СДСМ: За само 20 месеци рекорден број странски инвестиции

Успешните економски реформи на Владата предводена од СДСМ ја вратија довербата во нашата економија и позитивно влијаеа на создавање поволна клима за инвестирање што резултира со рекордни странски инвестиции во земјава, се вели во соопштението од СДСМ.Според соопштениете информации од пресметките на Владата, бројот и вредноста на странските инвеситции за последниот квартал од минатата година, како вкупно за целата 2018 година, се највисоки од независноста до сега.Странските инвестиции во земјава минатата година обезбедиле нови 4.500 добро платени работни места, со што директно влијаат на намалување на невработеноста, го јакнат бруто домашниот производ, се зголемува извозот, платите растат а со тоа се подобрува и животниот стандард на граѓаните.За само 20 месеци во Технолошко индустриските развојни зони во државата инвестирале 17 странски компании. Дополнително, по ратификацијата на Договорот од Преспа во грчкиот парламент, нови шест компании донеле одлука да инвестираат во нашата земја, а најавени се 120 милиони евра инвестиција и од германска но и од компании од други држави надвор од Европа.Решвањето на спорот со Грција, успешните евроинтеграциски процеси и најавеното членство во НАТО обезбедија стабилност и поволна клима за инвестирање.Без да се потроши ниту еден денар на промоции и реклами, преку посветено и одговорно работење, Владата предводена од СДСМ од уназадена економија, успеа да создаде конкурентно стопанство атрактивно за странските и домашните инвеститори, стои во соопштението од СДСМ.

Македонија | пред 7 години

Петровски: Водам на анкетите за претседател

„Нема анкета на која не водиме. Споделете љубов“, напиша на својот фејсбук профил поранешниот функционер на ВМРО-ДПМНЕ, а подоцна основач и претседател на партијата Демократска Десница, Филип Петровски.Тој учествуваше на партиската конвенција на најголемата опозициска партија ВМРО-ДПМНЕ, како кандидат за претседател на Република Северна Македонија од таа партија, но не беше избран од делегатите. На конвенцијата како кандидат за претседател од оваа партија беше избрана професорката Гордана Силјановска Давкова.По ова петровски се одлучи да собира потписи, како самостоен кандидат за Претседател на Македонија.

Македонија | пред 7 години

Тодор Петров достави нова граѓанска иницијатива за распишување референдум за името

Нова граѓанска иницијатива за собирање најмалку 150.000 избирачи за распишување на дополнителен референдум за одлучување на граѓаните на целата територија на Републиката. И овој пат иницијтор е Тодор Петров кој до Собранието достави 157 потписи од граѓани кои бараат распишување на референдум на кој ќе треба да се одговори со за или против на прашањето: „Дали сте за промена на името на државата Македонија во држава Северна Македонија?“Слична иницијатива на Петров беше отфрлена како неуредна пред еден месец, бидејќи не била во согласност со Законот за референдум, бидејќи прашањето кое беше поставено било пред донесување на актот кој го уредува тоа прашање. Петров наведува дека изменетите амандмани на Уставот стапиле на сила на 12. Февруари.

Македонија | пред 7 години

(ВИДЕО) Приказна со среќен крај: Изгубената срна се врати кај семејството, нивните реакции бесценети

Изгубена, па пронајдена. Или кратко замина, но се врати. Срната Бамби, се врати во семеството во село Белица – Кичевско. За неа ова е дом каде се чувствува безбедно. Слободно оди и јаде во домот на едни домаќини и семејство.[embed]https://www.facebook.com/211004172631/posts/10156366360877632?sfns=mo[/embed]Вистинска реткост е да се погледне ваква работа говори еден од мештаните, бидејќи овие животинчиња се нежни и мили и треба долго време да стекнат ваква навика. 

Магазин | пред 7 години

Собраните потписи од онлајн петицијата за разрешување на професорката Билјана Ванковска, стигнаа во МОН

Говорот на омраза преку Фејсбук статус на професорката Билјана Ванковска потикна 1800 лица да се потпишат на онлајн петицијата за разрешување на Ванковска. Петицијата ја започна активистот Ваљон Елези, два дена по трагичната несреќа кај селото Ласкарци во која животот го загубија 15 лица. Тој ја достави петицијата до архивата на Министерството за образование.Според Елези Легитимно и законско право да доставам барање и мислам дека институциите со одлуките кои ќе ги донесат нема да ја засегнат автономијата на Универзитетот. Реакциите беа такви кон Ванковска бидејќи таа ширеше говор на омраза, вели тој.Елези упати апел до министерот за образование, Арбр Адеми, со ингеренциите што ги има да ја отстрани професорката од државниот универзитет Св. Кирил и Методиј.Инаку дента кога се случи автобуската несреќа, професорката Билјана Ванковска на Фејсбук напиша: “Каква трагедија и иронија – Карпалак“.

Македонија | пред 7 години

Танасоски: Поуспешна и поорганизирана борба против царински измами, недозволената трговија и криминал

Во борбата против организираниот прекуграничен криминал, кој е поставен во главниот фокус на работата на Царинската Управа, од клучно значење е воспоставувањето на институционална соработка со што поголем број релевантни институции, со цел учество во заедничките акции, размена на информации, сознанија и добри практики.„Во таа смисла, за интезивирање на соработката со Центарот за спроведување на законот во Југоисточна Европа (SELEC) и државите кои учествуваат во неговото работење, која за жал во изминативе години не била со оптимален капацитет, денес во просториите на Царинската управа остваривме средба со Генералниот директор на Центарот за спроведување на законот во Југоисточна Европа (SELEC) г-ѓа Снежана Малеева.На средбата, на заедничко задоволство и Царинската управа и SELEC ја потврдија заедничката намера за максимално искористување на расположивите инструменти и поволностите кои ги нуди центарот, со што ќе се постигне поуспешна и поорганизирана борба против царински измами, недозволената трговија и криминал“, истакна директорот на Царинска управа Ѓоко Танасоски.

Скопје | пред 7 години

Шпаркасе ја купува Охридска банка

Од Сосиете Женерал Груп информираат дека одговорните лица во компанијата потпишале договор за продавање на Охридска Банка Сосиете Женерал на Штаермаркише Банка и Шпаркасе АГ, објави ohridpress.com.mk.– На 28-ми февруари 2019 година во Скопје, Сосиете Женерал, бул. Хаусман бр. 29, 75009 Париз, Франција (29 boulevard Haussmann, 75009 Paris) („СЖ“) (акционер на Охридска Банка кој во моментот поседува 384.844 обични акции со право на глас издадени од Охридска Банка) и Штаермаркише Банка и Шпаркасе АГ, Шпаркасенплац 4, 8010 Грац, Австрија („Штаер“), постигнале договор согласно кој, и под одредбите и условите предвидени во таквиот договор, СЖ ќе и ги продаде на Штаер акциите кои ги поседува во Охридска Банка. Предвидената продажба на акциите издадени од страна на Охридска Банка ќе биде извршена преку тендер во понуда за продажба составена во согласност и условена со одредбите и условите (вклучувајќи ги правилата кои се однесуваат на конкурентски понуди) на Законот за преземање на акционерските друштва (Службен весник на Република Северна Македонија бр. 69/2013, 188/2013, 166/2014, 154/2015, 23/2016 и 248/2018). Денес, управниот одбор на Охридска Банка прими од Штаер намера за преземање на сите акции издадени од страна на Охридска Банка (“Намера за преземање”), информираат од банката.Додаваат дека порамнувањето на трансакцијата е очекувано да се случи во наредните месеци, имајќи предвид дека истото е предмет на обезбедување одобрувања од страна на Народната банка на Република Северна Македонија, Комисијата за хартии од вредност и Комисијата за заштита на конкуренцијата, како и сите неопходни странски регулаторни и антимонополски одобрувања.– Охридска Банка АД Скопје, Сосиете Женерал Груп, во изминатите неколку години бележи рекордни резултати во своето делување, позиционирајќи ја банката на петто место на најголема банка по висина на средства, кредити и депозити на македонскиот банкарски пазар, активна во делувањето и со сегментот население и корпоративни клиенти. Во наредните неколку месеци, Сосиете Женерал Груп и Штаер заедно ќе работат на добивање на потребните дозволи. Охридска Банка АД Скопје ќе продолжи да го услужува населението и корпоративните клиенти со истото ниво на квалитет и посветеност, спремајќи се за непречена транзиција за клиентите, обезбедувајќи притоа стабилност на нивниот однос со банката, информираат од банката.Инаку Скопје 1 уште во месец ноември 2018 год пишуваше дека Се окрупнува банкарскиот сектор во земјава и дека Народна банка треба да даде позитивен одговор , поточно дозвола за овој чин.Се обративме до Народна банка од каде не информираа дека има потреба од консолидација на домашниот банкарски систем, но досега ни една банка не побарала„Согласно со Законот за банките, за добивање дозвола за статусни промени, банката е должна да поднесе барање до НБРМ. Документацијата, постапката и критериумите за добивање дозвола за статусни промени на банка се пропишани со Одлуката за издавање дозволи донесена од Советот на НБРМ, јавно достапна и на институцијалната веб – страница. Во случај на добивање барање за статусна промена, а врз основа на оценка за исполнуавње на критериумите се донесува решение за издавање дозвола или за одбивање на барањето. Рокот за донесување на решението е регулиран со Законот за банките (член 22), јавно достапен на веб – страницата на НБРМ.НБРМ, во повеќе наврати го има изнесено својот позитивен став за потребата од поголема консолидација на домашниот банкарски систем, преку окрупнување по пат на спојување или присоединување на банките во системот согласно со регулативата. Цениме дека доколку се случи процес на консолидација, тој особено би бил значаен за помалите банки, кои поради економијата на обем, на подолг рок би се соочувале со предизвик за остварување на доволно високи и стабилни приходи кои би им обезбедиле континуиран позитивен финансиски резултат и долгорочна перспектива за функционирање. Меѓу другото, окрупнување на банкарскиот систем би значело и ефективно натамошно зголемување на конкуренцијата, што би требало да доведе до проширување на лепезата на производи кои ги нудат банките, а под конкуретни услови, ни рекоа од НБРМ во дописот кој ни го испратија на 28 ноември 2018 год.Инаку информација дека се продава Охридска банка ги растревожи вработените во банкарскиот сектор во земјава. Тие стравуваат дека сега ќе има отпуштања од работа.

Македонија | пред 7 години

Неда Арнериќ се обидела да се самоубие - лекарите се борат за нејзиниот живот

Славната актерка Неда Арнериќ се обидела да се самоубие во својот стан. Неда Арнериќ, една од најголемите српски и југословенски актерки се обидела да се самоубие сношти во нејзиниот стан во Белград, пренесува српски „Курир“.Нејзиниот брат пријавил на полицијата дека Неда не му одговара на телефонските повици. Во домот на актерката веднаш пристигнала полицијата, пожарникари и бравар. Вратата била заклучена со клучот од внатрешната страна.Браварот и пожарникарите, заедно со братот влегле во станот и ја нашле актерката онесвестена. Таа давала знаци на живот, а покрај неа била кутија од лекови. Арнериќ во тешка состојба, е итно пренесена во болница. Пред три години, таа под непознати околности падна од станот на својата тераса и се здоби со повеќе тешки повреди.„Скокнав од тераса затоа што ми се смачи овој живот. Мојот сопруг е болен“, му рекла Арнериќ тогаш на анестезиологот пред операцијата.Сопругот на Арнериќ, познатиот хирург Милорад Мештеровиќ, почина на средината на декември минатата година.

Магазин | пред 7 години

ВМРО-ДПМНЕ Фракција: Згнасени сме од евтината глума на Заев и Ахмети

„Демократската Фракција на ВМРО ДПМНЕ е вџашена и згнасена од неодговорниот однос и евтината глума на самоумислените ,,цареви” Зоран  Заев и Али Ахмети. Во ситуација кога едниот од нив го изневерува својот коалиционен политички другар и јавно повторно ја покажува длабоко всадената љубов кон поранешениот долгогодишен партнер, тие без око да им трепне глумат сложна фамилија. Со насмеани усти од едното до другото уво, тие дури и на македонски јазик ја покажуваат нивната ,,идила”. Замислете за помалку од еден час во име враќање на меѓусебната љубов и почит договориле заедничко дете (консензуален кандидат за претседател).Тоа што дел од нивните послушни деца свесно ја попречуваат кривичната постапка за 27 април, штитат други деца пратеници обвинети за тероризам и притоа свесно го кршат Уставот и деловникот и не е така битно, зошто палавоста на децата е плод на воспитувањето и наредбите од родителите цареви. А кога е од царевите тоа мора да се испочитува до крај!. Евентуална одговорност за стореното или нестореното може да причека за некое идно време, откако ќе порасне ,,зачнатото консензуално” дете. Се разбира доколку не заборавиме до тогаш. А тоа што ,,консензуалното” дете во бракот од интерес ќе стои на стаклени нозе и може да се случи да не прооди или пак тоа што ќе ги налути нивните помали браќа и сестри, е најмалу битно во оваа ситуација. Не е битна ниту закажаната конвенција, ниту срамот и потсмевот на кој ќе бидат изложени останатите други деца и оние кои невино и наивно влетале во оваа брачно политичка заедница од интерес на ,,царевите” дадени од господ.Битно е тоа што ,,прва и последна секогаш е нивната”, се друго е само епизода која брзо се заборава. Демократијата, процедурата и широкиот консензус и не се прашања за децата, за тоа се прашуваат и договараат исклучиво самоумислените ,,цареви”. Тоа што децата во бракот од интерес и лажна љубов се голи и боси, царевите не сакаат сега да им го соопштат, туку кога малку ќе потпораснат и ќе разбираат малку повеќе“, се вели во соопштението на Демократската Фракција на ВМРО-ДПМНЕ.

Македонија | пред 7 години

Додека кај нас секој ден се создаваат нови депонии во Копер направиле уникатен парк

Словенечкиот град Копер на Јадранското море е побогат за еден интересен јавен проект кој е сместен на самиот брег на градот.Новиот „централен“ парк во ова место го имаат дизајнирано од словенечкото студио „Енота“ кои на градот му имаат подарено искривени пешачки патеки кои со обликот го следат брановитиот облик на паркот, а целиот облик од далечина повеќе изгледа како природата да го има направено, а не како да е тоа изграден објект.Паркот е поврзан со шеталиштето и се наоѓа на самиот брег, што претставува почетна точка на Ривиера која го поврзува Копер со Изола.Инаку, „Енота“ овој проект го има добиено на конкурс, а вкупниот буџет изнесувал три милиони евра. Паркот се простира на површина од 26 илјади квадратни метри, а соработници во проектот виле од студиото „ Spicy Garden“ кои се задолжени за пејсажната архитектура и „ Nom biro“ кои имаат вршено инженерски, механички и електро-технички работи на проектот. Од студиото велат дека станува збор за иновативен распоред на паркот, поделен на основни блокови со брановиден облик. Нивната контролирана позиција во просторот, во комбинација со изречената топографија на зелените површини, нежно ја одделува целата површина на паркот во индивидуални интровертни програми, додека градината е збогатена со домородните медитерански растенија. Блоковите на некои места се претвораат во препреки за децата, некаде ја играат улогата на ѕидовите за качување, а некаде ги покануваат пешаците да ги користат на невообичаен начин и создаваат нови патишта за себе. Базен, прскалки, вештачки гејзери и каскади се само некои од елементите што ги поттикнуваат минувачите за активно користење на просторот. Покрај тоа, бидејќи постојат добри шанси дека новата градска плажа ќе биде поврзана со паркот, овие елементи делуваат повеќе од погодно место.Извор : Порта 3

Магазин | пред 7 години

Нема фотографија

Денес и утре сончево со температури до 20 степени, од сабота промена на времето

Денес времето ќе биде претежно сончево со значителен пораст на дневната температура, која ќе се движи од 9 до 15 степени.Во Скопје времето ќе биде сончево со температура од 0 до 13 степени.Во петок во поголем дел од земјава максималните вредности ќе достигнат меѓу 15 и 20 степени. Зголемување на облачноста со услови за слаб локален дожд се очекува во сабота.

Македонија | пред 7 години

Промена на режимот на сообраќај на делницата Градско - Неготино

Сообраќајот на државните патишта се одвива непречено, по претежно суви коловози.На ден 27.02.2019 (среда) и 28.02.2019 (четврток) и 01.03.2019 (петок) ќе се изведуваат градежни работи при поставување на индуктивни јамки за броење на возила на Автопат А1, делница Градско-Неготино за што ќе се изврши промена на режимот на сообраќај.Денес 28.02.2019 (четврток) од 09:30ч. до 10:00ч. ќе има прекин во напојувањето со електрична енергија во тунелите кај Демир Капија на автопатот, поради изведување на електричарски работи од ЕВН.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Нема фотографија

Мицкоски: Вечерва имам холограмски дуел со премиерот

Претседателот на ВМРО-ДПМНЕ, Христијан Мицковски гостуваше во „Печат на неделата“ каде водеше жесток дуел со новинарот Сашо Ордановски кого Мицкоски го нарече бард на новинарстово, но и дека има чувство дека во емисијата води холограмски дуел со премиерот.Мицкоски кажа дека Гордана Сиљаноска Давкова е иден Претседател на Македонија и дека консензуалниот кандидат на СДСМ и ДУИ е само нивни заеднички кандидат кој е таков за да го намали поразот на следните избори и за да се продолжи политичката кариера на лидерите на тие две партии.Интервјуто на моменти имаше и висок тон.

Македонија | пред 7 години

(ВИДЕО) Креативни средношколци - „Од литиумска батерија до антидепресив”

Проектот на тема „Од литиумска батерија до антидепресив” е изработен со учениците Ана Филипче и Филип Николовски кои во текот на редовната настава постигнуваат надпросечни резултати и кои покажуваат поголем интерес за проширување на стекнатите знаења. Со тоа кај учениците се развиваат креативни способности за примена на знаењата во секојдневниот живот.Учениците го изработуваа проектот под менторство на проф. Билјана Стевоска и во соработка со ЈНУ „Хидробиолошки завод”-Охрид.Инспирирани од желбата за истражување и експериментирање како и популаризирање на хемијата како интересна и иновативна наука која зазема клучно место во многу аспекти на животот и нејзината примената во медицината, учениците како идни студенти на Медицинскиот факултет го изработија експериментот„Од литиумска батерија до антидепресив” . Креативноста во овој експеримент е тоа што преку издвојување на литиумот од литиумска батерија и низа други хемиски процеси , учениците добија литиум карбонат кој претставува активна супстанца на антидепресивите. Придобивката би била рециклирање на литиумските батерии со што ќе се заштити животната средина и натамошна употреба на литиумот во медицински цели. Учениците проектот го презентираа пред професорите и своите соученици и на настанот„ Ноември – месец на науката” во Скопје.Овој проект беше реализиран во хемиските лаборатории на ЈНУ „Хидробиолошки завод” и ОСУ „Св.Климент Охридски”. Голема благодарност до раководниот тим и вработрните во ЈНУ „Хидробиолошки завод”– Охрид.

Македонија | пред 7 години

Диносаурусите од Ченто од денес поставени во Зоолошка

Во Зоолошката градина во Скопје денеска е поставен еден од трите диносауруси, скулптури на уметникот Андреј Миневски. Тие се изработени од рециклиран железен отпад и досега беа во паркот во населбата Автокоманда.Диносаурусите во Зоолошката ќе стојат до јуни.„Со донирањето на овие скулптури, авторот се вклучи во нашата кампања за разубавување на Зоолошката, ‘Креирај и донирај‘“, велат од Зоолошка.

Скопје | пред 7 години

Нема фотографија

Земјотрес во Грција, почувствуван и во Македонија

Земјотрес со интензитет од 4,5 степени е регистриран во Микрополи, Грција. Земјотресот е почувствуван во Македонија и Бугарија.Епицентарот бил на оддалеченост од 74 километри од Ново Село.Засега нема информации за предизвикани материјални штети и повредени.

Свет | пред 7 години

Ахмети на последното прашање одговори на македонски јазик

Претседателот на ДУИ, Али Ахмети по средбата со премиерот Зоран Заев на сите поставени прашања одговараше на албански јазик, а Бујар Османи преведуваше.На последното прашање во врска со потпретседателот на СДСМ, Мухамед Зекири, тој одговори на македонски.„Јас имав средба со претседателот на СДСМ, а не со потпретседателот“, изјави Ахмети и си замина.

Македонија | пред 7 години

Шилегов: До сега ќе ја срушевме дивоградбата на Матка, ама немаме ингеренции

Градоначалникот Петре Шилегов жали што градот Скопје нема ингеренции да ја сруши дивоградбата во Сарај.-Доколку би имале ингеренции, досега дивоградбата ќе била срушена, изјави Шилегов на прашање од новинарите во врска со дивопоставената метална платформа на Матка која веќе е покриена со дрвени даски.Шилегов изјави дека државниот инспекторат треба да излезе да лице место и апелираше до општината Сарај да почнат да работат и да не дозволуваат дивеење, пренесува Прессингтв.мк.

Македонија | пред 7 години

Ахмети: На овие избори ќе излеземе со заеднички претседателски кандидат со СДСМ

Имавме значително содржински состанок со Заев. Разговаравме за настаните во нашата земја и регионот. Се разбира дека една од суштинските теми беа претседателските избори, изјави Али Ахмети по средбата со премиерот на Република Македонија, Зоран Заев.„Направивме суштинска анализа имајки во предвид дека треба да воспоставиме стандард во нашата земја иако за тоа имаше обиди претходно, но беа неуспешни, за да дадеме здрава порака до нашите граѓани дека имаме доволно зрели политички партии и општество кои можат да донесат заеднички одлуки за претседател на државата. Се договоривме на овие избори да излеземе со заеднички кандидат за претседател на државата, и ова да стане стандард и во иднина.Секако дека се разговара за имињата кои се спомнуваат во медиумите и во наредните денови ќе има состаноци за да се одлучи еден од нив. Ќе има состаноци и со другите политички партии за да и они се здружат со оваа добра иницијатива за нашата земја“, изјави Ахмети.

Македонија | пред 7 години

Да бидеме хумани - потребни се средства за хируршка интервенција на 4-годишната Сибора

Семејството на 4-годишната Сибора Малетај од Скопје, која боледува од канцер на глава со дијагноза (EWING SARCOM/PNET), со апел до сите хумани граѓани бара да се соберат средства за хируршка интервенција и лекување на малото девојче во Турција.„Републичкиот фонд за здравство на Македонија не ни дозволува, односно не исплаќа парични средства за хируршка интервенција и лекување во странство“, велат од семејството и додаваат дека операцијата првично изнесува 35.000 евра и е последна надеж за оздравување на Сибора, објави република.Над четиригодишното девојче досега се извршени две операции на канцер на глава. Првата во Македонија , а втората кон крајот на месец декември 2018 во Турција.Сите хумани граѓани кои имаат броеви на „Македонски телеком“, може да донираат по 100 денари со повик на телефонскиот број 070/143-131.

Македонија | пред 7 години

Амди Бајрам лут: Ми го одземате правото да поставам прашања пред јавноста, ние не сме фактор?

Се налути пртеникот Амди Бајрам. Тој побара од колегите пратеници да се откажат од своето право да постават прашања, за да може јавно да ги постави своите прашања до министерот за внатрешни работи и до народниот правобранител.-Ова втор пат вака да ми правите, прошлиот пат се откажав. Ми го одземате правото да поставам прашања пред јавноста. Ние не сме фактор? Без разлика што сум Ром, има проблеми што треба да ги поставам за Ромите. Втора седница чекам да поставам прашање до МВР и до народниот правобранител. Не можам да дојдам до израз. Бидете хуманитарни, пуштете ме да поставам пратеничко прашање, народот бара од мене. Јас сум тука и поддржавам се, но што значи ова, кои игри се прават овде? Значи јас како Ром не би требало да учествувам во овој парламент, и што сега – да си дадам оставка? – рече тој.

Македонија | пред 7 години

Му рекла да застане, но тој извршил обљуба - Кавадарчанка пријавила силување

На 26.02.2019 во 15.30 часот во Полициската станица Кавадарци, 29- годишна девојка од Кавадарци пријавила дека на 24.02.2019 година околу 22.30 часот во нејзината соба нејзиниот познаник И.А.(28) од Кавадарци извршил обљуба врз неа. Според пријавеното, тие прво почнале да се бакнуваат, по што таа му рекла да застане, но тој ја извршил обљубата.И.А. бил пронајден и со него бил извршен разговор во полициска станица. По Наредба на јавен обвинител Ј.П. ќе биде спроведена до институтот за судска медицина во Скопје за преглед и вештачење . Се работи на расчистување на случајот.

Македонија | пред 7 години

Демократската партија на Турците дава поддршка за заеднички кандидат за претседател

Заеднички претседателски кандидат, којшто ќе ја обедини цела држава и граѓаните, независно од националната или верската припадност, беше тема на разговор на денешната средба што ја имаше претседателот на СДСМ Зоран Заев со претседателот на Демократската партија на Турците во Македонија Бејџан Илјас.На состанокот присуствуваа и Александар Кирацовски генерален секретар на СДСМ и Миле Зечевиќ организациски секретар на партијата, како и пратеникот од ДПТ Јусуф Хасани и партискиот генерален секретар Енвер Хусеин.Претседателите на двете партии констатираа дека има заемна желба за заеднички настап и се согласија дека за иднината на Република Северна Македонија е од исклучително значење да се дојде до заеднички кандидат за претседателските избори, кој ќе промовира единство, рамноправност и стабилност на земјата.Претседателот на СДСМ Зоран Заев нагласи дека партиските консултации околу обезбедување поддршка на заеднички претседателски кандидат веќе привршуваат и се одвиваат во позитивна насока. Тој изрази задоволство од подготвеноста на партиите и во рамките на Коалицијата што ја предводи СДСМ, но и од останатите партии да се обединат околу еден заеднички претседателски кандидат.Претседателот на ДПТМ Бејџан Илјас изрази уверување дека СДСМ преку внатрепартиските разговори, но и преку преговорите со останатите парламентарни и вонпарламентарни партии ќе дојде до најдобриот кандидат за претседателските избори. Тој најави дека ДПТМ активно ќе се вклучи во предизборната кампања, особено за промоција на претседателскиот кандидат кај припадниците на турската етничка заедница.

Македонија | пред 7 години

(ВИДЕО) УМС ВМРО ДПМНЕ: Власта без никакво образложение во полициската станица приведе членови на ВМРО-ДПМНЕ

Власта уште еднаш покажува во пракса дека во Република Македонија дека правната држава е суспендирана. Денеска власта на Заев и Спасовски без никакво образложение во полициската станица зад нас неколку членови на УМС на ВМРО-ДПМНЕ ги држеше 4 часа, истакна Јован Јаулески, Претседател на УМС на ВМРО-ДПМНЕ.Власта е исплашена од граѓаните, а особено од младите и затоа спроведува политички прогон врз сите неистомисленици и слободомислечки граѓани.Младите нема да ги исплашите. Младите се предводникот на промените кои следуваат.Почитувани претставници од власта, ударот врз младите е удар врз државата. Не можете да ги оправдате вашите лоши политики со спроведување терор, прогон и сеење на страв.Насилието мора да запре. Криминалот не смее да биде пракса. Откако сте на власт имаме 9 неразјаснати убиства, запалени автомобили, секојдневни грабежи и безредие. Власта не ја остварува нејзината основна задача - чување на редот и мирот.Тргнете ги рацете од младите. За целото незаконие кое го спроведувате ќе одговарате кога ќе се врати правната држава и демократијата во Република Македонија, со доаѓањето на ВМРО-ДПМНЕ на власт, истакна Јован Јаулески, Претседател на УМС на ВМРО-ДПМНЕ.

Македонија | пред 7 години

Ограбиле 9 куќи, заработија кривична пријава

Надворешната канцеларија за криминалистички работи Кичево поднесе кривична пријава против Н.Р.(27) од Кичево и Л.А.(27) од село Грешница, кичевско, поради постоење основи на сомнение за сторени седум кривични дела „тешка кражба во обид”, кривично дело „тешка кражба” и кривично дело ,,кражба”.Во периодот од декември 2018 година до 13.02.2019 на подрачје на Кичево, во девет куќи, пријавените, со употреба на сила влегувале внатре и одзеле разни алати и апарати, со што предизвикале материјална штета од околу 100.000 денари.

Македонија | пред 7 години