Најнови вести

7 год.

Рекорден број запишани студенти на ФИНКИ

Претседателот на Влада, Зоран Заев, и министерот за информатичко општество и администрација, Дамјан Манчевски, денеска се обратија на првиот свечен академски час за новите студенти на Факултетот за информатички науки и компјутерско инженерство (ФИНКИ), каде што оваа година се пријавија рекорден број од 933 заинтересирани студенти, или 13% повеќе од минатата година.Во своето обраќање, премиерот Заев рекол дека големиот интерес за упис на овој факултет и рекордниот број запишани студенти, меѓу другото е и поради извонредниот наставно-научен кадар на овој факултет, наведуваат од Владата.„Информатичката технологија е една од најбрзо растечките индустрии во светот и во Македонија. Младите тоа го знаат и затоа се насочуваат кон оваа област со надеж за подобра работа по завршувањето на студиите“, изјави Заев.Претседателот на Владата во своето обраќање потсети дека на почетокот на септември Владата и Фондот за иновации доделиле финансиска поддршка за отворање три бизнис-акцелератори за млади претприемачи и иноватори. Еден од тие акцелератори е деловно-технолошки акцелератор „УКИМ“ во Скопје, кој ќе биде сместен на универзитетот „Свети Кирил и Методиј“.„Оваа иновација во поддршката на младите луѓе како вас, кои поседуваат креативни бизнис-идеи, ќе понуди можност и поддршка за развој на стартап-компании што ќе носат профит. Тоа ве прави учесници во развојот на македонската економија и создава услови да го дадете својот придонес во подобрувањето на животниот стандард на сите граѓани“, изјави премиерот Зоран Заев.Министерот за информатичко општество и администрација, Дамјан Манчевски, во своето обраќање, како што наведоа од Владата, изјавил дека Министерството во моментов активно работи на повеќе проекти што имаат заедничка цел, а тоа е целосно дигитализирана Македонија.„Тоа го правиме во соработка со бизнис-секторот, со граѓанскиот сектор и секако со академската заедница, односно со дел од вашите професори, а многу често тоа значи и заедно со вас. Дигиталниот самит, кој се одржа во Скопје пред неколку месеци, беше место каде студентите од овој факултет се претставија со свои иновативни решенија и пронајдоци пред публика од целиот регион и Европа“, рече Манчевски и укажа на проектот Младинска гаранција, со што се предвидува квалитетната понуда за вработување, натамошно образование, преквалификации, стажирање или практикантство на младите. 

Скопје | пред 7 години

7 год.

Нема фотографија

Власта да се зафати со враќање на довербата во избирачкиот список, порача ОБСЕ

Владата и администрацијата сериозно да се зафатат со решавање на прашањето околу избирачкиот список и враќање на довербата во него, порачаа од мисијата на ОБСЕ/ОДИХР.Ова е една од препораките на мисијата по спроведениот референдум, од каде потенцираат дека и покрај празнините во законската рамка, темелните слободи биле почитувани во непристрасно администрираниот референдум.„Темелните слободи на собирање, здружување и изразување беа почитувани низ целиот процес, иако непостоењето на официјална кампања ‘против’ значеше дека гледиштата на кампањата ‘за’ доминираа, медиумите обезбедија опсежни информации и широк спектар на мислења“, рече амбасадорот Јан Петерсен, шеф на мисијата на ОДИХР за набљудување на референдумот.ДИК го администрираше референдумот непристрасно и одржуваше ефикасни состаноци, но недостигаше суштествена дебата за клучни прашања, велат меѓународните претставници и додаваат дека иако властите вложиле извесни напори да обезбедат јавни информации во врска со договорот, неговата содржина била недоволно објаснета.„Доколку ги почитуваме оние кои одбраа да не гласаат, мораме да ги почитуваме и оние над половина милион граѓани кои сериозно го сфатија референдумот и одлучија да го дадат својот глас за иднината на земјата. За во иднина, се надеваме дека прашањето на точноста на избирачките списоци ќе биде најпосле решено. Сигурни сме дека ќе дојдат наредни избори, а треба да се има доверба во избирачкиот список“, рече Штефан Шенах, шеф на делегацијата на парламентарното собрание на Советот на Европа.Меѓународните претставници во однос на цензусот посочија дека во различни држави има различни примери дали воопшто треба да постои праг на излезност кога станува збор за консултативен референдум. Кај консултативниот референдум политиката ги прашува граѓаните, но на крајот одлучуваат политичарите за разлика од обврзувачкиот референдум, додаде Шенах.ОБСЕ/ОДИХР генерално оцени дека референдумскиот процес минал во мирна атмосфера, без поголеми инциденти.

Македонија | пред 7 години

7 год.

Заев: Деновиве ќе се знае дали ќе има договор со опозицијата или ќе се оди на избори

За неколку дена ќе се знае дали постои амбиент за постигнување договор со опозицијата за двотретинско мнозинство кое е потребно за да се изгласаат уставните измени во Парламентот кои произлегуват до Договорт за името со Грција. Ова го истакна денеска премиерот Зоран Заев во изјава дадена по свечениот час на новозапиишаните студенти на ФИНКИ.Заев истакна дека денеска е ден за сублимирање на сите анализи и планови и додаде дека од утре ќе почнат разговори.Според него, постои капацитет за одржување предвремени избори кои се последна опција доколку не се постигне договор.– Секако дека има капацитет за избори. Законот и Уставот ги предвидуваат следните чекори. Но, се надевам дека ќе успееме да се договориме. Процесите неможат да бидат замрзнати и да стојат на место, работите мора да се движат напред, рече премиерот.Доколку не се постигне договор и се оди на предвремени избори , според него, изборите ќе се случат брзо. Постои можност тие да се организираат до крајот на ноември, временска одредница која ја спомена и вчера. Тој напомена оти во тој целиот тој процес мора да се мисли и на другите рокови, на пример на изборите за Европскиот парламент кои ќе се одржат во мај следната година, а на кој ќе учествува и Грција. Вели дека засега нема поддршка од конкретни пратеници на ВМРО-ДПМНЕ за уставните измени и оти деновиве ќе се дознае преку разговори со опозицијата каков е амбиентот во таа насока.Заев истакна дека во сегашната ситуација реално е сите да покажат политичка зрелост со оглед на тоа што никој не понуди алтернатива на НАТО и ЕУ, ниту пак подобар договор од овој што е постигнат со Грција.Извор:lider.mk

Македонија | пред 7 години

7 год.

42990361_701786270196797_5961938841966215168_n

Сефер Цаноски: Знам какви таленти има на ФОН

Вашите родители со право се горди на вас, рече магистар Сефер Цаноски кој е генерален директор на Универзитетот ФОН на стартот на студентската година.„Од вас зависи дали ќе завршите. Ние ќе ви ги обезбедиме најдобрите услови, најдобрата пракса, како од вас би направиле кадар кој ќе биде квалитетен”, рече Цаноски.Цаноски им порача на студентите дека треба континуирано да се надоградуваат и учaт, и тоa да го прават доживотно.„Јас ја работам оваа професија 18 години. Знам каков кадар има нашава дежава, знам какви таленти има тука. Се надевам ќе ги вкусите придобивките од ЕУ”, додаде Цаноски.

Скопје | пред 7 години

7 год.

42878918_330198411087997_2164784656736583680_n

Универзитетот ФОН го означи почетокот на студентската година

Универзитетот ФОН го означи почетокот на студентската година. Прв на церемонијата се обрати ректорот Нано Ружин кој вели дека европската иднина и се насмеала на универзитетот, но и на Македонија.„Лошата епоха на семејството Цаноски е минато. Овој универзитет секогаш го почитуваше правото. Воочивме дека треба да се потпираме на квалитетните кадри, а не со успаните”, рече Ружин.Ружин вели дека претстојат реформи кои ќе го променат квалитетот на ФОН. Според него, ќе се зголемува бројот на странски студенти, бидејќи се борат за тоа сите да бидат рамноправни внатре, а надвор, ФОН ќе биде присутен насекаде.„За разлика од јавните универзитети, тука поседувате ваш идентитет”, додаде Ружин.

Скопје | пред 7 години

7 год.

Двајца повредени во страотната сообраќајка на Илинденска

Две лица биле тешко повредени во сообраќајната несреќа што пред околу еден час се случи на булеварот Илинден, кај фонтаната во Градскиот парк. Станува збор за возачот и совозачот од автомобилот „сеат алтеа".Двајцата со возило на итна помош се однесени во Ургентниот центар при Комплексот клиники „Мајка Тереза“.Според првичните информации на полицијата, автомобилот „сеат алтеа“ движејќи се со голема брзина, удрил во семафорот. Од силината на ударот автомобилот со задниот дел се качил на бетонскиот ѕид од паркингот до булеварот.За време на сообраќајната несреќа биле оштетени и други возила кои во моментот биле на раскрсницата на булеварот кај Градскиот парк.

Скопје | пред 7 години

7 год.

Нема фотографија

Грчките медиуми ја потенцираат слабата излезност на референдумот

Грчките медиуми во своите извештаи за вчерашниот референдум во Македонија акцентот го ставаат на излезноста и на процентот граѓани што гласаа „ЗА“.„Победа на „ДА“ во ПЈРМ, но без потребната излезност“; „Над 91 отсто гласаа „ДА“ – 36.6 отсто излезност“; „91,3 отсто „ДА“ на референдумот, но со мала излезност“; „Заев решен:Гласот „ЗА“ договорот треба да се почитува“; „Референдум во ПЈРМ: „ДА “со 91 отсто, но без излезност“; „Браво од Ципрас за Заев за одлуката да продолжи со спроведување на договорот“; „Заев: За Преспа ќе одам во Собранието, ако не успеам ќе распишам избори“; се дел од насловите во грчките медиуми.Новинарите во Грција, детално ги пренесуваат изјавите на македонскиот премиер во однос на резултатот, изјавите на лидерот на ВМРО, но ги споменуваат и можните сценарија во однос на процесот на уставни промени, јавува дописничката на МИА од Атина.На референдумот гласаа над 650 илјади луѓе, а над 90 отсто гласаа „ЗА“, изјави во неделата вечерта, премиерот Зоран Заев, потенцирајќи дека народот направи важен избор и одлуката што ја донесе не беше лесна, но требаше да се донесе, пишува грчката новинска агенција АНА-МПА на почетокот од опширниот текст посветен на вчерашниот референдум.АНА-МПА, ги пренесува и изјавите на Христијан Мицковски, на Али Ахмети и на Талат Џафери, како и ставот од МОСТ.– Премиерот на ПЈРМ, Зоран Заев, во неделата се обврза дека ќе продолжи да се стреми кон спроведување на Договорот од Преспа, барајќи гласање во Собранието за да се реши спорот со Грција за прашањето за името, и покрај тоа што излезноста на необврзувачкиот референдум во неделата не надмина 50 отсто од изборното тело, што е потребно за да се смета за валиден, пишува информативниот портал реал.гр што е онлајн издание на весникот „Реал њуз“.– Кусо по завршувањето на изборниот процес, премиерот на ПЈРМ, Зоран Заев, говореше за победа на „ДА“ без да ја спомене малата излезност и додаде дека „волјата на граѓаните треба сите да ја почитуваат – пишува „Катимерини“.Грчките медиуми пренесуваат дека доколку не се постигне мнозинство во Собранието за уставните измени, тогаш ќе се распишат предвремени избори.

Македонија | пред 7 години

7 год.

Растечките тензии на Балканот тема на разговорот меѓу Путин и Вучиќ

Портпаролот на Кремљ, Дмитриј Песков, денеска изјави дека растечките тензии на Балканот ќе бидат една од темите на претстојниот разговор меѓу рускиот и српскиот претседател, Владимир Путин и Александар Вучиќ, иако, додаде тој, посетата на српскиот претседател на Москва не е директно поврзана со ова прашање.„Средбата беше планирана пред неколку месеци, па затоа нејзината реализација не е поврзана со порастот на тензиите во регионот“, рече Песков во Москва, а пренесе агенцијата „Тасс“.Тој нагласи дека народите на двете земји ги поврзува заедничка историја, пријателски чувства и многу широки трговско-економски врски.„Се разбира, растечката тензија на Балканот ќе биде на дневен ред на разговорите кои, повторувам, беа испланирани пред неколку месеци“, истакна Песков.Вучиќ е во работна посета на Русија, а со Путин ќе разговара во текот на утрешниот ден.

Македонија | пред 7 години

7 год.

Нема фотографија

ЕУ: Сега парламентот да ги почне следните чекори за спроведување на спогодбата

На 30 септември граѓаните на Поранешната Југословенска Република Македонија имаа можност да гласаат за иднината на својата земја. Во мирно и демократско гласање, мнозинството од оние што го остварија своето право на глас рекоа „да“ за Преспанскиот договор за името и за својот европски пат, се вели во заедничкото соопштение на високата претставничка на ЕУ Федерика Могерини и комесарот Јоханес Хан за консултативниот референдум во Република Македонија.Парламентот сега ќе биде повикан да ги почне следните чекори за спроведување на спогодбата за името одлучувајќи да ги усвои уставните измени.Ова е историска можност не само за помирување во регионот, туку и за решително поместување на земјата напред на патот кон Европската Унија. Сега сите политички и институционални актери треба да дејствуваат во рамките на своите уставни надлежности надвор од партиските политички линии. Европската Унија ќе продолжи да ја поддржува и да ја придружува земјата, нејзините институции и сите нејзини граѓани, пишува во соопштението.

Македонија | пред 7 години

7 год.

Нема фотографија

Поскапуваат бензините и дизелот

Бензините и дизелот од ноќеска на полноќ ќе поскапат за 1 денар, соопшти Регулаторната комисија за енергетика.Со оваа одлука, новата цена на еуросупер БС-95 ќе изнесува 73,50 денари за литар, на еуросупер БС-98 – 75 денари за литар, а новата цена на дизелот ќе биде 67 денари за литар.Новата цена на екстра лесното масло за домаќинство (ЕЛ-1) изнесува 55,50 денари за литар, а цената на мазутот М-1 НС се зголемува за 1,399 денари и новата цена ќе изнесува 35,750 денари за килограм.

Македонија | пред 7 години

7 год.

Бранко Црвенкоски не гласал на референдумот

Поранешниот претседател и премиер на Македонија Бранко Црвенковски на гласачкото место 2809 се обидел да гласал со пасош, но го немало на избирачки список, известува набљудувачот на „Цивил“ – Центар за слобода.Црвенкосвки во разговор со набљудувачот на „Цивил“ рекол дека ќе се жали во Државната изборна комисија.

Македонија | пред 7 години

7 год.

Нема фотографија

Вилијамсон: Британија ќе испрати 800 војници на Арктикот поради Русите

Велика Британија ќе испрати 800 војници на Арктикот поради загриженоста за зголемената руска агресија во регионот, изјави денеска британскиот министер за одбрана Гевин Вилијамсон.Тој рече дека британска Влада моментално прави „Стратегија за одбрана на Арктикот“ која предвидува распоредување стотици командоси во Норвешка следната година и создавање нова воена база.Според него, Русија повторно ги отворила старите бази од периодот на Советскиот сојуз кои не биле користени со години и ја зајакнала активноста на подморниците, што значи дека Британија мора да ги заштити своите интереси.Вилијамсон рече дека британските министри за загрижени дека „додека се топи мразот на Арктикот“, рускиот претседател Владимир Путин ќе се обиде да „заземе земја и таму да ја интензивира својата активност“.– Наши ловци „Посејдон“ ќе ги следат руските подморници. Тие ќе не штитат и ќе им помагаат на нашите НАТО сојузници. И ќе продолжиме да тренираме со нашите норвешки пријатели, со 800 кралски маринци. Мораме да покажеме дека сме подготвени да се соочиме со заканите, рече Вилијамсон.Во ноември, Британија ќе распореди 3.000 војници во Норвешка како дел од НАТО вежби.Тој додаде дека 2.000 млади ќе се тренираат и за борба против хакерски напади како дел од проект со национален центар за кибер безбедност.

Свет | пред 7 години

7 год.

Нема фотографија

САД: Граѓаните изразија поддршка за членство во НАТО и ЕУ и за Договорот со Грција

САД ги поздравуваат резултатите од референдумот во Македонија на 30-ти септември, на кој граѓаните изразија поддршка за членство во НАТО и ЕУ со прифаќање на Договорот од Преспа меѓу Македонија и Грција, соопшти синоќа Стејт департментот.„САД силно ја поддржуваат целосната имплементација на Договорот од Преспа, кој и овозможува на Македонија да го заземе заслуженото место во НАТО и ЕУ, и ќе придонесе кон регионалната стабилност, безбедност и просперитет. Во периодот што следи кога македонското Собрание ќе почне расправа за уставните измени, ги повикуваме лидерите да се издигнат над партиската политика и да не ја испуштат историската можност да обезбедат светла иднина за земјата, како полноправна членка во западните институции, се наведува во соопштението од Стејт департментот, по одржувањето на референдумот во Македонија“, велат оттаму.

Македонија | пред 7 години

7 год.

Украл морска вода од Јадранското море, мора да плати 1.500 евра

Германец, кој овие денови бил на плажа во близина на Трст во својот камион натоварил 24.000 литри морска вода, е приведен од локалната полиција по дојава од граѓани. Тој е казнет со 1.549 евра, а „украденото“ море морал да го врати во заливот во Трст.Полициајта открила дека 48-годишниот германски државјанин кај населбата Баркола, близу дворецот Мирамаре во својот камион неовластено од Јадранското море испумпал 24.000 литри вода.Германецот при испитувањето признал во полиција дека морската вода сакал да ја превезе во Германија за потребите на еден аквариум со морски риби.

Магазин | пред 7 години

7 год.

Нема фотографија

Три лица исчезнаа на грчкиот остров Евија

Реткиот медитерански ураган наречен Зорба, кој ја погоди Грција донесе силни ветришта и врнежи од дожд, а најмногу е погоден грчкиот остров Евија, каде што засега три лица се водат за исчезнати. Ситуацијата е критична и на јужниот полуостров Пелопонез.Агенцијата „Ројтерс“ објави дека грчката државна телевизија објавила дека на Евија исчезнати се еден млад човек и средовечна двојка, лицата се пријавени дека исчезнале од градот Мантуда, кој се наоѓа на островот.Во написите во медиумите се наведува дека службата за цивилна заштита почнала операција за пребарување и спасување на населението во најпогодените места.

Свет | пред 7 години

7 год.

Нема фотографија

Во Белград почнува Самит на 100 бизнис лидери

Во Белград денеска почнува дводневен седми Самит на 100 бизнис лидери.На самитот ќе учествуваат експерти и министри од регионот кои ќе расправаат за најразлични теми како мобилност во работата, енергетска одрживост, брендирање на регионот и друго.На присутните преку панели ќе се обратат македонскиот заменик премиер Кочо Анѓушев, министерот за надворешна трговија и економски односи на БиХ, Мирко Шаровиќ и министерот за трговија, туризам и телекомуникации на Србија, Расим Љајиќ.Главна тема сае очекува да биде и како да се искористи четвртата индустриска револуција како отскочна даска и на тој начин да се направи „квантен“ скок до развиениот и глобално конкурентниот регион.

Свет | пред 7 години

7 год.

Заев и Ципрас синоќа разговарале телефонски

Грција останува посветена на Договорот од Преспа, објави синоќа грчкото МНР, веднаш по завршувањето на гласањето на референдумот во Македонија за Договорот. Според нивната оценка, резултатите од референдумот се контрадикторни, бидејќи голем дел од општеството го поддржа договорот, друг дел го гледа со скептицизам. Грција, како што се посочува, го почитува изборот на граѓаните од соседната земја. Сепак се додава дека ,според нив, климата на национализам и сомнеж, секојдневните лажни вести и фанатизмот, не дозволувале да се направи трезвена проценка на големите придобивки од договорот и го спречуваат заемното разбирање меѓу народите. -„Следните чекори потребна е трезвеност од сите страни, независно, за да се обезбеди позитивна динамика на Договорот од Преспа, додаваат од Министерството за надворешни работи на Грција, во соопштението за резултатите од референдумот. Премиерите на Македонија и на Грција Зоран Заев и Алексис Ципрас синоќа по завршувањето на гласањето, имале телефонски разговор. Како што пренесе грчката новинска агенција АНА-МПА, Ципрас го поддржал Заев за „одлучноста и храброста да продолжи со спроведувањето на договорот“.

Македонија | пред 7 години

7 год.

Нема фотографија

Почнува академската 2018/2019 година

На универзитетите во Македонија денеска е првиот ден од академската 2018/2019 година, која согласно со новиот Закон за високото образование почнува на 1 октомври наместо на 15 септември.Првиот академски час на Универзитетот „Св. Кирил и Методиј“ симболично ќе биде одбележан на Филозофскиот факултет каде што ќе се обрати ректорот на УКИМ Никола Јанкуловски.

Македонија | пред 7 години

7 год.

САД ги поздравуваат резултатите од референдумот, со кои Македонија ќе го добие заслуженото место во НАТО и во ЕУ

САД ги поздравуваат резултатите од референдумот на Република Македонија на 30 септември, на кој граѓаните ја изразија својата поддршка за членство во НАТО и Европската Унија со прифаќање на Преспанскиот договор меѓу Македонија и Грција.САД силно ја поддржуваат целосната имплементација на Договорот, со што на Македонија ќе ѝ се дозволи да го добие заслуженото место во НАТО и во ЕУ, придонесувајќи за регионалната стабилност, безбедност и просперитет, соопшти американскиот Стејт департмент.Со оглед на тоа што македонскиот парламент сега почнува да размислува за уставните измени, ги повикуваме водачите да се издигнат над партиските политики и да ја искористат оваа историска можност да обезбедат посветла иднина за земјата како полноправен учесник во западните институции, вели Стејт департментот во соопштението.

Македонија | пред 7 години

7 год.

Ванхојте: Не губете време и пари на нови избори, продолжете со работа

Честитки за многуте граѓани кои го поддржуваат Преспанскиот договор и нивната иднина во ЕУ, напиша на својот фејсбук профил Питер Ванхојте, поранешен посредник на ЕУ во процесот од Пржино.„Нема кворум за референдумот за промена на името на Македонија? Штета што од 2016 година, не се направени сериозни напори за детален преглед на регистарот на гласачи и за преиспитување на начинот како да се справи со многуте граѓани кои ја напуштаат земјата и живеат во странство.За Владата: Ја повикувам Владата да не поднесе оставка, но да продолжи со работата, ова е ваша проклета должност! Не губете време и пари за предвремени избори, но ангажирајте се во решавањето на многуте проблеми во вашата земја.Работа за подобрување на економијата, владеење на правото, здравствениот систем, образованието, … И не заборавајте: една загубена битка не значи дека сè е загубено. Да, прифатливо решение за прашањето за името е можно, врз основа на компромисот склучен со Грција – и се уште е на дофат, иако можеби ќе треба да се преиспита процесот и како да се финализира без одлагање. Одете на тоа!“ порача Ванхојте

Свет | пред 7 години