(Видео) Вознемирувачка снимка: Монструозно малтретирање дете – врзано со јаже околу врат и раце, случајот е наводно во струмичко

Дете врзано за врат и раце со јаже, обесено на цевка, снимано и малтретирано оти украло пари од маалски дуќан – ваква снимка е објавена на социјалните мрежи која предизвика голема вознемиреност кај граѓаните. Засега нема детали за случајот, а објавувачот посочува дека истата е направена во струмичко Ново село.На почетокот, лицето кое го врзало детето, го прашува „Зошто си така врзан?“, тоа вика „Земав пари“, тој вика „Зема или украде?“, а тоа одговара „Зема“.Потоа, го прашува детето што им направил на парите, а тоа одговара „земав да јадам“. На потпрашање „каде се другите пари“, тоа одговори...Детето вели дека секојпат крадело, па вели дека нема да краде.„Нема да крадам, пушти ме“, вели детето, а тој одговара „нема пуштање, кажах ти“.Се слуша како детето вика и плаче, додека човекот го снима и испрашува.„Можеш ли малку да ме олабавеш?“, прашува детето, а тој вели „Не“.„Скопје1“ го испрати видеото до полицијата, оттаму чекаме детали. Од објавувачот на видеото, побаравме детали каде било првично споделено и од кое лице, како и кога е снимено.

Македонија | пред 10 месеци

(Фото) Голем пожар во скопско Орман, една куќа изгоре до темел, мештаните под стрес и со страв

Во скопското село Орман, избил пожар кој брзо се проширил. Првиот пламен започнал во близина на бандерите, при силен ветер. Мештаните се сомневаат дека имало искри, кои го предизвикале брзо да пламне.Во близина има пруга, а за брзо, започнало да гори од двете страни. Мештаните се под стрес и страв дека пожарите можат да ги зафатат и нивните куќи, бидејќи се во непосредна близина. Дел од нив, прскаат со црева околу дворовите, за да спречат евентуално ширење на огнот.Сепак, една куќа, изгоре до темел. Невозможно било да се спаси. За брзо, пожарот од Орман, долж патот се проширил и кон Волково.Во гаснењето учествува локалното население, ДЗС, Противпожарните бригади. Се гасне со лопати, гранки, цистерни, а мештаните се обидуваат да го спречат проширувањето на пожарот и со трактори, правејќи раскопи за да пламенот не се шрии.Во Кучково биле изгаснати три пожари, сведочи граѓанин за „Скопје1“. Тој посочува дека реагирало само локалното население, без интервенција на Противпожарна бригада. Посочува дека додека бил на лице место, не видел ниту дека дошла полиција. Од фотографиите се гледа дека горела сува трева.

Скопје | пред 10 месеци

25 пожари на отворено – 21 сè уште активен: Најтешка состојба во Македонски Брод, Чучер-Сандево и Ѓорче Петров

На територијата на државата, заклучно со 18:00 часот на 9 јули 2025 година, евидентирани се вкупно 25 пожари на отворен простор, од кои 21 се сè уште активни, а 4 се изгаснати, информираат надлежните служби.Најкритични се локациите во Општина Македонски Брод, каде се гори деградирана дабова шума и ниска вегетација на неколку различни точки, како и во Општина Чучер-Сандево, каде пожарот помеѓу селата Блаце и Чучер зафаќа мешана шума и трева. Сериозна е и состојбата во Ѓорче Петров, каде гореа куќи во селата Орман и Волково, како и гробишта и Стопански двор.Пожар има и во депонијата во Шуто Оризари, во шумскиот предел кај Осогово (Кочани), како и во региони во Дојран, Радишани, Сарај, Крива Паланка, Тетово и Петровец.Според пријавите, неколку од пожарите се прошириле со голема брзина, особено поради комбинацијата од високи температури и ветер.Во меѓувреме, изгаснати се пожарите на следните четири локации:с. Лубанци (Општина Бутел),с. Веселчани (Прилеп),Ново Село (Демир Хисар),дел од територијата на Старо Нагоричане.Надлежните служби продолжуваат со интервенции на терен, додека јавноста бара од институциите активирање на ЕУ механизмот за цивилна заштита и поголема мобилизација на ресурси за справување со кризата.

Македонија | пред 10 месеци

Европарламентот го изгласа извештајот за Македонија, македонскиот идентитет „исчезна“ од текстот

Со 461 глас „за“, 121 „против“ и 107 „воздржани“, Европскиот парламент денеска го усвои Извештајот за напредокот на Македонија за 2023 и 2024 година, изготвен од специјалниот известувач Томас Вајц, европратеник од Австрија.Документот ги опфаќа клучните реформи и предизвици на земјава на патот кон Европската Унија, но вниманието на јавноста го привлече фактот што во неговата конечна форма се отстранети сите конкретни референци на „македонскиот јазик и идентитет“, кои претходно беа присутни во нацрт-верзијата.Овој потег се оценува како резултат на компромисни преговори меѓу европратениците, а за некои претставува и отстапување од принципиелната поддршка на македонските национални обележја во европскиот контекст.Извештајот содржи препораки за натамошен напредок во владеењето на правото, борбата против корупцијата, реформата на јавната администрација и зајакнување на демократијата, но неговото „чистење“ од чувствителни термини отвора прашања за идниот тон на европскиот дискурс кон Македонија.

Свет | пред 10 месеци

Чадот почнал пред работното време, сомнежите се дека пожарот во Визбегово е подметнат, институциите ќе истражат кога ќе се изгасне

Пожарот кој избувна во Визбегово од рано утрово, и натаму се гасне. Дел од лицата кои работат во близина и го знаат просторот, зад камерите посочуваат дека се сомневаат дека пожарот е подметнат. Велат дека разговарале со вработени на плацот, кои им кажале дека уште во 08:30 утринава, пред да започнат со работа, имало црн чад, а потоа, сѐ се одвивало брзо.Неофицијалните информации, сѐ дека потпалувањето било од една точка, а бидејќи станува збор за отпад каде имало и акомулатори и боци - лесно се проширил. Се коментираше дека првата Противпожарна бригада успеала да стигне за дваесетина минути по пријавата. Гаснетењето може да потрае со денови, а важно е најпрво да се локализира.Прашани во Обвинителството, дали истражуваат што е причина за пожарот, велат: „Тоа се податоци што МВР или ЦУК може да ви ги дадат во овој момент, додека најголем дел од пожарите уште траат. Обвинителствата постапуваат во сите случаи каде има индиции дека пожарот бил предизвикан или поврзан со кривично дело“.

Скопје | пред 10 месеци

Поради пожар затворен дел од скопската обиколница, сообраќајот кон ГП Блаце пуштен само за патнички возила

Министерството за внатрешни работи ја известува јавноста дека поради пожар, затворен за сообраќај е делот од скопската обиколница од клучка Радишани кон Тетово.Исто така, ја информираме јавноста дека од 17.20 часот е пуштен сообраќајот кон ГП Блаце, но само за патнички возила, но останува во важност забраната за движење на товарните возила.

Македонија | пред 10 месеци

Мицкоски: Нема да дозволам ново предавство и ќе ги бранам македонските национални интереси

На денешната вонредна прес-конференција на ВМРО-ДПМНЕ, на која се обрати претседателот на ВМРО-ДПМНЕ, Христијан Мицкоски, упати јасна порака дека ново предавство врз Македонија и македонските граѓани, нема да биде дозволено.„Сакам да потенцирам и нашиот народ да биде на чисто, дека нема да дозволиме да се случи ново предавство! Нема да дозволиме да се отстапи од македонските национални интереси и тоа е завет кој ВМРО го има во својот код. Јас сум само моментален функционер и претседател на оваа партија, кој презел одговорност да служи на својот народ и да ги решава проблемите, да го подобри животот на неговите сограѓани. Работам ден и ноќ за да ја реализирам таа цел’’, истакна Мицкоски.Тој посочи дека со сојузништво на општествените и политичките чинители во државата, ќе се преземат иницијативи и активности за да докажеме дека Македонија е тука и покрај се.„Сакам да најавам и низа иницијативи и активности за кои ќе очекуваме сојузништво и заедништво со МАНУ, со партиите на етничките заедници во државава, со опозициската СДСМ, и другите кои сакаат да помогнат и да покажеме на светот дека сме тука и дека се уште стоиме! И покрај се! И после се! Ние сме тука! Стоиме силни, обединети заедно’’, заклучи Мицкоски.

Македонија | пред 10 месеци

Пронајдено починато лице во близина на пожар во Лозаново, Крива Паланка

Денеска (09.07.2025), во близина на активен пожар во селото Лозаново, општина Крива Паланка, полициски службеници пронашле починато лице, информираат од МВР.Увидот се врши на лице место во присуство на јавен обвинител, а повеќе детали засега не се соопштуваат. Се истражуваат околностите поврзани со смртта и пожарот.

Македонија | пред 10 месеци

Штетa во Скопје од силниот ветер - падна дел од фасада во Козле

Поради силниот ветер, кој веќе неколку часа дува во Скопје, падна дел од фасада на зграда во Козле на улицата Јуриј Гагарин бро 33.

Скопје | пред 10 месеци

Бојко Борисов подава рака на Македонија, Бугарија задоволна од усвоениот Извештај

Откако денеска беше усвоен Извештајот на Европскиот парламент за напредокот на Македонија без да се спомене во него македонскиот јазик и идентитет, официјална Софија веднаш изрази задоволство од документот.,,Со својата резолуција за извештајот за напредокот на Република Северна Македонија, Европскиот парламент не дозволи тој да биде инструментализиран за потребите на внатрешната политичка дебата на земја-кандидат“, коментираше министерот за надворешни работи Георг Георгиев.Реагираше и лидерот на ГЕРБ, Бојко Борисов.,Драго ми е што гласот на Бугарија беше слушнат.Повторно им подавам рака на нашите пријатели во Северна Македонија да продолжиме напред заедно, врз основа на почитување и спроведување на Договорот за пријателство и добрососедство. Во мене и во лицето на Бугарија, тие секогаш ќе имаат искрен и близок партнер”, изјави Борисов.

Македонија | пред 10 месеци

Пожарот кај Крива Паланка се приближува до куќите – градоначалникот бара помош од државата

Во близина на населеното место Лозаново, во општина Крива Паланка, беснее голем шумски пожар кој се приближува до куќите и претставува закана за локалното население.Градоначалникот Сашко Митовски повика на смиреност и внимателност кај граѓаните, но истовремено упати апел за поддршка од надлежните институции и соседните општини.„Градот се наоѓа под досега најголема огнена стихија. Алармирам и апелирам за помош од соседните општини, за државна помош, вклучување на механизација, бидејќи во опасност е самото населено место Лозаново и домовите на граѓаните“, изјави Митовски.Локалните служби се обидуваат да го локализираат пожарот, но условите на терен се отежнати. Се очекува одговор од државните институции за понатамошна интервенција.

Македонија | пред 10 месеци

Мицкоски по усвојувањето на извештајот во ЕП: Ова е нашиот Крушевски манифест – нема да дозволиме ново предавство

По изгласувањето на извештајот за напредокот на Македонија во Европскиот парламент, од чии финални формулации беа отстранети споменувањата на македонскиот јазик и идентитет, премиерот Христијан Мицкоски остро реагираше, нарекувајќи го овој момент „нов Крушевски манифест“ за Македонија.„Македонската историја е втемелена врз предавства и неправди. Тоа не е ексклузивитет на современата Македонија, туку болка која ја носиме низ вековите. Неправдата е составен дел од нашето секојдневие, но нека го чуе секој: денешниот ден не е ништо ново за нас“, порача Мицкоски.Тој оцени дека со гласањето во Европарламентот вистината излегла на површина и дека ЕУ јасно покажала што очекува од Македонија – услови кои не важат за ниту една друга држава-кандидат.„Тоа се политичари од врвен калибар, кои совршено знаат што е суштината на овие барања. Сега сè им е сервирано на тацна. Не сакам никој повеќе да ми зборува дека бугарското малцинство е проблем – уште утре можеме да го внесеме во Уставот. Но суштината е поинаква. Проблемот не е во тоа, туку во триесетгодишната стратегија која ја водат низ европските ходници против македонската нација“, рече тој.Премиерот додаде дека државата, од независноста до денес, направила бројни отстапки и помирувања, но дека вистинскиот проблем е што нејзините лидери со децении не воделе сметка за националниот интерес.„Оваа борба е и ќе биде тешка. Но ќе успееме. Малубројна земја сме со големо срце. Ги почитуваме соседите, дури и кога ќе ги фатиме живи како работат против нас. Но без взаемна почит, нема да постигнат ништо. Кога ќе почнат да не почитуваат – ќе ни бидат најголем пријател“, истакна тој.Најави дека нема да дозволи ново предавство ниту отстапување од македонските национални интереси, нагласувајќи дека неговата функција е минлива, но целта останува.„Јас сум само моментален функционер, но работам ден и ноќ за да ја реализирам целта – достоинствено членство во ЕУ. Тоа не е само цел, туку потреба за нашата држава“, рече Мицкоски.Во својата изјава тој посочи и дека моменталната блокада од Унгарија не е единствената причина за застојот во евроинтеграциите, туку дека проблемите датираат уште од 90-тите години, кога Македонија беше признаена како држава, но не и како нација.„Нашиот источен сосед има поинаква агенда. Работеа против нас повеќе од три децении. Водени се од мислата да ја уништат македонската нација и идентитет“, изјави премиерот Мицкоски.

Македонија | пред 10 месеци

Чадот и ветрот ја стопираа воздушната интервенција на полицискиот хеликоптерот во Визбегово

Хеликоптерот „Аугуста Бел 212“ на Министерството за внатрешни работи, кој беше вклучен во гаснењето на пожарот кај отпадот во реонот на Визбегово, е повлечен од теренот поради влошени услови за летање – засилен ветер и густ чад.„Хеликоптерот беше испратен како поддршка во справување со пожарот и изврши неколку фрлања на вода. Но поради засилениот ветер и намалената видливост од чадот, одлучено е да се повлече во базата“, соопштија од МВР.Во акцијата за гаснење на пожарот и натаму учествува еден авион „Ер Трактор“ на Дирекцијата за заштита и спасување, а на терен дејствуваат и противпожарните единици на Град Скопје, како и екипи со возила на „Комунална хигиена“.Од засега достапните информации, во пожарот е повредено едно лице, кое било пренесено на лекарска помош. Дополнително, приведен е сопственикот на отпадот каде што избувна огнената стихија, потврдија надлежните институции.Пожарот, кој избувна вчера, предизвика сериозна загриженост кај жителите поради серијата експлозии од плински боци во хаварисани возила и опасната близина до станбени куќи во реонот на Шуто Оризари.

Скопје | пред 10 месеци

„Јас сум вистинска горда Македонка, а не лажна како резидентите во Скопје“ - изјава на грчка европратеничка пред гласањето на извештајот

На вчерашната пленарна дебата во Европскиот парламент, што ѝ претходеше на денешното гласање за Извештајот за напредокот на Македонија, грчката европратеничка Афродити Латинопули изнесе навредлива и провокативна реторика, негирајќи го македонскиот јазик и идентитет.„Јас сум вистинска горда Македонка, а не лажна како резидентите во Скопје“, изјави Латинопули од европската група на крајната десница (ECR), додека ги поддржуваше бугарските ставови за историјата, јазикот и националноста на македонскиот народ.Во нејзиниот говор, таа рече:„Дојдовме до точка каде што честа на Македонија и Грција ја бранат Бугарите. Нивната реакција е исправна бидејќи тие знаат дека моменталниот јазик во Скопје е бугарски дијалект и нивната националност е бугарска. Ако сакате мир и добри односи на Балканот, историјата мора да се обнови, инаку пристапот кон ЕУ нема да се случи ниту во нивните соништа. Македонија е една и таа е грчка.“Изјавата предизвика реакции и на социјалните мрежи, особено поради фактот што дојде во момент – токму во пресрет на денешното гласање за Извештајот за Македонија, кој беше усвоен со 461 глас „за“, 121 „против“ и 107 „воздржани“, но во финалната верзија од текстот беа отстранети референците на „македонскиот јазик и идентитет“.Овој развој на настаните дополнително ги отвори прашањата за рамнотежата меѓу политичкиот дијалог во Европскиот парламент и заштитата на националниот и културниот интегритет на земјите-кандидати, како што е Македонија.

Македонија | пред 10 месеци

Детонации од плински боци на депонијата, има повредено лице при интервенција на гаснењето на пожарот

Министерството за внатрешни работи информира дека едно лице е повредено за време на интервенцијата, односно геснењето на пожарот во Визбегово и е пренесено во болница.„Денеска во 09.16 часот во СВР Скопје е пријавено дека на отпад за старо железо на ул. Б.Буна во Скопје има пожар, односно дека горат хаварисани возила, на кои имало монтирани плински уреди и се слушаат детонации од истите. Досега нема зафатено приватен имот – куќи. Се преземаат мерки за гасење на огнот и расчистување на случајот. За време на интервенцијата едно лице е повредено и пренесено за укажување лекарска помош“, информираа од МВР.Пожарот избувнал во кругот на отпад што е регистриран на фирмата АСД „Метал груп“. Жителите од околните населби велат дека рано утрово забележале огромни облаци чад, а од местото каде што гори се слушале и силни експлозии.Според досегашните информации, детонациите потекнуваат од плинските уреди монтирани на хаварисани те возила кои се запалиле во рамки на депонијата. За среќа, пожарот сè уште не се проширил кон станбени објекти.Во гаснењето се вклучени екипите на Противпожарната бригада на Град Скопје, а по барање на градоначалникот на Шуто Оризари, Курто Дудуш, беше ангажирана и воздушна поддршка. На терен дејствува авион Ер Трактор од Дирекцијата за заштита и спасување.Властите апелираат на внимателност, бидејќи се уште постои ризик од ширење на огнот поради материјалот што гори и временските услови.

Скопје | пред 10 месеци

Вклучен и Ер Трактор во гаснењето на пожарот кај Визбегово

Пожарот што избувна во близина на дивата депонија меѓу скопските населби Визбегово и Шуто Оризари сè уште е активен и претставува закана за околните населени места. Поради сериозноста на ситуацијата и ризикот од ширење кон станбени објекти, веќе е вклучена и воздушна поддршка.Според најновите информации од Центарот за управување со кризи (ЦУК), по нивно барање, авион Ер Трактор на Дирекцијата за заштита и спасување (ДЗС) веќе интервенира од воздух во обид да се локализира огнената стихија.„Во реонот на Визбегово, општина Шуто Оризари, во близина на дивата депонија, избувнал пожар кој се шири и претставува ризик за проширување кон околните површини. Има опасност бидејќи во близина се наоѓаат станбени куќи“, соопштија од ЦУК.На градоначалникот му е укажано дека, доколку проценките покажат зголемен ризик, треба да се пристапи кон евакуација на населението од најзагрозениот реон.Граѓаните од овој дел на градот се жалат на густ црн чад кој го покрива небото и бараат трајно решение за депонијата која со години претставува ризик за здравјето и безбедноста.

Скопје | пред 10 месеци

Загрижувачка состојбата кај Визбегово – пожарот се шири, можно наредување евакуација!

Пожарот што избувна во близина на дивата депонија меѓу Визбегово и Шуто Оризари брзо се шири и претставува сериозен ризик за околните површини, информира Центарот за управување со кризи (ЦУК). Опасноста е уште поголема бидејќи во непосредна близина се наоѓаат станбени објекти.По барање на градоначалникот на Шуто Оризари, Курто Дудуш, побарана е воздушна поддршка за справување со огнената стихија. ЦУК веднаш го процесуираше барањето до Министерството за внатрешни работи и Дирекцијата за заштита и спасување, со цел побрза и поефикасна интервенција.Градоначалникот е информиран дека, доколку состојбата го наложи тоа, треба да се пристапи кон евакуација на жителите од најзагрозените подрачја.Во моментов на терен дејствуваат противпожарни екипи на Град Скопје.

Скопје | пред 10 месеци

(ФОТО/ВИДЕО) Пожар кај депонијата меѓу Шуто Оризари и Визбегово – чадот ги прекри околните населби

Густ црн чад и силни пламени јазици утринава повторно ја зафатија депонијата што се наоѓа меѓу скопските населби Шуто Оризари и Визбегово. Според информациите од терен, се запалиле стари гуми, а чадот брзо се проширил, прекривајќи делови од околината. Од фотографиите и снимките што ги направи Скопје1, може да се види дека главно горат гуми.На лице место интервенираат четири возила на Противпожарната единица на Град Скопје, а во гаснењето се вклучени и две возила од „Комунална хигиена“.Станува збор за уште еден во серија пожари на оваа проблематична локација, која со години претставува еколошка и безбедносна закана за жителите од околните населби.

Скопје | пред 10 месеци

(ВИДЕО) „Ќе ги бомбардирам Москва и Пекинг“: Откриена тајна снимка на Трамп

Американскиот претседател Доналд Трамп им рекол на донаторите на приватен настан во 2024 година дека му се заканил на рускиот претседател Владимир Путин дека ќе ја „бомбардира Москва“ ако ја нападне Украина, според аудио-снимка објавена од Си-Ен-Ен.„Му реков на Путин: „Ако влезеш во Украина, ќе ја бомбардирам Москва. Немам избор“, се слуша Трамп на снимка од настанот.. „И потоа тој рече: „Не ти верувам.“ Но, тој ми веруваше 10 проценти“, додаде Трамп.Американскиот претседател, исто така, тврдеше дека испратил слична порака до кинескиот претседател Си Џинпинг, предупредувајќи го дека САД ќе го бомбардираат Пекинг доколку Кина го нападне Тајван. „Мислеше дека сум луд“, рече Трамп за Си. „Но, никогаш немавме проблем.“Снимки од повеќе настани за собирање средства зад затворени врати во Њујорк и Флорида во 2024 година, добиени од новинарите Џош Дози, Тајлер Пејџер и Исак Арнсдорф, се објавени во нивната нова книга „2024“. Досега тие не се објавени во јавноста. Админситрацијата на Трамп одби да коментира за нивната содржина.

Свет | пред 10 месеци

Кос без дипломатски ракавици: Уставните измени се единствениот начин!

Еврокомесарката за проширување Марта Кос синоќа испрати јасна порака од Европскиот парламент: за Северна Македонија да продолжи по патот кон ЕУ, мора да ги усвои уставните амандмани.Во обраќањето за време на дебатата за Извештајот за напредокот на земјава што го подготви европратеникот Томас Вајц, Кос нагласи дека пристапувањето кон Европската Унија е главен двигател на клучните реформи и дека Скопје има историска можност да направи исчекор.„Владата во Скопје има историска можност и одговорност да направи решавачки чекор кон ЕУ и да го искористи моментумот на проширување што е очигледно, постои. Ние продолжуваме да ја поддржуваме Северна Македонија на нејзиниот пат кон Европската Унија“, изјави Кос.Таа истакна дека со усвојувањето на Извештајот, Унијата испраќа јасен сигнал на поддршка за европската перспектива на земјава, но и укажува на конкретните чекори што мора да се преземат за напредок во преговорите.„За време на моите разговори со лидерите на Северна Македонија во Скопје, минатата недела, ја истакнав нашата посветеност како ЕУ да ја поттикнеме земјата да продолжи напред во процесот на пристапување. Исто така, во неколку наврати, потсетив на потребните чекори што треба да се преземат за да се отворат пристапните преговорите за кластерот ‘Основани вредности’. Единствен начин за тоа е да се усвојат уставните амандмани“, рече Кос.Таа наведе дека земјава веќе има испратено ажурирани патокази до Европската комисија за владеење на правото и реформа на јавната администрација, како и дека активно работи на Планот за раст на Западен Балкан.„Овие напорите не треба да запрат тука, бидејќи спроведувањето на реформите е од суштинско значење“, истакна еврокомесарката.Според неа, извештајот за Северна Македонија претставува избалансирана проценка на состојбата во земјата, со јасни препораки за приоритетите: владеење на правото, основните човекови права, независно судство, борба против корупцијата и ефикасна администрација.„Извештајот за Северна Македонија дава сеопфатна и избалансирана проценка на ситуацијата во земјата, вклучително и во клучните области, како што е владеењето на правото. Северна Македонија треба да ги засили реформите, особено во областа на прашањата за основните права и треба дополнително да го зајакне владеењето на правото, независноста на судството, борбата против корупцијата и да ја реформира јавната администрација“, рече Кос.На крајот, таа упати благодарност до Европскиот парламент за поддршката на демократските процеси во земјава.„Изразувам благодарност до Европскиот парламент за неговиот постојан ангажман во зајакнувањето на демократските процеси во земјава и неговата клучна улога во охрабрувањето на сите политички сили конструктивно да работат заедно на унапредување на нејзиниот пристапен пат“, заклучи Кос.

Македонија | пред 10 месеци

„Ви треба чесност, интегритет и храброст за да го признаете македонскиот народ“, словенечката европратеничка Ирена Јовева на македонски јазик им порача на бугарските колеги

Во Европскиот парламент денеска се гласа за Предлог-извештајот за напредокот на Македонија, подготвен од специјалниот известувач за земјава, австрискиот европратеник Томас Вајц. Расправата за документот започна уште вчера, а дебатата доби силна димензија поради амандманите поврзани со македонскиот јазик и идентитет.Словенечката европратеничка Ирена Јовева, членка на партијата „Движење за слобода“ и дел од парламентарната група „Обнова на Европа“, се обрати на македонски јазик директно до бугарските европратеници.„За да постои на македонскиот народ не му треба ваша дозвола, но на вас, за да го признаете тоа, ви треба чесност, интегритет, храброст – знам“, порача Јовева, која е од македонско потекло.Таа претходно јавно соопшти дека нема да поддржи никакви измени кои би воделе кон бришење или негирање на македонскиот јазик и идентитет во европскиот извештај.Првичната верзија на извештајот ги содржеше референците на македонскиот народ и јазик, но подоцна беа предложени амандмани за тие да се формулираат како „модерни“, односно „сегашни“, а на крајот и целосно да се изостават.Обраќањето на Јовева предизвика бурни реакции на социјалните мрежи, каде што нејзиниот говор беше споделен од повеќе јавни личности и поранешни политичари, меѓу кои и Љупчо Димовски.

Македонија | пред 10 месеци

Димитров до Бугарија: Како не ве срам – македонскиот народ не е ваш “зап’рт’к”!

Поранешниот министер за надворешни работи на Македонија, Никола Димитров, остро реагираше на изјавата на поранешниот бугарски амбасадор и европратеник Александар Јорданов, кој во интервју за „Дојче Веле“ го нарече македонскиот идентитет „политички зап’рт’к“ – термин што во бугарскиот јазик означува нешто неразвиено и неуспешно уште во зародиш.Димитров ваквата изјава ја оцени како „ужасен говор на омраза“, инспириран од „антиевопска амбиција да се негира постоењето и посебноста на еден европски народ“.„Да си даде човек, а уште пострашно, една политика – право да зборува за други луѓе, во друга држава, кои се и какви се, од кога се – е антиевропски, антицивилизациски, непристојно и бедно“, напиша Димитров на својот Фејсбук профил.Тој нагласи дека доколку самиот бил дипломат или министер, без двоумење би поднел оставка при првиот обид за спроведување ваков вид политика кон друг народ.„Колку се државите големи, не во територија туку во вредности и цивилизациски габарит, најдобро се гледа по тоа како си ги третираат соседите. Прашањето е: дали Бугарија расте со својот однос кон македонскиот народ или станува сѐ помала?“, прашува Димитров.Тој посочи дека идентитетските прашања се лична и колективна работа на самите народи и дека обидите за надворешно дефинирање на етничкиот идентитет се не само опасни, туку и поразителни за добрососедските односи.Како поткрепа, Димитров се повика и на ставот на група бугарски интелектуалци кои уште во 2020 година потпишаа петиција во која се наведува:„Не сметаме дека процесот на формирање на македонската нација значително се разликува од начинот на формирање на другите нации.“Во завршницата на објавата, Димитров апелираше до бугарската јавност и политичари да покажат разбирање, емпатија и почит.„Аман, ставете се во нашите чевли. Замислете ваш поголем сосед да го нарече бугарскиот идентитет ‘политички зап’рт’к’. Со дикат и усул, комшии. Во името на историјата – и на иднината“, порача тој.

Македонија | пред 10 месеци

Ангелов: Задоволен сум од специјалните возила – се тестираат во реални услови

Во гаснењето на пожарот во Скопско, кој траеше во текот на вчерашниот и денешниот ден, се вклучија и две специјални противпожарни возила на Дирекцијата за заштита и спасување (ДЗС): еден „Хермелин“ со цистерна од 6 тона и еден „Пинцгауер“ со капацитет од 1,5 тон вода.Како што објасни директорот на ДЗС, Стојанче Ангелов, употребата на БТР-80 била исклучена поради специфичната конфигурација на теренот:„Бидејќи се оперираше низ населени места со стрмни и тесни улици и остри кривини, сметав дека не е безбедно да се користи БТР-80. Наместо тоа, подготвивме две возила за можен транспорт до фабриката ‘Самоков’, кои со своите резервоари од 6 тона и моќни пумпи со дострел до 100 метри, можат значително да помогнат при одбрана на објектот“, изјави Ангелов.Сепак, поради тоа што пожарот бил ставен под контрола пред да се приближи до фабриката, овие возила не биле испратени таму.Директорот нагласи дека сите возила се уредно тестирани, имаат технички преглед и се регистрирани на име на ДЗС. Воедно, посочи дека актуелното вклучување на специјалните возила е дел од поширок план за нивно тестирање во реални услови:„Како одговорен за овие возила, дадов наредба да се тестираат на терен – не само пумпите и капацитетот, туку и целата посада. Овие неколку дена ги третираме како тест фаза. Откако ќе се увериме дека се доволно ефикасни и безбедни, нивниот број ќе се зголемува согласно потребите“, додаде тој.Ангелов посочи дека од досегашната употреба е презадоволен од перформансите на специјалните возила.

Македонија | пред 10 месеци

Херојот од Чучер-Сандево, младиот волонтер Иван Кукуновски е во стабилна состојба

Младиот волонтер Иван Кукуновски е во стабилна состојба и е згрижен на Клиниката за токсикологија во Скопје.Оваа информација ја потврди неговиот татко, Јовица Кукуновски. Иван вчера се задушил од чад за време на гаснењето на големиот пожар. Пожарот избувна во ридско-планинскиот предел во општина Чучер-Сандево. Се задушил од чад по 24-часовна борба со огнот.Младиот Иван бил дел од екипите кои повеќе од 24 часа се бореа со огнената стихија. Пожарот се закануваше да зафати и населени места. Неговата пожртвуваност е само уште еден доказ за храброста на сите кои учествуваа во гаснењето.

Македонија | пред 10 месеци

Support Kocani обезбеди и втора пратка компресивна облека за повредените: Делата зборуваат многу погласно од зборови

Денес во Кочани пристигна и беше официјално донирана втората пратка компресивна облека, обезбедена од граѓанската иницијатива Support Kocani, наменета за повредените од трагичниот настан од 16 март 2025 година.Во оваа пратка се вклучени 43 парчиња компресивна облека, изработени по индивидуални мерки за 17 повредени лица. Облеката беше испорачана во Македонија во понеделник навечер, а веќе денес е доставена на Општата болница во Кочани. Фактурата за оваа пратка, во износ од 283.802 денари, е целосно исплатена од страна на Support Kocani.Ова е втора по ред испорака на компресивна облека што ја обезбедува иницијативата. Претходно, Support Kocani целосно ја покри и првата пратка во вредност од 923.458 денари, со што вкупниот износ за двете набавки изнесува 1.207.260 денари, односно 23.560,37 евра – средства обезбедени исклучиво преку донации од хумани граѓани, фирми и поддржувачи од земјата и дијаспората.Голема благодарност упатуваме до компаниите Julius Zorn GmbH и Health 2000, кои што овозможија квалитетна и навремена медицинска помош за што поголем број повредени лица.„Во време на болка, солидарноста е најголем лек. Никој нема да биде сам. Делата зборуваат многу погласно од зборови, а ние не застануваме – продолжуваме посветено и одговорно, сè додека постои потреба и сè додека има луѓе што веруваат во хуманоста”, порачаа од Support Kocani. 

Македонија | пред 10 месеци