Најнови вести

7 год.

(ВИДЕО) Царовска: Го исполнивме долгогодишното барање на рударите да одат во пензија со бенефициран стаж

Се грижиме за сите граѓани на Македонија и продолжуваме да градиме фер општество во кое секој е важен. Во собраниска процедура се пакет закони со кои граѓаните ќе ги извлекуваме од сиромаштија и очекувам пратениците наскоро да ги изгласаат, порача министерката за труд и социјална политика Мила Царовска пред многубројните граѓани, кои покажаа интерес да учествуваат на трибината „Фер општество – шанса за сите“, која се одржува денеска во Мултимедијалниот центар „Киро Глигоров“ во Општина Штип.„За Штип има добра вест, во 2019 ќе заврши изградбата на нова градинка со капацитет од 200 деца, со што ќе се затвори проблемот со недостиг на места за згрижување на деца,“ порача Царовска на трибината, додавајќи дека во наредниот период и инвестициски и капацитетно ќе се градат градинките.Потенцирајќи дека детската сиромаштија е прескапа за земја како нашата и затоа детски и образовен додаток ќе земаат сите деца кои имаат потреба од тоа, за да создадат услови сите деца да имаат редовно образование и да бидат еднакви. Место сегашните 3.200, детски додаток со реформата ќе земаат 73.500 деца, а образовниот го прошируваме за над 64.000 деца место сегашните 3.800.Царовска подвлече дека кога зборуваме за праведно општество, треба целосно да ја вратиме и социјалната правда во нашата земја.„Трансферираме пари во социјалните семејствата но и ќе работиме истите да се вратат на пазарот на труд. Новиот концепт е висок минимален гарантиран приход но и брза активација на пазарот на труд на лицата од социјален ризик“, додаде Царовска.„Во Штип којшто е текстилен град работниците земаа плата која е под нивото на минималната плата. Ние ја зголемивме минималната плата која сега изнесува 12,126 денари со тоа ја отворивме спиралата на раст на плати и просечната плата порасна за 5,6 проценти”, рече Царовска.Царовска додаде дека е исполнето и долгогодишното барање на рударите да одат во пензија со бенефициран стаж.Рударите ќе одат во пензија со 40 години стаж за мажи и 35 години стаж за жени. Досега, благодарение на овие законски измени околу 50 рудари ќе заминат во пензија порано, користејќи го бенефицираниот стаж, со што и се обновува работната сила во рударството.Осврнувајќи се на Гаранцијата за млади, Царовска објасни:„За да можеме да ја намалиме невработеноста на младите на возраст од 19 до 25 години во Оперативниот план и минатата година и годинава се спроведува младинската гаранција, што не прави единствена држава што не е во ЕУ, а ја имплементира. Се враќа довербата помеѓу Агенцијата за вработување и младите луѓе“, рече Царовска во своето обраќање додавајќи дека очекува вклучување и од бизнис заедницата.Трибината, каде учествува и министерката за правда Рената Дескоска е интерактивна дебата со граѓаните и заинтересираните субјекти за реализацијата на политиките на праведна социјална реформа која обезбедува фер општество, еднакво за сите.

Македонија | пред 7 години

7 год.

Прилепчанец нападнат од двајца браќа поради должничко доверителски односи

На 08.02.2019 година во 18,00 часот во Полициската станица Прилеп С.М.(42) од Прилеп пријавил дека истиот ден околу 14,00 часот отишол во домот на Џ.О. со цел да се договорат околу нерасчистени должничко доверителски односи, а присутни биле и неговата сопруга и брат, по што настанала вербална расправија и во еден момент Џ.О. со тврд предмет го удрил пријавителот во пределот на левото рамо, а потоа и неговиот брат физички го нападнал.Се преземаат мерки за целосно расчистување на случајот.

Македонија | пред 7 години

7 год.

При претрес во Скопје пронајдени марихуана, амфетамини и хашиш

Секторот за внатрешни работи Скопје поднесе кривична пријава до Основното јавно обвинителство – Скопје против Г.Ѓ.(27), поради постоење на основи на сомнение дека сторил кривичното дело „Неовластено производство и пуштање во промет наркотични дроги, психотропни супстанции и прекурсори“ предвидено и казниво по член 215 од Кривичниот законик на РМ.Имено, на 06.02.2019 година, врз основа на судска наредба извршен е претрес во домот каде што престојува пријавениот, при што пронајдени се марихуана, амфетамини, хашиш-масло и други предмети. Лицето е лишено од слобода и задржано во Полициската станица Гази Баба за понатамошна постапка.

Скопје | пред 7 години

7 год.

Откако службен весник објави стануваме Северна Македонија

Министерството за надворешни работи (МНР) информира дека ќе го објави во Службен весник датумот на влегување во сила на Уставните амандмани и Уставниот закон.“По исполнување на сите правни услови за влегување во сила на Конечната Спогодба и Уставните амандмани, Владата на Република Македонија, ќе го објави во Службен весник датумот на влегување во сила на Уставните амандмани и Уставниот закон.Потоа, Република Северна Македонија и Грција ќе достават заедничко писмо до Генералниот секретар на ООН, со кое го информираат Антонио Гутереш за датумот на влегување на сила на Конечната Спогодба, со што се става крај на повеќедеценискиот билатерален спор меѓу двете земји.По ова, Република Северна Македонија на соодветен начин ги информира: Секретаријатот на ООН, земјите-членки, земјите набљудувачи на ООН, како и сите останите меѓународни организации чија членка е, за настанатите промени”, се вели во соопштението на МНР

Македонија | пред 7 години

7 год.

Mинистерот Адеми ја вработил својата сестра во ЕЛЕМ

Асаф Адеми, министерот за култура, ја вработил својата сестра во ЕЛЕМ, објави Тетовасот.Во редакцијата на порталот стигнаа пораки од активисти на Движењето Беса кои сметаат дека министерот Асаф Адеми неодамна ја ангажирал својата сестра во ЕЛЕМ, оставајќи ги членовите на партијата без работа.Нивните забелешки не завршуваат тука. Општинскиот советник на од редовите на Беса, Телат Фетаи ја вработил неговата жена во општина Гостивар.Тие, исто така, објавија дека Емерли Асани, член на Централниот совет на движењето Беса, ја вработил неговата жена во Палатата на културата во Гостивар.Инаку министерот Адеми беше дел и од скандалот во Фондот за иновации, затоа што неговата сопруга добила средства од Фондот.

Македонија | пред 7 години

7 год.

(ФОТО) СКАНДАЛ: На работното место доктори за медицина примени лица кои воопшто ги немало на ранг листата

На Фејсбук страницата Асоцијација на специјализнати и млади лекари се појави фотографија на која на работното место доктори за медицина во О.Е. Интерно одделение се примени лица кои воопшто ги немало на ранг листата.„Властите, ЛКМ и ЗЛС молчат, ние не!Каков е овој скандал и неправда!Првата слика е ранг листата а втората примени кандидати, срамота!Бараме одговорност за овој фашизам“, стои во објавата на Фејсбук.

Македонија | пред 7 години

7 год.

Додека била вршена контрола врз багаж на Скопскиот аеродром и биле земени 3.000 евра

Во 12,45 часот на Граничниот премин “Меѓународен Аеродром-Скопје“ од Стокхлом-Шведска допатувала 47-годишната A.B.P.E. од Глоговац-Косово, а со место на живеење во Шведска.По извршената пасошка контрола и проверка дозволен и бил влез во Македонија, но во 13,15 часот од страна на вработен во безбедност на ТАВ, било пријавено дека таа сака да пријави настан на полициските службеници. Од страна на A.В.Р.Е. било пријавено дека додека и била вршена контрола врз нејзиниот багаж од двајца царински службеници и биле земени 3.000 евра.Се работи на расчистување на случајот.

Скопје | пред 7 години

7 год.

29 годишен македонец загина во тепачка во Австралија

29-годишен македонски државјанин почина како последица на жестока тепачка која се случила во австриската провинција Регау, во градот Веклабрук, соопшти австриската полиција, а пренесе порталот Лаумат.– „29-годишен македонски државјанин им подлегна на повредите. Уште девет лица биле вклучени во тепачката и истите ќе бидат приведени. Телото на починатиот е предадено на Обдукција , која треба да ги открие причините за смртта“, соопштуваат од обвинителството, пренесе „Лаумат“.Идентитетот на младиот македонец сеуште не се открива.

Македонија | пред 7 години

7 год.

Министерот за култура се правда: Повторно ќе ги разгледаме одбиените проекти

Министерот за култура Асаф Адеми денеска во Берлин, во врска со реакциите на јавноста за резултатите од Годишните конкурси на Министерството за култура, пред медиумите ја даде следната изјава:-Со должно внимание ги проследив сите забелешки и коментари кои се однесуваат на објавените резултати од Годишните конкурси на Министерството за култура. Големиот одзив кон објавените резултати покажува дека сме на линија со нашите заложби транспарентно и отчетно, без никакви предрасуди да донесеме Програма која ќе го поттикме развојот на културата во државата.Како човек и како министер за култура длабоко ги респектирам авторите, уметниците, институциите и сите оние кои делуваат во областа на културата и нема да дозволам овие резултати по Годишните конкурси да остават чувство на горчина и незадоволство кај луѓето од културата.Би сакал да ја информирам јавноста дека сите одлуки за одбиени апликации ќе бидат поништени и повторно разгледани и доколку се утврдат недоследности, листата на поддржани проекти ќе биде дополнета. Со цел поголема транспарентност на целиот процес ќе бидат поканети и претставниците на медиумите. Воедно ги поканувам сите засегнати апликанти кои имаат потреба, да се обратат во Министерството за култура за информации поврзани со нивните проекти. Наша цел е да ги стимулираме и соодветно да го вреднуваме придонесот на уметниците, институциите од културата, независниот културен сектор, и во таа смисла остануваме силно посветени на оваа наша определба, рече Адеми.За време на својот престој во Берлин министерот Адеми ќе оствари повеќе работни средби, а ќе присуствува и на утрешната премиера на новиот македонски филм „Господ постои, името ѝ е Петрунија“ на Теона Стругар Митевска кој е во главна селекција на Берлинскиот филмски фестивал.

Македонија | пред 7 години

7 год.

(ВИДЕО) Вељановски: Г-дине Адеми Вам не Ви е света македонската култура, ВМРО-ДПМНЕ бара неотповиклива оставка

СДСМ продолжува со системско уништување на културата во Република Македонија. Ако мината година Годишната програма на Министерството за култура беше скандалозна, тогаш овогодинашната програма е трагична. Станува збор за општ грабеж на народните пари. Криминалната и одродена власт, предводена од аболицираниот Заев, уште еднаш покажа дека не бира ниту метод, ниту начин како да стигне до буџетските средства, до парите на македонските граѓани, изјави Роберт Вељановски од ВМРО-ДПМНЕ на денешната прес-конференција.„СДСМ континуирано, две и пол години уништува реномирани установи, институции и уметници во културата, а притоа финансира анинимуси на културната сцена. Оваа година средства во програмата за култура нема за „Скопскиот џез фестивал“, и за „Оффест“, а значително помали суми од оние кои ги побараа и се потребни за реализирање на програмата добија „Фолк фест Валандово“ и фестивалот „Таксират“. Кратењето на средствата за голем дел од реномираните музички фестивали може да значи и нивно замирање на македонската културна сцена.Забележлив е и фактот дека средства се доделуваат исклучиво по етничка линија, со што дополнително се зголемува поделбата во македонското општество кое заради Заев и неговите политики е поподелено од кога и да е. Па така Националниот ансамбл за народни игри и песни на Македонија „Танец“ доби поразителни 150 илјади денари, додека новоформираниот ансамбл за албански ора и песни од Министерството за култура доби 800 илјади денари“, изјави Вељановски.Тој даде дека фестивалот „Таксират“ аплицирал за помош од 6 милиони денари, а добил 500 илјади денари што е за 12 пати помалку од побараната сума, додека за фестивал во Тетово и за концерт, здружението „Артал“ од Тетово добило неверојатни 3,6 милиони денари.„Почитуван г-дине Адеми, тоа што министерската функција не Ви е света е Ваш избор, проблемот го лоцираме во фактот што Вам не Ви е света македонската култура.Веќе две и пол години македонската култура е во владение на дилетанти.Време е за оставки, ВМРО-ДПМНЕ го повикува министерот за култура, во Владата на Зоран Заев, г-динот Асаф Адеми да понесе неотповиклива оставка. Крајно време е и некадарните кадри на СДСМ, националниот координатор за култура Робер Алаѓозовски и советничката за култура на Заев, Цветанка Ласкова да поднесат оставки и да ја ослободат македонската култура од нивните антимакедонски политики.ВМРО-ДПМНЕ ги повикува и сите Претседатели и членови на комисиите по дејности во културата, да понесат одговорност за системското уништување и деградирање на културата во изминативе две и пол години. ВМРО-ДПМНЕ бара и итно и неодложно повлекување на целата Годишна програма за работа во културата за 2019 година, а не само за делови од неа како што најави експертот за сите области Зоран Заев.Во спротивно ВМРО-ДПМНЕ го повикува Социјалдемократскиот сојуз да се охрабри и да излезе на избори, за да утврди дали граѓаните се согласуваат со нивните политики, вклучително и со политиката во културата која, за жал, ја потоморува македонската култура“, изјави Вељановски.

Македонија | пред 7 години

7 год.

Дескоска: Ги намаливме извршителските трошоци, трошоците за нотаријатски услуги и судските трошоци за комуналните сметки

Министерката Рената Дескоска на трибината „Силна економија - шанса за сите“ во Штип, правејќи ретроспектива на реформите кои се направија за седум месеци додека е на функцијата прв човек на Министерството за правда истакна дека е направен голем напредок, во заштита на социјално ранливите граѓани но и во други сегменти со кои создаваме правично општество. Овој напредок ќе финишира во јуни кога треба да се усогласи нашата законска регулатива со критериумите кои се бараат за членството во НАТО и преговорите со Европската Унија.„Ја усогласивме законската рамка и не отстапивме од она што беше во нашата програма, за дополнителна заштита на социјално ранливите групи граѓани и заштита на некои други групи, да не им се блокираат сметките.Направивме листа и соодветен систем во кои лицата кои примаат помош не смеат да бидат блокирани за неплаќање на комуналните сметки и тука се ограничени трошоците за извршителите да не е поголем од 20 проценти.Излезе новиот Тарифник, каде 16 ставки кои порано се плаќаа сега веќе немаат право извршителите да ги наплатуваат. Голем дел од другите трошоци се намалени за 50 проценти некои дури и повеќе, поради тоа што сметавме дека беа нереални приходите кои што ги добиваат извршителите“, рече Дескоска пред насобраните граѓани кои присуствуваат и учествуваат на дебатата.Министерката Дескоска ги спомена измените и во Законот за нотаријат каде што се предвидува граѓаните да не треба да плаќаат судска такса за издавање на нотарски платен налог за комуналните трошоци. Дескоска потенцира дека нема повеќе да се плаќаат дополнителни трошоци, што се направи со исклучувањето на судските такси, со цел да се подобрат условите за живот на граѓаните.Министерката Дескоска, заедно со министерката за труд и социјална политика Мила Царовска денеска учествува на трибината „Фер општество - шанса за сите“, заедно со граѓани и граѓански здруженија. Се дискутира за придобивките на граѓаните од реформите, со кои се создава фер општество, се намалуваат разликите по било која основа и се повеќе пари завршуваат назад, кај граѓаните.

Македонија | пред 7 години

7 год.

(ВИДЕО) Прентовиќ: Со мерката ,,зелена нафта" 200 милиони денари ќе завршат кај околу 55.000 земјоделци

Социјалдемократскиот сојуз на Македонија, преку Владата и парламентарното мнозинство, покажува што значи вистинска грижа кон земјоделците, изјави Татјана Прентовиќ од СДСМ на денешната прес-конференција.„Новите развојни мерки и програми обезбедуваат целосна и навремена поддршка, намалени трошоци, а со тоа и повеќе пари кај земјоделците.Годинава, за првпат се воведува субвенцијата за набавка на гориво за земјоделска механизација, популарно наречена „зелена нафта“. Со што се реализира уште една мерка од Програмата на Владата во интерес на земјоделците.Со мерката „зелена нафта“ земјоделците што имаат поледелски, градинарски, овошни култури и лозови насади добиваат поддршка од 30 отсто од трошоците за набавка на нафта за земјоделската механизација“, вели Прентовиќ.Таа додаде дека со ова финаниско олеснување на земјоделците, им се намалуваат трошоците за производство, со што остануваат дополнителни пари во нивниот домашен буџет.„Вкупната државна поддршка за мерката изнесува 200 милиони денари или околу 2 милиони евра, а со неа ќе бидат опфатени 55.000 земјоделци.Покрај оваа мерка, усвоени се нови програми што обезбедуваат зголемена помош, повеќе пари и за овоштарите, поледелците, сточарите, производителите на ориз, млеко и сончоглед.Остануваме посветени на спроведување на земјоделските политики што обезбедуваат повисока дирекна и индирекна помош, поголема контрола и одговорност и на државата и на земјоделците. Воведуваме мерки што ќе го унапредуваат, развиваат и постепено ќе го прилагодуваат земјоделството кон стандардите на европската унија со цел развој, конкурентност и повисок приход во една од најзначајните гранки во нашата држава“, изјави Прентовиќ.

Македонија | пред 7 години

7 год.

(ВИДЕО) Славева: СДСМ и Венко Филипче наместо како што ветуваа дека ќе дојде живот, носат смрт

Владата предводена од СДСМ и министерот за здравство Венко Филипче наместо како што ветуваа дека ќе дојде живот, носат смрт. Револтот на граѓаните од ден на ден расте, изјави Маја Славева од ВМРО-ДПМНЕ на денешната прес-конференција.„Филипче и Заев се однесуваат скандалозно, си поигруваат со здравјето на граѓаните.Епидемијата со морбили излезе од контрола. Во период на епидемија бројката на заболени расте и сега има повеќе од 200 лица со морбили. На праг е епидемија со грип, а нема никакви мерки. Има околу 1.300 лица заболени со грип.Нема мерки, но има жртви! Почина шестмесечно бебе од морбили, почина петгодишно девојче од грип.Во „играта“ чинат - нечинат вакцините, не дадовте одговори, а кај родителите направивте хаос во главите. Предизвикавте контра ефект па и најголемите поборници на вакцинирањето сега се сомневаат и имаат дилеми.Што правите сега со грипот? Ќе преземете ли мерки“, вели Славева.Таа додава дека скандалите не завршуваат со ова. На Клиниката за стоматологија во 21 век се појави смртоносна бактерија МРСА.„Нагласивте „нема опасност од зараза“?! Се покажа дека уште еден е заболен. Тоа ли е вистината, министре?Граѓаните не ви веруваат.Сега ветувате дека изградбата на новиот клинички ќе стартува до крај на годината. Навистина? Се е подготвено?!Се што правите укажува на неспособност и аматеризам, лажење на граѓаните.За краток период се случија, во најмала рака, многу пропусти. Нема јасни одговори, уште помалку одговорност за толку многу пропусти и трагедии во за краток период.Ова е скандалозно однесување. За ова несомнено одговорност треба да понесе министерот Филипче и неговиот ментор Зоран Заев. Ова е причина зошто СДСМ мора да си замине. Излезете на избори и видете што мислат граѓаните за хаосот што го предизвикавте во здравството“ изјави Славева.

Македонија | пред 7 години

7 год.

ВМРО-ДПМНЕ: СДСМ и в.д градоначалникот Константин Георгиески спроведуваат чиста изборна корупција и поткуп на гласачи во Охрид

СДСМ и в.д градоначалникот Константин Георгиески спроведуваат чиста изборна корупција и поткуп на гласачи, изјави Перчо Божиновски портпарол на ВМРО-ДПМНЕ ОК Охрид.„На денот кога се распишаа претседателските и локалните избори се случува брутална партизација. Уште пред да почне изборниот процес истиот е деградиран. Масовното вработување во јавните претпријатија непосредно пред локалните избори го имавме минатиот месец со 70 вработувања, а сега со над 25 нови во ЈП „Проаква“ и над 15 нови во другите јавни претпријатија.Георгиески да одговори дали заедно со директорите спроведуваат брутална партизација во јавните претпријатија?“, вели Божиновски.Тој додава дека СДСМ и Георгиески пред да дојдат на власт кажуваа дека администрацијата и јавните претпријатија се преполни.„Ветуваа дека нема да има партиски вработувања, туку еднаков пристап на секој граѓанин до секое работно место, за сега да гледаме како администрацијата и јавните претпријатија се полнат со партиски лица од СДСМ.Кога лажеа повеќе, тогаш кога ги уверуваа охриѓани дека има превработеност или сега откако веќе една година е зголемена цената на вода за да се плаќаат новите партиски вработувања со парите на граѓаните?Ова е уште еден доказ дека СДСМ нема намера да реализира ниту еден проект, туку само ги интересира криминал. Го повикуваме Георгиески да се одважи од партиските наредби и да застане на страна на сите граѓани на Охрид.Што побрзо СДСМ си замине од власт толку подобро за охриѓани“, изјави Божиновски.

Македонија | пред 7 години

7 год.

52059831_561013994308778_8470467869048569856_n

Мицкоски почна кампања со која бара оставка од Филипче

Лидерот на ВМРО ДПМНЕ Кристијан Мицкоски ја води кампањата за оставка на Владата предводена од СДСМ ,а денес на својата официјална Фејсбук страна објави видео спот во кој се поместени делови од телевизиски прилози емитувани во вестите на телевизиите, а во кои се објавуваат смртни случаи , афери и други несакани настани во здравството.Со видео материјалот Мицкоски на Фесјбук објави и статус во кој повикува министерот Венко Филипче да се повлече од функцијата и да поднесе оставка.„Здравството е пред колапс.Неспособноста, негрижата и неодгoворноста на министерот Филипче и премиерот Заев ја плаќаат граѓаните.Граѓаните ја изгубија довербата. Состојбите од ден на ден стануваат се полоши. Хаосот во здравството чини човечки животи. Граѓаните не можат да дојдат до лекови. Тендерите им се поважни од граѓаните. Понижувања на медицинските работници.Оставка веднаш.Промени и избори на кои народот ќе одлучува. “ - пишува Мицкоски.https://www.facebook.com/MickoskiHristijan/videos/561010754309102/?t=0Пушти-3:46Дополнителни визуелни подесувањаВлези, прегледај и листајКликни за да зголемишИсклучи тон

Македонија | пред 7 години

7 год.

(ВИДЕО) Економистка од универзитетот Кембриџ се појавила гола на интервју, пораката е “Брегзит ќе ја остави Британија гола”

Џон Хамрис, водител на “BBC Radio”, се шокирал кога економистка од универзитетот Кембриџ се појавила гола на интервју.Д-р Викторија Бејтмен која често и предава гола, го изненадила овој водител кога ја соблекла јакната и ја продолжила дебатата за Брегзит без облека, а водителот се збунил.“Ох, гледам дека сте голи”, рекол Хамрис и им објаснил на слушателите дека Викторија има напишано на своето тело “Брегзит ќе ја остави Британија гола”.На прашањето зошто имала потреба да се соблече гола додека разговара за Брегзит, таа одговорила:„Напишав илјада зборови за тоа зошто Брегзит е лош за Велика Британија, но сакав сето тоа да го соберам во една силна порака. Брегзит е царевото ново руво. Британија само себе си продаде нешто што не може да го испорача. Во целост се чувствувам добро во своето тело. Луѓето брзо ги проценуваат жените на основа на нивните тела“ – објаснила таа.Сѐ уште не е познато дали од “BBC” знаеле дека Бејтмен има намера да се соблече во текот на интервјуто, а слушателите тврдат дека водителот видно се збунил додека таа го истакнувала своето мислење за Брегзит.Интервјуто со неа било договорено откако ден претходно таа расправала на Твитер со новинарот Пирс Морган и објавила видео снимка на која гола зборува за женските права ширум светот. Ваквата снимка, Морган ја нарекол “смешна” и ѝ кажал да облече нешто пред да настине. Извори од “BBC” велат дека нејзината голотија на интервјуто е одговор на негативните коментари, како и поради тоа што нејзиното предавање за Брегзит во јануари предизвика бура во јавноста.

Свет | пред 7 години

7 год.

Возачот на авобусот е во шок, сака да ја види водителката Деа, таа сеуште е во шок соба

Возачот на автобусот кој во четвртокот во шест наутро и ја откина раката на водителката Деа во Белград, сака да ја посети по несреќата. Бојан Јовановиќ е уште во шок по несреќата.Неговиот татко за српските медиуми вели дека Бојан тоа утро возел полека и сакал да ги избегне автомобилите. Според него, Бојан е свесен возач кој вози со години.Инаку Деа Џурџевиќ во несреќата се здоби со сериозни повреди. Според еминентниот доктор Вучетиќ голема среќа во несреќа што настанот се случил пред самата врата на една болница и што за многу кратко време успеале да се соберат најеминентните експерти од Клиничкиот центар Србија и Военомедицинската академија."Деа Џурџевиќ имаше многу тешка повреда која беше високо над лактот, што е многу неблагодарно за зачувување на екстремитетот. Имаше голем број на повреди во подолгиот сегмент на раката. Имавме трка со времето, и повредата и операцијата беа на границата на невозможното, но успеавме! Наредните неколку дена се клучни за нејзината состојба да се стабилизира и да влезе во мирен тек, но засега е добро", истакнал за српски "Kurir" доктор Чедомир Вучетиќ, лидер на Одделението за коскени инфекции во Клиниката за ортопедска хирургија и трауматологија KCS и микрохирург кој заедно со доктор Марко Бубаширевиќ, ја оперирал водителката Деа Џурџевиќ."Клучно беше циркулацијата во раката да се воспстави во шест до осум часа откако успеавме. Оперативниот тек беше регуларен и течеше по план, без дополнителни компликации. Уште е рано за било какви прогнози, но ситуацијата засега е добра. Да се има екстремитет е клучна работа, иако заздравувањето ќе биде долго и раката можеби ќе има извесни функционални ограничувања", вели Вучетиќ.Чедомир Вучетиќ е професор на Медицинскиот факултет и еден од пионерите за микрохиругрија во Србија. Меѓу операциите кои ги направил, позната била таа кога во 2017-та година спасил целосно отсечена рака од машина.

Магазин | пред 7 години

7 год.

Александар Трајковски тврди дека добил дисциплинска постапка бидејќи немал право на иследување во странство

Царинскиот службеник Александар Трајковски, на својот Фејсбук профил напиша дека против него е покрената дисциплинска постапка која како што вели е спротивна на мноштво закони.„Царинската управа продолжува да ја реализира фингираната дисциплинска постапка против мене која е класичен пример за политички реваншизам кон мене како истакнат член на ВМРО-ДПМНЕ а вооедно и Советник во Советот на Општина Гази Баба. На еден ден пред распишувањето на претседателските избори е донесено Решение за формирање на комисија за утврување на моја одговорност, што го сметам за директен политички притисок кон мене во пресрет на изборите.Дозволете да ја информирам јавноста за основата за покренувањето на дисциплинската постапка како и тоа дека истата е спротивна на мноштво закони, е фингирана и има за цел политички реваншизам.Целокупната дисциплинска постапка е заснована на база на мислење на комисија од Лекарската комора на Република Македонија во кое комисијата на Лекарската комора вели дека не било потребно второ мислење за мојата здравствена состојба и дека не сум имал право на иследување во странство бидејќи не биле искористени сите ресурси за лекување во здравствениот систем на Република Македонија:Никој неможе да ми го ускарти правото на второ лекарско мислење за состојбата на моето здравје. Со ваквото мислење на Лекарската комора е повреден Членот 39 од Уставот на Република Македонија вели: На секој граѓанин му се гарантира правото на здравствена заштита. Граѓанинот има право и должност да го чува и унапредува сопственото здравје и здравјето на другите. Исто така повреден е и членот 9 од Законот за заштита на правата на пациентите кој вели: Секој има право на второ лекарско мислење. Наводите дека не се искористени сите ресурси за лекување во здравствениот систем на Република Македонија се ирелевантни затоа што испитувањата во странство кои ги извршив не е на товар на државата туку во сопствена режија и на сопствен трошок. Ваквото мислење на комисијата на Лекарската комора ги крши моите основни човекови права и слободи загарантирани со Универзалната декларација за човекови права на Организацијата на Обединетите нации и Европската Конвенција за Човекови права.Мислењето на Лекарската комора на Република Македонија е издадено врз основа на Правилникот за состав и начин на работа на комисиите за контрола на оцената за привремена спреченост за работа. Мислењето кое лекарската комисија при Лекарската комора го издала е спротивно на самиот Правилник бидејќи во истиот јасно стои дека: Комисиите свое мислење даваат врз основа на медицински преглед на осигуреникот, во мојот случај јас не сум повикан на медицински преглед од страна на комисија на Лекарската комора а издадено е мислење. Овој факт го докажува тоа дека оваа постапка е фингирана и има за цел политички реваншизам кон мене.Имајќи предвид дека е извршена повреда на самата постапка која претходела на поведувањето на оваа фингирана дисциплинска постапка па донесувањето на одлука со која би бил казнет по автоматизам би била незаконита.Со сето ова како и со незаконските прераспоредувања уште еднаш се докажува дискриминаторското однесување по основ на политичка припадност од страна на раководството на Царинската управа кон мене“, стои во објавата на Фејсбук.Царинскиот службеник претходно зел боледување од работа за да изврши специјалистички преглед за синусите и дишните патишта. За неговиот престој во Будимпешта се дозна кога на социјалните мрежи се појави фотографија на која е заедно со Никола Груевски.

Македонија | пред 7 години

7 год.

По десетти пат Школа за млади лидери на претседателот Иванов

Вкупно 40 учесници и над 20 предавачи од Македонија, Европа и светот ќе бидат дел од 10-та Школа за млади лидери, што по иницијатива на Претседателот на Република Македонија, д-р Ѓорге Иванов, ќе се одржи од 11 до 22 февруари во Струга.Програмата на школата опфаќа предавања и обуки во сферите на лидерството и менаџментот од страна на еминентни предавачи и гости од врвни образовни и професионални институции, менаџмент-симулации и практични вежби.Идејата на претседателот Иванов е да се овозможи на младите талентирани и амбициозни луѓе да ги надградуваат и усовршуваат своите вештини, да ја развиваат својата креативност и менаџерски способности.На свеченото отворање на десеттата Школа за млади лидери во понеделник, 11 февруари 2019 година, во Струга, покрај претседателот Иванов, ќе се обрати и д-р Талал Абу-Газалех, претседател на Tag-org, глобалната организација за професионални услуги и едукација. На првиот ден од Школата за млади лидери предавање ќе одржи г. Сани Шенер, извршен директор на ТАВ аеродроми, а ќе се одржи и панел дискусија за предизвиците на 4-та индустриска револуција, тема што ќе биде во фокусот на десеттата Школа за млади лидери.Меѓу предавачите на годинешната Школа за млади лидери се г-ѓа Пинар Ајваз Арикан, Генерален Директор на Turkish Airlines во Скопје, г. Штефан Петер, Претседател на извршниот одбор на ЕВН Македонија, г-ѓа Фанија Самак од компанијата Микросам од Прилеп, г-ѓа Нина Ангеловска, коосновач на Grouper.mk, г-ѓа Љупка Арсова, Инженер за животна средина во Источната Истражувачка група, со седиште во САД, д-р Разије Невзат, Координатор на Одделот за социјални медиуми и дигитален маркетинг на Источен Медитеран Универзитет, г. Хозе Антонио Моралес, директор на Lincoln Island Initiatives, со седиште во Словенија, д-р Рашела Мизрахи од Бар Илан Универзитет, Израел, г. Методија Колоски, Претседател на Обединетата Македонска Дијаспора, г. Тонис Нирк, дипломатски претставник за дигитална економија од Естонија. Предавања на школата ќе одржат и други истакнати поединци, лидери на успешни компании, и претставници на етаблирани институции од Македонија, Европа и светот.Во рамки на одржувањето на 10. Школа за млади лидери, учесниците ќе го посетат новиот аеродром во Истанбул, отворен во октомври 2018 година, каде ќе бидат запознаени со неговото менаџирање како најголем аеродром во светот, а ќе го посетат и седиштето на авиокомпанијата Turkish Airlines.Школата за млади лидери е лична иницијатива на Претседателот на Република Македонија, д-р Ѓорге Иванов. Во изминатите девет години на школата учествуваа 360 млади луѓе и над 200 реномирани предавачи, меѓу кои поранешниот Генерален секретар на ОН, г. Бан Ки-мун, поранешните претседатели на Чешка и на Латвија, г. Вацлав Клаус, г-ѓа Ваира Вике – Фреиберга и г. Валдис Затлерс, поранешните претседатели на Србија, на Бугарија и на Албанија, г. Борис Тадиќ, г. Георги Прванов, г. Петар Стојанов, г. Бамир Топи и г. Реџеп Меидани, поранешниот потпретседател на Европската комисија и поранешен министер за надворешни работи на Италија, г. Франко Фратини, претседателите на Светската и на Европската академија на науките и уметностите, г. Иво Шлаус и г. Феликс Унгер, како и голем број амбасадори, функционери од Европската унија, директори на меѓународни институти и успешни бизнис компании и професори од реномирани светски универзитети.Школата за млади лидери беше прогласена за најдобар социјално одговорен проект во Европа за 2017 година од страна на Светскиот форум на бизнис ангели, а по тој повод оваа организација во 2018 година на претседателот Иванов му ја врачи наградата за Најдобар светски лидер кој инвестира во новата генерација.Учесниците на досегашните школи се организирани во Алумни асоцијација – ИСЛАА, регистрирана како посебно здружение, каде низ семинари, панел дискусии, предавања и учества во младински настани, се овозможува продолжување на развојот на нивните знаења и вештини.

Македонија | пред 7 години

7 год.

Османи: Македонија останува доверлив партнер на САД во регионот, силно посветена на промоцијата на западните вредности

Заменик Претседателот на Владата задолжен за европски прашања, Бујар Османи во рамките на неколкудневната работна посета на Вашингтон, оствари средба со Вилијам Беркли, директор за НАТО и Европски прашања во Националниот Совет за Безбедност при администрацијата на Белата куќа„Веројатно не постои подобар тајминг за оваа средба, имајќи го предвид и формалното потпишување на протоколот за НАТО, со што Македонија и официјално седнува на столчето во евроатланската алијанса“ – изјави Османи на средбата, посочувајќи го овој успех како заеднички интерес на сите НАТО земји, а за што упати особена благодарност за поддршката на САД во овој процес.„Македонија останува доверлив партнер на САД во регионот, силно посветена на промоцијата на западните вредности, демократијата и стабилноста во регионот“ изјави Османи, пренесувајќи ја пораката од страна на Владата за посветеноста кон реформскиот процес, изградбата на стабилни и цврсти институции, како и добри односи со соседите. Османи посочи на активностите во реформскиот План 18, како основа и за напредок и во евроинтегративниот процес, посочувајќи на нашите очекувања за уште еден позитивен извештај и препорака од страна на Европската Комисија, како основа на која очекуваме почеток на преговорите со ЕУ оваа година.На денешната Агенда на Османи се и посетите на најголемите американски меѓународни институти, каде ќе оствари средба со Пол МекКарти, регионален Директор за Европа при Меѓународниот Републикански Институт ИРИ (IRI), како и со Шери Брајан, Потпретседател на Демократскиот Национален Институт НДИ (NDI). Претходно, Османи учествуваше и на тркалезната маса каде пред претставниците на една од највлијателните тинк-тенк организации во САД чија тема е соработката на САД и Европа - „Германскиот Маршалов Фонд“ (German Marshal Fund), имаше свое обраќање на тема: „Следните чекори: Македонија на пат кон демократските реформи и членството во НАТО и ЕУ“ (Next Steps: Macedonia on the Road to Democratic Reform, NATO and EU Membership)

Македонија | пред 7 години

7 год.

Спасени двајца тетовци што залутале на Попова Шапка

Триесет и шестгодишниот тетовец Љ. С, вчеравечер ( 7 февруари ) околу 19 часот и 30 минути, во Полициското одделение Попова Шапка пријавил дека 29-годишниот М. Љ. и 45-годишниот Ш. Ф, исто така, од Тетово, се оддалечиле од групата со која заедно скијале на потегот од Лисец кон Долно Палчиште, по што заталкале и веќе не биле достапни на нивните мобилни телефони.Веднаш e организирана потрага по двете лица, во која учествуваа повеќе полициски службеници од Секторот за внатрешни работи Тетово, а во содејство со Горскоспасителна служба, кои со ратрак, сопственост на „ЕЛЕМ турс“ се упатиле кон посочените места и ноќеска ( 8 февруари ) околу 2 часот и 30 минути лицата се пронајдени, а потоа пренесени до Долно Палчиште, од каде со полициско возило, биле пренесени до нивните домови.

Македонија | пред 7 години

7 год.

Приведени две лица од Гостивар поради поседување на хероин

На 09.02.2019 година во Гостивар од страна на полициски службеници биле лишени од слобода лицата В.А.(45) од с.Неготино-гостиварско и Ј.Т.(38) од Гостивар бидејќи при личен преглед кај нив бил пронајден хероин.Лицата биле приведени во Полициската станица Гостивар за понатамошна постапка. По целосното расчистување и документирање на случајот ќе следи соодветен поднесок.

Македонија | пред 7 години

7 год.

Нема фотографија

Гостиварчанец организирал игри на среќа без лиценца

На 08.02.2019 година околу 21,45 часот од страна на полициски службеници извршена била контрола во угостителски објект во с.Добридол-гостиварско сопственост на В.Џ.(57), при што била пронајдена опрема за организирање игри на среќа “Кено“ за која сопственикот не поседувал документи, односно приредувал игри без лиценца.Пронајдената опрема била фотодокументирана и одземана за понатамошна постапка. По целосното расчистување и документирање на случајот ќе следи соодветен поднесок.

Македонија | пред 7 години

7 год.

Нема фотографија

Малолетничка се здоби со тешки телесни повреди откако автомобил удри во ограда од двор

На 09.02.2019 година во 02,30 часот било пријавено дека во Берово на раскрсницата од улицата „Пионерска“ и улицата „Карпош“ патничко моторно возило “БМВ X5“ со бугарски национални ознаки, управувано од М.К.(31) од Берово, удрило во метална ограда од двор.Во незгодата со тешки телесни повреди се здобила 17 годишна сопатничка, која со возило на Итна медицинска помош-Берово била пренесена во Клиничката болница во Штип, а потоа во Комплексот клиники “Мајка Тереза“ во Скопје.Увид на местото на настанот извршила увидна екипа од Полициската станица Берово и се работи на целосно расчистување на случајот.

Македонија | пред 7 години

7 год.

Иванов се сретна со претседателот на Турција, Реџеп Таип Ердоган

Претседателот на Република Македонија Ѓорге Иванов, вчера попладне во Истанбул се сретна со турскиот претседател, Реџеп Таип Ердоган.Како што соопшти прес-службата на претседателот, двајцата претседатели изразија задоволство од високото ниво на севкупните политички односи и содржајната билатерална соработка меѓу Македонија и Турција.„Во разговорите претседателот Иванов и претседателот Ердоган разменија мислења за актуелните политички случувања во двете земји, односно за престојните претседателски избори во Република Македонија и за локалните избори во Република Турција.Македонскиот претседател изрази сочуство до турскиот претедател за неодамнешната несреќа во Истанбул, каде што при рушење на зграда животот го загубија повеќе лица.На средбата двајцата претседатели разменија мислења и за тековните случувања и предизвици со кои се соочува регионот и Европа“, се додава во соопштението.

Македонија | пред 7 години