ВМРО-ДПМНЕ: Народот жестоко ги порази, со СДСМ може да има само прогрес на криминал и сиромаштија

ВМРО-ДПМНЕ и народот го победи СДСМ на овие избори со над 55 илјади гласови разлика. Откако неуспешно велеа дека се најдобри, денес СДСМ вели дека ќе донесат прогрес. По 5 години власт нивниот прогрес е прогрес на криминалот, корупцијата, прогрес на инфлацијата и цените во маркетите, прогрес на трошоците за живот, се огласија преку писмено соопштение од страна на опозициската ВМРО-ДПМНЕ.„Прогрес на аферите и скандалите, на неказнетиот криминал, на неуспесите во здравството, КОВИД жртвите, експериментите во образованието. Прогрес на нивниот личен имот и лични удобства, за сметка на сиромаштијата кај народот. Нивниот прогрес е регрес за народот и земјата. Со СДСМ може да има само прогрес на криминал, корупција и матни тендери. Прогрес во изминативе 5 години со Заев видовме само во плантажите со марихуана на Заеви и ним блиските фирми. Прогрес имаме на криминалци фатени инфлагранти како вршат кривично дело и наместо во затвор завршуваат на слобода или во домашен притвор, како Рашковски, Чипсио, Ден Дончев“, е потенцирано во писмениот допис од оваа партија.Додаваат дека прогрес со СДСМ има во провизиите со вакцини.„Веќе никој не му верува на Заев па, ниту неговите во партија. Заев изгуби и му се случи дебакл. Заев го очекува дебакл во втор круг и тоа го знае. Народот јасно се определи за промени“, стои во соопштението од партијата на Мицкоски.

Македонија | пред 4 години

(ВИДЕО) Со огномет се слави победата на Стојкоски во Ѓорче

ВМРО-ДПМНЕ со огномет прослави победа во прв круг во Ѓорче Петров, каде градоначалник е Александар Стојкоски.

Скопје | пред 4 години

Наумоски не му честиташе победа на Стојкоски во Ѓорче, се заблагодари и набројуваше проекти

Александар Наумоски, кандидатот на СДСМ, изгуби во Ѓорче Петров.Тој преку социјалните мрежи се заблагодари на жителите кои го гласале и набројка што сработел изминативе четири години. Но, Наумоски не му ја честиташе победата на Александар Стојкоски од ВМРО-ДПМНЕ.„Почитувани сограѓани, драги ѓорчепетровци, Ви благодарам за довербата и дадените гласови на вчерашниот изборен ден.Ми беше чест што имав можност четири години да ја водам општината. Заедно со советничката листа, со моите соработници успеавме да реализираме бројни проекти кои го унапредија квалитетот на живот. Особено драго ми е што во мојот мандат Волково за првпат доби детска градинка и училишна спортска сала, што Ѓорче Петров доби уредено корзо и затворен базен, во Хром се доградува училиштето, а во Дексион старите бараки на амбулантата сега се минато. Цело Ѓорче блесна со модерни, штедливи ЛЕД сијалици. Неуморно работевме и обезбедивме локацијата на новиот клинички центар да биде во Наше Ѓорче. Над 110 улици асфалтиравме или поплочивме, поставивме 40 километри канализација, над 5 километри водовод, 40 километри асфалт, 7.700 квадратни метри нови паркинг простори. Сето тоа го работев за и со граѓаните. Овие, но и 200те други проекти остануваат да сведочат за мојата работа како градоначалник. Како и досега останувам посветен на Ѓорче. Прогресот во Ѓорче мора да продолжи. Да сте живи и здрави“, напиша тој.

Скопје | пред 4 години

ВМРО-ДПМНЕ има најмногу советници во Скопје, Данела има повеќе гласови од Шилегов

Претседателот на Државната изборна комисија, Александар Даштевски, соопшти дека во Советот на Град Скопје, ВМРО-ДПМНЕ со 78.538 гласа има 17 советници, СДСМ со 52.431 глас има 12 советници, ДУИ со 26.338 гласа има 6 советници, Левица со 20.070 гласови има 4 советници, ЛДП и ДОМ со 9.152 гласа има 2 советници, Алијанса за Албанците и Алтернатива има 11.447 гласови и има 2 советници и Група избирачи Драгана Велковска со 9.062 гласа има 2 советници.Во делот на градоначалници за Скопје, Петре Шилегов има 77.852 гласа и оди во втор круг со Данела Арсовска која освоила 85.657 гласови, соопшти Даштевски.

Скопје | пред 4 години

Александар Стојкоски е нов градоначалник на Ѓорче, Тимчо Муцунски во Аеродром

ВМРО-ДПМНЕ доби градоначалнички места и во скопските општини Аеродром и Ѓорче Петров. Претседателот на Државната изборна комисија, Александар Даштевски кажа дека според пребројувањето на гласовите, Тимчо Муцунски и Александар Стојкоски се новите градоначалници.„Тимчо Муцунски е новиот градоначалник во Аеродром. Во Ѓорче Петров, со 9.215 гласа, Александар Стојкоски е новиот градоначалник“, рече Даштевски.СДСМ и Душко Вескоски во вториот круг ќе се борат со Стевчо Јакимовски од ГРОМ за градоначалничката позиција во Карпош.

Скопје | пред 4 години

ВО ЖИВО: Резултати од изборите се презентираат од Даштевски, претседател на ДИК

Државната изборна комисија ги кажува резултатите од Локалните избори 2021

Македонија | пред 4 години

(ВИДЕО) Холанѓаните ангажирале свињи да ги бркаат птиците од аеродромска писта

Во Холандија ангажирана е „патрола“ прасиња за да истераат гуски и други птици од нивите покрај пистата на аеродромот Шипол во Амстердам.Избран е тим од 20 прасиња кој ќе биде дел од одбранбените мерки што ќе спречат птиците да удираат во авиони, особено моторите.Дописничката на британската медиумска куќа Би-би-си, Ана Холиган, објави дека веќе ги видела прасињата во „акција“.

Магазин | пред 4 години

„Саше лета сосе партали, може да си ја музи кравата по дома додека рони солзи“, му порача Јоци на Наумоски

Новинарката Јорданка Ивановска-Јоци која е политиколог и жесток критичар, му порача на актуелниот градоначалник и кандидат на СДСМ, Александар Наумоски, дека лета сосе партали. Ова доаѓа откако ВМРО-ДПМНЕ победува со Александар Стојкоски во прв круг во оваа општина.„Како што сега видов, по неколку часа застој на ДИК, вмровци ја добија во прв круг и општината ЃорчеПетров.Саше лета сосе партали, а може да си ја земе кравата и млекцето, да си музи по дома док рони солзи со завршена политичка кариера. А, не е дека не му кажав пред две недели што го чека. Со тоа вмровци, освоија 5 општини во Скопје: #ГазиБаба, #КиселаВода, #Аеродром, #Бутел и #ЃорчеПетров Арсовска води со 7.000 гласа пред Шилегов. А, на добар пат се да го освојат и Карпош со Стевчо во втор круг. Во Центар ќе има втор круг“, напиша таа.

Коментари | пред 4 години

Заев ќе обединува откако го загуби првиот круг од локалните

„Граѓаните пратија порака и ние таа порака мораме да ја слушаме, да ја разбереме и да постапуваме по неа. Народот сака да види подобри резултати, но од спротива се заканува злото. Ние сме борбата против злото. Сите ние, секој од нас.Граѓаните ја бараат нашата мобилизација и ќе ја добијат нашата мобилизација. Граѓаните сакаат земјата и општините да ни одат напред и ние мораме да го дадеме максимумот за тоа да се случи. Влегуваме во вториот круг и во борба за секој еден град и за правецот на нашата земја. Сега е најважно ОБЕДИНУВАЊЕТО“, напиша претседателот на СДСМ, Зоран Заев.

Македонија | пред 4 години

(ВИДЕО) Стојкоски со ѓорчепетровци по изборниот ден: Ова е моето Ѓорче, без и со функција ќе бидам тука за проблемите и решенијата!

По изборниот ден, кандидатот за градоначалник на Ѓорче Петров, Александар Стојкоски од ВМРО-ДПМНЕ се сретна со дел жителите кои беа во општинскиот парк. Доби поддршка, разговараше за проблемите и решенијата, се обврза дека тоа што го ветил ќе го оствари. Се очекува, тој да издвои победа уште во првиот круг, бидејќи има над 3200 гласови разлика, а дваесетина го двојат од победа без втор изборен круг.„Ова е моето Ѓорче, ова се моите ѓорчепетровци, ова е поддршката поради која се борев за победата, која ја имаме! Ви ветив дека без, но и со функција, ќе бидам со вас, затоа што сакам вие да ми ги кажувате проблемите и решенијата, кои јас ќе треба ги размислам и реализирам бидејќи, тоа е мојата работа! Ова е мојот народ, ова се моите сограѓани! Нема поубаво нешто кога сите се радуваме за промени на подобро, модерно и хумано Ѓорче, општина без проблеми!“, напиша Стојкоски.Претходно, тој се заблагодари на поддршката која ја доби на изборите од жителите на општината Ѓорче Петров.„Драги ѓорчепетровци, сакам од се срце да ви се заблагодарам за големата поддршка која ми ја дадовте во првиот изборен круг на локалните избори. Победивме многу јако во Ѓорче Петров, над 3200 гласови е разликата. Очекуваме победа во првиот круг. Дел од избирачките листови и натаму се обработуваат во општинската изборна комисија. ВМРО-ДПМНЕ и коалицијата ‘За обнова на Македонија’ освои апсолутно мнозинство во Советот на Ѓорче Петров. Доктор Ленче Нелоска и нејзиниот тим освоја вкупно 12 советници во Советот. Ова е голема победа, победа на сите луѓе во Ѓорче Петров. Како што кажав во текот на кампањата, јас сакам да бидам пред се ваш пријател, а потоа и градоначалник за сите. Докажавме дека Ѓорче Петров е подготвено за промени, а промените ги носиме сите ние заедно. Јас како ваш иден градоначалник, а вие како мои сожители во Ѓорче Петров. Ви благодарам многу, со работа почнуваме веднаш“, рече Стојкоски.

Скопје | пред 4 години

24 починати и 109 заразени лица од корона

ИНФО - 18.10.2021 (податоците се заклучно со 17.10.2021)Денес се регистрирани 107 нови лабораториски позитивни случаи на SARS CoV-2, со што вкупната бројка на дијагностицирани лица со КОВИД-19 изнесува 197.197Оздравени се 247 пациенти – за 24 часа пријавени се 19 починати лица.Министерството за здравство информира, согласно податоците од Институтот за јавно здравје дека во последните 24 часа:• Направени се 1.668 тестирања, а регистрирани се 107 новислучаи на КОВИД-19:Скопје – 83, Прилеп – 6, Куманово и Кавадарци – по 4, Битола – 3, Неготино – 2, Штип, Кичево, Кочани, Гевгелија и Пробиштип – по 1.• Регистрирани сe 247 оздравени пациенти од: Скопје – 101,Штип – 21, Куманово – 19, Велес – 16, Кратово – 11, Прилеп, Кочани и Крива Паланка – по 9, Тетово – 8, Кавадарци и Валандово – по 7, Струмица, Свети Николе и Виница – по 4, Кичево и Гевгелија – по 3, Битола, Радовиш, Ресен, Крушево и Демир Хисар – по 2, Неготино и Гостивар – по 1.• Во текот на изминатите 24 часа регистрирани се 19починати лица: 12 починати лица од Скопје (86г, 84, 80г, 75г, 75г, 73г, 67г,65г,63г, 57г, 48г и 39г), 2 починати лица од Куманово (71г и 42г) и по едно починато лице од Богданци (70г), Велес (73г), Гевгелија (69г), Кичево (69г)и Македонска Каменица (87г). Сите пријавени лица се починати во болнички услови.Дополнително, согласно Регистарот на умрени лица со дијагноза КОВИД-19 од Мој Термин, пријавени се уште 5 починати лица, со датум на смрт од 16.09.2021 до 04.10.2021 година. Регистрирани се двајца починати лица од Скопје, и по едно починато лице од Тетово,Гевгелија и Велес, на возраст од 59 до 79 години. Од пријавените лица 3 се починати во болнички услови, а 2 во домашни услови.• Направени се 1.668 тестови преку: ИЈЗ-20, ЦЈЗ Скопје-20, ЦЈЗ Битола-0, ЦЈЗ Прилеп-0,ЦЈЗ Тетово–0, ЦЈЗ Куманово-0, Клиника за инфективни болести и фебрилни состојби-0, Судска медицина-0,лабораторија болница Козле-0, УК Пулмологија со алергологија –0, ГОБ 8-ми Септември-0, Институт за микробиологија–0, Жан Митрев (Филип Втори)-88,Авицена-52, Биотек-162, Систина-42, лабораторија Лаор-0, Синлаб-0, Ремедика-0, Плодност–0, Генеа-0,Никоб лаб-233, ВФВ Медикал-16, Ели Медика-36, Ројал Медика –0, Спектра-ММ-0, Рапид Лаб – 0, ЈЗУ и ПЗУ(рапид тест) – вкупно 999.Досега во земјата се направени вкупно 1.344.538 тестирањана Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 197.197бројката на оздравени пациенти е 183.474, на починати е 6.964, а бројот на активни случаи изнесува 6.759.Според епидемиолошки анализи во моментов, дистрибуцијата по градови е следна:

Македонија | пред 4 години

„Значи баба Петро не сте изедначени, готово е“, Јоци му порача на Шилегов да се спакува

Новинарката Јорданка Ивановска-Јоци му порача на кандидатот на СДСМ, Петре Шилегов дека скопјани го изфрлиле од Град Скопје, посочувајќи му да си го шета кучето. Таа на соработниците на Шилегов им кажа да се спакуваат бидејќи планира да оди да пие кафе во градските простории, каде посочи дека има свои пријатели.„Цепки! Значи баба Петро не сте изедначени, во моментов водството е 7.000 за Арсовска. Тоа едно. Второ 28.000 гласа имаат Бени и Камиказа, а тие не одат кај тебе. Опозициски гласачи сега се само помотивирани да излезат, а твоите ќе останат дома - апатични се и депресивни. Си учел ли бе ти психологија⁉️ Слободно пакујте се ти, Никса, Васиљ, онаа Љубица од Совет, пошто имам сериозна намера да стапнам првпат по 4 години во Град Скопје за да пијам убаво кафе. Ја имам таму другари, кои ти ги деградираше.Не сакам да ве глеам, готово е - те исфрлија скопјани сосе партали. Шетај го Тоби“, напиша таа.

Коментари | пред 4 години

За два дена дадени 3.250 дози вакцини, за разлика од порано кога дневно се аплицираа по 10 илјади

Во петокот и во саботата аплицирани се вкупно 3.250 дози вакцини, од кои 884 се аплицирани како прва доза, 2.257 се ревакцинирани, а 109 граѓани примиле трета доза вакцина. Заклучно со 16 октомври вкупно се вакцинирани 799.012 граѓани, ревакцинирани се 760.317, а трета доза примиле 1.148 граѓани. 54% од граѓаните над 40 годишна возраст се ревакцинирани, а 33% од популацијата од 18 до 39 години примиле барем една доза вакцина.Опфатот со вакцинација со една доза вакцина, на полнолетната популација е 47% , а со две дози опфатени се 45% од граѓаните над 18 години. Според бројот на аплицирани вакцини, 38% од целата популација во нашата земја е вакцинирана, а 35% од популацијата во државата примила две дози вакцина.

Македонија | пред 4 години

Во 40 совети и 21 општина победи ВМРО-ДПМНЕ, очекуваат за кратко победа и во Ѓорче

Потпретседателот на ВМРО-ДПМНЕ, Владо Мисајловски тврди дека партијата има 50 илјади гласови повеќе од СДСМ за советничките листи. Тој посочи дека залудни биле притисоците на СДСМ за време на изборниот ден и во кампањата. Според него, неговата партија има победа во 40 општини во советите на општините.„Македонија го победи криоминалот и безидејноста кои ги зодава власта на Зоран Заев, рече тој.Дел од 21 општинина за кои Мисајловски рече дека ВМРО-ДПМНЕ победила се Аеродром, Сопиште, Бутел, Гази Баба, Зрновци, Виница, Петровец, Штип, Карбинци, Градско, Босилово, Неготино, Кавадарци, Новаци, Јегуновце. Тој посочи дека очекува за кратко да стигне победата и во Ѓорче Петров. Мисајловски тврди дека ВМРО-ДПМНЕ победи и на советничката листа за Град Скопје, а убедливо води и независната кандидатка Данела Арсовска поддржана од неговата партија.Водство, без победа во првиот круг кажа дека има во Зелениково, Чешиново-Облешево, Радовиш, Охрид, Битола, Кичево, Брвеница.Прашан дали очекува поддршка во вториот круг од БЕСА, ДОМ, ЛДП кои коалицираат со СДСМ кога е во прашање централната власт, тој одговори потврдно.„Кажав и на пресот, ајде да се обединиме. Во Македонија подолго време има опозициско расположение“, додаде Мисајловски.

Македонија | пред 4 години

Шилегов тврди дека е изедначен во гласови со Арсовска, се надева на победа

Петре Шилегов, кандидатот на СДСМ за Град Скопје, вели дека влегува во изборната трка во втор круг, со изедначен број на гласови со Данела Арсовска, независната кандидатка поддржана од коалицијата на ВМРО-ДПМНЕ. Тој смета дека тогаш и ќе издвои победа. Не откри на чии гласови се надева од кандидатите кои не влегоа во втората изборна трка на локалните избори.„Верувам дека скопјани ќе излезат во втор круг во поголем број и ќе дадат поддршки за политиките кои го променија. Скопје стана единствен град. Ги повикувам граѓаните кои не излегоа на гласање да излезат во вториот круг и да гласаат. Верувам дека во вториот круг ќе издвојуваме голема победа“, рече тој.За предноста на Арсовска, додека и натаму трае пребројувањето на гласовите во општинските изборни комисии, Шилегов рече: „Арсовска е поддржана од ВМРО-ДПМНЕ, а по анализа на резултатите, таа го достигна истиот резултат како на парламентарните избори на ВМРО-ДПМНЕ. Јас се потпирам на гласовите на граѓаните.

Скопје | пред 4 години

ВМРО-ДПМНЕ победи во 19, а СДСМ во 9 општини во првиот круг, според досега целосно обработените податоци

Oд целосно обработените податоци од Државната изборна комисија (ДИК), на локалните избори во првиот круг избрани се 31 градоначалници.Според досега објавените податоци, ВМРО-ДПМНЕ победи во 19 општини, СДСМ во 9, ДУИ во 3.Засега е извесно дека кандидатот на ВМРО-ДПМНЕ и коалицијата победи во првиот круг во Бутел со освоени 52,79 отсто од гласовите, Гази Баба и Кисела Вода. Кандидатите на ВМРО-ДПМНЕ победија и во Штип, Прилеп, Босилово, Виница, Градско, Зрновци, Илинден, Јегуновце, Кавадарци, Карбинци, Могоила, Негитино, Новаци, Петровец, Свети Николе, Сопиште. ВМРО-ДПМНЕ убедливо води и во Аеродром и Ѓорче Петров, но засега во овие скопски општини резултатите не се 100 посто обработени.СДСМ победи во првиот круг во Струмица, Берово, Богданци, Валандово, Делчево, Дојран, Крива Паланка, Кривогаштани, Крушево.Во општина Арачиново ќе има втор круг каде ќе се судрат кандидатот на ДУИ кој освои 44,23 отсто од гласовите, и на СДСМ и коалицијата, со освоени 39,14 отсто. Втор круг ќе има и во Куманово, Битола, Боговиње, Брвеница, Василево, Вевчани, Врапчиште, Гевгелија, Гостивар, Дебар, Дебрца, Демир Капија, Демир Хисар, Долнени, Желино, Зелениково, Кичево, Конче, Кочани, Кратово, Лозово, Маврово и Ростуше, Македонска Каменица, Македонски Брод, Ново Село, Охрид, Пехчево, Пробиштип, Ранковце, Росоман, Старо Нагоричане, Струга, Студеничани, Теарце, Тетово, Чашка и Чешиново Облешево, Радовиш, Чаир, Чучер Сандево и Шуто Оризари.Во Липково победи кандидатот на ДУИ Еркан Арифи, ДУИ победи и во Пласница, Сарај.Во Центар Жупа победи Ариан Ибраим од ДПТМ, но изленоста е од дозволениот цензус.За Град Скопје, засега се обработени 92,55 отсто од гласовите. Според нив, Данела Арсовска, која беше поддржана од ВМРО-ДПМНЕ, е во предност пред Петре Шилегов од СДСМ, со 37,27 отсто, наспроти 34,73 проценти.

Македонија | пред 4 години

Четири скопски општини добија градоначалници, тројца се од ВМРО-ДПМНЕ, еден од ДУИ

Четири скопски општини, според досега објавените податоци од ДИК, добија градоначалници во првиот круг од локалните избори.Во Бутел во првиот круг за градоначалник е избран Дарко Костовски од ВМРО-ДПМНЕ со 52,79 отсто од гласовите пред Велимир Смилевски од СДСМ со 40,01 отсто, во Гази Баба е избран Бобан Стефановски од ВМРО-ДПМНЕ со 60,07 отсто од гласовите пред Борис Георгиевски од СДСМ со 29,45 отсто. Во Кисела Вода во првиот круг за градоначалник е избран Орце Ѓорѓиевски од ВМРО-ДПМНЕ со 52,53 отсто од гласовите пред Филип Темелковски од СДСМ со 27,46 отсто, а во Сарај старо-нов градоначалник е Блерим Беџети од ДУИ со 73,10 отсто освоени гласови пред Керим Мамути од АА и Алтернатива со 17,65 отсто.Во Аеродром од обработени 74,19 проценти од гласовите, Тимчо Муцунски од ВМРО-ДПМНЕ има 56,29, а Александар Филиповски од СДСМ 25,68 отсто од гласовите.Во Центар од преброени 91,03 проценти, води Горан Герасимовски од СДСМ со 40,38, пред Наташа Котлар Трајкова дод ВМРО-ДПМНЕ и Коалицијата со 33,25 отсто од главоите.Во Карпош од обработени 94,59 отсто, најмногу гласови има Душко Весковски од СДСМ 33,47, а втор е Оливер Зафировски од ВМРО-ДПМНЕ со 24,08 отсто.Втор круг ќе има и во Шуто Оризари каде што Ферат Асан од СДСМ доби 37,18 отстоод гласовите пред Курто Дудуш од ЛДП/ДОМ со 25,46 отсто.Во Чаир се обработени сите избирачки места и за градоначалник во вториот круг ќе се тркаат Висар Ганиу од ДУИ 48,90 и Беким Сали од АА/Алтернатива 36,98 отсто од гласовите.Во Ѓорче Петров од преброени 83 отсто од гласовите, води Александар Стојковски од ВМРО-ДПМНЕ со 49,81 отсто од гласовите пред Александар Наумоски од СДСМ со 33,89 отсто.

Скопје | пред 4 години

Арсовска тврди дека влегува со повеќе гласови од Шилегов во втор круг: Ве повикувам да ги поразиме!

– Ова денеска, овој резултат денеска, покажува дека време е да го средиме градот и да живееме во град со којшто ќе се гордееме. Денеска се покажа дека на скопјани им е преку глава од празни ветувања, дека на скопјани им е доста од политичари кои ветуваат, а не остваруваат. На овие избори важно беше да се обединиме и да успееме да донесеме промени за поубаво Скопје. Заедно ќе го направиме Скопје модерна метропола и здружени сите заедно со иста цел – да успееме да го направиме Скопје подобро место за живеење, изјави Арсовска на денешната прва прес конференција, после вчерашните локални избори за градоначалник на Град Скопје.Арсовска ги повика сите граѓани кои се незадоволни од политиките на досегашните градски власти да се приклучат и обединат во нејзината битка за подобро, модерно Скопје за сите.– Ве повикувам сите кои не сте задоволни од досегашните градски власти, а такви не има многу да се здружиме и да ги поразиме. Ве повикувам да се обединиме заедно во оваа битка. Скопје не смее да биде предмет на политика, туку треба да биде град што ќе се развива онака како што сакаме ние скопјани, истакна таа.Честитајќи им ги освоените гласови на сите кандидати, особено на независните и предложените од помалите партии, Арсовска потенцираше дека придонеле со нивните квалитетни предложени проекти и ги оцени како решенија вредни за реализација во нејзиниот мандат.-Настапот и програмите на сите овие кандидати внесоа свежина и нова енергија на локалните избори. Ја подавам мојата рака, нивните програми и приоритети ќе најдат дел од мојата работа во следните четири години како градоначалник на Скопје, заклучи Данела Арсовска.Меѓу другото Арсовска беше децидна дека позитивната кампања која што ја водела се покажала како успешна и потенцираше дека црните кампањи не поминуваат кај скопјани.Изразувајќи голема благодарност за граѓаните кои што ја поддржале нејзината визија за современо и модерно Скопје, но и за останатите кои што ја исполниле граѓанската должност и демократското право и излегле на гласање, ги повика да бидат со неа во вториот круг од локалните избори.– Денес е нов почеток на следниот круг на избори и затоа тука не смееме да застанеме затоа што ни треба промена веднаш. Ве повикувам во вториот круг да излезете во уште поголем број сите вие кои сте незадоволни од градоначалникот во заминување, затоа што Скопје и скопјани не треба ниту ден повеќе да живеат во нечистотија, сообраќаен и урбанистички хаос. Скопје ќе биде убав град на среќни луѓе, ја заврши прес конференцијата Арсовска.

Скопје | пред 4 години

(ВИДЕО) Стојкоски блиску до победа во прв круг во Ѓорче: Ова е голема победа, промените ги носиме заедно со жителите

Александар Стојкоски од ВМРО-ДПМНЕ води со над 3200 гласови разлика во Ѓорче Петров, каде очекува победа во прв круг. Дваесетина гласови го делат од тоа без втор круг да биде назначен за нов градоначалник на општината. Стојкоски се заблагодари на поддршката на тие кои го поддржале и вети дека биде градоначалник за сите жители. Како што посочи, со работа ќе започне веднаш.„Драги ѓорчепетровци, сакам од се срце да ви се заблагодарам за големата поддршка која ми ја дадовте во првиот изборен круг на локалните избори. Победивме многу јако во Ѓорче Петров, над 3200 гласови е разликата. Очекуваме победа во првиот круг. Дел од избирачките листови и натаму се обработуваат во општинската изборна комисија. ВМРО-ДПМНЕ и коалицијата ‘За обнова на Македонија’ освои апсолутно мнозинство во Советот на Ѓорче Петров. Доктор Ленче Нелоска и нејзиниот тим освоја вкупно 12 советници во Советот“, рече Стојкоски.Тој се заблагодари на сите жители и вети дека ќе биде градоначалник на сите граѓани на Ѓорче, без разлика на различностите и кој за кого гласал на изборите.„Ова е голема победа, победа на сите луѓе во Ѓорче Петров. Како што кажав во текот на кампањата, јас сакам да бидам пред се ваш пријател, а потоа и градоначалник за сите. Докажавме дека Ѓорче Петров е подготвено за промени, а промените ги носиме сите ние заедно. Јас како ваш иден градоначалник, а вие како мои сожители во Ѓорче Петров. Ви благодарам многу, со работа почнуваме веднаш“, додаде Стојкоски.

Скопје | пред 4 години

Кривична одговорност за изборни нерегуларности се испитува во Скопје, Свети Николе, Кочлани, Делчево, Струга

Комисијата за следење на евентуални нерегуларности поврзани со извршување на кривични дела од Глава шеснаесет – Кривични дела против изборите и гласањето од Кривичниот законик и други кривични дела кои би биле сторени при организирањето и спроведувањето на локалните избори, формирана во Jавното обвинителство, ја известува јавноста дека во текот на организирањето и спроведувањето на локалните избори заклучно со првиот круг на гласање одржан на 17 октомври 2021 година, пристигнаа голем број известувања, поднесоци и пријави за индиции за сторени изборни нерегуларности.По сеопфатна анализа и проверка на наводите во доставените поднесоци и пријави, Комисијата и основните јавни обвинителства кои постапуваа по нив итно и неодложно, утврдија постоење на елементи на сторени кривични дела кои се гонат по службена должност во мал дел од добиените поднесоци и пријави. По нив се оформени предмети во соодветните основни јавни обвинителства и интензивно се прибираат материјални и вербални докази. По нивното разгледување и анализа, надлежните обвинители ќе донесат и соодетни јавнообвинителски одлуки за натамошно постапување.Во Основното јавно обвинителство Скопје оформени се три предмети за сторени кривични дела во врска со изборите и гласањето. Се води постапка против непознати сторители за пукање од огнено оружје за време на митинг на политичка партија во текот на изборната кампања. По доставено известување, обвинителството оформи предмет и издаде насоки до МВР за идентификација на сторителите.Предмет е оформен и по доставено известување од МВР за сторено кривично дело „Изнуда“ од страна на засега непознати сторители кон лице од кандидатската листа за советници на една политичка партија за Град Скопје. На оштетениот му биле испраќани пораки, меѓу нив и порака каде се спомнува бомба. По насоки на обвинителството се преземаат дејствија за расчистување на настанот.На гласачко место во ОУ „Кузман Јосифовски Питу“ во Скопје, лице при остварување на правото на глас, од четири ливчиња само едно ставил во гласачка кутија, додека другите ги скинал и ги оставил на пултот за гласање. Осомничениот беше лишен од слобода и приведен. Обвинителството, по пристигната кривична пријава, оформи предмет против сторителот за кривично дело „Уништување на изборен материјал“ од Кривичниот законик.На 17.10.2021 година од претседател на избирачки одбор на избирачко место во Демир Капија, пријавено е дека лице дошло во видно алкохолизирана состојба за да гласа. Лицето зад параванот го искинал едното гласачко ливче, а другото го ставил в џеб, со што постои сомневање за сторено кривично дело „Уништување на изборен материјал“ од Кривичниот законик. Основното јавно обвинителство Кавадарци оформи предмет по кој се постапува.Основното јавно обвинителство Свети Николе поведе постапка против едно лице за кое постои сомневање дека сторило продолжено кривично дело – Поткуп при избори и гласање од член 162 став 3 во врска со став 1 во врска со член 45 од Кривичниот законик. Постапка се води и против четири лица кои го примиле поткупот. Настанот се случил на 15 октомври 2021 година, во општина Лозово, кога осомничениот бил забележан како дава пари на граѓани за да гласаат за независен кандидат. Со потврда одземена е документацијата и паричните средства кои биле пронајдени кај осомничениот. По дадени насоки на обвинителството, полициските службеници прибираат известувања од лицата кои ги примиле паричните средства во висина од по 3000 денари. Се преземаат и други дејствија за расчистување на настанот.Основно јавно обвинителство Кочани на 15.10.2021 година од МВР ПС Кочани прими кривична пријава против две лица за кривично дело ,,Повреда на слободата на определување на избирачите”. Во период од 08.10.2021 до 15.10.2021 година, во повеќе наврати, двајцата осомничени им се заканувале на повеќе граѓани од Кочани, дека ќе бидат избркани од работа и ќе им бидат одземени други права доколку излезат на гласање и гласаат за партијата чии симпатизери се. По пријавата е оформен предмет и издадени се насоки од јавен обвинител за натамошно постапување.По поднесена пријава против лице за агитирање на избирачко место во с.Теранци, оформен е предмет во Основното јавно обвинителство Кочани. Јавен обвинител ги презема потребните дејствија за утврдување на фактите во предметот.По поднесенo известување за вршење организиран превоз на гласачи до избирачко место во Кочани, во обвинителството се оформени два предмета по кои се постапува за прибирање материјални и вербални докази.По поднесена кривична пријава во која се наведува дека лице со возило врши организиран превоз на гласачи на избирачко место и се врши влијание врз гласачи како да го остварат нивното гласачко право, во Основното јавно обвинителство Кочани оформен е предмет за кривично дело „Повреда на слободата на определување на избирачите“. Се преземаат дејствија за утврдување на фактите.Во кочанското обвинителство е оформен и предмет по поднесена кривична пријава во која се наведува дека носителка на советничката листа на политичка партија, заедно со уште едно лице се движеле со возило и на избирачко место во Кочани вршеле поткуп на гласачи. Постапката против осомничените се води за сторено кривично дело „Поткуп при избори и гласање“.Се постапува и по поднесена кривична пријава од политичка партија, во која се наведува дека во н.Оризари, во близина на избирачко место кај Дом на културата во Кочани, се вршело агитација за политичка партија, имало залепено изборни плакати од политичка партија во близина на гласачкото место и се вршело влијание врз гласачи како да го остварат нивното гласачко право. Обвинителството во Кочани оформи предмет поради постоење на основи на сомнение за сторено кривично дело „Повреда на слободата на определување на избирачите“Предмет против засега непознати лица е оформен и по добиени сознанија од политичка партија, за поголема група на лица кои стоеле пред избирачки места во Кочани, организирано носеле гласачи и вршеле агитација. По кривичната пријава е оформен предмет за сторено кривично дело „Повреда на слободата на определување на избирачите“ .По поднесени одделни кривични пријави од политички партии во кои се наведува дека лица вршеле влијание врз гласачи како да го остварат нивното гласачко право, оформени се четири предмети против вкупно седум осомничени. За сите се води постапка во кочанското обвинителство за сторено кривично дело „Повреда на слободата на определување на избирачите“.Предмет за извршен поткуп е оформен во Основното јавно обвинителство Делчево по добиено известување дека на 16.10.2021 година, на Градскиот пазар во Делчево, кандидат за градоначалник од политичка партија му дал 3000 денари на едно лице заедно со брошура. Парите од лицето кое ги примило се одземени, додека брошурата не е пронајдена. Обвинителството издаде насоки за натамошно постапување.Основното јавно обвинителство Струга оформи предмет против едно лице за сторено кривично дело „Уништување на изборен материјал“ од Кривичниот законик. Осомничениот на избирачко место во с. Октиси го искинал своето гласачко ливче. Обвинителството презема дејствија за расчистување на настанот.Во гостиварското обвинителство се прибираат материјални и вербални докази во оформен предмет за сторено кривично дело „Повредна на тајноста на гласањето“. На избирачко место во Гостивар гласач го сликал своето гласачко ливче, по што бил забележан од членовите на Избирачкиот одбор и делото било пријавено. Обвинителството издаде насоки за утврдување на факти во предметот.Тетовското обвинителство презема дејствија во врска со пријавен настан по кој е оформен предмет против едно лице за сторено кривично дело „Поткуп при избори и гласање“. Поткупот го вршел кадидат за градоначалник со бекатон плочки.Комисијата за следење на изборни нерегуларности во континуитет ќе ја координира работата на основите јавни обвинителства се до завршување на изборниот процес за локалните избори.​

Македонија | пред 4 години

„Донесоа прво НАТО, па попис, па ВМРО“, шеги, коментари и досетки по изборниот ден и пресвртот

На социјалните мрежи има низа од реакции по првиот круг на локалните избори, а каде ВМРО-ДПМНЕ направи пресврт во повеќе општини во однос на СДСМ.https://twitter.com/MrsenKostur/status/1449996950372290560https://twitter.com/propercare/status/1449964715606687745https://twitter.com/The_Chief86/status/1449987266969997316https://twitter.com/Covek1/status/1450027448624615428https://twitter.com/TheKate_Rina/status/1450025590493483008https://twitter.com/aliciakeysfromb/status/1450023381881999366https://twitter.com/Covek1/status/1450019179139108869https://twitter.com/Broj181/status/1450018515465945091 https://twitter.com/tischlerot/status/1450031213419372544https://twitter.com/izrodoT/status/1450030782622441473https://twitter.com/unterstrich12/status/1450029986358964225 

Коментари | пред 4 години

Во вториот круг победуваме во најголем дел од општините и Град Скопје, убедуваат од СДСМ

„Им благодариме на граѓаните високото ниво на демократска свест, државата и граѓаните успеаја да спроведат целосно демократски, фер, слободни и европски избори. СДСМ и Коалицијата „Најдоброто за мојата општина“ победуваат во прв круг или имаат сериозно водство и влез во втор круг пред ВМРО-ДПМНЕ во повеќе од 30 општини во државата“, велат од СДСМ.Тие додаваат и:„СДСМ победи и победува во Струмица, Крива Паланка, Карпош, Центар, Шуто Оризари, Кочани, Делчево, Крушево, Ресен, Дојран, Валандово, Македонска Каменица, Богданци, Берово, Кривогаштани, Пробиштип, Пехчево, Демир Капија, Демир Хисар, Маврово Ростуша, Чашка, Росоман, Старо Нагоричане, Лозово, Конче, Арачиново, Дебарца, како и огромна победа против ВМРО-ДПМНЕ во Куманово. Поддршката која ја добивме во првиот круг е сериозна. Тоа се стотици илјади гласови на народот. Тоа за нас е обврска и таа обврска ние ќе ја исполниме и нема да застанеме и да дозволиме на некого земјата да ја враќа назад. Пред нас е сериозна борба.СДСМ и коалицијата влегуваат во вториот круг во вкупно 36 општини, плус Градот Скопје, СДСМ и коалицијата во вториот круг победуваат во најголем дел од општините и Град Скопје. Влегуваме во борба за конечна победа во втор круг во сите преостанати општини. На крајот, СДСМ и коалицијата ќе имаат градоначалници во повеќе општини во споредба со ВМРО-ДПМНЕ и нивната коалиција. За вториот круг ја обединуваме цела владина коалиција, за вториот круг се обединува прогресивниот глас и влегува во борба за она што со труд заедно со народот го обезбедивме. Борбата продолжува – Прогресот се обединува - бидејќи злото се заканува!Коалицијата на партиите кои ја сочинуваат централна власт, а тоа е владината коалиција составена од СДСМ, ДУИ, ЛДП, ДОМ, БЕСА, ДПА, Бошњачкиот сојуз и другите партии,оваа коалиција на прогресот и напредокот се обединува и влегува во борба за мнозинства во најголем број од советите на општините низ државата. Тоа се мнозинствата низ кои се претставени прогресивните и демократски политики на оваа власт, поддржани од огромно мнозинство од народот. Тоа се мнозинствата кои ќе обезбедат напредокот да продолжи.

Македонија | пред 4 години

Максим води во Куманово иако ќе има втор круг, СДСМ има најмногу советници

Максим Димитриевски како независен кандоидат на За наше Куманово освои 32,82 отсто од излезените гласачи, Оливер Илиевски - 32,71 %, Тони Михајловски кандидатот на ВМРО-ДПМНЕ - 8.567 или 18,56 %, Беким Салиу од Алијанса за Албанците - 4.254 гласа или 9.21 % и Теодора Димитровска 1.026 гласа или 2,22 %.Битката за советници во Советот на Општина Куманово заврши. Граѓаните на Куманово гласаа за 13 советнички листи за 33 советника. Според ДИК најголем број на гласови освои листата на СДСМ со 11.688 гласа или 25,32%, потоа независната листа на Ивана Ѓорѓиевска - 10.258 или 22,22% и трета е ВМРО-ДПМНЕ со 8.794 или 19.05%. Потоа следуваат ДУИ - 5.054 или 10.95%, АА/А - 2.553 - 5.53%, Левица -2.200 - 4,38%, Беса -1.231 - 2,67%, ЛДП-ДОМ со 1012 или 2,19%, ГИ-Сузана Ѓорѓевиќ - 692 - 1.50%, ГИ-Милош Стаменковиќ- 577 - 1.25%, Интегра -197 или 0,43%, ЕМ- 190 или 0,41% и ДПА- 299-0,65%.За освојување на едно советничко место потребни се околу 1.200 гласа.Распоредот на силите во новиот Совет ќе биде 10 за СДСМ, 8 независна листа „За наше Куманово“, ВМРО-ДПМНЕ - 7, ДУИ - 4 , АА/А -2 и Левица и Беса по 1 советник.

Македонија | пред 4 години

ДИК со официјални избори за градоначалници и совети

Од 82 проценти од обработените податоци за градоначалник на Град Скопје, според податоците објавени на веб страницата на Државната изборна комисија, независната кандидатка, поддржана од ВМРО-ДПМНЕ Данела Арсовска има 37,28 проценти од гласовите, а кандидатот на СДСМ Петре Шилегов – 34,96 отсто.Потоа следи Перо Георгиевски од Левица со 8,58 процент, Арбен Шаќири од ЛДП/ДОМ – 4,04 проценти, Ана Петровска од Зелен хуман град – 3,91 проценти и Александар Тортевски од Твоја Партија – 1,07 процент.Излезноста е 48,77 проценти.За Совет на Скопје најмногу гласови има ВМРО-ДПМНЕ – 33,91 проценти, потоа СДСМ – 22,39, ДУИ -13,17, Левица – 8,38, АА/А – 5,63, ЛДП/ДОМ – 3,85, Зелен хуман град – 3,58, , БЕСА – 1,13 отсто, а останатите се под еден процент

Македонија | пред 4 години

Скопјанец и велешанец пријавиле дека ги касниле кучиња

На 18.10.2021 во Полициската станица Велес С.С.(40) од Велес пријавила дека на ул.„Андон Шурков“ нејзиниот малолетен син бил каснат од куче скитник.На 17.10.2021 во 16.25 часот во Полициската станица Чаир, М.М.(27) од Скопје пријавила дека на ул.„Галичник“ нејзиниот малолетен син бил каснат од куче скитник.

Македонија | пред 4 години