Нема фотографија

Скопјанец обил подрумски простории

На 03.10.2021 околу 20.00 часот на ул.„Никола Малишевски“ во Скопје, полициски службеници од СВР Скопје го лишиле од слобода О.М.(24) од Скопје. Непосредно пред тоа, тој со употреба на сила и подесен алат влегол во подрумски простории во зграда на наведената улица, извршил претурање, но не одзел ништо. Тој бил приведен во полициска станица и по целосно документирање на случајот против него ќе биде поднесена пријава.

Скопје | пред 4 години

Непознати лица отстранувале плакати за изборите

На 03.10.2021 во 21.07 часот во СВР Битола, носител на листа за советници од една политичка партија за локалните избори во општина Пласница пријавил дека во периодот од 10.00 до 15.00 часот во с.Преглово било извршено оштетување на рекламен материјал (плакати со негов лик) кои биле поставени покрај патот. Се преземаат мерки за расчистување на случајот.Денеска (04.10.2021) во 08.25 часот во Полициското одделение Сарај, кандидат за градоначалник за општина Сарај на претстојните локални избоори пријавил дека во текот на ноќта 03/04.10.2021 година во близина на мостот во Сарај бил отстранет рекламен материјал на политичката партија од која тој е кандидат.

Македонија | пред 4 години

Девет лица од Куба илегално влегле во Македонија

На 03.10..2021 околу 18 часот во Гевгелија, полициски службеници од Регионалниот центар за гранични работи Југ извршиле контрола во две такси возила „хјундаи“ со скопски регистарски ознаки, управувани од Д.К. и И.М., двајцата од Скопје, како и во еден објект во Гевгелија, при што пронашле девет лица од Куба кои илегално влегле на територијата на Република Северна Македонија. По целосно документирање на случајот ќе бидат поднесени соодветни пријави.

Македонија | пред 4 години

Не може Бугарите да го ослободат Куманово, баба ми на 94 години е жив сведок за тоа, вели Димитриевски

Актуелниот градоначалник и независен кандидат за Куманово, Максим Димитриевски во гостување за „Утрински брифинг“, потсети на причините за кои во изминатите години се спротивставил со свој став за одредена проблематика.-Ако се сеќавате првпат кога беа поделени парите од Фондот за иновации на свои блиски компании, јас тогаш првпат реагирав. Потоа, кога се случи фамозната набавка на реагенси во Министерство за здравство за околу 40 милиони евра и тогаш реагирав, па се поништи таа тендерска постапка. Подоцна имавме состојба за којашто изнесов свое мислење во делот на она што значи менување на половите. Јас немам против ништо, ЛГБТ заедницата, секој има право да живее на свој начин, но да плаќате од Фондот за такви работи, а притоа во Куманово да немате мамограф е апсолутно неприфатливо. На крајот, короната си го кажа своето. Некои правила важеа за други градови, на пример за Дебар, а за Куманово немаше изолација. Се зборуваше дека ќе имаме 2.000 позитивни случаи, ја гледате бројката. Одамна смртни случаи ја помина таа бројка. И тогаш, меставија во самоизолација, поднесуваа кривични пријави. Имам континуиран став. Чашата ја прелеа прашањето околу тоа кој тоа го ослободил Куманово. Не може Бугарите да го ослободат Куманово, бидејќи овие споменици кои се околу нас, всушност се направени во чест на тие кои загинале од бугарскиот фашистички окупатор. Имам сопствени ставови и го застапувам својот град. Не можеме да избегаме од нашата етно генеза. Таа е нашата жива историја. Баба ми има 94 години, живи сведоштва имаме во Куманово и треба да го промениме ставот? – праша Димитриевски.

Македонија | пред 4 години

Бројот на пост-ковид компликации е зголемен, тврди д-р Ристовски

Доктор Владимир Ристовски кој работи во ковид-центарот во градската општа болница „8 Септември“ во интервју за ТВ24 вели дека бројот на пост-ковид компликации е зголемен.– Пост-ковид компликациите ќе ги поделам на два типа, на минорни и мајорни компликации. Во минорните компликации влегуваат оние коишто секојдневно ги гледаме во нашите кардиолошки амбуланти, а тоа е срцебиење, варијации на крвниот притисок, недостиг на воздух. Тоа се компликации коишто секој втор којшто прележал ковид-19 се жали на тие симптоми. А во мајорните компликации, коишто се животозагрозувачки, спаѓа срцевиот инфаркт, чиј број е намален во однос на претходните бранови, но сепак се присутни – вели д-р Ристовски.Во однос на зголемената смртност кај младите пациенти, тој објаснува дека скоро сите млади хоспитализирани пациенти во ГОБ „8 Септември“ биле невакцинирани.– Скоро 95 отсто беа невакцинирани пациенти, а најчесто тие млади пациенти имаа некој коморбидитет или зголемена телесна тежина. Меѓутоа, има и пациенти коишто се на помлада возраст, но без коморбидитет и со потешка клиничка слика – објаснил тој.

Македонија | пред 4 години

Со дела од Франц Лист в четврток ќе биде отворена новата сезона на Филхармонија

Со концертот насловен „Данте 700“ в четврток, во 20 часот се отвора новата концертна сезона на Филхармонија, насловена „Филхармонија во движење“.„Со ново мото ја започнуваме оваа концертна сезона – ‘Филхармонија во движење’ кое алудира на фактот дека во екот на најголемата пандемија нашата институција не ги затвори портите за својата публика, туку продолжи да ја реализира својата програма“, вели Тина Иванова, в.д. директорка на Филхаромонија.На програмата на концертот со кој се отвора сезоната се две дела од Франц Лист, диригент е Габриел Бебешелеа, а како солист ќе настапи исклучителниот македонски пијанист Симон Трпчески.„Среќен сум што сум повторно тука, што се враќам со ваков исклучителен концерт со кој ја затвораме концертната серија која ја започнавме минатата година, која му е посветена на исклучителниот италијански писател Данте Алигиери и неговата ‘Божествена комедија’. Тоа што сум заедно на сцена со мојот долгогодишен пријател Симон Трпчески е исто така важно за мене, досега сме настапувале насекаде низ светот, но ова ни е прв заеднички настап во Македонија. Моите концерти оваа сезона во Филхармонија се на некаков начин врзани со времето, како тоа се отсликува на позитивен и на негативен начин. Таков ќе биде и проектот насловен ‘Време’ со кој ќе ја затвориме оваа концертна сезона“, вели маестро Габриел Бебешелеа, шеф-диригент на Филхармонија.Солистот Симон Трпчевски вели дека е пресреќен што ќе настапи заедно со маестро Бебешелеа и оркестарот на Филхармонија.„Овој концерт се реализира на покана на Габриел со кој досега сме имале повеќе заеднички настапи во различни делови на светот, но ова ни е прв во Македонија. Станува збор за голем професионалец, музичар, кој ќе понуди многу свежина во програмскиот концепт на Филхармонија. Програмата на концертот ‘Данте’ е целосно изградена на опусот на Лист, неговиот Концерт бр. 2 е исклучителен како и целокупниот негов опус, има многу иновации во формата и во начинот на кој го претставува пијаното“, вели Трпчески.Во новата концертна сезона ќе настапат исклучителни солисти како Тимоти Рајдаут (виола, Англија), Јеил Еум Сон (пијано, Ј.Кореја), Марија Солозлобова (виолина, Русија), Андреи Коробејников (пијано, Русија), Елишија Силверштајн (виолина, САД), Сајака Соџи (виолина Јапонија), кваретот „Баланеску“… Со оркестарот ќе диригираат Паскал Галоа, Емил Табаков, Конрад ван Алфен, Урош Лајовиц, Михал Нестерович и др. Освен солистите кои доаѓаат од различни краишта на светот, ќе настапат и домашни уметници – Анна Кондратенко, Ева Богоевска, Маја Чаначевиќ, Паскал Краповски.На програмата, освен „железните“ класици на симфонизмот се и дела од модерни и современи автори кои за првпат ќе прозвучат кај нас – како антологиското дело „Музика за 18 музичари“ од американскиот композитор Стив Рајх кое премиерно ќе биде изведено на 14 октомври.Главни спонзори на концертната сезона „Филхармонија во движење“ се НЛБ Банка и Мастеркард со кои институцијата има повеќегодишен договор за соработка кој ќе овозможи подигнување на квалитетот на музичката програма.Нова веб-страница на ФилхармонијаНаскоро ќе биде промовирана и новата веб-страница на Филхармонија со модерен и автентичен дизајн, богата со различни содржини врзани со работата на институцијата.На страната освен основните информации за настаните и тековните содржини, ќе може да се слуша и симнува музика во изведба на Филхармонија, како и да се преземе електронска верзија на филхармонискиот весник кој го издава институцијата. На неа ќе можат да се најдат различен тип корисни информации врзани за сите активности на Филхармонија.Страницата ќе има модерен лик и дизајн, направен во урнек на најдобрите оркестри во светот.

Магазин | пред 4 години

Мајмун фрлал пари од дрво

За време на викендот пари почнале да паѓаат од гранките на дрвјата во град во индиската држава Мадја Прадеш, а сето тоа се случило откако мајмун од еден човек украл сноп од банкноти во вредност од околу илјада евра.Мајмунот украл пари од човекот кој се возел во рикша со уште две лица.Патниците се нашле во сообраќаен метеж и излегле од возилото со три тркала за да видат што го предизвикува доцнењето.Дивиот мајмун притоа видел можност да го земе снопчето со банкноти завиткани во крпа, а откако го сторил тоа, побегнал пред некој да го забележи и спречи.Потоа се качил на дрво и го затресол крпчето, по што на патот започнале да паѓаат банкноти, кои локалните жители побрзале да ги соберат.И покрај очајните обиди на сопствениците да си ги соберат парите, речиси половина од износот бил подигнат од други.Според полицијата, тие не биле во можност да ги идентификуваат луѓето што ги зеле парите, бидејќи во таа област не се поставени безбедносни камери.Исто така, се наведува дека не може да се поднесе официјална жалба бидејќи единствениот идентификуван крадец бил мајмунот.Вакви инциденти со мајмуни не се невообичаени во Индија, а мајмуните често доаѓаат во таа област бидејќи локалните жители постојано им нудат храна.

Магазин | пред 4 години

Димитров: ЕУ колку и да е зафатена, нема луксуз да го игнорира или запоставува Балканот

На Економскиот форум во Белград, на којшто вицепремиерот задолжен за европски прашања Никола Димитров учествуваше како говорник на панелот посветен на односите ЕУ – Западен Балкан во контекст на престојниот самит, беше дискутирано кои се очекувањата и како да се обнови довербата во европското ветување кон регионот.На прашањето до панелистите – „Како е да се биде во чевлите на другиот?“ односно европската перспектива од аспект на ЕУ и одговорноста во процесот, Димитров истакна дека постои поделена одговорност и задача за двете страни-Унијата се соочува со бројни предизвици за иднината на процесот на европска интеграција, но заложбата во регионот е клучна за зајакнување и на внатрешен план и надворешно, како глобален актер, додека пак земјите од Западен Балкан треба да дадат соодветни аргументи за поддршка на нивното членство низ процесот на европеизација.„Не сме центарот на Универзумот односно Балканот не е најважното прашање бидејќи ЕУ навистина помина низ серија кризи последниве години – од финансиската, еврозоната, миграциите, Брегзит, до кризата во којашто дел од земјите членки не веруваат дека некои други докрај ги почитуваат европските вредности на кои се нафатиле пред сé во делот на „темелниот договор“ за владеење на право, независност на медиуми, демократија. Од нивна перспектива, кога ги оформуваат позициите размислуваат дали шесте земји на Балканот ќе донесат решение или имаме повеќе проблеми? Во таа смисла, Балканот треба да даде аргументи за да ги убеди носителите на одлуки и јавноста зошто процесот на обединување на Европа е императив“, рече Димитров.Тој се осврна и на геостратешката димензија на процесот на проширување, при што нагласи дека единствената алтернатива и за ЕУ и за Западниот Балкан е европската односно споделената иднина.„Европската Унија без оглед колку и да е зафатена, нема луксуз да го игнорира или запоставува регионот што географски е во средината. Амбицијата да биде глобален играч што ќе поседува стратешката автономија се однесува на геополитичка моќ и ако не можете да направите разлика во регион што ве опкружува, каде што имате земји членки што сакаат да пристапат согласно ветување дадено пред 18 години, каде тогаш ќе направите промена? Ова е регионот каде што ЕУ примарно се тестира затоа што влијанието на ЕУ тука е најголемо, не само поради географијата туку и поради политичкиот контекст. Јас сум убеден дека немањето ангажман односно оставањето на Балканот настрана ќе чини многу повеќе отколку европеизацијата на Балканот, ЕУ мора да го препознае тоа како шанса да направи разлика со своето делување. Ако Балканот е исклучен од обединета Европа тоа е лошо за самата Европа и безбедносно и политички и вредносно, сите ќе бидеме далеку подобри ако нашите политики се усогласени, ако овде владее правото и ако има цврсти демократии во шесте земји од Балканот – ако бидеме една сложна куќа во која сите соби се интегрирани во системот“, потенцира Димитров.

Македонија | пред 4 години

12 починати лица, 185 нови се заразени од коронавирусот

Почитувани,Министерството за здравство информира, согласно податоците од Институтот за јавно здравје дека во последните 24 часа:Направени се 1.876 тестирања, а регистрирани се 185 нови случаи на КОВИД-19:Скопје – 99, Велес и Кочани – по 14, Кавадарци – 12, Штип – 11, Свети Николе – 8, Куманово – 6, Охрид – 5, Струмица – 4, Прилеп, Виница и Пробиштип – по 2, Гостивар, Гевгелија, Радовиш, Крива Паланка, Кратово и Богданци – по 1 .Регистрирани сe 523 оздравени пациенти од: Скопје – 153, Охрид – 98, Струга – 73, Куманово – 28, Кочани – 19, Велес и Штип – по 18, Тетово – 17, Кичево – 14, Кавадарци – 13, Битола – 12, Струмица – 10, Свети Николе – 7, Прилеп, Гостивар и Крива Паланка – по 5, Пробиштип, Берово и Валандово – по 4, Виница, Гевгелија, Радовиш и Кратово – по 3, Неготино, Ресен, Дебар и Делчево – по 1.Во текот на изминатите 24 часа починале 12 лица: 5 починати лица од Скопје (53г, 75г, 79г, 79г, и 79г), по едно починато лице од Куманово (73г), Кочани (90г), Велес (83г), Прилеп (70г), Свети Николе (63г), Охрид (78г) и Крива Паланка (79г). Сите пријавени лица се починати во болнички услови.Дополнително, согласно Регистерот на умрени лица со дијагноза КОВИД-19 од Мој Термин, пријавени се уште 3 починати лица, со датум на смрт од 29.09.2021 до 03.10.2021 година. Починатите лица се по едно лице од Скопје, Струмица и Гевгелија, на возраст од 69 до 86 години. Од пријавените лица еден е починат во болнички услови а 2 лица се починати во домашни услови.Направени се 1.876 тестови преку: ИЈЗ-378, ЦЈЗ Скопје-22, ЦЈЗ Битола-0, ЦЈЗ Прилеп-0, ЦЈЗ Тетово–0, ЦЈЗ Куманово-6, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија – 0, ГОБ 8-ми Септември-0, Институт за микробиологија–136, Жан Митрев (Филип Втори)-66, Авицена-60, Биотек-104, Систина-59, лабораторија Лаор-0, Синлаб-0, Ремедика-0, Плодност–0, Генеа-0, Никоб лаб-248, ВФВ Медикал-7, Ели Медика-18, Ројал Медика –0, ЈЗУ и ПЗУ (рапид тест) – вкупно 772.Досега во земјата се направени вкупно 1.301.702 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 192.654 бројката на оздравени пациенти е 174.148, на починати е 6.719, а бројот на активни случаи изнесува 11.787.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно), Активни случаи (вкупно)Скопје 83902, Активни 5496Куманово 11506, Активни 995Тетово 10828, Активни 892Прилеп 9085, Активни 309Гостивар 7959, Активни 450Битола 7113, Активни 254Велес 6280, Активни 347Охрид 5983, Активни 486Кавадарци 5960, Активни 230Штип 5764, Активни 225Струмица 5749, Активни 267Кичево 3984, Активни 395Струга 3795, Активни 312Кочани 3292, Активни 159Гевгелија 2423, Активни 86Неготино 2319, Активни 36Свети Николе 1911, Активни 111Ресен 1537, Активни 80Радовиш 1526, Активни 87Дебар 1449, Активни 106Крива Паланка 1441, Активни 89Берово 1209, Активни 17Делчево 1124, Активни 68Виница 1037, Активни 50Пробиштип 918, Активни 32Валандово 819, Активни 20Кратово 578, Активни 59Богданци 552, Активни 18Крушево 529, Активни 22Македонски Брод 472, Активни 29Демир Хисар 445, Активни 30Демир Капија 411, Активни 5Пехчево 313, Активни 3Македонска Каменица 301, Активни 21Дојран 140, Активни 1

Македонија | пред 4 години

Заев: Очекувам јасна и чиста порака, местото на западен балкан е во ЕУ

Од самитот ЕУ-Западен Балкан очекувам јасна и чиста порака дека местото на Западен Балкан е во Европската унија и дека за тоа е подготвена Унијата, согласно сите чекори кои треба да ги направи секоја земја соодветно, изјави денеска премиерот Зоран Заев, одговарајќи на новинарски прашање по заедничката прес-конференција со министерот за животна средина Насер Нуредини.Очекувањето за нас, нагласи Заев, е дека ЕУ преку лидерите во Европскиот совет ќе испратат силна и мотивирачка порака за продолжување на максимален фокус на ЕУ кон интеграциите на Западен Балкан во ЕУ.Во однос на оптимизмот во преговорите со Софија, Заев, рече дека имаме позитивно придвижување во разговорите меѓу претставниците на МВР и дека се надева периодот октомври, ноември и декември да биде максимално искористен за работа и посветеност за изнаоѓање решение.– Се работи за патоказот, кој што треба да биде, нешто што ќе значи преземање обврска од двете страни за унапредување на ефикасноста во соработката согласно Договорот за добрососедство. Вториот аспект е дека во декември на Советот на министри на ЕУ се носи одлуката, а до тогаш ќе имаме завршено избори и во Северна Македонија и во Бугарија. Трето е, драфтираната верзија која се подготвува на Самитот ЕУ-Западен Балкан за сериозната фокусираност и посветеност на ЕУ за продолжување на процесот за евро-интеграциите на Западен Балкан, изјави Заев,.Ова прашање, нагласи Заев, е пречката за продолжување на севкупниот процес на евро-интеграции на Западен Балкан, имајќи во предвид дека е поврзано со Северна Македонија и Албанија, а што предизвикува демотивирање и во Србија и Црна Гора, како и Косово и Босна и Херцеговинa.

Македонија | пред 4 години

СДСМ: ВМРО-ДПМНЕ не се менува, се уште дејствува опасно по здравјето на граѓаните, води црна кампања наместо да повика на вакцинација

Матрицата на ВМРО-ДПМНЕ и Христијан Мицкоски од самиот старт на пандемијата останува иста - продолжуваат да дејствуваат опасно по здравјето на граѓаните и здравствениот систем.Тие беа првите што ги прекршија сите мерки за заштита, се потсмеваа на болните од коронавирусот, поддржуваа антиваксерски протести, но затоа ја користат секоја можна прилика да водат црна кампања против министерот за здравство Венко Филипче, да шират невистини за масовноста на имунизацијата и да ја вознемируваат јавноста заради ситни политички поени истакнуваат од СДСМ и додаваат:Неодговорното ВМРО-ДПМНЕ кое, за жал, ниту еднаш не покажа грижа за здравјето на народот е најмалку повикано да зборува за каква било состојба со коронавирусот.Ниту една лажна вест на ВМРО-ДПМНЕ за масовноста на вакцинацијата не може да го оспори фактот дека имунизацијата се спроведува со засилено темпо, а бележиме и значително намалување на бројот на заразени со коронавирусот.Како одговорна власт заедно со надлежните институции континуирано апелираме на вакцинација, бидејќи вакцините се безбедни и се единствениот начин да се победи пандемијата.ВМРО-ДПМНЕ ќе остане запаметена дека во време на пандемија застана на страната на вирусот, наместо на страната на здравствениот систем и граѓаните изјавуваат од СДСМ.

Македонија | пред 4 години

Заев: Првпат слушам дека кандидатот на СДСМ за Аеродром е осудуван

Премиерот Зоран Заев денеска од новинарите првпат слушнал дека кандидатот на СДСМ за градоначалник на Општина Аеродром бил осуден за нанесување на тешки телесни повреди.Во делот за новинарски прашања по денешната прес-конференција на Заев, на самиот крај на Заев му беше посочено дека иако тој постојано напоменува како кандидира чесни и одговорни лица, а последните денови во јавноста излегоа документи за осудуваност на кандидатот на СДСМ за Општина Аеродром – Александар Филиповски.Заев на ова прашање не одговори конкретно туку рече дека колку што знаел, осуден бил кандидатот на ВМРО-ДПМНЕ за Гази Баба, но не и Филиповски.Документот за казната која Филиповски ја добил за нанесување на тешка телесна повреда или претепување на друго лице, беше најпрво објавен на социјалната мрежа Твитер, а потоа и од порталот plusinfo

Скопје | пред 4 години

„Играта и учењето“ – промовиран учебник наменет за наставниците

Министерката за образование и наука, Мила Царовска, присуствуваше на промоцијата на учебникот „Играта и учењето – нови концепти во раното учење“ од Лена Дамовска, кој третира низа суштински и актуелни прашања поврзани со новите парадигми во педагогијата на 21 век.Царовска истакна дека оваа литература е целосно во согласност со насоките од новата Концепција за основно образование чија имплементација започна со стартот на новата учебна година.„Учебникот всушност е наменет за наставниците и ги упатува како да одберат начин кој ќе го привлече вниманието на учениците, за да им го пренесат знаењето кое треба да го апсорбираат на соодветната возраст. Препораката на авторката, со што јас целосно се согласувам е тоа да се прави преку игра, бидејќи докажано е дека така ефектот од учењето е најголем кај најмалите“, рече Царовска.Министерката потенцираше дека и новите учебници за прво и четврто одделение кои се изработени согласно новата Концепција и усвоените наставни програми се изработени токму врз основа на начелото дека играта е моќна алатка во процесот на рано учење и затоа изобилуваат со квизови и игри, а оние за четврто одделение имаат и своја дигитална верзија која обезбедува уште повеќе интерактивни и мултимедијални содржини.„Новите учебници внесуваат свежина во образовниот систем и им се допаѓаат на наставниците и на учениците. Тоа е најважно. Значи дека ќе ги практикуваат и ќе го постигнеме ефектот кој е проектиран при конципирање на промените, да изградиме генерации кои ќе бидат креативни, иновативни и критички ќе размислуваат“, рече Царовска, додавајќи дека очекува со новините кои наложуваат и примена на современ педагошки пристап од страна на наставниците ќе се овозможи учениците да бидат активни партиципанти во процесот на стекнување на сопствените знаења.

Македонија | пред 4 години

Дете се обидело да украде накит од вратот на скопјанец

Против родителите на малолетник од Скопје ќе биде поднесена кривична пријава откако тој се обидел да украде накит од минувач на улицата Максим Горки во главниот град.„На 3.10.2021 во центарот на Скопје полициски службеници од СВР Скопје лишиле од слобода малолетник од Скопје, затоа што на улицата Максим Горки со употреба на сила се обидел да одземе накит од вратот на Л.Н.(65) од Скопје. Малолетникот бил предаден на родителите, а за настанот бил известен Јавен обвинител за малолетници. По целосно документирање на случајот против родителите на малолетникот ќе биде поднесена пријава по член 201 од Кривичниот законик, додека против малолетникот ќе биде поднесено известување до Основното јавно обвинителство за сторено кривично дело“, соопшти МВР.

Скопје | пред 4 години

Санкционирани 24 возачи за затемнети стакла и флешери

Во периодот од 27.09.2021 до 03.10.2021 Министерството за внатрешни работи спроведе контрола за санкционирање на возила на кои се вградени неатестирани фолии (затемнети стакла) и користење на уреди за светлосни и звучни знаци, при што санкционирани се 24 возачи. Од нив, 23 возила имале вградени неатестирани фолии (затемнети стакла), а едно возило поседувало уреди за светлосни и звучни знаци.Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Македонија | пред 4 години

Нема фотографија

ВМРО ДПМНЕ:Филипче место да трча да ја зголеми вакцинацијата на населението, тој ја трча кампањата на малите зоранчиња

Наместо да ја стави на најсилно ангажираноста за зголемување на бројот на вакцинирани, Венко Филипче се фрли во кампања да ги претставува малите зоранчиња истакнаа од ВМРО ДПМНЕ.Во секој клучен момент од КОВИД пандемијата Филипче е секаде, само не онаму кај што треба.Сега кога се вакцинирани околу 40 проценти од населението, Филипче наместо да работи на зголемување на вакцинацијата, Филипче трча, се слика по маратони, тера маркетинг, потоа се префрлува на терен, но не на оној од каде што зема плата од народни пари, туку на политичкиот, зорановиот, ја трча кампањата за локалните избори.На 17 октомври ќе почне падот на политичарите од типот на Заев и Филипче. По 17 октомври ќе започне нова иднина со проекти изјавија од ВМРО ДПМНЕ.

Македонија | пред 4 години

Димитриевски: Не знам кој Оливер ми е противкандидат – дали Спасовски или Илиевски

Независниот кандидат за градоначалник Максим Димитриевски во Утрински брифинг истакна дека не знае кој е неговиот против кандидат за Куманово, дали тоа е господинот Илиевски или господинот Спасовски, затоа што на прес-конференции Илиевски стои до Спасовски, а Спасовски зборува во името на Илиевски. Оливер на квадрат.Можеби многу подобро ќе беше Спасовски да се одважи и да излезе во една ваква кандидатура и тогаш јавноста да каже кој за кого што мисли, каков капацитет има, на кому му верува кумановскиот народ и кумановските граѓани. Инаку, јас сум социјалдемократ по убедување, во таа партија сум од 1995 година и никој не може да ми го земе ниту убедувањето, ниту партијата во којашто јас сум се вградил. Партијата не е акционерско друштво или сопственост на поединци коишто во моментов ја менаџираат. Таа припаѓа на сите. Гласовите ние не ги носиме во џебот, граѓаните имаат право по сопствено убедување да одлучат на едни демократски избори. Тоа што се користат одредени структури во делот на централната власт насочена на локално ниво преку директори, полиции итн, мислам дека е бесмислено да се бараат списоци од луѓе и да се носат во 21 век. Тоа го правеа некои други луѓе во минатото. Кумановчани се слободоумни луѓе, темпераментни луѓе, се водат секогаш по сопственото убедување.Притисоците во Куманово не поминуваат, а на 17-ти октомври ќе ја видиме вистинската волја и желба на кумановчани кој тоа сака да ги менаџира во следните 4 години. Јас знам дека имам капацитет заедно со мојот тим За наше Куманово да излезам и да го водам градот напред кон нови успеси, а тие цело време се повикуваат на владата. Ако сметаат дека владата треба да менаџира со градот, тогаш зошто да имаме децентрализација, тогаш нека дојдат па нека менаџираат“, потенцираше Димитриевски.

Македонија | пред 4 години

Над 8.000 ученици ке се тестираат за корона вирус

Со согласност од родителите, учениците во основните училишта од прво до петто одделение, како и од шесто до деветто одделение и учениците од средните школи ќе бидат тестирани за присуство на вирусот Ковид-19. Во методологијата се опфатени околу 8.200 деца, пропорционално дистрибуирани по општини според број на ученици, изјави денеска министерот за здравство, Венко Филипче.Планирано е скрининот да трае 5 дена и дневно да се тестираат по околу 1.600 деца, во самите училишта каде што мобилни екипи ќе одат на терен и ќе го вршат тестирањето за време на часовите.„Учениците ќе се бираат по случаен избор од регистарот на Е дневник, а родителите ќе треба да потпишат согласност за учество на тестирање на децата. Доколку некој од родителите одбие, ќе има заменски примерок од каде ќе се избира следното дете за тестирање“, рече министерот.Децата од посебните училишта и училиштата каде просечниот број на ученици во одделение е помал од 10 деца ќе бидат исклучени од овој процес од причина што станува збор за помали рурални места каде што учат многу мал процент од сите ученици и во места каде што инциденцата на вирусот е многу ниска.

Македонија | пред 4 години

Арсовска: Четири години нема да ми се менува имотната состојба

На денешната прес-конференцијата посветена на корупцијата, независната кандидатка за градоначалник на Град Скопје, поддржана од ВМРО-ДПМНЕ, Данела Арсовска, изјави дека како дел од нејзината борба против корупцијата, првиот ден кога ќе биде на функција ќе депонира изјава во Антикорупциската комисија.„Во изјавата до Антикорупциска комисија ќе стои дека мојата имотна состојба и на моето поблиско семејство нема да се менува во сите 4 години од мандатот. Ги повикувам сите други кандидати да се обврзат дека ќе го сторат истото. Само со вакви заложби ќе се избориме против корупцијата“, порача Арсовска.

Скопје | пред 4 години

Филипче: Пожелно е партиите на митинзи да бараат вакцинални сертификати

– На митинзите на отворено кои во рамки на предзиборната кампања за локалните избори ги организираат партиите, иако нема официјална препорака за носење маска, пожелно е таа да се носи, но и да се создадат услови за можност за барање на сертификатите за вакцинација, смета министерот за здравство Венко Филипче.– Секаде каде што има влез и излез тоа би требало да се прави. Тешко е да се организира каде што се собираат граѓаните, но се согласувам дека забелешката ви е на место. Уште денеска ќе најдам начин да препорачам до сите политички партии, да најдат начин сето тоа да биде искоординирано со влез-излез доколку е можно, за да се побара сертификат. Доколку може сметам дека ова треба да се организра во таа насока, вели Филипче на новинартско прашање на денешната прес-конференција. Тој вели, дека на отворените митинзи добро е граѓаните да носат маска за да се заштитат себе си и другите кога можат, без разлика на тоа што нема официјална препорака, а нема, вели, бидејќи е прилично стабилна ситуацијата. Препораката за носење маски на затворено останува, додаде Филипче.– Огромен процент од сите тие кои што се вклучени во целокупниот процес, верувам дека се вакцинирани. Но, и за време на претходните избори, кога вакцина се уште немаше, запазувајќи ги сите протоколи за спроведување на настани на затворено немаше некој случај на пренос на вирусот. Така што сметам дека со придржување на тие протоколи, кои што се општи протоколи за превенција, целокупниот тој процес ќе биде добро организиран и ќе значи: држење на дистанца, неконцентрирање, односно пуштање по еден или двајца граѓани на гласање, исто како што беше организиран и претходниот изборен циклус, изјави Филипче, одговарајќи на новинарско прашање.

Македонија | пред 4 години

Дел од граѓаните ќе примаат трета доза вакцина

Препораката од Комитетот за имунизација е покрај повозрасните категории граѓани над 60 години, трета доза на вакцина да добијат и кои било други граѓани без разлика на возраста и без разлика на тоа дали имаат или немаат други хронични болести, а се во значаен ризик поради зголемените контакти поради видот на работата и работното место и се со зголемен ризик да заболат од вирусот Ковид-19. Ова се препораки кои ги следат препораките на други европски земји и САД, кажа министерот за здравство, Венко Филипче, во денешната изјава за медиуми.Заклучно со 2 октомври, во државата вкупно се вакцинирани 789.802, а ревакцинирани 734.023 граѓани. Трета доза вакцина досега примиле 329 лица.Над 47 отсто од полнолетната популација во државата примила една доза вакцина, а 44% се ревакцинирани. На територија на цела државата од вкупното населени, 38,2 % примиле една доза вакцина. Според општини, најмногу вакцинирани – со две дози над 18 години: Вевчани 72,3%; над 60% Гевгелија, Демир Капија, Кавадарци, Неготино, Охрид; Над 55% – Росоман, Ресен, Дојран, Дебарца, Богданци, Битола и Берово; Под 30% Липково, Македонска Каменица, Ново Село.Во моментов државата располага со 260.000 дози вакцини од производителот Фајзер, 45.000 дози од вакцината Синовак и 100.000 дози од вакцината „астразенека“. Почнувајќи од денеска вакцинацијата во главниот град се одвива во 7- те поликлиники и тоа во две смени работат поликлините во Букурешт, Јане Сандански и Чаир. Во една смена работат поликлиниките во Ѓорче Петров, Драчево, Ченто и Шуто Оризари. Граѓаните секаде без закажан термин, каде било, може да примат вакцина, ревакцина или трета доза.Последната анализа на Министерството за здравство покажува дека 77 проценти од новите случаи и 79 отсто од хоспитализираните со Ковид-19 се невакцинирани, а дури 85 проценти од смртните случаи во период од 6 август до 26 септември биле невакцинирани.

Македонија | пред 4 години

Приведен крадец од Скопје

На 03.10.2021 во центарот на Скопје, полициски службеници од СВР Скопје лишиле од слобода малолетник од Скопје, затоа што на ул.„Максим Горки“ со употреба на сила се обидел да одземе накит од вратот на Л.Н.(65) од Скопје. Малолетникот бил предаден на родителите, а за настанот бил известен Јавен обвинител за малолетници.По целосно документирање на случајот против родителите на малолетникот ќе биде поднесена пријава по член 201 од Кривичниот законик, додека против малолетникот ќе биде поднесено известување до Основното јавно обвинителство за сторено кривично дело по член 236 во врска со член 19 од Кривичниот законик.

Скопје | пред 4 години

Шилегов: Со Скопје смарт сити, Скопје станува град без шалтери

- Со задоволство можам да кажам дека Скопје е првиот град во државата кој го започнува овојпроект кој ќе значи целосна дигитализација на услугите, воведување на директнадемократија како алатка за унапредување на демократијата и обезбедува големи заштеди наелектрична енергија – средства кои ќе се враќаат директно како финансиска поддршка заграѓаните. Би сакал да ги презентирам клучните придобивки од овој проект, изјавиградоначалникот Шилегов.Со Смарт сити, Скопје станува прв град во државата каде граѓаните директно и самиодлучуваат за тоа каде и како се вложуваат нивните пари. Со овој проект граѓаните ќе имаатможност да ги одредуваат приоритети, да гласаат за проекти и да избираат каде градот ќевложува.- Ова е историски исчекор на демократијата и начинот на управување со градот. Ова еисториска промена во однос на директната комуникација со граѓаните и воведување нанепосредна граѓанска демократија, нешто на што сум особено горд. Преку апликација насвојот мобилен телефон, скопјани ќе може да гласаат за предлози, да дефинираат приоритетии со тоа самите да ги креираат политиките градот. Градот редовно преку апликацијата ќе гиконсултира граѓаните за значајни инвестиции и одлуки и скопјани директно ќе бидат воможност да одлучуваат каде ќе се насочат парите. Верувам дека многу брзо ова ќе станестандард во цела држава, потенцираше Шилегов.Апликацијата „Мое Скопје“ е клучен дел во „Скопје Смарт Сити“ и носи сосема ново ниво наинтеракција и информирање. Во оваа фаза апликацијата којашто е веќе достапна на GooglePlay Store, ќе им понуди на граѓаните: информации од сферата на градскиот живот, настани,случувања и новости, анкети, пристап до апликациите и сервисите на градските институции ипреглед на паркинзите на Град Скопје.Таа подоцна се надополнува со содржини за сообраќајот и јавниот превоз, а ќе може да сепријавуваат инфраструктурни и комунални проблеми. „Мое Скопје“ е иновативен,информативен и интерактивен канал за комуникација со граѓаните, кој преку постојани анкетии прашалници им овозможува на граѓаните да одлучуваат за градските прашања и да гонасочуваат градот кон нивните приоритети.- Со Скопје Смарт сити, Скопје станува град без шалтери! Скопје сите услуги ќе ги дава онлајн исо тоа станува првиот целосно дигитализиран град во регионот. Сите плаќања и ситедокументи ќе бидат достапни на интернет или на телефонот на граѓаните. Освен ова, секојграѓанин може да следи како градот работи, до каде е неговото барање, до каде е секојапостапка и сето тоа да му биде достапно во секое време на својот телефон, додаде Шилегов.- Преку овој проект се поставуваат 10.000 нови лед светилки со што Скопје добива совршеноосветлени и безбедни улици, вело патеки и тротоари. Со паметното осветлување, Град Скопјезаштедува 1,3 милиони евра годишно на електрична енергија. Овие пари кои ќе се пренаменатза директна финансиска поддршка на граѓаните од различни групи, нагласи Шилегов.- Некои мои конкуренти сакаат да кажат дека не се политичари и дека нив политиката не гиинтересира. Но мене преку политиката единствено ме интересираат луѓето. Тие се надполитиката. Затоа јас им ја давам моќта на граѓаните тие да одлучуваат. Ова беше мојата целод првиот ден кога влегов во политиката и ова денес во Град Скопје станува реалност, заклучиШилегов на крајот на денешната прес-конференција.

Скопје | пред 4 години

СДСМ Скопје: ВМРО ДПМНЕ и Арсковска се симбол за корупција

Партијата на Данела Арсовска ВМРО-ДПМНЕ е одговорна за најкоруптивниот проект воисторијата на Скопје – проектот „Скопје 2014“ за кој Груевски лажеше дека ќе чинел 80милиони евра, за на крај да потроши околу 700 милиони евра на лажен барок.„Белата Палата“ во која ги пишуваат пресовите на Арсовска е симбол на корупцијата,криминалот и непотизмот во Скопје – уништувач на модерно Скопје. И врапчињата напокривите знаат дека изборната кампања на Арсовска е финансирана одкриминалната бела палата на ВМРО-ДПМНЕ, се вели во рекацијата од општинскатаорганицација на Скопје на владеачката СДСМ и додаваат.Данела Арсовска е исто така симбол на корупција – токму на нејзин предлог урбаниотмафијаш Сеад Кочан е изгласан за нејзин заменик-претседател на Сојуз на стопанскикомори.Данела Арсовска досега нема спомнато ниту збор за коруптивните зделки на нејзиниотзаменик Сеад Кочан и за коруптивните злодела на ВМРО-ДПМНЕ. Затоа, никојне и верува на Данела Арсовска дека ќе се бори против корупцијата, која царува вобелата палата со „велелепни лустери, црвени теписи, со махагони“ изјавија одградска организација СДСМ Скопје.

Скопје | пред 4 години

Нема фотографија

Од полноќ ќе точиме поскапи горива

Регулаторната комисија за енергетика информира за новите повисоки цени на горивата кои ќе важат од полноќ.Согласно донесената одлука, малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,50 ден/литар.Новата цена на ЕУРОСУПЕР БС-95 е 73,50 ден/лит, додека на ЕУРОСУПЕР БС-98 75,50 ден/лит.Дизелот од полноќ поскапува за два денари. На бензиските пумпи ќе се продава по цена од 65 денари за литар.Малопродажната цена на Екстра лесното масло за домаќинство (ЕЛ-1) се намалува за 0,50 ден/литар, додека малопродажната цена на Мазутот М-1 НС се зголемува за 1,351 денар/килограм и сега ќе изнесува 41,131 ден/кг.Од 28.9.2021 година од 00:01 часот максималните цени на нафтените деривати ќе изнесуваат:Моторен бензин ЕУРОСУПЕР БС – 95 73,50 (денари/литар)Моторен бензин ЕУРОСУПЕР БС -98 75,50 (денари/литар)Дизел гориво ЕУРОДИЗЕЛ БС (Д-Е V) 65,00 (денари/литар)Масло за горење Екстра лесно 1 (ЕЛ-1) 64,50 (денари/литар)Мазут М-1 НС 41,131 (денари/килограм)

Македонија | пред 4 години