(Видео) „Може да ни се случи на сите“: Протест за казната за Фатон Љури

Стотина роднини и пријатели на осудениот моторџија Фатон Љури денеска одржаа протест пред Кривичниот суд, откако во понеделникот тој доби 11 години затвор. Љури беше осуден за смртта на 68-годишниот Југослав Николовски, кој беше прегазен во јули додека моторџијата возел мотор без дозвола и по пешачка патека кај „Паркот на франкофонијата“.Учесниците во протестот, дел од кои носеа маички со ангелски крилја и слика на човек зад решетки, а дел го криеја лицето со качулки, маршот го започнаа пеш од населбата Чаир. Тие носеа транспаренти со пораки како „Правда за Фатон Љури“, „Нема правда – нема мир“ и „Правда под притисок е неправда“, повикувајќи на „неселективно судење“.Протестантите алудираа дека Љури бил осуден поради својата етничка припадност и посочија на случаи со многу пониски казни за слични инциденти. „Зошто да се казни 24-годишен, млад дечко, кога не сакајќи се случило, утре може да се случи на сите? Имало пример и порано вакви случаи кои биле казнети со минимална казна, како случајот на Бобан Илиќ што го има убиено четиригодишното дете. До кога ќе биде оваа неправда кон нас во оваа држава?“, рече еден од учесниците.Од Кривичниот суд реагираа дека обвинетиот признал вина во присуство на адвокат, а судот одлучувал врз основа на доказите и во рамки на законските одредби. Судот потсети дека обвинетиот има право на жалба до Апелацискиот суд.„Изразувањето незадоволство преку јавни собири е легитимно право на секој граѓанин, но било каков обид за притисок не смее и нема да влијае врз независното судско одлучување. Судскиот систем предвидува правни механизми за незадоволните страни. Секоја странка што смета дека висината на изречената санкција не соодветствува со делото има право на жалба до повисокиот суд. Тоа е единствениот легален пат за преиспитување на една пресуда“, се наведува во соопштението на судот.Видео материјал од: Сител ТВ

Македонија | пред 4 месеци

(Видео) Семејството на двегодишното дете кое почина од метален фрагмент, обвинува за полициска бруталност

Двегодишното дете на семејството Аслани почина ноќта меѓу 31 декември и 1 јануари во Комплексот клиники „Мајка Тереза“ по повреда во главата од метален фрагмент, додека семејството обвинува за полициска бруталност.Во повеќе видео-материјали емитувани денеска во живо, членовите на семејството покажуваат модрици од удари, за кои тврдат дека им ги нанесла полицијата. Таткото на детето, Муше Аслани, откри дека бил испитуван од полицијата дали му направил нешто на детето и дека полициските службеници ги тепале и други членови на семејството.„Мене ме малтретираа, не ме оставија да го видам синот. Малку ми ги поткршија рацете, а јас сум опериран на раката, ме оставија на ладно, „не ти е ништо“ ми велеа. Ме прашуваа да не сум му направил нешто“, изјави Аслани.Според неговите зборови, полицијата ги буткала присутните членови на семејството и сите биле однесени во полициска станица, иако немале оружје. Семјството преку видеото на „Рома Прес“ побара неселективна и итна правда и казнување на сторителот.Министерството за внатрешни работи објави дека двегодишното дете било донесено во Клиниката за трауматологија во многу тешка состојба со метален фрагмент во главата. Лекарски извори наведуваат дека проектилот бил од заталкан или одбиен куршум и со релативно мала сила влегол во главата на детето.Според полицискиот извештај, на 1 јануари во 00:58 часот, детето починало, а телото е дадено на обдукција по наредба на јавен обвинител. Полициските службеници извршиле службен разговор со мајката и таткото на детето и преземени се мерки за расчистување на случајот.МВР засега не излезе со официјален коментар за обвинувањата за полициска бруталност.Видео материјал од: Roma Press

Македонија | пред 4 месеци

Тошковски: МВР со посебен план за безбедност и сообраќај во Маврово за зимската туристичка сезона

Министерот за внатрешни работи Панче Тошковски денеска оствари работна посета на Полициското одделение Маврово, Полициското одделение Ростуше и Полициската станица за граничен надзор Жировница, при што се запозна со тековните активности, условите за работа и конкретните предизвици со кои се соочуваат полициските службеници на терен.„Во ПО Маврово ќе се изготви посебен план за претстојната зимска туристичка сезона, со цел овозможување подобар проток на сообраќајот, навремено управување со зголемениот број посетители и распоредување на соодветен број полициски службеници за одржување на јавниот ред и мир.“, потенцираше министерот Тошковски.При посетата на Полициското одделение Ростуше беше разгледана можноста за обука на полициски службеници за вршење увиди на сообраќајни незгоди, што ќе овозможи побрзо и поефикасно завршување на постапките на лице место. Оваа мерка ќе придонесе за намалување на времето на чекање, избегнување подолготрајни блокади на сообраќајниците и зголемување на функционалноста на системот, имајќи предвид дека досега овие увиди ги вршеа екипи од Гостивар.Во Полициската станица за граничен надзор Жировница беше отворено и прашањето за можност дел од просторот во рамки на станицата да биде отстапен на општината, со цел обезбедување паркинг простор за жителите, како практично и рационално решение во интерес на локалната заедница.

Македонија | пред 4 месеци

Клуни му возврати на Трамп по потсмевот за француското државјанство

Холивудскиот актер Џорџ Клуни остро реагираше на критиките од американскиот претседател Доналд Трамп, откако Трамп му се потсмеваше поради одлуката на Франција да му додели државјанство на славниот актер и на неговото семејство.Трамп го нарече 64-годишниот оскаровец и неговата сопруга Амал „двајцата најлоши политички прогнозери на сите времиња“, откако на почетокот на месецов им беа врачени француски пасоши. Семејството Клуни веќе со години живее на својот имот на југот од Франција, пишува „Гардијан“.На својата социјална мрежа Truth Social, Трамп – чија администрација поддржуваше антимиграциски партии во Европа – порача дека Франција е „добредојдена“ да ја прими ѕвездата на филмот „Ocean’s Eleven“, долгогодишен поддржувач на демократите и гласен критичар на претседателот.„Добри вести! Џорџ и Амал Клуни, двајцата најлоши политички прогнозери на сите времиња, официјално станаа државјани на Франција, која, за жал, се соочува со голем проблем со криминалот поради апсолутно ужасното справување со имиграцијата“, напиша Трамп.Тој додаде дека Клуни добил „повеќе публицитет за политика отколку за своите многубројни и целосно просечни филмови“, тврдејќи дека „воопшто не бил филмска ѕвезда“.Клуни му одговори преку „Hollywood Reporter“, осврнувајќи се и на американските избори закажани за 3 ноември: „Целосно се согласувам со актуелниот претседател. Мораме повторно да ја направиме Америка голема. Почнуваме во ноември.“Контроверзии во ФранцијаВеста за доделувањето француско државјанство на семејството Клуни доаѓа непосредно пред стапувањето во сила на построгите јазични услови за натурализација според новите имиграциски правила од 1 јануари. Слабото познавање на францускиот јазик од страна на Клуни предизвика критики дури и во редовите на владата на францускиот претседател Емануел Макрон.„Лично, го разбирам чувството на некои Французи за двојни стандарди. Мора да бидеме внимателни со пораката што ја испраќаме“, изјави за радио France Info Мари-Пјер Ведрен, помлада министерка за внатрешни работи.Министерот за внатрешни работи Лоран Нунец и Министерството за надворешни работи, пак, ја бранеа одлуката, повикувајќи се на Граѓанскиот законик, според кој француското државјанство може да се додели со натурализација на странци кои зборуваат француски, го побарале државјанството и со својот истакнат придонес влијаат врз меѓународниот углед и економските односи на Франција.Клуни и самиот призна дека францускиот јазик сè уште не му оди најдобро. „Ја сакам француската култура и вашиот јазик, иако и по 400 дена курсеви сè уште сум слаб“, изјави тој за радио RTL во декември – на англиски јазик. За разлика од него, неговата сопруга Амал, меѓународна адвокатка за човекови права, течно зборува француски.Официјалното објаснување од ПаризСемејството Клуни во 2021 година го купи имотот Domaine du Canadel, поранешно лозје во близина на провансалскиот град Брињол. Клуни изјави дека тоа е местото каде неговото семејство е „најсреќно“, пофалувајќи ги француските закони за приватност и можноста децата да ги расте далеку од Холивуд.Француското Министерство за надворешни работи соопшти дека доделувањето пасоши „ги исполнува условите пропишани со закон“ и дека постапката поминала низ „ригорозна процедура“, вклучувајќи безбедносни проверки и интервјуа за натурализација. Министерството додаде дека семејството Клуни со својот придонес го зголемува меѓународниот углед и културниот престиж на Франција.Во текот на 2024 година, француско државјанство добиле околу 48.800 лица. Очигледно, Клуни не е единствениот Холивудец што посакува француски пасош – режисерот Џим Џармуш објави дека и тој аплицира, велејќи дека сака „место каде може да побегне од Соединетите Американски Држави“, пренесе агенцијата Франс-прес.

Свет | пред 4 месеци

Автомобил излета во реката Радика кај Бигорскиот манастир

Сообраќајна незгода е пријавена денеска во 15:48 часот, кога преку дежурниот центар Е-112 Охрид било известено дека патничко моторно возило излетало од коловозот и завршило во реката Радика, во близина на манастирот „Св. Јован Бигорски“.По пријавата, Регионалниот центар за управување со кризи Тетово стапил во телефонски контакт со лицето што го пријавило настанот, кое информирало дека возилото се движело со поголема брзина, изгубило контрола, неколкупати се лизгало и се превртело, по што паднало во реката Радика, на делницата по манастирот.За несреќата веднаш биле известени полициските службеници од Полициската станица Ростуше, кои ја потврдиле информацијата и излегле на местото на настанот. На терен се наоѓа и командирот на ПС Ростуше заедно со полициска екипа.Истовремено, била известена и Територијалната противпожарна единица Гостивар, од каде е испратена екипа со две противпожарни возила и четворица пожарникари, како и екипа на Итната медицинска помош од Ростуше.Надлежните служби се на терен и преземаат активности за расчистување на местото и утврдување на сите околности поврзани со сообраќајната незгода. Засега нема официјални информации од МВР за несреќата и за жртвите.

Македонија | пред 4 месеци

Домаќинствата и сообраќајот главни извори на загадување

Инспекциските контроли во Цементарницата „Титан – Усје“ во текот на 2025 година не утврдиле неправилности во однос на аерозагадувањето, соопшти директорката на Државниот инспекторат за животна средина, Ивана Гиновска. Извршени биле два редовни и четири вонредни надзори, вклучително и ненајавени контроли со инспектори од повеќе институции.Гиновска истакна дека фабриката редовно доставува извештаи за емисиите, а инспекциите продолжуваат на секои 15 дена. Таа нагласи дека иако индустријата загадува, според експертски анализи најголемо влијание врз квалитетот на воздухот во Скопје имаат домаќинствата, потоа сообраќајот, а индустријата е на трето место.Од Управата за животна средина информираа дека „Титан – Усје“ има важечка А-интегрирана еколошка дозвола до 2027 година и дека не постојат законски услови таа да биде одземена. Институциите најавија продолжување на засилените контроли за заштита на амбиентниот воздух.

Скопје | пред 4 месеци

Идентификација на жртвите од пожарот во швајцарски бар: анализи на ДНК, отпечатоци и лични предмети

На прес-конференцијата за пожарот во швајцарски бар се обрати и шефот на криминалистичката полиција на кантонот Вале, Пјер-Антоан Ленжен.Тој изјави дека специјализирани судски вештаци, стоматолози и полицајци работат на идентификација на жртвите.Во рамки на таа постапка се анализираат отпечатоци од прсти, лични предмети, облека и примероци од ДНК, истакна Ленжен.Околу 50 лица повредени во пожарот во скијачкиот центар се префрлени или ќе бидат префрлени во болници во други европски земји заради специјализиран третман, им изјави на новинарите Матијас Рејнард.„Околу 50 повредени се пренесени или ќе бидат пренесени во европски земји, во специјализирани центри за лекување изгореници“, рече тој.Тој додаде дека имало комуникација со францускиот министер за здравство и дека трансферите на пациентите веќе започнале кон болници во Франција.Рејнард исто така изјави дека швајцарските здравствени власти добиле понуда за помош во згрижувањето на повредените пациенти и од Италија, па дел од пациентите ќе бидат префрлени на северот на Италија.

Свет | пред 4 месеци

„Барот имал повеќе излези, но гостите во паника не ги пронашле“

Истражителите кои работат на случајот со пожарот во барот се фокусираа на прскалките како можен причинител на трагедијата. Главната обвинителка на Вале, Беатрис Пилу, потврди дека тие сега се „главната насока на истрагата“. Таа ги опиша како роденденски свеќички за торти што може да се купат во која било продавница, додавајќи дека е во тек истрага дали нивната употреба во затворени простории била дозволена.Стефан Ганзер, шеф на безбедноста во Вале, изјави дека, спротивно на некои медиумски написи, барот немал пријавени безбедносни недостатоци и бил опремен со повеќе излези за итни случаи. Сепак, се чини дека гостите во паника не успеале да ги пронајдат, па речиси сите се упатиле кон главниот влез. „Повеќето луѓе не го пронашле патот до излезите за итни случаи“, потврди Ганзер.На прашањето на новинарите дали ширењето на огнот го поттикнала пената на таванот на објектот, обвинителката Пилу одговори дека и тоа е предмет на истрага. „Ќе се утврдува дали оваа пена била наменета за безбедност, дали била во согласност со прописите и дали е причина за пожарот или не“, изјави таа, нагласувајќи дека сè уште е прерано да се носат заклучоци дали материјалот бил во согласност со прописите.Сопствениците испрашани, истрагата продолжуваОбвинителката исто така потврди дека сопственици на барот се францускиот пар Жак и Џесика Морети. Таа додаде дека точниот број на лица кои во моментот на пожарот се наоѓале во барот сè уште не е официјално потврден. Пилу упати апел до јавноста: „Ве молам, не шпекулирајте.“

Свет | пред 4 месеци

Николоски: Македонски експерти работат на стабилизација на свлечиштата и косините на автопатот Охрид-Кичево, вистински инженерски потфат

Преку изградба на така наречени градежни галерии, целосно ќе го стабилизираме земјиштето на клучните сегменти од изградбата на автопатот Кичево-Охрид. Станува збор за голем градежен и иновативен зафат од 14 галерии, нешто што го нема во целиот регион, истакна во интервју за ТВ Алфа, заменик претседателот на Владата и министер за транспорт, Александар Николоски, зборувајќи за еден од клучните инфраструктурни проекти во државата.“Станува збор за најтешкиот дел од автопатот. Се работи во планина, со земјиште кое што за жал се движи цело време и тешко се стабилизира бидејќи е хетерогено и има многу вода. Вториот проблем е што станува збор за височини од 900 до 1.200 метри надморска висина и единствениот начин тоа да се реши се со овој иновативен метод кој што го воведовме со изградба на галерии за стабилизација на земјиштето. Станува збор за два вида на проекти, едниот е со видливи галерии, а вториот кај селото Ботун со внатрешна стабилизација на земјиштето или ќе се влегува внатре од 12 до 16 метри во земјата, нешто што е направено и дизајнирано од македонски експерти и ќе биде изведено од македонски компании”-рече Николоски.Како причина што доведе ова автопатско решение да се гради толку долго, Николоски го наведе лошото планирање во минатото, потенцирајќи дека тоа и дополнителното стопирање на проектот од претходните власти.

Македонија | пред 4 месеци

Николоски: Имaме големи планови Македонска пошта да стане доминантна на пазарот, започнавме со инвестиции во средства и опрема

Ja консолидиравме Македонскa поштa, државна компанија каде вработените молеа да земат плата со претходната Влада. Сега не само што успеавме да не испуштиме од работа вработени, туку платите и сите законски права на вработените се исплаќаат редовно, истакна во гостувањето за ТВ Алфа, заменик претседателот на Владата и министер за транспорт, Александар Николоски, кој најави и осовременување на Македонски Пошти со 100 нови возила.“ Некоректно е приватните пошти да го земаат целиот пазар, а Пошта да го носи товарот. Кога ќе ги видите приходите, со 75% од пазарот пошта има приход од некаде 11 милиони евра, додека приватните пошти со 25% од пазарот, имаат некаде 18 милиони евра. Тоа мора да го корегираме, ќе донираме 100 комби возила, од кои 90 помали и 10 поголеми. Понатаму тука е нов софтвер, со што се обидуваме пошта да ја ставиме во една добра позиција и со законски измени ќе помогнеме компанијата дополнително да расте”- истакна НиколоскиТој најави реструктуирање на државните пошти, план кој ќе се реализира во периодот што следи.“Претходната Влада на СДСМ сакаше да ја продаде и на таков начин да го реши проблемот. Знаете дека двајца Генерални секретари се или под истрага, или се осудени, за тоа што го правеле поврзано со пошта. Јас и тогаш кажав, дека додека сум министер нема да се испуштаат луѓе од работа и никој не е испуштен од работа, иако имаше барања и од ЕУ за нешто такво. Јас реков дека ќе стигнеме до рационализација и намалување на трошоците, но преку подобрување на работењето и зголемување на профитабилноста” -рече вицепремиерот Николоски

Македонија | пред 4 месеци

Детето не можело да биде оперативно лекувано, повредите на мозоочното ткиво од куршумот биле неоперабилни, МЗ со детали за починатото дете

Министерството за здравство соопшти дека кај двегодишното дете повредено од залутан куршум за време на новогодишната ноќ не постоела можност да се направи хируршка интервенција, бидејќи оштетувањето на мозочното ткиво било исклучително тешко и неприменливо за оперативен зафат.Во соопштението се наведува дека детето најпрво било примено на Ургентниот центар, а поради сериозноста на повредите веднаш било префрлено на Клиниката за неврохирургија, каде било сместено на Одделот за интензивна нега.Пациентот бил интубиран, приклучен на механичка вентилација и ставен под 24-часовен мониторинг, а била ординирана антибиотска и антиедематозна терапија.„Интензитетот на деструкцијата на мозочното ткиво не дозволуваше хируршко лекување. И покрај максималните напори на медицинскиот тим, исходот беше трагичен, како резултат на многу тешките повреди на мозокот од страна на метално страно тело“, соопшти Министерството за здравство.Институцијата упати искрено сочувство до семејството и најблиските во овие исклучително тешки моменти и повтори апел Новата година да се прославува мирно, без пиротехнички средства и огнено оружје, бидејќи неодговорното однесување може да заврши со трагични последици.

Македонија | пред 4 месеци

Ердоган: Она што го направи „фараонот“ Нетанјаху нема да остане неказнето

Турскиот претседател Реџеп Таип Ердоган најави дека во понеделник ќе има телефонски разговор со американскиот претседател Доналд Трамп.„Во понеделник ќе имаме уште еден разговор со американскиот претседател Доналд Трамп“, рече Ердоган, нагласувајќи дека повикот ќе се одржи во попладневните часови.Голем собир на мостот во ИстанбулГоворејќи за масовната поддршка што турската јавност ѝ ја даде на Палестина за Нова година, Ердоган порача дека големото собирање на мостот Галата во Истанбул претставува историски момент, покажувајќи дека Палестина не е сама.„Она што го направи човекот наречен фараон, Бенјамин Нетанјаху, нема да остане неказнето, бидејќи врз себе го навлече проклетството на безброј потчинети луѓе, од млади до стари“, изјави Ердоган.Осудувајќи ги израелските постапки во Газа и влошувањето на хуманитарната состојба таму, турскиот претседател повтори дека страдањето на децата во Газа, кои живеат во импровизирани шатори среде ветер и дожд, нема да остане без одговор и дека Нетанјаху нема да избега од одговорност.

Свет | пред 4 месеци

На само 19 години му дијагностицирале Алцхајмер: Кинез стана најмладиот пациент со оваа болест

Невролози во Кина во 2022 година му дијагностицирале Алцхајмерова болест на 19-годишно момче, со што тој станал најмладата личност во светот со оваа дијагноза.Младиот човек првпат почнал да забележува проблеми со меморијата уште кога имал само 17 години, а симптомите со време сè повеќе се влошувале. Испитувањата ги потврдиле сомнежите – снимките на мозокот покажале намалување на хипокампусот, клучен дел за меморијата, а анализата на цереброспиналната течност открила биомаркери типични за Алцхајмеровата болест, најчестиот облик на деменција, пренесува Science Alert.Иако Алцхајмеровата болест најчесто се поврзува со повозрасна доба, случаите кај лица помлади од 65 години сочинуваат до 10 проценти од сите дијагнози.Речиси сите пациенти помлади од 30 години имаат таканаречена фамилијарна Алцхајмерова болест, предизвикана од наследени генетски мутации. Но, во случајот на овој тинејџер, научниците од Медицинскиот универзитет Capital во Пекинг со детална геномска анализа не успеале да пронајдат ниту една позната мутација што би можела да го објасни толку раното губење на меморијата.„Ова е најмладиот досега пријавен случај што ги исполнува дијагностичките критериуми за веројатна Алцхајмерова болест без препознаени генетски мутации“, напишале неврологот Џианпинг Џија и неговите колеги во студијата.Нагло когнитивно пропаѓањеПред 19-годишниот Кинез, најмладиот пациент со Алцхајмер имал 21 година, но кај него била откриена мутацијата PSEN1, која предизвикува таложење токсични наслаги во мозокот. Случајот со 19-годишникот е уште поголема загатка за научниците, бидејќи никој во неговото семејство немал историја на Алцхајмерова болест или деменција.Исто така, тој немал други заболувања, инфекции или повреди на главата што би можеле да ја објаснат неговота состојба. Проблемите започнале две години пред приемот во клиниката, кога почнал тешко да се концентрира на наставата. Наскоро и читањето му станало напорно, а краткорочната меморија сè послаба. Често не можел да се сети на настани од претходниот ден и постојано ги губел своите работи. Когнитивното пропаѓање станало толку сериозно што морал да го прекине средното образование.Менување на перцепцијата за болестаГодина дена по упатувањето во клиниката за неврологија, тестирањата покажале огромни дефицити. Неговиот вкупен резултат за меморија бил за 82 проценти понизок од врсниците, а резултатот за непосредно паметење дури за 87 проценти понизок.Иако за конечна потврда на дијагнозата е потребно долгорочно следење, неговиот медицински тим изјавил дека овој пациент „го менува нашето разбирање за вообичаената возраст на појава на Алцхајмеровата болест“.Студијата на случајот, објавена во февруари 2023 година, покажува дека Алцхајмеровата болест не следи само една патека, туку е многу покомплексна отколку што се мислело. „Пациентот имал Алцхајмерова болест со исклучително рана појава без јасни патогени мутации, што сугерира дека нејзината патогенеза допрва треба да се истражува“, наведуваат истражувачите.Предизвик за идната наукаВо изјава за South China Morning Post, невролозите кои го опишале случајот нагласиле дека идните студии треба да се фокусираат токму на вакви случаи со рана појава, за да се подобри разбирањето на губењето на меморијата.„Истражувањето на мистеријата на младите луѓе со Алцхајмерова болест би можело да стане едно од најголемите научни предизвици на иднината“, порачале тие. Студијата е објавена во списанието Journal of Alzheimer's Disease.

Магазин | пред 4 месеци

Скопјанец паднал од трговски центар под дејство на алкохол — со тешки повреди пренесен на Клиника

30-годишен жител на Скопје бил донесен со тешки телесни повреди во Ургентниот центар при Комплексот клиники „Мајка Тереза“, откако, според првичните информации, синоќа паднал од висина од трговски центар во централното градско подрачје.Од СВР Скопје информираат дека настанот бил пријавен во 20:14 часот и дека лицето И.Д. во моментот на несреќата било под дејство на алкохол.Полицијата презема мерки за целосно расветлување на случајот.

Скопје | пред 4 месеци

Постојат две главни теории за причината за пожарот во барот во Кран Монтана

47 лица загинаа, а 115 се повредени во пожарот што избувна за време на дочекот на Новата година во бар во познатото скијалиште Кранс-Монтана, на југозападот од Швајцарија.Пожарот во барот „Ле Констелацион“ избувнал во 1:30 часот по полноќ. Властите потврдија дека во барот имало луѓе од различни националности. Главната регионална обвинителка посочи дека случајот се третира како пожар и дека е исклучена можноста за напад.Италијанското Министерство за надворешни работи соопшти дека 13 италијански државјани се повредени, а шест се водат како исчезнати. Девет француски државјани се повредени, а осум сè уште се водат како исчезнати.Клучни информации:Во барот имало многу млади луѓе во моментот кога избувнал пожаротПричината официјално не е позната, но се појавија две теории:некој активирал петарда во затворен простор и го запалил плафонот;келнер ставил друг келнер на раменици, кој држел шише шампањ со распрскувачиПожарот предизвикал експлозии, веројатно поради ослободување на запаливи гасовиПаничната толпа се обидела да избега од подрумот по тесни скали и низ тесни врати, додека други кршеле прозорциГлавната државна обвинителка на кантонот Вале, Беатрис Пилу, исклучи каков било вид терористички нападВо спасувачката акција учествувале 13 хеликоптери, 42 возила на итната помош, 150 медицинари и 70 пожарникари

Свет | пред 4 месеци

Мицкоски: „Избегнувам јавно да зборувам, темата се злоупотребува од политички глодари“, вака одговори премиерот за помошта за семејствата на загинатите од „Пулс“

„Секогаш избегнувам да зборувам јавно бидејќи гледам дека одредени политички структури и блиски до одредени политички глодари се обидуваат таа тема да ја злоупотребуваат и да добиваат политички поени на маката на ожалостените семејства. Се што имам да кажам, јас го кажувам на тие состаноци со родителите и Здружението. Се појавив на Анкетната комисија, иако знаете дека имаше многу шпекулации и има многу шпекулации во јавноста за еден од тие состаноци со родителите. Можам да кажам дека дел од работите што се кажуваат во јавноста не се вистинити,“ вака одговори премиерот Христијан Мицкоски од Кочани на прашањето за тоа до каде е можноста за еднократна парична помош за семејствата на загинатите во трагедијата во дискотеката „Пулс“.Мицкоски нагласи дека намерно избегнува јавни настапи на оваа тема, бидејќи смета дека одредени политички структури ја користат трагедијата за дневнополитички цели.Тој додаде дека комуникацијата со семејствата ја остварува директно, на средби, а не преку медиуми, и повтори дека некои од тврдењата кои се појавуваат во јавноста не се точни.

Македонија | пред 4 месеци

МВР со детали за апсењето на убиецот на Тучинот во скопската чаршија

Полициски службеници од  Единица за насилен криминал, Одделение за крвни деликти при СВР Скопје, врз основа на наредби од јавен обвинител од Основното јавно обвинителство Скопје презедоа повеќе дејствија за обезбедување докази со кои целосно беше расчистен настанот кој се случи за време на новогодишната ноќ пред угостителски објект во Старата скопска чаршија, при кој со остар предмет беше лишен од живот А.М.Д.(22) од Турција, а Ч.Е.(23) од Турција беше повреден.Врз основа на обезбедените докази, Министерството за внатрешни работи денеска поднесе кривична пријава против М.Т. (25) од Република Турција со престојувалиште во Тетово бидејќи постои основано сомнение дека е извршител на кривично дело – Убиство од член 123, како и едно кривично дело Убиство во обид односно согласно член 123 во врска со член 19 од Кривичниот законик.Во рамките на преземените дејствија јавен обвинител нареди обдукција на починатиот, беа подигнати траги за вештачење, беа извршени разговори со повеќе лица, а беа обезбедени и снимки од видео надзор преку кои беше извршена идентификација на осомничениот.Имено, М.Т. на критичната ноќ во кафе бар во чаршијата започнал расправија со А.М.Д. и Ч.Е., по што двајцата оштетени заедно со други лица заминале кон плоштадот. Меѓутоа бидејќи не успеале да најдат такси повторно се вратиле кон чаршијата и поминале во близина на истиот кафе бар. При повторна средба со осомничениот, расправијата продолжила, а М.Т. извадил нож со кој му нанел четири удари во градниот кош и срцето на оштетениот А.М.Д., кој починал на лице место. Со еден удар му нанел телесна повреда – убодна рана во грбот и на Ч.Е., со намера и него да го лиши од живот, по што побегнал од местото на настанот.По преземени оперативно-тактички мерки од страна на органите на прогонот добиени се сознанија дека осомничениот М.Т. се наоѓа во Косово, каде е лишен од слобода од страна на косовските органи.

Скопје | пред 4 месеци

Во Косово уапсен убиецот на Турчинот во Чаршија: го убил со четири прободувања во срце и граден кош

Основното јавно обвинителство Скопје донесе Наредба за спроведување истражна постапка против 25-годишен турски државјанин, осомничен за убиство и убиство во обид, сторени во новогодишната ноќ во кафе-бар во Старата скопска чаршија.Според обвинителството, осомничениот, со престојувалиште во Тетово, започнал расправија со двајца турски државјани на возраст од 22 и 23 години. По првичниот конфликт, оштетените заминале кон плоштадот, но поради неможност да најдат такси, повторно се вратиле во чаршијата и поминале во близина на истиот објект.При повторната средба, расправијата ескалирала, по што осомничениот извадил нож и му нанел четири убоди во градниот кош и срцето на 22-годишниот Ахмет Мерт Доган, кој починал на лице место. Со уште еден убод во грбот го повредил и вториот оштетен, со намера и него да го лиши од живот, по што избегал.Во текот на истрагата биле преземени повеќе дејствија: наредена е обдукција, подигнати се траги за вештачење, извршени се разговори со сведоци и обезбедени се снимки од видео-надзор, врз основа на кои е идентификуван осомничениот.Истражните органи утврдиле дека тој се наоѓа во Косово, каде бил лишен од слобода од тамошните органи. Јавниот обвинител до Основниот кривичен суд Скопје доставил предлог за определување притвор во отсуство, по што веднаш ќе биде иницирана постапка за екстрадиција.

Скопје | пред 4 месеци

Муамер Сефери - кадар на БЕСА именуван за в.д. директор на „Паркови и зеленило“

Муамер Сефери од Коалицијата ВЛЕН, кадар на Движењето БЕСА, е новиот вршител на должноста директор на Јавното претпријатие „Паркови и зеленило“. Тој официјално ја презеде функцијата и најави дека ќе ја извршува со силно чувство на одговорност.Во објавата на социјалните мрежи, Сефери истакна дека новата позиција ја доживува како доверба, но и како сериозна задача за работа во интерес на граѓаните. Најави дека негов приоритет ќе бидат транспарентното управување и професионалното функционирање на претпријатието.Посебна благодарност упати до раководството на Движењето БЕСА и лидерите на коалицијата ВЛЕН за поддршката и укажаната доверба.„Верувам дека преку одговорно менаџирање и соработка меѓу институциите ќе постигнеме видливи резултати во уредувањето на зелените површини и јавните простори“, порача Сефери.Новото раководство најавува дека фокусот ќе биде насочен кон подобрување на услугите, одржување и развој на зеленилото и поефикасна организација на работните процеси.

Скопје | пред 4 месеци

Рекордна заплена на кокаин: „Ова е количина колку за цел мандат на претходната власт“, вели Тошковски

Околу 10 килограми кокаин, со улична вредност од приближно еден милион евра, наменети за македонскиот пазар и за младите, се тргнати од улица во координирана полициска акција, изјави министерот за внатрешни работи Панче Тошковски.Според Тошковски, станува збор за исклучително значајна заплена, која, како што нагласи, по обем е еднаква на количината дрога што претходната влада ја запленила за целиот свој седумгодишен мандат.„Оваа акција е јасен показател за променетиот пристап и за зголемената оперативна ефикасност на институциите“, изјави Тошковски, потенцирајќи дека дрогата била директно наменета за домашниот пазар.Тој додаде дека борбата против организираниот нарко-криминал ќе продолжи континуирано, системски и без отстапки, со цел трајна заштита на безбедноста и здравјето на граѓаните, со посебен фокус на заштитата на младите од штетните последици на дрогата.

Македонија | пред 4 месеци

Сопствениците „Le Constellation“ во Кран Монтана се живи: Џесика Морети била во барот кога избувнал пожарот, раката ѝ е изгорена

Сопствениците на барот Le Constellation на познатото швајцарско скијалиште Кран Монтана, каде што во новогодишната ноќ се случи трагедија, се живи, објавија француските медиуми. Станува збор за Џесика и Жак Морети, со потекло од Корзика.Според пишувањата на неколку француски интернет-портали, брачниот пар го презел популарниот бар на скијалиштето во 2015 година. Освен Le Constellation, тие управуваат и со друг угостителски објект – ресторанот Le Vieux Chalet во местото Лен.Под нивно водство, некогаш запуштениот бар бил претворен во популарен ноќен клуб, едно од омилените места за вечерно излегување во Кран Монтана.Пријател на семејството потврдил за корзиканскиот весник Corse-Matin дека Морети се живи. Според тие информации, во моментот на избувнувањето на пожарот во барот била само Џесика Морети, 40-годишничка која, како што се наведува, добила изгореница на раката.Ниту еден медиум засега не успеал директно да разговара со сопствениците. Еден од вработените изјавил дека сите се во длабок шок. „Изгубивме дел од нашиот тим, но денес е многу тешко да се говори за тоа“, рекол вработениот.

Свет | пред 4 месеци

Трамп: „Ако Иран почне да ги убива демонстрантите, доаѓаме во помош, подготвени сме и вооружени“

Американскиот претседател Доналд Трамп го предупреди иранскиот режим дека САД ќе реагираат доколку дојде до насилно задушување на протестите во земјата. Неговата изјава доаѓа среде протестите кои со денови се шират низ државата, а во кои досега загинале шест лица.„Доколку Иран пука и насилно убива мирни демонстранти, што им е вообичаена практика, САД ќе им притекнат во помош. Подготвени сме и вооружени. Благодарам за вниманието посветено на ова прашање“, порача Трамп на својата социјална мрежа Truth Social.Што се случува во Иран?Немирите што веќе петти ден ја потресуваат земјата поради наглиот раст на трошоците за живот ескалираа во смртоносни судири меѓу демонстранти и безбедносните сили. Според извештаите, загинале најмалку шест лица, а протестите, кои започнаа во Техеран, се проширија низ целата земја. Многу демонстранти сега повикуваат на заминување на врховниот лидер и крај на клерикалната власт.Новинската агенција Фарс и организацијата за човекови права Хенгау известија за жртвите. Според Фарс, две лица загинале во судирите во градот Лордаган на југозападот од земјата, уште три во Азна, а едно лице во Кухдашт, градови на западот од Иран. Фарс не наведува дали загинатите се демонстранти или припадници на безбедносните сили.Од друга страна, Хенгау наведува дека двете лица убиени во Лордаган биле демонстранти, идентификувајќи ги како Ахмад Џалил и Сајад Валаманеш. BBC Persian не можеше независно да ги потврди овие информации.Државните медиуми посебно објавија дека во средата навечер во Кухдашт бил убиен припадник на безбедносните сили поврзан со Иранската револуционерна гарда (IRGC). Демонстрантите, пак, тврдат дека убиениот маж бил еден од нив и дека бил застрелан од безбедносните сили. Во истата област, според државните медиуми, биле повредени уште 13 полицајци и припадници на паравоената формација Басиж.Валутата како поводПротестите започнаа во Техеран меѓу трговците, огорчени поради уште еден остар пад на вредноста на иранската валута во однос на американскиот долар. До вторник им се приклучија и студентите, а незадоволството се прошири во неколку градови, каде што се слушаат повици против власта. Снимките што кружат на социјалните мрежи, чија автентичност е потврдена од BBC Persian, прикажуваат улични судири и запалени автомобили во Лордаган, Техеран и Марвдаш.Иако станува збор за најмасовни протести по она во 2022 година, поттикнато од смртта на Махса Амини, засега тие не го достигнаа истиот обем.Реакцијата на властитеВо средата ширум земјата беа затворени училишта, универзитети и јавни установи. Властите тоа го оправдаа со потребата за заштеда на енергија поради студеното време, но многу Иранци веруваат дека станува збор за обид да се спречат немирите. Во делови од Техеран каде што започнаа протестите сега е забележливо засилено присуство на безбедносните сили.Претседателот Масуд Пезешкијан изјави дека неговата влада ќе ги сослуша „легитимните барања“ на демонстрантите. Од друга страна, главниот јавен обвинител Мохамад Мовахеди-Азад упати остро предупредување, велејќи дека секој обид за создавање нестабилност ќе наиде на, како што рече, „решителен одговор“.

Свет | пред 4 месеци

Нема трага од Македонецот Стивен Ивановски: проверени болници во Швајцарија, надежта сега е во Франција и Италија

Нема никакви нови информации за судбината на младиот Стивен Ивановски, кој исчезна за време на катастрофалниот пожар во барот „Ле Констелејшн“ во швајцарскиот скијачки центар Кран-Монтана, потврдува блиска роднина за „Скопје1“. Тие се надеваат дека ќе го најдат во болниците во Франција и Италија, бидејќи низ болниците во Швајцарија го нема.„Сè уште немаат никакви информации. Семејството живее и работи таму повеќе од 20 години. Проверени се болниците низ Швајцарија и го нема. Се надеваат дека можеби ќе се појави информација од болниците во Франција и Италија“, вели роднината за „Скопје1“.Од МНР вчера потврдија дека кај нив е пријавено дека се трага по Стивен, а посочија и дека отворени се телефонските линии од амбасадата за секого кој има потреба од помош.Стивен последен пат бил виден во новогодишната ноќ, кога избувна пожарот во барот, во кој загинаа десетици лица, а стотици беа повредени. Од тој момент, од него нема никаква трага.Според апелите што ги објавија неговите најблиски на социјалните мрежи, во моментот на исчезнувањето Стивен бил облечен во бели панталони и бел дуксер, а постои можност со себе да ги имал и препознатливите очила за сонце што се гледаат на фотографиите кои кружат на интернет.Семејството и пријателите упатуваат итен повик до сите кои можеби го виделе Стивен, имаат каква било информација за него или знаат дали бил примен во некоја од болниците во Женева, Цирих или во други европски земји, веднаш да се јават на следните телефонски броеви:076 415 0868076 385 7165078 229 5745„Братучед ми е исчезнат во пожарот во Швајцарија. Ако некој го има видено, нека нè контактира“, стои во апелот што го споделуваат неговите најблиски.Во меѓувреме, болниците во регионот на кантонот Вале и понатаму се под силен притисок поради големиот број повредени. Претседателот на кантонот, Матијас Рејнар, утринава за швајцарските медиуми изјави дека значителен дел од медицинскиот персонал доброволно се вратил на работа за време на слободните денови, а во тек се разговори за ангажирање дополнителни специјалисти за лекување на изгореници од Франција.Семејството на Стивен Ивановски, и по неколку дена неизвесност, сè уште се надева дека ќе се појави каква било трага што ќе помогне во неговото пронаоѓање.

Македонија | пред 4 месеци

(Видео) Го расклопија возилото да му ја најдат дрогата на скопјанец кој е фатен со 10 килограми кокаин

Полициски службеници запленија околу 10 килограми кокаин скриени во импровизиран бункер во патничко возило „БМВ Х5“, а возачот на автомобилот е лишен од слобода, соопшти Министерството за внатрешни работи.Настанот се случил на 31 декември 2025 година околу 14:30 часот во селото Горно Количани, скопско, кога полициски службеници од Единицата за недозволена трговија при СВР Скопје сопреле возило со скопски регистарски таблички, управувано од И.Е. (26) од Скопје. Поради основано сомнение за сторено кривично дело по член 215 од Кривичниот законик, возилото било одземено за понатамошна проверка.Следниот ден, на 1 јануари 2026 година, по претходно обезбедена судска наредба, полициски службеници од Единицата за недозволена трговија, во координација со Одделот за сузбивање на организиран и сериозен криминал при МВР и службеници од Царинската управа со службено куче, извршиле деталeн претрес на возилото. При прегледот, во специјално изработен бункер во подвозјето биле пронајдени и одземени околу 10 килограми кокаин.Возачот И.Е. е лишен од слобода, а по целосно документирање на случајот против него ќе биде поднесена соодветна кривична пријава.

Настани | пред 4 месеци

Искористил грешка на позната криптоберза и заработил 1,5 милиони долари

Крипто-трговец познат под името Вида заработил повеќе од 1,5 милиони евра за само неколку часа на самиот ден на Нова година.Тој искористил необична грешка на берзата Binance, каде што непознат корисник поставил огромна понуда за купување на малку познат токен BROCCOLI714, пишува CryptoSlate.Мистериозна понуда вредна 26 милиони евраДрамата започнала околу 4 часот наутро, кога Вида забележал налог за купување токени во вредност од 26 милиони евра. Бидејќи вкупната пазарна вредност на сите вакви токени изнесувала само околу 40 милиони евра, било јасно дека станува збор за грешка. Вида проценил дека се работи за хакирана сметка или сериозна софтверска грешка, бидејќи ниту еден рационален инвеститор не би презел ваков чекор.Поради огромната побарувачка, цената на токенот почнала нагло да расте. Трговецот веднаш ја приспособил својата стратегија и започнал да игра на понатамошен раст на цената, користејќи таканаречена „долга позиција“ (long) – стратегија при која имотот се купува со очекување дека неговата вредност ќе порасне, за потоа да се продаде поскапо.Разлика во цената на истиот пазарЗа време на растот на цената, се активирале безбедносните механизми на Binance кои спречуваат преголеми промени. Тоа создало можност за арбитража – искористување на разликата во цената на ист имот на две различни пазари.Во овој случај, цената на „спот“ пазарот (директна купопродажба) била значително повисока од цената на терминскиот пазар (futures), каде што се тргува со договори за идната цена.Вида со серија брзи трансакции ја искористил таа разлика, купувајќи таму каде што било поевтино и речиси истовремено продавајќи таму каде што било поскапо. Целата операција била трка со времето и ризик-контролата на берзата, бидејќи евентуално замрзнување на сметка ќе предизвикало веднаш пад на цената и загуба.Заработка и на раст и на падОколу 4:20 часот Вида ги продал сите свои позиции и инкасирал околу 1,5 милиони евра профит. Само десет минути подоцна, ѕидот од 26 милиони евра исчезнал, а цената на токенот се урнала. Трговецот повторно реагирал – отворил „кратка позиција“ (short), стратегија при која имот се продава однапред, со очекување дека ќе може да се откупи подоцна по пониска цена.Од Binance наводно соопштиле дека внатрешната проверка не открила докази за хакерски напад. Останува можност дека некој, по грешка или намерно, уништил десетици милиони евра само за накратко да ја подигне цената на безвреден токен.Цената на BROCCOLI714 брзо се вратила на нивото од пред инцидентот, пишува CryptoSlate.

Магазин | пред 4 месеци