На 25.11.2018 година во 23,10 часот било пријавено дека во Скопје на улица „Перо Наков“, во објектот на дирекцијата на АД “Скопски пазар”, избувнал пожар.Пожарот бил изгаснат од екипа на Противпожарна единица Скопје. Извршен е увид на местото на настанот. Се преземаат мерки за расчистување на случајот.
Скопје | пред 7 години
Претседателот на Собранието на Република Македонија, г. Талат Џафери, денеска оствари средба со Н.Е. Сагер Насер Ахмед Абдулах Алраиси, амбасадор на Обединетите Арапски Емирати за Република Македонија.Претседателот Џафери, откако му посака добредојде на гостинот, изрази благодарност и задоволство од воспоставените дипломатски односи уште од 1996 година под нашето уставно име, иако за жал во текот на овој период ретко се бележат заемни средби на високо билатерално ниво. Тој истакна дека како претседател на Собранието, ја поттикнува пратеничката група за соработка со земјите од Блискиот и Средниот Исток во Собранието на Република Македонија, да воспостават комуникација со нивните колеги од соодветните парламенти и да ја иницираат парламентарната дипломатија која е доста значајна. Понатака рече дека на мултилатерален план, соработката во меѓународните организации и во системот на ООН е добра, често се поддржуваат меѓусебните кандидатури и Република Македонија во оваа насока, традиционално го поддржува кандидирањето на ОАЕ во рамките на телата и органите на меѓународните организации.Амбасадорот, Н.Е. Сагер Насер Ахмед Абдулах Алраиси искажа отворена и силна поддршка за Република Македонија, посочувајќи ги бенефициите за малите земји од членството во Европската Унија и НАТО, и предностите кои се овозможуваат за земјите полноправни членки на овие организации. Тој упати покана до претседателот Џафери со делегација да ги посетат Обединетите Арапски Емирати и нивниот парламент. Амбасадорот истакна дека со оваа покана, ќе се интензивираат билатералните односи помеѓу двете земји, а пораките ќе се упатат токму од парламентот кој е директен глас на народот.Соговорниците се согласија дека негувањето и унапредувањето на односите меѓу двата парламента треба да бележи на интензитет во периодот што следи, како и да се продлабочува во доменот на образованието, економијата, животната средина и во други области од заемен интерес за двете земји.
Македонија | пред 7 години
Градоначалникот на општина Гази Баба, Борис Георгиевски денеска додели 82 решенија за субвенции за набавка на печки на пелети. Барање за субвенции поднеле 83 баратели. Само еден барател е одбиен поради некомплетни документи, односно стара фискална сметка.Георгиевски пред присутните посочи дека го радува фактот дека на секој јавен повик се пријавуваат се повеќе граѓани кои се одлучуваат да користат еколошки грејни тела и материјали.„Од општинската каса за оваа намена беа одвоени 3 милиони денари за 2018 година. Општина Гази Баба и во иднина ќе ја продолжи оваа мерка со која во континуитет ќе придонесеме за намалување на загаденоста на воздухот“, рече Георигиевски.Ова е една од мерките кои општина Гази Баба ги презема за зачувување на животната средина и намалување на загаденоста. И во идниот период, општина Гази Баба ќе продолжи да со реализацијата на еко акции и настани преку кои и директно ќе се влијае за оджување на чистотата на животната околина а особено врз подигниување на свеста кај граѓаните, дека сепак зависи и од нас каква средина на живеење ќе имаме.
Скопје | пред 7 години
Претседателот на Владата на Република Македонија, Зоран Заев, денеска, на нивно барање, прими делегација на Иницијативниот одбор на поранешни вработени во АД Охис Скопје во стечај.Претставниците на Иницијативниот одбор на поранешни вработени во АД Охис, изразија благодарност за можноста да се сретнат со премиерот Заев и изразија очекување, дека во рамките на законските надлежности на Владата на РМ, ќе бидат решавани некои нивни барања поврзани со стечајната постапка.Нивните очекувања главно се однесуваат за исплата на побарувања од стечајната постапка за 24 неисплатени плати и за затворање на придонесите од плата за периодот од јуни 2012 година до октомври 2013 година, како и во списокот за обесштетувања од стечајната маса на АД Охис да бидат вклучени и вработените од фабриката „Малон“ АД Охис.Премиерот Заев на средбата истакна дека, иако стечајната постапка на АД Охис Скопје е завршена и спроведена од судските органи во процес во којшто Владата нема ингеренции, тој ќе го задолжи министерот без ресор задолжен за регулатива за подобрување на инвестициската клима за домашните претпријатија Зоран Шапуриќ, да ја продолжи понатамошната комуникација со поранешните вработени во Охис, да оствари средби со надлежни институции, како и со стечајниот управник Маринко Саздовски, за да се најде одржлив одговор на барањата на Иницијативниот одбор на поранешни вработени во АД Охис Скопје во стечај.
Македонија | пред 7 години
Со неколку изложби, научни излагања и промоција на фотомонографија, во Струга деновиве, ќе се одбележува неделата посветена на јубилејот – 90 години од основањето на Музејот „Др. Никола Незлобински“ .Програмата започнува на 27, ноември (вторник) во 13.00 со историско документаристичка изложба „Русите во Македонија“ во соработка со Државен архив на РМ. За изложбата со свое излагање ќе се обратат претставници од руската амбасада, како и претставник од државниот архив. Изложбата ќе се оддржи во Галерија „Ванѓел Коџоман“.„Во допир со минатото“ е насловена ареолошката поставка, каде ќе бидат изложени предмети од археолошки локалитети од струшкиот регион: локалитет „Св.Илија“, Делогожда; Локалитет „Голача“, с.Ташмаруништа; Подводен локалитет „Врбник“ Струга; локалитет „Куќа на Караѓуле“. Изложбата ќе биде поставена во изложбениот простор при административната зграда на музејот, на 28.11 (среда) во 12.00, а ќе ја отвори Академик проф.др. Вера Битракова Грозданова.Дејноста на Д-р Никола Незлобински, музејот ќе ја чествува со прикажување на дигитализирани фотографии од целосната фото збирка на стаклени негативи, оставштина од Незлобински и неговиот тим на соработници. Оваа збирка е исклучителен документ за Струга и Струшко во минатото, како и сведоштво за сестраната пасија на рускиот научник, да ги забележи, истражува, запомне, биолошкиот и социјалниот свет на регионот, на почетоците од дваесеттиот век. Изложбата ќе биде поставена во зградата на природонаучната збирка, на 30ти ноември, во 13.00, а истиот ден, во 13.30 ќе биде промовирана и книгата „Фотомонографија од збирката на стаклени негативи на Д-р Никола Незлобински“, во „Спомен дом на Браќа Миладиновци“. Промотор на фотомонографијата е Д-р Елеонора Петрова Митевска, директор на Управа за заштита на културно наследство.Со неделата посветена на јубилејот, НУМ „Никола Незлобински“ се приклучува кон прославувањето на Европската година на културно наследство.За значењето и основањето на музејот Во далечната 1928, рускиот емигрант, воен доктор, еден од протераните белогардејци, Др Никола Незлобински, заедно со сопругата Софија и тим од соработници е упатен во Струга, за да му помогне на населението да се справи со маларијата, болест која зазема епидемични размери во овој регион. Покрај големиот придонес за подобрувањето на здравјето на населението, но и подобрувањето на животните услови со дренирањето на Струшкото блато, Д-р Никола Незлобински во нашата јавност, ќе остане запаметен по оставштината на импресивна збирка, која сведочи за богатството и разновидноста на живиот свет во и околу регионот на Охридското езеро. Во 1938, Незлобински повел иницијатива за отварање на засебна зграда каде ќе бидат изложени препарирани животни присутни во поднебјето. Зградата со ангажман и на населението идната година била завршена. Со ова Незлобински ги поставува основите на првиот природонаучен тематски музеј и воопшто темелите на музеологијата во Македонија. Денес, музејот се наоѓа во истата зграда, а експонатите сеуште пленат со својата афтентичност. Многу од видовите, исчезнале после пресушувањето на блатото, но за богатстовто на регионот сведочат околу 8000 примероци ( 6000 од нив, инсекти и пеперутки), кои можат да се погледнат во природонаучната поставка. Денес во музејот, покрај биолошкото одделение, функционираат и археолошко одделение, одделение за етнологија, одделение за историја и одделение за историја на уметност.
Магазин | пред 7 години
Државниот секретар м-р Магдалена Несторовска денеска имаше поздравно обраќање на конференцијата „Задржување од имиграциски причини – Практики и применливо законодавство“ во Скопје, организирана од Македонското здружение за млади правници, а поддржана од Европската Унија.На конференцијата се разгледуваат и дискутираат сегашните практики на задржување на странци во Република Македонија од имиграциски причини, применливата легислатива, како и ограничувањето на правото на слобода на движење на овие лица. Исто така, фокус е даден и на условите и третманот на овие лица, процедурите со непридружуваните деца и можните алтернативи на притвор.
Македонија | пред 7 години
Министерот за здравство, доц. д-р Венко Филипче, на денешната прес-конференција информираше за набавката на реагенси за целата територија на Република Македонија, за периодот од 3 години.Во изминатиот период, Министерството за здравство одржува редовна комуникација со стручни лица и со здружението на биохемичари. Заедно со сите засегнати страни се анализираат претходните постапки за набавки на биохемиски тестови, со цел да се подобри, односно одново да се дефинира техничка спецификација со нова постапка.„Правиме постапка којашто ќе ги содржи апсолутно сите сугестии на второстепената комисија за јавни набавки. Ќе има повеќе лотови, ќе биде делива, а со тоа и отворена за повеќе економски оператори. На овој начин обезбедуваме конкуренција меѓу економските оператори, нивен еднаков третман и транспарентност во процесот на доделување на договор за јавна набавка, а со тоа гарантираме рационално и ефикасно искористување на средствата. Ве повикувам да го пратите процесот, ние сме максимално инклузивни. Ќе известуваме и имате отворена врата да ги пратите сите сегменти, сите чекори на постапката“, изјави министерот Венко Филипче.Во рамките на оваа постапка, ќе се направи лот за лис систем, односно компјутерски систем кој ќе го следи трошењето на реагенсите. Министерството ќе има увид во вкупната количина на резерва со која располагаат ЈЗУ-ата, а врз основа на тоа потрошувачката и во буџетите кои сега се трошат во сите јавно здравствени институции.„Сакаме значајно да ги намалиме трошоците. Сметаме дека на сума од 35 милиони евра за 3 години ќе заштедиме најмалку 5 до 6, што ќе се согласите не е малку. И тие пари ќе ги инвестираме назад во здравствениот систем, пред се во платите на здравствените работници, но и на подобрување на опремата и инфраструктурата“, додаде министерот Филипче.Според досегашните анализи, сегашниот лабораториски систем е несоодветен, скап и неодржлив. Во таа насока ќе се воспостави нов систем на централизација на лабораториите, на ниво на град. Пациентите се уште ќе вадат крв на истите места како досега, но таа ќе се транспортира до главната болница на соодветен начин и согласно критериумите на Европското здружение на биохемичари. Исто така, со постапката ќе се бараат бесплатни апарати. Ова е веќе практика на економските оператори, за да се трошат нивните материјали, а за министерството ќе значи дополнителна буџетска заштеда.Целиот процес како и подготвителната техничка спецификација ќе биде транспарентен и отворен за јавноста преку електронскиот систем за јавни набавки. Сите засегнати страни и заинтересирани лица будно да го следат процесот и да учествуваат во текот на целата постапка.
Македонија | пред 7 години
На 25.11.2018 година во 18.15 часот во Полициската станица Аеродром, С.Ц.(21) од Скопје пријавил дека истиот ден околу 16.00 часот на улица „Гаврил Константиновиќ“ бил каснат од куче скитник.
Скопје | пред 7 години
На 25.11.2018 година околу 21,20 часот во тобако на улица „Иван Козаров“ во Скопје непознат сторител извршил разбојништво над вработената, при што одзел околу 28.000 денари.Се преземаат мерки за пронаоѓање на лицето и целосно расчистување на случајот.
Скопје | пред 7 години
Предновогодишното украсување дополнително го блокираат сообраќајот во центарот на Скопје. Возачите кои се соочуваат со метеж поради протестите на крстосниците, велат дека по два часа им треба да стигнат до дома. Тие се револитрани оти Град Скопје во работни денови, во ударни часови кога има најголем проток на сообраќај го украсува центарот на градот. Истите, прашуваат дали Шилегов слушнал за викенд, кога според нив, треба да се прават овие активности.Градоначланикот на Град Скопје, Петре Шилегов, во изјава за новинарите рече дека согласно буџетската ставка за украсување на градот биле предвидени 16 милиони денари, но по завршувањето на тендерската постапка тоа ќе чини 13 милиони денари, што е вели, иста сума споредено со претходните години. Новина е, додава, новогодишната населба Винтерленд, што ќе внесе нова, побогата новогодишна содржина.
Скопје | пред 7 години
Денеска мнозинството пратеници предводено од СДСМ во Собранието не го прифати предлог законот за Амнестија предложен од дел од пратениците на ВМРО-ДПМНЕ за насилствата во Собранието од 27 април, изјави портпаролот на СДСМ, Костадин Костадинов.„ВМРО-ДПМНЕ бараше за мрачните случувања против демократијата и против граѓаните да бидат ослободени од одговорност сите насилници. Тоа е недозволиво.Ставот на пратениците од СДСМ е јасен: Одговорност за насилството на 27 април мора да има.Не смее и не може да има амнестија за оние коишто планирале, нарачале и извршиле насилство на 27-ми април“, вели Костадинов.
Македонија | пред 7 години
Претставата „Орестија“ во режија на македонскиот режисер Дејан Пројковски, а во продукција на „Хрватско народно казалиште“ од Сплит, ја доби највисоката награда за најдобра претстава во Република Хрватска. Покрај Пројковски, дел од авторскиот тим на претставата се и македонскиот сценограф Валентин Светозарев и композиторот Горан Трајкоски. Доделувањето на највисоките театарски признанија, „Награде хрватског глумишта“ од страна на Хрватското здружение на драмски уметници се одржа изминатата сабота во „Хрватско народно казалиште“ во Загреб.„Авторскиот тим и ансамблот под водство на Дејан Пројковски со оваа силна и впечатлива претстава ја раскажаа Есхиловата трагедија, поврзувајќи го на суштинско и мисловно ниво античкото време со денешницата. Откривајќи ја целосно Есхиловата човечка природа полна со немири, двојба, мрачни нагони, но и желба за воспоставување хармонија, креаторите на оваа претстава создадоа дело со висока естетика“, беше истакнато од театарската критика.Наградата која викендов му беше врачена на Пројковски од претседателката на Хрватското здружение на драмски уметници, Перица Мартиновиќ, важи за највисока награда за театар во Република Хрватска. Се смета за едно од најважните и најреномираните признанија во целиот регион, а хрватските медиуми ја најавуваат како Театарски оскар. За доделувањето на наградите одлучуваше петчлено жири од истакнати театарски дејци.Пројковски премиерно ја постави „Орестија“ на годинешното 64-то по ред „Сплитско лето“ кое се одржа во август, на коешто се закити со главната награда за најдобро уметничко остварување - „ЈУДИТА“.
Магазин | пред 7 години
Анѓушев и Заев ги завија во црно вработените на „Еурокомпозит“ од Прилеп, помина повеќе од 1 и пол година, а проблемот со „Еурокомпозит“ од Прилеп сè уште не е решен, изјави денеска портпаролот на ВМРО-ДПМНЕ, Димче Арсовски.„Над 300 вработени живеат во агонија откако дојде СДСМ на власт, преживувајќи од ден за ден, не знаејќи што ги чека секој нареден ден. Пред повеќе од 1 година, на 24 октомври лани, Заев се сретна со вработените на ‘Еурокомпозит’ и им вети исплата на заостанатите плати и трајно решавање на статусот на фирмата. Решение нема до ден денес. Пред само 5 месеци на 3 јуни оваа година, Анѓушев повторно ги излажа вработените на ‘Еурокомпозит’, давајќи им лажна надеж дека има заинтересирани инвеститори. Ниту има инвеститори, ниту, пак, се реши случајот, проблемот на над 300 вработени во фабриката сè уште е реален и горлив“, изјави Арсовски.Денес, за жал, вели портпаролот на ВМРО-ДПМНЕ, погоните не се во функција и се со исклучена струја, а вработените седат дома без работа.
Македонија | пред 7 години
Mинаа два дена откако прашавме за македонската навигација за непотизам односно за вработувањата во М-НАВ агенција позната како Македонска Неофицијална Агенција за Вработување. Побаравме од М-НАВ да го објави списокот на 24 нововработени како и по кои црни критериумите се токму примени, но од таму нема одговор. А, нема одговор затоа што и самите се свесни дека Агенцијата служи за вработување на партиски кадри и исполнување на желби, иако немаат врска со потребите на М-НАВ. Меѓу кои има и искусни имиња како роднината на министерот за земјоделство, а во М-НАВ е вработен и партнерот на Заев, Стојанче Ангелов, ова денеска на прес-конференција го истакна Наум Стоилковски од ВМРО-ДПМНЕ.-На листата на нововработени синови, ќерки, браќа, сестри и внуци во М-НАВ, каде што платите се неколкукратно повисоки од просечната, се и син на директор на социјалните фондови, сестра на вицепремиер, внуци на директор на телекомуникациски оператор и на партиски – коалициски партнер, син на пратеничка, зет на првиот човек на СДСМ од Охрид и син на вработен во М-НАВ. Па додека во ова црнило кое што го живееме чекаме институциите евентуално да се одважат и да истражат, од тука ќе прашаме: Дали нововработениот Антонио Кочовски од Охрид, е зет на првиот СДСМовец од градот Лазе Танески, а и чиј што татко Горан Кочовски исто така е вработен во агенцијата? Дали вработениот Ветон Хадри од Тетово е син на пратеничката од редовите на ДУИ, Шпреса Кадри? На Универзитетот во Тетово каде дипломирал, нема авионавигација ниту контрола на летање, па по кои критериуми се примени овие двајца? Еве ова се два примери за вработувања во агенцијата за кои дури и членовите на комисијата се жалат дека врз нив е вршен притисок да бидат примени токму вакви кадри кои по ништо не исполнуваат услови за работење во агенцијата, потенцира Стоилковски.Тој додава дека М-НАВ треба веднаш да ги соопшти имињата на нововработени од оваа година и да ги каже критериумите според кои се тие примени. Дали освен нив имало други пријавени на конкурсите кои немале квалификации како избраните? Воедно уште еднаш ги повикуваме надлежните институции да отворат истрага по наводите за непотизам и можната корупција при овие вработувања.-Во М-НАВ се насобрал толку неопходен партиски кадар што и новата сопствена зграда не ги собирала па ќе се селеле под кирија. На локација добро позната на директорот! Ете тоа се европските вредности на СДСМ, тоа е тој пат, навигација, кон ЕУ и НАТО, тоа е таа борба со непотизмот, партизацијата, обемноста на администрацијата и кои ли се празни флоскули и ветувања ги даваа истите оние напикани во криминогената власт кои што сега не се ни кријат ниту имаат потреба да понесат одговорност за девастацијата на Република Македонија. М-НАВ ги отсликува црнилата во кои што СДСМ ја втурна државата. М-НАВ може да се препознае во секоја владина агенција, министерство, локална самоуправа. Со ваква навигација по која сега се движи државата, таа не може да заврши поинаку освен во се подлабока црна дупка. Република Македонија не заслужува таков пат. Република Македонија заслужува многу подобро и затоа уште еднаш ве повикуваме среда во 17 часот да дојдете пред Центарот на ВМРО-ДПМНЕ, на Плоштадот „ВМРО“ и со еден протестен марш да се упатиме накај Владата на Република Македонија, заврши Стоилковски.
Македонија | пред 7 години
Министерот за економија Крешник Бектеши на прес конференција соопшти дека од денеска стартува вториот јавен повик за надомест на дел од трошоците за купување на печки на пелети, со кои домаќинствата ќе ги заменат старите печки на јаглен, дрва, нафта или мазут.„Со Ребалансот на буџетот, Министерството за економија побара и доби дополнителни средства во износ од 7.000.000 денари за субвенционирање на печки на пелети за домаќинствата. Со ова ќе придонесеме за подигање на јавната свест, за заштеди на енергијата која е скап ресурс и за заштита на животната средина, чија загаденост во есенско-зимската сезона во последниве години создава големи потешкотии. Оваа мерка е и во согласност со владиниот План за чист воздух“, рече Бектеши.Министерот за економија објасни дека ова подразбираше измена на Програмата за промоција на обновливи извори на енергија и поттикнување на енергетска ефикасност во домаќинствата за 2018 година, која беше усвоена на последната владина седница, а по објавување вториот по ред јавен повик, право на учество на овој оглас имаат купувачите кои имаат купено печки на пелети во своите домови во периодот од 1 септември до 12 декември 2018 година и кои ќе поднесат барање за искористување на правото на надоместок.„Во јавниот повик детално се наведени условите и потребната документација за аплицирање и иако е отворен до 12 декември годинава, морам да потенцирам дека доделувањето на поддршката на домаќинствата е по принципот ‘прв дојден – прв услужен’. Затоа би сакал да апелирам граѓаните редовно да ги следат соопштенијата од Министерството за економија за да не дојдат во ситуација да се изложат на непланирани трошоци по исцрпување на средствата, кога веќе нема да можат да си обезбедат надомест на трошоците“, соопшти министерот Бектеши.Како што е веќе познато од првиот годинешен оглас, Министерството за економија на оние кои ќе ги исполнат условите од огласот ќе им обезбеди поврат на средства во висина од 50%, но не повеќе од 500 евра во денарска противвредност, сѐ до искористување на предвидените средства во Буџетот на Република Македонија за оваа намена. Услов е купувачите досега да не користеле средства од Буџетот на Република Македонија за купување печки на пелети во својот дом. Според проекциите на Министерството за економија, доколку сите апликанти што ќе ги исполнат условите добијат максимален износ на субвенцијата, со оваа мерка ќе се субвенционираат околу 220-230 домаќинства.„Овие нови 220 домаќинства кои ги очекуваме на вториот повик ќе се придружат на групата од 453 домаќинства кои ги исполнија условите и аплицираа на првиот повик за субвенции на печки на пелети до исцрпување на средствата, за кои е веќе реализирана исплатата на обезбедените 14.000.000 денари. Значи, со овие дополнителни 7 милиони, кои ги промовиравме денеска, Министерството за економија годинава обезбеди вкупно 21.000.000 денари само за оваа мерка. Да потсетам дека годинава беа активни уште две мерки, при што за замена на старите прозорци со нови ПВЦ или алуминиумски прозорци 30 милиони денари беа распределени на 1005 домаќинства, додека за купување и вградување на сончеви термални колекторски системи со обезбедените 6 милиони денари субвенциониравме 517 домаќинства“, нагласи министерот Бектеши.Бектеши посочи дека средства за за промоција на обновливи извори на енергија и поттикнување на енергетска ефикасност се предвидени и во новиот буџет за 2019 година, а со новата програма на мерки треба да се стартува во почетокот на идната година.
Македонија | пред 7 години
За да се подобрат условите за возење велосипед екипите на Град Скопје изминатиов период изградени се и реконструирани 7 (седум) километри велосипедски патеки по должината на градските улици и булевари, во општините Кисела Вода, Центар, Чаир и Бутел.Во текот на градежните работи беа запазени сите стандарди за изградба на велопатеки – обележана е хоризонталната и вертикалната сигнализација, а на влезот и на излезот од крстосниците рабниците се слеани, за да се овозможи непречено движење на велосипедистите. Изградбата и реконструкцијата на велосипедските патеки се одвиваше во консултација со граѓанските активисти посветени на промоција на велосипедизмот.Во последниов период нови пешачко-велосипедски патеки добија следниве улици и булевари:- булеварот Борис Трајковски, на потегот од поранешната фабрика „Стакларница“ до бараките на Општина Кисела Вода (вкупно 3.029 метри);- булеварот Борис Трајковски, на потегот од Рампа до крстосницата со булеварот Крушевска република (вкупно 103 метри);- улицата 11.Октомври, на потегот од крстосницата со булеварот Крушевска република до крстосницата со булевар Кочо Рацин (вкупно 1.332 метри);- булевар Крсте Мисирков, од крстосницата со булеварот Кузман Јосифовски Питу до клучката кај Бит-пазар (вкупно 1.704 метри);- улица Бутелска, од улицата Босна и Херцеговина до крстосницата со улицата Душко Поповиќ (вкупно 620 метри).Новоизградените седум километри велосипедски патеки се дел од речиси 12 километри велопатеки што се изградени и реконструирани во Скопје, од почетокот на мандатот на градоначалникот Шилегов. Односно, од ноември 2017 година се изградени и реконструирани и делниците: на улицата Ѓорче Петров, на потегот од улицата Кузман Шапкарев кон излезот на Скопје (240 метри); на булеварот 8.Септември, од булеварот Партизански одреди до мостот кај хотелот „Александар палас“ (900 метри); на булеварот Кочо Рацин, од кеј „13.Ноември“ до улицата 11.Октомври - запад и од улицата 11.Октомври до булеварот Кузман Јосифовски Питу, кај ВЕРО маркетот – исток (1.200 метри); на булеварот Христијан Тодоровски Карпош, на потегот од улицата Џон Кенеди до улицата Рокомија (600 метри); како и на улицата Втора македонска бригада, од булеварот Христијан Тодоровски Карпош до кружниот тек на улицата Лазо Трповски - велосипедска лента на коловозот (2.000 метри).Во тек е изградбата на велосипедските патеки на булеварот Србија, на потегот од крстосницата со булеварот Борис Трајковски до крстосницата со булеварот АСНОМ; на булеварот Киро Глигоров, на потегот од крстосницата со булеварот АСНОМ до клучката во Автокоманда; како и на булеварот Митрополит Теодосиј Гологанов, наспроти Млечниот ресторан.Ова значајно унапредување на велосипедската инфраструктура во градот ќе го оценува и Европската комисија при евалуацијата на Градот Скопје за престижното признание „Европска зелена престолнина“ во 2021 година, која што го вреднува напредокот што ќе го постигне еден град во спроведувањето на зелените политики, односно напредокот во подобрувањето на животната средина.
Скопје | пред 7 години
Во врска со информациите за оштетување на гранични камења на граничната линија на македонско-грчката граница од ГК 132 до ГК 147, Министерството за надворешни работи на Република Македонија, информира дека претставници на македонскиот дел на граничната Комисија за Сектор 3 и 4, заедно со претставници на грчките министерства за внатрешни работи и за одбрана, на 24 ноември 2018 година, излегоа на терен и констатираа дека се изместени и оштетени гранични камења во должина од 12 километри.Инцидентот е потврден и од страна на Министерството за внатрешни работи на Република Македонија. Во тек е постапка за расчистување на случајот и обновување на оштетените гранични камења во согласност со Спогодбата за чување, одржување и обновување на граничните ознаки (копнени и пловни) и за предупредување, спречување и начин на испитување и решавање на граничните инциденти.
Македонија | пред 7 години
Градинката „Буба Мара“ добива целосно нов објект. Новиот објект е со 8 занимални, вкупна површина од 1.500 квадратни метри и капацитет за згрижување од 270 деца. За оваа намена се издвоени 40 милиони денари од буџетот на Општина Аеродром.„Изработени се уште четири проекти за нови детски градинки, во Мичурин, целосно нов објект со површина од 2500 м2, три готови проекти за доградба на градинки, „Црвенкапа“ и „Изворче“ во Стар Аеродром, реконструкција на објектот „Пчелка 1“ во населба Лисиче.Го решававме наследениот проблем со недостаток на капацитети во градинките. Обезбедуваме повеќе места и подобри услови за најмладите“, велат од Општина Аеродром
Скопје | пред 7 години
„По надминувањето на недоразбирањето со Министерството за образование, денеска е исплатена октомвриската плата за вработените во дванаесетте основни и средни училишта на територијата на Општина Охрид.Причина за доцнењето на платите на просветните работници , беше различното толкување на законските прописи од оваа област“, велат од општина Охрид.Инаку медиумите деновиве пишуваа за Проблемот поради кој само просветните работници од Охрид немаа земено плата. Проблемот беше поради недоследности околу начинот на кој се вршат пресметките за месечен надомест за админитративните службеници во образовните институции, кои пресметките ги направиле согласно правилата за пресметка на плата утврдени со Законот за административни службеници.Бројот бодови за платите за секретарите, односно административците се утврдува согласно Законот за административни службеници, додека вредноста на бодот е утврдена со одлука на Совет на Општина Охрид.Министерството за образоване и наука е на став дека платата за службениците во ресорот треба да се пресметува според Колективните договори за средно и основно образование, што резултира со разлика во пресметките, поради што е беше блокирана и исплатата на личните доходи за вработените во образовните институции во Охрид.
Македонија | пред 7 години
Силувањето е страшно, ужасно злосторство кое секаде во светот погодува огромен број на жени. Секој присилен сексуален чин е своевиден пекол за жените, но овие силувања ги оставиле сите без текст.Банда се изживувала врз девојчиња 16-годишната Елизабет Пена и две години помладата Џенифер Ертман, одејќи кон дома одлучиле да минат преку железничкиот мост. Налетале на банда која била под дејство на алкохол и токму во тие мигови примала нов член во своите редови. Несреќните девојки биле грабнати и брутално силувани еден час. Откако ги искористиле, криминалците ги убиле тинејџерките. Нивните тела биле пронајдени бидејќи еден член на бандата се фалел со ова ужасно злосторство.Казната за ова дело била тешка: Од шест лица кои биле осудени за ова дело, петмина биле осудени на смрт. Девојка се убила од мака Рете Персонс била силувана кога имала само 15 години. Како самиот чин да не бил доволен, злосторниците фотографиите од злосторството ги поставиле на социјалните мрежи. Поради коментарите и однесувањето на Фејсбук, девојката си го одземала животот. Силувачите биле обвинети и за снимање на детска порнографија.Силувале 5-годишно девојче до смрт5-годишно девојче било силувано во Индија кога двајца мажи ја намамиле на една фарма и ја злоставувале до смрт. Детето паднало во кома и починало од срцев удар два дена подоцна. Мажите биле уапсени и' им било судено, а за ужасот да биде поголем, тоа било втор случај на силување на 5-годишно дете во Индија истата седмица. Ја запалиле жива и ја оставиле да умреОксана Макар на 18 години преживеала пекол. Откако го преживеала бруталното силување од страна на тројца мажи, измачената девојка станала и жртва на изопачените умови кои прво се обиделе да ја задават, а потоа и ја запалиле жива. Иако била пронајдена на едно градилиште, повредите кои ги имала биле премногу сериозни и докторите не можеле да ја спасат.Според зборовите на BBC силувачите биле уапсени, но заради семејните врски, двајца од нив биле ослободени без обвинение. По бурните реакции на јавноста, повторно биле уапсени и осудени за силување и убиство.Силувањето кое го ужасна светотИндија поради честите напади врз жените добила статус на земја во која силувањата се како "добар ден". Едно од тие силувања го ужасна целиот свет.23-годишна студентка била групно силувана во автобус минатиот декември, додека нејзиниот пријател бил претепан. Несреќната девојка била силувана од 6 мажи, меѓу кои и возачот. Додека девојката била злоставувана, автобусот со часови возел низ градот. Потоа, девојката и нејзиниот пријател биле исфрлени од автобусот со скршени нозе. Од внатрешните повреди, девојката починала.извор: tocka.com.mk
Магазин | пред 7 години
Пет барања за одземање на имунитетот на поранешниот премиер и пратеник Никола Груевски, кој избега и доби политички азил во Унгарија, се испратени до Собранието. Тие ќе бидат разгледувани на утрешната седница на Комисијата за деловнички и мандатно имунитетни прашања, чиј претседател е Павле Богоевски.Груевски е осуден на две години затвор за случајот „Тенк“ за набавка на луксузниот мерцедес, но пред да започне да ја отслужува затворската казна, избега во Унгарија.Тој е обвинет и во случаите на СЈО „Таекторија“, „ТНТ“, „Титаник“ и „Насилство во Центар“, за кои ќе му се суди во отсуство.Покрај тоа, Груевски е осомничен и во неколку отворени истраги на СЈО, меѓу кои и „Талир“, „Пропаганда“, „Хармонија“
Скопје | пред 7 години
Владите на Албанија и на Косово, на денешната заедничка седница во Пеќ, договорија укинување на меѓусебните царини и такси, како и на роамингот во телфонскиот мобилен сообраќај.Косовските претседател и премиер, во неколку наврати во изминатиот период најавија дека меѓу дветеземји наскоро нема да им гранични премини.– Среќен сум за постигнувањата од оваа заедничка средба и убеден сум дека потпишувањето на деветте договори ќе води кон обединување на нашите економии и не само толку. Знам дека нашиот народ очекува многу од нас и ние ќе вложиме уште напори, затоа што само со работа ќе се стекнеме со почит од страна на другите – изјави Харадинај.Според премиерот, Косово денес е партнер на Европската унија, ги спроведува приоритетите на европските реформи од Спогодбата за стабилизација и асоцијација и очекува укинување на визите за Шенген-зоната.По овој потег на Косово и Албанија, Белград предупредува дека почнува на дело да се спроведува проектот Голема Албанија
Свет | пред 7 години
Заменикот-министер за животна средина Јани Макрадули, за Дојче Веле вели дека веста која проструи низ македонските медиуми се темели на извештај на Европската агенција за животна средина кој содржи податоци од 2015 и 2016 година., Македонија е најзагадена земја во Европа, јавуваат денеска македонските медиуми повикувајќи се на информација објавена од „Јуроњуз“ во која се цитира извештајот на Европската агенција за животна средина . Според тие податоци, Македонија навистина била најзагадена земја на стариот континент но во периодот 2015-2016 година, од кои се земени податоците. Што сепак не значи дека денес состојбата е многу подобра.Извештајот на Европската агенција констатира дека Македонија; заедно со Косово, Србија, Бугарија и Унгарија, има највисока стапка на смртност на 100 илјади жители како резултат на загадувањето со ПМ2,5 честички. Во Македонија стапката на смртност во 2015 година изнесувала, на европско ниво, убедливо највисоки 28,7 на 100 илјади граѓани. За споредба, стапката на ниво на ЕУ членките е 13,9. Според статистиките на ЕУ, тоа значи дека во Македонија биле загубени 1.469 животни години поради загаденоста во 2015.Каква е состојбата денес? Заменикот-министер за животна средина Јани Макрадули за Дојче Веле тврди дека е подобрена, иако има уште многу работа.„Се работи за податоци од стар извештај. Во меѓувреме има намалување на загадувањето според нашите мерни станици, а тоа намалување се должи на зголеменото чистење и зачестените инспекции“.Макрадули потсетува дека владата минатата недела донела стратешка програма „План за чист воздух“ и дека борбата против загадувањето за првпат се воведува како стратешки приоритет.Во програмата и владата признава дека Македонија е најлошо рангирана меѓу сите европски држави, со најзагаден воздух во градовите.Со планот се предвидува намалување на загадувањето во Скопје за 50 проценти до 2020 година, а во другите градови за 30 до 50 проценти.Состојбата во главниот град е критична речиси, преку целата година. Макрадули вели дека во моментов, покачените вредности кои ги покажуваат трите мерни станици во Скопје- Центар, Карпош и Ректорат- се резултат на градежни активности во тие делови од градот и на несоодветниот третман на градежниот отпад.Засега, греењето во домаќинствата има ниско учество во загадувањето со ПМ честичките, со исклучок на Лисиче, додека транспортот учествува со само 4 отсто во загадувањето на воздухот со ПМ честички во Скопје. Извор: Дојче Веле
Скопје | пред 7 години
Владата на Република Македонија им се приклучи на стотиците значајни знаменитости и институции ширум целиот свет коишто вчера блеснаа во портокалово во знак на поддршка на ставањето на крај за насилството врз жени и девојки, што го означи и почетокот на кампањата „16 дена активизам против насилство врз жени и девојки“.Настанот во организација на семејството на Обединетите нации и Владата на Република Македонија, на едно место ги собра претставниците од невладиниот сектор, дипломатскиот кор како и локалните и меѓународните институции, кои ги истакнаа своите заложби и подготвеност за соработка при борбата против родово базираното насилство.На настанот свое обраќање имаа претседателот на Владата на Република Македонија, г. Зоран Заев којшто во оваа прилика истакна:„Владата на Република Македонија е посветена на системско унапредување на родовата еднаквост и елиминирање на сите форми на насилство врз жените. Работиме на јасни и недвосмислени законски решенија со коишто се спречува насилството и се штитат жените жртви на насилство. Насилството врз жените не е само женско прашање, туку прашање кои се однесува на секој еден од нас. Токму затоа мора да работиме заеднички да ставиме крај на истото“.Министерката за труд и социјална политика г-ѓа Мила Царовска го потенцираше прогресот во акцискиот план за спроведување на Истанбулската конвенција притоа потенцирајќи дека Владата веќе иницира измени на кривичниот законик, но и воспостави интерсекторска соработка и протоколи за третман на жртви на насилството.„Без одлучност и конкретна акција секоја боја ќе остане само боја. Во следните 16 дена Владата ја осветлуваме во портокалово, по повод Меѓународниот ден за борба против насилството врз жените. Меѓутоа, против насилството врз жената треба да се бориме секој ден, да создаваме услови за препознавање на ризикот, пријавување и трајно извлекување на жените од насилната средина. Голема почит и благодарност кон сите оние кои секојдневно работат да им овозможат помош и поддршка на жените жртви на насилство. Секој од нас може да спречи насилство“, рече министерката Царовска.Свое обраќање имаше и Амбасадорот на ОБСЕ, Клеменс Која, кој посочи:„Едно поново истражување на ОБСЕ за насилството врз жените во државата покажува дека 14% проценти од жените биле жртва на физичко или сексуално насилство откако наполниле 15 години, од партнер или од друго лице. Околу 44% од жените биле жртви на психолошко насилство од интимен партнер, 3 од 10 жени биле жртви на сексуално вознемирување, а 1 од 10 жени тоа го доживеала во последните 12 месеци. 7% од жените биле следени од демнач. Многу долго, молчењето и стигмата овозможија насилството врз жените да продолжи, а отсуството на критика на самите наши општества дополнително ја влошува ситуацијата. Дојде време да го запреме ова“.в.д. Постојаниот координатор на Обединетите нации, г-динот Бенџамин Перкс, пак додаде:„Ги повикуваме сите да направат се што е во нивна моќ за да стават крај на семејното насилство, сексуалното вознемирување, раните бракови и сите форми на насилството врз жените. Насилството врз жените е извор на страдање за сите што се засегнати, кривично дело и повреда на човековите права. Ние можеме и мораме да работиме заедно за да ставиме крај на насилството“.Кампањата „16 дена активизам против родово базирано насилство“ во Македонија се одбележува од 2014 година и има за цел да ја подигне општествената свест и да поттикне на размислување за индивидуалниот и колективниот придонес во борбата за спречување на родово базираното насилство, и се случува секоја година во текот на 16 дена во периодот помеѓу 25 ноември – Меѓународниот ден за елиминација на насилството против жените и 10 декември – Меѓународниот ден на човековите права.Во текот на овие шеснаесет дена ќе бидат реализирани бројни активности со цел промоција на кампањата ширум целата земја, меѓу кои и вклучување на јавни личности од сите сфери од општественото живеење кои ќе ја споделат својата поддршка, бројни панели и работилници, како и низа активности во медиумите и на јавните места.
Македонија | пред 7 години
ОвенПочетокот на неделата можеби не е премногу инспиративен. Не очекувајте возбудливи емоции денес. Пријатните искуства, колку што се, ќе бидат поврзани со семејството или вести од многу блиски пријатели. Мислата дека некој ужива во успехот ќе ве охрабри.БикВие сте премногу рецептивни и некој ќе се обиде да ја искористи вашата толеранција. Ова не е близок, туку човек со кого не комуницирате премногу – сосед, поранешен колега, далечен роднина. Не се фокусирајте премногу на туѓи жалби, интуицијата ќе ви ја покаже вистинската реакција.БлизнациВие лесно ќе надминете некои финансиски, деловни или приватни проблеми. Успехот ќе ве измами за да можете да се потпрете на среќа. Не се обложувајте на шансите и не се вклучувајте во ризични зделки, бидејќи ќе претрпите сериозни загуби.РакКомбинирајте ги принципите со вашата интуиција за време на контакти со нови деловни партнери или колеги. Не се потпирајте на нивното сочувство, туку нивното искуство и професионализам. Во семејните односи, бидете убедливи и навикнати на мислата дека ќе мора да направите некои компромиси.ЛавБидете вредни во завршувањето на проектите што веќе сте ги започнале и не започнувајте нови. Ако постојат објективни причини за одложување на вашата работа, како што се правни пречки или проблеми со јавната администрација, побарајте квалификувана помош наместо повремени извори.ДевицаРезултатите од тимската работа на вашиот тим ќе бидат високо ценети. Од една страна, ќе бидете задоволни што сте направиле нешто корисно, но чувството дека споделувате пофалби со некој друг малку ќе ве демотивира. Совладајте ги емоциите со идејата за одржување добри односи.ВагаЌе наидете на потешкотии кога се чувствувате најсилни. Не се откажувајте, едноставно реагирајте флексибилно и менувајте ги тактиките или пополнете ги празнините во вашето знаење. За да се реши медицински или емоционален проблем, побарајте семејна поддршка.СкорпијаНекој ќе се обиде да го привлече вашето внимание со споделување на “одлична” идеја за профитабилен бизнис. Не бидете премногу ентузијасти. Размислете за тоа на какви “подводни камења” може да ги наидете и да наведете ги сите детали пред да инвестирате.СтрелецВие сте премногу чувствителни на позитивни и негативни влијанија. Секој слушнат збор може да ве насмее или да ве повреди. Од друга страна, можете да видите детали кои остануваат скриени за другите. Добро време да поправите некои од вашите стари грешки.ЈарецРаспоредете ги вашите сили рамномерно. Не се фаќајте со мали работи со кои само ќе го потрошите времето. Обидете се денес да создадете баланс помеѓу прецизноста и креативноста. Само на овој начин ќе ги реализирате вашите мисли.ВодолијаНесоодветно е да се вклучите во нови активности само затоа што звучат интересно или поради тоа што тековните се здодевни. Исто така е несоодветно да се создадат нови врски од чиста љубопитност. Двете наскоро ќе бидат поврзани со материјална или ментална загуба.РибаНе се присилувајте премногу во темпото и не се обложувајте на надворешните дразби. Правете ги работите по свое убедување и без да очекувате одобрување од други. Вашето расположение е нестабилно и вашите резултати ќе бидат подобри ако сте изолирани од надворешни влијанија.Според ѕвездите Три хороскопски знаци ќе бидат многу среќни неделаваБлизнациЌе успеете да се „спасите“ од избрзани одлуки на почетокот од неделава, ќе ја зачувате и стабилноста на финансиите. Доколку оставите добар впечаток и јасен став, можно е кон крајот на неделата да започне нова романса во вашиот живот, која има иднина пред себе.СтрелецНеделава, како и наредната, се најавуваат убави деловни промени, а слично е и на финансиско поле, каде што ве заштитува Венера. Ви се овозможува добра финансиска промена, ако сте спремни да учествувате во сите активности кои ви наидуваат. Доколку не сте во врска, за време на викендот ве очекуваат многу изненадувања.РибиСекоја упорност ќе биде наградена. Преку здржување, партнерски деловни односи, во овој период можете најдобро да заработите. Деловниот или емотивниот партнер е тој кој што носи решение. Доколку чекате некои пари по судски пат, бидете подготвени за добри вести.
Магазин | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања