Спектакуларна Глетка – вистинска зимска бајка. Дел од Нијагарините Водопади замрзнаа. Студениот бран што го погоди западот и североистокот на САД од Нијагарини Водопади направи фантастична ледена глетка.Прекрасните водопади се претворени во мраз.Туристите кои ги посетуваат водопадите во последните денови не пропуштаа да се фотографираат покрај оваа убавина.
Свет | пред 7 години
Холандската полиција пукала во маж во Амстердам во близина на Централна банка, по голема полициска акција.Сведоците велат дека се слушнало пукање околу 19:15 часот по локално време.Од полицијата велат дека примиле повеќе повици во врска со лице кое било наоружано. Кога осомничениот и се приближил на полицијата, тие пукале во него. Тој починал на местото на настанот, а исто така повреден е еден од случајните минувачи. За сега е нејасно дали мажот пукал кон полицијата.
Свет | пред 7 години
Четири згради се евакуирани поради експлозија на гас во Сан Франциско во Калифорнија.https://twitter.com/SFFDPIO/status/1093282280112410624?ref_src=twsrc%5Etfw%7Ctwcamp%5Etweetembed%7Ctwterm%5E1093282280112410624&ref_url=https%3A%2F%2Fwww.telegraf.rs%2Fvesti%2Fsvet%2F3030889-evakuacija-4-zgrade-u-san-francisku-pozar-izazvao-veliku-eksploziju-gasa-vatrogasci-i-policija-na-terenu-fotoОд противпожарната бригада изјавија дека во соработка со полицијата евакуирале четири згради. За сега нема информации за повредени, како и за настанати штети.https://twitter.com/SFFDPIO/status/1093267471933435905?ref_src=twsrc%5Etfw%7Ctwcamp%5Etweetembed%7Ctwterm%5E1093267471933435905&ref_url=https%3A%2F%2Fwww.telegraf.rs%2Fvesti%2Fsvet%2F3030889-evakuacija-4-zgrade-u-san-francisku-pozar-izazvao-veliku-eksploziju-gasa-vatrogasci-i-policija-na-terenu-foto
Свет | пред 7 години
Претседателот на Владата на Република Македонија Зоран Заев денеска го прими во посета поранешниот премиер на Република Бугарија Иван Костов, кој се заблагодари за можноста да се сретне со премиерот Заев и да разменат мислења од важност за соседските односи меѓу двете земји, за регионот, како и за перспективите на нашата земја во однос на нејзината европска интеграција.Поранешниот бугарски премиер Костов, во чиј мандат неговата земја ги започна преговорите со ЕУ, на средбата а истакна храброста и прогресивните политики на премиерот Заев кои на земјата и донесоа членство во НАТО, изгледни перспективи во процесот за членство во ЕУ, како и сериозен придонес за стабилноста и развојот на регионот, со одлучноста во решавањето на спорот со Република Грција со Договорот од Преспа.Овие промени во регионот се и од огромно значење за натамошниот развој на односите меѓу Република Македонија и Република Бугарија, особено во делот на економската соработка и во соработката на инфраструктурните проекти за поврзување од Коридорот 8.На средбата се разменија ставови и искуства на поранешниот премиер на Р. Бугарија Иван Костов во однос на одделни прашања од процесот на зачленувањето на во ЕУ, кои се однесуваат и на неопходните внатрешни реформи и политики за постигнување на економски раст и развој.
Скопје | пред 7 години
Министерот за земјоделство, шумарство и водостопанство Љупчо Николовски и министерката за труд и социјална политика Мила Царовска денеска присуствуваа на презентација на анализите направени во рамки на проектот „Мерење на нивото на зајакнување на жените во земјоделството со примена на експериментален економски модел“.„Како ресорно министерство активно работиме на мерки со цел да го поттикнеме и поддржиме учеството на руралната жена во земјоделскиот сектор. Денеска испраќам јасна порака за потребата на економско јакнење на руралната жена, нејзино поголемо инволвирање во креирањето на земјоделските политики, како и заедничката борба против дискриминацијата и традиционалните бариери кои најмногу прават проблем во едукацијата и развојот на руралните жени. Ова е процес кој ќе го поминеме заедно“, изјави Николовски.Министерот Николовски најави дека МЗШВ работи на измена на Националната програма за земјоделство и рурален развој за периодот 2018-2022, конкретно за изменување и дополнување со специфична мерка наменета за жените кои живеат во руралните средини и кои се дел од земјоделско стопанство. Планот е преку оваа мерка е да се создаде поддршка во вид на неповратни грантови во висина до 180.000 денари по корисник, за вршење на дополнителна дејност во рамки на земјоделското стопанство. Односно, жените ќе можат да започнат со преработувачка или занаетчиска дејност, користејќи ги ресурсите од сопственото производство. Исто така, при конкурирањето за одредени мерки од европската ИПАРД Програма и од националната Програма за рурален развој, жените фармери имаат предност, односно добиваат повеќе поени при рангирањето.„Жените – земјоделки кои живеат во руралните средини се соочуваат со голем број проблеми. Концептот на еднакви можности означува дека жените и мажите треба да имаат еднакво учество во секој сегмент од живеењето. Ние сме подготвени да воспоставиме систем на редовна соработка помеѓу институциите, вклучително и со Министерството за земјоделство, шумарство и водостопанство, како креатор на политките и мерките кои директно ги засегаат руралните жени. Само заедно ќе придонесеме за соодветено и целосно решавање на јазот кој се уште постои во руралниот сектор и да ги охрабриме жените да станат активни чинители во земјоделието“, изјави Царовска.Инаку, Министерството за труд и социјална политика ја презема улогата на лидер во обликување на политиките, коорди0нација и и одговорност на Владата на Република Македонија во однос на Агендата за родова еднаквост и еманципација на жените. Во декември 2017 година Република Македонија ја ратификуваше Истанбулската конвенција и на 9-ти октомври 2018 година го усвои Акцискиот план за нејзнино спроведување за период до 2023 година.Земјоделството учествува со околу 10% во националниот бруто-домашен прозивод и во него работи околу 17% од работната сила во земјата, а од нив само една третина се жени. Патријахалната структура, локалните обичаи, културните и традиционални општествени норми се уште придонесуваат за лошата социо-економска положба на руралните жени.Проектот „Мерење на нивото на зајакнување на жените во земјоделството со примена на експериментален економски модел“ е реализиран од Факултетот за земјоделски науки и хранас – Скопје, а поддржан од Телото на ОН за родова еднаквост и зајакнување на жените – UN Women.
Македонија | пред 7 години
Претседателот на Владата на Република Македонија Зоран Заев, придружуван од заменик-министерот за животна средина и просторно планирање Јани Макрадули, денеска се сретна со членови на Координативното тело на граѓански здруженија за животна средина во земјата, кои заедно со Министерството за животна средина и просторно планирање соработуваат за заштита и подобрување на состојбите во овој сектор.На средбата, премиерот Заев изрази подготвеност и волја за продолжување на заложбата на Владата за соработката со граѓанскиот сектор во насока на размена на идеи и ставови при операционализација на политиките за различните области од животната средина.Претставниците на Координативното тело, на состанокот претставија дел од своите сугестии кои се однесуваат на различни сектори од животната средина, водата, обновливите извори, квалитет на воздухот, отпадот како и ставови за подобрување на законската регулатива, во согласност со ЕУ регулативите.Истовремено, тие се заблагодарија за изразената кооперативност од страна на премиерот да ги слушне сите нивни барања, поздравувајќи ја стратешката определба на Владата за преземање мерки и активности за решавање на аерозагадувањето.На работниот состанок беше договорено, претставниците на Координативното тело на граѓански здруженија за животна средина до премиерот Заев и заменик-министерот Макрадули да испратат писмо во кое ќе ги сублимираат сите конкретни иницијативи кои се однесуваат на секторот заштита на животната средина
Македонија | пред 7 години
Заменик претседателот на Владата задолжен за економски прашања, д-р Кочо Анѓушев и министерот за здравство д-р Венко Филипче, денес во Белград се сретнаа со директорот на регионалната канцеларија на Меѓународната финансиска корпорација за Централна и Југоисточна Европа (IFC-International Finance Corporation), г-дин Томас Лубек, со кого разговараа за можностите за поддршка од страна на IFC, дел од групацијата на Светска Банка, за реализација на крупни инфраструктурни проекти во енергетиката и во здравствениот сектор.Вицепремиерот Анѓушев нагласи дека на средбата со регионалната канцеларија на IFC се разгледуваа можностите за соработка во поглед на поголемо вклучување на приватниот сектор во реализација на економските политики на Владата.„За да имаме реална и одржлива економија на долг рок, приватниот сектор мора да биде што е можно повеќе вклучен во реализација на економските политики. Денес со IFC разговаравме за реализација на проекти во форма на јавно-приватно партнерство, со особен фокус на енергетски проекти. Конкретно стана збор за проекти за јавно-приватно партнерство за хидроелектраната Чебрен, за проекти за управувањето со отпадот, односно еколошките аспекти и производство на енергија од отпад, како и за можноста за јавно-приватно партнерство во здравствениот сектор, концепт кој е застапен во развиените земји. Очекуваме во рок од 2-3 недели да пристапиме кон активности со кои ќе го откочиме проектот за изградба на ХЕ Чебрен, значаен проект во поглед на производство на електрична енергија, но и за наводнување и водоснабдување. ХЕ Чебрен планираме да се реализира во форма на јавно-приватно партнерство, каде што јавниот партнер би бил ЕЛЕМ, додека приватен партнер ќе се бара во тендерска транспарентна постaпка, кадешто очекуваме поддршка од IFC. До крајот на годината се надеваме да пристапиме кон реализација на проектот за изгрaдба на хидроелектраната и наскоро Чебрен да биде ставен во функција на енергетскиот систем и водостопанството“, потенцираше вицепремиерот по состанокот со IFC.На состанокот со IFC се разменија и искуства во врска со моделот на јавно-приватните партнерства во здравствениот сектор.„Сакаме да ја искористиме експертизата којашто IFC ја има во имплементирање на јавно-приватното партнерство во многу земји во светот, а се со цел на нашите граѓани и пациенти да им го направиме здравствениот систем и здравствените установи подостапни. Да го зголемиме квалитетот на здравствените услуги и на долги патеки да овозможиме соодветен развој на нашиот здравствен систем во целост“, истакна министерот Филипче.На состанокот, од страна на IFC, изразија подготвеност и волја за поддршка за реализација на проекти кои вклучуваат јавно-приватно партнерство во енергетиката, екологијата и здравствениот сектор.„Дискутиравме за тоа како ИФЦ може да и помогне на Владата да ги спроведе своите идеи и планови за учество на приватниот сектор во инфраструктурата и здравствената нега. Зборувавме за многу практични работи, а особено важно, брзо дојдовме до коренот на проблемите, имајќи ги предвид искуствата на Заменик претседателот во приватниот сектор и енергетиката, што ќе ни помогне наскоро да излеземе со конкретни и специфични предлози и се радуваме што набрзо ќе може да започнеме со сериозна работа“, ијави Tомас Лубек, директорот на регионалната канцеларија на IFC за Централна и Југоисточна Европа.
Македонија | пред 7 години
Вршителот на должност градоначалник Константин Георгиески имаше средба со градоначалникот на општина Ѓорче Петров. На средбата беа разменети мислења и искуства од работата на локалните самоуправи, а се разговараше и за воспоставување поблиска соработка меѓу двете општини.
Македонија | пред 7 години
Вработените од ЈП Коминална хигена Скопје или штадат на гориво за возила има немаат доволно возила?Денеска за да се превезат работниците „мораа“ да седат и в скут кај колегите?Фоторепортерот на Скопје 1 ги улови попладнево на Партизанска, најверојатно по завршената работа, како се прибираат во дирекцијата.Инаку скопјани постојано преку социјалните мрежи се жалат на хигиената во градот. Често објавуваат фотографии од преполни контењери со ѓубре, а има и такви објави на кои има фотографирано кабаст отпад пред згради.
Скопје | пред 7 години
Втора жртва од грип. Поради компликации од свински грип, 24 годишната девојка со Даунов синдром од Охрид, починала на КАРИЛ. Пациентката на Клиниката за анестезија и реанимација била 10 дена поради други заболувања.За три дена ова е втора жртва од грип во Македонија. Вчера почина 5 годишно девојче.За само една недела бројот на болни од грип се зголемил за 50 проценти. Докторите очекуваат дека бројот на болни ќе расте. Лекот тамифлу за лекување на грип го има во доволни количини.
Скопје | пред 7 години
Државниот јавен обвинител, Љубомир Јовески рече дека Обвинителството ќе побара Собранието да даде автентично толкување на спорниот член 22 од законот за СЈО, додавајќи дека на денешниот проширен колегиум било одлучено оти начелно-правното мислење на Врховниот суд за предметите на Специјалното јавно обвинителство ја нарушува законитоста.Колегиумот во проширен состав со вишите јавни обвинители на Вишите јавни обвинителства Скопје, Гостивар, Штип и Битола и јавниот обвинител на Основното јавно обвинителство за гонење на организиран криминал и корупција на 7.2.2019 година заради законито постапување на обвинителството и нарушувањето на принципот на легалитет на кривичното гонење го разгледаа начелното правно мислење на Врховниот суд на Република Македонија донесено на 30.1.2019 година и донесоа заклучоци:- Начелното правно мислење на Врховниот суд на Република Македонија ја нарушува законитоста во постапувањето на јавните обвинителства и судовите, поради што Јавниот обвинител на Република Македонија до Собранието на Република Македонија ќе поднесе барање за давање автентично толкување на член 22 од Законот за јавното обвинителство за гонење на кривични дела поврзани и кои произлегуваат од содржината на незаконското следење на комуникациите, согласно член 175 од Деловникот на Собранието на Република Македонија.- Начелното правно мислење на Врховниот суд на Република Македонија е донесено без да постои различна примена на законите од пониските судови и не се заснова на одредбите, смислата и содржината на Законот за јавното обвинителство за гонење на кривични дела поврзани и кои произлегуваат од содржината на незаконското следење на комуникациите и е противречно само на себе. Наспроти одредбата од член 22 од Законот, дека ова јавно обвинителство во рок од 18 месеци од примањето на материјалите и преземањето на предметите може да покрене обвинение или да донесе наредба за запирање на истражна постапка, во начелното правно мислење, и покрај тоа што тие се наведуваат како кумулативен услов, овој рок во мислењето се смета само од денот на приемот на материјалите, занемарувајќи го денот на преземањето на предметите. Со начелното правно мислење Врховниот суд излегол надвор од законските надлежности, толкувајќи конкретна законска одредба со што создадена е правна несигурност.- Јавниот обвинител на Република Македонија и проширениот колегиум на јавните обвинители ги поддржуваат јавните обвинители да опстојат на законските принципи и постапувањето по предметите, а очекуваат дека и судиите на пониските судови одлуките ќе ги засноваат на законот во функција на остварувањето на владеење на правото.Начелото на легалитет од член 39 од Законот за кривична постапка му дава основно право и должност на јавниот обвинител да ги гони сторителите на кривични дела за кои гонењето се презема по службена должност. Ова основно право и должност на јавниот обвинител ја гарантира правната сигурност на граѓаните како темелна вредност на владеење на правото. Поаѓајќи од ваквите гаранции и независноста на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите, Јавното обвинителство на Република Македонија ќе ги преземе за натамошна постапка предметите за кои Јавниот обвинител на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите ќе се огласи за ненадлежен за натамошно постапување. Ова легитимно право на јавниот обвинител е засновано на член 21 точка 7 од Законот за кривична постапка, кој го определува јавниот обвинител како единствен тужител за сторителите на кривични дела кои се гонат по службена должност, разграничувајќи го приватниот тужител како надлежен за гонење на сторителите на кривични дела кои се гонат по приватна тужба.Јавниот обвинител во постапките по преземените предмети, како законити ќе ги користи доказите и прибавените материјали, како докази прибавени на легален начин и во законита постапка.
пред 7 години
Според Српски Курир операцијата на Деа Џуревиќ поминала во најдобар ред. Иако во операциона сала докторите се бореле неколку часа, тие успеале да и ја спасат раката и успешно и е вратена циркулацијата во екстремитетите.За потсетување познатата српска водителка Деа Џуревиќ утринава беше повредена во сообраќајна несреќа, во која автобус и ја откинал раката, додека таа стоела до автомобилот на тротоар.
Свет | пред 7 години
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.На 06.02.2019 година, при претрес во домот во кој привремено престојувал осомничениот, било утврдено дека тој кај себе неовластено заради продажба држел наркотична дрога – марихуана спакувана во метална кутија со нето маса од 4,55 грама и наркотична дрога – хашиш со волумен од 8 милилитри во пластичен шприц. Истовремено биле пронајдени и две дигитални ваги со остатоци од марихуана и амфетамин, како и шише со остатоци од марихуана.Против осомничениот Основното јавно обвинителство – Скопје води и друга кривична постапка во рамките на која тој е веќе обвинет дека сторил кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик. Во рамките на таа постапка од страна на надлежниот суд му беа определени мерки на претпазливост. Имајќи го особено предвид ваквиот факт, односно можноста осомничениот да го повтори делото, како и опасноста тој да се даде во бегство, надлежниот јавен обвинител до Судија на претходна постапка достави и Предлог за определување мерка притвор.
Македонија | пред 7 години
Неготинската полиција поднесе кривична пријава против 57-годишник од селото Долни Дисан, откако при претрес во неговиот дом била пронајдена поголема количина на пиротехнички материјал.– На 24.12.2018 година полициски службеници извршиле претрес во домот на пријавениот во село Долни Дисан, при што пронашле и одзеле 3.065 парчиња разновидни петарди и 14 парчиња пиротехнички средства за огномет, кои ги купил во Скопје од непознато лице, информираат од Министерството за внатрешни работи.
Македонија | пред 7 години
На вториот официјален натпревар во рубикова коцка „Macedonia Winter 2019“, што се одржа во Скопје, Александар Дуклески од охридското село Требеништа, општина Дебрца сруши 10 национални рекорди. Тој на ниво на Македонија освои вкупно седум медали, од кои шест златни и еден сребрен.За неговата вештина и талент, веќе е запозната и пошироката јавност, а заслужено признание доби и од градоначалникот на Дебрца, Зоран Ногачески, кој го прими младиот талент во неговиот кабинет.Тринаесет годишниот Александар Дуклески продолжува да ниже успеси и медали. Тој освои 4 медали на интернационално ниво и тоа два сребрени , како и два бронзени. На ниво на Македонија освои вкупно седум медали, од кои шест златни и еден сребрен.Секоја Ти чест, мајсторе!, напиша градоначалникот на општна Дебрца Зоран Ногачески на социјалната мрежа фејсбук.Рубикова коцка е механичка загатка изумена во 1974 од унгарскиот вајар и професор по архитектура Ерно Рубик. Оригинално наречена „магична коцка“ од нејзиниот пронаоѓач, оваа загатка е преименувана како „рубикова коцка“ од компанијата „Ideal Toys“ во 1980.и исто така ја освои награда за како германска игра на годината (Spiel des Jahres), во специјалната категорија за загатки. Таа е светски најпродаваната играчка, со над 300.000.000 рубикови коцки и нејзини имитации продадени низ целиот свет.Во типична коцка, секоја страна е покриена со девет налепници во шест бои. Кога загатката е решена, лицето на секоја страна од коцката е во една боја.Загатката доаѓа во четири можни верзии: 2×2×2 (џебна коцка, наречена и мини коцка, јуниорска коцка или коцка мраз), 3×3×3 стандардната коцка, 4×4×4 (Одмаздата на Рубик), и 5×5×5 (Професорската коцка). Постојат и поголеми коцки, 6x6x6 и 7x7x7 се исто така пристапни.
Македонија | пред 7 години
Овчарот од Пухче се огласи на ФБ, вели поднел кандидатура за петседател и мислел дека ќе води лавовска битка со професорката Каракамишева, затоа што кко што пишува во објавата само во неа само гледал сериозен противник.Во продолжение фејсбук објавата:Јас поднесов кандидатура за претседател на Македонија и мислев дека ќе водам лавовска битка со професорката Каракамишева во неа само гледав сериозен противник, навистина секоја чест за тоа она сто го направи, новинарчето од тв ми рече што толку сакаш да бидеш претседател платата е 1400 евра,јас му одговорив доста ми се 500 евра мојата цел е цесна држава сите да зимаме 500 евра плата, како што можел Никола Карев да биде претседател на Крушевската Република на 27 години можам и јас добив огромна подршка од мајка Лоза тетката на Груевски цел живот Вмровка у коски, Каракамишева направи многу убав потег истиот и јас го правам, немојте да мислите дека сум кукавица на конгресот очекував 300 гласа ако имаше фер битка, можеби еден ден кога повторно ќе бидеме Република Македонија ќе бидам претседател, а силно верувам дека еден ден ќе бидам, немам багаж на грбот не сум ничиј потрчко јас си имам една цел чесна држава еднаш засекогаш 60 пратеници по 500 евра плата и сите во Македонија да бидеме патриоти и да се бориме за подобро утро на идните генерации без разлика на вера и нација сите сме од крв и месо и кога тогаш ќе бидеме 2 метра под земја, во животот што сакаш имај на крајот само 2 метра следуват те идните генерации ќе те памтат по делата, а не по злоделата милсам дека ќе има тотален бојкот 300 илади излезеност преку сила ако има дали треба избори вонредни некој прашање не заслузуваат одговор. Избори требаше да има на 18 ти ноември. Никогаш нема да извадам пасош или лична карта на Северна Македонија едноставно не ја признавам заинат на големите па ако треба цел зивот нема нигде да одам од Македонија да видиме кој е предавник, а кој патриот у нашата мила Македонија една и единствена Месечината на небото Македонија на земјата, Сонцето на Небото Македонија на земјата,Свездите на небото Македончето на земјата еј Македонија фала ти мајко најмила што сум дел од ова убаво парце земја, што сум имал среќа ти да бидеш мојата мајка, низ историјата се и сешто си поминала преживеала ќе го презивееш и ова и ќе бидес поубава како никогаш до сега, Горда исправена Македонија земјата од бајките сите ќе сакаат овде да живеат,младината ќе ни се врати, ќе имаме насмеани и среќни лица, а не тага и болка,љубовта кон Македонија е посилна од се 90 посто народот сака чесна држава еднаш засекогаш, стои во објавата.https://www.facebook.com/marjan.trajcev/posts/2026461337475449
Македонија | пред 7 години
Градот Скопје за првпат досега распишува јавен повик за субвенционирање на инвертер клима уреди и други современи уреди за затоплување на домаќинствата, како уште една од мерките за борба против аерозагадувањето.- За секој купен инвертер клима уред, секој граѓанин којшто ќе ги исполни условите за субвенционирање ќе има можност да добие половина од вкупната вредност на уредот, но не повеќе од 15.000 денари. Со оваа мерка повеќе од 1.300 домаќинства од годинава ќе добијат можност евтино да ги затоплуваат своите домови водејќи грижа за намалување на аерозагадувањето – рече на денешната прес-конференција градоначалникот Шилегов.За оваа намена во буџетот на градот, како што рече Шилегов, предвидени се 20 милиони денари, а тоа значи дека повеќе од 1.300 домаќинства од годинава ќе добијат можност евтино да ги затоплуваат своите домови, водејќи грижа за намалување на аерозагадувањето.- Убеден сум дека оваа мерка заедно со другите мерки кои досега ги презедовме во рамките на нашите надлежности ќе значи уште еден чекор напред во борбата против загадувањето на воздухот во Скопје – додаде Шилегов.Според анализите на Град Скопје, интересот кај граѓаните за набавка на посовремени уреди за затоплување е голем и поради тоа се одлучиле за субвенционирање на овие уреди и за да ги намалат трошоците на граѓаните.Огласот за субвенционирање, како што најави градоначалникот, ќе биде објавен најдоцна до понеделник.
Скопје | пред 7 години
Министерот без ресор задолжен за странски инвестиции Елвин Хасан, вчера имаше свое обраќање на дводневниот 22. Евроазиски економски самит, кој се одржува и денес во Истанбул. Евроазискиот економски самит го организира Мармара фондацијата, група за економски и општествени истражувања која има за цел унапредување на односите меѓу ЕУ и земјите од централна Азија и Блискиот Исток.Говорниците на самитот посебно се осврнаа на соработката помеѓу државите, особено во областа на економијата и енергетика. Министерот во својот говор ги поздрави присутните и им посака успешна соработка во иднина. Воедно го истакна своето задоволство од потпишувањето на протоколот за влез на Република Македонија во НАТО и зборуваше за значењето на интеграциите во ЕУ и НАТО.„Интеграциите во ЕУ и НАТО се од големо значење за нашата земја, тие со себе носат нови предизвици и можности за инвестирање во Република Македонија, ние како Влада ќе ја искористиме оваа прилика и ќе се залагаме за привлекување на нови инвеститори кои ќе помогнат во намалување на стапката на невработеност, која во последните години е значителен проблем особено за младите граѓани на нашата земја. Република Македонија нуди одлични услови за инвестирање, пример за тоа се технолошките индустриски развојни зони, ги повикувам сите компании кои сакаат да инвестираат во странство, да ја разгледаат оваа опција”, посочи министерот Хасан.
Македонија | пред 7 години
Ќе барате гласачи ко тартуфи, со кучиња и свињи, на "претседателските". Еве зошто, напиша на својот фејсбук профил актерот Сашо Тасевски.Во продолжение на својот статус тој образложува:Луѓето полека ќе ја прифатеа промената на името да бевте жилет во оправањето на државата. Обвинетите крупни ѕверки да беа веќе во затвор. Дури да лежеа и помали казни зашто помогнале за промената на името, никој "А" немаше да каже. Да почневте неселективно да гоните, па во затвор да се најдеа и оние од ДУИ, немаше да зуцнеме. Вие ништо од ова не направивте.И како капак ги рехабилитиравте најголемите поддржувачи на Груевски под маската помирување. Им давате тендери, им ги вработувате децата и којзнае уште што фазла. Оние кои со Груевски имаа се, сега добија уште. Не само што нема правда, нема ни праведност. Па уште им пречи што ги прозиваме во јавност што толку брутално брзаат да си ги вработат децата во државни фирми. За едни нема зима, за други нема промена. Новак Ѓоковиќ да го кандидирате за претседател, луѓето нема да излезат гласаат. Не зашто јас така велам, туку зашто слушам што се зборува на улица. Без дубари, претседателските ќе пропаднат. А може тоа и е целта. Кој да ве знае.https://www.facebook.com/sasho.tasevski/posts/10156925825322180
Македонија | пред 7 години
Актерката Весна Бејби Петрушевска преку социјалната мрежа фејсбук испрати порака и до „згрозеноста“ на пратеничката Емилија Александрова за интересот на јавноста за информацијата дека нејзината ќерка е вработена во Фондот за иновации, но и до сите пратеници.Статусот на Весна Бејби го објавуваме во целост:Да се разбереме , вие не сте јавни личности туку сте пратеници кои земате плата од нас,народот.Не дечки не сте привилегирани по ниту еден основ ниту имате право да ги вработувате вашите деца со стекнатите привилегии.Постојано ги учам моите деца од актерската школа дека аплаузот се заслужува,тој аплауз подразбира многу работа и време.И сега јас џабе го повторувам тоа на деца од најмала возраст до 16 годишна?Сакате јавноста да не биде груба со вас?Вие сте нешто посебно претпоставувам....посебни во вашата алчност и недоветност!Срам да ви е!Јас имам безброј пораки во кои мајки на деца со посебни потреби се на работ на егзистенција,јас работам сто работи за да преживеам со моите деца и ги учам дека се треба да научат сами и да се изборат во животот.Нушиќ вели: Оној кој има срце нема гаќи!Вие народните пратеници имате кожни гаќи,така ми се чини!https://www.facebook.com/bejbimama/posts/10218655045306073
Македонија | пред 7 години
По статусот на ФБ на Ирена Цветковиќ извршна директорка во Коалицијата „Сексуални и здравствени права на маргинализираните заедници“- Скопје, во кој таа бара помош за девојка од Емирати, која е во затвор во Македонија, денеска пристигна mail во кој има детали за девојката.Соопштението го пренесуваме во целот:Хинд Мухамед Алболоки (родена 1976) државјанка на Обединетите Арапски Емирати која во Македонија се наоѓа од 04.10.2018.Откако тогаш на легален начин влегла во земјава познаничка која работи во полиција и укажала дека може да побара азил. Таа го побарала најрегуларно на 15.10.2018. Притоа, како што вели таа, Зоран Верушевски ја наговарал да не бара азил, ја убедувал дека има убав живот и дека треба да се врати дома каде што ќе живее луксузно покрај мажот и четирите деца. Таа сепак побарала азил и била интервјуирана во МВР (зградата на МТВ). Таа вели дека интервјуерите ја испитувале како да е осомничена за кривично дело. Потоа била пуштена да живее со нејзината пријателка Амина и нејзиното семејство во Скопје. Зоран Верушевски овој пат испратил полицаец со име Горан да ѝ пренесе дека ќе биде заштитена и дека ќе и биде доделен азил.На 07.11.2018 одбиена е и нејзиното барање за азил на што приложила тужба на 12.12.2019 која на 29.01.2019 повторно била одбиена. На 07.12. 2018 е објавена судска пресуда според која и се ограничува правото на движење сообразложение дека ја загрозува националната безбедност и јавниот ред и сместена е во прифатилиште за бегалци иако претходно уредно престојувала кај нејзина пријателка. И се сместува во центар за грижа добила телефонски повик дека мора да се пријави во друг центар за азил во Гази Баба, притоа ѝ е нагласено “да соработува’, алудирајќи на тоа дека направила нешто лошо (сметана за криминалец) без апсолутно никакви докази. Тоа не и е дозволено, во центарот за азиланти престојува 2 и пол месеци.Причината поради кои ги напушта Емиратите се закани од нејзиното семејство (татко и брат) дека ќе и наштетат, само затоа што побарала развод од човекот кој физички ја малтретира и сексуално злоставува. Во видеото напоменува дека мажот тајно ја оставал неколку пати, ја понижувал, кажувајќи и дека што и да направи таа нејзините повторно ќе ја вратат кај него. Жената е преплашена за својот живот.Исплашена е поради:1. Закани од нејзиното семејство дека ако им го посрамоти името тие самите ќе ја убијат2. Во Емиратите казната за прељуба (која лесно може да се припише) е смртна казна.Жената ќе биде депортирана ако не направиме нешто итно!Информациите се преземени од разни фб профили и видеата кои ги објавува Хинд.
Македонија | пред 7 години
Кривичниот суд го одби барањето на обраната на Мијалков да биде ослободен од обвинението за предметот „Тортура“ за апсењето на Љубе Бошковски, поради тоа што бил поминат рокот 18 месеци предвиден за однесување на обвинениеја од страна СЈО.Адвокатите на обвинетиот Мијалов и шестмината припадници на алфите се повикаа на последното решение на Врховниот суд со кое судиите донесоа став дека секоја истрага и обвинение покренати по 30 јуни 2017 од СЈО се неважечки и во спротивно на рокот од 18 месеци.Но, Судот експресно го одби барањето на адвокатите и обвинетите бидејќи ваков тип на приговор требало да поднесат кога Кривичен ја оценувал основаноста на обвинението.
пред 7 години
Претседателот на Владата на Република Македонија, Зоран Заев, денеска се сретна со Рејчел Галовеј, амбасадорката на Обединетото Кралство на Велика Британија и Северна Ирска.Амбасадорката Галовеј му честиташе на Премиерот Заев за потпишувањето на Протоколот за пристапување на Република Македонија во НАТО. Таа истакна дека интеграцијата на Република Македонија во НАТО е голема победа за државата бидејќи отвора перспективи за видливи економски придобивки. Обединетото Кралство планира во скоро време да ги почне процедурите за ратификација на Протоколот за членство на Република Македонија во НАТО. Исто така, таа ја охрабри земјата да продолжи со фокусот на реформскиот процес, што носи резултати за квалитетот на живот на граѓаните.Премиерот Заев соопшти дека е во тек заокружувањето на безбедносните реформи, дека до крајот на февруари се очекува во Парламентот да бидат изгласани со консензус измените на законите што се однесуваат на реформите во правосудниот систем, дека се во тек реформите за професионализација на јавната администрација, како и за избор на нови, политички независни членови на Антикорупциската комисија.„Членството на НАТО за нашата држава значи траен внатрешен мир и придонес кон мир на Балканот, како и шанса за економски развој, тоа што граѓаните со години го очекуваат. Изразен е интерес од повеќе странски инвеститори за влез во државава, по отворените атлантски перспективи. Охрабрени сме од високите претставници од ЕУ дека ако покажеме имплементација на суштинските реформи, реални се очекувањата нашата земја да добие во јуни и датум за почеток на преговорите со ЕУ. Тоа е мотивација и за институциите, да покажат резултати. И мојата определба е, како Влада, да останеме фокусирани кон овие цели. Очекувам скорешни, поголеми резултати на економски план за граѓаните“, рече премиерот Заев.На состанокот на премиерот Заев со британската амбасадорка Галовеј е разговарано дека Балканот останува во фокусот на Обединетото Кралство и дека дипломатскиот успех на Република Македонија е пример за придонес во стабилноста и безбедноста, во регионот и во пошироки рамки.При тоа, изразена е заедничка согласност дека постојат големи отворени можности за продлабочување на соработката со Обединетото Кралство и во делот на трговијата и економијата.
Скопје | пред 7 години
Вчера беше остварена работна средба на гувернерката и вицегувернерите на Народната банка на Република Македонија (НБРМ) со делегацијата на Одборот на директори на Европската банка за обнова и развој (ЕБОР), која е во неколкудневна посета на земјава. Делегацијата е предводена од директорот на ЕБОР за Холандија, Кина, Монголија, Македонија и за Ерменија, Франс Викерс и од директорката на ЕБОР за Полска, Бугарија и за Албанија, Виолета Барвицка-Лофтхаус.На средбата, акцентот беше ставен на дел од приоритетите кои ќе треба да бидат инкорпорирани во стратегијата на ЕБОР за Република Македонија за претстојниот четиригодишен период. Притоа, како што веќе беше најавено и во разговорот со раководството на НБРМ, фокусот на делегацијата на ЕБОР беше насочен на утврдувањето на клучните области каде што може да се ангажира оваа меѓународна развојна банка во земјава во текот на следните неколку години за да се интензивира деловниот и политичкиот дијалог.Раководството на НБРМ ги презентира согледувањата и оцените за македонската економија во целина, како и согледувањата и оцените за македонскиот банкарски систем и неговата стабилност. Исто така, одделно внимание им беше посветено и на идеите и можностите за натамошната соработка меѓу двете институции.„Македонската економија закрепнува, а банкарскиот систем во земјава е стабилен и солвентен. Тој е во кондиција којашто овозможува понатамошна поддршка на економијата“ – истакна гувернерката на НБРМ, д-р Анита Ангеловска-Бежоска. Пред претставниците на ЕБОР, таа посочи и на просторот за понатамошна консолидација на банкарскиот сектор, како и на потребата за развој на останатите сегменти на финансискиот систем и развој на алтернативните извори за финансирање, особено за малите и за средните претпријатија. Токму во овие сегменти се воочи простор за натамошна поголема вклученост на ЕБОР. Воедно, гувернерката Ангеловска-Бежоска се осврна и на новата концепт-стратегија на ЕБОР за Република Македонија, укажувајќи на добро дефинираните приоритети, особено во областа на инфраструктурата и финансискиот сектор, како клучни предуслови за зголемување на конкурентноста и продуктивноста на економијата.На средбата беше нагласена досегашната успешна соработка на ЕБОР со земјава и подготвеноста на оваа меѓународна финансиска институција за одржување на континуитетот во обезбедувањето поддршка за реформа на приоритетните сегменти. Меѓу другото, беше истакнато и дека постои простор за зајакнување на идната соработка и комуникација меѓу НБРМ и ЕБОР, којашто би вродила со заеднички проекти.Ваквите посети на делегација на Одборот на директори на ЕБОР се редовни и се одвиваат на секои две до четири години во секоја земја на работење. Со ваквите посети се овозможува Одборот на директори да биде запознаен со економските и со политичките движења во земјата, како и со тековните и идните проекти во рамки на соработката меѓу земјата и ЕБОР.Досега ЕБОР има вложено над 1.8 милијарди евра во 113 проекти во Република Македонија, со цел поддршка на интеграцијата на земјава во регионалните и глобалните пазари, преку инвестиции и политички дијалог и особено преку интензивирање на соработката со клучните партнери како Европската Унија и Европската инвестициона банка.
Македонија | пред 7 години
Душан и Костадинка Лошкоски од с. Оровник, во прекрасна атмосфера, опкружени со своите најблиски-трисина, 6 внуци и 12 правнуци, но и со волонтерите на Црвен крст Охрид, вчера ја одбележаа 70 годишницата одсвојот брак.Душан роден 1930 и Костадинка родена 1927 се запознале се запознале во септември 1948 год , а брак склучиле на 06.02.1949. Се запознале на нечија свадба каде Душан како млад девер, бил „бендисан“ од братот на Костадинка за својата сестра, па со стројници братот и таткото од Костадинка отишле кај таткото од Душан за да се договорат за свадба.[caption id="attachment_25491" align="alignnone" width="663"] dav[/caption]Последниве две години во животот на Душан и Костадинка е исполнет и со најразлични активности и дружења во Црвен крст Охрид со волонтерите-нивни врсници од Програмата на грижа за стари лица, што имадава посебен смисол и исполнетост во животот, за што изразуваат голема благодарност до Црвен крст Охрид.
Македонија | пред 7 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
