АРМ

Јавен обвинител од Штип вршел притисок врз војник да ја повлече тужбата против 14 старешини, алармира Независниот синдикат на професионални војници

Независниот синдикат на професионални војници алармира дека како што велат јавен обвинител од Штип вршел притисок врз оштетен професионален војник да ја повлече тужбата против 14 старешини од Армијата.На ден 20.01.2026 година Независен синдикат на професионални војници поднесе кривична пријава против 14 старешини од Армијата. Од Основното јавно обвинителство Штип е отворен предмет по таа кривична пријава и по таа пријава постапува јавен обвинител од Штипското јавно обвинителство. Во постапување по кривичната пријава, од страна на јавниот обвинител кон оштетен припадник на Армијата - професионален војник (повикан како сведок) е вршен притисок за повлекување на тужбата која претходно оштетениот ја поднел пред надлежен суд, притисоци со искази од страна на јавниот обвинител за лична здравствена состојба на најблизок член на семејството на оштетениот со цел да се повлече од понатамошно гонење.Ова е уште еден показател дека од страна на Армијата се врши притисок врз јавното обвинителство и обвинителите за отфрлање на пријавите кон овие воени лица.Ова е втор случај за неколку месеци за директно вршење притисок врз јавни институции, пред неколку месеци униформирани припадници на Армијата вршеа директен притисок врз членовите на Комисијата за спречување и заштита од дискриминација за отфрлање на сите претставки од синдикатот против МО и Армијата за дискриминација врз професионални војници, за сега да има повторно вршење на сличен притисок, но овојпат преку јавен обвинител со цел оштетеното лице да ја повлече тужбата пред надлежниот суд за да може јавниот обвинител да ја отфрли кривичната пријава против овие 14 старешини од Армијата на РСМ.За да биде скандалот уште поголем, јавниот обвинител искажува детали за лични здравствени состојби на најблизок член од семејството на оштетениот , но тие информации ги знае само 11 -то пријавеното лице од кривичната пријава поднесена кон 14 -те припадници на Армијата. Прашањето е : Како јавниот обвинител ја знае здравствената состојба на најблизок член на семејството на оштетениот и која е целта на барањата за повлекување на тужбата и прифаќање на незаконските постапки на овие 14 припадници на Армијата ?!Ова е доказ дека Министерството за одбрана и Армијата директно влијаат на јавното обвинителство за да се отфрлат сите пријави поднесени против припадници на Армијата кои правеле и сеуште прават криминални дејствија во МО и Армијата, штета на буџетот на државата и штета на припадниците во Армијата.Повторно по незнам кој пат како синдикат во Армијата , ја прашуваме претседателката на Република Македонија г-ѓа Гордана Силјановска Давкова која е и врховен командант на Армијата ДАЛИ ЗНАЕ што се случува во Армијата и што прават овие старешини - офицери и подофицери ?!Исто така ,го прашуваме министерот за одбрана г-дин Владо Мисајловски , откако ќе направи пауза од ПР кампањата со рилови за затскривање на катастрофалната состојба во Армијата , да одговори ДАЛИ ЗНАЕ што се случува во министерството кое го води скоро две години и ДАЛИ ќе превземе нешто да го спречи самоволието и незаконското постапување на овие воени старешини ?!Носењето на униформа на Армијата на Република Македонија и носење на чин на градите е гордост и чест за угледот на Армијата, но таа униформа и чин не ги прават тие да бидат над законот.За овој скандал во ОЈО Штип ќе поднесеме претставка до Советот на јавни обвинители за утврдување на одговорност за нестручно, несовесно и непрофесионално вршење на должност јавен обвинител и вршење на притисок врз сведок - оштетено лице, вели Александар Насковски, претседател на Независен синдикат на професионални војници.

Македонија | пред 1 седмица

Мисајловски: Набавуваме ново оружје постојано, наскоро ќе ги покажеме новите „страјкери“

Министерот за одбрана Владо Мисајловски изјави дека Армијата континуирано се модернизира со набавка на ново вооружување и опрема, најавувајќи дека наскоро во јавноста ќе бидат претставени новите оклопни возила Страјкер кои пристигнале во државата, како и дополнителни системи и воена опрема што се очекуваат во наредниот период.Набавуваме ново оружје постојано, и за некој ден, бидејќи имаме уште еден голем настан каде што ќе ги видите новите страјкери што пристигнаа во државата. Паралелно очекуваме огнена моќ, дополнително да стигне од повеќе држави, очекуваме да пристигнат мистралите, хаубиците пристигнаа во Македонија, се работи на првиот хеликоптер пристигнува. Ова се сериозни вложувања, каде што оваа година можеби е најтешката во Министерството за одбрана, да ги исплати сите овие работи. Тоа се сериозни вложувања за нас како држава. И во наредните 10 години ќе извојуваме многу средства за одбраната и се разбира со сите раководни структури во армијата, ќе започнеме со нов план, што е најважно да купуваме во наредните години. А верувајте, тоа се милиони и милиони, би рекол и милијарди што треба да ги издвоиме како Министерство за одбрана“, вели Мисајловски.

Македонија | пред 1 седмица

Мисајловски најави 17 нови проекти: Ќе се реконструираат домот на АРМ, хотелот „Шар“ на Попова Шапка и касарните

Министерот за одбрана Владо Мисајловски денес беше во посета на припадниците на Армијата во касарната „Јане Сандански" во Штип. Тој во изјава за медиумите најави дека оваа година очекува да бидат започнати 17 нови проектиМожеме да видиме еден целосно готов објект како и еден проект како што можете да видите до 70% веќе завршен. Очекувам дека во наредниот месец комплетно ќе биде завршен овој објект. Мислам дека со овие услови покажуваме дека целосно се грижиме за нова, модерна инфраструктура. Ова се само дел од објектите што ги реконструираме. Како што може да видите, комплетно нова реконструкција. Ова ќе го правиме во сите касарни. Постојано вложуваме во нови проекти. Овие два објекти чинат, отприлика, 1 милион евра. А паралелно ќе ги работиме вакви објекти, скоро во сите касарни, но и многу други објекти.Околу 17 нови проекти очекуваме оваа година да започнеме. Започнуваме со проектирање на армискиот дом во Скопје, кој што 30 години не е пипнат, целосна реконструкција на домот на АРМ ќе направиме. Започнавме проектирање на хотелот Шар на Попова Шапка, имаме уште еден хотел во Скопје кој бил во хаотична состојба, кој со години не бил пипнат. Направивме нов проект за сите касарни, тоа е реконструкција да можеме да направиме рамковна секаде каде што е потребно, и тоа ќе чини околу половина милион евра, и паралелно секаде каде што има армијата потреба, повеќе компании што ќе бидат избрани, директно да ги вклучуваме на сите објекти, да ги поправаме, односно да ги реконструираме сите овие капацитети што ги имаме како Министерството за одбрана, каде што со години дел од нив не биле пипнати“, вели Мисајловски.Тој исто така изјави дека се работи и на нови капацитети, како и изградба на нов објект во Воената академија„Во секоја една касарна она што е потребно дополнително ќе го направиме како што е одобрување на фазите, односно електрика, имаме проблеми и со водата, и така натака. И таму се прават проекти, како што кажав, повеќе од 10 милиони евра ќе издвоиме директно само за инфраструктурата“, изјави Мисајловски.

Македонија | пред 1 седмица

АРМ по пронајдената дрога кај војник: Секое несовесно однесување е неприфатливо и ќе биде санкционирано

Армијата информираше дека на 12 февруари во рамки на внатрешни проверки кај еден припадник е пронајдена материја со сомнителна содржина.„Секое несовесно однесување во нашата институција е неприфатливо и ќе биде санкционирано. Армијата е изградена врз професионалност, дисциплина и интегритет, и нема место за лица кои со своите постапки го нарушуваат угледот на институцијата“, велат од Армијата во соопштението.По пронаоѓањето на материјата, случајот веднаш е пријавен во Министерството за внатрешни работи, по што јавен обвинител наредил лишување од слобода на лицето. По целосно документирање, против војникот е поведена соодветна постапка.Армијата најави дека и во иднина ќе продолжи со засилени контроли и активности за спречување на вакви појави, со цел зачувување на угледот и дисциплината во редовите. Оттаму додаваат дека јавноста беше дополнително информирана на 17 февруари, во согласност со принципите за транспарентност на институцијата.

Македонија | пред 1 седмица

Муса Џавит кој го уби армискиот офицер и понатаму е недостапен за правдата – се бара со меѓународна потерница за две убиства

Бегалецот Муса Џавит, кој е осомничен дека минатата недела го застрела и усмрти армискиот офицер пред селото Батинци, се уште не е пронајден и, според сознанијата на истражните органи, најверојатно ја напуштил земјата.Од Министерството за внатрешни работи за ТВ 24 потврдуваат дека Џавит веќе подолго време се бара со меѓународна потерница за претходно извршено убиство, а откако е осомничен за ново кривично дело, по него се трага со засилена меѓународна акција.„Нашите служби се во континуирана соработка и контакт со безбедносните служби од странските држави каде што постои сомнеж дека осомничениот би можел да се наоѓа“, соопштија од МВР.Муса Џавит, кој има богато криминално досие, за само една година е поврзан со две смртни пресметки. Двата вооружени инциденти се случиле во летниот период, минатата и оваа година, во скопското село Батинци. И покрај сериозноста на случаите, полицијата сѐ уште не успеала да го лоцира и приведе.Последното убиство се случи пред неколку дена, кога 50-годишен офицер на АРМ беше смртно застрелан со два куршума додека се возел со ќерка си кон нивниот дом. Напаѓачот отворил оган непосредно пред влезот на селото.

Македонија | пред 8 месеци

Убиениот припадник на АРМ, Агим Мухареми денеска користел слободен ден, Министерството за одбрана изрази сочуство

Агим Мухареми, припадник на Армијата на Република Северна Македонија, кој денеска беше убиен во Батинци, не бил на работно место во моментот на инцидентот, бидејќи користел слободен ден.Од Министерството за одбрана изразија сочувство до неговото семејство.– Ја информираме јавноста дека лицето со иницијали А.М. од село Батинци, кое поради повредите што ги претрпе во трагичниот настан почина, е припадник на Армијата. Во моментот на настанот не било на должност, односно имало слободен ден – стои во официјалното соопштение од АРМ.На местото каде се случи настанот излезе јавен обвинител и припадници на Воената полиција.

Скопје | пред 8 месеци

Во пукањето кај Батинци е убиен припадник на АРМ, имал прострелни рани во градниот кош, лекарите не можеле да го спасат

До денешното пукање на влезот во селото Батинци убен е припадник на АРМ.Денеска (11.07.2025) околу 10:15 часот во СВР Скопје , М.Е. пријавил дека на влезот на с.Батинци, скопско, М.Џ. пукал со огнено оружје кон патничко возило „Киа“ кое било во движење. А.М.(50) се здобил со прострелни рани во пределот на градниот кош и бил пренесен во ГОБ„Св Наум Охридски“ за укажување на лекарска помош, каде во 11.00 часот од страна на доктор била констатирана смрт, соопшти МВР.Сè уште не се познати околностите на настанот и причината за раните, додека надлежните органи започнаа истрага. Станува збор за Агим Мухареми од Батинци, припадник на Армијата на Северна Македонија.

Скопје | пред 8 месеци

(Видео) Воздишки и емоции: Згрме „Заветна“ со армискиот оркестар и музичарите од вооружените сили на четири држави

Оркестарот на македонската Армија на воодушевување на преполната сала заедно со музичари од Вооружените сили на Франција, Унгарија, Италија и САД донесе вистинско, според многумина, досега невидено уживање за публиката.Концертот, кој се одржа под мотото „Заедно посилни во хармонија на звуците“, понуди разновиден репертоар од светски познати автори како Жорж Бизе, Јоханес Брамс, Џорџ Гершвин и Џоакино Росини, но и композиции од земјите на гостинските оркестри. Најголемата ерупција на воодушевување се случи со изведбите на воените оркестри во придружба на Андријана Јаневска и „Заветна“, „Учи ме мајко, карај ме“, како и на изведувачите од посилниот пол со „Налеј, налеј“ и македонски евергрини. Публиката беше воодушевена од фантастичниот репертоар.Настанот го проследија бројни гости, меѓу кои и претседателката и врховен командант на Армијата, Гордана Сиљановска Давкова, министерот за одбрана Владо Мисајловски, началникот на Генералштабот генерал-мајор Сашко Лафчиски, министри во Владата, пратеници, претставници на дипломатскиот кор и многу други.

Магазин | пред 1 година

Почина генерал-мајор Ѓорѓи Бојаџиев

По кратко и тешко боледување вчера на 74- годишна возраст почина пензионираниот генерал-мајор Ѓорѓи Бојаџиев, поранешен началник на Генералштабот на Армијата.Информацијата утринава ја потврдија и од Генералштабот.„По кратко и тешко боледување во текот на вчерашниот ден на 74- годишна возраст, почина пензионираниот генерал-мајор Ѓорѓи Бојаџиев, поранешен началник на Генералштабот на Армијата. Бојаџиев е роден 31 март 1950 година во Ново Село, Струмица. Завршил гимназија во 1969 година, а потоа своето образование го продолжил на Воената академија на Копнената војска на ЈНА и истата ја завршил во 1973 година. Командно-штабна академија завршил како припадник на АРМ во 1995 година, а највисокиот степен на воено образование Школо за национална одбрана завршил во Франција, во 2001 година.Генералот Бојаџиев во текот на неговата воена кариера, до неговото пензионирање во 2005 година, извршувал повеќе високи должности во Армијата, како командант на моторизирана бригада, командант на дивизија, началник на управата за операции, готовност и обука во Генералштабот, командант на гранична бригада, а во период од 2004 до 2005 година и највисоката должност началник на Генералштабот на Армијата.Во текот на својата кариера повеќе пати добивал награди и признанија како заслуга за својата беспрекорна посветеност и залагање во армиската служба, пред сè во унапредувањето и усовршувањето на Армијата и армиските процеси, меѓу кои е одликуван и со Медал за воени заслуги и Орден за воени заслуги со сребрени мечеви.Генералот Ѓорѓи Бојаџиев ќе биде погребан со воени почести денес на Градските гробишта во Штип во 14 часот, а посмртните останки ќе бидат изложени во капелата од 13.00до 14.00 часот“, се вели во соопштението оттаму.Се огласи и Драган Ковачки, пратеник на ВМРО-ДПМНЕ.„Денес почина нашиот поранешен началник на Генералштабот на АРМ, генерал Ѓорѓи Бојаџиев.Неговата посветеност, љубовта кон татковината и личниот придонес за Армијата и за Македонија, како и грижата за неговите подредени, ќе останат засекогаш запаметени.Последен пат се сретнавме за време на парламентарни избори, кога, како и секогаш, зрачеше со енергија, оптимизам и љубов кон својот народ.Како таков генерал ќе го паметам – секогаш на страната на вистината.Почивај во мир, генерале.“, напиша Драган Ковачки, пратеник на ВМРО-ДПМНЕ.

Македонија | пред 1 година

Сиљановска е горда на Армијата: Се борите за шумите, ама време е да се преиспита и системот за заштита и управување со кризи!

Претседателката Гордана Сиљановска Давкова денеска се обрати на централната свеченост по повод 18 Август, Денот на Армијата, што се одржа во Центарот за обука на вода во Охрид.Во своето обраќање претседателката Сиљановска Давкова оддаде признание на припадниците на Армијата за нивното дисциплинирано, совесно и одговорно извршување на воените должности, како дома, така и во странство, преку учество во бројни мировни мисии. Претседателката особено ја истакна посветеноста на Армијата во поддршката на институциите во справувањето со елементарните непогоди и со кризните состојби, како што се пожарите на територијата на целата држава, секогаш правејќи го тоа професионално и пожртвувано и поради тоа, како што нагласи, Армијата континуирано ужива највисока доверба кај македонските граѓани.На централната свеченост беше извршено примопредавање на должноста началник на Генералштабот на Армијата од досегашниот началник, генерал-потполковник Васко Ѓурчиновски на новиот началник на Генералштабот, генерал-мајор Сашко Лафчиски.Во продолжение е интегралното обраќање на претседателката Сиљановска Давкова:Неодамна, на прославата на Илинден, потенцирав дека силата ни извира од единството на нашите различности: етничка, верска, јазична, генерациска, полова, идеолошка. И покрај разликите, Вие, офицерите и подофицерите, војниците и резервистите, ветераните и питомците, споделувате нешто заедничко: сите сте поврзани и обврзани со свечената заклетва дека ќе ги браните слободата, суверенитетот и територијалниот интегритет на државата. Ве потсетувам дека насушна и непресушна потреба и чест е дисциплинирано, совесно и одговорно, како и досега, да ги извршувате воените должности. Знам дека Вие го правите тоа постојано и беспрекорно со макотрпни реформи, согласно строгите НАТО стандарди, со активното и кредибилно учество во мировните мисии во функција на регионалниот и глобалниот мир, преку меѓународните воени вежби на кои ги демонстрирате знаењето и способностите, а најмногу со безрезервната подршка и помош што им ја давате на македонските граѓани и на цивилните институции во справувањето со елементарните непогоди, како пожарите летово.Сево ова ме прави горда на вас, припадниците на Армијата.Вие сте важен мировен гарант и потенцијал во овие тешки времиња на голема неизвесност, предизвикана од глобални и европски безбедносни ризици и разгорени регионални воени конфликти, присуство на традиционални, но и нови, хибридни и сајбер-закани, активни малициозни влијанија и дезинформации од државни и недржавни актери. Современото бојно поле, за жал, од физичкиот се прошири и на дигиталниот простор.Актуелната војна на тлото на Европа и на блискиот Исток која предизвикува невидени човечки страдања и материјални штети, наметнува тешки прашања и дилеми, но и предизвици за човештвото, заради почитувањето и непочитувањето на меѓународното право, неефикасноста во функционирањето на меѓународните институции и овластените меѓународни актери.Знаеме дека Вие, припадниците на Армијата, патот до НАТО го изодевте преку бројни мировни мисии во кои стекнавте не само огромно искуство, туку и голема и заслужена почит. Затоа, ќе продолжиме да придонесуваме за мирот преку учеството во КФОР, Зајакнатото присуство во Летонија и активностите на зголемена будност во Бугарија и Романија како дел од колективниот НАТО-систем на одвраќање и одбрана. И понатаму ќе учествуваме во мисиите ЕУФОР – АЛТЕА и УНИФИЛ. Во моментов, над 180 армиски припадници се ангажирани во мировните мисии и операции, под македонското знаме.На воените вежби, на полигоните со сојузниците ја потврдивте вашата обученост и интероперабилност. Само до крајот на оваа година, над 400 армиски припадници ќе учествуваат на НАТО-вежбите каде што ќе ги развиваат, докажуваат и усогласуваат своите способности со оние на сојузниците.Но, за мене, најважно од сè е дека, и покрај вашето активно меѓународно присуство, вие сте тука, дома, секогаш и секаде каде што е најпотребно.Почитувани граѓани,Ценети присутни,Додека денес го прославуваме овој голем и важен празник, дел од припадниците на Армијата се борат со огнените стихии ширум државата. Во овој момент им помагаат на противпожарните екипи во гаснењето на пожарите, заштитата на граѓаните и добрата. Би сакала како претседателка на сите граѓани-волонтери, исто така, да им изразам неизмерна благодарност за помошта во овие огнени денови.Повторувам, години наназад, Армијата редовно се ангажираше во поддршката на институциите во справувањето со елементарните непогоди и со кризните состојби. Секогаш тоа го правеше професионално и пожртвувано. Затоа Армијата, затоа вие, континуирано уживате највисока доверба кај македонските граѓани.Но, должна сум да потсетам дека, во битката со пожарите не сме сами, туку ја имаме помошта од пријателските држави, особено од регионот. Не попусто рекле дека во маката се познаваат пријателите. Да им се заблагодариме за солидарноста сега, кога ни е најтешко. Нивната помош нема да ја заборавиме. Како во минатото, така и во иднина и ние ќе продолжиме да им помагаме на нашите соседи и пријатели кога за тоа ќе има потреба.Но, освен неброените хектари шуми, ниви и пасишта, во овие пожари се изострува прашањето за функционалноста на системот за превенирање на пожарите и справување со нив. Како и досега, така и во иднина, Армијата ќе биде подготвена да им даде целосна поддршка на граѓаните и на надлежните институции. Но, време е да се преиспита системот за заштита и спасување и за управување со кризи, да се детектираат и коригираат институционалните и професионалните недоследности, како и да се креира логичен, ефикасен систем на справување со кризи. Мора да направиме сè што е потребно за да го заштитиме општото добро и јавниот интерес навреме, да посегнеме по превенција, наместо по справување со последиците. Сигурна сум дека тоа ќе биде направено.Ова е особено важно имајќи ги предвид климатските проекции за иднината. Сушите, пожарите и поплавите ќе бидат сѐ почести и сѐ поинтензивни, оти, за жал, ние луѓето влеговме во однапред изгубена војна со природата. Како мултипликатор на безбедносните ризици и закани, климатските промени предизвикуваат домино-ефект, од елементарни непогоди, преку климатски миграции, до трка за ресурси.Затоа, мора да изградиме рационална и инкременталистичка политика што ќе резултира со функционален систем, способен навреме и соодветно да се адаптира кон промените, да ги превенира ризиците, да управува со процесите и да ги ублажува последиците. Така, ќе обезбедиме одржлив развој и сигурна сегашност и иднина за македонските граѓани и за македонската држава.Почитувани присутни,Денеска, пред нас, пред вас се изврши примопредавање на должноста началник на Генералштабот на Армијата.Од срце, и со разум, му благодарам на досегашниот началник, генерал-потполковник Васко Ѓурчиновски за успешното лидерство во изминатите години. Нему му припадна задачата да биде началник на Генералштабот во клучен период, кога македонската држава се соочи со бројни ризици, но и успеси како формалното членство во НАТО. Тој активно учествуваше во трансформацијата и модернизацијата на Армијата и успеа да ја продлабочи соработката со нашите сојузници. Јас и понатаму му нудам соработка. Благодарна сум му за стореното и очекувам понатамошни советнички успеси.Воедно, му честитам на новиот началник на Генералштабот, генерал-мајор Сашко Лафчиски за неговото именување. Пред него, пред вас, се големи задачи и предизвици. Тој, Вие, ќе треба да учествува во одржувањето и во унапредувањето на борбената кондиција, да продолжи со реформите, да ја зајакне меѓународната соработка и да вложува во воените и цивилните припадници на Армијата. Нему му ја доверувам задачата да ја сочува вистинската доверба којашто Армијата ја ужива како меѓу македонските граѓани и кај нашите сојузници и партнери.Сведоци сме на смена на генерации коишто се поврзани и обврзани со иста заклетва, заедно со вас, припадниците и припадничките на Армијата, да ја браните слободата, сувереноста, самостојноста и територијалниот интегритет на единствената татковина што ја имаме.Тоа ме прави горда на вас. Тоа ги прави вашите семејства, вашите пријатели, но и сите наши сограѓани, горди на вас. Наша должност е да ви помогнеме достоинствено да ја извршувате оваа задача.Мора да продолжиме да се залагаме за родова еднаквост и за кариерен напредок во сите области и во Армијата. Конечно, мора да вложуваме во образованието и во обуката на сегашните и на идните воени лидери на македонската армија, но и во нивниот социјален статус.Почитувани припадници на Армијата,Честитајќи ви го празникот, ви посакувам многу успех во извршувањето на вашата одговорна и благородна задача.

Македонија | пред 1 година

АРМ ја губи огнената моќ, станува транспортна организација, вели Ковачки

Драган Ковачки, актуелен пратеник на ВМРО-ДПМНЕ и поранешен полковник, објави подолг статус за Денот на армијата, во кој вели дека македонската армија се повеќе ја губи огнената мож доека истовремено се трошат се поголеми суми. Како што е напишано на неговиот профил, Министерството за одбрана ги намалува сопствените национални капацитети за одбрана, а модернизира само една мала НАТО-група.„Тоа што е загрижувачко е што на нашата министерка (исто како и на претходната - Шекеринска) навистина не и' е јасно на што се базира моќта и ефикасноста на една армија.Или пак ако и' е јасно, тогаш очигледно се надева дека граѓаните се неуки и со празна реторика во својот говор ќе ги оправда големите суми кои веќе неколку години се издвојуваат, а во пракса способностите на Армијата се НАМАЛУВААТ. (!)Да потсетиме дека со преземањето на власта од страна на СДС и ДУИ веднаш се пристапи кон промена на стратегијата и плановите за развој на Армијата со кои директно се удри врз структурите кои беа носители на нејзината борбена моќ, но и гордост.Евидентно е дека се запоставува националниот карактер на македонската армија, односно најголемиот дел од ресурсите (човечки и материјални) се насочени кон развивање само на една мала воена структура, која пред се' би требало да биде за потребите на НАТО. Но и во делот на опремувањето на единицата за НАТО, се доцни!Значи, од една страна неопходно е забрзување на инвестирањето во системи кои ќе можат да се вклучат во НАТО операции, но од друга страна спорен е и несоодветниот пристап во утврдувањето на приоритетите поради кои нашата Армија во последните години доживува сериозно намалување на огнената моќ, а со тоа и намалување на нејзината борбена готовност за извршување на нејзината основна мисија, а тоа е одбрана на територијата на Република Македонија.Тоа е впрочем Уставна обврска, но и обврска согласно Договорот со НАТО во кој јасно е прецизирано дека секоја држава мора да развива сопствени (национални) капацитети за одбрана“, пишува Ковачки.Како што пишува тој, дури 70 отсто од набавките се за транспортни капацитети, а не за реална огнена моќ и дека не е надоместено она што било донирано за потребите на одбраната на Украина.„Согласно постоечките стратешки документи, АРМ мора да има резервен состав за кој за жал се' уште нема никаков концепт, а камоли реализација. Исто така, согласно документите, АРМ треба да има и тенковски баталјон во резерва, но исто така во МО нема никакво размислување, а камоли планирање за набавка на нови современи тенкови или соодветни орудија со кои би се зголемила огнената моќ и маневрабилноста на АРМ.Сите параметри, споредено со претходните години, укажуваат на значително намалена огнена моќ на Армијата.Исто така, загрижува и односот на Министерката за одбрана и Министерот за внатрешни работи на нашите јавни укажувања дека како држава поседуваме беспилотни летала кои се користат во многу поголеми и побогати НАТО армии (Обединето Кралство и др.), а кај нас скапуваат во магацини.Толку ли не знаат дека во рамките на институциите кои ги раководат постои и друга квалитетна (НАТО компатибилна) опрема вградена на различни платформи и опрема која скапува по магацини а која е скапо платена?На листата на уништени капацитети во рамките на МО, односно Армијата е и центарот за обука на пилоти. Центар (ЦОП) што ги чинеше граѓаните повеќе од 40 милиони евра и што речиси една деценија функционираше оптимално произведувајќи пилоти за потребите на државата (армијата и полицијата) по највисоки воени стандарди и истиот денес, доколку продолжеше да функционира, би бил една од ретките структури во Армијата која комплетно ги исполнува, ако не и надминува, НАТО стандардите.Ако се има во предвид речиси комплетната неисправност на сите воздухоплови и тренажни средства во центарот и симболичната исправност на хеликоптерите од хеликоптерскиот (траснспортен) сквадрон, како и огромниот недостаток на стручен персонал за поддршка, нејасно е како министерката го замислува функционирањето на новите хеликоптери кои се почесто ги најавува“, додава Ковачки.Тој пишува и дека „македонската армија не е транспортна организација туку многу покомплексна одбранбена структура која има критична улога во рамките на севкупниот одбранбено-безбедносен систем“.

Коментари | пред 2 години