Борис Мутков познат под прекарот Фантом, околу полноќ, е застрелан во близина на мостот за населбата Бардовци. Во него е пукано додека се движел во автомобил, од пукањето е ранет и пренесен во Систина на згрижување. Напаѓачите пукале во него додека се возел во својот автомобил „мерцедес“.Мутков беше еден од оние граѓани кои на 27 април влегоа во Собранието.
Македонија | пред 6 години
Зоран Аврамовиќ, 49-годишен маж од Јаребица кај Лозница загина во експлозијата на гас на бензинска пумпа која се случи вчера на бензинската пумпа „Нешковиќ“, недалеку од граничниот премин „Трбушница“ меѓу Србија и БиХ. Аврамовиќ се вратил печалба од Словачка за во родното село да ги помине празниците со најблиските, но наместо тоа загинал. .За судбината на Аврамовиќ раскажува роднина на загинатиот 49 годишен Аврамовиќ.- Зоран го преминал мостот кај Шепка за да наполни гориво и го стори тоа на првата бензинска пумпа веднаш штом го премина граничниот премин од босанската страна. Наместо да се врати назад, виде нешто како чади и се упати кон друга пумпа. Луѓето бегаа од тој правец, а тој дојде да види што е, можеби мислеше дека може да помогне, кој знае. Воглавно тој излегол од автомобилот и се прошетал нешто повеќе од дваесет метри кога се случила експлозијата. Да останеше да седи во својата кола немаше да му се случи ништо, само стаклото на автомобилот ќе му пукнеше, ништо повеќе. Тој беше кај мене вчеравчера, кој можеше да претпостави што ќе се случи. Судбина, каква ли и да е, оди во Босна за гориво и не се враќа дома. Страшно, еден таков млад човек замина - раскажува чичко на трагично настраданиот Аврамовиќ.фото: Архива
Свет | пред 6 години
Времето денеска ќе биде претежно облачно со локален дожд, а на повисоките места и на планините снег. Ќе дува умерен, долж Повардарието и во источните делови засилен северозападен ветер. Температурата ќе се движи од 4 до 11 степени. Во Скопје слично време со температура од 5 до 8 степени.фото: Архива
Македонија | пред 6 години
Министерот за внатрешни работи на Република Српска Драган Лукач го удрил на синоќешната седница на Собранието на Република Српска пратеникот на опозиската Партија на демократски прогрес Драшко Станивуковиќ и при тоа го нарекол мајмун.Лукач најпрво се јавил за збор за време на расправата за документот наречен „Програма на реформи“ за кој опозицијата тврди дека ја носи Босна и Херцеговина кон членство во НАТО, а ентитетската власт тоа го негира. Потоа Лукач му зсе заканил на Станивуковиќ (Партија на демократскиот прогрес) кој бил најгласен во острите критики на сметка на власта и тврдењата дека таа заедно со членот на Претседателството на БиХ Милорад Додик ја лаже јавноста со лажни тврдења за содржината на спорниот документ.Станивуковиќ за време на седницата на парламентот на РС делел знаменца со симболот на НАТО, на што Лукач го предизвикал да се обиде да му го направи тоа и нему.„Додека јас се борев над главата ми летаа авионите на НАТО. Гледав дали ќе ми ги истурат бомбите на глава. Не можеш да ги внесуваш тие знаменца. Ти тогаш си бил мал, но сега би требало да знаеш некои работи. Немој тоа повеќе да го правиш или ќе завршиш како знаменцата“, му кажал Лукач.Кога Станивуковиќ му пришол и го прашал со што му се заканува, министерот за полиција на седницата му удрил шлаканица пред вџашените пратеници.„Седи таму, мајмуне“, му кажал притоа Лукач на пратеникот Станивуковиќ.По инцидентот седницата на ентитетскиот парламент била прекината.
Свет | пред 6 години
Најголемата софтверска компанија од Република Бугарија, „Скејл Фокус“, во наредните 5 години е подготвена да инвестира околу 45 милиони евра, и тоа повеќе од 34 милиони евра во плати за повеќе од 300 работни места, повеќе од 6 милиони евра во давачки за Буџетот на Северна Македонија, повеќе од 3 милиони евра за закупнина на деловен простор, и повеќе од 2 милиони евра за обука и развој на вработените, истакна претседателот на Владата на Република Северна Македонија, Зоран Заев на церемонијата на потпишување на државен договор за поддршка на оваа инвестиција во нашата земја.Во своето обраќање по тој повод, премиерот Заев нагласи дека компанијата има намера активно да соработува со локалните организации, универзитети и компании, за придонес во развојот на информатичката и дигиталната технологија.„Софтверските решенија на „Скејл Фокус“ ќе се интегрираат во постоечките водечки продукти на познатите компании како што се „Ај-Би-Ем“, „Оракл“, „Мајкрософт“, „Апиан“ и други глобални компании. Техничкиот центар на оваа компанија во Скопје ќе биде продолжување и проширување на можностите на компанијата кој ќе биде организиран и управувам според најдобрата пракса на софтверската индустрија во светот. Инвестицијата на „Скејл Фокус“ ја прави Северна Македонија важно место на мапата на софтверската индустрија и на информатичката технологија“, нагласи премиерот Заев.Вицепремиерот задолжен за економски прашања, Кочо Анѓушев рече дека „Скејл фокус“е компанија којашто има канцеларии во 5 земји во светот, во Бугарија, во Обединетото Кралство, во САД, во Швајцарија и Германија и во Северна Македонија.„Софтверската компанија „Скејл Фокус“ вработува над 1000 вработени, работи за 300 клиенти во моментов на 500 проекти. Тоа е една исклучително брзо растечка компанија, а тоа го потврдува и извештајот на Фајненшл Тајмс од 2019 година, кој ја вбројува компанијата во 1000-те најбрзо растечки компании во Европа и цениме дека е добро што токму оваа компанија ќе направи своја ќерка фирма и во нашата држава“, додаде Анѓушев.Пламен Цеков извршен директор на „Скејл фокус“ по потпишувањето на договорот рече дека причината да инвестираат во Северна Македонија е во огромниот потенцијал и талентираните млади луѓе од сферата на информатичките технологии.„Сега имаат можност се вклучат во ИТ индустријата на глобален план и преку високи плати да го изградат столбот на средната класа. Притоа да останат во својата земја а да работат на европски проекти и плати. Со тоа сметаме дека ќе помогнеме дека Северна Македонија да оди побрзо на својот пат кон Европската Унија“, рече сопственикот и главен извршен директор на компанијата, Цеков.фото: Влада
Македонија | пред 6 години
Денеска на 95 годишнината од смртта на македонски револуционер, учесник во Илинденското востание - Петар Чаулев за прв пат пред јавноста беше покажан двогледот на Чаулев. Историскиот час се одржа во Спомен куќата на Христо Узунов . За животот на Чаулев говореа Д-р. Павле Митрески и Д-р. Никола Митровиќ. Митровиќ потенцираше дека двоглдот бил оставен во наследство на неговите потомци...како и копија на фотографија досега неиздадена и необјавена, а во сопственост на потомците на војводата Циркоски кој заедно со војводата Дејан Димитров ги има на сликата.Петар Чаулев во Илинденското востание бил војвода и раководител на Охридскиот револуционерен комитет, во 1911 година бил член на ЦК на ВМОРО. Учествувал во Балканските војни, во Тиквешкото и во Охридско-дебарското востание. За време на бугарската окупација во Првата светска војна бил околиски началник на Охрид. По војната учествувал со Тодор Александров и Александар Протогеров во создавањето на ВМРО. Бил потписник на Мајскиот манифест. Бил убиен од страна на Димитар Стефанов, член на ВМРО.Чаулев бил роден во Охрид на 18 декември 1881 година. Потекнува од познато охридско семејство кое во давнина го носело презимето Малечкобеговци, Всушност, презимето Малечкобеговци фигуративно го опишувало нивното богатство, споредувајќи ги со „мали бегови“. Презимето Чауле веќе го носеле неговиот дедо Ном и баба Ана, кои имале три сина: Јане, Диме и Јаким. Татко на Петар, најмалиот син Јаким, бил рибар. Мајката Флора, пак, потекнувала од повидните фамилии од пограничниот регион кон Албанија, била братучетка со познатиот Кузман Шапкарев и имала завршено учителска школа. Јаким и Флора имале повеќе деца, но сите освен Петар умреле.фото: Скопје 1
Македонија | пред 6 години
Јавен обвинител од Основното јавно обвинителство Гостивар поднесе Обвинителен акт против лице осомничено за кривично дело – Недозволено изработување, држење и тргување со оружје или распрскувачки материи од чл.396 ст.2 во врска со ст. 1 од Кривичниот законик.На 15.09.2017 година, во домот на обвинетиот во дебарското село Могорче било пронајдено полуавтоматско огнено оружје – пиштол марка „Застава“ и рамка со муниција – 6 куршуми со калибар од 6,35мм, кои ги држел неовластено.фото: Архива
Македонија | пред 6 години
Навивачката група Комити Запад заедно со Комити Драчево организираа хуманитарна акција во Домовите за лица со посебни потреби - Ластовица Аеродром и Златен Сремец. Стотици новогодишни пакетчиња со грбот на Вардар им однесоа Комитити на дечињата. -Хуманитарна акција Комити Запад, предводена од Комити Драчево во Домовите за лица со посебни потреби - Ластовица Аеродром и Златен Сремец, напишаа комитите на својот официјален ФБ профил и споделија фотографии.https://www.facebook.com/KomitiZapad87/photos/pcb.2606538706067065/2606538236067112/?type=3&theaterФото: ФБ Комити
Македонија | пред 6 години
Осум лица се повредени денеска во експлозија на бензинска пумпа во Доњи Шепак кај Зворник, оддалечен 27 километри од Лозница, Босна и Херцеговина.. Во експлозијата засега загина едно лице, а неколкумина се повредени. ёМестото на несрежата изгледа како на филм - автомобили целосно изгорени, чад и оган, рушевини на сите страни, оштетени возила.Повредените се пренесени во болницата Зворник, а едно во болницата Лозница, соопшти полицијата на Зворник.Експлозијата се случила околу 10:40 часот кога автомобил удрил во табла со инструменти за гориво. Објектот на пумпата и неколку возила се целосно изгорени. фото: Infosrpska
Свет | пред 6 години
Патниците кои успеале да го запрат брзиот трамвај во Германија, откако возачот изгубил свест додека возел, биле прогласени за херои. Во трамвајот што во неделата сообраќал низ градот Бон дошло до паника бидејќи возилото не застанувало на станиците.Во неделата во трамвај што сообраќал низ градот Бон настанала паника бидејќи возилото не застанало на неколку станици. Двајца патници упаднале во кабината на возачот кој не одговарал на никаков обид за комуникација.Една патничка се јавила во транспортната компанија за да добие насоки за запирање на трамвајот, по што патниците успеале да го запрат.Пред да влезат во кабината на возачот, преплашените патници ја повикале полицијата затоа што рачката за сопирање во итни случаи не работела.Инцидентот се случил околу 01 часот по локално време, пренесе хрватски „Индекс“.Од локалното транспортно претпријатие SWB соопштија дека рачката за итни случаи не е за да го запре возилото, туку да го предупреди возачот за проблематична состојба. Во трамвајот имало систем кој испраќа предупредување ако возачот загуби свест, но се чини дека тој не функционирал во моментот.Возачот е во болница каде се опоравува.
Свет | пред 6 години
Во рамки на активностите за подобрување на условите за следење настава, деновиве во новиот објект на ОУ “Григор Прличев“ е променета старата со нова висококвалитетна дограма.Нови прозорци се поставени во седум училници, пет кабинети и две стојалишта на првиот кат и во холовите на приземјето.Во месец јануари 2020 година општина Охрид започнува постапка за реконструкција на сите санитарни јазли во сите училишта , а ќе се продолжи и со промена на старите азбесни кровови на сите училишта на територијата на општина Охрид.
Македонија | пред 6 години
Регулаторната Комисија за енергетија, донесе одлука за промена на цените на горивата. Малопродажните цени на нафтените деривати се зголемуваат во просек за 2,25%.Малопродажната цена на бензинот ЕУРОСУПЕР БС-95 се зголемува за 0,50 ден/лит во однос на цената утврдена со Одлуката од 16.12.2019 година и со тоа малопродажната цена на ЕУРОСУПЕР БС-95 изнесува 67,50 ден/лит.Малопродажните цени на бензинот ЕУРОСУПЕР БС-98, на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за 1,00 ден/лит во однос на цените утврдени минатата недела и со тоа, малопродажната цена на ЕУРОСУПЕР БС-98 изнесува 70,00 ден/лит, малопродажната цена на дизелот ЕУРОДИЗЕЛ (Д-Е V) изнесува 62,50 ден за литар.фото: Архива
Македонија | пред 6 години
На вчерашниот турнир, во рамки на Јадранската лига за девојчиња до 17 години, кој се одржа во спортската сала „Независна Македонија“ кошаркарките на „Бадел 1862“ запишаа две нови победи во АБА лигата.Баделки на двата натпревари ги надиграа гостинските екипи од Славонски Брод, Хрватска. Тие на првиот натпревар го победија тимот на ЖКК „Брод“, со резултат 87:51. Додека на вториот натпревар кошаркарките на клубот од Кисела Вода ја надиграа и екипата на „Брод на Сави“, со резултат 59:55.На останатите два натпревари, екипата на „Струга 2009“ успеа да запише исто така две победи. Стружанки ги победија хрватките.фото: општина Кисела Вода
Скопје | пред 6 години
Претседателот на ВМРО ДПМНЕ Христијан Мицкоски утрово кажа дека доколку партијата освои 80 пратеници на предверемените парламентарни избори ќе пристапи кон менување на Преспанскиот договор и враќање на уставното име. Генерален секретар на ВМРО-ДПМНЕ Игор Јанушев вели дека оване го кажал само претседателот Мицкоски, туку дека тоа е став на партијата.„Да не очекувате дека се што ќе каже претседателот Мицкоски не е став на ВМРО-ДПМНЕ. За тоа сме дискутирале, сме завзеле став уште поодамна и нормално дека нема да бегаме од тој став бидејќи не сме ние како ВМРО-ДПМНЕ познати во јавноста како партија со дневно менување на ставовите“, вели Јанушев.Јанушев додава дека овој став на партијата не значи дека ВМРО ДПМНЕ е против НАТО и ЕУ, туку напротив.„Навистина не знам до кога ќе одиме вака со дефокус на јавноста и каква врска има едното со другото. Па ние сме првата политичка партија во Македонија, првата политичка партија во самостојна, независна и суверена Република Македонија која што оваа определба за НАТО и за ЕУ интеграциите ги имаме ставено и како програмска определба и како дел од нашиот статут. Мислам дека е веќе време за престанување со дефокус на јавноста. ВМРО-ДПМНЕ да ве потсетам дека учествуваше во сите реформски и системски закони кои помогнаа на Република Македонија и на граѓаните во Република Македонија за што побрзо да можеме да пристапиме кон НАТО, за што побрзо да ги почнеме преговорите со ЕУ. Она што го имаме во моментов е една криминално рекетарска влада. Една крајно неспособна влада, најнеспособна сигурно во историјата на државата, која што освен со замајување на јавноста, манипулации и дефокус не се занимава со ништо друго“, истакна Јанушев.фото: ВМРО ДПМНЕ
Македонија | пред 6 години
Роднините на функционерите на СДСМ и бизнис партнерите на фамилијата Заеви се имаат уклучено на најјако во грабање на државни тендери со огромни суми. Денес ќе ви презентираме крајно сомнителен тендер во која е вмешан близок роднина на висок функционер на СДСМ. Имено, се работи за тендерот распишан од страна на Јавното претпријатие за одржување и заштита на магистралните и регионалните патишта за Извршување на патни работи во зимски услови, и тоа за територија на подрачјето на Штип за сезоната 2019-2020 година, истакна Игор Јанушев, Генерален секретар на ВМРО-ДПМНЕ.Ни помалку ни повеќе, најповолен понудувач за овој тендер, на кој вредноста може да достигне и до повеќе од 300.000 евра е синот на генералниот секретар на Собранието од редовите на СДСМ – Цветанка Иванова.Зоран Иванов, син на Цветанка е сопственик на фирмата „ДИКОР ЦД“ ДООЕЛ Струмица, а воедно истиот Иванов е и бизнис партнер на Трајче Заев во фирмата „ОМНИ ГРАДБА“ ДОО Струмица која се занимава со градежништво.Многу е нејасно, чудно и симптоматично како баш оваа фирма предводена од синот на Иванова и бизнис партнер на Трајче Заев го доби токму овој тендер и тоа под исклучително сомнителни околности.Зошто сомнителни?Податоците говорат дека кога одлуката за избор е донесена на 08.11.2019 година, согласно електронскиот сајт за јавни набавки, нашите информации говорат дека токму во тој период фирмата „ДИКОР ЦД“ ДООЕЛ Струмица не ги исполнувала основните услови за добивање на тендерот кои се барало, односно не ја поседувала потребната механизација.Во тендерската документација се бара копија од валидна сообраќајна книшка и изјава со опис за техничка опрема која економскиот оператор ја има на располагање за извршување на оваа набавка за тоа дека понуденото возило односно градежна машина е со валидна сообраќајна книшка, и ги задоволува во целост карактеристиките дадени во Техничката спецификација од постапката.Нашите информации говорат дека дури после две недели, Зоран Иванов и фирмата „ДИКОР ЦД“ ја набавиле од грчка фирма потребната механизација и тоа под закуп. Машините се со грчки регистарски таблици и со налепници од грчката фирма сопственик. Ова не потсетува на случајот каде камионите на Вице Заев возеа за „СВ ИНВЕСТ“ во РЕК Битола.Прашуваме, дали најпрвин е добиен тендерот од страна на Зоран Иванов, а дури потоа е обезбедена целокупната механизација?Дали однапред се знаело дека тендерот ќе го добие токму синот на Цветанка Иванова и бизнис партнер на Трајче Заев?Дали возилата ги исполнуваат потребните стандарди согласно тендерската документација и важечки закони, а пред се дали ги исполнуваат еколошките стандарди?Дали надлежните институции знаеле за овие сомнителни работи и молчеле?Кој ќе ја сноси одговорноста?Граѓаните очекуваат одговори и тоа веднаш!Очигледно е како се располага со државните пари и како се слеваат истите во џебовите на функционерите на СДСМ.Што побрзо си замине оваа криминално - рекетарска банда од власт, толку побрзо Македонија ќе може да тргне напред.Потребна е обнова на Македонија и обновата доаѓа по 12-ти април, истакна Игор Јанушев, Генерален секретар на ВМРО-ДПМНЕ.
Македонија | пред 6 години
Од 2021 година нема да има веќе бесплатни пластични кеси во маркетите. Нијниската цена на пластичните кеси ќе биде 10 денари. Ова го предвидувааат измените на Закон за управување со отпад кој е во собраниска процедура и се очекува да бидат донесени до крајот пред распуштање на Парламентот.Како што рекоа на денешната прес-конференција на Асоцијацијата за управување со отпад при стопанската комора, ова треба да го намали бројот на пластични кеси кои се одлагаат како отпад. При тоа компаниите кои произведуваат пластични кеси во рок од една година ќе треба да го прилагодат своето производство, а граѓаните за овој период ќе треба да почнат да ги исфрлат од употреба кесите.Целта е да се селектира отпадот и да се намали употребата на пластични кеси.Од Асоцијацијата се надеваат дека измените на Законот за отпад ќе бидат донесени од страна на Собранието пред неговото распуштање.фото: Архива
Македонија | пред 6 години
Министерот за информатичко општество и администрација Дамјан Манчевски, на денешната прес конференција ја претстави надградбата на ЕНЕР. Фокусот е ставен на консултациите со сите засегнати страни при сите фази на креирање на политики и донесување на закони.„Можноста што платформата на ЕНЕР ја нуди во изминатите 10 години е од огромно значење за целокупниот процес на консултации и подготвувањето на регулативата. Од тие причини, една од првите работи што МИОА ја направи беше да го зголеми рокот за коментирање на ЕНЕР, со цел обезбедување поголем простор на сите заинтересирани да доставуваат коментари. Ова резултираше со голем пораст на бројот на посети на ЕНЕР, од 90.000 во 2014, на вкупно 2. 360.482 посети до денеска. И тука не застануваме“, информираше министерот Манчевски, осврнувајќи се на досегашните придбивки од ЕНЕР.Како што истакна министерот Манчевски, новиот ЕНЕР покрај новиот дизајн нуди и современи и практични модули. До сега беше возможна само комуникација на предлог закони. Со надградбата овозможуваме комуникација и на останатите материјали што институциите ги подготвуваат.Направените измени и надградби овозможуваат граѓаните континуирано да учествуваат во процесот на креирање на политики. Единствено преку транспарентност и учество на засегнатите страни може да се обезбеди ефикасно креирање на политики.На прес конференцијата се обрати и Гордана Гапиќ Димитровска, од МИОА, која ги претстави новите можности што ЕНЕР ги нуди.„ЕНЕР сега нуди консултација на други типови документи, како и електронско поднесување на иницијативи. Овој дел ќе овозможи граѓаните и било која друга засегната страна да можат електронски да поднесуваат иницијативи за закони или општи предлози до министерствата. Исто така, од денеска на ЕНЕР се достапни и Форум-тематските дебати. Овој дел овозможува отпочнување на online дискусии важни како за министерствата така и за граѓаните во процесот на креирање на политики“, рече Гапиќ Димитровска.Дополнинтелно ЕНЕР нуди простор и за граѓанските организации и нивните анализи, кои се во насока на процесот на креирање на политиките.фото: МИОА
Македонија | пред 6 години
Бојан Јовановски познат како Боки 13, денеска повторно се соочува со обвинителката Вилма Русковска, во врска со случајот „Меѓународен Сојуз“.За „Рекет“ осомничени се и Јасна Мандиќ, таткото на Боки 13, Миле Јовановски, Кристина Блажевска, како и Фросина Ременски. Истрагата за “Меѓународен сојуз” се однесува за измама и перење на пари.фото: Архива
Македонија | пред 6 години
И бродот „Илинден“ изваден од каналот Студенчишта. Тој сеуште е таму, но на суво. Акцијата ја изведе Капетанијата на пристаништата на Македонија и е дел од акцијата со која сите руинирани пловни објекти кои се во каналот да се извадат од таму. Трошоците за вадење паднаа на товар на сопствениците на пловните објекти - бродовите.-После долг век служба, на заслужен одмор... Бродот не е само метал. Тој има душа, тој е жив. Секој брод има своја историја која е врежана во животот на тие околу него. За брод се врзува емотивно! Противречат само оние кои не знаат за што пишувам, напиша на својот фејсбук профил капетанот на капетанија на пристаништата Горан Устијаноски.Граѓаните за жал овој брод го паметат по трагична историја. На 5 септември 2009 година во 10:30 часот, „Илинден“ потона со 57 патници, од кои 15 туристи од Република Бугарија го загубија животот.фото: ФБ Горан Устијаноски
Македонија | пред 6 години
Суд во Саудиска Арабија осуди на смрт пет лица обвинети за убиството на новинарот Џамал Кашоги минатата година. Кашоги, познат критичар на саудиската влада, беше убиен во конзулатот на Саудиска Арабија во Истанбул и неговото тело никогаш не е пронајдено. За неговото убиство им се судеше на 11 неименувани лица, додека експерт на Обединети нации повика да се истражи и евентуална вмешаност на принцот Моамед бин Салман. Тој негираше дека има каква било врска со убиството на Кашоги, но во октомври изјави дека „презема целосна одговорност како лидер на Саудиска Арабија бидејќи го извршиле поединци кои работат за саудиската влада“.Судењето се одвиваше зад затворени врати и не ги исполни меѓународните стандарди, објави организацијата Хјуман рајтс воч.Педесет и деветгодишниот Кашоги, кој пишуваше критички колумни за „Вашингтон пост“, за последен пат беше виден на 2 октомври 2018 на влегување во саудискиот конзулат.фото: Архива
Свет | пред 6 години
Претседателот на Република Северна Македонија, Стево Пендаровски, по повод смртта на академик Ѓорѓи Филиповски, упати писмо со сочувство до семејството Филиповски и до претседателот на Македонската академија на науките и уметностите, академик Таки Фити.Почитувани,Со длабоко жалење ја примив веста за смртта на академик Ѓорѓи Филиповски. Како Претседател на Република Северна Македонија, во името на македонските граѓани и во мое лично име, ве молам да ги примите изразите на најдлабоко сочувство.Како еден од тројцата основачи на МАНУ, академик Филиповски придонесе за создавање на врвната академска институција во која повеќе од пет децении се обмислува научниот, културниот и уметничкиот развој на нашата држава. Низ годините, МАНУ прерасна во вистински генератор за развој на науката и научната дејност во Република Северна Македонија, промотор на македонската уметност и култура, но и мост за поврзување со европската и светска наука и уметност. Академик Филиповски стана препознатлив како јавно ангажиран интелектуалец кој отворено и објективно зборува за предизвиците со кои се соочува не само македонската наука, туку и македонското општество. Со сето она што го направи на научен и општествен план тој не задолжи сите нас, да продолжиме да го вложуваме најдоброто од нас, независно од околностите и годините.Нека почива во мир, се вели во сочувството од Претседателот Стево Пендаровски.
Македонија | пред 6 години
Основното јавно обвинителство Велес поднесе Обвинителен акт против поранешен градоначалник на Општина Демир Капија за кривично дело – Злоупотреба на службената положба и овластување од чл.353 ст.4 во врска со ставовите 3 и 1 од Кривичниот законик.Обвинетиот од 21.02.2015 до 12.10.2017 година, како одговорно лице – градоначалник на општината ја искористил службената положба и прибавил имотна корист за друг во износ од 1.177.476 денари.Имено, по приемот на лицето-сведок на работното место – советник за правни работи и застапување, дозволил да не доаѓа на работното место, електронски да не го евидентира своето присуство и да не ги извршува своите работни задачи согласно Правилникот за изменување и дополнување на Правилникот за систематизација на работните места во општинската администрација на Општина Демир Капија. Сепак, на вработената редовно и се исплатувала месечна плата, со што на штета на општинскиот буџет и бил исплатен бруто износ од 1.177.476 денари.Обвинението е поднесено откако во текот на истражната постапка беа прибавени сите податоци кои се однесуваат на регулирањето на работните задачи за работното место на кое била примена вработената, електронската евиденција за присуство на вработените на работно место и листите за исплата на плата, беше извршено економско вештачење, а беа испитани и повеќе сведоци – вработени во Општината.фото: Архива
Македонија | пред 6 години
Апелациониот суд Скопје ги укина пресудите за предметот „Титаник 2“ против Сашо Мијалков, Мендух Тачи, Бедредин Ибраими и тројца поранешни членови на Државната изборна комисија од ВМРО-ДПМНЕ, дознава неофицијално САКАМДАКАЖАМ.МК. Според извори на порталот, пресудите биле укинати и предметот е вратен на повторно судење по насоки на Апелациониот суд поради суштествени повреди на постапката од страна на Основниот кривичен суд. Овој судски процес го водеше судијата Огнен Ставрев, а во судечкиот совет беше и судијата Осман Шабани.Тачи, Ибраими, Сајковски, Срцев и Стефановска се осудени за злоупотреба на службената положба и овластувањата, а Тачи дополнително и за поттикнување.Текстот во целост на: САКАМДАКАЖАМ.МК.
Македонија | пред 6 години
На денешната седница на Советот на Град Скопје ќе се разгледува Предлог – буџетот на Град Скопје за 2020 година.Предлог – буџетот на Град Скопје за 2020 година е изработен согласно со законските одредби и Буџетскиот циркулар – Насоки за подготовка на буџетите на единиците на локалната самоуправа за 2020 година на Министерството за финансии.Согласно со направените проценки и анализи, со Предлог-буџетот на Град Скопје за 2020 година се предлага износ од 7,3 милијарди денари вкупни приходи и други приливи. Во предлогот се планира и дел од вишокот на приходи остварен во минати години, во износ од 875.668.000 денари.Споредено со 2019 година, предложениот буџет на Град Скопје за 2020 година, се зголемува за 12%.Предлог – буџетот на Град Скопје за 2020 година е изготвен врз основа на начелата на економично и рационално трошење на буџетските средства, зголемување на фискалната одговорност, отчетност и транспарентност. Планирањето на средствата преку дефинираните програми придонесува за поголема транспарентност на планираните и извршените расходи, како и нивно рационално користење.Најголемо зголемување на планираните средства во новиот Предлог-буџет на Град Скопје има во Секторот за комунални работи каде што средствата за 2020 се зголемени за 72% во однос на 2019 година.Планираните приходи и други приливи во Предлог – буџетот на Град Скопје за 2020 година, по категории се прикажани во табелата подолу, како и поединечното учество на секоја категорија на приходи и други приливи во вкупниот буџет. Табела 1: ПРЕДЛОГ БУЏЕТ 2020 година – ПРИХОДИ ПО КАТЕГОРИИ ВКУПЕН БУЏЕТПРИХОДИ 2019 годинаПРИХОДИ 2020 година%на учество2020/ 2019ВКУПНО6.550.980.0007.346.515.000100,0112,1Даночни приходи (даноци на имот, комунални такси, надоместок за уредување и др.2.492.050.0002.631.000.00035,8105,6Неданочни приходи (административни такси, приходи од закупнина)482.930.000592.862.0008,1122,8Капитални приходи (продажба и закуп на градежно земјиште и продажба на деловен простор)501.117.000513.000.0007,0102,4Приходи од дотации1.624.309.0001.808.175.00024,6111,3Трансфери207.092.000331.000.0004,5159,8Вишок на приходи од минати години1.098.832.000875.668.00011,90,0Приходи од донации144.650.000134.810.0001,893,2Домашно задолжување0460.000.0006,30,0 Планираните расходи и други одливи во Предлог – буџетот на Град Скопје за 2020 година, по категории на расходи е прикажано во табела 2, како што следи, при што значајно се зголемени вкупните капитални расходи во споредба со планираните во 2019 година: Табела 2: ПРЕДЛОГ БУЏЕТ 2020 година – РАСХОДИ ПО КАТЕГОРИИ ВКУПЕН БУЏЕТРАСХОДИ 2019 годинаРАСХОДИ 2020 година%на учество2020/ 2019ВКУПНО6.550.980.0007.346.515.000100,0112,1ТЕКОВНО ОПЕРАТИВНИ РАСХОДИ4.411.465.0004.816.832.00065,6109,2плати и надоместоци1.367.546.0001.554.277.00021,2113,7резерви и недефинирани расходи21.000.00016.000.0000,276,2стоки и услуги1.993.123.0002.097.549.00028,6105,2каматни плаќања19.000.00021.000.0000,3110,5субвенции и трансфери842.796.000960.006.00013,1113,9отплата на главница168.000.000168.000.0002,3100,0КАПИТАЛНИ РАСХОДИ2.139.515.0002.529.683.00034,4118,2капитални расходи2.139.515.0002.529.683.00034,4118,2 Износите на секој од поединечните буџети од кои се состои вкупниот буџетот на Град Скопје за 2020 година се наведени подолу во табелата.Додека пак во прикажаниот графикон е претставена споредбата на буџетот на Град Скопје за 2020 година во однос на 2019 година. Табела 3: ПРЕДЛОГ БУЏЕТ 2020 год - ПОЕДИНЕЧНИ БУЏЕТИ БУЏЕТ НА ГРАД СКОПЈЕБУЏЕТ 2019БУЏЕТ 20202020/ 2019ВКУПНО6.550.980.0007.346.515.000112,1Основен буџет4.397.000.0004.617.668.000105,0Буџет на дотации1.702.000.0001.808.175.000106,2Буџет на самофинансирачки активности307.330.000325.862.000106,0Буџет на донации144.650.000134.810.00093,2Буџет на кредити0460.000.0000,0 Графикон 1: ПРЕДЛОГ БУЏЕТ 2020 година – ПРИХОДИ ПО КАТЕГОРИИ Графикон 2: ПРЕДЛОГ-БУЏЕТ 2020 година – РАСХОДИ ПО КАТЕГОРИИ Графикон 3: ПРЕДЛОГ-БУЏЕТ 2020 год. (поединечни буџети споредено 2020/2019 година)
Скопје | пред 6 години
Основното јавно обвинителство Битола донесе Наредба за спроведување истражна постапка против едно лице на возраст од 58-години, осомничено дека сторило три продолжени кривични дела – Полов напад врз дете кое не наполнило 14 години од чл.188 ст.1 во врска со чл.45 од Кривичниот законик.Осомничениот, повеќе пати во текот на 2019 година, во семејниот дом во Битола извршил други полови дејствија врз неговите три деца, кои биле на возраст од 13, 8 и 6 години.Јавниот обвинител до судијата на претходна постапка при Основниот суд Битола достави предлог за определување притвор за осомничениот. Судот го прифати предлогот и на лицето му определи притвор во траење до 30 дена.фото: Архива
Македонија | пред 6 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
