УКРАИНА

(Видео) Луѓе умираат, брутален руски напад врз Украина – Зеленски бесен: „Америка и ЕУ мора да делуваат!“

Русија синоќа изврши масовен напад со ракети и дронови врз Украина, при што загинаа најмалку пет лица, а голем број региони претрпеа сериозни оштетувања на инфраструктурата, соопштија украинските власти.Најтешко погодена беше западната област, која граничи со Полска – таму загинаа четири лица, а индустриски парк во главниот град Лавов беше опожарен. Делови од градот останаа без електрична енергија. Градоначалникот Андриј Садовиј ги повика граѓаните да не ги напуштаат домовите додека екипите се борат со повеќе пожари. Според новинар на Reuters, експлозии одекнувале во утринските часови, додека противвоздушната одбрана делувала од повеќе насоки.Во Запорожје, на југоистокот на земјата, една личност загина, а девет се повредени во комбиниран напад кој остави повеќе од 73.000 домаќинства без струја, изјави гувернерот Иван Федоров.Премиерката Јулија Свириденко соопшти дека цивилна инфраструктура е оштетена и во регионите Ивано-Франкивск, Виница, Чернихив, Херсон, Харков и Одеса.„Ова е уште еден намерен чин на терор против цивилите“, напиша таа на платформата X. „Москва продолжува да напаѓа домови, училишта и енергетски постројки – докажувајќи дека уништувањето е нејзината единствена стратегија.“Претседателот Володимир Зеленски изјави дека руските сили испукале повеќе од 50 ракети и лансирале речиси 500 дронови.„Русија повторно ја напаѓа нашата инфраструктура – сè што овозможува нормален живот на нашиот народ. Ни треба поголема заштита и побрза примена на одбранбените договори, особено во областа на противвоздушната одбрана“, рече тој.Зеленски истакна дека „едностран прекин на огнот на небото“ би можел да биде чекор кон вистинска дипломатија.„Америка и Европа мора да делуваат за да го запрат Путин,“ порача украинскиот лидер.

Свет | пред 5 месеци

(Видео) Русија повторно ја нападна Украина – Полска крена борбени авиони во готовност

Рано утринава Русија продолжи со воздушни напади врз Украина користејќи дронови и ракети, при што беа погодени повеќе региони, вклучително и западниот дел на земјата. Поради близината на нападите до нејзината граница, Полска соопшти дека ги активирала своите борбени авиони и противвоздушните системи за заштита на националниот воздушен простор.Според гувернерот на Запорожје, Иван Федоров, во таканаречениот „комбиниран напад“ животот го загубила една жена, а уште девет лица се повредени. На неговиот канал на „Телеграм“ беа објавени фотографии од местото на настанот, на кои се гледа делумно урната стамбена зграда.Украинската служба за итни интервенции (ДСНС) објави видео со последиците од нападот, додека целата земја утрово, од четири часот, беше под предупредување за воздушен напад. Според украинското воздухопловство, станува збор за масовни руски ракетни и беспилотни напади.Полска реагираше веднаш, потврдувајќи дека нејзините и сојузничките авиони дејствуваат во рамките на воздушниот простор на НАТО.„Полските и сојузничките авиони се активни над нашето небо, додека противвоздушните и радарските системи се ставени во највисок степен на готовност“, соопшти полското оперативно командување на платформата Х.Членките на НАТО на источниот фронт се во состојба на висока подготвеност, откако во септември Полска собори неколку сомнителни руски дронови во својот воздушен простор. Во меѓувреме, појавите на дронови и воздушни инциденти, како оние во Копенхаген и Минхен, предизвикуваат сериозни нарушувања во европскиот воздушен сообраќај.Летонскиот аеродром во Вилнус исто така беше затворен неколку часа во текот на ноќта, по дојави за можен прелет на повеќе балони кон пистата.Во последните денови, руската армија ја засили својата офанзива како што паѓаат температурите, особено насочувајќи се кон украинските енергетски објекти. Според украинските власти, оваа недела Русија ја спроведе најобемната кампања против гасната инфраструктура, додека саботните напади оставија околу 50.000 домаќинства во регионот Чернихив без електрична енергија.

Свет | пред 5 месеци

(Видео) Зеленски: Дивјачки руски напад врз цивили, погоден воз полн со патници

Најмалку 30 луѓе се повредени во руски напад со дрон врз железничка станица во украинскиот град Шостка во Сумската област, потврди претседателот Володимир Зеленски.Украинскиот претседател објави на социјалната мрежа X: „Дивјачки руски напад со дрон врз железничка станица во Шостка, Сумска област.“ „Сите итни служби веќе се на терен и почнаа да помагаат на луѓето. Сите информации за повредените се утврдуваат“, додаде тој. „Досега знаеме за најмалку 30 жртви. Прелиминарните извештаи покажуваат дека на местото на нападот имало и персонал и патници.“ „Русите не можеле да не знаат дека го гаѓаат цивилите. Ова е тероризам кој светот нема право да го игнорира“, напиша Зеленски.Регионалниот гувернер Олег Григоров изјави дека погоден е воз кој се движел кон Киев и дека на местото на настанот се лекари и спасувачи. И Зеленски и гувернерот објавија фотографии од местото на настанот кои прикажуваат патнички вагон во пламен.Раководителката на локалната окружна администрација, Оксана Тарасиук, изјави за украинската јавна телевизија дека во нападот се повредени околу 30 луѓе.Зголемени напади врз инфраструктурата Москва во последните месеци ја засили својата кампања на воздушни напади врз украинската железничка инфраструктура, гаѓајќи ја речиси секојдневно. Главниот помошник на Зеленски, Андриј Јермак, ја обвини Русија за намерно гаѓање на станиците и возовите, велејќи дека води „војна против цивилите“.Овој инцидент се случи само еден ден по нападите кои властите ги опишаа како најголем удар врз украинските постројки за природен гас од почетокот на целосната инвазија во февруари 2022 година.

Свет | пред 5 месеци

Ситуацијата е критична: Итно да се врати напојувањето во нуклеарната централа Запорожје

Главниот директор на Меѓународната агенција за атомска енергија (МААЕ), Рафаел Гроси, изјави дека со Русија и Украина се разговара за предлози за враќање на надворешното електрично напојување во нуклеарната централа Запорожје, најголемата во Европа.Централата со шест реактори е под контрола на руските сили од првите недели на инвазијата. На 23 септември беше исклучена од надворешно напојување по десетти пат од почетокот на војната. Иако централата не произведува електрична енергија, горивото во реакторите се лади со помош на дизел-генератори за итни случаи.Гроси нагласи дека враќањето на напојувањето е од клучно значење, додавајќи дека двете страни изразиле подготвеност да извршат неопходни поправки на своите делови од мрежата, но дека за тоа мора да се создадат услови техничарите да можат безбедно да работат.Ситуацијата дополнително ја усложнуваат меѓусебните обвинувања. Рускиот претседател Владимир Путин ја предупреди Украина дека игра „опасна игра“ со нападите во близина на централата, додека украинскиот министер за надворешни работи Андриј Сибиха ја обвини Москва дека намерно ја прекинала врската со цел централата да ја приклучи на руската мрежа. Украинскиот претседател Володимир Зеленски, пак, изјави дека токму Русија стои зад нападот со кој било прекинато напојувањето во објектот.

Свет | пред 5 месеци

(Видео) Најголемата европска нуклеарка во критична состојба, Зеленски вели дека има апсолутна закана за сите

Најголемата европска нуклеарна електрана, Запорожје во Украина, веќе седми ден е без надворешно електрично напојување, што украинскиот претседател Володимир Зеленски го оцени како закана со катастрофални размери.„Нуклеарната електрана Запорожје е во вонредна состојба. Ситуацијата е критична. Поради руско гранатирање, електраната е исклучена од системот и функционира само преку дизел генератори. Но тие не се предвидени за ваков начин работа и никогаш досега не функционирале толку долго. Веќе имаме информации дека еден генератор откажал. Ова е закана апсолутно за сите,“ порача Зеленски во синоќешното видео-обраќање.Тој нагласи дека Русија со постојаното гранатирање го спречува поправањето на далноводите и обновата на основната безбедност.„Ниту еден друг терорист во светот досега не се осмелил да направи на една нуклеарна електрана тоа што Русија го прави сега. И исправно е светот да не остане нем на ова,“ додаде тој.Зеленски денес разговарал и со генералниот секретар на Обединетите нации, Антонио Гутереш, при што ја нагласил важноста од меѓународна реакција:„Електраната се соочува со најдолгиот прекин на работа – седми ден без струја. Важно е светот да ги разбере можните последици и очекуваме соодветен одговор,“ рече украинскиот претседател.Сериозноста на состојбата ја потврди и шефот на Меѓународната агенција за атомска енергија (МААЕ), Рафаел Гроси. Тој изјави дека електраната во југоисточна Украина, која е под руска контрола уште од првите недели од војната, е без надворешно напојување речиси една недела.И Украина и Русија меѓусебно се обвинуваат за гранатирањата кои ја доведуваат во прашање нуклеарната безбедност. Гроси објави дека во Варшава имал средба со украинскиот министер за надворешни работи Андриј Сибига, при што се дискутирало за можноста да се овозможи обновување на снабдувањето со електрична енергија.

Свет | пред 6 месеци

Руски дрон уби родители и две деца во Суми

Двајца браќа на возраст од четири и шест години, заедно со своите родители, загинаа во ноќен руски напад со дрон врз селото Чернечина, во северниот украински регион Суми.Регионалниот гувернер Олег Григоров изјави дека „синоќа непријателот намерно погодил станбена зграда со нападен дрон“, додавајќи дека телата на семејството биле извлечени од урнатините.Руските сили веќе со месеци водат исцрпувачки борби на истокот и југот на Украина, но се обидуваат да воспостават и упоришта во северните области како Суми, која граничи со руската Курска област. Москва и понатаму негира дека намерно ги таргетира цивилите, иако илјадници се убиени, а голем број домови, станбени и стопански објекти уништени или оштетени.

Свет | пред 6 месеци

Зеленски: Украина врати над 170 квадратни километри кај Добропоље

Украинскиот претседател Володимир Зеленски изјави дека во последните контраофанзиви украинската армија успеала да врати повеќе од 170 квадратни километри територија во близина на источниот град Добропоље.„Со денешниот ден, нашите сили имаат ослободено повеќе од 174 квадратни километри од почетокот на операцијата, а над 194 квадратни километри се исчистени од руски диверзантски групи“, рече Зеленски во своето вечерно видео обраќање.Тој додаде дека руските сили во операцијата изгубиле речиси 3.200 војници. Зеленски призна дека украинската армија се соочува со тешки услови на неколку делови од фронтот, вклучително и во близина на Купјанск во пограничниот регион Харков, како и во областите меѓу Донецк и Днепропетровск.Скептицизам кај воените аналитичариПочетокот на август донесе изненадувачки пробив на руските сили источно од Добропоље, кога тие напредуваа речиси 20 километри. Сепак, откако беа испратени украински резерви, дел од тој напредок беше поништен.Украински воени аналитичари, меѓутоа, изнесуваат помалку оптимистичка слика од онаа што ја претставува владата во Киев, потсетувајќи дека земјата веќе повеќе од три и пол години се брани од руската инвазија.

Свет | пред 6 месеци

Признавања од Москва: Русија тапка во место, загубите огромни

По месеци несогласувања околу мировните преговори, Белата куќа и дел од руските пропагандисти конечно се усогласија барем во едно – војната во Украина за Москва не се одвива добро, пишува Kyiv Independent.Американскиот потпретседател Џ.Д. Венс на 28 септември порача„Русите мора да се разбудат и да ја прифатат реалноста. Умираат многу луѓе, а немаат со што да се пофалат“. Неколку дена претходно, претседателот Доналд Трамп оцени дека Русија „потрошила милиони и милиони долари на бомби, ракети, муниција и животи – нивните животи – а практично не освоила никаков териториј“.Проруски коментатори: фронтот е во ќорсокакНе се повеќе само западни проценки. Во последниве денови и повеќе проруски гласови јавно признаваат застој, губитоци и ограничени резултати.Украинската група за мониторинг Deep State пресмета дека Русија од јуни до август зазела 1.548 квадратни километри територија, но изгубила речиси 95.000 војници – во просек над 1.000 дневно. Тоа претставува само 0,003% од вкупната површина на Украина.Руската коментаторка Татјана Монтјан предупреди на 22 септември дека нема доволно војници за нови офанзиви и дека Путин ќе мора да објави нова мобилизација „доколку не се случи голем пробив“. Сенаторот Дмитриј Рогозин, кој ја застапува окупираната Запорожка област, отиде уште подалеку: „Невозможно е да се напредува. На фронтот има мртва точка“, призна тој на 21 септември.Поранешниот проруски лидер во Донбас, Павел Губарев, потврди дека загубите се огромни, бидејќи „Русите речиси постојано напаѓаат, а Украинците главно се бранат“.Сомнеж во официјалните бројкиДури и на државната телевизија НТВ се слушнаа сомнежи во официјалните бројки за украинските загуби. Еден гостин изјави:„На почетокот на војната украинската армија имаше околу 800.000 луѓе. Со текот на времето бројот растеше за 100.000 до 120.000 годишно. Значи е невозможно да изгубиле 1,7 до 2 милиони луѓе, затоа што тогаш војската повеќе не би постоела“. На прашањето на водителот дали тоа значи дека „министерството лаже“, тој одговори: „Не само нашето. Голема грешка е да се потценува украинската војска“.Расте заморот во РусијаУкраинскиот воен аналитичар и поранешен офицер Иван Ступак вели дека тежината на ваквите изјави ќе се мери според реакциите на властите. „Пропагандистите зборуваат сè додека тоа им е дозволено. Ако вистината им наштети, ќе видиме како ќе се постапи кон нив“, истакна тој.Според него, ваквите тонови се и показател за растечки замор меѓу руските граѓани, кои, спротивно на тврдењата на Кремљ, не се подготвени да водат бесконечна војна.

Свет | пред 6 месеци

Зеленски предлага заеднички воздушен штит за Европа против руските дронови

Украинскиот претседател Володимир Зеленски предложи изградба на заеднички противвоздушен штит со своите европски партнери со цел заштита од руските закани. Ова го изјави во понеделникот на безбедносниот форум во Варшава, по серијата инциденти со нарушување на воздушниот простор кои предизвикаа загриженост на источниот крак на НАТО.Членките на НАТО укажуваат дека Русија преку упади во воздушниот простор на Полска и балтичките земји ги тестира подготвеноста и одлучноста на сојузот, додека Киев верува дека украинското искуство во одбрана од воздушни закани би можело да биде корисно за Европа.Украина предлага на Полска и на сите наши партнери да изградиме заеднички, целосно сигурен штит против руските воздушни закани, рече Зеленски. „Ова е можно. Украина може да се спротивстави на сите видови руски дронови и проектили, а ако делуваме заедно во регионот, ќе имаме доволно оружје и производни капацитети.“Украинските војници и инженери веќе најавија дека ќе ја обучуваат полската армија за справување со беспилотни летала. Истовремено, Романија планира да се здружи со Украина за производство на дронови во рамките на новиот механизам на Европската унија за финансирање на одбраната. Сепак, изградбата на повеќеслоен систем за противвоздушна одбрана ќе трае најмалку седум години, според владиниот извор.Романијa во понеделникот откри нови остатоци од дронови во источниот округ Тулча, на границата со Украина, додека германскиот министер за одбрана Борис Писториус потенцира дека „европската и украинската одбранбена индустрија мора да соработуваат поблиску и поефикасно“. Европската унија треба да обезбеди пофлексибилна регулатива за поддршка на одбранбената индустрија во Европа, додаде тој.

Свет | пред 6 месеци

(Видео) Русија продолжува со дронски и ракетни напади, украинските власти предупредуваат

Русија изведе масовен ракетен и дронски напад врз Киев и повеќе украински градови, користејќи тешки бомбардери. Воздушна тревога беше прогласена низ целата земја, вклучително и во региони далеку од фронтот.Украинскиот министер за надворешни работи, Андриј Сибиха, изјави дека во нападот биле употребени стотици беспилотни летала и ракети.Според началникот на Воената администрација на Киев, Тимир Ткаченко, најголеми оштетувања се забележани во главниот град. Делумно е уништена петкатна станбена зграда, а оштетени се повеќе станбени комплекси, автомобили и објекти. Градоначалникот Виталиј Кличко соопшти дека најмалку пет лица се повредени и пренесени во болница.Во градот Фастив, пожар избувна во пекарница, при што беа повредени петмина работници. Кличко ги повика жителите да останат во засолништа, бидејќи проектилите сè уште паѓаат врз градот.Како одговор на нападите, Полска подигна борбени авиони, а воздушниот простор над Лублин и Жешов беше привремено затворен поради непланирани воени активности. Инцидентите предизвикаа загриженост во НАТО, бидејќи руските беспилотни летала и авиони сè почесто влегуваат во воздухопловниот простор на Алијансата.Украинските власти предупредуваат дека Русија ќе продолжи со масовни воздушни напади во наредните месеци, насочени кон енергетската инфраструктура, со цел дополнително да ја ослабне земјата пред зимата.

Свет | пред 6 месеци

Тензија во регионот: Полска во највисока готовност по руските напади

Полска синоќа затвори два аеродрома и подигна борбени авиони како одговор на интензивен руски напад со ракети и дронови врз Украина, соопшти Оперативната команда на полската армија.Затворени се аеродромите во Љублин (на истокот) и во Жешов (југоисток), кој е едно од најважните логистички јазли за НАТО и главна точка за испорака на западна воена и хуманитарна помош кон Украина.Подигнати се борбените дежурни авиони, системите за противвоздушна одбрана и радарите се ставени во највисока борбена готовност. Овие мерки се превентивни, а силите се подготвени за итна реакција, се вели во соопштението.По низа инциденти во кои руски дронови и авиони го нарушија воздушниот простор на НАТО-членки, јавноста во Полска станува сѐ поодлучна.Анкета покажува дека 67% од населението во полска сметаат дека руските воени авиони треба да се соборат доколку ја повредат територијата на Полска, додека само 8,7% се против таква мерка.Во друга анкета објавена истиот викенд, 74% од испитаниците оценија дека американскиот претседател Доналд Трамп требало поодлучно да реагира на инцидентот од 10 септември, кога дваесетина руски дронови навлегоа во полскиот воздушен простор.Дополнителен шок предизвика изјавата на украинскиот претседател Володимир Зеленски дека на 10 септември Русија испратила дури 92 дрона кон Полска. Според него, мнозинството биле пресретнати и соборени од украинските сили уште над украинска територија.Претседателот на Белорусија, Александар Лукашенко, потврди дека дел од дроновите навистина полетале од белоруска територија.Полскиот премиер Доналд Туск и министерот за надворешни работи Радослав Шикорски изјавија дека Полска ќе соборува руски авиони и дронови доколку навлезат во нејзиниот воздушен простор.Сепак, Туск нагласи дека одлуките ќе се носат во координација со НАТО-сојузниците и само ако леталото се смета за реална закана, а не за грешка или провокација.

Свет | пред 6 месеци

Унгарскиот министер тврди дека Зеленски го „губи разумот“

Унгарскиот министер за надворешни работи, Петер Сијарто, во петок изјави дека украинскиот претседател Володимир Зеленски „почнува да го губи разумот“ откако Зеленски рече дека извиднички беспилотни летала, кои ја нарушиле украинската воздушна граница, веројатно припаѓаат на Унгарија.Претседателот Володимир Зеленски почнува да го губи разумот поради својот непријателски став кон Унгарија, напиша Сијарто на социјалната мрежа Facebook. Сега му се привидуваат чудовишта.Зеленски истакна дека извидничките дронови ја нарушиле украинската воздушна граница, повикувајќи се на прелиминарно воено известување според кое леталата дошле од Унгарија со цел да го испитаат индустрискиот потенцијал на граничните подрачја.Унгарија е членка на Европската унија и НАТО, две организации кои ја поддржуваат Киев во војната против Русија, но односите меѓу Киев и Будимпешта често биле напнати.По руската инвазија на Украина во февруари 2022 година, голем број големи украински компании, особено од источните и јужните региони, се преселиле во западна Украина и други побезбедни области.Унгарскиот премиер Виктор Орбан е скептичен во однос на западната воена помош за Украина и за разлика од другите членки на НАТО и ЕУ, одржува блиски односи со рускиот претседател Владимир Путин.

Свет | пред 6 месеци

(Видео) Русија изгуби четвртина од капацитетите за преработка на нафта поради украинските напади

Украина продолжува со систематските напади со дронови врз руската нафтена индустрија, овојпат насочувајќи го ударот кон рафинеријата во јужниот дел на земјата, соопштија во петокот руските власти.Според властите во Краснодарскиот крај, во рафинеријата „Афипски“ изби мал пожар откако делови од дрон паднале во постројката. Нема жртви, а истата рафинерија била нападната и на 28 август.Според проценките на експертите, Русија досега изгубила околу една четвртина од своите капацитети за преработка на нафта поради повторените удари врз рафинерии, пумпни станици и товарни терминали. Тоа доведе до недостиг на дизел и бензин во одредени региони.Недостигот веќе предизвика нагло зголемување на цените на бензинските пумпи. Украина ги таргетира складиштата и рафинериите како дел од својата одбранбена кампања против руската инвазија.Русија, пак, во март воведе забрана за извоз на гориво со цел да ја стабилизира домашната понуда. Ограничувањата, кои беа продолжени во четвртокот, ѝ предизвикуваат на руската влада значителни загуби во приходи, неопходни за воените напори.

Свет | пред 6 месеци

Зеленски побара од Трамп ракети Томахавк за да ја притисне Москва

Украинскиот претседател Володимир Зеленски во затворен состанок побара од американскиот претседател Доналд Трамп испорака на крстосувачки ракети Томахавк, јави британскиот „The Telegraph“. Зеленски објаснил дека таквите проектили би ја ставиле Русија во домет на украинските удари и би можеле да ѝ создадат притисок да седне на преговори, пренесуваат повеќе извори кои ја потврдиле средбата како „исклучително позитивна“.Дипломатски извори наведуваат дека Трамп прифатил да разгледа таква опција и по состанокот на Зеленски изјавил дека „ќе работат на тоа“. Сепак, сè уште не е јасно дали барањето ќе биде реализирано: Томахавк има домет до околу 2.400 километри и боевна глава од околу 450 килограми, што го прави многу поефикасен од досегашните долготрајни ракети кои Западот им ги достави на Киев.Во минатиот мандат, администрацијата на поранешниот претседател Џо Бајден одбила слични барања поради ризикот од ескалација и можноста за напади врз цели на руска територија. Зеленски во разговорите на маргините на Обединетите нации повторно ги инсистирал на потребата Украина да добие средства за удари на поголеми далечини, а извори велат дека американскиот државен секретар Марко Рубио имал позитивен тон кон промена на политиката и ги советувал европските партнери да ѝ прифатат како можност.Украинската страна, како што изјави Серхиј Кузан од Центарот за безбедност и соработка, смета дека добивањето далекоплопни ракети е логичен следен чекор откако Украина доби средства како британскиот „Storm Shadow“. Тој подвлече дека, ако Русија располага со таква способност, Украина исто така треба да има опции за погодување на цели на слични длабочини. Зеленски, како што кажал по состанокот, ја добил потврдата од Трамп дека САД „ќе работат на тоа“, но окончна одлука за испорака сè уште не е донесена.

Свет | пред 6 месеци

Американскиот претседател го охрабрува Киев: Украина може да ја врати целата територија

Претседателот на САД, Доналд Трамп, изјави дека Русија речиси и не остварила територијални добивки во последните напади врз Украина, иако потрошила огромни средства и претрпела големи загуби.Со сето тоа интензивно бомбардирање во последните две недели, тие освоиле речиси ништо, изјави Трамп за новинарите во Белата куќа за време на состанокот со турскиот претседател Реџеп Тајип Ердоган.Нема да го наречам никого „хартиен тигар“ но Русија потроши милиони и милиони долари на бомби, ракети, муниција и – животи, нивните животи – а освоиле речиси ништо“, додаде тој.Изјавите на Трамп ја потенцираат неговата промена на реториката за војната во Украина. Неговите обиди за посредување меѓу Киев и Москва засега не донеле резултати, додека Кремљ одбива повици за прекин на огнот и продолжува со воздушни напади врз украинските градови.Претседателот на САД истакна дека е „срамота“ што Русија продолжува да убива толку многу луѓе и додаде: „Путин треба да запре“. Русија моментално држи околу 20 проценти од украинската територија – Крим, делови од Донбас заземени во 2014 година и области освоени по почетокот на инвазијата во 2022 година.Од тогаш, руските сили напредуваат бавно. Според податоците на мониторинг-организацијата од август, од ноември 2022 година освоиле 5.842 квадратни километри, што претставува помалку од 1 процент од украинската територија.Во пролетта и летото 2025 година, Москва покрена нови офанзиви на истокот и североистокот на Украина, со фокус на Покровск во Донецка област.Она што Трамп го оценува, потсетува на неговите минати изјави во Њујорк, по средбата со Володимир Зеленски на Генералното собрание на ОН на 23 септември. Тогаш тој рече дека Украина „има можност да се бори и да победи, да ја врати целата земја во нејзиниот изворен облик“ – со поддршка од Европа.Говорејќи пред Ердоган, Трамп рече дека би сакал Турција да престане да купува руска нафта и повтори повик Европа да престане со увоз на руски енергенти. Тој додаде дека Ердоган може да има „големо влијание“ врз војната, бидејќи го почитуваат и Москва и Киев.Додека Киев и некои европски лидери ја поздравија Трамповата промена на реториката, други тоа го гледаат како сигнал дека Белата куќа сака да го намали ангажманот и да префрли поголема одговорност за војната на Европа.Промената доаѓа во момент на растечки тензии меѓу НАТО и Русија, откако сојузниците ја обвинија Москва дека руските дронови и авиони повторно влегуваат во нивниот воздушен простор. Трамп на тоа порача дека земјите на НАТО треба да ги соборуваат руските летала кои им ги нарушуваат границите – што многу источни членки на сојузот го примија со одобрување.

Свет | пред 6 месеци

Полска ќе обарува руски дронови над Украина без одобрение од НАТО

Полска се подготвува да го промени законот за воени мисии во странство, со цел нејзината армија да може да обарува руски летала, како дронови, над Украина без претходно одобрение од НАТО или Европската унија, јавува полската „Gazeta Wyborcza“.Накратко, Министерството за одбрана го поднело нацрт-законот уште во јуни, а се очекува тој да помине брзо низ парламентарната процедура.Според стариот закон, претседателот можел на барање на Владата да одобри испраќање војници во странство во случаи на вооружени конфликти, мировни мисии, борба против тероризам или евакуации. Но, ден пред руската инвазија во 2022 година, тогашната влада на партијата Право и правда (PiS) го променила законот така што за вакви операции било потребно одобрение од НАТО, ЕУ и земјата-домаќин.Подоцна, парламентарната комисија за истражување на руското влијание ја критикувала таа одлука, оценувајќи дека Варшава на тој начин го загубила правото на самостојно дејствување против дронови кои влегуваат од Украина или Белорусија.Сегашната владејачка коалиција планира да ги укине тие ограничувања и на армијата да овозможи поголема флексибилност во одговор на закани, според принципот „прво пукај, потоа прашувај“, објавува „Gazeta Wyborcza“.Промената доаѓа откако полската армија претходно во септември првпат обори сомнителни руски дронови кои влегле во нејзиниот воздушен простор – што беше и прв случај една членка на НАТО да обори руски летала за време на војната во Украина.

Свет | пред 6 месеци

Трамп ја менува реториката за Украина, Европа загрижена

Американскиот претседател Доналд Трамп ја промени својата реторика кон Украина, предизвикувајќи загриженост кај европските лидери. Тие стравуваат дека неговите изјави имаат за цел да им постават невозможна задача, со што Трамп би можел да ја префрли вината врз Вашингтон доколку Киев не успее во војната или остане без средства.По месеци на притисок врз Украина да преговара со Москва и да се откаже од окупираните територии, Трамп во вторник ги изненади европските престолнини. На социјалните мрежи изјави дека Киев може да „се бори и победи“ на целата своја територија „со помош на ЕУ“.Иако новиот став на Трамп беше поздравен во некои кругови, повеќе европски лидери заклучиле дека тие сега ја преземаат одговорноста за одбраната на Украина со очекувања кои тешко можат да се исполнат.Полскиот премиер Доналд Туск предупреди дека „изненадувачкиот оптимизам“ на Трамп прикрива ветување за намалена американска ангажираност и префрлување на одговорноста за завршување на војната врз Европа. Туск додаде дека е подобро да се соочиме со вистината отколку да живееме во илузии. Европските лидери велат дека Трамп „гради излезна рампа“ за да може да ја обвини Европа доколку му биде потребно.Професорот за меѓународни односи Карло Масала од Универзитетот Бундесвер во Минхен смета дека Трамп сака да избегне оваа војна да стане „негова војна“, а не само „војна на Бајден“. Еден европски функционер, изјавата на Трамп „Среќно на сите!“ ја протолкува како порака за префрлување на одговорноста, додека друг едноставно рече: „Сите гледаат дека се повлекува.“Францускиот претседател Емануел Макрон, по средбата со Трамп во Њујорк, даде пооптимистички тон, опишувајќи ја како „многу коректна“. Тој истакна дека целосната поддршка на Украина би ја ослабнала руската економија и би создала можност за подобра иднина. Сепак, европските службеници заклучуваат дека Трамп повеќе не е сигурен сојузник за ЕУ.Туск, поради инцидентите со руски дронови во полскиот воздушен простор, побара поголема поддршка од НАТО. Тој истакна дека Полска е подготвена да ги уништува летечките објекти што ќе го нарушат нејзиниот територијален интегритет и побара „100-процентна сигурност“ од сојузниците. На прашањето дали НАТО земјите треба да бидат подготвени да ги соборат руските авиони, Трамп одговори потврдно.Трамповиот тон кон војната се промени откако се врати во Белата куќа во јануари. По конфликтите со украинскиот претседател Володимир Зеленски во февруари, тој го ублажи својот пристап и го нарече украинскиот лидер „храбар човек“. Првиот заменик министер за надворешни работи на Украина, Сергиј Кислица, истакна дека изјавите на Трамп не биле емоционален испад, туку резултат на долги и сложени дискусии со Украина, европските партнери и американските официјални лица.Кислица не се согласува дека Трамп се повлекува и поставува невозможни услови. Тој смета дека Трамп изнел силна порака дека Европа може и треба да стори повеќе, посочувајќи на земјите од ЕУ кои сè уште купуваат руска нафта и гас.Во последниве недели Трамп се фокусира на рускиот извоз на енергенти кон Европа. Во обраќањето пред Генералното собрание на ООН, тој рече дека е подготвен да воведе „силни царини“ кои би можеле „да го запрат крвавиот конфликт“, но само ако европските земји се согласат на исти мерки. Трамп истакна дека купувањето на руски енергенти додека се бори против Русија е „срамно“.На почетокот на месецов тој повика ЕУ да воведе царини до 100 отсто за Индија и Кина, најголемите купувачи на руска енергија, што во Брисел се смета за невозможна мерка. Лијана Фикс од Советот за надворешни односи посочи дека европските олидери не веруваат дека Трамп би го следел нивниот пример и заклучи дека тој не е доверлив во тоа прашање.

Свет | пред 6 месеци

Зеленски: Подготвен сум да се повлечам по завршувањето на војната со Русија

Украинскиот претседател Володимир Зеленски изјави дека ќе биде подготвен да се повлече од функцијата откако ќе заврши војната со Русија.„Ако ja завршиме војната со Русите, да, подготвен сум да не одам на избори, затоа што изборите не ми се цел. Мојата цел е да заврши војната“, рече Зеленски во видео-интервју за веб-страницата Axios.Тој додаде дека ќе побара од украинскиот парламент да организира избори доколку се постигне примирје.Претседателските избори во Украина требаше да се одржат во 2024 година, но беа одложени поради воената состојба воведена со почетокот на целосната руска инвазија во февруари 2022 година. И покрај тоа, Зеленски и по повеќе од три и пол години војна ужива високо ниво доверба – според анкетата на Киевскиот меѓународен институт за социологија, околу 59% од Украинците имаат доверба во него.Во текот на неделата Зеленски престојуваше во САД, каде што учествуваше на Генералното собрание на Обединетите нации и се сретна со американскиот претседател Доналд Трамп. Тој нагласи дека Киев бара ново оружје со долг дострел од Вашингтон.Зеленски во интервјуто порача дека руските функционери треба да знаат каде е најблиското засолниште, доколку Москва одбие да стави крај на војната. На ова реагираше поранешниот руски претседател Дмитриј Медведев, предупредувајќи дека „Русија може да користи оружје против кое ни засолниште не би помогнало“.Војната продолжува со редовни руски напади врз Украина со беспилотни летала и проектили, додека Киев возвраќа со дронови со долг дострел, насочени кон воени цели и енергетска инфраструктура.

Свет | пред 6 месеци

Британски воен командант: Трамп е во право, Украина може да победи

Американскиот претседател Доналд Трамп изјави дека Украина може да го врати целиот изгубен простор од 2014 година, нарекувајќи ја Русија „хартиен тигар“. Според анализа на The Telegraph од поранешниот британски воен командант Хамиш де Бретон-Гордон, тоа е можно само доколку зборовите се поткрепат со дела.Изразот „хартиен тигар“ е кинески поим кој опишува нешто што изгледа заканувачки, но е слабо и не може да издржи сериозен предизвик.Авторот посочува три клучни чекори за остварување на таквата визија:воспоставување на зона без летање над западна Украина за заштита на цивилите и пренасочување на противвоздушните системи кон исток;испорака на поголем број далекусежни прецизни ракети од западните сојузници и укинување на ограничувањата за напади врз цели на руска територија;построга и доследна примена на санкциите, при што Европа ќе мора да преземе поголем дел од товарот, вклучувајќи и воено присуство.„Украинската армија веќе покажа дека може да ослободува територии, но за победа во размерите за кои зборува Трамп ќе биде потребна целосна поддршка од НАТО“, нагласува де Бретон-Гордон.Анализата заклучува дека иднината зависи од доследноста на Европа и Трамп. Доколку силната реторика не се претвори во конкретни дела – особено во одбрана на украинското небо – постои опасност војната да трае со генерации и да се прошири низ целиот континент.

Свет | пред 6 месеци

Украинска база срамнета со земја: Русија користела балистички проектили

Руските сили изведоа комбиниран напад врз просториите на една од единиците за обука на Украинските Копнени сили, при што биле употребени и два балистички проектили од типот „Искандер“.Денес, на 24 септември, непријателот изврши комбиниран удар врз просториите на една од нашите единици за обука. Меѓу искористеното оружје беа и два балистички проектили „Искандер“, се наведува во официјалното соопштение.На местото на настанот се распоредени сите надлежни итни служби, а повредените добиваат неопходна медицинска помош. Од Украинските Копнени сили соопштија дека континуирано се вложуваат напори за опремување на центрите за обука и другите воени објекти со сигурни засолништа, со цел заштита на животите и здравјето на персоналот. Дополнително, се преземаат и мерки за поголема безбедност на војниците за време на ракетни и воздушни напади.

Свет | пред 6 месеци

Москва остро на изјавите на Трамп: „Русија не е тигар од хартија, туку вистински мечка“

Вчерашните изјави на американскиот претседател Доналд Трамп дека Украина може да ја врати целата територија под руска окупација предизвикаа силни реакции кај руските функционери и пропагандисти.Трамп, по средбата со украинскиот претседател Володимир Зеленски, порача дека Киев со поддршка од ЕУ е во позиција да се бори и да ја врати целата земја.„Русија веќе три и пол години се бори бесцелно. Тоа ја прави да изгледа како тигар од хартија“, изјави Трамп.Портпаролот на Кремљ, Дмитриј Песков, ги отфрли ваквите споредби, нагласувајќи дека изјавата е поттикната од разговорите на Трамп со Зеленски и „бизнис интереси“.„Русија никогаш не била тигар. Симболот на Русија отсекогаш е мечката. А нема такво нешто како мечка од хартија“, рече Песков.Поранешниот претседател Дмитриј Медведев, познат по провокативните изјави, оцени дека американскиот лидер „живее во алтернативна реалност“.„По средбата со кловновите од Киев и Париз, објави живописен пост. Во таа нова реалност, Украина победува, а Русија е распарчена. Но тој секогаш се враќа, и веројатно ќе ја повика Украина да потпише капитулација“, изјави Медведев.Рускиот пратеник Олег Матвеев изјавите на Трамп ги нарече „бесмислени“.„Тој е генератор на случајни фрази. Никогаш нема да каже нешто судбинско што навистина ќе промени нешто“, изјави тој.Леонид Слуцки, претседател на Комитетот за меѓународни прашања во Думата, оцени дека изјавите на Трамп се полни со контрадикторности и претставуваат „опасна заблуда“ во врска со наводниот економски пад на Русија и „бесмисленоста“ на војната.Државниот пропагандист Владимир Соловјов на својата телевизиска емисија го нападна Трамп, обвинувајќи дека Украина и европските сојузници го манипулираат американскиот претседател. Тој ги нарече реакциите на европските лидери „хистерични напади против Трамп“.Необично острите изјави од Москва, како што забележува „Kyiv Independent“, укажуваат на чувствителност кон зборовите на Трамп, иако досега руските функционери често внимаваа да избегнуваат јавни конфронтации.Оваа дипломатска размена следи откако напорите на Трамп за мировен процес пропаднаа, бидејќи Москва го одби прекинот на огнот и значајни преговори. Зеленски повтори дека е подготвен за средба со Путин само на неутрална територија, додека Кремљ инсистира на максималистички услови.

Свет | пред 6 месеци

Германскиот шеф на дипломатија: Европа мора да „порасне“ и посилно да ја поддржи Украина

Европа мора да преземе поголема одговорност и да ја зајакне својата поддршка за Украина, изјави германскиот министер за надворешни работи Јохан Вадефул, коментирајќи ја најновата изјава на американскиот претседател Доналд Трамп дека Киев може да си ја врати целата окупирана територија.Во интервју за радиото „Дојчландфунк“, Вадефул рече дека Трамп сфатил оти неговите напори не го убедиле рускиот претседател Владимир Путин да го запре војувањето.„Европејците повеќепати рекоа дека мора да ‘пораснеме’ и да станеме посуверени. Затоа треба да видиме што можеме сами да постигнеме – а можеме многу повеќе. Не сите европски држави го исполнија ветеното кон Украина. Мора да разгледаме и нови финансиски и воени опции“, нагласи германскиот министер.Изјавата на Трамп ја оцени како добра за Европа и Украина, бидејќи претставува признание дека досегашните напори со Путин не дале резултат.Европски дипломати за „Ројтерс“ коментираа дека изјавите на Трамп може да се толкуваат како сигнал дека САД постепено се повлекуваат и дека прашањето Украина станува „европска обврска“.„Изгледа како да се опростува, но тоа може да се смени уште утре. Во секој случај, за нас е јасно – знаеме што треба да правиме“, изјавил еден западноевропски функционер.Иако САД остануваат најголемиот поединечен донатор за Украина, од враќањето на Трамп во Белата куќа Вашингтон инсистира Европа да преземе поголем дел од товарот во сопствената одбрана. Тоа веќе се гледа преку зголемените воени буџети на европските членки на НАТО и преку зајакнатата противвоздушна поддршка за Киев.Европската унија во меѓувреме разгледува план замрзнатата руска имовина да се искористи за дополнителна помош за Украина, како и воведување нови санкции кон Москва.

Свет | пред 6 месеци

(Видео) Ова е моментот на страшниот напад врз Запорожје, врз градот се струполија нови и најопасни руски дронови

Русија во вторникот изведе неколку последователни напади со беспилотни летала врз украинскиот град Запорожје, во кои беа повредени најмалку 12 лица, а едно лице загина, соопштија локалните власти на Телеграм.Во нападот биле користени дронови од типот Shahed, а според снимките од социјалните мрежи, се работи за Geran-3 — руската верзија на Shahed-238 со турбомлазен погон, најопасниот дрон кој може да достигне брзина од речиси 375 km/h и потешко се пресретнува.Украина уште минатиот месец соопшти дека Русија користи млазни дронови од типот Geran-2 (руска верзија на Shahed-136), чиешто движење е со брзина од околу 185 km/h и имаат дострел од околу 1000 километри.Според информациите на Државната служба за итни случаи (ДСИС), руските сили пет пати го гаѓале Запорожје во рок од 20 минути, а при еден од нападите била погодена локална фирма. Според претходно објавените извештаи, во гранатирањето загинал свештеник.Киев тврди дека веќе располага со пресретнувачки дронови кои можат да уништат Shahed со млазен погон. Павло Палица, заменик шеф на претседателскиот кабинет, изјави за локалниот медиум Novine Live дека Украина ги модифицира своите дронови паралелно со Русите.– Имаме одговори и заштита од нивните млазни мотори во нашите FPV-дронови. Тие можат да придонесат за оптимален систем на противвоздушна одбрана кој покрива различни височини и далечини – рече Палица.Спротивставувањето на Geran-3 би можело да претставува нов голем предизвик за Украина, која веќе се соочува со тешкотии во борбата против Geran-2, бидејќи Русија истовремено лансира стотици борбени дронови и мамки со цел да ја пробие противвоздушната одбрана.

Свет | пред 6 месеци

Трамп во ОН: „Срамота е што НАТО работи со Русија, Европа оди кон пропаст“

Американскиот претседател Доналд Трамп одржа обраќање на 80. заседание на Генералното собрание на Обединетите нации во Њујорк, зборувајќи речиси четири пати подолго од предвиденото. Неговиот говор беше препознатлив по лични пораки, остри критики кон европските држави, напад врз климатската наука и обвинувања на сметка на самата организација.Трамп го отвори говорот со шега за технички проблем со телепромптерот, по што тврдеше дека под негово водство САД влегле во „златна ера“, со пониски трошоци за енергија, храна и кредити, победена инфлација и рекордни нивоа на берзата. Тој ја обвини претходната администрација на Џо Бајден за „четири години слабост, беззаконие и радикализам“.Голем дел од говорот беше посветен на Русија и Украина. Трамп ги обвини европските држави, дури и членки на НАТО, дека продолжуваат да увезуваат руска нафта и гас, додека истовремено ја поддржуваат Украина.„Финансирате војна против самите себе. Тоа е срамота“, рече тој, најавувајќи нова рунда американски царини против Москва доколку не се постигне мировен договор, но нагласувајќи дека тие мерки ќе бидат ефективни само ако и Европа ги прифати.Трамп ги нападна европските држави и поради миграциските политики, велејќи дека„Европа е преплавена од илегални имигранти какви никогаш досега не се виделе“ и дека „земјите одат кон пропаст“.Посебно се обиде да ја дискредитира климатската наука и обновливите извори на енергија, нарекувајќи ги „зелена измама“.„Ако продолжите со оваа превара, вашите држави ќе пропаднат. Климатските промени, тоа е најголемата измама направена врз светот“, изјави Трамп, наведувајќи ја Европа како пример за последици од „погрешни зелени политики“.Обраќањето заврши со предупредување дека САД ќе останат лидер во борбата против развојот на биолошко оружје, но и со нова порака кон ОН дека „празните декларации не го менуваат светот“.Трамп зборуваше речиси еден час, иако правилата на Генералното собрание предвидуваат ограничување на говорите до 15 минути. Неговиот настап го следеа бројни светски лидери, меѓу кои италијанската премиерка Џорџа Мелони, украинскиот претседател Володимир Зеленски и првата дама Меланија Трамп.

Свет | пред 6 месеци

Украина тврди: уништени илјадници руски дронови во еден удар

Украинските вооружени сили тврдат дека во два одделни напада во август и септември уништиле огромни руски резерви на беспилотни летала и муниција на окупираните територии. Како што соопшти Генералштабот на Украина на 22 септември, целта била да се нарушат офанзивните планови на руските сили кои се обидуваат да напредуваат на источниот фронт, пренесе Kyiv Independent.Според украинската оперативна група „Дњипро“, на 29 август бил изведен напад врз центар за дистрибуција на дронови, при што биле уништени „огромни залихи“ беспилотни летала. Од таа локација, Русија планирала да распореди повеќе од 19.000 дронови – меѓу кои модели Молнија, Бумеранг, Вандал Новгородски и Горинич – заедно со припадната опрема за своите сили во окупираниот дел од Доњецката област.Во одвоена акција, украинската армија и Службата за безбедност (СБУ) погодиле складиште за муниција во претежно окупираната Луганска област. Нападот уследил по пристигнувањето на руски камиони кои носеле илјадници мини, гранати, тенковски проектили и друго вооружување наменето за 17. тенковски полк од 70. мотострелачка дивизија.„Руските возила беа уништени заедно со муницијата“, соопшти Генералштабот, без да наведе какво оружје било користено во нападите.Украинските сили во текот на војната редовно напаѓаат руски воени цели и стратешки објекти со далекуметно вооружување, со цел да го нарушат снабдувањето и офанзивните операции на Москва.

Свет | пред 6 месеци