Отишол на стоматолог, и пробал да му изнуди 5.000 евра со видео-клип - еден од изнудувачите е фатен

Јавен обвинител од Основното јавно обвинителство Скопје донесе Наредба за спроведување истражна постапка против едно лице осомничено за кривично дело – Изнуда согласно член 258 став 1 во врска со членовите 19 (во обид) и 22 (во соизвршителство).Осомничениот 33-годишен скопјанец, заедно со уште едно лице кое до сега не е идентификувано, со сила и сериозна закана се обиделе да принудат еден оштетен стоматолог да им исплати 5.000 евра.Откако претходниот ден осомничениот се јавил и закажал термин како пациент во ординацијата, на 29 јануари двајцата соизвршители дошле на закажаниот термин. Осомничениот од неговиот мобилен телефон му покажал на стоматологот видео клип со наводно компромитирачка содржина и побарал од него 5.000 евра за да не го објави.Во тој момент оштетениот започнал да го снима разговорот со неговиот мобилен телефон. Осомничениот го забележал, му го одзел телефонот и го избришал снимениот разговор. Потоа го натерал оштетениот заедно да излезат од ординацијата и се обиделе насилно да го внесат во автомобил. Оштетениот одбил, по што осомничениот му се заканил уште еднаш дека ќе треба и дополнително да плати затоа што ги снимал, па двајцата сторители заминале во непознат правец.Се преземаат дејствија за откривање на идентитетот на вториот осомничен, додека за првиот јавниот обвинител предложи да бидат определени мерки на претпазливост – обврска да се јавува повремено на определено службено лице или кај надлежен државен орган, привремено одземање на патна исправа за преминување на државна граница и забрана за нејзино издавање, како и забрана за приближување или воспоставување, односно одржување контакти или врски со оштетениот.

Скопје | пред 1 година

(Видео) Тешка несреќа на „Партизанска“: амбуланта се преврте, откако се судрија со автомобил

Тешка несреќа се случи ноќеска на булеварот „Партизански одреди“, каде се судриле „Тојота јарис“ и амбулантно возило.Од терен, познато е само дека од силината на ударот, амбулантното возило се превртело, но непознато е дали во него имало пациент и каква е состојбата на возачот, но и другите ко се превезувале.Не е позната ниту состојбата на возачот кој бил во автомобилот, чии делови се распрскале по булеварот.„Скопје1“ побара детали од МВР, од каде очекуваме одговор.

Македонија | пред 1 година

Важно известување од МВР

Ги известуваме граѓаните дека на 08.03.2025 (сабота) и 09.03.2025 (недела) на Меѓународниот Аеродром Скопје ќе се одржи симулациска вежба за вонредни состојби во организација на Министерството за внатрешни работи и ТАВ Македонија.Апелираме до граѓаните кои ќе се најдат во близина на одвивањето на вежбата да ги почитуваат наредбите од полициските службеници со цел безбедно одвивање на сообраќајот или јавниот ред и мир.

Македонија | пред 1 година

Амбасадорката на САД Анџела П. Агелер во посета на Уставниот суд

Претседателот на Уставниот суд, д-р Дарко Костадиновски оствари тет-а-тет средба со амбасадорката на САД во земјава, Н.Е. Анџела Прајс Агелер, по што следуваше и работен состанок со судиите на Уставниот суд, проф. д-р Осман Кадриу, Насер Ајдари, Добрила Кацарска,м-р Татјана Васиќ Бозаџиева, проф.д-р Јадранка Дабовиќ, проф.д-р Ана Павловска-Данева.Претседателот на Судот, Костадиновски ја информираше амбасадорката Агелер за приоритетите во неговиот мандат, како и за внатрешните и надворешните предизвици со кои се соочи Уставниот суд во неговото работење изминатиот период.„Судот во овој капацитет преку активностите кои се преземаат за поголема одлучност и бескомпромисност во постапувањето, надополнети со транспарентност и судски активизам работи засилено на враќањето на довербата во владеењето на правото и зголемување на довербата на граѓаните во Уставниот суд. Особено ќе го потенцирам напредокот во полето на транспарентноста и како пример ќе го дадам фактот дека се подготвуваме за целосно снимање и пренесување во живо на подготвителната седница за Законот за употреба на јазиците, кој претставува исклучително сензитивен предмет и за кој ќе овозможиме на граѓаните да видат и слушнат со свои очи дека одлуките во Судот се носат објективно и без било какви влијанија”, истакна претседателот Костадиновски.Претседателот информираше дека Судот ќе остане непоколеблив и без оглед на сите обиди за политизација и етнизација на работата и постапувањето, цврсто ќе стои зад заштитата на Уставот и слободите и правата на човекот и граѓанинот.„Основната надлежност на Уставниот суд е да ја штити состојбата на уставност во правниот поредок. Тоа значи дека сите акти и дејствија на сите власти да бидат усогласени со Уставот. Крајно време е сите кои и мислат добро на државата своите јавно изнесени заложби за посветеност на владеењето на правото да ги направат реални, а не лажни или декларативни,” изјави претседателот на Судот.Амбасадорката Агелер ја изрази поддршката од САД за враќање на довербата во правната држава преку транспарентни постапки и одлучување исклучиво според Устав и законите.Амбасадорката Агелер ги охрабри Судиите да одолеваат на било какви влијанија и притисоци во постапувањето и кога ќе влезат на седница да ги остават настрана сите останати улоги, а пред се’ да бидат уставни судии.Судиите ја поздравија долгогодишната поддршка од САД за владеење на правото. Судијата проф.д-р Павловска-Данева кажа дека е потребна поддршка од сите фактори за да се овозможи снимање на седниците на кои судиите дискутираат и ги градат случаите.„Особено важно за нас е што јавно ја изразувате поддршката во транспарентните постапки, да ние сме свесни дека во многу земји таков начин на водење на постапки со снимање во живо не е случај, но да не заборавиме основно е што таму имаат сосема поинаква уставна култура, изјави судијата Павловска-Данева.За долгогодишната поддршка во владеењето на правото од страна на амбасадата на САД во земјава ја поздрави судијата проф. Д-р Осман Кадриу.

Македонија | пред 1 година

(Видео) Две лица загинаа, тешка сообраќајка на патот Штип-Кочани - едното возило се запалило

Во тешка сообраќајна несреќа што се случи денес на експресниот пат Штип – Кочани, во близината на селото Тркање, загинаа две лица. Несреќата се случила помеѓу две патнички возила, марка „пежо 3008“ и „фолксваген УП“. Едното од возилата по сообраќајката се запали, при што интервенираше кочанската пожарна единица за да го изгасне огнот. Едното лице од починатите е од Кочани, додека другото, кое е дистрибутивен работник од Скопје, е изгорен од огнените јазли.На местото на несреќата интервенираа Итната медицинска помош од Кочани, ТППЕ – Кочани, како и полицијата. Сообраќајот е во прекин, а возилата се пренасочуваат по споредни патишта.Од Министерството за внатрешни работи потврдија дека на 07.03.2025 година, околу 14:00 часот, во СВР Штип била пријавена сообраќајната незгода. Според изјавите, двата возачи починале на местото на несреќата, а увидот е во тек. Оваа трагична несреќа потсетува на важноста на внимателното управување со возилата и почитувањето на сообраќајните правила.

Македонија | пред 1 година

Палевски кажа дека е спремен за доживотна робија, па бара да се докаже дека куршумот со кој е убиен Панче е од пиштолот на Видевски

Нови барања истакнаа адвокатите на обвинетиот Љупчо Палевски-Палчо на денешното судско рочиште за убиството на Вања Ѓорчевска и Панле Жежовски. Бараат вештакот кој ја вештачел чаурата од куршумот со кој е убиен Панче Жежовски да биде повикан на распит во судница, да се дополни вештачењето дали оваа чаура е испукана од пиштолот на обвинетиот Боре Видевски. Ова не е прво рочиште како Палевски одговорноста ја префрла кај Видевски, чиј пиштол за кој имал дозвола, не е најден. Досега„Предлагам да се достави пронајдената чаура пронајдена на лице место со телото на Панче Жежовски, а предложена е од страна на обвинетиот на 31.12.2024. Во списите на предметот има вештачење на таа чаура од вешто лице каде е утврдено дека испукана од оружје калибар 9мм и дека на истата се пронајдени се пронајдени траги кои покажуваат дека е можно да се направи споредба со базата на податоци на МВР, по однос дали оваа чаура е испукна од оружје кое има одобрение односно дали таа чаура е испукана од пиштолот на Боре Видовски. Чаурата да се презентирана чаурата и вештото лице Јасминка Трајковска да се испита пред судот и да се произнесе за чаурата за да направи споредба доколку е надлежна“, побара адвокатот Марјан Витановски.20-тина докази на Палевски судот не ги прифати бидејќи веќе биле изведени. Потоа, Палевски побара изземање на судијата Ивица Стефановски, што не е првпат.„Барам изземање на претседателот на судската постапка Ивица Стефановски, под нова околност заради пристрасност, минатиот пат беше за неиздавање наредба, а сега за пристрасност и оневозможување фер и одбрана затоа што ги злоупотребува дискреционите права и не дозволува изведување на докази кои се во моја корист. Јас таа шанса во оваа постпака ја немам, и затоа на претседателот на судот му наведувам дека доказот за вештачење на 'реното кангу', ОЈО не кажа каде се подигнати трагите ниту пак објасни каде се пронајдени трагите од тројцат обвинети, на која околност, туку само беа прочитани дека билее пронајдени во реното кангу.Во неколку наврати ја коригира обвинителката како треба и што треба да каже во записник. Неколку пати е исправена во излагањето, а во исто време има 30-тина минута од 20 рочишта потрошени од ОЈО, со 26 сведоци кои не кажаа ништо. Но кога требаше јас да потрошам 30-тина минута за мојата одбрана и 21 доказ господинот судија најде причина да ми не ми ја овозможи“, рече Палевски, кој дополни очекува барањето за изземање да му биде одбиено од претседателот на судот Иван Џолев.Според него, на овој начин се прејудицира пресудата, па посочи дека е свесен дека ќе добие доживотен затвор.Тој го обвини судијата дека го крие оружјето со кое се извршени убиствата.„Барам ова изземање на судија кој крие оружје бидејќи не му одговараа на однапред донесена пресуда која е донесена на 05.12.2023 година на уште една политичка Гаврил Бубевски и Оливер Спасовски. Доживотната робија ниту ме плаши ниту влијае на мене, доказите кои судијата не сака да ги дозволи, не ги прочитал а како ли да ги цени. Не требаат докази кои се во корист на одбраната бидејќи пресудата е веќе донесена“, посочи Палевски.Ваквиот потег на Палевски доаѓа доаѓа на едно рочиште пред распитот на Велибор Манев. Досега, сите други обвинети во случајот молчеа, освен Влатко Кешишев кој достави писмо до судот во кое го брани Палевски, па на наредното рочиште кажа дека обвинетиот го принудил тоа да го направи додека ги превезувале до судот.

Македонија | пред 1 година

Владата не донела одлука за „Ѓока констракшн“ од Албанија да го добие паркингот на Клинички, вели Мицкоски и најавиј анализа

Владата нема донесено таква одлука и не знам од каде е таа информација, рече денеска премиерот Христијан Мицкоски во одговор на новинарско прашање по објавите за избор на фирмата „Ѓока констракшн“ преку јавно-приватно партнерство да гради и управува со паркингот во Клинички центар во Скопје. Мицкоски посочи дека при изборот ќе се земат во предвид бонитетот и кредибилитетот на компанијата.– А што ќе земеме предвид? Во предвид ја земаме тендерската спецификација и се разбира, фирма што нема кредибилитет, нема бонитет, ниту технички карактеристики, нема да биде избрана и тука сето тоа завршува. Бидете сигурни. Јас разбирам дека има потреба од сензација, напад кон Владата, но оваа влада работи поинаку од досегашниот принцип, односно одлуките кои оваа Влада ги носи се исклучиво во интерес на граѓаните и нема да биде поинаку. Така што, бидете сигурни секоја одлука којашто ја носи оваа влада е исклучиво во интерес на граѓаните, рече Мицкоски, при денешната посета на населбата Драчево во општина Кисела Вода, во одговори поврзани со компанијата,Според него, оваа информација е измислена за да се напаѓа владата и нејзината работа.– Ако ние бараме начин како да ја напаѓаме владата за нешто што не се случило, тогаш можеме и да измислуваме работи. Но јас ви кажувам дека таква одлука нема донесено владата, подвлече премиерот.Во врска со прашањето за јавно-приватно партнерство за паркингот на Клиничкиот центар Мајка Тереза, министерот за здравство Арбен Таравари претпладнево изјави дека договорот ќе биде потпишан доколку по првичната помината процедура помине уште неколку филтри.– Не е потпишан. Паркингот на Клиничкиот центар секогаш прави многу нервоза. Ако за понудата, еве слушам, секогаш многу ми значи јавноста што ќе каже, ако ми кажат дека нешто не е во ред, пуштено е и во Влада, ако и таму ми кажат дека има одредени пропусти, нема да имаме ништо. Ќе го поништиме, ќе објавиме нов, но само ќе изгубиме една година, рече Таравари, на новинарско прашање при посетата на Клиниката за инфективни болести.Таравари појасни дека рокот за стопанисување со паркингот не е 20 години, како што е предвидено со физибилити студијата и нема да биде повеќе од седум до 10 години.Рокот за изградба на монтажните катни гаражи доколку биде потпишан договорот, како што рече, најверојатно е шест месеци до една година. Владата на седница на 20 август минатата година донесе одлука да се градат монтажни катни гаражи на Клинички центар со јавно-приватно партнерство и формираше Комисија за спроведување на постапката. Со паркингот на Клиничкиот центар моментно стопанисува ЈП „Градски паркинг“ – Скопје.

Македонија | пред 1 година

Русија и се закани на Европа

Портпаролот на рускиот претседател Дмитриј Песков изјави дека Русија би можела да преземе мерки поради, како што ја нарече, милитаризација на Европската унија, пренесе руската државна новинска агенција РИА Новости.„Оваа милитаризација се случува главно насочена против Русија. Ова секако е причина за сериозна загриженост и потенцијално може да доведе до потреба од преземање соодветни мерки за заштита на сопствената безбедност“, рече Песков, одговарајќи на прашање за плановите на ЕУ за зајакнување на одбранбената индустрија.Неговите изјави доаѓаат откако претседателката на Европската комисија Урсула фон дер Лајен предложи да се соберат 800 милијарди евра за финансирање на планот за повторно вооружување на Европа. Лидерите на ЕУ ја поддржаа идејата на вонреден самит во Брисел, а дел од средствата треба да се насочат и за воено снабдување на Украина.Песков, исто така, рече дека Русија внимателно ги следи дискусиите за развојот на европскиот одбранбен сектор и додаде дека милитаризацијата на ЕУ „не се вклопува во напорите за мирно решавање на конфликтот во Украина“.Тој ги коментираше и актуелните дискусии за европското нуклеарно оружје, особено откако францускиот претседател Емануел Макрон изјави дека Франција може да го стави својот „нуклеарен чадор“ во служба на безбедноста на европските држави.„Имајќи ја предвид изјавата на Макрон, потребата да се земат предвид европските нуклеарни арсенали денес е уште поважна од порано. Некои европски држави, колку што слушнавме, веќе ја поддржаа оваа идеја“, рече Песков.Тој додаде дека во моментов нема конкретни разговори за контрола на оружјето меѓу Русија и САД и дека не се знае кога таквите преговори би можеле да започнат. Тој исто така изјави дека се чека позицијата на Кина за овие прашања.Песков исто така нагласи дека нападите врз енергетските објекти поврзани со украинската воена индустрија не се одговор на предлозите на Макрон за делумен прекин на огнот, туку се дел од руската инвазија на Украина.Тој, исто така, ја повтори претходната позиција на рускиот претседател Владимир Путин дека основата за евентуален мировен договор може да биде т.н. Истанбулски договори.„Постигнувањето на нашите цели преку политички и дипломатски средства е приоритет за нас. Меѓутоа, во услови кога Украина го отфрла дијалогот, па дури и законски го забранува, ние продолжуваме со специјална воена операција за заштита на нашите интереси“, заклучи Песков.

Свет | пред 1 година

Путин одржа состанок на Советот за безбедност

Додека светот е зафатен со прилагодување на политиката на Доналд Трамп, Владимир Путин главно останува во сенка.За разлика од Трамп, тој ретко се појавува пред камерите.Тој сепак денеска претседаваше со состанокот со членовите на рускиот Совет за безбедност. Неговата влада досега не беше многу отворена за деталите од дискусијата во Советот за безбедност.

Свет | пред 1 година

Боки 13 повикувајќи се на одлука од Стразбур, најави гонење на Русковска и Заев: Јавноста ја заслужува вистината за „Рекет“

Бојан Јовановски-Боки 13 на својот Фејсбук профил објави дека Европскиот суд за човекови права во Стразбур донел позитивна одлука по изразената апликација од страна на адвокатот Сашко Дукоски за случајот Рекет. Тој најави дека ќе поведе кривична постапка против Вилма Русковска и поранешниот премиер Зоран Заев, но и други лица.„Ја известувам јавноста дека Европскиот суд за човекови права во Стразбур донесе позитивна одлука по изразената апликација од страна на адвокат Сашко Дукоски за случајот Рекет, каде беше нападната пресудата за случајот Рекет по повеќе основи. Позитивната одлука на судот во Стразбур е доказ за важноста на меѓународните правни механизми во заштитата на основните човекови права и слободи, фер и правично судење пред непристрасен суд. По конечно завршување на постапката во Стразбур, Ве известувам дека од моја страна заедно со мојот правен тим ќе ги превземеме сите понатамошни чекори пред домицилните органи со крајна цел да се исправи историската неправда нанесена со политички нарачаната пресуда за случајот Рекет, во која имаше сѐ, само право не“, напиша Јовановски.Тој посочува и: „Јавноста ја заслужува вистината за овој фамозен случај 'Рекет' преку утврдување на точната и вистинитата фактичка состојба во законита постапка“.„Воедно, ве информирам дека донесена е и уште една позитивна одлука при ЕСЧП во Стразбур и прифатена е апликацијата која се однесува на моето незаконско држење во притвор, нечовечно постапување и тортура. По сето ова, ќе поведам постапки за кривичен прогон против Вилма Русковска како тогашен јавен обвинител, Зоран Заев како тогашен премиер и против уште најмалку десетина лица кои директно се виновни во и за случајот Рекет, секој од нив со свои дејствија на извршување со место, време и начин на извршување на кривични дела“, додаде Јовановски.

Коментари | пред 1 година

(Фото) Вандализам на манастирот „Пресветна Богородица“ во Матејче: провалиле, копале, краделе

Извршено е провалување, копање на подот во манастирската црква и украден е оловниот лим од централната купола на манастирската црква Пресвета Богородица во Матејче, соопштија од Кумановско-осоговска Епархија.Тие наведуваат дека како сопственици на заштитено културно добро, ја известуваме јавноста дека врз заштитетното културно добро ‒ манастирот Пресвета Богородица, с. Матејче, Општина Липково, Куманово, од страна на непознат сторител во месец март 2025 година е извршен неовластен упад во црковен имот во Манастирот Пресвета Богородица с. Матејче. Упадот е извршен со провалување во затворените простории на манастирската црква. Извршено е копање на подот на манастирската црква, кој е целосно раскопан, и извршен е ископ на голема количина на земја, при што се извадени и осквернавени посмртните останки на порано погребани лица на ова место. Исто така е причинета значителна материјална штета и кражба на оловен лим од централната купола на манастирската црква.На ден 06.03.2025 година член на Црковниот одбор на манастирот Пресвета Богородица го посетил манастирот и забележал дека врз заштитеното културно добро е извршен вандалски чин, на погоре опишаниот начин. За настанатата материјална штета, по службена должност, настанот го пријави до митрополијата во Куманово, како надлежен орган за понатамошно постапување, потенцираат од Кумановско-осоговска Епархија.

Македонија | пред 1 година

Паркирањето на Клинички ќе поскапи на 50 денари/час откако со него ќе раководи „Ѓока констракшн“ од Албанија

Ќе поскапи паркирањето на Клиничкиот центар во Скопје, обзнани министерот за здравство, Арбен Таравари. Тоа ќе се случи откако раководењето ќе го преземе фирмата „Ѓока констракшн“ од Албанија. Таравари споредуваше цени на паркингот низ трговските центри, со цените на паркингот на Клинички, на што новинарите му кажаа дека пациентите не одат за шетање на Клинички.„Сметам дека не е цена која е многу висока. Паркирањето во ‘Рамстор’ чини 60 денари, а кај ‘Нова Македонија’ 40 денари. Има места во Скопје каде паркирање чини по 100, 150 денари од час“, рече Таравари.Според него, договорот на албанската „Ѓока констракшн“ не е 20 години да стопанисува со паркингот, туку тоа ќе го прави додека таму е Клиничкиот центар.„Морам да кажам дека не се однесува договорот за 20 години, туку услов во договорот е дека фирмата која ќе го добие тендерот ќе стопанисува со паркингот додека е на тоа место Клиничкиот центар. Јас не верувам дека повеќе од 7-8, еве и 10 години таму ќе остане Клинички. Затоа и немаше интерес од компаниите, да беше на подолг рок ќе се пријавеа повеќе“, рече денеска Таравари.

Македонија | пред 1 година

Не направил ништо незаконско, ниту пак Владата е во право што бара негово разрешување, смета Коцевски

Не направил ништо незаконско, ниту пак Владата е во право што бара негово разрешување. Ова го смета републичкиот обвинител Љупчо Коцевски, кој рече дека ќе се произнесе по сите точки од предлогот за разрешување. Не искоментира што мисли за тврдењето на Владата дека интегритетот на Обвинителството и обвинителите е низок, токму во време кога тој шефува, па дека тоа е појдовна точка за негово разрешување.„Во текот на вчерашниот ден доставен ми беше предлогот за разрешување од страна на Советот на јавни обвинители. Во еден разумен рок ќе се произнесам за сите точки. Останувам на тоа дека, од она што можев да го разгледам, е дека во предлогот нема ниеден основ за утврдување на тешка дисциплинска повреда“, рече Коцевски.Кривичната пријава која му ја поднесе суспендираниот шеф на Вишото јавно обвинителство-Скопје, Мустафа Хајрулахи, не ја добил. Хајрулахи смета дека обвинителот направил грешки во постапувањето при водењето на истрагата. Но Коцевски вели: „Нема ништо незаконито што јавниот обвинител водел истрага..“.„Од тоа што го слушнав во медиумите, тоа е чудна кривична пријава. Дека наводно сите тројца обвинители се теретат за соизвршителство затоа што јавниот обивнител во Штип постапувал по предмет, односно за кривично дело за кое е запретена казна, за кое е нужно да се води истрага. Тоа не може во никој случај да биде основ за кривична одговорност. Од тоа што го дознав од медиумите, ја немам примено кривичната пријава“, посочи Коцевски.„

Македонија | пред 1 година

Прегазен пешак во Скопје

На 06.03.2025 во 09.15 часот во СВР Скопје било пријавено дека на крстосница од бул.„Крсте Мисирков“ со кеј „Димитар Влахов“ во Скопје, патничко возило „мерцедес“ со скопски регистарски ознаки, управувано од С.К.(34), удрило во пешакот Б.П.(43), двете од Скопје.Во несреќата со тешки телесни повреди се здобила Б.П., констатирани во Комплексот клиники „Мајка Тереза“.Извршен бил увид од увидна екипа од СВР Скопје.

Скопје | пред 1 година

Три млади лица од Турција завршија во болница - излетале со „БМВ“ на патот кон Средно Водно

Денеска (07.03.2025) околу 01.20 часот во СВР Скопје било пријавено дека на локалниот пат Скопје-Средно Водно, патничко возило „бмв“ со албански национални ознаки, управувано од Х.И.Д.(22) од Република Турција, со привремен престој во Скопје, излетало надвор од коловозот.Во несреќата со тешки телесни повреди се здобиле возачот и сопатничката З.А.(19), а со телесни повреди се здобиле уште две сопатнички Е.А.(18) и А.И.(19), сите од Република Турција, констатирани во Градската општа болница „Св.Наум Охридски“ и Комплексот клиники „Мајка Тереза“.Извршен бил увид од увидна екипа од СВР Скопје.

Скопје | пред 1 година

Вчера 622 сообраќајни прекршоци, 111 за брзо возење

Вчера (06.03.2025) во текот на планските сообраќајни контроли на патиштата низ државата за прв пат е евидентирана бројка од дури 31 случај на минување на црвено светло од страна на возачите, што е далеку од досегашниот статистички просек за оваа категорија сообраќаен прекршок регистриран на дневно ниво од страна на полициските службеници.Инаку, од вкупно издадените 622 платни налози вчера, дел односно 58 се однесуваат на непоседување возачка дозвола, потоа изречена е 41 мерка за користење мобилен телефон при возење, 30 санкции за некористење сигурносен појас, а санкционирани се и 12 возачи на мотоцикл за неносење заштитен кацига.Во пет случаи евидентирано е возење под дејство на алкохол, а изречени се и 14 мерки за прекршоци што ги прават пешаците. Најголемиот број на издадени прекршочни платни налози и натаму се однесува на неприлагодената брзина на движење 111, и на непрописното паркирање 184. Воедно, согласно Законот за возила, во пет случаи отстранети од сообраќај се пет возила заради техничка неисправност и уште 15 возила заради тоа што биле нерегистрирани.Министерството за внатрешни работи, во пресрет на претстојниот викенд во рамки на кој е одбележувањето на 8-ми Март, со оглед на очекуваната зголемена динамика на сообраќај, особено на помладите категории граѓани, уште еднаш апелира до сите учесници во сообраќајот за максимално и совесно почитување на сообраќајните правила и прописи а пред се во интерес на личната безбедност на сите учесници во сообраќајот.

Македонија | пред 1 година

Случајот се контаминира, Туфегџиќ алармира: Ако се работеше за дете на функционер, а не дете на Раде и Кети, пристапот ќе беше друг

Адвокатот Владимир Туфегџиќ ја оправдува реакцијата на семејството Лешко, чиј син, Љупчо, почина по струен удар во приватен објект во Радишани, каде пуштал музика. Туфегџиќ посочува дека во случајот има невоедначени стандарди во постапување, па така, веднаш бил донесен заклучок дека е несреќен случај без да има наредба објектот да биде запечатен, а доказите да не бидат контаминирани.„Во случајот не е превземено ниту едно дејствие при увидот на лице место за да се утврди дали објектот има соодветна електрична инсталација и безбедносен систем за спречување на последици од струен удар кои се задолжителни во секој објект. Објектот е ставен во функција за вршење дејност, изнајмувани се дворно место, помошна просторија и базен за настани на кои се собираат поголем број на луѓе, менаџерот имал ценовник и тоа 200 евра за 6 часа и сето тоа е правено без потребните одобренија и дозволи. На лице место е вршено влијание врз сведоци да не се кажува дека го изнајмиле објектот а што е тоа ако не е попречување на правдата со влијание врз сведоци“, вели Туфегиќ.Тезата дека детето излегло од базен и настрадал од струен удар поради тоа што имало вода е неприфатлива, таман работа сите што излегуваме од базен да доживееме струен удар, додава адвокатот и посочува: „проблемот е во немање заземјување согласно релевантни стандарди и затоа имало движење на струјата по земја и вода и во таа насока обезбедив стручно мислење од еминентен стручњак од областа“.„Да потсетам, на струшкото пливалиште од струен удар настрадаа три лица на диво изградена платформа и несоодветна електрична инсталација и имаше судски епилог со осудителна пресуда. Одговорно тврдам доколку се работеше за дете на државен функционер или влијателен човек а не како во случајот дете на Раде и Кети, стандардите ќе беа поинакви и токму невоедначениот пристап и немањето унифицирани стандарди за воедначено постапување без оглед за кого и чие дете се работи се причина за ниската доверба во правосудството . Ние не бараме разговори со обвинителот туку законито постапување и јавнообвинителска одлука, конечно контролата ја спроведува вишото и републичкото јавно обвинителство“, додава адвокатот Туфегџиќ.Од смртта на Љупчо, изминаа седум месеци. Обвинителството нема донесено јавно-обвинителска одлука, ниту пак откриваат дали има осомничени лица. Познато е дека постојано се прават вештачења, но не и што тие откриваат. Обвинитечката Тања Трајчевска во одговор за „Скопје1“ само посочи дека и натаму се прибираат докази.

Македонија | пред 1 година

Медиуми: САД забранија приватна компанија да испраќа сателитски снимки во Украина

Американската компанија Maxar Technologies ѝ го прекина пристапот на Украина до нејзините сателитски снимки, објави украинскиот портал Militaryi, повикувајќи се на неколку неименувани корисници на оваа комерцијална услуга.Официјалното објаснување што корисниците го добија од Максар е дека прекинот настанал „на административно барање“.Порталот пишува дека прекинот на услугата настанал поради претходна одлука на американската влада да престане да испраќа разузнавачки информации во Украина. Забраната се однесува на јавните и приватните корисници во Украина.Украинската сајбер група „Киберборошно“ објави на „Телеграм“ дека и е одземен пристапот до податоците од „Максар технолоџис“, кои ги користела во својата работа.Maxar Technologies, приватна американска компанија, беше главниот снабдувач на комерцијални сателитски снимки кои ѝ ги открија на Украина движењата на руските сили и резултатите од нападите врз важни објекти, било на окупирана територија или во самата Русија.Исто така, сателитските снимки на Максар се повеќепати користени од светските медиуми за илустрација и анализа на бојното поле.Потсетиме, во вторникот, САД го прекина споделувањето разузнавачки информации со Киев, што може сериозно да ги загрози способностите на украинската војска.Овој потег уследи по одлуката на администрацијата на Трамп да ја прекине воената помош за Украина и драматичното нарушување на односите меѓу американскиот претседател и украинскиот претседател Володимир Зеленски.Следниот ден, францускиот министер за одбрана Себастиен Лекорну изјави дека Франција е подготвена да ги замени САД и да испрати свои разузнавачки информации во Украина.

Свет | пред 1 година

Британски дипломат: Путин ќе се согласи на прекин на огнот - но под негови услови

Владимир Путин би можел да се согласи на прекин на огнот со Украина, но „по свои услови“, изјави висок британски дипломат. Сер Лори Бристоу, поранешен британски амбасадор во Русија, истакна дека прекинот на борбите треба да биде „атрактивна опција“ за Кремљ.„Путин ќе се согласи на прекин на огнот, но под негови услови“, изјави тој за Sky News.„Тие услови се дека прекинот на огнот мора да биде попривлечен за Русија од продолжувањето на борбите. Ова може да се случи на еден од двата начина: или Украина ќе биде ослабена или Русија ослабена. Во моментов гледаме ситуација кога Украина е ослабена на бојното поле поради суспензијата на американската воена помош“ додаде тој.

Свет | пред 1 година

Тошковски во посета на Израел, со чија опрема се прави „Безбеден град“: Го зајакнуваме партнерството во доменот на безбедноста

Министерот за внатрешни работи Панче Тошковски деновиве предводи делегација ма министерството за внатрешни работи во Израел, на покана на компанијата Elbit Systems, која е долгогодишен партнер во унапредувањето на техничките и безбедносни капацитети на МВР, особено на проектот „Безбеден град“.„Оваа посета претставува значајна можност за размена на искуства и запознавање со најновите технолошки решенија што ги развива Elbit за справување со модерните безбедносни предизвици. Посебен фокус беше ставен на иновациите во заштитата на границите, урбаната безбедност и борбата против тероризмот, како и можностите за интеграција на напредни технологии во безбедносниот систем на нашата земја.“, потенцираше министерот Тошковски.Министерот Тошковски го посети и Полицискиот контролен центар во Тел Авив, каде што се запозна со функционирањето на нивниот интегриран систем кој користи напредни алатки и автоматизирани процеси за брза реакција при безбедносни инциденти, што е одличен пример за ефикасно управување со јавната безбедност и превенција на криминалот.Во рамки на посетата министерот оствари средба и со првиот човек на израелската полиција, Рафаел Енгел, генерален директор во израелското Министерство за национална безбедност. На средбата се разговараше за зајакнување на соработката во областа на безбедноста и размената на добри практики во борбата против тероризмот и организираниот криминал. Министерот Тошковски изрази искрено сочувство за жртвите од терористичкиот напад на 7 октомври 2023 година, како и поддршка во сите напори за враќање на заложниците кои сè уште не се вратени во своите домови.„На средбата беше истакнато дека Македонија и Израел се две пријателски земји со заедничка посветеност на безбедноста и стабилноста, кои преку размена на знаење, искуства и технолошки решенија можат уште повеќе да ги унапредат своите безбедносни капацитети. Справувањето со терористичките закани и јакнењето на меѓународната соработка беа меѓу клучните теми на разговор, со акцент на потребата за превентивни стратегии и современи технолошки решенија кои обезбедуваат брза и ефикасна реакција во заштитата на граѓаните. Оваа посета претставува уште еден чекор кон зајакнување на партнерството меѓу Македонија и Израел во доменот на безбедноста, како и доказ за нашата заложба за модернизација на безбедносните структури преку соработка со светски лидери во оваа област.“, потенцираше министерот Тошковски.

Свет | пред 1 година

Обвинителот кој се спогоди со Кичеец па стана адвокат, пак сака да правораздава - аплицирал во четири обвинителства

Арсим Адеми, кој од обвинители отиде во адвокатура, а се прослави со спогодбата која ја направи со Зоран Милевски-Кичец за сообраќајката на Стража, сака пак да правораздава. На конкурсот кој беше распишан за избор на нови обвинители, поднел дури четири апликации. Па така, Советот на јавни обвинители, ќе одлучува дали ќе го врати, а може во скопското, кичевското, тетовското или пак, во гостиварското основно јавно обвинителство. Адеми изминативе години беше адвокат, а по спорната спогодба за која Советот на јавни обвинители можеше да отвори постапка против него. Сега може да се врати без можност Советот да му покрене било каква постапка.Во ОЈО-Кичево, ОЈО-Гостивар тој нема конкуренција и е единствен пријавен кандидат. За во ОЈО Тетово покрај него има уште тројца пријавени за да добијат обвинителска функција. За во ОЈО-Скопје има уште 19 пријавени, покрај него.Адеми пред три години се обиде да добие и повисока обвинителска функција, па беше кандидат за обвинител во Обвинителството за гонење организиран криминал и корупција. Но не беше избран, па за медиумите изјави дека нема да конкурира на наредни огласи за во ова обвинителство. Тогаш изјави дека во спогодбата за шест месеци казна затвор за Кичеец, за сообраќајката во која едно лице загина - нема ништо незаконско.Арсим Адеми завршил обука во Академијата за судии и обвинители во јануари 2016 година со најслаби оценки од сите кандидати, пишуваа медиумите. Но, само по два месеци е избран за обвинител во Гостивар. Правосуден испит положил пред 14 години.„Скопје1“ проба да исконтактира со Адеми на бројот каде и претходно имаме стапувано во контакт - но истиот е сега непостоечки.Избор на вкупно четириесет и седум обвинители во осумнаесет јавни обвинителства е на дневниот ред од 20. седница на Советот на јавните обвинители на Република Северна Македонија што ќе се одржи денеска со почеток во 10:30 часот во просториите на Советот.Најмногу, односно 14 јавни обвинители, треба да се изберат во Основното јавно обвинителство Скопје. По двајца јавни обвинители ќе се избираат во Основните јавни обвинителства во Битола, Гевгелија, Гостивар, Кичево и Струмица.

Македонија | пред 1 година

Што ќе се случи ако Маск го исклучи Starlink во Украина?

Русија систематски ја уништува украинската инфраструктура, вклучително и снабдувањето со електрична енергија и интернет, од самиот почеток на нејзината инвазија на Украина.Спасот дојде од вселената: веднаш по првите руски напади, тогашниот вицепремиер на Украина, Михаило Федоров, побара од бизнисменот од Тексас, Илон Маск, преку Твитер (сега X) во март 2022 година да ги отклучи неговите сателити Starlink за Украина. А Маск исто така спонтано одговори преку Твитер: „Старлинк е во живо, дополнителни системи за примање се на пат“.Оттогаш, сателитската интернет-услуга, обезбедена од компанијата на Маск, SpaceX, е главен столб на одбранбените напори на Украина. Starlink првенствено се користи за беспилотни летала, но и за интернет апликации и за идентификација и следење на целта. Сепак, украинската доверба во милијардерот Маск беше длабоко потресена уште во септември 2022 година.За време на првиот украински напад со беспилотни летала против руската Црноморска флота на Крим, радио контактот со сите беспилотни летала одеднаш беше изгубен и контранападот не успеа. Една година подоцна, се дозна дека Илон Маск лично им наредил на инженерите на Starlink да го исклучат системот, пишува Дојче веле.Обезбедувањето на услугите на Старлинк за Украина веќе е извршено преку приватната социјална мрежа Х без никаква јавна дискусија и без никаков парламентарен надзор. Од враќањето на Доналд Трамп на власт, Маск има широки овластувања. Што прави со Starlink е негова приватна одлука.Не е исклучено во одреден момент да го продадат проектот Starlink на оној што ќе понуди најмногу. Стратешки важен сателитски комуникациски систем може да падне во погрешни раце ако, на пример, тоталитарните држави или стратешките ривали би можеле да пристапат до оваа глобална мрежа. Украина и нејзините сојузници трескавично бараат воено остварливи алтернативи. Но, засега, сателитските комуникациски системи обезбедени од Шведска и Германија не можат да ја пополнат празнината што би се создала со исклучувањето на Starlink.Но, економските причини би можеле да играат улога и за бизнисменот Маск. Тој инвестираше многу во мрежата Starlink и не сака да ги исплаши оние кои би можеле да бидат заинтересирани за тоа во иднина.Во моментов, околу четири милиони луѓе користат Starlink. Моментално е достапен во Северна и Јужна Америка, Европа, делови од субсахарска и јужна Африка, некои азиски земји и Австралија и Нов Зеланд. Сателитскиот интернет Starlink е многу скап: самиот ресивер чини околу 400 евра, а месечната такса за користење е од 40 до 80 американски долари, во зависност од регионот.Starlink создава пристап до интернет со пренос на податоци преку светлина, како кабел со оптички влакна. Но, овој пренос е преку сателит. За таа цел, Илон Маск со години гради сателитска мрежа во која поединечни сателити си пренесуваат релевантни податоци еден на друг. Вселенската компанија на Маск, SpaceX, лансираше вкупно 7.770 сателити Starlink (податоци од 31 јануари 2025 година) во ниската орбита на Земјата од 2019 година. Целта е да се прошири мрежата до 42.000 сателити.За користење сателитски податоци, потребен е и уред за примање на Земјата, кој делува како рутер и ги поврзува уредите со најблискиот сателит. Ресиверот автоматски ја порамнува приемната антена, која е слична на сателитска ТВ антена, со достапниот сателит и потоа се воспоставува интернет конекција.

Свет | пред 1 година

Масовен напад врз украинската енергетска инфраструктура

Руските сили извршија моќен ракетен и беспилотен напад врз украинската енергетска и гасна инфраструктура, изјави украинскиот министер за енергетика Герман Галушченко.„Уште еднаш, енергетската и гасната инфраструктура во различни делови на Украина се најде под огромен оган од проектили и беспилотни летала“, напиша тој на Фејсбук.Тој додаде дека „спасувачките тимови и енергетските експерти прават се за да ја санираат штетата секаде каде што е можно. Се преземаат сите неопходни мерки за стабилизирање на снабдувањето со електрична енергија и гас“.Државната енергетска компанија „Нафтогас“ потврди дека се оштетени капацитетите за производство на природен гас, но за среќа, како што велат во соопштението, „нема жртви“. Синоќа регионалниот гувернер на Одеса извести дека дронови ја погодиле енергетската инфраструктура во пристанишниот град и предизвикале пожари. Нападот беше опишан како „масовен напад“

Свет | пред 1 година

Орбан за планот на ЕУ: Ова е рецепт за уништување на Европа

ЕУ не може да си дозволи да ги финансира воените напори на Украина, бидејќи американската финансиска помош повеќе не е загарантирана, изјави унгарскиот премиер Виктор Орбан откако лидерите на 26 земји од ЕУ, со исклучок на Унгарија, потпишаа изјава во која изразуваат поддршка за Украина. Орбан, сојузник на американскиот претседател Доналд Трамп, кој исто така негува врски со Москва, изјави за државното радио дека неговата влада во Унгарија ќе започне „јавна консултација“ за пристапот на Украина во Европската унија во наредните недели.Унгарскиот премиер, кој е на власт од 2010 година, ја започнува оваа национална политичка кампања бидејќи се соочува со избори во 2026 година, а економијата штотуку излегува од инфлаторна криза. Покрај тоа, тој се соочува со растечка нова опозициска партија која претставува најголем предизвик за неговото владеење досега. Европските лидери вчера ги поддржаа плановите за повеќе одбранбени трошоци и продолжија со Украина во светот потресен од пресвртот на американската политика на Доналд Трамп.Одбранбениот самит на Европската унија во Брисел се одржа поради стравувањата дека Русија, охрабрена од војната во Украина, би можела следно да нападне земја на ЕУ и дека Европа повеќе не може да се потпира на САД да и помогнат.Но, Орбан, кој од почетокот на војната одбива да испрати оружје во Украина и одржува блиски односи со Москва, рече дека наместо продолжување на војната, Европа треба да ги поддржи мировните преговори на Трамп. Тој рече дека начинот на кој ЕУ сега сака да ја поддржи Украина, додека истовремено ги зголемува европските трошоци за одбрана, ќе ја „уништи Европа“.„Ако САД сега се откажат (од финансирањето на војната)... како другите 26 земји-членки ќе имаат шанса да ја дочекаат оваа војна до крај?“, рече тојТој додаде дека начинот на кој ЕУ се обидува да ја поддржи Украина додека ги зголемува сопствените воени трошоци е „рецепт за уништување на Европа“.Трамп рече дека Европа мора да преземе поголема одговорност за својата безбедност. Во четвртокот, тој изрази сомневање за неговата подготвеност да ги брани сојузниците на Вашингтон во НАТО, велејќи дека нема да го стори тоа доколку тие не платат доволно за сопствената одбрана.Неговата одлука да се префрли од цврста американска поддршка за Украина на попомирувачки став кон Москва длабоко ги вознемири Европејците кои ја гледаат Русија како најголема закана.

Свет | пред 1 година

Пратеничките се скараа пред 8 март, министерката за финансии не сака да се извини

Пред осмомартовска кавга меѓу пратеничките. Во Клубот на пратенички кавга и несогласување за ставот за навредата на министерката Гордана Димитриеска-Кочоска кон пратеничката Славјанка Петровска.По седницата на Клубот на пратенички, на кој се постигна консензус за осуда на секоја форма на дискриминација врз жените од собраниската говорница, пратеничките од ВМРО-ДПМНЕ се предомислија и ја повлекоа согласноста за објава на реакцијата.Ова во изјава за медиумите го објави пратеничката Јована Тренчевска. Според неа пратеничките од мнозинството одлучиле да го премолчат неодамнешното однесување на министерката за финансии. А министерката за финанси и понатаму одбива да се извини за навредите кои од собраниската говорница на пратенички прашања ги упати кон пратеничката од СДСМ Славјанка Петровска. Димитриеска-Кочоска на пратеничката од СДСМ Славјанка Петровска, која го искористи законското право да постави пратеничко прашање на седницата во Собранието, наместо да ѝ одговори ѝ рече дека таа нема право во прашањата да спомнува мајки и семејства, за разлика од неа која е мажена и има два сина.Според министерката во јавноста се прави дефокус во однос на тоа што таа го кажала од говорницата и било лошо интерпретирано.„Воопшто немало тенденциозност, ниту некаква намера. За мене како што кажав, тоа е затворено, но би замолила една работа. Граѓаните да бидат стрпливи, да почекаат малку. Времето ќе покаже кој бил во право, а кој не бил и зошто се случуваше сето ова“, рече Димитриеска-Кочоска.Пратеничката Славјанка Петровска поднесе претставка до Комисијата за заштита од дискриминација за понижување и дискриминација по основ на брачен и семеен статус.

Македонија | пред 1 година