Со некрофилска злоупотреба не се добиваат политички поени: Мицкоски до СДСМ за Кочани

Премиерот Христијан Мицкоски одговори на обвинувањата на СДСМ за селективност во истрагата за пожарот во Кочани и за објавите на опозициската партија во врска со фирмата „Салтировски Консалтинг“.Мицкоски истакна дека тој ја разбира стратегијата на СДСМ и обидот преку некрофилија да добие политички поени.,,Што се однесува до суштината на истрагата не би коментирал, сега веќе има обвиненија, тоа е во рамки на Јавното обвинителство, Владата, ниту кој било дел од неа не е поврзан со истрагата која ја води Љупчо Коцевски, јавен обвинител кој со огромно мнозинство го избраа СДСМ и ДУИ. Во тимот се и обвинители, кои во минатото не е тајна дека беа поддржани од СДСМ и ДУИ. Тука СДСМ повторно на некрофилски начин ја злоупотребува трагедијата и загубите на луѓето. Мислат дека така ќе профитираат, но мислам дека се лажат. Што се однесува до политичката кампања околу донациите тоа може да биде само уште еден доказ повеќе дека нема селективност, за разлика од случајот со Модуларната болница, Ласкарци, Беса транс, кога до ден денес имаме привилегирани директни или индиректни актери во тој случај и јас навистина го повикувам Јавното обвинителство ревносно да се позанимава и со овие случаи, тие така рекоа, но како да ги подзаборавија”, рече Мицксоки

Македонија | пред 11 месец

Мицкоски се сомнева на саботажа во РЕК, МВР испитува

Вчера наутро Термоблокот 2 во РЕК Битола автоматски се исклучи од електроенергетскиот систем поради проработување на заштитниот механизам на блокот, кој се активирал како последица на зголемена температура или опожарени дрвени елементи во близина на ормарот за електронско управување.Постои основано сомнение дека е можно да се случила саботажа во РЕК Битола. МВР го истражува случајот што е нивна работа, а на вработените во АД ЕСМ им останува час поскоро да го оспособат блокот 2 и да биде во функција, порача премиерот Христијан Мицкоски.,,Важно е што навремено снабдување со електрична енергија ќе добијат сите корисници. Во РЕК Битола се прават натчовечки напори во делот на дисциплината и ремонтите. Двата блока се веќе во ремонт, а овој единствено работеше, бидејќи таква е потребата на пазарот во моментов, РЕК Битола да работи со еден блок, а пикот да се пегла со други извори”, рече Мицкоски потсетувајќи дека АД ЕСМ и Владата не побара зголемување на цената на електричната енергија од 1 јули, како што, како што посочи, тоа многу пати го правеше мината влада.

Македонија | пред 11 месец

Кочани доби ПРП терапија – повредените од трагедијата веќе се третираат локално

Во Општата болница во Кочани за првпат е изведена ПРП терапија (плазма збогатена со тромбоцити) кај десет лица повредени во трагедијата во дискотеката „Пулс“. Интервенциите се извршени од специјализиран медицински тим од скопската болница „Св. Наум Охридски“, објави директорот на Фондот за здравствено осигурување, Сашо Клековски.Претходно, девет други пациенти беа третирани на Клиниката за пластична и реконструктивна хирургија во Скопје.„Ова е голем чекор напред – ПРП терапијата сега е достапна во Кочани, без потреба од патување до Скопје!“, порача Клековски.ПРП терапијата е современа медицинска метода која користи плазма од сопствената крв на пациентот, збогатена со тромбоцити, со цел да се стимулира и забрза процесот на регенерација и заздравување на кожата и меките ткива.Овој напредок значително ќе го олесни лекувањето и рехабилитацијата на повредените, но и ќе обезбеди побрз пристап до современи терапии за целото источно подрачје.

Македонија | пред 11 месец

Авионот од Базел кружи над Скопје – невреме го одложува слетувањето

Патнички авион на лет од Базел кон Скопје веќе извесно време кружи над македонскиот главен град, откако поради нестабилни временски услови не може да слета на скопскиот аеродром.Според најновите податоци од метеоролошката станица на аеродромот „Меѓународен Аеродром Скопје“, во 15:20 часот е регистрирано нестабилно време со појава на грмежи, засилен северен ветер и локален дожд. Ветерот дува со брзина од 11 јазли од северен правец (340°), а повремено достигнува и 15 јазли со променлива насока.Иако видливоста е оценета како добра, на 3.000 стапки се бележат грмежливи облаци, додека на 6.500 стапки има расеани облаци, што дополнително ја отежнува ситуацијата.Поради овие метеоролошки услови, авионот моментално е во воздушен кружен режим и чека дозвола за безбедно слетување штом се подобрат условите.

Македонија | пред 11 месец

Иран му одговара на Трамп: Дефинитивно нема да преговараме со небитен воен поттикнувач

Мисија на Иран во Обединетите нации одговори на тврдењето на Доналд Трамп дека Техеран му се обратил на Вашингтон.„Ниту еден ирански функционер никогаш не побарал да се довлечка до вратата на Белата куќа. Единственото нешто што е поодвратно од неговите лаги е неговата кукавичка закана да го „отстрани“ врховниот лидер на Иран“, се вели во писмено соопштение па се додава:„Иран нема да преговара под принуда, нема да прифати мир под принуда и сигурно не со ирелевантен воен поттикнувач кој очајно се обидува да остане релевантен. Иран ќе одговори на секоја закана со контразакана, а на секој напад со реципрочен одговор.“Претходно:

Свет | пред 11 месец

Трамп: Можеби ќе го нападнам Иран, можеби и не

Американскиот претседател Доналд Трамп разговараше со новинарите среде тревникот пред Белата куќа. Беше прашан дали САД се приближуваат кон напад врз нуклеарните постројки на Иран.„Дали ќе го нападнете нуклеарниот постројка на Иран и точно кога, господине, ќе го нападнете?“, праша новинар, на што Трамп одговори „Не знаете дали воопшто ќе направам нешто. Не знаете. Можеби ќе го направам. Можеби нема.“Тој рече дека „никој не знае што ќе прават“, но дека може да го каже следново: „Иран има многу проблеми и сака да преговара. И им реков: Зошто не преговаравте со мене пред сите овие уништувања? Зошто не дојдовте? Им кажав на луѓето, зошто не преговаравте со мене пред две недели?“Тој рече дека Иран му пристапил и дека „тие дури предложиле да дојдат во Белата куќа“.„Имаа лоши намери. Знаете, 40 години велат: Смрт за Америка, смрт за Израел, смрт за секој друг што не го сакаат, каде било“, додаде тој.„Насилници. Беа како насилници на училишното игралиште. А сега не се. Но, ќе видиме што ќе се случи.“, заклучи тој.

Свет | пред 11 месец

Крвава пресметка во Чаир: постака против 18-годишник кој прободел малолетник во граден кош

Јавен обвинител од Основното јавно обвинителство Скопје поведе постапка против едно лице на возраст од 18 години, поради основано сомнение дека сторил кривично дело – Тешка телесна повреда од членот 131 став 6 во врска со став 1 од Кривичниот законик.Постапката е поведена против едно од лицата инволвирани во вчерашниот инцидент во Чаир, додека за истиот настан постапка ќе се води и против еден малолетник, согласно Законот за правда за децата.Од доказите обезбедени во предметот постои основано сомнение дека повод за оружениот инцидент со нож била меѓусебна вербална расправија во сообраќај, меѓу осомничениот и неговиот татко од една страна и малолетникот од друга страна. Расправијата прераснала во физичка пресметка, во која таткото и синот со употреба на физичка сила, клоци и тупаници го нападнале малолетното дете. Во тој момент детето извадило нож со кој им нанело повеќе убодни рани по телото на осомничениот и неговиот татко. Осомничениот успеал да му го земе ножот на детето и го прободел во градниот кош.Во физичката пресметка трите лица се повредени, при што малолетникот и таткото се хоспитализирани со тешки телесни повреди. Полесни се повредите кај сега осомничениот 18-годишник, за кого јавниот обвинител веќе побара да се определат мерки на претпазливост – забрана за напуштање на живеалиштето, обврска да се јавува повремено на определено службено лице во Основниот кривичен суд Скопје, привремено одземање на патна исправа за преминување на државната граница односно забрана за нејзино издавање и забрана за приближување или воспоставување, односно одржување контакти со малолетното дете кое го повредил.

Македонија | пред 11 месец

Захарова: Блиску сме до нуклеарна катастрофа, дали сите мислат дека радијацијата нема да ги стигне?

Русија реагира на вербалниот напад од САД врз Иран бидејќи тоа радикално би го дестабилизирало Блискиот Исток, изјави рускиот заменик-министер за надворешни работи Сергеј Рјабков, а Москва проценува дека Израел ризикува да предизвика нуклеарна катастрофа со нападите.Русија потпиша стратешко партнерство со Иран во јануари и има односи со Израел, иако војната на Москва во Украина е причина за загриженост за израелските власти. Понудата на Русија да посредува во израелско-иранскиот конфликт не беше прифатена.Рјабков, зборувајќи на маргините на економскиот форум во Санкт Петербург, за новинската агенција Интерфакс изјави дека Москва го повикува Вашингтон да се воздржи од директно мешање.„Тоа би бил чекор што радикално би ја дестабилизирал целата ситуација“, пишува Интерфакс и ја цитира изјавата на Рјабкова, критикувајќи ги таквите „шпекулативни опции за кои само се шпекулира“.Шефот на руската служба за надворешно разузнавање СВР, Сергеј Наришкин, рече дека ситуацијата меѓу Иран и Израел сега е критична, а портпаролката на Министерството за надворешни работи Марија Захарова рече дека израелските напади врз нуклеарната инфраструктура на Иран значат дека светот е „милиметри“ оддалечен од катастрофа.- Нуклеарните постројки се цел на напади - изјави таа за Ројтерс, додавајќи дека надзорникот за нуклеарна безбедност на ОН веќе регистрирал конкретни штети.- Каде е целата светска заедница? Каде се сите екологисти? Не знам дали мислат дека се далеку и дека овој (зрачен) бран нема да ги достигне. Па, нека прочитаат што се случи во Фукушима - рече Захарова, осврнувајќи се на несреќата во јапонската нуклеарна централа во 2011 година.Во 20-годишниот договор за стратешко партнерство потпишан во јануари од претседателот Владимир Путин и иранскиот претседател Масуд Пешмерга, Русија не вети дека ќе му пружи воена помош на Техеран и не е обврзана да го стори тоа и покрај блиските воени врски на земјите.Путин, кој веќе изгуби клучен партнер на Блискиот Исток со соборувањето на сирискиот претседател Башар ал-Асад минатиот декември, разговараше по телефон со американскиот претседател Доналд Трамп во саботата. Тој ги понуди услугите на Москва како посредник, за што Трамп рече дека е отворен, пред подоцна да побара „безусловно предавање“ на Иран.Извор запознаен со внатрешните дискусии во САД изјави дека Трамп и неговиот тим разгледуваат опции, вклучително и приклучување кон Израел во нападот на иранските нуклеарни постројки.Сергеј Марков, поранешен советник на Кремљ, рече дека конфликтот, иако се спротивставува на Русија, би можел да донесе некои придобивки за Москва, вклучително и повисоки цени на нафтата, поголем кинески апетит за руска нафта поради тешкотиите во добивањето иранска нафта и прераспределба на американските воени ресурси подалеку од Украина.

Свет | пред 11 месец

(Видео) Пожар на дивата депонија во Визбегово – кабли се палат намерно, повик за контроли

Во текот на денешниот ден избувнал пожар на депонија во скопската населба Визбегово. Според информации од Центарот за управување со кризи (ЦУК), веднаш било стапено во контакт со Полициската станица Бутел и со Противпожарната бригада на Град Скопје, кои излегле на терен и интервенирале.Се работело за пожар кој зафатил сува трева, ѓубриште и кабли, а истиот бил успешно изгаснат. Сепак, од ЦУК информираат дека одделни поединци намерно палат кабли на депонијата, што го отежнува гаснењето и создава дополнителен ризик по животната средина и здравјето на граѓаните.Граѓаните апелираат за поинтензивен надзор и санкции за намерното предизвикување пожари и загадување на воздухот, особено во делови како Визбегово, каде проблемот е хроничен.

Скопје | пред 11 месец

Невреме на пат кон Македонија – грмежи, дожд и град

Според информациите добиени од УХМР, денес до петок во попладневните и вечерните часови ќе биде нестабилно со пороен дожд, грмежи и засилен ветер, локално во форма на невреме со изолирана појава на град.Во Скопе, денес во попладневните часови во делови од котлината ќе биде нестабилно со пороен дожд, грмежи и засилен ветер.Во случај на појава на електрични празнења се препорачува поголема внимателност, да не се престоува на отворен простор и под осамени дрвја.

Македонија | пред 11 месец

Натпревар во што поидиотски ставови, СДС повторно шампион, велат од ВМРО-ДПМНЕ

„СДС уште еднаш покажа дека не може да излезе од сопствениот балон. Додека Владата работи, додека се намалуваат даноци, се враќа ред во институциите и државата почна да оди напред, СДС се занимава со измислени термини и панични настапиво јавноста“, велат од ВМРО-ДПМНЕ и додаваат:Навредите за „врховизам“, „изолација“ и „антиевропски вредности“ се обид да се покрие реалноста: нивното време помина, народот ги порази, а денес државата конечно има стабилна и одговорна власт.Факт е дека на меѓународни конференции како CPAC се среќаваат лидери кои се избрани од својот народ и го бранат националниот интерес. Тоа СДС не го разбира, бидејќи нивниот пристап беше сервилен, поразувачки и штетен.Македонија нема да се врати назад. Колку и да се обидуваат СДС да ја извалкаат со излитени флоскули, народот гледа разлика меѓу збор и резултат. А нивниот збор не вреди ништо

Македонија | пред 11 месец

Притворот на осомничените за смртта на 16 лица при падот на настрешницата во Нови Сад е укинат

Апелациониот суд во Нови Сад го укина притворот на петмина осомничени во истрагата за фаталниот пад на настрешницата на железничката станица во Нови Сад на 1 ноември, кога загинаа 16 лица, објави судот во среда.Судот донесе одлука со која делумно ги прифати жалбите на адвокатите на обвинетите во кривичната постапка во врска со трагедијата во Нови Сад, која предизвика бран повеќемесечни протести и обвинувања на властите за коруптивни практики и лошо извршување на работите на неодамнешната реконструкција на станицата.Меѓу првично уапсените, судот веќе го укина притворот на поранешниот министер за градежништво, Горан Весиќ, а уште петмина обвинети беа ослободени од притвор, против кои ќе се примени електронски надзор и забрана за напуштање на станот во период од три месеци, како и забрана за користење телефони, интернет и прием на други лица во станот.На крајот од минатата година беше поднесено обвинение против 13 лица, но судот го врати за доработка.Меѓу обвинетите се и поранешната вршител на должноста директорка на Српската железничка инфраструктура Јелена Танасковиќ, поранешниот министер за градежништво, транспорт и инфраструктура Горан Весиќ и неговата помошничка Анита Димовски и поранешниот генерален директор на Српската железничка инфраструктура Небојша Шурлан.Тие се обвинети за кривични дела против јавната безбедност и предизвикување јавна опасност.Во обвинението се товарат и неколку инженери, проектанти и лица одговорни за изградба, контрола и надзор.

Свет | пред 11 месец

Молк од институциите за хотелот на Мијалкови во Охрид – игнорирана претставка од 25 организации

И покрај поднесена претставка од 25 граѓански организации со барање за итно отстранување на хотелот што се гради во охридската Горица, ниту Владата, ниту премиерот, ниту Општина Охрид постапиле во законскиот рок – со што е прекршен и Законот за постапување по претставки и предлози.Хотелскиот комплекс на фирмата „Дивелоп Груп“, чиј сопственик е „Бест веј инвестмент“ на Мијалкови, се гради на местото на поранешна шума. Невладини организации тврдеа дека е без соодветна еколошка проценка, со незаконско одобрение и во спротивност со препораките од УНЕСКО и Бернската конвенција. Но, потпретседателот на Владата, Александар Николоски, тврди дека се е според закон и дека Мијлаков не би дозволил таква почетничка грешка. Градбата е посочена како закана во Планот за управување со светското наследство, а активностите започнаа и покрај барањето на УНЕСКО за нивно стопирање.Од екоактивистите велат дека институциите ги игнорираат и законските и моралните обврски. Кабинетот на премиерот претставката ја препратил до Општина Охрид и МЖСПП. Молк стигнал и од пратениците, па дури и од ДКСК, каде случајот е поднесен уште во март.На оваа тема, зборуваше и потпретседател на Влада и министер за транспорт и врски, Александар Николоски во „Претрес“:?t=2233

Македонија | пред 11 месец

Туфегџиќ за таткото на Вања: Овој човек не е убиец – тој е родител кој изгуби сѐ

Во завршниот збор пред Судот, адвокатот Владимир Туфегџиќ се обрати во одбрана на својот клиент, Александар Ѓорчески – обвинет во случајот за помош при грабнување на 14-годишната Вања Ѓорческа, негова ќерка.„Александар поради бруталното убиство на неговото дете и тешките последици за него и за неговото семејство, од овој суд не бара милост или одлука поради сожалување и емпатија кон него, Александар бара праведна судска одлука со која ќе бидат казнети сторителите, судска одлука со која ќе ги дознае мотивите и вистинските причини за овој монструозен чин и одговор на прашањето, зошто токму тој и неговото семејство се одбрани да бидат до крајот на животот осудени да живеат со огромна празнина, тага и болка. Застапникот на обвинението (обвинителката) не докажа надвор од разумно сомнение дека Александар го сторил кривичното дело кое му се става на товар“, рече Туфегџиќ.„Обвинителниот акт кон Александар Ѓорчески не само што е контрадикторен, туку и човечки неприроден“, истакна Туфегџиќ па додаде: „Овој човек е татко. Преживеа нешто што ниту еден родител не треба да го доживее – да му ја грабнат ќерката и подоцна да му ја пронајдат мртва.“Туфегџиќ го обвини обвинителството дека „со невидена леснотија, го ставиле таткото на убиеното дете на обвинителна клупа“.„Ваквиот пристап на застапникот на обвинението во теоријата на докажувањето за учеството на таткото Александар дека комуникација помеѓу таткото и Љупчо Палевски имало, но сепак нема докази за постоење на комуникацијата затоа што било логично да нема доказ за нивната комуникација е недозволен и опасен преседан кој значи обвинување за претпоставена а не докажана вина, тврдење кое е потполно неосновано и паушално од причина што телефоните кои ги користел таткото се криминалистички вештачени, нема доказ за комуникација или избришани записи по претходна комуникација со телефонските броеви кои ги користел Палевски а кои ги посочува застапникот на обвинението“, додаде тој.На крајот, Туфегџиќ апелираше до судот да „погледне со разум и правичност, но и со човечност“, и побара целосно ослободување на Александар Ѓорчески од обвиненијата.„Овој човек не е убиец – тој е родител кој изгуби сѐ. Во оваа смисла по однос на обвинетиот Александар се докажа дека ваквото обвинение е резултат на прекршување на основните принципи на кои почива истражната постапка и криминалистичка истрага, во која не е направена прелиминарна анализа на информациите, ниту е направена нивна организација и диференцијација, ниту била формирана основа на структурата за одлучување.Токму од доказите на обвинителството произлегува дека доказите од видео надзорот врз основа на кои се темели обвинението се обезбедени и прибавени токму од обвинетиот Александар и сведокот Гоце и тоа со знаење, согласност и со напатствија од полициските службеници кои учествувале во истражната постапка“, заклучи тој.

Македонија | пред 11 месец

Москва остро предупредува: Американска воена поддршка за Израел ќе го запали Блискиот Исток

Заменик-министерот за надворешни работи на Русија, Сергеј Рјабков, предупреди дека директната американска воена помош за Израел би можела радикално да ја дестабилизира ситуацијата на Блискиот Исток, каде што воздушната војна меѓу Иран и Израел беснее веќе шест дена.Рјабков, според новинската агенција Интерфакс, рече дека Русија ги предупредува САД да не му даваат таква помош на Израел, па дури ни да разгледуваат такви „шпекулативни опции“.„Ова би бил чекор што радикално би ја дестабилизирал целата ситуација“, ја цитираше агенцијата.Тој потврди дека Москва е во контакт со Ерусалим и Техеран.Во посебен коментар, шефот на руската служба за надворешно разузнавање СВР, Сергеј Наришкин, рече дека ситуацијата меѓу Иран и Израел сега е критична.Порано, извор запознаен со внатрешните дискусии во САД рече дека претседателот Доналд Трамп и неговиот тим разгледуваат низа опции, вклучително и приклучување кон Израел во нападот врз нуклеарните постројки на Иран.

Свет | пред 11 месец

Само заедничка соработка ќе ја направи Европа побезбедна, посилна и пообединета, порача Тошковски од Салцбуршкиот форум

Министерот за внатрешни работи Панче Тошковски вчера и денес во Загреб учествува на министерска конференција во рамки на Салцбуршкиот форум кој е централно-европска владина платформа замултилатерален дијалог и соработка за прашања во врска со внатрешната безбедност во која Македонија е дел од групата пријатели на оваа платформа.Министерот Тошковски се обрати на сесијата „Прекугранична соработка во справувањето со нелегалната миграција и организираниот криминал“ во која потенцираше дека со заедничката соработка преку мисијата Фронтекс досега е постигнато подобрена контрола на нелегални мигрантските рути, зајакнат капацитет за борба против прекуграничниот криминал и зголемен капацитет на македонските гранични операции да бидат поблиску до стандардите на ЕУ.„Користејќи ја помошта од Европската унија, ја зајакнавме граничната инфраструктура, ги подобривме нашите системи за азил и добивме поддршка во операциите против шверцот и спречувањето на трговијата со луѓе. Придонесуваме кон регионалната стабилност со воспоставување на подобрена гранична безбедност. Постигнавме намалување на нерегуларната миграција. Интензитетот на нелегалните обиди за преминување на границата е намален од почетокот на 2025 година. Во периодот од 1 јануари до 12 јуни 2025 година, спречени се вкупно 1.956 обиди, што во споредба со истиот период во 2024 година претставува намалување за триесет проценти.“, издвои како дел од успесите на ова поле министерот Тошковски.Министерот Тошковсски дефинираше и неколку места за подобрување на соработката кои ќе донесат подобри резултати како олеснување на брзата размена на податоци, континуирана размена на разузнавачки податоци со цел ефективни истраги против меѓународните криминални групи, заеднички програми за обуки на лица и развој на електронски алатки и истражни методологии вклучително и разузнавање од отворени извори со цел собирање на критичните информации и докази.Министерот Тошковски на крај пред форумот изрази желба Македонија како земја пријател на форумот да биде домаќин на таков еден иден настан со што уште еднаш ќе ја потенцираме посветеноста на заедничката соработка и иднина на Западен Балкан како дел од Европа која е побезбедна, посилна и пообединета.Министерот Тошковски во рамките на форумот оствари и билатерална средба со министерот за внатрешни работи на Хрватска, Давор Божиновиќ. Фокусот на средбата беа начините на справување со илегална миграција и активностите поврзани со борбата против организираниот и транснационален криминал. Се разговараше за реорганизација на границата и поставеноста на полицијата со цел поуспешно обезбедување на истата. Министрите изразија загриженост за настаните на Блискиот исток и можноста за создавање на нова мигрантска криза и заедничкиот заклучок беше дека е потребно уште сега да почнат да се вршат подготовки во однос на материјални, технички и човечки ресурси со цел успешно справување со таков нов евентуален мигрантски бран.Министрите ја разгледаа и соработката помеѓу Центарот за обука на МВР и Полициската академија на Хрватска, можностите за размена на искуства, наставни програми за средното полициско училиште кое ќе биде најблиску до хрватскиот модел.

Македонија | пред 11 месец

Паркингот на Клинички не е ни мапиран, новиот министер бара бара решение

Министерот за здравство Азир Алиу изјави дека паркингот во Клиничкиот центар „Мајка Тереза“ не е ни мапиран и дека тоа е првиот проблем со кој се зафатил откако стапил на функција пред шест дена.„Ќе почнеме со анализа – колку паркинг места има, колку ги користат пациенти и вработени, и потоа ќе понудиме краткорочно решение. Долгорочното ќе зависи од иднината на самиот Клинички“, рече Алиу.Проблемот со паркингот се актуелизираше откако поранешниот министер Арбен Таравари најави дека нема да се реализира договор со фирмата „Ѓока констракшн“ од Албанија, која требаше 20 години да стопанисува со паркингот преку јавно-приватно партнерство.Премиерот Мицкоски тогаш изјави дека договор не е склучен и оти јавноста ќе има последен збор дали ваквиот модел ќе се реализира.

Македонија | пред 11 месец

Бранителот на Кешишев: „Мојот клиент не е убиец – туку заложник на туѓа волја“

На денешното рочиште, адвокатот Игор Ефремов, бранител на обвинетиот Влатко Кешишев, побара ослободителна пресуда за неговиот клиент во делот од обвинението што го товари за соизвршителство во двете грозоморни убиства на Панче Жежовски и Вања Ѓорчевска.Во својот завршен збор пред судот, Ефремов тврдеше дека во текот на целата постапка Обвинителството не изнело цврсти докази дека Кешишев делувал како соизвршител. Напротив, според него, токму исказите на другите обвинети и сведоци, како и самата изјава на Кешишев, укажуваат дека тој немал ниту умисла, ниту конкретни дејствија кои би го вклучиле како активен учесник во самите убиства.Адвокатот посочи дека Кешишев имал подредена, па дури и потчинета позиција во однос на Љупчо Палевски, за кого рече дека „управувал со целото окружување, вклучително и со Влатко“. Неговата улога, според одбраната, била ограничена на помош околу грабнувањето, без свесност или согласност за конечниот чин – убиствата.„Ако соизвршител е оној без чии дејствија делото не би било сторено – прашањето е: Кои се тие клучни дејствија на Влатко Кешишев?“ – праша Ефремов пред судот, повикувајќи се на начелото на индивидуализација на вината.Според Ефремов, Кешишев не само што не знаел за намерите на сообвинетите, туку бил и првиот што по апсењето ги водел истражителите до местото на закопаните тела. „Да не беше неговата совест и каење – телата немаше да се најдат. Тој им помогна на органите на прогонот. Тоа не го прави убиец – туку сведок и жртва на туѓа контрола“, истакна тој.На крајот, одбраната побара од Судот исклучиво да го цени учеството на Кешишев во делото „грабнување“, но да го ослободи од обвиненијата за „убиство“ и „соизвршителство“.БОНУС ВИДЕО:

Македонија | пред 11 месец

(Видео) Иран го користеше хиперсоничниот „Фатах‑1“ против Израел – пробиена „Куполата на железо“

Иранската Револуционерна гарда (IRGC) денеска ја потврди примарната употреба на хиперсоничниот балистички проектил „Фатах‑1“ во нападите кон Израел. Според државните медиуми, ова е првпат овој проектил да се употреби во поширок инцидент и Иран тврди дека ги урнале воздушните одбранбени системи на Израел, вклучително „Куполата на железо“На објавеното видео се гледа како проектилот ја пробива израелската воздушна одбрана, оставајќи зад себе голема експлозија пред кампусот на IDF (Израелската одбранбена сила) во Тел Авив .Што значи „Фатах‑1“?Лансиран првпат во 2023 година, хиперсоничен балистички проектил, развиен од IRGC и според Иран способен да „пробие“ воздушни одбранбени системи како Куполата на железо и Arrow .Има опсег до 1.400 км и боевска глава од 350–450 кг, придвижувана со единечна тврда фаза, која овозможува маневрирање за избегнување нафрлови.Реакции:Иран ја нарече оваа акција дел од операцијата „Чисто ветување III“, тврдејќи дека обезбедиле „цврст воздушен надзор“ над израелските територии. Израелската војска ја призна упадната активност и најави „подетално истражување“, додека извори од Вашингтон предупредуваат дека ваквите проектили значително ја зголемуваат ескалацијата.Израел се соочува со зголемен притисок – проектилите „Фатах‑1“ може значително ја комплицираат заштитата на населени места и стратешки цели.

пред 11 месец

Фирмата и сопругата на Салтировски донатори на ВМРО-ДПМНЕ, ете зошто власта ги штити, вели СДСМ

„Македонија се соочува со најголемата измама и обид за затскривање на вистината за најголемата трагедија која се случи во поновата македонска историја“, вели Богданка Кузеска - портпаролка и додава:Од денес станува јасно дека ВМРО-ДПМНЕ и Христијан Мицкоски немаат никаква намера да работат во корист на правдата, ниту пак на крај памет им доаѓа да спроведат неселективна правда.Согласно јавно достапните податоци на Заводот за ревизија во списокот на донатори на политичките партии, како донатор на ВМРО-ДПМНЕ во кампањите во 2020, 2021 и 2024 година се сретнува компанијата „Салтировски Консалтинг“ ДООЕЛ увоз-извоз Делчево.Фирма чиј сопственик е сопругата на началникот на СВР Штип Дејан Салтировски, Анита Салтировска.Освен донации од фирмата „Салтировски Консалтинг“ ДООЕЛ увоз-извоз Делчево на списокот на донатори може да се најде и името на сопругата на началникот на СВР Штип Дејан Салтировски, Анита која освен донации преку компанијата, вршела уплата на донации и од свое лично име.Она што ВМРО-ДПМНЕ треба да го одговори на Македонската јавност е дали „Салтировски Консалтинг“, сопственост на сопругата на началникот на СВР Штип служела како фирма параван за прибирање на рекет од локалите кои биле изоставени од контрола на полицијата - како што бил примерот со дискотеката „Пулс“?Дали оваа компанија водела фиктивно сметководство за компаниите „Класик“ ДООЕЛ и „ММММ“ Дооел кои управувале со дискотеката „Пулс“ на газда Деко?Дали со транши од Деко на „Салтировски консалтинг“ ДООЕЛ од Делчево се исплаќал договорениот паушал за полициска заштита на „Пулс“?Дали „Салтировски Консалтинг“ ДООЕЛ била вмешана и во скандалот „Делчевски Ниви“ кој магично исчезна од судските процеси?Конечно, дали овие пари од Деко завршувале за финансирање на кампањите на ВМРО-ДПМНЕ?Македонија нема никаква надеж за неселективна правда, бидејќи ако навистина се тргнат канџите на Мицкоски од Обвинителството, одговорноста за работењето на дискотеката „Пулс“ ќе укаже директно на највисокото раководство на ВМРО-ДПМНЕ.Мицкоски треба да објасни, до кога мисли да врши притисок врз обвинителите со надеж дека ќе ја сокрие вистината.За крајот, да го потсетиме на една мудрост на неговиот претходник „вистината е како шило, врти, врти и на крајот ќе излезе“.

Македонија | пред 11 месец

Адвокатот бара ослободителна пресуда за Боре Видевски, обвинет за убиството на Вања: Тој е колатерална штета

Во завршните зборови на денешното рочиште за убиствата на 14-годишната Вања Ѓорчевска и 74-годишниот Панче Жежовски, адвокатот на обвинетиот Боре Видевски – Бојан Манев – ја спореше основата на обвинението против својот клиент, оценувајќи ја целата истрага како „погрешно насочена, политички мотивирана и професионално аматерски изведена“.Манев се обрати со остра критика кон институциите: обвинителството, полицијата и целиот истражен процес. „Од почетокот, овој предмет беше изведен како театар пред јавноста, со намера да се покаже брзо ‘расчистување’ на случајот. Наместо докази, гледаме конструкција“, рече адвокатот.Тој потенцираше дека против Видевски нема ниту еден директен доказ – ниту ДНК трага, ниту видео снимка, ниту сведочење кое го инволвира на местото на злосторствата. Единствениот елемент на кој се потпира обвинението, според Манев, е наводно изнудено признание под тортура, добиено додека Видевски бил подложен на физичко и психолошко насилство, иако, како што истакна, обвинетиот има трансплантиран бубрег и сериозна здравствена состојба.„Обвинителството дури и не го повикало сведокот кој можел да го потврди алибито на Боре. Не беа изведени снимките од бензинските пумпи и камерите кои, според сведоци, постојат и се во доказниот материјал. Намерно беа премолчени“, истакна Манев.Тој го нарече случајот „правно недозреан експеримент“, кој ќе остане запишан како пример за тоа како не треба да се води една кривична постапка. Манев тврдеше дека Видевски, како татко на две ќерки, долгогодишен карате тренер и човек со интегритет, не само што не би можел да биде сторител на такво монструозно дело, туку и самиот се пријавил во полиција, што го исклучува каков било бегалски или прикриен мотив.„Обвинителството сака од јавноста да бара верба во сценарија без логика – дека некој сам се снима додека подготвува убиство, дека човек без мотив станува дел од криминална група, дека татко на две ќерки учествува во киднапирање на дете, без апсолутно ниту еден доказ“, истакна адвокатот.На крајот, Манев побара судот да го ослободи Боре Видевски од вина, со образложение дека тој е колатерална жртва на „институционална неспособност, јавен притисок и политичка потреба за виновник по секоја цена“.Одлуката на судот сега останува да се донесе во атмосфера на силен јавен интерес и поделени ставови околу тоа дали обвинението ќе успее да ги поддржи своите тешки обвинувања со цврсти докази – или предметот ќе се распадне под тежината на правните аномалии.

Македонија | пред 11 месец

Кумановец се обидел да прегази полицајци во прилепско

СВР Битола поднесе кривична пријава против Д.Т. (26) од Куманово, поради постоење основи на сомнение за сторено кривично дело „напад врз службено лице при вршење работи на безбедноста“, соопшти Министерството за внатрешни работи.Инцидентот се случил на 20 мај 2025 година, во село Беровци, прилепско, кога пријавениот управувал патничко возило марка БМВ со бугарски регистарски ознаки. На даден знак за запирање од страна на полициски службеници, тој одбил да застане и со возилото се обидел да ги удри полицајците на терен.По кратка потера, Д.Т. бил фатен и веднаш лишен од слобода.Против него е поведена кривична постапка и се очекува понатамошна одлука од надлежното обвинителство.

Македонија | пред 11 месец

Манев бара да биде суден за грабнување, а не за убиство, па раскажа како барал од Палчо да ја ослободат Вања

Денеска во судот на завршните зборови, адвокатот на обвинетиот Велибор Манев, Горан Бошевски, побара судот да го ослободи неговиот клиент Манев од обвиненијата за убиствата, а да остане само обвинението и да биде казнет само за грабнувањата на Вања Ѓорчевска и на Панче Жежовски.По грабнувањара Вања и Панче беа бездушно убиени во ноември 2023 година.,,Треба да постои претходен договор за да има соизвршителство. Треба делото да го извршат заедно. Треба да се работи за дејствија кои претставуваат особен придонес кон извршување на делото.Соизвршител за убиство може да биде само некој кој се договорил дека ќе бидат убиени лица”, објаснуваше бранителот и рече дека Манев ги познава обвинетите, освен таткото на Вања, Александар. Го познава и Панче, кој му останал должен. Рече дека планирале грабнување, но не и убиства.Тој и натаму тврди дека со Боре Видевски мислеле дека киднапираат возрасна жена од влезот, која Палевски ја следел.„Кога ја отворивме вреќата видовме ранец. Палевски ја тргна лентата и видовме дека е дете. Ја праша која е, кои и се мајка и татко, и потоа ја фотографираше со вперен пиштол. Со Боре му рековме да го ослободи девојчето, и така бевме под маски, но тој ја фотографираше, зеде перниче од ѓубриштето и ја застрела во главата“, рече адвокатот на Манев.

Македонија | пред 11 месец

Обезбедени средства за спомен-обележје во чест на младите жртви од „Пулс“

Со амандман поднесен и усвоен денес во Собранието, обезбедени се 2 милиони денари како почетни средства за изработка на идејно решение и отпочнување на активности за подигнување на спомен-обележје во Кочани, во чест на младите кои трагично ги загубија животите во пожарот во дискотеката „Пулс“.Спомен-обележјето ќе биде поставено во централното градско подрачје на Кочани и ќе претставува тивок, но моќен симбол – сведоштво за загубата, потсетник за солидарноста и опомена дека ваква трагедија не смее никогаш да се повтори.

Македонија | пред 11 месец

Без ВМРО-ДПМНЕ и ЗНАМ, изгласано одржување Надзорна расправа за трагедијата во Кочани

Успеа третиот обид да има надзорна расправа за трагедијата во дискотеката „Пулс” во Кочани.Партијата Левица е предлагач на иницијативата. На седница на Постојаната анкетна комисија за заштита на слободите и правата на граѓанинот, со која претседава Димитар Апасиев, а со поддршка на опозицијата, усвоена е иницијативата за одржување надзорна расправа за трагедијата во Кочани.И овој пат отсуствуваа и не гласаа пратениците од ВМРО-ДПМНЕ и ЗНАМ.Но, се употреби деловничката можност одлуката да се изгласа со поддршка од една третина од членовите на Комисијата.„Јавноста и граѓаните на Кочани заслужуваат одговори на сите дилеми и сомнежи околу селективната истрага за оваа трагедија. Очигледно е дека се штитат лица со тесни врски со владејачката партија“, порачаа од Левица, потенцирајќи дека институциите реагираат само под притисок на јавноста.Дека се спремни да дадат поддршка за оваа иницијатива се изјаснија и пратениците од СДСМ и Европскиот фронт, кој во своите излагања посочија дека наместо вистина граѓаните и семејствата на загинатите и повредените добиле само политиканство од власта и органите, кои како што обвинија работеле под владин диктат каде се штедат од пресуди владини функционери и каде нема оставки ниту од морални причини.Левица посочува дека владејачкото мнозинство требало да иницира надзорна расправа, наместо, како што велат, да одржува трибини зад затворени врати, во време на силна емотивна вознемиреност кај јавноста.„Одржувањето на оваа надзорна расправа е политичка должност. Никој што дозволил да функционира дискотеката на смртта не смее да биде поштеден од одговорност“, порачаа од Левица, нагласувајќи дека ќе продолжат да се борат против сите обиди за заташкување на случајот и за правда за трагедијата што ја потресе цела Македонија.

Македонија | пред 11 месец