Сестрата на Фросина за „Кој е следен“: Важна им е агендата, а жртвата е само инструмент, која трагедија ви е следна на менито?

Росица Кулакова, сестра на загинатата Фросина Кулакова, смета дека организаторите на „Кој е следен“, ја злоупотребиле нивната доверба, која ја дале како семејство. Посочува дека на собирите имало чесен народ, а дека зборовите ги насочува само кон организаторите.Нејзината објава во целост:Зошто бев тивка и зошто повеќе не можам да бидам. Долго време ми требаше да соберам сила и храброст да ја напишам оваа објава. Но како човек што јавно и гласно ја поддржа иницијативата „Кој е следен“, чувствувам морална обврска да објаснам зошто изминатиов прериод бев тивка - затоа што длабоко во себе носам чувство на лична одговорност.Време е јавно да раскажам, хронолошки и без цензура, што точно се случуваше по убиството на мојата сестра, Фросина.🪩 31 Јануари - Денот на погреботНа денот кога ја погребувавме Фросина додека ние бевме избезумени од болка и тага - се одржаа првите протести. Ние, нејзините најблиски, немавме поим што се случува во надворешниот свет. Болката ни ги затвори очите и ушите.Тогаш, од еден искрен, спонтан и народен крик на болка, се појави нешто друго. Некој со болен ум, со туѓа трагедија реши да си прави профит. Така во јавноста се појави иницијативата „Кој е следен“🪩 Чесни исклучоци постојат, но јас зборувам за сенкитеПред да објаснам зошто се чувствуваме злоупотребени како семејство, морам да нагласам дека има чесни луѓе и во оваа иницијатива. Луѓе со добри намери. Ова не е критика до секој што беше дел од „Кој е следен“.Моите зборови се насочени кон организаторите. Не кон тие што ги гледавме со транспаренти, туку кон оние што секогаш се во сенките. Луѓето чии имиња не се појавуваат јавно, ама сите знаеме кои се. Тие што го “водат” протестот, а никогаш не одговараат за своите постапки.🪩 Вторите протести - моментот кога сè стана јасноВеќе на вторите протести се почувствува дека нешто не е во ред. Протестот веќе не беше на народот - имаше јасен организатор, агенда, насока. И да бидам искрена, тогаш сè уште верував. Таа поддршка ми значеше. Мислев дека некој вистински се грижи, дека можеби има надеж. Но денес ми е жал што морам да кажам дека видов и доживеав сосема спротивно.🪩 Манипулацијата почнува и жртвата станува неважнаПрисуствував на еден состанок - последен за мене, зашто немав повеќе сила. Таму, меѓу зборовите и молкот, јасно ми беше ставено до знаење дека Фросина не е важна. Нашата болка не е важна. Важна е агендата, а жртвата е само инструмент. И тука морам да бидам прецизна - тие што тогаш го водеа тој наратив, тие што не гледаа како средство, а не како луѓе, денес стојат во позадина и ја поддржуваат иницијативата „Кој е следен“. Не се тие што се појавуваат напред, туку тие што тивко ги влечат конците. И за да ви доловам за каков тип луѓе станува збор - тоа се истите што во минатото шетаа со транспаренти “Црквата да одјебе”, што палеа канцеларии, што не познаваат граници кога се работи за промовирање на своите цели. Не зборувам за луѓето што искрено протестираат - зборувам за тие што стојат зад сцената. За тие што имаат агенда, а не срце.🪩 8 Март - најболната навредаПротестите за 8ми Март нема ни да ги коментирам. Ако некому му се чини соодветно да маршира со тенџериња и дрвени лажици од место каде што некој трагично загинал, нека му служи на чест. Јас мислам дека тоа беше врв на непочитта.🪩 Од ожалостено семејство - до метаНе можам веќе да молчам. Не можам да гледам како нашата трагедија, а денес и трагедијата на уште многу семејства со слична судбина на нашето - се користи, извртува, злоупотребува. Од едно семејство, денес станавме стотици. И сите сме ранливи. Сите полесни за манипулација.Системот не чини, тоа го знаеме сите. Но луѓето што го креираат тој систем од сенка нема да ни го решат проблемот. Нивната борба не е за нас. Ниту за вистината. Ниту за правдата.❗️ “Кој е следен?” да ве прашаме вас:Кој е следен❓Која мајка❓Кој брат❓Која сестра❓Која трагедија ќе биде следна на менито на вашите интереси?“, напиша Кулакова.

Македонија | пред 1 година

Тајланд и Мјанмар погодени од разорен земјотрес

Силен земјотрес со јачина од 7,7 степени го погоди Тајланд, вклучително и главниот град Бангкок. Ова го соопшти германскиот центар за географски истражувања Хелмхолц. Американската опсерваторија за земјотреси (УСГС) исто така извести за јачина од 7,7 степени. Според информациите, епицентарот на земјотресот бил на 16 километри северозападно од мјанмарскиот град Сагаинг на длабочина од десет километри. Вториот земјотрес, дванаесет минути подоцна се вели дека бил со јачина од 6,4 степени.Повеќе од 17 милиони луѓе живеат во пошироката област на Бангкок, од нив многу живеат во високи згради. Продавниците во метрополата биле евакуирани, а бројни луѓе во паника ги напуштиле своите домови, останувајќи на улица со минути по земјотресот. Потресот бил толку силен што водата избила од базените, пренесува новинската агенција АП.Според локалната полиција, се урнала висококатница во изградба, сѐ уште не е јасно дали има загинати или повредени. На социјалните мрежи кружи видео на кое се гледа како катната зграда и кранот се уриваат, предизвикувајќи облак од прашина. Луѓето врескале и панично бегале.

Свет | пред 1 година

Таравари: Оптимист сум дека ќе најдеме заеднички јазик со партиите ВЛЕН за локалните избори

Министерот за здравство, Арбен Таравари, изјави дека се во постојана комуникација со останатите партии од коалицијата ВЛЕН за тоа како ќе се натпреваруваат на локалните избори. Тој рече дека оние како Алијанса за Албанци инсистираат да се изготват посебни листи за советници, а додаде дека е оптимист дека ќе најдат заеднички јазик.„Ние сме во постојана комуникација, комуницираме и се подготвуваме за локални избори, така што мислам дека наскоро ќе излеземе и ќе ги покажеме нашите позиции. Јас кажав колку што е можно повеќе и инсистирав во преговорите да излеземе со посебна листа како Алијанса за Албанците, но и други партии бидејќи мотивираме многу повеќе луѓе да се ангажираат на локалните избори, но тоа го правиме, изјавивме дека сме во точни извештаи, дека ќе имаме постојана комуникација„ рече Таравари.

Македонија | пред 1 година

„Алкалоид“ му додели стипендија на Јован кој спаси 21 живот во Кочани и донираше 250.000 евра за настраданите

Компанијата „Алкалоид“ му додели стипендија на 19-годишниот средношколец Јован Костадинов од Виница, кој во пожарот во кочанската дискотека „Пулс“ спаси 21 лице. Јован во наредните четири години ќе добива стипенција за студии од „Алкалоид“ во висина од 18.000 денари месечно.Јован е матурант, во средното училиште „Ванчо Прке“ во Виница.Тој при пожарот во кој загинаа 59 лица, а над 200 беа повредени, ставил мокра маица на уста и нос и влегол во дискотеката за да ги спасува младите луѓе.„Алкалоид“ вчера соопшти дека донира 15 милиони денари (250.000 евра) за поддршка на настраданите граѓани и нивните семејства во трагедија во Кочани. Парите се уплатени во фондот на Црвениот крст.„Сакаме да искажеме посебна благодарност и до сите здравствени системи и здравствени професионалци во земјава, во регионот и низ Европа, кои несебично ги ставија на располагање своите ресурси и знаења во клучните моменти од животоспасувачката мисија. Алкалоид АД Скопје, од 16 март наваму, во неколку наврати, симболично им помогна на здравствените установи во Македонија со производи од својот асортиман, во делот на пројавените потреби. Покрај горенаведената финансиска донација преку Фондот на солидарност на Црвениот крст, компанијата ќе продолжи да помага онаму каде е потребна помош и поддршка“, велат од „Алкалоид“.

Македонија | пред 1 година

Владата набавува софтвер за да следи дали негативно или позитивно се пишува за неа: Системот нема да оценува релевантност на вестите

Софтвер ќе треба да следи какви вести се објавуваат по медиумите, а ќе бидат класифицирани како позитивни, негативни, неутрални. Ова го открива новиот распишан тендер на Владата, преку кој се бара компанија која што ќе може ова да го изработи. Се работи за популарно наречен „прес-клипинг“ софтвер, кој веќе постои ширум светот, а Владата сака да го има во свој посед. Од него, преку извештаи, Владата, министерствата и други државни институции ќе се информираат што новинарите пишуваат за нив, но и кој новинар со каков наратив се обраќа кон јавноста додека известува за нив.„Веб пристапот до објавите 24 часа на ден треба да обезбедува можност за пребарување, обележување на клучни зборови во објавата, прикажување на оригиналниот извор со линк, можност за изработка на извештаи, можност за оценување на медиумските објави во однос на позитивна, негативна и неутрална конотација, онлајн квантитативна аналитика на објавите по одредени параметри“, стои во техничката документација на тендерот.До софверот, ќе треба да се има постојан пристап, па дури ќе треба да е достапна апликација за „ИОС“ и „Андроид“ уреди.Според Владата, овој софтвер ќе им биде за да ги следат реакциите на јавноста при пласирање на соопштенија, но и да се корегираат во работењето. Тие се децидни дека нема да утврдуваат релевантност ја вестите, туку пораките кои ќе ги добиваат.„Системот пропишан во документацијата не се однесува на оценка на релевантноста на самите вести, туку пораките кои доаѓаат од медиумите во насока на коригирање на можните грешки во спроведувањето на политиките од работењето на Владата. И во таа насока на медиумите единствено гледаме како силен коректив и партнер во спроведувањето на политики од заеднички и општествен интерес“, меѓудругото, велат од Владата.Вакви софтвери долги години користат големите компании, како и ПР агенциите. Најчесто досега, дури и претпријатијата имаа распишувано огласи за изработка на т.н. прес-клипинг, каде ова што сега треба да го работи софтверот, го работеле приватни компании.

Македонија | пред 1 година

Николоски: Со обсмислена стратегија го развиваме охридскиот аеродром, Охрид преку Истанбул од денеска го поврзуваме со цела Европа и светот

Со обсмислена стратегија успеваме охридскиот аеродром да го развиваме. Денеска ја воспоставуваме новата и најважна линија Охрид-Истанбул со која Охрид преку Истанбул ќе го поврземе со цела Европа и светот, истака вицепремиерот и министер за транспорт Александар Николоски на воведувањето на новата авиолинија Охрид-Истанбул.Во прилог интегралната изјава на вицепремиерот Николоски“ Ова е комплетно нова димензија за охридскиот аеродром и целосно нов развој на охридскиот аеродром затоа што најголемата светска авиокомпанија Туркиш ерлајнс воведува директна линија, четири пати неделно со најголеиот аеродром во Европа, аеродромот во Истанбул, што многу ќе значи за бројот на патници и не само за туризмот туку и редовното патување, затоа што аеродрмот во Истанбул е со најмногу конектинг летови во Европа. Веќе познавам луѓе кои имаат купено карти од Торонто за Охрид или од Вашингтон за Охрид затоа што преку Истанбул со конектинг летови ќе можат да додјат во Охрид што драстично ќе го зголеми бројот на патници и тоа ќе помогне да се развива тузимот, бизнисот, комуникациите, што е комплетна нова диманзија за охридскиот аеродром.Ова е резултат на обмислена стратегија, стратегија на субвенционирање што ја водиме откако бевме избрани. Го променивме целосно моделот на субвенционирање, за охридскиот аеродром од претходно 4,5 евра зголемивме на 12 евра по патник. И наместо за заминување, плаќаме за доаѓање затоа што целта е да даѓаат луѓето тука, ги променивме и другите услови и тоа го даваат резултатот. Веќе имаме две нови дестинации до Охрид, тоа е Истанбул и Базел, имаме нови осум дестинации од Скопје. Но од сите 10 дестинации за мене најважна е Истанбул бидејќи отвора нова врата за охридскиот аеродром и за целиот регион. Во преговори сме и тие преговори за брзо време треба да завршат со една голема компанија која што очекувам да донесе две до три нови дестинации и на тој начин да расте бројот на дестинации на охридскиот аеродром.Мене ми е целта во рок од две години да имаме најмалку десет нови дестинации од Охрид, што целосно ќе го трансформирам туризмот во Охрид, бизнисот и комуникациите и тоа што е особено важно, оние чартери кои што почнаа на Флајбирд во следната година наместо еден да се два дневно и да слетуваат во Охрид наместо во Скопје. И пуштањето на автопататот на тие 40 -тина километри од Врбјани до Охрид секако многу ќе значи за охридскиот аеродром”, истакна вицепремиерот и министер за транспорт Александар Николоски.

Македонија | пред 1 година

„Кој е следен“: Кога тие одат на одмор, ние доаѓаме пред Собрание, барањата не може да чекаат

Иницијативата „Кој е следен“, најави нов собир, овојпат, пред Собранието. Тие рекоа дека темата е „Народно Собрание“.„Кога тие ги пакуваат куферите, ние ја полниме улицата. Кога тие заминуваат на одмор, ние доаѓаме пред Собранието.Не затоа што немаме што да правиме. Туку затоа што имаме што да кажеме. Зошто се собираме пред Собранието? Затоа што не молчиме. Затоа што имаме барања што не може да чекаат. Затоа што демократијата не оди на одмор“, рекоа оттаму и додаваат:„Како ќе изгледа настанот? Настанот ќе биде поделен во 2 дела:1. Презентирање на барањата, во првиот дел ,,Кој е следен?” ќе ги презентира своите барања во целост;2. Микрофонот е отворен за секој граѓанин кој сака да го изнесе своето мислење околу барањата, или да сподели генерален став за моменталната состојба.Граѓаните ќе зборуваат. Ќе критикуваат. Ќе поддржуваат. Ќе го кажат тоа што предолго тлее. Ова е простор за гласот што не сакаат да го слушаат. Ова е твојот простор. Наш простор. Се гледаме пред Собрание. Настанот ќе трае додека има граѓани што сакаат да бидат слушнати. Ако имаш што да кажеш — подготви го дома и кажи го пред сите. Не чекај да те повикаат. Нека ова биде твојот повик!“, објавија од иницијативата.

Македонија | пред 1 година

Во притвор остануваат 19 осомничени за дискотеката, во домашен притвор одат ексградоначалниците и ексдиректорката на Пазарна инспекција

Кочанскиот суд одлучли само 19 осомничени да останат во притвор, а откако Обвинителството почна да собира докази и да се сомнева дека тие дека со постапување или непостапување придонеле кон пожарот во дискотеката „Пулс“ или пак преку (не)правење надзор не го спречиле клубот да работи. За поранешните градоначалници Ратко Димитриевски и Николчо Илијев, како и поранешна директорка на Државниот пазарен инспекторат Анета Симеска Димоска, мерката притвор е заменета со куќен притвор.„По донесените 24-решенија за определување на мерката притвор, беа поднесени 22 жалби од осомничените. По жалбите постапуваше Совет од тројца судии (од член 25 став 5 од ЗКП) на Основен суд Кочани и одлучи за 19 осомничени жалбата да се одбие и остане определната мерка притвор, додека за 3-тројца осомничени мерката притвор е заменета со куќен притвор, и согласно член 144, чл. 146 став 1 т. 3 од ЗКП е определена и мерка на претпазливост -привремено одземање на патна или друга исправа за преминување државната граница односно забрана за нејзино издавање.Против 2-две од решнијата, со кои е заменета мерката притвор со куќен притвор од страна на Основното јавно обвинителство се поднесени жалби, по кои постапува Апелациониот суд во Штип.Против 1-едно од решенијата на Советот од тројца судии (од член 25 став 5 од ЗКП) на Основен суд Кочани со кое е приначена мерката притвор со куќен притвор, нема изјавено жалба и истото е правосилно“, велат од Судот.Засебно, постапка се води за уште седум полицајци од СВР Штип и ОВР Кочани. Тие се во притвор одреден од Кривичен суд-Скопје.

Македонија | пред 1 година

(Видео) Родител од Анкара дојде во Кочани да остави полномошно да продава имот, дај Боже да не е точно, вели Ивановски кој зборуваше за донациите за Кочани

Има многу суперхерои кои вечерта кога избил пожарот, биле дома, но станале и излегле да помогнат, а сега доаѓаат да помагаат во „SupportKocani“, вели Иван Ивановски, дел од иницијативата.„Оделе таму за да помагаат. Луѓе со гас маски дошле, влегле внатре свесно во огин за да ги вадат луѓето. Некои од тие што влегле да ги спасуваат другарите се починати. Ќе го споменам Александар кој ми е колега. Тој раскажа како отишле до шанкот да пијат шотови, а шанкот е поблиску до излезот. Кога почнал пожарот излегол. Па се враќале назад да помогнат“, рече Ивановски.Тој посочува дека луѓето во градот, не се истите луѓе. Во „Претрес“ зборуваше за дискотеката, но и за тоа дека никој не ја гледал како изгледа од задниот дел, додека за внатре, посочува дека била посредена од многу други дискотеки. Во делот на безбедноста – не ни претпоставувале дека може е ваква состојбата.„Кочани е како воена зона. Повеќето можеби тоа не го осеќаат. Според сите работи кои ги правиме, не можам да ви опишам колкава е таа катастрофа моментално“, додаде тој.Посочи дека семејствата во очај, продаваат имот за да си ги спасат децата. Вели дека државата им помага за сите трошоци на семејствата, но процедурите за исплата се долги, па оттука, се јавува стравот кај поединци кои имаат повредени лица.„Вчера, еден родител, чие дете е во Анкара, дојде во Кочани за да остави полномошно да ги продадат сите автомобили, станот во Скопје, сѐ. Државата точно е, ќе покрие сѐ.. Дај Боже да не е точно, ама кај него, вика дека има шанси детето да остане слепо од пожарот бидејќи му е зафатено цело лице и му кажувале дека треба приватен доктор треба да донесе за операција за очите, пошто тоа е специјализирана болница за очи. Ова се неофицијални информации кои мене ми ги пренесоа“, вели Иван Ивановски, дел од иницијативата „SupportKocani“ кои собираат.РАЗГОВОРОТ:?t=4324

Македонија | пред 1 година

Мелемите за изгореници може да не се стерилни, а раните можат се инфицираат во секоја фаза додека зараснат, алармира д-р Павловска од Пластична хирургија

На социјалните медиуми се продаваат мелеми за изгореници, но не знаеме дали се стерилни, а раните мора да се третираат соодветно, посочи Јасмина Ѓоргиевска Павловска директорка и докторка на Клиниката за пластична хирургија. Таа посочи дека треба да се внимава, посочувајќи дека инфекции може да се појават во секоја фаза додека има рани.„За инфекции не може никој да каже, тоа може да го има во секоја фаза додека не зарасне раната. Првиот и вториот пик се релативно стабилни и без големи инфекции. Од втор степен изгорениците, се речиси и целосно зараснати. Времето ќе покаже, ќе видиме. Вчера некој ми рече дека има мелени кои се продаваат на социјалните мрежи - не знаеме од кое потекло се, дали се стерилни или не се стерилни. Затоа праќаме групи од доктори, за да пациентите се третираат со стерилни материјали, во стерилни услови, за инфекциите да ги сведеме на минимум“, рече Јасмина Ѓоргиевска Павловска, директорка и докторка на Клиниката за пластична хирургија.Таа додаде дека во болницата во Кочани има услови за третирање на пациентите, а дека тоа што недостасува од материјали, ќе биде доставено.

Македонија | пред 1 година

Се враќаат осум пациенти од лекување, девет се пуштени од болниците во Скопје, четирите критични имаат подобрувања, вели Таравари

Од 24 пациенти повредени во дискотеката „Пулс“ во Кочани, девет ќе бидат испишани од болница. Тие се во стабилна и добра состојба.Вчера се вратија пет пациенти од надвор од државата. Еден од Атина и четири од Шпанија. Надвор од државата се лекуваат 108 пациенти. Денеска се најавени да се вратат осум пациенти. Два во Белгија, два во Турција, два во Австраија и два во Хрватска. Од утре, остануваат 101 пациент на лекување.„Имаме најави за повеќе пациенти кои следните денови ќе се враќаат“, рече минситерот за здравство, Арбен Таравари.Тој посочи дека четири пациенти и натаму се во тешка состојба, но подобро, од тоа што биле претходните денови.„Денеска се малку подобри вестите, тие критични се малку подобро од вчера, но се во релативно тешка здравствена состојба“, додаде Таравари.

Македонија | пред 1 година

Синоќа во Скопје беа одбележани 135 годикни од раѓањето на светски познатиот онколог од Охрид д-р Атанас Коцарев

Синоќа во Музејот на македонската борба за независност во Скопје со пригодна програма беа одбележани 135 годикни од раѓањето на светски познатиот онколог од Охрид д-р Атанас Коцарев.Д-р  Коцарев има  високи научни откритија во областа на онкологијата и лекувањето на онколошките пациенти за што светската научна јавност му се восхитува и заблагодарува.На синоќешниот настан пред присутните меѓу кои и амбасадорите на Франција и Швајцарија Кристофер Ле Риголер и Вероник Хулман, се обрати градоначалникот на Охрид, Кирил Пецаковц.– Чест и задоволство е да се присуствува на одбележување на 135 години од раѓањето на светски познатиот онколог од Охрид, д-р Атанас Коцарев. Неговите научни онколошки достигнувања во една од најделикатните и најболни медицински сфери допринеле да се спасат  многу животи и токму поради тоа сетоа она што дене ќе го кажеме за него е премало, недоволно, едноставно. Охрид како град на УНЕСКО е надалеку познат по својата природна и културна убавина, на која никој не останал рамнодушен.  Но таа  историска ризница од секогаш била збогатувана со познати културни и научни дејци, великодостојници на кои им се поклонувал Светот.  Во многуте животни приказни кои будат восхит е уникатната приказна, за човек кој се родил во нашиот град и кој оставил бесценето наследство за човештвото – нашиот истакнат охриѓанец и врвен научник,  д-р Анастас Коцарев.Со ликот и делото на д-р Коцарев, Охрид ја комплетира својата биографија како место од кое потекнуваат голем број истакнати великани, кои оставиле значаен печат низ неговото милениумско постоење.Општина Охрид веќе отпочна низа подготовки и активности со цел името на д-р Коцарев да го добие своето заслужено место во мозаикот на непроценливи вредности, кои внимателно ги чуваме и почитуваме. Ќе поведеме иницијатива за соодветно обележување на родната куќа на д-р Коцарев во Охрид, која подоцна би прераснала во музеј. Исто така, планираме да спроведеме постапка за именување на улица и медицинска установа со неговото име и да поведеме иницијатива, во наставните програми за учениците да се изучува за неговите научни достигнувања.Сите овие наши планови и активности нема да бидат комплетни ако тука не бидат вклучени и Франција и Швајцарија, неговите втори татковини каде по волја на судбината и животните патишта таму студирал, работел и ги создал неговите највредни наоди и научни трудови. Токму во таа насока, мојот тим веќе работи на усогласување на меморандум за соработка со општина Бонди, како прв чекор кон збратимување и воспоставување на партнерство помеѓу двете општини.Тука не ја исклучуваме и Швајцарија, односно Женева и Лозана, каде се чувствуваат длабоки траги од неговото присуство и дејност на почетокот од 20 век.Убеден сум дека само преку взаемна соработка меѓу трите држави ќе обезбедиме соодветно претставување на неговиот лик и дело кое има вонвременско значење Нека му е вечна славата на д-р Анастас Коцарев кој спомен го чествуваме денес за да не биде заборавен и од идните генерации– подвлече Пецаков.Во рамки на настанот беше прикажан документарен прилог и се читаа фрагменти од книгата што во негова чест ја пишува неговата внука д-р Соња Трпезановска- Коцарева. Свое обраќање имаше и директорката на Музејот, Анче Илиевска, поранешниот претседател на МАНУ академик, Љупчо Коцарев и градоначалникот на општината Бонди во Париз каде живеел д-р Коцарев, Стефан Ерве.

ОО | пред 1 година

ЈАВЕН ПОВИК ЗА ГРАЃАНСКИ ОРГАНИЗАЦИИ ЗА ПОДНЕСУВАЊЕ ПРЕДЛОГ ПРОЕКТИ КОИ ОДГОВАРААТ НА РАЗВОЈНИТЕ ЦЕЛИ НА ОПШТИНА ОХРИД

Општина Охрид во периодот од 2021-2024 година активно учествуваше  во проектот на програмата за развој на Обединетите Нации (UNDP) ReLOaD2, откако беше потпишан меморандум за разбирање помеѓу двете инволвирани страни. Проектот Регионална програма за локална демократија во Западен Балкан, ReLOaD2 беше финансиран од Европската Унија и го спроведуваше програмата за развој на Обединетите Нации (UNDP) во шест земји од Западен  Балкан. Проектот траеше до декември 2024 година и истиот имаше за цел јакнење на партиципативната демократија и процесите за интеграција на земјите од Западен Балкан во Европската Унија преку јакнење на граѓанското општество и младите за нивно активно учество во процесите на донесување одлуки.https://ohrid.gov.mk/%d1%98%d0%b0%d0%b2%d0%b5%d0%bd-%d0%bf%d0%be%d0%b2%d0%b8%d0%ba-%d0%b7%d0%b0-%d0%b3%d1%80%d0%b0%d1%93%d0%b0%d0%bd%d1%81%d0%ba%d0%b8-%d0%be%d1%80%d0%b3%d0%b0%d0%bd%d0%b8%d0%b7%d0%b0%d1%86%d0%b8%d0%b8-2/?fbclid=IwY2xjawJSHuZleHRuA2FlbQIxMQABHU70quvNSoFQjRVFEHQEx-zudWpN9v4k0rrGC4ywJNTt5vDFEnvrfpV1sw_aem__2plYMX4V_nnRNlIsixXKA

ОО | пред 1 година

ОДРЖАНА ВОНРЕДНА СЕДНИЦА НА СОВЕТОТ НА ОПШТИНА ОХРИД

Денес советнниците ја одржаа педесет и петтата вонредна седница, посветена на големата трагедија во Кочани. Пред почетокот на седницата, советниците со едноминутно молчење оддадоа почит за трагично настраданите во пожарот во Кочани.На дневниот ред беа измени во програмата за култура и распоредот на средствата од буџетот на општината. Советот донесе одлука за одобрување финансиска помош, во висина од еден милион денари за семејствата на починатите лица и за повредените во пожарот во Кочани од 16 март  годинава.

ОО | пред 1 година

СВИКАНА ПЕДЕСЕТ И ПЕТТАТА ВОНРЕДНА СЕДНИЦА НА СОВЕТОТ НА ОПШТИНА ОХРИД

Врз основа на член 40 од Законот за локалната самоуправа („Сл.весник на РМ“ бр.5/2002) и член 26 од Статутот на општината Охрид („Сл.гласник на општина Охрид“ бр.8/2007), претседателот на Советот донесува:https://ohrid.gov.mk/%d1%81%d0%b2%d0%b8%d0%ba%d0%b0%d0%bd%d0%b0-%d0%bf%d0%b5%d0%b4%d0%b5%d1%81%d0%b5%d1%82-%d0%b8-%d0%bf%d0%b5%d1%82%d1%82%d0%b0%d1%82%d0%b0-%d0%b2%d0%be%d0%bd%d1%80%d0%b5%d0%b4%d0%bd%d0%b0-%d1%81%d0%b5/?fbclid=IwY2xjawJSHsVleHRuA2FlbQIxMQABHeSOH1LlgXp0p1zK3DBXrriCCpAboMTzeGtkJj6ZQS4UVt4pxRgHC0xsJA_aem_vI6K2l-kmIKBZvmpNL1Krg 

ОО | пред 1 година

Тепаната жена од снимката на „Тикток“ не сака да го гони насилникот од Радовиш, а без тоа тој не може да сносни одговорност, вели МВР

„Во врска со видео записот кој беше споделен на социјалните мрежи, а во кој се гледа како машко лице насилно се однесува кон женско лице, МВР ја известува јавноста дека СВР Струмица ги презеде сите службени дејствија кои се во надлежност на полицијата, поврзани со конкретниот случај, и насилникот е лишен од слобода.Имено, настанот во СВР Струмица беше пријавен на 23.03.2025 (недела) во 08.25 часот од страна на мајката на жртвата. Веднаш по добиената пријава, преземени се соодветни мерки и активности од страна на полициски службеници од СВР Струмица-ОВР Радовиш. Утврдено е дека машкото лице е А.А.(35) од Радовиш, кој истиот ден во 09.20 часот е лишен од слобода и задржан во Полициската станица Радовиш. Исто така, бил извршен службен разговор и со нападнатата жена, во присуство на социјален работник од Јавна установа Меѓуопштински центар за социјални работи Радовиш, при што таа кажала дека видео записот е од јули 2024 година.Бидејќи во конкретниот случај постои сомнение за сторено кривично дело „телесна повреда“ по член 130 став 2 во врска став 1 од Кривичниот закон, каде во став 5 од истиот член стои дека гонењето се презема по поднесување на предлог за гонење, од жртвата било изјавено дека не сака да поднесе предлог и дека видеото било доставено од нејзината мајка.За настанот бил запознаен јавен обвинител од Основното јавно обвинителство Радовиш, по чии насоки биле преземени и понатамошните мерки. Врз основа на преземените мерки, од страна на ОВР Радовиш до Основното јавно обвинителство Радовиш на 25.03.2025 е поднесена кривична пријава против А.А. поради постоење на сомнение дека сторил кривично дело „телесна повреда“ по член 130 став 2, а во врска став 1 од Кривичниот закон. Продолжуваат да се преземаат дејствија за целосно испитување на настанот“, велат од МВР.

Македонија | пред 1 година

Направил сообраќајка во Скопје и избегал: полицијата трага по возач на „Ауди а4“

На 25.03.2025 во 19.20 часот во СВР Скопје, било пријавено дека на ул.„Јустинијан Први“ во Скопје, се случила сообраќајна незгода помеѓу патничко возило „опел“ со германски национални ознаки, управувано од Ј.С.(30) од с.Долно Количани, скопско, и патничко возило „ауди а4“ со скопски регистарски ознаки, кое по незгодата го напуштило местото на настанот.Во незгодата со телесни повреди се здобила сопатничката од патничкото возило „опел“ С.К.(27) од с.Количани, скопско, констатирани во Комплексот клиники „Мајка Тереза“.Извршен бил увид од увидна екипа од СВР Скопје.

Македонија | пред 1 година

Пешак прегазен во Македонска Каменица

На 26.03.2025 во 16.25 часот во Полициското одделение Македонска Каменица било пријавено дека на ул.„14 Јуни“ во Македонска Каменица, патничко возило „фолксваген голф“ со регистарски ознаки од Македонска Каменица, управувано од П.М. (71) од Македонска Каменица, удрило во пешакот И.Ј.(80).Во несреќата пешакот се здобил со тешки телесни повреди, констатирани во Клиничка болница Штип.Извршен бил увид од увидна екипа од ОВР Делчево.

Македонија | пред 1 година

СДСМ: Кога истрагата е селективна а Обвинителот станува подобен за Мицкоски, правда не може да се очекува

„Страшната трагедија во Кочани, во која загинаа 59 луѓе, повикува на неселективна и темелна истрага за лоцирање на одговорност“, вели Богданка Кузеска - портпаролка на СДСМ и додава:За жал, од досегашниот тек на истрагата гледаме дека се води селективно и не се опфатени актуелните функционери и службеници, иако биле на функции на денот кога се случила трагедијата.Како тоа тие што се директно одговорни за безбедноста на самиот настан, во БЈБ и МВР, во ОВР Кочани и Штип како е можни тие да не се опфатени со истрагата?Законот за јавни собири јасно определува кога и за какви настани полицијата има обврска да постапи и да превенира.Доколку институциите постапеле согласно своите законски обврски, на терен ќе имало присуство на Противпожарна бригада, Брза помош, адекватен број полициски службеници и сите неопходни безбедносни протоколи за ваков тип јавен собир.Се поставува прашањето како е можно да не се истражуваат лица кои вечерта биле на одговорни позиции со законска должност да постапат – но не го сториле тоа?Понатаму, зошто актуелните директори на ДПИ и на УЈП не се опфатени со истрагата?Истражниот процес, кој мора да биде непристрасен и целосен, се претвора во инструмент на политичко калкулирање.Се заштитуваат позиции, се менуваат стратегии.Пред само неколку недели, јавниот обвинител беше под притисок за разрешување и тоа директно од Мицкоски.Владата започна постапка, се вршеа јавни напади, се создаваше јасен наратив за негова недоверба.Одеднаш пресврт, станува „потребен“ – постапката е стопирана, Советот за јавни обвинители не заседава, а Мицкоски повикува да му се даде шанса.Кога обвинителот од неподобен станува подобен, а истрагата ги допира само оние од минатото тогаш е јасно дека неселективна правда не може да се очекува.СДСМ нема да молчи. Ние нема да го оставиме јавниот интерес во рацете на политичари што правдата ја испорачуваат според нивната политичка потреба.Повторуваме – секој што има одговорност, мора да одговара. Без оглед на политичка припадност или моментална функција.Мицкоски треба да знае, граѓаните на улиците се борат токму протви овој систем, против овие влијанија, неодговорност и селективна правда. Ова е сржта на проблемот.Семејствата на загинатите не заслужуваат таква истрага. Македонија заслужува вистина и целосна одговорност за сите. Се друго ќе значи доуништување на и така малата доверба на граѓаните во државата.

Македонија | пред 1 година

(Видео) Важни совети од психотерапевтот Секулоска по трагедијата во Кочани

Тешка тишина, тага, лутина владее од каде има повредени и загинати во трагедијата во Кочани, вели психотерапевтот, Розалија Секулоска во „Претрес“, која изминативе денови беше на терен.„Често не сум одела во тие градови, не можам да споредам, меѓутоа првото нешто е тишина, една тешка тишина. Потоа ги има сите тага, лутина, безнадежност. Како да застанало времето, како еден вакум“, вели психотерапевтот Секулоска.?t=443Таа посочува дека е потребно да се помине низ фазите на тагување и да се даде време.„Да се даде валидација. Што е валидација? Те гледам, те слушам, во ред е. Лажна валидација е – ајде сега да бидеме многу среќни, ајде да не мислиме, да не зборуваме за тоа, ајде плачи-исплачи се. Тоа е жална валидација, тоа треба да биде автентично. Или кога ќе кажат ‘се ќе биде во ред’, како можеш да го кажеш тоа? Тука се буди револт. Можеби ќе биде во ред“, додаде таа.Упати и совет.„И советување, кога некој не бара советување, а добива совет. Тоа е тоа што викам по социјалните мрежи. Ние сме советници, ние сме се. Ама некој не те прашува за совет. Немој да бидеш спасител кога некој не те повикува да спасуваш“, посочи психотерапевтот Секулоска во „Претрес“.

Македонија | пред 1 година

(Видео) Нова снимка од дискотеката сведочи за евакуацијата, врисоците и повиците да се излегува надвор

Нова снимка која трае 25 секунди покажува каква гужва, која резултирала со стампедо, настанала во моментот кога се запали дискотеката „Пулс“ во Кочани. Во првите секунди од снимката. дел од присутните се уште стојат и не го напуштаат објектот, а дел од нив (како и креаторот на снимката) снимаат. За тоа време, пожарот се шири.Веќе околу 20-та секунда од снимката, се слушаат и врисоци, но и коментар: „Излавај (излегувај), излавајте (излегувајте)“.Веќе беше посочено дека голем дел од загинатите, но и повредените, биле потиснати од стампедото кое се створило на првата врата за излез од клубот. На последните секунди од снимката, може да се види и тесниот пролаз, низ кои поминувале над 600 лица, за да стигнат надвор.Реконструкцијата на случувањата:

Македонија | пред 1 година

Зеленски: Русија подготвува две големи офанзиви напролет

Украинскиот претседател Володимир Зеленски изјави дека Русија се подготвува за две нови големи пролетни офанзиви во регионите Суми и Харков. Во интервју за „Фигаро“, Зеленски рече дека рускиот претседател Владимир Путин се обидува да „купи време“ за да се подготви за нова фаза од војната.„Можам да потврдам дека Путин се обидува да добие време и се подготвува за пролетна офанзива. Гледаме како се одвиваат подготовките за оваа идна операција“, рече Зеленски.Тој додаде дека украинските разузнавачки служби ги споделиле собраните информации со западните сојузници.„Мораме да гледаме на ситуацијата со широко отворени очи. Путин подготвува нови офанзиви, особено во регионите Суми и Харков“, предупреди тој.Зеленски тврди дека Русија првично ја планирала операцијата пред осум месеци, но дека била спречена од украинската операција во областа Курск.Да потсетиме, пред девет дена, портпаролот на украинската оперативно-тактичка група Север, Вадим Мисник, изјави дека има зголемено присуство на руски единици долж границата со Суми кои претходно учествувале во борбите во областа Курск.Два дена подоцна, на 20 март, Зеленски рече дека Русија собира сили на фронтот Сума, обидувајќи се да ја потисне украинската одбрана од насоката Курск. Во исто време, тој нагласи дека украинските сили „неочекувано преземаат чекори во друга насока“.Украинскиот функционер Андриј Демченко пред три дена изјави дека руските диверзантско-разузнавачки групи се обидуваат да ја прошират својата зона на операции кон внатрешноста на Сумиската област, префрлајќи ги борбите од областа Курск на украинска територија.

Свет | пред 1 година

Приватните податоци и лозинките на клучните луѓе на Трамп може лесно да се најдат на интернет

Најблиските безбедносни соработници на американскиот претседател Доналд Трамп ја користеа апликацијата Сигнал за да разменуваат пораки за претстојниот воен напад. Но, истрагата на Der Spiegel откри дека нивните приватни податоци - вклучувајќи ги и броевите на мобилните телефони - се слободно достапни на интернет.Приватните информации на клучните советници за безбедност на претседателот Доналд Трамп може да се најдат на интернет без многу потешкотии. Новинарите на Der Spiegel добија броеви на мобилни телефони, адреси на е-пошта, па дури и некои лозинки на високи функционери. Меѓу компромитираните функционери се советникот за национална безбедност Мајк Волц, директорот на националното разузнавање Тулси Габард и секретарот за одбрана Пит Хегсет.Повеќето од пронајдените броеви и адреси на е-пошта се сè уште активни, а некои се поврзани со профили на социјалните мрежи како Instagram и LinkedIn, како и апликации како Dropbox и тракери за трчање. Заедно со броевите, пронајдени се и активни профили WhatsApp и Signal.Ова откритие укажува на сериозен безбедносен пропуст на највисоките нивоа на американската администрација. Непријателските разузнавачки служби би можеле да ги искористат овие податоци за инсталирање шпионски софтвер и пресретнување на комуникациите на службениците. Во најлошото сценарио, можно е странски агенти да имале пристап до групниот разговор на Сигнал помеѓу Габард, Валц и Хегсет за планирање воен напад.Останува непотврдено дали службениците ги користеле нивните приватни броеви поврзани со сметките на Сигнал во тој чувствителен разговор. Тулси Габард не сакаше да го коментира случајот. Но, Der Spiegel потврди дека нејзините и мобилните телефонски броеви на Волц - кои се јавно достапни - се поврзани со активните сметки на Сигнал.Американскиот магазин Атлантик во понеделникот објави дека Габард, Валц и Хегсет, заедно со директорот на ЦИА Џон Ретклиф и други официјални претставници, разговарале за планираниот воен напад врз милицијата Хути во Јемен преку Сигнал. Пораките споделуваа разузнавачки информации и конкретни планови за напад. Волц, исто така, го додаде главниот уредник на Атлантик Џефри Голдберг во групата - иако мотивот за потегот е непознат.Белата куќа потоа го потврди постоењето на групата. Трамп изјави дека во разговорот немало доверливи информации, што е особено важно бидејќи американските службеници не смеат да споделуваат такви информации преку апликации како Сигнал. Специјалниот претставник на САД за Украина и Блискиот Исток Стив Виткоф учествуваше во разговорот додека беше во Русија.Новинарите на Der Spiegel ги пронајдоа податоците за Габард, Пит Хегсет и Валц во комерцијални бази на податоци, но и масовно протекување лозинки кои се присутни на интернет со години. Еден од најпознатите е од 2019 година, кога експертот Трој Хант откри повеќе од 773 милиони адреси за е-пошта и 21 милион лозинки.Податоците на Пит Хегсет беа меѓу најлесните за наоѓање. Новинарите користеле услуга што компаниите вообичаено ја користат за продажба, маркетинг и регрутирање, испратиле линк до неговиот профил на LinkedIn, а за возврат добиле адреса на Gmail, број на мобилен телефон и дополнителни информации. Истата адреса на е-пошта беше пронајдена во повеќе од 20 различни протечени бази на податоци, заедно со лозинките поврзани со неа. Проверката потврди дека е-поштата била користена пред неколку дена.За да ја заштити приватноста, Der Spiegel не ги објави пронајдените телефонски броеви, адреси на е-пошта или лозинки. Исто така, не проверуваше дали лозинките се сè уште активни. Тие ги информирале Габард, Хегсет и Валц за нивните наоди. Министерството за одбрана на САД не одговори на барањето за коментар. Портпаролот на Советот за национална безбедност рече дека лозинките и сметките на Волц биле променети пред тој да влезе во Конгресот во 2019 година. Неговата фотографија на профилот на WhatsApp е со него и две лица пред американско знаме. Набргу по испраќањето на барањето, неговите сметки биле деактивирани и разговорот исчезнал.Канцеларијата на директорот на националното разузнавање соопшти дека податоците на Тулси Габард биле компромитирани пред речиси десет години, дека со години не ги користела контроверзните платформи и дека неколку пати ги менувала лозинките. Но, Der Spiegel утврди дека нејзината приватна сметка на Google била активна пред околу две недели. Беа испорачани и пораките испратени до нејзините протечени сметки на WhatsApp и Signal - како што беше потврдено со појавата на две сини ознаки за проверка.

Свет | пред 1 година

Време е да сфатиме партиите не се државата, системот нема да се промени сам - ние сме системот, пишуваат кочанчани на ФБ

Кочанчани, кои ја администрираат страницата Кочани, а велат дека е создадена за да се обратат кога има проблем, алармираат на сите системски салбости. Притоа, посочуваат дека партиите не се државата, а граѓаните плаќаат даноци со што ги полнат буџетите од кои живеат политичарите. Советуваат, граѓаните да не се караат за тоа кој политичар е подобар, па апелирааат: „Системот нема да се промени сам ние сме системот“„Дојде време да бираме децата или партиите. Живееме во време кога луѓето повеќе веруваат во партиите отколку во самите себе. Ги бранат како да се нивно семејство, се караат со пријатели за нив, ги оправдуваат нивните грешки како да им должат нешто. Но, дали некогаш сте се запрашале што добивате за таа лојалност? Политичарите се менуваат, партиите доаѓаат и си одат, но нашите проблеми остануваат исти. Патиштата се распаѓаат, болниците се без основни услови, институциите не функционираат, а животот станува се потежок. И секогаш слушаме едно исто „Кога ќе дојдеме ние, ќе биде подобро“. Но, дали некогаш навистина стана подобро?Проблемите не се нови, но никој не ги решава. Зошто требаше да се случи трагедија за да се сети целата држава дека Кочани постои? Граѓаните пред само неколку месеци протестираа 19 дена без прекин, барајќи конечно решение за депонијата. Им беше ветено дека ќе се донесе одлука да не се носи отпад од други општини. Ветувањето беше дадено, беше изгласано но што се случи? На празникот Свети Никола, со полициска придружба, отпадот повторно беше фрлен на истата депонија.Министерот за животна средина не дојде да ги слушне граѓаните. Пратеникот од Кочани ниту еднаш не застанаа пред јавноста да бара решение за своите сограѓани. Истото се случува и со други проблеми се додека не дојде некоја трагедија, институциите се глуви.Додека граѓаните чекаат промени, политичарите си ги решаваат личните проблеми. Кога треба да се изгласа нов закон за привилегии, нов службен автомобил или покачување на платите нема поделби, нема кавги. Сите се сложни. Секогаш има пари за нивните потреби, но за основните барања на народот „нема буџет“. Во меѓувреме, здравството е пред колапс. Болниците со години не се реновирани, немаат доволно опрема, а условите се катастрофални. Брзата помош функционира со стари и дотраени возила, најчесто добиени преку донации. Противпожарните единици работат со застарени камиони и недоволен број луѓе. Патиштата во државата стануваат се поопасни, дупките не се крпат, а кога ќе се случи несреќа виновни се граѓаните, а не институциите кои не ја завршиле својата работа.Во Кочани, како и во многу други градови, се гради неконтролирано. Секој агол е претворен во градилиште, а никој не знае колку безбедно се градат тие згради. Трговскиот центар во Кочани е блокиран од доградби, а никој не поставува прашање што ако таму се случи несреќа? Кој ќе одговара?Граѓаните се тие што плаќаат даноци, што ги полнат буџетите од кои живеат политичарите. Но, додека народот се кара кој политичар е „подобар“, сите тие си седат во удобните фотелји и ги уживаат своите привилегии.Ако сакаме промена, треба да разбереме дека нема „наш“ и „нивни“ политичари сите се таму за да работат за нас, а не обратно. Кога последен пат сте виделе функционер да биде сменет затоа што не си ја завршил работата? Кога последен пат некој одговарал затоа што ветил, а не исполнил?Додека не почнеме да бараме одговорност, додека дозволуваме да не’ делат на „нивни“ и „наши“, ништо нема да се смени. Секогаш кога ќе гласаме за лични интереси, наместо за општо добро, ќе добиваме ист резултат.Системот нема да се промени сам ние сме системот. Ако почитуваме закони, ако не даваме мито, ако не прифаќаме празни ветувања тогаш нешто ќе се промени. Но, додека веруваме дека некоја партија е поважна од нашите сопствени права, тие ќе продолжат да не користат.Време е да се запрашаме дали сме подготвени да се промениме самите ние и да започнеме да се почитуваме меѓусебе или ќе бидеме само навивачи на партии кои никогаш нема да се грижат за нас?Никогаш не заборавајте дека нашите деца си заминаа поради партиите. Наместо да ги гушнете и да се борите за нив, вие ги избравте партиите што упорно ги гласате 33 години. И никогаш не си признавте заминаа затоа што немавте храброст да се спротивставите на партиите. Ова е став на админите на оваа страна. Ова е нашата последна објава на оваа страница“, пишува на страницата.

Коментари | пред 1 година

Трамп: Ако Канада и ЕУ ги здружат силите за да ни наштетат, ќе им наметнам многу повисоки царини

Американскиот претседател Доналд Трамп се закани дека ќе воведе „многу повисоки“ тарифи за Европската унија (ЕУ) и Канада, доколку соработуваат во борбата против царините.„Доколку Европската унија ги здружи силите со Канада за да им нанесе економска штета на Соединетите држави, ќе им бидат наметнати огромни царини, многу поголеми од тековно планираните, за да го заштитат најдобриот пријател што секоја од овие две земји некогаш го имала“, објави Трамп на Truth Social.Трамп вчера најави дека ќе воведе царина од 25 отсто за „сите автомобили што не се произведени во САД“, а должностите ќе стапат на сила на 2 април. Помошникот на Трамп во Белата куќа Вил Шарф објасни дека новите тарифи се однесуваат на „странските автомобили и лесни камиони“ и доаѓаат како дополнување на веќе воведените тарифи.Што е најважно, тарифите ќе важат и за автоделови - од кои многу се испорачуваат во САД од странство и се користат за производство на американски автомобили. Шарф процени дека мерките ќе резултираат со „над 100 милијарди долари нови годишни приходи“ во САД.Глобалните пазари се вознемирени бидејќи се отвора нов фронт во ескалацијата на глобалната трговска војна. По најавата на Трамп, акциите на американските и азиските производители на автомобили паднаа. Трамп веќе ги промени долгогодишните глобални трговски односи со воведување увозни царини за стоки кои доаѓаат од Мексико, Канада и Кина, како и давачки за целиот увоз на челик и алуминиум.Белата куќа тврди дека најновите царини ќе ја „заштитат и зајакнат“ американската автомобилска индустрија, иако аналитичарите истакнуваат дека американските производители на автомобили користат делови од целиот свет за склопување, што значи дека тарифите би можеле да влијаат и на нив.ЕУ и Канада сè уште не издадоа никаква изјава во која сугерираат дека ќе се обединат за да им наштетат на САД, како што беше наведено во најавата на Трамп, но и двете сигнализираа дека може да возвратат на најновите царини.

Свет | пред 1 година