(Видео) Пациенти се изолираат во соба со влага - влеговме во кочанската болница...

Една година по трагедијата во дискотеката „Пулс“, кочанската болница останува симбол на запоставен систем – со влага, распаднати ѕидови и услови кои отвораат сериозни прашања за безбедноста на пациентите.И покрај најавите за реновирање, досега нема ниту конкретен план како ќе се одвива реконструкцијата, ниту временска рамка. Сликата од терен покажува соби со влага, нефункционални тоалети и ходници во лоша состојба.Собата за изолација, каде според в.д. директорката Катерина Паниќ–Мирчовска се лекуваат пациенти со потешки инфекции, е една од најкритичните точки.„Ова е соба за изолација и овие соби се соби каде што лежат пациенти со потешки инфекции. Во последниот период поретко ги користевме. Кај нив треба реновирање“, изјави в.д. директорката на болницата, доктор Катерина Паниќ–Мирчовска во „Претрес со Ландов“.Лошата состојба не е изолиран случај – слична слика има и во ходниците. Сепак, раководството признава дека тие нема да бидат приоритет.„Баш ходниците нема да им дадеме приоритет, бидејќи како што ви споменав имаме и нови специјалисти. Одделот за гинекологија исто така треба да добие нова апаратура“, посочи Паниќ–Мирчовска.Прашањето што се наметнува е – колку е стара опремата со која се работи?На забелешката дали апаратурата во одделот за Гинекологија е „од дедо Ное“, директорката одговори дека не станува збор за толку стара опрема, но призна дека има потреба од модернизација.Во делот на Итната медицинска помош, според директорката, има одреден напредок. Болницата располага со 11 тимови и четири возила, од кои три се набавени во последната година – сите преку донации. Истовремено, иако има повеќе тимови кои работат во една смена, има само едно куферче со ампуларна терапија.Погледнете ја кочанската болница одвнатре:

Студио | пред 1 седмица

Демократите го напаѓаат Трамп: „Ја изгуби контролата врз војната со Иран“

Американскиот претседател Доналд Трамп се соочува со сè поголем притисок од сопствената политичка сцена, откако сенаторот од редовите на демократите, Крис Марфи, оцени дека „ја изгубил контролата“ врз војната против Иран.Марфи, влијателен член на Комитетот за надворешни работи во Сенатот, изјави дека администрацијата влегла во „паничен режим“, додека конфликтот со Иран влегува во четвртата недела.Тој е дел од растечката група американски законодавци кои јавно ја критикуваат заедничката воена операција на САД и Израел, предупредувајќи дека ситуацијата излегува од контрола.„Ова е луда војна на Трамп“, изјави Марфи во претходни настапи, додавајќи дека последиците веќе се чувствуваат врз американската економија.Според него, наглиот раст на цените на горивата, како директен резултат на ескалацијата на конфликтот и тензиите околу Ормутскиот теснец, почнува да ја „стега“ економијата на САД.Критиките доаѓаат во момент кога Трамп повторно испрати остри закани кон Техеран, предупредувајќи дека ќе ги „збрише“ иранските електрани доколку не се отвори целосно Ормутскиот теснец за поморски сообраќај.Оваа реторика дополнително ја подгрева загриженоста дека конфликтот може да влезе во уште поопасна фаза, со потенцијални глобални последици – од енергетска криза до поширока регионална ескалација.Сè погласни се прашањата во Вашингтон – дали стратегијата на администрацијата има јасна цел, или ситуацијата веќе се движи кон неконтролирана ескалација.

Свет | пред 1 седмица

Обвинувања дека Сијарто „пренесувал во живо“ чувствителни разговори од ЕУ до Москва – унгариската опозиција го нарече „предавник“

Унгарскиот министер за надворешни работи Петер Сијарто се најде во центарот на жестока политичка полемика по тврдењата дека редовно контактирал со рускиот министер Сергеј Лавров меѓу состаноците на Советот на ЕУ, за да го информира за текот на дискусиите и за можните решенија што се разгледувале.Во извештајот се наведува дека Сијарто наводно давал „извештаи во живо“ за тоа што било кажано на состаноците, а европски безбедносен извор бил цитиран со оценка дека на тој начин Москва со години имала практично место „зад масата“ во рамки на чувствителни расправи на Унијата.Според истите наводи, владата на Виктор Орбан со години ѝ обезбедувала на Русија увид во деликатни теми што се дискутирале во ЕУ – не само преку контакти и политички канали, туку и преку инциденти поврзани со сајбер-напади и компромитирање на комуникациски системи. Во контекстот се спомнуваат изјави од повеќе сегашни и поранешни европски претставници, меѓу кои и поранешен функционер задолжен за сајбер-одбрана.Реакцијата во Будимпешта дојде од опозициската партија Тиса. Нејзиниот лидер Петер Маѓар, коментирајќи ги тврдењата, јавно го нарече Сијарто „предавник“ и оцени дека ваквото однесување претставува предавство не само на Унгарија, туку и на Европа.Полемиката се засилува во чувствителен политички момент за земјата: Унгарија се подготвува за парламентарни избори закажани за 12 април, а во јавноста циркулираат и други информации поврзани со безбедносни проценки и политичките тензии околу владејачката партија Фидес.Во меѓувреме, линијата на Будимпешта кон санкциите, војната во Украина и односите со Москва останува едно од најспорните прашања внатре во ЕУ, а новите обвинувања дополнително ја продлабочуваат недовербата меѓу унгарските власти и дел од европските партнери.

Свет | пред 1 седмица

Денес се Младенци: обичајот со „младенчиња“ и посната трпеза што се смета за клучна за среќен брак

Денес, се одбележува празникот Младенци, поврзан со споменот на Светите четириесет маченици и со стар обичај да се честита и дарува млад брачен пар што се венчал во изминатата година. Во народната традиција, токму младоста на страдалниците се врзува со пожелбата за здравје, слога и долг заеднички живот на новите сопружници.Во многу домови празникот се доживува како „слава“ на младите брачни парови: се примаат гости, се разменуваат честитки и се носат подароци што симболично треба да го олеснат секојдневието на семејството. Намерата не е раскош, туку добрина и поддршка – знак дека заедницата стои зад новиот дом.Најпрепознатливиот и најзачуван обичај е подготовката на обредните колачиња – „младенчиња“. Во традицијата, невестата ги подготвува и им ги подарува на гостите, а самите колачиња се сметаат за симбол на сладок, среќен и долготраен живот во брак.Бидејќи Младенци секогаш паѓаат во периодот на Велигденскиот пост, трпезата што се подготвува за гости, според обичајот, треба да биде посна. Во народното верување, посната гозба се врзува со желбата за здравје и напредок на младите сопружници и нивните идни деца, па токму овој „услов“ се смета за еден од најважните детали на празникот.Со празникот се поврзува и старо набљудување на природата: според верувањето, времето на Младенци навестува какво ќе биде времето во текот на пролетта. Во обичајниот календар, пак, овој ден се врзува и со првото користење „младо“ зеленило – мед, варена коприва и зелје – како симболичен повик за обновување и сила по зимата.

Магазин | пред 1 седмица

Масакр во Судан: Напад на болница однесе 64 животи, меѓу нив и деца

Најмалку 64 лица, меѓу кои 13 деца, загинаа во напад врз болница во Судан, додека 89 се повредени, соопшти Светската здравствена организација (СЗО), оценувајќи дека станува збор за уште еден тежок удар врз здравствениот систем во земјата разорена од војна.Нападната била Наставната болница во Ел-Даеин, главниот град на Источен Дарфур. Меѓу жртвите има и медицински персонал – две медицински сестри и еден лекар, како и пациенти кои во моментот биле на лекување.Според СЗО, во нападот биле сериозно оштетени педијатрискиот, породилниот и одделот за итна помош.„Доста е пролевање крв. Доста е нанесена болка. Здравствената грижа никогаш не смее да биде цел“, порача директорот на СЗО, Тедрос Аданом Гебрејесус, повикувајќи на итна деескалација и заштита на цивилите и здравствените работници.Невладината организација „Emergency Lawyers“, која го следи конфликтот, наведува дека нападот бил директно насочен кон болницата.Судан веќе речиси три години е во брутален конфликт меѓу армијата и паравоените Сили за брза поддршка (RSF), а болниците, училиштата и станбените области сè почесто стануваат мета на напади, вклучително и со дронови.Според податоците на СЗО, од почетокот на војната досега се регистрирани најмалку 213 напади врз здравствени објекти, при што загинале 2.036 лица, а над 720 се повредени.Дарфур останува едно од најжестоките жаришта, каде контролата е поделена меѓу војската и паравоените формации, а цивилното население ја плаќа највисоката цена.Обединетите нации веќе ја оценија ситуацијата во Судан како најтешка хуманитарна криза во светот.

Свет | пред 1 седмица

Дневник од врвот на Иран: Син на претседателот открива паника, поделби и страв во државниот врв

Додека Иран влегува во четвртата недела од војната со САД и Израел, од внатрешноста на системот излегуваат ретки и искрени сведоштва – преку дневникот што го води синот на претседателот, Јусеф Пезешкијан.Во записите објавени на социјалните мрежи, 44-годишниот советник на претседателот нуди невообичаен увид во атмосферата зад затворените врати – далеку од официјалниот наратив на пркос и контрола.„Мислам дека некои политичари паничат“, пишува тој во еден од првите денови од војната, додавајќи дека народот покажува поголема издржливост од дел од политичкиот врв.Дневникот открива и длабоки несогласувања во раководството. Клучното прашање, според него, е – колку долго да трае војната.„Дали да се бориме засекогаш? Додека Иран не стане рушевина? Мора да ги разгледаме сите сценарија“, наведува Пезешкијан.Во меѓувреме, серијата таргетирани ликвидации од страна на САД и Израел го потресе врвот на иранската власт. Убиствата на високи функционери ја отворија дилемата – кој навистина управува со државата.Според повеќе извори, управувањето е префрлено на неформален колективен модел, во кој клучна улога имаат командантите на Исламската револуционерна гарда, додека цивилното раководство се занимава со оперативното функционирање.Отсуството на јавни појавувања на новиот врховен лидер дополнително ги засилува сомнежите за стабилноста на системот.Пезешкијан во дневникот не го крие ниту личниот страв – за својот татко, за семејството, но и за иднината на државата. Во еден од најинтимните записи признава дека, по речиси три недели војна, конечно „се скршил и плачел“.Паралелно со високата политика, неговите записи се мешавина од секојдневие и војна – од играње со децата и семејни моменти, до страв од можни атентати и сомнежи дека дури и обични покани можат да бидат замка.Особено загрижувачки е делот каде предупредува дека нападите врз американски бази во арапски земји можат да се свртат против Иран и да го изолираат дополнително.„Тажно е што за да се браниме, мора да напаѓаме во пријателски земји“, пишува тој.И покрај официјалната реторика за контрола и отпор, дневникот открива нешто сосема друго – систем под притисок, со внатрешни пукнатини, страв и неизвесност.Прашањето што останува е – дали ваквата структура може да издржи долгорочен конфликт или токму внатрешните слабости ќе бидат пресудни.

Свет | пред 1 седмица

Иран: Ормутскиот теснец е отворен – но не и за „непријателите“

Иран повторно испрати порака дека клучниот поморски коридор – Ормутскиот теснец – формално останува отворен за меѓународен сообраќај, но не и за бродови поврзани со, како што наведуваат, „непријателите на Иран“.Иранскиот претставник во Меѓународната поморска организација (ИМО), Али Мусави, изјави дека пловидбата е можна, но само со претходна координација со Техеран и во рамки на безбедносни аранжмани.Пораката доаѓа во момент на зголемени тензии, откако американскиот претседател Доналд Трамп му даде рок од 48 часа на Иран „целосно да го отвори“ теснецот за поморски сообраќај.Според иранската агенција Мехр, Мусави истакнал дека Техеран е подготвен за соработка со ИМО со цел да се обезбеди безбедноста на поморскиот транспорт, но нагласил дека дипломатските напори зависат од прекин на нападите и градење меѓусебна доверба.„Дипломатијата останува приоритет, но поважен е целосен прекин на агресијата“, изјавил Мусави.Во меѓувреме, безбедносни експерти од британскиот Центар за поморски трговски операции регистрирале најмалку 26 инциденти во регионот од почетокот на конфликтот, што укажува дека Ормутскиот теснец станува алатка за геополитички притисок.Токму ваквата ситуација веќе има директни последици врз глобалниот пазар, со раст на цените на енергенсите и зголемена неизвесност во меѓународната трговија.

Свет | пред 1 седмица

АХВ запре 50 тони небезбедна храна: Мелено месо од Парагвај и ореви од Казахстан вратени од граница

Агенцијата за храна и ветеринарство (АХВ) спречи увоз на вкупно 50 тони небезбедна храна која требало да заврши на македонскиот пазар, по контроли спроведени на граничните премини.Официјалните ветеринари на граничниот премин Ќафасан забраниле влез на 27 тони говедско мелено месо со потекло од Парагвај. По извршената проверка во информативниот систем на АХВ и увид во увозната документација, било утврдено дека месото потекнува од објект кој не е одобрен од Агенцијата, со што не се исполнети основните безбедносни стандарди за увоз.Од АХВ посочуваат дека ваквите неправилности отвораат сомнеж за здравствената исправност на производот и претставуваат потенцијален ризик за потрошувачите, поради што е донесена одлука за забрана за негово пласирање на пазарот.Покрај ова, инспекторите за храна минатата недела спречиле и увоз на пратка од 22 тони ореви од Казахстан. Причина за забраната биле несоодветно означување и отстапки од пропишаните критериуми за квалитет и безбедност. Целата количина е вратена во земјата на потекло.Од Агенцијата најавуваат дека контролите ќе продолжат со засилено темпо, со цел да се спречи внесување на небезбедни производи во земјата.„Апелираме до увозниците строго да ги почитуваат законските регулативи и стандардите, бидејќи здравјето на граѓаните останува врвен приоритет“, порачуваат од АХВ.

Македонија | пред 1 седмица

И по една година без епилог: Предистрагата за следењето на Мицкоски и медиуми сè уште тапка во место

И по речиси една година од поднесувањето на известувањата од АНБ до Обвинителството за гонење организиран криминал и коруцпија, предметот за незаконско следење на тогашниот опозициски лидер, а сега премиер Христијан Мицкоски, како и на повеќе медиумски работници, сè уште е заглавен во предистражна постапка.Од Основното јавно обвинителство за гонење организиран криминал и корупција за „Скопје1“ велат дека се прибираат податоци и се проверуваат наводите, но не откриваат дали има осомничени лица, ниту дали се опфатени оперативци или поранешни директори.„Предметот се наоѓа во фаза на предистражна постапка. Се преземаат дејствија за проверка на наводите во пријавите и прибирање на потребните податоци и докази. Во интерес на постапката и законските ограничувања, во оваа фаза не можеме да споделиме информации за евентуален статус на лица“, велат од Обвинителството.Во јавноста, пак, веќе подолго време се отвора прашањето дали институциите намерно одолговлекуваат, особено по информациите дека за физичко следење на лица понекогаш била доволна само една службена белешка со неточни податоци.Според сознанија од Агенцијата за национална безбедност, под раководство на директорот Бојан Христовски, до Обвинителството биле доставени три известувања за сомнежи против поранешен директор и група вработени. Станува збор за периодот од 2019 до 2024 година, кога, според истите извори, биле следени тогашниот опозициски лидер Мицкоски, новинари, медиуми, но и јавен обвинител за кој се пишуваше дека е Вилма Русковска и министер од тогашната власт.Внатрешната истрага во АНБ утврдила дека биле формирани предмети за оперативни обработки на новинари и медиуми, со цел влијание врз политичките процеси, при што под надзор биле ставени и нивните контакти.Покрај тоа од АНБ, биле констатирани сериозни злоупотреби – незаконско следење на комуникации, користење на ресурси на Агенцијата за приватни цели, како и намерно одолговлекување на безбедносни проверки, меѓу кои и за пратеник од тогашната опозиција.Во периодот на кој се однесуваат наводите, со АНБ раководеле Виктор Димовски и Заре Милошевски.И покрај сериозноста на наводите и опфатот на случајот, одговорот од институциите засега останува ист – предистрага, без рокови, без одговорност и без јасен сигнал дали некој ќе сноси последици.

Македонија | пред 1 седмица

Словенија гласа на 10. парламентарни избори: тесна трка меѓу Голоб и Јанша во сенка на меѓународни тензии

Словенија денес,, ги одржува десеттите парламентарни избори од осамостојувањето, со очекувања за исклучително тесна трка меѓу либералното движење на премиерот Роберт Голоб и партијата на поранешниот премиер Јанез Јанша. Кампањата, според оценките на аналитичарите, беше силно обликувана од меѓународниот контекст, што дополнително ја заостри поделбата меѓу двата политички блока.Право на глас имаат 1.698.352 избирачи, а гласањето се одвива од 7 до 19 часот. Во трката за 90 пратенички места се натпреваруваат 1.185 кандидати, распоредени на 17 листи, од кои 15 се присутни во сите осум изборни единици. Првите неофицијални резултати се очекуваат доцна вечерва или во понеделник навечер.Анкетите во последните денови покажуваат дека Словенечката демократска партија (СДС) на Јанша и Движењето за слобода на Голоб се практично изедначени. Аналитичарите наведуваат дека разликите се во рамки на статистичката грешка, а дека Голоб ја намалил предноста на противникот преку мерки насочени кон граѓанскиот стандард, меѓу кои се споменува и зголемување на пензиите, но и преку позиционирање во надворешната политика.Во фокусот на изборната дебата се најде и односот кон глобалните кризи. Под водство на Голоб, Словенија се вбројува меѓу ретките земји на ЕУ што израелската воена кампања во Газа ја оцени како геноцид, став што предизвика силни реакции и ја подигна надворешнополитичката температура во кампањата.Последните денови пред гласањето беа одбележани и со аферата „Црна коцка“, именувана по израелска разузнавачка компанија за која постојат сомнежи дека стои зад објавување видеоснимки од скриени камери на интернет, кои сугерираат корупција во рамки на власта. Јанша призна средба со еден од раководителите поврзани со случајот, но негираше вмешаност во објавувањето на снимките.„Словенечкиот граѓанин мора да биде на прво место, а не Палестина, а не нелегалните мигранти“, изјави Јанша за време на телевизиска дебата во петокот навечер.Аналитичарите предупредуваат дека евентуална победа на Јанша би можела да донесе поостар, „нелиберален“ сврт во политика на земјата од околу 2,1 милион жители, во време кога национализмот повторно добива простор во делови од Европа. Во кампањата, Јанша најавуваше „враќање кон словенечките вредности“, со посебен акцент на традиционалното семејство, како и ограничување на јавните средства за одредени невладини организации.Од другата страна, Голоб настапуваше со порака за „Словенија под сонцето на слободата“, нагласувајќи социјална вклученост и политики што веќе ја обележаа неговата коалиција од центар-лево. Во надворешната политика тој остро го критикуваше рускиот напад врз Украина, што е една од ретките точки на согласување со Јанша, додека кампањата допре и до теми поврзани со пошироки геополитички амбиции и притисоци.Овие избори доаѓаат четири години по последното парламентарно гласање, одржано на 24 април 2022 година, кога Голоб извојува убедлива победа како тогашен политички новајлија. Денес, Словенија повторно е пред одлука што ќе ја одреди насоката на земјата – меѓу континуитет на центар-левиот курс и можно враќање на тврдата конзервативна агенда.

Свет | пред 1 седмица

Јапонија размислува за воена мисија во Ормутскиот Теснец – но само по прекин на огнот

Јапонија би можела да разгледа испраќање на свои сили за расчистување на поморски мини во Ормутскиот Теснец, но само доколку се воспостави целосен прекин на огнот во конфликтот меѓу САД, Израел и Иран.Ова го изјави јапонскиот министер за надворешни работи Тошимицу Мотеги, нагласувајќи дека станува збор за хипотетичко сценарио.„Доколку дојде до целосен прекин на огнот, тогаш би можеле да се појават активности како расчистување на мини. Ако тие претставуваат пречка за поморскиот сообраќај, тоа е нешто што треба да се разгледа“, изјави Мотеги.Јапонија е силно зависна од Ормутскиот Теснец, преку кој добива околу 90 проценти од своите нафтени испораки. Затоа безбедноста на овој теснец има директно влијание врз нејзината економија и енергетска стабилност.Сепак, јапонските воени активности во странство се строго ограничени со пацифистичкиот устав по Втората светска војна. Законските измени од 2015 година дозволуваат ангажман на силите за самоодбрана само во исклучителни случаи кога е загрозен опстанокот на државата или не постои друга алтернатива.Во меѓувреме, Токио нема конкретни планови за посебни договори со кои би се обезбедил премин за јапонски бродови низ теснецот, туку инсистира на создавање услови за безбедна пловидба за сите.Изјавите доаѓаат во момент кога САД вршат притисок врз сојузниците да се вклучат во обезбедувањето на теснецот, додека Иран сигнализира дека е подготвен за ограничена соработка под одредени услови.Ормутскиот Теснец, низ кој минува околу една петтина од светската трговија со нафта, останува клучна геостратешка точка во тековниот конфликт.

Свет | пред 1 седмица

Иран се закани: Ако САД нападнат, ќе таргетираме енергетска и водна инфраструктура во регионот

Иран најави дека ќе ги таргетира енергетските капацитети и постројките за десалинизација во регионот доколку САД ги реализираат заканите за уништување на иранските електрани.Во изјава пренесена од државната агенција, портпаролот на оперативната команда на иранската војска „Хатам ал-Анбија“ порача дека одговорот ќе биде директен и широк.„Ако непријателот ја нападне иранската нафтена и енергетска инфраструктура, цел ќе бидат сите енергетски, информативни и постројки за десалинизација што им припаѓаат на САД и на режимот во регионот“, изјави тој, без да прецизира на кој „режим“ се однесува.Заканата доаѓа по ултиматумот од американскиот претседател Доналд Трамп, кој му даде рок од 48 часа на Техеран да го отвори Ормутскиот Теснец за поморски сообраќај, во спротивно ќе следува уништување на иранските електрани.Ескалацијата следи по иранските ракетни напади врз југот на Израел, при што беа погодени градовите Арад и Димона – вториот во близина на стратешки нуклеарен истражувачки центар. Во нападите беа повредени повеќе од 100 лица, од кои дел со тешки повреди, а причинета е значителна материјална штета.Иако не станува збор за најсмртоносен напад, неговиот обем и ефектот врз инфраструктурата го прават еден од најсериозните досега во текот на конфликтот.Заканата со напади врз постројки за десалинизација дополнително ја зголемува загриженоста, имајќи предвид дека токму тие капацитети се клучни за снабдување со вода во голем дел од земјите во Персискиот Залив.

Свет | пред 1 седмица

Сончево со умерена облачност денес, утре можен локален дожд

Времето денеска ќе биде сончево со мала до умерена облачност, информираат од Управата за хидрометеоролошки работи. Во текот на денот наместа ќе има преодно зголемување на облачноста, а ќе дува слаб до умерен ветер од северен правец.Во Скопје, времето ќе биде сончево со мала до умерена облачност, проследено со слаб ветер од северен правец. Температурата ќе достигне до 15 степени, атмосферскиот притисок изнесува 976 хектопаскали, влажноста на воздухот е 30 проценти, а брзината на ветерот околу 3 метри во секунда.Утре времето ќе биде променливо облачно со сончеви периоди, а во попладневните часови наместа ќе има услови за појава на слаб локален дожд. Ќе дува слаб до умерен ветер од северен правец.Во главниот град утре се очекува слично време – променливо облачно со сончеви периоди и слаб до умерен северен ветер.

Македонија | пред 1 седмица

Берзите паѓаат третa неделa: нафтата ја турка економијата во неизвесност

Светските берзи бележат остар пад трет последователен неделен циклус, под притисок на наглиот раст на цените на нафтата и стравувањата од нов инфлаторен бран кој би ги принудил централните банки повторно да ги заострат каматните политики.На Волстрит, индексот Dow Jones падна за 2,1 отсто, S&P 500 се намали за 1,9 проценти, додека Nasdaq загуби исто така 2,1 отсто. S&P 500 во петокот се спушти на најниско ниво од септември минатата година, што дополнително ја нагласува нестабилноста на пазарите.Клучниот фактор зад падот е ескалацијата на конфликтот на Блискиот Исток, каде што војната меѓу САД, Израел и Иран влегува во четврта недела без јасни знаци за деескалација. Според аналитичарите, пазарите веќе ја вградуваат можноста за долготраен конфликт.„Пазарот конечно сфати дека војната може да трае значително подолго од очекуваното – неколку недели, но и месеци“, изјави Џејк Долархид, директор во инвестициската компанија „Лонгбоу Асет Менаџмент“.Дополнителен притисок врз берзите создава и скокот на цените на нафтата, кои од почетокот на конфликтот се зголемени за околу 50 проценти. Причина за тоа се и нарушувањата во транспортот преку Ормутскиот Теснец – клучна рута за глобалната нафтена трговија.Растот на цените на енергенсите директно ги зголемува инфлаторните очекувања. Претседателот на американската централна банка, Џером Пауел, предупреди дека е неизвесно како конфликтот ќе влијае врз економијата, но дека веќе се забележува раст на инфлациските притисоци.Федералните резерви засега ги задржаа каматните стапки во опсег од 3,5 до 3,75 проценти, но инвеститорите сè повеќе ги губат надежите за нивно намалување во текот на годинава – што претходно беше главен двигател на растот на пазарите.Комбинацијата од геополитичка нестабилност, скапа енергија и неизвесна монетарна политика создава притисок врз глобалните финансиски пазари, кои влегуваат во сè понеизвесен период.

Свет | пред 1 седмица

Иран: Подготвени сме за соработка околу Ормутскиот Теснец

Иран соопшти дека е подготвен да соработува со Меѓународната поморска организација за зголемување на безбедноста во Персискиот Залив и заштита на поморците, но истовремено постави јасни услови за движењето низ Ормутскиот Теснец.Иранскиот претставник Али Мусави изјави дека теснецот останува отворен за поморски сообраќај, но не и за бродови поврзани со, како што ги нарече, „непријателите на Иран“. Според него, преминот е возможен, но само доколку постои координација со Техеран и се почитуваат безбедносните аранжмани.„Дипломатијата останува приоритет за Иран, но клучно е целосно запирање на агресијата и воспоставување меѓусебна доверба“, изјави Мусави.Тој додаде дека актуелната криза во Ормутскиот Теснец е директна последица на, како што рече, нападите на САД и Израел врз Иран.Ормутскиот Теснец, низ кој минува значителен дел од светската нафта, останува една од најкритичните точки во глобалната енергетска и безбедносна архитектура.

Свет | пред 1 седмица

Иран со балистички ракети го напаѓа Заливот, Израел возвраќа со удари во срцето на Техеран

Ескалацијата на конфликтот на Блискиот Исток продолжува со нов бран напади – Иран лансира балистички ракети и дронови кон земјите од Заливот, додека Израел соопшти дека изведува воздушни удари во центарот на Техеран.Министерството за одбрана на Обединетите Арапски Емирати информираше дека нивната противвоздушна одбрана пресретнува ракети и дронови кои доаѓаат од Иран. Властите нагласија дека звуците што ги слушаат граѓаните се резултат на активните пресретнувања.Во исто време, Саудиска Арабија соопшти дека кон Ријад биле лансирани три балистички ракети. Една од нив била пресретната, додека останатите паднале во ненаселени подрачја. Дополнително, во текот на ноќта биле соборени и пет дронови.Заливските држави од почетокот на конфликтот се мета на ирански напади, кои Техеран ги оправдува како одмазда за американско-израелската офанзива.Од друга страна, израелската армија соопшти дека спроведува напади „во срцето на Техеран“, еден ден по силните ирански удари врз југот на Израел. Во нападите врз градовите Арад и Димона биле повредени повеќе од 100 лица, меѓу кои и деца, а причинета е значителна материјална штета.И покрај близината на Димона до стратешкиот нуклеарен истражувачки центар, Меѓународната агенција за атомска енергија соопшти дека нема индикации за оштетување на објектот.Конфликтот влегува во нова, поопасна фаза, со директни напади врз повеќе држави и растечки ризик од регионална дестабилизација.

Свет | пред 1 седмица

Зеленски: „Никому не му треба војна, особено сега“ – продолжуваат разговорите со САД

Претседателот на Украина, Володимир Зеленски, порача дека „никој не ја посакува војната, особено сега“, нагласувајќи дека е клучно да продолжи дипломатијата во обидите за завршување на руската агресија врз Украина.Според неговата изјава, украинската делегација во саботата одржала средба со претставници на Соединетите Американски Држави, а разговорите треба да продолжат и денес. Зеленски во своето видео-обраќање истакнал дека за целиот свет е важно дипломатските канали да останат отворени и активни.Украинскиот лидер посочи дека суштинското прашање е да се разбере до каде е подготвена да оди руската страна за навистина да се дојде до крај на војната, и дали тоа би се направило „чесно и достоинствено“.Во истиот контекст, Зеленски оцени дека моментот е дополнително чувствителен бидејќи, како што рече, геополитичките проблеми се зголемуваат поради актуелната иранска ситуација, што ја прави потребата од деескалација и дипломатски напредок уште поитна.Во веста се наведува дека украинската делегација пристигнала во Мајами, Флорида, за средби со американски претставници. Во составот на украинскиот тим се споменуваат високи функционери од безбедносниот и политичкиот врв, додека од американска страна се најавуваат претставници блиски до Белата куќа.

Свет | пред 1 седмица

Зара Ларсон изгубила договор вреден три милиони долари поради шега за абортус: „Баш ми е гајле“

Шведската пејачка Зара Ларсон откри дека изгубила договор вреден три милиони долари откако на социјалните мрежи објавила коментар поврзан со абортус, кој предизвика бурни реакции и поделени мислења во јавноста.Контроверзијата започнала по видео објавено од обожавателка на ТикТок, која напишала дека присуствувала на концерт на Ларсон без да знае дека е бремена, додавајќи дека нејзиното бебе „ја слушнало песната пред да абортира“. На ова, Ларсон одговорила со игра на зборови, која дел од публиката ја оцени како несоодветна и навредлива.Во видео кое се прошири на интернет, пејачката потврди дека поради тој коментар изгубила комерцијален ангажман вреден три милиони долари. Таа нагласи дека не жали за својата изјава и дека стои зад својот став.„Ако не се согласувате со тоа дека жените треба да имаат право на абортус или дека за тоа може да се зборува и на поинаков начин, тогаш едноставно не сме еден за друг како партнери“, изјави Ларсон.Таа додаде дека критиките на социјалните мрежи не ја погодуваат и дека е целосно сигурна во своите ставови, и покрај финансиските последици.Реакциите во јавноста се поделени. Дел од обожавателите ѝ дадоа поддршка, оценувајќи дека станува збор за право на личен став и слобода на изразување, додека други сметаат дека ваквиот тон и начин на комуникација се непромислени и можат да предизвикаат дополнителни тензии околу чувствителни општествени теми.Случајот повторно ја отвори дебатата за границите на јавниот говор, особено кога станува збор за познати личности и теми како што е абортусот, кои предизвикуваат силни реакции во јавноста и директно влијаат врз нивните професионални ангажмани.

Магазин | пред 1 седмица

Ќерката на Џуд Ло расплакана по средба со Чапел Роан во Бразил, реагираше и градоначалникот на Рио

Поп-ѕвездата Чапел Роан се најде во центарот на контроверзија во Бразил, откако фудбалерот Жоржињо јавно обвини дека обезбедувањето на пејачката агресивно се однесувало кон неговата 11-годишна Ада Ло, ќерка на актерот Џуд Ло, по случајна средба во хотел во Сао Паоло. Инцидентот, според неговата објава, завршил со тоа што девојчето било расплакано.Жоржињо, кој е во брак со Кетрин Хардинг, поранешна партнерка на Џуд Ло и мајка на Ада, објави дека девојчето било возбудено што ќе ја види пејачката, која престојувала во Бразил поради настап на фестивалот „Лолапалуза Бразил“. Според неговата верзија, Ада само поминала покрај масата, се насмевнала и се вратила кај мајка ѝ, без да ѝ се обрати или да побара фотографија. Потоа, како што тврди Жоржињо, крупен член на обезбедувањето им пришол на масата и со агресивен тон ги обвинил дека ја вознемируваат пејачката, па дури и се заканил дека ќе ги пријави во хотелот.Фудбалерот оцени дека реакцијата била целосно непримерна и дека неговата поќерка останала длабоко потресена. Во својата порака тој нагласи дека станува збор за дете кое едноставно ѝ се восхитувало на уметница, а не за вознемирување. Истовремено, Кетрин Хардинг ја споделила неговата објава, заедно со фотографија од транспарентот што девојчето го подготвило за Роан.Од таборот на Чапел Роан засега нема официјален одговор. Според извештаите, претставниците на пејачката не одговориле веднаш на барањата за коментар.Случајот доби и политичка димензија во Бразил. Актуелниот градоначалник на Рио де Жанеиро, Едуардо Кавалиере, јавно порача дека Чапел Роан нема да настапува на настанот „Тодо Мундо но Рио“ додека тој е на функција, а воедно ја покани Ада како почесна гостинка на мајската организација. Официјалната страница на градот потврдува дека Кавалиере ја презел функцијата градоначалник, а повеќе медиуми ја пренесоа и неговата јавна реакција по случајот.Контроверзијата дополнително се надоврзува на претходните ставови на Чапел Роан за границите меѓу јавниот живот и приватноста. Таа и претходно јавно се жалеше на, како што ги нарекуваше, „морничави“ и наметливи однесувања од дел од обожавателите, нагласувајќи дека успехот не значи обврска за постојана достапност надвор од сцената и професионалните ангажмани.Засега останува збор против збор: Жоржињо изнесе тешки обвинувања за однесувањето на обезбедувањето, но без јавен одговор од пејачката или нејзиниот тим, случајот сè уште нема целосно расчистена слика. Сепак, реакциите на социјалните мрежи и вклучувањето на јавни личности покажуваат дека приказната веќе излезе далеку надвор од рамките на обичен естраден инцидент.

Магазин | пред 1 седмица

„Зошто ви се поклони за мајмун? Зошто имаме ваков клептоманско пакосен менталитет?“

Кражбата на подароците наменети за мајмунот Мики во Зоолошката градина во Скопје предизвика бурни реакции во јавноста, а меѓу најгласните е и инфлуенсерката и критичарка Ина Многуфина, која остро го осуди однесувањето на посетителите.„Зошто ви се поклони за мајмун? Зошто имаме ваков клептоманско пакосен менталитет? Да земе од негде, да се уништи нешто заедничко, да се украде, да се напакости. Мајмунче добило поклончиња, му ги украле. Што е со вас?Каков пример давате на децана што ги носите во ЗОО? Затоа сме тука, идиоти ќе кршат дрвца засадени, садници крадат од булевари, дечишта без родителска грижа кршат игралишта...зошто? Зошто ако сте несреќни не работите на себе туку сакате да се посерете на сечија среќа? Како тоа имаш еден живот и решаваш да го живееш во пакост и гнасотии? Мизерии луѓе само да се граба нешто. Зошто ви се поклони за мајмун, озбилно? Ве влече Дарвин на корените?“, напиша таа.

Коментари | пред 1 седмица

Техеран му возврати на Трамп: „Ќе ве научиме едноставна лекција“

Иран остро реагираше на изјавите на американскиот претседател Доналд Трамп за можноста за намалување на воените операции, оценувајќи дека тие не ја одразуваат реалната состојба на терен.Неименуван ирански функционер, цитиран од државните медиуми, изјави дека Техеран не им верува на пораките од Вашингтон и дека не гледа никаква конкретна промена во американските воени активности во регионот.„Она што го најавува Трамп не се совпаѓа со реалноста. Затоа заклучивме дека е време да му одржиме една едноставна лекција“, изјавил функционерот.Реакцијата доаѓа по контрадикторните пораки од Трамп, кој најпрво најави можност за постепено намалување на воените операции, но потоа порача дека не сака примирје со Иран. „Не склучувате примирје кога ја уништувате другата страна“, изјави тој.Изјавите дополнително ја подгреваат реториката меѓу двете страни во момент кога конфликтот на Блискиот Исток влегува во нова фаза на ескалација.

Свет | пред 1 седмица

Иран повторно испорачува гас за Ирак, но далеку под договореното

Иран повторно ја воспостави испораката на природен гас кон Ирак, откако таа беше прекината по израелскиот напад врз главното гасно поле Јужен Парс. Според ирачкото Министерство за електрична енергија, испораките од саботата достигнуваат околу пет милиони кубни метри дневно.Сепак, ова количество е значително под договорените 50 милиони кубни метри, што укажува дека иранската инфраструктура сè уште не функционира со полн капацитет. Ирачките власти информираат дека испораките постепено ќе се зголемуваат, но без конкретен рок и без детали за степенот на оштетувањата на гасните постројки.„По обновувањето на испораките на ирански гас, националната електроенергетска мрежа бележи стабилно производство од 14.000 мегавати“, изјави Ахмед Муса, портпарол на министерството.Прекинот на снабдувањето директно влијаеше врз ирачкиот енергетски систем, кој во голема мера зависи од увоз на гас од Иран за производство на електрична енергија. Обновувањето на испораките доаѓа во момент на зголемени тензии во регионот, каде што енергетската инфраструктура станува една од клучните цели во конфликтот.

Свет | пред 1 седмица

Иран одбива примирје: Техеран бара траен крај на војната со гаранции

Иран нема да прифати прекин на огнот, туку бара целосен и траен крај на војната со САД и Израел, изјави министерот за надворешни работи Абас Арагчи во интервју за јапонска новинска агенција.Тој нагласи дека Техеран не гледа решение во привремено примирје, туку инсистира на долгорочни гаранции дека конфликтот нема да се повтори. „Ова не е нашата војна, туку војна што ни е наметната. Станува збор за незаконит и неоправдан чин на агресија“, изјави Арагчи.Според него, Иран ќе продолжи со, како што рече, „самоодбрана“ сè додека тоа е потребно, нагласувајќи дека земјата нема намера да запре со активностите без јасен и конечен исход.„Не прифаќаме примирје затоа што не сакаме да се повтори сценариото од минатата година. Војната мора да заврши целосно и трајно, со гаранции дека ваква ситуација нема повторно да се случи“, порача шефот на иранската дипломатија.Изјавата доаѓа во момент на засилени тензии на Блискиот Исток, каде што конфликтот меѓу Иран, САД и Израел се продлабочува, а дипломатските обиди за деескалација засега не даваат резултат.

Свет | пред 1 седмица

Руски напад со дронови ја остави речиси цела Черниговска област без струја

Поголемиот дел од северната украинска област Чернигов остана без електрична енергија по руски напад со дронови, соопшти регионалниот гувернер Вјачеслав Чаус. Екипите се на терен и работат на санирање на штетите, додека властите предупредуваат на сериозни последици врз функционирањето на регионот.Според локалните власти, главниот град Чернигов е целосно без струја. Областа, која се граничи со Русија и Белорусија, пред почетокот на војната имала близу еден милион жители, што ја прави една од клучните во однос на инфраструктурата и безбедноста.Русија во текот на војната систематски ја таргетира украинската енергетска инфраструктура, што резултира со чести и долготрајни прекини на електричната енергија низ целата земја, особено во зимските месеци. Овие напади дополнително го отежнуваат секојдневниот живот на граѓаните и функционирањето на институциите.Во меѓувреме, финансиската поддршка од Европската Унија, која е клучна за стабилизација на системот, се соочува со политички блокади. Иако беше договорен пакет помош вреден 90 милијарди евра, неговата исплата е стопирана поради вето од унгарскиот премиер Виктор Орбан.Од Брисел се бараат алтернативни механизми за обезбедување средства за Киев, додека украинските власти предупредуваат дека навремената финансиска поддршка е клучна за одржување на државниот систем и одбраната, во услови на продолжената војна.

Свет | пред 1 седмица

Дронови ја нападнаа американската база „Виктори“ во Ирак, НАТО сојузниците започнуваат со повлекување

Најмалку четири дронови ја нападнале американската воена база „Виктори“ во близина на Багдад, при што во текот на ноќта и раните утрински часови одекнале силни експлозии. Засега нема официјални информации за жртви, но според првичните податоци, еден од дроновите погодил заден влез од базата и предизвикал пожар.Друг дрон паднал во рамките на комплексот, додека трет, според извештаите, испукал граната од ракетен фрлач – потег што се оценува како сериозна ескалација на нападите врз американските сили во регионот. Се претпоставува дека беспилотните летала биле лансирани од подрачјата Абу Граиб и Дора, што дополнително ја зголемува загриженоста за безбедноста околу ирачката престолнина.Нападите не се изолирани само на Багдад. Слични инциденти се регистрирани и во северниот дел на Ирак, како и во Ербил, што укажува на ширење на конфликтот надвор од главните жаришта. Во меѓувреме, американските сили возвратиле со напади врз позиции на ирачките Народни мобилизациски сили, со што се отвора двонасочен фронт на теренот.Во ваква ескалирачка безбедносна ситуација, дел од НАТО сојузниците започнале повлекување на своите сили од Ирак. Според дипломатски и безбедносни извори, доминира ставот дека станува збор за поширок регионален конфликт во кој тие не сакаат директно да се вклучат, особено поради зголемените ризици за нивните војници и ниската поддршка во домашната јавност.

Свет | пред 1 седмица