Висок ризик од пожари во целата земја: Активни пет шумски пожари и алармантна состојба со сувост на вегетацијата

Македонскиот информативен систем за шумски пожари (МКФФИС) објави дневен преглед на состојбата со ризикот од пожари во земјата. Според најновите податоци, метеоролошкиот индекс на пожар (FWI) покажува многу висок ризик на голем дел од територијата. Висок ризик е забележан во западните делови на земјата, како и во околината на Струмица, Валандово и Богданци. Среден ризик има во Осоговските Планини, додека на Шар Планина ризикот се движи од низок до среден.Состојбата со сувоста на вегетацијата (VDM) покажува дека во повисоките предели има висока сувост, што укажува на присуство на многу сува и запалива вегетација. Во пониските делови сувоста е средна или ниска, но ризикот од пожари сепак е присутен.FWI индексот се пресметува врз основа на температура, влажност и ветер, користејќи податоци од автоматски метеоролошки станици на УХМР, додека VDM се добива преку сателитски мерења од NASA FIRMS. Во системот МКФФИС се достапни и карти за горливи точки, метеоролошки индекс на пожар и сувост на вегетација.Во последниот извештај за шумски пожари од 16 јули 2025 година до 12 часот, се бележи вкупно пет пожари на отворен простор. Од нив, три се активни, еден пожар е под контрола, а еден е целосно изгаснат.Активните пожари се лоцирани во општина Велес, кај селата Џидимирци, Крушје и Иванковци во мешана шума; во општина Македонски Брод, во област помеѓу селата Црешнево, Локвица и Крапа каде што гори деградирана дабова шума, грмушки и ниска вегетација; и во општина Василево, кај селото Нивичино во нискостеблеста шума.Пожарот во општина Дојран, кај селото Николич, е под контрола и се гори нискостеблеста шума.Изгаснат е пожарот во општина Чучер Сандево, во близина на селото Горњани, исто така во нискостеблеста шума.

Македонија | пред 7 месеци

Нова истрага на ОЈО за организиран криминал: Преку Скај-комуникации откриена група за шверц на кокаин од Холандија

Врз основа на податоци добиени преку апликацијата „Скај“, Основното јавно обвинителство за гонење на организиран криминал и корупција отвори нова истрага против пет лица осомничени за меѓународен шверц на наркотични дроги. Како што информираат од Обвинителството, утрово биле извршени претреси на три различни локации, при што едно лице е приведено.Осомничените, заедно со други сега починати лица, се сомничат дека во два наврати организирале нелегална набавка, транспорт и продажба на вкупно шест килограми кокаин од Кралството Холандија кон територијата на Република Македонија. Дрогата била наменета за понатамошна улична дистрибуција во државава.„Секоја личност имала конкретна улога – од набавка и транспорт, до складирање на дрогата на скриена локација и организирање на нејзината понатамошна продажба. Делувале како организирана група“, наведуваат од Обвинителството.Станува збор за кривично дело „Неовластено производство и пуштање во промет на наркотични дроги, психотропни супстанции и прекурзори“, казниво по Кривичниот законик.За лицето кое е приведено утрово, обвинителството најави дека во текот на денешниот ден ќе биде изведено пред судија на претходна постапка, со предлог да му биде определен притвор. Истата мерка ќе биде предложена и за уште две лица кои се недостапни на органите на прогонот.Интересен момент е што останатите двајца осомничени се веќе опфатени со наредба за истрага во предметот „Грчец“, и за нив веќе се определени мерки притвор кои ќе се применат по нивното пронаоѓање.Како и во неколку претходни случаи, истрагата се темели врз комуникации од криптираната апликација „Скај“, која стана централен извор на докази во борбата против организираниот криминал. Со неа досега беа откриени повеќе мрежи за трговија со дрога, оружје и незаконски финансиски трансакции.Со оглед на обемот и карактерот на делото, Обвинителството најавува продолжување на истражните дејствија и интензивна потрага по останатите членови на групата. Во фокусот се меѓународните релации за шверц на дрога, вклучително и поврзаноста со други досега активни истраги како „Грчец“.Истрагата е во рана фаза, но првичните наводи укажуваат на добро организирана мрежа со меѓународна логистика и претходно координирани активности.

Македонија | пред 7 месеци

Наташа Поп Трајкова и Катерина Коларевиќ остануваат во Обвинителството за организиран криминал – зад нив се предмети против Зеќири, „Виа Комерц“, корупција во институции

Советот на јавни обвинители на својата последна седница донесе одлука за реизбор на двете обвинителки Наташа Поп Трајкова и Катерина Коларевиќ во редовите на Основното јавно обвинителство за гонење организиран криминал и корупција (ОЈО-ГОКК). Двете обвинителки важат за искусни правници кои досега биле носители на повеќе истраги и обвиненија од висок профил, со значителен јавен и политички интерес.Обвинителката Катерина Коларевиќ е особено позната по водењето на предметот против поранешниот генерален секретар на Владата, Мухамед Зеќири. Во овој случај, тој беше обвинет дека склучил договори со две консалтинг-фирми без спроведена јавна набавка, што довело до штета за буџетот од околу 1,5 милиони евра. Според обвинителството, Зеќири имал намера да обезбеди лична корист за трети лица, додека постапката целосно ги заобиколила процедурите за транспарентност и контрола.Коларевиќ исто така го води предметот поврзан со станицата за технички преглед „Виа Комерц“, каде се истражуваат сомнежи за систематски издавање на потврди за техничка исправност на возила без реална проверка. Предметот е отворен по неколку сообраќајни несреќи во кои се утврди дека возилата биле пуштени во сообраќај и покрај тоа што не ги исполнувале основните технички услови.Наташа Поп Трајкова, пак, е дел од обвинителскиот тим што изминативе години водеше предмети за злоупотреба на службена положба, поткуп и организирани шеми на измама во државни институции. Таа го води случајот “Адитив”.Поп Трајкова е дел од тимот на ОЈО-ГОКК од 2021 година, откако претходно работеше во обвинителствата во Струмица и Скопје.

Македонија | пред 7 месеци

Унапредени двајца обвинители од скопското Обвинителство: Едниот гонеше за несреќата кај “Ласкарци”, другиот “едно евро за Вицето”

Советот на јавни обвинители го избра Дарко Јакимовски за обвинител во Вишото јавно обвинителство Скопје. Тој дојде од Основното јавно обвинителство Скопје, каде помина дел од својата правничка кариера.Јакимовски е особено познат по водењето на обвинението во случајот „Ласкарци“, во кој во трагедија од 13 февруари 2019 година, при автобуска несреќа кај селото Ласкарци, загинаа 16 лица, а повеќе од 30 беа повредени. Јакимовски учествувал и како предавач во професионални советувања за правна тема „Член 5 од Европската конвенција за човекови права – притвор и други мерки“Јакимовски е избран со 11 гласови и ужива репутација во јавноста. Тој има застапувано и други обвиненија за предмети кои не биле покриени од медиумите.На истиот седница на Советот на јавни обвинители, покрај Дарко Јакимовски, беше избран и Владимир Милошевски за обвинител во Вишото јавно обвинителство Скопје. Бил обвинител во истраги за: Поткуп; автобуска несреќа во Бугарија, каде загинаа 45 македонски државјани, истрагата за Ќелија, обвинение за повратници од ИСИС, што го потенцира неговиот ангажман во национално безбедносни предмети.Досега беше шеф на ново одделение за сериозен и сложен криминал, што опфаќа предмети со поголем број обвинети, финансиски истраги и доживотни казни.

Македонија | пред 7 месеци

Апелација повторно го осуди Васил Јованов на 3 години и 10 месеци затвор за трговија со дрога

Апелациониот суд во Скопје донесе нова одлука со која го осудува Васил Јованов на единствена казна затвор од три години и десет месеци за кривичното дело поврзано со неовластено производство и продажба на наркотични дроги, откако Врховниот суд во мај годинава ја укина претходната второстепена пресуда и го врати предметот на повторно одлучување.Како што информира судот, решението е донесено на јавна седница што се одржа на 11 јуни 2025 година, по предмет со ознака КЖ-481/25. Притоа, Апелација ја отфрли жалбата на обвинетиот како неоснована и го преиначи делот од пресудата на Основниот кривичен суд Скопје во однос на изречената казна – наместо мерка упатување во воспитно-поправен дом, му е изречена ефективна затворска казна.Јованов е осуден на една година затвор за едно дело по член 215 став 1 од Кривичниот законик и на три години за друго дело според истиот член во врска со член 22, по што му е изречена збирна казна затвор од три години и десет месеци, согласно член 44 став 2 точка 2 од КЗ.Одлуката ќе биде јавно објавена на веб страницата на судот, во согласност со Законот за управување со движењето на предметите во судовите.Апелациониот суд веќе еднаш донесе иста пресуда во февруари годинава, отфрлајќи ја жалбата на Јованов, а прифаќајќи ја жалбата на скопското Обвинителство, со што наместо заводска мерка, беше определена затворска казна. Меѓутоа, Врховниот суд на 7 мај ја укина тогашната пресуда и наложи повторно судење.Освен оваа пресуда, Јованов на 13 мај годинава доби 12 години затвор поради признание на вина за тешко дело против безбедноста во сообраќајот – случајот со прегазувањето на Фросина Кулакова во јануари на булеварот Партизански одреди во Скопје.

Скопје | пред 7 месеци

Либија е најверојатната локација за нова руска поморска база

Неодамнешното прикажување на руско оружје во Бенгази за време на воената парада покажа дека Кремљ сè повеќе соработува со Хафтар. Русија сака упориште во Медитеранот, особено откако новите власти во Сирија, по падот на Башар ал-Асад, го раскинаа договорот според кој Москва имаше концесија над пристаништето Тартус. Италијанскиот министер Тајани редовно предупредува дека Либија е најверојатната локација за нова руска поморска база.Според извештајот на новинската агенција „Агенција Нова“, Москва планира да распореди ракетни системи во воена база во Себха во јужна Либија, под контрола на Хафтар, и да ги насочи кон Европа.Многу аналитичари и дипломати се сомневаат дека Москва веќе стигнала до фазата каде што всушност би насочила ракети од Либија кон Европа. Но, дури и без ракетите, Русија веќе може да користи неколку воени бази во Либија за логистички операции, „што теоретски би можело да ја загрози Европа“, рече Артуро Варвели, виш соработник во Европскиот совет за надворешни односи.„Русите им велат на луѓето: „Ние сме новите господари, вие ќе ги следите нашите правила““Засега, Русија главно ги користи либиските бази за операции во остатокот од Африка, дејствувајќи главно преку Африканскиот корпус, кој е поддржан од руското Министерство за одбрана.Во јужна Европа расте стравот дека Русија наскоро би можела да ја искористи миграцијата од Либија како оружје, во еден вид повторување на хибридната војна што ја водеше на источниот крај на ЕУ, кога ги бркаше бегалците од Блискиот Исток преку белоруската граница во Полска.Eден дипломат рече дека трошоците од војната во Украина го осиромашуваат Африканскиот корпус, кој нема доволно пари да ги плати либиските милиции, создавајќи тензии со нивните сојузници и Хафтар.„Не гледам како Русите ја преземаат контролата врз шверцот на мигранти, но гледам како им велат на луѓето: ние сме новите господари и вие ќе ги следите нашите правила“, рече Карим Мезран, виш соработник во Советот за атлантски односи.„Загрижени сме за ситуацијата во Либија и неодамнешното зголемување на нерегуларната миграција.“Грчката влада во исто време добива критики од опозицијата и од сопствените редови за занемарување на либиското прашање во последните години.Генерално, во првиот дел од годината во централниот Медитеран е забележано зголемување на нерегуларните гранични преминувања од 7 проценти, речиси целосно од Либија, додека на сите други главни правци вкупниот број се намали за 20 проценти. Грчкиот потег предизвика загриженост во Италија дека уште поголем број мигранти би можеле да завршат во италијанските води.„Загрижени сме за ситуацијата во Либија и неодамнешното зголемување на нерегуларната миграција“, изјави портпаролот на Европската комисија пред посетата на ЕУ на земјата минатата недела. Дипломатите ја опишаа мисијата како обид да се испита кои мерки би биле изводливи.Европските пари сигурно би играле улога. ЕУ склучи многу контроверзен договор со Тунис во 2023 година за да им плати на тамошните власти за да ја спречат миграцијата, но дипломатите се сомневаат дека таков модел би можел да се примени во земја дестабилизирана од сопернички милиции.фото: Unsplash

Свет | пред 7 месеци

„Мисија на морони“ - Англичаните кои со моторна пила го исекоа „дрвото на Робин Худ“се осудени на 4 години затвор

Двајца мажи се осудени на затвор поради сечењето на познатото британско дрво наречено „Sycamore Gap“ – сакана и светски позната природна знаменитост, чие драматично присуство беше прикажано и во холивудски филм. Тие беа осудени на четири години затвор, објави Ројтерс.Јаворот, за кој се проценува дека е стар речиси 200 години, се издигнувал во средината на живописна долина во близина на историскиот Хадријанов ѕид во северна Англија, што го правело популарна дестинација за фотографи, планинари, па дури и за парови кои таму се свршувале.Даниел Греам (39) и Адам Карутерс (32) беа прогласени за виновни минатиот месец за патување со цел намерно да сечат дрво со моторна пила во септември 2023 година.„Мисија на морони“Тие го снимале целиот чин со мобилниот телефон на Греам, а обвинителството го опишало како „мисија на морони“, со кој подоцна и се пофалиле, пред нивното пријателство да се распадне поради јавната осуда за тоа што го направиле.Иако двајцата првично негирале вмешаност во сечењето на дрвото – кое беше прикажано во филмот од 1991 година „Робин Худ: Принцот одметник“ – тие, исто така, оштетиле дел од Хадријановиот ѕид, римско утврдување старо речиси 2.000 години, кое денес е под заштита на УНЕСКО како светско културно наследство. Сепак, според нивните адвокати, Греам и Карутерс ја признале одговорноста за време на разговорите со службеници за условна казна. Адвокатот на Карутерс, Ендру Гурни, нивниот чин го опишал како „пијана глупост“.Осудувајќи ги на четири години и три месеци затвор, судијката Кристина Ламберт изјавила дека тие го исекле дрвото од „чиста глупост“.Националниот фонд – фондацијата што се грижи за културното и природното наследство во областа – минатиот август соопшти дека во основата на дрвото се забележани знаци на живот, што ги зголеми надежите дека можеби ќе може да се оживее.Минатата недела, Националниот парк Нортамберленд објави дека најголемиот дел од исеченото дрво ќе биде претставен во инсталација недалеку од местото каде што претходно стоело.фото: Х

Свет | пред 7 месеци

МВР вработува 150 нови полицајци – јавниот оглас трае 15 дена

Министерството за внатрешни работи распиша јавен оглас за прием на 150 нови униформирани полициски службеници во Секторот за внатрешни работи Скопје. Огласот е отворен 15 дена, сметано од денот по неговото објавување.Кандидатите треба да имаат завршено четиригодишно средно образование, да се на возраст до 25 години (доколку првпат се вработуваат во МВР), како и да исполнуваат низа здравствени, безбедносни и физички услови. Предвидена е едногодишна обука во Центарот за обука на МВР, а избраните кандидати ќе потпишат договор за вработување со обврска да останат во службата најмалку пет години.Целосниот оглас со сите детали за условите, потребните документи и начинот на пријавување е достапен на официјалните канали на МВР.

Македонија | пред 7 месеци

Студенти заглавени во Велес – патничкиот воз не продолжил поради чекање друга композиција

Група студенти синоќа останале заглавени на железничката станица во Велес, откако патничкиот воз кој тргнал од Скопје кон Битола во 20:05 часот, застанал во Велес околу 21:50 часот и не го продолжил патувањето.Патниците се нашле во незгодна ситуација и неизвесност, бидејќи било потребно да се префрлат од една композиција на друга која доаѓала од спротивен правец.Како што сведочат некои од присутните во возот, не била дадена навремена најава ниту разјаснување за причината поради која доцни продолжувањето на патувањето.фото: Unsplash

Македонија | пред 7 месеци

Лекар и медицинска сестра загинаа во авионска несреќа, авионот полетал од Пула

Четири лица загинаа во падот и експлозијата на мал авион што се урна веднаш по полетувањето од лондонскиот аеродром. Авионот бил на пат кон Холандија, откако претходно пристигнал од Пула.Меѓу загинатите во несреќата биле германскиот лекар од итната помош д-р Матијас Ејл (46), кој со години работел за германскиот Црвен крст, двајца холандски пилоти и 31-годишната медицинска сестра со германски пасош од Чиле, Марија Фернанда Рохас.Тоа и бил прв работен ден.Братот на починатиот доктор, Маркус, за „Билд“ изјавил колку било важно спасувањето животи за неговиот брат.„Беше најдобар. Спасуваше животи секој ден, само минатата недела спаси тројца од нив“, рече шокираниот Маркус Ејл. Истрагата за несреќата е во тек.Авион „Бичкрафт Б200 Супер Кинг Ер“ управуван од холандската компанија „Зиуш Авиејшн“, специјализирана за медицински евакуации итранспорт на пациенти и органи, слета во Пула од Атина, Грција, во неделата, а потоа продолжи кон Саутенд.Кратко по полетувањето, авионот се навали на едната страна, се урна и експлодираше.Британскиот одбор за истрага на воздушни несреќи (AAIB) воспостави зона на забрана на аеродромот и започна со извлекување на остатоците. Портпаролката на аеродромот изјави дека е прерано да се шпекулира за причината за несреќата.

Свет | пред 7 месеци

СДСМ со свој кандидат за Скопје, се разгледуваат четири имиња: Ралев и Шукова во најтесен избор

Социјалдемократскиот сојуз ќе влезе во трката за градоначалник на Скопје со свој кандидат, а официјалното име ќе биде објавено најдоцна до крајот на јули. Засега, како најсериозни опции се споменуваат Мишко Ралев и Каја Шукова, но според изјавата на претседателот на партијата, Венко Филипче, во комбинација се и уште две други личности.Филипче, гостувајќи во емисијата „Само интервју“ на Канал 5, нагласи дека не сака однапред да зборува за проценки во однос на поддршката што би ја добиле на изборите – ниту за бројот на гласови, ниту за очекувани советници и градоначалнички позиции.– Даваме максимум за да ги претставиме најквалитетните кандидати и да ја добиеме довербата на граѓаните. Важно е нашите кандидати да имаат интегритет и да покажат дека можат да работат чесно и одговорно. Скопјани ќе добијат кандидат кој ќе обединува, порача Филипче.

Скопје | пред 7 месеци

Македонија останува без жители: Само Албанија и Бугарија со поголем демографски пад

Податоците на Евростат откриваат дека Македонија се соочува со драматично намалување на бројот на жители – 11,4 отсто помалку во споредба со пописот од 2011 година. Со ваквиот резултат, земјата се наоѓа на неславното трето место по најголем пад на населението во Европа, веднаш зад Албанија и Бугарија.Албанија е прва со загуба од 18% од популацијата – повеќе од половина милион луѓе помалку до крајот на 2024 година. Веднаш потоа е Бугарија со 12,3% пад, а Македонија ја следи со 11,4%.„Демографскиот пад во Македонија е дел од поширокиот балкански тренд на масовно иселување и ниска стапка на наталитет“, се вели во извештајот на Евростат.Проблемот не е изолиран. Скоро сите земји од регионот бележат сличен тренд, особено со заминување на млади луѓе по 2016 година, кога во Албанија започна нов бран емиграција. Во комбинација со сè понискиот број новороденчиња, резултатот е рекордно намалување на вкупната популација.Меѓу малкуте исклучоци е Црна Гора, која бележи пораст од 0,6 проценти на населението – реткост во регионот.Додека Балканот празни, земјите од Западна Европа бележат раст благодарение на имиграцијата. Еврозоната, според најновите бројки, има зголемување на населението од 3,2% во периодот од 2011 до 2024 година, најмногу поради политиките што ги привлекуваат странците како одговор на стареењето на сопствената популација и намалениот природен прираст.

Македонија | пред 7 месеци

Левица со свој кандидат за Скопје, СДСМ сѐ уште во изборна проценка – битката за локалните избори започнува

Партијата Левица на претстојните локални избори ќе настапи со сопствен кандидат за градоначалник на Скопје, потврди лидерот Димитар Апасиев во интервју за ТВ24. Со оваа одлука, Левица се откажува од стратегијата од минатите избори, кога ја поддржа независната кандидатура на музичарот Петар Георгиевски – Камиказа.„Овој пат ќе имаме свој партиски кандидат за Скопје. Сметаме дека сме доволно политички профилирани и дека нашата кандидатура ќе биде препознаена како вистинска алтернатива на досегашните елити“, изјави Апасиев.Според него, Левица ќе има советнички листи во над 50 општини низ државата, а интересот за градоначалничките позиции е голем – на јавниот оглас пристигнале над 20 апликации. Процесот на селекција, вели тој, ќе биде транспарентен и базиран на јасни критериуми.Апасиев најави тешка изборна кампања, предупредувајќи на можно „валкано сценарио“:„Очекуваме силни удари, особено од ВМРО-ДПМНЕ. Ќе се истурат многу пари, но ние сме подготвени и нема да отстапиме.“Во однос на можните коалиции со партии на Албанците, тој истакна дека ќе се разгледуваат партнерства во мешани средини, но само врз основа на принципиелност, заемно почитување и компатибилност на кандидатите со заедниците.СДСМ, од друга страна, сѐ уште не објавила официјален кандидат за Скопје. Претседателот на партијата Венко Филипче вели дека финалната одлука ќе биде соопштена до крајот на месецот, а во игра се четворица кандидати – меѓу нив архитектот Мишко Ралев и поранешната министерка за животна средина Каја Шукова.„Нашата цел е да понудиме човек што ќе обединува и што ќе внесе доверба и чесност во управувањето. Сакаме скопјани да видат дека нудиме кредибилитет, не само политички маркетинг“, рече Филипче.Во однос на внатрепартиските тензии, најексплицитен е примерот со Струмица – каде што СДСМ го поддржа Марјан Даскаловски наместо актуелниот градоначалник Костадин Костадинов. По таа одлука, Костадинов го замрзна членството во партијата, барајќи смена на раководството.Филипче за тоа вели дека изборот бил направен според внатрешните анализи и поддршката која ја имаат кандидатите во партиското членство.Во однос на евентуална соработка со Албанските партии, лидерот на СДСМ потврди дека разговори со Таравари се веќе започнати, но дека одлуката ќе ја донесе општинската организација.

Македонија | пред 7 месеци

Филипче: ВМРО-ДПМНЕ ја продолжува политиката на Груевски, популизам и поделби наместо реформи

Претседателот на СДСМ, Венко Филипче, во вечерашното гостување на Канал 5 зборуваше за реалноста со која се соочуваат граѓаните под власта на ВМРО-ДПМНЕ и за штетните политики кои директно го влошуваат животот на сите.„Граѓаните чувствуваат како живеат во изминатата година дена, полошо од тоа што беше претходно. Намалена е куповната моќ, инфлацијата е зголемена, нема раст на платите, пензискиот систем е доведен во ризик и тоа според официјални лица во Владата,“ рече Филипче.Тој потсети дека СДСМ уште пред една година предупредувал дека линеарното зголемување на пензиите ќе го стави фондот во дефицит и ќе ја загрози иднината на пензионерите. „Предупредувавме дека не треба да има линеарно зголемување, ако продолжиме со нашиот систем практично истите пари ќе ги земеа пензионерите, меѓутоа дефицитот во пензискиот фонд ќе се намалеше,“ истакна Филипче.Во однос на владеењето на ВМРО-ДПМНЕ, Филипче оцени дека не постои систем кој создава подобар живот за граѓаните, туку напротив, се гледа само продолжение на штетните практики од времето на Груевски.„Не гледаат луѓето и граѓаните дека било каков систем се воспоставува. Што се гледа? Гледаат практично продолжение на тоа што како систем го воспостави Никола Груевски во неговото владеење во 2016 година, а сега ова ВМРО-ДПМНЕ практично тоа го продолжува,“ рече Филипче.Претседателот на СДСМ посочи дека сегашната влада не носи никакви реформи, туку само манипулативни кампањи и поделби меѓу граѓаните. „Сметам дека оваа влада практично владее на истиот начин како што тогаш владееја. Нема реформи има само кампањи за да ја сменат перцепцијата на граѓаните, да прикажат едно светло коешто практично не постои, да го разубават животот за граѓаните, а тоа граѓаните го гледаат,“ истакна Филипче.„Сметам дека тоа е еден систем којшто е популистички начин на владеење — да се поделат граѓаните на патриоти и предавници и конечно ништо да не се случува,“ додаде тој.

Македонија | пред 7 месеци

Митева: Извештајот на ГРЕКО ја покажува работата на Владата, и движењето на Македонија во правилна насока

На телевизија Алфа во емисијата „За или против“ вечерва гостуваше портпаролката на Влада и член на ИК на ВМРО-ДПМНЕ, Марија Митева која дискутираше за извештајот на ГРЕКО кој потврди видливи резултати во борбата против корупцијата во државата.Митева на почетокот истакна дека после години на низа негативни извештаи со овој извештај Македонија оди исчекор напред и се покажува како одличен индикатор за тоа во каква насока се движи државата и сето тоа што е постигнато за една година.„После години на низа негативни извештаи, на низа нотирани состојби коишто беа во насока на континуирана негација на состојбите коишто се случуваат во Македонија, на она што значеше презентација на Македонија, на она што значеше навистина институции кои што беа во криминал и корупција, добиваме еден исчекор напред, но е одличен показател индикатор за тоа во каква насока се движиме и што успеавме да направиме за една година“, рече Митева.Митева посочи дека извештајот на ГРЕКО ја покажуваат работата на Владата, како и исполнувањето на препораките кои даваат позитивна оценка за тоа како за една година се покажало различно ниво на функционирање на државата и различен систем на водење на институциите.„Ако добро се погледне извештајот на ГРЕКО ќе се види дека навистина има состојби коишто означуваат работа на оваа Влада, исполнување на препораки коишто биле, остануваат уште неколку од нив коишто иако го затворија ГРЕКО извештајот со позитивна оценка сепак имаме цел како Влада и тие коишто се веќе се останати да ги реализираме, не радува ова дека е добар импулс, добар показател, дека за една година успеаваме да покажеме комплетно различно ниво на функционирање, различен систем на управување, различен начин на водење на институциите“, децидна е Митева.

Македонија | пред 7 месеци

Тешко повреден работник на градилиште во скопско училиште

Во текот на изведување градежни работи во основно училиште во скопската општина Гази Баба, 35-годишниот И.И. од село Ореше, тетовско, се здобил со тешки телесни повреди.Несреќата се случила вчера околу 13:30 часот, а повредениот е пренесен со Итната медицинска помош во Комплексот клиники „Мајка Тереза“. Полицијата извршила увид, а случајот е пријавен и до трудов инспектор.

Скопје | пред 7 месеци

SupportKocani ја реализираше донацијата за Универзитетската клиника за пластична хирургија во Скопје

Иницијативата SupportKocani успешно ја реализираше донацијата наменета за повредените од трагичниот настан што се случи на 16 март 2025 година во Кабаре клуб „Пулс“ во Кочани со Универзитетската клиника за пластична и реконструктивна хирургија – Скопје.Донацијата е формализирана со потпишување на договор за донација, а вклучува 100 комплети T-LAB PRP KIT, 10 комплети EXOMINE SMART KIT, 4 пакувања аминокиселини и 4 пакувања протеини. Вкупната вредност на донацијата изнесува 286.120 денари, и е целосно обезбедена преку донации од хумани граѓани и компании, кои континуирано ја поддржуваат иницијативата SupportKocani.Донираните материјални добра се наменети за третман и регенерација на кожата, забрзување на зараснување на рани и подобрување на опоравувањето кај пациентите со тешки повреди од изгореници. Нутритивната поддршка претставува дополнителна помош за јакнење на организмот во процесот на рехабилитација.Медицинската опрема и суплементи се веќе доставени на Универзитетската клиника за пластична и реконструктивна хирургија – Скопје, каде активно се користат во третманот на повредените.Во рамки на посетата, тимот на SupportKocani ги посети и пациентите кои сè уште се хоспитализирани на Клиниката и лично им изрази поддршка и желби за побрзо закрепнување.„Продолжуваме со фокусирана, директна и одговорна поддршка за секој поединец кој е засегнат од трагедијата. Оваа соработка со една од клучните здравствени установи во државата претставува важен чекор во обезбедувањето на стручна медицинска нега. Искрено им благодариме на сите хумани граѓани, компании и поддржувачи – токму тие ја направија оваа помош возможна,“ – истакнуваат од SupportKocani.Иницијативата останува посветена на транспарентност, партнерство со институциите и долгорочна грижа за сите погодени лица.

Македонија | пред 7 месеци

Лекар од Струшката болница обвинет за несовесна работа и незаконско примање плата

ОВР Струга поднесе кривична пријава против 42-годишниот К.С. од Струга, вработен како доктор во Општата болница, под сомнение за кривично дело „несовесно работење во службата“.Според полицијата, тој од 1 јули 2019 година до 29 ноември 2024 година не се појавувал на работното место, ниту ги известил надлежните за прекин на специјалистичкиот стаж.Дополнително, од 15 јули 2020 година немал важечка лиценца за работа како доктор по медицина. И покрај тоа, во целиот период земал плата и додатоци, со што го оштетил буџетот на болницата за речиси 2 милиони денари (1.956.569).

Македонија | пред 7 месеци

Членовите на криминалната група од Грчец добија вкупно 50 години затворска казна

Вкупно 50 и пол години затвор им пресуди Кривичниот суд на шестмина членови на криминалната група Грчец, од кои четворица за неовластено купување на 15 килограми наркотична дрога – кокаин, нејзино пренесување и пуштање во промет во државава, а двајца за злосторничко здружување за вршење на двојно убиство од одмазда и по порачка. Дилерите добија по 5 односно 6 години затвор, а убијците по 14 години затвор, за две убиства.Судот ги прогласи Фадил Бајрамовски, Севди Азири, Неџати Исени и Бесим Асани за виновни за кривичното дело Неовластено производство и пуштање во промет на наркотични дроги, психотропни супстанции и прекурзори од член 215 став 3 од Кривичниот законик. Бајрамовски, Азири и Исени се осудени на казна затвор од 5 години, додека Бесим Асани доби 6 години.Останатите двајца, Фати Сулејмановски и Шулејб Сулејмановски, Судот ги прогласи за виновни дека сториле кривични дела Злосторничко здружување од член 394, став 3 и Убиство од член 123 став 2, точка 5 од Кривичниот законик.Фати Сулејмановски судот го осуди на казна затвор од 14 години за делото Убиство и една година и шест месеци за делото Злосторничко здружување, односно на единствена казна затвор од 14 години и шест месеци.Шулејб Сулејмановски судот го осуди на казна затвор од 14 години за делото Убиств и на 2 години за Злосторничко здружување, односно на единствена казна затвор од 15 години.Групата не дејствувала инцидентно, туку континуирано и тоа најмалку од јуни 2019 до март 2021 година. Во групата учествувале 15 лица, од кои дел се починати, а дел се недостапни на органите на прогон.

Македонија | пред 7 месеци

Куќниот притвор заменет со мерка притвор за нападот на градоначалничката на Скопје

Кривичниот совет на Основниот кривичен суд Скопје постапувајќи по жалба на Основното јавно обвинителство Скопје поднесена против решение на судија на претходна постапка од 12.07.2025 година, ценејќи ги наводите во жалбата како и одговорот на жалба, донесе решени со кое жалбата е основана и мерката куќен притвор за осомничениот С.Љ. ја замени со мерка притвор.-Имено, С.Љ. осомничен за кривичното дело Насилство од чл. 386 ст.3 вв ст.1 од КЗ, а поврзано со нападот на градоначалничката на Град Скопје, кој на 12.07.2025 год. беше спроведен во судот, првично му беше определена мерка куќен притвор. Но, советот смета дека опстојуваат околностите од чл.470 ст.1 т. 1 и 2 од ЗКП односно Опасност од бегство и Околности кои оправдуваат дека може да го повтори делото, па заради тоа му определи мерка притвор во скратена постапка, се наведува во соопштението.По доставеното решение, од надлежната Полициска станица добиено е известување дека лицето е веќе спроведено во Затворот Скопје.

Скопје | пред 7 месеци

Повреден 64-годишен човек во центарот на Скопје, парче лимена ограда му паднала врз глава од градилиштето кај поранешно „Беко“

64-годишен маж утрово бил повреден откако парче лим од заштитната ограда околу градилиштето кај некогашното „Беко“ во центарот на Скопје се одвоило и му паднало врз глава додека поминувал покрај градилиштето со велосипед.Од Министерството за внатрешни работи потврдуваат дека работат на расчистување на случајот.„На 15.07.2025 година, околу 7:30 часот, во СВР Скопје било пријавено дека на улицата Даме Груев, додека лицето С.П. (64) се движело со велосипед, врз него паднал дел од лимената заштитна ограда поставена околу градилиштето. Повредениот е пренесен со возило на Итната медицинска помош во Ургентниот центар“, соопштија од МВР.Станува збор за објект зад кој стои компанијата „БС Консалтинг“, која во периодот на градоначалникот Андреј Жерновски добила дозвола за доградба и надградба на постојниот хотелски објект. Откако започнале градежните активности, инвеститорот решил целосно да го урне објектот, бидејќи било посочено дека темелите не се соодветни за планираната надградба. Со тоа, наместо санација, била започната нова градба од темел, за што биле потребни нови одобренија.Но, поради мораториумот за градба што го воведе Општина Центар, компанијата немала дозвола за нова градба, и покрај тоа, градежните активности продолжиле во повеќе наврати. Инвеститорот бил санкциониран со казни, но работите на терен не биле целосно запрени.Во време на мандатот на поранешниот градоначалник Саша Богдановиќ, против сопственикот на компанијата Борис Стојменов била поднесена и кривична пријава.Две години подоцна, Јавното обвинителство поднесе обвинение за нелегално градење.

Скопје | пред 7 месеци

За убиецот на кучето Феликс е изречена затворска казна - Прв пат во историјата на Македонија!

По првпат во историјата на Македонија, изречена е ефективна затворска казна за убиство на куче. Основниот кривичен суд во Скопје денес го осуди Љубе Крстевски на три месеци затвор за грозоморното убиство на кучето Феликс – пресуда што активистите за заштита на животни ја оценуваат како историска.Во продолжение следува реакцијата на организациите „Анима Мунди“ и „Хуман зелен град“:Денес е голем ден! Денес монструозниот убиец Љубе Крстевски доби првостепена пресуда со ефективна затворска казна од 3 месеци за грозоморното убиство на Феликс! Ефективна затворска казна е изречена првпат во историјата на Македонија!Активистите за заштита на животни повторно испишаа историја! Пресудата е жив доказ дека да се биде активен граѓанин се исплати, промените се случуваат! Кога се бориме против неправда тоа има ефект!Судијката Лидија Петровска при изрекувањето на пресудата рече:„Изрекувањето на ефективна казна затвор има значење за заштита на јавниот интерес и ќе превенира слични постапки во иднина. Се работи за дело што предизвика висока јавна чувствителност и морална загриженост особено во контекст на зголемениот број на случаи на суровост кон животните. Со изрекувањето затворска казна се испраќа порака дека ваквите постапки нема да се толерираат и дека секој граѓанин има обврска за хуман однос кон животните“.Адвокатот на убијците, Горан Колев кој не ни знаел дека постои Законот за заштита и благосостојба на животните, во својот завршен збор изјави„Сепак не е човек, сепак е куче“. Горан, од убиство на куче до убиство на човек има само еден чекор! Тоа е непобитен факт!Ќе се жалат, ама ќе се жалиме и ние! Но денес ќе славиме и ќе се сеќаваме на милиот Феликс! Ќе се сеќаваме на секое друго животно што настрадало од човечка рака! Ниедно не е заборавено! Нема да се откажеме и ќе се бориме до крај! Додека и последното живо суштество не го добие правото што му припаѓа по раѓање – да живее живот во слобода!

Македонија | пред 7 месеци

Работат со најтешките случаи, а немаат исплати ниту за мај, ниту за јуни: Персоналните асистенти заборавени додека се чека ребалансот на буџетот

И во мај, и во јуни – без денар. Персоналните асистенти, кои секојдневно се грижат за лица со најтешка попреченост, од јуни наваму работат без ниту денар надомест. Исплатата за мај доцни, јуни одамна заврши, а хонорарот го нема. Причината? Повторно се чека ребалансот на државниот буџет.Ова не е првпат да се случува, тврдат во разговор за Скопје1 дел од персоналните асистенти. Секојпат кога има ребаланс или каков било фискален застој, програмата за персонални асистенти е меѓу првите што останува во финансиска сенка.А токму тие, најчесто ангажирани преку центрите за социјална работа и преку владина програма, секојдневно се справуваат со здравствени и физички предизвици во име на своите корисници.Иако нивната работа е исклучително одговорна и бара физичка, психолошка и емотивна сила, персоналните асистенти веќе втор месец ја извршуваат без никаква финансиска надокнада. Додека државата чека усвојување на ребалансот, тие секојдневно менуваат катетри, облекуваат, бањаат, мерат гликемија и притисок, даваат терапија, преврзуваат рани и обезбедуваат прва помош – сѐ што е потребно за основно функционирање на нивните корисници,од медицински аспект. Набавка на храна, лекови, носење секаде каде што е потребно се дополнителни задачи и обврски на личните асистенти.„Работиме без прекин, јас не можам да ги прекинам обврските додека чекам државата да одлучи дали и кога ќе ми исплати, нехумано е да си го оставам корисникот, не нехумано е и ние да чекаме ова да заврши, вели за Скопје1, Марија С.Многу од асистентите стекнуваат богато искуство преку програмата, но поради ниската плата и доцнењата, ја напуштаат државата.„Јас веќе аплицирав за работа во Германија и чекам виза. Таму ќе добивам над 2.000 евра за истата работа. А веќе имам сѐ, помината обука, сертификат, знам да постапувам со слепи лица, да управувам со инвалидска количка, да дадам прва помош. Овде сме невидливи. Кога ќе дојде време за исплата, нè снемува од сите приоритети“, раскажува Сашо В.Според Министерството за труд и социјална политика, преку оваа програма досега се обучени стотици асистенти, со повеќемесечни практични и теоретски обуки. Обуките вклучуваат здравствени вештини, основи на медицинска грижа, комуникација со лица со попреченост, и интервенции при итни состојби.Во однос на актуелна состојба, односно неисплатата на хонорарите, Министерството за труд и социјална политика ја завршило својата обврска и ги проследило податоците за исплата хонорарите до Министерството за финансии. Таму, според информации на Скопје1, се чека финансиско одобрување, поради што доцнат исплатите не само за оваа категорија, туку и за вработените во домовите за стари лица, детските установи и други социјални сервиси.Што се случува со ребалансот?Дискусијата за ребалансот зпочна на 2 јули со општа дебата која траеше три дена, по што започна амандманската расправа.Во текот на расправата минатата недела, поддршка доби амандман од пратениците од власта, кој се однесуваше на обезбедување средства во износ од 50 милиони денари за исплата на надоместок на право на посебен додаток кои ги користат лицата со попреченост до 26 години и лица над 26 години старост, односно за лицата за правото на попреченост.Со ребалансот на Буџетот се врши прераспределба на средства меѓу буџетските корисници, се дообезбедуваат средства за исплата на плати, пред се во Министерството за внатрешни работи, каде е обезбеден раст на платите на вработените од 10 проценти, а обезбедени се дополнителни средства и за исплата на зголемени пензии и дополнителни околу 300 милиони денари за капитални расходи.Вкупните приходи со ребалансот се планирани на ниво од 362,4 милијарди денари, а расходите на износ од 403,7 милијарди денари, што е за еден процент (околу 3,5 милијарди денари) повеќе во однос на првичните проекции со планот за годинава. Проекцијата за БДП останува 3,7 проценти, а инфлацијата е проектирана на ниво од 2,8 проценти.Буџетскиот дефицит останува непроменет и во апсолутен износ и како процент од БДП, односно 41,3 милијарди денари или 4 проценти од БДП. Капиталните расходи, пак, изнесуваат 47,5 милијарди денари.Државниот долг на крајот на 2025 година, според проекциите на Владата, ќе изнесува 53,3 проценти од БДП, а јавниот долг се очекува да биде на ниво од 62,1 процент.Анита Буховскифото: Unsplash

Македонија | пред 7 месеци

Вонредно зголемување на минималната плата во Србија

Српската Влада донесе одлука за зголемување на минималната плата.Од 1 октомври 2025 година минималната плата ќе изнесува 500 евра, а од 1 јануари 2026 година ќе се зголеми на 550 евра.Минималната плата во Србија ќе се зголеми за 9,4% од 1 октомври годинава, на 58.630 динари, односно 500 евра.Ова вонредно зголемување на пензиите е донесено на седница на Социјалниот и економски совет на Србија.Министерот за финансии Синиша Мали и претседателот Александар Вучиќ истакнаа дека ова зголемување е дел од стратегијата за подобрување на животниот стандард и зголемување на куповната моќ на работниците.Сегашната минимална плата изнесува околу 457 евра, што значи дека од октомври следува покачување од околу 9,4%, а од јануари дополнително зголемување.Оваа мерка, според српскиот државен врв ќе влијае на речиси 95.000 работници кои моментално примаат минимална плата, со цел да се подобрат нивните услови за работа и живот.Вучиќ се пофали дека преку оваа политика се очекува и раст на пензиите, како и зголемување на просечната плата во земјата.Синдикатите ја поздравија одлуката, додека дел од работодавачите изразија загриженост поради зголемените трошоци.

Актуелно | пред 7 месеци

Контроврзниот Џамбаски со навредливи тврдења на сметка на Јовева: „Ги мрази Бугарите, а татко и е од Босилеград“

Бугарскиот политичар и поранешен член на Европскиот парламент, Ангел Џамбаски, повторно се најде во центарот на контроверзии поради неговата реакција на говорот на словенечката европратеничка од македонско потекло, Ирена Јовева. По нејзиниот настап во Европскиот парламент, во кој недвосмислено застана во одбрана на македонските позиции, Џамбаски ѝ упати навреди и ја обвини дека шири омраза кон Бугарите, иако, според него, потекнува од бугарско семејство.– Една од најголемите мразители на Бугарите во Европскиот парламент е токму оваа дама, чие потекло, според нејзините сопствени зборови, е мешано, татко ѝ е Бугарин роден во Босилеград, а мајка ѝ Македонка од Скопје. Јовева секогаш покажува вистинска нетрпеливост кон Бугарија и Бугарите, го негира постоењето на македонските Бугари, како и историското и културно влијание на Бугарија врз територијата на денешна Северна Македонија – напиша Џамбаски на социјалните мрежи.Тој својот напад го прошири и со историски квалификации, обвинувајќи дека однесувањето на Јовева е последица на, како што вели, „децении на асимилација и геноцид врз Бугарите во западните бугарски краишта и Македонија, спроведени од српско-комунистичкиот режим и молкот на бугарските власти од 1944 година наваму“.Џамбаски, кој и претходно е критикуван за својот екстремистички дискурс и за провокативни потези – како нацистички поздрав во Европскиот парламент – во своите настапи често ја таргетира Македонија и нејзини претставници.Повод за неговата последна реакција беше говорот на Јовева во ЕП, каде што истакна дека „македонскиот народ не треба да бара ничија дозвола за да постои“.

Македонија | пред 7 месеци