ВМРО-ДПМНЕ ги потврди кандидатите за градоначалници, ама Мицкоски ќе ги каже тек утре

Денес заседаваше Централниот комитет на ВМРО-ДПМНЕ и ги потврди одлуките за кандидати за градоначалници на партијата на престојните локални избори.„И во текот на утрешниот ден ќе бидат објавени досега утврдените кандидати. ВМРО-ДПМНЕ на овие избори настапува со многу нови ликови, со нова енергија, нова визија за развој, решавање на што повеќе проблеми. Најдоброто допрва доаѓа. И на крај, овие избори се повеќе од само локални, ова се работи за одлука каква општина, каква иднина сакате, и во каква земја сакате да растат вашите деца. ВМРО-ДПМНЕ оди на убедлива победа, на историски пресврт, за промени, за нов почеток, за покажување на дело дека има разлика!“, напиша лидерот Христијан Мицкоски.

Македонија | пред 4 години

805 нови случаи на корона, 10 лица се починати од кои најмладиот има 28 години

Министерството за здравство информира, согласно податоците од Институтот за јавно здравје:· Во последните 24 часа се направени 6.980 тестирањa, а регистрирани се 805 нови случаи на КОВИД-19:Скопје – 240, Гостивар – 138, Тетово – 136, Куманово – 53, Струмица – 50, Кичево – 46, Охрид – 32, Дебар – 18, Битола и Струга – по 15, Велес – 13, Кавадарци – 9, Прилеп и Свети Николе – по 7, Штип – 6, Кочани, Ресен и Радовиш – по 4, Берово и Виница – по 2, Валандово, Демир Хисар, Кратово и Македонски Брод – по 1.· Регистрирани сe 77 оздравени пациенти од: Гостивар – 33, Скопје – 21, Дебар – 10, Куманово – 4, Струмица – 3, Кавадарци – 2, Кичево, Битола, Виница и Кочани – по 1.· Пријавени се 10 починати лица: 4 починати лица од Тетово (53г,72г,72г и 73г), 2 од Кичево (28г и 53г), и по едно починато лице од Гостивар (44г), Скопје (56г), Дебар (86г) и Куманово (60г). Сите починати лица се починати во болнички услови.· Направени се 6.980 тестови преку: ИЈЗ-131, ЦЈЗ Скопје-72, ЦЈЗ Битола-142, ЦЈЗ Прилеп-62, ЦЈЗ Тетово–146, ЦЈЗ Куманово–85, Клиника за инфективни болести и фебрилни состојби-0, Судска медицина-4, лабораторија болница Козле-0, УК Пулмологија со алергологија - 1, ГОБ 8-ми Септември-7, Институт за микробиологија–137, Жан Митрев (Филип Втори)-109, Авицена-440, Биотек-239, Систина-112, лабораторија Лаор-914, Синлаб-29, Ремедика-8, Плодност–82, Генеа - 13, Никоб лаб-1.026, ВФВ Медикал-58, Ели Медика-63, Ројал Медика-55, ЈЗУ и ПЗУ (рапид тест) – вкупно 3.045.Досега во земјата се направени вкупно 1.062.292 тестирања на Ковид-19.Вкупната бројка на КОВИД-дијагностицирани лица во нашата земја од почетокот на епидемијата изнесува 162.164 бројката на оздравени пациенти е 150.851, на починати е 5.552, а бројот на активни случаи изнесува 5.761.Според епидемиолошки анализи во моментов, дистрибуцијата по градови е следна:Дистрибуција по градови Заболени (вкупно) Активни случаи (вкупно)Скопје 70798, активни 1894Куманово 9302, активни 361Прилеп 8382, активни 48Тетово 8619, активни 1207Битола 6451, активни 124Велес 5534, активни 55Гостивар 6057, активни 776Кавадарци 5215, активни 53Охрид 5171, активни 150Штип 5010, активни 42Струмица 4381, активни 240Струга 3110, активни 127Кочани 2842, активни 41Кичево 2928, активни 309Гевгелија 2200, активни 3Неготино 2186, активни 2Свети Николе 1546, активни 18Ресен 1268, активни 34Крива Паланка 1232, активни 5Радовиш 1198, активни 33Берово 1065, активни 27Делчево 985, активни 11Дебар 1085, активни 120Виница 908, активни 20Пробиштип 791, активни 2Валандово 689, активни 19Богданци 494, активни 0Крушево 490, активни 0Демир Хисар 402, активни 2Демир Капија 399, активни 3Кратово 378, активни 1Македонски Брод 383, активни 23Пехчево 282, активни 9Македонска Каменица 250, активни 1Дојран 133, активни 1

Македонија | пред 4 години

Одлучено: Изборниот законик до изборите нема да се менува

Нема да има нови измени на Изборниот законик пред локалните избори на 17 октомври.Премиерот Зоран Заев при посетата во Кривогаштани рече дека претседателот на Собранието, Талат Џафери, го информирал оти изборните правила ќе останат исти, за да нема забелешки дека нешто се прави во „5 до 12“„По последните измени – за отисокот од прст и за препораки ОБСЕ/ОДИХР, законот ќе остане таков каков што е за да нема забелешки дека во ‘пет до 12’ нешто се менува, а притоа тоа би довело само до блокада на законското решение“, рече Заев.Другите измени по препорака на ОБСЕ, како што истакна, ќе остане да бидат вградени во Изборниот законик по изборите.Тој најави дека СДСМ најдоцна до 25 август, ќе ги соопшти кандидатите за градоначалници и советници за локалните избори.

Македонија | пред 4 години

(ФОТО) Сообраќајка на патот Охрид-Струга: Возилата искршени, полицијата на терен

Тешка сообраќајна несреќа се случи на стариот пат Охрид-Струга. Се судрија две возила, од кои едното е марка „Фијат пунто“. Второто возило кое учествувало во сообраќајката е истуркано од патот, поради силината на ударот. Нема информации за со какви повреди се здобиле возачите и евентуалните патници.На терен е излезена и увидна полиција од Секторот за внатрешни работи во Охрид. Причините за несреќата ќе се утврдуваат дополнително. Познато е дека на овој патен правец се вози со голема брзина, која не е прилагодена на законските прописи.На истото место има и плажа која е наречена „Оровничка“, па така, тука често се слулува да претрчуваат и пешаци, иако нема пешачки премин и е со голема фреквенција на возила. Токму ова се и причините за несреќите кои најчесто се случуваат во летниот период.

Македонија | пред 4 години

Едно лице повредено во престрелка сред Чаир, пукано од џип во движење

На 15.08.2021 во 05.00 часот во СВР Скопје, А.Ѓ.(38) од Скопје пријавил дека додека биле заедно со С.Д.(22) и М.З.(20) во патничко возило „мерцедес“, со скопски регистарски ознаки, на подрачјето на Чаир, кон нив биле испукани проектили од огнено оружје од патничко возило џип „мерцедес“.Притоа, со повреди се здобил А.Ѓ., кому во Градската општа болница „Св.Наум Охридски“ му била укажана лекарска помош. Се преземаат мерки за расчистување на случајот.

Скопје | пред 4 години

Кај мажи од Словенија кои се движеле низ Тетово пронајдени хашиш и кокаин, изведени се на суд

СВР Тетово поднесе кривична пријава против против А.Р.(43) од Тетово и А.К.(29) од Република Словенија, поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“.На 02.08.2021, полициски службеници од СВР Тетово извршиле преглед во возило „ланчиа“, во кое се превезувале пријавените, при што пронашле и одзеле хашиш и 100,49 грама кокаин. Од страна судија на претходна постапка на пријавените им е одредена мерка притвор.

Македонија | пред 4 години

Тетовчанец си чувал пушки, гранати, бомби по дома

СВР Тетово поднесе кривична пријава против М.Л.(37) од Тетово, поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанции и прекурсори“ и „недозволено изработување, држење и тргување со оружје или распрскувачки материи“.На 14.02.2020 полициски службеници со судска наредба извршиле претрес во дом и помошни простории кај пријавениот во Тетово, при што пронашле и одзеле воздушна пушка, куршуми, запалка за рачна бомба, марихуана и дигитална вага со остатоци од тетрахидроканабинол, кофеин и лидокаин.

Македонија | пред 4 години

И Заев со став за новите мерки

Секој има право да избере дали ќе се вакцинира или не. Но, државата мора да води грижа за колективното здравје, изјави денеска премиерот Зоран Заев, на новинарско прашањет во однос на новите рестрикции кој ќе почнат да се применуват од утре.– Ако јас одлучам да не ја примам вакцината и сепак влегувам во простор кој што е повеќе од 30 луѓе ги ризикувам сите останати 29 луѓе да бидат заразени од мене. Грижата на државата е во колективното здравје. Апелирам да се вакцинираме затоа што тоа е единствениот начин засега да ја победиме пандемијата и да се вратиме на нормалниот живот. Вакцините сите се здрави и се потврдени секаде низ светот. Америка веќе почна со давање на третата доза на тие со намален имунитет. Ги следиме меѓународните експертски поставености околу вакцинирањето и дефинитивно треба да се однесуваме како останатиот дел од светот, изјави премиерот Заев, при увидот на активностите за реконструкцијата на патниот правец Кривогаштани-ЖитошеВоедно, премиерот истакна дека државата има доволна количина на вакцини.

Македонија | пред 4 години

Најчевска по преполните болници и журките: И што да кажеш сега?

„Болниците се преполниле со ковид заразени. И повторно не можат да се лекуваат оние со други болештилаци.А голем дел од овие заразениве се свадбосувале и се журкале и не се вакцинирале затоа што не веруваат во ковид пандемијата. И што да кажеш сега?“, пишува Најчевска.

Коментари | пред 4 години

Повеќе од месец го нема Дарко од Драчево, семејството и натаму трага по него

Веќе месец и половина не знаеме ништо за мојот брат Дарко. Неговото исчезнување е пријавено во полиција, но би апелирале и до граѓаните, ако имаат било какви сознанија, ако го виделе или нешто знаат, да ни помогнат, за ,,Фокус” раскажува Огнен Велковски, чиј брат Дарко, на возраст од 31 година, заминал од својот дом во Драчево, и му се изгубил секаков траг.-Како зрел и возрасен човек, во минатото се случило да отиде кај пријатели во друг град, се случувало да остане по неколку дена. Но, да го нема речиси два месеци, никогаш не се случило и поради тоа сме загрижени. За сето ова време, нема контакт на социјални мрежи или пак на мобилен телефон. Не знам ниту како бил облечен кога излегол од дома… Замолуваме, доколку некој има било какви информации, да пријави во полиција, или да ме контактира мене, на социјалните мрежи – вели Огнен.Извор, повеќе на Фокус. 

Скопје | пред 4 години

„Постојат рестриктивни мерки што може да ја забават пандемијата“, доктор Кунгуловски за короната

Не дозволувајте лоши информации, инает или неукост да доведат до семејни трагедии. Со пандемијава сите живееме и преживуваме низ колективна траума, порача доктор Горан Кунгуловски кој работи во Лабораторијата за генетика и персонализирана медицина, како дел од „Жан Митрев Клиник“ на својот фејсбук профил.-Со пандемијава сите живееме и преживуваме низ колективна траума.Постојат рестриктивни мерки што може да ја забават пандемијата. Вакцините се единствената алатка којашто може да проба да ни помогне да излеземе како горки победници во оваа колективна траума. Се останато е пораз.Не дозволувајте лоши информации, инает или неукост да доведат до семејни трагедии.Имајте општествена и морална одговорност и слушајте наука, напиша тој.

Слајдер | пред 4 години

„Имаме градежна офанзива низ целата земјата“, рече Заев при увид на патот Кривогаштани-Житоше

„Рехабилитацијата на ваквите експресни регионални и локални патишта, кои изминативе години, како и годинава, се изведуваат очекуваме да го поттикнат економскиот развој. Секоја подобрена инфраструктура дали е тоа регионален или локален пат, дали е тоа вложување во канализациони мрежи и слично значат севкупно подобрување на животот на граѓаните, изјави претседателот на Владата на Република Северна Македонија Зоран Заев на увид на реконструкција на патниот правец Кривогаштани-Житоше, каде по речиси четврт век се изведуваат градежни активности.На настанот, на кој присуствуваа и министерот за транспорт и врски, Благој Бочварски, градоначалникот на Општина Крушево, Томе Христоски, градоначалникот на Општина Кривогаштани, Рубин Шефтероски, градоначалникот на Општина Долнени, Џемил Ќамили и директорот на Јавното претпријатие за одржување и заштита на магистрални и регионални патишта „Македонија пат“, Беким Мемеди, премиерот Заев истакна дека овој патен правец ги поврзува општините Кривогаштани и Долнени, но е од огромно значење за развој на целиот овој регион.Премиерот Заев истакна дека изминатиов период на дело се гледа добрата соработка меѓу централната и локалната власт, при што Владата води грижа за развој на сите региони со цел граѓаните без разлика дали живеат на село или во град да имаат подобри услови за живот.„Имаме градежна офанзива низ целата земјата. Инвестираме над една милијарда евра во инфраструктурни проекти – патишта, водоводи, канализации, системи за наводнување, акумулации за наводнување, со цел да ја поттикнеме економијата и да го поддржиме градежниот сектор“, истакна премиерот Заев и посочи дека сето тоа ќе придонесе за повисок економски стандард, унапредување на животните услови и дополнителен стимул за младите од регионот да се задржат тука.Министерот Бочварски посочи дека примарен фокус е ставен на регионалното поврзување и посебен приоритет се дава на локалните патни правци заради побрз локален развој, со тоа да се овозможат подобри услови за живеење на граѓаните.„Овде во Кривогаштани и Долнени, реализираме  инвестиција за која жителите чекаа повеќе од триесетина години. Со 440 илјади евра целосно се реконструира регионалниот пат меѓу населените места Житоше и Кривогаштани во должина од околу 10 километри, со што граѓаните добиваат нов и квалитетен патен правец. Веќе разговаравме со премиерот и директорот дека во следна фаза ќе биде реконструиран и патот кој води од Житоше кон Лажани и потоа до Ропотово, како едно од барањата на жителите на овие населени места“, наведе министерот Бочварски.Тој нагласи дека низ континуирана грижа за сите граѓани со реализација на капитални проекти со кои се подобруваат условите за живеење, Владата заеднички со локалните власти реализира разни проекти за развој на цела Пелагонија.„Сега активно работиме на доизградба на експресниот пат од Градско до Прилеп, најзначајниот пат за поврзување на Пелагонија. Интензивно се работи на делницата од Градско до Дреново, а од Дреново до Фаришката клисура изведувачот врши подготвителни активности за што во следниот период очекувам силна градежна активност и конечно завршување на овој патен правец. Во меѓувреме ЈП за државни патишта финишира со тендерската постапка за рехабилитација на третата лента долж превојот Плетвар. Дополнително би сакал да истакнам дека активно работиме на владиниот план за изградба на автопатско решение од Прилеп до Битола“, истакна министерот Бочварски.Тој посочи дека преку проектот за реконструкција на локалните патишта во општините, конкретно во Кривогаштани започнува со реконструкција на дел од улица 4 и улица 14 во населеното место Крушеани, инвестиција од 9,5 милиони денари.Директорот на Јавното претпријатие за одржување и заштита на магистрални и регионални  патишта „Македонија пат“, Беким Мемеди, истакна дека овој патен правец е од огромно значење за граѓаните од регионот, а инвестицијата е во вредност од 28 милиони денари.

Македонија | пред 4 години

„Охрид опен“ е од големо значење за Охрид, смета градоначалникот



Охрид | пред 4 години

Годишнина од смртта на Коста Шахов се одбележува во Охрид

Коста Шахов од Охрид е една подзаборавена, но многу значајна личност од македонската национална историја. Тој е неодминлив деец во  македонската национална и културна историја кој е заслужен во неговата работа на полето на новинарството во втората половина на деветнаесеттиот век и првите две децении на дваесеттиот век.Коста Шахов е првитот претседател на Младата македонска книжовна дружина, член на т.н „Македонски комитет“ од 1895 година, на чело со Трајко Китанчев, претходно член е на „Братскиоот сојуз“ и член на Македонското студентско друштво во Софија од 1890 година. По политичка ориентација тој е буржоаски либерал, член на Либералната партија – радослависти во Софија.Тој се појавува како сопственик или како главен и одговорен уредник на 11 весници. Освен весникот „Македонија“(1888-1893), Коста Шахов ги издавал и весниците „Дневни Новини“(1890), „Странник“(1891), „Глас македонски“(1893-1898), „Борба за слобода на Македонија“ и Одринско(1899), „Балкански ек“ (1900), „Македонија“(1908-1912), „Балканска зора“(1912). Но, сто тоа не се исцрпува неговата новинарска дејност. Шахов, исто така, соработувал во многу други весници, како што се „Реформи“ (1899), Дебарски глас(1909), „Дебар“ (1905) и др., а, исто така, и во списанието Лоза „1892“.Личноста и делото на публицистот и раскажувачот Коста Шахов, се типичен модел во проучувањето на развојни просеци, и состојби, на автори и дела на кои македонската наука се уште не им посветила соодветно внимание.Целокупното дело на Шахов претставува посебно значајна алка на извонредно многу попречуваниот македонски национален развој. Не занемарувајќи ги претпоставките за недоволното внимание кон Шахов од страна на македонската наука, наспроти неговата извонредно значајна илога во македонскиот национален развој, потребно е натамошно проучување ко ќе се стреми кон синтеза на вредностите на Шахов на повеќе рамништа, но секогаш толкувани и вреднувани од позиција и со мерилата на неговото време.Студијата „Коста Шахов Публицистика“ од Томе Груевски  се занимава пред се, со неговата новинарска и публицистичка дејност и неговиот придонес во македонското револуционерно дело што го започнале плеада македонски национални дејци како што се: Даме Груев, Гоце Делчев, Димитар Мирчев, Крсте Мисирков, Петар поп Арсов, Иван Хаџи Николов, Ѓорче Петров и други. Таа претставува само доследно оддолжување кон овој македонски неуморник од крајот на XIX и од почетокот на XX век, но и пополнување на една голема празнина за истражувачките и аналитичките интенции на македонската публицистика и литературна историја.Станува збор за најактивниот македонски публицист од втората половина на XIX век и првите две децении на XX век. Се разбира, Коста Шахов со неговото журналистичко дело е рамо до рамо со Ј.Х. Константинов Џинот, со Рајко Жинзифоф, Димитар Василев Македонски, Стефан Јакимов Дедов, Арсениј Јовков и другите македонски дејци, публицисти и литературните раскажувачи од своето време.Коста Шахов е книжевен деец и тоа е посебно поглавје во историјата на македонската литература од крајот на XIX век и првите две децении на XX век. Раскажувачкиот опус на писателот Коста Шахов опфаќа повеќе книги раскази: „Зугра“, „Стојан војвода“, „Албанска вдовица“, „Имам Али ефенди“, „ Несреќниот Стојко“ и „Миленко“,  „Не се трае“, „Кога народот ќе ја промени својата врховна власт“, „Тутракан“ и „Даноците“. Повеќето од овие наслови се објавени во весникот „Македонија“ од 1888 година во рубриката “ Раскази“, но подоцна Шахов во 1893 година ги објавил во Софија, како посебни книшки. Всушност тоа се вистински приказни од животот на македонскиот народ каде жигосуваат ропството и тиранијата на османлиите врз невиното македонско население.Проследувајќи го развојот на македонската проза од почетокот на XIX  век, и низ споредбени интенции доаѓаме до современиците на Шахов од редот на македонските литературни творци:  Евтим Спространов, Атанас Раздолов, Христо Калчев, Васил Пасков, Никифор Попфилипов, Петар Стојков и уште некои други творци и на оваа “поприлично затемната епоха и развојна етапа од македонската литературна историја“. Натамошни доистражувања и синтези на овој план би биле интересен прилог кон задоцнетите но нужни дорекувања на македонската литературна наука.Вреднувајќи го делото на овој знаменит „Еден македонец“ од аспект на времето во кое дејствувал Шахов, оваа студија настојува да ја покаже долготрајната и неотстаплива посветеност на Шахов на македонското прашање, односно на македонскиот колективен сон за слобода и самостојност.Коста Шахов беше соборец со највидните револуционери и дејци на Внатрешната македонска револуционерна организација:  со Гоце Делчев, Даме Груев Петар Поп Арсов, Ѓорче Петров, Иван Хаџи Николов и др., а неговиот весник „Глас на македонски“ (1893)на почетокот беше и орган на Организацијата. Од анализите на текстовите во статиите објавувани во неговите весници, тој секогаш дозволува да провејуваат „македонистичките идеи, иако често од нив се оградува“. Шахов, секогаш е до гледиштата на политичкиот сепаратизам на угледните водачи на македонската револуционерна организација. Тој секогаш го брани автономнистичкиот принцип и и се застапува за „немешање  отстрана на македонското револуционерно дело“. Имено, Шахов го предложил Гоцета Делчев за член на Македонската револуционерна организација и ја организирал средбата со Иван Хаџи Николов во Софија.Тоа го прави со големо задоволство. Со тоа Шахов, можеби одиграл пресудна улога во развојот на македонското национално – ослободително дело, а самиот Коста станал нивен соучесник – соработник на македонската организација што биле формирана на 23 октомври 1893 година во Солун. Коста Шахов низ целиот творечки  работен век  е целосно посветен на македонската емиграција и решавањето на македонското прашање. Заедно со Шахов сите македонски револуционери  и национално – културно дејци го сонуваа сонот за „Самостојна Македонија“, „Независна Македонија“, „Автономна Македонија“.

Охрид | пред 4 години

Ниту 17 тони вода не го изгаснаа пожарот над Сарај, а гори и низ други места во Македонија

Пожарот што избувна кај селото Раовиќ во општината Сарај е се’ уште активен, каде гори мешана шума.Во текот на вчерашниот ден беше извршена комплетна претрага и догасување на постоечките жаришта, а како поддршка се приклучи и Црногорскиот хелихоптер со 12 налета испуштајќи голема количина на вода. Сепак, најверојатно се работи за специфично земјиште кое и покрај 17 тона кои вчера беа фрлени врз овој пожар, не се успеа целосно да се изгаси, велат од Центарот за управување со кризи.Пожарот помеѓу селата Барово и Вешје, во општина Демир Капија, каде гори нискостеблеста мешана шума е повторно активен и во текот на вчерашниот ден беше ставен под контрола. Од 5.00 утрово на терен интервенираат 5 пожарникари со 2 возила од ТППЕ Неготино, ШС Демир Капија и група месно население.Состојбата со пожарот кај селото Горно Мелничани е непромената, односно пожарот е се’ уште активен. Oд утрово во гаснењето се вклучени два хеликоптера, кои со вода се снабдуваат од Дебарското Езеро.Повторно е активен и пожарот во атарите на селата Ракле-Никодин-Топлица, општина Прилеп. Гори кракот од с.Ракле према с.Крстец. Рано утрово на терен се ипратени 1ПП возило со 4 пожарникари и 5 вработени од НШ ,,Црн бор“-Прилеп. Пожарот е на тешко пристапен терен.Пожарот помеѓу селото Црвена Вода и планинарскиот дом Китка, ( Општина Студеничани ) е под контрола.Исто така и пожарот на планината Кожув кај м.в Круша е ставен под контрола. На терен утрово е излезена екипа на ТППЕ Гевгелија и ШС Кожув.

Скопје | пред 4 години

ФОТО: Објавено како ќе изгледа Универзалната сала

Скопскиот градоначалник Петре Шилегов на фејсбук објави фотографии од новиот изглед на Универзална сала после нејзината рехабилитација.„Мојата цел беше, е и ќе биде да се занимавам со проблемите на Скопје и скопјани, кои што скоро 3 децении се таложеа во нашиот град како резултат на нивното некадарно и волунтаристичко водење на град“, напиша Шилегов, сподејувајќи ги фотографиите.

Скопје | пред 4 години

Груби си правел анкета кој го сака, а кој го неќе Рамковниот: Гасачите на ВМРО и гласачите на СДСМ со контра ставови

71 отсто од Македонците и 59 отсто од Албанците веруваат дека Охридскиот договор го подобри животот на Албанците и другите заедници во северна Македонија, покажа националната анкета на скопскиот Институт за политички истражувања во име на Министерството за политички систем, спроведена телефонски во последната недела во јули и првата недела од август со вкупно 1620 испитаници.„Анкетата покажува дека 20 години по потпишувањето, граѓаните се уште го прифаќаат Охридскиот договор како основа за мирен, еднаков и подобар живот во нашата земја. И ова покажува дека особено животот на Албанците и другите заедноци во Северна Македонија е подобрен и ние постигнавме еднаквост во многу области.” истакнува министерот Артан Груби.Република Северна Македонија стана подобра земја како резултат на Охридскиот договор - 69 проценти од Албанците се согласуваат со изјавата, како и 67 проценти од Македонците што гласаат за СДСМ, додека 86 проценти од етничките Македонци кои гласаат за ВМРО не се согласуваат.Слични резултати покажува и следнава изјава: „Охридскиот договор придонесе за мир и интеграција во ЕУ и НАТО“.  Тука се согласуваат 77 проценти од Албанците и 66 Македонци кои гласаат за СДСМ, додека повторно 85 проценти од гласачите на ВМРО не се согласуваат.„Без Охридскиот договор, нашата земја не би била таму каде што сме сега: народ во мир со еднакво општество, членка на НАТО и на прагот на Европската унија“, рече вчера Груби.„Но, ние исто така треба да разбереме дека Охридскиот договор е основата на нашето заедничко општество, на начинот на кој живееме еднакво заедно - за сите нас.  Треба да ја надминеме партиската поделба кога станува збор за столбовите на нашата држава.  И за да го постигнеме тоа, имаме уште работа“, вели Груби.Кога станува збор за прашањето која партија може најдобро да ги заштити правата на Албанците и другите заедници, јавноста има јасно мислење: Кај Албанците 47 проценти велат дека тоа е ДУИ, додека 31 проценти велат дека е Алијанса и Алтернатива, 8 проценти веруваат во БЕСА, СДСМ добива само 1 процентен поен во ова прашање, ВМРО нула.  И појасна е разликата кога ќе ги прашате Македонците: Повторно 47 проценти велат дека ДУИ е најдобриот бранител на правата на Албанците, потоа СДСМ со 27 и БЕСА со 8 проценти, додека Алијансата и Алтернатива имаат само 5.„Можеме да видиме дека владата на СДСМ и ДУИ вкупно има најголема доверба од граѓаните во ова прашање“, заклучува Груби.„Охридскиот договор е широко имплементиран. имаме повеќе претставници во државните институции од кога било досега и придонесуваме за иднината на Северна Македонија на највисоко ниво.  Нема повеќе јаз меѓу етничките групи во Северна Македонија, заедно се движиме кон подобра иднина.  Истражувањето покажува дека 20 години по Охридскиот договор, животот на Албанците и другите заедници масовно се подобри.  Но, имаме уште работа “, рече Груби, посочувајќи некои прашања што треба дополнително да се подобрат.Кога станува збор за правно решавање на судските случаи, 23 проценти од Албанците сметаат дека ова е најважното прашање за кое треба да се грижиме, додела 33 проценти од Македонците сметаат дека ова прашање е најитното прашање што треба да се реши.„Гледаме дека еднаквата правда не е само етничко прашање.  Треба дополнително да го подобриме нашиот судски систем и да изградиме доверба во институциите.Меѓу Албанците, се појавува едно прашање: 33 проценти од Албанците бараат еднакви инвестиции во албанските региони и населби.„Откако ги воспоставивме основите за еднаквост со законите и еднаквата застапеност, ова е нашата следна задача.  Како дел од нашата Зелена агенда, инвестираме во модерна и зелена инфраструктура, што подразбира нови патишта, канализација, снабдување со вода за пиење, управување со отпад, железници, дигитализација и многу други подобрувања низ целата земја, но особено во регионите што беа запоставени во минатото “, истакнува Груби во своите завршни проценки за спроведената анкета.

Македонија | пред 4 години

Во тетовската болница нема место! Огромен наплив на пациенти

Министерството за здравство информира дека во болницата во Тетово изминатото деноноќие има голем наплив на пациенти и се работи на интензивна реорганизација со цел соодветно згрижување на сите. На колегите од Тетово им се дава соодветна поддршка во делот на кадар и сместувачки капацитети. Од пред два дена пациенти се сместуваат и во болницата во с. Лешок, а доколку е потрбно пациенти ќе бидат сместувани и во други болници во близина или во Скопје.Во текот на утрешниот ден ќе се донесе одлука дали и колку дополнителен кадар кој во најкус рок ќе биде распореден. Министерството за здравство размислува и за воведување дополнителни локални мерки за што ќе биде разговарано утре. Министерството апелира граѓаните да ги почитуваат мерките за лича заштита со цел спречување на понатамошно влошување на состојбата.

Македонија | пред 4 години

Седум мигранти пронајдени во автомобил на велешанец

На 14.08.2021 во 21.30 часот во близина на фабрика на ул.„7 Ноември“ во Гевгелија полициски службеници од Полициската станица за граничен премин и граничен надзор Богородица го лишиле од слобода К.С.(63) од Велес, кој управувал патничко возило „форд галакси“, со велешки регистарски ознаки.При извршена контрола во возилото биле пронајдени седум мигранти од Куба. Лицата се приведени во полициска станица. Во координација со Јавен обвинител од ОЈО за гонење на организиран криминал и корупција против К.С. ќе биде поднесена кривична пријава, а лицата-мигранти ќе бидат сместени во Транзитниот центар Винојуг - Гевгелија за понатамошна постапка.

Македонија | пред 4 години

Нема фотографија

Васев: На Мицкоски очигледно не му е доволно тоа што е потрчко и послушник на Никола Груевски

„Екстремно ниското ниво на јавна комуникација со граѓаните и гласачите, го одразува ниското ниво на кое веќе неколку години функционира Христијан Мицкоски. Ако некому досега не му беше јасен човечкиот и политички профил на Христијан Мицкоски, деновиве може да му се разјасни преку неговиот Фејсбук профил. На Мицкоски очигледно не му е доволно тоа што е потрчко и послушник на Никола Груевски. Не му се доволни блокадите на државата, поткопувањето на здравстениот систем, пироманските деструкции“, вели Стефан Васев од СДСМ„Не му е доволно ниту што релевантни европски истражувања го посочија како извор на лажни вести. Политичкиот пироман Мицкоски продолжи жестоко и упорно да тера надолу, однесувајќи се како обичен трол што дели пцовки на интернет.Прашање е само од која плажа недолично пишува, навредува и псуе Мицкоски. Толкму може Мицкоски, толкав му е капацитетот, тоа му е нивото. Некој што не може да го издржи критиката, не е кадарен за каква било политичка функција, а камоли за позиција која подразбира носење одговорни одлуки. Мицкоски не е кадарен да води партија, не е кадарен да води ниту профил на Фејсбук“, додава Стефан Васев од СДСМ.

Македонија | пред 4 години

(ВИДЕО) Арсовски: Апетитите на нарко картелот Заеви се големи

Интегрален текст од прес конференција на Димче Арсовски:Како што се ближат изборите каде што се знае дека СДСМ и Заев ќе загубат, така и се зголемуваат и криминалните апетити на нарко картелот Заеви. Срамота е што повторно, во сред пандемија, во сред криза каде Република Македонија е руинирана, имајќи во предвид СДСМ и Заев дека ќе ги изгубат изборите, го пуштаат во Собрание во процедура Законот за марихуана и опојни дроги со европско знаменце и тоа само заради интересите на фмилијата Заеви.Јасно е, законот е заради личен интерес на Зоран Заев и тој интерес има два аспекти.Едниот аспект е што нарко картелот Заеви има најголем број лиценци за одгледување марихуана и со ова сака да го легализира криминалниот шверц на марихуана за да заработи многу пари, а вториот аспект е што голем број од сопственициве на лиценци кои биле прелажани од Заев дека ќе се изгласа законот вака како што го предложуваат, сега повторно се жалат дека биле предмет на разно разни притисоци каде што требало неформално уште еднаш да си ги „откупат“ лиценците кај пајташи од СДСМ и практично со тие пари Зоран Заев и пајташите околу него да се обидат да вршат поткуп за изборите.Почитувани граѓани, нема ништо европско во законот за марихуана што сака Зоран Заев да го помине, напротив, со овој закон сакаат да го легализираат она за што беа уапсени од ДЕА возачот на Трајче Заев и командирот на Оливер Спасовски од Прилеп, наречен Чипсио.Овој закон кој го поднесе СДСМ, а треба да го одбрани пред Собранието како ресорен министер, браникот на криминалот на СДСМ Венко Филипче, не смее и нема да помине.На граѓаните им е повеќе од јасно дека оваа Влада нема намера да реализира проекти во нивна корист, туку единствено да работи за нивните личните интереси и тоа се поинтензивно како што наближуваат изборите, бидејќи знаат дека ќе ги изгубат.Затоа, уште еднаш да потенцираме, на овој закон кој го предлага лично фамилијата на Зоран Заев и е од нејзин интерес, не му е местото во Собранието, а најмалку му е местото со европско знаменце, бидејќи криминалот не е во духот на европските вредности и не е од интерес на Европската унија.Криминалот е единствено во интерес на фамилијата од Струмица - Заеви. Не може пратениците од Собранието да легализираат нешто за што ДЕА поапси 10 луѓе. Затоа нека стават прст на глава пратениците од СДСМ и владеачкото мнозинство и нека размислат дека само му ги полнат џебовите на Зоран Заев.

Македонија | пред 4 години

СДСМ: 10 милиони евра навремено исплатени на земјоделците

СДСМ преку соопштение извести дека навремено се исплатени околу 10 милиони евра субвенции за земјоделците.„Вистинската грижа за земјоделците продолжува, навремено исплатени околу 10 милиони евра субвенции на сметките на речиси 12 илјади земјоделци СДСМ и Владата предводена од премиерот Зоран Заев продолжува со вистинска грижа за земјоделците, особено кога поддршката од државата им е најпотребна.10 милиони евра субвенции се исплатени на сметките на речиси 12.000 земјоделци. Субвенции се исплатени за фармери кои имаат обележани грла говеда, кози, а пари на сметки имаат и сите фармери кои задржале женско јагне. На тутунопроизводителите исплатени се 11,4 милиони денари за произведен и предаден тутун од реколта 2020 година. Продожуваме со навремена и неселективна исплата на субвенции, во интерес на секој земјоделец. 4 милијарди денари веќе се исплатени за земјоделците, а со усвоениот ребаланс на располагање имаме уште 3 милијарди денари.Со заокружување на овие исплати во 2021 година се очекува да се исплатат рекордни 115 милиони евра за над 66.000 земјоделци. Во наредниот период следи исплатата на субвенциите и преостанатите субвенции. Државата е тука за земјоделците, грижата за нив останува врвен приоритет на Владата предводена од СДСМ. Создаваме услови за раст и развој на агро-секторот, за земјоделците да продолжат да произведуваат квалитетни производи“, стои во соопштението.

Македонија | пред 4 години

Откриено кој палел пожари во дебарско, државјани од Албанија добија кривични

На 14.08.2021 СВР Охрид – Одделението за внатрешни работи Дебар до Основното јавно обвинителство Дебар поднесе кривична пријава против Л.Е.(32) и Е.Ц.(31) од Р.Албанија, поради постоење основи на сомнение за сторено кривично дело „предизвикување шумски пожар“, предвидено и казниво по член 227 од Кривичниот законик.Пријавените се сомничат дека предизвикале шумски пожар за кој било пријавено дека настанал на 13.08.2021 на подрачјето на дебарско.

Македонија | пред 4 години

Над 300 возачи заработија казни, полицијата немилосрдна

Во текот на вчерашниот ден (14.08.2021) Министерството за внатрешни работи спроведе зајакната акциска контрола на територијата на Република Северна Македонија за санкционирање на возила кои се движат со брзина поголема од дозволената, при што санкционирани се 319 возачи.Од нив, 52 возилa се движеле со брзина над 50 километри на час повеќе од дозволеното, а две возила се движеле со дури над 70 километри на час повеќе од дозволената брзина. Притоа, 109 возачи ја пречекориле брзината во населено место, а 210 надвор од населено место.

Македонија | пред 4 години

Малолетничка повредена во тешка сообраќајка на патот Велес-Скопје, откако две возила излетале

Едно лице е тешко повредено, а две се здобиле со телесни повреди, во сообраќајка изутрина во 04.30 часот на автопатот Велес – Скопје кај клучката Хиподром, поради која е во прекин и сообраќајот.Од Министерството за внатрешни работи информираа дека изутрина во 04.30 часот на автопатот Велес – Скопје, кај клучка Хиподром, патничко возило „хонда“, со скопски регистарски ознаки, управувано од М.И.(65) од Скопје, се превртело на коловозот.Во незгодата М.И. се здобил со тешки телесни повреди, а малолетна сопатничка и Н.И.(52) се здобиле со телесни повреди, констатирани во Компекс клиники „Мајка Тереза“.Увид извршила екипа од СВР Скопје.

Македонија | пред 4 години