ЛЕВИЦА

Нема фотографија

Левица: Во болницата во Тетово се издавале медицински извештаи исклучиво на албански јазик

Во текот на изминатите месеци, до Левица стигнаа реакции од граѓани во однос на работата на ЈЗУ Клиничка болница во Тетово, поточно, издавањето на медицински извештаи исклучиво на албански јазик од страна на доктор во оваа болница, велат од партијата.„Поради ваквото постапување на докторот кој ја прекршил законската обврска за задолжителна употреба на македонскиот јазик, а со тоа го повредил и законското право на пациентите да бидат потполно, разбирливо и соодветно информирани за нивната состојба и резултатите од медицинската процена – Левица поднесе Иницијатива до Секторот за управен и инспекциски надзор при Министерството за култура, како и до Државниот санитарен и здравствен инспекторат.Ова грубо прекршување на низа закони, повреда на правото на пациентите и намерите за спроведување на шовинистичките големоалбански апетити не смее да остане неказнето!Го повикуваме Државниот санитарен и здравствен инспекторат да преземе дејствија со што би се санкционирале и спречиле понатамошни незаконитости и постапувања спротивни на Законот за заштита на правата на пациентите, Законот за евиденциите од областа на здравството, Законот за употребата на македонскиот јазик и Законот за употреба на јазиците“, се вели во соопштението.

Македонија | пред 2 години

Левица: Пред Уставен суд ја оспоривме националноста во изводите

Политичката партија Левица подготви Иницијатива до Уставниот суд за оценување на уставноста и законитоста на измените на Упатството за водење на матична евиденција донесено од страна на Министерот за правда, на 29 мај 2023 година со кое се воведува нова графа „националност“ во изводот од матична книга на родените, венчани и умрени.„Покрај барањето за комплетно поништување на измените на Упатството, Левица побара и изрекување времена мерка односно донесување на привремено решение за запирање на извршувањето на акти или дејствија преземени врз основа на оспорениот подзаконски акт поради кој во пракса би можеле да настанат тешко отстранливи и штетни последици.Со воведувањето на националност како графа во изводот, се постапува спротивно на темелните вредност на Уставот, на одредбите од Законот за заштита на лични податоци и Законот за матична евиденција“, се наведува во соопштението од оваа партија.Дополнително, како што појаснуваат, ова упатство значи отворена врата за автоасимилирање на две нивоа: прво – постои опасност помалите етнички заедници постепено да се претопат во двете актуелно доминантни; и второ – постои реална опасност, македонското население да се „бугаризира“ за само 250 денари колку што чини таксата за вадење извод, односно декларирањето Бугарин во матично да биде основ за полесно вадење бугарски пасоши.Потенцираат дека личното чувство на граѓанинот не може да се докажува со јавна исправа т.е. со документ издаден од државен орган.Не постои никаква гаранција дека оспорените измени на Упатството ќе ја подобрат меѓуетничката кохезија во едно мултиконфесионално и мултиетничко општество какво што е нашето.Левица како политичка партија е единствен коректив на оваа Влада која секојдневно настојува преку секакви акти, постапки и процедури да го поттикне процесот на демакедонизација на Македонците, додаваат од оваа партија.

Македонија | пред 2 години

Нема фотографија

Апликацијата за пописот која беше донација од бугарска фирма била незаконски набавена, вели Левица

Сите недостатоци на кои Левица единствена алармираше за време на незаконскиот попис, вчера беа потврдени и од Државниот завод за ревизија, кој констатира низа слабости, пропусти и неправилности. За скандалозноста на спроведениот попис, потврдува забелешката на ДРЗ дека софтверот за дијаспората бил набавен од спонзор, за кој не знаеле во Министерството за правда.Потсетуваме дека апликацијата за попишување на дијаспората беше донација од бугарска фирма! Кои се интересите на бугарска фирма да донира апликација за попис во друга држава, особено кога официјалната влада на Софија интензивно врши асимилација на македонското население?!Односно, ДРЗ утврди бројни неправилности поврзани со софтверската апликација за самопопишување на лицата-државјани кои се на привремена работа или престој во странство и тоа:софтверската апликација е набавена без надоместок, за што Државниот завод за статистика се обврзал да го истакне името на давателот во апликацијата, со што врши негова промоција, односно станува збор за спонзорство, за кое не е побарано од Министерството за правда решение, со кое ќе се потврди јавниот интерес на ова спонзорство;фирмата изработувач на апликацијата е управувана од лице кое во периодот од 25.05.2019 до 23.09.2020 година бил член на Советот за статистика, како иапликацијата за самопопишување не е евидентирана во деловните книги на Државниот завод за статистика.Потсетуваме дека ДПМНЕ не само што беше активен учесник во незаконскиот попис за отпис на Македонците, туку и на лидерската средба Мицкоски прифати продолжување на предвидените 20 дена за попис! Иако Мицкоски собра 100.000 потписи против пописот и ги изманипулира граѓаните, тој ретерираше од својот став и прифати спроведување на косоварскиот попис, без ниту една аномалија да биде отстранета.Левица е единствена партија која поднесе кривична пријава против директорот на Државниот завод за статистика, Апостол Симовски, и ја известуваме јавноста дека кривична одговорност за овој поданик на власта ќе биде врвен услов за било која идна Влада, во која би учествувала Левица.

Македонија | пред 2 години

Нема фотографија

Државниот архив е во очајна состојба со мувла и влага, објави Левица

Катастрофалните услови и одбивањето да се реновира зградата на Државниот архив на Република Македонија се обид да се удави македонската историја, велат од политичката партија Левица.– Пред десет години, во 2013 година, со многу помпа Државниот архив беше преместен во една од зградите на проектот Скопје 2014. Меѓутоа, за кратко време се покажа дека станува збор единствено за пиар момент, без никаква свест за вредноста и важноста на архивираните материјали, а гледано од денешна перспектива сè поверојатно е дека истото било направено тенденциозно, со намера да се уништат важни и суштински документи со непроценлива вредност. По поплавата на Архивот во 2018 година, беше извршен увид во кој учествуваше Јавното обвинителство, при што беше констатирано дека е потребна итна санација на покривот на зградата, со што ќе се спречат понатамошни поплавувања на објектот. Владата на СДС и ДУИ тогаш го повтори ставот дека наскоро ќе се донесе конечна одлука, во насока на трајно решение околу наследената ситуација со зградата на Архивот и нејзината комплетна нефункционалност, појаснуваат од Левица преку соопштение.Оттаму велат дека денес Државниот архив е во очајна состојба со мувла и влага, а вработените се во постојана битка со водата по секој дожд.– Од работењето на директорот Емил Крстевски единствено јавноста виде како води преписки на официјалната страна на оваа институција. Поминати повеќе од пет години, а пробугарската власт нема преземено ниту една мерка за да го заштити овој значаен објект за македонската историја! Во контакт со вработени во Архивот, Левица дојде до сознанија дека старата зграда на Архивот била една од најстручно изградените објекти во Југославија, поради што дел од вработените бараат да се вратат во стариот објект, велат од Левица.

Македонија | пред 2 години

Нема фотографија

„Нема европска држава со етничка припадност во изводи“, Левица ќе оспори пред Уставен суд

Откако пратениците на Левица, со 1300 амандмани, ефективно го блокираа внесувањето етничка припадност во лични карти, не престануваат обидите за дејтонизација од страна на анти-народната влада. Иако само 20 држави во светот имаат етничка припадност во лични документи (од кои ниту една не е европска држава!), после неуставно воведените двојазични униформи, пасокизираната СДС забрзано ја спроведува Тиранската плаформа, во очаен обид да не ја загуби владината коалиција, вели Левица„Како што најави министерот од редовите на Алијанса за Албанците, Кренар Лога, внесувањето етничка припадност во изводите ќе се реализира само со упатство, што претставува противуставна промена на подзаконски акт, при што директно се заобиколува Парламентот, како највисок законодавен орган!Јасно е дека ваквите големоалбански барања се резултат на недостиг на визија и програма за социјални и економски проекти, додека мнозинството Албанци, како и Македонците, масовно се иселуваат поради погубните политики на ваквите истрошени политичари.Потсетуваме дека во февруари 2021 година, евроамбасадорот Дејвид Гир изјави дека регулативата на ЕУ забранува споделувањето на лични податоци како расна и етничка припадност, како и политичка и верска припадност.Оттука, јавно го прашуваме извршителот на Али Ахмети и октроиран премиер, Димитар Ковачески: Дали со воведувањето етничка припадност спротивно на ЕУ регулативата, владата на СДС и ДУИ директно ги загрозува европските интеграции на Македонија?Ја известуваме јавноста дека Левица ќе поднесе Иницијатива до Уставниот суд, со цел го оспори внесувањето етничка припадност во изводите, како противуставен потег, кој е спротивен на европските практики. Вакви трибалистички решенија се типични за конзервативни општества, со многу силна внатрешна поларизација, додека развиениот демократски свет одамна ги напуштил овие негативни практики“, се вели во соопштението.

Македонија | пред 2 години

Нема фотографија

Уште една жртва на системот: после Тони Сали, почина и Мемет Камбер - лице без лични документи, вели Левица

Длабоко сме огорчени поради трагичната смрт на Мемет Камбер, лице на кое му беа ускратени основните права и пристапот до здравствена заштита, само затоа што ги немаше потребните документи за да го докаже неговиот престој во Македонија. Овој трагичен настан е само потсетник на системската дискриминација и маргинализација со која ромската заедница продолжува да се соочува во нашето општество, вели Левица„Ова не е ваков прв случај да се загуби животот поради бирократски пречки. Тони Сали, исто така поради бирократски процедури, не можеше да добие извод и да оствари право на здравствена заштита. Сали почина пред две години, а постхумно доби награда од Град Скопје за матурант - првенец на генерација. За трагичниот случај со Сали никој не понесе одговорност, а тогашниот директор на Управата за водење на матични книги, Бујар Дардиша, подоцна беше унапреден во управител на ЕСМ Дистрибуција.За руинираноста на институциите говори пресудата на Врховен суд од 2022 година, која во случајот со Тони Сали, после неговата смрт, утврди дека Граѓанскиот суд бил должен да постапува по тужбата на Тони Сали за утврдување на татковство и мајчинство, а не да се прогласи за ненадлежен. Одговорност повторно - нема.Бизарноста на заробените институции беше до степен да Второстепената комисија, со која раководи Даница Чадиева, надвор од рокот и еден месец откако почина Сали, ја уважила неговата жалба против Управата за водење матични книги и случајот го вратила на решавање. Исто како да е жив.Иако пред три години е донесен Законот за неевидентирани лица во матичната книга на родените, отсуствува ажурност кај институциите за негово имплементирање, што се потврди со трагичниот случај со Мемет Камбер од пред неколку дена. Недостигот на документација за поединците од маргинализираните заедници дополнително ја влошува нивната ранливост, оставајќи ги без пристап до основните услуги, како што се здравствената заштита, образованието и можностите за вработување. Тоа е јасен показател на нееднаквостите што опстојуваат во нашето општество.Јавно го повикуваме премиерот Ковачевски да не го премолчи и овој трагичен случај и да ги лоцира одговорните лица, поради кои Мемет Камбер го загуби животот. До кога ќе се штитат партиските кадри - на сметка на човековите животи“, се вели во соопштението.

Македонија | пред 2 години

Стануваме апсолутен рекордер во светот, досега, тоа беше Мавританија со 54 часа работна недела, вели Левица

Политичката партија Левица на фејсбук објави видео со наслов „Корпоративно ропство: 60 часовна работна недела“.„Најголемиот грабеж на 21-от век го спроведува Владата на Република Македонија.Штотуку на шверцерски начин и со европско знаменце помина пакетот погубни законски измени кои државата ја потчинуваат на КОРПОРАТИВНА ДИКТАТУРА.Македонските работници ќе работат 12 часа дневно, 6 дена во неделата - што значи МИНИМУМ 60 часа робување на корпоративни интереси на американски конзорциум Бехтел и Енка - кој градејќи ги коридорите 8 и 10, ќе ги истошти нашите работници и ќе ја испразни државната каса.Со 6 664 амандмани Левица го блокираше овој пакет закони и на овој начин ќе се ставеше крај на обидите за поробување на работниците и истиснување на државните пари - но, без правна основа Владата реши да ги злоупотреби инструментите за усогласување со европската легислатива - со европско ЗНАМЕНЦЕ антицивилизациски и анти-европски.‼️Стануваме апсолутен рекордер во светот. Досега, тоа беше Мавританија со 54 часа, по која следат Египет со 53, Гамбија со 51 и Буркина Фасо со 50 часа. Но, Владата на СДС и ДУИ воведе 12 часовно работно време, шест дена во неделата! Тоа значи дека, луѓето кои ќе работат, ќе бидат физички исцедени и ќе немаат време да ги обноват физичките капацитети за да продолжат нормално да живеат. Уставот вели дека секој работник има право на платен дневен, неделен и годишен одмор. Од овие права работниците НЕ МОЖЕ ДА СЕ ОТКАЖАТ.Помеѓу силниот и слабиот, слободата е таа која угнетува, а законот е тој кој ослободува. Сега имаме ситуација, законот да ги поробува работниците, наместо да ги ослободува!Левица нема да дозволи на овие грабливци и злосторници без отпор да се богатат на грбот на работниците. На борбените линии против паразитите од СДС и ДУИ нѐ обединува класниот и националниот интерес - спротиставени на нелегитимните рехабилитатори на фашизмот и острицата на корпоративната диктатура“, се вели во објавата.

Македонија | пред 2 години

„Механизацијата била само за сликање, за дваа часа циркус“, Левица за изградбата на автопатот Прилеп-Битола

Политичката партија „Левица“, во врска со отпочнувањето на подготвителните работи за изградбата на автопатот Прилеп-Битола, на Фејсбук напиша дека сето тоа било циркус.„ Далеку од очите на јавноста, пред само неколку новинари, денес самонаречениот премиер на нивната земја го најави според него отпочнувањето на подготвителните работи за изградба на автопатот Прилеп-Битола, проект кој влегува од еден во друг скандал преку разни злоупотреби.Иако присутна, механизацијата неколку часа не работеше и само чекаше да дојдат новинарите и делегациите за да на крајно аматерски начин пред камерите одглумуваат дека наводно нешто работат. Но набрзо и на тоа имаше крај по што само по два часа откако заврши целиот настан, тешката механизација беше транспортирана во непознат правец. Тука биле само за сликање!Мора да се напомене дека целиот настан беше крајно нетранспарентен, немаше изјави за медиумите, а на присутните вклучувајќи ги и новинарите не им беше дозволено да поставуваат прашања со што уште еднаш се докажа дека целата постапка е крајно сомнителна и скандалозна, без вклучување на јавноста“, обвини партијата.

Македонија | пред 2 години

Нема фотографија

ЕУ потврди - Пуштањето на законите за Бехтел и Енка со европско знаменце е злоупотреба, вели Левица

Делегацијата на Европската Унија во Македонија денес потврди дека анти-работничката и криминална власт на ДУИ и СДС, наспроти нејзините лажни заложби за европски вредности, е и анти-европска, вели Левица.„По најавата на шверцерско носење на законите во корист на американско-турскиот конзорциум Бехтел и Енка, со кој се суспендираат македонските закони и се воведува 60-часа работна недела, преку европско знаме без собраниска расправа, делагацијата на ЕУ изрази загриженост дека власта во овој случај повторно го злоупотребува европското знаменце, со цел заобиколување на јавни консултации и демократските законодавни процедури.Со ова, Европската Унија го потврдува ставот на Левица дека употребата на европското знаменце на законите за коридорите 8 и 10-д не е во согласност со стандардите на Унијата и би претставувало кривично дело.Левица веќе има поднесено кривични пријави за службеници кои имаат претходно овозможено злоупотреба на европското знаменце и јавно изјавува дека по падот на овој анти-европски режим, ќе има кривичен прогон и за службениците кои и во овој случај ќе ќе ги прекршат македонските закони и европските стандарди“, се вели во соопштението.

Македонија | пред 2 години

Џафери ќе потроши 2,5 милиони денари за чистење на Собранието, вели Левица

На повидок е уште едно недомаќинско и расипничко трошење на народни пари. Хемиско чистење, перење, пеглање, претапацирање – Талат Џафери го „светнува“ Собранието, вели Левица.„Согласно договорите во 2023 година наменети се преку 2.442.600,00 денари народни пари за:– хемиско чистење и перење на персиски килими, машински килими, теписони, фотелји, полуфотелји, двоседи и троседи, завеси и драпери, знамиња;– чистење на две мали и една голема стаклена купола и поставување на знамиња;– претапацирање на мебел со материјали по потекло од Италија и Турција.Ако се спореди со претходните години (2020, 2021 и 2022 година) кога за иста услуга биле во просек наменети околу 500.000 денари на годишно ниво, тогаш очигледно е дека договорот склучен во 2023 година тежи повеќе од сите три претходни договори заедно. Се поставува прашањето зошто постои толку голема разлика во цената на услугите во 2023 година во однос на претходните години?Дали јавните набавки се планираат согласно потребите и можностите или пак се манипулира со износите по желба на поединци?Антикризните мерки, кои беа усвоени минатата година, главен акцент ставаат на намалување на помалку приоритетните расходи. Напротив, непродуктивните трошоци и луксузирање со народни пари наместо да биде намалено, тоа бележи рекорден пораст, особено во последната година.Додека граѓаните се принудени сами да се снаоѓаат за да можат да ја преживеат економската криза, а законодавниот дом со леснотија ги троши парите на граѓаните. Сведоци сме како Владата на СДС и ДУИ калкулира со набавка на лекови за животно загрозени пациенти, под изговор дека нема средства, додека се трошат милионски суми за претапацирање мебел“, се вели во објавата.

Македонија | пред 2 години

Останува закочен Законот за експлоатација на работници поради амандманите на Левица, велат од партијата

Предлог-законот со кој пратениците на ДУИ и СДС предлагаат прекувремена работа на работниците, во случаите кои се од национален и стратегиски интерес (како проектот „Бехтел и Енка“) повторно не е ставен на дневен ред, благодарение на блокадата на Левица, велат од партијата.„Претседателот на собраниската комисија, Елми Азири, потврди дека нема да ја закаже седницата на Комисијата за работни односи, поради блокадата од Левица. Во духот на насилничкото владеење на хибридниот режим, Азири најави дека се бараат “механизми” за заобиколување на 1.111-те поднесени амандмани на пратениците од Левица. Овие амандмани беа поднесени со цел да спречиме легализација на феудалистичката експлоатација на македонскиот работник, предвиден со скандалозниот договор со „Бехтел и Eнка”, кој останува да биде таен за јавноста.Азири воедно се закани дека бараат начин како оваа наша блокада да ја заобиколат преку шверц на предлог-измените со европско знаме! Доколку криминалната власт на СДС и ДУИ се обиде на ваков начин, „со европско знаменце“ да го прошверцуваат законот, по падот на овој криминален режим ќе одговараат кривично, бидејќи со промените директно се крши одредбата која минатата година беше укината од страна на Уставниот суд“, се вели во соопштението.

Македонија | пред 2 години

Концептот на Царовска продолжува да го разорува образованието, кој би предавал вака концепирани предмети, прашува Левица

Политичката партија „Левица“ со реакција околу најавените измени на образовните програми. Укажуваат дека плановите се лоши за образовниот систем во земајва, но и дека нема да има кој да ги предава предметите на учениците.„Деновиве од страната на Бирото за развој на образованието се повлечени наставните програми по предметите Историја, Географија и Етика на религии, а дополнително се дознава и дека предметите Биологија, Хемија, Географија и Физика ќе бидат дел од еден предмет - Природни науки.Се отвараат прашања кој би предавал вака концепирани предмети, на која катедра се обучени наставници кои ќе можат соодветно да пренесат знаења по наставен предмет кој во себе опфаќа низа различни образовно-научни области? Се наметнува прашањето дали крајната цел на овие активности е целосно и сосема да се разори образовниот систем во Македонија?!Стручната и научна јавност уште со најавата на новата Концепција за образование од страна на тогашната министерка за образование, Мила Царовска, силно критикуваше поради контроверзноста на истата. Во јануари 2022 година, ресорот за образование го презеде Јетон Шаќири. Реакциите спласнаа, особено затоа што Шаќири има решено да се брани со молчење.Колку што Царовска огнено ја бранеше инстант- концепцијата за реформи во образованието, толку Шаќири ја премолчува. Но, и покрај молчењето, евидентно е дека планира истата во целост да ја реализира, иако бројни прашања во врска со неа останаа отворени и неодговорени.Така, на пример, во новата Концепција за основно образование се вели:„Предметот Историја и општество опфаќа теми/содржини што припаѓаат на историјата, на делови од географијата, на граѓанското образование и на други општествено-хуманистички дисциплини и заедно со предметот Општество директно произлегува од подрачјето Општество и демократска култура од Националните стандарди“.Стручни лица укажуваа дека станува збор за различни подрачја кои се неспојливи, се произнесе и Друштвото на историчари, Македонското географско друштво како и бројни експерти, но сите овие укажувања и реакции не допираат до Министерството за образование. Каде е сега Чешларов (директор на БРО во времето на донесување на Концепцијата) да објаснува дека Историја ќе се учи уште повеќе отколку досега?!Левица останува на својот став дека Концепцијата за образование е штетна, погубна и креирана по теркот на туѓи интереси и ќе продолжиме активно да се залагаме за истата да не биде спроведена“, велат од партијата.

Македонија | пред 2 години

Ковачевски и Мицкоски немаат легитимитет да менуваат Устав! Секоја промена е еднаква на национално предавство, вели Левица

Откако Христијан Мицкоски го премолчи неуставното воведување на двојазични униформи, деновиве јавноста е сведок на РЕТЕРИРАЊЕ од првичните ставови дека никаква промена на Уставот нема да поддржат пратениците на ВМРО-ДПМНЕ, велат од партијата Левица во својата објава на социјалните мрежи.„Иако ВМРО-ДПМНЕ знае дека барањата на официјална Софија се вметнување на Бугарите во Уставот како конститутивен народ, под изговорот хрватска преамбула, Мицкоски ја отвора можноста за седнување на маса и промена на Уставот под бугарски диктат!Токму Мицкоски тврдеше дека неговата партија нема да поддржи НИКАКВИ УСТАВНИ ИЗМЕНИ и дека не може да се преговара додека нема реципроцитет со Македонците во Бугарија. Политичка НЕЗРЕЛОСТ е да се очекува дека официјалната бугарска политика ќе ретерира од своите неоврховистички барања, со оглед на фактот дека бугарската политика кон Македонија не е промената од времето на Тодор Живков!Дури и ЕУ експерти предупредија дека со внесување на Бугарите во Уставот се отвора можност за Бугарија да се повикува на меѓународни Конвенции за заштита на националните малцинства и официјална Софија да наоѓа оправдувања да го кочи пристапниот процес на Македонија во ЕУ. Македонците со Бугарија не споделуваат заедничка историја, затоа што бугарската фашистичка власт била окупатор и се борела против АСНОМ-ска Македонија, а тоа е темелот на современа Македонија.Дополнително, искуството потврдува дека секое отворање на Уставот под ДИКТАТ на странски сили било погубно по суверенитетот и територијалниот интегритет на Републиката. Промена на Уставот под притисок и уцени на други држави е флагрантно мешање во внатрешните работи на Македонија и секој политичар кој претендира да ја освои власта мора да биде свесен за ваквиот анти-државнички чин, кој е еднаков на национално предавство.#СофискаПлатформа“, стои во објавата.

Македонија | пред 2 години

Нема фотографија

Левица: Се заканува прекин на издавањето лекови од аптеките поради неефикасноста на ФЗОМ?

Министерот Беким Сали од Алтернатива изјави дека не е запознаен со проблемот со кој се соочуваат лекарите и фармацевтите поради неефикасноста на информатичкиот тим во Фондот за Здравствено Осигурување на Македонија, вели Левица.„Фармацевтската Комора дури побара инструкции од Фондот за натамошно постапување, односно дали аптеките и понатаму да издаваат лекови, или издавањето да го прекинат? Недоволната одбрана на системот за исплата на боледувањата, породилното и рефундациите на лековите издадени од аптеките ги спречува граѓаните да го остварат своето фундаментално право на здравствена заштита.Софтверските системи кои се дел од критичната инфраструктура на државата не е прв пат да бидат цел на хакерски напади, особено во последните неколку години кога стручните тимови за сајбер безбедност се редуцирани во сите министерства на сметка на оптоварување на буџетите преку вработување на партиски кадри. Здравственото осигурување во Македонија функционираше како едно од најдостапните во Европа, а по политичкото дефундирање на менаџментот почна да се урива како кула од карти.Први луѓе на Фондот за здравство се Магдалена Филиповска Грашкоска од СДС и Фатон Ахмети од ДУИ кои располагаат со буџет од околу 600 милиони евра, дозволувајќи стотици здравствени осигуреници да се мачат затоа што немаат соодветни лекови, вклучително и лековите за ретки болести, чиј пример е трикафта!Погубна е судбината на пациентите кои се соочуваат со незаинтересираноста на Владата и министерот во заминување која дополнително го уништува (и онака) кревкиот здравствен систем, а Левица реагираше и на непромислената замена на министрите на сметка на опстанок на “владиното мнозинство“.Конзистентноста е исклучително важна за неколку министерства, а СДС и ДУИ одбираат токму со нив да се пазарат, во состојба на економска, здравствена и политичка криза во Македонија“, се вели во соопштнеието.

Македонија | пред 3 години

Левица: Пендаровски и Османи да го осудат кршењето на македонскиот клуб во Бугарија - бараме протестна нота за бугарскиот амбасадор

Вчера Македонците во Бугарија повторно беа жртва на насилство, каде беше искршен новотворениот клуб од Благоевград - „Никола Вапцаров”, вели Левица.„Бараме веднаш претседателот Стево Пендаровски и министерот Бујар Османи да го осудат ваквиот насилен чин и да ги искористат сите форми на притисоци кон бугарските власти за да се откријат сторителите на ваквиот гнасен чин - исто како што експресно го осудија кршењето на фашистичкиот клуб во Охрид!Бараме веднаш да му биде врачена протестна нота на бугарскиот амбасадор во Скопје - Ангел Ангелов, по истиот реципроцитет како што официјална Софија ѝ врачи нота на македонската амбасадорка после кршењето на клубот во Охрид.Никакви Комисии, ниту Договори за добрососедства не можат да ги заштитат македонските национални интереси од великобугарската политика, која не е променета од времето на Тодор Живков! Од овие причини, Левица континуирано алармира дека единствено решение кое ги гарантира државните интереси од агресивната политика на Бугарија е укинување на Историската комисија.Македонците во Бугарија со децении се под системска репресија, закани, напади и тортура, при што органите на прогонот немаат санкционирано ниту еден насилник!За разлика од бугарските клубови, кои ги глорифицираат најгнасните фашистички крвници, Македонците во Бугарија го слават делото на еден од најистакнатите антифашистички дејци и поети, Никола Вапцаров.Затоа не сме ниту сме биле исти - во македонскиот народ тлее искрата на антифашистичката борба, додека другата страна ги воскреснува најмрачните ликови на фашизмот“, се вели во соопштението.

Македонија | пред 3 години

Левица: Пола милион евра за советниците на Ковачевски и неговите потсекретаријати

Најпосле, Владата ги објави платите и имињата на соработниците и советниците вработени во трите потсекретаријати на Владата. Имено, од народни пари, за потребите на Ковачевски, ангажирани се 15 надворешни соработници и уште околу 25 соработници и советници кои влегуваат во списоците во трите потсекретаријати, вели Левица.„Голем број од поранешните советници на Заев повторно се најдоа на листите. Иако СДС ветуваше намалување на бројот на советниците на премиерот, очигледно преку манипулативно прераспределување, сепак овие лица останале на платен список на државата.Сега, истите фигурираат како соработници и советници на потсекретаријатите на кабинетот на Ковачески, кои директно работат за премиерот. Власта ќе им исплаќа на овие лица авторски договори за специфични задачи, кои небулозно, не може да ги обезбеди од прекумерната и партизирана администрација, а народот за нив ќе плаќа околу половина милион евра годишно.Највисок хонорар повторно ќе добие Зоран Верушевски, советник за национална безбедност, во нето износ од 74.618 денари, а на списокот повторно е и Љубе Бошковски. Власта ќе ја советуваат и со неа ќе соработуваат професори, „експерти“, бизнисмени и новинари.Јасно е дека ќе се одвојуваат значајни средства од Буџетот на Република Македонија за лица кои имаат единствена задача како облигација на нивната ангажираност во Владата, а тоа е хвалоспевот на власта и клеветење на опозицијата. Овие лица се дел од политичкиот поткуп на власта во нејзината квинслиншка и врховистичка политика и работат против интересите на македонскиот народ“, стои во соопштението.

Македонија | пред 3 години

По неколку отворени бугарски клубови, на Левица им текна да протестираат ако се отвори нов во Kуманово

Провокациите од бугарска страна не престануваат! Најнова доаѓа преку најавеното отворање на т.н. бугарски културен клуб во градот симбол на антифашистичката борба - Куманово, вели Левица.„Досегашната пракса ја потвди исправноста на ставовите на Левица по однос на Бугарија. Источниот сосед ја користи Европската унија како алатка за уценување и барања на кои очигледно немаат крај. Додека пак, договорот за добрососедство за кој предупредувавме, максимално се користи за штета врз интересите на Републиката.Отворањето на претходните т.н. бугарски клубови докажаа дека овие „културни“ установи се користат единствено за груба пропаганда во служба великобугарската завојувачка фантазија и истите беа проследени со провокативни, заканувачки и иредентистички пораки.Од страна на Левица беа организираа протести во Битола и Охрид, како и во Скопје против т.н. „француски предлог“ за бугаризација на Македонија. Во меѓувреме, од страна на партијата беа поднесени и пријави до ОЈО за забрана на клубовите кои носат имиња на фашистички дејци и колаборатори.Според првичните информации, бугарската страна ја менува тактиката, па за разлика од досегашната пракса на именување на клубовите по фашистички колаборатори од Втората светска војна, сега ќе се обратат кон пораната историја и клубот, најверојатно ќе биде именуван по заговарачите на големобугарската идеја.Ваквиот чин, Левица не само што го оценува како провокација, туку сметаме дека истиот може да биде разбран како ново искажување на територијална претензија. Како и претоходно, остануваме на браникот на интересите на Републиката и доголку квислингшката власт дозволи отворање на ваков клуб, Левица повторно ќе повика на протести, овој пат во Куманово“, стои во соопштението.

Македонија | пред 3 години

Нема фотографија

Приватизацијата на ХЕЦ Tиквеш е национално предавство, вели Левица

Владата молчи за позадинскиот процес на заносниот бизнис за подарување на ХЕЦ Тиквеш на идниот концесионер на ХЕ Чебрен и Галиште - ова отуѓување на државните капацитети е еднакво на национално предавство и се однесува на директно онеспособување на иднината на македонскиот енергетски сектор, вели Левица.„Овој каскаден хидроенергетски комплекс не смее да биде даден на стопанисување на концесионер, како целосно така и делумно!Владата во 2020 година донесе Стратегијата за развој на енергетиката до 2040 година, во рамките на проект од програмата Good Governance Fund (GGF) финансиран од Владата на Обединетото Кралство. Од усвоениот документ и добиените пари досега немаме ништо, и тоа е воочливо по неколку индикатори.Имајќи ги во предвид јавно достапните податоци за јавни набавки спроведени од државните институции од енергетскиот сектор во изминативе две години, најголем дел од парите на граѓаните се трошат на:-oдржување на сѐ што е изградено во социјализмот, во недостиг на нова енергетска инфраструктура,-плати за партиските војници, и-бесконечното копање на нискокалоричен јаглен од страна на компании на олигарсите.Во овој моментот има и лицитација за продажба на кинески полукокс од стечаецот Југохром, и тој што ќе го купи, понатаму нам ќе ни го продава за трипати повисока цена“, стои во соопштението.

Македонија | пред 3 години

Нема фотографија

Министерот Сали вработува блиски луѓе, здравствениот систем пропаѓа, вели Левица

Продолжуваат унапредувањата на лица блиски до власта, без јавен оглас, овојпат во режија на министерот за здравство Беким Сали. Интерниот оглас за унапредувањата според кој донел одлуки министерот Беким Сали не биле објавени на веб-страната на Министерството за здравство, спротивно на законот. Со тоа одлуките нелегитимни и тие мора да бидат поништени, вели Левица„Министерството за финансии мора да обезбеди согласности за одлуки имаат буџетски импликации за 2023 година. Со тоа треба да бидат поништени и одлуките на министерот Сали, во отсуство на согласности од Министерството за финансии.Левица дозна дека и неквалификувани лица блиски до власта биле унапредени. Како актуелен пример е унапредениот Кенан Џафери од Стајковци кој е лингвист, а ќе работи на утврдување на цената на лекови во сектор за фармација.Како советник во секторoт за медицинска опрема и следење на состојбата во здравствените установи била унапредена Шпреса Алиу, сестрата на Љуљзим Алиу кој е пак шеф на огранокот на матичната партија на актуелниот министер, Алтернатива во Општината Чаир.Соседот на министерот, Љирим Синани пак е унапреден во раководител на Секторот за управување со човечки ресурси на Министерството и натаму ќе одлучува за застапеноста на заедниците при вработувањето на кадар во здравството во Република Македонија.Министерот Беким Сали треба и да плати 8 милиони евра како пенали за нереализираната изградба на Клиничкиот Центар што е неопходeн за ревитализација на македонското здравство. Со тоа народот мора да продолжи да се лекува во приватните здравствени установи!Левица повеќекратно реагира на општата состојба во здравството, како недостатокот на лекови за ретки болести, за лошото справување со пандемијата и нетранспарентните јавни набавки од страна на Министерството за здравство и либерализацијата на здравствениот сектор со дополнителна политичка саботажа која од животите на луѓето гледа можност за профит“, се вели во соопштението.

Македонија | пред 3 години

Ѓорѓиевски: За донација на УСЈЕ гласаа советниците на Левица, дали сега според нивната дефиниција тие самите земале поткуп?

Советниците од фејсбук партијата Левица кои година и пол земаат пари од граѓаните и за истите наместо да работат во нивна служба тие пишуваат статуси, добро би било за промена конечно да се запознаат со својата работа, вели градоначалникот на Кисела Вода Орце Ѓорѓиевски.„Јас ниту сум гласал за донација од Усје ниту можам да гласам - ТИЕ ГЛАСАА!Ако им проаѓаат приказните за мали деца низ цела Македонија, во интерес на вистината јас нема да дозволам некој да манипулира со чувствата на граѓаните затоа што и моето петгодишно дете и мојата фамилија живее во Кисела Вода и јас сум првиот кој се бори против тоа, но заклучно со моите ингеренции!Почитувани, добро знаете дека мојата работа е транспарентна и секогаш отворена за народот, па од таму на почеток сакам да истакнам дека јас ниту некого сум штител ниту пак имам намера да штитам и единствениот пакт што го имам е со мојот народ!Политичар за мене е да се грижиш за доброто на граѓаните, за оние кои ти ја дале довербата и за унапредување на нивниот живот а не да бидеш политикант кој одвреме-навреме ќе напише ,,хаха” статус на социјалните мрежи, па макар тоа да биде и целосна измислица со цел да се ,,оправда” неработењето, незнаењето и неисполнувањето на неколкуте илјади ветувања при доаѓање на власт. Но, народот гледа, тој е оној кој дава и зема.Да одиме по ред и со докази:Одлуката за донација на цемент од компанијата Цементарница Усје со која ревносно тврдат, цитирам, ,,е купен градоначалникот на Кисела Вода”, не е изгласана од моја страна туку од оној кој има надлежност за тоа, во случајов - Советот од кој се дел самите советници на Левица. Јавноста треба да знае дека за оваа одлука која сега оваа партија ја именува како поткуп, гласале СИТЕ советници, вклучително и советниците на Левица што добро се гледа и од стенограмот од седницата на која е донесена таа одлука.Ако е ова поткуп, како што тие велат, биле ли тие, советниците од Левица, поткупени кога гласале ЗА или се надевале на некаков надомест за гласањето, па сега се чувствуваат изиграно?Исто така, многу е симптоматично што Левица или има тотално непознавање или свесно манипулира со лажни информации за надлежноста околу контролирањето на загаденоста кога е во прашање Цементарница Усје.Голем сомнеж буди и целосниот молк од страна на Левица околу институциите од централната власт и градот Скопје за кои и обичните граѓани знаат дека тие се единствените кои имаат надлежност да ја контролираат Усје.Ако се работи за незнаење, на располагање им ги нудам сите наши служби за да ги едуцираат и информираат каде треба да реагираат и да бараат одговори.Имено, Цементарница Усје има добиено А интегрирана еколошка дозвола за чие одобрување е надлежно Министерството за животна средина и просторно планирање. Контрола на издадените А интегрираните еколошки дозволи, односно контрола на работата на Цементарница Усје врши Државниот инспекторат за животна средина.Тука сакам да ве известам и дека од страна на Општина Кисела Вода е пратен допис до надлежните со барање за почести контроли. Воедно, во изминатиов период се случуваа и рушења на дивоградби и борба со урбаната мафија, нешто што 30 години не се случувало во оваа општина.Затоа и збунуваат ваквите обвинувања, отворајќи сомнеж за други пактови, но не мој, туку на партијата Левица, за кои треба да им одговорат на граѓаните.За сите овие невистини и лажни обвинувања секако, ќе поднесам тужба до надлежните органи па ќе си го кажат ова таму каде што треба“, се вели во објавата.

Скопје | пред 3 години

Апасиев за блокираното Скопје: Не ги конта баш блокадиве, МВР пишете им казни

„Јас разбирам блокада на главен град заради јавен интерес или политички барања. Но, да блокираш цел град заради приватен долг (облигационен однос) - е тоа не го контам баш!?“, пишува Димитар Апасиев, пратеник и лидер на Левица.Тој додава:И сега МВР - Сообраќајна полиција... Како што знаевте летоска да им пишете казни на нашите активисти кои блокираа со автомобили заради Францускиот предлог, постапете исто и кон приватњаците-ГАЗДИ на најружните и најпрљавите автобуси во свет, кои се паркирани на булеварите низ Скопје.

Коментари | пред 3 години

Левица поднесе кривична пријава за кражба на струја во Арачиново

Левица поднесе кривична пријава до Основното јавно обвинителство Скопје за кривично дело „Кражба на електрична енергија, топлинска енергија или природен гас“, предвидено и казниво по член 235 – а од Кривичен законик против непознат сторител од Општина Арачиново, велат од партијата.„Според ЕВН Хоум, во општина Арачиново нема струја поради дефект од оптоварување на трафостаниците, кое е настанато поради незаконско користење струја од страна на некои жители.Министерот за економија Бектеши тогаш наведе дека загубите на струја во Арачиново се дури и до 80 отсто, поради диво приклучување на мрежите.Во ек на светската енергетска криза, недозволиво е одреден број на жители да не ги подмируваат сметките, на штета на оние кои уредно тоа го прават - ниту пак жителите на општината кои совесно ја извршуваат оваа обврска да се соочуваат со потенцијално исклучување поради оние кои не го прават тоа.Обвинителството да не чека дозвола од ДУИ и СДС да постапи!Левица ја поднесе оваа кривична пријава за кражба на струја до ОЈО Скопје, кое како овластен орган по службена должност треба да постапи со цел спречување на вакви казниви дела и казнување на нивните сторители.Со ова несовесно и незаконско постапување од страна на одредени жители од Арачиново, односно со диво приклучување на електричната мрежа, загубите ги покриваат совесните граѓани, кои ја плаќаат струјата и поради тоа добиваат високи сметки во период на огромна инфлација“, додаваат од Левица.

Македонија | пред 3 години

Жестоки реакции од Левица: Цар Борис се вее среде Охрид, а ку**ите Стево Пендаровски и Димитар Ковачевски се скриени во дупка!

Претставници на Левица, кои повикаа на протестот пред бугарскиот центар во Охрид кој е именуван како „Цар Борис Трети“, испратија и пораки од таму. Меѓу нив, Јована Мојсоска која е генерален секретар на партијата, Реџеп Исмаил советник на Левица во Град Скопје, Димитар Апасиев пратеник и претседател на Левица, Борислав Крмов, пратеник на Левица.„Само така со фашистите! Да не се чувствуваат удобно! Да не шетаат слободно по улици! Да не спијат мирно!“, напиша Борислав Крмов.„Цар Борис се вее среде Охрид, а ку**ите Стево Пендаровски и Димитар Ковачевски се скриени во дупка!“, напиша Јована Мојсоска.„После 10 мин квислинзите се скрија откако попија јајца, а и знамето со ликот на фашистичката пудлица го здиплија!“, вели Реџеп Исмаил.

Коментари | пред 3 години

Владата во криза ќе троши дополнителни 50 милиони евра за повисоки плати за администрација, вели Левица

Со новиот предлог - Закон за административни службеници, Владата на СДС и ДУИ предлага линеарно покачување на платите на административните службеници, кои работат во Министерство или Секретаријат, за околу 170 евра нето плата по вработен, вели Левица„Со овој предлог закон (со сегашната вредност на бод), власта во најголемата економска криза, ќе треба да обезбеди за административците во министерствата и секретаријатите дополнителни минимум 50 милиони евра годишно во буџетот, за исплата на повисоки нето плати, придонеси и данок на личен доход.Наместо рационализација на трошоците во време на криза, анти-социјалната влада дополнително го оптоварува државниот буџет, каде јавниот долг ја надмина критичната линија од 60% од БДП.Наместо соодветни редистрибутивни мерки од најбогатиот слој кон загрозените групи граѓани, оваа криминална Влада без визија, стратегија и компетентност единствено нуди изговори за "увезена криза", додека секојдневно ги зголемува непродуктивните трошења за лукративни цели.Средствата кои треба да се обезбедат ќе паднат на товар на осиромашениот работник и со тоа Владата, место да воведе антикризни мерки, ќе ја продлабочи економската криза, која веќе е излезена од контрола“, се вели во соопштението.

Македонија | пред 3 години

„Народно вето за заевистичкиот договор со Бугарија“

Иако опозициската иницијатива за задолжителен дополнителен референдум со кој би престанало важењето на контроверзниот Закон за ратификација на Договорот за добрососедство со Бугарија содржи несреќно формулирано референдумско прашање, сепак – во духот на семакедонското обединување и јакнење на фронтот против окупационата влада на СДС и ДУИ – Левица ќе даде парламентарна и теренска поддршка за спроведување на Референдумот!“, велат од Левица.Тие додаваат:Договорот со Бугарија од 2017-та, потпишан од страна на корумпираниот квислинг Заев, е основата врз кој подоцна – преку капитулантскиот и недостоинствен т.н. француски предлог, преговаран од страна на петоколонашите Ковачевски, Маричиќ и Османи – беше октроиран од страна на официјален Брисел. Европската унија, позната по нејзината непринципиелност во случајот со Македонија, целосно ги занемери Копенхагенските критериуми, станувајќи спонзор на национал-шовинистичките претензии на соседна Бугарија, воскреснувајќи ги опасните ванчомихајловистички идеи и инкорпорирајќи ги истите како дел од преговарачката рамка со Унијата.Сомнежот и претпазливоста кои се будат кај македонскиот народ во однос на намерите и искрените мотиви на иницијаторите на овој референдум се оправдани. Освен досегашниот политички багаж и историјат на соучесништво во спроведувањето на серија антимакедонски политички процеси – какви што се срамните примери со Охридскиот и со Преспанскиот договор – зачудува фактот зошто е одлучено на Референдумот да се гласа „ЗА“, наместо „ПРОТИВ“ – следејќи го духот на Јулските простести против бугаризацијата на Македонците!? Левица смета дека е тактички погрешно вака формулираното референдумско прашање, бидејќи истото го руши природниот континуитет меѓу најмасовните антивладини протести и самото народно изјаснување.Со оглед на интригите, притисоците и нелегитимноста на власта, како и проблематичниот Избирачки список, упатуваме јавно предупредување дека евентуалниот неповолен епилог од референдумот (немањето цензус) не смее да послужи како алиби за идната власт – затоа што екстремно штетниот Договор со Бугарија, кој директно задира во македонскиот јазик и идентитет, може да биде суспендиран со просто мнозинство во Собранието! Оттука, неговото целосно укинување за нас е прашање на принцип и највисок јавен интерес, и ова ќе биде наш услов за евентуална поддршка на идната Влада, по следните парламентарни избори – без оглед дали тие ќе бидат редовни или вонредни.Оттука, го повикуваме македонскиот народ да ги надмине постоечките несогласувања и да не потпаѓа под влијание на неговите странски негатори и домашни непријатели. Во овој критичен историски момент не смееме да дозволиме да бидеме поделени по линија на ситните разлики, а во корист на нивните крупни намери за бугаризација и наша системска асимилација, преку методот на историски ревизионизам и сеење туѓи великобугарски пропаганди.Дојдено е времето за организирано и масовно пружање Отпор за рушење на оваа пробугарска, мафијашка, неофашистичка хунта! Затоа, го повикуваме спикерот Талат Џафери да не се дрзнува да смислува процедурални пречки за почеток на процедурата за собирање на уставно предвидените 150.000 потписи, бидејќи по промената на власта и падот на овој хибриден режим, истиот ќе подлежи на соодветен кривично-правен прогон по кратка постапка.Левица, како самостоен и неизвалкан политички субјект кој изникна како чиста совест на нацијата, го задржува правото да води своја сопствена предреферендумска кампања за успешен исход на овој значаен процес, кој го гледаме само како чекор до конечното ослободување на Македонија и на македонскиот народ од домашните колаборационисти, сороспии и предавници.

Македонија | пред 3 години