Нема фотографија

Нов земјотрес на Закинтос

Земјотрес со јачина од 4.1 степен според рихтеровата скала, е регистриран денеска во 19:41 часот во близината на островот Закинтос. Земјотресот е регистриран 231 километар западно од Атина, однсоно на само 21 километар од Закинтос, на длабочина од 2 километри.Инаку, Закинтос во текот на изминатите месеци го погодија серија на земјотреси, а еден од нив придонесе да има оштетувања на неколку куќи и пристаништа на островот кој е популарна летна дестинација меѓу Македонците.

Свет | пред 7 години

Поради магла вечерва намалена видливост на Стража до 20 метри

АМСМ и ЈП „Македонија пат" информираат дека вечарва сообраќајот на државните патишта се одвива по наместа влажни коловози. Намалена видливост поради магла од 30 до 50 м. има на Стража, до 20 м. на Попова Шапка и до 10м. од крак Маврово до брана.АМСМ известува дека ограничувањето на брзината на патниот правец Струга – г.п. Ќафасан (до с.Франгово) од 40 км/ч се укинува.Сообраќајот се одвива нормално.Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата.Од АМСМ и ЈП „Македонија пат" потсетуваат дека од 15 ноември стапи на сила законската обврска за задолжително поседување на зимска опрема во возилата, без оглед на временската состојба. Оваа обврска ќе трае до 15 март 2019 година.АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде се бележи појава на утринска магла, а исто така зголемена е и можноста од појава на одрони. На осојничавите места коловозите се влажни, па поради ниските температури, карактеристични за вечерните и утрински часови постои можност и од појава на голомразица.

Македонија | пред 7 години

Сосема случано окриена нова џуџеста галаксија

Астрономите открија нова, џуџеста галаксија во нашето соседство. Галаксијата, беше откриена со помош на вселенскиот телескоп Хабл.Станува збор за мала, но прилично стара галаксија која се наоѓа 30 милиони светлосни години од нашата. Досега не била забележана бидејќи се наоѓа во сенка на ѕвезденото јато NGC 6752, предмет на првичното истражување.Новооткриената галаксија е изолирана, научниците претпоставуваат дека е настаната пред неколку милијарди години што ја прави совршен кандидат за проучување.Иако џуџестите сфероидни галаксии не претставуваат реткост, Бедин 1 има неколку уникатни карактеристики. Галаксијата е една од малкуте за коишто е одредена точната оддалеченост од нас. Истовремено, галаксијата е екстремно изолирана.Откритието е направено сосема случајно.

Магазин | пред 7 години

Османи: Почетокот на преговорите со ЕУ зависи само од нас

Денес во Владата на Република Македонија, се одржа 41. состанок на Работниот комитет за европски интеграции (РКЕИ), кој го водеше Заменик претседателот на Владата задолжен за европски прашања, Бујар Османи. На состанокот беа отворени актуелните теми поврзани со европските интеграции на земјата: објаснувачкиот скрининг, статусот на имплементација на Планот 18, статусот на НПАА 2019-2021, статусот на апсорпцијата на ИПА и сл. На состанокот беше направен пресек на клучните индикатори по кои се следи напредокот во процесот на европската интеграција на нашата земја.„Тукушто се вратив од две многу важни посети, на земјата претседавач - Романија, како и Финска која по Романија ќе претседава со Европската Унија. И не само таму, туку и на сите останати средби и разговори, пораката која ја добивам е јасна - веќе немаме пречки на патот на нашето европско и интегрирање и почетокот на преговорите зависи само од нас“ - истакна Османи на почетокот од состанокот, посочувајќи на присутните дека токму овој Работен Комитет ја претставува сржта на раководната структура која треба да ги испорача предвидените реформи во следните два месеци.„Фокусот во претстојниот период ќе биде на мерките кои се преземени за реализација на препораките од Извештајот на Европската комисија за 2017година, обрнувајќи посебно внимание на Итните реформски приоритети, двата извештаи на групата високи експерти во областа на владеење на правото, Планот 18, укажувањата и препораките од состаноците на телата во рамки на Спогодбата за стабилизација и асоцијација, препораките од Извештаите за спроведените оценски мисии и одржаните технички состаноци, и во таа насока денес ќе ги разгледаме досега реализираните активности“, посочи Османи.Во продолжение на состанокот беа разгледани и статусот на реализацијата на НПАА 2019-2020, статусот на спроведувањето на ИПА, како и статусот на реализација на обврските од оценските мисии.Работниот комитет за европски интеграции (РКЕИ) претставува највисоко административно тело на Владата во кое членуваат државните секретари на министерствата, претседавачите на Поткомитетите, Генералниот секретар на Владата, како и дел од администрацијата на Секретаријатот за европски прашања.

Македонија | пред 7 години

Премиерот Зоран Заев на гости кај премиерот Бојко Борисов во Софија

Започна официјалната средба меѓу премиерот Зоран Заев и премиерот Бојко Борисов во Софија, Република Бугарија.Како што е најавено на средбата двајцата премиери ќе разговараат за развојот на соработката во разни сектори, проекти во областа на инфраструктурата и транспортот, како и спроведувањето на Договорот за пријателство, добрососедство и соработка.Премиерот Заев ја предводи владината делегација од Република Македонија во официјална работна посета на Република Бугарија, во која се и министерот за култура, Асаф Адеми, како и националниот координатор за култура, Роберт Алаѓозовски.

Македонија | пред 7 години

Сашо Тасевски на ФБ открива 10 причини зошто да гласате за Амди Бајрам?

Десет причини да гласате за Амди Бајрам, напиша на својот фејсбук профил актерот Сашо Тасевски. Тасевски напиша:1. Функционално е неписмен, ама знае брзо да прочита кој е кој и да застане зад посилниот.2. Не се керефека со продавање лажен морал.3. Кога му дојде време за робија, си одлежа, наместо да бега ко путка.4. Никој не кренал среден прст на разгневена опозиција ко Амди.5. Истата опозицијата штом стане власт, одма го вика Амди во коалиција, разгалена од неговиот среден прст.6. Него власта не го смени карактерно, зашто не ни бил во опозиција.7. На некој волшебен начин, со "ха ха ха-хи хи хи" сите ги придобива на своја страна.8. За Амди нема лоша власт.9. На сите им дава голови со пета.10. Шармантен е, го сака камера. А и многу жени паѓаат на него, иако кријат, сепак се знае дека го тераат да оди кај нотар за потврда дека нема да зуцне, напиша на ФБ Тасевски.https://www.facebook.com/sasho.tasevski/posts/10156917662502180

Скопје | пред 7 години

Нема фотографија

Протест на шумската полиција

Шумските полицајци протестираат. Тие излегоја најпрво пред Владата, а потоа пред Министерството за земјоделство, шумарство и водостопанство, барајќи средба со министерот Љупчо Николовски. Но, ниту Николовски ниту раководителката на Секторот за шумска полиција, Аница Симонова, како и ниту раководителот на Секторот за човечки ресурси и посебниот советник на министерот, Трајче Ангеловски, досега не ги немиле за да разговараат со претставниците на шумските полицајци околу нивните барања.Претседателот на Независниот синдикат на полицијата Гоце Тодев вели дека на почетокот на 2018 година Владата донела одлука за потпишување на колективен договор со што би се решиле проблемите со кои се соочувала шумската полиција, но Договорот се уште не е потпишан.Шумските полицајци протестираат поради противењето на МЗШВ да им ги потпише ветуваните колективни договори, премалата плата од 16 800 денари со вклучена хранарина и патарина, скратените ноќни смени, скратените прекувремените саатнини и работата во турнуси.Од Шумската полиција велат дека колективниот договор е поднесен уште во 2018 година за потпишување во МЗШВ, но досега не е потпишан поради одлагање од министерството.Шумските полицајци уште бараат бенефициран стаж, покачување на платата за 30%, права еднакви на оние кои ги имаат сите овластени службени лица, како и нов Закон за шумска полиција, како што имаат АРМ и МВР.Синдикалците на шумската полиција велат дека доколку не бидат исполнети нивните барања ќе ги радикализираат протестите и ќе излезат на генерален штрајк.

Скопје | пред 7 години

(ФОТО) Исчезна жена од Тафталиџе која боледува од Алцхајмерова болест

На социјалните мрежи се шири повик да се пронајде Драгица, која има 70 години и боледува од Алцхамерова болест. Висока е 160 сантиметри, живее во Тафталиџе и е облечена во крем долга јакна.Сите што ќе ја видат може да се јават на 071/225-213 и 072/224-875.https://www.facebook.com/elena.jovanovska.520/posts/10213370673921591

Скопје | пред 7 години

Избркан или дал отказ - секоја „вистина“ има две страни новинарот Ивор Мицковски својата ја напиша на ФБ

Новинарот Ивор Мицковски, преку својот Фејсбук профил се огласи во врска со отказот кој го добил во телевизија Телма.Тешко наоѓам зборови во моментов затоа што сум ставен во позиција да се правдам и покрај неправдата што ми се нанесува, и лагата која е толку дрско изречена на моја штета дека сам сум одлучил да си заминам од Телма или дека ми било само посочено повеќе да се ангажирам.За жал ставен сум во таква неблагодарна позиција.Кај сум оштетен, уште пробуваат будала да ме направат.Изјавата на директорот што се појави денес во некои медиуми, (каде притоа не е побаран мојот став), директор кој немаше лице лично да ми ја пренесе својата одлука, туку себично го стави својот главен уредник во улога на пренесувач на пораката, не само што е лага и тотална невистина, тука дотаму е дрска што е накитена со измислени критики и епитети кои би требало мене да ме прикажат како неработник и неблагодарник. Јас не сум ни едно од тие две, а најмалку од се сум лажов. Но, за себе нема да зборам, постојат колеги кои несреќно беа вмешани во подлоста на директорот, како и колеги кои со мене работеле, и останува на нив да просведочат за мојот труд и посветеност.Жалам за ситуацијата и атмосферата со која мора да се носат. Но, ќе мораат и они, кој да молчи, кој да проговори, кој да се срами, а кој да истапи. Затоа што јас лично сум деградиран и понижен, но тука е скршено нешто многу поголемо од трудот, егзистенцијата и слободната мисла на еден поединец и новинар.Основниот проблем останува, дека мене во ходник, три часа пред крај на работно време, ми беше пренесено, дека директорот одлучил дека работниот однос завршува. Тоа е факт. Директорот не почувствувал потреба тоа лично да ми го соопшти, да ми го образложи, човечки да ми ги објасни своите мотиви. Пораката од главниот уредник ја примив смирено, без емотивни изливи, си го довршив работниот ден, и цели два дена не напишав ништо, затоа што вакви искуства ниту првпат ми се случуваат, ниту пак барам сензационализам или сакам да глумам жртва. Нападот врз мене, јас лично, го разбирам како напад кон пошироката јавност и колективитет. Обидот на еден лажов, да се оправда како во целата одлука немало никаква политичка мотивација или позадина, ќе го оставам на здравиот разум и проценка на јавноста.Јас ќе го додадам само следново.Јас сум гласен, и јас сум мрчатор, како што не нарекуваат, една шака луѓе во оваа средина кои без закрилата на анонимноста, се обидуваме да артикулираме поширока политичка и општествена критика. Да, некогаш сме хистерични, пардон, некогаш сум хистеричен, и навредувам, и што би рекле некои, многу зборам, но тоа го правам како слободен човек, кој може и да згреши, но повеќе ќе згреши кон себе и сите останати ако молчи. Тенка е кожата на секоја власт, особено е тенка политичката и партиската толеранција на критиката кога е насочена кон сите. Сите сакаат да си качен на караванот, да си дел од некоја екипа, дел од тивката или гласна поддршка. Другари, тој филм нема да го гледате, не од сите. Повеќето ќе ви клекнат, но нема сите. Еден ден може ќе ги совладате и буквално сите, но тогаш само сами ќе си го продолжите коленичарењето меѓу вас самите кое и онака го правите.За крај само да додам. Верувам дека директор кој за новинарот од својот медиум имал високо мислење и со кого наводно постапувал како со свое дете, не испраќа, не мести други колеги кои му се надредени во медиумот, да му ја соопштаат децидната и неагументирана одлука.Ама кај нас, приказната од мое дете, до дај друго дете, од одамна е ставена во пракса, и новинарите ги третирате како партиски ботови. Срамота е се ова, овој тажен спектакл, возрасни сме, барем некои од нас, напиша Мицковски на ФБ.https://www.facebook.com/ivor.mickovski/posts/10157236601251042

Скопје | пред 7 години

Припор утре од 9 до 12 часот без струја, a дел од Аеродром без вода

Поради исклучување на напон од страна на ЕВН без електрична енергија утре во периодот од 9 до 12 часот ќе биде дел од Припор. Исклучувањето на електричната енергија е со цел да се изврши темелна контрола на двете трафостаници кои се во склоп на ПС Припор.Утре ќе се менуваат вентили за пумпите за водоснабдување на висока зона АеродромСектор ЕОК во координација со сектор Водовод во периодот од 09 до 12 часот ќе изврши замена на усисно потисните вентили за пумпа број 1 и пумпа број 2 кои пумпаат вода за висока зона Аеродром. Замената на вентилите преставува основа за поставување на две нови пумпи.Резервоарите висока зона Аеродром, Припор 1, 2 ,3 , Сопиште, Ракотинци и Добри дол претходно ќе бидат полни.

Скопје | пред 7 години

Комитите на ФБ: Бевме спречени да се поклониме на гробот на великанот "за да немало инциденти"

Денес бевме во црквата Свети Спас да положиме цвеќе и да се поклониме на гробот на нашиот великан Гоце Делчев.За разлика од сите изминати години денес бевме спречени пред влезот на црквата од бројно полициско обезбедување, со објаснување дека тука ќе престојуваат странски делегации и висока Бугарска делегација, ние треба да почекаме "за да немало инциденти", напишаа комитите на својот фејсбук профил.Тие во објавата додаваат:Ние не сме пропушиле ниту една година да изразиме почит на истото место во исто време како на овој ден така и на 4 Мај, и досега никогаш не се случил ниту еден проблем ниту опструкција. Доаѓале и предходно странски делегации, амбасадори, политичари како и почитувачи на ликот и делото на Гоце Делчев, и секогаш со респект и воодушевување сме гледале кон сите нив бидејќи изразуваат почит кон револуционер, идеен деец и великан кој животот го дал за својата земја Македонија!Прашуваме отворено зошто некој би имал индиции или сомневање дека оваа година би било поинаку, и зошто би имало инцидент со Бугарски политичари или делегација кои се поклонуваат на гробот на херој кој го посветил и на крајот положил животот за Македонија во нејзините природни историски и етнички граници?Воедно бидејќи од сега па натаму ние граѓаните од втор ред треба да најавуваме специјално доколку сакаме да го посетиме гробот на нашиот Војвода Гоце Делчев, уште од сега уредно најавуваме делегација од 500 Комити за 4 Мај.За крај, со цел да нема "инциденти" денес граѓаните од втор ред, беа приморани да си одберат 5 луѓе први да го положат цвеќето, и за 3 минути да ја напуштат црквата...Слава ти хероју Македонски !!!, напишаа комитите н Фејсбук.https://www.facebook.com/KomitiZapad87/photos/a.372824616105163/2036687713052170/?type=3&theater

Скопје | пред 7 години

Гинекологија Чаир доби опомена, но ако и понатаму загадува Шилегов вели болницата ќе се затвори

По фотографиите и видеата кои се појавија вчера по медиумите во кои се гледа како густ црн час излегува од оџаците на Гинекологија Чаир, инспекторите излегоја на терен.Гинекологија Чаир доби опомена во рок од еден месец да го промени котелот кој работи на мазут и од кој секој ден излегува црн чад. Станува збор за котел што се користи за загревање на просториите и на водата за потребите на болницата кој чади и прекумерно загадува.– Инспекторите утврдија дека станува збор за дефект на дизните од котелот што е стар повеќе од 50 години, велат од Град Скопје.Инспекторатот на Град Скопје ја задолжи болницата да направи мерења на емисиите на издувните гасови од оџакот со акредитирана лабораторија за мерење.Градоначалникот на Град Скопје, Петре Шилегов, на прес-конференција се закани дека болницата ќе биде затворена ако котелот не биде променет.

Скопје | пред 7 години

Одбележување Светски ден за борба против ракот

Министерот за здравство, д-р Венко Филипче денеска се обрати на прес конференцијата по повод одбележување на 4 февруари–Светски ден за борба против ракот, во организација на Здружението за борба против рак „БОРКА – за секој нов ден“.Во своето обраќање, министерот истакна дека се обезбедува квалитетна здравствена заштита за лицата со малигни заболувања, олеснета е и процедурата за набавка на биолошките лекови, со спроведување централизирана набавка на лековите.„Министерството за здравство максимално ги вложува сите свои капацитети за да го олесни пристапот до лекови и да го подобри третманот на пациентите со малигни заболувања. Биолошките лекови досега ги набавуваа клиниките од условните буџети, а сега се набавуваат централизирано. Станува збор за лекови, кои претежно не се на позитивна листа, а се неопходни за онколошки, хематолошки, невролошки и ревматолошки пациенти, со малигни, инфламаторни и автоимуни болести. Исто така, се набавуваат иновативни лекови за рак за дојка, рак на бели дробови, метастазиран меланом, хематолошки болести, лимфоми, мултиплекс склероза, ревматоиден артритис, васкулитис, со кои се опфаќаат голем број пациенти, имајќи предвид дека долги години немало влез на иновативна терапија во државата. Овие промени значително ќе го олеснат третманот“, истакна министерот Филипче.Министерот посочи и дека се работи на намалување на времето на чекање за прегледи и воведување дополнителни термини за мамографија и ехо на дојка. „Првпат досега, во соработка со ФЗОМ се обезбедени бесплатни ортопедски градници, за жените што се оперирани од рак на дојка и имаат потреба од градник. Исто така, со Комората на психолози е потпишан Меморандум за соработка со кој се обезбедува психолошка поддршка на пациентите и нивните семејства, особено на онколошките одделенија. Во соработка со невладиниот сектор, обезбедена е и куќа за родители кои не се од Скопје, а имаат деца на подолг престој во болница или се лекуваат од рак, имајќи предвид дека психолошката поддршка е многу важна во целиот процес на лекување“, дополни министерот.Минатата година во Македонија се регистрирани 9.642 новозаболени лица со малигна неоплазма, од кои 72 деца и 3.122 лица на возраст од 60 до 70 години.На годишно ниво, Министерството за здравство изготвува посебна Програма за рана детекција на малигни заболувања, во рамки на која се реализираат повеќе превентивни и промотивни активности, меѓу кои за скрининг за карцином на грлото на матката, скрининг за карцином на простата, скринингот за карцином на дојка итн.Во своето обраќање, министерот Филипче посочи дека минатата година за првпат успешно беше извршена несродна трансплантација на матични хематопетски клетки, со која македонското здравство стана дел од мапата на светските и европски медицински центри за лекување на најтешките болести на крвта, а пред еден месец првпат досега успешно е трансплантирана коскена срцевина кај дете.

Скопје | пред 7 години

Халкбанка: Во инцидентот нема повредени, средствата на клиентите се осигурени согласно политиките на Банката

По објавувањето на информацијата во некои медиуми во врска со вооружениот грабеж на филијала на „Халкбанк АД Скопје“ во Визбегово, Халкбанк АД Скопје ја проследува следната изјава за медиуми:Во врска со денешниот грабеж во нашата филијала на улица „Јадранска магистрала“ во Визбегово, „Халкбанк АД Скопје“ ја известува јавноста дека нема повредени и дека ситуацијата е ставена под контрола од страна на надлежните институции кои работат на расветлување на случајот.Халкбанк воедно ги известува сите свои клиенти дека нивните средства се осигурени согласно политиките на Банката.

Скопје | пред 7 години

Премиерот Заев со претставници на Здружението на судии: Постигнат договор за барањата на судиите

Претседателот на Владата на Република Македонија Зоран Заев, придружуван од министерката за правда Рената Дескоска и министерот за финансии Драган Тевдовски, денеска се сретна со делегација на Здружението на судии, предводена од претседателот на здружението д-р Џемали Саити, судија во Врховниот суд.На средбата, на која позитивно беа оценети заложбите и реформите насочени кон обезбедување независно судство, претставниците на судиите и на Владата постигнаа договор за формирање работна група со претставници од ресорните Министерства за изнаоѓање системско решение за платите на судиите.Во таа насока, премиерот Заев со претставниците на судиите констатираа дека од септември ќе се реализира зголемување од пет проценти на платите на судиите и судските службеници, како и дека во тековниот Буџет има обезбедено околу 120 милиони денари за тековно исплаќање на надоместоците согласно Законот за судиите и судските службеници.Премиерот Заев, заедно со министерот за финансии и министерката за правда, изразија уверување дека уште 120 милиони денари ќе се обезбедат со Ребаланс на Буџетот, и дека тие ќе бидат наменети за ретроактивни решенија на проблемите со надоместоците на судиите.

Скопје | пред 7 години

Царовска: Капацитетот на градинките годинава се проширува за 860 деца, градиме 11 нови објекти

Вкупно 11 нови градинки ќе се градат годинава во различни делови од Македонија со поддршка од Министерството за труд и социјална политика. Министерката за труд и социјална политика, Мила Царовска, денеска ги потпиша договорте со градоначалниците на општините кои партнерски ќе учествуваат во изградбата на објектите. На списокот за изградба на нови градинки се општините Ѓорче Петров, Куманово, Кавадарци, Брвеница, Босилово, Врапчиште, Шуто Оризари, Демир Капија, Штип, и Гази Баба (2 градинки). Со изградбата на градинките капациетот се проширува за вкупно 860 деца, а ќе се отворат и најмалку 100 нови вработувања. За оваа намена од буџетот на МТСП се обезбедени 85,3 милиони денари без ДДВ.Министерката Царовска ги повика општините да конкурираат со квалитетни проекти за изградба на нови градинки, затоа што освен во Буџетот на министерството за истата намена на располагање се и уште 15 милиони евра од Светска банка.„Капиталните инвестиции во детската заштита се и остануваат приоритет на Владата. Раниот детски развој е многу важен за понатамошниот развој на човекот, затоа посветено работиме на јакнење на капацитетите и стручноста на детските градинки низ цела држава и во руралните и во најодалечените места низ Македонија. Годинава буџетот на МТСП за капитални инвестиции во детската заштита е зголеме за 300 %, дополнително на располагање имаме пари и од Светска банка “, изјави министерката Царовска на средбата со градоначалниците.Изминатата година Министерството за труд и социјална политика опфатот на децата во предучилишно образование го зголемен за 1.959 деца. Од нив 1.209 се државните градинки, додека останатите 750 во приватните објекти. Исто така за година и половина МТСП учествуваше во изградбата на вкупно 24 градинки, од кои поголемиот дел се веќе ставени во функција. Истовремено МТСП обезбеди над 1.000 согласности за вработувања на кадар во градинките од кои поголемиот дел е на неопределено време.

Скопје | пред 7 години

Средба Заев - Сенер: Ќе се забрза процесот на реализација на новите инвестиции од ТАВ за инфраструктурни проекти од 35 милиони евра

Претседателот на Владата на Република Македонија, Зоран Заев придружуван од министерот за транспорт и врски, Горан Сугарески денеска се сретна со извршниот директор на ТАВ, Сани Сенер и со генералниот директор на ТАВ Македонија, Алп Ер Тунга Ерсој.На средбата беше потврдена одличната соработка со ТАВ којашто во иднина ќе се унапредува и продлабочува. Премиерот Заев ја истакна важноста на традиционалното пријателство и одличната билатерална соработка на нашата земја со Република Турција во градењето на цврсти економски релации помеѓу двете земји.Извршниот директор и претставниците на ТАВ го поздравија зачленувањето во НАТО на нашата земја која наскоро ќе се нарекува Република Северна Македонија и започнувањето на преговори со Европската Унија како важни процеси за стабилна бизнис клима и економски напредок на земјата.На средбата се разговараше и за забрзување на процесот на реализација на новите инвестиции од 10 милиони евра што ТАВ ќе ги направи за модернизација на македонските аеродроми и за инвестиции од 35 милиони евра во инфраструктурни проекти, локални патишта, градинки, водоводи и канализации во висина, што произлегува како обврска на ТАВ од договорот за концесија. Постои согласност од двете страни дека во најбрз временски период треба да отпочне реализацијата на овие проекти.

Скопје | пред 7 години

(ВИДЕО) Aнѓушев : Преку европски фондови до повисоки стандарди во градежниот сектор

Заменик претседателот на Владата задолжен за економски прашања, д-р Кочо Анѓушев, министерот за транспорт и врски Горан Сугарески и директорот на Јавното претријатие за државни патишта Зоран Китанов, присуствуваа на отворената сесија на состанoкот на конзорциумот на Проектот „BIMcert“, кој во нашата земја се спроведува преку Научниот институт за истражувања во градежништвото, животната средина и енергетиката (ИЕГЕ-Скопје). Проектот е поддржан со средства од програма на Европската комисија за технолошки развој и иновации „Хоризонт 2020“, за подигнување на квалитетот и усовршување на капацитетите во градежништвото во Македонија, во вредност од 1,25 милиони евра.Вицепремиерот во своето обраќање на настанот, нагласи дека суштината на овој проект е да се изврши имплементација на BIM (Building Information Modeling) системот во градежништвото, како добра пракса во земјите во Европската Унија.„Овој проект има неколку цели. Една цел е дигитализација на градежништвото, како основа на четвртата индустриска револуција, односно имплементација на дигитални технологии уште од фаза на проектирање на објектите, следењето на процесот на градба, животниот век на објектите, финансиско следење и енергетската ефикасност на објектите се до фазата на демолирање на објектите. Втората цел е подигнување на нивото на енергетска ефикасност во градежните објекти. Заштедата на електрична енергија е речиси исто толку важна колку и самото производство на енергијата. Нашата земја силно се приклучува кон трендот на зголемување на енергетската ефикасност и во таа насока во подготовка е Законот за енергетска ефикасност. Трета цел е заштитата на животната средина и користење на материјали со кои ќе се зачува околината и ќе се овозможи подобра еколошка средина за граѓаните“, подвлече Анѓушев.Вицепремиерот нагласи дека во 5-те земји во кои ќе се спроведува проектот се очекува вклучување на 250 мали и средни претријатија, со вклучување во процес на обука на над 2000 професионалци од градежниот сектор, од кои се очекува создавање на над 1000 стручни лица кои би можеле да го имплементираат BIM во градежниот сектор.„Се надевам дека нашите компании, научни установи, професионалци од градежниот сектор ја препознаваат можноста која ја нуди проектот, ги повикувам да ги искористат сите бенефити од него. Треба да разбереме дека никој со сила не може ништо да ни даде, туку да ги искористиме дадените можности. Бидете проактивни, соработувајте со ИЕГЕ, а со тоа и со меѓународните партнери за да го исползуваме бенефитот за општеството преку имплементација на проектот“, порача вицепремиерот на присутните.BIM (Building Information Modeling) претставува дигитална технологија која е креирана во функција на еколошката одржливост на градежниот сектор и е најефикасна алатка за постигнување на потребната енергетската перформанса на зградите. Со тие карактеристики, БИМ претставува технологија чија што примена е во согласност и во поддршка на стратешките правци на земјата за дигитализација на стопанските сектори според глобалните правци на технолошкиот развој, како и за постигнување на целите за одржливост во енерегетскиот сектор, пред се, на енергетската ефикасност според нормите на ЕУ.Партнери во имплементација на проектот „BIMcert“ се седум научни институти, помеѓу кои е и Научниот институт за истражувања во градежништвото, животната средина и енергетиката (ИЕГЕ-Скопје), а проектот го предводи Belfast Metropolitan College, Велика Британија. Проектот освен во Македонија, ќе се имплементира во Велика Британија, Република Ирска, Португалија и Хрватска.

Скопје | пред 7 години

Филмски грабеж во експозитурата на „Халк банка“ - кон вработените впериле „калашникови“

Маскирани вооружени разбојници пред околу два часа ја ограбиле екоспозитурата на „Халк банка“ на Качанички пат кон Визбегово. Неофицјално во бнката влегле пет маскирани вооружени луѓе. Тие кон вработените впериле „калашникови“, и ги принудиле да легнат на подот, а потоа одзеле непозната сума на пари.Според првичните информации, вооружените лица одзеле непозната сума пари и избегале од местото со автомобилот со кој биле и дојдени пред да го извршат грабежот.Се очекуваат подетални информации од МВР.фото: илустрација

Скопје | пред 7 години

ВМРО ДПМНЕ го повикува градоначаликот Георгиески да ја повлече точката за легализација на дивоградбите

Легализацијата на 7 бесправно изградени објекти во кампот Градиште во најзаштитениот појас , тама на денешната пресс конференција во ОК на ВМРО ДПМНЕ.Од партијата велат:Неодговорното однесување на локалната администрација никако да запре сакајќи преку Советот на општина Охрид да протурка штетни и непримерни одлуки. Градиште е огледало на тоа како функционира целиот систем на Република Македонија. Лицемерието односно контрадикторните ставови во однос на заштитата на градот од УНЕСКО се очигледни.Легализацијата на 7 бесправно изградени објекти во кампот Градиште во најзаштитениот појас, во непосредна близина на езерото, експресно државата и нејзините институции ги издале сите потребни согласности за овие легализации. Замислете тие и незаконски веќе се вметнати во катастар на Република Македонија како „зпз земјиште под зграда".Го повикуваме в.д градоначалникот Константин Георгиески да ја повлече точката од дневен ред за легализација на дивоградбите на утрешната седница на Советот и веднаш да се донесе одлука за мораториум во согласност со препораките од УНЕСКО.Вистина ли е дека постои „медијатор“ помеѓу барателите на имот и владата?Како е подготвена Владата да им плати на сопствениците на имоти во државни обврзници по 6000 денари по м2, а притоа барателите да ги повлечат и да се откажат од сите досегашни тужби и жалби во врска со денационализацијата на Градиште?Кој ќе биде сопственик на овие бесправно изградени објекти?Зошто молчи ЈУНП Галичица, со оглед дека овој локалитет е во Зоната за одржливо користење, или Хидробиолошкиот институт во Охрид?Повикуваме на разумност, исто како што ги повикуваме и сите еколошки друштва и граѓански здруженија да продолжат да се грижат и да се борат за зачувување на езерото. Препораките на Унеско не посочуваа ваков несериозен начин на работи во Градиште и незаконски да се заграби најатрактивниот простор на Охридското крајбрежје велат од Центар за комуникации на ВМРО-ДПМНЕ ОК Охрид

Македонија | пред 7 години

Положено цвеќе на гробот на великанот Гоце Делчев

По повод 147 години од раѓањето на македонскиот револуционер Гоце Делчев, делегација на Советот на Град Скопје, составена од претседателката на Советот на Град Скопје, Љубица Јанчева и советниците во Советот на Град Скопје, Јелена Жугиќ и Петар Шапе, денеска положи цвеќиња на гробот на Гоце Делчев, во црквата „Св. Спас“ – Скопје.Со овој чин, делегацијата оддаде почит на ликот и делото на великанот на македонското револуционерно движење, на еден од најистакнатите водачи и идеолози на македонската ослободителна борба.Цвеќе на гробот на Гоце Делчев положија и делегации од Владата на Република Македонија, од Собранието на Република Македонија, од Канцеларијата на Претседателот на Република Македонија, од Министерството за одбрана на Република Македонија, од ГШ на АРМ, претставници на политички партии, на научни и на образовни институции, на здруженија, како и голем број граѓани од нашата земја и од странство.

Скопје | пред 7 години

Кривична пријава за три лица кои ограбиле малолетник

Портпаролот на СВР Охрид, Стефан Димоски, информира дека поради постоење основи на сомнение за сторено казнено дело „разбојништво“, до надлежното Јавно обвинителство, поднесена е кривична пријава против три лица од Охрид.Пријавените, на 27 јануари минатата година, околу 01,30 часот, на булеварот „Македонски просветители“ во Охрид, пресретнале 13 годишен малолетник, на кого, со примена на физичка сила му одзеле пари.

Македонија | пред 7 години

Делчево ја одбележа годишнината од раѓањето на великанот Делчев

Општина Делчево со пригодна свеченост ја одбележа 147-годишнината од раѓањето на Гоце Делчев, идеолог, организатор и водач на македонското револуционерно националноослободително движење кон крајот на XIX и почетокот на XX век.По тој повод, за животот и делото на Гоце Делчев реферат подготвија членови на КУД „Гоце Делчев“, а пред споменикот на Делчев во центарот на градот се поклонија и свежо цвеќе положија: делегација од Општина Делчево предводена од градоначалникот Горан Трајковски, како и претставници од Советот на Општина Делчево, претставници од институциите, политички партии, здруженија на граѓани.Исто така, делегација од Општина Делчево денеска положи свежо цвеќе и на гробот на Гоце Делчев во црквата „Свети Спас“ во Скопје во рамките на одбележувањето на годишнината од раѓањето на Делчев во организација на Собранието на меѓународната манифестација „Гоцеви денови“.

Македонија | пред 7 години

Нема фотографија

Горивата од полноќ добиваат нови и повисоки цени

Нафтените деривати од ноќеска по полноќ се зголемуваат од половина до денар и половина, одлучи денеска Регулаторната комисија за енергетика.Според одлуката на Регулаторната комисија, цената на Еуросупер БС-98 се зголемува за 0,50 денари за литар и неговата нова цена ќе биде 63,50 денари за литар.За еден денар поскапо ќе се продава Еуросупер БС-95 и Екстра лесното масло. Така, малопродажната цена на Еуросупер БС-95 ќе биде 62 ден/лит, а на Екстра лесното масло за домаќинство 48,50 ден/лит.Дизелот се зголемува за 1,50 ден/лит во однос на цената утврдена пред две недели што значи дека од полноќ новата цена на дизелот ќе биде 60 ден/лит.Малопродажната цена на мазутот М-1 НС се зголемува за 1,599 ден/кг и ќе изнесува 31,121 ден/кг.

Македонија | пред 7 години

Премиерката на Србија и нејзината партнерка ќе станат родители

Премиерката на Србија 43 годишната Ана Брнабиќ и нејзината неколку години помлада партнерка Милица Ѓургиќ наскоро ќе станат родители.Како што објави Блиц, Милица отишла на вештачко оплодување. Веќе неколку месеци таа не се појавува во јавноста , а како што објавуваат српските медиуми според извор од Клиничкиот центар Србија, каде што работи, таа отворила породилно боледување.Премиерката и понатаму не открива ништо за својот приватен живот. На прашањето дали навистина очекуваат бебе, таа не открила ништо, само Ви благодарам на убавите желби.

Магазин | пред 7 години