Најнови вести

1 ден

Иран предупредува: Американско мешање во Ормутскиот теснец е кршење на примирјето

Иран предупреди дека секое американско мешање во новиот поморски режим во Ормутскиот теснец ќе се смета за директно кршење на примирјето, по најавите од Вашингтон за операција за ослободување на заглавените бродови.Реакцијата доаѓа од претседателот на одборот за национална безбедност во иранскиот парламент, Ебрахим Азизи, кој преку социјалните мрежи испрати јасна порака до САД.„Секое американско мешање во новиот поморски режим во Ормутскиот теснец ќе се смета за кршење на примирјето“, напиша Азизи.Тој додаде дека Ормутскиот теснец и Персискиот Залив „нема да се водат според објавите на Доналд Трамп, кои немаат допир со реалноста“, нагласувајќи дека „никој нема да поверува во сценарија за префрлање вина“.Изјавата следува откако американскиот претседател Доналд Трамп најави операција под името „Проект Слобода“, чија цел е извлекување на трговските бродови што останаа заглавени во теснецот поради воените дејствија.Со ова дополнително се заострува реториката меѓу Техеран и Вашингтон, во момент кога Ормутскиот теснец останува една од најкритичните точки за глобалната безбедност и трговија.

Свет | пред 1 ден

1 ден

20.000 поморци заглавени во Ормутскиот теснец – ситуација без преседан

Околу 20.000 поморци се заглавени на приближно 2.000 пловила во Ормутскиот теснец од почетокот на американско-израелскиот конфликт со Иран, информира Меѓународната поморска организација.Меѓу блокираните пловила има танкери за нафта и гас, бродови за расут товар, контејнерски бродови и туристички крузери, што дополнително го нагласува глобалното значење на кризата.Според податоците, од почетокот на војната се регистрирани најмалку 19 напади врз бродови во теснецот, при што загинале најмалку 10 поморци, а осум се повредени.Организацијата предупредува дека условите на бродовите се влошуваат, со сериозен недостиг од храна, гориво и вода за екипажите што остануваат заробени во Персискиот Залив.„Оваа ситуација, во која толкав број поморци останаа блокирани, е без преседан во современото време“, изјави во март директорот за поморска безбедност во организацијата, Дамиен Шевалие.Ормутскиот теснец, како една од најважните светски трговски и енергетски рути, останува клучна точка на ризик, додека обидите за деблокада сè уште не даваат конкретни резултати.

Свет | пред 1 ден

1 ден

Драстично засилено обезбедување на Путин – Кремљ стравува од атентат и удар

Кремљ драстично ја засили личната безбедност на рускиот претседател Владимир Путин, воведувајќи нови и строги мерки поради страв од можни атентати и обиди за државен удар, покажува извештај на европска разузнавачка служба, до кој дошле повеќе медиуми.Според документот, на лицата кои се во непосредна близина на Путин – вклучително и неговиот персонал – им е ограничено движењето и комуникацијата. Забрането е користење јавен превоз, а дозволени се само телефони без интернет. Посетителите, пак, мора да поминуваат двојни безбедносни проверки.Мерките доаѓаат по серија инциденти, меѓу кои и убиство на висок руски генерал, што предизвикало тензии и обвинувања меѓу безбедносните структури. Според анализата, тоа ја открива растечката несигурност во врвот на руската власт.Дополнително, значително е намален бројот на локации кои Путин ги посетува, а според извештајот, тој сè почесто престојува во засилени и модернизирани бункери, далеку од јавноста. Во јавноста се пласираат однапред снимени материјали за да се одржи впечаток на редовни активности.Ситуацијата се поврзува и со поширокиот контекст – продолжената војна во Украина, зголемените воени загуби и економските последици кои сè повеќе се чувствуваат во Русија.Во извештајот се наведува дека постои зголемена загриженост од можни внатрешни закани, вклучително и сценарија за државен удар. Посебно внимание привлекува улогата на поранешниот министер за одбрана Сергеј Шојгу, кој и понатаму има значително влијание во воениот врв.Иако дел од овие информации не можат независно да се потврдат, нивното објавување се толкува како индикатор за растечка нестабилност и недоверба во рамките на руската политичка и безбедносна елита.Кремљ засега нема официјален коментар за наводите.

Свет | пред 1 ден

1 ден

Дел од Центар без вода, Драчево без струја – известување од ЦУК Скопје

Поради водоводен дефект и зафати во електродистрибутивната мрежа, делови од Скопје денеска ќе останат без вода и електрична енергија, информира Регионалниот центар за управување со кризи – Град Скопје.Од ЈП „Водовод и канализација“ соопштуваат дека поради дефект на улицата „Ленинова“ бр. 56, од 09:00 часот без вода ќе бидат дел од корисниците на потегот од улицата „Никола Тримпаре“ до булеварот „Партизански одреди“, во Општина Центар, сè до завршување на интервенцијата.Од ЕВН Македонија информираат дека поради планирани зафати, од 08:30 до 15:30 часот без струја ќе останат дел од корисниците на улицата „Јустинијан Први“ во населбата Драчево, на потегот од бензинската пумпа „Макпетрол“ до црквата „Св. Спас“, во Општина Кисела Вода.ЈСП Скопје известува дека јавниот превоз се одвива по зимски возен ред, при што поради градежни работи изменета траса имаат линиите 3б, 4, 7, 9, 18, 23, 24, 44, 54 и 118.Од Македонски железници соопштуваат дека поради реконструкција на пругата на релацијата Скопје – Зелениково, ќе има измени во возниот ред на патничките возови.Меѓуградскиот и меѓународниот автобуски сообраќај, како и авионскиот транспорт, се одвиваат редовно.Воедно, Институтот за трансфузиона медицина информира дека денеска се организираат крводарителни акции во основното училиште „Рамиз и Хамид“ и во компанијата „Линемар“ во индустриската зона Бунарџик, додека крв може да се дарува и во Домот на хуманитарни организации „Даре Џамбаз“ секој работен ден од 08:00 до 15:00 часот.

Свет | пред 1 ден

1 ден

Трамп сакаше брза победа над Иран – доби скап и непопуларен конфликт

Два месеца по почетокот на војната со Иран, американскиот претседател Доналд Трамп се соочува со реалност спротивна на првичните очекувања – конфликтот е скап, непопуларен и без јасен излез.Според првичните проценки на Пентагон, војната досега ги чинела Соединетите Американски Држави околу 25 милијарди долари, додека енергетските пазари се под силен притисок, а цените остануваат нестабилни.Иако Трамп тврди дека не жали за одлуката, инсистирајќи дека била „храбра и паметна“, неговите претходни прогнози за брз исход и минимални економски последици не се реализираа. И покрај уништените цели и елиминирани високи ирански функционери, државниот апарат во Техеран останува функционален и способен за одговор.Во меѓувреме, пораките од Белата куќа се контрадикторни. Од најави за близок договор и деескалација до изјави дека „можеби е подобро воопшто да нема договор“. Трамп истовремено тврди дека Иран сака преговори, но и дека нема јасно раководство со кое може да се разговара.Конфликтот постепено се претвора во војна на исцрпување. САД ја одржуваат блокадата на иранскиот поморски сообраќај, додека Техеран одбива да ги прифати условите за откажување од нуклеарните активности.Дополнителен притисок доаѓа и од сојузниците. Германија и други европски држави одбиваат директно вклучување, што доведе до нови тензии и најави за повлекување американски војници од Европа.Во внатрешната политика, расте незадоволството и кај дел од републиканците, особено поради трошоците и недостигот на јасна стратегија. Анкетите покажуваат дека војната нема широка поддршка меѓу американските граѓани.И покрај тоа, Трамп останува на ставот дека операцијата е оправдана.„Не можеме да дозволиме луѓе како нив да имаат нуклеарно оружје“, изјави тој, оставајќи отворена можност за продолжување на воените удари.Со затворен Ормутски теснец и зголемен притисок врз глобалната економија, аналитичарите предупредуваат дека конфликтот може да се продлабочи, без јасна временска рамка за негово завршување.

Свет | пред 1 ден

1 ден

Како САД би ја спровеле операцијата во Ормутскиот теснец: разурнувачи, 100 авиони и 15.000 војници

Соединетите Американски Држави подготвуваат комплексна воена операција за ослободување на бродовите заглавени во Ормутскиот теснец, во која ќе бидат вклучени разурнувачи со наведувани проектили, повеќе од 100 авиони, беспилотни системи и околу 15.000 припадници на вооружените сили.Според анализата, операцијата нема да се базира на класична директна придружба на трговските бродови, туку на повеќеслојна контрола на просторот.Разурнувачите од класата „Арли Берк“ ќе имаат клучна улога во противвоздушната одбрана и обезбедување на поширокиот периметар. Иако дел од нив веќе учествуваат во операции во регионот, се очекува нивната улога во самиот теснец да биде ограничена, особено во делот на директно ескортирање на конвои.Воздушната компонента ќе биде значително поагресивна. Наоружани хеликоптери ќе патролираат над бродовите и ќе реагираат на евентуални закани од мали брзи пловила, додека јуришните авиони А-10 ќе бидат подготвени за напади врз цели на море и ракетни системи на копно.Паралелно, беспилотните системи – и воздушни и поморски – ќе обезбедуваат континуиран надзор и рана детекција на закани. Тие можат да се користат и за извидување и за директно дејствување, зависно од нивната конфигурација.Иако бројката од 15.000 војници изгледа висока, најголемиот дел од нив ќе имаат логистичка и поддржувачка улога. Значаен дел од капацитетите доаѓаат од носачите на авиони во регионот, секој со околу 5.000 членови на екипажот, што овозможува континуирана воздушна поддршка.Клучната цел на операцијата не е само физичко ослободување на бродовите, туку воспоставување контрола и одвраќање на идни закани, со комбинација од надмоќ во воздухот, надзор преку дронови и ограничено, но стратешки поставено присуство на поморски сили.

Свет | пред 1 ден

1 ден

„Јас го разбирам светот како поле за културен натпревар меѓу народите“ - 123 години од смртта на македонскиот револуционер Гоце Делчев

Во Македонија денеска се одбележуваат 123 години од смртта на македонскиот револуционер и борец за слобода Гоце Делчев, една од најзначајните личности во националната историја.Делчев загинал на 4 мај 1903 година во селото Баница, во борба со османлиските сили, оставајќи зад себе идеологија и визија за слободна и самостојна Македонија.Како еден од водачите на македонското револуционерно движење и идеолог на Внатрешната македонска револуционерна организација, Делчев се залагал за создавање автономна Македонија, базирана на принципите на еднаквост, правда и заеднички живот на сите народи.„Јас го разбирам светот како поле за културен натпревар меѓу народите“, е една од најпознатите мисли на Делчев, која и денес се толкува како повик за соживот и напредок преку вредности, а не преку поделби.Неговата мисла и денес се цитира како темел на македонската државотворност, а неговото дело останува симбол на борбата за слобода и национален идентитет.По повод годишнината, се одржуваат повеќе чествувања и положување цвеќе на неговиот гроб во црквата „Свети Спас“ во Скопје, како и на повеќе спомен-обележја низ државата.

Македонија | пред 1 ден

1 ден

271777249_656292602285397_2447550688874601774_n

Сончево и посвежо утро, преку ден до 25 степени

Денес утрото ќе биде ведро и постудено, а во текот на денот сончево со мала локална облачност. Ќе дува слаб до умерен ветер од северен правец. Минималната температура ќе биде во интервал од -3 до 6, а максималната ќе достигне од 18 до 25 степени.Во Скопје, сончево со мала облачност. Ќе дува слаб до умерен ветер од северен правец. Минималната температура ќе се спушти до 0, а максималната ќе достигне до 24 степени.Следува период на релативно топло време. Од вторник ќе преовладува променливо облачно време со сончеви периоди. Ќе дува умерен ветер од јужен правец, а кон крајот на седмицата се очекуваат повремени локални врнежи од дожд.

Македонија | пред 1 ден

1 ден

Ролинг Стоунс се враќаат со нов албум по две години пауза

Ролинг Стоунс го потврдија издавањето на нов албум со наслов „Форин Тангс“, кој ќе биде нивниот прв студиски проект по албумот „Хакни Дајмондс“ од 2023 година, добитник на Греми награда.Според најавите, новиот албум ќе биде објавен на 10 јули. Членовите на бендот Мик Џегер, Кит Ричардс и Рони Вуд преку социјалните мрежи споделиле делови од омотот на албумот, изработен во колаж-стил, кој потсетува на периодот од албумот „Сам Грлс“.Секој од нив објавил различен дел од заедничката илустрација — Џегер ги прикажал усните и брадата, Вуд ги открил очите и носот, а Ричардс го комплетирал горниот дел од композицијата со приказ на косата и марамата.Во пресрет на објавата, бендот споделил и краток 13-секунден аудио-исечок од нова песна, придружен со нивното препознатливо лого со исплазен јазик.Гласините за нов албум се појавиле по серија мистериозни постери и QR-кодови низ Лондон, а бендот претходно, под псевдонимот „Кокрочис“, објавил ограничен винил-сингл во само 1.000 примероци.Ролинг Стоунс, основани во Лондон во 1962 година, се меѓу највлијателните рок-бендови во историјата, со 14 албуми кои достигнале прво место во Велика Британија и осум синглови број еден. По смртта на тапанарот Чарли Вотс во 2021 година, актуелната постава ја сочинуваат Џегер, Ричардс, Вуд и Стив Џордан.

Магазин | пред 1 ден

1 ден

Како мачките го избираат својот омилен човек

Мачките често се сметаат за дистанцирани животни, но експертите нагласуваат дека тие, всушност, се многу селективни во покажувањето на приврзаност. Во домаќинства со повеќе членови, мачката најчесто избира една личност со која поминува најмногу време и кон која покажува најголема наклонетост.Според истражувања, пресудна улога има трудот што човекот го вложува во комуникацијата со животното, односно разбирањето на неговите сигнали и однесување. Исто така, карактерот на мачката влијае на изборот — мирните мачки почесто избираат тивки и смирени луѓе, додека поактивните животни се врзуваат за лица што им посветуваат повеќе игра и внимание.Ветеринарите наведуваат дека за зајакнување на врската со мачка клучни се заедничкото време, прилагодувањето на нејзините навики, разбирањето на говорот на телото и редовната физичка нежност, како галење и држење. Ваквото однесување создава чувство на сигурност и ја зацврстува врската меѓу човекот и миленичето.

Магазин | пред 1 ден

1 ден

Напнатост во Реал Мадрид: критики кон Мбапе поради патувања за време на опоравувањето

Во соблекувалната на Реал Мадрид расте напнатост, а во центарот на незадоволството, според извештај на „Ел Мундо“, се наоѓа Килијан Мбапе.Иако состојбата на теренот во клубот генерално е стабилна, сѐ поголемо внимание привлекуваат случувањата надвор од него, особено начинот на кој се води неговото закрепнување од повреда. Ситуацијата е дополнително усложнета поради неговата одлука за време на опоравувањето да патува во Италија и Франција.Според информациите, дел од соиграчите поставуваат прашања за потребата од такви патувања, особено во клучен период од сезоната кога се очекува максимална посветеност од целиот тим. Ова ја отвори и пошироката дебата за дисциплината во соблекувалната.Дополнителен притисок создава и претстојниот дуел против Барселона. Мбапе најавил дека ќе направи сѐ за да биде подготвен за натпреварот, но неговите последни потези наводно предизвикале сомнежи кај дел од соиграчите.Иако тренерот Алваро Арбелоа им дал неколку слободни денови на играчите, во клубот постои очекување за целосна професионална одговорност, а секој потег на фудбалерите во овој период е под зголемено внимание.

Спорт | пред 1 ден

1 ден

Еден хороскопски знак ќе има недела исполнета со емотивни пресврти

Во неделата што започнува на 4 мај, припадниците на хороскопскиот знак Рак ги очекува период исполнет со длабоки емоционални процеси и потреба за рамнотежа меѓу надворешните обврски и внатрешниот свет. Како знак под влијание на Месечината, Ракот е особено чувствителен на промени во околината, па оваа седмица ќе биде обележана со потреба од заштита на личниот мир, семејството и емоционалните граници.Понеделникот и вторникот можат да донесат тензии во комуникацијата со авторитети или колеги, при што е можно чувство на неразбирање. Сепак, се нагласува дека клучот е во воздржаноста и користењето на интуицијата наместо импулсивни реакции. Во текот на средината на неделата се очекува пораст на креативната енергија, особено во активности кои бараат емпатија и длабоко разбирање на луѓето.Кон крајот на неделата, Раковите ќе почувствуваат сѐ поголема потреба за повлекување во домашна и мирна средина, при што се можни разговори поврзани со минатото или решавање на семејни прашања. Домот останува централна точка на стабилност и обновување на енергијата.Викендот носи олеснување и можен емотивен пресврт, со појава на појасни одговори на прашања што ги следеле во текот на седмицата. Неделата завршува со чувство на внатрешна сила и поголема емоционална јасност, при што Ракот влегува во новиот период посмирен и посигурен во сопствените одлуки.

Магазин | пред 1 ден

1 ден

Николоски: Автопатот Охрид–Кичево ќе се заврши на време, „лажни се тврдењата за милијарда евра“

Министерот за транспорт и врски, Александар Николоски, ги отфрли тврдењата дека изградбата на автопатот Охрид–Кичево ќе чини милијарда евра и дека нема да биде завршена, оценувајќи ги како „невистини, лаги и манипулации“.„Самопрогласени ‘синдикални лидери’ шират невистини, лаги и манипулации за изградбата на автопатот Охрид–Кичево. Ќе чинел милијарда евра, никогаш немало да се заврши и слични небулози. Без ниеден факт! Нула!!!“, напиша Николоски.Тој апелираше, како што вели, да не се „замајува народот“, нагласувајќи дека проектот ќе биде реализиран во предвидениот рок.„За нивна жал, а за среќа на народот, автопатот ќе се заврши во предвидениот рок“, посочи министерот.Во објавата, Николоски ја критикуваше претходната власт, наведувајќи дека во изминатите години не бил направен значаен напредок.„Точно е дека Владата на СДСМ и ДУИ, по која очигледно жалат, камче не стави 7 години, ама точно е дека оваа Влада на Христијан Мицкоски работи деноноќно“, наведе тој.Како аргумент за динамиката на активностите, Николоски посочи дека и во недела навечер се одржуваат состаноци поврзани со проектот.„Потврда за тоа е што во моментов си заминувам од Министерството за транспорт, во недела во 21 часот. Последен состанок беше за автопатот Охрид–Кичево. Ќе го завршиме навреме и сите ќе му се радуваме“, додаде министерот.

Македонија | пред 1 ден

1 ден

(Видео) Човек изеден од крокодил, полицаец спуштен во река полна со крокодили за да ги извлече остатоците

Јужноафриканската полиција спроведе несекојдневна и опасна операција за извлекување човечки остатоци од река полна со крокодили, при што еден полицаец беше спуштен од хеликоптер директно во водата. Се сомнева дека остатоците му припаѓаат на бизнисмен кој исчезнал минатата недела откако бил однесен од надојдена река.Потрагата започна откако неговото возило било пронајдено заглавено при обид да премине преку поплавен мост. Кога полицијата пристигнала, автомобилот бил празен, што предизвикало сомнеж дека мажот бил однесен од силната водена струја.Во потрагата беа вклучени дронови и хеликоптери, а на мал остров беа забележани повеќе крокодили. Полицијата процени дека еден од нив неодамна се хранел, бидејќи имал видливо подуен стомак и не реагирал на бучавата околу него.Откако крокодилот беше усмртен, започна сложена акција. Полицаец од специјалната нуркачка единица беше спуштен со јаже од хеликоптер, го обезбеди животното со јаже и потоа заедно беа извлечени од реката.Животното, долго околу 4,5 метри и тешко приближно 500 килограми, беше пренесено во Националниот парк Кругер, каде во неговата утроба беа пронајдени човечки остатоци. Следуваат ДНК анализи за да се утврди дали тие му припаѓаат на исчезнатиот бизнисмен.Освен делови од човечко тело, во стомакот на крокодилот беа пронајдени и шест различни видови обувки, што според експертите не мора да значи дека животното нападнало повеќе луѓе, бидејќи крокодилите често голтаат различни предмети.

Свет | пред 1 ден

1 ден

Туристичкиот рај се претвора во пекол: Популарен европски град се бори со туристите

Амстердам е еден од најпосетуваните градови во Европа. Секоја година милиони туристи ги посетуваат неговите историски канали, врвните музеи и живата културна сцена, поради што сега локалните жители почнуваат да се бунат.Градот е познат и по богатата историја, препознатливата архитектура и опуштениот, отворен градски дух, поради што со децении важи за една од најпознатите урбани туристички дестинации во светот.Туризмот значително придонесува за холандската економија, бидејќи поддржува работни места во угостителството, трговијата и услугите, а исто така е важен дел од пошироката национална туристичка стратегија, која нагласува одржлив раст и квалитет на посетителите.Сепак, големиот прилив на туристи сериозно ја оптоварува локалната инфраструктура и јавните простори.Жителите наведуваат дека најзагрозени се центарот на градот и популарните квартови, кои за време на туристичката сезона често се пренатрупани.Неодамнешна анкета покажала дека дури 82 проценти од жителите на Амстердам сметаат дека туризмот создава сериозни проблеми во секојдневниот живот во градот. Иако туризмот носи значајни економски придобивки, многумина укажуваат на проблеми како метеж, бучава, отпад и други непријатности.Околу четири од пет жители пријавуваат проблеми поврзани со туризмот во текот на целата година, додека само најмирните зимски месеци носат мало олеснување. Истражувачите истакнуваат дека искуството со преполни улици и јавен превоз станало секојдневие за многу жители, особено по брзото враќање на туристите по укинувањето на ограничувањата за време на пандемијата.Незадоволството на граѓаните не се гледа само во анкетите. Група жители минатата година поднела тужба против Градскиот совет на Амстердам, сметајќи дека општината не ги почитува сопствените ограничувања за бројот на ноќевања на туристи.Иако официјалната граница е 20 милиони ноќевања годишно, реалниот број веќе ја надминал таа граница, што поттикнало барања за построги мерки.Поддржувачите на тужбата предлагаат зголемување на туристичките такси и построга регулација на краткорочното изнајмување, сметајќи дека тоа би можело да го намали притисокот врз пазарот на станови, да ја подобри чистотата на јавните простори и да им го врати на жителите чувството на нормален живот.Властите веќе вовеле одредени мерки за подобро управување со туризмот, но засега изгледа дека тие не се доволно ефикасни.

Свет | пред 1 ден

1 ден

„Не ми требаат пари, туку потписи“ – Петрушевска со иницијатива за ограничување на социјалните мрежи за децата

Актерката Весна Петрушевска започна иницијатива за собирање 10.000 потписи со цел, како што вели, да се стави „црвено светло“ за политичките партии и да се отвори прашањето за заштита на децата на социјалните мрежи.Таа преку јавен повик апелира граѓаните да се приклучат преку платформата за петиции, нагласувајќи дека не станува збор за финансиска кампања.„Јас не барам и не примам пари. Барам само ваша поддршка и потпис“, посочува Петрушевска, додавајќи дека опцијата за донации на платформата е стандардна, но не е дел од нејзината иницијатива.Во обраќањето таа потенцира дека, доколку не се постигне ни минимална граѓанска мобилизација, тоа ќе биде доказ за, како што вели, пасивноста во општеството.„Ако ова не можеме, тогаш навистина ќе ми се потврди дека сте херои само на тастатура“, наведува Петрушевска.Како аргумент за својата иницијатива таа посочува примери од повеќе држави кои веќе воведуваат рестрикции за користење социјални мрежи од страна на малолетници.Во Австралија, од ноември 2024 година, е воведена целосна забрана за користење социјални мрежи за лица под 16 години, при што платформите се соочуваат со високи казни доколку не ја спроведат.Франција воведе т.н. „дигитално полнолетство“, со граница од 15 години и задолжителна родителска согласност за помладите корисници, додека воедно е забрането користење телефони во училиштата.Во Данска се разгледува зголемување на старосната граница за дигитална согласност, како и построга регулација на алгоритмите што ги таргетираат децата.Во делови од САД, како Флорида и Јута, веќе се применуваат ограничувања – забрана за деца под 14 години и воведување родителска контрола и временски рестрикции за користење.Иницијативата на Петрушевска доаѓа во период кога и во Македонија се отвора јавна дебата за влијанието на социјалните мрежи врз младите, особено во контекст на врсничко насилство и онлајн злоупотреби.

Македонија | пред 1 ден

1 ден

Груевски со порака до министерот за правда: Наместо екстрадиција, проверете како се носеле пресудите

Поранешниот премиер Никола Груевски, кој доби азил во Унгарија, остро реагираше на најавите за можна екстрадиција, обвинувајќи дека против него бил воден политички мотивиран прогон со „монтирани судски постапки“.Тој ја критикуваше изјавата на министерот за правда, посочувајќи дека наместо да собира информации за неговиот статус, треба да ги истражи, како што вели, „злоупотребите и незаконитостите“ во периодот на поранешната власт.„Судот има обврска да ја утврди материјалната вистина и не може да се крие зад формалности“, наведува Груевски, додавајќи дека во неговите предмети биле користени „лажни сведочења, притисоци и политички влијанија“.Тој тврди дека постоеле списоци за кривичен прогон, притисоци врз сведоци и адвокати, како и нарачки за пресуди од политички центри на моќ.„Да ги прочита обвиненијата и пресудите и да види колку од нив се донесени под притисок“, порачува Груевски.Во својата реакција тој ги оспорува и конкретните случаи за кои е осуден, тврдејќи дека нема лична корист и дека доказите биле погрешно толкувани или фабрикувани.Груевски оценува дека странската јавност го перцепира како криминалец поради постоењето на пресуди, но дека не е запознаена со, како што наведува, „контекстот на политичката хајка“.„Еден ден сето ова ќе стигне до ЕУ и ќе се види од вистински агол“, наведува тој.

Македонија | пред 1 ден

1 ден

(Фото) Позната авиокомпанија сподели фотографија од авион на ЈАТ: како изгледаше авионскиот луксуз во 60-тите

Авиокомпанијата Рајанер сподели на Твитер фотографија од лет со авион на ЈАТ (Југословенски аеротранспорт) од 60-тите години и доби бројни реакции.Наместо денешните кесички кикирики и доплата за сè, патниците тогаш влегувале во авион како во мал ресторан на небото.Елегантни униформи на стјуардеси, вистински порцелан, чаши, платнени чаршафи и богато мени што повеќе личело на ручек во хотел отколку на авионски оброк. Летањето било настан, не само превоз.Летот тогаш бил доживување. Луѓето се облекувале пристојно, се седнувало со очекување, а услугата имала доза на елеганција што денес изгледа речиси нереално.Стјуардесите во уредни униформи ги пречекувале патниците како гости во хотел, а не како „број на седиште“, со оброци кои личеле на целосен ручек, а не на „snack box“.Денес, со нискобуџетни карти од 19.99 евра, патниците често добиваат само основно, додека сè останато се доплаќа – багаж, оброк, седиште...Овие споредби на мрежите секогаш отвораат исто прашање: како од „летање како доживување“ стигнавме до „летање како трансакција“?

Медиасет | пред 1 ден

1 ден

Иџе прв во Котор: „Апсолутна победа“ меѓу 134 натпреварувачи

Македонскиот автомобилист Игор Стефановски – Иџе освои прво место на трката во Котор, оставајќи зад себе 133 натпреварувачи.„Апсолутна победа во Котор, прво место од 134 натпреварувачи“, објави Стефановски по трката.Со овој резултат, Иџе уште еднаш потврди дека е меѓу најдобрите во регионот, демонстрирајќи доминација на патеката и сигурна возачка форма во силна конкуренција.

Македонија | пред 1 ден

1 ден

Експертите предупредуваат: Овие однесувања може да укажуваат на неверство

Неверството по својата природа претставува сериозна измама, но експертите предупредуваат дека не е секогаш лесно да се препознае, особено кога станува збор за искусни манипулатори кои знаат да го кријат своето однесување.Според анализа објавена од YourTango, постојат повеќе потенцијални знаци кои можат да укажуваат на можна измама во врската, иако тие не значат автоматски дека партнерот е неверен.Еден од најчестите сигнали е одеднаш зголемена зафатеност на партнерот, без јасни објаснувања за промената во распоредот. Експертите наведуваат дека недостигот на транспарентност и избегнувањето на отворена комуникација може да предизвика сомнежи.Дополнително, предупредувачки знак може да биде и зголемена тајновитост со мобилниот телефон, промена на лозинки или одбивање партнерот да има увид во уредот, како и дефанзивни реакции при едноставни прашања.Како можни индикатори се наведуваат и намален интерес за партнерот, избегнување разговори, емоционално дистанцирање и промени во секојдневната комуникација, што може да создаде чувство на занемареност.Во анализата се посочува и феноменот на „префрлање вина“, односно кога личноста ги обвинува другите за сопственото однесување, како и обиди за манипулација на перцепцијата преку т.н. гаслајтинг.Експертите нагласуваат дека понекогаш најсилниот сигнал не е конкретен доказ, туку интуицијата и чувството дека нешто не е во ред, иако тоа не треба да се зема како единствена основа за заклучок.Се предупредува и на промени во навиките на социјалните мрежи, како и зголемена тајновитост околу финансиите и трошоците, што во некои случаи може да укажува на нарушена доверба во врската.Стручњаците заклучуваат дека иако овие знаци можат да бидат индикативни, тие не претставуваат директен доказ за неверство и дека клучот за здрава врска останува отворената и искрена комуникација меѓу партнерите.

Магазин | пред 1 ден

1 ден

Мексико Сити тоне околу 25 см годишно поради подземно езеро

Мексико Сити тоне за речиси 25 сантиметри годишно, според новите сателитски снимки кои оваа недела ги објави НАСА, што го прави еден од најбрзо тонечките големи градови во светот.Мексико Сити тоне околу 25 сантиметри годишно поради подземно езеро.Едно од најголемите и најнаселени урбани подрачја во светот, со околу 7.800 квадратни километри и приближно 22 милиони жители, главниот град на Мексико и околните градови се изградени на некогашно езерско дно.Многу улици во центарот некогаш биле канали, а таа традиција сè уште се задржала во периферните, рурални делови.Интензивното црпење на подземни води и урбаната изградба значително го намалија водоносниот слој, поради што Мексико Сити тоне веќе повеќе од еден век.Тоа доведе до тоа многу споменици и постари градби, како Метрополитенската катедрала, чија изградба започнала во 1573 година, да бидат видливо наклонети. Намалувањето на подземните води дополнително ја влошило хроничната криза со водоснабдувањето, која, како што се очекува, би можела да стане уште посериозна.„Тоа оштетува дел од клучната инфраструктура на Мексико Сити, како метро, канализациски систем, водовод, станбени објекти и улици“, изјави истражувачот по геофизика од Националниот автономен универзитет на Мексико, Енрике Кабрал.Мексико Сити тоне толку брзо што слегнувањето на тлото може да се забележи и од вселената.Проценките на НАСА се базирани на мерења помеѓу октомври 2025 и јануари 2026 година, извршени од сателитот NISAR, заеднички проект на НАСА и Индиската организација за вселенски истражувања. Овој сателит може да ги следи промените на површината на Земјата во реално време.Научник од проектот NISAR, Пол Розен, истакна дека набљудувањето од вселената покажува што навистина се случува под површината.„Тоа е во суштина документирање на сите промени во еден град“, рече Розен, пренесува АП.Со тек на време, тимот планира уште попрецизно да ги следи промените, дури и на ниво на поединечни згради.Пошироко гледано, истражувачите сакаат оваа технологија да ја применат низ целиот свет, за следење природни катастрофи, промени во тектонските раседи, влијанија од климатските промени, како оние на Антарктикот, и други процеси.Розен наведува дека системот би можел да ги унапреди и системите за предупредување, овозможувајќи навремена реакција и евакуации, на пример во случај на вулкански ерупции.За Мексико Сити, оваа технологија претставува важен чекор напред во следењето на проблемот со слегнување на тлото и ублажување на неговите последици, заклучува Кабрал.

Медиасет | пред 1 ден

1 ден

Напаѓачот на Трамп се жали на затворските услови: „Изолацијата е казна“

Адвокатите на Коул Ален, осомничен за обид за атентат врз Доналд Трамп, побарале од судот да ги ублажи строгите затворски мерки, оценувајќи ги како „казнени“. Според наводите, 31-годишниот Ален на 27 април се обидел да ја пробие безбедносната контрола на вечерата на дописниците во Белата куќа и притоа испукал истрел од ловечка пушка.Во поднесок до федералниот суд во Вашингтон се наведува дека по апсењето бил сместен во специјална „безбедносна ќелија“ со целосна изолација, каде што морал да носи заштитен елек сличен на лудачка кошула. Подоцна бил ставен под постојан надзор поради ризик од самоубиство, што значи дека нема право на телефонски разговори, посети освен од адвокатите, ниту слободно движење надвор од ќелијата.Одбраната посочува дека медицинско лице препорачало укинување на овие мерки, но тие останале на сила. Според адвокатите, ваквиот третман му оневозможува комуникација со семејството и пристап до судските документи.Ален се товари за обид за атентат, употреба на огнено оружје при извршување насилно дело и нелегален транспорт на оружје и муниција преку државни граници. Тој се изјаснил дека не е виновен и ќе остане во притвор до почетокот на судењето.Во меѓувреме, американската обвинителка Жанин Пиро изјавила дека постојат докази оти за време на инцидентот бил ранет федерален агент. Објавени се и снимки и фотографии за кои обвинителството тврди дека го прикажуваат осомничениот како ја набљудува локацијата и се обидува да ја пробие безбедносната зона со оружје во рака.Според обвинителите, кај него биле пронајдени нож, футрола за пиштол и торба полна со муниција.

Свет | пред 1 ден

1 ден

Нападнат товарен брод кај Ормускиот теснец

Брод што превезува товар во големи количини без пакување бил нападнат во близина на Ормускиот теснец од страна на повеќе мали пловила, соопшти британскиот центар за поморски трговски операции. Според информациите, бродот се движел кон север, а целокупниот екипаж е безбеден и нема пријави за загадување на животната средина.Инцидентот се случува во период кога Иран практично го држи овој клучен пловен правец затворен за комерцијален сообраќај. Преминот се дозволува само повремено, а во одредени случаи и со наплата.Во изминатиот период се регистрирани повеќе напади врз бродови, додека Техеран се обидува да спроведе блокада, при што користи и таканаречена „комаречка флота“, составена од мали вооружени чамци.

Свет | пред 1 ден

1 ден

Речиси 40% од Италијанците чувствуваат потреба за пауза од социјалните мрежи

Речиси четири од десет Италијанци (38,1%) почувствувале потреба да направат „детоксикација“ и пауза од користењето на социјалните мрежи така што ќе ги користат помалку, ќе избришат профил или апликација.Во исто време, според извештајот изработен во соработка со групата Интеза Санпаоло, Медијасет, РАИ и ТВ2000, само 15,3 отсто од испитаниците изјавиле дека редовно прават паузи од социјалните мрежи, пренесува италијанската агенција Анса.Од оние кои почувствувале потреба да се исклучат од социјалните мрежи, повеќе од една четвртина (25,6 отсто) рекле дека тоа го направиле затоа што им одвлекувале премногу внимание од секојдневните активности.Понатаму, 20,6 отсто од испитаниците пријавиле потреба да одвојат време за себе и активности надвор од мрежите, додека 17,8 отсто признале дека имаат чувство на зависност од нивното користење.Младите на возраст од 14 до 29 години продолжуваат почесто да ги користат социјалните мрежи, и покрај благ пад, а меѓу нив 74,8 отсто изјавиле дека користат Инстаграм, што е за 3,3 отсто помалку во однос на 2024 година.Платформата Јутјуб ја користат 76,9 отсто од Италијанците, во споредба со 77,6 отсто претходната година, додека ТикТок бележи благ пораст со 64,5 отсто корисници оваа година, наспроти 64,2 отсто минатата година.

Свет | пред 1 ден

1 ден

Ескалација на нападите: десет жртви во Украина, погодени руски танкери и воени бродови

Во руски напади со дронови и ракети низ Украина во изминатите 24 часа загинаа десет лица, а најмалку 76 се повредени, соопштија украинските власти. Жртви се регистрирани во пет региони, додека Москва продолжува со редовни напади врз украинските градови.Украинското воено воздухопловство информира дека Русија во текот на ноќта лансирала 269 дронови, од кои 249 биле соборени или електронски попречени. Потврдени се 19 директни погодоци од дронови и еден од балистичка ракета на 15 локации, а штети се предизвикани и од пад на остатоци од соборените летала. Во одвоени инциденти во Херсонската област загинаа три лица, по две жртви има во Одеската, Доњецката и Запорошката област, а едно лице загина во Сумската област.Во меѓувреме, украинскиот претседател Володимир Зеленски соопшти дека во одвоени напади врз две руски пристаништа биле погодени три нафтени танкери, еден воен брод и патролен чамец. Според него, танкерите биле дел од таканаречената „сенка флота“, што Русија ја користи за заобиколување на западните санкции воведени по почетокот на инвазијата во 2022 година.Зеленски наведе дека значителна штета претрпела инфраструктурата на терминалот Приморск на Балтичкото Море, во близина на Финска, каде што биле погодени нафтен танкер, патролен чамец и корвета од класата „Каракурт“, способна да носи крстосувачки ракети „Калибр“. Дополнително, уште два нафтени танкера биле погодени со украински дронови на влезот во црноморското пристаниште Новоросијск.Од руската страна тврдат дека Украина лансирала најмалку 334 дронови, при што цел на нападите била и северозападната Ленинградска област. Иако руските власти најчесто го минимизираат ефектот од ваквите напади, Кремљ изразува загриженост поради зголемениот дострел на украинските беспилотни летала длабоко во руска територија.Како последица на безбедносните ризици, Москва најави намалување на обемот на традиционалната воена парада за Денот на победата на 9 мај, наведувајќи „терористичка закана“ од Украина. Во последните месеци Киев ја засили употребата на дронови за напади врз руска нафтена инфраструктура, тврдејќи дека таргетира легитимни воени цели, додека ја обвинува Москва за неселективни напади врз цивили.

Свет | пред 1 ден