БРНАБИЌ

Брнабиќ најави: „Ќе го молиме Вучиќ да се кандидира за премиер“ пред можни вонредни избори во Србија

Претседателката на Народното собрание на Србија и функционерка на Српската напредна странка (СНС), Ана Брнабиќ, изјави дека во партијата ќе го „молат“ претседателот на Србија, Александар Вучиќ, да биде кандидат за претседател на владата на евентуални вонредни парламентарни избори.Во настап за РТС, Брнабиќ најави и дека Вучиќ ќе повика на дијалог со сите политички групи во земјата, но истовремено изрази сомнеж дека многумина ќе се одзваат. Според неа, оние што најгласно зборуваат за дијалог, често се тие што го одбиваат.Брнабиќ оцени дека најтешкиот разговор ќе биде внатре во самата СНС, бидејќи, како што рече, кај дел од членството расте незадоволството од, според неа, „двојните стандарди“ и „отвореното лицемерие“ што доаѓа од Брисел. Таа додаде дека, и покрај тоа што се смета за силно проевропски ориентирана, и кај неа „прелило“ од ваквите пораки, што, според неа, говори за расположението и меѓу останатите во партијата.Како причина што сè уште не се распишани вонредни избори, Брнабиќ наведе глобална криза која, според нејзините проценки, може да донесе сериозни економски последици и недостиг од гориво и храна, меѓу другото и поради проблеми со вештачкото ѓубриво на светските пазари. Во тој контекст рече дека Србија е „подготвена“ подобро од многу европски држави.Говорејќи за политичката динамика околу евентуални избори, Брнабиќ нагласи дека Вучиќ, според Уставот, не може повторно да се кандидира за претседател на државата, па затоа, според неа, дел од противниците повеќе би сакале сценарио со претседателски избори отколку парламентарни. Во тој контекст го спомена и ректорот на Универзитетот во Белград, Владaн Ѓокиќ, тврдејќи дека „бега“ од парламентарни избори.Изјавите на Брнабиќ доаѓаат во период на зголемени шпекулации за можни вонредни парламентарни избори и отвораат дополнителни прашања за тоа како би изгледала распределбата на улогите во врвот на владејачката структура доколку дојде до ново излегување на гласање.

Свет | пред 2 седмици

Брнабиќ ја обвини опозицијата: „Не бараат избори за демократија, туку за конфликти“

Претседателката на Собранието на Србија, Ана Брнабиќ, остро ја критикуваше опозицијата, тврдејќи дека барањата за избори не се мотивирани од демократски принципи, туку од, како што наведе, намера за поттикнување граѓански конфликти.Во објава на социјалната мрежа Икс, Брнабиќ напиша дека опозицијата ги користи изборите како средство за политичка мобилизација, а не како начин за изразување на волјата на граѓаните.„Не бараат избори за демократија, туку за да повикуваат на граѓански судири. Изборите им се начин да се ‘допумпаат’, а не да ја слушнат волјата на народот“, порача таа.Нејзината реакција следуваше по изјавата на советникот во Собранието на Нови Сад, Миран Погачар, кој повика на поширока мобилизација во повеќе градови, наведувајќи дека „Србија мора да биде подготвена да ја брани народната волја“.Размената на остри пораки доаѓа во контекст на зголемени тензии и инциденти поврзани со локалните избори во повеќе градови во Србија, каде денот на гласање е проследен со обвинувања, притисоци и физички пресметки.

Свет | пред 3 седмици

Брнабиќ со обвинувања: „Блокадерите спроведуваат терор за време на изборите“

Претседателката на Народното собрание на Србија, Ана Брнабиќ, реагираше на социјалната мрежа Икс во врска со, како што наведе, „лажните наводи“ на телевизијата N1 за кол-центри во Кладово.Брнабиќ оцени дека постоењето на кол-центри е вообичаена практика кај политичките партии, додавајќи дека е недозволиво упаѓање и снимање во такви простории.„Секоја сериозна партија има свои кол-центри. Од каде право некој да упаѓа и да ги вознемирува луѓето? Замислете Би-Би-Си да влезе во кол-центар на конзервативците или Си-Ен-Ен кај републиканците“, напиша таа.Таа дополнително ги обвини, како што ги нарече, „блокадерите“ дека сметаат дека за нив не важат законите и дека вршат притисоци и таргетирање на луѓе.Во објавата, Брнабиќ се осврна и на низа инциденти за време на локалните избори, тврдејќи дека имало закани, напади врз активисти и инциденти со оружје.Според неа, изборите претставуваат „обид да се одбрани демократијата“, а наводните настани ги оцени како дел од „организиран и планиран терор“.Изјавите доаѓаат во услови на зголемени политички тензии и меѓусебни обвинувања меѓу власта и опозицијата за нерегуларности и притисоци во текот на изборниот процес.

Свет | пред 3 седмици

Брнабиќ: Вучиќ направи за Србија во 10 години она што други градат со генерации

„Покажавме сила на единството. Капацитетот да ја заштитите својата земја е еден од основните предуслови за нејзино градење и развој. Александар Вучиќ за 11 години на чело на Србија успеа да ги постави сите темели за понатамошен развој, кои до 2012 година, од различни причини, беа целосно разурнати,“ изјави Ана Брнабиќ.Таа нагласи дека Србија денес е стабилна држава, додека, како што рече, пред 2012 година многумина се труделе таа да живее „во некаков привремен режим, сè додека самата не се угаси“.„Денес претседателот Вучиќ продолжува со работа. Имаме нови мерки за граѓаните, решаваме проблеми од клучно значење кои досега не успеавме да ги решиме. Веќе утре претседателот ќе биде во Њујорк, на Генералното собрание на ОН, каде што ќе продолжи да се бори за Србија,“ истакна Брнабиќ.Таа додаде дека, и покрај критиките кон Вучиќ, неговата „неуморна борба за Србија, постојаната работа и натчовечката посветеност никој не може да му ги оспори“.„Таа енергија за само 10 години создаде од Србија она што во други земји генерации го граделе. Му благодарам за сета борба. Само напред,“ порача Брнабиќ.

Свет | пред 7 месеци

Брнабиќ: „Луѓе без лице не можат да ја водат Србија“

Претседателката на српското Собрание, Ана Брнабиќ, остро ги критикуваше оние кои, како што рече, веќе десет месеци се обидуваат да создадат нестабилност и хаос во државата, одбивајќи дијалог со претседателот Александар Вучиќ.„Претседателот во повеќе наврати понуди разговори за да се спречат поделби и уништување на Србија. Секогаш беше отворен за дијалог – од средби со ректорот Ѓокиќ, до разговори за избори, кои единствено тој може да ги распише. Тие тоа го одбиваат, како и секоја можност за јавна дебата пред граѓаните“, изјави Брнабиќ.Според неа, парадокс е што истите луѓе кои одбиваат разговор со претседателот со ентузијазам прифаќаат средби со странски претставници – од европски комесари до специјални известувачи – и кон нив покажуваат почит што не ја имаат кон институциите на сопствената земја.„Причините зошто одбиваат јавен разговор се јасни: сакаат да останат луѓе без лице за секој да може да ги идеализира, немаат ниту план ниту програма за Србија, а единствената визија им е насилство. Луѓе без лице не можат да ја водат Србија во сигурност и стабилност,“ порача премиерката.

Свет | пред 7 месеци

Брнабиќ: Литиумот е прашање на национална безбедност

Претседателката на српскиот парламент Ана Брнабиќ денеска изјави дека литиумот, односно неговото ископување е „прашање на националната безбедност“. Брнабиќ за телевизијата Пинк изјави дека во иднина кој има литиум ќе одлучи кому да ја продаде рудата.„Кој има литиум ќе одлучи кому ќе го продаде тој литиум, во однос на тоа на кого ќе му продаваат батерии, тој ќе одлучи за цената на таа суровина“, рече таа. Нема да има извоз на литиум, мора да дојдете во Србија“, рече Брнабиќ.Таа повтори дека компанијата Рио Тинто во Србија ја донела претходната влада, предводена од Демократската партија.Брнабиќ изјави и дека оние што денеска протестираат против ископувањето литиум сакаат да го запрат развојот на Србија, дека утре ќе протестираат против „5G мрежата, биотехнологијата и вештачката интелигенција“ и дека ќе бараат „затворање на научно-технолошките паркови“.Во врска со тоа што Српската напредна партија се залага за отворање на рудници за литиум во Србија, Брнабиќ рече дека „СНС е најдобрата партија во историјата на Србија“, дека е „оригиналната партија на српскиот народ“ и дека таа се гордее што е нејзин член.

Свет | пред 1 година

Брнабиќ: Ќе ми биде тешко да соработувам со земјите коспонзори на резолуцијата за Сребреница

„Ќе се чувствувам многу поблиска со земјите кои гласаа ‘против’ или ‘воздржано’, или ја напуштија просторијата“, изјави претседателката на српскиот парламент Ана Брнабиќ еден ден по усвојувањето на резолуцијата за Сребреница во Генералното собрание на ОН.Изрази благодарност до Унгарија која гласаше „против“ резолуцијата, како до Кипар, Грција и Словачка кои се воздржаа од гласањето, а особено го истакна примерот на Монако, чии претставници во Генералното собрание на ОН ја напуштија салата за време на гласањето.„Голема благодарност до Монако. Тоа е и показател за голем интегритет“, рече Брнабиќ.Документот го поддржаа 84 земји, „против“ беа 19, а „воздржани“ 68 држави. Резолуцијата беше предложена од Германија и Руанда, а потоа спонзорирана од уште 34 земји, вклучувајќи ги сите поранешни југословенски републики меѓу кои и Северна Македонија, освен Србија и Црна Гора.

Свет | пред 1 година