Додик незаконски именува мандатар, најави блокада на европскиот пат на БиХ

Поранешниот претседател на Република Српска, Милорад Додик, денеска свика прес-конференција на која објави дека именува мандатар за состав на нова влада, иако повеќе нема уставно ниту законско право на тоа. Истовремено, тој најави и блокада на патот на БиХ кон Европската унија.Додик изјави дека кандидат за нов премиер ќе биде Саво Миниќ, досегашен министер за земјоделство, откако досегашниот премиер Радован Вишковиќ поднесе оставка, а парламентот на РС ја прифати. Опозицијата претходно го одби неговиот предлог за формирање влада на „национално единство“.Пред новинарите, Додик даде низа ветувања – зголемување на просечните плати на 1.000 евра, социјална помош, нови инвестиции и раст на БДП од 3,5 проценти. Тој најави и донесување закони за „ригорозно зајакнување на РС“ без оглед на ставовите на ЕУ и меѓународната заедница. „ЕУ повеќе не може да биде наша ориентација, затоа барам да се намалат сите активности поврзани со европскиот пат“, изјави Додик, додавајќи дека се надева на поддршка од администрацијата на Доналд Трамп.Иако Додик очекува парламентот на РС да го потврди предлогот, ваквиот потег е спротивен на Уставот на ентитетот, бидејќи мандатар може да предложи само претседателот на РС – функција која е испразнета по одлуката на Централната изборна комисија на БиХ. Додик остана без мандат врз основа на правосилна пресуда на Судот на БиХ, со која е осуден на една година затвор и му е забрането шест години да врши јавни функции.Наместо да се организираат предвремени избори за претседател на РС, Додик најави дека ќе го блокира процесот со спречување на отворањето избирачки места. Парламентот на РС, под негово влијание, усвои и одлука на 25 октомври да се одржи референдум за тоа дали да се почитува судската пресуда и одлуката за неговата смена.Делегацијата на ЕУ во БиХ остро реагираше, нагласувајќи дека судските одлуки се конечни и задолжителни.„Подложување на судска пресуда на јавно гласање е спротивно на владеењето на правото и независноста на судството“, се наведува во соопштението на ЕУ.Со последните потези, Додик повторно ја доведе во прашање политичката стабилност и евроинтеграцискиот процес на БиХ, отворајќи нов фронт меѓу институциите и меѓународната заедница.

Свет | пред 5 месеци

Меџити најави апсолутна победа во Чаир, уште во прв круг

Кандидатот за градоначалник на Општина Чаир од Коалицијата ВРЕДИ, Изет Меџити, кој е и актуелен прв вицепремиер и министер за животна средина и просторно планирање, изјави дека очекува апсолутна победа на октомвриските избори и дека битката ќе заврши уште во првиот круг.„Очекувам апсолутна победа во Чаир и убеден сум дека визијата на ВРЕДИ ќе обезбеди развој на општината за наредните 50 години“, порача Меџити.Во интервју за МИА, Меџити нагласи дека довербата од граѓаните ќе ја бара со конкретна и прагматична програма насочена кон решавање на сообраќајниот метеж, уредување на зеленилото и тротоарите, како и воведување мораториум за нови градби со цел подобра урбанистичка контрола.„Чаир ќе биде првата општина без ѓубре на улиците, затоа што сите контејнери ќе бидат подземни. Тоа ќе придонесе за многу почист и позелен Чаир“, изјави Меџити.

Скопје | пред 5 месеци

(Видео) Колекцијата на MAGA која ја има Трамп капи предизвика потсмев: Излезот од Белата куќа е преку сувенирницата

Состанокот на американскиот претседател Доналд Трамп со украинскиот лидер Володимир Зеленски и францускиот претседател Емануел Макрон во Белата куќа доби необична завршница – наместо класичен дипломатски протокол, гостите добија „приватна тура“ низ колекцијата на MAGA капи на Трамп.По разговорите за иднината на Украина и војната со Русија, Трамп ги повел Зеленски и Макрон во просторија чиј ѕидови се преполни со негови препознатливи црвено-бели капи и промотивен материјал. Моментот го овековечи Мерго Мартин, специјална асистентка на Трамп, објавувајќи фотографија која на интернет беше наречена „водич низ претседателскиот музеј на капи“. На сликата се гледа Зеленски како со изненадување гледа кон капите, додека Трамп му покажува модел со натпис „уште 4 години“, иако 22. амандман на американскиот устав забранува претседател да служи повеќе од два мандати.Необичниот потег предизвика низа саркастични реакции на социјалните мрежи. „Замислете Черчил да отпатувал во САД во текот на Втората светска војна за да бара поддршка – и домаќинот да направи пауза за да му покаже мерч!“, напиша еден корисник. Друг додаде: „Изминувате океан само за да ви покажат ормар со црвени капи“. Трети пак се пошегуваа: „Излезот од Белата куќа е преку сувенирницата.“Ова не е првпат странски лидери да се најдат пред колекцијата на Трамп – претходно и азербејџанскиот претседател Илхам Алиев бил „почестен“ со слична тура. Според New York Post, на посетителите им се нуди да понесат сувенири, а дел од нив заминуваат „со цели торби работи“. Иако настанот беше протолкуван со доза на хумор, експертите предупредуваат дека ваквите сцени отвораат прашања за сериозноста на американската дипломатија во време на активни глобални кризи.

Магазин | пред 5 месеци

Ѓорѓиевски: За прв пат во историјата се градат толку многу училишта, градинки и спортски објекти

На Саемот-Отчет под мотото „4 години работа за тебе“, претседателот на ЗЕЛС и градоначалник на Кисела Вода, Орце Ѓорѓиевски, истакна дека државата прв пат сведочи на масовна реализација на капитални инвестиции во сите општини, без поделби и селективност.На панел-дискусијата „600 милиони евра за развој и локален прогрес“ тој нагласи дека со години постоела подготвена техничка документација за проекти, но поради недостаток на финансии тие не се реализирале. Според него, промената дошла со новата власт, кога започнало инвестирање во сите општини подеднакво.„За прв пат во историјата на Република Македонија, 30 години наназад, инвестициите стигнуваат до секое населено место. Наеднаш се градат училишта, градинки, спортски објекти и патна инфраструктура како никогаш досега“, изјави Ѓорѓиевски.Тој додаде дека секој градоначалник ги насочува средствата според потребите на својата општина, што овозможува рамномерен развој на локално ниво.„Овој проект недостасуваше повеќе од три децении. Се надевам дека ќе продолжи и понатаму, за сериозно да ја градиме и менуваме Македонија како што тоа го правиме во моментов“, порача Ѓорѓиевски.

Скопје | пред 5 месеци

Инцидент во Фиренца: 20 патници исфрлени од авион поради вишок тежина

Дваесет патници морале да го напуштат авионот на British Airways кој требал да лета од Фиренца за Лондон, бидејќи леталото било претешко за полетување поради екстремната горештина. Настанот се случил на 11 август на аеродромот „Америго Веспучи“ во Фиренца, пишува Mirror.Според објаснувањето на пилотите, високата температура (околу 35 степени) предизвикала поредок воздух, што барало поголема количина гориво за моторите да работат ефикасно. Дополнителното гориво ја зголемило вкупната тежина, надминувајќи ги безбедносните граници за полетување. Ситуацијата била дополнително комплицирана од кратката писта на аеродромот во Фиренца, која е речиси двојно пократка од онаа на лондонскиот „Гетуик“.Една од патничките изјавила дека персоналот прво најавил дека ќе мора да бидат симнати 36 патници, но на крај бројката била околу 20. British Airways се извинил за непријатноста, објаснувајќи дека „поради екстремните температури и специфичните услови на аеродромот мора да се намали тежината на леталото“.Авио-експертот Џони Вилијамс од Универзитетот во Рединг предупреди дека ваквите случаи ќе станат сè почести поради климатските промени:„Услови какви што порано се случуваа еден ден во текот на летото, до 2060-тите може да се случуваат и по неколку дена во неделата. Летовите за Шпанија, Италија или Грција би можеле да станат поскапи бидејќи авиокомпаниите ќе превезуваат помалку патници.“Овој инцидент доаѓа по друг скандал на лет на British Airways, кога една патничка, наречена „најлошата патничка од пеколот“, предизвика хаос во авион – поврати врз семејство, ги плукала со вино и ја нападнала жена за коса, по што морала да биде смирена од екипажот.

Свет | пред 5 месеци

„Албанците не се алиби за криминал“, му вратија на Османи од ВМРО-ДПМНЕ

По изјавите на кандидатот за градоначалник на Чаир, Бујар Османи, во кои тој ја обвини Владата за маргинализација на Албанците, стигна реакција од ВМРО-ДПМНЕ во која се нагласува дека станува збор за стара политичка тактика на Демократската унија за интеграција (ДУИ).„Кога нема пари и функции, тогаш започнува врескањето: ‘нема правда за сите’, ‘Албанците се на удар’. Во превод: кога нема тендери и рекет, тогаш одеднаш стануваат заштитници на Албанците и на меѓуетничките односи“, се наведува во реакцијата на ВМРО-ДПМНЕ.Од партијата нагласуваат дека Албанците не се загрозени, туку единствено загрозени се „милионските шеми и криминалните комбинации на ДУИ“.„Албанците заслужуваат правда исто како и Македонците и секој друг граѓанин на оваа држава. Тие не се штит кој ќе ве спаси од одговорност, ниту алиби за вашите тендери, провизии и лични богатства“, велат од ВМРО-ДПМНЕ.Во реакцијата дополнително се истакнува дека времето на двојни стандарди завршило и дека ДУИ мора да се соочи со одговорност за, како што велат, „ограбувањето и осиромашувањето на Македонија“.

Македонија | пред 5 месеци

Украина нема да биде принудена на срам кој Русите го нарекуваат компромис, вели Зеленски

Украинскиот претседател Володимир Зеленски, во обраќање од плоштадот Независност во Киев, по повод одбележувањето на Денот на независноста, порача дека секој симбол на тоа место зборува за независноста на државата.„На овој плоштад, под нашите знамиња, нашите деца и внуци го слават Денот на независноста. Во мир и со почит, со вера во иднината и благодарност кон сите што ја бранеа Украина во оваа војна за независност“, истакна Зеленски, пренесе „Укринформ“.Тој нагласи дека Украина никогаш повеќе нема да биде принудена на „срам што Русите ја нарекуваат компромис“. Според него, нацијата заслужува праведен мир и иднина која зависи исклучиво од самата Украина.„Светот ја почитува и ја гледа Украина како рамноправен партнер. Украина стекна независност, таа не е жртва, туку борец. Украина не бара, туку нуди – сојузништво и партнерство, најдобрата армија во Европа со напредни одбранбени технологии и искуство во отпорност“, рече тој.Зеленски потенцираше дека на Украина ѝ е потребна Европската унија, но и дека на Унијата ѝ е подеднакво потребна Украина – не како „сиромашен роднина“, туку како силен сојузник.Тој додаде дека земјата ќе добие траен мир со силни безбедносни гаранции: „Тие гаранции ќе бидат толку силни што никој во светот нема ни да помисли да ја нападне Украина. Тоа е нашата цел и нешто што мора да им го пренесеме на нашите деца и внуци – силна и рамноправна Украина, европска и независна.“Украина денес ја одбележува 34-годишнината од прогласувањето на независноста, кога на 24 август 1991 година, Врховната Рада го усвои Актот за независност од Советскиот Сојуз.

Свет | пред 5 месеци

Швајцарска студија: Работата во недела е штетна по здравјето и социјалниот живот

Алијансата „За недела“, коалиција составена од синдикати, верски организации и Швајцарското здружение за медицина на трудот, денес ја претстави студијата која предупредува дека работата во недела носи сериозни последици по здравјето и социјалниот живот.Според истражувањето, прекумерната изложеност на работа во недела најмногу ги погодува жените и лицата со несигурни работни места. Жените се непропорционално застапени – 17,3% од нив работат во недела, наспроти 14% од мажите, најчесто во здравството, угостителството и трговијата.Здравствените последици од ваквиот начин на живот вклучуваат нарушување на сонот, зголемен ризик од кардиоваскуларни заболувања и депресија. Недостигот на викенд-одмор го зголемува и ризикот од емоционална исцрпеност, а работата во недела негативно влијае врз општествените ритуали – семејни собири, спортски настани и верски служби.Во Швајцарија работата во недела генерално е забранета, освен за професии што се неопходни за функционирањето на општеството. Сепак, последните иницијативи за либерализација го отворија прашањето: кантон Цирих бара дозвола за 12 неделни работни денови годишно без лиценца, трипати повеќе од сегашната дозвола. Во меѓувреме, сенаторот Тиери Буркарт предлага воведување на поголема флексибилност за работа на далечина, со дозвола за девет недели годишно.Алијансата „За недела“ остро ги осудува овие предлози и предупредува дека нормализирањето на работата во недела значи директен напад врз правото на одмор на работниците.

Магазин | пред 5 месеци

Зеленски: Подготвен сум за секаков формат на средба со Путин, но Москва одложува

Украинскиот претседател Володимир Зеленски денес изјави дека е подготвен за секаков формат на средба со рускиот лидер Владимир Путин, но дека, како што оцени, „Москва повторно се обидува да одложи сè“.Во телефонски разговор со јужноафриканскиот претседател Сирил Рамафоса, Зеленски ги повика земјите од Глобалниот Југ да апелираат до Русија да започне мировни преговори.„Важно е глобалниот Југ да испрати соодветни сигнали и да ја охрабри Русија на мир“, напиша Зеленски на платформата X, по телефонскиот разговор.

Свет | пред 5 месеци

Османи во трка по гласови со националистичка реторика, користејќи обвинувања за маргинализација на Албанците

Кандидатот за градоначалник на Чаир, Бујар Османи, остро ја обвини новата влада предводена од ВМРО-ДПМНЕ и ЗНАМ за, како што рече, системска политика насочена кон маргинализација и потиснување на Албанците од сите општествени текови.„Владата на ВМРО и ЗНАМ, предводена од Христијан Мицкоски, во полн интензитет ја спроведува политиката која треба да ги отстрани Албанците од општествените текови, враќајќи ги на периферните позиции од пред Рамковниот договор“, изјави Османи.Тој го обвини Мицкоски за длабока нетолеранција кон Албанците, што, според него, се гледа и во личниот однос и во институционалните поставувања, од изборот на најблиските соработници во Владата, до работните групи и делегациите за клучни посети.Османи како особено понижување го наведе фактот дека ресорот за Охридскиот рамковен договор му бил доверен на, како што го нарече, „Српскиот свет во земјава“. Тој предупреди и на серија чекори кои, според него, ја потврдуваат оваа политика – укинувањето на Балансерот, маргинализирањето на Бадентеровиот механизам и намалувањето на застапеноста на Албанците во Централната банка и финансиските институции.„Овие механизми – Бадентер, Балансер, јазична застапеност – се заштита од мајоризација, а токму тие се најголема пречка за радикалната националистичка политика на Мицкоски и неговата влада“, нагласи Османи.Тој се осврна и на улогата на институции како Уставниот суд, ДИК и Централната банка, кои, според него, делуваат како „прокси играчи“ на новата власт. Особено, Османи оцени дека учеството на остатоците од ВЛЕН во Владата е „бедно“, бидејќи тие биле маргинализирани и натерани да играат улога на поданици.Во своето обраќање Османи порача дека овие избори ќе бидат „референдум за достоинството и еднаквоста на Албанците“.„Ова не е повеќе обична политичка битка, ова е историски миг во кој Албанците мора да одлучат дали ќе прифатат повторно да бидат неми набљудувачи или ќе застанат за своето достоинство и еднаквост“, изјави Османи.Тој додаде дека Албанците нема да се откажат од европската перспектива на земјата и ќе се спротивстават на секој обид за приближување кон, како што рече, „српскиот свет и кинеско-руските прегратки“.„Не сфаќаат зошто овие избори се историски за Албанците. Но наскоро ќе им се разјасни“, заклучи Османи.

Македонија | пред 5 месеци

Нема фотографија

iPhone 17 ќе се произведува во Индија?

Apple планира целата нова генерација iPhone 17 да се произведува во Индија, а испораките за американскиот пазар по првпат ќе доаѓаат од таму уште при самото лансирање.Компанијата ја проширува својата продукција преку пет фабрики во Индија, вклучувајќи и две новоотворени. Со тоа Apple значително ја намалува зависноста од Кина за производство на уреди наменети за САД.Според „Bloomberg“, фабриките под контрола на Tata Group, една од најголемите индиски мултинационални компании, ќе опфаќаат половина од производството во следните две години. Долгогодишниот партнер Foxconn Technology Group исто така е вклучен со своето производствено чвориште во Бангалор.Очекувањата се серијата iPhone 17 да биде претставена во септември. Покрај стандардните модели iPhone 17, 17 Pro и 17 Pro Max, се споменува и можност за нов, потенок премиум модел под името iPhone Air. Беџет верзијата iPhone 17e, пак, се предвидува за почетокот на 2026 година.Иако администрацијата на Доналд Трамп претходно се закануваше со тарифи доколку Apple продолжи да произведува во странство, компанијата неодамна најави инвестиција од 100 милијарди долари во САД како дел од новиот „Програм за американска продукција“. Вкупниот план предвидува инвестиции од 600 милијарди долари во производство на компоненти во земјата.И покрај променливиот тарифен пејзаж, iPhone уредите извезени од Индија досега успеаја да избегнат дополнителни царини, што и понатаму го прави овој потег особено атрактивен за Apple.

Магазин | пред 5 месеци

Од ова Украина може да има проблем, САД воведоа нова контрола врз користењето на ракетите со долг дострел

Американското Министерство за одбрана во тишина спроведе ревизија со која министерот за одбрана Пит Хегсет добива овластување да забрани употреба на американски ракети со долг дострел против цели во Русија. Според „Wall Street Journal“, оваа практика е на сила од доцна пролет и фактички го оневозможила користењето на системите ATACMS за напади врз руска територија.Новиот механизам на надзор е развиен од заменикот за политики во Пентагон, Елбриџ Колби, и се темели врз американските разузнавачки податоци. Покрај ракетите ATACMS, под контрола влегуваат и британските ракети со долг дострел „Storm Shadow“. Ниту канцеларијата на украинскиот претседател, ниту Министерството за одбрана на Украина, како и Белата куќа и Пентагон, не ги коментираа наводите.Американскиот претседател Доналд Трамп на 21 август изјави дека Украина „нема шанси за победа“ ако не ѝ се дозволи да возврати врз Русија, а ја критикуваше и политиката на неговиот претходник Џо Бајден. Сепак, Трамп порано кажа дека не се согласува целосно со одлуката за дозволување напади врз Русија со американско оружје.Фрустрациите околу тригодишниот војна го натерале Трамп да разгледува нови чекори – од воведување економски санкции кон Москва, па сè до можност за откажување од мировниот процес. „Ќе донесам одлука што ќе направиме и тоа ќе биде многу важна одлука, можеби санкции, можеби царини, а можеби ништо – и ќе кажеме: тоа е ваша борба,“ изјави Трамп.Руските власти, пак, предупредија дека Украина не може да користи високопрецизно оружје без директно учество на офицери од НАТО. „Тоа значи директна вклученост на Западот во војната,“ изјави претседателот Владимир Путин, пренесува „NBC“.Шефот на руската дипломатија Сергеј Лавров изјави дека состанок Путин – Зеленски не е извесен, бидејќи сè уште нема договорена агенда за евентуален самит.

Македонија | пред 5 месеци

Што планира Мециновиќ со Скопје: мора да се ослободи од политичките притисоци

Кандидатот за градоначалник на Скопје од редовите на Левица, Амар Мециновиќ, во гостување на Сител телевизија изјави дека главниот град мора да се развива во интерес на граѓаните, ослободен од политички притисоци.„Над луѓето кои се креативниот потенцијал на Скопје само треба да се тргнат политичките пранги и политичкиот притисок, за да можат да дишат, да функционираат и да создаваат прилики. Тоа се приликите кои му се потребни на нашиот град,“ истакна Мециновиќ.Тој најави дека во наредните два месеци ќе се работи на создавање на пошироко движење кое ќе биде повеќе од партија и повеќе од еден човек – платформа за сите граѓани кои, како што рече, се уморни од „град заложник на интересите на малкумина“.Мециновиќ потсети на своето искуство како советник во Град Скопје и нагласи дека единствена константа во работењето на досегашните власти бил приватниот интерес. Како пример го посочи проблемот со јавниот превоз, за кој, според него, уште во 2022 година се укажувало, но не се решавало.„Нашата поента не е да се претставиме како совршени луѓе. Напротив, сакаме да понудиме платформа на јавен интерес, со која ќе може да се поистоветат сите граѓани кои ги делат истите проблеми во скопското секојдневие,“ рече тој.Кандидатот на Левица нагласи дека мора да престане деградирањето на услугите на Градот и го критикуваше давањето концесии за паркинзи на приватни компании, иако постои јавно претпријатие за таа цел.Во однос на јавниот превоз, Мециновиќ оцени дека во 2025 година е недозволиво Скопје да се соочува со вакви проблеми. „Потребна е набавка на нови автобуси, алтернативни методи на јавен превоз и нов Генерален урбанистички план,“ нагласи тој.Мециновиќ заклучи дека неговата кампања е спротивна на платформите на ВМРО-ДПМНЕ и СДСМ, кои, според него, не нудат решенија за вистинските проблеми на граѓаните.

Скопје | пред 5 месеци

За ресторанот во кулата на Водно: „Сигурно нема да одат со жичара, па ќе го отвориме патот за коли па свадби, па пијани морони и толку од уживањето“

Новата кула на Водно, која неодамна беше осветлена, предвидува во неа да има ресторан што ќе се ротира 360 степени во рок од еден час, со што посетителите би имале панорамски поглед на цело Скопје.Сепак, идејата предизвикува сомнежи кај дел од јавноста. На социјалните мрежи веќе се појавија критики дека проектот би можел да создаде повеќе проблеми отколку придобивки.Инфлуенсерката која пишува под псевдонимот Ина Многуфина, саркастично коментира: „Познавајќи ги работите кај нас, тоа ќе се врти три саати, ќе се расипе и никогаш повеќе нема да проработи. Но, битно ресторан да има“.Исто така, отворањето на Водно за автомобили би значело нарушување на природното и рекреативно доживување на планината.„Сигурно на вечера со жичара нема да одат, таа има работно време пократко од ресторан. Значи ќе му го отвориме патот за коли, за да се наполнат масите. Потоа свадби, веселби, пијани морони со коли и паркирања по тревите... толку од уживањето на врвот“, пишува таа.Дел од јавноста оценува дека потребно е внимателно да се размисли за идната намена на кулата, за да не се уништи природниот амбиент на Водно.

Коментари | пред 5 месеци

(Видео) Украински дронови погодија нуклеарна електрана во Курск и нафтен терминал во Уст Луга

Украина во текот на ноќта извела масовни напади со дронови врз неколку руски енергетски објекти, меѓу кои и нуклеарната електрана во Курск и нафтениот терминал во пристаништето Уст Луга во Ленинградската област, потврдија руските власти.Во нападот врз нуклеарката во Курск, сместена недалеку од границата со Украина, бил оштетен помошен трансформатор, поради што оперативниот капацитет бил намален за 50 проценти. Според официјалните информации, нема повредени, пожарот бил брзо изгаснат, а нивото на радијација во електраната и околината е во дозволени граници. Во исто време, на терминалот на компанијата „Новатек“ во Уст Луга изби голем пожар како последица од удар на украински дронови. Гувернерот на Ленинградската област, Александар Дрозденко, соопшти дека околу десет дронови биле соборени над пристаништето и дека пожарникарските екипи работат на локализација на пожарот. Според него, резервоарите со гориво не биле зафатени.Министерството за одбрана на Русија објави дека во текот на ноќта уништиле вкупно 95 украински дронови во 13 региони, вклучувајќи ја Ленинградската област, Самара и Курск.Нападите предизвикаа прекин на летови во повеќе аеродроми, меѓу кои и Пулково во Санкт Петербург, соопшти руската агенција за цивилна авијација. Украина, пак, потврди дека цел на нејзините напади биле и индустриски комплекси во јужна Русија, вклучувајќи ја и рафинеријата во градот Сизран во Самарската област.

Свет | пред 5 месеци

Неуспешен руски пробив во Донецк: украинските сили вратија шест села под своја контрола

Руските сили на 11 август успеале да ги пробијат украинските одбранбени линии во источниот регион Донецк и да навлезат повеќе од десет километри во украинска територија. Меѓутоа, украинската армија го открила планот уште пред почетокот на операцијата, што довело до брз и решителен одговор.Картите од бојното поле покажувале руски продор низ неколку села, што предизвикало загриженост дека целта се стратешките градови Костјантинівка и Покровск. Но, само неколку дена подоцна, единиците на полкот „Азов“ ги опколиле руските сили и ја стабилизирале ситуацијата.До 14 август украинската армија објави дека Русите биле протерани од шесте села кои накратко ги држеле под контрола. Според „Азов“, во борбите биле елиминирани 385 руски војници, а уништени 37 возила, меѓу кои и едно оклопно возило и еден тенк.Експерти истакнуваат дека Русија во нападот користела тактика со мали групи војници на мотори и електрични скутери – акција која многумина ја опишуваат како „самоубиствена мисија“. Војниците се криеле во подруми и урнатини, чекајќи засилување, но поради масовната употреба на украински дронови надзорот бил речиси непробоен. Главната цел на Москва, според воените аналитичари, била да се обезбеди контрола врз автопатот Добропоља–Краматорск, една од клучните линии за снабдување на украинската армија. Иако нападот не успеа, украинските војници предупредуваат дека состојбата на фронтот останува променлива, а во последните денови имало извештаи дека Русите повторно се обиделе да повратат дел од изгубените позиции.

Свет | пред 5 месеци

(Фото) Орце и Панче Тошковски на утринско пешачење низ Градскиот парк

Градоначалникот на Кисела Вода и кандидат за градоначалник на Скопје, Орце Ѓорѓиевски, го започна денот со утринско пешачење низ Градскиот парк, во придружба на министерот за внатрешни работи, Панче Тошковски.„Најубаво е денот да започне со утринско пешачење низ Градскиот парк, свеж воздух, мир и позитивна енергија. Секој чекор е здравје, секој здив е нова сила. Започни го денот со природа, а денот ќе ти врати со радост“, напиша Ѓорѓиевски во својата објава на социјалните мрежи.

Скопје | пред 5 месеци

(Видео) Нови болни сцени од Кочани, мајката на загинатиот диџеј со порака за неговиот роденден: Небото одекнува од твојата музика, слави го со ангелите

Во Кочани повторно се одржа марш на родителите, роднините и пријателите на младите кои трагично загинаа во пожарот во дискотеката „Пулс“. Болни сцени, солзи и тишина ја обележаа поворката, при која родителите носеа фотографии од своите деца.„Корумпираната држава ни ги украде децата. Корупцијата ни го одреди местото каде да ги славиме нивните родендени – на гробиштата. Ни го украдоа сонот, ни ја скратија иднината, а болката ја претворија во наша секојдневна реалност. Бараме правда за нашите деца, бараме крај на корупцијата, бараме животите на младите да не завршуваат во идни статистики“, пишуваше на еден од транспарентите.„Моето дете умре, беше убиено од систем кој не штити, туку убива“, порача друг транспарент.Особено емотивна порака носеше Мита Тасева, мајката на загинатиот диџеј Стефан Тасевски, чиј роденден беше вчера: „Денес небото одекнува од твојата музика, синко наш. Слави го роденденот со ангелите.“„Ние, родителите, скапо го плативме данокот на корупцијата“, стоеше напишано до фотографиите на загинатите.

Македонија | пред 5 месеци

Нова трагедија: Загина Украинец на граничниот премин Долно Блаце, бил прегазен од автомобил

На 22 август 2025 година, околу 18:00 часот, на магистралниот пат Скопје – граничен премин Долно Блаце, се случила тешка сообраќајна несреќа во која животот го загубил 53-годишен државјанин на Украина.Според МВР, патничко возило „Фолксваген Голф“ со германски национални ознаки, управувано од 22-годишната Б.С. од Косово со живеалиште во Германија, удрило во пешакот К.М. (53) од Украина. Пешакот се здобил со тешки телесни повреди и со возило на Итна помош од Косово бил пренесен во најблиската болница во соседната држава, каде што во 20:20 часот им подлегнал на повредите. Лекар ја констатирал смртта, а по наредба на јавен обвинител телото е предадено на обдукција.Возачката Б.С. се здобила со телесни повреди, констатирани во приватна болница во Скопје. Увид на местото извршиле јавен обвинител и увидна екипа на СВР Скопје. Случајот се расчистува.

Македонија | пред 5 месеци

Кузеска: Локалната власт на ВМРО-ДПМНЕ е најнеспособна и најкорумпирана досега

„Четири години локална власт на ВМРО-ДПМНЕ се четири години разочарувања за граѓаните. Четири години кои наместо развој и проекти за граѓаните, донесоа само разочарувања, нечисти општини, урбанистички хаос, поскапи цени за граѓаните и бројни скандали со тендери,“ порача портпаролката на СДСМ, Богданка Кузеска на денешната прес конференција.Општините предводени од ВМРО-ДПМНЕ се претвори во епицентар на тендерски шеми и партиски злоупотреби на народните пари, додаде таа.„Преку фирми блиски до власта, систематски се испумпуваа пари од граѓаните. Најочигледен доказ за тоа е фактот дека едни исти фирми, и во општините и во државните институции, добиваат милионски тендери и речиси секогаш се јавуваат како единствени понудувачи. Тоа не е конкуренција, тоа е корупција во најчиста форма,“ истакна Кузеска.„Додека јавните пари се трошат за партиски бизнис шеми, ВМРО-ДПМНЕ ги удри граѓаните по џеб. Локалната власт на ВМРО-ДПМНЕ воведе поскапи сметки за вода, канализација, смет и го зголеми данокот на промет,“ потенцираше Кузеска.Поголеми трошоци за живот има речиси во сите општини под ВМРО-ДПМНЕ: Прилеп, Штип, Охрид, Битола, Ѓорче Петров, Бутел, Неготино, Гевгелија, Велес.„Наместо да ги олеснат животите на луѓето, тие ја зголемија цената на секојдневието, оставајќи ги граѓаните со повисоки давачки и со посиромашни општини,“ посочија од СДСМ.Таа нагласи дека најголемиот пример за катастрофална локална власт е токму главниот град.„И во Скопје 4 години ВМРО-ДПМНЕ е локална власт: нивни партиски луѓе како Перински, Христовски, Велковски, Славевски, управуваа со јавните претпријатија во Скопје, со Советот на Градот, со сите полуги на локалната власт. После 4 години Скопје е симбол на хаос во јавниот превоз, со нечисти улици и смет на секој чекор, со ниту еден нов капитален проект, јавните претпријатија пред распад и тотално нефункционални. Над 150 незаконски дивоградби, криминал тежок над 220 милиони евра, узурпиран јавен простор, загрозена безбедност и уништен урбанистички ред. Тоа е сликата на Скопје со ВМРО-ДПМНЕ,“ порача Кузеска.Затоа, локалните избори се шанса за клучни промени на локално ниво. Шанса да се стави крај на четиригодишното разочарување на ВМРО-ДПМНЕ, на хаосот, нереализираните ветувања, урбаната мафија и криминалот. Шанса да се вратат општините таму каде што им е местото: во служба на граѓаните, рече портпаролката на СДСМ, Богданка Кузеска на денешната прес конференција.

Македонија | пред 5 месеци

Шукова од Карпош: Кејот на Вардар во Карпош ќе биде уреден, осветлен и функционален

Потпретседателката на СДСМ и кандидатка за градоначалничка на Скопје, Каја Шукова, заедно со кандидатката за градоначалничка на Општина Карпош, Маја Мојсова, одржаа средба со жителите на скопската населба Карпош, на која што се разговараше за нивните предлози за подобрување на условите за живот во оваа општина, а воедно и за кејот на Вардар во делот на општината Карпош.Граѓаните реагираа дека овој дел од кејот на Вардар денес е комплетно запуштен, небезбеден и недостоен за жителите, и покрај ветувањата на градската власт во изминатите 4 години дека просторот ќе се уреди.На средбата, Шукова посочи дека моменталната состојба на оваа локација е резултат на неодговорното владеење и незаинтересираноста на ВМРО-ДПМНЕ.„Наместо простор за одмор, рекреација и дружење, денес кејот покрај Вардар во Карпош е руина и мрак, небезбедно и запуштено место. Директен виновник се четирите години неодговорно и штетно владеење со Скопје на ВМРО-ДПМНЕ“, истакна Шукова пред присутните граѓани.Притоа, Шукова потсети дека беа ветени 30 милиони денари за уредување и зазеленување на овој простор, но не е реализирано буквално ништо.„Нема ништо, ниту патеки, ниту клупи, ниту осветлување, ниту парк, ниту спортски содржини. Кејот на Вардар, овде во Карпош, со Маја ќе го уредиме – ќе биде осветлен, безбеден, зелен и функционален“, рече Шукова.На средбата со граѓаните, Шукова нагласи дека Скопје не смее да биде заложник на бизнис интересите на ВМРО-ДПМНЕ, Скопје може и заслужува поинаку, додаде Шукова.

Скопје | пред 5 месеци

Во Македонија и понатаму постои сериозен проблем со детските бракови

Во Македонија и понатаму постои сериозен проблем со детските бракови, предупредуваат од невладината организација „Отворена порта“, која се бори против насилството и трговијата со луѓе.Според податоците, 1.355 девојчиња на возраст од 15 до 19 години веќе се мажени, додека бројот на момчиња во иста возрасна група е само 260. Дополнителна загрижувачка состојба претставува адолесцентната бременост, која е особено присутна во сиромашни и маргинализирани заедници.Најпогодени се девојчињата од ромската заедница, кои се соочуваат со прекин на образованието, губење на детството и ограничување на слободата.„Детскиот брак уништува детство, образование и слобода. Ако препознавате ваков случај, јавете се на 0800 11111“, порачуваат од „Отворена порта“.

Македонија | пред 5 месеци

Ѓорѓиевски: Обезбедивме 70 километри патна инфраструктура, изградивме над 20 спортски терени и обезбедивме градинки за згрижување на сите дечиња во Кисела Вода

На денешниот настан, Саем-Отчет под мотото „4 години работа за тебе“ свое обраќање на панел дискусијата имаше градоначалникот на Кисела Вода и кандидатот за градоначалник на Град Скопје, Орце Ѓорѓиевски, кој образложи што е направено изминатите 4 години за општината односно ги истакна клучните проекти кои се направени изминатиот период како вложувањето во патната инфраструктура, изградба на градинки, инвестирање во образованието со изградба на основни училишта и спортски терени, притоа истакнувајќи дека сето тоа искуство ќе го пренесе и за градот Скопје.„Во минатото имавме еден затворен однос од институциите, ниту пак некој ни подаде рака различна е состојбата од кога се направија промени на централно ниво, откако претседателот Христијан Мицкоски е на чело на Владата на Република Македонија. Еден од најгорливите проблеми за нашето население во Кисела Вода, особено за младите брачни парови, беше недостатокот на места во градинките, ние ја наследивме општината со над 450 дечиња на листите на чекање. Во финална фаза ни е градинката во Потстаница, се потрудивме во изминатиот период да во секое населено место да обезбедиме објект во којшто ќе бидат згрижувани дечињата и практично листите од 450 ги сведовме на нула, што е сериозен прогрес. Што се однесува до основното образовани и инвестициите таму, во моментот сме во фаза на доградба на две основни училишта, каде што нашата интенција води кон тоа и од аспект по практично да биде за родителите но и од аспект на заштеди на институциите, особено за општината и основните училишта , да воведеме едносменско работење на сите основни училишта“, вели Ѓорѓиевскки.Ѓорѓиевски истакна дека се изградени многу спортски терени и дека е направена модерна, современа патна инфраструктура како и дека е решен проблемот со дивеењето урбаната мафија во Расадник, со тоа што се поништени 99 маркици за градба.„Повеќе од 20 спортски терени се изградени изминативе 4 години во општина Кисела Вода, во моментов се градат три нови спортски сали и четири се целосно реконструирани. 70 километри патна инфраструктура имаме за четири години во Кисела Вода, создадовме модерна современа патна инфраструктура и сите населени места бидат обезбедени со подземна инфраструктура, тоа подразбира водоводна и одводна мрежа. Она што претставуваше горлив проблем во минатото беше и дивеењето на урбаната мафија, јас бев еден од ретките кој што спроведе Меѓународен конкурс за идејно решение за деталниот урбанистички план во Расадник и поништивме 99 маркици за градба таму“, рече Ѓорѓиевски.

Скопје | пред 5 месеци

Пронајдена 14-годишна малолетничка од Струмица која била однесена од Охрид во Скопје

Малолетничка од Струмица, за која вчера беше пријавено дека се оддалечила од домот во кој престојувала во Охрид, е пронајдена во Скопје, информираат од Министерството за внатрешни работи.Во СВР Охрид во петокот попладне, Е.А. (45) од Струмица пријавил дека неговата 14-годишна ќерка Ј.А. исчезнала од домот два дена претходно. Според пријавата, на 21 август добил порака преку социјалната мрежа „Фејсбук“ од женско лице од Скопје, кое му кажало дека девојчето се наоѓа во нејзиниот дом, дека таму дошло доброволно и дека ќе било мажено за братот на тоа лице.Таткото изразил сомнеж дека малолетничката сама отпатувала во Скопје, бидејќи немала пари кај себе, и дека всушност била измамена и однесена.По преземени мерки и активности, девојчето било пронајдено во Скопје, а во полициска станица бил извршен службен разговор со Р.Б. (20) од Скопје, поради сомнение дека е вмешана во случајот.„По целосно документирање на случајот, против неа ќе биде поднесена соодветна кривична пријава“, соопштија од МВР.

Македонија | пред 5 месеци

(Видео) Стојкоски: Ѓорче Петров ќе биде најсилна општина во наредниот период

Градоначалникот на Ѓорче Петров и кандидат за нов мандат, Александар Стојкоски, во своето обраќање истакна дека општината од финансиски девастирана успеала да се стабилизира и да стане пример за развој.„Наследивме општина која финансиски беше девастирана, со стари долгови од над 4 милиони евра, па да бидеме во функција да градиме иднина. Најодговорно тврдам дека Ѓорче Петров ќе биде најсилна општина од сите општини во наредниот период. Успеавме да изградиме над 150 улици, а во постапка сме за изградба на над 90 улици“, изјави Стојкоски.Тој потсети и на новите инфраструктурни зафати, вклучувајќи ја изградбата на атмосферска канализација и зголемувањето на капацитетите во детските градинки преку изградба на нови објекти. „Тука беше и новата атмосферска канализација, а и зголемување на капацитетите во детските градинки, изградбата на нови објекти кои се во тек“, додаде градоначалникот.Додаде дека и во моментов се градат спортски сали, како и дека се изградени нови спортски терени.

Скопје | пред 5 месеци