друга коалиција само за да нивните претседатели добијат директорски места. Сметаме дека единствено правилно е постизборно коалицирање откако на изборите ќе се види изборната тежина на секоја партија преку поединечен настап на изборите.- право на надомест на претставниците во изборните органи на сите учесници во изборниот процес. Познато е дека на денот на одржувањето на изборите, од започнувањето на изборите во 7 часот наутро, па, се до затворањето на гласачките кутии во 19 часот навечер, на избирачките места се присутни претставници на сите политички партии како овластени предлагачи. Меѓутоа, надомест од буџетот добиваатс само претсавниците на коалициите на ВМРО-ДПМНЕ, СДСМ, ДУИ и ВРЕДИ а сите останати партии-учесници треба да ги плаќаат своите претсавници од сопствени извори. Според тоа, треба да се надмине оваа дикриминацијата и нееднаквост во изборните органи.- претседателот и членовите на ДИК по престанокот на мандатот се враќаат на работното место на кое работеле до нивниот избор во ДИК и да не можат да бидат избрани и именувани за носители на јавни функции за период од 4 години по престанок на функцијата во ДИК. На тој начин се елиминира можноста за нивна постизборна награда со јавна функција за “добро завршена работа” во изборниот процес“.

пред 8 месеци

(Видео) Пандов призна: Осудените за Диво насеље имаат телефони во затвор, но не и водачите на Беланоца

Александар Пандов, директор на Управата за извршување санкции, во „Претрес со Ландов“ рече дека имал сознанија дека лицата кои организирале убиства и ликвидации наредби издавале од затворите и имало активности и планирање на сериозни кривични дела.„Во поголемите затвори има десетина лица кои вака дејствувале.Имале телефони и ај пад.Секоја недела има претреси.Сега тие лица минимално раководат со затворите. Осудените од Диво насеље сигурно имаат телефони. Најмалку половина од вработените во затворите не треба да се таму вработени. Има многу корупција во затворите, имало и ќе има иако сега има помалку”, вели Пандов.Пандов рече дека многу е подобрена сега состојбата во затворите.Околу 1.000 телефони се одземени од затвореници откако е тој директор.„Осудените од групите Беланоца порано беа како во хотел а сега се во затвор. Водачите на Беланоца немаат телефони”, изјави Пандов.

Македонија | пред 8 месеци

Пожар во болница во Хамбург: Тројца мртви, повеќе од 50 повредени

Три лица загинаа во пожар во болница во северниот германски град Хамбург, соопштија официјални лица во неделата. Повеќе од 50 лица се повредени, од кои 16 сериозно, изјави портпарол на противпожарната служба за ДПА.Пожарот избувнал на приземјето од болницата „Маријан“ во текот на ноќта во саботата, пред да се прошири на првиот кат. Според извештаите, пожарот започнал во геријатриското одделение на болницата, кое е специјализирано за грижа за постари пациенти. Причината за пожарот не е позната, ниту пак обемот на штетата.Пожарникарите спасувале луѓе низ прозорците, изјави портпаролот. Вклучени биле околу 160 спасувачи. Пламените биле изгаснати, а делови од зградата биле евакуирани, изјави портпаролот.Болницата има околу 600 кревети и лекува околу 93.000 пациенти секоја година.

Свет | пред 8 месеци

(Видео) Груевски би бил голем безбедносен ризик во Идризово, јас политичарите би ги ставал во најлошото крило, вели Пандов

Директорот за извршување санкции, Александар Пандов изразува сериозни сомнежи за безбедноста на Никола Груевски доколку биде екстрадиран и сместен во Идризово. Тој ставот го сподели во „Претрес со Ландов“.„Па не знам дали е безбеден, искрено. Не сум баш уверен дека е безбеден, бидејќи немаме ќелиски систем, не можеш да го одвоиш. Ако оди во Идризово ќе биде со 120 луѓе. Ако дојде такво време, ќе се размислува. Вака како што е, мислам ќе биде голем безбедносен ризик“, рече Пандов.Прашан дали ако некогаш Зоран Заев биде осуден, ќе го дели истиот став рече: „Исто мислам дека... ама со многу помалку ризик би бил Заев. Сега ќе ти кажам во што е разликата - Груевски издете таква кампања негативна, го направија шовинист, мислиш дека во 11 години сѐ што правел, правел најлошо за Албанците“.Прашан дали планираа засебен затвор за политичари и високопрофилни лица, тој одговори: „Би ме направиле партал. Тоа да, ако ги ставиш во најлошото крило, сите ќе поздрават. Што и би ги ставал јас, ако се прашувам“. На прашањето дали дури и Груевски би го ставил во најлошото крило, Пандов рече: „Било кој политичар...“

Македонија | пред 8 месеци

Илон Маск: „Њујорк тајмс“ лаже, јас не земам дрога

Илон Маск објави на X во саботата дека не зема дрога, еден ден откако Њујорк Тајмс објави дека поранешниот помошник на Доналд Трамп во кампањата земал значителни количини кетамин, екстази и халуциногени печурки за време на изборната кампања.„Да бидам јасен, НЕ земам дрога! Њујорк Тајмс лаже. Пред неколку години користев кетамин на рецепт и објавив за тоа на X, така што ова не е ништо ново. Оттогаш не сум го земал“, напиша најбогатиот човек во светот.Во својот напис од петокот, Њујорк Тајмс објави дека Маск консумирал значителни количини кетамин, анестетик со стимулативни ефекти, екстази и халуциногени печурки за време на изборната кампања.Елон Маск, извршен директор на X, Tesla и SpaceX, претходно јавно изјави дека користи мали дози кетамин за борба против депресивните тенденции и дека тоа му помага да работи поефикасно.Њујорк Тајмс ја базираше својата приказна на приватни пораки и интервјуа со повеќе од 10 луѓе кои го познаваат Маск или работеле со него.„Волстрит џурнал“ минатата година објави дека Маск повремено користел дроги во минатото. Некои членови на одборот на „Тесла“, неговата компанија за електрични возила, беа загрижени за неговата употреба на дроги, вклучително и „Амбиен“ за лекување на нарушувања на спиењето.Маск поднесе оставка од американската администрација во петокот, каде што беше задолжен за намалување на федералните трошоци. Тој рече дека го прави тоа затоа што ги запоставил своите компании.

Свет | пред 8 месеци

Трамп ја отфрли кандидатурата на сојузникот на Маск за шеф на НАСА, експертите: „Тоа ќе ѝ наштети на американската вселенска агенција“

Белата куќа во саботата го повлече Џаред Исакман, кандидат за шеф на НАСА, ненадејно отстранувајќи го блискиот сојузник на Илон Маск од разгледување за раководење на вселенската агенција. Претседателот Доналд Трамп изјави дека наскоро ќе објави нов кандидат.„По темелен преглед на неговите минати врски, го повлекувам Џаред Исакман од функцијата администратор на НАСА. Наскоро ќе објавам нов кандидат кој ќе биде усогласен со мисијата и ќе ја стави Америка на прво место во вселената“, напиша Трамп на својата мрежа Truth Social.Исакман, милијардерот и приватен астронаут кој беше избран од Маск за раководител на НАСА, требаше да се соочи со долгоодложувано гласање за потврда во американскиот Сенат следната недела. Неговото отстранување од разгледување изненади многумина во вселенската индустрија. Трамп и Белата куќа не објаснија што доведе до одлуката.„Можеби не е секогаш очигледно во средината на дебатата и превирањата, но има многу компетентни, посветени луѓе кои ја сакаат оваа земја и длабоко се грижат за мисијата. Тоа беше целосно видливо за време на моето (Конгресно) сослушување, каде што лидерите од двете партии јасно ставија до знаење дека се подготвени да се борат за најуспешната вселенска агенција во светот“, рече Исакман во објава на X.Неговото повлекување доаѓа неколку дена откако Маск официјално ја напушти Белата куќа, каде што неговата улога како извршен директор на SpaceX како „специјален владин службеник“ кој ја води Канцеларијата за владина ефикасност создаде проблеми за администрацијата и ги фрустрираше некои од помошниците на Трамп.Според лице запознаено со неговата реакција, Маск е разочаран од отпуштањето на Исакман.„Ретко е да се најде некој толку компетентен и добронамерен“, напиша Маск за Исакман на X, реагирајќи на веста.Исакман, поранешен извршен директор на компанијата за обработка на плаќања Shift4, имаше широка поддршка од вселенската индустрија, но се соочи со загриженост од пратениците поради неговите врски со Маск и неговиот SpaceX, каде што потроши стотици милиони долари како една од првите приватни компании за вселенски летови. Исакман претходно донирал на демократите на изборите.На неговото сослушување за потврда во април, тој се обиде да ја избалансира постојната стратегија на НАСА за истражување на вселената фокусирана на Месечината со притисок да се префрли фокусот на агенцијата на Марс, велејќи дека САД би можеле да планираат патувања до обете дестинации.Како потенцијален лидер на 18.000 вработени во НАСА, Исакман се соочи со тешката задача да ја спроведе одлуката да се даде приоритет на Марс, со оглед на тоа што НАСА потроши години и милијарди долари обидувајќи се да ги врати астронаутите на Месечината.Во петокот, вселенската агенција објави нови детали за буџетскиот план на администрацијата на Трамп за 2026 година, кој предлага намалување на десетици програми за вселенска наука и отпуштање на илјадници вработени, контроверзна реформа што застапниците на вселената и законодавците ја опишаа како катастрофална за агенцијата.Некои научници веруваат дека промената на номинираните дополнително ја дестабилизира НАСА бидејќи се соочува со драматични намалувања на буџетот без лидер кој ќе се справи со ваквите превирања.„Значи, лошата вест за агенцијата е дека (Исакман) не е на чело на НАСА“, рече астрономот од Харвард-Смитсонијан, Џонатан Мекдауел, во X.

Свет | пред 8 месеци

Папата му постави ултиматум на Опус Деи: Имате шест месеци да спроведете реформи

Ватикан ѝ издаде ултиматум на моќната ултраконзервативна католичка организација Опус Деи, принудувајќи ја да ги преиспита своите темели, објавува Ел Крониста. Само два месеци по неговиот избор, наследникот на папата Франциск испрати доверливо писмо до прелатот Фернандо Окарис со барање да ги усогласи статутот на Опус Деи со реформата од 2022 година. Зад ова барање стојат сомнежи за транспарентноста на организацијата и нејзината усогласеност со новата структура на Римската курија.Писмото, до кое дојдоа бројни ватикански новинари, дава рок од шест месеци. Доколку текстот не стигне до Рим до декември, Светата столица ќе „преземе потребни мерки“. Во Мадрид, Барселона и Севиља, каде што Опус Деи управува со училишта и студентски домови, веќе се слуша истата порака: време е за промени или ќе следи губење на влијанието.Опус Деи е тајна ултраконзервативна католичка организација основана во Шпанија во 1928 година од свештеникот Хоземарија Ескрива. Името на латински значи „Божјо дело“, а основната идеја на организацијата е верниците да се стремат кон светост живеејќи ја својата вера преку секојдневните активности: работа, семејство и општествен живот. Декларираната цел на нивната работа е „апостолска работа и доближување на Божјата наука до верниците“, иако од самиот почеток активно учествувале во политичките и општествените процеси на земјите во кои има ограноци на организацијата.Поголемиот дел од членовите се лаици, додека помал дел се свештеници. Членовите се разликуваат по својот животен стил и ниво на вклученост. Некои живеат во семејства, додека други практикуваат целибат и престојуваат во центрите на Опус Деи.Во структурата на Католичката црква, Опус Деи има посебен статус. Тоа е лична прелатура, што значи дека не припаѓа на ниедна епархија, туку директно му одговара на Папата. Работи во 68 земји, вклучувајќи ја и Хрватска. Иако официјално призната од Црквата, Опус Деи со години се соочува со критики поради својата затворена природа, строги внатрешни правила, злоупотреба, принудна работа и влијание во црковните и општествените структури. Организацијата ги отфрла ваквите тврдења и нагласува дека нејзината цел е да им помогне на луѓето да ја продлабочат својата вера и да бидат одговорни членови на општеството.

Свет | пред 8 месеци

Два моста се урнаа во Русија, еден падна врз воз, 7 мртви

Два надвозници се урнаа во различни руски региони што граничат со Украина, со што возовите излетаа од шините и загинаа најмалку седум лица, а десетици беа повредени, соопштија руските власти, додека руски политичар го нарече Киев „терористичка енклава“.Областите во јужна Русија беа честа цел на напади од страна на Украина за време на војната што Русија ја започна со инвазија пред повеќе од три години.Седум лица беа убиени, а 69 повредени кога надвозник се урна врз железничките пруги, со што излета воз што се приближуваше во регионот Брјанск доцна во саботата, соопштија Министерството за вонредни ситуации на Русија и регионалните претставници.Гувернерот на Брјанск, Александар Богомаз, изјави на Телеграм дека 47 лица се хоспитализирани. Меѓу повредените има три деца, а едно е во сериозна состојба, рече тој.Уривањето во регионот Курск се случи рано утрово додека товарен воз минувал преку надвозник, соопштија Александар Кинштајн, вршител на должноста гувернер на регионот, и Руските железници на Телеграм. „Дел од возот падна на патот под надвозникот“, рече Кинштајн.Тој додаде дека локомотивата се запалила, кој брзо бил изгаснат. Еден од машиновозачите претрпел повреди на ногата, а тој и тимот што го управувал возот биле однесени во локална болница, додаде Кинштајн.Андреј Клишас, висок член на Советот на Федерацијата, горниот дом на рускиот парламент, изјави на апликацијата за пораки Телеграм дека инцидентот во Брјанск покажува дека „Украина одамна ги изгубила атрибутите на држава и се претворила во терористичка енклава“.Рускиот Телеграм канал База, кој често објавува информации од извори во безбедносните служби и агенциите за спроведување на законот, објави, без да даде докази, дека, според прелиминарните информации, надвозник во Брјанск бил дигнат во воздух.Истакнатиот руски воен блогер Семјон Пегов, кој е познат по името Вар Гонзо, го нарече уривањето на надвозникот во Брјанск „саботажа“. Ројтерс не можеше независно да ги потврди извештаите на База или Пегов. Немаше веднаш коментар од Украина.

Свет | пред 8 месеци

(Видео) Семејствата на жртвите од „Пулс“ во Кочани: „Не бараме милост, не ги штитете полицијата и виновниците“

На осмиот „Марш за ангелите“, семејствата на загинатите во пожарот во дискотеката „Пулс“ во Кочани повторно упатија остри пораки до институциите, барајќи правда и одговорност.„Не ја штитете полицијата, не ги штитете виновниците. Не сме слепи, ни глуви. Не бараме милост – бараме правда. За секое дете што нема да се врати, за секоја мајка што навечер гушка воздух“, порачаа родителите.Тие упатија прашања: зошто дискотеката – импровизирана и без лиценца – не била затворена навреме, и кој сè дозволил таа да работи спротивно на законот?“. Прстот беше вперен во Министерството за економија, МВР, Обвинителството, УЈП, Пазарниот инспекторат и Општина Кочани, како институции што, според родителите, затаиле и придонеле за трагедијата.„Да ве потсетиме – на 16 март Кочани замолкна. Во огнот на ‘Пулс’ живи изгореа 62 млади души. Над 200 беа повредени, половина од нив беа деца, без наполнети 18 години. Таа вечер, во објект без дозвола, беа натрупани 500 лица. Газдата ги пушти од алчност“, изјави една од мајките.Таа рече и дека полицијата наместо да ги заштити, им ја затворила вратата, мислејќи дека бегаат од инспекција: „Тоа беше масовно убиство. Не ги штитете убијците – ако ви останало нешто човечно“.Друг родител ја критикуваше истрагата, откако беше објавено дека од првично 73 осомничени, само 46 остануваат под сомнение – а половина од нив, според семејствата, не биле ниту повикани на распит.„Апелираме да се следат доказите, не позициите. Вистинските виновници мора да бидат откриени, без оглед кој се кријат зад нив. Ако вие не ги гледате, ние сме тука да ви ги покажеме“, порачаа родителите.Сите изјави, како што најавија, ќе бидат објавени на заедничката страница на здружението „16.03“.„Во сета болка, ние моравме да ги следиме сите правни норми. Но, нема да молчиме“, завршија родителите.

Македонија | пред 8 месеци

(Видео) Родителите од Кочани со порака до вас: „Ние изгубивме, вие имате уште за што да се борите“

Молчејќи, со фотографиите од загинатите чеда во рацете, родителите, семејството, пријателите и јавноста излезе на осмиот по ред марш преку кој се упатува порака дека се чека правда. Зад родителите, транспаренти. Овојпат со порака до јавноста: „Ние изгубивме, вие имате уште за што да се борите“. На протестот освен жители на Кочани, дојдоа и од другите градови.Ова е осми по ред марш кој го организираат. Тие не ја кријат болката, а очекуваат јавноста да ја почувствува и да застане рамо до рамо со нив, за да ваква трагедија не се повтори. Постојано повторуваат дека молчат и се следат, бидејќи даваат шанса. Минатата сабота порачаа до институциите - дека трпението им е при крај.

Македонија | пред 8 месеци

Тешки обвинувања од СДСМ: Кој го штити разрешениот началник на СВР Штип, има снимка кај што се гледа пред „Пулс“ ноќта пред трагедијата

„Власта која ја зави Македонија во црно се испречи на патот на правдата за најголемата трагедија во поновата македонска историја, пожарот во дискотеката Пулс во кој 62 деца го загубија својот живот, а 200 беа повредени“, вели Каја Шукова“, потпретседателка на СДСМ и додава:Христијан Мицкоски ги искористи сите механизми на власта, закани, уцени и присоци со единствена цел да ги заштити своите луѓе, односно оние кои се најодговорни за трагедијата која го снајде Кочани, а тоа се актуелните функционери на власта.Токму обвинителот Љубомир Коцевски кој беше под закана дека ќе биде сменет од актуелната власт, вчера ја затвори истрагата без ниту еден осомничен или обвинет актуелен функционер на власта предводена од ВМРО-ДПМНЕ.Со што ли го држи Мицкоски Коцевски под своја целосна контрола?СДСМ остави простор истрагата да биде завршена целосно и се надеваше дека ќе има правда. Денес е јасно дека правда нема. Ниеден од актуелните финкционери не е обвинет!Од денес ги поставуваме клучните прашања и ги изнесуваме клучните докази кои очигледно се кријат за да се заштитат оние од власта. Прво заштитено лице е Дејан Салтировски.Обвинителството мора да одговори:Дали постои пишана наредба за акциска контрола во која стои дека вратите на дискотеката Пулс треба да бидат затворени? Ова е спротивно на стандардните операциски процедури. Прашуваме кој бил потпишан на таквата наредба?Зошто ако обвинителството поседува ваков документ нема ниту еден обвинет актуелен полициски функционер од таа вечер?Понатаму, Обвинтелството и Власта мора да одговорат зошто нема обвинение против тогаш актуелниот началник на СВР Штип, Дејан Салтировски? Тој знаел или морал да знае дека во наредбата за акциска контрола спротивно на СОП стои дека ќе бидат затворени вратите во дискотеката Пулс?!Понатаму, зошто обвинителството не го објави јавно видеото на кое се гледа началникот на СВР Штип, Дејан Салтировски во периодот 12:30 до 01:20 част пред дискотеката Пулс во Кочани.Дали обвинителството го запраша Салтировски што барал во овој период пред дискотеката и зошто полицијата не влегла да врши акциска контрола како што било предвидено во 12:30 часот кога започнува забавата наместо на крајот од истата?Дали Дејан Салтировски во меѓувреме фалсификувал документација дека вечерта не бил на работа или за тоа постојат конкретни докази?Дали Дејан Салтировски е заштитен од кривичен прогон затоа што ее во кумовска врска со Орце Тодоровски - Ефто еден од најблиските соработници и бизнис партнери на Христијан Мицкоски со кој градеше хидроцентрални и кој беше обвинет за милионски криминал во случајот Делчевски ниви?Дали Дејан Салтировски е заштитен лично од Панче Тошковски кој што бил негов адвокат и не само што правно го застапувал туку како вработен во гранична полиција на полицајците им нудел потпишано полномошно од адвокат Панче Тошковски со цел да испумпуваат пари од буџетот на државата?Дали е точно дека Дејан Салтировски подолго време не можел да добие безбеносен сертификат и ако е така како е можно да биде поставен на една така висока позиција во МВР?Мајките завиени во црно и стотиците повредени најмалку што заслужуваат е правда!Одговорност за оние кои го завија Кочани и Македонија во црно мора да има!Вистината за трагедијата во Пулс мора да излезе на виделина! Јавно го повикуваме обвинителството да се ослободи од стегите на властазатоа што селективната правда е неправда!Во меѓувреме СДСМ ќе продолжи јавно да ги објавува сите информации кои ги има поврзани со трагедијата во Кочани се додека нема одговорност за актуелните функционери на власта.Ова е само првиот во серијалот пресови за она што се случувало во кочанската дискотека Пулс.

Македонија | пред 8 месеци

Афера Провизии кои чинат живот – Венко Филипче дозволил градба на модуларната болница во која не смеело да се обавува здравствена дејност, вели Манасиевски

„Министерството за здравство, во времето на Венко Филипче дозволил изградба на 16 КОВИД модуларни болници низ територијата на Република Македонија, кои не исполнуваат минимални стандарди“, вели Валентин Манасиевски, член на ЦК на ВМРО-ДПМНЕ и додава:За време на КОВИД кризата, Светска Банка дава 30 милиони евра на МЗ за справување со КОВИД кризата, односно набавка на лекови, опрема и меѓу другото, изградба на нови 16 модуларни болници.Светска банка, проценила дека МЗ нема капацитети да ги менаџира овие пари, па парите се даваат на проектна единица во МТСП, да ги спроведе сите набавки согласно меѓународните правила за потребите на МЗ.Спроведувањето на набавката го прави МТСП, а техничките спецификации и усогласеност на постапка според законски и подзаконски акти за здравствени објекти, го прави лице од МЗ, назначено од Венко Филипче.Е сега, што е тука спорно почитувани,Спорна е техничката спецификација, која ја прави одговорното лице назначено од Венко Филипче, каде што подоцна се констатира, дека не е во согласност со ниту еден стандард за изградба на објекти од областа на здравството. Не се почитувале Законот за градење и Законот за здравствена дејност, и не се почитувале минималните технички стандарди за заштита од пожари и експлозии.Исто така многу важно за овој случај, е што овие болници се набавени и поставени како стоки, а стоки во ниту еден случај не можат да бидат користени како објект во кој се обавува здравствена дејност!Пред да се случи пожарот во модуларната болница каде што загинуваат 14 наши сограѓани, наместо да се подобрат стандардите на болниците, Министерството за транспорт и врски, по предлог на Владата, го промениле законот за градење по итна постапка, со цел овој тип на објекти да ги преместат во урбана опрема за чие поставување одобрение ќе издава МЗ или тогашниот министер, Венко Филипче.Овие болници не се запишани во катастар, немаат добиено одлука од Влада за трајно користење и немаат одобрение за употреба по правилник за простор опрема и кадар.За овие работи, има евиденција во проектната единица во МЗ и истата е предадена на Јавното обвинителство за организиран криминал на ден 12.12.2023.Почитувани,Од сето ова произлегува дека,Модуларните болници се бесправно и противзаконски поставени и не смеат да бидат користени за вршење на било каква здравствена или медицинска дејност.Оттука, го прашуваме Филипче, дали провизиите чинеа повеќе од животот на граѓаните? Зошто одобрил изградба на модуларни болници противзаконски? Зошто модуларните болници ги квалифицирале како стоки, во кои никако не смее да се обавува здравствена дејност?Вистината за модуларната болница, јавноста мора да ја дознае!Утре во исто време продолжуваме со нови детали од Аферата „Провизии кои чинат животи“.

Македонија | пред 8 месеци

И партијата на Георгиевски се вмеша во именувањето на нов митрополит: Ѓоко нема ден монашки живот

„Македонската православна црква – Охридска архиепископија (МПЦ-ОА) се наоѓа пред сериозен морален и институционален предизвик, откако јавноста беше изненадена од информацијата дека поранешниот амбасадор во Ватикан, Ѓоко Ѓорѓевски, е замонашен од Архиепископот Г.Г. Стефан – и тоа како чекор кон негово поставување за нов митрополит на Дебарско-кичевската епархија, без еден ден монашки живот, без послушание и без искуство во духовното раководење“, вели во соопштение ВМРО-Народна партија чиј претседател е Љубчо Георгиевски и додава:Се работи за една од највлијателните епархии на МПЦ-ОА, а целиот процес се одвива во тишина, без канонски консултации, без духовна подготовка, без јасна визија и што е најважно без одговорност кон верниците.Ова поставување, тивко и со невообичаена брзина, отвора сериозни прашања:- Кој и какви центри стојат зад ваквата одлука?- Зошто се игнорираат духовници со децениско искуство, како постоечкиот викарен епископ?Доколку ова сценарио се реализира, МПЦ-ОА ќе се соочи со историски преседан: митрополит без монашки стаж и без реален духовен пат.Тоа не е само канонски спорно, туку и опасно за духовниот легитимитет на целата црква.Архиепископот Г.Г. Стефан како духовен лидер, треба да знае дека довербата на паството се гради со искреност, канонска чистота и мудрост, а не со потези што личат на договарања зад затворени врати.Денес кога верниците очекуваат духовност, чесност и одговорност, МПЦ-ОА нема луксуз за да си игра со довербата.Овој потег не е само контроверзен туку тој е и удар врз мисијата на црквата.Па сходно на тоа логични се прашањата:- Дали Македонската православна црква е духовна институција или пазар за лични агенди?- Дали Македонската православна црква го слуша гласот на своето стадо или работи по диктат од надвор? Во време на духовен и општествен метеж, црквата треба да биде светилник, а не сенка на туѓи интереси“.

Македонија | пред 8 месеци

Ширењето на хистерија околу распишувањето на тендери е само обид за оттргнување на вниманието од безидејноста на СДС, реагира ВМРО-ДПМНЕ

„Најновиот тренд на СДС е да создава хистерија околу текот и постапката на спроведувањето на тендерите, за да се покори неконструктивноста и безидејноста на Филипче и СДС“, вели ВМРО-ДПМНЕ како реакција на прес-конференцијата на СДСМ.Тие додаваат:Најновиот тренд на СДС е да создава хистерија околу текот и постапката на спроведувањето на тендерите, за да се покори неконструктивноста и безидејноста на Филипче и СДС.Нивната тактика е секој тендер да го прикажат за криминален, без да изведат некакви докази. Се расфрлаат со бројки и воопштени квалификации со цел да внесат сомнеж иако за своите тврдења немаат никакви докази.Распишувањето на тендери не е криминал, но провизиите од тендери за вакцини против корона какви набавуваше Венко Филипче е криминал.Веројатно се работи за потсвест и меморија уште кога СДС беше власт па во секој тендер гледа криминал, но Владата предводена од ВМРО-ДПМНЕ работи во согласност со законите и процедурите, штитејќи го интересот на граѓаните.Вистината е дека тендерите за кои збори СДС генерално се истите и со истата тематика како и во времето на нивната влада. Разликата е тоа што тогаш исклучиво сите тендери ги добиваше омилената агенција Рејтинг на Спасов, агенцијата која и сега го работи ПР на СДС, а денес има конкуренција и цените паѓаат. Да потсетиме дека СДС беше партијата која потроши милиони евра за измислен настан во Борис Трајковски.Главното прашање денес не е зошто се распишуваат тендери, туку што има незаконско во нив?Одговорот е дека се е законски.Овие прес-конференции на СДС се обид за ширење на хистерија за оттргнување на фактот што тие се безидејни и синоним за криминал, неспособност и предавства.

Македонија | пред 8 месеци

Поранешен партнер нападнал девојка и нејзин колега во Центар – случајот е пријавен во полиција

На 30 мај 2025 година во 20:00 часот, во СВР Скопје 29-годишна жена од Скопје пријавила дека околу 15:00 часот, на подрачјето на општина Центар, била физички нападната од нејзиниот поранешен партнер А.М. (26) од скопското село Никиштане. Според пријавата, А.М. физички го нападнал и нејзиниот колега.Случајот е пријавен, а по негово целосно документирање ќе биде поднесен соодветен поднесок до надлежните органи.

Скопје | пред 8 месеци

Пијан возач предизвика сообраќајка во Штип – 1,89 промили алкохол, приведен на лице место

На 30 мај 2025 година околу 19:00 часот на улицата „Генерал Михајло Апостолски“ во Штип се случила сообраќајна несреќа во која возачот Љ.С. (63) од Штип, управувајќи патничко возило „Опел“ со штипски регистарски ознаки, удрил во возило „Пежо“ управувано од 40-годишната В.К., исто така од Штип.„По интервенција на полициски службеници од СВР Штип, извршено е алкотестирање на Љ.С., при што било утврдено присуство на 1,89 промили алкохол во крвта. Тој веднаш бил исклучен од сообраќај и лишен од слобода во 19:39 часот, по што бил задржан во Полициската станица“, велат од МВР и додаваат:За случајот е известен надлежен јавен обвинител, а по целосно документирање на настанот, против Љ.С. ќе биде поднесена соодветна пријава согласно член 297-а од Кривичниот законик.

Македонија | пред 8 месеци

Четири возила во тешка сообраќајка кај Колари – една жена со тешки повреди пренесена во Скопје

На 30 мај 2025 година, околу 16:10 часот, на магистралниот пат Кичево – Гостивар, кај селото Колари, се случила тешка сообраќајна несреќа во која учествувале четири патнички возила:„Фолксваген Артеон“ со скопски таблички, управуван од А.Р. (38) од Скопје„Фолксваген Голф“ со кичевски таблички, управуван од Б.Т. (22) од Кичево„Митсубиши“ со скопски таблички, управуван од В.А. (61) од Скопје„Сеат“ со охридски таблички, управуван од Д.Ѓ. (56) од Македонски Брод„Во несреќата со телесни повреди се здобиле возачите на „Сеат“ и „Митсубиши“, како и Р.И. (20) од Кичево, сопатник во „Голфот“. Најтешко повредена е С.Ѓ. (55) од Македонски Брод, сопатничка во возилото „Сеат“, која е префрлена во Ургентниот центар „Мајка Тереза“ во Скопје со тешки телесни повреди“, велат од МВР.На местото на несреќата извршен е увид од полициски екипи. Се работи на утврдување на причините за несреќата.

Македонија | пред 8 месеци

Во недела посебен режим на сообраќај во Скопје

СВР Скопје ги известува граѓаните дека на 01.06.2025 (недела) со почеток во 17.00 до 18.00 часот поради одржување на ревијална трка на велосипеди, ролерки, тротинети, детска и трка на родители со бебешки колички, Единицата за безбедност на патниот сообраќај ќе преземе мерки за посебен режим на сообраќајот при што сообраќајот ќе се пренасочува по околните сообраќајници.Трката ќе започне со стартна позиција од Порта Македонија, десно долж ул.„Димитрие Чупоски“, десно по ул.„Васил Главинов“, право по бул.„ВМРО“, лево по бул.„Илинден“ до крстосница со ул.„Наум Наумовски Борче“–Градски парк кај споменикот на Гоце Делчев.СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници по сообраќајниците каде што ќе се одвива настанот.

Скопје | пред 8 месеци