Трамп: НАТО падна на тестот, бев во право, кукавици

Американскиот претседател Доналд Трамп оцени дека актуелниот конфликт со Иран претставувал „голем тест“ за НАТО, тврдејќи дека на овој начин се потврдиле неговите долгогодишни критики за нерамномерното учество на сојузниците.Во интервју за „МС НОУ“, Трамп изјави дека не е задоволен од одбивањето на европските земји да се вклучат во обезбедување на поморските рути во Ормускиот теснец, нагласувајќи дека САД со години носеле најголем товар во рамки на Алијансата.„Додека јас не дојдов, ние плаќавме 100 проценти од НАТО. Секогаш велев дека тоа е еднонасочна улица. Кога ним им треба нешто, ние сме тука. Но кога нам ни треба, нив ги нема. Се покажа дека бев во право. Ова беше голем тест“, рече Трамп.Тој дополнително ги критикуваше сојузниците и преку социјалните мрежи, нарекувајќи ги „кукавици“ поради одбивањето да учествуваат во операциите за заштита на бродовите од ирански напади.Во интервјуто, Трамп се осврна и на воената кампања против Иран, тврдејќи дека земјата ќе има потреба од најмалку една деценија за да се опорави од последиците од нападите.„Можам веднаш да се повлечам и ќе им требаат десет години да се опорават. Но тоа не е прифатливо. Ако останеме подолго, никогаш нема да се опорават“, изјави тој.Според него, главната цел на операцијата не била промена на режимот, туку спречување на Иран да развие нуклеарно оружје.„Најважно е да не смеат да имаат нуклеарно оружје“, нагласи американскиот претседател.Трамп тврди дека со операцијата „Полноќен чекан“ била „целосно уништена“ способноста на Иран за развој на нуклеарно оружје, иако експертите предупредуваат дека дел од збогатениот ураниум сè уште постои и е складиран во подземни објекти.Покрај тоа, тој повторно изнесе тврдења дека Иран бил „на две недели“ од создавање нуклеарна бомба, што дел од експертската јавност го оспорува.Осврнувајќи се на други глобални прашања, Трамп изјави дека не му е потребна помош од Украина во конфликтот со Иран и оцени дека војната меѓу Русија и Украина би била избегната доколку тој бил на власт.Во однос на Куба, тој испрати нејасна, но предупредувачка порака: „Само гледајте“.

Свет | пред 1 седмица

30 дена во затворот во Шутка ќе помине директорот фатен со мито од 50.000 евра

Основниот кривичен суд Скопје му определи мерка притвор во траење од 30 дена на директорот на Државниот инспекторат за земјоделство, Васе Анкиев, осомничен за примање поткуп.Судот го прифатил предлогот на Основното јавно обвинителство за гонење организиран криминал и корупција, при што притворот е определен по сите три законски основи – опасност од бегство, можност за влијание врз сведоци и опасност од повторување на делото.Случајот се отвори по акција на Единицата за корупција при МВР, кога осомничениот беше приведен под сомнение дека побарал и примил поткуп во износ од 50.000 евра, како дел од договорена сума од 100.000 евра.Според истрагата, тој како директор вршел притисок врз службени лица да не дозволат увоз на стока за одредена фирма, иако таа претходно била увезувана, по што започнал да бара пари за да го „реши“ случајот и да овозможи непречен увоз.Парите биле предадени преку посредник – шпедитер, а при полициска контрола биле пронајдени во возило, под совозачкото седиште. По примопредавањето, осомничениот беше лишен од слобода.Обвинителството претходно информираше дека против него е отворена истрага за кривично дело „примање поткуп“, а се испитува и дали постои поширока мрежа на инволвирани лица.Од Министерството за земјоделство порачаа дека случајот мора целосно да се расчисти и дека „никој не е над законот“, нагласувајќи дека борбата против корупцијата е приоритет.Истрагата продолжува.

Македонија | пред 1 седмица

Обвинител бара притвор за директорот на Инспекторатот за земјоделство: притискал за блокада на увоз, па барал 50.000 евра

Основното јавно обвинителство за гонење организиран криминал и корупција побара определување мерка притвор за директорот на Државниот инспекторат за земјоделство, осомничен за примање поткуп.Обвинителството информира дека, по спроведена предистражна постапка и координирана акција со МВР, е донесена наредба за спроведување истрага против осомничениот, кој се товари за кривично дело „примање поткуп“.Според досега обезбедените докази, осомничениот во периодот од почетокот на месецот до неговото апсење, како службено лице, директно побарал значителна имотна корист за да влијае врз службени постапки поврзани со увоз на стока.Тој, како што наведуваат од ОЈО ГОКК, вршел притисок врз други службени лица да не дозволат увоз на стока за одредена фирма, иако таа претходно повеќепати била увезувана. Како образложение било наведено дека стоката не ги исполнува законските услови, поради што таа со денови останала блокирана на граничен премин.Откако увозникот побарал дополнително објаснување, осомничениот, според истрагата, започнал со барање поткуп. На средба со шпедитерот и оштетениот, директно побарал 50.000 евра како прва рата, со договор останатите средства да бидат исплатени дополнително за идни увози.Парите биле предадени преку посредник – шпедитер, кој остварил средба со осомничениот, по што било извршено примопредавањето. Веднаш потоа, полицијата го лишила од слобода.Обвинителството оценува дека постојат околности кои го оправдуваат барањето за притвор и до Основниот кривичен суд Скопје е доставен предлог за определување на оваа мерка.Истрагата продолжува, а се испитува и евентуална поширока инволвираност во случајот.

Македонија | пред 1 седмица

Осум случаи на семејно насилство за едно деноноќие: мајка тешко повредена, деца жртви на напади

Во последните 24 часа, полицијата евидентирала осум случаи на семејно насилство во Скопје, Тетово и Струмица, при што четири лица се лишени од слобода, информира Министерството за внатрешни работи.Во Струмица, во раните утрински часови, приведен е 23-годишник кој, според пријавата, физички ја нападнал својата 20-годишна сопруга во семејниот дом.Во Скопје, на подрачјето на Бит Пазар, полицијата привела 23-годишно лице кое физички ја нападнало својата 51-годишна мајка, при што ѝ нанело тешки телесни повреди, потврдени во Комплексот клиники „Мајка Тереза“.Во Тетово, лишен од слобода е 44-годишен жител на село Боговиње, кој подолг период упатувал закани кон свој роднина поради меѓусебни недоразбирања.Уште едно лице е приведено во Скопје откако, според пријавата, физички ја нападнало својата 53-годишна вонбрачна партнерка.Покрај приведувањата, полицијата регистрирала и четири дополнителни пријави за семејно насилство. Во еден случај, 27-годишна жена пријавила дека нејзиниот сопруг физички ги напаѓал нивните малолетни деца. Друга 23-годишна жена пријавила дека била жртва на континуирано физичко и психичко насилство од сопругот.Исто така, 65-годишна жена пријавила дека нејзиниот син ја вознемирувал и ѝ се заканувал, додека 45-годишна жена пријавила закани и вознемирување од сопругот со кого е во бракоразводна постапка.Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

Македонија | пред 1 седмица

Министерството за земјоделство: Никој не е над законот, очекуваме целосно расчистување на случајот со уапсениот директор

Министерството за земјоделство, шумарство и водостопанство соопшти дека најостро го осудува секое незаконско постапување, реагирајќи на случајот со апсењето на директорот на Државниот инспекторат за земјоделство.Од Министерството наведуваат дека очекуваат Министерството за внатрешни работи и Основното јавно обвинителство целосно да го расчистат случајот и да постапат согласно законите.„Секое прекршување на законите и злоупотреба на службената положба за личен интерес мора и ќе биде санкционирано. Секој што се огрешил пред законот ќе сноси одговорност“, се наведува во реакцијата.Оттаму потенцираат дека борбата против корупцијата е врвен приоритет и дека, како што велат, „никој не е над законот“.Во соопштението се прави и политичка дистинкција, при што се посочува дека, за разлика од претходните власти, актуелната Влада спроведува неселективна правда, без оглед на функцијата или политичката припадност.„Повеќе нема привилегирани и заштитени, ќе одговара секој, без исклучок“, нагласуваат од Министерството.Воедно, ги повикуваат земјоделците да пријавуваат евентуални злоупотреби, уверувајќи дека институциите функционираат транспарентно и во интерес на граѓаните.

Македонија | пред 1 седмица

Детали од МВР: Директорот уапсен со 50.000 поткуп побарал дупло поголема сума, парите ги давала фирма-шпедитер, Анкиев бил фатен на дело

Директорот на Државниот инспекторат за земјоделство, Васе Анкиев (41) од Кочани, е лишен од слобода под сомнение за примање поткуп, информира Министерството за внатрешни работи.Според МВР, акцијата е спроведена на 20 март 2026 година од страна на Единицата за корупција при Секторот за криминалистички истраги во рамки на Одделот за сузбивање на организиран и сериозен криминал, при што против него е поднесена кривична пријава до Основното јавно обвинителство за гонење организиран криминал и корупција за кривично дело „примање поткуп“.„В.А., во својство на службено лице, директор на Државен инспекторат за земјоделство, со цел стекнување на противправна имотна корист од сопственик на правен субјект кој се занимава со увоз, индиректно преку лице шпедитер побарал поткуп во износ од 100.000 евра, за да изврши службено дејствие што не би смеел да го изврши. Имено, на оштетеното лице му било образложено дека за стоката која што ја увезува има забрана за влез и дека истата треба да се врати, бидејќи не е во согласност со важечките законски прописи и дека претходно од страна на Државниот инспекторат за земјоделство бил изготвен записник. Со цел увозот да се изврши непречено, на оштетеното лице му биле побарани 100.000 евра, кои требало да ги предаде во три наврати и тоа во еден наврат износ од 50.000 евра и во два наврати по 25.000 евра. На 19.03.2026 извршено е примопредавање на предметните парични средства во износ од 50.000 евра како прва рата од побараниот поткуп, при што истите првично од оштетеното лице ги презема шпедитерот, со цел подоцна да ги предаде на В.А.. По земањето на парите од страна на В.А., преземени се оперативно тактички мерки и активности и врз основа на издадени наредби извршен е преглед на лице, превозно средство и багаж. При прегледот на патничко моторно возило, под совозачкото седиште, парите се пронајдени и одземени“, велат од МВР.Истрагата продолжува, а надлежните институции работат на целосно расчистување на случајот.

Македонија | пред 1 седмица

„Игри има, резултати нема“ – нов напад од СДСМ кон ВМРО-ДПМНЕ

СДСМ со остар тон реагираше на, како што велат, обидите на ВМРО-ДПМНЕ преку ангажирање на странски ПР агенции да влијае врз јавноста, оценувајќи дека таквите стратегии не даваат резултати.Од партијата наведуваат дека, наместо решенија за граѓаните, власта се занимава со „игри“, додека, како што велат, реални резултати изостануваат.„Сè уште игри, леб никаде“, порачуваат од СДСМ, обвинувајќи дека ВМРО-ДПМНЕ ангажира низа ПР експерти и агенции од Србија, но без ефект врз јавноста.Според нив, граѓаните веќе ги препознале овие, како што ги нарекуваат, „дефокусирачки тактики“, поради што, тврдат, владејачката партија бележи пад на рејтингот.Во соопштението, СДСМ изнесува и сериозни обвинувања за поврзаност на лица од власта со криминал и корупција, наведувајќи дека дел од тие кадри веќе се соочуваат со постапки, додека други, како што велат, се во бегство.„Ако навистина сакате борба против криминал и корупција, почнете од сопствените редови“, порачуваат од СДСМ.Партијата исто така ја критикува реториката на ВМРО-ДПМНЕ во однос на националните прашања, оценувајќи дека тврдењата за загрозен идентитет се неосновани и дека тие наративи повеќе не поминуваат кај граѓаните.Во завршницата, од СДСМ порачуваат дека, како што велат, „лагите имаат кратки нозе“ и најавуваат одговорност за, според нив, сите злоупотреби.

Македонија | пред 1 седмица

Почина Чак Норис, семејството со емотивна порака: „Го изгубивме срцето на нашето семејство“

Семејството на Чак Норис соопшти дека легендарниот актер и боречки уметник починал ненадејно вчера утрото, опишувајќи ја загубата како длабоко болна. Тој почина на 86 години, а роденден славеше пред десет дена.Во емотивно обраќање, семејството наведе дека Норис бил опкружен со најблиските во последните моменти и дека заминал во мир.„За светот, тој беше боречки уметник, актер и симбол на сила. За нас, тој беше посветен сопруг, грижлив татко и дедо, неверојатен брат и срцето на нашето семејство“, се наведува во пораката.Тие додаваат дека неговиот живот бил воден од вера, цел и непоколеблива посветеност кон луѓето што ги сакал, а преку својата работа, дисциплина и човечност инспирирал милиони ширум светот.Семејството истакнува дека, иако нивните срца се скршени, чувствуваат длабока благодарност за животот што го живеел и за спомените што ги споделиле со него. Особено ја нагласуваат поддршката од обожавателите, кои, како што велат, за Норис не биле само публика, туку пријатели.Во пораката се споменува и неговата неодамнешна хоспитализација, за која јавноста веќе беше информирана, при што семејството се заблагодарува за молитвите и поддршката што пристигнувале од целиот свет.На крајот, тие апелираат за приватност во овие тешки моменти.

Свет | пред 1 седмица

Рашковски добива трет судија: изборот на Савески за републички обвинител го враќа предметот пак одново да се суди

Судскиот процес против поранешниот генерален секретар на Владата, Драги Рашковски, повторно ќе се врати на почеток, откако судијата Ненад Савески беше избран за републички јавен обвинител. Со неговото заминување од судската функција, предметот ќе треба да биде прераспределен кај нов судија преку АКМИС системот, што значи дека ова ќе биде трет судија по ред кој ќе го води случајот.Претходно, предметот во Основниот кривичен суд Скопје го водеше судијката Фанка Јанчулева-Михаиловска, а по неа, постапката ја презеде Савески.Станува збор за предметот „Софтвери“, кој веќе пет години се води пред судските органи, а се однесува на спорни тендери, набавка на софтвери и исплата на хонорари. Обвинението против Рашковски беше поднесено во октомври 2021 година, додека првостепената пресуда беше изречена во јули 2023 година, кога тој беше осуден на осум години затвор.Сепак, Апелацискиот суд во средината на 2024 година ја укина пресудата и предметот го врати на повторно судење. Во моментов, постапката се наоѓа во фаза на изведување докази, но со новата прераспределба се отвора можност процесот дополнително да се пролонгира.Во текот на повтореното судење, еден од обвинетите – професорот од ФИНКИ, Ивица Димитровски – призна вина. Постапката за него беше раздвоена, а на 17 декември 2025 година судот донесе пресуда врз основа на признание, со која тој беше осуден условно на две години затвор, со рок од пет години во кои не смее да стори ново кривично дело. Дополнително, му беше наложено да ја надомести штетата и му беше изречена забрана за учество во јавни набавки во период од пет години.За останатите обвинети, меѓу кои и Рашковски, процесот продолжува, но со нов судија, што повторно го отвора прашањето за ефикасноста и времетраењето на судските постапки во високо профилираните случаи.

Македонија | пред 1 седмица

ВМРО-ДПМНЕ: СДС прави шоу, наместо закони за горивата

ВМРО-ДПМНЕ остро реагираше на најавите на СДСМ поврзани со намалување на цените на горивата, обвинувајќи дека наместо конкретни законски решенија, опозицијата води кампања преку прес-конференции.Од партијата велат дека доколку СДС биле сериозни во намерите, уште првиот ден ќе поднеле предлог-закони во Собранието, наместо, како што наведуваат, „пет дена да најавуваат и да свикуваат прес-конференции, небаре промовираат концерт на Харис Џиновиќ“.Според ВМРО-ДПМНЕ, барањето на СДС за намалување на акцизата за четири денари е неосновано во овој момент, бидејќи, како што посочуваат, законските услови за такво намалување не се исполнети.„Во законите јасно е пропишано дека акцизата може да се намали доколку има кризна или вонредна состојба и доколку цената на нафтата по тон надмине 1.200 долари. Во моментов тоа не е случај“, велат од партијата.Дополнително, од ВМРО-ДПМНЕ тврдат дека Македонија има едни од најниските цени на горивата во регионот и Европа, нагласувајќи дека тие веќе се намалени за два денара како резултат на, како што велат, владините политики и договори со компаниите.Во соопштението се потсетува и дека во време на претходната власт, СДСМ, заедно со тогашниот премиер Зоран Заев и актуелниот лидер Венко Филипче, трипати ја зголемиле акцизата на горивата.„Со тие зголемувања не се инвестираше во капитални проекти, туку во нивните џебови“, обвинуваат од ВМРО-ДПМНЕ.

Македонија | пред 1 седмица

Државата плаќа милиони, сиромашните јадат на улица: помалку храна за повеќе пари

Корупцијата и слабата контрола во јавните набавки и понатаму се една од најранливите точки на системот, а најновата анализа на Центарот за граѓански комуникации открива конкретен пример како милионски договор може да резултира со понижувачки услови за најранливите граѓани.Станува збор за тендер вреден околу 1,46 милиони евра за набавка на готови оброци за корисниците на народни кујни во Скопје. Според документацијата, оброците требало да се подготвуваат, доставуваат и сервираат на девет локации во соодветни простории. Но, реалноста на терен покажува сосема спротивна слика.На седум од девет локации, храната воопшто не се дели во објекти, туку директно на улица – пред продавници, училишта, стари објекти или на отворен простор. Само на две места постојат простории, но и таму тие служат исклучиво како пункт за преземање, без услови за консумирање.Овој начин на дистрибуција не само што отстапува од тендерските услови, туку создава и сериозен проблем со достоинството на корисниците. Наместо системска социјална заштита, тие се принудени да чекаат редови на улица, изложени на временски услови и јавен поглед – што во извештајот се оценува како институционализиран понижувачки третман.Проблемите не завршуваат тука. Анализата покажува дека и квалитетот и составот на оброците често не одговараат на договореното. Во повеќе случаи недостасуваат делови од менито – супи, овошје, сирење или цели компоненти од оброкот. Во некои денови се доставуваат различни менија од предвидените, а количините се намалени, особено кај лебот.Дополнително, се утврдува дека времето за дистрибуција, кое според договорот треба да трае до два часа, во пракса се сведува на 15 до 30 минути. Тоа значи дека граѓаните мора да чекаат порано и да ризикуваат да останат без оброк доколку го пропуштат моментот на поделба.Особено загрижувачки е финансискиот аспект. Државата плаќа околу 239 денари по оброк, додека според малопродажните цени на состојките, реалната вредност на дел од тие оброци се движи меѓу 120 и 140 денари. Во други градови, како Тетово, слични оброци се обезбедуваат за речиси двојно пониска цена.Покрај тоа, нема јасни податоци за точниот број корисници. Иако договорот предвидува до 1.000 оброци дневно, неговата вредност покрива и повеќе лица, што отвора сомнежи за непрецизно планирање или потенцијални злоупотреби.Процесот на доделување на тендерот исто така бил проблематичен – траел седум и пол месеци, со три постапки и шест жалби, пред да биде склучен договорот.Дополнителен аларм е и нетранспарентноста. Надлежното министерство не ги доставило бараните информации за реализацијата на договорот, што ја ограничува јавната контрола и создава простор за нерегуларности.Овој случај јасно покажува дека проблемот не е само во формалните процедури, туку во нивната примена. Додека на хартија постојат стандарди, во пракса тие се игнорираат – а цената ја плаќаат најранливите категории граѓани.

Македонија | пред 1 седмица

Кој е уапсениот за 50.000 евра мито: Кој е Васе Анакиев: директор, партиски функционер и сега осомничен за корупција

Актуелниот директор на Државниот инспекторат за земјоделство, Васе Анакиев, кој според неофицијални информации е уапсен под сомнение за примање мито од околу 50.000 евра, е долгогодишен функционер во секторот земјоделство и активен во политиката како потпретседател на Социјалистичката партија на Македонија (СПМ).Анакиев на функцијата директор на Инспекторатот стапил во јули 2024 година. По образование е дипломиран инженер агроном, а во 2024 година магистрирал економски науки на Универзитетот за туризам и менаџмент во Скопје.Неговото професионално искуство започнува во Министерството за земјоделство, шумарство и водостопанство уште во 2008 година. Подоцна бил член, а потоа и претседател на Комисијата за доделување на земјоделско земјиште, функција што ја извршувал во периодот од 2012 до 2014 година. Во периодот од 2017 до 2021 година бил претседател на Советот на Општина Чешиново-Облешево.Според информациите до кои дојде „Скопје1“, Анакиев бил приведен во акција на службите за борба против организиран криминал при Бирото за јавна безбедност, при што бил фатен при барање и примање поткуп.Во моментов нема официјална потврда од институциите за неговиот идентитет, ниту за сите детали од случајот. Од Основното јавно обвинителство за гонење организиран криминал и корупција информираа дека акцијата се спроведува во координација со МВР поради основано сомнение за коруптивни кривични дела.„Под координација на јавен обвинител на ОЈО ГОКК во тек е акција на МВР поради основано сомневање за сторени кривични дела од коруптивна природа. Детали ќе бидат соопштени по завршување на акцијата“, велат од обвинителството.Истражните органи утврдуваат дали станува збор за изолиран случај или постои поширока коруптивна мрежа, додека од извори вклучени во акцијата неофицијално се брифира дека ова е дел од засилените активности за борба против корупцијата.Се очекуваат официјални информации во текот на денот.

Македонија | пред 1 седмица

(Видео) „Викаа 'Чичо Лазо помогни ми', тоа ни на хорор филм не постои“ – обезбедувачот од „Пулс“ за првпат проговори за хоророт во кобната ноќ

Обезбедувачот во дискотеката „Пулс“, Лазар Захариев, обвинет во судскиот процес за трагедијата во која згаснаа 63 животи, за првпат јавно говореше во „Претрес со Ландов“, опишувајќи ја драмата од критичната вечер и неговото гледиште за настаните.Во потресно сведоштво, Захариев раскажа дека сцените што ги видел, според него, биле полоши од хорор филм.„Луѓето беа во ситуација што на хорор филм не постои. Од внатре излегуваше чад, не се дишеше. Не можеш воздух да земеш. Беа испечени, рацете им беа изгорени, на некои ушите им чуреа. Сите беа налегнати и врескаа“, сведочи тој.Тој вели дека дел од присутните го препознавале и го молеле за помош.„Чичо Лазо, молам те помогни ми... Почнавме да извлекуваме кого можеме. Мораше на секои неколку секунди да излезеш надвор за воздух, инаку не можеш да издржиш“, раскажува Захариев.Според него, обидите за спасување биле исклучително тешки поради сериозните изгореници кај жртвите.„Кога ќе го допреш човекот, кожата му паѓа. Косата изгорена, телото опожарено. Нема како да го фатиш, нема како да го спасиш“, вели тој.Захариев тврди дека дел од лицата кои биле извлечени живи, подоцна починале, најверојатно од последици од вдишаниот чад.„Ги изнесувавме на нозе, свесни. Подоцна ги видов на телевизија дека починале“, додава тој.Во хаосот, како што раскажува, со полицаец се обидувале да реанимираат повредени лица.„Проверувавме пулс, правевме вештачко дишење. Кога ќе видиш дека артеријата е здебелена и нема реакција, ти станува јасно дека нема живот“, сведочи Захариев.Тој опиша и спасување на едно лице, кое го пронашле во бессознание на влезот.„Го полевав со вода, го реанимирав и ги отвори очите. Не можевме сами да го подигнеме, викнавме помош и го качивме во болничко комбе“, раскажува тој.Захариев останал на местото до раните утрински часови, учествувајќи во евакуацијата и обидите за спасување.Неговото сведоштво доаѓа во време кога судскиот процес за трагедијата е во тек, а јавноста сè уште бара одговори за причините и одговорноста за една од најтешките несреќи во земјата.

Македонија | пред 1 седмица

Богојески пријавен дека се заканувал на медицинари во Клиниката за кардиологија, тој вели „Животот на мајка ми беше загрозен“

Министерството за внатрешни работи информира дека се постапува по пријава за закани упатени од политичарот и професор Петар Богојески кон медицинска сестра вработена на Клиниката за кардиологија во Скопје.Според МВР, на 19 март во 02:20 часот, 42-годишна медицинска сестра од кумановско пријавила дека претходната вечер, околу 23:35 часот, додека била на работното место во Комплексот клиники „Мајка Тереза“, Богојески, кој бил во придружба на женско лице, упатувал закани кон неа и кон друг вработен.„На 19.03.2026 во 02:20 часот во СВР Скопје, М.И.(42) од кумановско пријави дека на 18.03.2026 околу 23:35 часот додека била на работното место како медицинска сестра на Клиника за кардиологија во Комплексот клиники „Мајка Тереза“, П.Б.(49) од Скопје, кој бил во придружба на женско лице кое дошло на преглед, упатувал закани кон неа и кон друг вработен. Се преземаат мерки за расчистување на случајот“, велат од МВР.По објавата, Богојески остро ги демантираше наводите, оценувајќи ги како „невистинити, тенденциозни и злонамерни“, и обвини за клевета и инсинуации.„Од причини на клеветнички тврдењата и инсинуации изнесени од самонаречени новинарчиња, осудени за рекет и огнено оружје, го прекинувам молкот поради празникот Рамазан и ја известувам јавноста дека животот на мојата мајка беше загрозен поради непрофесионално постапување / непостапување од страна на медицински персонал во Клиниката за кардиологија во Скопје, по што состојбата и се влоши и истата е хоспитализирана на друга клиника во тешка животно загрозувачка состојба.... Започнати се следниве постапки: ривична пријава и иницирање дисциплинска постапка против вработено лице во Клиниката за кардиологија, како и против сите други лица за кои ќе се утврди инволвираност од страна на МВР и ОЈО, поради основани сомненија за: • злоупотреба на службена положба и овластување; • непружање итна медицинска помош на лице во животно загрозувачка состојба; • несовесно и нехумано постапување кон болно и немоќно лице; • дејствија и пропусти со кои е влошена здравствената состојба на пациентот и е загрозен неговиот живот; • одбивање да се постапи по професионална и медицинска обврска; • непостапување по насоки на доктор и прекин на преглед надвор од здравствен протокол; • овозможување привилегиран пристап на друго лице на штета на пациент во животно загрозувачка состојба; • вербални навреди и закани кон болно лице и членови на неговото семејство; • предизвикување трајни и непоправливи последици по здравјето на пациентот кој потоа бил згрижен на друга клиника. 4. Постапка за заштита од дискриминација пред надлежните институции по политичка, етничка и верска основа од страна на вработени лица во Клиниката за кардиологија, спрема пациент во животно загрозувачка состојба“, стои во објавата на Богојески.Случајот е во тек, а се очекуваат дополнителни информации од надлежните институции.

Македонија | пред 1 седмица

ОЈО ГОКК потврди акција за корупција: приведен директор за мито

Основното јавно обвинителство за гонење организиран криминал и корупција информира дека во тек е координирана акција со Министерството за внатрешни работи, поради основано сомнение за сторени кривични дела од коруптивна природа.„Под координација на јавен обвинител на ОЈО ГОКК во тек е акција на МВР поради основано сомневање за сторени кривични дела од коруптивна природа. ОЈО ГОКК ќе излезе со детали по завршување на акцијата“, соопштија од обвинителството.Претходно, според неофицијални информации од истрагата, актуелен директор на државна институција е лишен од слобода под сомнение за примање мито. Станува збор за акција на службите за борба против организиран криминал при Бирото за јавна безбедност.Неофицијално, се посочува дека приведен е директорот на Државниот инспекторат за земјоделие, Васе Анакиев, кој бил фатен при барање и примање поткуп во износ од околу 50.000 евра.Засега нема официјална потврда за идентитетот на приведеното лице, ниту за сите детали од случајот. Истражните органи работат на утврдување на сите околности, вклучително и дали станува збор за изолиран случај или за поширока корупциска мрежа.Од извори вклучени во акцијата неофицијално се брифира дека станува збор за дел од засилените активности за борба против корупцијата, со акцент на неселективно постапување.Се очекуваат повеќе информации по завршување на акцијата.

Македонија | пред 1 седмица

(Фото) Директор фатен со мито од 50.000 евра – вечерва приведен во акција на МВР

Актуелен директор на државна институција вечерва е лишен од слобода под сомнение за примање мито, во акција на службите за борба против организиран криминал при Бирото за јавна безбедност, дознава „Скопје1“ од извори во истрагата.Според неофицијални информации, станува збор за директорот на Државниот инспекторат за земјоделие, Васе Анакиев, кој бил фатен при барање и примање поткуп во износ од околу 50.000 евра. Тој директорува од јули 2024 година.Во моментов нема официјална потврда од надлежните институции за идентитетот на приведениот, ниту за сите детали од случајот. Истражните органи работат на утврдување на сите околности, вклучително и дали станува збор за индивидуален случај или постои поширока мрежа на корупција.Од извори вклучени во акцијата, неофицијално се брифира дека станува збор за дел од засилените активности за сузбивање на корупцијата, кои акции, ќе продолжат и идниот период.Се очекуваат официјални информации од МВР и Обвинителството во текот на ноќта или утрешниот ден.

Македонија | пред 1 седмица

Чак Норис итно хоспитализиран на Хаваи по „инцидент“ на островот Кауаи

Американскиот актер и легенда на боречките вештини Чак Норис е итно хоспитализиран на Хаваи по влошување на здравствената состојба.Според информациите, тој се наоѓа во болница на хавајските острови, каде што лекарите го задржале на клиника по укажана прва помош.Иако деталите околу неговата состојба остануваат нејасни, се наведува дека луѓе блиски до актерот велат оти тој е во добро расположение и, и покрај ситуацијата, наоѓа време и за шега.

Магазин | пред 1 седмица

Алармантно: шест случаи на семејно насилство за едно деноноќие

Пет лица се лишени од слобода поради семејно насилство, а регистрирани се вкупно шест пријави во изминатото деноноќие во Скопје, Тетово, Кичево и Прилеп, информираат од МВР.Во Кичево, полицијата го привела Т.М. (33), откако, според пријавата, физички ја нападнал својата 30-годишна сопруга.Во Тетово, лишен од слобода е С.К. (30) од Скопје, кој, според пријавата од неговата девојка, подолг период ја следел на повеќе локации, вклучително и на работното место, а истиот ден ѝ упатувал закани по телефон.Во Прилеп, 38-годишна жена од општина Долнени пријавила дека била физички нападната од нејзиниот поранешен сопруг.Во Скопје, на подрачјето на Гази Баба, приведена е Ф.А. (38), поради пријава дека во домот физички ја нападнала својата 31-годишна сестра.Во Шуто Оризари, полицијата го лишила од слобода С.Д. (22), кој, според пријавата од поранешната сопруга, ѝ се заканувал и со употреба на сила ѝ го одзел мобилниот телефон во продажен објект.Дополнително, во Драчево е приведен А.М. (59), по пријава од неговата вонбрачна партнерка дека ја присилил да го напушти семејниот дом.Од МВР информираат дека се преземаат мерки за расчистување на сите случаи и по нивното целосно документирање ќе бидат поднесени соодветни пријави.

Македонија | пред 1 седмица

Акција на МВР во Штип: 40 казни и три лица приведени

Во акциска контрола спроведена денеска во Штип, полицијата изрече 40 санкции за сообраќајни прекршоци и лиши од слобода три лица поради безобѕирно управување со моторно возило.Како што информираат од МВР, контролата била реализирана во периодот од 07:00 до 13:00 часот од страна на Мобилната единица за безбедност на сообраќајот на патиштата при Секторот за сообраќајни работи.Од вкупно изречените мерки, три се однесуваат на измината важност на сообраќајната дозвола, една за неисправни светлосно-сигнални уреди, една за возач почетник, шест за товарни возила поради претовар, вонреден превоз и некористење на церада, три за непоседување задолжителна опрема, две за некористење сигурносен појас, пет за користење мобилен телефон при возење, една за некористење заштитен шлем и шест за останати прекршоци.Дополнително, поднесени се девет барања за поведување прекршочна постапка против правни и одговорни лица.Три лица се лишени од слобода за кривично дело „безобѕирно управување со моторно возило“, односно управување без возачка дозвола.За сите сторители се изготвени соодветни поднесоци, а од МВР најавуваат дека ваквите контроли ќе продолжат и во наредниот период.Полицијата апелира до сите учесници во сообраќајот да ги почитуваат правилата, нагласувајќи дека само со одговорно однесување може да се придонесе за побезбедни патишта.

Македонија | пред 1 седмица

(Видео) Боки 13 најави концерт во Белградска арена, дел ќе посвети и на затворските денови

Бојан Јовановски-Боки 13, најави концертен спектакл во Белградската Арена, закажан на 12 декември, со кој вели дека ќе одбележи 25 години кариера. Тој нагласи дека не станува збор за класичен концерт, туку за комплексна продукција со јасна концепција и сценска нарација.„Ова нема да биде класичен концерт за да се отпее репертоар, туку големо шоу со четири целини“, изјави Боки 13.Концертот ќе биде поделен во четири сегменти – автобиографија, дел посветен на Марина Туцаковиќ, поп-империја и боемска вечер.Во првиот дел, како што најави, ќе бидат прикажани и фотографии од периодот кога беше во затвор каде издржуваше казна за случајот „Рекет“, поврзани со музиката што го одбележала тој дел од неговиот живот.На сцената ќе настапи оркестар од 30 музичари и хор од 100 луѓе, додека визуелниот концепт ќе се менува на секоја трета композиција. Во рамки на шоуто се најавени и бројни гости.Боки 13 откри дека еден од сегментите ќе биде целосно посветен на Марина Туцаковиќ, истакнувајќи дека досега никој не реализирал концерт во нејзина чест, иако стои зад најголемите регионални хитови.Во делот „поп-империја“ ќе бидат изведени негови дуети со колешки, додека завршницата ќе донесе боемска атмосфера со друг оркестар.Во пресрет на концертот, Боки 13 зборуваше и за приватниот живот и односите со колегите. Тој истакна дека не бара поддршка од луѓе со кои не комуницира.„Не сакам фејк луѓе околу себе. Поддршка барам само од оние со кои сум во контакт“, рече тој.Воедно, откри дека во моментов живее на релација Белград–Скопје и дека во Белград престојува во хотел каде што е сместена и пејачката Ана Николиќ, со која подготвува нов дует.„Животот со Ана е лудачки, но пред сè сме пријатели“, изјави Боки.Јовановски најави дека ќе даде „100 проценти од себе“ за концертот во Белград, со амбиција спектаклот да влезе во редот на светски продукции.Боки 13 се врати во јавниот живот откако одлежан казна за случајот „Рекет“ каде беше осуден на девет години затвор. Тој има и свој поткаст „Б13“, а е дел и од жири комисијата на српско талент шоу „Хајп ѕвезди“.

Настани | пред 1 седмица

Хегсет: САД се обидуваат да ја пробијат интернет-блокадата во Иран

Американскиот министер за одбрана Пит Хегсет изјави дека САД преземаат активности за надминување на интернет-блокадата во Иран, во услови кога властите во Техеран строго го контролираат пристапот до мрежата.„Гледаме како режимот се обидува максимално да ја заостри контролата врз интернетот. Ние, секако, преземаме контрамерки“, рече Хегсет, без да открие детали за конкретните активности.Тој нагласи дека е важно информациите да стигнат до иранскиот народ, обвинувајќи го Техеран дека шири дезинформации преку „лажни извештаи и манипулирани содржини“.„Нивниот народ едвај може да комуницира поради блокадата што им е наметната, но ние наоѓаме начини да го заобиколиме тоа“, изјави Хегсет.Во меѓувреме, конфликтот дополнително ја комплицира информативната слика, со нагло зголемување на бројот на видеа и фотографии генерирани со вештачка интелигенција, што го отежнува разликувањето на вистинити од лажни информации.Иранските власти, пак, ја оправдуваат интернет-блокадата со безбедносни причини. Министерот за надворешни работи Абас Аракчи изјави дека мерките се неопходни поради тековните напади.„Интернетот е ограничен од безбедносни причини. Под напад сме и мораме да го заштитиме народот“, рече Аракчи, додавајќи дека има пристап до интернет за да ја пренесе позицијата на Иран пред меѓународната јавност.

Свет | пред 1 седмица

Мерц: Германија подготвена за мисија во Ормутскиот теснец, но по завршување на војната

Германскиот канцелар Фридрих Мерц изјави дека Германија е подготвена да се вклучи во меѓународна мисија за обезбедување на Ормутскиот теснец, но само по завршување на конфликтот меѓу САД, Израел и Иран.„Сакам да испратам јасен сигнал дека сме подготвени да помогнеме. Но за тоа да се случи, борбите мора да престанат“, рече Мерц во пресрет на самитот на Европската Унија во Брисел.Тој нагласи дека евентуалното учество на Германија би било можно само со меѓународен правен мандат.Мерц ја поздрави и, како што рече, подготвеноста на американскиот претседател Доналд Трамп за деескалација на конфликтот.„Особено сум благодарен што беше испратен сигнал дека постои волја за прекин на борбите“, изјави тој, додавајќи дека таков исход би зависел и од потезите на Иран – вклучително и откажување од нуклеарната програма и прекин на нападите во регионот.Според него, доколку во наредните денови се постигне напредок, тоа би значело дека ситуацијата се движи во позитивна насока, но предупреди дека предизвиците ќе останат долгорочни.Германија, додаде Мерц, останува во постојан контакт со партнерите од регионот и земјите од Персискиот Залив во врска со развојот на ситуацијата.

Свет | пред 1 седмица

Тешко повреден мопедист во сообраќајка во Скопје

Мопедист е тешко повреден во сообраќајна несреќа што се случила на крстосница во Скопје, информира Министерството за внатрешни работи.Несреќата се случила на 18 март 2026 година околу 16:30 часот, на крстосницата од улиците „Пекљане“ и „Антон Кецкаров“, помеѓу патничко возило „фолксваген голф“, управувано од Х.Б. (60) од Скопје и мопед управуван од Љ.М. (55) од село Ново Село.Во незгодата, мопедистот се здобил со тешки телесни повреди, кои биле констатирани во Ургентниот центар при комплексот клиники „Мајка Тереза“ во Скопје.На местото на настанот е извршен увид од увидна екипа на СВР Скопје.

Македонија | пред 1 седмица

Пијан возач предизвика сообраќајка кај Кичево, приведен по несреќата

Сообраќајна несреќа се случила на регионалниот пат Кичево–Осломеј, во која се повредени двајца возачи, а едниот од нив управувал под дејство на алкохол, информира Министерството за внатрешни работи.Несреќата се случила на 18 март 2026 година околу 17:25 часот, помеѓу патничко возило „ауди“, управувано од Ф.Ф. (29) од Кичево и патничко возило „пежо“, управувано од А.Џ. (55) од селото Црвевци.По судирот, двајцата возачи биле пренесени во болницата во Кичево, каде кај А.Џ. биле констатирани тешки телесни повреди, додека кај Ф.Ф. биле утврдени телесни повреди.При извршеното алкотестирање, било утврдено дека А.Џ. управувал со возилото со 1,71 промили алкохол во крвта.По наредба на јавен обвинител, возачот е лишен од слобода, а неговото возило е одземено. По целосно документирање на случајот, против него ќе биде поднесена соодветна пријава.

Македонија | пред 1 седмица

Натепан возач на ЈСП во Чаир

Возач на автобус на ЈСП бил физички нападнат на подрачјето на Чаир, информира Министерството за внатрешни работи.На 18 март 2026 година во 09:45 часот, во СВР Скопје, С.Д. (58) од Скопје пријавил дека додека управувал автобус, бил нападнат од П.В. (43), исто така од Скопје.По целосно документирање на случајот, против напаѓачот ќе биде поднесен соодветен поднесок.

Скопје | пред 1 седмица