Нема фотографија

Полициски службеник од невнимание испукал еден куршум од службениот пиштол и се самоповредил

На 10.05.2020 околу 09.40 часот во СВР Битола било пријавено дека на паркинг простор пред угостителски објект на ул.„Македонска фаланга“ во Битола, еден полициски службеник од невнимание испукал еден куршум од службениот пиштол, при што се самоповредил. Повредениот бил пренесен во Комплекс клиники „Мајка Тереза“ каде од лекар му биле констатирани тешки телесни повреди. Увид на местото на настанот извршила екипа од СВР Битола. За настанот е запознаен Јавен обвинител и Одделот за внатрешна контрола, криминалистички истраги и професионални стандарди.фото: Архива

Македонија | пред 5 години

Николоски: Признанието на Станишев дека Бугарија е национално заинтересирана за победа на Зоран Заев покажува дека Заев ќе тргува со македонскиот јазик

Кичмата по кој Зоран Заев е познат станува за жал посакуван елемент за нашите соседи. Мораме да бидеме свесни за оваа ситуација која за жал се соочува Македонија. Европската агенда на Република Македонија според најавите кои ги добиваме од нашиот источен сосед е замрзната. Напредокот кон ЕУ зависи од дополнителни услови за кој мораме да бидеме свесни дека меѓу другото се последица на недостатоците и молкот од македонската дипломатија. Со Зоран Заев не се надминуваат пречките, туку летвичката постојано се зголемува со нови барања и услови, истакна Александар Николоски, потпретседател на ВМРО-ДПМНЕ.Најновата изјава на претседателот на европските социјалисти Сергеј Станишев дека цитирам: „најдобро за Бугарија е СДСМ и Заев да се на власт“, а  тој уште додава дека Бугарија е национално заинтересирана за победа на Зоран Заев и социјалдемократите на претстојните избори најдобро го отсликува ова.Но, проблемот не е што најдоброто за Станишев и Бугарија, туку што е најдобро за Македонија а за жал, она што е најдобро за Бугарија во моментот е најлошо за Македонија и за нејзините национални интереси.Како што кажав мораме да бидеме свесни и да признаеме дека ова со што се соочува Македонија е резултат на недостаток на нејзините институции. Всушност она што Станишев сака да ни го каже е дека Зоран Заев е посакуван поради неговото виткање на кичмата и прочуена лукративност.Тука уште повеќе се засилуваат сомнежите дека поради оваа политика на попустливост кон Бугарија стои и некаков друг директен интерес или можеби уцена кон Зоран Заев. Интерес или уцена заради кои што е спремен да го предаде македонскиот јазик.Втора грижа е што деновиве имаме бројни изјави на највисоки државни претставници од Бугарија - премиер, министер за надворешни и министер за одбрана. Овие изјави се насочени кон директно негирање на македонскиот јазик, македонскиот народ и македонската држава.Сериозна држава веќе ќе реагираше по официјални канали со испраќање на протестна нота за негирањето на македонскиот  јазик, македонската култура и историја. Таа протестна нота треба да биде проследена со аргументирани и научно базирани факти кои што се на наша страна и истите научно подржани факти треба да се испратат до сите министри за надворешни работи, како и шефови на држави и влади на земји членки на ЕУ како и на највисоките претставници на ЕУ.Но, што работи македонското МНР, што работи Димитров, Спасовски и Заев? Едно големо ништо! Додека Бугарија ја гради својата позиција врз основа на комбинација од политика, димпломатија и наука, Македонија не прави ништо! Додека Бугарија ги ангажира најголемите умови, кремот на бугарското општество, составуваат документи кои што и самите знаат дека не се точни за негирање на македонскиот јазик, македонската држава и власта на Заев за жал не прават ништо.Овој однос ќе има трајни несогледливи последици врз македонскиот јазик, македонскиот народ и македонската држава!Вистински скандал е што Димитров како шеф на МНР, Спасовски како премиер на техничката влада досега немаат ниту една официјална реакција, ниту допис или демант кон негаторските ставови на Бугарија и бугарската држава. Тоа значи две работи, или се согласуваат со она што е изјавено или има некоја друга позадина.Поради лични интереси, а на штета на државните интереси и европската агенда не реагираат и сакаат овој проблем да се стави под тепих и да се збори.Кој чекор Владата на Македонија го презема досега имајќи предвид дека имаме скоро блокирани или еве да се изразам подиректно уценети европски интеграции? Имаме уште еден пораз во однос на европската агенда, а владата наместо да преземе дипломатска офанзива со сите средства и контакти кои што нашите лица ги имаат ништо не прави. Немаат кренато ниту слушалка на било кого да им објаснат во каква позиција е Македонија, да не зборувам за поголема стратегија. Значи, додека на една страна имаме комбинација како што кажав на политика, дипломатија и наука, на другата страна имаме едно големо ништо.А прашање е и што прави МАНУ во целиов овој случај и период имајќи предвид дека Бугарската академија на науките е исклучително активна  и ги штити националните интереси на Бугарија? Што прави МАНУ? Дали воопшто е ангажирана во овој период?За вака едно комплексно прашање потребен е државен консензус. Не може да дозволиме за вака сензитивно прашање да не се презема ништо и владата и Заев да молчи за овој проблем. Затоа уште еднаш повикуваме ова прашање по однос на условувањето од Бугарија, како и кочењето на европските интеграцијата на Македонија сериозно да биде разгледано на  утрешната лидерска средба. Повикуваме на истата да се изгради заеднички и усогласена позиција по однос на евроинтеграцијата на Македонија  и условувањата кои што Бугарија ги поставува на Македонија, а исто така да се постигне заеднички договор за почеток на изработка на заедничко усогласена национална стратегија за државна безбедност, како и за надворешна политика кои што ќе бидат основа на дејствувањето на секој министер за надворешни работи, одбрана, внатрешни работи и на двете безбедносни агенции.Се надеваме дека оваа подадена рака ќе биде прифатена и утре на лидерската средба на која што ќе се разговара за многу значајни работи, ќе се разговара и за  оваа работа и се надеваме дека Заев и Пендаровски ќе се согласат да оваа точка биде на дневен ред и заеднички изградиме позиција по однос на овие прашања, на тој начин ќе покажат дека немаат скриени агенди. Доколку решат да останат на ставот кој што го имаа денес дека за ова нема да се разговара директно потврдуваат дека имаат скриени агенди и работата за туѓи интереси или се под уцена, истакна Александар Николоски, потпретседател на ВМРО-ДПМНЕ.видео: ВМРО ДПМНЕ

Македонија | пред 5 години

Нема фотографија

Калеска -Ванчева: Мицкоски е исплашен од поразот, лаже дека се потребни 60 дена за избори после вонредна состојба

Како што одминува пандемијата и изборите стануваат реалност, така исплашениот Христијан Мицкоски со сите сили се обидува да избега од изборно соочување. Мицкоски се плаши од волјата на граѓаните, тоа е видливо и тоа е јасно и затоа пласира бројни невистини.Последна лага на Мицкоски и ВМРО-ДПМНЕ е дека наводно Венецијанската  комисија наложила државите да организираат избори ако се поминати 60 дена по завршување на вонредната состојба, истакна Снежана Калеска -Ванчева, координаторка на Форум на Жени на СДСМ.Тоа воопшто не е точно и дополнително таква препорака не се однесува на нашата земја туку само на Грузија, поради одредби во нејзиниот Устав.Да го подучиме Мицкоски, нашиот политички систем функционира по Уставот на Република Северна Македонија, а не по Уставот на Грузија.Самиот Извештај на Венецијанската Комисијата започнува со реченицата „Не постои формално правило во меѓународното право кое ќе им забрани на државите да одржуваат избори или референдум дури и за време на вонредна состојба.Понатаму реферира на различни уставни и законски примери од државите за чии законодавства Венецијанската комисија давала мислење, меѓу кои е и Уставот на Грузија. Тој Устав предвидува дека по воена или вонредна состојба нема да се спроведуваат избори пред истек на 60 дена. Но, ВМРО-ДПМНЕ или не знае или се прави дека не знае дека во нашиот Уставн нема такво нешто.Нашиот Устав е поинаков и определува дека избори не може да има само за време на вонредна или воена состојба, односно дека за време на воена или вонредна состојба се продолжуваат мандатите на пратениците и на претседателот на државата.Ова воопшто не значи дека постои рок од 60 дена кои треба да поминат од крајот на вонредната до денот на изборите.Ваквите обиди за груби манипулации се доказ дека Мицкоски свесно лаже затоа што е исплашен поразот што му следува.Јасно му е и нему дека по сето она срамно однесување за време на кризата со коронавирусот, дека по сите изнесени лаги и конструкции, единствено што му следува е пораз на парламентарните избори.Го разбираме стравот на Мицкоски од изборен пораз но тој неминовно ќе му случи.Апелираме на одговорност и ставање на интересот на државата и на граѓаните на прво место. Тоа значи избори во најкус можен рок, веднаш по спласнување на пандемијата, истакна Снежана Калеска -Ванчева, координаторка на Форум на Жени на СДСМ. Видео: СДСМ

Македонија | пред 5 години

ЈЗУ Општа болница - Охрид, доби донација „УВ Гард“ за дезинфекција на површини и воздух од вируси и бактерии

ЈЗУ Општа болница - Охрид, денеска доби донација „УВ Гард“ за дезинфекција на површини и воздух од вируси и бактерии, изум од македонските иноватори Ивица Поцков и Никола Глигоров.Установата изразува огромна благодарност за оваа донација, овој апарат е неопходен за здравствените работници во услови со пандемија од КОВИД-19.Функционалноста на овој апарат е следна:- Дезинфицира и површини и воздух, 360 степени наоколу;- Работи на принцип на зрачење кратка UV-C бранова должина од 254 нанометри;- Ги убива микроорганизмите кои доаѓаат во контакт со светлината, им ги уништува нуклеинските киселини и ја нарушува нивната ДНК, оставајќи ги без можност да ја вршат својата функција;- Просторијата што се дезинфицира мора да биде празна, но тоа не е проблем бидејќи уредот се контролира од далечина и го заштитува тој што го ракува;- УВ зраците допираат до места кои се недостапни и стопроцентно ги елиминираат вирусите и бактериите и на нерамни површини;- За просторија од 40 квадратни метри се доволни околу триесетина минути, а веднаш по дезинфекцијата се чувствува силен мирис на озон.Предноста на апаратот е што тој е мобилен и може да се движи од една просторија во друга. УВ Гардот претставува одлична можност за дезинфекција на места каде што нема електрична инсталација, работи на струја и батерии.фото: Општа болница

Македонија | пред 5 години

ОК ВМРО ДПМНЕ: Една година Охрид нема градоначалник! Китењето со туѓи перја е одлика на неспособните!

Една година Охрид нема градоначалник! Китењето со туѓи перја е одлика на неспособните!Георгиески е синоним за неработа, дивоградби и назадување на Охрид. Само лаги и празни ветувања, непосветено и недомаќинско работење. Му честитаме за огромната фотосесија и лично претставување небаре снима предизборен спот, наместо да даде вистински и транспарантен отчет пред граѓаните, се вели во соопштение од ВМРО-ДПМНЕ ОК Охрид со реакција која се однесува на видео-обраќањето на Георгиески за една година мандат.Охриѓани видоа реализиран проект Бетонска база, на секој чекор дивоградби, никна нова депонија Мауцкер, огромен број кучиња скитници, нефункционални рампи, јавни претпријатија пред финансиски колапс, нови долгови, неисчистени улици, ниту еден дрворед...Само личен и партиски бенефит, нов кабинет, нови службени возила, патни трошоци, дневници и репрезентации.Граѓаните не слушнаа дали Георгиески уште ќе биде скриен и дали пред негови очи и понатаму ќе се градат дивоградби како досега?Со СДСМ и Георгиески нема современи улици, нема безбеден сообраќај, но затоа има сообраќаен хаос.Со СДСМ и Георгиески наместо образовен бум има образовен срам и деградирани наставници, нема нови фасади за училиштата, ги нема ветените четири нови спортски сали.Охрид со СДСМ и Георгиески не доби современ градски Кеј и нов лик на плоштадот кај Чинарот.Со СДСМ и Георгиески нема нов Здравствен Дом.Со СДСМ и Георгиески има Општина по мерка на партиските интереси наместо на интерес за сите граѓани.Нема подобри еколошки стандарди, нема современи стандарди за одлагање отпад, нема локација за депонирање на градежен шут и цврст отпад и нема хуман третман за бездомните животни.Нема нови форми на туризам, но затоа има форми на уништување на туристичките места и загрозен статус на градот во УНЕСКО.Со СДСМ и Георгиески нема нов театар, а Охрид доживеа културна деградација.СДСМ и Георгиески не се грижат за децата, нема нови градинки, нема никаква реконструкција и изградба на детски и спортски игралишта.Со СДСМ и Георгиески сѐ помалку можности и за младите и за старите лица.Со СДСМ и Георгиески спортот е на маргините, нема затворен спортски базен, нема никакви спортски инфраструктурни проекти.Охрид со СДСМ и Георгиески не доби катни гаражи.Охриѓани се мудри и знаат да проценат дека за СДСМ и Георгиески зборот не е збор.СДСМ и Георгиески сработија едно големо НИШТО!Охрид и охриѓани не го заслужуваат ваквиот прав пат, охриѓани заслужуваат повеќе.Охрид со СДСМ и Георгиески не оди напред и не е поубаво место за живеење.Константин Георгиески треба да си замине од функцијата градоначалник на Охрид, се вели во соопштение од ВМРО-ДПМНЕ ОК Охрид со реакција која се однесува на видео-обраќањето на Георгиески за една година мандат.фото: Архива

Македонија | пред 5 години

Милевски: Од Програмата за меѓураничната соработка донираме на полицијата, тие се во првите редови во борба против кризата со Ковид-19

2.500 заштитни маски за повеќе употреби, 38.050 ракавици и 100 антисептик гелови ќе добијат полицајците од СВР Охрид, како и колегите од подрачните единици, во рамки на Програмата за прекугранична соработка ИПА II меѓу Република Северна Македонија и Република Албанија.- Би сакал да изразам благодарност до Европската унија за прифаќањето на пренамена на буџетот за реализација на донацијата. Полициските службеници се дел од првите редови кои помагаат во борбата против оваа криза предизвикана од Ковид-19. Соработката меѓу Северна Македонија и Албанија ќе продолжи. Меѓуграничната програма е многу важна за развој на градовите од обете страни на границата, можности за напредок на заедницата, но и за добрососедските односи и поддршка за членство во ЕУ,  изјави Горан Милевски, министер за локална самоуправа.Буџетот за донацијата изнесуваше 10.000 евра, кои беа подеднакви како за земјава така и за соседна Албанија.- Многу сум среќен што сум тука бидејќи имаме можност да ги пренамениме заштедите од Меѓуграничната програма помеѓу Северна Македонија и Албанија, опрема која сочинува заштитни маски, ракавици, антисептик гелови за полициските службеници од СВР Охрид и нивните подрачни единици. Токму ова нам ни е пракса и со останатите проекти, ги утврдуваме заштедите и директно ги пренаменуваме да помогнеме во борбата со корона кризата. Ова е само мал дел денеска што ние го донираме а е преку итните донации, кои воедно за останатите се за медицинскиот сектор како и за подобрување на социјално-економските мерки. Имаме околу 66 милиони евра во форма на грантови за Северна Македонија кои се неповратни а се за повеќе области, за помош на институциите, цивилниот сектор и граѓаните, потенцира Фрејк Јанмат, раководител на сектор за економски прашања, градење институции, прекугранична соработка при Делегацијата на ЕУ во земјава.Полицијата е еден од најзначајните институции во општеството во текот на корона кризата што комплетно ги штити граѓаните и е постојано на терен, така што секоја донација за нив е добредојдена.- Донацијата од Програмата за прекугранична соработка ИПА 2,  меѓугранична соработка на Македонија и Албанија доаѓа во вистинско време и ќе ни помогне да бидеме поефикасни во реализацијата на задачите за поуспешна борба во сузбивањето на корона вирусот. Денеска со ова покажавте грижа за здравјето на полициските службеници и искажавте поддршка на СВР Охрид, потенцираше Илија Милески, началник на СВР Охрид.Инаку, сто и педесет пакети со храна за социјално загрозените семејства погодени од пандемијата „Ковид-19“ во Елбасан и Грамш, Албанија беа донирани од Програмата и примопредадени од страна на тамошните власти.фото: Министерство за локална самоуправа МЛС

Македонија | пред 5 години

Електронско издание на реализираните проекти во првата година од мандатот на градоначалникот Константин Георгиески

Водена од приоритеттите и потребите на охриѓани, локалната самоуправа предводена од градоначалникот, Константин Георгиески  во првата година од неговиот мандат, посветено, одговорно и чесно работеше за подобра иднина на Охрид.Врз основа на принципот на транспарентност  ви го презентираме електронското издание со реализираните проекти кои се од исклучително значење во повеќето сфери од општественото живеење, во период од мај 2019 до мај 2020 година.ЕЛЕКТРОНСКО ИЗДАНИЕ НА РЕАЛИЗИРАНИТЕ ПРОЕКТИ ВО ПРВАТА ГОДИНА ОД МАНДАТОТ НА ГРАДОНАЧАЛНИКОТ КОНСТАНТИН ГЕОРГИЕСКИ

Македонија | пред 5 години

Петров: Голем интерес од компаниите за финансиска помош од 14.500, следува нов пакет за помош на граѓаните

Од самата појава на корона вирусот во нашата земја, целите на Владата предводена од СДСМ беа јасни. Да се помогне на што повеќе граѓани, да зачуваме што повеќе работни места,  да ги поддржиме компаниите на нашите сограѓани но и да ги поставиме темелите за рестарт на нашата економија кога ќе заврши кризата, истакна Коста Петров, потпретседател на СДСМ.Заклучно со 7-ми мај, од одобрените 631 кредитни апликации за Ковид1 бескаматната линија од 4,7 милиони евра, се исплатени вкупно 2,2 милиони евра за 257 компании кои вработуваат 3.006 лица, односно 41% од одобрените апликанти.Од првата група одобрени кредитни апликации, која Владата ја одобри на 8-ми април за 136 компании со 1737 вработени, се исплатени 93% од апликантите. Од втората група одобрени апликации, која Владата ја одобри на седница на 14 април за 118 компании со 1116 вработени, се исплатени 89% од компаниите. Третата група кредитни апликации која Владата ја одобри на 28-ми април за 377 компании со 2735 вработени, се исплатени 7% од компаниите. Исплатата на компаниите се прави редовно, секој работен ден, како што се завршуваат административните процедури започнувајќи од 15ти април кога се исплатија првите средства од оваа кредитна линија.За бескаматната кредитна линија КОВИД 2 од 8 милиони евра, која беше отворена и за која пријавите се уште се во тек, веќе аплицирале над 2400 компании.За финансиската поддршка од 14,500 денари по вработен, за која работодавачите можеа да аплицираат до 7ми мај, за месец април поднесени се вкупно 23 861 Барањa,  а се однесуваат за 21 542 компании.За оваа мерка имаат аплицирано и 6.000 самостојни вршители на дејност или повеќе од 45% од регистрираните.Овие бројки кажуваат дека секоја трета компанија има аплицирано за финансиска помош до 14.500 денари за исплата на плата по вработен.Економскиот совет на СДСМ во моментов работи и  на нов пакет мерки за директна поддршка за граѓаните и домаќинствата преку јакнење на јавната и приватната потрошувачка.Ние веруваме и дека секоја криза е и нова можност.Веќе гледаме како некои индустрии се добри примери кои видоа можности и ги искористија во оваа криза. Текстилните компании направија брза адаптација, па така извозот на маски, скафандери и  друга заштитна опрема е речиси за 300% поголем со април минатата година, април 2020 изнесува 390 милиони денари, а април 2019 изнесува 135 милиони денари.Истото, го гледаме и во земјоделството каде имаме зголемен извоз на раноградинарски култури.СДСМ покажа дека нашите мерки носеле и ќе носат резултати. За тоа зборуваат и проекциите од Светската Банка според кои се проценува дека Северна Македонија најдобро ќе се справи со економскиот удар од кризата од сите земји во регионот.Почитувани граѓани, заедно ќе го изодиме овој тежок пат и верувам дека заедно ќе излеземе од оваа криза уште посилни, истакна Коста Петров, потпретседател на СДСМ.видео: СДСМ

Македонија | пред 5 години

Нема фотографија

ВМРО ДПМНЕ: Во услови на корона криза власта на Заев и Спасовски дава најмала поддршка на стопанството во Европа

Државите жестоко се борат против корона вирусот. Некои влади повеќе некои помалку успешно.   А што прави македонската влада? Кои се резултатите од нејзината активност или нејзината неактивност? Ова се фактите кои СДСМ очајно се труди да ги скрие од нас, се вели во соопштението од ВМРО ДПМНЕ.Македонија под водство на СДСМ е земјата со убедливо најмала и најслаба економска поддршка во Европа на погоденото од корона стопанство и издвојува само 1,2% БДП за помош на економијата.Власта на Заев и Спасовски дава само 200 милиони евра поддршка на стопанството, додека Словенија дава 3 милијарди евра, Србија 5 милијарди евра, Бугарија 2,3 милијарди евра.За жал, ние сме земја со најголем број на починати лица од корона вирусот на Балканот во однос на бројот на населението. Македонија има повеќе починати лица од корона отколку Грција, Бугарија и Албанија заедно.На второ место сме на Балканот по бројот на најмногу заболени пациенти по глава на жител.Македонија е една од земјите која има направено најмал број на тестови во Европа. Имаме најмала опременост, но најголем број на заболени здравствени работници по глава на жител на Балканот.Ова се фактите почитувани граѓани.Во услови на корона криза власта на Заев и Спасовски дава најмала поддршка на стопанството во Европа.Има најголем број на починати лица на Балканот. Во врвот сме по број заболени лица од Ковид, а на дното по број на тестирања и по опременост на здравствените работници.Вие проценете сами. Не се способни! Не знаат и не можат, се вели во соопштението од ВМРО ДПМНЕ.фото: Архива

Македонија | пред 5 години

Денеска се оздравени 64 пациенти, потврдени се 22 нови случаи на ковид 19

Министерството за здравство информира дека денеска Институтот за јавно здравје регистрира 64 оздравени пациенти во: Скопје-17, Куманово-9, Прилеп-12, Тетово-3, Струга-12, Охрид-9, Гостивар-1 и Кичево-1.Во изминатите 24 часа направени се 145 тестирања, а потврдени се 22 нови случаи на ковид-19 и тоа во: Скопје-13, Прилеп-2 и Тетово-7.Вкупната бројка на ковид дијагностицирани во нашата земја од почетокот на епидемијата изнесува 1664, бројката на оздравени пациенти е 1200, на починати е 91, а во моментов бројот на активни случаи во земјата изнесува 373 и согласно ова последната дистрибуција по градови е:•       Скопје – 563, активни 128•       Куманово – 408, активни 44•       Дебар – 51, активни 0•       Штип-35, активни 2•       Прилеп –178, активни 58•       Тетово – 117, активни 58•       Струга – 67, активни 4•       Велес – 107, активни 49•       Битола –23, активни 4•       Охрид –15, активни 0•       Кавадарци – 5, активни 1•       Гостивар –19, активни 4•       Гевгелија – 4, активни 0•       Струмица – 2, активни 0•       Крива Паланка- 6, активни 2•       Радовиш – 4, активни 0•       Крушево – 3, активни 0•       Кочани – 31, активни 5•       Пробиштип – 2, активни 0•       Кичево – 2, активни 0•       Неготино -9, активни 7 (7 заболени лица од ПЕ Неготино се жители на Демир Капија)•       Демир Хисар – 1, активни 0•       Македонски Брод - 2, активни 0•       Пехчево- 3, активни 2•       Делчево-1, активни 1•       Валандово -1, активни 1•       Виница – 2, активни 0•       Кратово-2, активни 2•       Берово-1, активни 1Направените 145 теста се преку: ИЈЗ –122, Ветеринарен ф-тет -0, Авицена –0, Биотек -0, Филип Втори (Жан Митрев) –17, Систина со PCR метода  -0 и МАНУ -6.  Досега во земјата се направени вкупно 19241 тестирања на ковид -19.Во изминатото деноноќие на Клиниката за инфективни болести и фебрилни нема прием на нови пациенти, хоспитализирани се вкупно 42 пациенти. На кислородна поддршка се 20 пациенти, а на механичка вентилација 2.Во ГОБ „8 септември“ примени се 5 нови пациенти, а вкупно хоспитализирани 18. На респираторна машина се 4 пациенти и уште 4 се со потешка клиничка слика.Во болницата во Битола се хоспитализирани 2 пациенти сомнителни на ковид, а на домашно лекување се следат 3 пациенти. Во болницата во Штип се хоспитализирани вкупно 7, а уште 1 пациент се следи на домашно лекување. На ифективните одделенија во Прилеп, Велес, Куманово и Тетово сe хоспитализирани 49 пациенти, позитивни и сомнителни на ковид-19.фото: Архива

Македонија | пред 5 години

Хаос во студиото на „Пинк“: Цеца првпат проговори за апсењето, па ја напушти емисијата

Во студио на ТВ Пинк, каде што сопственикот на телевизијата Жељко Митровиќ се појавува како гостин, заедно со Цеца Ражњатовиќ и Чеда Јовановиќ , после сериозна кавга и сериозни обвинувања од сите страни, Цеца го напушта студиото и емисијата.Тема во емисијата беше пандемијата и се уште присутната опасност од коронавирусот.„Дали го познавате господинот Јовановиќ?“ праша водителката.„Јас не го познавам, а тој ме апсеше“, одговори пејачката.„Мислам дека не е тема вашето апсење“ одговори Јовановиќ.„Јас мислам дека е, јас сум жена, живеем со сестра ми  и децата. Ми дојдовте дома со 150 полицајци, само требаше да ми се јавите“ продолжува Цеца.„Уапсени сте поради сомнеж дека знаевте дека се подготвува атентат на премиерот, како и дека  сте вмешани во киднапирањето на вашиот кум Жељко Митровиќ“ изјави Чедо Јовановиќ.фото: PRTSC

Магазин | пред 5 години

Левица: Дали конфекцијата „Ју-Ка“ градот Велес го претвара во ново жариште на пандемијата?

Во Велес се случува експлозија на новозаразени. Јавна тајна е дека огромниот број новозаболени лица во Велес најмногу се должи на несериозниот пристап од страна на конфекцијата „Ју-Ка“ од Велес. Имено, во изминативе неколку недели голем дел од работниците во оваа конфекција се обратија до нас со укажување за голем број на нерегуларности и непочитување на мерките за заштита и превенција од корона вирусот, се вели во соопштението од Левица.Согласно информациите кои што ги добивме од работниците, сопственикот на конфекцијата „Ју-Ка“ , на своите работници кои покажувале симптоми на Kовид-19 не им било дозволено да останат во своите домови, и притоа им се заканувал откази. Откако ваквите информации од наша страна беа пренесени до јавноста и го пријавивме случајот во Трудовиот и Пазарниот инспекторат, сопственикот на оваа конфекција демантираше сè што ни беа пренеле работниците и изјави дека е разочаран од лагите кои ги кажувале неговите вработени.Две недели од таа несреќна изјава на овој сопственик, во неговата фабрика владее вистински хаос поради огромниот број на заболени лица, според некои проценки станува збор за над 30 лица, а, за жал, укажано ни е дека има и едно починато лице поради заболен во неговата фабрика!Повторно, вработените во конфекцијата „Ју-Ка“ побараа наша помош, по што ни објаснија дека овој сопственик наместо да ја затвори фабриката и да спроведе детално дезинфицирање на истата, дел од работниците ги испратил дома, а дел ( околу 30-тина лица ) ги задржал на работните места, поради тоа што наводно добил тендер за изработка на заштитни маски за борба со ковид 19! Самите вработени ни пренесоа дека добиле информација дека сопственикот на „Ју-Ка“ добил дојава дека ќе биде извршена вонредна инспекција, по што им наредил на сите вработени да не доаѓаат на работа со цел да се прикаже неговото “регуларно“ работење. Исто така, по информациите кои што ги добивме, на работниците им било наредено да влегуваат во конфекцијата од спореден влез, за главниот да биде прикажан како затворен за инспекциите кои доаѓале.Некои од работниците инсистираа на тоа дека сопственикот и градоначалникот се блиски пријатели и поради тоа тој работел без да се грижи за здравјето и животот на своите вработени, мислејќи само на својот профит.На вчерашната прес-конференција, градоначалникот на општина Велес – Аце Коцевски истакна дека телефонски разговарал со сопственикот на конфекцијата по што му било укажано дека работните погони не биле во функција и дека на работа оделе само административните работници, кои, исто така се работници чие здравје е загрозено, а веројатно е дека се само алиби за да се прикрие ангажманот на 30 конфекциски работници. Она што го изјави градоначалникот и она што го кажуваат работниците се две сосема различни тврдења!Поради тоа, бараме од градоначалникот на општина Велес – Аце Коцевски, и сопственикот на конфекцијата „Ју-Ка“, да се произнесат јавно на нашиве прашања:1. Дали е вистина дека конфекцијата „Ју-Ка“ е во континуран работен процес во целиот овој период откако изби новото жариште на ковид 19 во фабриката?2. Дали е вистина дека фабриката „Ју-Ка“ добила тендер за изработка на заштитни маски?3. Дали е вистина дека градоначалникот на општина Велес – Аце Коцевски, и сопственикот на конфекцијата „Ју-Ка“ се пријатели?4. Дали е вистина дека градоначалникот Коцевски и сопственикот на „Ју-Ка“ се заканувале на вработените во „Ју-Ка“ да не се шират информации поврзани со случувањата во изминатите неколку денови, а се поврзани со пандемијата?5. Дали сопственикот на „Ју-Ка“ и градоначалникот Коцевски чувствуваат морална одговорност за новите заболувања на нашите сограѓани?6. Дали сопственикот на конфекцијата „Ју-Ка“ е сѐ уште разочаран и повреден од, според него, лажните искази на неговите вработени кои што уште пред две недели укажаа на проблемот со заразени во оваа конфекција, или смета дека самиот е одговорен за заболувањето на над 30-тина велешани, се вели во соопштението од Левица.фото: Архива

Македонија | пред 5 години

Единствена Македонија: Скандал, обвинетиот во „Рекет“ Зоран Милески Кичеец во позадина ги вртел и Заев и Мицкоски

Секојдневните препукувања меѓу СДСМ и ВМРО-ДПМНЕ ни ја открија страшната вистина дека Зоран Заев и Христијан Мицкоски во позадина биле зависни  од обвинетото лице во „Рекет“ Зоран Милески Кичеец, се вели во соопштението од Единствена Македонија.СДСМ и ВМРО-ДПМНЕ на одделни прес конференции се обвинија меѓусебно дека за време на локалните избори во Охрид 2017 година и претседателските избори во 2019 година, Зоран Милески Кичеец работел за Зоран Заев и Христијан Мицкоски.Ова е во најмала рака скандалозно и опасно за државата кога Заев и Мицкоски се тепаат во јавноста да докажуваат чиј бил Кичеец. Произлегува дека Кичеец во позадина бил главен фактор околу кој се вртат Заев и Мицкоски. Поразително е за државата обвинети за криминал да доминираат во заднина над Заев и Мицкоски кои претендираат да ја управуваат државата.Единствена Македонија и Коалицијата „Никогаш северна - само Македонија имаат јасна определба за сузбивање во корен на оваа појава присутна во изминатите 30 години, рекетарски банди да доминираат на изборите а отпосле да бидат наградувани од власта, се вели во соопштението од Единствена Македонија.фото: Архива

Македонија | пред 5 години

Масакар во Лесковац, осомничениот кој со секира си ги убил таткото, маќеата и двете сестри на сослушувањето не бил комуникативен

Осомничениот Милош И (20 г.) го признал четирикратното убиство извршено со секира во Лесковац. Според последните сознанија од истрагата тој е најверојатно лице со психички проблеми и нема криминално досие.На сослушувањето Милош не бил многу комуникативен. Според истрагата причината поради што се одлучил да го изврши грозомороното убиство на целото семејство и тоа на свиреп начин со секира е омразата кон својата маќеа и нејзината ќерка.Инаку Предраг Илиќ, неговата сопруга Данијела и нивните ќерки, Сара (12) и Ана (19), која беше во шестиот месец од бременоста, биле масакрирани во куќа во центарот на Лесковац! Полицијата го уапсила Милош Илиќ (20), кој наводно е син на Предраг од првиот брак, а се проверува дали тој го извршил масакрот. 15-годишниот син на убиените Предраг и Данијела го пријавил ужасното злосторство во полиција.фото: Novosti.rs  

Македонија | пред 5 години

(ВИДЕО) Георгиески: Посветено, одговорно и чесно, водени од Вашите приоритети и потреби, ЕДНА ГОДИНА ЗАЕДНО работиме за нашиот Охрид

1 година заедно за ОХРИД. Посветено, одговорно и чесно, водени од Вашите приоритети и потреби, ЕДНА ГОДИНА ЗАЕДНО работиме за подобра иднина на нашиот Охрид, вели градоначалникот на Охрид Константин Георгиески.Тој вели: Како што Ви ветив, во правата година од мојот мандат успеавме да реализираме голем број проекти кои се од исклучително значење во повеќе сфери од општественото живеење.Отчетот на градоначалникот за првата година од неговата работа на следниов линк  https://www.facebook.com/KonstantinGeorgieski7/videos/2351620018464236/?epa=SEARCH_BOX

Македонија | пред 5 години

Советничка група на ВМРО ДПМНЕ: Шилегов иако вети ревитализација на езерото Треска, три години потоа шајка нема заковано

Градоначалникот Петре Шилегов вети дека ќе го врател сјајот на езерото Треска. Тоа е ветено во неговата програма за живот во Скопје на страница 28. Пред локалните избори Петре Шилегов вети и напиша "ревитализацијата на комплексот, се вели во соопштението од Советничка група на ВМРО ДПМНЕ.„Треска“ е истовремено и социјална и културна мерка. Заради подобра достапност на Центарот „Треска“, ќе го интензивираме градскиот јавен превоз на градот." (затворен цитат)Три години потоа езерото Треска е руинирано, зафрлено, и без ниту една инвестиција за негово ревитализација.Срамен потсетник на тоа колку Шилегов е неспособен и лажлив градоначалник. Петре Шилегов единствено се грижи од депонијата „Дрисла“ тендери да земаат роднините на Рашкоски без притоа да инвестира во развојот на животот на Скопјани. Три години по ветувањето за ревитализација на Треска тоа е зафрлен споменик на најнеспособниот градоначалник на Скопје.Шилегов вети враќање на духот на Скопје, но тој го убива духот на градот. Езерото Треска не само што не е чепнато туку е и небезбедно за случајните посетители. Шилегов веднаш да превземе мерки и инцијатива за реализација на ветеното, се вели во соопштението од Советничка група на ВМРО ДПМНЕ.фото: Иновативност 

Скопје | пред 5 години

29 лица не го почитувале полицискиот час

Во текот на изминатото деноноќие  според статистиката на МВР за периодот (10/11.05.2020 година ) по однос на забраната за движење евидентирано е дека  на ниво на целата  држава 29 лица не ја почитувале забраната за движење, при што приведени се  22 лица, а за останатите се земени податоци и ќе следуваат соодветни мерки.Исто така според статистичките податоци  за изминатото деноноќие  на 41 лице им се издадени решенија за изолација, а 16 лица потпишале изјави за самоизолација.Од страна на полициски службеници извршени се контроли кај лица во изолација и самоизолација, не се евидентирани лица кои не ја почитувале мерката за изолација и самоизолација.фото: Архива

Македонија | пред 5 години

Кој ја снимил средбата Мицкоски - Кичеец ?

Аудио „бомбите“ од средбата помеѓу лидерот на ВМРО ДПМНЕ Христијан Мицкоски и Зоран Милески Кичеец покрај препукувањата околу тоа дали Мицкоски лажел кога изјавил дека не се има сретнато со Кичеец го отворија и прашањето: „Кој снимал на оваа средба? Дали снимката е направена од Кичеец или од женското лице кое посредувало да дојде до средбата било на висока партиска функција и работи на менаџерска позиција во „Систина“.„Скопје1“ консултира неколку аудио монтажери и инженери за звук кои тврдат дека според тоа што се слуша, озвучено е женското лице, а тоа го поткрепуваат со следното:„Во моментот кога Мицкоски кажува на женското лице да земе вода од фрижидерот, таа станува, а на снимките веќе не се слуша јасно разговорот туку се слушаат шумови од движењето. Во моментите од разговорот кога таа седи на маса, најчисто се слуша нејзиниот глас, додека гласовите на Мицкоски и Милески се слушаат но јасно е дека не се најблиску до уредот со кој е снимана средбата кој според сите анализи на звукот изгледа бил прикачен на женското лице“.Официјално од ВМРО ДПМНЕ одбиваат да зборуваат за тоа кој снимал на средбата.Од извори во ВМРО ДПМНЕ се коментира дека се тие сосема свесни дека нелегалното снимање го извршила жената која работи на директорска позиција во „Систина“ и во тоа време била високо позиционирана во партијата, а уживала и голема доверба кај Кристијан Мицкоски, кој во одреден период имал голема доверба во неа.Дали раководството на ВМРО ДПМНЕ е снимано и во други прилики и колку снимки од различни средби постојат и кој каде изнесува информации од партијата ? Ова прашање се врти низ политичките и внатрепартиските кругови на ВМРО ДПМНЕ од како беа објавени снимките од средбата Мицкоски - Кичеец. Ова го отвора и прашањето какво е опкружувањето на Мицкоски , за кого тоа работи и дали луѓето од безбедносните служби кои се знае дека се блиски до ВМРО ДПМНЕ воопшто повеле сметка и помислиле на партијата која ги туркала нагоре во кариерите и која им ги давала позициите во службите ?Во меѓувреме се појавија нови снимки со лидерот на СДСМ Зоран Заев на кои тој во приватен разговор користи вулгарен вокабулар но и за овие снимки не е познато кој ги направил.

Македонија | пред 5 години

Земјотрес почуствуван утринава во Охрид, Струга и околината

Земјотрес со интензитет од три до четири степени според Европската макросеизмичка скала утрово, во 5 часот и 9 минути, е почувствуван од населението во Охрид, Струга и околината.Еепицентарот се наоѓа 114 километри југозападно од Скопје и потекнува од Охридското епицентрално подрачје.Земјотресот имал локална Рихтерова магнитуда ML3.4, а беше почувствуван од населението во Охрид, Струга и околината со интензитет од III-IV степени според Европската макросеизмичка скала.фото: Архива

Македонија | пред 5 години

Ангел Арсов: Разграничувањето на улогите на законодавната, извршната и судската власт, клучно за трансформација на Македонија во нормална држава

Интервју со Ангел Арсов, кандидат за листа на пратеници ИЕ 3 од „Македонски Концепт“Ангел Арсов – роден 1988-ма година во Кочани. По професија е историчар. Главен предмет на интерес му се општествените науки и луѓето како општествени битија. Читањето и истражувањето се негови омилени хобија. Обожува комуникација и споделување искуства. Ги шири своите познанства и стапува во контакт со нови луѓе. Обожува комуникација и интеракција со деца и млади.ПОЛИТИКА: Кој е вашиот личен мотив да се приклучите на МК Концепт?Ангел Арсов: Слободарскиот дух, Граѓанската идеја, со кои ќе се извлечат целокупните креативни потенцијали на македонското општество, неопходни да се надмине сегашната состојба на заробена или делумно слободна држава која е под закана од институционален колапс; борбата за квалитет, за слобода на приватната иницијатива; демократија наспроти партикратија. Тоа се основните белезите кои на Македонски концепт му даваат политички идентитет и оригиналност наспроти сите останати конкурентски политички понуди и субјекти.ПОЛИТИКА: Дали е ова Ваш прв политички ангажман?Ангел Арсов: Да. Единствено Македонски концепт успеа да ме убеди да излезам од широко распространета негативна перцепција во општеството зa политиката.ПОЛИТИКА: Што според Вас е пресудно за подобра иднина на државата?Ангел Арсов: На краток и среден рок тоа е деполитизацијата и департизацијата на институциите. Законите треба да важат подеднакво за сите, со безусловна примена на концептите на владеењето на правото и правната држава. На долг рок, неопходно е подобрување на квалитетот на образованието. Велам на долг рок, бидејќи плодовите од она што денес би го започнале, би ги жнееле по неколку години. Значи, неопходна е долгорочна стратегија, која би била донесена со широк општествен консензус на сите релевантни општествени чинители, чие спроведување временски го надминува мандатот на еден состав на законодавната и извршната власт, па според тоа, истиот смее да биде предмет на дневна политика, од која сите сме многу презаситени и изморени.ПОЛИТИКА: Кои се приоритетите кои политичкиот фактор треба да ги преземе со цел да направи некаква промена во Македонија?Ангел Арсов: Македонски концепт е првата политичка иницијатива со јасна граѓанска определба, која ја промовира идејата за правата и задолженијата на поединецот во неговата интеракција со државата. Тоа треба да бидат приоритети на секој политички фактор во една Нормална држава. Наспроти тоа, досегашните навики на демагогија вo процесот на пренагласување на колективните права, води кон состојби истите тие да се злоупотребуваат за создавање и легитимирање на коруптивни кланови и заткулисни центри на моќ, кои се надвор од секаква институционална и граѓанска контрола.ПОЛИТИКА: За што ќе се залагате доколку добиете прилика да учествувате во управувањето со процесите во државата?Ангел Арсов: Доколку добијам можност да имам влијание врз процесите во државата, ќе се залагам за разграничување на надлежностите на законодавната, извршната и судската власт, независност на судството и борба против тенденциите за кандидирање и ангажирање на несоодветни кадри извршната власт, што води кон девалвација на законодавната власт и преку тоа, нејзина директна контрола. Нам ни е потребен дијаметрално спротивен процес. Пратениците мора да бидат личности со интегритет, кои ќе бидат вистински контролори на работата на Владата, а не партиски послушници и обични притискачи на гласачки копчиња.ПОЛИТИКА: Како вие лично ќе придонесете кон промените кои ги предлага Македонски Концепт?Ангел Арсов: Во врска со мојот личен придонес, можам да кажам дека мојата најдобра страна е интерактивната комуникација со граѓаните и соработниците, преку која како човек чиј интерес се општествените науки, можам да пренесам мојата лична визија и младешки ентузијазам, во разбирање, развивање и имплементација на  процесите, неопходни за пренасочување општествените текови во позитивна, или подобро кажано, нормална насока.ПОЛИТИКА: Зошто проекти?Ангел Арсов: Проектите се неопходни како основен нацрт за реформи на институциите на системот. Прво, како до поквалитетни кадри. Потоа, како инструмент за собирање иновативни и креативни идеи, сѐ со цел согледување на реалните потреби на граѓаните. Тие во комбинација со професионална и стручна експертиза, ќе создадат многу пофункционални институции, а со тоа, ќе допринесат за поквалитетен живот на секој граѓанин на оваа Држава.ПОЛИТИКА: Опишете ја Македонија за 5 години од сега.Ангел Арсов: Македонија за пет години ја гледам како средно развиена земја, во која примената на европските вредности ќе создаде функционални институции, повисок квалитет на живеење и технолошки понапредно информатичко општество.фото: Македонски концепт

Македонија | пред 5 години

(ВИДЕО) На семејството Василевски им треба помош, немаат ни храна ни струја, а ќерката им оглувува

Трајче Василевски неговата сопруга и трите малолетни девојчиња  на 9 год. 4 год и 5 месечно бебе бараат помош. Живеат во влага, немаат мебел, немаат храна. Струјата им е исклучена поради неплатени сметки.  Но не е само немаштијата проблем,  неговата ќерка која има мака со едното уво и полека оглувува. Трајче моли за работа некоја полесна поради здраствените проблеми кои ги има,  но вели да е чесна.Трајче се обрати за помош, вели се надевам дека преку вашиот медиум нашата мака ќе стигне до оние кои можат да ни помогнат. Тој ни го испрати и видеото кое го има снимено ДОСИЕ каде ова семејство ги раскажува своите проблеми.

Македонија | пред 5 години

Македонското МНР им се извини на граѓаните на Србија, БиХ, Црна Гора и Хрватска за погрешната поштенска марка

Министерството за надворешни работи за МИА потврди дека преку вршителот на работи во амбасадата во Белград упати извинување до српските власти во врска со грешката направена во АД „Пошта на Северна Македонија", истакнувајќи дека е направен ненамерен дизајнерски пропуст за којшто веќе се преземени соодветни чекори.Донесени се одлуки за повлекување од употреба на спорната поштенска марка и поништување на целокупниот тираж, како и одлука за разрешување на раководителот на Бирото за филателија и одлука за разрешување на Советот за поштенски марки.Беше пренесено и официјалното извинување од страна на АД „Пошта на Северна Македонија" во кое се изразува жалење за ненамерната грешка и техничките пропусти при објувувањето на марката.Министерството за надворешни работи недвосмислено и децидно отфрла каква било поврзаност со овој немил настан, изразувајќи жалење до сите засегнати страни, на граѓаните во Србија, Босна и Херцеговина, Црна Гора и Хрватска.Регионалната соработка и добрососедските односи се главниот столб на надворешната политика на Република Северна Македонија и остануваме посветени на нашите заложби за уште посилен ангажман и соработка со непосредното и поширокото соседство во исполнувањето на преостанатите обврски и реформи на патот на европската интеграција, со силен меѓусебен амалгам и во интерес на сите граѓани во регионот, велат од МНР.фото: Архива

Македонија | пред 5 години

Георгиески: ОУ „Ванчо Николески“ го одбележува својот патронен празник, се надевам следната година соодветно ќе го прославиме

Денеска ОУ „Ванчо Николески“ го одбележува својот патронен празник. Најискрени честитки за наставниот кадар и учениците, со желби за уште поголеми училишни успеси! Се надевам дека наредната година ќе имаме можност заедно и соодветно да го прославиме овој патрон, напиша на својот ФБ профил градоначалникот на Охрид, Константин Георгиески.https://www.facebook.com/KonstantinGeorgieski7/photos/a.351826178756325/595071104431830/?type=3&theaterфото: ФБ Константин Георгиески

Македонија | пред 5 години

АЛСАТ: Мајката и синот од Велес починале на крајот од јануари

Алсат открива нови индикации за периодот на смртта на членовите на семејството Манојлов од Велес, кои откако беа пронајдени починати, тестот кај мајката беше позитивен на Ковид-19. Констатациите дадени од судска медицина велат дека Ванчо и Катерина Манојлови починале кон средината на март, може да бидат демантирани од сметките за електрична енергија.Според доказите обезбедени од Алсат, во декември Маноилови имало сметка за струја од 3.300 денари, која е платена на 17 јануари 2020 година. Во јануари, семејството потрошило електрична енергија во висина од 4.000 денари, но оваа сметка не била платена. За месец февруари, март и април немало потрошено електрична енергија туку стигнала само сметка за такса која се плаќа кога нема потрошувачка на струја.Освен сметките за струја, сомнеж во тоа кога починале мајката и синот отвара податокот дека пензиите и социјалната помош, чиј корисник бил Ванчо се платени, но дека немал кој да ги повлече, па парите кои биле исплатени за јануари и за февруари и испртени на адреса на ова семејство биле вратени во Центарот за социјална работа.Текстот во целост на Алсат

Македонија | пред 5 години

Детектор анкета: 25% од граѓаните велат дека останале без работа поради корона кризата

Една четвртина од граѓаните велат дека останале без своето работно место поради корона  кризата, покажува најновото истражување на јавното мислење кое за Детектор го спроведеИнститутот за политички истражувања Скопје.Според него, 25,8% од анкетираните велат дека или тие или некој од нивното семејство привремено или трајно останале без работа поради корона кризата, додека 67,8% оданкетираните велат дека го немале тој проблем.14,4% од граѓаните велат дека поради кризата приходите во нивното семејство се намалиле.47,4% велат дека немаат намалување на семејните приходи, додека 32,4% велат дека донекадеимаат намалување на приходите.Сепак, анкетата не покажува значителен раст на задолжувањето. Само 4,7% од анкетиранитеграѓани велат дека во овој период аплицирале или планираат да аплицираат за кредит во банка,додека 80.7% велат дека не го сториле тоа. 53,3% од граѓаните велат дека се задоволни од мерките и понудите на банките за време на кризата додека 24% велат дека не се.59,8% од граѓаните веат дека цените на храната и лековите се зголемени, 28,4% велат дека ценитеостанале исти, додека 4,9% сметаат дека имало поевтинување.Сепак, граѓаните се на ставот дека во продавниците ги има потребните производи. 86,1% оданкетираните велат дека кога пазаруваат успеваат да ги најдат сите производи во продавниците,додека 12,6% велат дека не можат секогаш се да купат.  24,1% велат дека во продавниците најтешко се наоѓа брашно, 21,3% средства за дезинфекција и чистење, додеа по 12,1% велат дека кога пазаруваат најчесто им недостасува тоалетна хартија и овошје и зеленчук.Најголем дел од граѓаните или 38,1% велат дека пазаруваат неколку пати неделно, 28,3% вопродавница одат еднаш во неделата додека 20,7% во супер маркетите по храна и други основнипотреби одат секој ден. 7,7% рекле дека пазаруваат неколку пати месечно, 2,8% само еднашмесечно, а 1,6% и поретко од еднаш во месецот.Купувањето главно се прави со директно одење во продавниците бидејќи 72,5% од анкетиранитевелат дека во овој период на корона вирусот не ја користеле можноста за онлајн купување,додека онлајн шопинг правеле 21,4% од граѓаните.Повеќе од половина од анкетираните или 56,5% велат дека не очекуваат недостаток на храна илекови поради корона вирусот додека 20,6% стравуваат дека тоа може да се случи.Во однос на анкетата која ИПИС за Детектор ја спроведе во март, може да се забележинамалување на бројот на граѓани кои очекуваат недостаток на храна и лекови поради коронакризата и тоа од 32,6% во март на 20,6% во април и раст на бројот на граѓани кои не очекуваатнедостаток на храна и лекови од 50,4% во март на 56,5% во април.58,5% од граѓаните велат дека се информирани дека поради корона вирусот, во Македонија имапристигнато помош или донација од странство, додека 41,5% велат дека немаат таквиинформации.18,6% од граѓаните велат дека најголема помош за Македонија очекуваат од Европската Унија, по3,7% од НАТО и Турција, 2,7% од Словенија, 2,2% од Кина и по 2% од САД и Русија. 31,2% велатдека помош не очекуваат од никого.Граѓаните сметаат дека на Македонија во моментов најмногу и треба финансиска помош. Ваковстав имаат 39,7% од анкетираните. 24,8% сметаат дека најнеопходна во моментов е медицинскатапомош, 14,3% сметаат дека од меѓународниот фактор ни треба помош во стручен медицинскиперсонал, 10,6% во лекови и 2,6% во храна.Истражувањето на јавното мислење по нарачка на Детектор телефонски го спроведе Институтот за политички истражувања Скопје врз репрезентативен примерок од 1123 испитаници во периодот од 21 до 24 април со маргина на грешка од плус-минс 3%.фото: детектор

Македонија | пред 5 години