Вицепремиерот Бујар Османи вчера за време на гостувањето на ТВ 21 рече дека албанското знаме може да се постави каде било и дека тоа е дозволено со закон.Изминатите денови голем број на рекации се јавија за поставувањето на албанското знаме во Охрид при што беа изречени и мерки.
Македонија | пред 6 години
Претседателскиот кандидат поддржан од ВМРО-ДПМНЕ, Гордана Силјаноска Давкова, смета дека веројатно, разговорот за почетокот на преговорите за членство во ЕУ ќе биде одложен за на есен.-На премиерот му требаше ветување за почеток на преговори во функција на изборите, а не во функција на градење независно судство во Република Македонија. Тоа е македонската реалност, но и сериозната порака да се зафатиме со реформи, рече Силјаноска-Давкова која денеска беше на средба со граѓаните во Прилеп.Според неа, одлуката на Заев да не биде повеќе претседател на Телото за судски реформи е задоцнета.Независното судство, порача, е клучно за демократска држава и битно за реформите за членство во ЕУ. Преспанскиот договор не е доволен за влез во Унијата.-Независното судство е клучен услов за демократска држава, но и еден од важните сегменти во рамки на очекуваните реформи. Членките, особено основачите на ЕУ, имаат лошо искуство со земји кои пред нас станале членки, но со сериозни проблеми во судството. Секако, секогаш не треба да учиме на сопствените грешки, туку треба да го помнеме искуството на Романија, на Бугарија. Премиерот и луѓето околу него беа уверени дека склучувањето на Преспанскиот договор е доволно да се употреби и да се злоупотреби како алиби во барањето почеток за преговори. Јас сум уверена дека тоа не е доволно, затоа јас, односно ние, се повикуваме на владеењето на правото и на правдата, оти без тој услов нема ниту почеток на преговори, ниту европеизација, истакна Силјановска-Давкова.
Македонија | пред 6 години
Кандидатот за претседател поддржан од СДСМ, Стево Пендаровски денеска се сретна со рудари и жители од Македонска Каменица, по што замина на трибина со граѓани во Кочани.И од Македонска Каменица и од Кочани Пендаровски порача дека заокружувањето на бројот 3 во недела ќе значи подобра перспектива за сите, сигурно одење во Европа, продолжување на реформите и заедничкиот пат кон напредокот, развојот и интеграцијата во НАТО, но и ставање крај на „груевизмот”.-На гласачкото ливче само формално го пишува името на Гордана Силјановска-Давкова. Доколку се гласа за неа, се гласа за враќање на груевизмот. Во недела со гласот за број 3 сигурно одиме во Европа и вие ставате печат груевизмот веќе никогаш да не се врати. Груевизмот беше поразен на парламентарните избори во 2016, на локалните во 2017 година, и доколку и сега биде поразен на претседателските избори дефинитивно никогаш нема да има груевизам. Со глас за број 3 дефинитивно ќе имаме претседател, кој ќе го слуша гласот на народот, а не на елитите. Дел сум од народот, и секогаш ќе бидам, рече Пендаровски.Ако биде избран на функцијата, рече дека граѓаните кончено, по десет години ќе добијат претседател од кој нема да се срамат.-Ќе бидам претседател кој ќе знае позитивните политики да ги пофали и поддржи, тоа што не чини да го врати назад, да се доработи. Она што е во интерес на граѓаните да го поддржи, а она што во интерес на една фамилија или потесен круг луѓе да не добие поддршка. Мојата прва задача ќе биде она што го бараат граѓаните да им се даде, а не тоа што го бара партијата на власт, напомена Пендаровски.На трибината во Кочани пред граѓаните се обрати и претседателот на СДСМ, Зоран Заев, кој се заблагодари на одличниот одзив токму на празникот на трудот.-Дајте ја поддршката за Пендаровски во вториот круг за да може трудот на секој работник да биде вреднуван, за да го спречиме врќањето назад во минатото, во времето на кавги и поделби. Нема да правиме калкулации за нашите функции и политички позиции, затоа што државата е во прашање, а конечно добиваме нешто што го чекавме 14 години. Во јуни отвораме ново поглавје во приближувањето кон ЕУ што ќе отвори нови перспективи за младите, за вработените, за влез на нови инвестиции, свеж капитал и нова финансиска поддршка од европските фондови, истакна Заев.
Македонија | пред 6 години
Лидерот на СДСМ и премиер Зоран Заев, денеска на трибина во Штип, во рамки на претседателската кампања, повторно зборуваше за „метлата“ која ќе ја прави по изборите. Порача дека пораката од граѓаните кои не излегле во првиот круг е примена и оти е во ред по две години власт да се направат промени бидејќи некои функционери не си ја извршувале работата како што треба. Тоа, рече тој, ќе биде порака и за новите кои ќе дојдат да не се однесуваат така. Но, најави чистка и кај кадрите од времето на ВМРО-ДПМНЕ.– Видовме и други работи. Видовме дека таа наша кроткост, добронамерност на исполнувањето на зборот дека нема да има партиски чистки, дека нема да има бркање од работа, видовме дека некој ја злоупотребува. Еден куп директори кои не се сменети, раководители по сектори кои функционираат во јавните институции, партиските вработувања кои функционираа во сите 11 години на ВМРО-ДПМНЕ, не само што чесно не си ја вршат работата, туку почнаа намерно да опструираат, да бидат кочница. И не само тоа, во некои градови, меѓу кои и Штип, почнале да прават и списоци со закани ќе се вратело ВМРО, па раката на ВМРО ќе ги стигнело… Е ќе има чистење и од другата страна. Ќе прочистиме и од таа страна, заради тоа што сите не плаќа нашиот народ и ако сме за јавна администрација тука сме да им служиме на сите оти платата на први е од даноците што ги плаќаат сите – рече Заев.
Македонија | пред 6 години
Попладнево охриѓани и гостите кои се затекнаа на градскиот плоштад имаа непријатна случка. Имено, група кучиња нападнаа куче - домашен миленик кој со својот сопственик поминуваше по плоштадот. Момчето кое го водеше кучето среќа успеа да го задржи својот миленик со ремчето, а со тоа се избегна поголем инцидент.Инаку гостите кои ги имаше во голем број попладнево во Охрид овој инцидент го фотографираа и снимаа, но и уплашено се потргнуваа, дури и оние кои седеа во кафулињата се повлекоа во внатрешноста на објектите.Лоша слика за туристички Охрид.Денешниот инцидент не наведува по којзнае кој пат да го отвориме прашањето за згружувањето на кучињата скитници. Општина Охрид неодамна се пофали дека го изгради долгоочекуваниот стационар за кучиња скитници, и дека се набавени се две возила за транспорт на животните, вработен е и шинтер во ЈП „Охридски комуналец“.Стационарот е со капацитет за третман на 30 кучиња дневно.Но, и покрај овој стационар, на плоштадот сеуште има голем број на кучиња скитници кои често знаат да ги вознемират шетачите. Последниот инцидент на ова место беше пред два месеци кога куче касна малолетно девојче на плоштадот во Охрид.Видеото ни го испрати редовен читател на Скопје1.мк
Македонија | пред 6 години
Автомил удри во велосипедист во скопската населба „Даме Груев“.Во моментот на ударот велосипедистот бил на обележан пешачки премин.Според неофицијални информации велосипедистот не е тешко повреден, но сепак е пренесен во болница.Моментално Полицијата врши увид на лице место.
Скопје | пред 6 години
Македонската ТВ водителка Миа Костова, мајка на малолетно дете кое оди во основно училиште, јавно да му се обрати на министерот за здравство Венко Филипче.Во моментов се паркирам прд училиштето на Андрија (синот на Миа) чисто да се договориме со Венко и екипата околу теpeнската вакцинациja, односно пpинyдното вакцинирање. Мене ме интересира, како при пpoгласување на епидемиja на ниво на Македонија, се одвиваат едни избори каде што циркулираат илјадници луѓе и гласањата за истите тие избори се случуваат по училишта? Венко?“ – се зборовите со кои му се обрати Миа Костова на министерот Филипче во приказните на својот Инстаграм профил.И сосема оправдано. Ако веќе си пpoгласил епидемиja во која нajзагрозени се децата, па сакале или нe ги принyдyваш со зaкон или со низа мepки нивните родители и старатели да моpaат да ги вакцинираат, како тогаш нe пpeземаш ништо таа заpaза да се шири? Напpoтив, на извесен начин уште и ја „стимулиpaш“ со отворањето на школите и градинките за гласање?Очигледно време е за мeтлa! Нe за мeтлa… За хeмиcко чиcтeње! За генеpaлка… И тоа голема! Ама, големата метла за среќа, овој пат се покажа дека е во рацете на… народот! И нe само метлaтa… Најголемите вaлкaници народот има да ги вади со… „Кирби“!
Коментари | пред 6 години
Претседателот на ВМРО-ДПМНЕ, Христијан Мицкоски во интервјуто за порталот „ Република“ истакна дека по она фијаско, по оној ладен туш од Берлин добил информација дека тоа последно патување на Заев имало друга цел, а тоа е да не се објавува дека Македонија нема да добие датум за преговори.-Да ги замоли европските политичари да не објават дека нема да добие Македонија датум за преговори, за да можат, веднаш по изборите на 5 мај, да обвинат дека ВМРО-ДПМНЕ било виновно за тоа. Тоа е една по малку комична и театрална епизода која што ја имал таму, вели Мицкоски.Тој порача дека додека сите политичари се борат за иднината на нивната земја, Заев се бори да го обвини ВМРО-ДПМНЕ.
Македонија | пред 6 години
Кандидатот за градоначалник за Охрид од СДСМ, Константин Георгиевски, во интервју за „Скопје 1“ очекува победа на градоначалничките избори кои ќе се одржат во недела на 5 ти мај со над 3 и пол илјади гласови.Тој е сигурен во себе и поддршката што ја има од Владата и вели декаа се надева дека во овој 2 и пол годишен мандат ќе успејат да ја деблокираат сметката на општина Охрид.[embed]Според Георгиевски, кампањата пред првиот круг од локалните избори во Охрид поминала во коректна и фер атмосфера и се задржало нивото на висока политичка култура и високо ниво на комуникација меѓу сите кандидати.„Иамаше одредени ситни обиди за црна кампања и пласирање на лажни вести од страна на одредени медиуми. Но, во глобала нивото на кое што сме стигнати од политички и демократски развиток , кај нас тоа го дозволува и сето тоа го отценувам во рамките на една демократија која што уште е во развиток, недооформено општество како нашето. Во глобаала мислам дека кампањата горе долу помина во фер атмосвфера“, вели Георгиевски.Георгиевски за Скопје 1 открива и дел од програмата, приоритетите на Охрид како и скромноста на Охридѓани. Вели граѓаните бараат нормални услови за живот, бараат асфалтирање на улици , бараат решавање на комунални проблеми - канализациони мрежи, улично осветлување. Ова се остварливи барања. Нашиот народ е горе долу скромен народ. мене ми е и чудно што во 21 век разговраме за јавни тоалети и канализација . Меѓутоа општинта е во таква состојба каква што е, финансиска да речам, многу време наназад се напластувани долгови и ресурсите на општината се ограничени , а барањата на луѓето се поголеми од нашите можности, па мора да планирам, категоричен е Георгиевски.Кандидатот за градоначалник од СДСМ го кажа и својот став за малата излезност на претседателските избори. Тој смета дека претседателските избори, од секогаш биле проблем со излезноста во Р Македонија. Токму поради тоа, вели Георгиевски, имаше и законски измени се намалуваше цензусот во минатото. Веројатно атрактивноста не е толку голема и луѓето мислат дека веќе се презаситени од избори. То е една причина за малата излезност на изборите. Што се однесува на самите резултати , бројот на кандидати беше голем 5, а исто и бројот на неважечки ливчиња, беше доста голем. Идикативно е што има голем број на неважечки ливчиња на кои се заокружени и бројот 3, и бројот 7, а то е поради то што на претседтелското ливче бројот 3 беше Стево Пендаровски, а на ливчето за градоначалник Стевче Стевоски. И тука дел од луѓето направиле забуна, па на истото ливче го заокружиле и Константин Георгиевски.Имаше многу такви ливчиња со заокружени и 3 и 7 на локалните избори , но како и да е за 940 гласа, јас не успејав да победам во првиот круг и се надевам дека тоа ќе се случи во вториот круг.Георгиевски за Скопје 1 проговори и за најгорливото прашање за општина Охрид - деблокирање на оштинскт сметка.- За воља на вистината одредени средства од долгот на општина Охрид се вратени за време на Никола Бакрачески. Според мои сознанија тоа се околу 2,5 милиони евра. и 100 милиони денари се вратија од наши средства во 2018 год. Со донесување на законот за финансиска помош за субјектите формирни од локаланите самоуправи , заклучно со 30.09.2018 год. сите доверители може да ги пријават своите побарувања во електонски систем и според тоа долгот на општината изнесува милијарда и шестотини милиони денари. Со тој закон ние добивме 495 милиони , кои се средства вкалкулирани во буџетската сметка на општина Охрид и како резултат на тоа општина Охрид во 2019 год го доби најголемиот буџет во историјата. Со преговорите кои ги започнавме после Нова Година, кои траеја околу 3 месеци со сите доверители , според законски предвидената рамка ние успејавме да заштедиме дополнителни 260 милиони денари , благодарение на добрата воља на доверителите и фирмите кои се откажуваа од своите камати. Според законот предност имаа оние кои се откажуваат до 15 % од главниот долг, но ние немаме ниту еден доверител што се откажа од главен долг. Имаме доверители кои се отажале од 100% камати, но од главен долг немаме. Како резултат на ова долгот ќе го намалие за отприлика 755 милиони денари , остануваат 530 милиони кои во иднина имаме план како ќе ги сервисираме , со цел да не се плаќаат дополнителни камати, вели Георгиевски.Татјана Караџова-МаленковаЦелото интервју видете го во продолжение:
Македонија | пред 6 години
Истражувачките резултати покажале дека според бројот на коските се враќаме на своите предци.Познато е дека скелетот на возрасен здрав човек содржи 206 коски од кои најголемиот број е локализиран во пределот на шаките и стапалата. Најновите истражувања покажуваат дека овој податок можеби подолго време не е точен.Тројца научници на Универзитетот во Британија докажале дека човештвото во текот на последните 100 години развило 207 коски во организмот. Коската се нарекува фабела и сместена е на задната страна на зглобот на коленото, а функцијата на оваа коска е да ја чува тетивата која поминува преку зглобот од оштетување и ги потпомогнува нејзините механичка функција. Резултатите од нивното истражување се објавени во Jornal of Anatomy.До неодамна се сметало дека оваа коска ја имаат 39% од човечката популација , а присутна е и кај некои видов мајмуни. Како последица на еволуцијата фабела кај мајмуните и кај луѓето исчезнала но кон крајот на 20 век е забележана нејзнина необична појава. Кај луѓето таа е се почеста.
Магазин | пред 6 години
Бојкотот на вториот круг на претседателските избори на 5 мај е контрапродуктивен и не може да се поистоветува со ситуацијата за референдумот, вели професорот по уставно право и претседател на „Левица“ Димитар Апасиев во гостување на Алфа.Дециден е дека за разлика од референдумот во 2018, каде што тој го заговараше бојкотот како легитимна опција за политички цели, сегашниот бојкот на претседателските избори, а особено на решавачкиот втор круг е несериозно однесување.-Сега е прашање дали ќе биде постигнат цензусот кој води до легитимен избор на новиот претседател на државата. Луѓето се станати апатични по разочарувањата од власта – очекуваа реформи а не ги добија. Ја разбирам разочараноста од партиите, но сега станува збор за личен избор, а не партиски. Негласањето води до две сценарија, намалување или целосно бришење на цензусот и избор на новиот шеф во Собранието. Ако власта имаше слух на пораките од народот, предвремени парламентарни избори досега ќе имаше по неуспешниот референдум. Залудно е бојкотирачите сега да се надеваат дека во случај на неуспех, Заев ќе распише предвремени избори. Во историја на Македонија не се случило вакво фијаско на владејачка гарнитура за две години да изгубат толку многу гласачи. Затоа нема да има нови избори, па ќе глумат демократија. Бојкотот и одговара на власта затоа што им отвора простор за фалсификати. Шарена револуција разочара многу луѓе и затоа е оваа апатичност – една кнедла која остана закочена и не го добивме она за што се боревме, коментира Апасиев.
Македонија | пред 6 години
Премиерот Зоран Заев на синоќешната тринина во Куманово во рамки на претседателската кампања за поддршка на Стево Пендаровски рече дека повеќе не е претседател на Советот за судски реформи. Овој одговор тој го даде на сгестија од посетител кој рече дека еден премиер не треба да предводи таква комисија.- Си дадов оставка од Советот за судски реформи, не сум веќе таму претседател. Морав да бидам на почетокот за тој да се раздвижи, а сега на чело е министерката за правда Рената Треневска Дескоска - рече Заев пред присутните граѓани.
Македонија | пред 6 години
Премиерот Зоран Заев на изборна трибина во Куманово порача дека „метлата“ што претходно ја најави за функционерите кои не покажале резултати „ќе замете и кај власта и кај опозицијата“.-Ред е и чесно е да се признае грешка. Не сме сјајни, ама сме отворени, чесни сме и транспаретни. Кога ќе не искритикуваат знаеме да се повлечеме и да прифатиме критика. На времето тоа не беше можно, рече премиерот и додаде дека целта со „метлата“ е секој функционер, кој нема доволно трпение, кој се покажал дека не може да ги менаџира граѓаните, да се смени. Треба, истакна, сите да знаат дека секој оној кој не можел да ги слушне граѓаните,кој не си ја завршил својата работа и не испорачал резултати ќе го сменам. Оти ако не го направам тоа, ќе ме смени мене народот. И тоа е редот, но притоа никој на патот не го фрламе, никој нема да го оставам без леб.Тој потенцира дека истовремено како што се однесува таа метла за власта, од СДСМ и сите други, метлата ќе фати и на друга страна оти, посочи, Заев вети дека нема да ја брка јавната администрација, и не ја бркаме.– Договори каде завршија беа прекинати. Државната администрација 11 години беше полнета од ВМРО-ДПМНЕ. Не им фалеше влакно од главата. И сега Заев е добар, Заев е кроток, Заев е мирен, ама Заев со научен занает со метлата можам да им кажам дека ќе изметеме се и ќе сјае во Македонија. Ние сме добри луѓе, но не сме глупави и наивни. Почнаа списоци да прават како од времето на режимот, рече Заев.Тој истакна дека воделе политики со кои се воделе од тоа никој да не губи работно место за да се вработи друг бидејќи нема среќа на туѓа несреќа, но оти од друга страна имало кочење на процесите во држвата и опструкции на секој чекор.– Треба да знаат дека нашата добрина ќе застане и оти секој мора да си ја завршува својата работа.Така што, метлата ќе замете тука кај власта, ама ќе замете и кај опозицијата затоа што пресериозни процеси се пред нас и ќе ги истераме, потенцира Заев.Посочи дека очекува Антикорупциската комисија, која излезе минатата недела со укажувања за претставници на власта, оваа недела да излезе и за опозицијата, бидејќи, како што рече, тие беа пример за непотизам.
Македонија | пред 6 години
Насилствата во Венецуела се разгореа, откако лидерот на опозицијата Хуан Гваидо ја повика војската да помогне во соборувањето на претседателот Николас Мадуро, а САД го зголемија притисокот за промена на власта. Илјадници Венецуелци денеска излегоа на улиците на главниот град Каракас за поддршка на она што Гваидо го нарече „завршна фаза“ во преземањето на власта, додека неговите поддржувачи се собраа пред воздухопловна база.Во судирите меѓу поддржувачите на Гваидо со безбедносните сили има 50-тина повредени.Претставници на владата на Мадуро ги осудија постапките на Гваидо, како обид за државен удар и рекоа дека ја задржуваат поддршката од војската. Министерот за одбрана Владимир Падрино во обраќање до јавноста во придружба на луѓе во униформи рече дека војската ќе продолжи да ја брани „легитимната власт“.Во меѓувреме, советникот за национална безбедност на САД Џон Болтон рече дека администрацијата на Трамп очекува тројцата највисоки функционери, меѓу кои и министерот за одбрана и претседателот на Врховниот суд, да постапат според, како што рече, приватните ветувања дека Мадуро ќе биде отстранет од власт. Болтон не даде објаснвања за неговата изјава. Тој кажа дека Трамп ја следи ситуација од минута во минута и дека очекува мирно предавање на власта од Мадуро.Додека двајцата опозициски лидери ги координираа акциите од од коли паркирани на надвозник на автопатот, трупите лојални на Мадуро од соседната воена база спорадично пукаа со солзавец. Толпата од неколку илјади луѓе се растрча барајќи засолниште и подоцна се појави со Гуаидо на блискиот плоштад подалеку од пукотниците. Помала група млади луѓе остана на автопатот и фрлаше со камења и молотови коктели кон базата и запали неколку владини автобуси.Во хаосот, неколку воени оклопни возила со полна брзина се втурнаа во толпата, при што беа повредени двајца демонстранти.
Свет | пред 6 години
Кандидатката за претседател на Северна Македонија, Гордана Силјановска Давкова, од митингот во Ѓорче Петров ги повика граѓаните да гласаат за личност, а не за партија, велејки дека е против изборот на гласање претседател во Собранието, верувајки дека граѓаните знаат да изберат што е најдобро за нив.Претседателот на ВМРО-ДПМНЕ, Христијан Мицкоски пред граѓаните на митинг во Штип изјави дека е убеден во победа за нивната кандидатка и ги повика на 5 мај да излезат на гласање.Силјановска Давкова додаде дека е благодарна на сите граѓани кои и дале поддршка на 21 април и дека ќе може да го исполни она што го ветила пред граѓани, потенцирајќи дека на претседателските избори се гласа за човек кој ќе ја води нацијата и ќе работи во интерес за сите граѓани, додавајќи дека само со масовна поддршка за нејзе ќе се спречи гласањето на претседател на државата во Собранието.-Јас сум неверојатно благодарна на граѓаните оти велам се надевам дека ќе дојде денот кога нема партиите да бидат тие кои што ќе тргуваат со граѓанските гласови туку секој сам индивидуално ќе си го искористи своето избирачко право зад кутијата верувајќи дека гласа, особено на претседателските избори, не за партија или не само за партија туку пред се за личност. Затоа јас сум една од оние кои се огромни противници за избор на претседател во Собранието. Граѓаните се помудри, граѓаните знаат да направат прав избор, кажа Силјановска Давкова.
Македонија | пред 6 години
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања