АРСОВСКА

ВМРО-ДПМНЕ ја прозва Арсовска да каже која одлука за „Комунална хигиена“ не била изгласана од нивните советници

Советничката група на ВМРО-ДПМНЕ реагираше на тврдењата на градоначалничката Данела Арсовска, која утрово на социјалните мрежи напиша дека одговорноста за состојбата со ѓубрето низ Скопје е кај кадрите на ВМРО-ДПМНЕ и ВЛЕН во Советот на Градот и управниот одбор на ЈП „Комунална хигиена“.Од партијата нагласуваат дека сите одлуки предложени од Арсовска поврзани со претпријатието биле усвоени од страна на советниците на ВМРО-ДПМНЕ. Ја обвинуваат градоначалничката дека измислува криза за политичка корист.„Советниците на ВМРО-ДПМНЕ и Коалицијата гласаа за сите одлуки предложени од страна на Арсовска, а кои беа поврзани со ,,Комунална хигиена”.Апелираме да каже која одлука врзана со тековното работење на претпријатието не е изгласана од советниците?“ стои во реакцијата.Од партијата додаваат дека тврдењето на Арсовска дека проблемот е намерно создаден е површна, неточна и нелогична.„Зошто ВМРО-ДПМНЕ во сред изборна кампања би го ставило Скопје во ѓубре, ако се знае дека товарот и негативата ќе одат на сметка на ВМРО-ДПМНЕ? Арсовска треба да одговори зошто не се собира ѓубрето и што се прави со парите кои граѓаните уредно ги плаќаат“, стои во соопштението од партијата.Тие побараа да се испита и кривичната одговорност на надлежните за хаосот со сметот, оценувајќи дека зад него стои тајна коалиција која четири години ја поддржуваше Арсовска.„Ова го прави некој што сака да наштети на ВМРО-ДПМНЕ во изборна кампања. Ќе дојде крајот на ова и ќе има одговорност“, се вели во реакцијата.

Македонија | пред 4 месеци

Партијата со остро соопштение: На Арсовска ѝ посакуваме опоравување, но нејзиното неработење ја доведе Скопје до хаос

ВМРО-ДПМНЕ со остро соопштение реагираше на актуелната состојба во Град Скопје и однесувањето на градоначалничката Данела Арсовска, обвинувајќи ја дека градот се наоѓа на работ на колапс, додека таа „се занимава со театар и инфлуенсерство“.„Додека Арсовска се обидува да биде инфлуенсерка и троши време на јавни настапи, претпријатијата штрајкуваат, а вработените немаат плати“, стои во реакцијата.Од партијата додаваат дека иако нема да ја коментираат лично, посакуваат на градоначалничката добро здравје и „брзо опоравување од состојбата во која се наоѓа“. Според нив, „однесувањето на Арсовска е надвор од нејзината волја“ и покажува дека не се снајде со одговорноста што ја презеде.„Ова не е однесување кое доликува на дама, но веруваме дека ќе успее да се стабилизира. Мандатот, за среќа на сите, ѝ завршува“, наведуваат од ВМРО-ДПМНЕ.Во соопштението дополнително се нагласува дека Арсовска направила серија грешки, „создавајќи тензии и соработувајќи со најголемите бандити од ДУИ“, за кои, како што велат, „се зборува дека имаат влијание врз нејзиното однесување“.„Направивме грешка во проценката за неа, но тоа нема да се повтори. По нејзиниот мандат ќе следува детална ревизија на работењето во Град Скопје, за јавноста и институциите да видат кои се вистинските причини за проблемите“, завршуваат од ВМРО-ДПМНЕ.

Скопје | пред 4 месеци

На Арсовска и одобрија 24-часовно полициско обезбедување, на нејзе е дали ќе го прифати

По вчерашниот инцидент во скопската Општина Чаир, Министерството за внатрешни работи донесе одлука за одобрување 24-часовно полициско обезбедување на градоначалничката на Скопје, Данела Арсовска. Одлуката е донесена врз основа на безбедносна проценка подготвена од Агенцијата за национална безбедност (АНБ).„Во текот на денешниот ден, градоначалничката ќе биде контактирана од надлежните служби за да се координираат активностите поврзани со личната заштита“, соопштија од МВР.Министерството нагласува дека постапува професионално и согласно надлежностите во секој поединечен случај поврзан со безбедноста на г-ѓа Арсовска. Во таа насока, од МВР презентираа хронологија на неколку инциденти:На 1 јуни, градоначалничката била следена и загрозена од возило во движење. Иако таа не го пријавила случајот, полицијата постапила по оперативни сознанија, прибирала докази и поднела кривична пријава по член 144 став 4 од Кривичниот законик.На 2 јули, Арсовска преку социјалните мрежи објави дека добила закана од лице за кое тврдела дека е полициски службеник. Веќе следниот ден, Одделот за внатрешна контрола спровел увид и поведена е дисциплинска постапка против осомничениот.На 5 јули, беа објавени информации за закани кон советничката Ирена Витина. Според МВР, советничката одбила да дојде во полициска станица, но службени лица извршиле теренска посета и прибрале податоци.На 11 јули, по инцидентот во Чаир при инспекциски надзор, Арсовска добила лекарска помош, а осомничените лица веднаш биле приведени. Сепак, градоначалничката одбила да потпише записник за пријава и го напуштила полициското одделение, избирајќи повторно јавна комуникација преку социјалните мрежи, наместо директно со институциите.Во врска со овој последен настан, МВР веќе поднесе кривична пријава против две лица – С.Љ. и С.Љ., за кривично дело „Насилство“ по член 386 став 3 од Кривичниот законик.Министерството остро ги отфрла тврдењата дека не постапува навремено и наведува дека секој случај се третира со законска процедура, транспарентност и професионализам.„Апелираме до сите јавни функционери да не ги користат медиумите и социјалните мрежи како замена за институционална комуникација. Навремено пријавување во МВР е клучно за ефикасна заштита и разрешување на секоја потенцијална закана“, порачаа од Министерството.

Скопје | пред 8 месеци

Мицкоски за Арсовска: Државата има институции, нека постапуваат

Премиерот Христијан Мицкоски не сака да ја коментира скопската градоначалничка Данела Арсовска, а институциите ги повика да постапуваат и да го решат инцидентот.„Државата има институции, ги повикувам да постапуваат по случајот. Што се однесува до градоначалничката на Скопје многу работи се кажаа, не би имал што да додадам“, рече кусо Мицкоски.Ова доаѓа откако вчера Арсовска во Чаир тврдеше дека била нападната, удирана со клоци и раце, а вечерта се појави на поткаст и упати обвинувања кон МВР дека лиферувале докази од случајот во јавност. Во дел од медиумите се појави снимка на која се гледа како машко лице се доближува кон Арсовска, таа оди наназад, а потоа му удира клоца. Од втора снимка, наводно направена од телефонот на Арсовска, се гледа како машкото лице посегнува по нејзиниот телефон со кој таа снима.

Скопје | пред 8 месеци

Тошковски инцидентот со Арсовска: Приведно е лицето кое го навела, а таа си заминала од станица без да потпише записник

За нападот врз градоначалничката Данела Арсовска при увид на дивоградба во скопски Чаир спроти Полициската станица на Бит Пазар, министерот за внатрешни работи Панче Тошковски рече дека физички имало контакт, но нејзиното тврдење дека било пред очите на полицијата е лага и повторен обид за манипулација на јавноста. Тошковски во вечерашното гостување на Сител ТВ, кажа дека Арсовска не го потпишала полицискиот записник.„Дошла во полициска станица, била примена од страна на полициските службеници, отпочнале со полициски дејствија. Меѓувремено контактирале јавен обвинител. Лицето коешто го навела како такво е приведено е во полициска станица, и плус други две лица коишто вербално се заканувале. И пазете сега. При составување на записникот и примање на пријавата од страна на госпоѓата, истата станала и си отишла. Не потпишала записник. Замислете“, изјави Тошковски.Претходно вечерва, во интервју за Телма Тошковски рече дека МВР постапило во два случаи и дека се отворени дисциплински постапки против полициски службеници за случаи кои ги пријавила Арсовска, но дека таа и покрај тоа што била повикувана во полиција да пријави одбивала да доаѓа, а во исто време објавувала на социјалните медиуми.Од Министерството за внатрешни работи (МВР) соопштија дека се приведени двајца напаѓачи.„Во врска со настанот во кој што е пријавено дека градоначалничката на град Скопје била физички нападната, од страна на полициски службеници од СВР Скопје обезбедени се две лица кои во моментов се во Полициска станица со кои се обавува службен разговор“, велат од МВР.

Скопје | пред 8 месеци

Арсовска пак се огласи за клоцањето и шамарите

На социјалните мрежи се огласи и градоначалничката на Град Скопје, Данела Арсовска.Повод е објавената видео снимка од Чаир, во која се тврди дека токму таа нападнала граѓанин. Според Арсовска, снимката е лиферувана од МВР, и на истата не се гледале боксовите и шамарите.Претходно, таа објави и видео во кое истакна дека 2 часа била во ПС Кисела Вода, каде после првиот час расположението се променило и се обидувале да го заштитат лицето кое физички ја нападнало.Како што вели, добила прашања, што барала таму и всушност зошто излегува на терен.

Скопје | пред 8 месеци

(Видео) Протече снимка од инцидентот со градоначалничката Арсовска

Камера поставена на приватен објект го снимила инцидентот помеѓу градоначалничката на Скопје, Данела Арсовска и лицето за кое таа тврди дека ја нападнало.Снимката протече во јавност откако таа тврдеше дека полицијата не интервенирала. Од видеото, се гледа како едно лице се доближува кон другото, по што, добива клоца. Насловот на видеото е „Данела Арсовска прва започнува напад“.Според снимката по клоцата која ја доби машкото лице, дотрчува полициски службеник, кој го трга удреното лице настрана. Почнува друга снимка, направена од уред.„Што ме удираш бе, кого удираш“, вика женски глас, а на снимката се гледа како полицајци го тргаат лицето кое беше удрено.[caption id="attachment_342759" align="alignnone" width="1920"] Десно: Арсовска и Ирена Витина по инцидентот - лево принтскрин од настанот и лицето кое удира клоца[/caption]Од удрениот се слуша како извикува пцовки.„Кучко, о се да ти **ам“, вика удрениот додека полицијата го држи за раце и го трга на страна, а другото лице му се доближува.

Скопје | пред 8 месеци

Кирков: Една седница нема да ги реши дивоградбите кои ДУИ ги гради 20 години, Данела да не прави театар

Една седница нема да ги реши дивоградбите кои ДУИ ги гради 20 години, Данела Арсовска да не прави театар, истакна советникот во советот на Град Скопје од ВМРО-ДПМНЕ Стефан Кирков на денешната седница на Советот на Град Скопје.„Илузорно е, популистички и целосно провидно да се смета дека дивоградбите ќе ги реши една седница на советот на Град Скопје, ова е мегдан каде коалицијата на власт на СДСМ и Левица прават театар и циркус од работата во Градот Скопје. 4 години Данела Арсовска имаше време да реагира за сите дивоградби, сега во последниве четири месеци реши да прави популизам и театар кој ние не го прифаќаме“, посочи Кирков.Кирков истакна дека дивоградбите не се случај во последната година, ниту пак тие ќе се решат за следните четири месеци.„Дивоградбите не се случија последнава година, ниту ќе се решат за следните четири месеци. Но, има и такви во оваа сала кои се на власт 20 години со сите власти и молчат за дивоградбите. Има институции и тие институции треба да работат согласно законот. Да завршам и тоа е нашиот апел и затоа бидејќи не помина дневниот ред каде тука се сакаше да се прави спектакл и претстава за јавноста. Ние нема да учествуваме во политикантството“, вели Кирков.Претходно, Данела Арсовска бараше на седница да биде ставена точка на која ќе се дискутира за дивоградбите во Чаир.

Скопје | пред 9 месеци

Се обидел да снима, но не упатил никакви закани, рекол скопјанецот по поплаките за закани од Арсовска

Случајот со наводни закани упатени кон градоначалничката на Скопје, Данела Арсовска, е под истрага на Секторот за внатрешни работи Скопје. Настанот се случил на 1 јуни 2025 година на булеварот „Словенија“, а осомничениот С.А. (39) од Скопје веќе бил повикан на службен разговор.„На 02.06.2025, полициски службеници од СВР Скопје извршиле службен разговор со С.А.(39) од Скопје, постапувајќи по претходна пријава дека на 01.06.2025 на бул.„Словенија“ преку отворен прозор на возилото „мерцедес“ со скопски регистарски ознаки, кое го управувал, упатил закани кон Д.А., градоначалничка на Скопје. Во разговорот тој потврдил дека поминал со возилото, но дека не упатил закани. Исто така, тој изјавил дека се обидел да снима со телефон, но не успеал“, велат од МВР.Известен е јавен обвинител и по целосно документирање на случајот ќе биде поднесена соодветна пријава.

Скопје | пред 9 месеци

Мицкоски за Арсовска е „маче“, ВМРО-ДПМНЕ вели: Таа е уценета и врзана – со морков и со стап

Градоначалничката Данела Арсовска, го нарече премиерот Христијан Мицкоски дека е „маче“ а не „лав“. Од ВМРО-ДПМНЕ возвратија дека нападите кон нивниот лидер се по нарачка на СДС и Али Ахмети. Ставот на Арсовска дојде откако Мицкоски посочи дека има вистина во тоа дека таа прави „дестабилизација“ пред изборите. Арсовска пак тоа го сметаше како покажување на сила кон жена.„‘Лавот’ Мицкоски не смее да писне против Ганиу и Меџити. Не смее на криво да ги погледне, не пак да бара одговорност за криминал. Лав? Маче. На 150 констатирани дивоградби, поткрепени со целосна документација, со снимки од лице место, ти не смееш да писнеш. Сила покажување на жена, наместо кај криминалци. Што значи тоа “ќе видиш ти”? Што ќе видам, ќе ги реализирате заканите или ќе пак ќе фалсификувате и ќе фабрикувате лаги за да ме девалвирате. Што и да направиш сите ќе знаат дека е од тебе и дека е во функција на заштита на криминалот на ВЛЕН, Изет Меџити и Висар Ганиу! И престанете со приказната за “дестабилизација”, никој не верува на тоа. Ви се дестабилизира сѐ на вас кога немате одговор за криминалот. Кога ќе ве фатат со рачињата во медот. Тогаш е дестабилизација. Мицкоски, кога мафташе со наводниот фалсификат за “Пулс” за 15 минути постапи МВР. Две недели презентирам документи за флагрантен криминал, а полицијата не смее да прими пријава од мене. Ми спуштаат на 192 кога ќе се претставам кој се јавува. Срам сте вие, не гордост“, напишала Арсовска.Реагираа од ВМРО-ДПМНЕ, кои велат: „Додека таа лае по Мицкоски, нејзините вистински газди – градоначалникот на Сарај и раководството на ДУИ – си ја завршуваат работата во тишина“.„Данела Арсовска е главниот инструмент на ДУИ во борбата против ВМРО-ДПМНЕ. Таа е уценета и врзана – со морков и со стап. Преку бизнис интереси, преку лични слабости, преку емотивни врски и релации, ДУИ ја држи целосно под контрола. Секој што имал средба со неа гледа дека нешто не е во ред, дека жената има внатрешен немир, лична конфузија и политичка дезориентација. Арсовска одамна не одлучува сама – таа е само гласноговорник на интересите на СДС и на Ахмети, а неволно или свесно, соработник на криминалот кој го притиска Скопје. Додека таа, со залутан и празен поглед – веројатно резултат на емоции и нарачки темелени врз уцени и лични слабости – напаѓа и скока во јавноста барајќи внимание кое, наместо да го добива за проекти и резултати, го бара секогаш кога сме пред избори, и тоа преку дрски и невоспитани напади кон ВМРО-ДПМНЕ, без да изусти збор за ДУИ и СДС, можеме само да констатираме дека ваквиот недоличен однос зборува најмногу за неа – и за друштвото со кое редовно се среќава по скопски Сарај и со кое сè почесто патува. Жалиме за тоа што ѝ се случува, и ќе издржиме уште неколку месеци сите ние како граѓани во овој политички театар што ни го приредува. А потоа, кога ќе ѝ заврши „употребната вредност“ за оние што сега ја командуваат, само ќе ѝ посакаме среќа во емотивните разрешници. Штета е што во овие 3,5 години, жената се разбудила од емоционалната сенка само трипати. И секој пат – пред избори. И секој пат – против ВМРО. Жално е, но уште пожално е изгубеното време за Скопје и за Македонија. Време кое ќе го надокнадиме по локалните избори – со нова енергија, со силни реформи, со проекти што се гледаат и со работа што ќе се почувствува. Скопје ќе добие шанса за нов почеток, откако ќе си замине срамот што денес го претставува. Нејзините лажни пријави не можат да ја сокријат вистината, дека со нејзин потпис се вршеа милионски криминали, дека се потпишуваа договори со сомнителни фирми, дека се спроведуваше политичка одмазда врз вработените, а улиците на главниот град беа претворени во дупки и руини“, велат од ВМРО-ДПМНЕ.

Скопје | пред 9 месеци

(Видео) Има вистина дека Арсовска се користи за дестабилизација пред изборите, многу скоро јавноста ќе дознае други детали, вели Мицкоски

Премиерот Христијан Мицкоски денеска изрази жалење поради информациите дека градоначалничката на Скопје, Данела Арсовска, добива закани по живот, повикувајќи ја веднаш да ги пријави заканите во Министерството за внатрешни работи.„Навистина жалам ако се случува тоа. Ја охрабрувам веднаш да појде во МВР, а МВР да испита кој стои зад заканите и веднаш да постапи“, изјави Мицкоски, коментирајќи ги тврдењата на Арсовска дека заканите се поврзани со нејзините објави за дивоградбите во Општина Чаир.Тој даде коментар и за изјавата на Изет Меџити, кој рече дека Данела Арсовска се користи како средство за дестабилизација пред изборите.„Има вистина тука, има вистина. И тоа впрочен е јасено на сите. Но, еве, јас не би имал повеќе од тоа што го кажува Меџити и Ганиу. Многу скоро јавноста ќе дознае други детали“, додаде Мицкоски.

Скопје | пред 9 месеци

Обвинител ја чека Арсоска да ја сослуша за заканите, па да провери - за дивоградбите во Чаир очекуваат таа да соработува со нив

Обвинителството испрати јасна порака до градоначалничката на Скопје, Данела Арсовска: ако знае за криминал на градоначалникот на Чаир, Ганиу – нека го пријави! Основното јавно обвинителство Скопје веќе постапува по известување од СВР Скопје и издало повеќе наредби. Надлежните органи бараат јасни податоци за сомнителни парцели и згради, додека Министерството за внатрешни работи се вклучува поради наводните закани кон Арсовска.„Основното јавно обвинителство Скопје постапува по доставено известување од СВР Скопје и издаде повеќе наредби по кои веќе се преземаат дејствија. Доколку градоначалничката како службено лице има сознанија за кривично дело, таа има обврска тоа да го пријави, да соработува со јавното обвинителство и да посочи кај кои конкретни парцели или згради се откриени сомненија за незаконитости. Тоа е неопходно за да може да постапува обвинителството и да спречи евентуално компромитирање на доказниот материјал“, велат од Обвинителството.Се постапува и по заканите за кои Арсовска сведочеше во телевизиско интервју, дека ги добивала.„Во однос на заканите, Министерството за внатрешни работи е орган директно надлежен за заштита на животот на граѓаните, како и за откривање и спречување на тие што го загрозуваат. Основното јавно обвинителство Скопје е на располагање преку дежурен јавен обвинител, веднаш без одлагање, доколку сака градоначалничката, да ја сослуша за сите сомненија, сознанија и закани и да ги провери сите околности“, вели Обвинителството.

Македонија | пред 9 месеци

Добро е што градоначалничката по четири години се разбудила од зимски сон, вели Тошковски за Арсовска

Откако градоначалничката Данела Арсовска објави дека поднеле кривични пријави против УСЈЕ и други големи загадувачи, министерот за внатрешни работи, Панче Тошковски рече дека е добро што се разбудила од зимски сон.„Може доставила, може не, добро е што градоначалничката по четири години се разбудила од зимски сон“, рече Панче Тошковски, одговарајќи на прашање дали ги примиле кривичните пријави.Арсовска претходно објави дека спречила незаконски постапувања и криминал, со аргументи и докази. Според неа, институциите не постапувале.

Македонија | пред 9 месеци

Арсовска помина цел мандат во изговори заради нејзината неспособност, вели Марковска Илиевска

На денешната седница на Советот на Град Скопје се обрати советничката од редовите на ВМРО-ДПМНЕ, Анета Марковска Илиевска која на самиот почеток истакна дека ВМРО-ДПМНЕ ќе ја поддржи одлуката за промена на средствата во буџетот, платите и придонесите за вработените во противпожарникарната единица.„Ја поздравувам предлог одлуката за измена на распоредот на средства во буџетот на Град Скопје за 2025 година, особено за ставките плати и придонеси за вработените во противпожарната единица и градот Скопје. Сведоци сме на недостатокот на пожарникари и проблемите при извршување на работните задачи, па со оваа одлука ќе се овозможи вработување на нови пожарникари, кој број беше до сега преполовен од потребниот и пожарна Скопје, се надевам, ќе биде на ниво коешто доликува и од помош на Скопјани, па и пошироко“, истакна Марковска Илиевска.Советничката се обрати до градоначалничката Арсовска и посочи да престане да манипулира со јавноста и прстот, заради нејзината неспособност, да го вперува кон ВМРО-ДПМНЕ.„Затоа, од тука апелирам Арсовска да престане да манипулира со јавноста и со вработените велејќи им дека ВМРО-ДПМНЕ опструира, не гласа одлуки бидејќи помина цел мандат во изговори заради неспособноста да се справи со предизвиците и сеуште продолжува, за жал. Скопјани, бидете спокојни, следува обнова на Скопје од капитални до локални решенија а ова раководство ќе остане запамтено во историјата како најнеспособното“, децидна е Марковска Илиевска.(Соппштение ВМРО-ДПМНЕ)

Скопје | пред 9 месеци

Арсовска се јави за излевањето на Маркова река: коментарите на објавата ги имаше, па ги немаше...

Градоначалничката на Град Скопје, Данела Арсовска, преку статус на „Фејсбук“ посочи дека Противпожарната бригада на Скопје и екипи на ЈП Водовод и канализација работат активно на терен по излевањето на Маркова река. Таа ја искористи приликата и да го искритикува градоначалникот на Кисела Вода, Орце Ѓоргиевски оти се сликал додека бил на терен, но и Општина Студеничани кои според неа се виновни што каналите не се чисти. На објавата имаше и низа критики, но од момент во момент, коментарите ги снемуваше.„Се излеала реката во Батинци, општина Студеничани, бидејќи општинските власти не ги чистат каналите, активност која како нивна надлежност превентивно треба да ја превземаат во континуитет. Џабе се слика со лажен хероизам градоначалникот во заминување Орце Ѓеоргиевски, кој освен со сликање со друго не може да се пофали. Со превенција се спречуваат поплави, не со глумење спасител за проблемите кои градоначалникот на општината сам ги дозволил. Проблемот од Батинци поради неодржување на каналите се прелева кон Скопје, а Противпожарната бригада на Град Скопје и екипите на ЈП Водовод и канализација активно работат на терен. Само немаат време да се сликаат!“, напиша Арсовска.„Скопје1“ вечерва испрати прашања до Град Скопје, но и директно до Арсовска преку кои меѓудругото, и за атмосферската каначлизација која се гради и не е пуштена во употреба, односно дали преку неа се изливала вода од Маркова река. Оттаму не добивме одогвор, но испратија соопштение еден час по полноќ (апдејт).По објавувањето на статусот, Арсовска имаше низа коментари, меѓу кои и критики. Од 52 коментари колку што имаше до моментот кога ја следевме објавата, можеа да се прочитаат девет. „Фејсбук“ има опција да се сокријат коментарите без бришење, но дали е таа искористена или не - знае само објавувачот. По желба на профилот, во случајот на Арсовска, тие можат да се вратат и да се прикажуваат. Од принт-скриновите можете да видите што друго се коментираше.

Скопје | пред 11 месец

Арсовска пак смени директор, четврта среќа: Хусини ќе раководи со „Дрисла“, наместо Јосевски

Градоначалничката на Скопје, Данела Арсовска повторно смени директор на јавно претпријатие, на осум месеци пред изборите. „Дрисла“ сега ќе го управува Самир Хуесини, дознава „Скопје1“ од свои извори. Лицето е непознато за јавноста, а Град Скопје втора недела молчи кој е човекот и која е неговата биографија.Хусеини е четврта среќа на Арсовска во ова претпријатие. Пред тоа, го раководеа Јане Мицевски кој по кавгата ВМРО-ДПМНЕ - Арсовска, беше разрешен. На негово место дојде Александар Кузинаков кој издржа и најдолго на позицијата, речиси две години. Директорувањето го презема Ненад Јосевски во август 2024, а неговата функција заврши со истекот на шестиот месец, по што е сменет.„Скопје1“ побара одговори од Град Скопје, зошто го разрешила Јосевски, кој е новиот кадровник Хусини, но и какво работно искуство има. Прашавме и која е поентата на честото менување на директори и колку ова штети на претпријатијата. Не добивме одговор.Крајот на јануари, Данела Арсовска направи петта смена на директор во Комуналнa. Новиот го поддржува УЧК, им ги чкрта лицата на Стево и Гордана, бојкотира „Кам“ и „Стокомак“, а го поддржува ДУИ.Во август минатата година, Арсовска назначи кадар на ДУИ и во „Паркови и зеленило“, каде за директор беше поставен Јетон Бучи, кој сака да се фотографира со сега избеганиот Артан Груби.Вчера, заменик-градоначалникот Александар Трајановски се повлече од функцијата, а од Град Скопје излегоа со информација дека тој бил разрешен уште пред три месеци. Вакви случаи имаше и во минатото. 

Скопје | пред 1 година

„На Град Скопје сега му се заканува целосна блокада, Арсовска не поднесе буџет во роковите”, алармира Стојановски

“Нема крај на скандалите кога станува збор за Данела Арсовска”, вели Мартин Стојановски, координатор на советниците од ВМРО-ДПМНЕ и додава:“Арсовска сега не поднесе предлог буџет за 2025 година во законскиот предвиден рок. На град Скопје сега му се заканува целосна блокада.Граѓаните треба да ја знаат реалноста!”

Скопје | пред 1 година

(Видео) Скопје доби елка на плоштад, дали и како Данела ја платила - не знаеме

На скопскиот плоштад веќе има елка, но не и тендер на Бирото за јавни набавки. Па така, не се знае дали и колку чини новогодишниот дух на Скопје. На подната фонтана има црвена платформа, а над неа се украсува божиќното дрво. Од страна куќички каде треба да има базар за десетина дена.Изминативе денови беше забележително дека беше украсена и улицата на Рекорд. Таму ангажман имаа јавните претпријатија на Град Скопје чии работници ги поставуваа светилките. Прашавме во Град Скопје, колку пари ќе се платат, како е извршена набавката на реквизитите, кога ќе биде завршено украсувањето, но и дали ги чуваат ланските украси. На овие прашања, немаме, но и не очекуваме одговори. „Скопје1“ има десетици мејлови со новинарски прашања на кои нема никаков одговор, а се од јавен интерес - нешто што е нетипично за јавна институција.Повеќе од јасно е дека минатата година, Данела Арсовска го украси Скопје без да распише тендер, а потоа јавно кажа дека ќе се платат 30.000 евра. Дали се парите платени и на кого - не се знае. Но, истовремено, беше отворен предмет од Финансиската полиција која одзема и документација. До сега, нема информација што се случува со оваа постапка.Тогаш, Данела Арсовска заигра шах со Дедо Мраз, пишувајќи: „Во исчекување на резултатите од истрагата за елката...“. Овој чин беше протолкуван како правење шеги на сметка на инспекторите.

пред 1 година

Нереализираните проекти за намалување на загадувањето се резултат на неспособното менаџирање на Арсовска, вели Марковска Илиевска

На денешната панел дискусија на тема „Намалување на загадувањето, мерки сега“ присуствуваше советничката на Советот на Град Скопје, од ВМРО-ДПМНЕ, Анета Марковска Илиевска која нагласи дека градот Скопје во најголем дел треба да ги реализира одлуките согласно програмите кои што се носат преку Советот но сепак и покрај интересот и волјата тие не се реализирани а за тоа најголеми сведоци се граѓаните.„Јавноста го знае тоа, во секојдневието ги трпи сите тие пропусти или неспособност на градоначалникот затоа што Советот носи одлуки меѓутоа градоначалникот и градот Скопје ги реализира“, рече Марковска Илиевска.Марковска Илиевска нагласи дека службениот гласник на Град Скопје во најголема мера содржи донации за садници, како и ги наведе мерките за спречување на загадениот воздух.„Ако го погледнете службениот гласник на Град Скопје ќе видите дека најголем дел се донации за садници најчесто се од приватни компании, но и донесени се одлуки за субвенционирање на домаќинствата на Град Скопје за чистење оџаци како една од мерките, понатаму субвенционирање на инвертер клими, субвенционирање на велосипеди и електрични тротинети, оваа година немаме меѓутоа во изминатите две години имаше такви одлуки“, објасни Марковска Илиевска.Советничката исто така потенцираше дека и многу малку е сторено и покрај добрата стратегија планирана во периодот од 2024-2034 година каде што во делот на зазеленување имало испланирано одлични можности и изрази надеж дека оваа ситуација со градот Скопје ќе биде променета по истекот на мандатот на сегашната градоначалничка.„Колку што јас имам информација, а верувајте дека никој не ни дава извештај од кога ќе се донесе одлука во градот Скопје јавните претпријатија даваат извештаи меѓутоа пак ќе кажам од јавноста колку што се информираме, од јавните соопштенија и од медиумите јавноста така се информира значи ние исто како и јавноста и советниците кои ги носат одлуките на тој начин се информираме и можам да кажам дека многу малку е сторено во делот на зазеленување иако имаше добра стратегија десет годишна од 2024 до 2034 за развој каде што во делот на зазеленување има испланирано одлични можности да градот Скопје дише повторно да имаме чист воздух, зелени површини и повеќе кислород. Се надевам дека во иднина ова ќе се корегира доколку го управува друго лице градот Скопје бидејќи со ова управување, со оваа градоначалничка досега не се направени доволно проекти кои што биле испланирани“, децидна е Марковска Илиевска.

Скопје | пред 1 година

Од утре приватните превозници ќе возат, со Арсовска се договирија цената да им се зголеми од јануари

Oд утре приватните превозници продолжуваат да возат редовно. Тие се откажаа од блокадата која беше најавена за во понеделник на неколку главни крстосници. Со градоначалничката Данела Арсовска се договорија експерти да одлучат колку да им биде зголемувањето на цената по изминат километар. До јануари, ќе возат по веќе одредената тарифа.„Заклучно со 01.01.2025 година ќе стартуваме со нова цена, ќе се склучи анекс на договорот и ќе имаме ние нова цена. Очекувате поддршка од сите советници за иницијативата? Да, нормално, зошто да не, сите советници беа за да ни се даде покачување, дали ќе биде еден месец порано или подоцна, ние тука сме во служба на градот и очекуваме нормално дека ќе гласаат“,вели Јовица Зафировски, приватен превозник.Советникот од СДСМ во советот на Град Скопје Гордан Шутаров смета дека ваквиот предлог ќе донесе долгорочно решение и стабилност за приватните превозници.Координаторот на советничката група на ВМРО-ДПМНЕ – Мартин Стојановски кој ја напушти координативната средба во кабинетот на градоначалничката Арсовска не откри дали ќе ја поддржат иницијативата.

Скопје | пред 1 година

Курто Дудуш бара извинување од Арсовска, ако не, ќе ја тужи!

Градоначалникот на Шуто Оризари, Курто Дудуш, најави тужба за скопската градоначалничка Данела Арсовска доколку не се извини за како што вели, клевети кои ги изнела.„Вчера, 29ти ноември, малку се разбистри "маглата" околу причините за нервозата на Градоначалничката на Град Скопје.Извесен Александар ВОЗАЧ од Град Скопје, раководи инспектори, попречува работа на инспектори од други општини, инспектори од Град Скопје со налог да делуваат во Шуто Оризари, сликаат парцели под територија на Општина Бутел, со јасна цел: записници и докази против мене нема, очајно се обидува периодов да ги измисли и фалшира користејќи го Александар (возачот) како диригент.Имајќи го сето ова во предвид, вчера и е доставена опомена пред тужба преку мојот адвокат за нарушување на мојот углед, личност и кредибилетет како човек и како Градоначалник, од страна на Арсовска преку нејзиното соопштение и интервју на 27.11.2024 година.Колешке, ви ја разбирам нервозата, но срамот и незнаењето со инспекции и со клевети и навреди не се покрива.Бидете барем малку чесна и извинете се за кажаните лаги и невистини и ќе имаме одлична основа да седнеме на маса и со вашето знаење и моето искуство дупло од Вашето во менаџирање на локални проблеми и предизвици, ќе се обидеме да најдеме решение/нија.Во спротивно, се гледаме на суд“, вели Дудуш.

Македонија | пред 1 година

Очекуваме Арсовска да се вразуми, уште утре, да постапи според задолжението на Советот, вели Славески

Претседателот на Советот на Град Скопје, Трајко Славески и рече на градоначалничката Данела Арсовска: Да се преброиме. ова доаѓа откако таа тврдеше дека немало кворум за да се донесе одлука во Советот.„Предизвикувачите на хаосот со јавниот превоз во град Скопје, на чело со градоначалникот Арсовска, го оспоруваат потребниот кворум од 23 членови на Совет присутни во салата за време на гласањето по Заклучокот. Не 23, туку во моментот на гласање беа присутни 29 членови на Совет на град Скопје, како што може да се види од приложените фотографии и од видео записот од седницата. 29-тиот присутен е претседателот на Совет, кој не е во кадарот. Очекуваме Арсовска да се вразуми и како што ние можевме да закажеме вонредна седница во рок од 13 часа од поднесување на барањето, уште утре (сабота, 30.11.2024 г.) да постапи според задолжението од Совет, а Советот да одржи уште една вонредна седница во текот на викендот, со што ќе се реши проблемот со приватните оревозници“, вели Славески.Ова доаѓа по новата кавга помеѓу нив двајца. Претходно, Арсовска изнесе низа обвинувања.Дописот од Арсовска до Славески е тука.

Скопје | пред 1 година

Арсовска пак не се појави да одговара на прашања од советниците: Беспредметно е да чекаме

Данела Арсовска не се појави и на оваа седница за поставување на советнички прашања. Таа добила писмено барање да каже кога и одговара да одговара на прашањата кои ги имаат советниците како претставници на граѓаните – но не одговорила.„Јас доставувам писмено барање, замолница до градоначалник да определи датум, во одреден ранг, за одржување на седница. Тоа го направив уште минатиот месец. Не добив одговор, никаков. Сега немаме присуство на градоначалник. Беспредметно е да чекаме, да даваме пауза. Одлуката е донесена. Констатирам дека не се исполнети условите за одржување на седница за советнички прашања“, рече Славески.Дел од советниците сметаат дека ова е непочит на Арсовска кон нив, но истовремено, се коментира дека е само продолжување на инатот меѓу ВМРО-ДПМНЕ и градоначалничката. Па по вакво постапување, се продолжува со негласање на одлуки предложени од Арсовска поради недоверба.За потсетување, Арсовска и вчера одби да одговори на неколку клучни прашања кои редакцијата на „Скопје1“ и ги постави, а се однесуваат на секојдневни проблеми укажани од граѓаните, како и за пресметката со новинари.

Скопје | пред 1 година

Арсовска си разреши уште еден директор: Заминува Умленски од „Улици и патишта“ - за нецели три години, сменети 30 директори

Градоначалничката на Град Скопје, Данела Арсовска, го тргна Ванчо Умленски од позицијата директор на ЈП Улици и патишта, дознава „Скопје1“. Тој успеа да ја задржи функцијата нешто повеќе од пет месеци. Беше промовиран како кадар кој ќе ги надмине предизвиците со кои претпријатијата се соочуваат. Засега не се познати причините поради кои Умленски е променет.Прашавме во Град Скопје која е причината за новата промена во „Улици и патишта“, но оттаму не очекуваме одговори со оглед на праксата на нетрапснаретност и неодговарање.Арсовска за нецели три години смени 30 директори кои сама ги постави, како и тројца секретари, за сега да го врати Зоран Глигоров кој во јавноста беше познат по пријавата за семејно насилство, според кои, посегнал и по пиштол за себеповредување.Во јуни 2023, Арсовска од функцијата директор на ЈП „Улици и патишта“ го разреши директорот Саит Саит, само два месецa откако му додели менаџерски договор на 4 години. За нов в. д. директор го назначен Ќамил Ковачи од т. н. огнено крило на ДУИ од Општина Сарај. На негово место беше назначен Умленски.За состојбата во Скопје, поплаките за мобинг и закани, имаше сведоштва и во поткастот „Претрес со Ландов“.https://youtube.com/live/-TE35eNn5So?feature=shareЗа Данела Арсовска зборуваше и разрешената директорка Косана Мазнева од „Комунална хигиена“.https://youtube.com/live/cCwc_8u_ofc?feature=shareРаботењето на Арсовска го соголуваше и нејзиниот поранешен советник, адвокатот Умејр Мухамеди.https://youtube.com/live/otsAaTbFUN8?feature=share

Скопје | пред 1 година

(Видео) „Арсовска е трогната, бара да се извинам, но нема бидејќи сѐ е вистина, се гледаме на суд“, избрканиот инспектор се жали на нови притисоци

Избрканиот инспектор, Даниел Митевски кој јавно проговоре за мобингот, за кој кажа дека го трпел од градоначалничката Данела Арсовска, тврди дека пак е мета на притисоци. До него, стигнало барање за извинување кое го испратил Трајче Арсов, адвокатот на Арсовска, кој претходно истото го правеше и кон редакцијата на „Скопје1“. Митевски посочува дека сѐ што кажал во поткастот е вистина, дека нема намера да се извини, како и дека е спремен со Арсовска да се соочи на суд.„Моето излагање на поткастот кај Ландов на телевизијата Прва ТВ очигледно многу ја трогна нашата Градоначалничка па вчера ми испрати барање преку адвокат јавно да се извинам или во спротивно ќе ме тужи на Суд за нарушување на нејзината чест и углед со што продолжува со нејзиниот притисок врз мене, а преку мене и на моето семејство. Јас немам што да се извинувам бидејќи цврсто стојам позади секој мој збор кажан на поткастот бидејќи се што кажав е вистина и само вистина без ниту еден збор лага. Ова го доживувам како уште еден од низата нејзини притисоци за кое сум спремен и лично со Градоначалничката да се соочам на суд. Јас само барам правдата да биде задоволена бидејќи без никаква за мене позната причина сум избркан од работа со што е нарушено моето здравје, нарушени се мојата чест и углед, нарушена е честа и угледот на моето семејство и е загрозен опстанокот на моето семејство“, вели избрканиот Митевски за „Скопје1“.[caption id="attachment_312054" align="alignnone" width="1189"] Барањето за извинување кое избрканиот инспектор го смета за нов притисок, а го добил од адвокатот на Арсовска[/caption]Даниел Митевски поранешен инспектор по сообраќај во Град Скопје по 14 години работи заврши на улица со одлука на градоначалничката Данела Арсовска.Тој во Претрес со Ландов кажа дека е избркан бидејќи наводно не бил 5 дена на работа. Тој посочи дека за достава на одлуката не сакале ни да почекаат, туку му ја доставиле додека имал слободен ден поради давање крв и потоа поради користење денови од годишен одмор. Има и пријава за мобинг, која Трудов инспекторат не успеал да ја најде во просториите на Градот за да постапува, иако таа има архивски печат.„Ме испитуваше, ги спомнуваше моите жена и деца. Ќе останеш без работа. Ми се закануваше градоначалничката. Мене никој не ме пратил. Не верував дека ова може да се случи. Овие стресови не може никој да ви ги надомести“, рече Митевски.Тој не е единствен кој избркан поради иста причина. Сите поднеле тужби за се што доживеале и со што се соочуваат.Целото сведоштво погледнете го во „Претрес“:?t=867

Скопје | пред 1 година