Најнови вести

1 ден

Една третина Американци веруваат дека ќе го доживеат крајот на светот

Социјални психолози во САД откриле дека дури една третина од испитаниците веруваат дека светот ќе заврши во текот на нивниот живот – податок кој, освен што звучи загрижувачки, има директно влијание врз начинот на кој луѓето реагираат на глобалните кризи.Истражувањето, пренесено од Дојче Веле, покажува дека ваквите убедувања не се само апстрактни мисли, туку фактор кој го обликува чувството на лична одговорност и подготвеноста за дејствување.Социјалниот психолог Метју Биле од Универзитетот во Калифорнија објаснува дека луѓето различно го замислуваат крајот – од целосно уништување на планетата, преку колапс на цивилизацијата, до трансформација што може да доведе и до „нова“ или подобра реалност.Истражувачите утврдиле дека ставовите зависат од четири клучни фактори: колку блиску се чувствува крајот, како се замислува дека ќе се случи, дали поединецот верува дека има влијание врз исходот и што очекува да следи потоа.На пример, луѓето кои сметаат дека крајот е „во Божји раце“ се помалку подготвени да поддржат политики за справување со климатските промени или други глобални ризици. Слично, ако некој не верува во заедничка иднина, помала е веројатноста да поддржи колективни мерки, како што се даноци за намалување на емисиите.Студијата опфатила повеќе од 3.000 испитаници од САД и Канада, со различна верска и социјална позадина. Анализирани биле нивните ставови за економски, еколошки, геополитички, социјални и технолошки ризици.Резултатите покажуваат дека иако за мнозинството крајот на светот е „далечен и апстрактен“, за секој трет испитаник тој е лична и непосредна реалност. Овие луѓе, според истражувањето, повеќе се плашат од глобалните закани, но и почесто се подготвени да поддржат драстични мерки за нивно спречување.Сепак, постои и друга страна. Начинот на кој луѓето го доживуваат „крајот“ може да им помогне полесно да се справат со неизвесноста. Оние кои веруваат дека по катастрофата следи некаква обнова или „утопија“, покажуваат поголема психолошка отпорност.Истражувањето заклучува дека размислувањето за апокалипса не е само индивидуален феномен, туку колективен процес – кој влијае врз општествените одлуки, политиките и начинот на кој човештвото се соочува со сопствените кризи.

Магазин | пред 1 ден

1 ден

Брнабиќ со обвинувања: „Блокадерите спроведуваат терор за време на изборите“

Претседателката на Народното собрание на Србија, Ана Брнабиќ, реагираше на социјалната мрежа Икс во врска со, како што наведе, „лажните наводи“ на телевизијата N1 за кол-центри во Кладово.Брнабиќ оцени дека постоењето на кол-центри е вообичаена практика кај политичките партии, додавајќи дека е недозволиво упаѓање и снимање во такви простории.„Секоја сериозна партија има свои кол-центри. Од каде право некој да упаѓа и да ги вознемирува луѓето? Замислете Би-Би-Си да влезе во кол-центар на конзервативците или Си-Ен-Ен кај републиканците“, напиша таа.Таа дополнително ги обвини, како што ги нарече, „блокадерите“ дека сметаат дека за нив не важат законите и дека вршат притисоци и таргетирање на луѓе.Во објавата, Брнабиќ се осврна и на низа инциденти за време на локалните избори, тврдејќи дека имало закани, напади врз активисти и инциденти со оружје.Според неа, изборите претставуваат „обид да се одбрани демократијата“, а наводните настани ги оцени како дел од „организиран и планиран терор“.Изјавите доаѓаат во услови на зголемени политички тензии и меѓусебни обвинувања меѓу власта и опозицијата за нерегуларности и притисоци во текот на изборниот процес.

Свет | пред 1 ден

1 ден

Ферстапен по трката во Јапонија: Размислувам и за крај на кариерата

Четирикратниот шампион во Формула 1, Макс Ферстапен, изрази сериозно незадоволство по трката во Јапонија, каде заврши на осмата позиција, во сезона во која неговиот тим Ред Бул Рејсинг има значителни проблеми со формата.Во изјава за Би-Би-Си, Ферстапен не ја исклучи можноста за повлекување од спортот, посочувајќи дека актуелните услови за тркање се далеку од прифатливи.„Размислувам за тоа како и за сè друго секој ден. Не е убаво кога мораш да се тркаш на овој начин. Ова е анти-возење. Не е ни до позицијата – немам проблем дали ќе бидам седми или осми“, изјави тој.Главниот проблем, според него и други возачи, се новите правила кои бараат специфично управување со енергијата, односно полнење на батеријата во текот на секој круг, што значително ја намалува брзината на болидите во одредени делови од патеката.Последиците од ваквиот систем беа видливи и на самата трка во Јапонија, каде е забележана разлика од речиси 100 километри на час меѓу возачите, што доведе до опасен инцидент на патеката.Овие случувања отвораат сериозна дебата во Формула 1 за безбедноста и квалитетот на тркањето, додека дел од возачите, меѓу кои и Ферстапен, јавно го доведуваат во прашање правецот во кој се движи спортот.

Спорт | пред 1 ден

1 ден

Иран погодил американски AWACS авион, сериозен удар врз воздушните операции

Американскиот авион за радарски надзор и командување E-3 Sentry AWACS е оштетен во ирански ракетен и беспилотен напад врз воздушната база „Принц Султан“ на 27 март, при што се ранети повеќе од десет американски војници, од кои двајца потешко.Според достапните информации, во нападот биле погодени и авиони за дополнување гориво во воздух, што дополнително ја комплицира оперативната состојба на Вооружени сили на САД во регионот.Американското Централно командување засега не го коментира инцидентот, додека објавените фотографии што кружат во јавноста укажуваат на сериозни оштетувања, иако тие не се независно потврдени.Авионот E-3 AWACS има клучна улога во модерните воени операции – овозможува радарски надзор, координација на воздушниот простор и управување со борбени дејствија. Овие летала се користат со децении во конфликти како Заливска војна, како и во Ирак, Авганистан и други операции.Аналитичарите предупредуваат дека евентуалното губење на ваков авион може значително да ја намали способноста за следење на ситуацијата на бојното поле и да создаде „слепи точки“ во воздушниот надзор.„Овие летала се клучни за целокупната координација – од избегнување судири до прецизно таргетирање. Нивната вредност е во тоа што ја гледаат целата слика“, оценуваат воените експерти.Воедно, нападот се толкува како дел од поширока стратегија на Иран за таргетирање на клучните елементи на американската воздушна надмоќ – комуникациски системи, радарски капацитети и поддржувачка авијација.Со оглед дека флотата на вакви авиони е ограничена и делумно застарена, евентуалната загуба дополнително го зголемува притисокот врз преостанатите ресурси, додека се чека воведување на новата генерација системи.

Свет | пред 1 ден

1 ден

(Видео) Напнат изборен ден во Србија: судири, сомнежи за нерегуларности и интервенции на полицијата

Локалните избори кои денес се одржуваат во десет општини во Србија се одбележани со напнатости, инциденти и физички пресметки на повеќе избирачки места.Според извештаите од терен на тамошните медиуми, тепачка избила пред просториите на Српска напредна странка во Бор, додека во Бајина Башта биле оштетени возила на опозициски набљудувачи, при што им биле пробушени гумите.На повеќе гласачки места е забележано засилено присуство на полицијата, која во неколку наврати интервенирала за да спречи ескалација на конфликтите. Пријавени се и напади врз набљудувачи од студентските листи, како и бројни нерегуларности, меѓу кои фотографирање на гласачки ливчиња и појава на паралелни избирачки списоци.Дополнително, набљудувачите укажуваат на зголемен број пријави за гласање надвор од избирачките места, кој во одредени општини достигнува и до пет проценти од вкупното избирачко тело, што отвора сомнежи за можни манипулации.Владејачката Српска напредна странка соопшти дека активисти и лидери на опозициските листи „грубо ги вознемируваат и провоцираат граѓаните“, додека опозициските структури и студентските движења укажуваат на притисоци, поткуп и организирани злоупотреби.Овие избори се сметаат за важен тест за владеењето на претседателот Александар Вучиќ, особено по масовните антивладини протести предводени од студентите минатата година, на кои беа поставени барања за демократизација, борба против корупцијата, независно судство и слободни медиуми.Гласањето трае до 20 часот, по што се очекуваат првичните резултати и оценките за регуларноста на изборниот процес.

Свет | пред 1 ден

1 ден

Galaxy S26 Ultra со потег што може да ја смени индустријата

Најновиот модел на Samsung, Samsung Galaxy S26 Ultra, носи значајна промена во пристапот кон поправливоста, откако компанијата воведе нов механизам за вадење на батеријата кој овозможува нејзина замена за само неколку секунди.Според анализата на iFixit, наместо досегашните индустриски лепила кои бараа загревање и ризично отстранување, новиот систем овозможува брза и безбедна интервенција без оштетување на компонентите.Оваа промена доаѓа во услови на засилен притисок од Европска Унија, која преку нови регулативи бара поголема одржливост и подолг животен век на електронските уреди.Главните придобивки од новиот дизајн се значајни: сервисирањето е значително побрзо, ризикот од оштетување при отворање е намален, а уредот добива подолг животен век, особено со оглед на повеќегодишната софтверска поддршка што ја ветува Samsung.И покрај овие измени, уредот го задржува премиум квалитетот – титаниумска рамка и IP68 заштита од вода и прашина, што досега често беше аргумент за користење на силни лепила.Во споредба со конкурентите како Apple и Google, кои исто така прават чекори кон подобра поправливост, Samsung со серијата S26 моментално поставува нов стандард во премиум сегментот.

Магазин | пред 1 ден

1 ден

Хутите презедоа одговорност за нов напад врз Израел

Јеменските бунтовници Хути, сојузници на Иран, презедоа одговорност за нов напад врз Израел, втор во текот на денот, во контекст на ескалацијата на конфликтот на Блискиот Исток.Портпаролот на движењето, Јахја Сари, објави на социјалната мрежа Икс дека биле лансирани „крстосувачки ракети и беспилотни летала кон неколку витални воени и стратешки цели“ во Израел.Хутите и претходно изведуваа напади врз Израел во периодот од 2023 до 2025 година, како израз на поддршка за палестинското движење Хамас, во рамки на конфликтот во Газа.Овој најнов напад следува откако бунтовниците претходно презедоа одговорност и за првиот напад врз Израел од почетокот на актуелниот регионален конфликт, кој започна на 28 февруари со заеднички воздушни удари на САД и Израел врз Иран.Со вклучувањето на Хутите, конфликтот добива дополнителна димензија, отворајќи нов фронт и зголемувајќи го ризикот од поширока регионална ескалација.

Свет | пред 1 ден

1 ден

Напади во Појас Газа: убиени шест лица, меѓу нив и дете

Додека трае војната меѓу Израел и Иран, израелските сили продолжуваат со воени операции врз палестинските територии, вклучително и Појас Газа и окупираниот Западен Брег.Според здравствени извори од Газа, најмалку шест лица, меѓу кои и едно дете, загинале во воздушни напади врз две полициски контролни точки во јужниот дел на градот Кан Јунис.Меѓу жртвите има тројца полицајци и тројца цивили, вклучително и девојче, додека уште четири лица се повредени.За нападот засега нема официјална потврда од страна на израелските власти.Според достапните податоци, од ноември минатата година, кога беше договорено примирје со посредство на САД, израелските сили убиле најмалку 692 Палестинци, а 1.895 лица се ранети.Овие случувања укажуваат на континуирана нестабилност и насилство во регионот, и покрај формалните договори за прекин на огнот, додека поширокиот конфликт на Блискиот Исток дополнително ја усложнува безбедносната состојба.

Свет | пред 1 ден

1 ден

Израелски одбранбени сили без докази обвинуваат: Хезболах користи амбулантни возила за воени цели

Израелски одбранбени сили изнесоа тврдење дека Хезболах „интензивно користи амбулантни возила за воени цели“, но притоа не презентираа докази што би ги поткрепиле овие обвинувања.Од друга страна, либански здравствени работници и официјални претставници претходно обвинија дека Израел намерно ги таргетира медицинските лица и здравствените установи во јужен Либан, вклучително и преку т.н. „двојни удари“, каде по првичниот напад следува втор напад насочен кон спасувачките екипи.Според податоци на Светска здравствена организација, во пет одвоени напади врз здравствени цели во јужен Либан биле убиени девет парамедици, а седум лица се повредени.Меѓународното хуманитарно право строго ги штити медицинскиот персонал, амбулантните возила и здравствените установи, а нивното намерно таргетирање може да претставува воено злосторство.Случувањата дополнително ја зголемуваат загриженоста за ескалација на конфликтот и почитувањето на основните правила на војување, особено во делот на заштита на цивилите и здравствените служби.

Свет | пред 1 ден

1 ден

Убиство во близина на Виница: Ловочувар најден со прострелна рана, четири лица задржани во станица

Основното јавно обвинителство Кочани извршило увид на во блицина на Виница каде било пронајдено тело на починато машко лице со прострелна рана од огнено оружје.Според првичните информации, починатиот е идентификуван како ловочувар кој бил дел од група за комерцијален лов.Од Обвинителството информираат дека во тек се активности за обезбедување докази, при што се вршат претреси и вештачења на пронајдени траги со цел утврдување на сите околности поврзани со настанот.Во рамки на истрагата, задржани се тројца странски и еден македонски државјанин кои биле дел од истата ловна група. Надлежните институции испитуваат дали тие биле инволвирани во пукањето.До целосно расчистување на случајот, задржаните лица ќе бидат обезбедени, а истрагата продолжува во насока на утврдување на одговорноста и причините за трагичниот настан.

Македонија | пред 1 ден

1 ден

Остра порака од Ватикан: „Исус не може да биде оправдување за војна“

Поглаварот на Римокатоличката црква, Папата Лав, упати силна порака против војната, оценувајќи дека Бог не ги прифаќа молитвите на оние кои започнуваат конфликти, додека војната во Иран влегува во втор месец.Обраќајќи се пред десетици илјади верници на плоштадот „Свети Петар“ во Ватикан за време на Цветници, папата истакна дека Исус не може да се користи како оправдување за било каква војна.„Ова е нашиот Бог: Исус, Кралот на мирот, кој го отфрла војувањето и кој никој не може да го користи за да оправда насилство“, рече папата.Во своето обраќање, тој нагласи дека молитвите на оние кои водат војни не се прифатени, повикувајќи се на библиски текст.„Исус не ги слуша молитвите на оние кои војуваат, туку ги оттурнува, велејќи: ‘Иако многу се молите, нема да ве слушам, зашто рацете ви се полни со крв’“, порача папата.Иако директно не именуваше конкретни лидери, неговата изјава доаѓа во контекст на актуелниот конфликт меѓу САД, Израел и Иран, каде дел од американските официјални претставници користеа религиозна реторика за оправдување на воените дејствија.Американскиот министер за одбрана, Пит Хегсет, неодамна се помоли „секој куршум да ја најде својата цел“, повикувајќи се на „борба против непријателите на праведноста“, што дополнително ја отвори дебатата за злоупотреба на верата во политички и воени цели.Папата потсети и на библискиот пример кога Исус го укорил својот следбеник затоа што употребил насилство, нагласувајќи дека тој не се бранел со оружје, туку го избрал патот на жртва и мир.Во изминатиот период, папата повеќепати повика на итен прекин на огнот и ја осуди употребата на неселективни воздушни напади, оценувајќи дека тие мора да бидат запрени.

Свет | пред 1 ден

1 ден

Раст на цените на нафтата и инфлација: нов удар врз американската економија

Пазарот на труд во САД, кој покажуваше знаци на стабилизација, повторно се соочува со сериозни ризици поради ескалацијата на конфликтот на Блискиот Исток, предупредуваат економистите.Четири недели по почетокот на нападите врз Иран, економските последици веќе се чувствуваат – раст на цените на нафтата, нарушени синџири на снабдување и зголемени трошоци за енергија, што дополнително ја поттикнува инфлацијата и неизвесноста.Клучен фактор е ситуацијата во Ормуски теснец, чија евентуална продолжена блокада би можела да предизвика нов економски шок. Економистите предупредуваат дека доколку цената на нафтата остане над 100 долари за барел, тоа би можело да доведе до пресврт и повторно појавување на отпуштања.И покрај тоа, засега пазарот на труд останува релативно стабилен, но со слаба динамика – мал број нови вработувања, но и ограничен број отпуштања. Се очекува умерен раст од околу 20.000 нови работни места месечно во првата половина од годината, додека стапката на невработеност би можела да порасне од 4,4 на околу 4,7 проценти до крајот на годината.Економистите предупредуваат дека ризикот од рецесија изнесува околу 40 проценти, особено ако неизвесноста дополнително се зголеми. Засега состојбата се опишува како „ладење“, но не и колапс на пазарот.Во меѓувреме, американските потрошувачи веќе ги чувствуваат последиците од повисоките цени на енергенсите. Цената на бензинот порасна за околу еден долар по галон, а зголемените трошоци за гориво, греење и комуналии би можеле да го намалат годишниот приход на домаќинствата за повеќе од 1.300 долари.Дополнително, ОЕЦД прогнозира дека инфлацијата во САД би можела да достигне 4,2 проценти оваа година, што претставува значително зголемување во однос на претходниот период.Економистите оценуваат дека идниот развој во голема мера ќе зависи од тоа колку долго ќе трае геополитичката криза и дали ќе дојде до дополнителни нарушувања на глобалните пазари.

Свет | пред 1 ден

1 ден

Манасиевски: СДС падна под 5% доверба, ПР стратегиите не помагаат

Членот на Централниот комитет на ВМРО-ДПМНЕ, Валентин Манасиевски, обвини дека ПР политиките на Башановиќ го довеле СДСМ до историски најнизок рејтинг кај граѓаните.Според Манасиевски, лидерот на СДСМ, Венко Филипче, ужива доверба од само 3,6 проценти, додека самата партија има поддршка од 4,9 проценти.„ПР политиките на Башановиќ го допреа дното во СДС. Со вакви политики и однос кон граѓаните и медиумите – и овој рејтинг им е добар“, наведува Манасиевски.Тој додава дека, според него, тврдењата на СДСМ за раст на довербата кај граѓаните се покажале како неточни, оценувајќи дека „уште една лага се распрснала како меур од сапуница“.Во изјавата се посочува и дека во партиското седиште на СДСМ, познато како Бихаќка, владее неизвесност поради, како што наведува Манасиевски, слабите рејтинзи.Како можни решенија, тој ги посочува промена на ПР стратегијата или раководството, предупредувајќи дека во спротивно СДСМ го очекува „длабока хибернација во опозиција“.Изјавата доаѓа во период на засилени меѓупартиски обвинувања и спротивставени интерпретации на анкетите за доверба кај граѓаните.

Македонија | пред 1 ден

1 ден

Иран подготвува сценарио за копнена војна: дадена „Пукај по волја“ директива за армијата

Иран издал нова воена директива со која неговите сили се подготвуваат за можен копнен напад од САД, вклучително и сценарија за урбани борби и справување со внатрешни безбедносни закани.Според наводите објавени во медиумите, директивата им дава овластување на воените и безбедносните единици да дејствуваат самостојно, дури и без директни наредби од централната команда – пристап кој во Техеран се опишува како „пукај по волја“.Документот, подготвен во рамки на иранскиот Генералштаб и усогласен со врвните државни и безбедносни структури, предвидува зголемена подготвеност, заштита на клучни објекти и распоредување на силите во чувствителни региони, особено во главниот град Техеран и другите големи урбани центри.Истовремено, иранските власти разгледуваат и офанзивни сценарија. Во случај на американска копнена интервенција, се споменува можност за заземање на крајбрежни делови на Обединети Арапски Емирати и Бахреин, како дел од поширока стратегија за одговор.Покрај надворешната закана, директивата открива и сериозна загриженост кај иранските власти од потенцијални внатрешни немири и активности на вооружени групи, особено во западните и источните делови на земјата.Аналитичарите оценуваат дека целосна копнена инвазија врз Иран би била исклучително комплексна и ризична, но не ја исклучуваат можноста за ограничени операции – како што се заземање на стратешки острови или позиции во близина на Ормуски теснец.Овие подготовки доаѓаат во услови на зголемена воена активност во регионот и засилена реторика меѓу Техеран и Вашингтон, што дополнително ја зголемува неизвесноста околу можната следна фаза од конфликтот.

Свет | пред 1 ден

1 ден

Жичницата на Водно стопирана поради силен ветер

ЈСП Скопје информира дека денес жичницата на Водно нема да продолжи со работа поради засилен ветер.Од претпријатието посочуваат дека јачината на ветерот ги надминува дозволените граници за безбедно и непречено функционирање на системот, поради што е донесена одлука за привремено запирање на услугата.Надлежните служби ја следат состојбата на терен, а жичницата ќе биде повторно ставена во функција веднаш штом се создадат соодветни временски услови за безбедно превезување на патниците.

Скопје | пред 1 ден

1 ден

90525679_10220922589797167_2192514228319944704_o

Независниот синдикат на полицијата обвинува: Лица кои нападнаа двајца полицајци пред дискотека се ослободени

Независен синдикат на полицијата остро реагира по синоќешниот инцидент пред дискотеката во Скопје, каде, според нив, двајца полициски службеници од ПС ОН Карпош биле нападнати од алкохолизирани лица и притоа се здобиле со тешки телесни повреди.„Целосно сме запрепастени од одлуката на обвинителството лицата да бидат ослободени и да не бидат изведени пред суд по итна постака, иако првично биле дадени насоки за тоа, за што нашите информации велат дека оваа одлука била променета откако интервенирал висок функционер од Владата, по што бил променет и обвинителот. Во настанот дополнително бил вклучен и одделот за внатрешна контрола која сега наместо вина кај лицата ќе истражува за работата на колегите“, напишаа од Синдикатот.Тие додаваат: „Бараме сериозен и темелен пристап од страна на сите инстуции, а ние развојот на овој настан детално ќе го следиме. Уште утре ќе испратиме писмена реакција до Основното јавно обвинителство, но и до Министерот за внатрешни работи, затоа што нанесување на тешка телесна повреда на полициски службеник е сериозно кривично дело кое не смее да биде толерирано и допуштено да се маргинализира“

Македонија | пред 1 ден

1 ден

Иран со порака за преговори: Техеран бара компензација и укинување санкции како услов за мир

Иран не ја започна војната, но претрпе „значителни загуби“ во човечки животи и цивилна инфраструктура, изјави Фатеме Мохаџерани.Таа нагласи дека прашањето за компензација е едно од клучните што треба да се отвори во евентуалните преговори, додавајќи дека меѓу приоритетите на Техеран се и контролата врз Ормуски теснец, како и укинувањето на меѓународните санкции.„Подготвени сме да се движиме кон одржлив мир“, изјави Мохаџерани, оставајќи отворена можност за дипломатско решение на конфликтот.Изјавата доаѓа во услови на зголемени тензии на Блискиот Исток и паралелни дипломатски сигнали од повеќе страни за потенцијално отворање на преговори.

Свет | пред 1 ден

1 ден

Кенеди ја разгори јавноста: Трамп, на хартиен подметач, нацртал „совршена мапа“ на Блискиот Исток

Американскиот министер за здравство Роберт Ф. Кенеди Помладиот предизвика силни реакции во јавноста откако на настап пред конзервативна публика во Тексас го пофали претседателот Доналд Трамп со необична анегдота: дека, за време на претседателска кампања, Трамп на задната страна од хартиен подметач со маркер нацртал „совршена мапа“ на Блискиот Исток и на неа ги обележал воените сили на земјите долж границите.Кенеди, зборувајќи за Трамп, тврдеше дека тој поседува „енциклопедиско“, речиси „молекуларно“ знаење за широк спектар теми – од музика и театар, до спорт, бизнис и финансии. Во истиот тон го опиша и како политичар што има „извонредна длабочина“ во разбирањето на функционирањето на државните агенции, како и „инстинкт“ за носење добри одлуки.Во уште една впечатлива оценка, Кенеди рече дека Трамповото сфаќање за употребата на моќта е меѓу најдобрите во американската историја. Притоа направи споредба и со својот чичко, поранешниот претседател Џон Ф. Кенеди, заклучувајќи дека Трамп „веројатно подобро ја разбира употребата на моќта“ од многу претседатели во поновата историја.Настапот се случи на Конференцијата за конзервативна политичка акција (CPAC) во Грејпвајн, Тексас, која годинава се одржа од 25 до 28 март. Кенеди беше меѓу говорниците, а неговите зборови беа протолкувани како досега најдиректна јавна пофалба за Трамп откако се вклучил во неговата администрација.Реакциите на социјалните мрежи и во дел од медиумите беа поделени: едни ја доживеаја изјавата како уште еден обид за политичко приближување и градење на лојалност, додека други ја оценија како претерана идеализација што дополнително ја продлабочува поларизацијата во американската јавност.

Свет | пред 1 ден

1 ден

Земјотрес од 5,1 степени ја стресе Јапонија: епицентарот во морето кај Рјукју, без тревога за цунами

Земјотрес со јачина од 5,1 степен според Рихтеровата скала денеска го погоди Јапонија, соопшти Европско-медитеранскиот сеизмолошки центар (ЕМСЦ).Според првичните податоци, епицентарот бил во отворено море кај архипелагот Рјукју, на длабочина од околу 10 километри, на приближно 187 километри од Окинава.Засега нема информации за повредени лица или за материјална штета, а надлежните не издадоа предупредување за опасност од цунами.Сеизмолошките служби во вакви случаи продолжуваат да ја следат активноста поради можноста од последователни потреси, додека локалните власти обично апелираат граѓаните да останат внимателни и да ги следат официјалните известувања.

Свет | пред 1 ден

1 ден

Иран со тешки обвинувања: „Америка ја труе јавноста со лажни вести за цените на горивата“

Претседателот на иранскиот парламент Мохамед Бакер Калибаф излезе со остра порака дека глобалниот енергетски пазар станал „занемен“ од, како што тврди, обидите на американски претставници да влијаат врз цените преку пласирање лажни вести.Во објава на социјалната мрежа Икс, Калибаф оцени дека притисокот со дезинформации бил толку интензивен што пазарот веќе не реагира на такви пораки. Според него, „вистинските цени“ на енергенсите ќе се покажат независно од медиумските и политичките маневри.„Толку ги ‘спамираа’ со лажни вести што пазарот сега едноставно занеме. Само продолжете, никој повеќе не верува. Вистинските цени и онака ќе се појават. Моќни? Можеби. Паметни? Ниту приближно“, порача Калибаф.Изјавата доаѓа во момент на зголемени тензии околу Ормускиот Проток – клучна точка за светската трговија со нафта. Според наводите во иранските медиуми, Техеран ги заострил ограничувањата за транзит низ протокот, што влијае врз значаен дел од глобалната побарувачка и дополнително ги подгрева ценовните очекувања на пазарите.Во истата рамка се споменува и дека цените на нафтата се искачиле близу до 120 долари за барел, по што следело краткотрајно олеснување и пад, откако во Вашингтон биле испратени сигнали за попуштање на дел од заканите поврзани со напад врз иранската енергетска инфраструктура.Калибаф, исто така, потсети дека најновите шокови на енергетскиот пазар се врзани за поширокиот безбедносен контекст во регионот и за ескалацијата што, според иранската страна, следела по нападите од крајот на февруари и одговорот со ракетни и беспилотни операции низ Западна Азија.

Свет | пред 1 ден

1 ден

(Видео) Трејлерот за новата „Хари Потер“ серија урна рекорди: над 277 милиони прегледи за 48 часа

Првиот трејлер за претстојната серија „Хари Потер“, продукција на HBO, постави нов рекорд на гледаност и за само 48 часа собра повеќе од 277 милиони прегледи на различни платформи. Со тоа, промотивното видео стана најгледаниот трејлер во историјата на HBO и стриминг-сервисот HBO Max, надминувајќи го претходниот рекорд повеќе од двојно.Серијата е нова телевизиска адаптација на романите на Џ. К. Роулинг, а првата сезона го носи насловот на првата книга. Премиерата е најавена за декември 2026 година, со сезона од осум епизоди што треба да го отвори новиот пристап кон веќе легендарниот свет на магијата.Приказната се враќа на самиот почеток: единаесетгодишниот Хари Потер на својот роденден дознава дека е примен во школата за магија Хогвортс, по што започнува неговото воведување во светот на волшебништвото, пријателствата и опасностите што ќе го одбележат неговото растење.Главните улоги ги добива нова актерска екипа: Доминик Меклафлин како Хари Потер, Арабела Стентон како Хермиона Грејнџер и Аластер Стаут како Рон Визли. Во професорските улоги се најавуваат и познати имиња, меѓу кои Џон Литгоу и Џенет Мектиер.Продукцијата ја предводи Франческа Гардинер, додека режијата ја потпишува Марк Мајлод. Креативниот тим најавува дека серијата ќе биде поверна на книгите од филмските адаптации, со повеќе простор за развој на ликовите и подетално градење на приказната.Иако објавата на трејлерот предизвика огромна еуфорија кај фановите ширум светот, реакциите не беа едногласни. Дел од јавноста ја пречека најавата со поделени ставови, особено околу изборот на одредени актери и повторното отворање на франшизата, што уште пред премиерата ја става серијата во центарот на културните дебати.

Свет | пред 1 ден

1 ден

Кога легнувате – толку полесно (или потешко) слабее телото: зошто „ноќниот ритам“ е скриениот фактор на килограмите

Додека повеќето луѓе што сакаат да ослабат најпрво ги „стегаат“ исхраната и тренингот, сè повеќе се наметнува уште една тивка, но пресудна навика: времето на легнување. Според најновите препораки што ги пренесува медицинската практика, распоредот на спиење не е само прашање на одмор, туку директно се врзува со хормоните што ја водат гладта, метаболизмот и складирањето масти.Како ориентир за оние што сакаат да ослабат и да го зачуваат здравјето, се посочува легнување околу 23 часот и будење околу 6 часот. Во тој прозорец организмот влегува во период кога се одвиваат клучни биолошки „поправки“: од смирување на стресниот одговор, до обновување на ткивата и подобро регулирање на енергијата што ја внесуваме во текот на денот.Еден од најважните играчи е кортизолот – хормонот на стресот. Во часовите меѓу 23 и 3 часот, во нормални услови, неговото ниво се стабилизира. Кога кортизолот е покачен, телото полесно преминува во режим на складирање масти, особено околу стомакот и колковите. Токму затоа, навиката да се остане буден до доцна може да го наруши природниот распоред на организмот и да ја забави целата приказна со слабеењето.Преместувањето на спиењето по полноќ носи уште еден проблем: расте грелинот– хормонот на гладот, а опаѓа лептинот – сигналот за ситост. Практичниот исход е познат на многумина: наредниот ден се јавува посилна желба за слатки и калорична храна, што ја прави самоконтролата потешка, а диетата поранлива.Ноќта е и време кога телото лачи соматотропин, познат како хормон на раст и обнова. Кај возрасните тој е поврзан со регенерација, одржување на мускулната маса и побавно стареење. Ако во тие часови сме будни, практично го прескокнуваме еден од најважните природни механизми за „сервис“ на организмот.Се нагласува и улогата на ноќните процеси на „чистење“, односно елиминирање штетни материи, кои најинтензивно се одвиваат токму во периодот меѓу 23 и 6 часот. Кога тој ритам е нарушен, телото потешко се ослободува од непотребното, а масното ткиво може да добие улога на складиште.Не е доволно само да се легне навреме – важно е и како се спие. Една честа навика што го урива квалитетот на сонот е спиење со запалено светло. Светлината влијае и кога очите се затворени: продира низ капаците, активира рецептори во ретината и му праќа сигнал на мозокот дека е ден. Резултатот е намалено лачење на мелатонин – хормонот што го води сонот и внатрешниот биолошки часовник.Во анализите се наведува и дека луѓето што редовно спијат со запалено светло имаат повисок ризик од дебелина и дијабетес тип 2, како и значително зголемен ризик од хипертензија, со дополнителни врски со депресија, анксиозност и нарушувања во функцијата на црниот дроб и цревната микробиота.Пораката е јасна: ако слабеењето ви оди потешко од очекуваното, можно е да не е само до калориите и чекорите, туку и до часовникот. Навременото легнување, стабилниот распоред и темната, мирна спална соба можат да бидат исто толку „алатки“ колку и добриот план за исхрана.

Магазин | пред 1 ден

1 ден

Две недели без клучни лекови на Онкологија – „за тендери има, за живот нема“, вели СДСМ

Членката на Извршниот одбор на СДСМ, Рената Младеновска, обвини дека веќе две недели на Клиника за онкологија недостигаат клучни лекови за пациентите со рак, оценувајќи ја состојбата како „скандалозна и недозволива“.Според неа, меѓу терапиите што недостасуваат се Фезго, Палбоциклиб, Рибоциклиб и други основни лекови без кои, како што нагласи, не може да продолжи третманот на пациентите.Младеновска предупреди дека ваквата состојба создава неизвесност, страв и агонија кај пациентите кои се борат за својот живот, потенцирајќи дека секој изгубен ден без терапија може да значи влошување на здравствената состојба.Таа ја обвини власта дека не обезбедува средства за лекови, додека, според неа, се трошат значителни средства преку тендери, наведувајќи примери за, како што рече, високи износи доделени на одредени компании.Дополнително, посочи дека состојбата во здравството е сериозно нарушена, со проблеми на повеќе нивоа, вклучително и односот кон медицинскиот кадар.Во контекст на институционалната одговорност, таа го спомена и Фонд за здравствено осигурување, оценувајќи дека потребни се итни мерки за надминување на состојбата.Од СДСМ бараат итна истрага за причините за недостигот на лекови и утврдување одговорност кај сите инволвирани, нагласувајќи дека пациентите не смеат да бидат жртви на, како што велат, нефункционален систем.

Македонија | пред 1 ден

1 ден

Опозицијата со тешки обвинувања: „РЕК управуван од нестручни кадри, цената ја плаќаат граѓаните“

Членот на Извршниот одбор на СДСМ, Драган Крајовски, обвини дека граѓаните на Битола се „колатерална штета“ на, како што наведе, бизнис интересите на власта и побара итна истрага за наводното труење на вработени во РЕК Битола.„Денес Битола е на колена“, изјави Крајовски, посочувајќи на, според него, сериозни инфраструктурни проблеми, поплави, диви депонии и зголемени комунални трошоци кои дополнително го оптоваруваат животниот стандард на граѓаните.Тој обвини дека управувањето со институциите е партизирано, со поставување нестручни кадри, што, како што рече, довело до нефункционалност на системот. Како пример го наведе раководењето со РЕК Битола, оценувајќи дека изборот на директор не бил во согласност со стручноста што ја бара позицијата.Крајовски изнесе и сериозни обвинувања за здравствената состојба на вработените, тврдејќи дека „стотици“ лица завршиле на лекување поради труење, дел на Инфективното одделение, а дел со компликации на други клиники.Според него, првичните реакции на надлежните биле несоодветни, со што, како што тврди, наместо да се охрабрат вработените да побараат медицинска помош, тие биле обвинети за злоупотреба.„Со лошо менаџирање, цената секогаш ја плаќаат граѓаните“, изјави Крајовски, додавајќи дека е потребно итно да се утврди одговорност.Од СДСМ бараат целосна истрага, преиспитување на сите одлуки кои, според нив, имаат директно влијание врз здравјето и животниот стандард на битолчани, како и санкции за одговорните лица.

Македонија | пред 1 ден

1 ден

Иран со закана: „Ако дојдат американски трупи – ќе ги запалиме“

Иран испрати остра порака до САД, откако претседателот на парламентот Мохамад Багер Галибаф изјави дека иранските сили се подготвени за евентуално пристигнување на американски трупи, предупредувајќи на жесток одговор.Во изјави пренесени од IRNA, Галибаф го обвини Доналд Трамп за двојна политика – јавно повикување на преговори, додека паралелно, според него, се подготвува копнена воена операција.„Непријателот отворено испраќа пораки за преговори, а потајно планира копнен напад. Нашиот народ го чека доаѓањето на американските војници – ќе ги запали“, изјавил Галибаф.Изјавата доаѓа во момент кога американските медиуми објавија дека Пентагон разгледува сценарија за копнени операции во Иран. Дополнително, американската војска најави распоредување на околу 3.500 војници од 31-та експедициска единица на маринците на Блискиот Исток.Овие пораки дополнително ја засилуваат реторичката ескалација меѓу Техеран и Вашингтон, во услови на веќе сериозна воена и политичка напнатост во регионот.

Свет | пред 1 ден