СДСМ

Николовски ги демантира наводите и обивнувањата од Трипуновски

Пратеникот и поранашен министер за земјоделство, Љупчо Николовски, ги демантира наводите на Трипиновски.,,Во нашата држава точно се знае кој каква улога има, вклучително и функцијата министер за земјоделство, шумарство и водостопанство, за која Трипуновски по не знам кој пат покажува дека е недостоен да ја држи. Го упатувам министерот прво да се запознае со постапките и надлежностите на органите во неговиот состав, пред да се расфрла со празни обвинувања кон мене, во обид да направи театар пред јавноста и да ја прикрие безидејноста и неспособноста на владата од која е дел.Ги повикувам надлежните институции да постапат согласно сите искажани точки од денешната прес-конференција. Мојот министерски мандат е познат како еден од најтранспарентните, што се потврдува со фактот дека под моето раководство МЗШВ беше прогласена за најтранспарентна институција и една од институциите со највисок интегритет. Јас како министер ги имам дадено сите потребни задолженија на службите да работат согласно законите.Во МЗШВ има повеќе од 11.000 договори за закуп на земјиште, и никој министер не може да знае што се случува со секој поединечен договор, па затоа постојат организациони единици задолжени за управување со тие договори. Доколку се утврди дека одреден субјект неправилно се стекнал со субвенции ги повикувам институциите да започнат постапка за поврат на исплатените средства и да покренат постапка пред надлежните органи како и доколку МЗШВ има утврдено недоследности во почитување на договорни обврски за земјиште, тоа е основ за раскинување на истите и очекувам завршница во тој правец..Дополнително, очекувам дека во недостатокот на идеи, мерки како и неспособност за реализација на мерките кои ние ги поставивме овие конструкциите и лаги насочени кон мене да продолжат.Граѓаните не сакаат театри и конструкции. Производителите од вас очекуваат достоинствени цени за нивните земјоделски производи а купувачите очекуваат да ги зауздате трговците и цените на прехранбените производи кои ги рушат сите рекорди.”, вели Николовски.

Македонија | пред 1 година

СДСМ: Административците земаат К-15 заради СДСМ, на Мицоски му стана бренд китењето со туѓи перја

,,На Христијан Мицкоски китењето со туѓи перја му стана единствен бренд, секој ден неговата Влада се фали само со проекти и политики на СДСМ.Вработените во јавната администрација земаат к-15 заради политиките на СДСМ. СДСМ го врати регресот за годишен одмор со новите колективни договори и покажа вистинска грижа за работниците.Тоа што Владата на Мицкоски соопштува дека обезбедила пари е смешно, што и е друго работа? Пари има, во прашање се приоритетите.СДСМ во време на најголемите кризи обезбедуваше средства и за К-15 но и за покачување на платите на работници, нешто што оваа Влада го замрзна и најавува дека нема да ги покачи платите.Тоа е голема разлика.”, велат од СДСМ.

Македонија | пред 1 година

Нема фотографија

Кузеска: Балансерот останува на сила, потона уште едно ветување на Мицкоски

,,Министерот за јавна администрација кој доаѓа од партијата ЗНАМ призна дека балансерот останува на сила. Иако пред само две недели сосема друго зборуваше.Со ова принзнание потона уште едно ветување на Христијан Мицкоски.Наместо укинување на балансерот како што ветуваше ДПМНЕ сега имаме надграден и проширен балансер за чија примена ќе биде надлежно Собранието а ќе го раководи ДУИ.За многу кратко време време власта на ДПМНЕ си ги погази сите дадени ветувања пред граѓаните. А ЗНАМ се покажа дека не е никаков фактор во Владата, неми посматрачи и извршители на желбите на Мицкоски.”, вели Богданка Кузеска, портпаролка на СДСМ.

Македонија | пред 1 година

Кузеска: Бројни советници по кабинети, масовна партизација на грбот на граѓаните и во МВР

,,Додека полицајците на граничниот премин Блаце се казнуваат на плата, додека министерот за внатрешни работи најавува мерки за заштита на државниот буџет од злоупотреби, власта секој ден носи нови одлуки за вдомување партиски кадри на измислени позиции.И во МВР тоа се случува на големо. Министерот Тошковски и заменик министерот Исени наредиле огромна листа на советници, со огромни плати и до 66 илјади денари.Само за овие 23 советници во кабинетот на министерот и на заменикот министер граѓаните на Македонија ќе плаќаат околу 1 милион денари секој месец.На коалициските партнери во власта не им е доволно тоа што имаат министри, заменици министри, државни секретари, директори, сега се измислуваат функции и позиции за вдомување.Од координатори, национални координатори, заменик на заменикот директор еве дојдоа до паралелтни кабинети со бројни советници.Кога се функции и фотели во прашања нема мерка за доста кај ДПМНЕ.Ова е класична партизација со која се ограбува буџетот за задоволување на апетите на партиите на власт.”, вели Богданка Кузеска, портпаролка на СДСМ.

Македонија | пред 1 година

СДСМ: Скандал, Тошковски удри по полицајците на Блаце за да го спаси Рамука

,,Денес објавуваме нов скандал поврзан со работењето на Панче Тошковски и МВР. Ова што денес ќе го слушне јавноста, е школски пример за партиско-полициска држава и злоупотреба на функцијата за политичка заштита на партиски назначен началник. Во овој случај, граѓаните ќе чујат како Тошковски врши притисок и казнува невини и чесни луѓе, вработени во МВР.Откако јавноста разбра за целиот скандал поврзан со сватовите на Гаши и нивното пропуштање низ граница без контрола, денес го обзнануваме пеколот кој им следувал на вработени на границата Блаце. Панче Тошковски и неговиот омилен началник Наим Рамука, сакаат да им се накалеми наводна одговорност на вработените на Блаце за тие двајцата да останат чисти.Според информациите кои СДСМ ги доби од свиркачи, откако Тошковски не успеа да го скрие скандалот од јавноста и сфати дека мора да се бара одговорност од некого, тој и Наим Рамука дошле до идеа да ги набедат луѓето кои си работеле на смена на границата Блаце. Бидејќи СДСМ ја обзнани целата шема и директната наредба која ја дал Наим Рамука, јасно е дека овие луѓе немаат никаква одговорност.Според нашите информации, Командирот на граничниот премин Блаце, добил директно барање од Наим Рамука дека треба на шест вработени да им бидат изречени писмени опомени. Со ова, планот бил тие да поминеле без парични казни и да си ја преземеле одговорноста. Рамука го информирал Командирот дека ова мора да се заврши затоа што целата работа наводно била договорена меѓу Изет Меџити и Панче Тошковски, на високо политичко ниво. Вака Тошковски и Рамука сакале да се забошоти целата работа.Но, Командирот на граничниот премин Блаце, чие име нема да го откриеме, одбил да изрече таква казна сметајќи дека тоа е нечесно кон вработените. Тој јасно кажал дека нема одговорност кај вработените и побарал случајот да го реши Внатрешната контрола на МВР.Според нашите информации, во моментов случајот е во Внатрешна контрола која мака мачи како да го оправда целиот случај и очигледно се обидуваат да направат манипулација и да обвинат некој друг. Ова е МВР под водство на Тошковски почитувани граѓани. Ова е добро познатото ВМРО-МВРО и методите од времето на Гордана Јанкуловска.СДСМ бара, итно, јавно и транспрентно да се објават наодите на внатрешна контрола. СДСМ бара итно да се лоцира одговорноста кај оној кој дал командата!Точно знаеме кој, како и за што треба да одговара и ова веќе го објавивме во јавноста. Доколку Тошковски се обиде било кој вработен во МВР да го искористи како жртвено јагне, остро ќе реагираме.Понатаму, бараме уште еднаш обивнителството да се изјани по случајот. Зошто ОЈО молчи?Бараме итно да бидат конечно разрешени Рамука и Тошковски, овие скандали веќе немаат крај.За крај прашуваме, има ли грам човечност во Тошковски? За одговорност знаеме дека нема. Има ли малку доблест да го разреши Наим Рамука и тој да се повлече наместо да мести невини луѓе да одговараат?Дали вака ВМРО-ДПМНЕ ја замислува одговорноста за која беседи Мицкоски? Ова ли е таа департизација која треба да се направи од неговата смешна платформа?Срамно и жално, но пред се опасно е ова што се прави. Ако вака се местат уште сега луѓе да одговараат за да си ги покријат скандалите, тогаш каде ни е крајот.”, велат од СДСМ.

Македонија | пред 1 година

СДСМ: Неисправните ер трактори и полициските хеликоптери се резултат на негрижата на ВМРО-ДПМНЕ

,,Навистина е голема среќа што заврна дожд и што ќе ги изгасне пожарите. Инаку моменталната ситуација е катастрофална.Два од трите ер-трактори не се исправни а во исто време и два полициски хеликоптери кои се опремени за гаснење на пожари се во дефект.СДСМ остро ја осудува оваа катастрофална ситуација која е резултат на негрижата и неспособност на владата предводена од ВМРО-ДПМНЕ.Повторно ли е СДСМ крив што не ги сервисирале ертракторите и хеликоптерите на време?Ова не е случаен пропуст, туку јасен показател за односот кон кризата со пожарите на ВМРО-ДПМНЕ.Изгореа преку 8% од територијата на државата а ВМРО-ДПМНЕ се фокусира на лаги, манипулации и политикантство наместо сериозно да се бори со кризата и да работи.”, велат од СДСМ.

Македонија | пред 1 година

СДСМ: „Не гледај што правам, туку слушај ме што говорам“ - Мицкоски нема капацитет за лидерство

,,Протоколарните пораки за обединување, за жал, немаат никаква врска со реалноста која ни ја сервира ВМРО-ДПМНЕ и политиките кои ги практикува во овие два месеци.Всушност, речиси сите 10 точки од наводната платформа се чиста спротивност на намерите и политиките на партијата на власт. Така што оваа платформа треба да се чита спротивно на тоа што е кажана.Повиците за декриминализација на опозицијата се очаен обид да се покријат сопствените скандали во кои тоне Мицкоски. Освен партиската говорница за сеење лаги и измислени скандали против опозицијата, Мицкоски не успеа да докаже никаква криминализација. Но докажа дека тој ја криминализира, партизира и злоупотребува државата секој ден. Додека Мицкоски вели дека дека морала да се прекине партизацијата во општеството, тој и ВМРО-ДПМНЕ спроведуваат груба партизација на државниот апарат. Се казнуваат и шиканираат сите кои не се подредени зад политиките на ВМРО-ДПМНЕ. Се омаловажуваат и прераспределуваат вработени, се вработуваат некомпетентни партиски кадри за кои се смее цела држава. Се етикетираат поединци и групи кои различно мислат или бараат нешто што ВМРО-ДПМНЕ не сака да го даде. ВМРО-ДПМНЕ спроведува партизирање на секое општествено ниво, дури за болни теми како што се лични образовни асистенти. Наутро Мицкоски вели дека мора да се стави крај на етничките теми и поларизација, а попладне ВМРО-ДПМНЕ подгрева етнички тензии, креира заговори за дестабилизација, создава слика за меѓуетничка нестабилност.ВМРО-ДПМНЕ, за жал, не знае да опстои како партија ако главната порака не им е токму етничка тема или конфликт. Всушност етничките теми се основната политика на ВМРО-ДПМНЕ и го замолуваме Мицкоски да не ја навредува интелегенцијата на граѓаните.Мицкоски вели дека сакал да воспостави правна држава, но очигледно таа треба да важи за сите други, освен за него и сопартијците. Мицкоски и неговите партнери треба да може грубо да ги кршат законите за кои нема одговорност, но да има правна држава. Да се штитат политички сите кои се од интерес на ВМРО-ДПМНЕ од највисоки до најниски функционери па дури и кога ја загрозуваат безбедноста на државата на границите. Но другите сите да одговараат, ова е идејата на Мицкоски за правна држава.Мицкоски вели дека немало друга алтернатива на ЕУ, додека прави се во спротивна насока од интеграцијата. ВМРО-ДПМНЕ нема никаков интерес да ги продолжи ЕУ преговорите и ова го докажаа за само два месеци. Немаат ниту план, ниту стратегија и единствено што ќе прават е одложување додека можат, префрлање на одговорност кај други и отворање нови конфликти. За жал, со тоа ќе губат само граѓаните.За крај, Мицкоски секако мораше да покаже и конструктивност, па ја повика опозицијата да се приклучи, а не кажа за што. Шупливите пораки со кои сака да глуми конструктивност се веќе прочитани. ВМРО-ДПМНЕ нема ниту план, ниту конкретен предлог за обединување, тоа единствено им е потребно на говорниците. Националното единство му е напишано во секој говор за да го прикрива семето на поделбите и омразата кое го сее.Во демократско општество, партнерствата и стручноста не се градат преку навреди, дискредитации и етикетирања. Кога некој е нападнат со реторика како „коленичење“, „купена диплома“ или „голтар“, тоа ја подрива самата политичка култура во која треба да владеат аргументите, а не личните навреди. Етикетите, како овие, не придонесуваат за развој, туку го разградуваат општеството, создавајќи поделби наместо единство.Социјалдемократскиот сојуз на Македонија е државничка партија, не е и нема да биде деструктивна опозиција како што беше ВМРО-ДПМНЕ. Ние нема да блокираме мерки и закони во Собранието ако се добри за граѓаните, нема да го блокираме европскиот пат на државата, нема да подгреваме меѓуетнички тензии и поделби. Време е ВМРО-ДПМНЕ да созрее и го прифати овој начин на водење политика, па тогаш ќе имаме можност за национално единство и политички консензус. Но, за тоа е потребно лидерство, одговорност и подготвеност да се стави националниот интерес над партискиот. СДСМ докажа дека тоа може да го направи, но ВМРО-ДПМНЕ тоа допрва треба да го научи. Градење на државно единство за најважните области и клучни прашања е нормално за демократските земји, но тоа е возможно само доколку искрено се пристапува, без било какви калкулации и само ако политичките партии го стават интересот на државата и граѓаните на прво место.Власта мора да даде конкретен пример со дела и да биде подготвена да прифати проширување на областите за разговор. Да разговараме и за утврдување принципи за подобрување на состојбите во здравството, за положбата на работниците, за младите.Национален консензус за главните прашања сметаме дека е потребен. И во минатото СДСМ повеќепати ја повикуваше тогашната опозицијата за најважните прашања да застанеме заедно.СДСМ е и ќе остане силен критичар на власта и силно ќе се спротивставува на погрешните политики. СДСМ останува поддржувач на процесите за европската иднина на земјата, на решенијата за подобар живот на граѓаните, за силна економија, социјална правда, рамноправност, право и правна држава.”, велат од СДСМ.

Македонија | пред 1 година

Нема фотографија

СДСМ: Дали Владата ќе се вработи Национален координатор за координирање на координаторите?

,,Додека министерот за внатрешни работи најавува битка за заштита на државниот буџет од злоупотреби, Владата секој ден со свои одлуки именува некакви национални коордонатори за решавање на различни прашања.Тоа не е ништо друго освен легализирана кражба на буџетот преку доделување месечна апанажа на неопределен рок во висина од над 100.000 денари на заслужни партиски активисти на ДПМНЕ како што се Влатко Ѓорчев, Затуровска, Павле Трајанов, Ивица Боцевски и други.Сега за секоја надлежност на Владата имаме по еден министер, заменик министер, државен секретар, советник на премиерот и национален координатор.Дали Владата планира да именува национален координатор за координација на координаторите?Со одлуки на Владата на овој начин се празни и ограбува буџетот за задоволување на апетите и плаќање на оние кои партиски му помагале на ВМРО-ДПМНЕ.Додека министерката за финансии Кочовска вели дека навечер оди по канцелариите во министерството да гаси светла за да не се троши струја, дава согласност за да се вработуваат партиски кадри.СДСМ препорачува Кочовска да не се мачи со гасење светла и штедење на кафе во министерството. Доволно е Влатко Ѓорчев да не е вработен на државен трошок кој годишно ја чини државата околу 2 милиони денари. Лицемерието на ДПМНЕ не познава граници.”, велат од СДСМ.

Македонија | пред 1 година

Кузеска: Баџанакот на Мицкоски има фирма во Бугарија, каде завршуваат парите од семејните шеми?

,,Денеска започнуваме со откривање на шемите на фирмите на најблиското семејство на Мицкоски во Бугарија и Македонија.Денес ќе дознае јавноста, зошто ДПМНЕ и Мицкоски всушност ширеле лаги за претседателот Венко Филипче, тоа било единствено за една цел, за да ги покријат фамилијарните бизниси на Мицкоски во Бугарија и Македонија.Во следните денови јавноста ќе ја дознае вистината за тоа кој од најблиското опкружување на Мицкоски врти милиони и како го поддржува Мицкоски.Одиме со ред.Во Петрич, Бугарија, на улица Антон Попов брј 57 е регистрирана фирмата ДАНО ТРАНС ЕООД, на баџанакот на Мицкоски - Јорданчо Јанев, од Струмица. Јанев кој важи за еден од најблиските соработници на Мицкоски, меѓу другото и фамилијарно поврзан, вртел пари преку оваа фирма. До 3 милиони бугарски лева биле свртени од оваа фирма во Бугарија, во 2018 година односно околу 1,5 милиони евра.Одиме понатаму. Во бизнисот не е само баџанакот на Мицкоски. На оваа иста адреса, на улица Антон Попов брј 57 во Петрич Бугарија, има уште една фирма, Инфинити транспорт група.Раководител и сопственик е Дончо Карастоев, прв братучед на баџанакот на Мицкоски.Го прашуваме денеска Христијан Мицкоски. Има ли фирми со исти или слични имиња и во Македонија? Дали овие фирми и овие лица се финансиери на Мицкоски и ВМРО-ДПМНЕ?Колку милиони евра свретеле и каде завршиле дел од тие пари? Дали кај членови на семејството на Мицкоски или и во ВМРО-ДПМНЕ?Доколку Мицкоски не одговори, СДСМ ќе ги објави сите информации за тоа кој навистина врти милиони.”, вели Богданка Кузеска, портпаролка на СДСМ.

Македонија | пред 1 година

СДСМ: И на Влатко Ѓорчев му измислија функција, нема пари за работниците има само за функционерите на ДПМНЕ

,,И на Влатко Ѓрочев ВМРО-ДПМНЕ го смести во фотелја, му измислија државна функција како национален координатор за демографија, млади и човечки ресурси.За измислената државна функција на Ѓорчев граѓаните ќе плаќааат над 105.000 денари месечно или над 1 милион денари годишно.Додека Мицкоски и ВМРО-ДПМНЕ велат дека нема пари за поголема минимална плата, нема пари за наставниците, за работниците, измислуваат функции за сместување на поранешни функционери и членови на ДПМНЕ.Да биде иронијата уште поголема, токму Влатко Ѓорчев, како пратеник во 2020 година беше на чело на собрниската Комисија за труд и социјална политика и ги кочеше законите за зголемување на платите во образованието, законите за зголемување на пензиите, за зголемување на минималната плата.Ѓорчев не ги закажуваше седниците на комисија, ги кочеше дискусиите, ја прекинуваше седницата, бараше „финансиска оправданост“ на потребата за зголемување на платите.А денеска истиот тој Влатко Ѓорчев е награден од Мицкоски и ДПМНЕ со плата којашто е 5 пати поголема од минималната и 3 пати поголема од просечната плата. Ете тоа е ВМРО-ДПМНЕ.На последната владина седница и Лилјана Затуроска е именувана за национален координатор, заедно со Верче Мицевска а претходно Павле Трајанов, Блерант Рамадани, Солза Грчева....Малку им се министри, заменици, директори, раководители, па почнаа да си измислуваат позиции, како што е и предлог Законот за заменик на заменик директор на Царина. Невидено.Мицкоски и ВМРО ДПМНЕ ветуваа намалување на функционерските места, а сега гледаме дека ги зголемуваат. Се што ветија, излажаа и тотално се однародија.”, велат од СДСМ.

Македонија | пред 1 година

СДСМ: Со стари лаги ДПМНЕ сака да го орцни Филипче за да ги покрие бројните скандали на Власта

,,ВМРО-ДПМНЕ нема да може со стари истрошени лаги да ги прикрива катастрофалните политики и скандалите кои секојдневно ја тресат Владата на Мицкоски.Тоа што од белиот дворец ја праќаат Митева да зборува за некоја фирма која никогаш не била активна и нема никакви трансакции, кажува колку е очајна оваа пропаганда на лаги од ВМРО-ДПМНЕ. Претседателот Венко Филипче има се пријавено во својот анкетен лист и нема што да се крие од јавноста.Наместо ВМРО-ДПМНЕ да сее невистини и да креира приказни со кои очајно се обидува да го оцрни претседателот на СДСМ, Венко Филипче, нека седне и нека работи нешто.Граѓаните многу добро ја препознаваат манипулацијата на ВМРО-ДПМНЕ но и стравот од претседателот Венко Филипче. Веќе е широко распространетото мислењето дека оваа влада на Мицкоски и ВМРО-ДПМНЕ е најлошата Влада која Македонија ја имала од осамостојувањето.Дополнително, им препорачуваме на Митева и Мицкоски, да замолчат на оваа тема затоа што на крајот наместо да напаѓаат ќе треба да се бранат. Како што љубеше да каже нивниот почесен претседател, вистината е како шило, кога тогаш ќе излезена виделина.За крај, престанете да глумите опозиција, сите ваши фиктивни скандали процесирајте ги во институциите па да видиме што е точно а што не. Фатете се за работа граѓаните веќе ја препознаваат вашата измама.”, велат од СДСМ.

Македонија | пред 1 година

Нема фотографија

Кузеска: Кадрите на ВМРО-ДПМНЕ ја доведоа во прашање работата на Детската Клиника Козле после 40 години

,,Функционирањето на единствениот Оддел за бронхоскопија во државата, кој се наоѓа тука во Клиниката за респираторни заболувања кај децата „Козле“, е доведено во прашање после 40 години.Само поради непромислените и погубни одлуки на новата директорка, Каролина Симоновска, кадар на ВМРО ДПМНЕ.Врвни специјализирани доктори за бронхоскопија, водејќи се од морална и етичка свест, си дадоа оставки поради одлуката на директорката Симоновска да не дозволи набавка на потребните материјали, апаратчињата „баскет“, во потребниот број.Дополнително, шест члена од новиот тим за бронхоскопија, исто така поднеле барање до директорката Симоновска да бидат изземни од извршување на работата.Апаратчињата „баскет“ се неопходни за извршување на интервенциите за безбедно вадење на залетнат предмет во дишните патишта кај малите деца.Симоновска сакала да го раскине и договорот со анестезиолозите.Директорката Симоновска треба да одговори, дали се точни информациите дека вработените на клиниката трпат мобинг?Дали е тоа е уште една од причините за распад на овој оддел кој работи над 40 години?Во моментов на одделот за бронхоскопија нема ниту тум, ниту материјал, што го става под директен ризик здравјето и животот на децата на кои ќе им е потребна ваква интервенција.Директорке Симоновска, да Ве потсетиме, Вие пред сѐ сте доктор кој положил заклетва, кој се обврзал дека ќе се грижи за здравјето на граѓаните. Во ваши раце е здравјето на нашите најмили.Клиниката „Козле“, не е ниту приватна фирма, ниту партија! Здравјето на децата нема цена и нема партиска припадност !Вашите одлуки се тотално неодговорни и опасни по здравјето на децата и треба да бидат променети!Бараме кадрите на ВМРО-ДПМНЕ веднаш да ја вратат во функција детската клиника Козле и директорката да понесе одговорност.”, вели Богданка Кузеска, портпаролка на СДСМ.

Македонија | пред 1 година

СДСМ: Мачкање очи е намалувањето на цените на училишен прибор, да се намалат цените на храната

,,Владата наместо да ја намали цената на храната, како што тоа го правеше СДСМ и вистински да ги поддржи граѓаните, тие со цел да замачкаат очи кај граѓаните ги намалија цените на гумите и моливите. Освен што мерката е задоцнета, таа не ги решава на ниеден начин проблемите на граѓаните со високите цени за храната и сите основни производи. Сега граѓаните моливи за децата ќе купуваат дома, а храна во соседна Србија или на друго место каде е поветина, затоа што само за еден месец за над 600 денари е поскапена основната потрошувачка кошничка.Граѓаните со право реагираат на оваа манипулација. СДСМ бара итно да се донесат мерки за замрзување на цените на основните производи по примерот на претходната Влада кога на тој начин се штитеше стандардот на граѓаните. Граѓаните паметат дека оваа политика беше остро напаѓана од ВМРО-ДПМНЕ кое велеше дека тоа не било доволно, но сега кога се на власт не прават буквално ништо за да ги намалат цените.ВМРО-ДПМНЕ прво ги замрзна платите, а сега не сака да ги заузда цените кои неконтролирано растат. Оваа состојба е неиздржлива и ќе го уништи стандардот, секое семејство ќе има се помалку и помалку за живеење. Додека од една страна Мицкоски се фали инвестиции на СДСМ од друга страна прави се за да го спушти стандардот и економски заслабне граѓанинот.”, велат од СДСМ.

Македонија | пред 1 година

Јаневска, дали заради партиски вработувања нема образовни асистенти во училиштата, прашуваат од СДСМ

,,Министерката Весна Јаневска призна дека нема образовни асистенти во училиштата и дека децата со попреченост седат дома, неместо во училиште.Ниту едно дете со попреченост се уште не е на училиште, само затоа што министерката Весна Јаневска не ја заврши постапката за над 800 образовни асистенти.МОН на чело со Јаневска го попречува остварувањето на основното правото на децата-ученици со попречност за задолжително основно образование.Јаневска треба да одговори дали овој проблем е всушност заради партиски вработувања?Дали се правени списоци по Општинските Комитети на ВМРО-ДПМНЕ за кој да се вработи и затоа се касни со целата постапка?Ова е безобразно и целосно спротивно на начелата на Законот за основно образование кој гарантира најдобар интерес и целосен развок на ученикот, еднаквост достапност и инклузивност.”, велат од СДСМ.

Македонија | пред 1 година

Кузеска: ВМРО-ДПМНЕ и ДУИ го заштитија Гаши од одговорност

Во одговор на новинарско прашање портпаролката на СДСМ, Богданка Кузеска, денеска рече ВМРО-ДПМНЕ заедно со ДУИ и ЗНАМ на вчерашната седница го заштитија Гаши од одговорност за сите скандали.- Се враќа неказнивоста од 2016 година на голема врата, функционерите од власта прават што сакаат без да одговараат. Полна му беше устата на Мицкоски со ветувања дека секој што ќе прекрши правила ќе одговара, тие ветувања паднаа во вода, одговорност нема за никого од власта. После ова гласање ВМРО-ДПМНЕ повеќе немаат образ да прозиваат било кого, рече Кузеска.

Македонија | пред 1 година

СДСМ: Брука, ДПМНЕ ги тужи пожарникарите додека тие го ризикуваат животот во гасење пожари

,,Новиот директор на Клиничка болнца Штип од ВМРО-ДПМНЕ, Владко Захариев удри по пожарникарите.Опомена пред тужба од страна на Клиничката болница во Штип му пристигнала на пожарникар за негово лекување откако за влакно не го изгубил животот во гаснење на пожарите по што морал да се лекува.ДПМНЕ ги казнува пожарникарите додека тие се единствени кои се борат со пожарите и го ризикуваат својот живот. Скандалозен и недозволив е ваков однос и вакво непочитување.И додека им фрчат казни од една страна, од друга страна ДПМНЕ им ги замрзна и платите на пожарникарите.Дури пратениците на ВМРО-ДПМНЕ во Собранието не го прифатија амандманот на СДСМ со ребаланост да им се даде награда на пожарникарите за учеството во гасењето на пожарите.Ниту една награда не сакаат да им дадат на пожарникарите.Така е сега со новата власт на ВМРО-ДПМНЕ, нема пари за пожарникарите, нема пари за наставниците, професорите, нема пари за работниците. Баш им е гајле.Брука.”, велат од СДСМ.

Македонија | пред 1 година

СДСМ: Сите досега промовирани инвестиции на Владата се на СДСМ, конечно мораше да признае и Мицкоски

,,Во текот на изминатите два месеци сведоци сме на владата предводена од ВМРО-ДПМНЕ како го крева патриотскиот занес и без срам се фали со „проекти и инвестиции“ кои Владата на СДСМ ги започна и реализира. Срамно е да се живее од туѓи успеси и со празни зборови да се кријат сопствените неуспеси. Последната инвестиција на германската BMZ е последната од низа инвестции целосно сработени од СДСМ кои Мицкоски се обиде да ги прикаже како свои, па откако јавноста реагираше, тој конечно мораше да признае дека инвестцијата е донесена во времето на СДСМ, а потпишана од тогашниот Вицепремиер Фатмир Битиќи.Она што СДСМ го остави зад себе, тие сега го користат како параван за да го прикријат својот недостиг од визија, неспособност за водење и неможност да обезбедат каков било вистински напредок. Претходно Мицкоски се пофатли и фрли неколку лопати на проекти исто така целосно реализирани од СДСМ како: инвестицијата на компанијата „EPSOTECH, новата инвестиција на компанијата „Вабтек“, најавената инвестиција на „Алказар енерџи“...Наместо да работат на нови проекти и вистински промени, тие се занимаваат со рециклирање и лажен ПР со нашиот труд. Јасно е дека Владата на ВМРО-ДПМНЕ нема идеи, нема план, нема визија. Ако не можат да создадат нешто свое, барем нека имаат доблест да признаат чиј труд го присвојуваат. Но, нивниот менталитет е таков – без трошка доблест, без трошка одговорност. Секој ден сведочиме на нова прес-конференција, нови пофалби за туѓи успеси, и, за жал, сè помалку работа во интерес на граѓаните.Владата на ВМРО-ДПМНЕ треба да престане со евтините пропагандни манипулации и да се фокусира на она што е навистина важно – решавање на реалните проблеми на граѓаните. Народот бара решенија, а не празни зборови и украдени заслуги.”, велат од СДСМ.

Македонија | пред 1 година

СДСМ: Брука, инвестицијата на германската БМЗ е целосно договорена и потпишана од владата на СДСМ

,,Стануваат смешни и очајни обидите на Христијан Мицкоски да се накити со туѓи перја за секоја инвестција која е договрена од СДСМ. Германска компанија, односно инвестиција за производство на литиумски батерии беше договорена уште во септември минатата година од тогашниот вицепремиер за економски прашања, Фатмир Битиќи.Потпишувањето на овој значаен договор се случи во Франкфурт и претставува резултат на седуммесечен интензивен процес на преговори, започнат и успешно завршен од страна на СДСМ. Можно ли е Мицкоски до толку да нема ниеден проект со кој може да се пофали па мора да краде од СДСМ? Ќе почне ли Мицкоски да работи нешто конечно или само ќе се занимава со манипулација на јавноста?СДСМ истакнува дека ваквите инвестиции се резултат на внимателно планирани и стратешки насочени политики, кои нашата влада ги спроведуваше со цел да привлече технолошки напредни и одржливи компании во земјата.СДСМ ќе продолжи да работи на создавање нови можности за економски раст и подобрување на животниот стандард на сите граѓани, без разлика на обидите на актуелната влада да ги присвои нашите успеси. Македонската јавност заслужува вистински информации и транспарентност, а не манипулации и празни пофалби.”, велат од СДСМ.

Македонија | пред 1 година

СДСМ: Сиљановска и Тошковски контра премиерот, Мицкоски да им се извини на граѓаните

,,После претседателката Гордана Силјановска и министерот за внатрешни работи, Панче Тошковски рече дека нема загрозување на безбедноста на државата и затоа нема потреба од свикување на Советот за безбедност.Ова значи дека и Силјановска и Тошковски го демантираат премиерот Христијан Мицкоски кој јавно соопшти дека има информации за нарушување на безбедноста и дека се спрема дестабилизација на земјата.Сосема спротивно, според официјалните изјави на претседателката Силјановска и на министерот Тошковски Мицкоски не поседувал информации за нарушување на безбедносната состојба.Очигледно најавите на Мицкоски за некаква дестабилизација биле без основа, односно не се ништо друго освен сценирање, заплашување и манипулација со чувствата на граѓаните.За изнесените лаги Мицкоски треба да излезе и да им се извини на граѓаните!Ова секако не го исклучува од одговорност, за што Обвинителството треба да го повика Мицкоски на сослушување.”, велат од СДСМ.

Македонија | пред 1 година

Талески: Наместо одговорност Мицкоски и ДПМНЕ молчат за скандалите со Гаши, се враќа неказнивоста

,,Пратениците на СДСМ и коалицијата ќе гласаат за интерепелацијата на претседателот на Собранието. Имаме обврска да застанеме на патот на башибозукот и безаконието коешто од првиот ден го промовираа партиите од власта.Ако имаа барем малку почит, ако сакаа барем малку да си го сочуваа образот, оваа интерепелација ќе дојдеше од пратениците на ВМРО-ДПМНЕ.Каде е денеска Мицкоски да порача дека никој не е над народот, законот и уставот, ќе има одговонрост? Нели така со полна уста ги уверувавте граѓаните дека ниту еден политичар нема да биде поштеден од политичка одговорност, дека секој што ќе работи спроривно од правилата и законот ќе одговара?За само два месеци се случија серија скандали на власта предводена од ВМРО-ДПМНЕ а одговорност нема за никого. Во опозиција секоја изјава ја започнуваа со „одговорност“ сега седнаа во удобни фолтеји и веднаш ВМРО-ДПМНЕ ја смени плочата. Веднаш функционерите од власта станаа недопрливи. Знаете на што потсетува тоа? На 2016 година. Како што гледаме се враќа 2016 година и тоа на голема врата. Мицкоски и ВМРО-ДПМНЕ не гледаат одговорност и кај никого од власта.Да почнеме по ред. Прво, се случи тежок безбедносен инцидент на аеродромот во Скопје. На 1 август, во 10.00 часот наутро, шефот на обезбедувањето на претседателот на Собранието, по налог на претседателот на Собранието, дошол на аеродромот, нападнал вработен на ТАВ и внимавајте, нападнал полицаец, го турнал, и се заканувал со пиштол.Спротивно на сите правила и прописи. Како во некој вестерн филм, како во Дивиот Запад. Значи шефот на обезбедувањето на претседателот на Собранието се стави над законите. Само затоа што било побарано претседателката на Косово да помине скенер. Е сега зашто тврдам дека се враќа 2016 година? Затоа што исто како во времето на Груевски и Мијалов прво преку МВР најпрво се обиде да го забошоти случајот кој се случил рано сабајле околу 10.00 часот.МВР на Тошковски не ја удостои јавноста со прес конференција, да кажат што се случило тој ден. Си молчеа, збор не зуцнаа. Веста касно вечерта на 1 август прво ја објавија националните медиуми, па дури потоа, вечерта пред полноќ искочи првична верзија на МВР.Со денови сите молчеа, каква одговорност, какви бакрачи, Мицкоски замижа со двете очи.Се молчеше и од Белиот дворец. Сите ги снема, занемеа, тотален молк.Дури откако темата се крена во јавноста и почнаа силни реакции МВР, под притисок на јавноста беше принудено нешто да направи и да соопшти што се случило.Шефот на обезбедувањето на претседателот на Собранието доби кривична пријава за „загрозување на сигурноста“ и „спречување службено лице во вршење службено дејствие“.Според пријавата Синани на први август претпладне стигнал со возило со полициска ротација.Излегол од возилото и од појасот го извадил пиштолот, го репетирал и повторно го вратил во појасот, а на полицискиот службеник од ПС за ГП Меѓународен Аеродром Скопје кој извршувал работни задачи пред вратата на ВИП салонот му се обратил на висок тон, го турнал наназад со двете раце и заканувајќи му се го спречил полицискиот службеник како службено лице во извршување на неговите службени дејствија.Се поднесе дициплинска постапка за шефот на обезбедувањето, но за политичка одговорност повторно молк. Толку.Иако во својот извештај, МВР констатираше дека обезбедувањето било незаконски испратено на аеродромот, со што одговорноста директно ја насочи токму кон Гаши кој ја дал наредбата на обезбедувањето.Токму со ова ВМРО-ДПМНЕ и Мицкоски требаше да бидат првите коишто ќе побараат одоговорност за Гаши после оваа констатација на МВР.Значи МВР, не СДСМ, не опозицијата, МВР контатираше дека надвор од своите надлежности претседателот на Собранието го испратил обезбедувањето на аеродромот по што следувал инцидентот.И да, точно е дека претседателот на Собранието нема надлежност да дава такви наредби. Обезбедувањето е под МВР, има Началник и пред него одговараат. Прекршени се десетина правила.Оттука, јасно е дека одговорност треба да има.И Мицкоски имаше шанса да побара политичка одговорност. Пратениците на ВМРО-ДПМНЕ имаа шанса да побараат политичка одговорност. Но не го направија тоа. Си молчите. Човек да се запраша дали сте вие истите од пред изборите?Заборавивте на се си ги погазивте сите свои ветувања.Го слушаме вчера премиерот Мицкоски вели барањето одговорност било глупост! Каква глупост, да не беше трагично ќе беше смешно.А внимавјате во какви глупости влегува министерот Тошковски. Наутро во извештај на МВР пишува дека имало незаконска наредба од Гаши, а вечерта го брани дека немало основа за одговорност.Ете колку малку требаше, за целата јавност да се увери дека со Мицкоски и неговата ВМРО-ДПМНЕ нема правда, нема одговорност. Повторно високите функционери ќе бидат заштитени како бели мечки.Јас ве уверувам дека додека се на власт ниту еден фукнционер нема да одговара. Исто како што функционираше тандемот Груевски - МијаловНели секој функционер ќе одговараше? Ама овој инцидент не беше единствениот скандал.Се случи скандал и со употреба на службените возила на претседателот на Собранието на свадба во Косово. Потоа се случи уште поголем скандал со минување на границата со Косово на сватовите на Гаши со приватни возила и без никаква контрола.Станува збор за тешка злоупотреба на граничниот премин Блаце и пропуштање на приватни возила и лица без контрола кои патувале во поворка заедно со Гаши и сватовите.Границата со Косово била отворена за службените возила на Гаши, но и за други приватни возила кои исто така биле дел од поворката по невестата.Сите возила, на Гаши, на неговото обезбедување и приватните возила биле пропуштени без контрола. Никој не знае во тие возила што поминало, што се носело преку границата. Класична злоупотреба на граничен премин и прекршување на законите.Затоа се поставува прашањето дали оваа граница воопшто постои?Под притисок на СДСМ, Панче Тошковски ги потврди сите објавени информации за скандалот со свадбената поворка на Африм Гаши и ги призна сите пропусти на граничниот премин Блаце.Наместо Тошковски и ВМРО-ДПМНЕ да се охрабрат, кога веќе секако беа фатени во скандалот и мораа да го признаат, тие се обидоа одговорноста да му ја натоварат на раководителот на смена на граничниот премин Блаце. Овој човек не е тој кој дал наредба да бидат пропуштени сватовите без контрола.Наим Рамука е човекот кој одобрил ваков излез од државата, а потоа и влез при враќање на поворката. Рамука кој токму Тошковски го поставил за Началник на Центарот за гранични работи Север.Ова почитувана јавност е партиски договор на ДПМНЕ и ВЛЕН и јасно е денеска зошто нема одговорност за началникот на граничниот премин, ниту за Тошковски кој го поставил. Нема одговорност ниту за Претседателот на Собранието.И додека никој не одговара и не носи политичка одговорност ВМРО-ДМНЕ удри по полициските службеници кои работат на граничниот премин „Блаце“.Единствени казнети се полициските службеници со казни по процент на плата. Ова е тотална срамота.За инцидентот на аеродромот вината кај извршителот, удривте по самарот, за одговорноста на граница кај раководителот на смена, удривте каде што ви текна, само за да го заштитите партискиот дил меѓу ДПМНЕ и ВЛЕН.Какво лицемерие и лажење на граѓаните. Пред избори сите ќе одговараат, по избори пу пу не важи никој од власта не одговара. Е тоа е ДПМНЕ и ќе биде само полошо. Мицкоски ја враќа неказнивоста од 2016 ДПМНЕ ја на голема врата.Христијан Мицкоски ја пропушти првата шанса да се одважи и да го смени Гаши. Само така ќе докажеше дека си стои на својот збор за одговорност на политичарите. Еве шанса за пратениците на ВМРО-ДПМНЕ. Бидејќи тоа не го направија досега нека гласаат денеска. Ако не гласата нема да можат никого да обвинуваат за ништо. СДСМ нема да стои на страна, нема да дозволи повторно да се приватизира државата. Одговорност ќе има.”, вели претеникот Миле Талески за интерпелацијата на претседателот на Собранието.

Македонија | пред 1 година

СДСМ: Секоја вечер има пукање, со Тошковски и ВМРО-ДПМНЕ улиците станаа Див запад

,,Синоќа ново пукање, уште едно во низата, а повредено е младо момче од 19 години со прострелна рана.Дополнително, во Струга, исто така во текот на вчерашната вечер околу 1 часот е запалено возилото на Началникот на полицијата.Ова е второ запалено возило на полицаец за кратко време, после палењето на возилото на инспектор од Виница. Криминалците не се плашат од Тошковски, тој не може ниту полицајците да ги заштити.Со Тошковски и ВМРО-ДПМНЕ улиците станаа Див Запад, се пука речиси секој ден, се палат возила на полицајци, има криминални пресметки. Хаос.Само пред 4 дена имаше исто така пукање во Арачиново. Пред 10 дена се случи убиство кај Мавровка, пред тоа во Чаир, Синѓелиќ, Батинци, Тетово, на Пластичарска улица...А сторителите досега не се пронајдени. Од вкупно 8 убиства и обиди за убиства досега едвај едно има расчистено Тошковски. Криминалците бегаат од затворите, Тошковски не може да ги лоцира, на северната граница никој нема контрола се поминува како хотел Промаја.Улиците станаа небезбедни, граѓаните стравуваат за својата безбедност. Криминалците прават што сакаат.Досега немало понеспособен министер за внатрешни работи.Дали Мицкоски ќе собере храброст и да го повика на одоговрност Тошковски или ќе го брани?”, велат од СДСМ.

Македонија | пред 1 година

СДСМ: Откако родителите набавија школски прибор, Мицкоски ќе ги замрзувал цените на моливите

,,Мицкоски со денешната изјава дека на утрешната седница на Владата ќе се разгледувала можност за замрзување на цените на школските прибори, потврди дека е целосно одлепен од реалноста и си поигрува со граѓаните. Дали Мицкоски знае дека е почната школската година и дека родителите веќе ги набавија сите потребни материјали и прибор за своите деца?Не е за верување обидот на Мицкоски да ги изманипулира родителите дека ете Владата нешто ќе помогне за учениците. Платите не ги покачува, цените на прехрамбените производи не ги замрзува, но ќе ги замрзен цените на школскиот прибор кој е веќе набавен од мнозинството ученици и родители. Ова е потсмевање на маката на родителите и ништо друго.Додека соседните Србија и Црна Гора ги замрзнаа цените на прехрамбените производи, Мицкоски го уништува стандардот на граѓантие за да им угоди на компаниите. Не е ни чудо што наши сограѓани веќе патуваат за Србија за да набават основни производи за прехрана. ВМРО-ДПМНЕ секој ден докажува дека економската состојба и стандардот на граѓаните само ќе се влошуваат од ден во ден.”, велат од СДСМ.

Македонија | пред 1 година

СДСМ ќе гласа за смена на Гаши

,,Пратениците на СДСМ и коалицијата ќе гласаат за интерпелација на претседателот на Собранието, Африм Гаши.За само два месеци се случија серија скандали на власта предводена од ВМРО-ДПМНЕ а одоговорност нема за никого.Таков е случајот и со претседателот на Собранието.Имаше скандалозен инцидент на аеродромот во Скопје во кој меѓу другото обезбедувњето на Гаши нападна полицаец, се закануваше со пиштол и ги прекши правилата и законите.Во својот извештај, МВР контатираше дека обезбедувањето било незаконски испратено на аеродромот, со што одговорноста директно ја насочи токму кон Гаши кој ја дал наредбата на обезбедувањето.ВМРО-ДПМНЕ и Мицкоски требаше да бидат првите коишто ќе побараат одоговорност за Гаши после оваа констатација на МВР.Се случи скандал со службено возило на свадба. Потоа се уште поголем скандал со минување на границата со Косово на сватовите на Гаши со приватни возила и без никаква контрола.Мицкоски ветуваше дека ниту еден политичар нема да биде поштеден од политичка одговорност доколку се докаже дека работел спротивно на правилата и законите а сега ревносно го брани Гаши после сите скандали.Политичката одговорност мора да има и затоа пратениците на СДСМ ќе гласаат за итерпелацијата а во дискусијата во македонското Собрание ќе ги изнесат сите аргументи.”, велат од СДСМ.

Македонија | пред 1 година

Трајче Стојчевски е нов претседател на Социјалдемократската младина на Македонија

Денеска, на 26-тата изборна конференција, едногласно од страната на младите социјалдемократи за нов претседател на СДММ – Социјалдемократската младина на Македонија е избран Трајче Стојчевски.Во обраќањето пред младите Стојчевски се заблагодари на довербата и порача дека одговорно и посветено ќе работи за обединување на прогресивните млади луѓе, унапредување на социјалдемократијата и враќање на СДММ на победничките патеки.-Обединети во нашата заедничка визија за праведно и правично општество, со еднакви можности, големи можности за младите, за подобро утре, за посветла иднина. Ние сме прогресивна младина, втемелена во верувањето дека светот може и мора да биде подобро место за сите. Нашата идеологија не е збирка на апстрактни верувања туку реалност, таа е моќна сила која ги води нашите постапки, нашите одлуки и нашата визија за иднината.Токму тоа е нашата водилка : Силна младина, незапирлива иднина. Предизвиците со кои се соочуваме се големи, но огромна е нашата решителност. , рече Стојчевски.Ново избраниот претседател на СДММ додаде дека социјалдемократите нема да дозволат никој да биде замолчен.-Ние сме генерација која одбива да биде замолчена. Нашата посветеност за социјалната правда, солидарност, праведност, еднаквост и слобода за сите не е само минливо чувство, тоа е самиот темел на нашиот социјалдемократски идентитет. Ние се бориме за едно општество за сите, без разлика на родот, етничката припадност, религијата, сексуалната ориентација, попреченоста, социјалното потекло или економскиот статус. Ние сме носители на идеологијата која се стреми да ги подигне маргинализираните, се бориме против елиминација на сите форми на дискриминација, да обезбедиме секој поединец да има можност да го достигне својот целосен потенцијал. Приоритет ни е родовата еднаквост. Веруваме во солидарна заедница, во која секој дава се од себе и секој помага секому. Токму затоа јавните услуги, образованието, здравството и правдата мора да бидат квалитетни и достапни за сите без исклучок, рече Стојчевски.Власта по само неколку месеци го покажа своето вистинско лице, ветуваа блескава иднина, а веднаш ги погазија дадените ветувања, ја предадоа довербата на граѓаните, кажа Стојчевски, зборувајќи за катастрофалниот почеток на владеењето на ВМРО ДПМНЕ.Стојчевски потекнува од локалниот клуб на СДММ Штип, досега ги има поминато сите скалила во младината, бил член на Извршниот одбор на локалниот клуб, потоа Претседател а досега ја извршуваше и функцијата Потпретседател на СДММ.

Македонија | пред 1 година

СДСМ: Фијаско се политиките на ДПМНЕ, наставниците бараат повисоки плати

,,Единствено фијаско се погрешните политики на ВМРО-ДПМНЕ на почеток на мандатот во сите сфери. СДСМ без помпа и слободно излезе денес да ги поддржи наставниците кои бараат повисоки плати кои ги заслужуваат. Притисоците кои го прави ВМРО-ДПМНЕ и навредите кон оние кои се противат на лошите политики се одраз на стравот од оние кои се надеваа на праведност и почит - просветните работници.Една од најважните области, образованието, Мицкоски и ВМРО-ДПМНЕ ја запоставија комплетно а наставниците ги понижија.Иако им ветуваа поголеми плати на наставниците како опозиција, само што седнаа во фотелјите ја сменија плочата и сега велат нема пари. Тоа веќе не е фијаско туку се вика лажење!СДСМ 7 години ги покачуваше платите на наставниците дури и во ковид кризата и за време на енергетската криза. Секој септември се покачуваа платите на наставниците и кумулативно зголемувањето достигна 55%.Мицкоски и ДПМНЕ го погазија достоинството на наставниците кои се клучна алка за подобар образовен процес на идните генерации.Доста се правдате и лажете по прес конференции од белиот дворец, земете работете и покачете ги платите на наставниците.”, велат од СДСМ.

Македонија | пред 1 година