Стојаноски: Граѓаните имаат недоверба во системот заради политиките на СДС и трагедиите кои не резултираа со правда

На денешната Комисија за финансирање и буџет во Собранието, се обрати пратеникот од ВМРО-ДПМНЕ, Бојан Стојаноски кој дискутираше за поднесените амандмани од опозицијата во врска со финансиските средства за повредените од Кочани.„Најмногу можам да ги разберам нашите граѓани, бидејќи во изминатиот период нашите граѓани беа метафорички изгорени од тоа да се случуваат случаи а правдата никогаш да не дојде. Ги разбираме граѓаните со нивната недоверба кон системот бидејќи навикнати се на такви трагедии по неколку години да нема никаков епилог, никој да не е виновен, да нема обештетување за семејствата, да биде крив кабелот. Затоа што ние ќе направиме за граѓаните, за тоа како ние ќе им помогнеме нека зборуваат делата и воопшто не е важно кој што ќе каже и што ќе не обвини додека на крајот од денот се покажува реална помош кон тие што им е најпотребно“, рече Стојаноски.Стојаноски истакна дека со амандманот 148 се бараат финансиски средства од 3 милиони денари за изградба на старечки дом во Кочани, за кој за истиот, Владата обезбедила 199 милиони денари.„Во амандманот 148 се бара да се обезбедат средства од 3 милиони денари за изградба на старечки дом во општина Кочани. Во моментот тој е в.д градоначалник поддржан од вашата пратеничка група, одобрена апликација за дом на стари лица со капацитет од 141 лице, 199 милиони денари. Господинот Крстевски оваа недела ќе го потпише договорот, од наредната ќе почне постапката и ќе почне да го гради. Сте поднеле амандман за 3 милиони, обезбедени се 199 милиони денари“, истакна Стојаноски.Пратеникот истакна дека дел од болницата во Кочани се реконструира, адаптиран е просторот Пониква, а обезбедена е и потребната адаптивна облека која е бесплатна, бесплатно лекување во странство и бесплатни лекови.„Амандманот 202, се бараат средства да се обезбедат за реконструкција на болницата во Кочани. Во овој момент 350м2 од таа болница и неколку оддели се реконструираат, постојат средства во ребалансот за сите овие работи. Адаптиран е просторот во Пониква, обезбедена е бесплатна психолошка поддршка со тим од Скопје на сите оние коишто ќе се обратат до таа. Адаптивните облеки обезбедени се и тие ќе бидат бесплатни, бесплатни лекови има за сите оние на коишто тоа им е потребно, бесплатно лекување во странство и престој за сите оние од најблиско опкружување колку и да е потребно до последен миг, во овој ребаланс има обезбедува средства за ослободување од партиципација“, објасни Стојаноски.

Македонија | пред 10 месеци

Кривична пријава за двајца кавадарчани, набавиле амфетамин во Скопје, да го продаваат во Кавадарци

ОВР Кавадарци, до Основното јавно обвинителство Кавадарци, поднесе кривична пријава против С.С.(39) и Т.А.(38), двајцата од Кавадарци, поради постоење основи за сомнение за сторено кривично дело - „неовластено производство и пуштање во промет на наркотични дроги, психотропни супстанци и прекурсори“ - по член 215 став 1 од КЗ на РСМ.Според документираните сознанија пријавените на 03.06. годинава од непознато лице во Скопје набавиле 185,4 грама наркотична дрога „амфетамин“, наменета за продажба. При транспорт, со патничко моторно возило „Форд“, со кавадаречки регистарски таблички, управувано од Т.А. (а С.С. бил сопатник) на подрачјето на општина Росоман, биле сопрени од полициски службеници кои што дале знак за запирање на патничко возило. Меѓутоа тие не застанале се дале во бегство а С.С. ја фрлил од возилото наркотичната дрога. Меѓутоа набргу биле запрени и при преглед, кај С.С. била пронајдена 1.18 грама опојна дрога „амфетамин". По преземени оперативни мерки и активности фрлената дрога е пронајдена и одземена.

Македонија | пред 10 месеци

Експлозии на буриња со хемикалии – активиран повторно пожарот во близина на фабриката за оружје во Самоков

Командирот на Територијалната противпожарна единица (ТППЕ) Македонски Брод пријавил дека повторно е активиран на пожар во кругот на фабриката за оружје и муниција АТС АММО во населба Самоков.ЦУК наведува дека иако претходниот отворен пожар во магацинот беше локализиран пред неколку дена, во ноќните часови била забележана експлозија на буре со хемикалии складирани во веќе зафатениот магацин. Во текот на денот дошло и до втора експлозија на друго буре со хемикалии, по што пожарот повторно се активирал.Во моментот гори ниска вегетација и површина со трева и дрвја, и во кругот и надвор од кругот на фабриката. Пожарот засега нема зафатено производни хали или други магацински капацитети, но итно се преземаат мерки за негово спречување и локализација.На терен интервенира една противпожарна екипа со едно возило од ТППЕ Македонски Брод. Поради сложеноста на теренот и опасноста од ширење на пожарот, Градоначалникот на Општина Македонски Брод побарал поддршка од ТППЕ Прилеп и ТППЕ Кичево. ТППЕ Прилеп веќе упати едно противпожарно возило со екипа на лице место.Градоначалникот на Општина Македонски Брод преку повикувачкиот број за итни случаи 112 официјално побара и воздухопловна поддршка за помош на копнените сили во справување со пожарот.Центарот за управување со кризи (ЦУК) веднаш ги процесуира барањата до Министерството за внатрешни работи (МВР), Дирекцијата за заштита и спасување (ДЗС) и Генералштабот на Армијата на Република Северна Македонија.ЦУК останува во координација со сите надлежни институции и ќе ја информира јавноста за понатамошниот тек во врска со овој пожар.

Македонија | пред 10 месеци

(ФОТО) Силно невреме направи вистински пустош низ Загреб

Силна невреме проследено со силен ветер и обилни дождови го погоди Загреб утрово, предизвикувајќи големи штети. Државниот хидрометеоролошки завод (DHMZ) издаде предупредување за моќни електрични празнења со силен ветер во пет окрузи.Дирекцијата за цивилна заштита, или Окружниот центар 112, во текот на утрото примила околу 30 пријави од граѓани за последиците од бурата во Загреб, кои се однесувале на откорнати дрвја што паднале на патиштата, скршени гранки и оштетувања на возила и покриви.Државниот хидрометеоролошки институт (DHMZ) го зголеми нивото на предупредување за неколку региони. Напладне, пораките беа испратени до граѓаните на пет окрузи преку Системот за рано предупредување и управување со кризи - SRUUK.Предупредување за невреме со урагански ветрови е издадено за неколу жупании: осиечко-барањска, вуковарско-сремска, бродско-посавинска, пожего-славониска и вировитичко-подравинска.Црвено предупредување е во сила за Славонија, а портокалово предупредување е во сила за остатокот од Хрватска, освен на крајниот север, поради можни силни бури. Температурите ќе паднат за повеќе од 10 степени во некои делови од земјата.На места се можни поизразени врнежи од дожд со грмотевици, привремено придружени со бурни, урагански ветрови, претежно северозападни. Најсилните налети на ветер се поголеми од 120 километри на час, а веројатноста за грмотевици е поголема од 75 проценти.

Свет | пред 10 месеци

Состојбата со пожарите сѐ уште сериозна – осум активни пожари низ земјата, најмногу во регионот на Македонски Брод

И покрај ангажманот на институциите, состојбата со пожарите на отворен простор во земјава и натаму не е стабилизирана. Според информациите што Центарот за управување со кризи (ЦУК) ги објави денеска до 14:00 часот, активни се вкупно осум пожари, додека само еден пожар е целосно изгаснат.Најголем дел од активните пожари се лоцирани во општина Македонски Брод, каде се бележат дури три жаришта – кај селото Црешнево, во населбата Самоков и во селото Слатино. Во Црешнево гори деградирана дабова шума и грмушки, додека во Самоков, во кругот на поранешната фабрика „Сувенир“, избувнал пожар во магацин/хала со складирани гуми и палети. Кај Слатино гори лисната постелка и ниска вегетација.Пожар е активен и на подрачјето на општина Прилеп, кај селото Бешиште, каде гори приземен пожар во мешана шума. Во општина Чашка, под Солунска Глава, помеѓу изворите на реката Бабуна и локалитетот Бабина Дупка, засега нема активен пламен, но има појава на чад во карпест дел.Пожар се уште гори и на потегот помеѓу селата Блаце и Чучер во општина Чучер Сандево, каде е зафатена мешана шума и ниска вегетација. Исто така, шумски пожар е активен и кај селото Белаковце во општина Старо Нагоричане.Од ЦУК информираат дека единствениот пожар кој е целосно изгаснат до овој момент е во село Чешиново, општина Чешиново-Облешево, каде што горело стрниште.Надлежните институции се на терен и ги преземаат сите мерки за локализација и гаснење на пожарите, а јавноста се повикува на зголемена внимателност и пријавување на секое жариште на бројот за итни случаи 112.

Македонија | пред 10 месеци

Ова е епилогот од претресите во Скопје и Куманово: шест лица под истрага, се бара и притвор

Основното јавно обвинителство Скопје отвори истрага против шест лица, осомничени за организирана и продолжена трговија со наркотични дроги, меѓу кои и амфетамин, марихуана и психотропни супстанции.Според обвинителството, осомничените во периодот од 1 мај до 3 јули 2025 година, во повеќе наврати со умисла извршиле поврзани дејствија на неовластено производство и продажба на дрога, при што користеле ист траен однос и слични околности. Станува збор за околу 6,5 килограми амфетамин, 257 грама марихуана и 98 таблети MDMA (екстази).Предистражната постапка траела неколку месеци и дел од доказите се обезбедени со примена на посебни истражни мерки. На 3 јули, сите шест лица беа уапсени во координирана акција на полицијата, а по наредба на судија за претходна постапка беа извршени претреси на повеќе локации во Скопје и Куманово.Во текот на претресите, покрај наведените дроги, биле пронајдени и други наркотични супстанции – хашиш, кокаин, разни таблети, дигитални ваги, готовина и опрема за пакување.Јавниот обвинител поднесе предлог до Основниот кривичен суд Скопје за определување притвор за сите шестмина осомничени.

Македонија | пред 10 месеци

Трагедија во Ѓорче Петров: По пожарот кај Лепенец, пронајдено изгорено човечко тело

Вчерашните пожари ја земаа првата жртва, дознава „Скопје1“. Според наши извори, човечко тело е најдено изгорено во штала која била лоцирана во близина на Железничката станица Ѓорче Петров.Телото на човекот е најдено до изгорените тела на добитокот, а просториите биле целосно пеплосани. Информацијата на потврдија од МВР за „Скопје1“.Се преземаат мерки за расчистување на случајот.

Скопје | пред 10 месеци

Купуваш играчка, добиваш зависност: феноменот Labubu

Зад симпатичните дизајни и привидно невините играчки што ги обожаваат децата, често стојат сериозни маркетиншки механизми и бизниси вредни милијарди евра. Еден од најновите глобални феномени – куклите Labubu – е совршен пример за тоа.Овие мали фигурички не се само играчки. Тие се дел од прецизно осмислена стратегија за продажба, заснована на концептот на „слепа кутија“ – купувачот не знае која верзија ја добива сè додека не ја отвори. Таа неизвесност буди возбуда, адреналин, а кај децата – и силна емоционална поврзаност.Психологот Мулиќ Чорбо вели дека ваквите трендови не се нови. „Кога јас бев девојче, Барби куклите беа апсолутен хит. Имавме само една или две, но вредеа многу. Се собираа деца околу нив, се создаваше заедништво. И Labubu е слична приказна – кукла, приврзок и симбол на споделена игра“, објаснува таа.Но зад таа „споделена игра“, вели таа, стои агресивен маркетинг. „Важно е што играчката пренесува. Луѓето се поврзуваат со пораки, симболи, стилови. Дури и возрасните реагираат на тоа што ги ангажира емоционално“, додава Чорбо.Професорот Касим Татиќ пак, посочува на уште подлабоката игра: „Ова се маркетинг трикови со прецизна цел – да се стимулира побарувачката и да се создаде социјален притисок. Кога сите купуваат нешто, и ти чувствуваш дека треба.“Според него, „психологијата на мистеријата“ игра клучна улога – фактот дека не знаеш што точно купуваш ги тера луѓето да се навраќаат, да собираат, да трошат повеќе.Цената на една кукла Labubu варира од 20 до 30 долари, но за ограничени изданија – цената експлодира. На eBay некои примероци достигнуваат и до 7.000 долари. На платформата StockX, моделите направени во соработка со брендот Vans се продаваат и по над 3.000 долари.Тоа што почнува како „слатка играчка“ за дете, често завршува како колекционерска манија за цело семејство.Мулиќ Чорбо апелира до родителите да не дозволат маркетингот да ја преземе улогата на воспитувач.„Купувањето секогаш е избор што носи вредносна порака. Како родители, мора да зборуваме со децата – зошто сакаат одредена играчка, што таа претставува, и дали зад тоа се крие нешто што можеме заеднички да разбереме.“Таа потсетува дека децата се во фаза кога силно тежнеат кон припадност и уникатност, а ваквите трендови умешно ја користат таа потреба. „Но, токму затоа мора да им помогнеме да го разберат светот зад пакувањето.“

Свет | пред 10 месеци

Левица: Компанијата „Агроплод Ресен” незаконски и криминално го издала автокампот Крани за работа на „ИМПЕРИУМ-ПЕТ” ДООЕЛ

Додека директорот на Државниот пазарен инспекторат Влатко Стојкоски држи празни прес-конференции за наводните контроли на неговата институција, Левица објавува докази како само 2 месеци после трагедијата со Кочани, пазарниот инспекторат при вршење надзор не постапил законски и дозволил авто-кампот КРАНИ да продолжи да работи без дозвола!Левица претходно објави дека овој автокамп е криминално присвоен од компанијата „Агроплод Ресен” и истиот формално-правно не постои, односно не е категоризиран согласно Законот за автокампови и нема дозвола за работа. Во одговор на Пазарниот инспекторат, наведено е дека на 15 април пазарен инспектор извршил надзор во овој автокамп, при што констатирал дека автокампот Крани не ги исполнува санитарно-здравствените услови, условите за заштита при работа, условите за противпожарна заштита, како и дека истиот не е категоризиран, односно работи без дозвола за работа.Но, наместо пазарниот инспектор веднаш да го затвори авто-кампот и да иницира постапка против правниот субјект кој незаконски узурпира и стопанисува со државен имот, инспекторот изрекол само опомена со временски период да ги отстрани неправилностите?! Пазарниот инспектор бил должен да знае дека се работи за авто-камп во сопственост на Репубика Македонија, со кој криминално стопанисува „Агроплод Ресен”, на кој уште во 2004 година и е одземена концесијата за овој авто-камп и оваа компанија нема никаков правен основ за да работи со автокамп Крани, туку истата треба да биде под кривична истрага за узурпација на државен имот, се наведува во соопштението на Левица.Левица објавува уште еден доказ, односно одговор од Државното правобранителство, во кое јасно стои дека предметниот автокамп формално-правно не постои и истиот е во неспорна државна сопственост. Моментално, компанијата „Агроплод Ресен” незаконски и криминално го има издадено автокампот за работа на правното лице „ИМПЕРИУМ-ПЕТ” ДООЕЛ Скопје, каде управител е Александар Петковски. Се работи за сериозен криминал под заштита на институциите, каде годишно незаконскиот управител остварува чист профит и до 160.000 евра.Левица алармира дека при ваквиот сериозен криминал не е во прашање само финансиската корист која се остварува криминално, туку и незаконското работење без дозвола за работа ни дава сериозна загриженост после трагедијата со дискотеката „Пулс”, каде токму непостапувањето на пазарните инспектори (кои дозволија да работи без лиценца), за жал резултираше со 63 трагично изгубени животи.Партијата прашува - дали власта и премиерот Мицкоски го штитат од кривичен прогон нивниот директор на Државниот пазарен инспекторат за трагедијата со Кочани затоа што Влатко Стојкоски продолжува да не постапува против локални моќници и нивниот криминал?!фото: ФБ

Македонија | пред 10 месеци

Возач во пијана состојба предизвика тешка сообраќајка во Скопје

Тешка сообраќајка во Скопје: Возач со 3,08 промили алкохол удрил во друго возило – три лица повредениНа крстосницата меѓу булеварите „Србија“, „Трета Македонска бригада“ и „12 Македонска бригада“ во Скопје, во саботата попладне се случила тешка сообраќајна несреќа помеѓу две патнички возила – „цитроен“ управуван од 60-годишниот И.К. и „опел антара“ управуван од 23-годишниот Ф.К., двајцата од Скопје.Како што соопшти МВР, во несреќата со тешка телесна повреда се здобил И.К., а полесно се повредени Ф.К. и неговиот сопатник П.Б. (19). Повредените се пренесени во ГОБ „Св. Наум Охридски“ и на Клиничкиот центар „Мајка Тереза“.По наредба на јавен обвинител, И.К. бил лишен од слобода во 18:30 часот, бидејќи алкотест покажал дека управувал возило со 3,08 промили алкохол во крвта. Против него ќе биде поднесена кривична пријава.

Скопје | пред 10 месеци

Во скопската зоолошка градина починале две лами, ЗОО молчи

Советникот во Град Скопје, Стефан Кирков, алармира дека во скопската Зоолошка градина повторно угинале животни – овој пат две лами, при што тврди дека институцијата го прикрива случајот. Според него, поморот трае со години, а состојбата ја опишува како „вистински хорор“.„Нашата, Скопската Зоолошка е една хорор приказна изминативе 3,5 години. Ја нареков куќата на стравот со цел некоја 'умна' глава да превземе нешто за ова што ѝ се случува на оваа установа“, напиша Кирков на своите социјални мрежи.Тој потсетува дека „откако Арсовска дојде на чело на Скопје и со поставување на нејзините 'професионални' кадри за директори, во Скопје ЗОО угинаа повеќе од 40 егзотични животни, дел од нив под сомнителни околности“.Како што вели, последните два случаи на угинати лами се случиле пред четири до пет дена. „За нив неофицијално се раскажува дека подолго време појавувале симптоми на туберкулоза“, посочува Кирков. Тој додава дека и пред само еден месец починале уште две лами, за кои „се знаело, наводно, дека боледуваат од истата болест – туберкулоза“.Според него, вработените биле изложени на ризик и притисок, а истовремено и посетителите. „Неколку дена претходно, вработените имале голем притисок и мобинг од горенаведените да влегуваат во живеалиштата на ламите без никаква хтз или заштитна опрема“, вели Кирков и предупредува дека симптомите кај животните биле „видливи“, а тие не биле изолирани.Кирков тврди дека директорот во сенка, Стаменов, заедно со директорот на хартија, Попов, наредиле информацијата за угинувањето на ламите да се сокрие и да не се објавува. „До таму идат што и покрај законската обврска да ја известат АХВ, тие тоа не го прават. АХВ дознаа утрово од мене“, вели тој.Тој јавно ја прашува градоначалничката: „Данела Арсовска, што уште ќе му направиш на Скопје?“Апелира до новинарите и здруженијата за заштита на животни да реагираат:„Ги охрабрувам сите новинари, друштва за заштита на животни да го испитаат ова и да ги побараат одговорите и одговорноста од таму кај што треба. Јас, како Советник во Град Скопје, како и секогаш, истото ќе го направам“, заклучува Кирков.СК1 го контактираше директорот Зоран Попов за да побара детали. Доколку одговори на пораката, ќе ги проследиме одговорите. Не е првпат медиуми и активисти да откриваат дека угинале животни во Зоолошката, пред тоа да го направи самата институција.фото: ЗОО Скопје/ФБ

Скопје | пред 10 месеци

Стигнале пријави за мито побарано од медицинари – Алиу молчи за имињата и од кои клиники доаѓаат

Граѓани пријавиле барање на мито од страна на медицинари, кажа Азир Алиу, министер за здравство. Но, засега ова е непријавено до правосудните институции. Посочува дека тие прво ќе ги проверат пријавите, па ќе видат што понатаму.Алиу одби да каже кои клиники биле пријавените, како и дали се од скопскиот Клинички центар.„Прва фаза е, не е добро да именуваме клиники.. Ќе нѐ оставите недела-две. Имаме методологија, свесни сме дека кога креираме систем треба да одговараме“, рече Азир Алиу, министер за здравство.

Македонија | пред 10 месеци

Трагедија во Грција: Девојка се онесвести откако доби предлог за брак – се бори за живот

Трагичен момент го обележа патувањето на млад пар во Лефкада, Грција. Додека уживале во романтичен излет на живописната црква „Пророк Илија“ во селото Енглуви, 24-годишна девојка од Чешка паднала во безсознание веднаш откако нејзиниот партнер ѝ предложил брак.Случајот се случил пред неколку дена, кога младиот маж ѝ го поставил клучното прашање, а таа – во момент на емоции – колабирала и паднала на земја. Била итно пренесена во болница во Превеза, каде лекарите констатирале екстензивно мозочно крварење. Поради сериозноста на состојбата, девојката е префрлена на интензивна нега во болница во Јанина, каде се бори за живот.Лекарите велат дека состојбата е критична. Според првичните информации, не се работи за надворешна траума или пад поради повреда, туку за ненадејна внатрешна медицинска компликација.Грчките медиуми известуваат дека парот бил на одмор во Лефкада, а предлогот за брак требало да биде врв на нивната романтична авантура. Наместо среќа – трагедија.Истрагата е во тек, а семејството и пријателите се во шок и со надеж за нејзино закрепнување.

Свет | пред 10 месеци

Пронајдено тело на непознат маж во Вардар кај Велес – наредена обдукција

Во реката Вардар, на влез во Велес вчера напладне е пронајдено починато машко лице, чиј идентитет сè уште не е познат.„Известен е јавен обвинител и извршен е увид од увидна екипа на СВР Велес. По наредба на јавен обвинител, телото на починатото НН лице ќе биде дадено на обдукција“, соопштија од Секторот за внатрешни работи Велес.

Македонија | пред 10 месеци

Македонец и двајца Бугари загинаа откако автомобил удри во маса во ресторан во Разград

Трагедија се случи во бугарскиот град Разград, каде што 58-годишен Македонец, заедно со двајца бугарски државјани, загинаа откако во нивна насока удри автомобил додека седеле на маса во ресторан, јави ТВ Стар.Покрај Македонецот, кој имал 58 години, животот го загубија и двајца бугари, на возраст од 62 и 64 години, со кои седел на истата маса во моментот на несреќата.Според првичните резултати од тестирањата, возачот на автомобилот, кој има 19 години, не бил под влијание на алкохол или наркотични супстанции. Сепак, му биле земени крв и урина за дополнителни лабораториски испитувања.По несреќата, на возачот му е изречена мерка притвор од 72 часа.

Македонија | пред 10 месеци

Од липковско Лојане до градоначалник на Цирих, партијата ФДП го номинира Перпарим Авдили да го води швајцарскиот град

ФДП во Цирих ги избра трите кандидати кои ќе ги предложи за членови на Градскиот совет на претстојните избори на 4 септември. Покрај советничките кандидати Михаел Баумер и Марита Вербали, партијата го номинираше и сегашниот градски советник, како и кандидат за градоначалник, Перпарим Авдили.Комитетот го препорачува Перпарим Авдили како кандидат за претседател на градот, односно градоначалник, стои во соопштението за медиуми што го објави партијата.Во соопштението се презентираат профилите на тројцата кандидати, а посебно внимание е посветено на Авдили, кој е опишан како „човек од акција со креативен нагон“ за Градскиот совет на Цирих.„Цирих мора повторно да се позиционира како иновативна економска, културна и метропола на знаењето, живописно место полно со разновидност и напредок. За тоа е потребен посветен градоначалник кој во секојдневниот живот ќе го претвори ова ветување во реалност – со фер можности за домување, работа и развој на нашите населби“, се наведува во презентацијата.Во објавата на социјалните мрежи Авдили кој го претстави своето кандидатство, пишува:„Пораснав во Цирих, како дете на имигрантско семејство. Одев на училиште во Алтштетен и Албисриден и сè уште редовно играм фудбал со моите пријатели во населбата. Понекогаш дури и заедно ги следиме натпреварите на градскиот клуб на Лецигрунд, на кој имам мала преференција.По завршувањето на мојата комерцијална обука, ја започнав кариерата во финансискиот центар на Цирих. Денес сум финансиски директор во непрофитната организација „libs“, која се наоѓа во Северен Цирих и каде што поддржуваме 1.500 практиканти во машинската, електротехничката и металната индустрија да го развиваат својот професионален пат.Го сакам она што го работам и го сакам овој град. Имам длабоки корени тука.Но, градот е администриран на непроменлив начин со години. Без храброст. Без боја. Без душа. Сакам Цирих да продолжи да се развива, да цвета и конечно да биде перцепиран како вистинска метропола.Потребен ни е град со јасна цел, крај на администрацијата без визија што ја видовме во последните години. Ако сакаме да бидеме релевантни, мораме да бидеме видливи и чујни – космополитски, разновиден, креативен и храбар град. За ова ни треба лидерство со визија, емпатија и ентузијазам“, напиша Авдили.

Македонија | пред 10 месеци

Хеликоптерите Бел и Агуста го ставија под делумна контрола пожарот кај Блаце

Пожарот што попладнето вчера избувна над магистралниот пат Скопје–Блаце, утрово е ставен под делумна контрола. Но борбата со огнените јазици сè уште не е завршена – два крака и натаму се активни, потврди директорот на Дирекцијата за заштита и спасување, Стојанче Ангелов.Како што информира, рано изутрина, уште од 5 часот, силите на скопската Противпожарна бригада излегле на терен со повеќе возила и екипи, поддржани од воздух со два хеликоптера на МВР, еден армиски хеликоптер, како и специјализирани возила од ДЗС – „пинцгауер“ и „хермелин“ со поголема цистерна.„Пожарот е ставен под делумна контрола, за жал сè уште имаме активни два краци“, изјави Ангелов во утринската видео-изјава. Тој прецизира дека еден од краците бил локализиран по воздушна интервенција со хеликоптери на полицијата.Од Министерството за внатрешни работи потврдуваат дека двата нивни хеликоптера, „Бел 412“ и „Агуста Бел 212“, од 5 до 9 часот утрово исфрлиле повеќе од 30 тони вода врз пожарот кај Блаце и дека продолжуваат со активни летови и дејства на терен.Причината за избувнувањето на пожарот сè уште не е официјално утврдена, но според директорот на ДЗС, најверојатно станува збор за човечки фактор – фрлен отпушок од автомобил во движење или намерно предизвикување.Ангелов апелираше до граѓаните да бидат исклучително внимателни и да пријават веднаш на бројот 112 доколку забележат пожар.Инаку, сообраќајот кон граничниот премин Блаце, кој синоќа беше делумно блокиран за автобуси и товарни возила поради проширување на пожарот, е повторно нормализиран, информираа од МВР.фото: ДЗС

Македонија | пред 10 месеци

Се урна настрешница во центарот на Белград, се уште виси! Делови од бетон завршиле на шеталиштето

Дел од настрешницата на зграда на адреса Кнез Михајлова 10, во строгиот центар на Белград, се урна во текот на ноќта пред парфимерија, пренесува Н1 Србија.Според изјавите на вработена во продавницата, сè било во ред во текот на претходниот ден, што укажува дека инцидентот најверојатно се случил во текот на ноќта или рано изутрина.Властите веднаш реагирале и ја обезбедиле областа со црвена сигурносна лента со натпис „претпазливост, опасност“. На граѓаните им е забрането да се движат низ тој дел од улицата додека не се отстрани урнатиот материјал и не се процени стабилноста на објектот.Делови од настрешницата завршиле директно на шеталиштето, а еден дел сè уште виси, што претставува дополнителен ризик за минувачите.Надлежните служби се очекува да спроведат инспекција и да утврдат што точно ја предизвикало оваа опасна ситуација во една од најфреквентните улици во Белград.фото:Print Screen/N1

Свет | пред 10 месеци

Температури до 42 степени – УХМР најавува топлотен бран и за денеска!

Македонија денеска повторно е зафатена од многу топло време, со температури кои ќе достигнуваат до 42°C. Управата за хидрометеоролошки работи информира дека времето ќе биде сончево и многу топло, со мала до умерена локална облачност, а попладне постои можност за појава на краткотрајна нестабилност.„Сончево и многу топло со мала до умерена локална облачност. Попладне ќе има услови за изолирана појава на нестабилност со краткотраен пороен дожд и грмежи. Ќе дува слаб до умерен, наместа повремено засилен ветер од југозападен правец. Максималната температура ќе биде во интервал од 33 до 42 степени“, се наведува во соопштението на УХМР.Во Скопје, исто така, се очекува екстремна жештина. Според најавата, времето ќе биде сончево со мала до умерена облачност, а температурата ќе достигне до 42°C.„Во Скопје, сончево и многу топло со мала до умерена облачност. Ќе дува слаб до умерен југозападен ветер. Максималната температура ќе достигне до 42 степени“, информираат од УХМР.Иако најголемиот дел од земјата остана сув, УХМР соопшти дека во последните 24 часа, воден талог, односно количина на паднат дожд е измерен само на Попова Шапка, каде наврнале 19 литри на метар квадратен.„Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената“, се додава во соопштението.УХМР апелира на внимателност поради екстремните температури, особено во најтоплиот дел од денот, како и зголемен ризик од пожари.

Македонија | пред 10 месеци

Ќе се вработуваат 400 пожарникари, во тек е оглас – пренаменети и стари армиски и полициски возила

Додека пожари веќе создаваат сериозни проблеми, институциите дури сега објавуваат оглас за вработување на 400 пожарникари. Паралелно, се работи на пренамена на стари армиски и полициски возила кои треба да помогнат во справувањето со огнените стихии.„Македонската интервентна пожарна, еве така да ја наречеме оваа единица, денес делуваше многу импресивно и мотивирачки. Денес се случи комплетна пренамена на полициските и армиски ‘БТР 80’, ‘Хермелини’ и ‘Пинцгауери’ кои беа управувани од луѓе кои се вешти од МВР и Армијата. На сите тие возила им е вграден различен резервоар, во зависност од статиката на возилото, да не дојде до изместување на тежиштето и да не дојде до превртување. Работеа инженери на овој проект. Резервоарите се од 1,5 метар кубен до 6, исто така се со вградени пумпи со различна ‘коњажа’, пумпи со различна можност, притисок итн и навистина тоа делува импресивно. Кога зборувавме со луѓето од Армијата колкав терен тие би можеле да покријат, ми беше кажано дека до 20 километри само овие возила кога би се распределиле би изгасиле пожар“, изјави премиерот Христијан Мицкоски во гостување на „Тема на денот“ на Сител телевизија.Тој нагласи дека трансформацијата на возилата не ја чинела државата ништо.„Оваа пренамена на старите армиски и полициски возила не ја чинеше државата ништо, туку тоа беше направено од општествено одговорни компании. Ако едно вакво возило чини 400 илјади евра, тогаш тоа значи дека се заштедени неколку десетици милиони евра од буџетот“, рече Мицкоски.Во изјава, Мицкоски посочи дека процесот на вработување на пожарникари дури сега започнува.„Отпочнат е огласот за вработување на 400 нови пожарникари. Ги охрабрувам луѓето преку општините, тие кои се чувствуваат подготвени да влезат во овој процес. Оваа единица, армиските хеликоптери и хеликоптерите на полицијата, а на тоа додадени и Ер тракторите, еден е вратен од сервис, другиот се враќа оваа недела, а третиот до крај на јули, ценам дека сме подготвени доколку оваа година се случат пожари да ги совладаме“, истакна премиерот.Според него, направените чекори треба да овозможат поголема подготвеност во справувањето со пожари, при што, како што рече, „за разлика од минатото, државата ќе биде проактивна, а не реактивна на ова поле“.

Македонија | пред 10 месеци

Драматични видеа од Тексас, 28 деца и уште 54 возрасни се жртви во големите поплави, снимките покажуваат колку брзо се надошла реката

Бројот на жртви од катастрофалните поплави во Тексас се искачи на најмалку 82, вклучувајќи најмалку 28 деца, додека потрагата по девојчиња исчезнати од летен камп влегува во третиот ден, а стравот од нови поплави доведе до нови евакуации.Лари Леита, шерифот на округот Кер во регионот Тексас Хил Кантри, изјави дека 68 лица загинале во поплавите во неговиот округ, епицентарот на поплавите, вклучувајќи 28 деца.Гувернерот на Тексас, Грег Абот, на прес-конференцијата вчера попладне, рече дека уште 10 лица загинале на други места во Тексас и потврди дека 41 лица се водат како исчезнати. Претседателот Доналд Трамп изрази сочувство до семејствата на жртвите и рече дека веројатно ќе ја посети областа во петок. Тој додаде дека неговата администрација била во контакт со Абот.Уништен христијански кампМеѓу најтешко погодените е летниот христијански камп за девојчиња стар речиси еден век, каде што 11 девојчиња и една советничка сè уште се водат како исчезнати, рече Леита. Поплавите се случија откако блиската река Гвадалупе се излеа од своите корита по обилните дождови во централен Тексас во петокот, на Денот на независноста на САД.„Во рок од 45 минути, реката Гвадалупе се искачи за 8 метри и имаше катастрофални поплави - однесоа имоти, а за жал и човечки животи“, беше кажано на прес-конференција.Шефот на Одделот за управување со вонредни состојби во Тексас, Ним Кид, изјави дека во разурнувањето загинале три лица во округот Барнет, едно во округот Том Грин, пет во округот Тревис и едно во округот Вилијамсон. „Бројот на жртви ќе се зголеми“„Ќе видите дека бројот на жртви ќе се зголемува денес и утре“, рече Фримен Мартин, директор на Одделот за јавна безбедност на Тексас.Официјалните лица во саботата соопштија дека повеќе од 850 луѓе се спасени, вклучувајќи некои кои се држеле за дрвја, откако ненадејна бура наврнала до 38 сантиметри дожд низ регионот, околу 140 км северозападно од Сан Антонио.Федералната агенција за управување со вонредни состојби беше активирана во неделата и распореди спасувачи откако претседателот Доналд Трамп прогласи голема катастрофа, соопшти Министерството за внатрешна безбедност.Хеликоптери и авиони на крајбрежната стража помагаат во потрагата и спасувањето, соопшти министерството.Тајмлапс снимката направена во петокот покажува колку брзо се искачиле поројните води по должината на реката Љано во градот Кингсленд, Тексас - околу 150 километри североисточно од кампот Мистик.Снимките со забрзано движење покажуваат како водата го покачила нивото и се кревала по речното корито во рок од само 30 минути.“

Свет | пред 10 месеци

Хеликоптерска акција против пожарот кај Чучер Сандево – локализиран и огнот во дворот на болницата во Бардовци

Утрово, точно во 5 часот, започнаа воздушните интервенции врз пожарот што ја зафати територијата на општина Чучер Сандево, поточно околината на селата Чучер и Блаце. Во гаснењето се вклучени три хеликоптери – два на Министерството за внатрешни работи и еден на Армијата на Република Македонија.На терен дејствуваат и сили на Противпожарната бригада на Град Скопје со повеќе екипи и возила, екипи од Јавното комунално претпријатие од општината, тимови на Црвениот крст кои поставија базен за полнење вода на хеликоптерите, како и припадници на Дирекцијата за заштита и спасување со противпожарни возила, информира ЦУК.Центарот за управување со кризи соопшти дека е во постојана координација со сите надлежни институции и службите на терен, со цел ситуацијата што побрзо да се стави под контрола.Во меѓувреме, јавноста беше вознемирена и од пожарот кој вчера попладне избувна во дворот на ЈЗУ Психијатриска болница „Скопје“ во Бардовци. Министерството за здравство соопшти дека пожарот зафатил само надворешна тревна површина обрасната со сува трева и дека не постои причина за загриженост.„Ситуацијата е целосно ставена под контрола. Навремената интервенција на надлежните служби спречи проширување на огнот кон болничките објекти. Од безбедносни причини беше спроведена краткотрајна превентивна евакуација на дел од пациентите и персоналот. Нема повредени, ниту е причинета материјална штета врз објектите“, информираат од Министерството.Во болницата останува дежурен медицински и административен персонал кој внимателно ја следи состојбата и е подготвен за натамошна реакција доколку има потреба.

Македонија | пред 10 месеци

Последниот критичен пациент од Кочани е надвор од опасност; Мицкоски: Му простувам на родителот што ме навредуваше

Премиерот Христијан Мицкоски во интервју за телевизија „Сител“ изјави дека сочувствува со семејствата на загинатите и повредените во трагедијата во Кочани и дека му простува на родителот кој, под влијание на болката, го навредувал пред камери.„Сочувствувам со нивната болка. Трагедијата беше страшна и не задеси по само осум месеци од преземањето на власта. Она што го направивме досега, ретко кој го направил – денес добив информација дека и последниот пациент кој беше во критична состојба е надвор од опасност. Првата група веќе го заврши рехабилитацискиот третман на Пониква, а на почеток на следната недела следува втората група. Континуирано сме во контакт со повредените и со семејствата на починатите“, рече Мицкоски.Во однос на навредите што ги добил од еден од родителите, тој изјави:„Оној родител кој ме навредуваше, му простувам тоа е специфична ситуација во која не би можел да замислам како се чувствува човекот“.

Македонија | пред 10 месеци

Првата група повредени од трагедијата во Кочани заврши рехабилитација – Министерството за здравство со апел, ЗНМ со остар одговор

Во одморалиштето на МВР на Пониква заврши првата фаза од рехабилитацијата за 45 лица повредени во трагичниот настан во Кочани. Според Министерството за здравство, на почетокот од следната недела таму ќе пристигне и нова група повредени, кои ќе добијат двонеделна медицинска нега и физикална терапија.Министерството упати апел до медиумите процесот на рехабилитација да се следи со особена внимателност и почитување на приватноста на повредените лица. Во соопштението се наведува дека секој инвазивен пристап може да предизвика дополнителни трауми и да го отежни заздравувањето. Затоа, се бара да не се снимаат лица, да не се бараат изјави и да не се нарушува мирот во Пониква и Општата болница во Кочани.Но на ваквиот повик реагираше Здружението на новинари на Македонија (ЗНМ), оценувајќи дека станува збор за ограничувачки инструкции што можат да се протолкуваат како институционален притисок и обид за цензура. Според ЗНМ, Министерството не смее да наметнува правила за новинарско известување, особено кога станува збор за настани од јавен интерес.„Слободата на изразување и јавното информирање се гарантирани со Уставот, а новинарската етика е прашање на саморегулација“, порачаа од ЗНМ, потенцирајќи дека уредувачката независност и медиумската слобода се неприкосновени во едно демократско општество.

Македонија | пред 10 месеци

(Виде) Пожар во Бардовци: Евакуирани пациенти и персонал од психијатриската болница

Попладнево изби пожар во скопската населба Геге, кој брзо се прошири кон Бардовци и зафати дел од дворот на Психијатриската болница. Огнот захвати површини со сува трева и дрвја, заканувајќи се да навлезе во самиот комплекс на болницата.Навремено реагирање спречи поголема трагедија – сите пациенти и персоналот беа безбедно евакуирани.Центарот за управување со кризи (ЦУК), веднаш побара дополнителни сили од Противпожарната бригада и стапи во контакт со Хеликоптерската единица на МВР. Првично се разгледувала можноста за пренасочување на воздушна поддршка која веќе делувала во реонот на Чучер Сандево – Блаце, но на крајот тоа не било потребно.„Пожарот е ставен под контрола, а хеликоптерот на МВР останува на задачата во Блаце“, соопштија од ЦУК.На терен биле и директорот на болницата Иса Абдулаи и директорот на ЦУК, кои ја координирале акцијата на лице место.

Скопје | пред 10 месеци