(Аудио) Доктор истепал медицинска сестра затоа што симнала икона од ѕид

Доктор од Здравствениот дом во Врбас физички нападнал медицинска сестра на работното место затоа што симнала икона од ѕид, јави РТС. Инцидентот се случил на крајот на минатата година, поточно на 7 декември, а за него се дознало дури сега откако на социјалните мрежи се појави аудио-снимка од настанот.[embed]https://www.facebook.com/lovac.specijalac/videos/2347488791950619?sfns=mo[/embed]Од Здравствениот дом потврдиле дека лекар специјалист по портска медицина физички нападнал медицинска сестра пред еден сведок и тоа во текот на работното време во амбулантата за спортска медицина. Надлежните отворија истрага на 17 декември кога сестрата поднела пријава против нејзиниот колега.На објавената снимка се слуша како докторот вика: „Немој да ја симнуваш Света Петка. Ма марш. Можеш и ти да останеш без глава, што мислиш сега да ти ја удрам главата во ѕид, да ти излезе мозокот, ако ми пукне филмот“.Сестрата Јелена, која сè уште е на боледување, вели дека снимката е автентична, но дека не знае кој ја направил.

Свет | пред 7 години

Наместо живот донесоа проблеми, велат од ВМРО-ДПМНЕ

Со СДСМ Македонија назадува. Првиот месец оваа година со само 1% реализирани капитални инвестиции покажува дека и оваа година нема да нови проекти и раст.Катастрофално лошото менаџирање со државата се гледа на секое поле. Со оваа власт за првпат во историјата јавниот долг надмина 5 милијарди евра и е над 50% од БДП, со што се загрозува солвентноста на државата.За само две години долгот на државата е зголемен за скоро половина милијарда евра, а во исто време нивото на реализација на капитални проекти е очајно ниско.Каде и на што се потрошија скоро половина милијарда евра? Да монтираа бројчаник како што ветуваа до сега ќе прегореше од галопирачкото задолжување.Граѓаните се оптоварени со нови милијарди кои треба да ги враќаат наредните години, а притоа не добиваат ништо за возврат. Нема плата од 500 евра, нема поголеми пензии, нема 600 километри нов автопат, нема ништо од она што го ветуваа.Наместо подобар живот донесоа повисоки даноци, нови проблеми и безпарица.Власта ги зави граѓаните во црно и затоа треба да си замине. Поразот на претседателските избори е првиот показател дека граѓаните не сакаат државата да продолжи да тоне.

Македонија | пред 7 години

Нема фотографија

СДСМ: Сите етнички заедници се обединија околу Пендаровски

“За првпат во историјата, 30 политички партии, од сите етнички заедници се обединија околу заеднички кандидат за претседател на државата.Македонци, Албанци, Турци, Срби, Роми, Власи, Бошњаци и сите останати, застанаа зад Стево Пендаровски, натпартиски, европски, граѓански - пријател и претседател на сите и за сите граѓани на Република Северна Македонија.На Република Северна Македонија и е потребен вистински Претседател, партнер и пријател на граѓаните и на иднината.Претседател со високо чувство на одговорност, државност и посветеност, кој ќе нуди решенија во интерес на сите граѓани и ќе работи на интеграцијата во НАТО и ЕУ.Тоа е Стево Пендаровски, личност што е решена и подготвена да ја води државата напред кон светла иднина, а не да ја враќа назад во темното минато.Победата на Пендаровски на претстојните избори ќе биде уште една победа на нашиот заеднички пат кон напредокот, и развојот, пат на целосна интеграција во НАТО и ЕУ”, велат од СДСМ.

Македонија | пред 7 години

Ципрас: Ќе бидам првиот премиер на Грција кој ќе го посети Скопје

Грчкиот премиер Алексис Ципрас, за време на форумот во Делфи октри дека во следниот период има намера да присуствува во официјална посета на Скопје, со што ќе стане првиот премиер на нашиот јужен сосед кој ќе дојде во нашата земја.„Набргу ќе бидам првиот грчки премиер кој официјално ќе го посети Скопје, придружуван од бизнис делегација“, најави Ципрас, а пренесува МИА.„Дополнително ќе пристапиме кон основачки состанок на високиот совет за соработка меѓу Грција и Северна Македонија, со цел да ги истражиме начините за продлабочување на нашата соработка во области од заеднички интерес“, изјави премиерот на Грција.

Македонија | пред 7 години

Пожар во фурна на “Специјал”

Ноќеска се запалил оџак од фурната “Специјал” која се наоѓа на улиџата “11 Октомври”. Засега не е познато што се зафатил огнот, но истиот е изгаснат од противпожарни единици со 2 возила.Според првичните информации причинета е штета од 40.ооо денари.

Скопје | пред 7 години

Ципрас доаѓа во Македонија

На „Делфи економски форум“ Алексис Ципрас најави дека наскоро ќе стане првиот грчки премиер што остварил официјална посета на Македонија. Во своето обраќање тој истакна дека „желбата за дијалог и за мирна коегзистенција преовладеа на двете страни“ и дека „Атина и Скопје покажаа политичка волја за победа над национализмот“.Грчкиот премиер ги нападна противниците на договорот со кој соседот се преименува во Северна Македонија, велејќи дека „тие се обидуваа да го овековечат ќорсокакот наспроти политичката експедитивност“.“Преспански договор е ремек-дело“, рече Ципрас. „Ние избравме да застанеме на вистинската страна од историјата, без оглед на политичкиот трошок и ризик“.

Македонија | пред 7 години

Нема фотографија

Се очекува дожд, целосна временска прогноза

Времето денеска во целата земја ќе биде променливо облачно со слаб локален дожд, особено во западните делови. Ќе дува умерен, вдолж Повардарието засилен северен ветер.Дневните температури ќе бидат во Скопје 13 Целзиусови степени, Маврово 6, Охрид 10, Прилеп 12, Кавадарци 15, Берово 10, Крива Паланка 9, Дојран 17 степени.Прогнозата за утре е променливо облачно со слаб до умерен северен ветер. Дневните температури ќе бидат во Скопје 11, Маврово 5, Охрид 9, Прилеп 10, Кавадарци 12, Крива Паланка 8, Берово 7, Дојран 14.

Македонија | пред 7 години

Амди се повлече, Стево ќе се трка со Гордана и Блерим

По завршување на вечерашната средба на СДСМ со коалиционионите партнери, Амди Бајрам изјави дека се повлекува од претседателската трка и ќе го поддржи заедничкиот кандидат Стево Пендаровски.-Од вечерва се откажувам од претседателската трка и се придружувам кон заедничката кандидатура. Успеав да соберам преку 10.000 потписи, туку денеска седнавме со премиерот, ради кандидатот се придружувам да не бидам посебен, туку сите заеднички и да биде претседател на сите граѓани, изјави Бајрам.Претходно професорот Блерим Река објави дека ќе учествува на претседателските избор, а веднаш потоа опозициските албански партии Алијанса на Албанците и Беса објавија дека застануваат зад него.Многу порано, ВМРО-ДПМНЕ со гласање на партиската конвенција на почетокот на месецов ја одбра професорката Гордана Силјановска Давкова како конкурент на кој ќе му се даде поддршка. 

Македонија | пред 7 години

(ВИДЕО) Пратеник во црногорскиот парламент до Талат Џафери: Терорист, срам да ви е!

На денешната седница во Собранието на Црна Гора за ратификација на Протоколот за членство во НАТО на Република Северна Македонија, присуствуваше и претседателот на Собранието на Република Северна Македонија, Талат Џафери. На опозицијата им сметаше присуството на Џафери,кој од страната на лидерот на опозициската партија, Андреј Мандиќ беше наречен терорист кој пукал во македонската полиција.Но, тука не бил крајот, за малку ќе дошло и до физичка пресметка, откако еден од лидерите на Демократскиот фронт Милан Кнежевиќ од клупата почнал да дофрла навредувачки зборови за Миодраг Вуковиќ од ДПС.

Македонија | пред 7 години

ЛДП ќе го поддржи консензуалниот кандидат за претседател

Либерално – демократската партија ќе го поддржи консензуалниот кандидат за претседател, кој ќе биде усогласен меѓу партиите на владејачката коалиција, но и со останатите вонпарламентарни партии. Оваа одлука членовите на Извршниот одбор ја донесоа на вечерашната седница.,,За Либерално – демократската партија од исклучителна важност е Република Северна Македонија да добие претседател кој ќе ги обедини сите нејзини граѓани, без оглед на нивната национална, етничка или верска припадност, но и претседател кој ќе промовира заедништво, стабилност и реформски капацитет во државата.Во овие историски моменти за нашата држава поважно од кога било е да се обединиме и заенички да градиме економски развиено, стабилно и просперитетно општество.Од своето постоење до денес Либерално – демократската партија покажала дека државните и националните интереси се секогаш на прво место”, соопшти партијата.

Македонија | пред 7 години

Јоци на ФБ: Од портпарол во ВМРОВСКА Влада до кандидат за Претседател на Северна Македонија

По обелоденувањето на името на консензуалниот кандидат, лавина коментраи на социјалните мрежи. Вообичаено Јорданка Иваноска - Јоци својот коментар го напиша меѓу првите. Таа вели:Од портпарол во ВМРОВСКА Влада и советник на ВМРОВСКИ претседател до кандидат за Претседател на Северна Македонија.Пред 5 години, Стево Пендаровски, доби 400.000 органски гласови како кандидат на СДСМ. Во време грујово, кога небото беше темно, од луѓе кои навистина веруваа во него. Иванов доби 540.000 и го победи во втор круг.Во 2019 година тој е заеднички кандидат на СДСМ-ДУИ. Со огромен багаж врз себе. Од не/работењето на двете партии чиј кандидат е, обременет со сенки, со опскурност, сокриени криминали од неговите партиски пријатели, нагрнат со изневерени очекувања.Одбројуваме.Броиме изгубени гласови.П.С Покоен Борис Трајковски, чиј советник беше Пендаровски, за СДСМ отсекогаш беше нелегитимен. Поради тоа го нарекуваа ,,граѓанинот", за во 2019, во очи избори, да му се поклонат на визиите.Морбидно, напиша Јоци на ФБ.

Македонија | пред 7 години

Започна средбата на СДСМ со коалициските партнери, Заев формално ќе го предложи Пендаровски

Со задоцнување од двасетина минути започна средбата на владејачката СДСМ со коалициските партнери и ДУИ во скопски Хилтон. На оваа средба претседателот на СДСМ, Зоран Заев ќе го предложи Стево Пендаровски за заеднички претседателски кандидат.Се очекува и формално прифаќање на предлогот на СДСМ на состанокот кој е во тек меѓу коалиционите партнери од власта.Ова го потврди претседателот на СДСМ, Зоран Заев, кој рече дека Пендаровски ќе биде предложен за консензуален претседателски кандидат на Република Македонија.Заев ја очекува поддршката од сите коалициони партнери и додаде дека останатите фаворити за претседател на СДСМ го прифатиле Пендаровски како претседателски кандидат.

Скопје | пред 7 години

Дали мижите за време на секс и што значи тоа?

Колку сте искрени со партнерот, колку сте отворени и дали разговрате пред и по сексот?Психолозите откриваат дека затварање на очите во текот на сексуалниот однос може да открие многу енигми за вашиот сексуален живот.–Според нив тоа може да значи дека не се чувствувате пријатно во врска со својата сексуалност или сексуални изразување. Исто така, на тој начин некои личности се исклучуваат од надворешните влијанија и се фокусираат на чувствата и слухот. Може да сугерира дека се трудиме да се сконцентрираме на акцијата.– Некои луѓе имаат вроден срам од сопственото тело, а во налош случај, може да се укаже на тоа дека се потполно исклучени од ситуацијата, присутни само физични а со духот на километри одалечени.Затоа, следниот патк кога ќе затворите очи за време на сексот, тоа нека биде израз на вистинско уживање.

Магазин | пред 7 години

(ВИДЕО) Неофицијлен, видео-спот за претседателските избори

Познати дел од кандидатите за престојните претседателски избори кои ќе се одржат во земјава на 21 април.Ви го претставуваме неофицијалниот видео-спот за претседателските избори....

Македонија | пред 7 години

Нема фотографија

Пендаровски изгуби од Иванов, ќе победи ли против Силјановска?

Претседателските избори во Македонија 2019 се редовни, шести, претседателски избори кои ќе се одржат на 21-ви април.  СДСМ и ДУИ вечерва го обелоденија името на консензулниот кандидат кој ќе се бори за претседателската фотеља. Тоа е Стево Пендаровски, човкот кој во моментов е национален координатор за подготовка на земјава за членство во НАТО.Пендаровски е македонски политичар, професор и аналитичар. Тој е е доцент по меѓународна безбедност, надворешна политика и глобализација, на Факултетот за политички науки на Универзитетот Американ Колеџ Скопје.По завршувањето на високотo образование, е назначен за раководител на одделот аналитика во Министерството за внатрешни работи. Покрај тоа, три години паралелно е портпарол (заменик-министер за односи со јавност) во МВР.Од 2001 е назначен за шеф за национална безбедност и главен советник за надворешна политика во кабинетите на претседателите Борис Трајковски и Бранко Црвенковски. Во 2004 и 2005 година е шеф на Државната изборната комисија.Сега веќе кога се знаат кандидатите за претседател од поголемите партии, започнува освојувањето на симпатиите од електоратот.Главен против кандидат на Пендаровски, му е кандидатот од опозициската ВМРО ДПМНЕ Гордана Силјановска Давкова.Да се потсетиме, Пендаровски беше кандидат на СДСМ и на претходните избори во 2014 год. Тогаш за избор на претседател на Македонија се бореа четворица кандидати. По вториот круг победи кандидатот на ВМРО ДПМНЕ и дотогашен претседател на Македонија, Ѓорѓе Иванов.Во 2014 водство во првиот круг остварил Иванов со освоени 448.303 гласови односно 51,65%, додека второпласиран бил Пендаровски со 326.069 гласови или 37,57% од избирачите кои гласале. Во вториот круг се пласираа кандидатите Ѓорѓе Иванов и Стево Пендаровски. Победи кандидатот на ВМРО-ДПНМЕ Ѓорѓе Иванов со освоени 534.910 гласови наспроти кандидатот на СДСМ Стево Пендаровски со 398.077 гласови.На минатите претседателски избори ВМРО ДПМНЕ победи со над 136 000 гласови разлика.Како ќе биде годинава, останува да видиме, но пред тоа да проследиме и каква кампања ќе понудат партиите и кандидатите.

Македонија | пред 7 години

Стево Пендаровски е претседателски кандидат на СДСМ и ДУИ

Стево Пендаровски е претседателски кандадат на СДСМ и ДУИ за претстојните избори закажани за 21-ви април.Заев истакна дека очекува поддршка од сите и додаде дека останатите фаворити за претседател го прифатиле Пендаровски како претседателски кандидат.Пендаровски беше кандидат на СДСМ и на претходните избори.Стево Пендаровски е македонски политичар, професор и аналитичар. Тој е е доцент по меѓународна безбедност, надворешна политика и глобализација, на Факултетот за политички науки на Универзитетот Американ Колеџ Скопје.По завршувањето на високотo образование, е назначен за раководител на одделот аналитика во Министерството за внатрешни работи. Покрај тоа, три години паралелно е портпарол (заменик-министер за односи со јавност) во МВР.Од 2001 е назначен за шеф за национална безбедност и главен советник за надворешна политика во кабинетите на претседателите Борис Трајковски и Бранко Црвенковски. Во 2004 и 2005 година е шеф на Државната изборната комисија.Неговите истражувачки области вклучуваат меѓународни односи, разузнавање и национална безбедност, геополитика, глобализацијата, надворешната политика на САД, надворешна и безбедносна политика на ЕУ, малите држави во меѓународните односи.Стево Пендаровски е дипломиран правник на Правниот Факултет при Универзитетот „Св. Кирил и Методиј“ во Скопје. Магистрира на истиот Универзитет, на Институтот за политички, правни и социолошки истражувања на тема “Новата геополитика на Република Македонија: Контрадикциите на комунистичките и транзициони матрици”. На истиот Институт докторира на тема “Надворешната и безбедносна политика на ЕУ и малите држави: Рамката на националниот дискурс”.Од 2008 година навака, е професор доктор од областите на меѓународната безбедност, глобализацијата, светската политика и САД, меѓународните организации и институции, надворешната политика и тероризмот.

Македонија | пред 7 години

Мирко Крокап Филиповиќ: Имав мозочен удар - никогаш веќе нема да се борам

 Готово е, се надевам нема да се расплачам, ама тоа е тоа, ме чека неизбежната пензија - изјави легендарниот хрватски ултимејтфајтер Мирко Филиповиќ.Тој ова го кажа вечерва во дневникот на загребска ТВ НОВА.Имав мозочен удар, крварење во мозокот. Јас денес излегов од болница и затоа сакав да дојдам овде, луѓето да видат дека сум здрав. Имав многу среќа во несреќа, но изливот нема врска со борбите, туку причините се други. Јас сега морам да се борам за живот - рече Филиповиќ.

Спорт | пред 7 години

СДСМ: ВМРО ДПМНЕ повторно лаже, листата на лекови за ретки болести е проширена, а буџетот зголемен

ВМРО-ДПМНЕ е симбол за негрижа за пациентите и урнисување на здравството. 11 години оваа партија преку своите криминални политики ги газеше правата на пациентите, ги потценуваше докторите и нивниот труд , а здравствениот систем доживеа тотален колапс, се вели во реакцијата од СДСМ.Денеска пак како опозиција преку лажни вести се обидува да манипулира со граѓаните. На овој начин, само потврдува дека има целосно несериозен пристап за сериозни прашања како што е здравјето на граѓаните.Наспроти негрижата кон пациентите од страна на ВМРО ДПМНЕ , денес Владата предводена од СДСМ дава  вистински пример за грижа кон своите граѓани.Министерството за здравство информираше дека за првпат во Република Северна Македонија е воведен електронски регистар за следење на лицата со ретки болести. Истовремено, се проширува листата со лекови за ретки болети, со тоа што минатата година се воведоа 3 нови лекови, додека за оваа година воведени се два нови лека за ретките болести.Буџетот за ретките болести, оваа година  изнесува 380 милиони денари, со заложби на Владата овој буџет да се зголеми на 450 милиони денари. За разлика од претходната  2017 година кога изнесувал 210 милиони денари и 2018 година 224 милиони денари.ВМРО ДПМНЕ наместо да шири невистини, треба да заземе посериозен пристап  за прашањаta во здравството кои се пресериозна тема. Набавката којашто ја споменува ВМРО ДПМНЕ е дел од спроведувањето на Програмата за борба против ХИВ. Програма што се спроведува со невладиниот сектор за превенција и едукација за сексуално преносливите болести. Најголем дел од планираните средства ќе се искористат за набавка на антивирусна терапија и тестови за следење на ХИВ инфекцијата, додека пак дел од средствата се наменети за едукација, велат од СДСМ.

Македонија | пред 7 години

Поповски: Владата е отворена за поддршка на медиумите

Владата е подготвена да разговара со претставници на медиумската заедница за предлози базирани на меѓународни искуства. Ова денеска го истакна министерот без ресор во Владата на Република Северна Македонија, задолжен за комуникации, отчетност и транспарентност Роберт Поповски, во своето обраќање на јавната дискусија на тема „Фонд за развој на медиумите“, којашто се одржа во Струмица. Министерот Поповски ја поздрави иницијативата на Здружението на електронски медиуми „Медиум Објектив“ и изрази задоволство да разговара за сите предлози од претставниците на медиумските здруженија, новинарите и медиумите, како и за нивните потреби и очекувања од Владата.„Целта на овие дискусии е како да се овозможи медиумскиот плурализам да опстане и новинарството да добие развојна компонента“, рече Поповски, објаснувајќи дека токму на тој начин била креирана и Програмата за поддршка на печатените медиуми, на иницијатива на ЗНМ и Здружението за заштита на националните печатени медиуми. Министерот задолжен за комуникации, отчетност и транспарентност истакна дека јазот меѓу новинарите, новинарските здруженија и сопственичките структури мора да се надмине и дека преку вакви јавни дискусии треба да се најде формула како да им се помогне на сите, базирано на меѓународни практики.„Оваа Влада нема намера да врши никакво влијание врз работата на медиумите, особено врз креирањето на содржини во информативните појаси. Намерата на Владата е да се поддржи вистинското и професионално новинарство”, истакна Поповски додавајќи дека сеуште нема одлука за тоа дали ќе има поддршка за националните, локалните и регионалните медиуми, туку дека преку дебата треба да се дојде до најдобрите решенија.Свои обраќања имаа и организаторот на настанот Димитар Мицев, претседател на Здружението на електронски медиуми „Медиум Објектив“ којшто презентираше анализа на состојбата во сферата на локалните медиуми и покрена иницијатива за формирање на фонд за развој на медиуми.Претседателот на ЗНМ, Младен Чадиковски ја изрази поддршката за изнаоѓање модели за опстанок на локалните и регионалните медиуми во насока на професионалното новинарство, но и како опсервација на локалните власти.Свои обраќања имаа и Васко Чукаров од „Здружението на приватни локални радио станици“ и Катерина Синадиновска од „Советот за етика во медиумите“, а на настанот беа присутни и претставници на речиси сите локални и регионални медиуми.

Македонија | пред 7 години

Нов инцидент на автопатот Скопје-Тетово - автобус во чад, патниците панично бегале

Нов инцидент на автопатот Скопје-Тетово откако според очевидец автобус од една скопска компанија бил целиот во чад, објави курир.мк.Сведок на настанот за порталот вели: Автобусот цел во чад беше. Патниците панично бегаа.Наскоро детали за инцидентот...

Македонија | пред 7 години

Санирање на подрачните училишта во општина Битола

Продолжува санирањето на образовните објекти во Општина Битола, кое се спроведува изминативе месеци, а ќе продолжи и наредниот период. Градоначалничката на Општина Битола, м-р Наташа Петровска, денес посети четири подрачни училишта кои работат во состав на основното училиште „Крсте Петков Мисирков“ од Бистрица, заедно со директорот на училиштето Димитар Пипилевски. Подрачните училишта, со средства од Општина Битола во вредност од над 200.000 денари добија нови печки, а во дел од нив се изведуваа градежни активности и поставување водовод.Во подрачното училиште во селото Граешница, по интервенцијата на ЈКП „Водовод“ Битола, донесен е довод и одвод во училишната зграда, што ќе им овозможи на учениците, со понатамошните вложувања на општината, да добијат тоалет кој ќе биде лоциран во училишната зграда, наместо досегашниот кој е надвор од зградата. Во наредниот период во оваа зграда ќе се врши санација и опремување на уште една училница, како и поставување на патека од патот до училишната зграда, со цел учениците и наставниците да не поминуваат каллива патека до влезот во училиштето.[caption id="attachment_29005" align="alignnone" width="1240"]  [/caption]Во подрачното училиште во селото Лажец, со средства од Општина Битола беа заменети дотраените печки на дрва со нови, кои, како што велат вработените, им штедат дрва, а на учениците им обезбедуваат долготрајна затопленост за време на образовниот процес. Во ова училиште ќе се изврши и санација на покривната конструкција.Во подрачното училиште во селото Жабени, исто така е набавена нова печка на дрва, а во наредниот период следува набавка на уште една, како и санација на училниците.На крајот од обиколката на подрачните училишта кои работат во состав на основното училиште „Крсте Петков Мисирков“, во селото Меџитлија градоначалничката ја посети новата просторија во училиштето, во која општината инвестираше за оспособување на спортска училница. Во овој објект, покрај изведбата на спортската училница, општината учествуваше и со градежни материјали и изведба на градежни работи во реконструирањето на таваните, покривната конструкција и местењето на олуците. Оваа образовна институција од страна на општината ќе добие подни плочки за ходникот и подна покаривка за спортската училница.[caption id="attachment_29006" align="alignnone" width="1240"] dav[/caption]Општина Битола им се заблагодарува на лицата кои самоиницијативно земаат учество во санација на подрачните училишта. Така, во училиштето во Граешница, сопствени финансиски средства донирал Сефер Алиевски за новата дограма, дел од инвентарот и подот, а за изградба на спортската училница во Меџитлија, финансиски средства донирал Керим Сулејмани.

Македонија | пред 7 години

(ФОТО) Подметнатите пожари во Струга оставија пустош за живиот свет

Во Струга остана само музејот да реагира на беззаконието !Фотографии кои ги објави музејот „Никола Незлобински“ на својата Фејсбук страна покажуваат пустош и екоцид за живиот свет кој настрада во подметнатите пожари во кои неколку дена гореше трската во Охридско Езеро кај Струга.Пожарите се подметнуваат намерно и паралелно со огнот, на брегот се поставува бетон за градба на дивоградби и узурпација на заштитениот езерски брег.Државата во овој случај покажа комплетна немоќ, институциите покажаа дека се целосно корумпирани, партизирани и лицата кои се на функции се или незаинтересирани и неспособни или заплашени или пак се потплатени, а дивеењето и самоволието е секојдневие.

Македонија | пред 7 години

Нема фотографија

ВМРО ДПМНЕ: Непотизмот зема замав, трудејќи се да ја дефокусираат јавноста ги поминаа сите граници

Деновиве на тапет се членовите на Унијата на млади сили на ВМРО- ДПМНЕ приведени и држани повеќе од четири часа во полициска станица само единствено затоа што не се плашат и не се двоумат да ги критикуваат глупостите на оваа власт, нивното неработење и незнаење, истакна на пресс конференција Горан Степановски од ВМРО ДПМНЕ.Вработувањето на своите блиски роднини од страна на функционерите на СДСМ зема се поголем замав и непотребно се трудат да го покријат и ја дефокусираат јавноста и со тоа ги поминаа сите граници.Иако веќе година дена јавно ги критикуваме и именуваме имињата на функционерите и нивните блиски, сепак тие не се засрамија туку напротив по истиот пример продолжија и останатите.Директорката на студентскиот дом во Битола, Соња Карапец ја вработи својата ќерка во судот во Општина Битола. Заменик градоначалникот и член на Советот на Општина Битола, Емилија Костурски го врати својот сопруг во Општина Битола. А, претседателот на Советот, Валентин го вработи својот братучед во Општина Битола. Радмила Бајоска главна сестра во Клиничка Болница Битола, ја вработи својата ќерка во Клиничка Болница, а својот сопруг во РЕК Битола.Почитувани,Ова се само дел од непоститичките вработувања во СДСМ во последните неколку месеци, очигледно наместо живот за сите, се грижат единствено за живот за нивните најблиски и прогон на нивните неистомисленици, потенцира Степановски.

Македонија | пред 7 години

Кривична апријава за командир на Полициската станица за ГП „Белановце“

Одделот за внатрешна контрола, криминалистички истраги и полициски стандарди при Министерството за внатреши работи поднесе кривична пријава против З.Д., командир на Полициската станица за граничен премин и граничен надзор „Белановце“, поради постоење основи на сомнение за сторено кривично дело „злоупотреба на службената положба и овластување“.Во текот на јануари и февруари 2018 пријавениот, спротивно на одредбите на упатството за начинот на евидентирање на реализирани часови на работа, издал и потпишал три наредби за работа подолга од полното работно време на 10 полициски службеници, за работни часови кои од страна на истите биле остварени во редовни работни смени, кои биле предвидени во месечните и дневните распореди за работа.Со ова пријавениот го оштетил Буџетот на МВР.

Македонија | пред 7 години

Штипјанка наседнала на измама преку социјална мрежа

На 28.02.2019 во 15.30 часот во СВР Штип, 54-годишна жена од Штип пријавила дека била измамена од лице кое го запознала на социјалната мрежа Фејсбук на крајот на октомври 2018. Лицето се претставило дека е од САД и дека е војник во Авганистан.Според пријавеното, во декември 2018 година и кажал дека, бидејќи бил повреден, од авганистанските власти му биле исплатени 850.000 долари, кои тој не можел да ги внесе во САД и дека парите ќе и ги испрати на неа, а таа требала само да ги подмири трошоците на агенцијата-Routenet Express за да можат парите да пристигнат во Македонија.Жената се согласила и во периодот од 26.12.2018 до 29.01.2019, во неколку наврати уплатила вкупно 7300 евра и 1590 долари на агенцијата. Парите требало да пристигнат до 20.02.2019, но до денот на пријавувањето не ги добила, по што заклучила дека била измамена.Се преземаат мерки за целосно расчистување на случајот.

Македонија | пред 7 години