ИРАН

Израелски медиуми: Германија блиску до влегување во војна; Германскиот министер: Само ќе се браниме

Израелските медиуми пренесуваат дека Германија сериозно ја разгледува можноста да се придружи на американско-израелската кампања против Иран доколку режимот не престане со нападите врз земјите во регионот. Извори од германската политика и војска го пренеле ова за израелското радио Army Radio.Според тие извори, веќе е во тек планирање на можна воена акција заедно со Соединетите Американски Држави, од учество во бомбардирање до обезбедување воена и воздушна поддршка, што го потврдиле официјални лица од германското министерство за надворешни работи и членови на Комитетот за надворешни работи на Бундестагот.Синоќа, Франција, Германија и Обединетото Кралство во заедничко соопштение ги осудија иранските напади во регионот и предупредија дека се подготвени да ги заштитат своите интереси и интересите на сојузниците во Персискиот Залив, доколку е потребно, со преземање „одбранбени мерки“ против Иран.Германскиот министер за надворешни работи, Јохан Вадефул, изјави дека американско-израелската војна против Иран може да влијае и врз Германија и Европа и дека Иран претставува значајна закана за Германија и Европа. „Германските војници се подготвени за одбранбени мерки, но ништо надвор од тоа не е планирано“, додаде Вадефул.

Свет | пред 4 седмици

Иран: Погоден е нашиот нуклеарен полигон

Иранскиот нуклеарен полигон во Натанз бил погоден за време на американските и израелските воени операции, изјави денеска иранскиот амбасадор при Меѓународната агенција за атомска енергија.„Вчера повторно беа нападнати ирански мирољубиви и заштитени нуклеарни постројки“, изјави Реза Наџафи пред новинарите на состанокот на Управниот одбор на Меѓународната агенција за атомска енергија (ИАЕА).На прашање кои објекти биле погодени, тој одговори: „Натанз“.САД и Израел во јуни извршија напади врз ирански нуклеарни постројки, во рамки на ескалацијата на тензиите со Техеран. Вашингтон бара Иран да се откаже од збогатување ураниум на своја територија, оценувајќи дека таа активност може да биде чекор кон развој на нуклеарно оружје.International Atomic Energy Agency со месеци бара од Техеран да појасни што се случило со залихите од околу 440 килограми збогатен ураниум по израелско-американските напади во јуни, како и да овозможи целосно продолжување на инспекциите.Агенцијата инсистира на непречен пристап до трите клучни постројки што беа бомбардирани минатата година – Натанз, Фордо и Исфахан – со цел да се утврди обемот на штетите и статусот на нуклеарниот материјал.Техеран тврди дека неговата нуклеарна програма има исклучиво мирољубива намена, додека западните земји предупредуваат дека нивото на збогатување ураниум ги надминува цивилните потреби и ја продлабочува меѓународната загриженост.

Свет | пред 4 седмици

Германија: Евакуацијата на туристите моментално е невозможна

Околу 30.000 германски туристи моментално се заглавени на крстарења, во хотели или на затворени аеродроми на Блискиот исток и не можат да се вратат дома поради конфликтите, јавува агенцијата AP.Германскиот министер за надворешни работи, Јохан Вадефул, изјави доцна во неделата дека воена евакуација моментално не е можна поради затворениот воздушен простор.Тој додаде дека германската влада разгледува други опции за да им помогне на своите граѓани да се вратат дома и дека сите треба да ги следат советите на германските туристички агенции и локалните власти.Германското туристичко здружение ги повика туристите да „останат во хотелите“ и да „не тргнуваат сами кон аеродромот или во соседна земја“.

Свет | пред 4 седмици

Скок на цените на гасот во Европа

Цените на гасот во Европа се зголемија за повеќе од 20 проценти, достигнувајќи највисоко ниво во последната година, под влијание на американско-израелските напади врз Иран и нарушувањата во транзитот на енергентите преку Ормутскиот теснец.На референтната холандска дигитална берза TTF, еден мегават-час гас за априлската испорака утринава чинеше 39,84 евра, што е за 24,6 проценти повеќе отколку при затворањето на тргувањето кон крајот на минатата недела. Накратко, цената се приближи и до 41 евро, што претставува највисока вредност од 14 февруари минатата година, објави Хина.Цените пораснаа поради американско-израелски напади врз Иран. Иран возврати со испукување проектили кон Израел и американските бази во низа земји од Персискиот залив, вклучувајќи ги Обединетите Арапски Емирати, Кувајт и Катар, водечки светски извозник на течен природен гас (LNG).Иако Иран официјално не го затвори Ормутскиот теснец, движењето на танкерите речиси запре. Осигурителните компании предупредија дека нема да покриваат бродски испораки во поширокиот регион на Персискиот залив.Преку теснецот секојдневно минуваат околу 20 милиони барели нафта и околу петтина од испораките на течен гас, претежно од Катар, според податоците на Меѓународната агенција за енергија (IEA) од 2024 година.Во меѓувреме, Европската унија го запре увозот на руски гас и планира да ја прекине и набавката на LNG. Во моментов, гасот главно се набавува од САД, Катар и Норвешка.

Свет | пред 4 седмици

Во Техеран убиен кинески државјанин

По убиството на кинески државјанин во Техеран, Пекинг ги повика сите свои државјани во Иран да ја напуштат земјата „колку што е можно поскоро“, потврди портпаролката на кинеското Министерство за надворешни работи, Мао Нинг.Кинеските државјани се советуваат да ја напуштат земјата преку копнен пат кон Азербејџан, Ерменија, Турција и Ирак. Истовремено, и кинеското амбасадорство во Израел ги советува своите државјани да се евакуираат во безбедни области или да ја напуштат земјата.Кинескиот министер за надворешни работи, Ванг И, го осуди американско-израелскиот напад врз Иран, нарекувајќи го „неприфатлив“, и повика на прекин на огнот.

Свет | пред 4 седмици

Меѓународната агенција за атомска енергија: Нема индикации дека биле погодени ирански нуклеарни постројки, нема одговор од Техеран

Меѓународната агенција за атомска енергија (IAEA) засега нема никакви индикации дека американско-израелските напади погодиле ирански нуклеарни постројки, изјави генералниот директор на агенцијата, Рафаел Гроси.Немаме никакви индикации дека било која нуклеарна постројка е оштетена или погодена“, рече Гроси во обраќањето пред Управниот одбор на IAEA, составен од 35 држави.Тој додаде дека се продолжуваат обидите за воспоставување контакт со иранските регулаторни власти за нуклеарна енергија, но без успех.Обидите за контакт со иранските нуклеарни регулатори продолжуваат, но засега нема одговор. Се надеваме дека овој неопходен канал за комуникација ќе се воспостави што е можно поскоро.Отворајќи вонредна седница на Управниот одбор за Иран во седиштето на агенцијата во Виена, Гроси оцени дека ситуацијата на Блискиот исток е „многу загрижувачка“ и по американско-израелските напади врз Иран и иранските одмаздни ракетни напади повика на „максимална воздржаност“.Повторно ги повикувам сите страни да покажат максимална воздржаност за да се избегне понатамошна ескалација“, рече Гроси.

Свет | пред 4 седмици

Иран во целосен мрак: повеќе од 48 часа без интернет за 90 милиони луѓе

Режимот во Иран користи исклучување на интернетот како параван за кршење на човековите права.Според соопштение на NetBlocks, независна организација што ги следи прекините на интернет, повеќе од 48 часа огромното мнозинство од 90 милиони жители на Иран нема пристап до интернет.NetBlocks истакнува дека исклучувањата на интернет се „обична тактика на режимот“. Претходниот случај во јануари траел неколку недели и бил користен за прикривање сериозни повреди на човековите права.На 28 февруари, во денот кога започнаа американско-израелските напади врз Иран, интернетот бил практично онеспособен: националното покривање достигнувало само четири отсто од вообичаеното ниво, покажуваат податоците од мрежата.Ова исклучување дополнително го изолира населението, додека војната и ескалацијата на конфликтот продолжуваат.

Свет | пред 4 седмици

(Видео) Чад над американската амбасада во Кувајт – голема безбедносна мобилизација

Утрово се забележа чад кој се крева над американската амбасада во Кувајт, изјавија очевидци. Во околината на амбасадата беа присутни голем број безбедносни сили, возила на итната помош и противпожарни возила.Очевидците забележале многу безбедносни сили и возила на итна помош, додека видео што го доби Ројтерс прикажува црн чад кој се крева од објектот.Амбасадата издаде предупредување, истакнувајќи дека постои постојана закана од проектили и дронови над Кувајт и советувајќи на јавноста да не се приближува до амбасадата. Американските државјани се советувани да останат дома и да бидат внимателни поради потенцијални напади.Противвоздушната одбрана пресретна неколку „непријателски дронови“ кои се приближуваа кон земјата по море, според агенцијата за цивилна одбрана KUNA. Нема пријавени повредени, а безбедносната состојба е оценета како „стабилна“.Кувајт, како и другите заливски држави, се соочува со напади по убиството на иранскиот врховен лидер Али Хаменеи. Целите во регионот се американски воени објекти.Иран, како одмазда за американско-израелските воздушни напади, во понеделник изврши напади и врз локации во Обединетите Арапски Емирати, Катар и Бахреин.Иранската Револуционерна гарда соопшти дека лансирала ракети кон израелските градови Тел Авив и Хаифа, како и кон Источен Ерусалим.Меѓу целите на овој десетти напад беа владините комплекси на ционистичкиот (израелски) режим во Тел Авив, напади врз воени и безбедносни центри во Хаифа и напад врз Источен Ерусалим“, се наведува во соопштението на иранската идеолошка војска емитувано на државната телевизија.САД соопштија дека досега во американската операција против Иран загинале три американски војници, а Кувајт извести дека во понеделник во таа држава се срушиле неколку американски борбени авиони, но екипажите преживеале.

Свет | пред 4 седмици

IDF: Израел вечер ќе почне постепено отворање на воздушниот простор

Израел вечерва ќе започне со постепено отворање на својот воздушен простор, објави израелското командување.Командата за домашна безбедност соопшти дека воздушниот сообраќај ќе се обновува на „контролиран и координиран начин“, согласно проценката на безбедносната ситуација.Израелскиот воздушен простор беше затворен од почетокот на конфликтот со Иран, во саботата наутро.

Свет | пред 4 седмици

Израелски министер за одбрана: Лидерот на Хезболах, Наим Касем сега е цел за ликвидација

Израелската војска соопшти дека „сите опции се на маса“ додека разгледува можност за копнена инвазија на Либан. Портпаролот на IDF, Ефи Дефрин, изјави на брифинг за новинарите дека Израел е „добро подготвен“ за таквo сценарио.Дефрин истакна дека Хезболах – милитантна група со седиште во Либан, поддржана од Иран – „направила огромна грешка“ со одлуката синоќа да го нападне Израел.IDF ќе реагира многу брзо и ќе плати висока цена“, порача тој. „Хезболах синоќа отвори оган кон нас. Точно знаеја што прават. Ги предупредивме дека за тоа ќе платат многу висока цена.Истовремено, израелскиот министер за одбрана изјави дека лидерот на Хезболах, Наим Касем, сега е „цел за елиминација“.Изјавата следува откако израелските авиони бомбардираа во Либан, при што загинаа најмалку 31 лице, откако Хезболах изведе, како што тврди, ракетен напад и напад со дронови на воена база во близина на Хаифа на северот на Израел, како одмазда за убиството на Хаменеј.Касем ја презеде раководната функција во Хезболах по Хасан Насрала, кој беше убиен од страна на Израел на 27 септември.

Свет | пред 4 седмици

(Видео) Се урна американски воен авион Ф-15 во Кувајт

Се урна американски воен авион Ф-15 во Кувајт.На социјалните мрежи се објавуваат снимки на кои се гледа како авионот е погоден и паѓа.Иран објави дека неговите сили го собориле авионот.Пилотот на Ф-15 преживеа, откако успеал безбедно да се катапултира. По слетувањето за него се погрижиле група локални жители.Засега нема реакција од САД.

Свет | пред 4 седмици

Иран: Соборивме израелски Хермес, еден од најнапредните дронови во светот

Во околината на Хорамабад, ирански град кој се наоѓа 375 км југозападно од Техеран, соборен е израелскиот дрон Хермес, објавија локалните власти, пренесува иранската државна новинска агенција.Во соопштението, заедно со фотографија на која наводно се прикажани остатоците од дронот Хермес, се наведува дека дронот е соборен во областа Веисиан и дека тоа „ја истакнува подготвеноста на иранските одбранбени сили и противвоздушната одбрана на Корпусот на чувари на исламската револуција за сузбивање на заканите“.Соборениот дрон е тип Hermes, еден од најнапредните беспилотни летала за собирање информации во светот“, се додава.Дроновите Хермес ги произведува израелската компанија Elbit Systems, која порано објави дека серијата Хермес 900 помогнала во лоцирање десетици скриени ирански лансери на балистички проектили за време на јуниската војна помеѓу Израел и Иран.Покрај тоа што ги лоцирал иранските лансери на балистички проектили, Hermes 900 помогнал во напади врз иранските мобилни системи за противвоздушна одбрана, радарски инсталации и складишта со муниција, изјави потпретседателот за маркетинг и развој на беспилотни системи во Elbit Systems, Амир Бетеш.Израелските одбранбени сили (IDF) и Министерството за одбрана порано истакнуваа значајна улога на дроновите во израелската воздушна војна против Техеран.

Свет | пред 4 седмици

(Видео) Бејрут гори, луѓето масовно бегаат

Израел утрово изведе силни воздушни напади врз јужните предградија на Бејрут, кои се под контрола на Хезболах, поради лансирањето проектили и беспилотни летала од групата поддржана од Иран кон Израел. Нападот на Хезболах беше одмазда за убиството на иранскиот врховен лидер Али Хамнеи, пишува The Guardian.Жителите на Бејрут во 3 часот наутро беа разбудени од десетици експлозии, додека Израел гаѓаше три различни локации во јужните предградија на главниот град. Детонациите ги потресуваа прозорците низ целиот град и се слушаа на километри далеку. Истовремено, жители на јужен Либан известуваа за прелети на борбени авиони и паѓање бомби во нападите на пошироката јужна област, при што беа урнати згради во селата блиску до градот Тир.Хезболах соопшти дека околу полноќ лансирал бараж од ракети и беспилотни летала врз објектот за противракетна одбрана Мишмар ал-Кармел во близина на Хаифа. Оттаму изјавија дека тоа е „одмазда“ за убиството на Хамнеи и дека дејствуваат „во одбрана на Либан и неговиот народ“.Израелскиот одговор следеше само неколку часа подоцна. Армијата објави дека ги гаѓала целите на Хезболах низ целиот јужен Либан, во долината Бека и во предградието Дахие во Бејрут. ИДФ потврди дека неколку високи офицери на Хезболах се убиени во нападите врз Дахие.„Хезболах вечерва започна кампања против Израел и сноси целосна одговорност за каква било ескалација. Секој непријател што ја загрозува нашата безбедност ќе плати висока цена“, рече началникот на израелската армија, генерал-потполковник Ејал Замир, во соопштение за медиумите.Израелската армија издаде наредби за евакуација за 55 села и градови низ Либан, повикувајќи ги жителите да останат најмалку 1.000 метри од тие области бидејќи се во близина на „оперативци и објекти на Хезболах“.ИДФ вчера објави мобилизација на 100.000 резервисти, од кои многу се распоредени по границата со Либан.По нападот, реки од луѓе почнаа да бегаат од Дахие, со автомобили и пеш. Редови од возила се формираа пред бензинските пумпи во јужниот град Тир, додека жителите се упатуваа кон север. Автопатите што водат од Дахие до центарот на Бејрут беа преполни со скутери и автомобили што се движеа преку урнатините од нападот. На југ, луѓето возеа во двата правци на автопатот за да избегнат сообраќајни метежи.Снимките од теренот ги покажуваат покривите на зградите во Дахие во пламен и изгорените остатоци од автомобили под урнатините. Сведоците што се евакуираа изјавија дека виделе ракети испукани од јужен Либан кон Израел, што изгледаше како продолжение на нападите на Хезболах.Настаните ги вратија спомените на 13-месечната војна меѓу Израел и Хезболах што заврши во 2024 година. Брзо се проширија стравувањата дека Дахие, долината Бека и големи делови од југот повторно би можеле да станат ненаселени, како што беше случајот тогаш. Во таа војна, Израел ги бомбардираше тие области секој ден, убивајќи речиси 4.000 луѓе и раселувајќи милион од нив.Либанската влада експресно ја осуди одлуката на Хезболах да го бомбардира Израел без консултација со државата. Без директно да ја именува милитантната група, либанскиот премиер Наваф Салам рече дека „нема да дозволи земјата да биде вовлечена во нови авантури“.Ракетирањето од јужен Либан е неодговорен и сомнителен чин што ја загрозува безбедноста на Либан и му дава на Израел изговор да продолжи со својата агресија“, напиша Салам во објава на социјалната мрежа X.Либанските власти во недели наназад се бореа да го спречат Хезболах да се вклучи во каква било потенцијална војна со Иран, додека Израел им испраќаше пораки на своите либански колеги дека секој напад ќе предизвика широк одговор против целата земја.

Свет | пред 4 седмици

Неколку илјади граѓани на ЕУ се уште во Иран: „Многумина не сакаат да заминат“

Проценките велат дека во Иран останале неколку илјади лица со државјанство на некоја од земјите членки на Европската унија, изјави висок претставник на ЕУ.Многу од нив имаат и иранско државјанство и не сакаат нужно да ја напуштат земјата, додаде официјалниот претставник.Точниот број на оние кои бараат евакуација не е објавен.Се проценува дека многу поголем број граѓани на ЕУ се заглавени во земјите околу Иран поради откажувањето на летовите предизвикани од затворањето на воздушниот простор.За да им помогне, Европската унија ја активираше мрежата за консуларна соработка, наменета за поефикасна координација на напорите за евакуација.

Свет | пред 4 седмици

Американски сенатор жестоко го критикуваше нападот врз Иран

Американскиот сенатор Берни Сандерс остро ја критикуваше одлуката на претседателот Доналд Трамп за нападот врз Иран, доведувајќи во прашање образложението на Белата куќа дека САД не смеат да дозволат Иран да развие нуклеарно оружје.Сандерс, демократски социјалист и независен сенатор од Вермонт, кој во Конгресот се приклучува на демократите и е познат по своите прогресивни ставови, се огласи преку социјалната мрежа X.Во објавата тој се потсети на претходната изјава на Трамп од јуни, во која претседателот тврдел дека иранските нуклеарни постројки се „уништени“.Тоа е истиот претседател кој во јуни рече: ‘Иранските нуклеарни постројки се уништени.’ Виетнам. Ирак. Иран. Уште една лага. Уште еден војна“, напиша Сандерс.Неговата изјава се однесува на претходните американски воени интервенции, особено војните во Виетнам и Ирак, кои оставија длабоки политички и општествени последици.Сандерс и претходно предупредуваше за опасноста од ескалација на конфликтот на Блискиот исток, залагајќи се за дипломатски решенија и меѓународна соработка наместо воена интервенција.

Свет | пред 4 седмици

Претседателот на Кипар: Нашата земја не учествува и нема намера да биде дел од каква било воена операција

Претседателот на Кипар, Никос Христодулидес, се обрати до јавноста по нападот на британската база, најверојатно во Акротири.„Во 00:03 часот, беспилотно летало тип Шахед се урна на воените објекти на британската база во Акротири, предизвикувајќи мала материјална штета. Од самиот почеток, сите надлежни служби на Републиката беа во состојба на приправност и целосна оперативна готовност. Истовремено, веднаш свикав Совет за национална безбедност за процена на ситуацијата, кој и понатаму е во постојани консултации. Во исто време, сум во постојан контакт со сите европски лидери и лидери на други држави во врска со развојот на настаните“, истакна Христодулидес.Претседателот додаде дека Кипар се наоѓа во регион со посебна геополитичка нестабилност, со многу предизвици и проблеми, кој минува низ невидена криза.„Сакам да бидам јасен: нашата земја никако не учествува и не има намера да биде дел од каква било воена операција. Остануваме посветени на хуманитарната улога што ја извршувавме досега, секогаш како дел од решението, а не на проблемот, и ќе продолжиме да делуваме со иста одговорност. Правиме сè што можеме, а безбедноста на земјата и на нејзините граѓани ни е примарна грижа“, рече претседателот на Кипар.

Свет | пред 4 седмици

Грција ги зајакнува безбедносните мерки по нападите врз Иран

Властите ги зајакнаа безбедносните мерки околу потенцијални цели поврзани со САД и Израел во Грција, како и на деловни објекти и аеродроми, по американските напади врз Иран, соопштија официјалните лица.Портпаролката на полицијата, Константија Димоглиду, рече дека мерките се проширени надвор од дипломатските претставништва и вклучуваат комерцијални и деловни објекти кои би можеле да бидат цел на напади.Безбедноста е зајакната и на главните грчки аеродроми, а полицијата тесно соработува со војската и разузнавачките служби за справување со потенцијални закани.Ддесетици летови од Атина кон Блискиот Исток беа откажани по нападите врз Иран и неговата одмазда.

Свет | пред 4 седмици

Арагчи: Убиството на ајатолахот е опасен преседан – одговорните ќе сносат последици

Иранскиот министер за надворешни работи, Абас Арагчи, денеска упати писмо до Обединетите нации и Советот за безбедност, во кое предупреди дека убиството на лидерот на Исламската револуција, ајатолах Али Хамнеи, ќе има „длабоки и далекусежни последици“ за одговорните.Во писмото до генералниот секретар на ОН, Антонио Гутереш, и членовите на Советот за безбедност, Арагчи истакна дека убиениот ајатолах, кој беше врховен лидер на Иран, не беше само највисок официјален авторитет во земјата, „туку и верска личност која ја почитуваат десетици милиони муслимани ширум регионот и светот“.Таквиот напад ќе има длабоки и далекусежни последици, за кои целосна одговорност лежи единствено на извршителите“, нагласи Арагчи.Тој ја оцени како „страшна и криминална“ природата на делото кое било „извршено против големиот народ на Иран“ и потенцира дека Израел и САД извршиле напади врз Иран „во нова серија агресивни, однапред смислени и целосно неоправдани акти против суверенитетот и територијалниот интегритет“ на земјата.Арагчи предупреди дека неактивноста на ОН ќе има долгорочни последици.Недостигот на решителен одговор на таквото однесување не само што ќе ги охрабри извршителите, туку ќе нанесе и трајна и непоправлива штета врз основите на меѓународниот правен поредок во следните децении“, рече Арагчи.Тој посочи дека нападот претставува „груб прекршок на член 2(4) од Повелбата на Обединетите нации“ и дека „претставува директен напад врз најосновните принципи на меѓународното право, вклучувајќи ја забраната за употреба на сила, принципот на суверена еднаквост на државите и неповредливост и имунитет на шефовите на држави“.Арагчи нагласи дека таквиот чин „создава опасен преседан кој ја погодува основната норма која го регулира државниот суверенитет и цивилизираното однесување меѓу народите“.Шефовите на држави, истакна Арагчи, „се неповредливи, почитувани и имуни“, што е, според него, „принцип неопходен за независно извршување на нивните службени должности“. Поради тоа, „намерното целење на највисокиот официјален орган на Иран претставува тешко и невидено кршење на најосновните норми кои ги регулираат односите меѓу државите“.Арагчи подвлече дека нападот на никаков начин не ги негира „вроденото и легитимното право“ на Иран да го брани својот суверенитет, територијалниот интегритет и својот народ во согласност со член 51 од Повелбата на Обединетите нации.Министерот за надворешни работи изјави дека нападот врз Иран бил извршен „во очигледно непочитување на обврзувачките принципи на меѓународното право и обичајното меѓународно право, вклучувајќи ги и оние содржани во Конвенцијата за спречување и казнување на злосторства против меѓународно заштитени лица од 1973 година“.Тој заклучи дека инцидентот „повлекува меѓународна одговорност на релевантните држави-прекршители, а исто така повлекува и индивидуална кривична одговорност на претседателот на САД, на таканаречениот премиер на израелскиот режим и на сите лица вмешани во планирање, наредување, одобрување, извршување или на друг начин помагање и поттикнување на овој кривичен чин“.

Свет | пред 4 седмици

Танкери заглавени во Заливот: Осигурителните компании го укинуваат покривањето за воен ризик

Неколку осигурителни компании соопштија дека ќе го укинат покривањето за воен ризик за бродовите поради конфликтот во Иран и Персискиот Залив.Осигурителните компании, меѓу кои се Gard, Skuld, NorthStandard, лондонскиот P&A клуб и Американскиот клуб, соопштија дека укинувањето на осигурувањето од воен ризик за бродовите ќе стапи на сила од 5 март, пренесува Ројтерс.Според соопштението, осигурувањето од воен ризик ќе биде укинато за бродовите во иранските води, како и во Персискиот Залив и соседните води.Јапонската осигурителна група MS&AD изјави за Ројтерс дека привремено суспендирала низа полиси за осигурување кои покриваат воени ризици во водите околу Иран и Израел, како и соседните земји.Тензиите на Блискиот Исток ескалираа откако американските и израелските сили започнаа напади врз Иран за време на викендот, по што Техеран ја затвори пловидбата низ Ормускиот теснец, клучна точка за глобалниот проток на нафта и гас.Неколку сопственици на танкери, големи нафтени компании и трговски куќи од тогаш ја запреа испораката на сурова нафта, гориво и течен природен гас преку теснецот, а сателитските податоци покажуваат дека бродовите се собираат во близина на клучни пристаништа во Обединетите Арапски Емирати, како што е Фуџеира.Податоците за следење на бродови од вчера покажуваат дека најмалку 150 танкери се закотвени во отворените води зад Ормускиот теснец.

Свет | пред 4 седмици

Раст на акциите на руските нафтени компании по нападите врз Иран

Акциите на водечките руски нафтени и гасни компании, меѓу кои се Роснефт, Лукоил, Газпром Нефт и Новатек, забележаа значителен раст по нападите врз Иран.Напнатоста на Блискиот Исток директно влијаеше на глобалниот пазар на енергетици, што доведе до нагло покачување на цените на суровата нафта. Аналитичарите предвидуваат дека овој тренд може да продолжи, сметајќи дека побарувачката за руска нафта би можела да расте, бидејќи таа станува алтернатива на резервите од Персискиот Залив, кои поради конфликтот сега се несигурни.Нафтениот пазар нагло се промени по нападите врз ИранЦените на нафтата силно пораснаа, додека берзанските индекси забележаа пад на почетокот на тргувањето. Американската сурова нафта во неделата навечер поскапе за осум проценти, на околу 72 долари за барел, за подоцна да се стабилизира на 71 долар. Бренд нафтата, глобална референтна цена, прво скокна повеќе од 12 проценти на околу 82 долари, но подоцна падна под 78 долари. Во петокот цената на Бренд изнесуваше нешто повеќе од 73 долари за барел.Во меѓувреме, фјучерс договорите за S&P 500, Nasdaq и Dow паднаа за околу еден процент. Од друга страна, договорите за нафтени компании како Exxon и Chevron пораснаа за околу два проценти, додека акциите на компании од одбранбената индустрија, како што се Northrop Grumman и Lockheed Martin, забележаа блага стапка на раст.Првичниот скок на цените на нафтата, иако остар, беше очекуван и во рамките на проценките на аналитичарите, кои сметаат дека сегашниот поремет на пазарот ќе биде релативно краткотраен. Сепак, постои значителна неизвесност околу обемот и траењето на војната, за која претседателот Доналд Трамп најави дека може да трае недели.Аналитичарите предупредуваат дека поголеми немири, хаотичен вакуум на моќта, прекин на производството или долготрајно затворање на Ормутскиот теснец може да ја подигне цената на нафтата на 100 долари за барел или повеќе.

Свет | пред 4 седмици

Трамп подготви замена за Хамнеи: Имам три многу добри кандидати

Американскиот претседател Доналд Трамп изјави дека има три кандидати на ум кои би можеле да ја предводат Иран, според пишувањето на „Њујорк Тајмс“ (NYT).Имам три многу добри кандидати“, рече тој, одбивајќи да ги открие имињата на кандидатите.Говорејќи за можноста за промена на режимот во Иран, Трамп ја опиша американската интервенција во Венецуела и преземањето на власт од лидерот Николас Мадуро како идеално сценарио. Во исто време, претставник на Белата куќа одби да даде какви било гаранции за заштита на Иранците кои се залагаат за промена на режимот.САД на 3 јануари спроведоа масовен напад во Венецуела, заробувајќи го претседателот Николас Мадуро и неговата сопруга Силија Флорес и пренесувајќи ги во Њујорк. Според американските власти, тие наводно биле вмешани во „наркотероризам“. Делси Родригез, претходно потпретседателка на земјата, стана вршител на должноста претседател.Претседателот Трамп исто така дозволи укинување на американските санкции против Иран доколку новото раководство покаже одреден прагматизам.

Свет | пред 4 седмици

(Видео) Иран започна напади врз нафтени капацитети во Саудиска Арабија

Според првите извештаи, Иран започнал напади врз нафтени објекти во Саудиска Арабија. Со дронови од типот „Шахед“ нападнат е еден од најголемите нафтени јазли во светот.Непосредно по нападот, рафинеријата на Saudi Aramco го прекина производството, јавува Sky News Arabia.Рас Тануура е еден од најважните енергетски центри во светот – се наоѓа на источната обала на Саудиска Арабија и служи како главен терминал за извоз на сурова нафта. Комплексот вклучува еден од најголемите нафтени терминали и рафинериски капацитети на планетата, со огромна моќност за преработка и транспорт на нафта со танкери кон Азија, Европа и САД, и долго време е клучна алка во глобалните енергетски текови.Заради својата стратешка улога во снабдувањето со сурова нафта и рафинерирани производи, секое нарушување на операциите во Рас Тануура може да има сериозни последици за светскиот енергетски пазар.

Свет | пред 4 седмици

Внукот на Хомеини ги повика граѓаните на Иран да излезат на улиците и во џамиите во црна облека

Сејед Хасан Хомеини ги повика граѓаните да не ги напуштаат улиците и џамиите, туку во црна облека да се собираат на плоштадите до крајот на војната со САД и Израел.Ниту за момент не напуштајте ги улиците и џамиите. Нашата мека моќ се срцата на луѓето и нивното присуство на терен – тоа нè одржа досега“, порача Хомеини. Тој додаде дека „од денес до крајот на војната, секому е поединечна обврска да биде во џамиите“ и ги повика верниците да го исполнат тоа.Нашите ровови се џамиите и градските плоштади“, рече тој, нагласувајќи дека „секој плоштад мора да биде во рацете на народот, облечен во црно и со знамето на имам Хусеин во рацете“.Повикот за носење црна облека и истакнување на знамиња на имам Хусеин е силно симболичен во шиитската традиција. Хусеин, внук на пророкот Мухамед, бил убиен во 680 година во битката кај Кербела и се смета за симбол на мачеништво, жртва и отпор против неправда.Во иранскиот политички дискурс неговата фигура често се користи како метафора за борба против надворешна закана или внатрешна неправда.Сејед Хасан Хомеини формално не е дел од највисокото државно раководство, но неговото презиме носи голема политичка тежина. Тој е внук на Рухола Хомеини, водач на Исламската револуција од 1979 година и основач на сегашниот ирански систем.Се смета за влијателна верска фигура и припадник на умерената струја во Иран.Пораките за излегување на плоштадите и посета на џамиите се дел од долгорочната пракса на иранскиот режим, кој во кризни ситуации поттикнува масовни јавни собири како знак на политичка и општествена кохезија.

Свет | пред 4 седмици

Затворени училишта на Кипар, во тек евакуации

Кипар го зголеми степенот на подготвеност по нападот со дрон врз британската воена база RAF Akrotiri на островот. Властите ги затворија училиштата и спроведоа евакуации каде што тоа беше потребно, поради вовлекувањето на земјата во ескалирачкиот судир на Блискиот Исток.Во утринското обраќање до нацијата, кипарскиот претседател Никос Христодулидис порача дека безбедноста на земјата е најважната грижа на неговата влада.Се наоѓаме во регион на исклучителна геополитичка нестабилност, со бројни предизвици и проблеми, кој во моментов минува низ криза без преседан. Правиме сè што е потребно, а безбедноста на нашата земја и на граѓаните е наш главен приоритет“, изјави тој.Тој нагласи дека Кипар, како членка на Европската унија најблиска до Блискиот Исток и популарна туристичка дестинација, останува на ставот дека „нема да се вклучува во никакви воени операции“.Остануваме посветени на хуманитарната улога што ја имавме цело ова време – секогаш како дел од решението, а не од проблемот – и ќе продолжиме да дејствуваме со исто чувство на одговорност“, додаде Христодулидис.

Свет | пред 4 седмици

Трагедија во Иран: Во напад загинаа 20 одбојкарки

Според наводите на иранските медиуми, за време на викендот во напад на спортска сала во градот Ламард, на југот на Иран, загинале 20 млади одбојкарки, додека повеќе од 100 лица се повредени.Информацијата првично ја пренесе телевизискиот канал Al Mayadeen, повикувајќи се на локални извори, а потоа веста ја потврдија и други медиуми.Нападот се случил во покраината Фарс, а според истите извори, меѓу загинатите има и деца кои во моментот на ударот се наоѓале во салата. Првичните извештаи говореле за повеќе од 15 жртви, по што бројот подоцна бил зголемен.По овој повод реагираше и FIVB (Меѓународната одбојкарска федерација), која изрази длабока загриженост и го осуди страдањето на младите спортистки.Во соопштението се наведува дека FIVB е „шокирана и исклучително загрижена од извештаите дека неколку млади одбојкарки во Иран ги загубиле животите како резултат на влошената безбедносна ситуација на Блискиот Исток и поширокиот регион“.Изразуваме најдлабоко сочувство до семејствата на загинатите и до сите кои се погодени од оваа криза што се развива“, се истакнува во соопштението.FIVB формираше посебна работна група со цел во реално време да ја координира хуманитарната помош и да ја обезбеди безбедноста на одбојкарките, одбојкарите, тренерите, стручните штабови и волонтерите кои се наоѓаат во погоденото подрачје, во соработка со влади, невладини организации и други релевантни тела.На крајот, од светската куќа на одбојката порачаа дека силно веруваат во значењето на соработката, дијалогот, мирот и солидарноста, со апел до меѓународната заедница да придонесе за деескалација и пронаоѓање мирно решение.

Свет | пред 4 седмици