главни-вести

Нема фотографија

Македонија се гуши - енормно загаување низ целата земја

Нема спас од аерозагадувањето. Проблеми со неговите штетните последици имаат и младите и старите.Додека граѓаните постојано реагираат и апелираат, надлежните институции и властите без конкретни мерки.Мерните станици во моментов покажуваат дека ПМ-10 честичките се неколку пати над дозволеното, а најзагадено е кај Ректоратот во Скопје.Мерните станици за квалитет на воздухот на Министерството за животна средина утрово регистрираат високи концентрации на штетните ПМ10 честички во речиси сите делови на земјата. Најалармантно е во скопската општина Центар каде се измерени 302 милиграми ПМ 10 на метар кубен, по што следуваат реонот околу Ректораттот со 180, општина Карпош со 179, Битола со 159, Струмица со 156, Тетово и Кавадарци со 134 милиграми на метар кубен.

Македонија | пред 7 години

Нема фотографија

(ВИДЕО) Стотици жртви од вулканското цунами во Индонезија, жртви се вадат секоја минута

Во предбожикната миса попладнево во Ватикан, папата Франциско ги повика верниците на заедничка молитва за стотиците жртви во Индонезија. Папата од плоштадот Свети Петар во Рим им рече на насобраните верници дека неговите мисли и молитви се со Индонезијците погодени од насилна природна катастрофа.Тој рече дека духовно е покрај сите што останале бњез дом или страдаат на каков било начин.Инаку спасувачките тимови во Индонезија секоја минута наоѓат безживотни тела. Бројот на загинати во вулканското цунами по од ерупција на вулканот Кракатау постојано се зголемува..Официјалната бројка засега е повеќе од 220, но се стравува дека ќе има многу повеќе, особено поради фактот што дури околу илјада лица се повредени, а многумина се водат за исчезнати. Делови од крјбрежјето на индонезиските острови Суматра и Јава, се целосно срамнети со земја, по што властите упатија апел и до локалното население, но и до големиот број туристи да бидат што подалеку од океанскиот брег.„Во овој период од годинава има многу туристи. Задутре е Божик, но за жал се случи оваа природна катастрофа. Сега луѓето се исплашени, локалното население од страв не се враќа дома, хотелите се испразнети. Сите доброволно заминуваат во привремените центри за згрижување.“ - изјави Аулиа Ариани – Црвен крст на Индонезија.На интернет се појави снимка од моментот кога голем бран погоди рок концерт на кој настапуваше бендот Севентин, на плажата Танјунг Лесунг.Околу 200 вработени на државната електродистрибуција и нивните семејства се собрале на плажата да присуствуваат на забавата, кога огромното цунами го погоди местото.https://twitter.com/EricssenWen/status/1076686593543462913?ref_src=twsrc%5Etfw%7Ctwcamp%5Etweetembed%7Ctwterm%5E1076686593543462913&ref_url=https%3A%2F%2Fwww.novamakedonija.com.mk%2Fsvet%2F%25d1%2586%25d1%2583%25d0%25bd%25d0%25b0%25d0%25bc%25d0%25b8%25d1%2582%25d0%25be-%25d0%25b2%25d0%25be-%25d0%25b8%25d0%25bd%25d0%25b4%25d0%25be%25d0%25bd%25d0%25b5%25d0%25b7%25d0%25b8%25d1%2598%25d0%25b0-%25d0%25be%25d0%25b4%25d0%25bd%25d0%25b5%25d1%2581%25d0%25b5-%25d0%25b1%25d0%25b5%25d0%25bd%25d0%25b4-%25d0%25b8-%25d0%25bf%2FФронтменот на бендот објави на Инстаграм дека загинале менаџерот на бендот и басистот, додека по останатите тројца членови на бендот и неговата жена се трага.

Свет | пред 7 години

Нема фотографија

Авиосообраќајот се нормализира - утринава се реализираа сите полетувања и слетувања

Густата магла утринава го отежнува одвивањето на патниот сообраќај, додека авиосообраќај на скопскиот аеродром е нормализиран, објави МИА.Јавното претпријатие „Македонија пат“ утринава информира дека густа магла со видливост до 30 метри има во Тетово, додека на патниот правец Неготино- Демир Капија и во Куманово и Сарамзалино видливоста е од 50 до 100 метри.На останатите патни правци низ државата сообраќајот се одвива тековно по влажни коловози, но од „Македонија пат“ препорачуваат внимателно возење и прилагодување на условите на патот.На скопскиот аеродром, каде за време на викендот сообраќајот се одвиваше отежнато и беа откажани дел од летовите, утринава, според веб страницата на аеродромот, се реализирани сите планирани полетувања и слетувања.извор: МИА

Скопје | пред 7 години

Потенцијален кандидат на ЛДП за претседател на државата Ангелка Пеева Лауренчиќ

Ангелка Пеева Лауренчиќ, е предлогот на ЛДП за претседателски кандидат, доколку партијата донеси одлука на претседателските избори да настапат самостојно.Ангелка Пеева Лауренчиќ се повлече од политичките води по пратеничкиот мандат од ЛДП од 2002 до 2006. Во политиката влезе со либералите на Стојан Андов, а пред да се соединат либералите и демократите, таа беше претседател на Либерална Унија на Млади .Пеева-Лауренчиќ веќе 15 години е на чело на една од најголемите агенции за односи со јавноста во Република Македонија, „Имиџ ПР“.Родена е во Штип и е мајка на две деца. Нејзиниот покоен сопруг, Иво Лауренчиќ, претставуваше пионер во маркетинг бизнисот во поранешна СФРЈ, а потоа и во Македонија каде што ја основаше агенцијата „Идеа плус". Во оваа маркетинг агенција активно работела и потенцијалната кандидатка за претседател на државата.

Македонија | пред 7 години

Нема фотографија

Густа магла на повеќе патни правци

Сообраќајот на државните патишта се одвива тековно по влажни коловози.„Густа магла со видливост до 30м. во Тетово, магла со видливост од 50 до 100м. на патот Неготино-Демир Капијаво Куманово , Сарамзалино и Скопје -Петровец.На одредени патни правци кои поминуват низ клисури и усеци можна е појава на поситни одрони“, велат од Македонија пат.ЈП Македонијапат апелира на внимателно возење и прилагодување на брзината спрема условите на патот.

Македонија | пред 7 години

(ВИДЕО) 27ма Годишна конференција на УМС на ВМРО-ДПМНЕ

Вечерва се одржа 27 мата годишна конференција на унијата на млади сили на ВМРО-ДПМНЕ. Обраќања имаа в.д. Претседателот на УМС, Јован Јаулески и лидерот на партијата Христијан Мицкоски.Онака насилнички, со целосно газење на волјата на народот тргнаа да го менуваат името и идентитетот. Најлажливо креваа димни завеси, правеа операции, се препелкаа во сопствената жива кал само да го намалат срамот. Ама срамот со промената стои, останува, не се трга таа лузна испишана во душата на секој Македонец. Боли затоа што името е во прашање, но и идентитетот, нашето минато, културно историско наследтсво, историја и образование, истакна претседателот на ВМРО-ДПМНЕ Христијан Мицкоски на денешната 27 Годишна конференција на Унијата на млади сили на партијата.Мицкоски рече дека она што најмногу боли е тоа што во очи го лажат и понижуваат народот, додека ја кршат кичмата, додека го стегаат ременот, и го одземаат воздухот…-И нема поганост, нема валкана работа која тие ја направија, а толку многу јасно не ја видовме во овој процес. Притисоци, скршени луѓе, измачувања и играње со човечки судбини, уценети пратеници, луѓе кои си го погазија достоинството, ја голтнаа честа и ја поклонија душата на нечестивите. И сето ова на грбот на граѓаните. Таквата трговија која ја правеа за обезбедување на мнозинство во Параламентот поради тоа што немаа мнзоинство и поддршка од народот сакаа да ја засенат со милион пердуви, лажни теми за да се одвлече вниманието. И еве сега денес, кога пердувите ги нема, кога легнува прашината, да ги прашам луѓето од власта свесни ли сте што направивте? Колку многу го разоравте и поделивте општеството? Колку само болка му нанесовте на Македонецот? Му заривте нож во грбот. Му заривте нож во срцето! Го разочаравте. Спиете ли со мирна совест? Колку само многу ја заглавивте државата во безизлез?, праша Мицкоски.„Владејачката структура, го разградува секој дел од општеството, го понижува народот, ги уценува пратениците“, исткна меѓу другото лидерот на ВМРО ДПМНЕ Христјан Мицкоски.„Младите се соочени со многу предизвици, но и се способни да ги надмината, беше речено во обраќањата. Паметните се замолчани од власта, многумина се в затвор, власта не научи да не и веруваме“, рече Јаулески. https://www.facebook.com/UMSVMRODPMNE/videos/303948913586147/

Скопје | пред 7 години

Заев: СДСМ сака да се почитува волјата на Стојаноски

Советниците од редовите на СДСМ ќе го предложат Констатнин Георгиевски за в.д. градоначалник на Охрид и ќе разговараат со останатите партии сите заедно да застанат зад неговиот избор на оваа привремена функција, а со тоа ќе се испочитува волјата на покојниот градоначалник Јован Стојаноски кој го назначил Георгиевски за негов заменик.Првиот човек на СДСМ Зоран Заев, вели дека правото на глас го имаат советниците и централната власт во тоа неможе ни да се меша ни да наложи нешто, но генерално неговата партија сака да се испочитува тоа што покојниот градоначалник го потпишал во време на својот живот, а се однесува на негов заменик.„Константин е заменик градоначалник поставен од покојниот градоначалник Јован Стојаноски. СДСМ и советниците сакаат тоа да се испочитува. Ќе разговараат и утре со ВМРО ДПМНЕ , со ДУИ , Алијансата и со Беса. Скаат да се постигне консензус и да го постават. Така сум јас информиран од охридската организација на СДСМ, а правото останува на советниците во Советот на Општина Охрид “ - изјави Заев за „Скопје 1“.Јавноста во Охрид и аналитичарите деновиве едногласно побараа да се почитува волјата на покојниот градоначалник.

Македонија | пред 7 години

ЕКСКЛУЗИВНО - Васко Паскали именуван за директор на НП Галичица

Разрешен досегашниот директор на НП Галичица, Андон Бојаџи, а на негово место именуван е Васко Паскали.Паскали за нашиот медиум ја потврди информацијата.Неофицијално Бојаџи бил разрешен поради вербална расправa со министeрот за транспорт и врски Горан Сугарески.

Македонија | пред 7 години

Тепачка во скопска кафеана

Ноќеска околу 03 часот, Ј.К. (19) од Скопје пријави дека вчера околу 23 часот во угостителски објект на ул. Скупи, бил физички нападнат од С.К. од Скопје додека седеле на иста маса во објектот.По документирање на случајот ќе бидат поднесени соодветни поднесоци.

Скопје | пред 7 години

Најбрз Дедо Мраз - Никола, а најбрза Баба Мразица - Рената

Денеска во Скопје се одржа дедомразовска трка. Во центарот на главниот град, огромен број мали и големи учесници облечени во костими на Дедо Мраз ја истрчаа патеката долга два километра, која покрај забавен имаше и натпреварувачки карактер.За најбрзите – Никола Таневски во машка и Рената Соколовска во женска категорија беа предвидени награди, а најмалите учесници во трката ги добија заслужените пакетчиња.Дедомразовската трка се одржува по јубилеен 5-ти пат, со што Скопје се придружува кон светските метрополи кои одржуваат ваков настан

Скопје | пред 7 години

Дух во истрагата- ниту Ваљон Беља знае кој пукал во него, ниту соучесниците го познавале

Економскиот директор на Гинекологија Ваљон Беља ги познал тројцата напаѓачи кои со тупаници го претепале на паркингот во Чаир и ги посочил на полицијата, дознава Телма од извори блиски до истрагата. Но не го знаел пиштолџијата кој го застрелал во нога. Не само Беља туку и другите тројца приведени кои биле со него вечерта тврделе дека не го познаваат четвртиот напаѓач, велат изворите на Телма. Тој засега е како дух. Се води како непознато лице кое треба да го открие истрагата, објави Телевизија Телма.Беља е се уште во градската хируршка болница Св Наум Огридски во стабилна состојба и надвор од животна опасност. Откако ќе излезе, напаѓачите не смеат да му се доближуваат. Тоа е една од мерките што им ги определи судот на предлог на обвинителството доцна нокеска. Останатите мерки се забрана да го напуштаат градот, редовно да се јавувауваат во суд и одземен пасош. Тројцата се осомничени дека на извршиле грубо насилство и тешко го повредлие Беља а со тоа во јавноста предизвикале чувство на несигурност и страв. За кривчното дело насилство за кое се осомничени предвидена е затворска казна од 3 до 10 години.Осомничените му се приближиле на оштетениот и го нападнале удирајќи го со тупаници по лицето и телото. Непознато машко лице, кое било заедно со нив, извадило огнено оружје и со него испукало два куршуми. Притоа го погодил оштетениот во десната потколеница и му нанел тешка телесна повреда, велат од ОЈО Сјопје.Мотивот за сега официјално не се соопштува. Медиумите пишуваа дека економскиот директор на Гинекологија имал несогласувања со градоначалникот на Чаир Висар Ганиу затоа што му била стопирана општинската плата. Од општината негираа вмешаност на градоначалникот. Изјавата на министерот Спасовски дека Ганиу добивал закани од Беља, за што имало и пријава во МВР, укажува дека постоело некакво несогласување мегу двајцата функционери на ДУИ.Од партијата пак тврдат дека инцидентот не е поврзан со ДУИ.Добро информирани партиски членови коментираат дека тупаниците и пукањето во колено било предупредување за Беља дека следниот пат нема да преживее. Овие пресметки упатните ги коментираат и како покажување на моќ но и позиционирање во време кога се прават смени во партиските и државните функции.Се очекува дилемите да се расчистат во истрагата особено по исказите што пред обивнител треба да ги дадат и оштетениот Беља и тројцата осомничени.Беља и е познат на јавноста по повеќе инциденти кои директно или индиректно се поврзуваат со него. Токму затоа неговото именување за економски директор на Гинекологија предизвика реакции во Јавноста.извор: Телма

Скопје | пред 7 години

Приватниот живот на Путин, најчувана тајна, но која е Алина Кабаева?

Еден од најмоќните политичари Владимир Путин, за својот приватен живот дозволува да се открие само она што сака тој да знаеме. Рускиот политичар веќе 12 години е на водечка позиција и има неверојатно силна контрола врз медиумите во Русија.Во една пригода тој дури изјави: „Имам приватен живот во кој не дозволувам мешање и тоа треба да биде почитувано.“На годишната конференција за медиуми на рускиот претседател Владимир Путин еден новинар го постави прашањето – кога планира да се жени и со кого? Ова прашање покрена лавина прашања за венчавката на Путин со Алина Кабаева.Шефот на Кремаљ се насмевна на прашањето одговарајќи дека секако во иднина планира повторно да се венча.– Како пристојна личност ќе морам да го сторам тоа кога-тогаш, одговори Путин.По оваа изјава на Путин, медиумите ширум светот започнаа да објавуваат фотографии од прекрасната Русинка која веќе 10 години ја поврзуваат со моќниот руски политичар, од кои 6 тој беше во брак со неговата претходна сопруга Људмила. Се погласни се оние кои јавно говорат дека Пурин и Кабаева се заедно веќе веќе 10 години.А Која е Алина Кабаева (35) ?Таа стекна слава како успешна ритмична танчарка. Има освоено две олимписки златни медали, 14 медали од светски натпревари и 25 медали од европски натпревари. Tокму нејзината кариера на гимнастичарка ја довела до средба со Путин.По нејзината успешна спортска кариера, Кабаева работеше 6 години како пратеник од партијата на Путин.Потоа во 2014 година беше назначена на чело на голема медиумска агенција за промовирање на Кремљ, без претходно искуство во оваа област.Шпекулациите одат до таму што Кабаева можеби и веќе е во брак со Путин и Наводно имаат две деца.Во многу пригоди таа е видена со прстен што наликува на свршенички, а со оглед на тоа што наводно се состануваат 10 години има смисла.Медиумите ја ловат во друштво на две деца, а најверојатно нивен татко е Путин. Кабаева ги криела бременостите и тајно се породила.

Магазин | пред 7 години

Производителите на челик и алуминиум од следната година со ограничен извоз во ЕУ, се соочуваат со загуба од 100 милиони евра годишно

ЕУ воведува квоти за извоз на македонскиот челик и алуминиум во траење од три години. Европската комисија во потокот попладне упатила нота до Македонија со која се известува за воведување на заштитни мерки за извоз на овие производи, чие надминување ќе ги чини компаниите 25% царина. Досега овие производи беа извезувани без царина. Ова денеска на брифинг го соопшти вицепремиерот за евроинтеграции, кој додаде дека се прават напори од страна на владата оваа мерка да не биде воведена за Македонија.– Согласно новата формулација, земен е просекот на извоз на овие компании од 2015, 2016 и 2017 година зголемен за пет отсто раст. Сè што е над тој износ ќе биде царинето со 25 отсто. Тоа ќе значи големи проблеми за нашата индустрија на челик и алуминиум, која сериозно придонесува во БДП на државата. Проценките се дека штетата би можела да биде до 100 милиони евра на годишно ниво на извозот – рече Османи.Привремените мерки ЕУ ги воведе во јули, а наведените конечни мерки треба да траат три години. Од Владата, вели Османи, не се откажуваат од обидите да ја убедат ЕК дека Македонија треба да биде исклучена од овие мерки.

Македонија | пред 7 години

Законот за јазици до Службен весник без потписот на Иванов

Владата нема да чека потпис за да биде објавен Законот за употреба на јазиците, ниту од актуелниот претседател Ѓорге Иванов, ниту од неговиот наследник. Овој закон и Договорот од Преспа, претседателот на Парламентот, Талат Џафери, ќе ги достави до Службен весник, веднаш по усвојувањето на уставните амандмани, објави Алсат.„Не очекуваме, ниту се надеваме дека ќе имаме договор со претседателот во однос на Законот за јазиците. Мислам дека по завршувањето на процесот на уставни измени ќе биде објавен и договорот со Грција, како предуслов за продолжување на процесот а исто така, ќе биде објавен и Законот за јазиците. Двата закона ќе бидат испратени и објавени во Службен весник со потпис само на претседателот на Собранието. Тоа е во рамки на неговите обврски и е резултат на непочитување на Уставот од страна на Претседателот”, рече Бујар Османи, вицепремиер за европски прашања.Османи додаде дека Македонија е целосно уверена дека актуелната грчка влада го има потребно парламентарно мнозинство да го ратификува Преспанскиот договор и протоколот за членство во НАТО. Македонските власти не сметаат дека договорот е во опасност и покрај заканите на коалицискиот партнер на Ципрас, Панос Каменос, дека ќе ја напушти власта кога оваа точка ќе дојде на дневен ред во грчкиот парламент.извор: Алсат

Скопје | пред 7 години

(ФОТО) Стапици, сајли примки,најсуров метод за мачење на животни на граничен појас помеѓу Р. Македонија и Р.Албанија

„Ова се стапици, сајли примки,најсуров метод за мачење на животни на граничен појас помеѓу Р. Македонија и Р.Албанија попрецизно од 3.до 4 километри длабоко на Македонска територија место викано Војтино, најболната точка на Нац“, напиша на својот ФБ профил Ѓуро Јовчески ренџер од НП Галичица.Во продолжение на својата објава Јовчески пишува:„Парк Галичица, да бидам попрецизен во 2004 година со препорака на Нато стандардите прекинаа да се обезбедуваат границите кои беа под ингеренции на АРМ и преминаа во ингеренции на МВР поточно на Гранична Полиција, се затворија караулите се створија идеални услови за шверц, криволов, дрвокрадство, 12 години сум постојано на горенаведеното место со полицајци од граничен премин Св Наум, за кој ке кажам се најдобро за нивниот ангажман како и за нивните претпоставени, многу пати заеднички се фатени лица на лице место на дело во криволов во бесправна сеча на дрво, во шверц со дрога и друга забранета роба, но потенцирам на крајот сега ке објаснам што е поентата сиот доказен матријал оди во Основен Суд Охрид односно Основно Јавно Обвинителство, но веќе наредниот ден и покрај одредениот притвор лицата експресно се ослободуваат и се праќаат во шиприја како хероји иако со цврсти докази на лице место се фатени на дело во бесправни дејствија, на кого му одговарат отворени граници да качаци пустошат шуми, пустошат животни и шверцаат дрога и ги трујат нашите деца, имам полна архива со доказен материјал за сиве 12 години од на лице место и ке ги објавувам постепено и за скоро пред основниот корумпиран суд охрид пред медиуми, бидејки го штитат криминалот поточно убијци, разбојници, дилери на дрога а судат некој за две векни леб.наскоро ке ги објавувам сите докази и записници од лице место како и кој биле ибвинители и судии во тие процеси, најуредно ве замолувам без политички коментари бидејќи постов нее од таа тема а и проблматикава е стара близу 15 години“, напиша Јовчески.

Македонија | пред 7 години