И Северина живее на кредит, но овој пат ја„бркаат“ од банки - Три месеци не платила рата

Пејачката Северина постојано се наоѓа во проблеми, иако во јавноста се труди да се прикаже во друго светло. Снаата на Кеба ја прекина соработката со менаџерот Томислав, а и рабоата не и цвета. Севе има се помалку работа, пее за помал хонорар, а долговите се таложат. Како што пренесува порталот курир.рс Моментално најголем проблем и тоа што пред осум месеци земала кредит за снимање на новиот албум, а сега тој кредит не може да го врати на банката.„Познато е дека Севе не знае да располага со парите. Троши повеќе од што заработува. Во текот на 2018та година имаше многу настапи во регионот, но не штедеше од парите. Кога дојде време да снима нови песни и спотови, мораше да се задолжи. Пред осум месеци зема кредит во една банка во Загреб, а како гаранција беше нејзииот стан. Првите пет месеци се беше во ред, можеше да плаќа, но во последните три месеци не плати ниту една рата. Најверојатно немала настапи, па не можеше да заработи доволно пари бидејќи има уште еден кредит. Не знам колку изнесува рата, но се зборува дека станува збор за 7 000 евра. Во главно, од банката каде што поднесе кредит ја информираа дека ќе активираат хипотека доколку во рок од 15 дена не го плати долгот“ вели извор близок на пејчаката.Блиските пријатели на Северина веруваат дека таа ќе успее да се извлече од оваа ситуац

Магазин | пред 6 години

Амбасадорот Жбогар ќе ја посети Општина Новаци во рамки на кампањата „ЕУ за тебе"

Амбасадорот Самуел Жбогар, шеф на Делегацијата на Европската Унија, денеска ќе ги посети Новаци и регионот Мариово, во рамки на кампањата „ЕУ за тебе".  Новаци изобилува со културно наследство кое е се' уште непознато за пошироката јавност и беше на листата на општини со кои се обележа Европската година на културно наследство 2018, објави МИА.Посетата ќе ги опфати излетничкото место Коњарка во Скочивир, црквата Св. Димитрие во Градешница, куќата на Калеш Анѓа во Старавина и камениот мост во Зовиќ. Сите објекти беа реновирани со средства од ЕУ преку Програмата за прекугранична соработка меѓу Македонија и Грција.Предвидено е амбасадорот Жбогар и неговиот домаќин, градоначалникот на Новаци Љубе Кузмановски да дадат изјави за медиумите.Извор:МИА 

Македонија | пред 6 години

Бизнисменот Сеад Кочан оди во затвор, oдбиено и второто барање за одложување на затворската казна

Судија за извршување санкции при Основниот кривичен суд – Скопје го одби барањето на бизнисменот Сеад Кочан поради здравствени причини да му биде одложено издржувањето на затворската казна од четири години и осум месеци за предметот „Труст“ на СЈО.– Судија за извршување санкции при Основниот кривичен суд – Скопје, надлежен да постапува по предметот од обвинителството означен како „Труст”, по добивање на целокупната медицинска документација неопходна за одлучување по барањето за одлагање на извршувањето на затворската казна на еден од обвинетите во конкретниот предмет, како и разгледување и ценење на истата, на 19.07.2019 година донесе решение со кое барањето се одбива како неосновано, соопшти Основниот кривичен суд – Скопје.Решението веќе е доставено до странките во постапката кои имаат право на жалба до Кривичниот совет, а по правосилноста на решението Кочан е долежен веднаш да се јави на издржување на затворската казна.Сеад Кочан требаше да се јави на издржување на затворската казна на 17 јули, откако Кривичниот совет ја потврди одлуката на судијата од Кривичниот суд да се одбие неговото барање за одложување.

пред 6 години

„Алкалоид“вложува 400 илјади евра во љубљанската фирма „Алка Лаб“

Компанијата Алкалоид АД Скопје изврши дополнително вложување  од 400 илјади евра во љубљанската фирма АЛКА -ЛАБ што веќе ја поседува. Новото вложување е за проширување на капацитетите на хемиската лабораторија за тестирање на лекови, објави Алкалоид. Друштвото е во 100 проценти сопственост на Алкалоид АД Скопје.Со оваа инвестиција компанијата ги продолжува активностите за понатамошно ширење на своите операции на пазарите на земјите членки на Европската унија, како и зајакнување на позициите на овие пазари.

Македонија | пред 6 години

Уапсено едно лице за вчерашниот пожар во западниот дел на Атика

Дирекцијата на грчката Противпожарна служба за справување со криминал со подметнување пожари, вчера уапси 64-годишен маж под сомнение дека од небрежност го предизвикал пожарот во Мегара, предградие во западниот дел на областа Атика, јави дописничката на МИА од Атина.Од Противпожарната служба на Грција соопштуваат дека за уапсениот веќе е известен јавен обвинител и потсетуваат на мерките и упатствата што треба да ги следат граѓаните за периодот во кој постои опасност од пожари.Вчерашниот пожар во Мегара, изби кусо по 13 часот, а попладнето беше ставен под контрола. 

Свет | пред 6 години

Нема фотографија

Иран уапси 17 шпиони на ЦИА, некои се осудени на смрт

Иран уапси 17 шпиони кои работеле за Централната разузнавачка служба на САД (ЦИА), а некои од нив се осудени на смртна казна, објави денеска иранската државна телевизија, повикувајќи се на информации од Министерството за разунавачки работи.Светските агенции, повикувајќи се на иранската агенција Фарс, јавуваат дека некои од уапсените се осудени на смртна казна. 

Свет | пред 6 години

Излетал од патот и удрил во дрво

На 21.07.2019 околу 22.00 часот на регионалниот пат Кавадарци-мотел Дреново, кај градските гробишта, К.Г.(55) од Кавадарци, управувајќи патничко возило „Ровер“ со кавадаречки регистарски ознаки, излетал од патот и удрил во дрво. Во незгодата со тешки телесни повреди се здобил К.Г. и бил пренесен во болницата во Кавадарци. Увид на местото извршила екипа од Полициската станица Кавадарци. 

Македонија | пред 6 години

На аеродромот во Скопје приведен косовски државјанин поради фалсификувани документи

На 21.07.2019 во 17.00 часот на граничен премин „Меѓународен Аеродром - Скопје“, полициски службеници го привеле К.Б.(39) од Косово, поради сомнение за поседување фалсификувани документи. Во 19.00 часот К.Б. бил предаден на инспектори од Регионалниот центар за гранични работи Север за понатамошна постапка.

Македонија | пред 6 години

Ако Јанева не дојде на работа, вработените во СЈО нема да земат плата

Обвинителите, истражителите, како и техничкиот кадар во специјалното јавно обвинителство стравуваат дека нема да ја земат платата за изминатиот месец, бидејќи налогот треба да го потпише шефицата во оставка, Катица Јанева, дознава „Скопје1.мк“.Работата на ова обвинителство, чиј мандат завршува во септември е стопирана, бидејќи сите акти ги потпишува Катица Јанева, која зеде боледување и веќе една недела не се појавува на работа.Јанева е отсутна од понеделникот, кога даде оставка од функцијата, односно по апсењето на Боки 13 и Зоки Кичеец. За кратко време, Обвинителството за организиран криминал обзнани дека во случајот „Рекет“ е вмешната и обвинителката Јанева, бидејќи двајцата осомничени преку можно влијание врз неа, рекетирале бизнисмени. 

Македонија | пред 6 години

АВМУ собира докази против 1ТВ: Забрането е тајно содружништво, МВР нека одговори дали Боки 13 барал обезбедување како сопственик

Агенцијата за аудио и аудиовизуелни медиумски услуги како регулатор има започнато постапка за утврдување дали е прекршена законската одредба која забранува тајно содружништво во телевизијата 1ТВ и за да ја утврди фактичката состојба се обраќа до релевантни државни органи кои би можеле да имаат информација од значење за постапката. Во тој контекст, посочуваат од АВМУ, е изјавата на директорот на Агенцијата Зоран Трајчевски во емисијата „Код“ кој јасно посочува дека се чека одговор од МВР за да се утврди вистинитоста на добиените сознанија.-Агенцијата за аудио и аудиовизуелни медиумски услуги го повикува МВР меѓуинституционалната соработка и транспарентноста кон јавноста да не ги етикетира како ширење дезинформации. Агенцијата се обрати до МВР за да ги провери сознанијата дека на лицето Бојан Јовановски му било доделено обезбедување како на сопственик на 1ТВ. Како што и е познато на јавноста, регулаторот има започнато постапка за утврдување дали е прекршена законската одредба која забранува тајно содружништво. За да ја утврди фактичката состојба, Агенцијата се обраќа до релевантни државни органи кои би можеле да имаат информација од значење за постапката, се вели во денешното соопштение од АВМУ.Во овој контекст, велат од Агенцијата, е и изјавата на директорот на Агенцијата Зоран Трајчевски во емисијата „Код“ којшто јасно посочува дека се чека одговор од МВР за да се утврди вистинитоста на добиените сознанија.-Најефикасниот начин за борба против дезинформации и лажни вести е проверката на факти. Токму затоа, се додека не ја затвори постапката, Агенцијата ќе продолжи да бара информации од надлежните институции. Што се однесува до информацијата побарана од МВР, се надеваме дека таа ќе ни биде доставена со истата брзина со којашто беше изготвен вчерашниот демант, се додава во соопштението од Агенцијата за аудио и аудиовизуелни медиумски услуги.

Македонија | пред 6 години

Рекордери во Европа: Скопјани трошат најмногу вода

Во текот на летото кога улиците на градот се „празни“, а термометрите покажуваат над 40 степени, скопјани често ги повторуваат стиховите „Скопје има микроклима изгор лето, кочан зима…“ од песната за главниот град на групата „Леб и сол“. Реката Вардар, фонтаните, уличните чешми, но и понекој вир од излеаната вода од тревниците, колку и да изгледаат малку и недоволно под јулското сонце, го разладуваат Скопје благодарение на изворот Рашче.Највисока потрошувачка на вода во Скопје во последните десетина години е регистрирана на 6 август 2017 година, кога според мерењата од градската водоводна мрежа биле потрошени вкупно 353.558 кубни метри, што е околу 640 литри вода по жител.На национално ниво, според податоците на Еуростат, трошиме 118,2 кубни метри вода по глава на жител, што нè прави рекордери во регионот со по околу 323 литри вода по жител на ден. Македонците на годишно ниво трошат повеќе вода од жителите на Словенија, Босна и Херцеговина, Бугарија и Косово заедно.Скопјани трошат просечно околу 500 литри вода по човек во лето

Скопје | пред 6 години

Поевтинуваат горивата, познати се новите цени

Со одлука на Регулаторната комисија за енергетика од ноќеска на полноќ бензините поевтинуваат за еден денар, додека за половина денар се намалува цената на дизелот.Еуросупер БС – 95 ќе се продава за 69,5 денари за еден литар, додека Еуросупер БС – 98 за 71,5 денар за литар.Еден литар дизел Еуродизел (Д-Е V) ќе чини 61,5 денари.РКЕ ја донесе одлуката врз основа на цените на нафтените деривати на светскиот пазар и курсот на денарот во однос на доларот во тек на изминатата недела. Регулаторна денеска напладне ќе ја соопшти одлуката, па останува да видиме дали нѐ очекува некаква промена на цените.

Македонија | пред 6 години

Најчевска: Со уништувањето на „бомбите“ се прикривааат криминални дејствија

Премиерот Зоран Заев на прес конференција објави дека Владата до Собранието ќе предложи нов закон за јавно обвинителство според кој СЈО престанува да постои а се формира ново кое ќе се вика Обвинителство за гонење на организиран криминал и висока корупција. Заев кажа дека снимките од нелегално прислушкуваните разговори кои не се дел од досегашните постапки на СЈО, ќе бидат уништени, како што се уништуваат и посебните истражни мерки.На ова реагира професорката Мирјана Најчевска која тврди дека уништувањето на снимките е прикривање на криминални дејствија.„А зошто да се уништат разговорите? Зошто да не бидат едноставно индиции за сторени кривични дела? Како допрен глас и слично? Уништувањето за мене е прикривање на криминални дејствија“, пишува професорката на социјалните мрежи.

Коментари | пред 6 години

Обвинителке Русковска, дали освен Зоки Поки имате прочитано уште некоја книга?, прашуваат на „Твитер“

Премиерот Зоран Заев јавно обзнани дека со предлог-законот за обвинителство се бара обвинителката Вилма Русковска да го води новото обвинителство за организиран криминал и висока корупција, кое треба да го замени постоечкото Специјално јавно обвинителство. По ова, на социјалната мрежа „Твитер“ излегоа низа коментари и реакции. Еве дел од нив...https://twitter.com/Sorospija/status/1153000572884332549https://twitter.com/odidninata/status/1152651395692187649https://twitter.com/SolarNik/status/1152650319001767936https://twitter.com/siljanstrkot2/status/1152630098278981634https://twitter.com/US_Reagan/status/1152596115495292929https://twitter.com/Linalu123Lu/status/1152475887419441152https://twitter.com/Giotto_mkd/status/1152212540652437504https://twitter.com/LawBoy29/status/1152208359787048960https://twitter.com/rodeo2412/status/1153202521093095424 

Коментари | пред 6 години

Шоу-бизнисот го донесе во реалноста: Подемот и падот на Боки 13

Патот на Бојан Јовановски алијас Боки 13, од учесник во балканско реално шоу, хуманитарен работник,сопственик на телевизија, до осомничен за перење пари и примање награда за противзаконско влијание.Кариерата на Јовановски низ годините смени многу димензии и агли. Популарноста ја стекнува пред десетина година, во реалното шоу Големиот брат, па потоа заплива и во пејачките води каде изведуваше негови песни на македонски и српски јазик, но и имитации и преработки на балкански песни од други изведувачи. Пејачката кариера на Боки 13ка требаше да ја достигне својата кулминација со концерт, кој беше откажан, заради неплатени трошоци кон салата во која требаше да се одржи концертот.Јавноста го памети Јовановски што своевремено облекуваше женска гардероба, а истото стои и на Википедија каде се вели дека својата популарност ја достигнал со имитаторство на познати балкански пејачи и по својот женски стил на облекување.Но професионалниот пат на Боки 13 го смени својот правец, па тој се проба и во водителските води, каде имаше своја емисија на насловена АРЕНА Б-13.Неколку години подоцна, Јовановски почна да се бави со хуманитарна акции каде помагаше на социјално загрозени семејства и донираше пари и помош за лекување или преживување.Така настана и Меѓународниот сојуз, во 2017 година, каде што Јовановски стана директор. На седницата на која Боки 13ка беше избран за директор на сојузот присуствуваа и пратеничката од СДСМ, Фросина Ременски, заедно со пратеникот Стефан Богоев, актуелен градоначалник на Карпош и многу други јавни личности.Јовановски тогаш рече дека финансиската добивка како претседател ќе ја донира секаде каде што е потребно. За почесен претседател на овој сојуз беше избрана екс-министерката за труд и социјална политика, актуелна пратеничка од СДСМ, Фросина Ременски.Јовановски најави и посвојување на три дечиња, но за кратко време се премисли.Како гром од ведро небо сепак одекна веста, дека Бојан Јовановски ќе стане сопственик на телевизија. Најавата стана и реалност па тој во март 2018 година ја отвори 1ТВ. Собра екипа, познати и докажани новинари и тврдеше дека телевизијата ќе биде врвот на македонскиот медиумски пазар.Како поминуваа деновите, и во следните месеци, па целата година, во 1ТВ продифелираа сите познати политичари, гостуваа обвинители, директори, министри, а многу често Јовановски можеше да се забележи на приватни и деловни состаноци со луѓе од власта, кои присуствуваа на отварањето на 1ТВ, но и на роденденот на телевизијата.Во меѓувреме се објавија серија на новинарски текстови, каде под псевдоними се опишуваше за наводна рекетарска група од неколку лица, а јавноста го препозна токму Јовановски како дел од групацијата. Неодамна беше блокирана и сметката на телевизијата, но по кратко време беше вратена. Вчера заради сомнение за перење пари и примање награда за противзаконско влијание, Јовановски е во 30дневен притвор.

Македонија | пред 6 години

Полицијата казни 200 возачи во Скопје за еден ден

Вчера Одделението за безбедност на патниот сообраќај при Секторот за внатрешни работи Скопје спроведе акциски контроли за санкционирање на прекршоци од возачи на мотори и за контрола на брзина на движење на моторни возила.Во периодот од 20.00 до 24.00 часот, при контролата за прекршоци од возачи на мотори, откриени се 35 прекршоци. Откриени се и два останати прекршоци.Во периодот од 06.00 до 24.00 часот, при контролата за откривање возачи кои управуваат моторни возила со брзина поголема од законски пропишаната, констатирано е дека 92 возачи ја пречекориле брзината во населено место. Откриени се и 68 останати прекршоци.

Скопје | пред 6 години

Рикер на посебна средба со осумте пратеници

Помошникот државен секретар на САД за Европа и Евроазија, Филип Рикер, неделава ќе ги посети Грција и Северна Македонија, каде што освен средби со власта, ќе оствари посебна средба со осумте независни пратеници во Собранието, Елизабета Канчевска Милевска, Сашо Василевски, Крсто Мукоски, Владанка Авировиќ, Емилија Александрова, Љубен Аранудов, Нола Исмајловска Старова и Зекир Рамчиловиќ, дознава „Скопје1.мк“.Во Скопје, Филип Рикер ќе има средби и со претседателот Стево Пендаровски, со премиерот Зоран Заев, министерот за надворешни работи Никола Димитров и други владини претставници. Централни теми ќе бидат билатералните прашања и патот на Северна Македонија кон членство во НАТО и ЕУ. Помошникот државен секретар на САД за Европа и Евроазија, ќе разговара и со пратеници и со претставници на опозицијата, се вели во соопштението на Стејт департментот.

Македонија | пред 6 години

Денес ќе дознаеме кои се Кики и Фрики, кои Геровски ги повика да дадат оставки од функциите

Кики и Фрики не го послушаа новинарот Бранко Геровски кој ги повика да дадат оставка од функциите кои ги извршуваат во рок од 48 часа. Фрики и Кики се вистински ликови, високо позиционирани во СДСМ и во власта, пишуваше Геровски, па рече дека денес ќе ги објави вистинските имиња на функционерите.„Лидерот на СДСМ, Зоран Заев, изјави дека тој не ги познава Фрики и Кики. Го разбирам потполно. Еве, сосема накусо, ќе се обидам да појаснам некои нешта.Фрики и Кики се вистински ликови, високо позиционирани во СДСМ и во власта. Тие се блиски до ликот кого јас го именував како Коки и за чии рекетарски подвизи пишував со езоповски јазик, во неколку продолженија.Како се блиски? Еве вака, друже Заев.Фрики е госпоѓа, висок функционер и во невладината организација на Коки, која служела за формално покривање на милионскиот рекет. Самиот тој факт ја прави госпоѓата објективно одговорна за овие злодела.И тоа ќе го дообјаснам. Една работа е некому да се обрати некоја обична невладина организација со барање за поддршка (па и со рекетарска уцена), а друго е тоа да го стори НВО во чиј врв стои така проминентна личност, со неспорно политичко влијание и со блискост со премиерот и со сите министри и со други државни функционери.Кики беше висок функционер во СДСМ. Самиот Коки, во последното интервју на својот медиум, го нарекол „добар пријател“ или „другар“. Е сега, не е исто да си обичен рекетар што стасува до половно „БМВ“ и да си фраер кој за другар го има високиот партиски функционер Кики, а за соработник високата државна функционерка Фрики, која згора и му пеела на журка.Ниту сум напишал ниту тврдам дека Фрики и Кики рекерирале и дека лично се офајдиле од рекетот. За тоа не знам. Тоа треба да го провери истрагата. Но, неспорно е дека и Кики и Фрики му овозможувале на Коки да остварува контакти при неговите рекетарски обиди, а тој ја (зло)употребувал блискоста со нив, но и со други луѓе во СДСМ, за да биде поуспешен во своите походи.Во најмала рака, Фрики, Кики и другите биле фацилитатори на милионскиот рекет, за што мора да сносат морална и политичка одговорност. А за нивната евентуална кривична соодговорност одлучува истрагата, која не смее да се попречува.Затоа, госпоѓо Фрики и другар Кики, да сум на вашето место, јас под итно би сторил две работи.Прво, би му се јавил на Заев и би му го кажал следново:– Шефе, свесен (свесна) сум дека со мојата блискост и со контактите со Коки, како и со тоа што го препорачував кај други луѓе, му овозможив да ги засили своите рекетарски позиции. Така се искомпромитирав себеси, но и тебе, шефе, како и нашата партија. Во духот на декларацијата што ја донесовме пред некој ден, прифаќам политичка одговорност за својата непромисленост. Поднесувам оставка на сите функции.Второ, би му се јавил на надлежниот обвинител и би му го кажал следново:– Обвинителе, јас имав блиски контакти со лицето Коки и ви стојам на располагање за сите потребни информации во врска со милионскиот рекет. Моја граѓанска должност е да соработувам со истрагата, дури и во случај да бидам осомничен (осомничена).Госпоѓо Фрики и другар Кики, јас најдругарски ви предлагам ова да го сторите без одлагање, во следните 48 часа. Тоа му го должите на Заев, но и на СДСМ, а пред сė на граѓаните на оваа земја. Ако размислите добро, ќе сфатите дека тоа си го должите и себеси“, пишуваше Геровски во саботата.

Македонија | пред 6 години

(ВИДЕО) Вардар доби и турбо-фолк навивачка химна

Големиот успех на Вардар и втората европска титула освоена во Келн ги натера изведувачите да нижат предлози за навивачки песни за овој клуб.  Така деновиве хит на интернетот е најновата навивачка песна за Вардар турбо-фолк навивачка химна.Фолк пејачот од Крива Паланка, Влатко Алексовски, ја преработил познатата мелодија од песната „Шошана" која навивачите на црвено-црните долго време ја користат за една од своите навивачки песни, и доби навиваќка химна за Вардар.Инаку песната „Шошана" потекнува уште од 1955 година, оригиналната верзија е од Израел на пејачката Миријам Авигал.

Магазин | пред 6 години

Нема докази за начинот на бегството на Груевски, вели обвинителот Јовески

Републичкиот јавен обвинител Љубомир Јовески во интервју за „Независен весник“ вели дека нема конкретни докази за начинот на бегството на експремиерот Никола Груевски.„Обвинителството собра повеќе материјални и вербални докази. За жал, до дел од доказите не можевме да дојдеме поради одговорот од страна на надлежните органи од Албанија. Се работи на предметот, но до овој момент нема конкретни докази за начинот на бегство на осудениот Груевски, ниту кој му помогнал во бегството. Постапката се води за да се утврди евентуална кривична одговорност на определени лица инволвирани во бегството. Пропустите во работењето на институциите не се во надлежност на Јавното обвинителство и секоја институција треба да ги утврди и да преземе мерки за нивно отстранување“, вели Јовески за „Независен весник“.Интерпол не го бара Груевски, а Обвинителството се уште не знае зошто потерницата не се објавува. 

Македонија | пред 6 години

Нема фотографија

Јовески за „Рекет“: Знаеме како Канчев ги обезбедил парите кои ги дал на Боки 13

Никој што сторил кривично дело нема да биде поштеден, порачува републичкиот јавен обвинител, Љубомир Јовески во интервју за „Независен весник“. Тој открива некои детали за истрагата за најновиот случај „Рекет“, за сметките на бизнисменот сведок и за проширувањето на истрагата. Освен за истрагата, Јовески зборува и за тоа како треба да се реши статусот на Специјалното јавно обвинителство и го предлага истото што го предложи премиерот Зоран Заев во новиот предлог-закон за јавно обвинителство кој идната недела ќе влезе во Собрание. Тој ја уверува јавноста дека доколку предметите на СЈО се дадат во надлежност на Јавното обвинителство, ќе се гонат сите сторители за кои ќе се најдат доказиПо отворањето на новата истрага за рекетот што го изнудувал сопственикот на телевизијата 1ТВ, главното прашање на јавноста е дали истрагата ќе биде проширена? Дали ќе опфати пратеници и обвинители, или можеби некои други личности?-Да, истрагата ќе се прошири за сите инволвирани лица во конкретниот случај, како и за други кривични дела доколку во неа се дојде до такви докази. Во овој момент не може да се каже дали ќе бидат опфатени пратеници, обвинители или други личности. Постапуваме неселективно и делото ќе го истражиме и расветлиме целосно и сеопфатно. Никој што сторил кривично дело нема да биде поштеден.Според информациите од Обвинителството, сведокот му дал на првоосомничениот 1,5 милион евра за да биде прекината истражната постапка против него. Тоа е огромна сума пари. Дали парите биле дадени во кеш и дали Обвинителството ќе истражува од кои сметки се влечени парите и како се стекнати?-Парите се дадени во готовина во два наврата. Обвинителството уште во предистражната постапка ги утврди начинот и сметките од кои се обезбедени парите. За да не се наштети на постапката, други детали не би откривал. Но кога ќе бидат создадени услови, јавноста ќе биде запознаена со начинот на извршување на кривичните дела во овој предмет.Целото инервју прочитајте го на Независен.мк

Македонија | пред 6 години

Сите ја бараат Катица Јанева освен истражните органи, а таа се сокри „како мечка во пештера“

Реакциите на социјалните мрежи, а особено на „Твитер“, не стивнуваат кога во прашање е обвинителката Катица Јанева. Министерот Оливер Спасовски и обвинителката Вилма Русковска велат дека немаат потреба да знаат каде е Јанева, бидејќи таа засега не е осомничена за рекет. Па така, сите ја бараат Катица, освен истражните органи.https://twitter.com/zbiramfoto/status/1153026797786865666https://twitter.com/svetlin_a/status/1153072485585342464https://twitter.com/voinot_od/status/1153134691748392970https://twitter.com/NorthZmic/status/1153095308827664386https://twitter.com/Hank___Chinaski/status/1153064968662716416https://twitter.com/crnednorog/status/1153059753511333895https://twitter.com/ArslaJeMeniBog/status/1153024913034371072https://twitter.com/Strastniot/status/1153023502649298949https://twitter.com/Brutalenmkd/status/1152989330010497026

Коментари | пред 6 години

Павловски до Заев: Размислувај пред да отвориш уста, те молам

По интервјуто на македонскиот премиер Зоран Заев за грчката телевизија Алфа, се огласи академик Божин Павловски.„Господине Заев, за ова што си го изјавил пред грчкиот телевизиски аудиториум во држава што поседува изградени политички критериуми би морал да се засрамиш. 99 проценти од македонската наука, култура и уметност е беспрекорно коректна кон сите свои соседи. Доказ се над 70 илјади наслови на книги и публикации во нашите библиотеки и архиви. Зошто толку лаички и смртно опасно го поткопуваш нашиот духовен живот? Твоето површно гледање на работите може да го разори целиот образовен систем, кој и без тоа минува низ криза. Размислувај пред да отвориш уста, те молам“, напиша Павловски.Инаку Заев во интервјуто вели дека сме ја присвојувале светската и балканската историја како наша, македонска.

Македонија | пред 6 години

Милчин до Заев: Ме вџашува леснотијата со која ги навредувате Македонците

По интервјуто на македонскиот премиер Зоран Заев за грчката телевизија Алфа, на Фејсбук се огласи режисерот Владимир Милчин.„Господине Заев, знаете ли нација на глобусов која не присвојувала? Најголемите нации најмногу присвоиле. И територија и историја. Она што не можеле да го асимилираат, го набркале или го истребиле. Ме вџашува леснотијата со која демонстрирате скудно познавање на историјата и ги навредувате Македонците кои паметат или знаат колку и кои војски газеле овде и што оставиле зад себе“, напиша Владимир Милчин на Фејсбук.Инаку Заев во интервјуто вели дека сме ја присвојувале светската и балканската историја како наша, македонска.

Македонија | пред 6 години

Нема фотографија

Македонец постави рекорд за прв пат во историјата на ридско брзинските трки на Водно

Изминатиов викенд на Водно се одржа 37 Меѓународниот ридски натпревар во автомобилизам кој се бодува за ФИА централноевропската зона.На натпреварувањето кое се одржа во неделата на 21.07.2019, македонскиот најуспешен натпреварувач и европски шампион во трките од оваа категорија, Игор Стефановски Иџе, постигна рекорд од 02:02:09. Постигнатото време е за 2 секунди подобро од последниот рекорд. Интересно е тоа што за првпат во историјата на ридско брзинските трки на Водно, Македонец е сопственик на поставен рекорд.Според шампионот Стефановски, конечно е исполнет сонот. Постигнат е долго посакуваниот рекорд.„Ми беше криво што натпреварувачи од други земји го имаа рекордот на патеката, која беше главна за моите почетоци во автомобилскиот спорт. Јас го имав македонскиот рекорд, но не и севкупниот рекорд на оваа патека. Конечно мисијата е завршена. Јас како Македонец сум горд што го имам и македонскиот, но и рекордот на оваа патека воопшто. Им се заблагодарувам на луѓето од мојот тим. Тие овозможија овој автомобил кој е подготвен за друг вид на натпреварување, да се приспособи за да можам да настапам на оваа трка.“- додава Иџе.

Спорт | пред 6 години