Промени тема
За нас
Нова вест Админ
site logo skopje1
иран
„Претрес“ на Жерновски: Поскапувања, политиката, лицемерието, Филипче, СДСМ...
„Претрес“ на Жерновски: Поскапувања, политиката, лицемерието, Филипче, СДСМ...

Најнови вести

3 ден.
258795493_465931921694283_9183676635682098414_n

Променливо време со пообилни врнежи – снег на планините, најавува УХМР

Променливо облачно време со повремени врнежи од дожд, на места пообилни и проследени со ретки грмежи, се очекува денеска низ земјава, додека на повисоките места врнежите ќе преминуваат во снег, најави Управата за хидрометеоролошки работиОттаму посочуваат дека локално врнежите ќе бидат поинтензивни, со над 20 литри на метар квадратен, а на планините ќе врне снег, со што ќе се зголеми снежната покривка. Ќе дува слаб до умерен ветер од променлив правец.Во Скопје времето ќе биде променливо облачно со повремени врнежи од дожд и услови за појава на ретки грмежи. Ќе дува слаб до умерен ветер од променлив правец. Температурата ќе достигне 13 степени, атмосферскиот притисок ќе изнесува 964 хектопаскали, влажноста на воздухот ќе биде 70 проценти, а брзината на ветерот 4 метри во секунда.Утре времето ќе остане променливо облачно со локални врнежи од дожд, но со послаб интензитет и со услови за изолирана појава на ретки грмежи. На повисоките места ќе има мешани врнежи од дожд и снег, додека на планините ќе продолжат врнежите од снег.Во Скопје и утре ќе има променливо облачно време со повремени врнежи од дожд и услови за појава на ретки грмежи, проследени со слаб до умерен ветер од променлив правец, информираат од УХМР.

Македонија | пред 3 дена

3 ден.
mucunski-3

„Ќе бидеме први во Европа“ – Муцунски најави стратешки дијалог со САД

Македонија ќе биде првата земја во Европа што ќе одржи сесија на стратешки дијалог со САД во рамки на оваа администрација, најави министерот за надворешни работи и надворешна трговија, Тимчо Муцунски.Во гостување во емисијата „Топ Тема“ на Телма, Муцунски потенцираше дека партнерството со Соединетите Американски Држави е од клучно значење за државата и претставува стратешка определба.„Ќе бидеме прва земја во Европа која во рамки на оваа администрација ќе има сесија на стратешки дијалог во Вашингтон“, истакна министерот Муцунски.Тој најави дека сесијата ќе се одржи на 7 април во Вашингтон, а македонската делегација ќе ја предводи лично тој како шеф на делегацијата. Во составот ќе бидат вклучени и министрите за внатрешни работи, одбрана, дигитална трансформација и енергетика.Муцунски изрази очекување дека стратешкиот дијалог ќе отвори сериозни дискусии во областа на одбраната и безбедноста, трговската и економската соработка, како и дека ќе донесе конкретни бенефити за граѓаните.

Свет | пред 3 дена

3 ден.
Screenshot-2024-10-26-at-11.07.13

Прв напад од Јемен кон Израел од почетокот на војната – лансиран проектил

Израелската армија соопшти дека детектирала проектил лансиран од Јемен кон израелска територија, што според информациите претставува прв ваков напад од почетокот на војната.„ИДФ идентификуваше лансирање на проектил од Јемен кон израелска територија, системите за противвоздушна одбрана дејствуваат за да ја пресретнат заканата“, објави израелската војска на Телеграм.Помалку од 15 минути подоцна, од ИДФ информираа дека граѓаните можат да ги напуштат засолништата низ целата земја.Нападот доаѓа откако портпаролот на јеменските хути, поддржани од Иран, најави дека ќе се вклучат во војната на Блискиот Исток доколку продолжат нападите врз Иран.Во објава на Телеграм, Јахја Саре, портпарол на јеменските вооружени сили, односно на хутската фракција, наведе дека „прстите се на обрачот за директна воена интервенција“ во неколку случаи.Како услови ги наведе ситуациите доколку други држави се приклучат на САД и Израел против Иран, доколку Црвеното Море се користи „за спроведување непријателски операции на Америка и Израел против Исламската Република Иран и против која било муслиманска земја“, како и доколку продолжи „ескалацијата“ против Иран.

Свет | пред 3 дена

3 ден.
media-librarycn902104fht5fuY0r0o

Иран нападна американска база во Саудиска Арабија – 12 војници ранети, оштетени авиони

Иран извршил силен напад врз американска воздушна база во Саудиска Арабија, при што се ранети 12 војници, од кои двајца се во тешка состојба, а сериозно е оштетена и воена опрема, вклучително и авиони.Според американски претставници, нападот бил насочен кон базата „Принц Султан“ и бил изведен со комбинација од проектили и дронови, што претставува еден од најсериозните пробиви на американската противвоздушна одбрана во текот на едномесечниот конфликт со Иран. Во нападот се значително оштетени најмалку два авиони за дополнување гориво во воздух од типот КЦ-135.Нападот доаѓа во момент кога американскиот претседател Доналд Трамп балансира меѓу најави за мир и засилени напади врз клучна цивилна инфраструктура. Тој тврди дека мировните преговори се во тек и напредуваат, додека од иранска страна овие тврдења се оспоруваат, а во меѓувреме САД испраќаат дополнителни воени бродови и илјадници војници во регионот.Во текот на конфликтот, Иран извршил повеќе напади врз американски бази низ Блискиот Исток, користејќи балистички проектили и дронови со цел да одговори и да ја наруши американската кампања на бомбардирање. Нападите предизвикале значителни оштетувања и го принудиле американското Централно командување да распореди дел од силите надвор од дострелот на ударите, вклучително и во Европа.Иако поголемиот дел од нападите биле пресретнати од американската и сојузничката противвоздушна одбрана, системите како иранските дронови „Шахед“ се евтини и лесно заменливи, за разлика од одбранбените системи кои се значително пософистицирани.Од почетокот на конфликтот загинале 13 американски војници. На самиот почеток, шест резервисти биле убиени во напад со ирански дрон врз тактички оперативен центар во Кувајт, додека уште еден војник загинал по напад на истата база во Саудиска Арабија на 1 март.Вкупно се ранети речиси 300 американски војници, од кои околу 225 се здобиле со трауматски повреди на мозокот предизвикани од експлозии. Повеќето од нив се вратиле на должност, освен околу 35 војници.Податоците за цивилните жртви покажуваат дека во Иран се убиени повеќе од 1.492 лица од вкупно над 3.300 загинати, додека во Либан бројот на жртви надминува 1.110. Во земјите од Персискиот Залив загинале повеќе од 50 луѓе, а најмалку 16 во напади врз Израел.Во меѓувреме, Трамп повторно се закани со бомбардирање на ирански електрани доколку Техеран не попушти, при што рокот за договор е продолжен и сега истекува на 6 април.

Свет | пред 3 дена

3 ден.
thailand-20653761920-830x0-1

Тајланд договори безбеден премин на танкерите низ Ормускиот теснец

Тајланд постигнал договор со Иран со кој се обезбедува сигурен премин на тајландските нафтени танкери низ Ормускиот теснец, соопшти премиерот Анутин Чарнвиракул.„Постигнат е договор кој им овозможува на тајландските танкери сигурен транзит низ Ормускиот теснец“, изјави премиерот на прес-конференција.Тој додаде дека договорот има за цел да обезбеди непречено движење на нафтените испораки во услови на зголемена чувствителност во овој стратешки важен поморски премин.

Свет | пред 3 дена

3 ден.
media-libraryhlm5pi2vf9qvfUQRYgz

(Фото) Скриени меѓу пакувања кафе: фотографии од запленетите 580 куршуми во автобус на „Дурмо Турс“ на Табановце

Дури 580 парчиња куршуми биле откриени во автобус на „Дурмо Турс“ на граничниот премин Табановце, при контрола на влез во државата, а двајца осомничени се лишени од слобода и против нив е поднесена кривична пријава.Мобилен царински тим при Одделението за оперативни работи го открил случајот на 26-ти месецов, кога поради сомневање го запрел автобусот кој сообраќал на релација Италија – Македонија. При деталната проверка, царинските инспектори забележале оштетувања на надворешниот дел од вентилацијата, што било причина за дополнителен преглед.Во внатрешноста на вентилацискиот простор, помеѓу 50 пакувања кафе, била пронајдена кутија со вкупно 580 куршуми, од кои најголем дел со калибар од 9 милиметри.Муницијата е трајно одземена, а задржан е и автобусот во кој била откриена. Одделението за истраги веќе поднело кривична пријава до Основното јавно обвинителство Куманово против двајца осомничени кои се лишени од слобода, додека истрагата е проширена и кон други лица.Од Царинската управа информираат дека продолжуваат со засилени активности насочени кон заштита на безбедноста на граѓаните.

Македонија | пред 3 дена

3 ден.
media-library1ve5ufdd63v50gpMbd8

Трамп: „Куба е следна – ама правете се дека не го кажав тоа“

Американскиот претседател Доналд Трамп со нова контроверзна изјава ја отвори темата за Куба, директно алудирајќи дека островската држава би можела да биде следната цел на Вашингтон по воените операции во Венецуела и Иран.Говорејќи на инвестициски форум во Мајами, Трамп ја пофали американската воена моќ и интервенциите во странство, а потоа изговори реченица која веднаш предизвика реакции.„Изградив голема војска. Реков: ‘Никогаш нема да мора да ја користите.’ Но понекогаш мора да ја користите. И Куба е следна, патем. Но правете се дека тоа не го кажав. Правете се дека не сум,“ изјави Трамп.Иако не даде конкретни детали што точно подразбира под оваа изјава, сигналите од неговата администрација укажуваат на засилен притисок врз Хавана. Во изминатиот период, Вашингтон започна разговори со делови од кубанското раководство, додека самиот Трамп повеќепати сугерираше дека не ја исклучува ниту воената опција.Кубанскиот претседател Мигел Дијаз-Канел потврди дека се водат разговори со САД со цел да се избегне евентуален судир, во услови кога земјата се соочува со сериозна економска и енергетска криза.Кризата дополнително се продлабочи откако Венецуела, по смената на власт во Каракас, ги прекина испораките на нафта кон Куба – ресурс од кој островот е суштински зависен за електрична енергија и транспорт.Ова не е првпат Трамп да испраќа вакви пораки. Претходно во март, тој изјави дека Куба би можела да биде предмет на „пријателско преземање“, за потоа да додаде: „Можеби тоа нема да биде пријателско.“Изјавата „Куба е следна“ доаѓа во контекст на поширока стратегија на Вашингтон во регионот, по интервенцијата во Венецуела и зголемените тензии со Иран, што дополнително ја засилува неизвесноста околу идните потези на САД на Карибите.

Свет | пред 3 дена

3 ден.
media-library3gmdcpi8djn1evtcTgd

Убиство во Охрид: убиениот пронајден утрово, уапсен осомничен од Брвеница

Полицијата го приведе осомничениот за убиството на 76-годишен маж во Охрид, откако бил пронајден мртов во својот дом утрово.„Денеска (27.03.2026) во 17:20 часот во тетовското село Брвеница, полициски службеници од СВР Тетово, по претходно распишана централна потерница од СВР Охрид, од слобода го лишија Ж.Г.(53) од истото село кој се сомничи за сторено кривично дело ‘убиство’ по член 123 од кривичниот законик“, соопшти МВР.Претходно, случајот бил пријавен утринава во Охрид.„Имено, денеска во 08:24 часот во СВР Охрид е пријавено дека во неговиот дом на улицата ‘Нада Филева’ во Охрид, без знаци на живот бил пронајден К.М.(76) од Охрид. На местото на настанот извршен е увид од надлежен јавен обвинител и полициски екипи, а лекар од Итната медицинска помош констатира смрт по што, по наредба на јавен обвинител, телото е предадено за обдукција“, информираат од МВР.По преземените мерки и распишаната потерница, осомничениот бил лоциран и лишен од слобода во тетовско.„По целосно расчистување на случајот против Ж.Г. ќе биде поднесена соодветна пријава“, додаваат од полицијата.Истрагата за случајот е во тек.

Охрид | пред 3 дена

3 ден.
media-libraryl42sn4hv0m480pNUZbd

Најмалку 13 загинати во американско-израелски напади врз иранската покраина Керманшах

Најмалку 13 лица загинаа во два напади изведени од САД и Израел врз западната иранска покраина Керманшах, објави иранската државна агенција Mehr.Според извештаите, нападите погодиле стамбени области во регионот што граничи со Ирак.Од почетокот на војната на 28 февруари, во Иран вкупно загинале 3.186 лица, меѓу кои 1.394 цивили, според најновите податоци на американската организација за човекови права HRANA.

Свет | пред 3 дена

3 ден.
mkd-393567

Цените на нафтата пораснаа над 111 долари

Цените на нафтата денеска пораснаа на меѓународните пазари над 111 долари за барел, под влијание на сомнежите кај инвеститорите дека САД и Иран би можеле наскоро да го решат конфликтот преку преговори.На лондонскиот пазар, попладне барелот се тргуваше по цена повисока за 3,46 долари во споредба со вчерашното затворање, достигнувајќи 111,47 долари, додека на американскиот пазар цената беше повисока за 4,08 долари, на 98,56 долари. Пазарите го игнорираа повтореното одлагање на рокот за отворање на Ормускиот теснец од страна на американскиот претседател Доналд Трамп.Трамп во четврток повторно го одложи рокот што го постави за Иран за отворање на теснецот, овојпат за 10 дена. Ако теснецот не биде отворен, САД од 6 април би ја нападнале иранската енергетска инфраструктура. Израелскиот министер за одбрана Бени Ганц истакна дека нападите врз Иран нема да запрат.Иран, по американско-израелскиот напад крајот на февруари, ја презеде контролата над Ормускиот теснец, забранувајќи транзит на бродови поврзани со Израел, САД и нивните сојузници. Техеран инсистира дека теснецот не е затворен и дека транзитот е дозволен за бродови од „пријателски земји“ во координација со иранската морнарица.Израел и САД повторно ноќта нападнаа цели во Иран, а иранската армија возврати со лансирање проектили и дронови врз Израел и американски бази во земјите покрај Персискиот Залив.Аналитичарите предупредуваат дека геополитичкиот ризик нема значително да се намали, бидејќи блокадата на Ормускиот теснец веќе го исфрли од пазарот околу осум милиони барели нафта дневно, а во опасност е и многу поголема количина, истакнуваат Ева Мантеј и Ворен Патерсон од ING.Русија, пак, попладне сигнализираше дека може да забрани извоз на бензин од 1 април за сите учесници на пазарот, како што изјавија извори за агенцијата Интерфакс. Министерот за енергетика Александар Новак истакна дека владата треба брзо да преземе мерки за да се спречи поскапување на горивата и да се обезбеди стабилност на домашниот пазар во услови на светска енергетска криза.Одделно, Организацијата на земјите извознички на нафта (OPEC) објави дека цената на барелот од нејзината кошничка нафтени производи во четврток се зголемила за 5,20 долари, достигнувајќи 122,16 долари.

Свет | пред 3 дена

3 ден.
media-librarygrhru1dnl3m663Wn1cd

(Видео) Хрватска блогерка откри уникатна практика во Палау: Посетителите мора да потпишат посебно ветување

Хрватската блогерка за патувања, Ванa Бојовиќ, ја посетила Палау, мала островска држава во Тихиот океан, и споделила интересен детаљ кој ја дочека веднаш по пристигнувањето.Палау се наоѓа во западниот дел на Тихиот океан, околу 500 километри источно од Филипините. Состои од повеќе од 340 острови, а најголеми се Бабелдаоб, Корот и Пелелиу.Овој главен град нема ниту еден постојан жител, што ја прави неговата приказна уште поинтересна. Позната е по недопрената природа, коралните гребени и разновидниот подводен живот, што ја прави популарна дестинација за нуркачи и љубители на екотуризам.Идејата за посетата на Палау е едноставна: ако веќе доаѓате во овој рај, мора да ветите дека ќе го чувате. Тоа ветување се прави со официјален потпис на посебен печат во пасошот, наречен „Palau Pledge“, кој гласи:„Деца на Палау, јас, како ваш гостин, ветувам дека ќе ја сочувам и заштитам вашата прекрасна и уникатна островска татковина. Ветувам дека ќе чекорам внимателно, ќе постапувам добродушно и ќе истражувам со свест. Нема да го земам она што не ми е дадено. Нема да штетам на нешто што не ми штети. Единствените траги што ќе ги оставам се оние што ќе се измијат. Ќе штедам вода, енергија и ќе го заштитам вашиот воздух и земја. Ќе ја поддржувам локалната заедница и економија. Ќе ја почитувам вашата култура и традиции. За идните генерации на Палау, ветувам дека ќе чекорам внимателно, ќе постапувам добродушно и ќе истражувам со свест.“На својот TikTok профил, Бојовиќ споделила снимки од островот со тиркизни нијанси на морето, како и интересен момент од самиот влез во државата.„Кога ќе слетате во Палау, на имиграција добивате посебен печат во пасошот наречен ‘Palau Pledge’ и пред влез во земјата морате да го потпишете“, објаснува таа.Палау е земја со еден од најбогатите морски екосистеми во светот, поради што одлучиле да воведат вакви правила за заштита на природата.

Магазин | пред 3 дена

3 ден.
media-library8gruo8s69dvq5WLztRF

Алиу: Со новиот Закон за лекови побрзи постапки за одобрување и регистрација на лекови, и зајакнување на контролата за квалитет и безбедност на фармацевтските производи

Министерот за здравство, Азир Алиу на денешната прес-конференција го презентираше новиот предлог-закон за лекови, како дел од пошироката реформа на здравствениот сектор.-Новиот закон има за цел модернизација на системот за лекови и негово усогласување со европските стандарди, со фокус на подобрување на квалитетот на третманот и зголемување на безбедноста на пациентите. Со законското решение се предвидуваат побрзи постапки за одобрување и регистрација на лекови, скратување на времето за нивна достапност, како и воспоставување систем за следење на снабдувањето и спречување евентуален недостиг. Воведени се и електронски системи за следливост и анализа на потрошувачката, посочи министерот Алиу.Дополнително, се зајакнува контролата на квалитетот и безбедноста, се унапредува фармаковигиланцата и се подобрува координацијата меѓу институциите. Законoт предвидува и построги правила за клинички испитувања, како и нов систем за управување со фармацевтски отпад од домаќинствата.Целта на новото законско решение е да се обезбеди подобра регулација на цените, поголема достапност на терапијата и долгорочна одржливост на здравствениот систем.Предлог-законот ќе биде достапен на Електронскиот национален регистар на прописи (ЕНЕР) од понеделник, наредната недела, каде јавноста ќе може да достави свои забелешки и предлози.

Македонија | пред 3 дена

3 ден.
media-librarydi2n4ku80ob43BrEnRC

(Фото) Бик продаден за 143.000 евра

Бик под името Granite Ridge Velocity V42 е продаден за дури 235.000 австралиски долари (околу 143.000 евра), со што станува еден од најскапите Ангус бикови некогаш продадени во таа австралиска сојузна држава.Според зборовите на купувачот, бикот ги убедил со многу цврста градба, изразени телесни карактеристики и мирен темперамент. Важна улога во одлуката за купување имале и квалитетот на крзното и кожата, како и многу добрите генетски показатели.Во сточарството, врвните репродуктивни бикови се сметаат за долгорочна инвестиција. Еден бик може во текот на повеќе години значително да влијае на генетиката на целото стадо, било преку природно парење или користење на семе во вештачко оплодување.Стручњаците од сточарската индустрија нагласуваат дека ваквата висока цена ја потврдува трајно силната побарувачка за квалитетна Ангус генетика.Ангус расата веќе со години ужива голема популарност во светското сточарство, пред сè поради квалитетното месо, добрата конверзија на храна и прилагодливоста на различни производствени услови.Токму поради овие својства, врвните репродуктивни примероци често достигнуваат многу високи цени на аукции ширум светот, пренесува Capital.

Свет | пред 3 дена

3 ден.
media-librarygit09tmeur0ufG7uK4U

Седум земји бараат прекин на нападите врз цивили во војната во Иран, меѓу кои и САД

Министрите за надворешни работи на земјите од Групата на седумте (G7) денеска повикаа на итен прекин на нападите врз цивили и цивилна инфраструктура во конфликтот во Иран.Во заедничката изјава објавена на вториот ден од состанокот во Франција, годинашниот домаќин на самитот, министрите го нагласиле значењето на минимизирање на влијанието на конфликтот врз регионалните партнери, цивилното население и критичната инфраструктура. „Ние се фокусиравме на вредноста на различни партнерства, координации и иницијативи за поддршка, вклучувајќи ги и мерките за ублажување на глобалните економски шокови како нарушувањата во комерцијалните синџири на снабдување што опфаќаат економски, енергетски и комерцијален сектор, кои директно влијаат на нашите граѓани“, се наведува во соопштението, до кое имал увид и Reuters.Министрите повторија и дека е потребно враќање на безбедно и слободно пловење низ Ормускиот теснец.Членки на Г7 се САД, Велика Британија, Канада, Франција, Германија, Италија и Јапонија, а постојан член е и Европската Унија, која учествува на сите состаноци, но не претседава ниту е домаќин на самитот.

Свет | пред 3 дена

3 ден.
h_57503169

Путин: Русија не ја исклучува можноста за подобрување на односите со европските држави

Рускиот претседател Владимир Путин денеска изјави дека Москва не ја исклучува можноста за подобрување на односите со европските држави.На седницата на Рускиот совет за безбедност, Путин рече дека Русија „никогаш не го одбила развојот на тие односи, ниту нивното обновување“, според транскриптот објавен од Кремљ. Како причина за раздорот, тој повторно го наведе соборувањето на прорускиот претседател на Украина, Виктор Јанукович, по масовните протести во 2014 година.„Треба да се разгледа состојбата на односите со европските држави, особено со Европската унија“, рече Путин, пренесува dpa.Според него, тоа означило почеток на „серија трагични настани кои се случуваат во Украина и денес“.На истата седница проценки за овие односи изнесе и рускиот министер за надворешни работи Сергеј Лавров, но Кремљ не објави детали од неговото обраќање.

Свет | пред 3 дена

3 ден.
media-library00uvrthssn0n91SjxZW

(Видео) Израелската армија: Во училиште во Либан пронајдено оружје на Хезболах

Израелската армија (IDF) соопшти дека во едно училиште на југот на Либан пронашла стотици парчиња оружје, кои припаѓаат на Хезболах.Според соопштението на IDF, складиштето било откриено по насочена рација на израелските сили во селото Ал-Хијам. На социјалните мрежи е објавено видео на кое, според тврдењата на армијата, се гледаат ракети, минофрлачки гранати, огнено оружје и експлозив пронајдени во училиштето.„Хезболах систематски ја вградува својата терористичка инфраструктура во цивилни простории, продолжувајќи да ги загрозува жителите на Либан“, се наведува во извештајот на IDF за рацијата.

Свет | пред 3 дена

3 ден.
germanija-zname

Германски министер за надворешни работи: Русија му дава информации на Иран за потенцијални цели за напади

Германскиот шеф на дипломатијата Јохан Вадефул денеска ја обвини Русија дека му помага на Иран во идентификување на потенцијални цели за напади, нагласувајќи дека нема несогласување меѓу Вашингтон и Берлин околу конфликтот со Иран.На прес-конференција за време на состанокот на форматот Г7 во Франција, Вадефул рече дека разговарал со американскиот државен секретар Марко Рубио, кому му го изнел ставот на Берлин – Германија е подготвена да учествува во обезбедувањето на Ормускиот теснец откако ќе завршат непријателствата. Тој го оцени рускиот претседател Владимир Путин како „цинично надевајќи се дека ескалацијата на Блискиот Исток ќе го одвлече вниманието од неговите злосторства во Украина“.„Неговата сметка не смее да успее. Јасно гледаме колку овие два конфликти се испреплетени. Русија очигледно го поддржува Иран со информации за потенцијални цели“, рече Вадефул.Тој исто така потенцираше дека Берлин и Вашингтон се согласни околу Иран, додавајќи дека таа земја не смее да дојде до нуклеарно оружје ниту да претставува регионална закана, пренесува Reuters.Министерот предупреди дека поддршката за Украина не смее да забави поради конфликтите на Блискиот Исток и дека мора да се одржат нејзините одбранбени капацитети.Вадефул истакна дека притисокот врз Русија мора да остане силен, преку санкции, акции против „сенковната флота“ и притисок врз рускиот енергетски сектор.Во врска со војните во Украина и Иран, тој додаде дека „целосно е јасно“ дека во иднина клучна ќе биде противвоздушната одбрана, па германските вооружени сили планираат набавка на соодветно оружје, а одбранбената индустрија на Германија и Европа ќе треба да разгледа како да стане поефикасна во таа област.

Свет | пред 3 дена

3 ден.
media-libraryho2e8d01qfp74MIokAz

Ѓорѓиевски: Нова зона со над 1.300 паркинг-места и дигитални услуги за „Градски паркинг“ во Аеродром

Орце Ѓорѓиевски, информира дека е означен почетокот на нова зона за паркирање и воведување дигитални услуги за корисниците на ЈП „Градски паркинг“ во Општина Аеродром.Како што објави Ѓорѓиевски, заедно со градоначалникот на Аеродром, Дејан Митески, и директорот на претпријатието, Владимир Кроневски, бил означен стартот на зоната Д12, која се наоѓа во Реонскиот центар во Аеродром.„Станува збор за простор кој се уредуваше во повеќе фази, поради неговата големина и значење. По добивањето на сообраќајното решение, пристапивме кон целосно уредување на јавната површина со поставување вертикална и хоризонтална сигнализација“, наведува Ѓорѓиевски.Во рамки на зоната се обезбедени 1.302 паркинг-места, од кои 32 се наменети за лица со попреченост, односно вкупно 1.334 уредени позиции. Зоната ги опфаќа улиците 1612 и 1613, односно целиот Реонски центар.Од 1 април, станарите и правните и физичките лица со дозвола ќе можат да паркираат исклучиво во зоната за која ја поседуваат дозволата. Станарите ќе имаат можност за две бесплатни дозволи за возила, додека за останатите корисници цената ќе изнесува 25 денари за час.Канцеларијата за аплицирање ќе се наоѓа во зградата на Рударскиот институт на булеварот „Јане Сандански“.Паралелно, како што посочува Ѓорѓиевски, се воведуваат и нови дигитални услуги. Од 1 април 2026 година, граѓаните ќе можат електронски да поднесуваат барања за дозволи преку платформата „moj.parking.mk“, како и да вршат онлајн плаќање на месечни и годишни дозволи.Дополнително, во тек е подготовка и на нова зона за паркирање во Ново Лисиче, која ќе обезбеди 2.719 нови паркинг-места.„Посветено работиме на воведување ред во паркирањето, намалување на сообраќајниот хаос и создавање фер и функционален систем кој ќе им служи на граѓаните“, истакнува Ѓорѓиевски.

Скопје | пред 3 дена

3 ден.
media-libraryaeec4oug58ejdU82Khd

Сиљановска-Давкова со воведен говор на панел-дискусијата на Европските демократски студенти

Претседателката д-р Гордана Сиљановска-Давкова со воведен говор ја отвори панел-дискусијата на Европските демократски студенти (ЕДС), учесници на Зимскиот универзитет на ЕДС 2026, што годинава се одржува во Скопје.Младите лидери најпрво се заблагодарија на приемот и искажаа благодарност за можноста да разменат ставови за демократијата, безбедноста и европската иднина на Западен Балкан, како тема на панелот.Сиљановска-Давкова укажа на кризата на демократијата во светот и Европа, како и на демократскиот дефицит на ЕУ, на сериозните безбедносни закани, како и на неодржливоста на исклученоста на државите од т.н. Западен Балкан од членството на ЕУ.Според неа, барањата на соседите со коишто се соочуваме со децении отстапуваат од Копенхагенските критиериуми и не се во духот на конститутивните акти на Европската унија.Таа потсети на десeттината „да“од страна на Европскиот парламент и Европската комисија и уште толку „не“ од Европскиот совет заради вето од некои соседи.Осврнувајќи се на компаративните историски искуства на проширувањето на Европската Унија, претседателката укажа на примерите на вклучување во членство на кандидатки коишто не исполнувале некои од критериумите за членство во ЕУ, како доказ за двојни стандарди и нарушен кредибилитет.За неа, Западниот Балкан не е товар за апсорпциониот капацитет на ЕУ и неговиот прием ќе означи крај на вештачката поделба на Запад и Исток, ќе стави крај на балканизацијата и ќе обезбеди поголема безбедност на ЕУ, но и на Европа.Исто така, според претседателката, иако во моментов е тешко да се зборува за реформи на ЕУ, тие се неопходни.Претседателката очекува ЕУ итно да го преиспита својот однос и политика кон Западниот Балкан, со оглед на растечките безбедносни закани и дилеми во воен и несигурен меѓународен амбиент, нарушена, драматичната промена на меѓународниот поредок, минимизиран мултилатерализам и сериозната криза на лидерство.За неа, војните се плодна почва за авторитаризам, републикански монархизам, од типот на бонапартизам, но и опасност од нови мигрантски бранови.Сепак, Сиљановска-Давкова, сè уште верува во шансите за преговори за враќање на мирот, безбедноста и демократијата.Во панел-дискусијата, европските демократски студенти се вклучија со низа прашања и коментари, меѓу кои и следниве: „Како прва жена претседателка, како би нè советувала, нас, критички настроените млади да влијаеме врз зголемувањето на бројот и учеството на жените во креирањето на политики на сите нивоа? Кои се македонските приоритети во безбедносната политика и како ќе ги остварите? Колку е тешко да се промовира и одржи граѓанското единство во мултиетничко општество, како македонското?“.

Македонија | пред 3 дена

3 ден.
media-library9qtpdb95l7f931bX0LS

Променливо облачно време со врнежи, најмногу дожд во источните делови

Според информациите од Управата за хидрометеоролошки работи, денеска времето во земјава е променливо облачно со повремени локални врнежи од дожд, поизразени во источните делови, додека во Повардарјето е забележана и појава на грмежи. Дува слаб до умерен ветер од променлив правец, кој на места повремено се засилува.Во текот на денот највисоката температура е измерена во Гевгелија и Кавадарци со 16 степени, додека најстудено било на Попова Шапка со само 2 степени. Во Скопје се измерени 14 степени на Зајчев Рид и 15 степени во Петровец.Во изминатите девет часа најмногу врнежи се регистрирани во Виница (21 литар на метар квадратен) и Берово (19), а значителни количества има и во Струмица, Крива Паланка и Лазарополе. На Попова Шапка снежната покривка достигнува 62 сантиметри.До крајот на денот се очекува да продолжи променливото облачно време со локални врнежи од дожд, особено во источните делови, проследено со умерен јужен ветер, кој долж Повардарието ќе биде засилен.Утре времето ќе биде променливо облачно со послаби врнежи од дожд и услови за изолирани грмежи. На повисоките места врнежите ќе бидат од дожд и снег, а на планините од снег. Ќе дува слаб до умерен ветер од северен правец, со температури од -1 до 5 степени наутро и од 8 до 16 степени во текот на денот.Во Скопје утре се очекува слично време – променливо облачно со повремен дожд и можност за ретки грмежи, со температура од 3 до 12 степени.Според УХМР, за време на викендот и на почетокот на следната седмица ќе се задржи променливо облачно време со повремени врнежи со слаб интензитет, додека пообилни врнежи повторно се најавуваат од ноќта кон среда и во среда. Во недела и среда се очекува и засилен северен ветер долж Повардарието.

Македонија | пред 3 дена

3 ден.
media-librarygvjkn3rgmo1q7gRNdgY

СДСМ обвинува: „Савески предлага обвинителка од ‘тевтерчето’, правосудството повторно под партиска контрола“

Опозициската СДСМ обвини за, како што наведуваат, нов скандал во правосудството, откако јавниот обвинител Ненад Савески ја предложил Јасмина Костеска-Здравеска за шеф на Вишото јавно обвинителство.Според партијата, станува збор за „уште еден доказ дека власта системски се обидува да го партизира правосудството со свои инсталации“.„Одлуката на новиот јавен обвинител Ненад Савески да ја предложи Јасмина Костеска-Здравеска за шеф на Вишото јавно обвинителство е уште еден доказ дека власта системски се обидува да го партизира правосудството со свои инсталации. По теркот на Груевски, со договорени судии и обвинители од ‘тевтерчето’ кои граѓаните многу добро го знаат“, наведуваат од СДСМ.Партијата потсетува дека името на Костеска-Здравеска се споменувало во прислушуваните разговори, познати како „бомбите“, поврзани со Сашо Мијалков и Гордана Јанкулоска.„Името на Костеска-Здравеска се споменуваше во разговорите од бомбите, меѓу Сашо Мијалков и Гордана Јанкулоска во кои се договараше нејзиниот избор. ‘Таа што сме ја договарале’, ‘Ја квалификувавме како наша’, ‘Наша е, кога ќе го видиш ќе ти текне човекот’“, посочуваат од СДСМ.Во соопштението се наведува и дека таа е сопруга на Вецко Здравески, кој бил член на Комисијата за лустрација.СДСМ поставува прашање дали оваа одлука е дел од поширока политичка координација.„Вака ли Савески ќе спроведува ‘реформи’ со партиските кадри на ВМРО? Савески треба да одговори дали ова му била дадена како задача лично од Христијан Мицкоски?“, прашуваат од партијата.Во продолжение, СДСМ наведува серија обвинувања за, како што велат, „враќање на стари практики“, вклучително и избор на судии блиски до власта, напади врз СЈО и подготовка на нови политички кампањи.„Се враќаме во 2016 година!“, порачуваат од СДСМ.Од Обвинителството засега нема одговор на овие обвинувања.

Македонија | пред 3 дена

3 ден.
media-libraryj56fg38ofer7dCxtOxW

Девојката од Украина која барала помош пред маркети во Скопје, ги одбила сите видови понудена помош, објави украинското здружение во земјава

Здружението на Украинците во Република Македонија „Лесја Украинка“ информира дека девојката со мало дете, која се претставува како украинска државјанка и бара милостина во центарот на Скопје, ги одбила сите понудени форми на помош.Од здружението соопштија дека по добиените информации за нејзиното присуство пред маркетите од синџирите КАМ и Тинекс, нивни претставници стапиле во директен контакт со неа и ѝ понудиле сеопфатна поддршка.Во разговорот, како што наведуваат, ѝ биле објаснети можностите за законски престој во земјава, вклучително и добивање дозвола за привремен престој од хуманитарни причини, азил или туристички престој. Понудени ѝ биле и услуги од преведувач, како и помош при подготовка на потребната документација.Дополнително, ѝ било препорачано да стапи во контакт со конзуларниот оддел на Амбасадата на Украина во државата, а ѝ било понудено и посредување за обезбедување сместување, вработување и материјална помош во вид на храна, облека и основни потреби. Од здружението биле подготвени да ѝ обезбедат и СИМ-картичка, бидејќи, како што посочила, немала телефонски број.Во меѓувреме, истиот ден, како што информираат, и други организации понудиле поддршка, меѓу кои хуманитарната организација „Св. Спас“, Црвен крст на град Скопје, како и „Легис“ и „Екрауд“ фондацијата.„Како резултат на тоа, оваа државјанка ги одби сите видови понудена помош. Таа изрази незадоволство што нејзината приказна доби јавност, изјавувајќи дека тоа „ѝ пречи да собира пари“. И покрај ветувањето дека сама ќе купи телефонска картичка и ќе стапи во контакт со претставниците на Здружението, во текот на изминатите два дена таа не се јави“, напишаа од Здружението на Украинци во Македонија.Од „Лесја Украинка“ посочуваат дека ги презеле сите можни чекори за помош и се оградуваат од понатамошната одговорност за нејзината состојба и легалноста на нејзиниот престој, нагласувајќи дека натамошното постапување е во надлежност на институциите.Воедно, упатуваат благодарност до граѓаните за нивната внимателност и апелираат до јавноста да ги информира доколку девојката повторно биде забележана.

Скопје | пред 3 дена

3 ден.
media-libraryf80tj7ah7kaufWqMifA

Кремљ: Владимир Путин не барал донации од бизнисмени за војната во Украина

Кремљ денеска ги демантираше информациите дека рускиот претседател Владимир Путин побарал од водечките бизнисмени да донираат средства за стабилизација на руските финансии додека продолжува војната во Украина.Наводите првично ги објавија The Bell и Financial Times, повикувајќи се на неименувани извори, по затворениот состанок што Путин го одржал со деловни лидери. Портпаролот на Кремљ, Дмитриј Песков, изјави дека „не е точно“ оти претседателот упатил такво барање.Сепак, Песков посочи дека еден од присутните бизнисмени сам понудил да донира „многу голема сума“ на државата. Според него, станува збор за лична иницијатива, а не за барање од страна на претседателот, иако, како што додаде, Путин ја поздравил таквата намера.Рускиот милијардер Сулејман Керимов, според извештаите, на состанокот ветил донација од 100 милијарди рубљи. Оваа информација засега не е официјално потврдена.Песков истакна и дека не е точно оти средствата би биле наменети за финансирање на војната. Сепак, The Bell објави дека на состанокот се разговарало и за воени трошоци, како и за продолжување на операциите во источниот дел од Украина.Русија се соочува со буџетски дефицит и економска стагнација во услови на долготрајниот конфликт, но властите се надеваат дека растот на цените на нафтата ќе помогне во стабилизирање на финансиската состојба.

Свет | пред 3 дена

3 ден.
haker-724x406

Ирански хакери ја пробија е-поштата на шефот на Федералното истражно биро

Хакерска група поврзана со Иран објави дека успеала да упадне во приватната електронска пошта на директорот на ФБИ, Каш Пател, при што на интернет биле споделени негови фотографии и други документи.Претставник на американското Министерство за правда потврди дека електронската пошта на Пател била компромитирана и дека објавениот материјал делува автентично, пренесува Ројтерс.Хакерската група „Handala Hack Team“ на својата веб-страница наведе дека Пател „сега ќе го најде своето име на списокот на успешно хакирани жртви“. Од ФБИ засега нема официјален одговор, а хакерите исто така не одговориле на новинарските прашања.Групата „Handala“, која се претставува како пропалестинска хактивистичка организација, според западни истражители е една од неколкуте структури зад кои стојат единици на иранската влада за кибернетичко разузнавање.Таа неодамна, на 11 март, презеде одговорност за напад врз компанијата Stryker, добавувач на медицинска опрема и услуги од Мичиген, тврдејќи дека избришала голема количина податоци.Автентичноста на објавените материјали сè уште не е целосно потврдена. Ројтерс наведува дека не можел независно да ги верификува електронските пораки. Сепак, приватната Gmail-адреса што наводно била хакирана се совпаѓа со адреса која претходно била поврзувана со Пател во други протекувања на податоци, евидентирани од компанијата District 4 Labs. Прегледаниот дел од објавениот материјал покажува комбинација од лична и службена кореспонденција од периодот меѓу 2010 и 2019 година.

Свет | пред 3 дена

3 ден.
media-library4eifkdbbqt6f5IfnKpF

Со „фингерпринт“ за работно време ќе добиете само револт, платите ни се помали и од специјалистите во Косово, порача д-р Лазаров до министерот

Докторот Ненад Лазаров остро реагираше на најавата на министерот за здравство Азир Алиу за воведување систем со фингерпринт за следење на работното време на здравствените работници.Според Лазаров, ваквата мерка нема да донесе суштински подобрувања во системот, туку ќе предизвика револт кај медицинскиот кадар, особено во услови кога, како што посочува, платите на специјалистите во земјава се пониски од оние во регионот, вклучително и во Косово.„Само револт ќе добиете како фидбек во ситуација кога платите на специјалисти во земјава се помали од плати на специјалисти во Косово. Ни треба ефектива кога е некој на работа а не точен број минути присутност во болницата. Нема помали плати во здравство во Европа“, напиша Лазаров.Министерот за здравство, Азир Алиу, истакна дека Министерството воведува построги мерки за следење на работата на здравствените работници, со цел да се обезбеди ефикасно работење и транспарентност во здравствениот сектор. Алиу најави воведување на нов систем за регистрирање на работното време преку фингерпринт и потенцираше дека ќе се преземат законски мерки против институциите и директорите кои нема да ги почитуваат правилата.

Коментари | пред 3 дена

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања