Промени тема
За нас
Нова вест Админ
site logo skopje1
иран
Претрес во кочанската болница и противпожарна бригада - разговор со обвинетиот обезбедувач Захариев
Претрес во кочанската болница и противпожарна бригада - разговор со обвинетиот обезбедувач Захариев
1 ден
media-libraryvu8k6ge34h6veaF2D7a

Трамп го критикува НАТО, британски дипломат: Погрешно ја разбира Алијансата

Американскиот претседател Доналд Трамп ги обвини членките на НАТО дека направиле „глупа грешка“ откако одбиле да учествуваат во обезбедувањето на Ормускиот теснец, клучна поморска рута низ која пред војната минувале околу 20 проценти од светската нафта.Говорејќи од Овалната соба, Трамп изјави дека повеќето сојузници не сакале да се вклучат во конфликтот, додавајќи дека иако американската поддршка не му е неопходна, нивното одбивање да испратат бродови за разминирање во Персискиот Залив е неправедно.На овие ставови реагираше поранешниот британски дипломат и некогашен постојан претставник при НАТО, лорд Питер Рикетс, кој оцени дека Трамп „целосно погрешно ја разбира суштината на Алијансата“.„НАТО е одбранбен сојуз. Ова е војна што САД сами ја избраа и за која не ги консултираа сојузниците. Никогаш не било договорено членките да ја следат Америка во секој конфликт што таа ќе го започне“, изјави Рикетс за Би-Би-Си.Според него, пораката на Трамп е дека поддршката треба да биде двонасочна – доколку САД ги штитат европските сојузници, тогаш очекуваат и тие да возвратат со ангажман во други региони.Рикетс предупреди дека ситуацијата е „повик за будење“ за европските земји, кои, според него, треба да ја зајакнат меѓусебната соработка и да градат посамостојна безбедносна политика.

Свет | пред 1 ден

1 ден
media-libraryn0at4km4a84jamHzvVd

Зеленски алармира: Војната на Блискиот Исток ја остава Украина без ракети

Украина се соочува со ризик од сериозен недостиг на клучни ракети за противвоздушна одбрана поради ескалацијата на конфликтот на Блискиот Исток, предупреди украинскиот претседател Володимир Зеленски.Тој оцени дека продолжувањето на војната меѓу САД, Израел и Иран директно влијае врз украинската одбрана, бидејќи ги пренасочува американските ресурси и го намалува капацитетот за снабдување со оружје за Киев.„Имам многу лошо чувство. Преговорите постојано се одложуваат, а причината е една – војната со Иран“, изјави Зеленски, додавајќи дека ваквата состојба му оди во прилог на рускиот претседател Владимир Путин.Според него, долготрајниот конфликт на Блискиот Исток значи зголемување на цените на енергенсите, но и исцрпување на американските резерви и производствени капацитети за противвоздушна одбрана.Зеленски посебно предупреди на можен недостиг од ракети за системот „Патриот“, оценувајќи дека тоа ќе претставува сериозен предизвик за украинската одбрана.„Америка произведува околу 60 до 65 ракети месечно. Тоа се 700 до 800 годишно, а само во првиот ден од војната на Блискиот Исток беа употребени повеќе од 800 ракети“, посочи тој.Украинскиот претседател истакна и дека американскиот претседател Доналд Трамп има амбиција да биде посредник во конфликтот со Русија, но дека неговата стратегија на директна комуникација со Путин отвора прашања за позицијата на Украина.Воедно, Зеленски предупреди на ризик од поделби меѓу западните сојузници и повика на поголема координација, нагласувајќи дека фокусот мора да остане на војната во Украина.„Режимите во Русија и Иран се поврзани и делуваат заеднички. Не смееме да дозволиме такви системи да победат или да ја загрозат Европа“, порача Зеленски.

Свет | пред 1 ден

1 ден
media-library0tv2sf09hclh73fKQOC

Војна под земја: САД користат бомби за пробивање бункери

САД во нападите врз ирански позиции во близина на Ормускиот теснец користеле т.н. „bunker-buster“ бомби тешки околу 2.270 килограми – специјализирано оружје наменето за уништување длабоко закопани воени цели.Иако од американската Централна команда (CENTCOM) не откриваат точен модел, во игра се две најверојатни варијанти: GBU-28 и поновата GBU-72 Advanced 5K Penetrator, при што аналитичарите сметаат дека најверојатно е употребена токму GBU-72.Станува збор за високопрецизна бомба од типот JDAM, која се наведува кон целта преку сателитска (GPS) и инерцијална навигација. Нејзината клучна предност е способноста да пробие бетон, карпа и утврдени подземни структури пред да експлодира, што ја прави идеална за напади врз бункери, складишта и ракетни силоси.GBU-72 е развиена со цел да ги неутрализира современите воени закани кои се кријат под земја, а може да се користи не само од стратешки бомбардери, туку и од борбени авиони како F-15E Strike Eagle, што овозможува поголема оперативна флексибилност.Употребата на вакво оружје укажува дека Иран значаен дел од својата воена инфраструктура – особено ракетните системи и беспилотните летала – ги чува во длабоко утврдени и заштитени подземни објекти.И покрај интензивните напади од САД и Израел, иранските сили и натаму демонстрираат способност за одговор, вклучително и користење балистички ракети со повеќекратни боеви глави, како и индиции за употреба на касетна муниција.

Свет | пред 1 ден

1 ден
Screenshot-2024-10-11-at-10.08.35

Аларм од Балтикот: „Ако дојдат Русите, тоа е крај за нас, Белорусија обучува мигранти за насилни судири“

Белорусија обучува мигранти за насилни судири со европските граничари и ги користи како алатка во хибридната војна против Западот, тврди директорот на латвиската Служба за државна безбедност, Нормундс Межвиетс.Тој посочува дека мигрантите се подготвуваат во специјални кампови, по што организирано се насочуваат кон границите на Европската Унија, особено кон Полска и балтичките земји. Според него, ваквите активности се дел од поширока стратегија на Русија и Белорусија за дестабилизација на регионот.„Во почетокот ситуацијата беше релативно мирна, но во последната година станува сè поагресивна“, изјави Межвиетс, додавајќи дека белоруските власти користат различни методи за притисок врз мигрантите пред да ги испратат кон границата.Како дел од тактиките, според него, се користат и лажни видеоснимки со наводни сведоштва за насилство од страна на европските граничари, со цел да се поттикне конфронтација.„Станува збор за едноставна манипулација, дури и не многу убедлива“, рече тој.Покрај тоа, латвиските служби имаат информации дека мигрантите се обучуваат и за поагресивно однесување, а на границата се гради дополнителна инфраструктура, вклучително и објекти за нивно сместување. Полски извори тврдат и дека се изградени тунели за нелегален премин, иако Латвија засега не потврдува такви случаи.Межвиетс предупредува дека паралелно со ова, Русија спроведува и други форми на хибридни операции, вклучително и шпионажа и потенцијални саботажи, особено насочени кон железничката инфраструктура. Според него, тоа е клучен сегмент за евентуален воен одговор на НАТО во регионот.„Имавме случај на руски агент кој собираше податоци за железничкиот систем – мостови, безбедносни протоколи, сè што би можело да се искористи за забавување на одговорот“, изјави тој.Во своите оценки, шефот на латвиското разузнавање оди чекор понатаму, предупредувајќи на историското искуство на неговата земја со руското влијание.„Ако Русите дојдат овде третпат, тоа нема да значи само крај на државата и суверенитетот, туку и крај на латвискиот народ“, рече Межвиетс.Според дел од западните разузнавачки проценки, Русија би можела да биде подготвена за потенцијален судир со НАТО во рок од неколку години, што дополнително ги зголемува безбедносните стравувања во балтичкиот регион.

Свет | пред 1 ден

1 ден
media-librarys0cd5gpk11jraBNKnz9

Куба пред пресврт: три сценарија за иднината на островот

Куба влегува во еден од најкритичните периоди од распадот на Советскиот Сојуз, со продлабочена економска криза, чести прекини на струја, масовно иселување и растечко незадоволство кај населението. Паралелно со тоа, се интензивираат и директните контакти со САД за иднината на островот, што дополнително ја усложнува ситуацијата.Американскиот притисок се засилува, а државниот секретар Марко Рубио, кој има кубанско потекло, игра клучна улога во разговорите со властите во Хавана, истовремено координирајќи стратегија за политички и економски отстапки. Претседателот Доналд Трамп, пак, отворено зборува за „ослабена нација“, најавувајќи поагресивен пристап кон Куба.Кризата дополнително се продлабочи по падот на венецуелската поддршка, која со години беше главен извор на енергенси за островот. Без таа помош и под зголемен притисок од Вашингтон, моделот на силна државна контрола што го воспостави Фидел Кастро покажува сериозни слабости.Во такви околности, аналитичарите издвојуваат три можни сценарија за развој на ситуацијата.Првото, и во моментов најверојатно, е контролирана промена на врвот на власта, без суштинска трансформација на системот. Во тој случај, актуелниот претседател Мигел Дијас-Канел би можел да биде заменет, но клучните структури – Комунистичката партија, армијата и државните компании – би останале недопрени. Потенцијални наследници се споменуваат премиерот Мануел Мареро Круз или потпретседателот Салвадор Валдес Меса, со можни ограничени економски реформи.Второто сценарио предвидува нагол колапс и транзиција кон демократија, поттикната од економски распад и масовни протести. Но, за разлика од источна Европа во 1989 година, Куба нема организирана опозиција подготвена да ја преземе власта, што го прави овој пат неизвесен и ризичен. Можно е и формирање привремена власт поддржана од дел од системот, која би организирала избори.Третото сценарио, кое веќе делумно се одвива, е постепено пропаѓање на државата. Во таков развој, режимот формално опстојува, но институциите слабеат, јавните услуги се влошуваат, а граѓаните сè повеќе зависат од дознаки од странство и неформалната економија. Поддршката од Русија и Кина, иако присутна, не е доволна за стабилизација.Развојот на настаните во голема мера ќе зависи од потезите на САД, кои преку економски притисок настојуваат да изнудат реформи. Станува сè поочигледно дека Куба, каква што постоеше со децении, се наоѓа пред неизбежна трансформација – прашањето е само каква ќе биде и колку ќе чини.

Свет | пред 1 ден

1 ден
zaharova-51320-

Москва со нови обвинувања: НАТО води агресија насочена против Русија и го шири влијанието

Портпаролката на руското Министерство за надворешни работи, Марија Захарова, изјави дека активностите на НАТО се насочени против Русија и дека Алијансата го проширува своето влијание на повеќе географски правци.Според неа, во последните години НАТО не дејствува само од западната страна, туку го зголемува присуството и на југот, истокот и северот.„Агресијата на НАТО е насочена против Руската Федерација. Овие тенденции не се ограничени само на западниот правец, туку се шират и кон југ, Далечниот Исток и северните региони“, изјави Захарова.Таа додаде дека Алијансата, според Москва, настојува да го прошири своето влијание и во азиско-пацифичкиот регион, како и во северните географски подрачја, каде што засега, како што рече, тоа се манифестира преку засилена реторика.Захарова оцени дека НАТО не покажува интерес за нормализација на односите, туку, како што тврди, има за цел да ѝ нанесе „стратешки пораз“ на Русија.„Имаше обиди за изградба на механизми за намалување на ризиците и решавање на безбедносните прашања, но од другата страна немаше волја за тоа“, рече таа.

Свет | пред 1 ден

1 ден
media-library4cda7o0iv9ch0JdpuDf

Урната дивоградба во Керамидница, Стефковски: Нема компромис со Законот

Општина Гази Баба утрово спроведе акција за уривање на дивоградба во населбата Керамидница, изградена на државно земјиште, како дел од, како што велат од локалната власт, континуираната борба против бесправното градење.Градоначалникот Бобан Стефковски порача дека институциите ќе постапуваат решително и без исклучоци, нагласувајќи дека „нема компромис со Законот“.„Секторот за инспекциски работи презеде активности за уривање на објектот со цел заштита на јавниот интерес и воспоставување ред во просторот. Акцијата се спроведува согласно сите законски процедури, со присуство на надлежните служби“, информираше Стефковски.Тој посочи дека во изминатиот период се реализирани повеќе вакви акции низ општината, со што, како што рече, се испраќа јасна порака дека бесправното градење нема да се толерира.„Ова не се еднократни активности, туку дел од стратегија за воспоставување урбан ред, заштита на јавните површини и обезбедување планска изградба“, изјави Стефковски.Градоначалникот упати апел до граѓаните да не започнуваат градба без соодветна дозвола, предупредувајќи дека секоја бесправна градба ќе биде санкционирана согласно закон.„Законот важи за сите и ќе се применува неселективно, без разлика на било каква припадност“, нагласи тој.

Скопје | пред 1 ден

1 ден
media-libraryrsq2gvq5gp92bOvwsja

Филипче тврди дека Шилегов одработува за ВМРО-ДПМНЕ, а и Шилегов тврди дека Филипче се договара со ВМРО-ДПМНЕ

Претседателот на СДСМ, Венко Филипче, обвини дека поранешниот градоначалник Петре Шилегов „процесно одработува за ВМРО-ДПМНЕ“ и придонесува за внатрешни поделби во партијата.„Не станува збор за поинакво мислење, тоа беше сослушано. Станува збор за процесно одработување за ВМРО-ДПМНЕ и за внатрешна поделба на партијата. По сите проверки дојдовме до тој заклучок, а Извршниот одбор одлуката ја донесе со консензус“, изјави Филипче.Тој нагласи дека единството на СДСМ е клучно во, како што рече, борбата против „криминалната и корумпирана власт“, додавајќи дека нема да дозволи партијата да биде поделена.„Нема да дозволам ВМРО-ДПМНЕ преку поединци да ја ситни и дели партијата“, истакна Филипче.Од друга страна, Шилегов возврати со остри критики, тврдејќи дека постои договор со кој СДСМ намерно се одржува во слаба позиција.„Очигледно постои договор СДСМ да биде во ваква состојба, да ги промашува темите и да дозволи ВМРО-ДПМНЕ да владее два мандата, за да не бидат предмет на истраги“, рече Шилегов.Тој оцени дека партијата е „целосно кадровски исцрпена“ и дека значаен дел од влијателните кадри веќе не се дел од неа.Шилегов го оспори и процесот за негово исклучување, тврдејќи дека е спротивен на Статутот.„Исклучувањето го врши општинската организација, а не Извршниот одбор. Го повикувам Филипче да дојде во Карпош и да разговара со членството“, изјави Шилегов.Тој порача дека ќе продолжи со својата политичка платформа и побара актуелното раководство да се повлече.„Ќе го замолам ова раководство да си замине и да ја ослободи партијата. СДСМ не е сопственост на една групација“, нагласи Шилегов.

Македонија | пред 1 ден

1 ден
media-library37drocf5e63q52UFxGD

Погодена нуклеарната централа Бушехр

Иранската нуклеарна електрана Бушехр била погодена од проектил, потврди руската државна корпорација за атомска енергија „Росатом“.Според првичните информации, проектилот паднал во непосредна близина на оперативниот реактор, во делот наменет за метрологија. Засега нема извештаи за жртви ниту за истекување на радијација.Во објектот сè уште се наоѓаат околу 480 руски експерти, а во тек се подготовки за трет бран на нивна евакуација.

Свет | пред 1 ден

1 ден
media-libraryhis9v78lcmn20dWdhLj

Трамп под притисок поради Иран: нема јасна стратегија, расте незадоволството кај сојузниците

Американскиот претседател Доналд Трамп се соочува со сериозен политички притисок поради конфликтот со Иран, откако не успеа јасно да дефинира цел и стратегија за излез од војната, оценува француската новинска агенција АФП.Според анализата, клучен проблем е погрешната проценка на капацитетите на Иран за одмазда, што доведе до продолжување и ескалација на конфликтот, само неколку недели по неговиот почеток.Дополнителен удар за администрацијата е оставката на висок американски функционер за борба против тероризмот, кој јавно изјави дека Иран не претставува непосредна закана и дека не може да го поддржи тековниот конфликт.Иако Трамп повеќепати изјави дека Иран е „десеткуван“ од американско-израелските напади, нема прогласено победа, а Техеран не покажува намера да капитулира.Во меѓувреме, растат и економските последици. Цените на нафтата се зголемуваат, додека конфликтот се шири низ регионот – од Либан до земјите од Персискиот Залив. Истовремено, дел од американските сојузници одбиваат да се вклучат во воените активности, особено во обезбедувањето на Хормушкиот теснец.Европските земји, вклучително и Германија, јасно порачаа дека конфликтот не е прашање на НАТО и дека нема да учествуваат во него, ниту ќе помогнат во воени мисии поврзани со него.Аналитичарите предупредуваат дека САД се соочуваат со дипломатски ќор-сокак, бидејќи завршувањето на војната бара согласност и од Иран и од Израел.„Во моментов нема добри опции, туку само помалку лоши“, оценуваат експертите, додавајќи дека најреален излез е преговарачка деескалација која би им овозможила на сите страни да избегнат целосен пораз.

Свет | пред 1 ден

1 ден
Screenshot-2024-09-29-at-09.17.46

По иранските напади: 192 лица хоспитализирани во Израел

Вкупно 192 лица се примени во израелските болници во последните 24 часа по иранските напади, соопшти израелското Министерство за здравство.Според официјалните податоци, четири лица се во средно тешка состојба, додека 177 имаат полесни повреди. За состојбата на уште 11 лица засега нема прецизни информации.Министерството додава дека од почетокот на конфликтот досега во болниците се згрижени вкупно 3.727 лица.

Свет | пред 1 ден

1 ден
media-libraryq6bfbsi9e9p0fT71wbM

Инцидент во Либан: Израелската армија призна дека по грешка погодила мировници на ОН во Либан, ранети војници од Гана

Израелската армија призна дека пред околу две недели нејзина тенковска палба погодила позиција на Обединетите нации во јужен Либан, при што биле ранети мировници од Гана, дел од мисијата УНИФИЛ.Од Израелските одбранбени сили (ИДФ) соопштија дека истрагата утврдила оти нападот бил „изведен по грешка“, откако силите на ОН биле погрешно идентификувани како извор на претходен противтенковски напад.ИДФ изрази жалење за инцидентот и упати извинување до Гана и до Обединетите нации.Мисијата УНИФИЛ има задача да го надгледува примирјето и безбедносната состојба долж разграничувачката линија меѓу Израел и Либан, регион кој е во центарот на тековните судири меѓу израелските сили и борците на Хезболах, поддржани од Иран.

Свет | пред 1 ден

1 ден
media-library8r5n0i0ot87l5rFr57B

Чаир во пресрет на Бајрам: акција за чистење на јавните површини

Општина Чаир започна интензивна акција за чистење на јавните површини во пресрет на празникот Рамазан Бајрам, со цел граѓаните да го дочекаат празникот во чиста и уредена средина.Градоначалникот Изет Меџити вечерва присуствуваше на стартот на акцијата, која опфаќа темелно чистење на улиците, парковите, тротоарите и просторот околу контејнерите.Од општината информираат дека и вообичаено се работи на одржување на хигиената, но во овој период активностите се дополнително засилени.„Рамазан Бајрам е празник кој нè обединува и нè потсетува на најдобрите вредности како општество. Наша одговорност е граѓаните да го дочекаат овој ден во чиста, уредена и достоинствена средина,“ изјави Меџити.Акцијата се реализира во координација со јавните претпријатија „Комунална хигиена“ и „Паркови и зеленило“, како и со ДПД „Бајрам Мифтари“, со ангажман на сезонски работници и соодветна механизација за чистење и миење на улиците.Од општината посочуваат дека оваа мобилизација е дел од подготовките за празникот, со цел создавање подобри услови за сите жители.

Скопје | пред 1 ден

1 ден
media-library8g8r7rmpg2274TgQ2X0

Владејачката партија со обвинувања: Протестот на ССМ и СДС доживеа фијаско, граѓаните не наседнаа на политички сценарија

ВМРО-ДПМНЕ оцени дека протестот на Сојузот на синдикати, за кој тврдат дека бил организиран и логистички поддржан од СДСМ, доживеал „целосно фијаско“ и претставувал политичка манипулација.Од партијата велат дека протестот не бил автентичен синдикален израз, туку, како што наведуваат, „лошо режирана партиска претстава“.„Синдикалниот протест се покажа како партиска претстава на СДС, во која ССМ послужи како параван за обидите на СДС да се врати на политичката сцена. Наместо вистински работници, присутни биле партиски активисти кои глумеа синдикалци“, соопштија од ВМРО-ДПМНЕ.Од таму додаваат дека граѓаните ги препознале, како што велат, „манипулациите“ и не дале поддршка на протестот.„Граѓаните јасно ја препознаа политичката злоупотреба и испратија порака дека вакви сценарија повеќе не поминуваат“, се наведува во реакцијата.ВМРО-ДПМНЕ обвинува дека ССМ наместо да ги штити работничките права, се ставил во функција на партиски интереси, оценувајќи дека станува збор за „политичка злоупотреба на работниците“.Од партијата порачаа дека, како што велат, ќе продолжат со политики насочени кон зголемување на платите и подобрување на животниот стандард.

Македонија | пред 1 ден

1 ден
media-librarydbqs2k4uvoas01oeKjt

Мицкоски во Брисел на Конгресот на ЕНП: средби со европски лидери и порака за интеграција

Премиерот и претседател на ВМРО-ДПМНЕ, Христијан Мицкоски, заедно со партиска делегација во состав Драган Ковачки и Стефан Андоновски, ќе учествува на Конгресот на Европската народна партија во Брисел, кој ќе се одржува во наредните два дена.На Конгресот се очекува присуство на високи европски функционери, меѓу кои претседателката на Европската комисија Урсула фон дер Лајен и претседателката на Европскиот парламент Роберта Мецола.Настанот во Брисел е во знакот на одбележувањето на 50-годишнината од формирањето на Европската народна партија, политичко семејство кое, како што се наведува, има значајна улога во обликувањето на европските политики и вредности.Од ВМРО-ДПМНЕ оценуваат дека учеството на Мицкоски и делегацијата претставува потврда за, како што велат, цврстата определба на државата за европска интеграција и активна вклученост во процесите во Европа.Во рамки на Конгресот, најавени се и билатерални средби со европски претседатели, премиери и партиски лидери, со цел зајакнување на меѓународната позиција и афирмација на националните интереси.

Македонија | пред 1 ден

1 ден
media-libraryfhd441dhdgj04DJpbcJ

Експлозии во Дубаи: сирени и предупредувања по нов можен ракетен напад

Две експлозии утрово одекнаа во Дубаи, само неколку секунди откако жителите добиле предупредување на мобилните телефони за можен ракетен напад.Предупредувањето било испратено околу 10:10 часот по локално време, по што во градот се слушнале детонации и се активирале сирените за противвоздушна одбрана. И покрај тоа, секојдневниот живот не бил целосно прекинат – градежните работници продолжиле со работа, а сообраќајот се одвивал без поголеми застои.За дел од жителите кои останале во Дубаи, ваквите сцени веќе стануваат секојдневие – комбинација од аларми на мобилните уреди и одек на експлозии во далечината.Од почетокот на конфликтот, Обединетите Арапски Емирати се соочиле со повеќе од 2.000 ракети и дронови. Министерството за одбрана тврди дека најголемиот дел од нападите се успешно пресретнати и дека детонациите најчесто се резултат на активностите на противвоздушната одбрана.Сепак, и покрај високото ниво на одбрана, аналитичарите предупредуваат дека најголемата штета е врз имиџот на безбедност и стабилност што Емиратите го градеа со години.

Свет | пред 1 ден

1 ден
media-libraryl32resb5omvp1sur7Ef

Геополитичка игра: Москва сака подолг конфликт и повисоки цени на нафтата

Русија му обезбедува на Иран сателитски снимки, како и напредна технологија и оперативно знаење за беспилотни летала, стекнато на бојното поле во Украина, со цел да му помогне во нападите врз американските сили на Блискиот Исток, објави „Волстрит журнал“.Според извештајот, помошта вклучува компоненти за модифицирани дронови „Шахед“, со кои се подобруваат комуникацијата, навигацијата и прецизноста на таргетирањето. Русија, исто така, го советува Иран за оптималната големина на ројеви дронови и најсоодветните висини за изведување напади, врз основа на искуствата од војната во Украина.Сателитските податоци што ги користи Иран потекнуваат од системите на руските воздушно-космички сили, истиот систем што се применува во воените операции во Украина.Според анализата, Москва има интерес да го продолжи конфликтот на Блискиот Исток, со што би влијаела врз растот на цените на нафтата на глобалниот пазар. Истовремено, се проценува дека целта е да се зголеми потрошувачката на американско вооружување, како што се крстосувачките ракети „Томахавк“ и системите за противвоздушна одбрана „Патриот“, со што би се намалиле резервите што би можеле да бидат испорачани за Украина.

Свет | пред 1 ден

1 ден
media-libraryofgo6famjggo8xn1yn9

(Видео) Драматични сцени од Бејрут: повеќекатница срамнета со земја

Повеќекатна зграда во централниот дел на Бејрут е целосно урната во израелски воздушен напад, јавуваат медиумите.Снимките од настанот покажуваат драматичен момент на уривање на зградата во квартот Ал-Башура, по директен удар од воздух.Според извештаите, жителите претходно добиле предупредување од Израелските одбранбени сили (ИДФ) пред нападот.Овој напад е дел од поширока серија воени операции насочени кон инфраструктура поврзана со Хезболах во главниот град на Либан.

Свет | пред 1 ден

1 ден
media-library5gfcgoqekut34zXboTk

Крвав напад во Иран: седум загинати и 56 повредени во Доруд

Најмалку седум лица загинаа, а 56 се повредени во американско-израелски напад врз станбени области во градот Доруд, во иранската покраина Лорестан, јавија иранските медиуми.Според заменик-гувернерот задолжен за безбедност, мета на нападот биле цивилни и густо населени делови од градот, што предизвикало значителни човечки загуби и повреди.Новинската агенција Тасним претходно информираше и за уште еден напад во истата покраина, при што четири лица биле убиени во руралните подрачја на регионот Чегени.Информациите доаѓаат во услови на продолжена ескалација на конфликтот, со зголемен број напади врз различни делови од Иран.

Свет | пред 1 ден

1 ден
media-library0klg808enbjk7gcgnc7

(Видео) „Исламската Република е стабилна, системот е посилен од поединците“ – порака по ликвидацијата на Лариџани

Убиството на високиот безбедносен функционер Али Лариџани нема да предизвика дестабилизација на Иран, изјави шефот на дипломатијата Абас Аракчи во интервју за Ал Џезира.Тој нагласи дека политичкиот систем на Иран е стабилен и не зависи од поединци, туку од институции кои функционираат континуирано.„Не ми е јасно зошто Американците и Израелците сè уште не го разбираат тоа: Исламската Република Иран има цврста политичка структура со воспоставени политички, економски и општествени институции. Таквата структура не зависи од присуството или отсуството на било кој поединец“, изјави Аракчи.Тој додаде дека иако поединците имаат влијание, клучно е што системот останува стабилен и отпорен.„Секој има своја улога – некој поголема, некој помала – но суштината е дека политичкиот систем е многу постојан“, посочи иранскиот министер.Како пример за стабилноста на системот, Аракчи го наведе убиството на претходниот врховен лидер Али Хамнеи, по што, како што рече, државата продолжила да функционира без прекин.

Свет | пред 1 ден

1 ден
media-librarycfubpv6eb7drcU99KXl

Иран: Ги гаѓаме урбаните зони бидејќи САД ги префрлија војниците во хотели

Иран ги оправдува нападите во близина на урбани средини во земјите од Персискиот Залив со тврдењето дека американските сили се префрлени од воени бази во хотели и објекти во градовите, изјави шефот на дипломатијата Абас Аракчи во интервју за Ал Џезира.„Каде и да се наоѓаат американските сили или објекти што им припаѓаат, тие се легитимна цел. Можно е некои од тие локации да се во близина на урбани области“, изјави Аракчи.Тој призна дека нападите предизвикале загриженост и последици за населението во регионот, но вината за почетокот на војната ја префрли целосно на САД.Според податоците што ги пренесуваат медиумите, земјите од Заливот се соочиле со повеќе од 2.000 напади со ракети и дронови, насочени кон американски бази, дипломатски мисии, но и кон нафтена инфраструктура, пристаништа, аеродроми и урбани објекти, при што најпогодени биле Обединетите Арапски Емирати.Во меѓувреме, нападите продолжуваат. Обединетите Арапски Емирати и Саудиска Арабија активираа противвоздушна одбрана, а сведоци пријавуваат експлозии во Дубаи.Аракчи се осврна и на нуклеарната политика на Иран, истакнувајќи дека официјалниот став против развој на нуклеарно оружје засега останува непроменет, иако новиот врховен лидер сè уште нема јавно изнесено позиција по тоа прашање.Тој нагласи дека Исламската Република не зависи од поединци и дека смртта на високи функционери нема да влијае врз функционирањето на државата.

Свет | пред 1 ден

1 ден
media-library9mjf2slv8iq41uGgQx7

(Видео) Коњите на Фрчко од МВР завршија на кланица, тој си играше играчки додека бројот на наркомани растеше по сто на ден, вели Ѓурчевски

Поранешниот началник во МВР, Љубомир Ѓурчевски, во гостување во „Претрес со Ландов“ изнесе остри критики за одлуките во полицијата од 90-тите години, посочувајќи дека набавката на коњи била „катастрофа“ и симбол на погрешни приоритети, а кога Министерството за внатрешни работи го раководеше Љубомир Фрчковски.На прашањето на водителот за т.н. „коњи на Фрчко“, Ѓурчевски одговори дека тие завршиле „на кланица и во ладилник“, оценувајќи дека проектот за коњица бил целосно промашување.„Тоа беше смрт за полицијата. Во 1994 или 1995 година Фрчковски набави коњи за да прави коњица, затоа што видел такво нешто во Англија. Тоа беше најголемата глупост“, изјави Ѓурчевски.Тој додаде дека во тој период полицијата немала основна опрема, па дури ни борбени возила за специјалните единици, додека паралелно се трошеле средства за, како што рече, „коњи, овни, уметнички слики и очила“.„Тогаш бројот на наркомани растеше по сто на ден, а системот се занимаваше со вакви работи. Тој си играше игрички“, рече Ѓурчевски.Во емисијата, тој се осврна и на, како што тврди, контроверзна изјава поврзана со односот кон полицијата.„Полицајците се аморфна маса и можам да ги обликувам како сакам. Ако немам полицајци, ќе направам полицајци“, ја пренесе Ѓурчевски изјавата, нагласувајќи дека зборува, „најсериозно“.„Од криминолошки аспект на психијатрија“, додаде тој.

Македонија | пред 1 ден

1 ден
media-library0av8mg16bvh6dVzxC7V

СДСМ: Наместо поевтинување – горивата поскапеа за 7 денари

СДСМ обвини дека наместо најавеното намалување на цените на горивата, граѓаните се соочуваат со ново поскапување од 7 денари по литар, што, според партијата, претставува сериозен удар врз животниот стандард.Од партијата велат дека станува збор за „уште една неисполнета најава“ на премиерот Христијан Мицкоски и обвинуваат дека, како што наведуваат, „тендер коалицијата ВМРО/ЗНАМ“ носи политики што директно ги погодуваат граѓаните.„Наместо намалување од 2,5 денари – граѓаните добија поскапување од 7 денари. Ова е второ сериозно покачување, а владата не презема никакви мерки за заштита на животниот стандард“, соопштија од СДСМ.Според нив, зголемувањето на цените на горивата ќе предизвика нов бран поскапувања и кај храната, основните производи, па дури и кај струјата, со што, како што велат, ќе се задржат високи цените во маркетите дури и ако горивата подоцна се стабилизираат.Од СДСМ тврдат дека граѓаните само за една недела платиле дополнителни 3 милиони евра, а со новото покачување таа сума би достигнала 4,5 милиони евра неделно.Партијата најави дека ќе достави пакет законски решенија до Собранието, меѓу кои:– намалување на ДДВ за горивата од 18% на 5%– намалување на акцизата за 4 денари– 0% ДДВ за основните прехранбени производи– преполовување на цените на патарините„Владата мора веднаш да реагира и да ги прифати овие мерки. Граѓаните не можат повеќе да чекаат“, порачаа од СДСМ, додавајќи дека ова е втор пат да предлагаат вакви решенија.

Македонија | пред 1 ден

1 ден
media-libraryd5q3gv47kvmb4v32JUE

57.000 патници заглавени: целосен прекин на летови во Берлин

Воздушниот сообраќај на аеродромот Берлин Бранденбург е целосно парализиран поради штрајк на синдикатот Верди, при што ниту еден патнички авион не полетал ниту слетал.Откажани се вкупно 445 полетувања и слетувања, а последиците ги чувствуваат околу 57.000 патници, објави германски „Шпигел“. Од аеродромот апелираат патниците да стапат во контакт со своите авиокомпании за да добијат информации за алтернативни опции за патување.Штрајкот е дел од тековните преговори меѓу синдикатот Верди и управата на аеродромот околу условите за работа и платите. Синдикатот бара зголемување на платите за шест отсто за околу 2.000 вработени, минимално покачување од 250 евра месечно, како и дополнителен слободен ден за членовите.Покрај Берлин, нарушувања има и во Минхен, каде јавниот превоз функционира со ограничен режим. Метроата, трамваите и автобусите од утринските часови сообраќаат редуцирано, а од 11 часот преминуваат на итен режим. Приградските возови и регионалните автобуси засега не се засегнати.Синдикатот Верди најави дека штрајковите ќе продолжат и утре, при што ќе бидат опфатени и други големи градови, вклучително и во Баварија, Северна Рајна-Вестфалија и Хамбург.

Свет | пред 1 ден

1 ден
media-librarytk77ee7bl84j4d84e9l

Тирана го крена влогот: Албанскиот парламент го прогласи Иран за „државен спонзор на тероризам“

Албанскиот парламент денеска (18 март 2026) усвои резолуција со која Иран се прогласува за држава што спонзорира тероризам, а Корпусот на Исламската револуционерна гарда (ИРГЦ) се означува како терористичка организација.Документот бил предложен од Социјалистичката партија на Албанија и поминал на пленарна седница, во услови кога пратениците на Демократската партија не присуствувале на гласањето.Претседателот на пратеничката група на социјалистите, Таулант Бала, повикал резолуцијата да биде поддржана со образложение дека е поврзана со клучни прашања на меѓународната безбедност и со обврската државите да се спротивстават на тероризмот и на оние што, како што навел, го поддржуваат или толерираат.Во своето обраќање, Бала посочил дека борбата против тероризмот денес се гледа и како заштита на демократијата и владеењето на правото, како и како обид за зачувување на меѓународниот мир и стабилност. Тој нагласил дека Албанија, како членка на НАТО и кандидат за членство во Европската унија, има обврска да придонесува во колективната безбедност.Како дополнителен аргумент, било потсетено дека Албанија во 2022 година била цел на сериозен сајбер-напад врз државни институции, како и дека парламентот неодамна повторно бил изложен на нов сајбер-напад. Според изнесените ставови, целта на резолуцијата е јасна осуда на секоја форма на државна поддршка на тероризмот.

Свет | пред 1 ден

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Прочитај повеќе
Дознај ексклузивно и прв

Прв ќе ги дознаваш ударните и вонредните случувања