Добра одлука на Ѓорѓиевски за забраната да се фрла ѓубре по 22 часот: Софија Куновска посочи пример од Швајцарија

Според Софија Куновска, поранешта советничка во Град Скопје од СДСМ, одлуката на градоначалникот, Орце Ѓорѓиевски, да забрани фрлање ѓубре во контејнерите по 22 часот е добра одлука. Таа направи споредба со регулативата во Швајцарија.„Во Швајцарија пред 40 години првпат видов поставени камери кои набљудуваат кога и какво ѓубре одложува секој станар во или (скраја да е) покрај контејнерите.Ако е оставено несоодветно спакувано или вон предвиденото време ви го враќаат на врата со љубезен поздрав и прашање дали знаете дека тоа ѓубре се фрла тогаш и тогаш, таму и таму, спакувано во таква и таква боја на најлон.И тоа е прва и последна опомена пред да ви стигне казна по пошта“, напиша таа.

Скопје | пред 5 месеци

Пороен дожд утрово во Скопје, најавени обилни врнежи и силен јужен ветер низ државата

Утринава делови од Скопје беа зафатени од поројни дождови, по што продолжува периодот на нестабилно и влажно време што ќе ја погоди целата држава во текот на денот и ноќта. Во Скопје ќе биде облачно со повремени поинтензивни врнежи, а низ котлината ќе дува умерен, на моменти и засилен јужен ветер.Според најавите на метеоролозите, на повеќе локации ширум земјата врнежите ќе бидат пообилни и во едно деноноќие може да надминат 30 литри на квадратен метар. Можно е и формирање на краткотрајно невреме проследено со засилен јужен ветер, кој локално ќе достигнува над 60 km/h, како и повремена појава на грмежи.Температурите ќе варираат во широк опсег: минималните ќе се спуштаат до околу 6 степени, а максималните во појужните и пониските региони ќе достигнуваат и до 18 степени Целзиусови.Метеоролозите апелираат на внимателност, особено во сообраќајот, поради можни локални поројни врнежи, засилен ветер и привремено отежнати услови на патиштата.

Скопје | пред 5 месеци

(Видео) „Вјесник“ во Загреб уште гори - пожарникарите цела ноќ се обидуваат да го изгаснат пожарот што го зафати облакодерот

Дека и утринава облакодерот „Вјесник“ во Загреб сè уште е зафатен од оган, потврдува големата интервенција што трае од синоќа, кога напуштената зграда на Славонска авенија беше зафатена од пожар малку пред полноќ.Пламените јазици се проширија брзо по горните катови, а околу 7 часот утрово огнот сè уште не беше ставен под целосна контрола. На терен работат повеќе од 30 противпожарни возила и речиси стотина пожарникари, а на местото пристигнаа и засилувања од дополнителни единици.Поради сложеноста на интервенцијата, затворени се делови од Славонска авенија и околните улици. Од противпожарната служба појаснуваат дека огнот се шири низ конструктивни отвори и празнини во објектот, што го отежнува пристапот. Пожарникарите морале да се повлечат од внатрешноста и гаснењето се изведува претежно однадвор.Командантот Синиша Јембрих наведува дека материјалната штета ќе биде значителна: иако зградата не била во употреба, внатре имало стара опрема и документација.„Пријавата стигна околу 23 часот, и интересно е што имавме само една пријава од граѓани, што е невообичаено за ваков обемен пожар“, изјави тој.Причината за пожарот сè уште не е утврдена, а полицијата ќе изврши увид штом условите на терен го дозволат тоа.

Свет | пред 5 месеци

Апасиев најави: Ќе закажам комисиска седница во Собранието за трагедијата во Кочани

Претседателот на Левица и пратеник, Димитар Апасиев, преку социјалните мрежи соопшти дека планира следната недела да закаже седница на Постојаната анкетна комисија во Собранието, со која тој претседава. Ова следува откако родителите на загинатите во трагедијата во дискотеката „Пулс“ во Кочани испратиле претставка.„Како претседател на Постојаната анкетна комисија за заштита на слободите и правата на граѓанинот во Собранието на РМ, следната недела планирам да ја закажам посебната комисиска седница на која ќе се разгледува добиената Претставка од „Здружението 16 Март“ на родителите од Кочани на која ќе се расправа за изнесените наводи поврзани страшната трагедија во дискотеката „Пулс“. На седницата официјално ќе бидат поканети и претставници на подносителите“, напиша Апасиев во објавата.Лидерот на СДСМ, Венко Филипче, на ФБ соопшти дека неговата СДСМ и Коалицијата денеска во Собранието ќе поднесат предлог за одржување на седница на Анкетната комисија посветена на целосно и независно испитување на трагедијата во „Пулс“.

Македонија | пред 5 месеци

(Видео) Гори облакодер во Загреб, зафатени неколку ката, пожарот се шири низ вентилацијата

Вечерва во Загреб изби голем пожар на претпоследниот кат од облакодерот „Вјесник“, а пламенот се прошири и на неколку други ката од зградата. Според информациите од загрепските пожарникари, во гаснењето се вклучени 66 пожарникари со 20 возила, додека внатрешната интервенција е прекината поради зголемена опасност.„Пожарот е и понатаму активен и се шири преку конструкциските отвори. Поради зголемен ризик, пожарникарите се повлечени од внатрешната навала. Сите станици се испразнети и се пополнуваат со резервни сили,“ соопштија пожарникарите.Според податоците на Цивилната заштита, пламенот ги зафатил 6., 9. и 12. кат од зградата, а густ црн чад се издига над делот од градот во близина на Славонска авенија, која е целосно блокирана за сообраќај.Очевидци јавуваат дека се слуша кршење на стакло, а пламенот се шири вертикално преку вентилационите отвори и техничките канали, што претставува особено голем ризик за целата конструкција.Во моментот на избивањето на пожарот во зградата немало луѓе, но состојбата на теренот, според извештаите, „и натаму изгледа лошо“, а гаснењето сè уште трае.Засега нема информации за повредени и евентуални жртви.

Свет | пред 5 месеци

(Видео) Дијана Хрка по 16 дена го прекина штрајкот со глад, добила благослов од двајца свештеници

Дијана Хрка, мајка на младиот Стефан кој пред една година загина при уривање на настрешница во Нови Сад, по 16 дена го прекина штрајкот со глад пред српското Собрание.Таа рече дека добила благослов од двајца свештеници и повици од здравствени работници и студенти по медицинa за прекин на штрајкот и дека ги прифатила, но дека ќе остане пред српското Собрание.Европратеничката Ирена Јовева, со македонско потекло, вечерва ја посети Дијана.„Дојдов да ја изразам мојата поддршка“, и рече таа на Дијана Хрка.Собраните граѓани ја поздравија европратеничката со аплауз и извици „Браво“.

Свет | пред 5 месеци

СДСМ бара надзорна расправа и Анкетна комисија за независно испитување и одговорност за трагедијата во Пулс

Лидерот на СДСМ и пратеник Венко Филипче објави дека пратениците на СДСМ и Коалицијата ги поддржуваат барањата на семејствата на загинатите и повредените во Кочани и утре ќе поднесат предлог до Собранието за надзорна расправа и формирање посебна Анкетна комисија за целосно и независно испитување на трагедијата во „Пулс“.„На денешната координација на пратеничката група на СДСМ и раководството на партијата оценивме дека ова се неопходни чекори за проверка на постапувањето на сите институции, утврдување на политичка одговорност, како и подготовка на понатамошни мерки и решенија за вакви трагедии никогаш повеќе да не се случат во Македонија. Ги повикувам сите пратеници од сите политички партии да ги поддржат овие иницијативи во македонското Собрание”, напиша Филипче.

Македонија | пред 5 месеци

Силен јужен ветер го отежнува авиосообраќајот над Скопје, два лета пренасочени кон Приштина

Два вечерни лета на Визeр , кои требаше да слетат во Скопје се пренасочени во Приштина поради неповолни услови за слетување.Од Центарот за управување со кризи информираат дека причина е силен јужен ветер.Други два авиони се уште кружат и чекаат насока за слетување.Летовите од Берлин и Ајнховен околу 18:20 и 18:50 добиле насока да продолжат кон аеродромот во Приштина.

Македонија | пред 5 месеци

Петрушевски: Предлог-буџетот за 2026 година е домаќински и развоен, зголемена поддршка за социјалната заштита, здравството и образованието

Бране Петрушевски, пратеник од редовите ВМРО-ДПМНЕ во Собранието, беше гостин во „Топ тема“ на телевизија Телма, каде се осврна на темата за Предлог-буџетот за 2026 година и во реплика на пратеничката од опозициската СДС, Јована Тренчевска, истакна дека Предлог-буџетот за 2026 година е домаќински и развоен. Тој се осврна на делот за пензии, кои како што вели, ќе се покачат за над 10%, а буџетот за социјална заштита како и во делот на здравството е зголемен, со средства за медицинска опрема како и подобри услуги за граѓаните во земјава.„Буџетот е домаќински скроен, служи за фискална консолидација и има развојна компонента во делот на она коешто граѓаните, домаќинствата го очекуваат од еден буџет, преку овие програми и сектори кои што влијаат врз нивниот живот“, рече Петрушевски.Во делот на социјалната заштита, Петрушевски нагласи дека зголемена е финансиската траса кон социјалната заштита и пензионерите. Според него, пензиите ќе се зголемат за повеќе од 10%.„Имаме зголемена траса кон социјалната заштита и пензиите. Имаме средства за пензии кои што ќе бидат поголеми за повеќе од 10%, така што да не се грижат пензионерите, ќе ги поддржиме нивните буџети согласно зголемените трошоци за живот“, истакна Петрушевски.Петрушевски ги демантираше тврдењата на пратеничката од СДС, истакнувајќи дека буџетот за социјална заштита не е намален, туку зголемен. Тој исто така истакна и дека во здравството се планира поголем буџет, кој ќе овозможи нова медицинска опрема и подобри услуги за пациентите, а се осврна и на делот за образование.„Ќе има сериозна поддршка за сите ранливи категории. Ќе има зголемена поддршка за здравствена заштита, затоа што имаме поголем буџет во здравството, ќе има пари кои што ќе се насочени кон подобрување на јавното здравство, кон нова медицинска опрема, нови услуги на пациентите. Ќе имаме средства кои што се во образованието исто така зголемени за 3,4% со акцент на средното образование, основното образование, високото образование, така што апсолутна невистина е се ова кое што се зборуваше“, потенцираше Петрушвски.Тој се осврна и на делот за зголемувањето на просечната нето плата, како и вработеноста, и овие бројки според него, ќе ја намалат невработеноста на околу 10%.„Согласно овој буџет, очекуваме раст на просечната нето плата на граѓаните од 6,5%, зголемување на бројот на вработени за 1,6% проценти што значи пад на невработеноста на некаде околу 10%“, посочи Петрушевски.Петрушевски потенцираше дека буџетските корисници учествуваа во процесот на изработка на буџетот, а додаде и дека проекциите во буџетот се реални.„Апсолутно е невистина дека буџетските корисници не учествувале, тоа е законска обврска. Има буџетски циркулар, кој што е доставен до сите буџетски корисници, кои што го имаат пополнето, со кои што е разговарано и е скроен ваков буџет“, кажа Петрушевски и додаде:„Проекциите не се манипулативни, напротив се реални“.

Македонија | пред 5 месеци

Стојаноски: Европската комисија предвидува раст на БДП во следните две години, што претставува силна потврда за добрите и одговорни политики што Владата предводена од ВМРО-ДПМНЕ ги спроведува

Бојан Стојаноски, пратеник од редовите на ВМРО-ДПМНЕ во гостување во емисијата „За или против“ на Алфа телевизија истакна дека Владата предводена од ВМРО-ДПМНЕ веќе испорачува конкретни и мерливи резултати во економијата. Тој додаде дека 55.000 студенти ќе добијат ваучери за набавка на технолошки уреди, додавајќи дека есенската економска прогноза на Европската комисија предвидува раст на БДП во следните две години, што претставува силна потврда за добрите и одговорни политики што Владата ги спроведува.„Денес имаше две добри вести од аспект на економијата. Првата е што конкретно студентите ќе можат да добијат средства за да може да набават технолошко помагало, 55.000 студенти, сите ќе добијат средства за да набават технолошко помагало, нешто што е многу позитивно и е наше ветување. Втората е  економската прогноза на Европската комисија која што ги потврдува добрите владини политики“, вели пратеникот Стојаноски и додава:„Ние кажавме дека нашата економска филозофија ќе се темели на три столба. Првиот е реализација на капитални инвестиции, приватна потрошувачка, подигнување на животниот стандард и засилување на приватното стопанство. Европската комисија дава позитивна оценка за сите три дела, нешто што за мене е дополнителен мотив да продолжиме и понатака да работиме во оваа насока“.

Македонија | пред 5 месеци

Кузманоска: Домашните капитални инвестиции во 2026 година ќе бидат мотор за економскиот раст на земјата

Биљана Кузманоска, пратеничка од редовите на ВМРО-ДПМНЕ во Собранието, на денешната комисиска расправа за Предлог-буџетот за 2026 година порача дека Предлог-буџетот за 2026 година носи ред, мерливи резултати и стабилен економски раст, со силен фокус на инфраструктурата и инвестиции кои треба да отворат нови работни места.„Буџетот за 2026 година не е само финансиска рамка, тој е одраз на новиот начин на работа, на новата политика што ја ветивме, политика на одговорност, ред и чесност“, рече Кузманоска и додаде:„Воведуваме јасни прагови за реализација, и тоа не на хартија туку со мерливи рокови. До крајот на првиот квартал, 15% до вториот 40% до третиот 65% и најмалку 70% до 15 ноември“.Кузманоска посочи дека фокусот на Предлог-буџетот за 2026 година е  и инфраструктурата.„Фокусот е на инфраструктурата што ја поврзува Македонија. Патишта, железници, училишта, болници, локални проекти. Со овој буџет имаме реален раст и стабилност. Буџетот е поставен на реални и внимателни проекции. Раст на економијата од 3,8% проекти, инфлација стабилна на 2,5%, и дефицит кој е намален н 3,5% од БДП“, истакна Кузманоска.Таа дополни дека во 2025 година Македонија имаше рекордни странски инвестиции, што според неа, покажува стабилност, а истакна и дека во 2026 година се очекува инвестициите заедно со домашните капитални вложувања да бидат мотор на економскиот раст и да отворат нови работни места.„Минатата година го достигна највисокото ниво на странски директни инвестиции во својата историја, над 1 милијарда евра. Тоа не се бројки, туку доказ дека инвеститорите гледаат стабилност, предвидливост и волја за работа. Во 2026 година, заедно со домашните капитални вложувања очекуваме инвестициите да бидат мотор што ќе го движи економскиот раст и ќе отвора многу нови работни места“, кажа Кузманоска.

Македонија | пред 5 месеци

Илиевска: Предлог-буџетот за 2026 година е развоен, стабилен и насочен кон подобрување на животниот стандард на граѓаните

На денешната комисиска расправа за Предлог-буџетот за 2026 година свое обраќање имаше пратеничката од редовите на ВМРО-ДПМНЕ, Дијана Илиевска каде истакна дека Предлог-буџетот е развоен, стабилен и директно насочен кон подобрување на животниот стандард на граѓаните.„Предлог-буџет за 2026 година со рекорден износ од 6,7 милијарди евра и она што е особено важно, а граѓаните треба да го знаат е дека во овој буџет се обезбедуваат повеќе средства за повисоки плати, пензии, за нови училишта, нови спортски сали, игралишта, нови градинки, нови болници, за нови патишта, за развивање на инфраструктурата, за развивање на дигитализацијата, и најважно од се за реализација на капитални инвестиции кои се особено важни, бидејќи тоа се зрели проекти кои се веќе и во реализација, конкретно оние проекти во општините кои токму државата ги финансира, а се однесуваат и се наменети за граѓаните“, вели Илиевска.Илиевска дополни дека со буџетот се проектира раст на просечната нето-плата од 6,5%, зголемување на бројот на вработени за 1,6% и намалување на невработеноста на 10%. Проектираниот економски раст од 3,8%, според неа, е показател за стабилен и забрзан развој на економијата.„Со овој Предлог-буџет се очекува просечната нето-плата да порасне на 6,5%, а бројот на вработени да се зголеми за 1,6% што невработеноста би се намалила на 10%. Проектираниот раст на економијата за 3,8% е многу важен и покажува дека се нуди континуиран раст и се дава сигнал дека економијата продолжува да се развива со забрзано темпо“, истакна Илиевска.Илиевска посочи дека граѓаните ќе ги уживаат бенефитите со новиот буџет кој е конципиран во контекст на економскиот раст, финансиската стабилност и реализација на стратешки приоритети на Владата.„Во буџетот за 2026 година се планирани 52,6 милијарди денари за плати, или зголемување од 3,6 милијарди денари, односно 7,5% во однос на ребалансот. Тоа значи повисоки плати за работниците, за наставниците и професорите, за здравствените работници, за полициските службеници, едноставно за сите луѓе коишто творат и создаваат во Македонија“, заклучи Илиевска.

Македонија | пред 5 месеци

Милевски: Предлог-буџетот за 2026 година со силен фокус на намалување на сивата економија

Пеце Милевски, пратеник во Собранието од редовите на ВМРО-ДПМНЕ, на денешната комисиска расправа за Предлог-буџетот за 2026 година, имаше свое обраќање каде се осврна на делот за сивата економија при што потенцираше дека Предлог-буџетот за 2026 година има мерки за намалување на истата. Тој истакна дека во овој Предлог-буџет акцентот е ставен и на развојната компонента, преку високо ниво на капитални инвестиции.„Со овој Предлог-буџет многу се внимава на мерки за намалување на сивата економијата и зголемување на наплатата на буџетските приходи. Предлог-буџетот е темелен на реални проекции, а тоа значи испланирани приходи врз реални можности, а расходи исклучиво насочени кон стратешки приходи“, истакна Милевски.Тој посочи дека во овој Предлог-буџет е ставен акцент на развојната компонента со високо ниво на капитални инвестиции.„Најважно е што во проектирањето на овој Предлог-буџет, ставен е акцент на развојната компонента со високо ниво на капитални инвестиции кои се проектирани во износ од 40,5 милијарди денари“, рече Милевски.Како што вели тој, фискалната консолидација е една од главните одлики на овој Предлог-буџет.„Фискалната консолидација и дисциплинираното управување со јавните финансии е една од главните одлики што обезбедува поголема ефикасност и одговорност во трошењето на буџетските средства, односно парите на граѓаните“, кажа Милевски и додаде:„Одговорното буџетирање како главна одлика на овој Предлог-буџет, е клучно во вкупниот макроекономски контекст и управувањето со вакви проекции мора да ги следи голема дисциплина и финансиска мудрост. А оваа Влада предводена од ВМРО-ДПМНЕ и коалицијата, Министерството за финансии, тоа во изминатиов период го потврди“.

Македонија | пред 5 месеци

Том Круз по 39 години ја доби статуетката Оскар

Познатиот актер Том Круз, со четири номинации за Оскар како актер и продуцент, го доби својот прв Оскар на доделувањето на наградите „Gaverners”.Овој почесен Оскар му беше доделен за исклучителни достигнувања за време на неговата 44-годишна кариера во филмската индустрија, а „Топ Ган“ секако се смета за негово најголемо достигнување.„Снимањето филмови не е она што го правам, туку она што сум. Во киното се смееме заедно, чувствуваме заедно, се надеваме заедно“, рече Круз.Том Круз досега четири пати беше номиниран за Оскар, но сè уште не ја освоил оваа најпрестижна награда.За најдобар глумец беше номиниран за „Роден на 4 Јули“, „Џери Мегваер“ и за „Магнолија“ за најдобар спореден глумец. Неговата најнова номинација беше за најдобар филм како продуцент на филмот „Топ Ган: Маверик“.

Свет | пред 5 месеци

Богески е наследник на Котлар во Државниот Архив

Димитар Богески е нов директор на Државниот архив на Македонија. Богески 19 години е вработен во Архивот и досега беше заменик-директор.Тој доаѓа на местото на Наташа Котлар-Трајкова, која минатата недела во јавноста соопшти дека преку телефонски повик била разрешена од Владата.,,За директорот Богески оваа функција не претставува привилегија, туку обврска – со јасна цел работата на Архивот да биде транспарентна, отворена, отчетна и достапна за сите граѓани. Тој упати благодарност до досегашната директорка, за нејзиниот ангажман и придонес во изминатиот период“, соопшти Архивот.Од Архивот велат дека целта на новиот директор е Архивот да биде отворен кон сите, да се слушнат различни идеи и решенија заради подобра и поефикасна работа.Одлуката за разрешување на Наташа Котлар-Трајкова ја изненади јавноста, бидејќи важеше за човек близок до владеачката партија. Во 2021 беше кандидат на ВМРО-ДПМНЕ за градоначалник на општина Центар.

Македонија | пред 5 месеци

Скопје се гуши, попладнево е на 15то место во светот по загаден воздух

Скопје се најде на 15 то место на глобалната листа на најзагадени градови во моментов, покажуваат најновите мерења на платформата за следење на квалитет на воздух.Скопје има индекс на квалитет на воздухот (AQI) од 97, што го вбројува во категоријата „нездрав за чувствителни групи“.На табелата ,,водат” Дака и Дубаи. Скопје е веднаш зад Манама и Лима.Загрижува фактот што зимата и грејната сезона се уште не се во полн ек.

Скопје | пред 5 месеци

Гитаристот на ДНК со силна порака до неговите колеги – убаво што ги пеете песните на ДНК, но каде бевте на Маршот?

Скопје минатиот викенд повторно го почувствува товарот на тагата и спомените, кога стотици граѓани се собраа на „Маршот на ангелите“, оддавајќи почит на младите животи згаснати во пожарот во дискотеката „Пулс“ во Кочани.Меѓу оние што чекореа беше и Горан Тонев, гитарист на групата ДНК и еден од преживеаните од трагичната ноќ што засекогаш го одбележа неговиот живот. По завршувањето на маршот, тој се обрати преку Instagram со кратка, но силна порака што брзо се прошири меѓу музичарите и јавноста.„Колеги, убаво што ги пеете песните на ДНК. А кај бевте на Маршот?“, напиша Тонев, ставајќи го акцентот на важноста од солидарност и вистинска поддршка, не само преку музика и статуси, туку и преку присуство кога тоа навистина значи.Маршот мина во тивка атмосфера полна со емоции. Семејства, пријатели и жители чекореа заедно, обединети во спомен на младите животи што трагично згаснаа и во надеж дека нивната приказна нема да избледи.Во меѓувреме, судскиот процес за случајот „Пулс“ ќе започне на 19 ноември, кога е закажано и првото рочиште.

Македонија | пред 5 месеци

(Видео) Драматично во Италија и Словенија: Поплави, лизгање на земјиштето, урната зграда и исчезнати

Делови од Словенија и Италија ги зафати силно невреме. Има големи поплави предизвикани од обилните дождови во италијанскиот регион Фриули-Венеција Џулија. Тоа е автономен регион на североистокот од Италија што се граничи со Словенија и Австрија.Во градот Брачани, во општина Крмин, до словенечката граница, лизгање на земјиштето затрупа и урна трикатна зграда. Спасувачките екипи успеаја да извлечат едно лице од урнатините, додека уште се бараат двајца жители.Бројни возила за спасување и хеликоптер веднаш беа испратени на местото на несреќата.Поради ризикот од нови лизгања на земјиштето, властите евакуираа неколку семејства од Виа Сан Џорџо. Градоначалникот на Крмин, Роберто Фелкаро, ја потврди сериозноста на ситуацијата: „Синоќа имаше многу дожд, многу. За жал, некои луѓе исчезнаа.“Екстремната количина на врнежи од дожд, со 152 милиметри дожд што паднаа само во Крмин за шест часа, предизвика излевање на реките.Реката Идрија се излеа од коритото и предизвика големи поплави, додека реката Тер го поплави селото Верса во близина на Вилеш. Поради тешката ситуација на терен, спасувачи од соседна Венеција беа мобилизирани за да помогнат на погоденото подрачје.Ситуацијата во Верса е драматична. Многу жители побараа засолниште на покривите на своите домови, каде што чекаат евакуација. Пожарникарите интервенираат со мали чамци и хеликоптер за да стигнат до заробените луѓе.Силно невреме проследено со обилни дождови го погоди и регионот Горишка во Словенија, предизвикувајќи поплави, лизгање на земјиштето и значителни штети на инфраструктурата. Ситуацијата е најтешка во областа на Горишка брдо, а проблеми се пријавени и во општините Канал об Сочи и Толминско.

Свет | пред 5 месеци

Јаревски: Со Предлог-буџетот за 2026 година се утврдуваат здрави основи на фискална консолидација

Тони Јаревски, пратеник од ВМРО-ДПМНЕ во Собранието, на денешната комисиска расправа за Предлог-буџетот за 2026 година, имаше свое обраќање каде истакна дека според Фискалниот совет се забележуваат основи на фискална консолидација. Јаревски додаде дека Предлог-буџетот ја истакнува волјата на извршната власт за развој. Според него, опозицијата води несуштинска расправа во контекст на Предлог-буџетот.„Мојот впечаток во овие 3 дена општа расправа е тоа дека опозицијата се уште упорно одбива да ги увиди некои работи, упорно седи во својот свет и за жал повторно ќе констатирам во тоа е се поосамена“, рече Јаревски.Јаревски посочи дека Предлог-буџетот е реален, со силно изразена развојна компонента и ја изразува волјата на извршната власт за стабилизација и основа за развој.„Од друга страна, од кај опозицијата гледаме само настапи, каде што се бараат 2 или 3, можеби 5 подставки каде што во овој буџет се можеби помали во однос на претходната година. И целокупната нивна активност насочена во расправата на овој буџет, е токму таа што практично доведува до услови да имаме несуштинска расправа“, кажа Јаревски.Јаревски истакна и дека Фискалниот совет за овој Предлог-буџет укажа дека се воочливи знаци и чекори на фискална консолидација, во споредба со претходните искуства кој истиот ги имал со СДС, каде се забележуваше негативен тренд на сите полиња, за разлика од сега кога трендот е позитивен.„Фискалниот совет за овој буџет прв пат укажа дека се запознаа се заприметија или се констатираа првите знаци и чекори на фискална консолидација.  Не знам како може некој упорно да игнорира фактот дека и ММФ и Светска банка ги ревидираа на повисоко процентите за раст. Зошто? Бидејќи, на некој начин и самите беа затекнати, поучени од претходниот традиционално искуство на СДС да има негативен тренд на сите полиња, овде имавме позитивен тренд. Ги подигнаа проекциите“, вели Јаревски и додава:„И веќе ако велиме дали имаме потреба од суштинска расправа, тогаш можеме да ги видиме клучните макроекономски индикатори“.

Македонија | пред 5 месеци

Јаневска се пофали дека го решила проблемот со глувци во домот „Пелагонија”

Министерката за образование и наука Весна Јаневска денеска изјави дека е направена дератизација во домот „Пелагонија“ и се надева дека проблемот е надминат.„Знаете каква беше состојбата во Скопје, глувци не се појавија само во студентските домови, туку и на други места. Со оглед на тоа што се случуваше, не можам да речам дека е добро, но е очекувано”, изјави Јаневска во врска со појавата на глувци во студентскиот дом „Пелагонија“ во Скопје.Јаневска посочи дека веднаш е направена дератизација и се надева, дека директорот на домот заедно со Градот ќе преземат уште нешто што е неопходно затоа што во близина на студентскиот дом се наоѓаат контејнерите каде што ѓубре оставаат и граѓани од околните згради.„Имаме ново раководство од пред неколку месеци, запознаени сме со проблемите, но во овој момент сметам дека е релативно подобрена ситуацијата затоа што за разлика од претходниот период, кога студенти секојдневно пишуваа, се јавуваа и бараа, сега таа ситуација е потсмирена и се надевам дека со текот на време ќе ја доведеме да биде така како што треба и со лифтовите и со се друго”, рече Јаневска.

Скопје | пред 5 месеци

Министерот Тошковски имал успешна операција на скопските клиники: „МВР функционира без застој“

Министерот за внатрешни работи, Панче Тошковски објави дека бил подложен на успешна операција во Клиничкиот центар „Мајка Тереза“ и дека се чувствува стабилно, уверувајќи дека МВР функционира непречено и без последици од неговото кратко отсуство.Денеска во Клиничкиот центар „Мајка Тереза“ во Скопје бев подложен на успешна хируршка интервенција и се чувствувам стабилно. Во моментов сум под надзор на лекарите, по што следува краток период на опоравување.Ве уверувам дека Министерството за внатрешни работи продолжува непречено и ефикасно да функционира согласно утврдените процедури. Целиот тим професионално си ги извршува обврските и моето привремено отсуство нема да има никакво влијание врз тековните процеси и активности, ниту пак врз безбедноста на граѓаните.Веднаш по завршувањето на периодот на опоравување, се враќам на редовно извршување на моите обврски во полн капацитет.

Македонија | пред 5 месеци

Сиљановска-Давкова: Ова не е време за реформи, за жал, бидејќи времето наликува на време за време на војна, или пред војна

Претседателката Гордана Сиљановска-Давкова на денешната заедничка седница на Националниот совет за евроинтеграции и Комисијата за европски прашања, на која беше разгледан последниот извештај на Европската комисија за напредокот на земјава, нагласи дека по 16. пат, овој извештај како и претходните не говори само за евалуираниот, туку говори и за евалуаторот. Таа посочи дека ЕУ немала јасна стратегија, доцнела на Балканот, САД понекогаш биле побрзи, не била доследна во мировното здружување, „па и денес преферира двојни стандарди.„Извештајот има многу добри податоци и критики, што добро треба да се анализираат и да се постапи по нив, но исто така понекогаш оценките на Европската Унија во овие 16 извештаи во вордингот секогаш се раководат од некоја клучна цел, што е она што за ЕУ е најважно во моментот и за тоа го врзуваат и моментумот. Така е и во овој извештај. По 16 пати, овој извештај како и претходните не говори само за евалуираниот, туку говори и за евалуаторот. Ако има оценка или натпревар за политичка спремност, тогаш ние ќе бидеме шампиони во спроведувањето, резултатите ги гледаме“,рече претседателката.Според неа, сега не е време за реформи.„Ова не е време за реформи, за жал, бидејќи времето наликува на време за време на војна, или пред војна, и тоа не е време кога можат да се прават реформи. Но за мене, и претходно и сега ЕУ е уникатна политичка филозофија, ја поддржуваат сите актери, јавноста на Балканот, ЕУ е перспектива, ЕУ е мотив за демократски реформи, Унијата стимулира реформи што водат до траен мир и стабилност. Сигурна сум дека нашата интегрираност во ЕУ ќе стави крај на феноменот балканизација како феномен на постојано менување на границите“,рече Сиљановска-Давкова..Таа истакна дека ЕУ понекогаш како да е опседната со важни моменти и датуми и сега слушаме дека ова е клучниот момент, повторно треба да се качиме на возот.

Македонија | пред 5 месеци

Филипче: Еден од најлошите извештаи на ЕУ е поразителна слика за власта на Мицкоски

Претседателот на СДСМ и претседател на Националниот совет за евроинтеграции, Венко Филипче, на денешното обраќање на седницата каде се разгледуваше Извештајот на Европската комисија, порача дека документот претставува силна и јасна опомена но и доказ за катастрофалните политики на владата на Мицкоски.„Ова е еден од најлошите извештаи кои што државата го добила од Европската Комисија. Полош е само тој во 2015 година, кога сме оценети како заробена држава“, предупреди Филипче.Според него, иако од 2015 наваму државата вложуваше силни напори да се врати на правиот пат, сегашната влада нема никаков интерес за евроинтегративниот процес и повторно не води кон назадување.„И сега трендовите не се поразлични, владата се обидува да ги покрие, да врши влијание на сите независни институции кои што се надвор од извршната власт. Најмногу, најсилно, најексплицитно, на судската власт, јавен и јасен притисок што за прв пат предизвика од 1991 година јасна реакција од судската фела. Преседан, би рекол, општествен не само во државата“, истакна Филипче на денешната шеста седница на Националниот совет за евроинтеграции.Филипче исто така посочи дека наведеното во извештајот не се само за политички формулации во документот, туку реалност која граѓаните ја чувствуваат секој ден.„За жал во многу области во кои што порано бележавме успеси, сега има, и тоа се дефинира или како ограничен напредок, или нема напредок, или дури на назадување. Ама тоа не е нешто што само стои на хартија, тоа е нешто што граѓаните, посебно бизнис секторот го чувствуваат, секој ден се повеќе и повеќе“, рече Филипче.Тој исто така предупреди дека Европската унија, која минатата година имаше само еден услов за отворање преговорите, а тоа беше решавањето на спорот со соседите по ваков извештај може да воведе и нови услови.„Ако до минатата година имаше само еден услов за почеток на преговорите, а тоа е решавање на билатералниот спор со еден од соседите, после еден таков извештај, не сум сигурен дека понатаму нема да имаме и други услови да се отпочнат преговорите“, предупреди претседателот на СДСМ.Филипче заклучи дека извештајот е огледало во кое се гледа вистината за власта на Мицкоски кој ја изолира државата, ги блокира реформите и ја оддалечува Македонија од европската перспектива.

Македонија | пред 5 месеци

Рама пресече торта во Брисел – Албанија го отвори последниот преговарачки кластер со ЕУ

Албанија во Брисел го одбележа почетокот на последниот преговарачки кластер со Европската Унија – земјоделство и кохезија – на седмата Меѓувладина конференција, каде премиерот Еди Рама симболично пресече торта во чест на напредокот. Со тоа, Тирана за нешто повеќе од една година ги отвори сите шест кластери, што европските претставници го оценија како напредок постигнат со „невидено брзо темпо“.Еврокомесарката за проширување, Марта Кос, порача дека денот е историски и за ЕУ и за Албанија, бидејќи покажува дека европската политика на проширување дава реални резултати.Таа нагласи дека напредокот се должи на „упорната политичка волја на албанските власти, поддршката од земјите-членки и силното учество на граѓанското општество“, додавајќи дека албанските граѓани се тие што ја туркале земјата напред со своите очекувања за промени.Премиерот Еди Рама оцени дека Албанија денес постигнува нешто што до неодамна делувало недостижно.„Пред само една година ова беше незамисливо. Поминавме низ години на разочарувања и одбивања, но токму тоа нè зацврсти и ни даде јасна слика за важноста на процесот. Денес стоиме пред нешто што некогаш беше само сон“, изјави тој.Тирана сега влегува во завршната фаза од евроинтеграциите со амбиција да ги затвори преговорите до крајот на 2027 година. По тоа би следела ратификацијата на договорот во сите земји-членки, а целта на Албанија е полноправно членство во ЕУ во 2030 година.Албанија стана кандидат за членство во 2014 година. Во меѓувреме, Македонија – која кандидатски статус доби девет години претходно – годинава ги одбележува 25 години во европската „чекална“.

Свет | пред 5 месеци

Сузбиена група што криумчарела мигранти: откриени кампови на граница, петмина пријавени

На 16.11.2025, по претходно добиени оперативни сознанија, Националната единица за сузбивање на криумчарење мигранти и трговија со луѓе при Сектор за криминалистички истраги, Оддел за сузбивање на организиран и сериозен криминал во содејство со Одделот за специјални и посебни операции и Одделот за криминалистичка полиција,  под раководство на јавен обвинител од Основното јавно обвинителство за гонење на организиран и сериозен криминал, спроведоа координирана полициска операција за сузбивање на криминална група инволвирана во вршење на кривично дело криумчарење мигранти.Имено, при преземање на мерките, во место викано Ресуљка во близина на граничната линија помеѓу Македонија и Србија беа откриени два импровизирани кампови во кои се пронајдени осум илегални мигранти, од кои двајца од Пакистан и шест од Авганистан, меѓу кои и две деца.Истиот ден, Националната единица за сузбивање на криумчарење мигранти и трговија со луѓе, до ОЈО за ГОКК, поднесе кривична пријава против З.Х.(20), Џ.Д.(31), В.Х.(34),  А.Ш.(37) и 15-годишник., сите од Авганистан, поради постоење основи на сомнение за сторено кривично дело „Криумчарење мигранти“  по член 418 -а и  418-б од Кривичниот законик.Имено, пријавените во неколку наврати прифатиле, во улога на водичи илегално пренеле и засолниле група од  илегални мигранти од Грција до камповите. Откако ги сместувале во импровизираните кампови, З.Х. и Џ.Д. со употреба на сила и закана од лицата изнудувале парични средства со цел да им овозможат нивно понатамошно префрлување на територија на Србија, а со крајна дестинација земјите од Европската унија.

Македонија | пред 5 месеци