Филипче: Подобро да купуваме приватно здравство, отколку да вложуваме во државни болници

Во гостувањето во Топ тема на телевизија Телма, министерот за здравство Венко Филипче, објасни што значи најавата за јавното приватно партнерство во брзата помош и зошто се иницирал овој процес. Новата намера на министерството за здравство е државата да почне да купува здравствени услуги од приватните здравствени установи.-Проблемите со кои се соочува системот и неговите недостатоци, не натераа да пронајдеме уште едно алтернативно решение кое функционира во многу европски земји. Од физибилити студијата очекуваме да ни каже дали истата сума на средства која што сега се користи за итната помош и набавка на возила, плати и тренинг на вработените, може да се искористи на порационален начин за да имаме поефикасен систем. Како систем постои делумно во Италија, Велика Британија, постои во некои од покраините на Германија, изјави министерот Филипче.Тој праша дали здравствениот систем треба да се занимава со набавка на возила и инфраструктура или градење на згради за болници, или едноставно треба да се ослободи од менаџирање на инфраструктурата и да стане систем кој ќе купува услуги?Министерот Филипче рече и дека брзата помош е терет и непотребен трошок во поглед на одржувањето и сервисот на возилата на брзата помош.Иако министерството за здравство во својот буџет има предвидено набавка на нови амбулантни возила и ќе опремува возила од МЗШВ за потребите на итната помош, сепак ќе водедува и јавно приватно партнерство, односно купување на услугите на брзата помош, за кое Филипче ветува дека граѓаните нема да имаат никаков трошок и двојно плаќање. 

Македонија | пред 7 години

13 сообраќајки во Скопје, едно лице почина

Еден пешак загинал, три лица се здобиле со тешки телесни повреди, а шест лица со лесни телесни повреди во осум сообраќајни незгоди од вкупно 13 што се случиле изминатото деноноќие на подрачјето на Град Скопје. Материјална штета е причините во четири сообраќајни незгоди.Полицијата, според податоците на Министерството за внатрешни работи, од сообраќај исклучила 28 возачи кои се движеле со поголема брзина од дозволената, 17 пред да се стекнат со право на управување моторно возило и тројца почетници.Казнети се и 13 возачи за технички неисправни возила, 12 за нерегистрирани возила, како и 101 возач за непрописно паркирање. Со специјалното возило „пајак“ биле подигнати 79 возила.Полицијата евидентирала и осум пешаци кои поминале коловоз вон пешачки премин, 12 кои поминале коловоз на црвено светло, четири возачи кои поминале крстосница на црвено светло, двајца возачи кои не дале првенство на минување на пешаците на обележан пешачки премин, четворица за неправилно престројување, двајца за неправилно престигнување, четворица за некористење на заштитен шлем од страна на возачите на велосипед со мотор, мопед и мотоцикл, седум за не носење сигурносен појас за време на управување на моторно возило и 13 за користење мобилен телефон за време на управување моторно возило.

Скопје | пред 7 години

Силјановска: Многу скоро јавноста ќе се убеди дека сум личност, а не нечија марионета

Професорката и кандидатка за претседател на Македонија, Гордана Силјановска-Давкова во интервју за весникот ВЕЧЕР, вели дека нејзините противкандидати немаат проблем со новото име, но таа има.За мене е најважно дека покрај поддршката на ВМРО-ДПМНЕ ја имам сета слобода да ја моделирам кампањата, да имам сопствена изборна програма и да испраќам пораки до електоратот согласно со моето лично и професионално кредо, а тоа е право и правда за Македонија. Убедена сум, вели во интервјуто кандидатот на ВМРО-ДПМНЕ, дека многу скоро јавноста ќе се убеди дека сум личност, а не нечија марионета. Ајде да почнеме со поправање на штетите на оваа власт, па за неколку години да дојдеме во ситуација која сега можеби се чини невозможна“, порачува Силјановска Давкова.На прашањето дали е партиски или натпартиски кандидат таа вели дека ја цени поддршката на ВМРО- ДПМНЕ, но важно е да има слобода при изборната кампања.„Да ве потсетам дека ВМРО-ДПМНЕ организираше отворен и фер натпревар во рамки на партијата и дека мене не ме “кооптираа” или “избра” картел на партиски врхушки. Тоа што партијата се покажа отворена кон личност, која доаѓа надвор од нејзините редови и притоа е жена, зборува за значителен прогрес. Второ што сакам да нагласам е дека освен одлуката на Конвенцијата, јас на своја страна ги имам и потписите на граѓаните, поддршката на поголем број помали партии (од кои неколку ги претставуваат и другите етнички заедници), но и поддршка на колеги, интелектуалци, уметници, итн. Сепак, за мене е најважно дека покрај поддршката на ВМРО-ДПМНЕ ја имам сета слобода да ја моделирам кампањата, да имам сопствена изборна програма и да испраќам пораки до електоратот согласно со моето лично и професионално кредо, а тоа е право и правда за Македонија. Убедена сум дека многу скоро јавноста ќе се убеди дека сум личност, а не нечија марионета“, вели Силјановска Давкова.Силјановска нагласува дека за неа е најважно дека Македонија преживува и минува премрежија и вели дека сега е време да ја ставиме на нозе и да тргнат нештата по патот по кој одат демократиите и социјалните држави во кои во центарот на политиката е човекот, а не елитите.Целото интервју може да го прочитате ТУКА.

Македонија | пред 7 години

Грчкиот министер за инфраструктура и транспорт во посета на Македонија

Грчкиот министер за инфраструктура и транспорт Кристос Спирцис денеска ќе престојува во посета на Република Македонија.Според најавите, Спирцис ќе има средба со министерот за транспорт и врски Горан Сугарески по што се предвидени изјави за медиумите. На средбата се очекува да стане збор за патната и железничката инфраструктура на Коридорот 10, како и за можностите за нови линии во авиосообраќајот.

Македонија | пред 7 години

Џафери на студиска посета во Шкотска

Претседателот на Собранието на Република Македонија Талат Џафери, претседателката на  Комисијата за финансирање и буџет Лилјана Кузмановска  и генералниот секретар на Собранието Цветанка Иванова се на студиска посета во Единбург, Шкотска.Студиската посета, како што информира, собраниската прес-служба, се реализира од 20 до 20 март и е организирана од Вестминстер фондацијата за демократија, во рамки на потпишаниот Меморандум за соработка за воспоставување буџетска парламентарна канцеларија во Собранието на Република Северна Македонија.

Македонија | пред 7 години

Нема фотографија

Партијата на Орбан исклучена од ЕПП

Партијата Фидес на унгарскиот премиер Виктор Орбан, е суспендирана од страна на Европската народна партија (ЕПП).Овој потег доаѓа после неколкумесечните лоши односи меѓу Орбан и Европската народна партија, а максималното ниво го достигна по нападите на унгарската Влада кон претседателот на Европската комисија Жан Клод Јункер.Суспензијата следува по состанокот на собранието на ЕПП во Брисел, кој ја одобри суспензијата со 190 гласа за и три против, напиша претседателот Жозеф Даул на „Твитер“.Тоа ќе значи дека партијата нема да може да учествува на состаноците на ЕПП, да гласа за одлуките на ЕПП или да предложи кандидати за местата во ЕПП.Казната можеше да биде и поголема, откако неколку членки на партијата дадоа предлог партијата Фидес да биде целосно исфрлена од ЕПП.

Свет | пред 7 години

Без струја дел од Петровец, Карпош, Студеничани и Сарај

Дел од корисниците од селата Бадар, Петровец, Чојлија, Катлановско Блаце, Кожле, населбата Катланово, објектите на патот за селото Огњаци и тунелот Катланово од 8.55 до 13 часот ќе останат без електрична енергија.Од 9 до 13 часот без струја ќе бидат дел од корисниците од улицата „Миладин Поповиќ“ во општина Карпош, а од 9 до 15 часот корисниците од селото Батинци лоцирани на улиците со бр. 1, 2, 3, 4, 5, 6 и 7.Без струја од 9.30 до 14 часот без струја ќе бидат дел од жителите на селото Бојане, во горниот дел.Како што соопшти РЦУК – Скопје, прекините се поради технички зафати во дистрибутивната електромрежа.

Скопје | пред 7 години

Градежни работи на патот Неготино – Лакавица, сообраќајот ќе се пренасочува

Сообраќајот на државните патишта се одвива непречено, по суви коловози.Од 21.03.2019 (четврток) на регионалниот патен правец Р1103Неготино – Лакавица ќе се извршуваат работи на пат, реконструкција на мост на река Вардар кај с. Пепелиште. Сообраќајот ќе се пренасочува по земјениот пат с. Пепелиште – Криволак за возила со вкупна тежина до 7,5 тони. На самото место ќе биде поставена соодветна вертикална сообраќајна сигнализација. Овој сообраќаен режим ќе трае до завршување на градежните активности.Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Нема фотографија

Облачно време со пониски температури

Денес на повеќе места ќе има зголемена облачност и ќе дува умерен североисточен ветер, па дневната температура дополнително ќе се намали за 2 до 3 степени. Во крајните јужни делови и утре ќе има услови за краткотраен локален дожд.Дневните температури ќе бидат во Скопје 17, Маврово 10, Битола 15, Охрид 13, Кавадарци 17, Крива Паланка 13, Берово 11, Дојран 17 степени.Утре ќе биде сончево со мала до умерена облачност, а само во јужните делови претпладне променливо облачно. Ќе дува слаб до умерен ветер од североисточен правец.Максималните дневни температури ќе бидат во Скопје 16 степени, Маврово 11, Охрид 13, Битола и Кавадарци 16, Крива Паланка 14, Берово 12, Дојран 17...

Македонија | пред 7 години

ФОТО: Тешка сообраќајка во Скопје, петмина повредени

Teшкa cooбpaќајка се случила вечерва на бензинската на „Лукоил“ во Трубарево, откако едно од возилата се обидело на полна лента да заврти во правец кон Петровец при што наишло другото возилоКако што дознаваме, петмина се пoвpeдeни и со Бpзa пoмoш пренесени на лekyвaњe.Четворциа во еден од автомобилите, а едно лице е повредено во другиот.Извор и фото infomax.mk 

Македонија | пред 7 години

По инцидентот со Јанакиески и Ристовски поставени дополнителни рефлектори на шеталиштето во затворот во Шутка

Затвор Скопје ги спроведе препораките од Управата за извршување санкции.По инцидентот во затворот во Шуто Оризари, кога беа нападнати поранешните министри, Миле Јанакиески и Спирот Ристовски, Управата за извршување на санкциите наложи управата на казнено-поправната установа да преземе неколку мерки, пишува „Фокус“.Надзорот на Управата на 15-ти овој месец покажал дека управата во затворот ги реализирала сите задолженија.При надзорот директорот на КПУ Затвор Скопје – Ѓоко Котевски посочил дека во најкус можен рок е постапено и реализирани се задачите дадени од директорот на Управата за извршување на санкциите.Целиот текст можете да го прочитате тука.

Македонија | пред 7 години

По несреќата кај Ласкарци, Образование до училиштата: Внимавајте кој ве вози на екскурзиите

Министерството за образование и наука соопшти дека им укажало на сите основни и средни училишта да бидат особено внимателни при изборот на туристичките оператори, кои ќе ги ангажираат за реализација на училишните екскурзии, пишува Сакамдакажам.мк„Имајќи предвид дека училишните екскурзии се составен дел од воспитно образовниот процес на учениците и помагаат за остварување на одредени цели од наставните програми, доставивме укажување до сите основни и средни училишта да бидат особено внимателни при изборот на правните субјекти, односно туристички оператори кои ќе бидат ангажирани за реализација на екскурзиите, со оглед на последните случувања, односно сообраќајната несреќа со фатални последици по животот и последици по здравјето на повеќе наши сограѓани“, се вели во соопштението од Министерството за образование и наука.Ова соопштение дојде откако Министерството на прашањето на САКАМДАКАЖАМ.МК дали ќе стави мораториум на екскурзиите во основните и средните училишта откако истрагата на Основното јавно обвинителство Скопје утврди дека до автобуската несреќа кај Ласкарци, во која починаа 15 лица дошло поради криминални практики на превозникот.Целиот текст можете да го прочитате тука

Македонија | пред 7 години

Нема фотографија

Земјотрес од 2 степени во Македонија

Земјотрес е регистриран денеска во Македонија, со епицентар на 2 км од Вевчани и на 3 км од селото Октиси.Се работи за земјотрес со јачина од 2 степени според Рихтер, а бил на длабочина од 7 км.

Македонија | пред 7 години

Од утре градежни работи на патот Неготино - Лакавица, сообраќајот ќе се пренасочува

Сообраќајот на државните патишта се одвива непречено, по суви коловози.Од 21.03.2019 (четврток) на регионалниот патен правец Р1103 Неготино – Лакавица ќе се извршуваат работи на пат, реконструкција на мост на река Вардар кај с. Пепелиште. Сообраќајот ќе се пренасочува по земјениот пат с. Пепелиште – Криволак за возила со вкупна тежина до 7,5 тони. На самото место ќе биде поставена соодветна вертикална сообраќајна сигнализација. Овој сообраќаен режим ќе трае до завршување на градежните активности.Ве информираме дека автопатот Миладиновци – Штип, секција Миладиновци – Кадрифаково и Кадрифаково – Миладиновци не е пуштен за сообраќај. На автопатот се вршат проверки од безбедносен карактер. Апелираме до сите возачи да не го користат автопатот.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони.

Македонија | пред 7 години

Доживотен затвор за Радован Караџиќ

Радован Караџиќ е осуден на казна доживотен затвор. Со оваа одлука преиначена е првостепената пресуда на Трибуналот во Хаг со која во март 2016 беше осуден на 40 години затвор. Жалбениот совет на Меѓународниот резидуален механизам за кривични судови, како наследник на Хашкиот трибунал ги отфрли сите жалбени наводи на Караџиќ, освен едно делумно усвоено барање број 31.Пред изрекувањето на пресудата, пред судот дојде до инцидент кога на заштитната ограда семејствата на настраданите и претставници на бошњачки здруженија поставија транспарент на кој Караџиќ се споредуваше со Хитлер.Судскиот совет на Хашкиот трибунал во март 2016 го осуди Караџиќ на 40 години затвор за геноцид во Сребреница и злосторства извршени против човештвото во Босна и Херцеговина од 1992 до 1995 година. Караџиќ беше уапсен во Белград на 21 јули 2008 година, а девет дена подоцна беше екстрадиран во Хаг. Долги години се криеше во Србија под лажен идентитет Драган Дабиќ, лекар по алтернативна медицина. Неговото судење почна во октомври 2009 година и заврши со првостепена пресуда во март 2016 година.По објавувањето на доживотната казна затвор за Радован Караџиќ, Стејт департментот ја коментираше пресудата преку соопштение од амбасадата на САД во Босна и Херцеговина.„Амбасадата на САД во Сараево ја поздравува денешната пресуда на Апелациониот совет на Судот во Хаг. Пресудата претставува важен чекор кон утврдување одговорност на поединци кои предизвикаше огромни страдања на жителите до Босна и Херцеговина, и пресудата ја задоволува правдата спрема жртвите и нивните семејства“.Понатаму од американската амбасада во Сараево во соопштението се вели дека „апелираме до сите страни да ја почитуваат пресудата и да се свртат кон колективно помирување и заеднички живот, што е неопходен за стабилна Босна и Херцеговина“.

Свет | пред 7 години

Тодоров: ВМРО-ДПМНЕ и да има 80 пратеници, нема да го поништи Преспанскиот договор

Поранешниот министер од редовите на ВМРО-ДПМНЕ, Никола Тодоров во вечерашното интервју на 1ТВ рече дека ВМРО-ДПМНЕ мора да настапи доблесно во однос на Договорот од Преспа.-Јас се немам скарано со Мицкоски и одлуката да ме исклучат ме изненади, со оглед дека јас застапував став за референдумот во рамки на ставот на партијата: секој да постапи по свое уверување. Јас излегов и реков дека бојкотот не е правилен, и да се излезе и да се гласа со поништување на ливчето. Сега може да се протолкува дека во еден момент во историјата ВМРО-ДПМНЕ не била баш на вистинската страна. Доколку раководството не успее да фати приклучок во оваа поголема слика, тогаш ќе дојде до негова смена. Цел свет го поздравува Преспанскиот договор, дури и Русија го прифати. Доколку претендираш да станеш премиер, тие работи мораш да ги сфатиш. Ако како партија сте одбрале дека сте против тој Договор, тогаш пред меѓународната заедница треба храбро тоа да им го кажете: кога ќе дојдеме ние на власт, ќе го поништиме Договорот. Или доколку знаете дека Договорот е завршена работа, тогаш храбро треба на граѓаните да им кажете дека тоа е така. ВМРО-ДПМНЕ и да има 80 пратеници, нема да го поништи Договорот. Реперкусиите од тоа би биле преголеми, рече Тодоров.

Македонија | пред 7 години

„Плати со поезија“ утре на повеќе локации во Скопје

Годинашната акција “Плати со поезија“ на брендот “Јулиус Мајнл“, по повод Светскиот ден на поезијата – 21 Март, ќе се одржува на осум локации во Скопје.Кампањата во која секој што ќе напише стихови за возврат добива кафе, годинава ќе се реализира во 40 земји. Оваа година сите што ќе напишат песна или поема влегуваат во меѓународната наградна игра на Јулиус Мајнл, а шест лица од цел свет ќе може да се запознаат со Том Одел на неговиот концерт во Глазгов на 1 јуни.“Се што треба да се направи е да се напише поемата или песната, да се сликне и да се постира на Инстаграм со хаштагот #PayWithaPoem”, наведува организаторот.Осумте угостителски локали во Скопје во кои може да се плати кафе со поезија се: Ревија, Паладиум, Фонтана, Дион, Центар-бар, Бекјард, Ла кафе и Сквер 21. Во нив постои можност за средба со млади македонски поети и писатели кои ќе им помогнат на стихотворците да ја пронајдат, “внатрешната инспирација заедно со Јулиус Мајнл“.

Скопје | пред 7 години

776 аптеки ќе добијат зголемување на квотите за лекови за 12.000 денари

Седумстотини седумдесет и шест приватни здравствени установи-аптеки, со кои Фондот за здравствeнo осигурување во моментов има склучено договор, за месец март 2019 година, ќе добијат рамномерно зголемување на квотите за лекови, за 12.000 денари.Фондот континуирано ја следи достапноста до лековите на рецепт и работи на обезбедување  подобра снабденост со лекови во текот на целиот месец. Ова го прави со  цел осигурениците  да може да ги подигнуваат  потребните лекови во аптеките, во близина на нивното место на живеење.Линеарното зголемување на квотите за дополнителни 12.000 денари, е обезбедено за секоја здравствена установа – аптека, освен за апеките со максимална месечна квота од 650.000 денари и ќе важи само за месец март.Фондот сака да укаже дека еден од условите за зголемување на месечната квота е аптеките да издаваат најмалку 20 отсто лекови за кои осигурениците не треба да доплаќаат.Фондот продолжува внимателно да ги следи состојбите со достапноста на лековите на рецепт во аптеките.

Македонија | пред 7 години

Ванковска: Ќе беше најдобро Кацарска да си молчи

Билјана Ванковска се огласи на својот Фејсбук профил по изјавата на судијката Добрила Кацарска дека пресудата за Игор Дурловски и била најтешко донесена ослободителна пресуда во кариерата.“На Кацарска најтешко ѝ паднала ослободителната пресуда за Игор Дурловски! Слушаш и не ти се верува. Барем да си молчеше.Токму попладнево си разговараме со Богдан Бгданов за ликот на вистинскиот херој на ова време. Не се тоа оние кои се јуначат на ФБ/во кафеана и на зборови, туку овој човек кој остана достоинствен и исправен ОД ПОЧЕТОК ДО КРАЈ, од учеството на протестите, па до крајот на судењето!А онаа негова насмевка нема никогаш да ја заборавам, бидејќи додека беше во притвор тој со насмевка не’ смируваше нас кои бевме вознемирени и загрижени иако на слобода.Тој нам ни даваше кураж, наместо ние нему! Така постапува само човек со мирна совест и големо срце! И за тоа му благодарам од се’ срце”, напиша Ванковска на Фејсбук.

Македонија | пред 7 години

Пендаровски:После подолг временски период, Македонија се врати на вистинската патека на европеизација и демократизација

После подолг временски период, Македонија се врати на вистинската патека на европеизација и демократизација, знаете дека долги години бевме заробена држава, знаете дека имавме политички кризи, политички турбуленции, имавме дури и насилен упад во Парламентот, меѓутоа новата влада за релативно кус временски период успеа да ја стабилизира земјата и да ја донесе практично на прагот на НАТО алијансата, истакна Стево Пендаровски, заеднички кандидат за претседател од Кавадарци.По добивањето на поканата за влез во Алијансата, минатата година, очекуваме до крајот на оваа година да станеме 30-та земја членка на најмоќниот воено -политички сојуз на светот.Сето тоа немаше да биде можно ако не бевме сплотени околу идејата да ја реазлираме најголемата стратешка цел од осамостојувањето до денес, а тоа е сите да застанеме зад прогресивните сили кои имаат тешка битка, поминаа многу препреки и конечно успеаа да ги победат силите на регресот.Денес, за жал се уште постојат луѓе и политички структури кои мислат дека со нудење алтернатива која значи всушност враќање назад или со блокада на развојот на државата, Северна Македонија може да просперира.Наредните претседателски избори треба да покажат дека курсот што Македонија го има заземено е исправен и единствено можен во овој период, и јас би апелирал до сите луѓе кои мислат добро на сопствената земја да гласаат за оваа политичка опција за оваа политичка структура, од која сум и јас самиот дел, која во изминативе година и пол до две, навистина успеа од една заробена држава да направи де факто членка на евроатлантските институции.Македонија не смее да си дозволи да оди назад затоа што таа опција е најпогубна за сите нас, ако дозволиме да поништиме се што до овој момент сме постигнале, ако ги поништиме сите договори, сите компромиси кои оваа влада успеа да ги направи, мислам дека ќе се вратиме во голема неизвесност, а тоа нема да донесе прогрес за никого.Едноставно Македонија мора да биде дел од напредна, демократска Европа и да биде дел од напредниот и демократски свет.Северна Македонија не смее да се враќа назад, мора да продолжи напред, да биде дел од напредниот свет, истакна Стево Пендаровски, заеднички кандидат за претседател од Кавадарци.

Македонија | пред 7 години

Ќулавкова: Никој во државата не беше овластен за потпишување на Преспанскиот договор

Никој во државата не беше овластен, немаше мандат да потпишува таков договор во смисла на тоа дека предмет на договори со Грција под капата на ОН беше името на државата, но не и дефиниција на македонскиот идентитет, воведување на два идентитета, еден во Македонија, еден во Грција. Понатаму, извесна подреденост на државата Република Македонија или Република сега Северна Македонија, вели академик Катица Ќулавкова во вечерашното гостување во емисија Само вистина на Канал 5.Според Ќулавкова со Преспанскиот договор како држава ќе мораме да бараме мислење и одобрување од страна на Грција со што на тој начин ни е нарушен државниот суверенитет.Со тој договор исто така има еден рестрективен однос по однос на некои прашања како што е македонскиот јазик, тој се признава ама се дефенира како дел од групата на словенски јазици. Ние македонскиот јазик го имавме признато во личната карта на ОН досега и таму и ние знаеме дека тој е дел од јужнословенските и словенските јазици, но сепак мислам политички договор нема зошто да го одредува така во една класифицирана форма, истакна таа.

Македонија | пред 7 години

Мицкоски во Брисел оствари средба со Каранбауер

Претседателот на ВМРО ДПМНЕ Христијан Мицкоски во рамките на својата посета на политичкото собрание на Европската Народна Партија што се одржува во Брисел оствари разговор со лидерката на владејачката германска партија ЦДУ Крамп Каранбауер.За време на разговорот Мицкоски ја запозна со актуелната политичка состојба во државата и разговараа за актуелната состојба во рамките на ЕНП.Каранбауер истакна дека стои на располагање за поддршка на ВМРО-ДПМНЕ и реализација на стратешките интереси и посакува успех на наредните избори. Од лидерката на ЦДУ беше испратена и поддршка за Гордана Силјановска Давкова. Разменија мислења за улогата на жените во политиката. Крамп Каранбауер и даде целосна поддршка на Силјаноска Давкова за победа на следните избори.-Давам поддршка на жените во политиката и се надевам на нивен успех. Се надевам дека ќе станете првата жена претседател на вашата држава и ќе победите на изборите, изјави Крамп Каранбауер.

Македонија | пред 7 години

Јанакиески бара помош од Цветанов

Поранешниот министер Миле Јанакиески, обвинет во неколку предмети на СЈО, испратил писмо до „Зелена лупа“ во кое се жали дека му биле прекршени неговите основни човекови права. Тој вели дека судските рочишта му биле закажувани премногу често, односно нема време да спреми квалитетна одбрана. Па така, посочува дека во 85 работни дена му биле закажани 57 рочишта, објави Фокус.мк.Писмото на Јанакиески е адресирано до Ване Цветанов претседателот на здружението Зелена лупа, кој во времето додека Јанакиески беше министер се жалеше од „режимот на Груевски“.-Зелена лупа Ве информира дека доби писмен документ од обвинетиот Миле Јанакиевски, во која што се жали за кршењето на неговите основни човекови права.Зелена лупа ќе го разгледа документот и за истиот ќе испрати допис до Основен Суд Скопје 1 – Скопје.Текстот во целост на: Фокус.мк

пред 7 години

Кој се ќе одговара пред ОЈО за изградбата на Али Пашината џамија?

Основното јавно обвинителство Охрид постапува во предмет кој се однесува на изградбата на Али Пашината џамија. Предметот е оформен веднаш по добиени сознанија и беше заведен против едно правното лице и едно физичко лице, а по прибавување на тековна состојба од Централниот регистар на РМ, предметот е проширен и против правно лице од Охрид и одговорното лице.Во текот на постапувањето по предметот се прибавени повеќе писмени документи, а кои се однесуваат на реконструкцијата на Али – Пашината џамија во Охрид. Од конзерваторското одобрение произлегува дека правното лице на ден 08.06.2016 година добило конзерваторско одобрение за конзерваторско – реставраторски работи и реконструкција на Али – Пашината џамија во Охрид. Видно од точка 6 на диспозитивот на ова одобрение, работите на конзервација и реконструкција на Али – Пашината џамија во Охрид може да се изведат врз основа на правосилно одобрение согласно со прописите на градење. Тоа во пракса подразбира дека правното лице од Охрид било должно да побара такво одобрение од Министерството за транспорт и врски, бидејќи согласно законските прописи категоријата на градбата подразбира дека за такво одобрение е надлежно Министерството за транспорт и врски, а не подрачната единица на истото министерство во Охрид.Во текот на јавнообвинителското постапување беа превземени повеќе дејствија, пред се насочени кон спречување на штетни последици од кривичното дело. Од тие причини, од Основниот суд беше побарано да се донесе решение за забрана за преземање определени работни активности кои се поврзани со кривично дело, односно забрана за преземање и изведување градежни работи на објектот и таква мерка со Решение од 13.02.2018 година беше донесена кон осомничените.По извршен увид на терен се воочи дека мерките на претпазливост не се почитуваат од страна на осомничените, а за утврдување на промената на фактичката состојба во повеќе наврати од страна на Јавниот обвинител е издадена наредба до градежен инженер, кој излегуваше на лице место во присуство на полициски службеници. При тоа извршено е фото - документирање на состојбата на лице место, а градежниот инженер истата ја констатира во вештите наоди.Со оглед дека постапувањето по судското Решение е во надлежност на Управата за заштита на културно наследство која е носител на Конзерваторското одобрение, но и до Министерството за транспорт и врски, поточно Државниот инспекторат за градежништво и урбанизам, како и поради тоа што интензивно се преземаат дејства за изградба на минарето на наведената џамија и покрај изречените забрани од страна на судот, јавното обвинителство има доставено информација до надлежните со цел да се иницира поведување на инспекциски надзор.На 11 март, Основното јавно обвинителство Охрид беше известено од страна на Централниот регистар – регистрациона канцеларија од Охрид за непосредните изведувачи на работите на терен. По добивањето на овие информации наведените правни и физички лица се додадени како осомничени во предметот.Воедно, од Основниот суд во Охрид согласно член 39, во врска со член 146 ст.1 т.7 и чл. 147 ст.6 од Законот за кривичната постапка е побарано издавање на забрана за преземање на определени работни активности кои се поврзани со кривичното дело, односно забрана за преземање на градежни дејствија на наведената недвижност и кон овие четири лица.

Македонија | пред 7 години

ДОСИЕ открива : Пронајден мобилен телефон во ќелијата на Сашо Мијалков

Во затворската соба во истражниот затвор во Шутка во која е сместен поранешниот директор на УБК, Сашо Мијалков бил пронајден мобилен телефон. Телефонот бил пронајден при извршен претрес, а за ова затворот ќе го извести надлежниот судија, објавува Досие.мк.Ова е втор пат во неговата соба да биде пронајден мобилен телефон.Првиот пат кога беше приведен од хотелот Мериот. При претрес му беа пронајдени два мобилни телефони. Подоцна беше пуштен во куќен притвор, но по изрекување на пресудата за „Титаник 2“ повторно е во притвор.

пред 7 години