Трамп: Нуклеарно вооружен Иран би бил нетолерирана закана, целта е уништување на ракетните капацитети

Американскиот претседател Доналд Трамп изјави дека целите на операцијата против Иран се „јасни“, наведувајќи дека меѓу нив се уништување на иранските ракетни капацитети, „анихилирање на нивната морнарица“ и спречување Иран некогаш да се здобие со нуклеарно оружје.Трамп нагласи дека Иран „не може да продолжи да вооружува, финансира и насочува терористички армии надвор од своите граници“, оценувајќи дека таквите активности ја дестабилизираат целата регија.Според него, иранската програма за балистички ракети била наменета како заштитен штит за развој на нуклеарно оружје. Тој додаде дека иако Соединетите Американски Држави биле земјата што инсистирала на запирање на таа закана, „сите биле зад нас“.Американскиот претседател предупреди дека ирански режим вооружен со нуклеарно оружје и далекусежни ракети би претставувал „нетолерирана закана“ за Блискиот Исток и за американскиот народ.

Свет | пред 4 седмици

Иран најави нов бран напади: Лансирани „различни“ проектили кон цели на САД

Иранската Исламска револуционерна гарда соопшти дека започнала нов бран напади врз американски воени бази во регионот, јавуваат државните медиуми.Во соопштението се наведува дека биле лансирани „различен вид“ проектили, но без да се објават дополнителни детали за нивниот тип, дострел или конкретните цели. Засега нема официјална потврда од американска страна за евентуални последици од нападите.Претходно во текот на денот, Револуционерната гарда информираше дека е во тек бран ракетни и беспилотни напади врз израелскиот град Беершева, со што дополнително се засилува ескалацијата на конфликтот во регионот.

Свет | пред 4 седмици

Трамп: „Со леснотија ќе победиме“, продолжуваат ударите врз Иран

Американскиот претседател Доналд Трамп изјави дека иранскиот режим вооружен со далекусежни ракети и нуклеарно оружје претставува закана што не може да се толерира, нагласувајќи дека САД ќе продолжат со воените удари врз Иран.Тој потсети дека го укинал договорот со Иран постигнат во времето на поранешниот претседател Барак Хусеин Обама, оценувајќи го како „ужасен договор“.„Обезбедуваме иранскиот режим повеќе да не може да вооружува терористички режими надвор од своите граници. Денес жалиме за четворица американски војници кои загинаа. Продолжуваме со мисијата против режим што претставува закана за американскиот народ“, изјави Трамп.Тој додаде дека американската војска е најсилна во светот и дека Соединетите Американски Држави „со леснотија ќе победат“.Според неговите зборови, војската на САД продолжува со удари врз, како што рече, „ужасниот терористички режим во Иран“. Трамп наведе дека Иран бил предупреден по операцијата „Полноќен чекан“ да не се обидува да ја обнови програмата за нуклеарно оружје, но дека ги игнорирал предупредувањата и продолжил со зајакнување на програмата за балистички ракети.

Свет | пред 4 седмици

Млада родилка почина на Гинекологија: ова и бил четврти царски рез, имало нагло влошување

Родилка на 34-годишна возраст почина на Клиниката за гинекологија и акушерство во Скопје, откако по породување со царски рез дошло до нагло влошување на нејзината здравствена состојба. Телото е предадено на обдукција, а официјалната причина за смртта ќе биде утврдена по пристигнувањето на патохистолошкиот наод.Од Клиника за гинекологија и акушерство – Скопје информираат дека пациентката била примена во 38 гестациска недела од петтата бременост и на 27 февруари 2026 година била породена со царски рез. Интервенцијата била извршена поради претходни три царски реза, односно станувало збор за четврти оперативен зафат од ваков вид. Според Клиниката, операцијата поминала со уреден тек.По интервенцијата, пациентката била префрлена на постоперативна интензивна нега. Во текот на престојот се пожалила на силна градна болка, по што веднаш бил повикан анестезиолошки тим и започната срцево-белодробна реанимација. По интервенцијата биле воспоставени виталните параметри, по што пациентката била префрлена на Одделението за интензивна нега и реанимација.Во натамошниот третман биле вклучени кардиолог и невролог, извршени биле електрокардиограм, ехокардиографија, рендген на бели дробови и повеќекратни лабораториски испитувања, со постојан мониторинг на виталните функции. Од Клиниката наведуваат дека бил применет мултидисциплинарен пристап и целосна современа терапија, но и покрај тоа, пациентката починала на 1 март 2026 година.Од установата изразија сочувство до семејството и најавија дека по добивањето на обдукцискиот наод ќе ја соопштат официјалната причина за смртта.

Македонија | пред 4 седмици

(Видео) Експлозии во упориштето на Хезболах, густ чад над либанската престолнина

Неколку воздушни удари ги погодија јужните предградија на Бејрут, откако израелската армија најави нов бран напади врз цели поврзани со Хезболах и издаде предупредувања за евакуација.Според снимки објавени на социјалните мрежи, од погодените подрачја се издигнува густ чад, додека либанската државна телевизија јави за четири израелски напади врз јужните делови на главниот град. Ударите следуваа по ракетирањето на Израел од страна на Хезболах во раните утрински часови.Допишничка на Би-Би-Си од Бејрут известува дека во градот одекнала силна експлозија во квартот Дахие, кој се смета за упориште на Хезболах. Според нејзините наводи, детонацијата била толку силна што создава впечаток дека се случила во самиот центар на престолнината.Во исто време, преку разглас од американската амбасада во Авкар биле упатени предупредувања до вработените да побараат засолниште и да се оддалечат од прозорците. Засега нема официјални податоци за евентуални жртви.

Свет | пред 4 седмици

Тешки загуби за американските сили во Кувајт

Централна команда на САД соопшти дека четворица припадници на американските вооружени сили загинале во борбени дејствија поврзани со операциите против Иран, додека 18 се водат како тешко ранети.Портпаролот на Центком, капетан Тим Хокинс, информира дека бројот на жртви е ажуриран, откако првично беше соопштено дека тројца војници загинале, а петмина биле тешко повредени. Според најновите податоци, вкупно четворица американски војници го загубиле животот.Според информации објавени од американски медиуми, сите четворица загинале во ист напад во Кувајт. Во текот на операциите, 18 припадници на американските сили се регистрирани како тешко ранети.Надлежните институции продолжуваат со истрагата за околностите под кои се случил нападот.

Свет | пред 4 седмици

(Фото) Автомобил „сплескан“ меѓу камион: сообраќајка на влезот од Скопје кај Автокоманда

Сообраќајна несреќа се случи пред 10 минути на влезот на Скопје кај бензинската пумпа „Лукоил“.Според фотографиите на социјалните мрежи, автомобилот е свртен во спротивен правец и заглавен меѓу жардиниера и камион.Нема информации за повредени лица.

Скопје | пред 4 седмици

СДСМ: Наместо 600 евра минималец, Владата понуди 1.660 денари усогласување

СДСМ ја обвини Владата предводена од Христијан Мицкоски дека ги изиграла работниците, откако наместо најавено зголемување на минималната плата, било направено само законско усогласување од 1.660 денари.Од партијата велат дека со ваквото ниво на минимална плата работниците се доведени на раб на егзистенција, бидејќи не можат да ги покријат основните трошоци за храна, сметки и живот на своите семејства. Според СДСМ, ветувањата за минимална плата од 600 евра останале нереализирани.Во соопштението се наведува дека Владата има средства за, како што велат, луксузирање со владиниот авион, набавка на мебел и службени возила, како и за „криминални тендери“, но нема пари за зголемување на примањата на работниците. Посочуваат и дека во Буџетот и натаму стои ставка од 124 милиони денари за авионот.СДСМ оценува дека работниците не се приоритет на Владата и дека наместо повисоки плати, фокусот е ставен на тендери и привилегии за функционерите. Од партијата порачуваат дека граѓаните заслужуваат достоинствена минимална плата и реално подобрување на животниот стандард.

Македонија | пред 4 седмици

Пентагон: Нема американски војници во Иран, но не откриваме што следува

Американскиот министер за одбрана Пит Хегсет изјави дека во моментов нема распоредени американски војници на територијата на Иран, но одби да коментира за можните идни потези на Вашингтон.Одговарајќи на прашање на новинар во Пентагон дали има „американски војници на територијата на Иран“, Хегсет кусо одговори дека нема, по што додаде дека администрацијата на претседателот Доналд Трамп нема јавно да ги соопштува своите планови.„Нема да навлегуваме во тоа што ќе направиме или нема да направиме. Погрешно е да се мисли дека треба однапред да му кажуваме на американскиот народ, но и на нашите непријатели, точно што ќе преземеме, колку долго и до каде ќе одиме“, изјави Хегсет.Тој порача дека Трамп сака противниците на САД да знаат оти Вашингтон ќе оди „онолку далеку колку што е потребно“ за заштита на американските интереси, но без, како што рече, непромислени потези.Министерот посочи дека за постигнување на целите не е нужно испраќање масовни копнени сили и долгорочно воено присуство, алудирајќи на претходните американски ангажмани во Ирак и Авганистан.„Ќе бидеме решителни и подготвени. Работиме со месеци на планирање на ефектите што сакаме да ги постигнеме“, нагласи Хегсет, додавајќи дека САД нема однапред да ги откриваат своите воени планови.„Зошто би му кажале на непријателот што ќе направиме? Се бориме за да победиме и да ги оствариме целите поставени од претседателот на Соединетите Држави. И тоа ќе го направиме без извинување“, заклучи американскиот министер за одбрана.

Свет | пред 1 месец

Трајко ја убил Марија од Куманово покажа истрагата откако телото беше откопано, ќе се ексхумира телото на уште една жена

Кумановката Марија Мартиновска (35) била убиена од Трајко Бојковски, потврдила ДНК анализата, откако телото беше ексхумирано. Нејзината смрт била насилна, потврдила обдукцијата.Обвинителството посочува дека меѓу 16 и 17 јануари осомничениот влегол во домот на жртвата и со удари по главата ѝ го одзел животот. Обвинителот Љубомир Лапе кој ја води истрагата изјави дека форензичките траги упатуваат оти делото е извршено од истото лице кое се поврзува и со друг случај.Паралелно е издадена наредба за ексхумација на тело на постара жена која, според првичните информации, одговара на профилот на првата жртва.Бојковски веќе е осомничен дека во периодот од 27 јануари до 12 февруари, на засега точно неутврден датум, во селото Челопек, Општина Старо Нагоричане, со умисла и на свиреп и подмолен начин ја убил 78-годишната Мира С.Обвинителството издаде наредби за психијатриско вештачење на осомничениот, како и за проверка на евентуална вмешаност на други лица, иако во овој момент тој е единствениот осомничен. Се испитува и евентуална одговорност на полициски службеници.Истрагата започна по пријава од преживеана жртва, 83-годишната Слободанка Арсовска од Куманово, која пред шест месеци успеала да се спаси. По нејзината пријава, истражителите започнале проверка и на претходни сомнителни случаи.Мотивот на сторителот засега не е утврден. Се очекуваат наоди од повеќе стручни лица кои треба да ја проценат неговата психичка состојба. Осомничениот во моментов е изолиран во притвор во кумановскиот затвор „К’шање“.Во фокусот на истрагата се и околностите под кои првично кај една од жртвите била констатирана природна смрт. Адвокатот на семејствата, Александар Симоновски од Куманово, изјави дека во случајот со помладата жртва првично било утврдено дека станува збор за природна смрт, но последното вештачење покажало постоење на повреди.Ќе се проверува и одговорноста на полициски службенци во делот на евентуални пропусти.

Македонија | пред 1 месец

Стигнаа новите цени на горивата кои важат од полноќ

Регулаторна комисија за енергетика, водни услуги и услуги за управување со комунален отпад на Република Северна Македонија донесе одлука за зголемување на малопродажните цени на нафтените деривати во просек за 1,13 проценти во однос на претходната одлука од 27 февруари 2026 година.Според пресметките на Комисијата, референтните цени на светскиот пазар бележат раст кај бензините од 2,977 проценти, кај дизелот од 0,464 проценти, кај екстра лесното масло од 0,370 проценти, додека кај мазутот зголемувањето изнесува 3,965 проценти. Курсот на денарот во однос на доларот, во периодот на пресметка, е понизок за 0,1035 проценти.Од 3 март 2026 година од 00:01 часот максималните цени ќе изнесуваат:ЕУРОСУПЕР БС-95 – 74,50 денари за литарЕУРОСУПЕР БС-98 – 76,50 денари за литарЕУРОДИЗЕЛ БС (Д-Е V) – 71,00 денар за литарЕкстра лесно масло за домаќинство (ЕЛ-1) – 70,00 денари за литарМазут М-1 НС – 35,542 денари за килограмМалопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за еден денар по литар. Цените на дизелот и на екстра лесното масло за домаќинство остануваат непроменети. Цената на мазутот М-1 НС се зголемува за 1,022 денари по килограм.Од РКЕ напоменуваат дека станува збор за максимални цени, при што трговците на големо и мало можат да формираат и пониски цени од утврдените највисоки износи.

Македонија | пред 1 месец

Експлозии во Техеран, иранската агенција јавува за воздушен напад

Неколку експлозии одекнале во Техеран, јавува иранската новинска агенција Тасним, повикувајќи се на извори од теренот.Според извештајот, „воздушен напад погодил подрачје во близина на Плоштадот на револуцијата“, каде што во моментот се одржувал собир на кој демонстранти ја осудувале, како што се наведува, „агресијата“.Во информацијата се додава дека иранската противвоздушна одбрана пресретнала напад над небото над централниот дел на Техеран. Засега нема официјални податоци за евентуални жртви или материјална штета.

Свет | пред 1 месец

Шпанија контра САД, нападот врз Иран го оцени како неоправдан, Санчез повика на воздржаност

Шпанскиот премиер Педро Санчез го оцени американско-израелскиот напад врз Иран како „неоправдан“ и побара „максимална воздржаност во употребата на сила“, заземајќи став спротивен на Германија, Франција и Обединетото Кралство, кои најавија соработка со Соединетите Американски Држави во одбрана на своите интереси.Во обраќање во Барселона на отворањето на телекомуникациската конференција „Мобајл ворлд конгрес“, Санчез изјави дека светот се наоѓа на крстопат.„Се наоѓаме на раскрсница и мора да избереме пат – војна или мир, напредок или неуспех, иднина или минато. Шпанија е јасна во тоа“, рече премиерот.Тој предупреди на последиците од, како што оцени, „опасен преседан на систематско прибегнување кон сила надвор од меѓународното право“ и повторно го осуди кршењето на човековите права во Газа и на Западниот Брег, како и нарушувањето на меѓународното право во Венецуела.Санчез нагласи дека Соединетите Американски Држави и Израел „еднострано“ го нападнале Иран без консултација со меѓународната заедница.„Обезглавија страшен режим што го угнетува своето општество, тоа е вистина. Но го поткопаа меѓународното право и предизвикаа невини жртви“, изјави тој.На критиките од лидерот на десничарската опозиција, Алберто Нуњез Феихо, кој го повика да се изјасни дали е „за слобода или за тирани“, Санчез одговори дека станува збор за лажна дилема.„Може да бидеш против ужасен режим како иранскиот, а истовремено и против неоправдана воена интервенција“, рече премиерот, додавајќи дека со нападите „целата регија е вовлечена во терор што создава глобална нестабилност“.Тој повторно повика на деескалација, почитување на меѓународното право и итно обновување на дијалогот, најавувајќи дека Шпанија ќе го застапува тој став во разговорите со другите земји.Во рамки на истиот настан, и Фелипе Шести предупреди на „критична ситуација“ кон која се движи Блискиот Исток. Монархот посочи дека постои ризик од регионална ескалација со непредвидливи последици и повика на „максимална умереност во употребата на сила“ со цел да се избегне хаос и ново страдање.Кралот се заложи за дијалог, мир и соработка во меѓународната заедница, потсетувајќи и на војната во Украина, која трае веќе четири години без јасна перспектива за мир, и повика на одбрана на универзалните вредности и принципи.

Свет | пред 1 месец

Бејрут бара разоружување на Хезболах и ограничување на неговата улога

Владата на Либан соопшти дека воените активности на Хезболах се незаконски и побара групата да го предаде своето оружје, нагласувајќи дека секоја вооружена акција мора да биде во рамките на легитимните државни институции.Премиерот Наваф Салам изјави дека владата целосно ги отфрла сите воени дејствија што се покренуваат од либанска територија надвор од институционалната контрола на државата.„Ги забрануваме воените активности на Хезболах и ја ограничуваме неговата улога на политичката сфера, а од воените институции бараме тоа да го спроведат“, изјави Салам.Тој повторно ја потврди определбата на владата за почитување на примирјето постигнато со Израел во 2024 година и за продолжување на преговорите, во обид да се спречи понатамошна ескалација на тензиите во регионот.

Свет | пред 1 месец

Мицкоски: Минималната плата се зголемува, исплатата од април

Минималната плата ќе се зголеми согласно закон и повисоките примања ќе почнат да се исплаќаат од април, најави премиерот Христијан Мицкоски на седницата на Економско-социјален совет.Тој информира дека на дневен ред е информацијата за висината на минималната плата за 2026 година, која, како што рече, очекува да биде усвоена и на следната владина седница. Според најавата, новата минимална плата ќе почне да се исплатува од април, за месец март.Мицкоски посочи дека Владата досега регулирала 95 проценти од односите со синдикатите преку колективни договори со рок на реализација до 2028 година, нагласувајќи дека не презема обврски што би важеле по истекот на мандатот.„Се однесуваме одговорно во рамките на мандатот што сме го добиле од граѓаните и не преземаме обврски за период по 2028 година“, изјави премиерот, додавајќи дека актуелната Влада има обврска да ги решава, како што рече, наталожените проблеми од минатото.Тој потсети дека во изминатиот период бил постигнат договор со синдикатите УПОЗ и САДУ за повисоки плати во администрацијата, а во процесот биле вклучени и други синдикални организации кои првично не учествувале во преговорите.Премиерот изрази очекување дека ќе продолжи и ќе се интензивира бипартитниот дијалог меѓу работодавачите и работниците, нагласувајќи дека институционалниот дијалог е единствениот начин за изнаоѓање конструктивни решенија.„Вон-институционални механизми постојат, но искуството покажува дека решенијата се носат во рамките на институциите“, порача Мицкоски, додавајќи дека Владата останува отворена за соработка во рамките на своите надлежности.

Македонија | пред 1 месец

СДСМ со прашања пред посетата на Руте: Какви се врските на Владата со Москва?

Од партијата велат дека со денови бараат одговор од Мицкоски за неговите, како што наведуваат, врски со Душан Адамовиќ и по кои критериуми на владина седница бил избран за почесен конзул на Македонија во Србија.СДСМ тврди дека јавноста е запознаена со ставовите на Адамовиќ, меѓу кои и изјави дека „Српска Македонија“ била окупирана, како и со, како што велат, бројни контроверзии и сомнежи поврзани со оружје и со наводни врски со Москва. Во соопштението се посочува и поврзаноста со Српската напредна странка, која ја нарекуваат сестринска партија на ВМРО-ДПМНЕ.Опозицијата оценува дека, доколку тоа се критериумите за почесен конзул, тогаш секој со криминално минато и радикални политички ставови би можел да биде именуван на таква функција. Во таа насока, во соопштението се споменува и лице по име Симе, за кое се тврди дека има фотографии со премиерот.СДСМ дополнително го отвора прашањето што Мицкоски ќе му соопшти на Руте во врска со Адамовиќ и со вицепремиерот Стоиљковиќ, за кого наведуваат дека е негов близок соработник во Владата и дека има врски со Русија.„Дали тоа е соодветно за земја членка на НАТО? Дали ваквите кадри ја зајакнуваат или ја компромитираат нашата позиција?“ – прашуваат од СДСМ, додавајќи дека јавноста заслужува одговори.

Македонија | пред 1 месец

Конфликтот се шири кон Либан: Нови ирански напади и израелски удари врз Хезболах

Ескалацијата на судирот меѓу Иран, Израел и Соединетите Американски Држави добива нова регионална димензија, откако конфликтот се прошири и кон Либан. Во раните утрински часови во понеделникот, Израел започна воздушни напади врз цели за кои тврди дека се поврзани со Хезболах, откако ја обвини милитантната група дека испалила ракети кон израелска територија.Според либанското Министерство за здравство, во израелските напади врз Бејрут и јужен Либан загинале најмалку 31 лице, а 149 се повредени. Паралелно со тоа, продолжуваат извештаите за ирански напади низ регионот, при што експлозии се пријавени во Бахреин и Дубаи, а во Саудиска Арабија избувнал пожар во нафтена рафинерија.Во заедничка изјава, Соединетите Американски Држави и шест сојузнички држави од Персискиот Залив оценија дека иранските активности претставуваат „опасна ескалација“ што ја загрозува стабилноста на Блискиот Исток.Претходно, кувајтската војска соопшти дека „неколку“ американски борбени авиони се урнале на територијата на Кувајт, при што екипажите останале неповредени. Причините за инцидентот се истражуваат, а верификувани снимки прикажуваат момент кога борбен авион паѓа од небото и се урива во близина на Кувајт Сити.Иранското Црвено полумесечје соопшти дека 555 лица загинале во Иран по нападите на САД и Израел извршени во повеќе од 130 градови. Во неделата, ирански ракетен напад усмрти девет лица во израелскиот град Беит Шемеш.Во меѓувреме, тензиите се прелеаја и кон источниот Медитеран. Британската воена база „РАФ Акротири“ во Кипар била цел на, како што се наведува, сомнителен напад со беспилотно летало веднаш по полноќ. Британското Министерство за одбрана соопшти дека членовите на семејствата кои живеат во базата ќе бидат преместени во алтернативно сместување како „превентивна мерка“.

Свет | пред 1 месец

(Видео) САД признаа: Три авиони Ф-15 соборени во Кувајт поради „пријателски оган“

Централна команда на САД соопшти дека три борбени авиони Ф-15, кои летале како поддршка на операцијата „Епски гнев“ против Иран, се урнале над територијата на Кувајт.Според соопштението, сите шест членови на екипажот успешно се катапултирале и биле безбедно пронајдени. Не се наведуваат дополнителни детали за околностите под кои дошло до инцидентот.Претходно, кувајтската војска информираше дека „неколку“ американски борбени авиони се урнале на територијата на земјата и дека се води истрага за причините.Видео-снимка верификувана од Би-Би-Си претходно прикажува момент во кој борбен авион, наводно, бил погоден во близина на Кувајт Сити. Официјалните истраги за инцидентот се во тек.

Свет | пред 1 месец

Телефони, паричници, накит: се враќаат предмети кои останаа во „Пулс“ по кобната вечер

Одделение за внатрешни работи Кочани информира дека од 2 март 2026 година започнува постапката за враќање на личните предмети пронајдени на местото на трагичниот пожар во кабарето „Пулс“, што се случи на 16 март 2025 година.Како што соопштуваат од полицијата, сите повредени лица, блиски членови на семејствата на починатите, како и други лица кои биле присутни за време на настанот, во периодот од 2 до 6 март 2026 година, во времето од 09:00 до 18:00 часот, можат да се обратат во просториите на ОВР Кочани на улицата „Тодосија Паунов“ број 12.Целта на посетата е идентификација и враќање на личните предмети што биле пронајдени при увидот, а им припаѓаат на повредените и на починатите лица. Меѓу предметите што ќе се враќаат се мобилни телефони, паричници, накит, часовници, ташни, облека и обувки.Од ОВР Кочани нагласуваат дека враќањето ќе се врши по претходна идентификација од страна на сопствениците или од блиски членови на семејствата на починатите.

Македонија | пред 1 месец

Над 49 илјади доцнења за три дена: воената ескалација го парализира светското небо

Последиците од воената ескалација на Блискиот Исток веќе трет ден се чувствуваат и на глобалното небо. Светскиот авиосообраќај бележи сериозни нарушувања, со вкупно 49.154 доцнења и 8.080 откажани летови во изминатите три дена, покажуваат дневните статистики на платформата „Флајт Авеар“.Ескалацијата на конфликтот по нападот на Соединетите Американски Држави и Израел врз Иран, што започна во текот на саботата, доведе до затворање и ограничување на дел од воздушниот простор во регионот. Ова предизвика синџирна реакција на доцнења, пренасочувања и суспендирање на летови на глобално ниво.Во саботата биле регистрирани 21.071 доцнење на летови ширум светот, со 2.758 откажувања. Во неделата бројот на доцнења изнесувал 19.415, додека биле откажани 3.229 летови. Денеска се евидентирани 8.668 доцнења и 2.093 откажани летови.Најголем број доцнења биле забележани токму во саботата, денот кога започнаа нападите и кога дел од авиокомпаниите итно ги пренасочуваа или целосно ги суспендираа летовите кон Блискиот Исток. Во неделата дојде до благо намалување на доцнењата, но порастот на откажувањата упатува на подолгорочно оперативно прилагодување на авиопревозниците.Иако денеска се забележува намалување на бројот на доцнења, бројот на откажани летови и натаму останува висок, што укажува дека дел од рутите сѐ уште не функционираат нормално.Експертите предупредуваат дека секое затворање на клучните воздушни коридори меѓу Европа, Азија и Блискиот Исток создава домино-ефект во глобалната мрежа на летови, со пренатрупување на алтернативните рути и дополнителен притисок врз системите за контрола на летање.Патниците се повикуваат редовно да го следат статусот на своите летови и официјалните известувања од авиокомпаниите, со оглед на тоа што состојбата и натаму е динамична и подложна на брзи промени.

Свет | пред 1 месец

Порбуваат да протнат усогласување на минималец за околу 1.600 денари, борбата продолжува на улица, вели Трендафилов

Претседателот на Сојуз на синдикати на Македонија, Слободан Трендафилов, соопшти дека ССМ ја напуштил седницата на Економско-социјален совет, откако, како што наведе, „на мала врата“ било направено обид за утврдување на усогласување на минималната плата за околу 1.600 денари.Трендафилов изјави дека ССМ нема мандат да учествува во, како што оцени, формално усогласување на минималната плата без реално зголемување што ќе го подобри стандардот на работниците.„Жалосно е што Владата, работодавачите и другите синдикати се на ист став – минималната плата само законски да се усогласи, а да не се зголеми суштински“, порача Трендафилов.Тој најави дека синдикалната борба продолжува и дека, доколку не се најде прифатливо решение, повторно ќе следуваат протести. „За жал, борбата повторно продолжува на улица, во средината на март“, истакна претседателот на ССМ.

Македонија | пред 1 месец

Малолетник управувал „мерцедес“ во Струга

На 2 март 2026 година во 01:15 часот, при сообраќајна контрола во струшката населба „Тефериќ“, полициски службеници од ОВР Струга исклучиле од сообраќај патничко возило „мерцедес“ со струшки регистарски ознаки.Контролата покажала дека возилото го управува малолетник кој нема положен возачки испит и не стекнал право за управување со моторно возило.По насоки на јавен обвинител, со малолетникот бил извршен службен разговор. Возилото е одземено, а по целосно документирање на настанот ОВР Струга ќе поднесе соодветна пријава.

Македонија | пред 1 месец

Малолетник зад волан во центарот на Охрид, „голфот“ одземен

На 1 март 2026 година во 23:40 часот, при сообраќајна контрола на пресекот на улиците „Сатеска“ и „Гоце Делчев“ во Охрид, полициски службеници од СВР Охрид исклучиле од сообраќај патничко возило „фолксваген голф“ со охридски регистарски ознаки.При проверката било утврдено дека возилото го управува малолетник кој нема положен возачки испит и не стекнал право за управување со моторно возило.Во присуство на родител, возилото било одземено, а по целосно документирање на случајот СВР Охрид ќе поднесе соодветна пријава.

Охрид | пред 1 месец

Левица поднесе кривична пријава против Цвета Ристовска за прикривање имот

Левица поднесе кривична пријава против поранешната членка на Државната комисија за спречување на корупцијата, Цвета Ристовска, поради сомнение за сторено кривично дело „Противправно стекнување и прикривање на имот“, казниво по член 359-а од Кривичниот законик.Од партијата тврдат дека Ристовска, спротивно на обврските од Законот за спречување на корупцијата и судирот на интереси, не пријавила две компании во сопственост на членови на нејзиното семејство, иако била должна да достави целосна и вистинита изјава за имотната состојба, која ги опфаќа и имотите на членовите на семејството.Според Левица, станува збор за свесно и намерно прикривање на имот, при што наведуваат дека компаниите кои не биле пријавени добиле два милиони денари од касата на ВМРО-ДПМНЕ. Партијата оценува дека тоа претставува „награда за непостапувањето“ на Ристовска против функционери од владејачката партија.Во пријавата се посочува и дека поранешната антикорупционерка во анкетниот лист го пријавила останатиот имот на своите деца, но, како што тврдат од Левица, ја изоставила фирмата што постои од 2020 година.Левица ја обвинува Ристовска дека станала „симбол на корупција во институција што треба да се бори против високата корупција“ и дека била „директна инсталација на владејачката партија“, при што, според нив, амнестирала двајца високи функционери – Бојан Христовски и Ивица Томовски.Од партијата порачуваат дека оставката од функцијата не е доволна и бараат целосна одговорност за, како што велат, свесното прикривање имот, како и ревизија на сите предмети што ги водела Ристовска, со цел, според нив, да се стави крај на заштитата на корупцијата на највисоките ешалони на власта.

Свет | пред 1 месец

Над 400 македонски граѓани побарале информации за евакуација, 30 подготвени да ја напуштат земјата во прва прилика

Министерство за надворешни работи и надворешна трговија на Република Македонија информира дека, согласно последните податоци добиени од дипломатско-конзуларните претставништва, повеќе од 400 македонски граѓани побарале информации во врска со можноста за евакуација, додека околу 30 лица изразиле подготвеност да ја напуштат земјата во првата можна прилика.Од Министерството соопштуваат дека со сите пријавени лица се одржува редовна и континуирана комуникација, при што се преземаат подготвителни активности за евентуална асистенција и нивна безбедна евакуација, во зависност од развојот на состојбата на терен.Паралелно, дипломатско-конзуларните претставништва ги преземаат сите неопходни мерки за подготовка и безбедна реализација на евакуацијата на граѓаните кои изразиле подготвеност за тоа. Министерството е во постојана координација со пријателски земји и меѓународни партнери со цел успешно и организирано спроведување на евентуалната постапка.Во однос на македонските државјани кои се наоѓаат во Обединетите Арапски Емирати и Државата Катар, согласно информациите од надлежните институции, во моментов не постојат безбедни услови за евакуација. За граѓаните кои се наоѓаат во Израел, веќе активно се разгледуваат и координираат потенцијални алтернативи за нивно безбедно извлекување.Министерството преку дежурниот телефонски број и преку дипломатско-конзуларните претставништва останува целосно на располагање на граѓаните и повторно апелира сите државјани кои се наоѓаат во земјите од регионот доследно да ги почитуваат упатствата и насоките на локалните безбедносни органи.За дополнителни информации и помош, достапни се следните контакти:СОС дежурен телефон на Министерството: 075/273-732Амбасада на Република Северна Македонија во Доха: +974 50 173 111Амбасада на Република Северна Македонија во Абу Даби: +971 56 441 7532Амбасада на Република Северна Македонија во Тел Авив: +972 54 500 8566 и +972 54 967 0546

Македонија | пред 1 месец