ГЛАВНИ-ВЕСТИ

Извршен увид во стан во Битола во кој беа пронајдени починати маж и жена

Дежурен јавен обвинител од Основното јавно обвинителство Битола изврши увид во стан на улицата „Климент Охридски“ во Битола, каде попладнево беа пронајдени безживотни тела на маж и жена, на возраст од 62 и 57 години.Во насока на расчистување на кривично-правниот настан, издадена е Наредба за вештачење на сите траги и материјални докази пронајдени и подигнати на лице место. По наредба на јавниот обвинител телата на починатите се предадени за обдукција. 

Македонија | пред 6 години

Нов скандал: Децата се вaкциниpaлe со cтари вaкцини, никoj нe peaгиpaл иако пропустот бил yтвpдeн

Министерството за здpaвcтвo нaбaвилo вaкцини за деца од редовниот календар за имyнизaција кои имале рок на траење за една година пoкраток од тој што бил наведен во фактурите од страна на добавувачот, се вели во најновиот Извештај на Државниот зaвoд за ревизија, кој се однесува на 2017 година. Иако ова е влезено во зaпиcникот за прием на МЗ и Агенцијата за лекови, Внатрешната контрола на Министерството за здpaвcтвo не ја забележала yтвpдeнaтa состојба и нe биле преземни мерки за да се спречи дистрибуцијата на овие вакцини, открива порталот „НоваТВ“ Текстот во целост на:  „НоваТВ“

Македонија | пред 6 години

Мицкоски: Заев со реконструкцијата најде покус пат парите да одат до Вицето

Претседателот на ВМРО-ДПМНЕ, Христијан Мицкоски денес беше во посета на Љубанци каде што присуствуваше на традиционалниот ручек во организација на УМС во манастирот Св. Јован.Претседателот на ВМРО-ДПМНЕ Мицкоски се осврна на најновиот предлог на владиниот состав, истакнувајќи дека сега парите директно ќе продолжат да одат кај Вицето, по покуса патека.-Како најпрви ќе го победиме овој мал деспот овде во срцето на Балканот Зоран, Заев, видовме денеска конечно се потврди онаа наша максима дека сите пари ќе одат кај Вицето. Видовме денеска дека сите пари навистина ќе одат кај вицето.Дека немаат ништо што да понудат кое што ќе значи развој, градење на општество каде што ќе имаме просперитет, каде што ќе имаме сигурна и загарантирана иднина. Туку себичен мал деспот од Балканот кој што не може да види ништо подалеку од сопствениот интерес и интересот на сопствената фамилија. Најпрвин треба него да го победиме, ама не да го победиме така што ќе имаме пирова победа туку треба да го победиме и да го пратиме каде што му е местото на темната страна на историјата, изјави Мицкоски.Тој посочи дека смената на Тевдовски од првото место во министерството за финансии е тргање на маската, зад која сега и официјално стои Заев.-Народот се спротивставува на пеплосувањето и уништувањето кое го прават луѓето од Власта. Народот е против деспотизмот на Заев кој е лидер на СДСМ, во исто време премиер, а денес официјално дознаваме дека ќе биде и министер за финансии. Ако овој претходниот за финансии му беше маска, денес гледаме дека веќе таа маска ја нема, а виновникот за целата сиромаштија и несреќа на народот продолжува да биде Зоран Заев. Само се стеснува кругот на криминалот и на тоа дека сите пари одат кај Вицето, изјави Мицкоски.Мицкоски истакна дека Гоце Делчев е нашиот херој, и непокор, наспроти тврдењата на Пендаровски.-Бидејќи несреќата на народот лежи токму во Зоран Заев кој насекаде околу себе поставува клонови кој и самите си велат дека потполно се исти како нивниот лидер. Ова го збореше и Пендаровски кому гледаме дека не му е јасно чив бил Гоце, а Гоце Делчев е нашиот непокор, сила и херој кој го има во нашата химна.Лидерот на ВМРО-ДПМНЕ Мицкоски истакна дека за незавидната состојба во која се наоѓа земјата не е виновна ниту ЕУ, ниту соседите, туку непсообноста на Заев.Клучот на неуспесите не им се ниту ЕУ, ниту нашите соседи, туку Зоран Заев.Власта која тоне во сопствената жива кал не е способна да изменаџира ниту еден процес до крај, постојано наоѓа изговори, оправдувања за своите неуспеси, а единствениот одговор на сето ова е народот кој ќе ги порази, нагласи Мицкоски.

Македонија | пред 6 години

(ВИДЕО) Заев го соопшти предлогот за новиот состав на Владата, а годинава ја прогласи за година за економијата

Претседателот на Владата на Република Северна Македонија, Зоран Заев го соопшти предлогот со имињата за нови министри како дел од реконструкцијата на Владата на РСМ, што денеска се доставува до Собранието на земјата. Премиерот Заев соопшти дека на Собранието ќе го предложи за министер за земјоделство, шумарство и водостопанство Трајан Димковски, кој доаѓа од самото министерство и е дел од тимот на досегашниот министер Љупчо Николовски.За министер за животна средина и просторно планирање ќе биде предложен Насер Нуредини, за министер за култура Хусни Исмаили, за министер за локална самоуправа Горан Милевски, и за министер за политички систем и односи меѓу заедниците Садула Дураки.Премиерот Заев во изјавата за медиумите информираше дека обврските на министер за финансии ги презема тој, и оваа функција ќе ја извршува во определен период заедно со функцијата Претседател на Владата на РСМ.Во изјавата за медиумите, премиерот Заев им се заблагодари на министрите што досега им служеа на граѓаните и на државата, на министерот за земјоделство, шумарство и водостопанство Љупчо Николовски, на министерот за култура Асаф Адеми, на министерот за финансии Драган Тевдовски, на министерот за локална самоуправа Сухејл Фазлиу, на министерот без ресор за спроведување на рамковен договор и политички систем Хазби Лика, и на министерот без ресор задолжен за регулатива за подобрување на инвестициската клима за домашните претпријатија Зоран Шапуриќ.Со предложената реконструкција, новиот состав на Владата ќе брои едно министерско место помалку.„Оваа година ја прогласивме за година за економијата. Влегуваме во таа насока со сите перформанси. Тевдовски останува до мене, најверојатно како советник. Тој е член и на Извршниот одбор на СДСМ. Следуваат храбри решенија, храбри одлуки од кои бенефит треба да видат сите граѓани, во социјалниот дел, во делот на земјоделието, платите...Кога веќе се решени сите големи политички прашања, останува да го дигнеме стандардот, и верувам дека во следните месеци ќе имаме можност да покажеме сериозни постигнувања во менаџирање на финансиските ресурси во државата. Можеби е несекојдневно, поинаку, но и многу други работи се случија несекојдневно и за други крупни и храбри одлуки што се донесоа во овој период, заради сплотување на нашето општество, заради решавање на крупните прашања со Бугарија и Грција, заради НАТО членството, заради датумот за преговори со ЕУ. Сите стратешки определби беа вредни заради економскиот стандард на нашите граѓани. И еве влегуваме во тој перформанс, сите заедно вградени комплетно, без штедење за да граѓаните ги почувствуваат придобивките“, истакна премиерот Заев на прашањето поврзано со преземањето на позицијата министер за финансии во новиот состав на Владата на РСМ.Во продолжение на своето образложение на ова прашање, премиерот Заев ги соопшти приоритетите во делот на финансиите и економските политики, и нагласи дека ребалансот на Буџетот, ќе се донесе на почетокот на есента. „Она што е важно е на 1 јули да почне враќањето на ДДВ-то за граѓаните. На сите оние што кубат коси им препорачувам да престанат со тоа, затоа што во нашата земја никогаш не се враќале пари. Сега кога враќаме, некој ќе добие 12, 15 илјади или 20... и ова е добро, дај Боже да вратиме колку што може повеќе. Но, дефинитивно до 50 милиони евра од Буџетот ќе се вратат кај граѓаните. Ако проектот успева, бројките ќе растат. Граѓаните ќе добиваат повеќе пари за да го организираат својот семеен стандард. Главна задача во идниот период е порастот на платите. Не само кај здравството, и од 5 септември и кај голем дел од јавната администрација, туку сакаме да направиме и еден квантен скок на севкупното качување на платите. Ќе преземеме одредени конкретни чекори кои што ќе треба дефинитивно да го направат тој скок кон подобро на севкупните нето плати. Верувам дека до крајот на годината ќе имаме доволно финансиски капацитети за да ги покачиме и пензиите од 1 јануари идната година. Капиталните инвестиции се исто така многу значајни и во фокусот на вниманието и со сите механизми што ги имаме ќе заокружиме еден процес за да можат граѓаните директно да ја почувствуваат благосостојбата од тие промени“, дополни премиерот Заев.Претседателот на Владата на РСМ Заев информираше дека во текот на следната недела ќе бидат соопштени и останатите кадровски решенија во месец.

Македонија | пред 6 години

Метлата на Заев: Тевдовски, Николовски, Лика, Николовски се разрешени, Нуредини, Дураку, Милевски нови министри

Премиерот Зоран Заев, денеска од Валандово, најави дека ќе достави предлог до Собранието за избор на Трајан Димковски за нов министер за земјоделство, Насер Нуредини за животна средина и просторно планирање, Хусни Исмаили за култура, Горан Милевски за локална самоуправа и Садула Дураки за политички систем и односи меѓу заедниците.– Предлогот денеска ќе биде доставен до Собранието и верувам дека следната недела ќе биде ставен на дневен ред. Ќе доставам предлог за избор на министри во Министерство за земјоделство, шумарство и водостопанство Трајан Димковски. Министер за животна средина и просторно планирање Насер Нуредини. Министер за култура Хусни Исмаили, Министер за локална самоуправа Горан Милевски. Министер за политички систем и односи меѓу заедниците Садула Дураки.Заев изрази благодарност до досегашните министри за земјоделство, шумарство и водостопанство Љупчо Николовски, за култура Асаф Адеми, за финансии Драган Тевдовски, за локална самоуправа Сухејл Фазлиу, за рамковниот договор Хазби Лика и за регулатива и инвестиции на домашни фирми Зоран Шапуриќ, за како што рече што и служеа на државата и народот извршувајќи ја функцијата.

Македонија | пред 6 години

Од 1 јули поевтинува роамингот во регионот

Граѓаните на Македонија , Албанија, Косово, Србија, Црна Гора и Босна и Херцеговина  од 1 јули ќе може да телефонираат во роаминг по пониски цени од речиси 30 отсто, со оглед на тоа што почнува примената на регионалниот договор за роаминг. Цените во првата фаза ќе бидат намалени 27 отсто, а на 1 јули 2021 година се очекува целосно укинување на роамингот за регионот.Договорот на политичко ниво помеѓу земјите од Западен Балкан беше донесен на почетокот на месец април.Директорот на АЕК, Сашо Димитровски кажа дека се очекува намалување на роаминг услугите и со соседна Грција до крајот на годинава. 

Македонија | пред 6 години

Казнети над 200 возачи во Скопје: пречекорена брзина, алкохол...

Одделението за безбедност на сообраќајот при Секторот за внатрешни работи Скопје на 22/23.06.2019 година во времето од 22,00 до 04,00 часот спроведе акциска контрола за откривање на возачи кои ја пречекориле брзината на движење со моторно возило на подрачјето на Скопје. Притоа санкционирани се 55 возачи кои ја пречекориле брзината, за што им се изречени исто толку мандатни казни. Откриени се 64 останати прекршоци за кои се издадени 27 мандатни платни налози и 37 прекршочни платни налози.Одделението за безбедност на патниот сообраќај спроведе акциска контрола и за управување на моторно возило под дејство на алкохол на подрачјето на Скопје. Притоа санкционирани се 24 возачи за што им се изречени исто толку мандатни казни. Откриени се 79 останати прекршоци за кои се издадени 44 мандатни платни налози и 35 прекршочни платни налози.

Скопје | пред 6 години

29 годишна родилка од Охрид починала од сепса

29 годишна родилка од населбата Рача од Охрид, вчера починала од сепса на клиниката во Скопје, објави Охрид 24.Жената пред неколку дена се породила на гинеколошкото одделение при ЈЗУ Општа болница Охрид и на свет донела здраво и живо бебе. После породувањето жената била задржана на одделението. Дента кога жената требело да биде отпуштена, при станување од креветот состојбата и се влошила и се онесвестила по што итно била пренесена на клиниката во Скопје. Таму лекарите констатирале смрт, а причината била сепса.

Македонија | пред 6 години

Лавина реакции по објавената аудио снимка со Курто Дудуш, МВР истражува дали градоначалникот малтретирал маж во својата канцеларија

МВР ќе го преземе случајот со снимката на која наводно се слуша гласот на градоначалникот на Шуто Оризари, Курто Дудуш, во која машко лице се расправа и физички се пресметува со друго лице. Лавина реакции има на социјалните мрежи, но и помеѓу двете најголеми партии од македонскиот блок.Но и покрај реакциите обвинителството нема отворено предмет за овој случај.И покрај што јавноста очекуваше Дудуш да го образложи случајот, тој не се појави со никаков официјален став за овој случај. Тој се закани со тужби за медиумот кој прв ја објави аудио снимката и само кажа дека се работи за монтирани снимки.Дудуш за„Фокус“кажа:„Ќе заработи соодветна пријава за нарушување на углед и чест. Соработката со криминалци од калибарот на Сенат Јашар, поранешен осуденик за вооружен грабеж и осомничен за ред други случи на насилство и нарушување на јавен ред и мир, нема да му донесе новинарски поени бидејќи од такви лица може да добие само монтирани аудио снимки. Да имало вистина во снимката, ќе имало повредени“.И власта и опозицијата во своите реакции ги повикаа институциите да го истражат случајот. Од МВР велат  дека го испитуваат случајот. 

Македонија | пред 6 години

Притвор за возачот на камионот, тој е осомничен за тешки дела против безбедноста на луѓето

Основното јавно обвинителство Скопје поведе постапка против едно лице за кое постои основано сомнение дека сторило кривично дело – Тешки дела против безбедноста на луѓето и имотот во сообраќајот од член 300 став 4 во врска со член 297 став 3 од Кривичниот законик.Осомничениот, на 21.06.2019 година, по автопатот Скопје-Тетово-Обиколница на Град Скопје управувал со товарно моторно возило МАН со скопски регистарски таблички. Кога дошол пред надвозникот Визбегово, не се движел по средината на сообраќајна лента и не ја приспособил брзината на условите на патот и на густината на сообраќајот. Од тие причини не можел навреме да го запре камионот и удрил во задниот лев дел на автомобил БМВ 535 со гостиварски регистарски ознаки, кој бил запрен во десната сообраќајна лента заради контрола од страна на мобилна сообраќајна полициска екипа. Од силата на ударот, патничкото моторно возило БМВ се придвижило нанапред и удрило во паркираниот полициски автомобил Шкода Јети и во метална одбојна ограда покрај патот. Автомобилот БМВ се запалил, при што сопатникот во возилото се здобил со изгореници и починал на лице место. Полициското возило исто така се придвижило нанапред и удрило во пешаците – возачот на автомобилот БМВ кој бил излезен надвор од својот автомобил и двајца полициски службеници. Сите тројца се здобиле со телесни повреди и биле пренесени во Ургентниот центар при комплексот клиники „Мајка Тереза“ во Скопје. Еден од полициските службеници подоцна им подлегнал на повредите здобиени во сообраќајната несреќа.Ценејќи дека се исполнети законските основи и дека постојат околности кои укажуваат на опасност од бегство на осомничениот, надлежниот јавен обвинител до Основниот кривичен суд Скопје достави Предлог за определување мерка притвор на осомниченото лице. Судијата на претходна постапка го прифати предлогот и на лицето му определи притвор во траење од осум дена.  

пред 6 години

Грците ни дадоа нова кратенка – РОНМ, МНР засега молчи

Министерството за надворешни работи за приказната на Алфа за фактура од повраток на данок на македонски турист неодамна вратен од Грција, зошто во графата за тоа од која земја е лицето кое бара повраток на данок, не стои целото име во кое се содржи зборот Македонија, ами само РОНМ, што е скратеница од новото уставно име на државата, ќе одговорело во текот на утрешниот ден, објави република.мк.Според договорот од Преспа оваа кратенка е погрешна.Непосредно по потпишувањето на договорот претставниците на Владата ги убедуваа македонските новинари дека ова нема да се случи, па дури и дадоа упатство за како да се имплементира преспанскиот договор во медиумите.Во упатството стои :Придавката „македонски/o/a” да се употребува кога е поврзано со етнички и културен идентитет за народот, нашиот јазик, историја, култура, наследство, територија и останати особености. Ваквите термини во овој контекст се особено различни од оние што се употребуваат и се поврзани со регионот на Македонија во Грција.Правилни примери: Македонски етнички идентитет, Македонски јазик, Македонска култура, Македонска територија, Македонски народ, Македонска историја, Македонски планини, Македонска литература, Македонско кирилско писмо, Македонска храна, Македонски цркви итн.Неправилни примери: Други придавки, вклучително и „Северно македонски”, „С. Македонски” и „СеверноМакедонски”, не треба да се употребуваат.Од МНР велат дека по нивното укажување на непочитувањето на ова упатство, најголем дел грешки се отстрануваат. Од министерството за порталот МКД.МК велат дека анализата покажувала дека најголемиот дел од грешките во медиумите биле ненамерни.Извор:Република 

Македонија | пред 6 години

Едно лице под истрага за убиство на уличен препродавач на девизи, откако го убил го сокрил во буре

Основното јавно обвинителство Струмица донесе Наредба за спроведување истражна постапка против едно лице од село Добрејци кое е осомничено дека сторило кривично дело – Убиство од член 123 став 2 точка 1 од Кривичниот законик. Истрагата е отворена, бидејќи постои основано сомнение дека осомничениот на 07.05.2019 година на свиреп и подмолен начин го лишил од живот Ристо Илјашев, а потоа се обидел да го прикрие убиството.Имено, осомничениот од претходно се познавал со жртвата и на критичниот ден се понудил да го превезе со својот автомобил Фиат пунто. Од тој момент на Илјашев му се губи секаква трага и тој повеќе од еден месец се водеше како исчезнато лице.По наредба на јавен обвинител, беа преземени повеќе дејствија, беа извршени претреси на повеќе локации и беше организирана опсежна потрага по исчезнатото лице, особено во реонот на браната Турија, каде што било забележано возилото на осомничениот. Притоа, со обезбедените снимки од видео надзорот на околни објекти е утврдено дека Илјашев на критичниот ден се качил во автомобилот на осомничениот во Струмица, иако осомниченото лице во своите искази дава контрадикторни информации за тоа дали го превезувал оштетениот. Дополнително, во работилница во сопственост на осомничениот во село Добрејци беа пронајдени биолошки траги кои потекнуваат од жртвата.На 20 јуни во водите во близина на браната беше пронајдено буре во кое се наоѓало тело на починато лице. Со цел да се задржи под водата, бурето било оштетено и во него биле поставени тегови. По наредба на јавен обвинител, беше извршена ДНК анализа со која се утврди дека починатото лице е исчезнатиот Илјашев. Тој бил уличен препродавач на девизи, а кај него не биле пронајдени околу 26.000 евра кои, според неговите блиски, ги носел со себе на денот кога исчезнал.Основното јавно обвинителство Струмица нареди обдукција на починатото лице, вештачење на неговата облека и на предметите пронајдени во бурето. Се преземаат и дополнителни мерки за целосно расчистување на настанот.Поради опасност осомничениот да се даде во бегство или да влијае врз сведоците, надлежниот јавен обвинител до Основниот суд во Струмица достави Предлог за определување мерка притвор за осомниченото лице. Ваквиот предлог беше прифатен од страна на судот и на лицето му беше определен притвор.

пред 6 години

Кражби во Скопје: Возел точак и кинел златни ланчиња на минувачи

Секторот за внатрешни работи Скопје, до надлежното Основно јавно обвинителство Скопје, поднесе кривична пријава против O.Н.(40) од Скопје поради постоење основи на сомнение дека извршил две кривични дела „тешка кражба“, при што се стекнал со  противправна имотна корист од 90.000 денари.Пријавениот ги извршил делата на 07.06.2019 и на 08.06.2019 година. Додека возел велосипед се доближувал до оштетените и при разминување им ги кинел златните ланчиња. На 14.06.2019 година тој бил приведен во Полициската станица Бит Пазар, каде било извршено препознавање од оштетените.

Скопје | пред 6 години

Нема фотографија

Воз прегазил мигрант на правецот Гевгелија-Скопје

На 21.06.2019 година во 22,50 часот било пријавено дека товарен воз кој се движел во правец Гевгелија-Скопје, пред Демир Капија удрил во А.Н.(мигрант) од Пакистан, кој од здобиените повреди починал на местото на настанот.Извршен бил увид од увидна екипа од Полициската станица Гевгелија. По наредба на Јавен обвинител телото на починатиот е дадено за обдукција. 

Македонија | пред 6 години

Мицотакис ја промовира програмата на Нeа демократија, во неа како што велат „вистинска Македонија на прво место“

Лидерот на најголемата грчка опозициска партија и најсериозен кандидат за иден премиер на Грција, Кирјакос Мицотакис на промоција на четиригодишната владина програма на Нeа демократија ја повтори намерата за спроведување кампања за промоција на брендот Македонија. Медиумите не посочуваат дали Мицотакис има посебен план за Преспанскиот договор, но тој јасно ја издвојува важноста на регионот Македонија.Конечно, осмислуваме меѓународни кампањи за вистинска, вистинска Македонија на прво место. Тоа го правиме со цел да ја вратиме реалноста и да го промовираме „името Македонија“ и македонските продукти на меѓународна сцена“, се наведува во програмата. 

Свет | пред 6 години

Од 1 јули нова компанија, нова цена на струјата за домаќинствата, но и стари долгови

Од 1 јули македонските домаќинства ќе ги снабдува со електрична струја новата компанија EVN Home која произлезе од ЕВН Македонија. Тоа значи дека од овој датум новата компанија ќе ги дава известувањата што и претходниот универзален снабдувач ЕВН Македонија ги давал на потрошувачите.Концептот на сметките и доставување на фактурите останува ист како и досега ,само што ЕВН Македонија го промени називот на компанијата. Токму поради тоа од 1 јули граѓаните наместо од ЕВН Македонија ќе добиваат фактури и известувања од новата фирма ЕВН Хоум, на која корисниците ќе продолжат да и ги плаќаат и новите, но и старите долгови.Првиот човек на Регулаторната комисија за енергетика не откри дали ќе има поскапување или поевтинување на цената на струјата, но, уверува дека корисниците нема да се соочат со ценовни шокови.Од почетокот на оваа година секој корисник веќе може да одбере од која компанија ќе купува струја. Според Бислимовски, за домаќинствата сè уште е поисплатливо да останат на регулираниот пазар и да продолжат да се снабдуваат со електрична енергија од ЕВН Хоум. Но, за фирмите е покорисно доколку излезат на слободниот пазар бидејќи плаќаат за 25-30% поевтина струја.Инаку, со либерализацијата на пазарот на струја комерцијалните потрошувачи кои што излегоа на слободниот пазар  трошоците за набавка им се намалени до 30 проценти. 

Македонија | пред 6 години

ТРАГЕДИЈА: Почина еден од полицајците во денешната тешка сообраќајка на скопска обиколница

Сaфет Бајрами, еден од двајцата повредени полицајци во сообраќајката кај обиколница, како што пренесува 24 инфо, им подлегнал на повредите. Бајрами бил дел од патролата на собраќајната полиција, која настрада вршејќи ја должноста на патот, а во овој сектор дошол пред само два дена, кога и добил решение за работа во автопатска полиција.Колку за потсетување, несреќата се случила кога патролата запрела возило Бе-ем-ве со гостиварски регистарски таблички кое возело со брзина поголема од дозволената. Додека полициските службеници разговарале со возачот на автомобилот, на нив налетал камион со скопски регистарски таблички. Од ударот, автомобилот БМВ се запалил и целосно изгорел. Притоа, на лице место животот го загубил совозачот во автомобилот БМВ.

Скопје | пред 6 години

ФОТО: Булеварот Партизанска пренаменет во паркинг

Булеварот Партизански одреди наместо за за сообраќај, служи како паркиралиште. Колона од десетици возила се оставени на сред булевар, во делот кој е ограден. Ова се случува изминатава недела, откако отпочнаа градежните работи за замена на асфалтот.Додека автомобилите се паркирани на булеварот, возачите седат во една од локалните слаткарници. На ова не реагира полицијата, која треба да ги санкционира.Ваквата слика не е невообичаена за овој булевар. И во деновите кога сите ленти се функционални, првата е секогаш зафатена од несовесните возачи.

Скопје | пред 6 години

Познато е името на новиот министер за животна средина, кој ќе го замени Дураку

Во најавената реконструкција на Владата, нов министер за животна средина и просторно планирање и дефинитивно ќе биде поставен Насер Нуредини, дознава ТВ21 од извори блиски до Владата. Тој треба да го замени досегашниот министер Садула Дураку.Нуредини е роден и се школувал во Виена, Австрија, на меѓународниот факултет за економија и финансии.Од 2006 до 2011 година бил потпретседател на банка во Лондон.

Македонија | пред 6 години

АУДИО БОМБА: Градоначалник од СДСМ тепа и измачува киднапиран човек!

Свиркач, до редакцијата на „Економски Лидер“ достави аудио снимка на која се слуша како градоначалникот на скопската општина Шуто Оризари, лишува од слобода, тепа и измачува човек во неговиот кабинет.-Ајде седни, чекај да ја заклучам вратата за да не ми избегаш. Имам со тебе да завршам некоја работа. – вака со лишување од слобода, почнува аудио снимката, која свиркачот ја достави до нашата редакција.https://m.youtube.com/watch?v=2xnQ8i9Ced0Текстот во целост на:„Економски Лидер“

Македонија | пред 6 години

(ВИДЕО) TEШKA COOБPAЌAJНА НЕСРЕЌА: Камион yдpил во „БМВ“ и пoлициcko „Шкода Јети“ – неoфициjaлно двајца зaгинaти?

Во cooбpaќајката, нeoфициjaлно, зaгинaти се двајца – еден пoлицaeц и едно лицe кое се пpeвезyвало во „БМВ“-то, објави infomax.mk.Според oчeвидци cyдиpoт бил вepижен, а најверојатно kaмиoнот yдpил во „Јетито“ и „БМВ“-то кое ekcплoдиpaло.Подетални информации во текот на денот.Извор: infomax.mk https://www.facebook.com/iNFOMAX.mk/videos/2218519681793181/

Македонија | пред 6 години

Сите сме за лечење, велат активистите откако се обзнани дека медицинар ќе биде министер за култура

По информацијата дека Хисни Исмаили ќе биде нов министер за култура ќе биде професор од Факултетот за медицина, на социјалните мрежи има бура од реакции.„Сите сме за лечење. ,Логиката во одлучувањето за министрите за културата е сериозно болна.  Болна е штетата што се прави со тоа што културата е постојана колатерална штета на коалициски математики. Болно е инсистирањето Министерството за култура да биде раководено од партија што очигледно нема соодветен кадар за тој ресор па градежници и доктори мораат да ускочат во овој фаличен надреализам. Болно е што наместо да се прегледаат политичарите што прават боранија од културата, доктор им се праќа на културните работници“, напиша активистката Ирена Штеријовска.

Коментари | пред 6 години

Познато е кого ќе фати „метлата“, одлуките се донесени

Премиерот Зоран Заев попладнево изјави дека во недела попладне до Собранието ќе го достави предлогот за реконструкција на Владата. Тогаш, како што рече, ќе ги соопшти деталите околу имињата и ресорите.– Одлуките се донесени и во недела попладне ќе ги доставам до Собранието материјалите за сите промени што ќе се случат во Владата, изјави Заев.Паралелно со ова, како што истакна, се работи и на вториот бран со кој треба да бидат опфатени директори и членови на управни и надзорни одбори во јавните претпријатија.

Македонија | пред 6 години

Нема фотографија

Шилегов побара да не го осудуваат Бени Шаќири

„Сме станале народ кој предвреме суди за сѐ и секого“, одговори скопскиот градоначалник Петре Шилегов, на новинарско прашање дали ќе го земе во предвид писмото кои вчера го испратија 250 културни работници до премиерот Зоран Заев, во кое бараат да спречи менување на сегашниот в. д. директор на Младинскиот културен центар (МКЦ) Русе Арсов и поставување на пејачот Бени Шеќири на директорската функција.Во отвореното писмо до премиерот се вели дека ако Шаќири биде назначен за директор ќе дојде до нарушување на континуитетот на работа на МКЦ.Изборот на директор на МКЦ го врши градоначалникот Петре Шилегов бидејќи оваа културна институција е под надлежност на Градот. За избор на директор Град Скопје во февруари распиша конкурс, но рекоа дека изборот ќе биде направен по завршување на претседателските избори.„Не можам да коментирам писмо кое не е испратено до мене. Барате да коментирам одлука која не е донесена. Комисијата си работи и наскоро ќе информираме кој ќе раководи со оваа институција. И сакам да кажам, сме станеле народ кој предвреме суди за сѐ“, рече денес Шилегов.Повеќе прочитајте на СДК.МК

Скопје | пред 6 години

Нема фотографија

ЕКСКЛУЗИВНО: Во село во Дебар во штала за крави пронајдени се бомби и муниција

Во село на територијата на општина Дебар во пограничниот појас со Р Албанија во штала за крави пронајдени се бомби и муниција. Акцијата се спроведува во моментов, дознава Скопје1 од извори во МВР.Повеќе информации во текот на денов.

Македонија | пред 6 години