Мицкоски пред Европаратениците се пожали на лошата политичка и економска состојба

Претседателот на ВМРО-ДПМНЕ г. Христијан Мицкоски денес заедно со потпретседателот на ВМРО-ДПМНЕ г. Александар Николоски во Скопје, во канцеларијата на преставништвото на Европската Унија остварија работен ручек со Европаратениците Едуард Кукан, Кнут Фленкенштајн и средба со европратениците Кристијан Дан Преда, Илхан Коучук, и евроамбасадорот Самоил Жбогар.На средбата претседателот Мицкоски ја потенцираше лошата политичка и економска состојба и доцнењето со исполнување на обврските од евроагендата. Мицкоски истакна дека власта наметнува недемократски амбиент и поделеност на општеството служејќи се со притисоци и прогон врз опозицијата и неистомислениците и во такви едни услови создадени од власта ВМРО-ДПМНЕ одлучи да го замрзне своето учество во процесот Жан Моне, ценејќи ја неговата функција но неоправдувајќи ги методите со кој се служи власта.Мицкоски посочи дека корупцијата и криминалот останува еден од главните проблеми во државата, како и недостатокотот на правна држава и владеење на право. Власта создава систем во кој имаме зависно судство, политизирано обвинителство кои се ставаат во функција на политичките цели на актуелната партија на власт. Сето ова придонесува до голем застој во реформите врзани со европската агенда која не е приоритет за актуелната влада.Од страна на ВМРО-ДПМНЕ беше истакнато дека треба да се овозможи јавен обвинител на предлог од опозицијата кој ќе се справи со сомнежите за криминал и да овозможи борба против корупцијата, и дека власта треба да го прифати ова барање доколку навистина суштински се залага за правна држава и владеење на правото.

Македонија | пред 7 години

30-годишен македонски државјанин се удавил кај Дубровник

Тело на 30-годишен македонски државјанин извадила попладнево хрватската полиција од море кај Дубровник. Како што јавува ХИНА, во тек е увид на местото и се утврдуваат околностите за смртта на мажот. Неофицијално тој се удавил.Хрватската полиција соопшти дека околу 13 часот е извлечено телото на маж, а при идентификација било утврдено дека станува збор за 30- годишен државјанин на Македонија, со постојан престој во Дубровик.Неофицијално наведуваат дека мажот паднал во морето од кое не можел да излезе. Откако бил извлечен од водите сè уште давал знаци на живот, а дека потоа починал.Во тек е увид, со кој ќе се утврдат причините за овој немил настан.

Македонија | пред 7 години

Пошумени 2 хектари со 4.000 садници во Коњаре

Министерството за земјоделство, шумарство и водостопанство, заедно со Јавното претпријатие „Македонски шуми“ денеска извршија пошумување во Коњаре. Пошумувањето е согласно Планот за чист воздух на Владата на Република Северна Македонија.„Со овие активности придонесуваме за здрава животна средина, што е најбитно за квалитетен живот на граѓаните на Република Северна Македонија. Во наредниот период носиме низа мерки и политики, преку коишто ќе дадеме силна поддршка на секторот шумарство“, изјави министерот за земјоделство, шумарство и водостопанство Љупчо Николовски. Денеска на оваа локација на површина од 2 хектари се засадија 4.000 садници од багрем, даб, јасен и аризонски чемпрес. Вакви акции за пошумување во текот на годината ќе се спроведуваат и согласно Програмата за проширена репродукција во рамки на Министерството за земјоделство,шумарство и водостопанство.„Ние се враќаме на нашите законски обврски за пошумување, согласно „Посебните планови за стопанисување со шуми”, за кои можам да тврдам дека се стручно извршени од наши вработени и што е најважно со сопствен расад од нашите расадници“, изјави директорот на ЈП Македонски шуми, Зоран Ѓорѓиев.Во новата Програма за рурален развој, оваа година за мерката „Инвестиции за зголемување на економската на шумите“, се издвојуваат 30 милиони денари. Оваа сума ќе биде наменета за обновување на шумскиот фонд преку формирање на прореди, мелиорација на деградирани шуми, како и директна и индиректна замена на неквалитетната дрвна маса со нови висококвалитетни дрвни видови.МЗШВ започнува сериозни реформи во шумарскиот сектор, со цел унапредување на шумите и шумарството во целина, преку ново финансирање за проширена репродукција на шуми, како и хармонизација на шумарската политика во рамките на процесот на приближување кон ЕУ. За ефикасна реализација на овие цели, МЗШВ има финансиска и техничка помош од ФАО, конкретно за развивање на методологијата за спроведување национален инвентар за шумите и ќе трае до крајот на година. Шумарството е влезено и во тригодишната програмска рамка на ФАО за Македонија. Дополнително, со европската ИПА 2019, за македонското земјоделство и руралниот развој планирани се 15 милиони евра, со кои за прв пат ќе се финансира и секторот шумарство.

Македонија | пред 7 години

Заев: На ЕУ ѝ треба Северна Македонија, колку што и на земјата ѝ треба ЕУ

Претседателот на Владата на Република Северна Македонија Зоран Заев, придружуван од членовите на Владата, заменик на претседателот во Владата на РСМ задолжен за европски прашања Бујар Османи, заменичка на претседателот и министерка за одбрана Радмила Шекеринска, заменик претседателот и министер за внатрешни работи Оливер Спасовски, министерката за правда Рената Дескоска, министерот за информатичко општество и администрација Дамјан Манчевски и заменик министерот за надворешни работи Андреј Жерновски, денеска ја прими во посета делегацијата од Комитетот за надворешна политика на Европскиот Парламент, предводена од членот на комитетот, естонскиот европратеник Туне Келам.Со желбите за добредојде и благодарност за посетата на членовите на Комитетот за надворешна политика на Европскиот Парламент, премиерот Заев им посака успешен исход од средбите што делегацијата ќе ги оствари во нашата земја кои ќе ги потврдат заложбите на Владата на Република Северна Македонија, за стратешката насоченост кон европска интеграција, преку интензивна и динамична работа со сите чинители и засегнати страни.Премиерот Заев ја изрази неговата и благодарноста на Владата на РСМ, како и на граѓаните на нашата земја, за несебичната поддршка на Европскиот парламент и на евро-пратениците од сите различни идеолошки групи, Европската комисија, Европскиот совет и Советот на Европската унија, како и државите членки на Европската унија, нашите соседи и многу други активни чинители, која беше клучна за цврсто да зачекориме напред.Тоа особено дојде до израз во конкретните задачи што стоеја пред Владата на РСМ како што беа преговорите со Владата на Грција со што се затвори проблем кој постоеше повеќе од 25 години и кој се трансформираше во стабилно пријателство кое треба да биде мотивација и инспирација за сите на Западен Балкан и во ЕУ.Како резултат на надминувањето на историскиот спор и високата усогласеност со стандардите на НАТО алијансата, Република Северна Македонија доби протокол потпишан од сите 29 НАТО сојузници за да стане 30-та членка на најмоќниот безбедносен сојуз кој сега е во фаза на ратификации во парламентите на државите членки на НАТО, со темпо кое ветува дека до крајот на оваа година Северна Македонија ќе биде и полноправна членка на Алијансата.Претседателот на Владата на РСМ Заев нагласи дека паралелно со овие процеси, Владата работеше напорно на клучните реформски области кои ни ги зададе Европскиот совет во јуни 2018 како услов за ефективен почеток на преговорите за членство во ЕУ во јуни 2019 година, односно реформи во правосудството, реформи во безбедносните и разузнавачките служби, борба против криминалот и корупцијата и реформи во јавната администрација.„Знаеме дека пред нас има долг пат за одење, кој ќе биде исполнет со макотрпна работа и силна волја. Но, гордо можеме да кажеме дека денес судството е понезависно од политиката, медиумите се слободни и ја контролираат власта, институциите се потранспарентни и поблиски до граѓаните, полицијата ги заштитува правата на граѓаните, немаме повеќе незаконско прислушкување, законот важи за сите без разлика колку се моќни, а економијата почнува да расте“, истакна премиерот Заев на средбата со делегацијата од Комитетот за надворешна политика на Европскиот Парламент.Премиерот Заев потенцираше дека низ политичкиот дијалог, Владата прави секојдневни напори во Собранието и надвор од него да се најде заеднички јазик со опозицијата околу најважните реформски закони и тие напори дадоа конкретни резултати.„Затоа и целосно ги поддржуваме вашите напори за негување на политичкиот дијалог. Европратениците Кнут Флекенштајн и Едвард Кукан присутни тука, како и Иво Вајгл, во рамки на Жан Моне дијалогот, одиграа круцијална улога во воспоставувањето на Пржинскиот Договор, а сега, заедно со пратениците од Собранието имаат повторно многу значајна улога во забрзување на евроинтегративниот процес на Северна Македонија“, рече премиерот Заев.Претседателот на Владата на РСМ Заев истакна дека со Стратегијата на Европската комисија за Западен Балкан за јасна перспектива за членство во ЕУ, со Самитот во Софија на тема ЕУ и Западен Балкан, со заклучоците на Европскиот совет во јуни 2018 година, и со препораката на Европскиот Парламент од ноември минатата година, со решавање на сите отворени прашања со соседите и со реформите, нашата земја го отвори патот за одлука за почеток на преговорите за членство во јуни 2019 година. Тој додаде дека очекува отпочнувањето на преговорите за членство за нашата земја да биде силен сигнал до Регионот на Западен Балкан дека процесот на пристапување и понатаму е заснован на заслуги и резултати на земја кандидат која испорачува, и која како одговор добива соодветна испорака и од ЕУ.Претседателот на Владата на РСМ Заев, во продолжение на средбата им даде збор на министрите во Владата кои информираа за најважните реформски остварувања кои се нотирани како неопходност и приоритети од страна на Европската Комисија, во заедничката стратегија за остварување резултати кои ќе ја донесат позитивната одлука на Европскиот Совет за отворање на поглавјата во јуни оваа година.Членовите на делегацијата на Комитетот за надворешна политика на вропскиот Парламент споделија нескриени честитки за оствареното во Република Северна Македонија во последните две години и нагласија дека денес, за време на нивната посета, тие гледаат една сосема друга земја – земја во процес на прифаќање на нејзиното членство во НАТО, земја која остварува позитивни резултати на планот на внатрешните реформи.На Европската Унија ѝ треба Република Северна Македонија, колку што и на земјата ѝ треба ЕУ, и токму затоа земјата треба во наредните 4 месеци да испорача силни аргументи според кои Европскиот Совет ќе биде убеден дека треба да го исполни ветеното и да бидат отворени првите поглавја од преговорите, врз основа на спроведените реформи за кои ќе биде постигнат консензус и кои ќе се реализираат во амбиент на конструктивен политички дијалог во земјата, истакнаа членовите на делегацијата на Комитетот за надворешна политика на Европскиот Парламент, на денешната средба со премиерот Заев и со делегацијата на Владата на РСМ.

Македонија | пред 7 години

(ВИДЕО) Се горат гуми во Гостивар, никој не реагира!

О2 иницијатива на својот фејсбук профил објави видео, за кое пишува дека е од Гостивар.- Запалени гуми на нива на излез од Гостивар денеска. Ќе има казнет или стандарно ќе остане непознат сторител? напишаа од О2 иницијатива на ФБ.https://www.facebook.com/o2inicijativa/videos/2187816641470761/

Македонија | пред 7 години

Синдикатот на администрација и државна управа на Македонија најавуваат штрајк од 5 март

Како Синдикат на администрација и државна управа на Македонија имаме морална, етичка и граѓанска должност и одговорност да ја известиме јавноста дека на 26.02.2019 год. испративме допис до Министерството за правда, Министер Рената Дескоска, до Претседателот на Врховен суд, Јово Вангеловскии и до Претседател на Основен суд Скопје 1 Скопје, Иван Џолев за започнување на штрајк согласно законите во Основен суд Скопје 1 Скопје, велат од Синдикатот на администрација и државна управа на Македонија- САДУ.Од таму додаваат: Иако, претходно беа известени за нашите барања, каде бараме да се почитуваат законите во државата во рокот за помирување од 5 дена, наидовме само на молк и игнорирање од истоимените институции.На 26.02.2019 год. согласно законите уредно со списоци на наши потпишани членови ја известивме Министерката Рената Дескоска, Претседателот на Основен суд Скопје 1 и Претседателот на Врховниот суд дека ние на ден 05.03.2019 год. започнуваме штрајк.Од тука почнуваат реформите во правосудниот систем во Македонија. Вработените кои што согласно законските процедури се потпишаа дека ќе штрајкуваат биле изложени на притисок со цел да се откажат од нивните намери.Немајќи “резултат“ од ваквите активности, Претседателот на Основен суд Скопје 1 Скопје ги повикал сите вработени во салата за состаноци барајќи лично до петок (01.03.2019, денес) да се изјаснат дали ќе го подржат штрајкот, дали ќе штрајкуваат или ќе го повлечат својот потпис од списокот, иако согласно Законот за работни односи не смее да се вршат такви дејствија.Нашето законско и уставно загарантирано право на штрајк е грубо прекршено, а тие како Министер за правда, Претседател на Основен и Врховен суд, како судии, треба најдобро да знаат дека за такво делување и попречување на законски загарантирано право на штрајк следува кривична одговорност.Но сепак, затскривајќуи се зад моќта на власта се определуваат да ја извршат првата реформа во слободното судство во државата.Ги повикуваме веднаш да се откажат од нивните дејствија, во спротивно, Синдикатот на администрација и државна управа на Македонија како претставник на работниците има обврска да ги заштити правата на штрајк преку законите во нашето реформирано судство.Ги повикуваме сите невладини организации кои работат во областа на човековите права и демократијата, вклучувајќи го и Хелсиншкиот комитет за човекови права, кој вчера критикуваше за недоволната активност на синдикатите, да излезат со свој став и осуда со што ќе придонесат во остварување на нашите права како синдикат.Синдикатот на администрација и државна управа на Македонија за сите активности ќе ги извести меѓународните синдикални организации каде е полноправна членка ( European public service union- EPSU и Public services international- PSI ), а преку Конфедерацијата на слободни синдикати на Македонија ќе бидат известени и Светската и Европската конфедерација на синдикати, но и Меѓународната организација на трудот, каде ќе бидат наведени сите факти и докази за кршење на законите во делот на синдикалното организирање и правото на штрајк.На крај, се надеваме дека ќе сопрат сите дејствија и после долг период ќе отпочне фер и коректен социјален дијалог и партнерство, а членовите ќе можат да ги искажуваат своите барања слободно, согласно законските одредби, со што ќе докажеме дека Македонија се наоѓа на Европски пат каде слободата е на највисоко ниво.Многу пати предупредувавме со нашата парола “ Не смеете без нас, да одлучувате за нас “ и дека и ние сме фактор за реформи, но очиглено не сме сериозно сфатени или пак не се разбира што значи синдикат и синдикално дејствување, велат од Синдикатот на администрација и државна управа на Македонија- САДУ.

Македонија | пред 7 години

ОЈО: Лице од кичевско осомничено дека при криволов извршило тешки дела против општата сигурност

Основното јавно обвинителство Гостивар донесе Наредба за спроведување истражна постапка против едно лице од кичевско за кое постои основано сомнение дека сторило кривично дело – Тешки дела против општата сигурност од член 292 став 1 во врска со член 288 став 1 од Кривичниот законик.Осомничениот, на 27.02.2019 година, вршејќи криволов во шума во кичевско, убеден дека забележал животно, испукал еден куршум од пушка. Притоа погодил едно оштетено лице, нанесувајќи му огнострелна повреда од животозагрозувачки карактер во пределот на абдоменот. Повредениот е хоспитализиран и се уште се наоѓа во тешка здравствена состојба.Со цел утврдување на фактите за настанот, надлежниот јавен обвинител издаде наредби за вештачење на трагите од крв и чаурата пронајдена на лице место, наредба за претрес на домот на оштетениот, како и наредба за вештачење на одземеното оружје. Ценејќи дека се исполнети законските основи, до судијата на претходна постапка од Основниот суд во Гостивар доставен е предлог за определување мерка притвор за осомниченото лице.

пред 7 години

Пендаровски кандидат за претседател на СДСМ и ДУИ?

Владејачката коалиција предводена од лидерите на СДСМ и ДУИ Зоран Заев и Али Ахмети вечерва на свечена координација во скопскиот хотел Хилтон ќе го утврди заедничкиот кандидат за претседател на државата, потврдија двете најголеми владејачки партии СДСМ и ДУИ. Неофицијално Стево Пендаровски ќе биде кандидатот кој ќе се бори за претседателската фотеља.Извори од СДСМ велат дека Пендаровски бил подобар од Спасовски па го исфрлил од конкуренција.Инаку Стево Пендароски беше кандидат за претседател во 2014 год, а негов против кандидат беше актуелниот претседател Ѓорге Иванов.

Македонија | пред 7 години

ВМРО ДПМНЕ: Филипче наместо терапија за ретките болести набавува 150.000 кондоми и 80.000 лубриканти

Министерот за здравство Венко Филипче наместо терапија за ретките болести набавува 150.000 кондоми и 80.000 лубриканти! Пред само неколку месеци, во октомври, владата набави 20.000 шишиња лубриканти. Сега преку министерството за здравство се набавуваат ни помалку ни повеќе 80.000 шишиња подмачкувачи, истакна Маја Славева од ВМРО ДПМНЕ.Цената која што сега Филипче ќе ја плати за кондомите „со номинален дијаметар 54-56 мм подмачкани со лубриканти, без мирис, без вкус и без боја“ се уште не е наведена. Понудата сеуште се чека.Ако во октомври владата набавила 20.000 шишиња лубриканти за невладино здружение „Егал“, за кого и за што ли му требаат на Филипче набавува 80.000 лубриканти и 150.000 кондоми?Почитувани, здравството е во колапс, граѓаните се оставени да се снаоѓаат кој како знае, нема грижа за децата, нема грижа за возрасните, нема лекови за хронично болните и за лица со ретки болести, нема доктори, скандали секојдневно го тресат здравството.Но, Филипче и оваа власт се грижат само за лубриканти и кондоми. Ваква неодговорност, вакво самоволие и бесчуствителност е незапаметена.Филипче треба да даде одговор за сите скандали кои го тресат здравствениот систем, а на интервјуа не споредува со земји членки на ЕУ од кои сме светлосни години далеку.Министерот освен што допринесе да паднеме на дното на извештајот за „Најздрави нации во светот“, друго ништо не придонесе. За ова одговорност треба да поднесе пред граѓаните и неговиот шеф Заев, истакна Славева.

Македонија | пред 7 години

Нема фотографија

(ВИДЕО) Арсовски: Епидемијата на непотизам ги зарази сите функционери и нивните роднини од СДСМ

Епидемијата на непотизам во државава се рашири во толкави размери да ги зарази сите функционери и нивните роднини од СДСМ. Упориштата на зараза се државните институции каде што има огромни плати над просекот на платата во државата, вели Димче Арсовски, Портпарол на ВМРО-ДПМНЕ.Вчера ние како ВМРО-ДПМНЕ поднесовме барање за постапување до државната комисија за спречување корупција и во прилог доставивме список на 182ца роднини во блиско крвно сродство кои се вработени во државната администрација и државните институции.Очекуваме, разврска на овој најголем случај на непотизам во историјата на Република Македонија во најбрз можен рок и во најбрз можен рок антикорупционерите да ги санкционираат функционерите на СДСМ.Дополнително, повикуваме уште еднаш, СДСМ да си погледне во редовите и уште веднаш да ги повика функционерите да си поднесат оставки, бидејќи тоа е чин на морал. Не е чин на морал еден член на семејството да си даде отказ на работа, а друг да не си даде.На прсти може да се избројат роднините што си дадоа откази на работа, дали се 4- рица или 5 -ца. Замислете само 4 или 5 луѓе од список со 182ца си дале откази од работа од морални причини и само толку се одзвале на повикот на Заев да си дадат откази како што тие викаат морални причини.Отказите на овие 4, 5 луѓе докажуваат дека навистина имало влијание врз вработувањата и со нив си ја признаа вината. Штом има признание на вината за влијание врз вработување на роднините, функционерите на СДСМ треба уште веднаш да си дадат оставки и да сносат одговорност согласно законите.Почитувани,Толку од моралот и моралните принципи на СДСМ. Затоа, СДСМ треба и мора да ги изгуби овие избори. Овие избори се шанса за граѓаните да го симнат ова зло од власт и да се спречи епидемијата на непотизам која се шири, за жал во епски размери, истакна Димче Арсовски, Портпарол на ВМРО-ДПМНЕ.

Македонија | пред 7 години

(ВИДЕО) Митрески: Лажна вест на ВМРО-ДПМНЕ е дека ќе се менуваат термините мајка и татко регулирани со закон

Јован Митрески, координатор на пратеничката група на СДСМ и коалицијата, вели дека Лажна вест на ВМРО-ДПМНЕ е дека ќе се менуваат термините мајка и татко регулирани со закон.„Значи, тоа е уште една лажна вест пласирана од ВМРО-ДПМНЕ, законот којшто е предложен во собраниска процедура има позитивно мислење и од Венецијанската комисија, и од ЕУ, Обединетите Нации, ОБСЕ и ОДХИР, така што тоа е само измислица и чиста лага пласирана од ВМРО-ДПМНЕ. Во делот на прашањето за семејството, или за бракот, бракот е дефиниран во законот за семејството кадешто јасно стои дека тоа е заедница помеѓу еден маж и една жена, или помеѓу татко и мајка, вели Митррески.

Македонија | пред 7 години

Митрески: Одиме напред, економијата е во нагорна линија

Одиме напред, економијата е во нагорна линија, успешните економски политики на Владата предводена од СДСМ даваат резултат, истакна на денешната пресс конференција Јован Митрески, координатор на пратеничката група на СДСМ и коалицијата.Во 2018 година постигнат е рекорден, историски износ на странски директни инвестиции од 624,5 милиони евра. Странските инвестиции во 2018 година се за два и пол пати повисоки од 2017 година, кога тие изнесувале 181 милион евра. Инвестициите носат повеќе пари, можности за отворање нови и подобро платени работни места, подобар животен стандард на граѓаните.Само за една година, во странските инвестиции се отвориле 4.500 нови работни места, со што позитивно се влијае врз намалување на невработеноста, на растот на платите и растот на бруто домашниот производ. Она што е особено значајно е податокот дека во 2018 во нашата економија најмногу инвестирала Велика Британија, а по неа следува Сојузна Република Германија. Тоа е потврда дека процесот на интеграција, стабилноста и успешните економски политики се препознаени и носат бројни придобивки за граѓаните.Кога зборуваме за интеграција, за членство во НАТО и ЕУ, зборуваме и за повеќе инвестиции, подобро платени работни места, силна економија и подобар животен стандард. Република Северна Македонија станува атрактивна земја за инвестирање. Годините на уназадување, стагнација и затвореност се зад нас.Почитувани,Членството во НАТО, напредокот во интеграцијата кон ЕУ, спроведените реформи и успешните економски политики отвораат можности инвестициите дополнително да се интензивираат, а со тоа да се интензивира и економскиот раст, напредокот. Остануваме посветени на спроведување на мерките што обезбедуваат економски раст, нови работни места, повисоки плати и повисок животен стандард за сите граѓани, истакна Митрески.

Македонија | пред 7 години

Нема фотографија

(ВИДЕО) Ја силувал партнерот на бабата – 11 годишно девојче стана мајка

Единаесетгодишно девојче од Аргентина стана мајка. Породувањето  било извршено со царски рез. Тоа забременило откако ја силувал партнерот на нејзината баба.Во февруари оваа година нејзината мајка побарала да се изврши абортус, но властите со недели доцнеле со одговорот.  Од клиниката пак се правдаат дека мајката прво сакала девојчето да роди и изјавила дека таа ќе го чува бебето, но подоцна се предомислила и премногу доцна побарала абортус. Новороденчето е хоспитализирано, но докторите се сомневаат дека ќе преживее.

Свет | пред 7 години

ОЈО поведе постапка за убиството во струшко Поум

Надлежен јавен обвинител од Основното јавно обвинителство Струга заедно со увидни екипи од Министерството за внатрешни работи изврши увид на лице место во струшкото село Поум каде вчера во попладневните часови беше лишено од живот едно лице на возраст од 23 години. Обвинителот издаде наредби за прибирање и вештачење на пронајдените траги, како и наредба за вршење обдукција над починатото лице.Настанот се случи околу 18.30 минути, кога на локален пат во близина на Струга со огнено оружје е пукано во сега починатиот и неговиот татко (46). Оштетените се движеле по патот со патничко моторно возило кога до нив се доближил осомничениот (22), управувајќи со друг автомобил. Осомниченото лице започнало да пука, најпрвин со пиштол, а потоа и со ловечка пушка, при што сега починатиот е смртно погоден, а неговиот татко се стекнал со тешки телесни повреди. По извршување на делото, осомничениот се дал во бегство, за подоцна самиот да се пријави во полициска станица.Надлежниот јавен обвинител донесе Наредба за спроведување на истражна постапка поради постоење на основано сомневање дека осомниченото лице сторило кривични дела Убиство од член 123 став 2 точка 3 и Недозволено изработување, држење и тргување со оружје или распрскувачки материи од член 396 од Кривичниот законик. Ценејќи дека се исполнети законските основи, јавниот обвинител до судија на претходна постапка од Основниот суд Струга ќе достави и предлог за определување на мерката притвор за осомниченото лице. 

пред 7 години

Заев му отиде на Курц: Разговаравме за соработка, добивме понуда

Премиерот Зоран Заев вчера во Виена се сретна и со австрискиот канцелар Себастијан Курц, а беше и негов почесен гостин на Виенскиот Бал.„Искористивме прилика да се видиме со Канцеларот Курц, кој важи за голем пријател на целиот Балкан, но и нашата Република Северна Македонија и кој ја поддржува интеграцијата на државата и во Европската Унија па дури и во НАТО иако Австрија не е земја членка на НАТО. Но, целиот овој период, од самостојноста на Северна Македонија, Австрија важи за една од нашите најголеми поддржувачи“, рече Заев по средбата.Секако, додаде тој, поддршките што последниве години доаѓаа се важни, од поддршката за Преспанскиот договор до реформите дома и сега за она што се случува во делот на економијата бидејќи на еден начин поврзани сме со компании од Австрија.„Искористивме прилика да разговараме и за економска соработка зошто за нас сега тоа е многу значајно.  Веќе добивме една конкретна понуда којашто дома ќе ја разгледаме, за австриска компанија и нејзин влез во инвестициите на Клиничкиот центар, преку евтино финансирање од страна на Австрија, со дополнителен грант, којшто ќе ги намали севкупните трошоци за инвестирање во самиот Клинички центар. Деталите ќе ги добиеме на писмено и дома ќе ги разгледаме за да може да се исконсултираме со опозицијата, со стручните луѓе, со експертите. Верувам дека тоа ќе даде можност за брза постапка за самата реализација на Клиничкиот центар“, рече Заев.

Македонија | пред 7 години

Две деца прегазени од џип во Скопје

На 28.02.2019 околу 12.35 часот на улица „Алија Авдовиќ“ во Скопје, патничко возило „Фолксваген туарег“, управувано од С.Р.(31) од Скопје, удрило во две деца-пешаци на возраст од девет години.Децата биле пренесени во градската општа болница „Свети Наум Охридски“, каде кај едното биле констатирани тешки телесни повреди, а кај другото телесни повреди.Извршен бил увид на местото и се работи на целосно расчистување на случајот.

Скопје | пред 7 години

Пет сообраќајки го „тресеа“ Скопје

Во текот на изминатиот ден (28.02.2019 година) на подрачјето на Секторот за внатрешни работи Скопје се случиле вкупно пет сообраќајни незгоди од кои една сообраќaјна незгода со тешки телесни повреди, една со телесни повреди и три сообраќајни незгоди со материјална штета.Во сообраќајните незгоди едно лице се здобило со тешки телесни повреди и едно лице се здобило со телесни повреди. Од преземените мерки и активности констатирано е дека 27 возачи управувале возила со брзина поголема од дозволената. Од сообраќај се исклучени 26 возачи од кои: тројца возачи затоа што управувале возила под дејство на алкохол, 18 возачи управувале возила без да се стекнат со право за управување на моторно возило и пет возачи затоа што биле возачи-почетници.Исто така исклучени од сообраќај се и 16 возила бидејќи 11 биле нерегистрирани и пет возила биле технички неисправни.Санкционирани се тројца возачи поради поминување на крстосница на црвено светло, двајца возачи поради недавање првенство на минување на пешаци, четворица поради неправилно престројување, еден возач поради неправилно престигнување, двајца поради недавање првенство на минување на возила во зона на крстосница, тројца возачи поради непоседување пропишана зимска опрема, 11 поради неносење сигурносен појас за време на управување на моторно возило и 14 возачи поради користење на мобилен телефон при управување на возило.Во однос на пешаците санкционирани е еден пешак поради поминување коловоз вон пешачки премин. Во текот на изминатиот ден издадени се 104 мандатни платни налози и 85 возила се подигнати со специјално возило "пајак".

Скопје | пред 7 години

23-годишниот стружанец со кола ги пресретнал убиниот и неговиот татко

На 28.02.2019 околу 19 часот во Полициската станица Струга било пријавено дека истиот ден околу 18 часот на локалниот пат село Делогожда-село Поум, на место викано „Кодра бум“ У.В.(22), управувајќи патничко возило „Голф“ со струшки регистарски ознаки, бил пресретнат од патничко возило „Голф“ со скопски регистарски ознаки, управувано од В.Б.(46) од село Поум, во кое бил и неговиот син З.Б.(23).Според пријавеното, В.Б. и З.Б. излегле од возилото и со секири тргнале кон У.В. со кого од порано имале нерасчистени односи. У.В. испукал повеќе куршуми и ги погодил З.Б.и  В.Б., по што заминал од местото и се пријавил во Полициската станица Струга.Од случајни минувачи повредените биле пренесени во Медицински центар Струга, каде кај З.Б. била констатирана смрт, додека В.Б. бил задржан на лекување. По наредба на Јавен обвинител, телото на починатиот е дадено за обдукција. Се преземат мерки за расчистување на случајот.

Македонија | пред 7 години

„Летаа“ казни во Битола

Полициски службеници во Секторот за внатрешни работи Битола на 28 февруари извршиле контрола за брзина, зимска опрема, управување без возачка дозвола, нерегистрирани возила, непочитување првенство, исправност на возилата, товарни возила, сигурносен појас, светло и алкохол, при што биле контролирани 428 возачи и возила.При контролата, констатирано е дека 19 возачи управувале возило со поголема брзина од дозволената, еден возач управувал без возачка дозвола, а кај тројца возачи има утврдено присутво на алкохол.Нерегистрирано било едно едно возило, на мобилен телефон разговарале три возачи и двајца возачи не користеле сигурносен појас.Пет возачи се писмено опоменати, а на 42 возачи изготвени им се мандатни платни налози и ќе се соочат со соодветни глоби, а исто така, изготвени се и 17 прекршочни налози. Исто така, при контролата откриени се и други 27 различни прекршоци.

Македонија | пред 7 години

Вечерва во хотел „Хилтон“, СДСМ и ДУИ ќе го кажат името на кандидатот за претседател

СДСМ и ДУИ вечерва во хотелот „Хилтон“ ќе го кажат името на кандидатот за претседател. Средбата ќе се одржи во 20 часот, а потоа, ќе се каже и конечниот став на коалициониот партнер. Според информациите, двете партии ќе имаат заеднички кандидат.Висок функционер од СДСМ вчера за Плусинфо брифираше дека изборот на заедничкиот кандидат за шеф на државата е стеснет помеѓу министерот за внатрешни работи Оливер Спасовски и националниот координатор за НАТО, Стево Пендаровски. Од ДУИ пак, брифираат дека сѐ уште во игра се четирите кандидати, односно Спасовски, Пендаровски, министерот за надворешни работи Никола Димитров и вицепремиерката и министерка за одбрана Радмила Шекеринска.Алијансата за Албанците и БЕСА, пак, соопштија дека ќе ја поддржат номинацијата на амбасадорот и универзитетски професор Блерим Река.

Македонија | пред 7 години

Хелсиншки за „родител 1 и 2“: Во ниту еден закон не се менуваат термините „мајка“ и „татко“

Хелсиншкиот комитет за човекови права ги осудува лажните вести кои се пласираат во медиумите, а се однесуваат на предлог Законот за заштита од дискриминација, во период кога демократските чинители во земјава се борат за негово итно усвојување.„Овој закон, кој треба да гарантира еднаков третман и заштита на сите граѓани во земјава, веќе подолго време е блокиран во Собранието од страна на ВМРО ДПМНЕ и ДУИ. Се наоѓаме во недозволива ситуација кога закон што регулира основни човекови права е предмет на партиски калкулации. Истовремено, преку медиумите и социјалните мрежи се шират дезинформации околу содржината на овој закон, за на небулозен начин да се оправда ваквото недемократско и анти-европско однесување на политичките партии.  За дополнително појаснување за сите кои се впуштија во ширење на извртена вест, нагласуваме дека во ниту еден предложен или донесен закон не се предвидува замена на термините „мајка“ и „татко“ со „родител 1“ и „родител 2“. Тоа е теза нафрлена во форма на прашање од страна на политичка партија што е против предлог-Законот за заштита од дискриминација“, велат оттаму.

Македонија | пред 7 години

Бејли дојде во Македонија си отиде од Северна Македонија: Се гледаме!

Aмериканскиот амбасадор во Скопје, Џес Бејли на Твитер и се заблагодари на Северна Македонија за гостопримството, пријателството и љубезноста.„До следно видување“, напишал Бејли.

Македонија | пред 7 години

Нема фотографија

Џафери и се спротистави на Русковска: Вината за Вељаноски е кај вас

Одговорноста за евентуално бегство на Трајко Вељаноски кому не му беше одземен имунитетот не може да се бара во Парламентот, туку ќе биде кај судот, рече претседателот на Собранието Талат Џафери на брифинг со новинарите.-Одговорноста ќе биде кај Судот кој треба да го обезбеди присуството на сите осомничени и обвинети, кажа Џафери.Обвинителката Вилма Русковска откако пратениците не му го одзедоа мандатот на Вељаноски, кажа дека одговорноста за евентуалното бегство ќе биде кај пратениците.

Македонија | пред 7 години

Продолжува зазеленувањето на Општина Аеродром

Општина Аеродром деновиве продолжи со засадување нови дрвја и со обновување на зеленилото на кружниот тек во Стар Аеродром, како и во дворовите на основното училиште „Браќа Миладиновци“ и детската градинка „Сонце“.Во оваа акција се засадуваат околу 800 садници, од кои повеќето се даб, липа, јавори, а се садат и јуниперуси и леланди.Општина Аеродром и есента спроведе голема акција во која беа засадени повеќе видови високостеблести дрвја на различни локации на целата територија. Набавени се над 1800 садници, за што од буџетот на Општината се издвоени 8 милиони денари.Општината останува посветена на раззеленувањето на просторот, како долгорочна мерка за зачувување на здравата животна средина.

Скопје | пред 7 години

Започна постапката за субвенционирање на граѓаните за набавка на клима уреди

Градот Скопје, како една од мерките против загадувањето на воздухот, денеска го објави јавниот повик за субвенционирање на граѓаните за купување инвертери и други современи уреди за затоплување.Со јавниот повик се опфаќаат сите инвертер клима уреди кои се купени од 1 јануари 2019 година и ќе трае заклучно со 30 ноември 2019 година или до исцрпување на предвидените финансиски средства од Буџетот на Град Скопје за оваа намена.Субвенционирањето на граѓаните на подрачјето на Град Скопје за набавка на посовремени уреди за затоплување за 2019 година ќе се финансира од Буџетот на Град Скопје за 2019 година. Висината на субвенцијата ќе биде во износ од 50% од вредноста на уредот, но не повеќе од 15.000 денари со вклучен персонален данок на доход, додека јавниот повик ќе се реализира согласно со принципот „прв дојден прв услужен“.На Јавниот повик немаат право на учество жителите (домаќинствата) кои имаат станбен објект со приклучок на градско централно греење без оглед на тоа дали го користат, кои имаат можност за приклучување на системот за централно греење, како и жителите (домаќинствата) кои имаат станбен објект во фаза на градба и не живеат во истиот.Целосниот јавен повик со условите и критериумите за аплицирање граѓаните можат да го видат на следната интернет врска –www.skopje.gov.mk/Uploads/JavenPovik/Јавен повик за инвертори.pdf  

Скопје | пред 7 години