Заев и Димитов нема да одговараат за велепредавство, отфрлена кривичната пријава на Светскиот македонски конгрес

Надлежен јавен обвинител од Основното јавно обвинителство Скопје донесе Решение за отфрлање на кривичната пријава поднесена од Светскиот македонски конгрес на 14.09.2018 година против две лица за повеќе кривични дела – Повреда на угледот на државата, Излагање на подбив на македонскиот народ и припадници на заедниците, Велепредавство, Загрозување на независноста, Здружување заради непријателска дејност, Несовесно вршење на службата и Самовластие.Пријавата беше поднесена против лицата во својство на министер за надворешни работи и претседател на Владата и во неа се наведува дека тие сториле и кривични дела – Терористичко загрозување на уставниот поредок и безбедноста и Злоупотреба на службена положба и овластување за кои, согласно законската надлежност, претходно се произнесе Основното јавно обвинителство за гонење на организиран криминал и корупција.Според подносителот на пријавата, пријавените делата ги извршиле склучувајќи ја Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации. Притоа пријавените постапиле спротивно на уставната обврска да го штитат уставниот поредок и суверенитетот, а со промена на идентитетот на нацијата ја загрозиле унитарноста и независноста и државата ја довеле во положба на потчинетост или зависност кон странска држава.По проучување на наводите во пријавата, надлежниот јавен обвинител утврди дека во дејствијата на пријавените не се содржани битни елементи на наведените кривични дела.Имено, за да може водењето на преговорите за промена на името на државата во кривично-правна смисла да се смета за повреда на угледот на државата и излагање на подбив на македонскиот народ и припадниците на заедниците, потребно е кај пријавените да постои јасно утврдена намера насочена кон потсмев, омаловажување и обезвреднување на Републиката. Во Преамбулата на Спогодбата, двете страни потписнички се обврзуваат на почитување на начела, принципи и стандарди кои се меѓународно прифатени, а со цел решавање на разликите околу името и зацврстување на добрососедските односи. Притоа, намерата за исмејување, како посебен субјективен елемент на противправноста не е содржана во дејствата на пријавените.Кривичното дело – Велепредавство може да му се стави на товар на некое лице единствено ако со употреба на сила или сериозна закана се обиде да го измени уставниот поредок на државата или да ги собори највисоките државни органи. Во дејствијата на пријавените нема примена на сила, ниту сериозна закана како средство за изнудување определена одлука или поведение.Кога станува збор за кривичното дело – Загрозување на независноста, пријавените при потпишувањето на Спогодбата, не биле ниту под влијание, ниту пак имале помош од државата кон која нашата земја би се довела во потчинетост или зависност, што се клучни елементи на битието на ова кривично дело.Надлежниот јавен обвинител констатираше дека во дејствијата на пријавените при потпишување на спогодбата не постои заговор за вршење велепредавство или други кривични дела, па со самото тоа не постојат ниту елементите на кривичното дело – Здружување заради непријателска дејност.Во однос на кривичното дело – Несовесно работење во службата, потребно е од страна на службено лице да бидат преземени дејствија кои претставуваат повреда на законските прописи за судир на интереси или за совесно постапување при вршење дискреционо овластување, со пропуштање должен надзор , со што се прибавува корист за себе или друг или пак на друг ќе му биде нанесена штета. Во овој случај не може да стане збор за постоење намера за прибавување корист или нанесување штета, односно ваквите наводи во пријавата се базираат на претпоставки на пријавителот за кои нема можност за докажување.Кривичното дело – Самовластие од член 392 став 1 од Кривичниот законик, пак, се гони по приватна тужба и за ова дело јавниот обвинител не е овластен тужител.Имајќи ги предвид наведените факти, надлежниот јавен обвинител донесе Решение за отфрлање на кривичната пријава, бидејќи пријавените дела не се кривични дела за кои се гони по службена должност.

Македонија | пред 7 години

Јавната чешма во Драчево со небезбедна вода за пиење

„Пристигнаа резултатите од испитувањата на Институтот за јавно здравје, кој е овластена и акредитирана институција за испитување на здравствената безбедност на водата. Сите, освен еден од проверените постоечки каптирани извори-јавни чешми на територија на општина Кисела Вода, имат безбедна вода за пиење.На селската чешма во селото Драчево, која е единствена која не ги задоволи критериумите за бактериолошка исправност, е поставена табла со указ за небезбеднот на водата за пиење.Општина Кисела Вода преку Институтот за јавно здравје прави редовни проверки на изворите и јавните чешми два пати во годината, со цел да ги предупреди граѓаните во случај резултатите да покажат неисправност на водата за пиење“, велат од Општина Кисела Вода.

Скопје | пред 7 години

Нема фотографија

(ФОТО) Скопје се гуши - денеска на второ место на листата на најзагадени градови во светот

Главниот град на Македонија, Скопје во моментов е втор град по загаденост во светски рамки. Индексот на загадување во Скопје изнесува 164. На оваа листа пред Скопје се наоѓа само Дака во Бангладеш.Според податоците од 7 часот утрово најзагадено, било во Карпош, во подрачјето кај Ректоратот и во Центар, додека воздухот немал висока загаденост, во населбите Гази Баба и Лисиче.Сепак останува нејасно кои се официјалните податоци за загаденоста во Лисиче и Гази Баба, затоа што мерните станици веќе подолг период не ја мерат концентрацијата на ПМ10 честичките. 

Скопје | пред 7 години

МПС: Итно ставање на дневен ред на Собранието на Законот за социјална заштита и дополнувањето на Законот за заштита на деца

„Ние, членките на Македонската платформа против сиромаштија и нашите пријателски организации, изразуваме згриженост за одлагањето на донесувањето на Законот за социјална заштита и дополнувањето на Законот за заштита на деца и бараме нивно итно ставање на дневен ред на Собранието.Со оглед на алармантната ситуација со сиромаштијата во земјата, неопходно е веднаш да се отпочне со новите решенија со кои се прави обид за суштинска реформа на системот на социјалната заштита и начинот на кој ќе се овозможуваат услугите од социјална заштита. Исто така, сакаме да истакнеме дека овие предлози ги адресираат нашите забелешки кои се однесуваат на системски недостатоци и недоволните капацитети на институционално ниво во социјалната заштита, а се нотирани и во меѓународни извештаи кои се однесуваат на оваа сфера.Во годините наназад постојано апелиравме дека се потребни измени за да се воведат нови услуги, дека е неопходна соработка помеѓу секторите за социјална заштита, образование и здравство, да се подобри функционирањето на Центрите за социјална работа, како и тоа да се воведе минимален адекватен приход кој ќе ја замени постојаната паричната помош која не ги дава посакуваните резултати. Исто така, во секоја прилика повторувавме дека недоволен е капацитетот на државните институции за спроведувањето на националната политика за социјална заштита, и можеби клучното, дека социјалните работници се претежно задолжени за административни барања, со недоволно време и внимание на терен за поддршка на оние на кои им се потребни услуги од социјална заштита.Во оваа прилика сакаме да се повикаме и на Извештајот за Македонија на Европската комисија за 2018 година, во рамки на поглавјето 23 - Правосудство и фундаментални права, каде се констатираат одредени состојби во однос на заштитата на правата на децата. Имено се нотира дека „нема продолжување на Акцискиот план за децата кој истече во 2015 година. Децата Роми и децата со посебни потреби сè уште страдаат од стигма, дискриминација и сегрегација, особено во образованието и другите услужни сектори. Иако е постигнат одреден напредок во последните години, постои ограничена координација во спречувањето и реагирањето на насилството врз децата. Не постои унифициран систем за собирање податоци и следење (на повеќето аспекти поврзани со состојбата на децата). Исто така, државата има многу мал капацитет да обезбеди помош, заштита и грижа за децата. Службите за заштита на децата се фрагментирани и итно е потребен интегриран систем за детска заштита кој го става детето во центарот на системот. Мерките и ресурсите за спречување на насилството и малтретирањето во училиштата сè уште не се доволни“.Оваа држава, која себеси се идентификува како социјална и претендира за членство во ЕУ, не смее да одолговлекува измена на две клучни законски решенија, директно поврзани со областа на заштита на човековите права во структурата на ЕУ правото.Неопходно е отворање на јавна дебата и дискусија за придобивките на законите и итно усвојување на законските решенија за што побрзо да почнат реформите во социјалната сфера.Затоа, денеска, на светскиот ден на социјалната правда, бараме и очекуваме, народните избраници да ги издигнат на приоритетно место, и да се заложат за исполнување на потребите на граѓаните од областа на социјалната заштита“, се вели во соопштението на Македонската платформа против сиромаштија.

Македонија | пред 7 години

Партијата за движење на Турците поддржува заеднички претседателски кандидат

„Како водечка партија на Турците во Република Северна Македонија, пред извесно време излеговме со повик до другите турски партии и ја застапувавме идејата за заеднички кандидат на претстојните претседателски избори. Иако целта ни беше соединување на Турците во Република Северна Македонија, сепак се виде дека условите се` уште не се созреани за реализација на оваа мисла.Концептот на „едно општество за сите“ е витална компонента на нашето поднебје и со цел за зацврстување на овој дух органите на Партијата за Движење на Турците (ТХП) го прифаќаат ставот на коалицијата предводена од СДСМ за заеднички претседателски кандидат.Заедничкиот претседателски кандидат треба да биде личност која ќе биде прифатен од широки маси и ќе ги обедини сите слоеви на нашето општество. Времето на поларизации и поделби е веќе минато и веруваме дека со кандидат кој ќе ги етаблира вредностите на соживот успехот ќе биде неминовен“, се вели во соопштението на партијата за движење на Турците.

Македонија | пред 7 години

Османи: Имплементацијата на Планот 18, основа за уште еден позитивен извештај од ЕК

Заменик Претседателот на Владата задолжен за европски прашања Бујар Османи во рамките на посетата на Брисел одржа брифинг пред претставниците на Работната група при Советот на ЕУ за Западен Балкан / проширување (КОВЕБ/КОЕЛА) каде информираше за процесот на европската интеграција на земјата.На состанокот Османи брифираше за напредокот на земјата во испорачување на предвидените реформи во насока на подготовка на земјата зa почеток на преговорите за членство со Европската Унијата, посочувајќи притоа на динамиката на спроведување на реформите предвидени во План 18, особено во клучните области на владеење на правото, безбедносните и разузнавачките служби, реформата на јавната администрација и борбата против организираниот криминал и корупцијата.„Имаме исклучително успешна динамика на имплементација на предвидените реформи до Планот 18, што верувам дека ќе резултира со уште подобар извештај на Европската Комисија од минатогодишниот, заедно со уште една безусловна препорака до Советот на ЕУ“, истакна Османи, изразувајќи недвосмислено очекување дека овој напредок ќе резултира со конфирмација на одлуката на Советот на ЕУ во јуни, за почеток на преговорите со Република Северна Македонија.За време на работната посета на Брисел Вицепремиерот Османи ќе земе учество и на брифингот во влијателниот тинк-тенк Центар за европска политика (ЕРС) на тема „Северна Македонија на патот кон ЕУ: ‘Хоум ран’ во преговорите за пристапување?“. Подоцна Османи ќе учествува и на Конференцијата на тема: „Безбедност во ЈИЕ - безбедност низ Европа” во организација на Фондацијата Ханс Сејдел (Hanns Seidel Foundation), а ќе оствари и средби со Еврокомесарот за проширување и соседска политика, Јоханес Хан, како и со Високата претставничка на Европската Унија за надворешни работи и безбедносна политика и Потпретседателката на Европската Комисија, Федерика Могерини.

Македонија | пред 7 години

Кристијан Мисовски: „Јавноста нека здивне, успеа преку притисок и хистерија да натера човек да направи потег кој е штетен за себе“

Откако Кристијан Мисовски, син на пратеникот Горан Мисовски пред четири дена се повлече од работното место во Агенцијата за супервизија на осигурување, на социјалните мрежи вели „Се надевам дека дел од јавноста ќе здивне и ќе почуствува задоволство бидејќи успеа преку притисок и хистерија да натера човек да направи потег кој е штетен за себе“.„Во изминативе неколку дена јас и мојата фамилија бевме мета на јавни прозивки упатени во врска со моето вработување во Агенцијата за супервизија на осигурување (АСО). Со чиста совест тврдам дека сите критериуми кои беа поставени во јавниот оглас за времено вработување во АСО на 12 месеци како соработник за супервизија на осигурување, ги исполнувам во потполност. Бев повикан на интервју, а бидејќи немаше други пријавени кандидати на јавниот оглас за вработување како единствен пријавен кандидат кој ги исполнува условите за времено вработување, бев вработен“, пишува Кристијан Мисовски, син на пратеникот Горан Мисовски.Тој уште додава дека се надева дека сега барем дел од јавноста ќе можат да здивнат.

Македонија | пред 7 години

Без изговори, без оправдувања! Во сообраќајот нема место за „возачи“ без возачка дозвола!

Секојдневно, преку средствата за јавно информирање, се пренесуваат страшни вести за сообраќајни незгоди со повредени и загинати лица. Сите се вознемирени и вчудоневидени. Нема човек кој останува рамнодушен на тажните животни судбини, на потресните слики што секојдневно ги гледаме на патиштата. И покрај тоа, податоците од полицискиот билтен покажуваат нови застрашувачки информации: секој викенд голем број на санкционирани млади лица кои управуваат моторно возило без возачка дозвола.Замислете, и покрај црната слика на патиштата на која сите сме сведоци, податоците на МВР покажуваат дека околу 10.000 лица годишно се санкционираат затоа што управуваат моторно возило без возачка дозвола.Зошто? До кога? Која е цената што треба да се плати за конечно да се разбере дека сообраќајот е извор на опасности? Што треба да се случи за да се биде одговорен возач и одговорен родител?Најголем број од „возачите“ без возачка дозвола се млади момчиња и девојки. Голем дел од нив се малолетни лица, кои се сметаат за зрели учесници во сообраќајот, но незрели да полагаат и да добијат соодветна возачка дозвола. Овие млади и малолетни лица, најчесто возат семеен автомобил што нивните родители, без да размислат, гордо ѝм го позајмуваат.Па така, секојдневно можете да видите млади лица во скапи и моќни автомобили, без возачка дозвола. Младите под притисок на желбата за докажување пред своите врсници, несвесни за  злото што ги демне, гордо седат зад воланот на автомобилот на мама и тато. Не дека се за оправдување, ама младоста, незнаењето и неискуството, можеби можат барем делумно да ѝм го простат гревот.Но нивните родители, тие кои гордо гледаат како нивните деца ракуваат со опасно оружје, што мислат тие? Што очекуваат тие? Чиста ли им е совеста? Како ја хранат својата совест? Со изговори и со оправдувања „нека се радува детето“, „млад е нека проживее, сега му е времето“, „сите сме биле млади, имам разбирање “.Додека тие длабоко во себе се задоволни како нивното дете е многу ценето, барано, сакано од своите врсници, на улиците се губат млади животи. Тешки солзи се пролеваат на патиштата. Но,  тие самобендисани и самоуверени, не можат и не сакаат да го видат тоа сѐ додека не се случи нешто страшно. А кога ќе дојде страшното, тогаш касно е за сѐ.Тогаш е џабе да се каете и проколнувате. Тогаш веќе не можете ништо да смените. Ве мачи совеста и пак барате оправдувања: „..ама му посакував сѐ најдобро“, „ама тој не беше таков, секогаш внимаваше“, „и да не му го дадев автомобилот, сигурно ќе го земеше“, „не мислевме ништо лошо“, „да знаев, немаше да биде така“, „судбина било“ и многу други оправдувања и изговори.Многу оправдувања и многу изговори, ама реалноста никој и ништо не може да ја смени.Затоа, додека сѐ уште не е доцна, помогнете му на своето дете да положи возачки испит, навреме да се стекне со возачка дозвола, да ги почитува одредбите што се однесуваат на возач-почетник.  Помогнете му да биде одговорен и внимателен возач кој ќе ги почитува сообраќајните правила и прописи. Дајте му на знаење дека ништо не е поважно од животот. Дајте му на знаење дека семејниот автомобил е забранет додека не се создадат предуслови за тоа.РСБСП со порака: Без изговори, без оправдувања. Во сообраќајот нема место за ׳возачи‘ без возачка дозвола.

Македонија | пред 7 години

Михајловски: Убиства, грабежи, исчезнати, престрелки станаа секојдневие, битно таблите со ново име се обезбедени

Убиства, грабежи, палежи, исчезнати, престрелки, станаа наше секојдневие. Битно таблите со новото име се обезбедени 24 часа. Не само што е пробиено дното, туку има и неколку подрумски спрата надолу, напиша на својот фејсбук профил актерот Тони Михајловски.https://www.facebook.com/toni.mihajlovski/posts/10157267308617755

Коментари | пред 7 години

ЕЛЕМ најпривлечна за вработување на членови на семејствата на функционери, и синот на Тахир Хани згрижен таму

Продолжува вработувањето на блиски членови на семејствата на функционери на ДУИ и по укажувањето на премиерот Заев. Како најатрактивна компанија за вработување на блиските членови на владините функционери и натаму останува компанијата ЕЛЕМ.Синот на Тахир Хани, заменик-генерален секретар во Владата, е нововработен во АД ЕЛЕМ. Назми Хани е вработен на местото референт во подружница Треска на Електрани на Македонија.По најавите на премиерот Зоран Заев и министерот за информатичко опшество и администрација Дамјан Манчевски, дека нововработените роднини на функционери во државните институции и претпријатија ќе си дадат отказ од своите работни места, ниту еден од нив кој беше вработен во државната ЕЛЕМ досега не го сторил тоа.Портпаролката на ЕЛЕМ, Јасминка Аневска, вели дека до крајот на вчерашното работно време до управата на претпријатието не стигнало барање за спогодбено раскинување на работниот однос.Во ЕЛЕМ беа вработени четири роднини на високи функционери. Ќерката на претседателот на Собранието Талат Џафери, синот на пратеничката Мира Стојчевска, сестрата на министерот за култура Асаф Адеми и Љубислав Несторовски, сопруг на високата функционерка на владејачката СДСМ Магдалена Несторовска.За сите овие случаи Антикорупциската комисија започна постапка за утврдување дали постои судир на интереси.

Македонија | пред 7 години

(ВИДЕО) О2 иницијатива: Реон Ѓорче - Сарај, црната точка во градов по палење на отпад на отворено

Ова се случува моментално, видеово е снимено сега, повторно истата локација, реон Ѓорче - Сарај, црната точка во градов по палење на отпад на отворено, инаку ЗАБРАНЕТО законски, објавија на својот официјален профил од О2 иницијатива.Тие ги повикуваат сите наделжни, да излезат на терен и да се реши проблемот.Низ цела година постојано се пали отпад во овој реон. До кога ќе се дозволува? Не може само граѓаните да пријавуваат (пријавено е на 193) и повторно иста глетка секојдневно. Решете го овој проблем интерсекторски, ако треба и војска ангажирајте, потегнете измена на правилник, закон за да не се повторува ова постојано. Сите сме уморни од постирања и пријавувања нон-стоп, а најмногу од ужасниот воздух што се шири од ова нерешено жариште со години.Како вели премиерот Заев „не може 'не бива', 'не бива' не може најлесно да биде не, ќе најдат начин како да биде да“. Е па најдете начин, напишаа од О2.  https://www.facebook.com/o2inicijativa/videos/631363227299074/?__tn__=kC-R&eid=ARBXmtb2r8eEFtG5BeCOfA_EqG5ya4extRWOmC5DYSE_vz4NwQFNn5fs2ZQfTo0kKZD5pM_6bkqhsi9H&hc_ref=ARTrH-0pf7TCZ2jd9pfe6c4bN1dKqevi4UaCI9He21P84vNfu70jwx1bUGzCzu368a8&__xts__[0]=68.ARDaKjtBns_cwxZR6hG72eXeJFdcYFa3yDe079Npje_RZwJdaov-sDYS97Y5Rke7Ne2_WqFycsBYAqPRvcNdYn2WF4s2FVmSdUcOPjAAz7U-iMQtjOK79JbmofCiV2YbSHmR0nGKx1FUj4UDQ8vljnPSg-9lBqOggqg3TmwmD5PI7aDWM5ObObg13_6m_t9QrYruF8riHToE-xbypZaf1hvipL-2MDQwx8cbiY0q92o5Y60UosqP3Xf-ztFevkyjytAyu3eKLgeGd0x7CNbmezIu9ThTbfyIUQNrA-VM1QXYz4-4IKhcKeLpe_QZOVwOWjvxKo7DMbzUs_G6ylOKI6pI3C2LKUfD328ojbG_3BZLbaJBN6c-q6C7DW7_Hh4mZ4FW

Скопје | пред 7 години

(ФОТО) Алсин Левент возачот кој предизвика сообраќајна несреќа во која загина Шабан Шаулиќ

35-годишниот Алсин Левент е возачот кој предизвика стравична сообраќајна несреќа во која загинаа Шабан Шаулиќ и неговиот долгогодишен пријател Мирсад Кериќ, а повреден е кумот на Шаулиќ, Слободан Стојадиновиќ. Левент нема германско државјанство, возел туѓ автомобил без дозвола.Возачот се води како уапсен, но моментално е во болница затоа што е повреден и е под постојан полициски надзор, открива извор кој поседува официјални информации од полицијата. Наводно, тој бил и под дејство на алкохол.

Магазин | пред 7 години

МВР: За 24 часа 11 сообраќајни незгоди, 140 мандатни платни налози и 103 возила се подигнати со пајак

Во текот на изминатиот ден (19.02.2019 година) на подрачјето на Секторот за внатрешни работи Скопје се случиле вкупно 11 сообраќајни незгоди од кои две сообраќајни незгоди со тешки телесни повреди, три сообраќајни незгоди со телесни повреди и шест со материјална штета. Во сообраќајните незгоди две лица се здобиле со тешки телесни телесни повреди и три лица се здобиле со телесни повреди. Од преземените мерки и активности констатирано е дека 39 возачи управувале возила со брзина поголема од дозволената. Од сообраќај се исклучени 17 возачи од кои: четири возачи затоа што управувале возило под дејство на алкохол, 11 управувале возила без да се стекнат со право за управување на моторно возило и двајца возачи затоа што биле возачи-почетници. Исто така исклучени од сообраќај се и 11 возила бидејќи биле нерегистрирани.Санкционирани се четири возачи поради поминување на крстосница на црвено светло, тројца возачи поради недавање првенство на минување на пешаци, 10 поради неправилно  рестројување, тројца поради неправилно  престигнување, тројца возачи поради недавање првенство на минување на возила во зона на крстосница, еден поради непоседување пропишана зимска опрема, пет поради неносење сигурносен појас за време на управување на моторно возило и 11 возачи поради користење на мобилен телефон при управување на возило. Во однос на пешаците санкционирани се седум пешаци поради поминување коловоз вон пешачки премин и 11 пешаци поради поминување коловоз на црвено светло. Во текот на изминатиот ден издадени се 140 мандатни платни налози и 103 возила се подигнати со специјално возило пајак.

Скопје | пред 7 години

Кривична пријава за две лица поради „неовластено производство и пуштање во промет на наркотични дроги“

Секторот за внатрешни работи Скопје - Единица за недозволена трговија – Одделение за недозволена трговија со дрога, до надлежното Основно јавно обвинителство – Скопје, поднесе кривична пријава против Б.Ј.(35) и Ј.П.(36) поради постоење основи на сомнение дека сториле кривично дело „неовластено производство и пуштање во промет на наркотични дроги, психотропни супстанции и прекурзори“, казниво по член 215 од Кривичниот законик. На 18-ти овој месец, со наредба од судија на претходна постапка, бил извршен претрес на дом кај лицето Ј.П. од Скопје, при што биле пронајдени и одземени околу 900 грама марихуана, хашиш масло, амфетамин, таблети и вага на која имало остатоци од хероин, кокаин и друга дрога.

пред 7 години

Во домот на тетовец пронајдена хероин, а кај малолетник марихуана

Полициски службеници на Секторот за внатрешни работи Тетово, вчера 19.02.2019 извршиле претрес во домот и помошни простории на 32- годишниот тетовец И. Х. При претресот, реализиран со судска наредба, пронајден е хероин. И. Х. e лишен од слобода и задржан во Полициската станица Тетово за натамошна постапка.На 19.02.2019 околу 15 часот, на улица „Вонвардарска“ во Тетово лишени од слобода се 17-годишник од тетовското село Озормиште и 24- годишниот В. З. од Вешала. Прио преглед кај нив е пронајдена марихуана.

Македонија | пред 7 години

МОН реагира на изјавата на градоначалникот на општина Гостивар

Реакција на изјава на градоначалникто на општина Гостивар. Во реакцијата на МОН се вели:Градоначалникот на Гостивар обврската за појаснување на неговите дејствија и активности спротивно на законот и процедурите ја заменува со дезинформации, шпекулации и со скандалозна злоупотреба на последните трагични настани.МОН изразува длабоко жалење за рецидивното незаконско однесување на градоначалникот на Гостивар, коешто континуирано ги оштетува учениците, наставниците, родителите и генерално граѓаните на Гостивар.Вистината е во тоа дека по извршените инспекциски надзори од страна на Државниот инспекторат за образование во општина Гостивар, беа констатирани идентични неправилности, за коишто еднаш на Општина Гостивар и беа одземени надлежности во областа на образованието. Поради оваа причина, МОН е должна да ги преземе сите неопходни мерки коишто ги налага законот, во насока на привремено одземање на надлежностите на Општина Гостивар за именување и разрешување на директори на општински средни и основни училишта.Поточно, тоа што беше констатирано во оваа општина е следното: непочитување на законските одредби од страна на градоначалникот во постапките за назначување и разрешување на директорите на основните и средните училишта; разрешувањата на директорите, според она што е констатирано од страна на Државниот просветен инспекторат, биле извршени без процедури предвидени со закон, додека назначувањето на новите директори, кои не само што не ги исполниле условите и критериумите за овие позиции, туку биле извршени со непочитување на постапките предвидени со закон.Исто така, се констатираа состојби кога одредени директори беа разрешени дури во два наврати од страна на градоначалникот и тоа, првиот пат без да се почитуваат постапките и по забелешките на Инспекторатот, г. Таравари ги врати на должност за истите да ги разреши по шест дена, без почитување на постапката. По првото разрешување на директорите, Инспекторатот утврди дека се именувани директори кои не ги исполнуваат условите согласно законот и истите лица, кои што не ги исполнувале условите биле повторно именувани како директори дури и по второто разрешување на законски избраните директори.Со жалење можеме да констатираме дека сето ова е само повторување на состојбата од претходната година, кога на истата општина и беа одземени надлежностите од истите причини. Овие надлежности и беа вратени на Општина Гостивар од страна на МОН кога беа отстранети неправилностите. И, повторно, по враќање на надлежностите за образование во оваа општина и на нејзиниот градоначалник, имаме повторување на законски прекршоци.Сакаме да упатиме апел до Општина Гостивар, градоначалникот на оваа општина и до нејзиното раководство да не обвинуваат само заради нивните политички цели, да не ја вклучат политиката во воспитно-образовниот процес, бидејќи во оваа ситуација штета се нанесува единствено на учениците и на воспитно-образовниот процес.Преземените мерки од страна на МОН се со дефинирани рокови, во рамки на кои ќе се отстранат неправилностите.

Македонија | пред 7 години

Таравари до Заев: Тебе не те сакаат ниту Македонците, ниту Албанците

Функцијата премиер ти ја довери народот, не се поигрувај со неа! Особено сега е многу опасно за судбината на државата да се поигруваш со народот!, напиша на својот фејсбук профил поранешниот министер за здравство и актуелен градоначалник на Гостивар, Арбен Таравари.Писмото ви го пренесуваме во целост.Отворено писмо до г. Зоран Заев,Здраво Зоранe, посакувам моето писмо да те најде добро! Постојат две работи што сакам да ги нагласам уште на почетокот на моето писмо:Како прво, писмото е отворено бидејќи можеби нејзините редови ќе ги разбере целиот владин “блок” што е битно да разбере и, како второ, писмото ти го упатувам лично тебе, вон функцијата која ја вршиш, затоа што мислам дека има потреба да се вратиш кај Зоран. Само еден совесен Зоран може да го спречи распаѓањето на премиерот, функција која ти ја довери народот.Сега, со право ќе речеш – какво е ова писмо од Арбен?! Ми напишал можеби некоја поплака… нека се занимава со ДУИ! Што има со мене? Јас правам политика… Што да му правам на Невзат?! Тој се однесува како дете! Тера инает со градот што не го избра и сега им прави лошо на граѓаните!Зоране, како прво, до 27 април 2017 година се боревме против истите идеолошки непријатели, тие беа Груевски-Ахмети. Според твоите храбри пријави, до некаде сфативме дека биномот Ахмети-Груевски (не сакам да кажам ДУИ и ВМРО, бидејќи има невини луѓе на двете страни), значи сфативме дека овој бином не беше само идеолошки против нас, туку од “бомбите” што ги објави, сфтаивме дека тие се вмешани и во тешки злосторства против човештвото, инскенирајќи лажни судења, правејќи економски масакр!Така да, во страшната ноќ од 27 април, каде што претседателот на мојата партија Зијадин Села го ризикуваше животот покрај тебе, јас и илјадници Албанци бевме подготвени да ти излеземе во пресрет и тебе кој што беше исто така под закана!Значи, ти беше човек кој, без разлика на етничката припадност, Албанците се наредија на страната на добрите!Но, ти имаше ужасен услов да ја преземеш власта, требаше да соработуваш со еден од виновниците кои сам ги пријавуваше, со Ахмети! Ахмети и ДУИ кои што везден ги нарекуваше Виновници, за кои што велеше дека има прислушувани разговори кои лошо ги обвинуваат, токму нив!Тука, според тебе, започна Политиката, а според мене, тука започна Лицемерието!Ти ја делиш власта со оние кои учествуваа на политичкиот погреб на нивниот партнер, а сега почнуваат да го подготвуваат, според мене, твојот! Заев, Албанците не те сакаат! Ниту Македонците! Ниту Турците!Ова е тешка изјава и жалам за ова, но зборувам барем за 100 илјади луѓе од Гостивар!Според условите на маса, ДУИ бараше Бејта да победи во Гостивар. Но, народот не се согласи со ова барање на ДУИ, Бејта изгуби!Сега, почитуван Зоране, кажи ми:Се остава ли град со 100 илјади жители без буџет за атер на ДУИ?!Му се доделуваат ли на еден град вкупно 1000 евра за цела година за култура?! Дури и во Африка да се наоѓавме, ќе направеше нешто УНЕСКО и ќе бевме заштитени!Се давиш во диктаторски скандали, бе Заев! Едно време мислев дека си фер! Вака како ја тераш, создаваш 100 илјади непријатели?!Деновиве очекувам сите надлежности од областа на образованието, од Општина Гостивар да ги пренесеш на централната власт! Срам и брука! Што ќе им кажеш на Европа и Америка, што одиш против нивните стратегии?!Те зема на шија ДУИ!Знаеш што вели народот за тебе?!Вели дека си на добар пат да станеш нов Груевски! Но не си. Јас сум невролог и многу сум ја проучувал човечката личност и ти не си како Груевски, но опкружен си со погрешни луѓе и ризикуваш да станеш! Во моментов одиш само надолу и надолу!Зоране, те потсетувам дека работиш како премиер на државава, затоа стави прст на глава и немој да бидеш како Груевски! Што правиш вака? Ти како да играш оксан, а плочки се жителите на Гостивар! A воедно се земаш себеси на шија!И на крајот, почитуван Зоран:Функцијата премиер ти ја довери народот, не се поигрувај со неа! Особено сега е многу опасно за судбината на државата да се поигруваш со народот!Поздрав од Гостивар!Арбен ТаравариГрадоначалник на општина Гостиварhttps://www.facebook.com/arben.taravari/posts/10215365271586085 

Македонија | пред 7 години

Собраниска делегација на Зимската сесија на Парламентарното собрание на ОБСЕ

Собраниска делегација на Зимската сесија на ПС ОБСЕ Од 21 до 22 февруари 2019 година во Виена, Австрија, ќе се одржи Зимската сесија на Парламентарното собрание на ОБСЕ, на која ќе учествуваат пратениците: Владимир Ѓорчев, шеф на Делегацијата; Јагода Шахпаска и Реџаиљ Исмаили, членови на Делегацијата на Собранието на Република Северна Македонија во Парламентарното собрание на Организацијата за безбедност и соработка во Европа.На агендата на ова заседание на трите генерални комитети на ПС на ОБСЕ, ќе се разгледуваат актуелните настани во ОБСЕ, следено со прашања и одговори и ќе биде дебатирано за Решавање на долготрајните конфликти: алатки и механизми на ОБСЕ (Прва Комисија), Добро владеење во областа на борбата против корупцијата, перењето пари и финансирањето на тероризмот во регионот на ОБСЕ (Втора Комисија), Обемот на легитимните ограничувања на човековите права во време на вонредна состојба (Трета Комисија) и за претстојната годишна сесија на Парламентарното собрание на ОБСЕ што ќе се одржи од 4 до 8 јули 2019 година во Луксембург.Пратениците Шахпаска и Исмаили ќе учествуваат и на состанокот на „Групата за поддршка на Патот на свилата“ („Silk Road Support Group”) на ПС на ОБСЕ што ќе се одржи на 20 февруари 2019 година, во својство на членови на оваа група од Делегацијата на Собранието на Република Северна Македонија во ПС на ОБСЕ.На учесниците на оваа сесија со поздравни говори ќе им се обрати Волфганг Соботка, претседател на Националниот совет на Австрија; Георге Церетели, претседател на ПС на ОБСЕ; Мирослав Лајчак, претседавач на ОБСЕ и министер за надворешни работи на Словачка и Томас Гремингер, генерален секретар на ОБСЕ.

Македонија | пред 7 години

Поглаварот на ИВЗ на Македонија - Реисот Сулејман Реџепи, на ФБ се пофали дека има албански пасош

Првиот човек на Исламската верска заедница реисот Сулејман Реџепи ѝ се заблагодари на Албанија што му го остварила долгогодишниот сон и му издала албански пасош.Албанските власти, со посветеност и потпишување од претседателот на Република Албанија Илир Мета, денеска официјално го издадоа мојот албански пасош.Особено ми е чест и сум задоволен што тоа се случи со поддршка на претседателот Илир Мета, човекот кој се грижи за Албанците каде и да се. Одговорните власти на албанската држава ми дадоа албански пасош за кој мислам дека е од голема вредност, без разлика дали е симболична или практична. Овој пасош е моја радост и остварување на долгогодишна желба, бидејќи со тоа се чувствувам поконкретно дел од мојата мајка-држава. Бог да го благослови претседателот Мета, Бог да ја благослови Албанија, напиша реисот на Фејсбук за новиот пасош и новото државјанатво.https://www.facebook.com/sulejmanrexhepiofficial/photos/a.407122369465082/1126706370840008/?type=3&theater 

Македонија | пред 7 години

Телефонски разговор Заев - Саливан

Претседателот на Владата на Република Северна Македонија, Зоран Заев денеска оствари телефонски разговор со Заменикот Државен Секретар на Соединетите Американски Држави, Џон Саливан.Премиерот Заев во разговорот ја изрази благодарноста на Владата на РСМ за силната поддршка на САД за време на целиот процес на спроведување на Договорот од Преспа, и го запозна со активностите на Владата на Република Северна Македонија во врска со спроведувањето на обврските од Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации, односно од Договорот со Грција.Двајцата соговорници за време на телефонскиот разговор се согласија дека успешниот епилог на Договорот од Преспа, како и постапката на ратификацијата на Протоколот за пристапување на Република Северна Македонија во НАТО, е од исклучително значење за двете земји, но и за регионот.Премиерот Заев истакна дека Република Северна Македонија останува на својот долгорочен и стратешки интерес за дополнително развивање и проширување на односите меѓу двете земји, особено во делот на економските релации.Претседателот на Владата на Република Северна Македонија Зоран Заев и Заменикот Државен Секретар на Соединетите Американски Држави Џон Саливан го споделија взаемниот интерес и определба двете земји да останат посветени на прашањата за мирот и стабилноста на земјата и на регионот и во таа насока, Заменикот Државен Секретар на САД, Саливан ја изрази неговата постојана поддршка за Преспанскиот Договор и истакна дека со нетрпение чека да ѝ посака добредојде на Северна Македонија како 30-та членка на НАТО. 

Македонија | пред 7 години

Во контрола кај Кичево кај пет автобуси биле констатирани технички неисправности, а еден веднаш е исклучен од сообраќај

Во периодот од 16 до 18 февруари оваа година, на подрачјето на СВР Охрид се реализираа повеќе сообраќајни акциски контроли. Притоа, полициските службеници контролираа вкупно 314 патнички и други моторни возила (Охрид-83, Струга-89, Кичево-82 и Дебар-60), вкупно 144 возачи беа алкотестирани (Охрид-40, Струга-56, Кичево-28 и Дебар-20) пришто, кај вкупно 13 возачи на моторни возила беше констатирано присуство на алкохол во крвта (Охрид-3, Струга-1, Кичево-5 и Дебар-4). Тие веднаш се исклучени од сообраќај и одземени им се возачките дозволи.На подрачјето на Кичево, беше извршена посебна контрола на возила кои вршат јавен превоз при што беа контролирани 34 автобуси и беа упатени во станиците за технички преглед. Кај пет автобуси биле констатирани одредени технички неисправности а еден автобус веднаш е исклучен од сообраќај.По овие, но и по други одредби од Законот за безбедност во сообраќајот на патиштата, полициските службеници издале вкупно 24 мандатни платни налози и 14 барања за поведување прекршочна постапка.Акциските контроли беа спроведени со цел да се зголеми безбедноста во сообраќајот и доследно почитување на одредбите од Законот за безбедност во сообраќајот на патиштата. Тие континуирано ќе се реализираат на целото подрачје, информираше Стефан Димоски, порпарол на СВР-Охрид  

Македонија | пред 7 години

(ФОТО) Станицата за технички преглед на газда Дурмиш „трн в око“ на социјалните мрежи

Станицата за технички преглед на газда Дурмиш, се отворила на 03.11.2016 год. на социјалните мрежи се споделува фотографија од чинот на отворањет, на која меѓу другото пишува „Оставка Оли“, се однесува на министерот за внатрешни работи Оливер Спасовски.Инаку Станицата за технички преглед, и превозникот Дурмо турс имаат исти сопственик. Опозициската ВМРО ДПМНЕ, веднаш по несреќата во која загинаа 15 лица, а над 30 се повредени побараа информации од МВР зошто станицата за технички преглед „Авто мото здружение Гостивар , која ги сервисирала автобусите на Дурмо турс, добила забрана за работа, но потоа забраната била поништена.Од МВР се правдаа дека ВМРО-ДПМНЕ изнела дезинформации. Од Министерството образложија дека во април минатата година била извршена редовна контрола над „Авто мото здружение Гостивар“ и биле утврдени недостатоци и пропусти во работењето, меѓутоа подоцна недостатокот бил отстранет.„Утврдено било дека не се обезбедува видео запис од возила кои извршиле технички преглед, па поради тоа од страна на МВР е донесено Решение за изречена мерка- Забрана да врши технички преглед на возила и неправилноста да ја отстрани во рок од 30 дена“, велат од МВР.Станицата за технички преглед го отстранила недостатокот и писмено го известило МВР дека тоа е направено, по што стручни лица од МВР извршиле повторен надзор и констатирале дека недостатокот е отстранет, за што се изготвени записник и службена белешка.„Откако е констатирано дека недостатокот е отстранет, на 15 август е донесено решение дека правното лице може да продолжи со работа, бидејќи ги исполнува законските услови.Апелираме до политичките партии да не шират дезинформации и шпекулации и да не се обидуваат да ја злоупотребат оваа трагедија и да остават институциите да ги утврдат причините за овој трагичен настан“, вели МВР во реакцијата.

Македонија | пред 7 години

Јоци: Силјановска го возврати ударот на ропачкиот дел од популацијата - со стил

Ми се свиѓа изјавава.Силјановска го возврати ударот на ропачкиот дел од популацијата - со стил.Мизогинијата, нападите за старост и изглед, не може никогаш да бидат оправдано политичко орудие. Се сложувале или не со нејзини ставови или со минатото политичко милје, напиша на својот фејсбук профил Јорданка Иваноска Јоци.Таа додава:Политичката кампања за Претседател на Македонија, Силјановска, ја почнува со стилска одбрана од машки шовинисти и грубијани. Не можеше подобра реклама да и` направат.Туку, за оние кои не ја познаваат, т.е не биле нејзини студенти, таа во 90-те, беше права дама. Имено, и уште е дама.Се сеќавам кога одговарав по предметот ,,Политички систем", читав од листот брзо за да изгуби концентрација и да не ме слуша. Некаде 1997. Гледаше низ прозорец додека читав, и на крај ми рече - ,,Колешке, нешто многу ви се брза на вас ?". И ми даде уште едно прашање. Јбг, излезе пола саат слушала се` 😃, напиша Јоци на ФБ.  

Македонија | пред 7 години

АМСМ: Сообраќајот се одвива по претежно суви коловози

Сообраќајот на државните патишта се одвива по претежно суви коловози, освен на осојничавите места каде коловозите се влажни.ИЗВЕСТУВАЊЕ: На ден 19.02.2019 и 20.02.2019 ќе се изведуваат градежни активности на регионален пат Р1102, делница Велес - Градско. Сообраќајот ќе се одвива наизменично во двата правци.ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.ЗИМСКА ОПРЕМА: Потсетување за возачите, дека законската обврска за задолжително поседување на зимската опрема во возилата, без оглед на моменталната временска состојба, трае до 15 март. На овој линк ќе најдете повеќе информации што се подразбира под зимска опрема.ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони

Македонија | пред 7 години

Денеска во земјава сончево време

Времето денеска, сончево и релативно топло со слаб до умерен ветер од северен правец. И за утре метеоролозите најавуваат сончево време со мала до умерена локална облачност и со слаб до умерен ветер од северен правец.

Македонија | пред 7 години