ГЛАВНИ-ВЕСТИ

Нема фотографија

Костадинов: Заканувачките пораки не ги пратило партиско обезбедување, доколку е член на СДСМ соодветно ќе реагираме

Утрово дојде господин Геровски, имавме конструктивен разговор во однос на заканите кои што беа упатени до него, вчера вечер.Секако, како одговорна партија, ние од Социјалдемократскиот сојуз на Македонија се оградуваме и најостро осудуваме каков било обид за навреда или за спречување на изразување на слободна мисла на говор. Тоа не е наша вредност.Наша програмска определба, наш принцип и наша вредност е да имаме овозможување на слободно изразување на волјата на говор, тоа и го правиме. За тоа доказ се и извештаите на “Репортери без граници” каде што Република Северна Македонија има раст од 15 места во истите тие извештаи.Во разговор со господин Геровски, му дадовме информација дека не станува збор за партиско обезбедување. Во текот на денот, ќе видиме од базата на членовите дали станува збор за член на Социјалдемократскиот сојуз. Секако, доколку станува, согласно нашиот Статут во партијата соодветно ќе реагираме, истакна Костадин Костадинов, портпарол и пратеник на СДСМ . 

Македонија | пред 6 години

Нова револуционери протести во Скопје од понеделник

Поради неконтролираното труење на бездомните кучиња во целата држава, здружението „Шепасти ентузијасти“ од следниот понеделник до петок, ќе организира протести во Скопје. Протестите го носат слоганот „Шепаста револуција“.„Бидејќи нема никаква реакција од надлежните, повикуваме на револуција, која нема да вклучува насилство, туку силно ќе покаже дека навистина ни е преку глава да ја гледаме агонијата на бездомните животни! Рута: Собрание, Рекорд, ЈП „Комунална хигиена“, секој работен ден од 17 до 20 часот. Сите облечени во црно и со црвена боја во раката. Можеме ли заедно да го направиме ова?“, пишуваат организаторите.Тие велат дека нивна должност е да се борат за судбината на бездомните животни. Реакција за убиствата на животните имаа и од здружението за заштита на животните „Анима мунди“.„Ова е секојдневната реалност со која се соочуваме, слика што не може да се избегне околу нас на секој чекор - живи животни што се тетерават, паѓаат, повраќаат и се борат за последен здив; умираат пред очите на граѓаните, пред очите на децата. Бараме итно најстрога законска забрана за слободна продажба на високотоксични материи кои секојдневно се купуваат и злоупотребуваат, а кои може да бидат погубни за секого. Бараме контроли во сите земјоделски аптеки, на сите пазари, каде што смртоносни супстанции се продаваат евтино и под рака. Бараме да се фати трујач и да одговара. Посочуваме - отровите се поставуваат во близина на маркети, детски игралишта и паркови, влезови, кафулиња и ресторани, повеќето со безбедносни камери што би послужиле како доказен материјал за пронаоѓање на сторителот, но секако ако сакаме тој да биде пронајден“, велат од „Анима мунди“.

Скопје | пред 6 години

Финансиска полиција поднесе кривична пријава за директорот на МРТВ - Директорот земал кредит без дозвола

Управата за финансиска полиција поднесе кривична пријава против директорот на МРТВ, Маријан Ц. поради сомнеж за злоупотреба на службената положба.Како што беше посочено на денешната прес конференција, пријавата е поднесена до Основното обвинителство.-Осомничениот М.Ц. во 2015 година е осомничен дека ја злоупотребил службената положба. Земал кредит од 140 милиони денари, а заложил имот во вредност од 294 милиони денари, односно го заложил целокупниот движен и недвижен имот на МРТВ без да побара согласност од Собранието, истакна Даниела Велковска, од Управата за финансиска полиција.Кривична пријава е поднесена и за нотарката З.П. која ги заверила спорните договори.-Дел од добиениот кредит во износ од 30,3 милиони денари М.Ц. веднаш го искористил за подмирување на достасани обврски кон Банката давател на кредитот и доверител, по основ на претходен откуп на побарувања од правниот субјек БЕГ-Снабдување центар ДООЕЛ Скопје, истакна Велковска. 

Македонија | пред 6 години

Пендаровски: Неспорно е дека Гоце Делчев се изјаснувал како Бугарин

Неспорна историска вистина е дека Гоце Делчев се изјаснувал како Бугарин, во тој историски контекст, како што е неспорна историска вистина и факт дека се борел за македонска држава, изјави претседателот Стево Пендаровски во вчерашното интервју за „360 степени“ на Алсат М.Зборувајќи за дискусиите кои се водат во Бугарија и Македонија за националноста на Гоце Делчев, Пендаровски рече дека изминатиов период имал интензивни консултации со луѓе кои се разбираат од проблематиката.-Сигурен сум дека постепено ќе станува политички проблем. Тврдам дека допрва ќе станува политички проблем ако пристапот од бугарска страна продолжи да биде ваков. Неспорна историска вистина е, за сите што имаат малку сознанија од тој историски период, дека Гоце Делчев се изјаснувал како Бугарин. Но дали не е историска вистина стопроцентна дека Гоце Делчев се борел за македонска држава, автономија, независна држава, па дури и на крајот оставил аманет неговите коски да почиваат во независна Македонија. Не постои ниеден документ кој вели дека Гоце Делчев се борел за голема Бугарија или изјави или став дека се борел за припојување на тогашната провинција во Османлиското царство Македонија, кон Бугарија – рече Пендаровски.

Македонија | пред 6 години

Поднесено обвинение за пукањето во Маџари

Основното јавно обвинителство Скопје поднесе Обвинителен акт против едно лице кое се товари за кривично дело – Убиство од член 123 став 1 во врска со член 19 (во обид) и во врска со член 22 (соизвршителство), како и за кривично дело – Предизвикување општа опасност од член 288 став 1 во врска со член 22 од Кривичниот законик.Обвинетиот на 24.01.2019 година, во скопската населба Маџари, по претходен договор со негов близок роднина кој во моментов е недостапен на органите на прогонот, со умисла се обиделе да лишат од живот едно лице. Имено, на критичниот ден оштетениот се возел во автомобил Фолксваген голф 5 заедно со неговиот малолетен син и со уште две лица со кои бил во роднинска врска. Заради претходно нарушени меѓусебни односи на двете семејства, обвинетиот, управувајќи со патничко моторно возило Фолксваген голф 3 удрил во нив, а зад нив застанал и неговиот роднина со автомобил Алфа Ромео 156 Караван. Во двата автомобили имало и други засега непознати лица, кои излегле и со шипки ги искршиле стаклата на голфот во кој се превезувал оштетениот. Во тој момент детето на оштетениот излегло од автомобилот, а обвинетиот го удрил со тупаница, нанесувајќи му телесни повреди.Обвинетите и засега неидентификуваните лица кои биле со нив, потоа отвориле оган од четири огнени оружја – пиштоли кон патниците во автомобилот голф 5 и директно кон оштетениот, со умисла обидувајќи се да го лишат од живот и нанесувајќи му тешки телесни повреди во вид на огнострелни рани на двата скочни зглоба на нозете и скршеници на левиот талус и на десната потколеница.Во тој момент, оштетениот паднал на земја, но еден од неговите роднини, со својот пиштол „Ekol Special 99“, преправен како огнено оружје што го поседувал без дозвола, возвратил на пукањето. Со ова дејствие и тој предизвикал значителна опасност за телото на луѓето, па и против ова лице надлежниот обвинител покрена обвинение за кривично дело – Предизвикување општа опасност, предвидено и казниво според член 288 став 1, како и за кривично дело – Неовластено изработување, држење, посредување и трговија со оружје или распрскувачки материи од член 396 став 1 од Кривичниот законик.    

пред 6 години

Претседателот Пендаровски го прими новинарот Бранко Героски

Претседателот на Република Северна Македонија, Стево Пендаровски денеска го прими новинарот Бранко Героски, по заканувачката порака која ја добил.Претседателот Пендаровски осудувајќи секаков вид на закани упатени до медиумите, порача дека новинарите треба да ги уживаат сите права и слободи за да можат професионално и без притисоци да работат.Претседателот истакна дека како и досега, ќе се залага за заштита на достоинството и интегритетот на новинарската професија и професионалните медиуми секогаш ќе ја имаат неговата поддршка. 

Македонија | пред 6 години

21-ви јуни - Ден на Охридското Езеро, се грижиме ли доволно за тоа што се гордееме?

21-ви јуни - Ден на Охридското Езеро.  Овој датум веќе 19 години,  се одбележува со манифестации  кои се одржуваат наизменично во трите општини Охрид, Струга и Поградец. Целта на овие дружби е обединување на граѓаните и општините од двете земји, но и детектирање на заедничките проблеми поврзани со Езерото од стручните тимови и расправа за  истите со цел навремена заштита на езерото што го делат.  На овој начин се покажува и важноста на Езерото, но и подготвеноста на македонската и албанската страна да направат се заедно за заштитата на езерото, институционално и легислативно преку транспонирање на програмите и директивите на Европската унија во законодавството на двете земји.„И покрај високиот квалитет на водите во Охридско Езеро (освен притоките Черава и дел од Сатеска) над Езерото висат многу опасности околу неговата идна заштита. Ја детектирам како најголема опасност амортизацијата на колекторскиот систем чија рехабилитација треба да почне буквално-вчера! Институционалната рашомонијада околу надлежностите за заштита и управување со Езерото е исто така негативен момент. И третиот не помалку битен момент е неопходноста од итна де-урбанизација и де-узурпација на крајбрежието. Планот за управување со сливот со програмата на мерки која ќе ја изработиме до крајот на годинава, се предиспозиции за квалитетна заштита. Во спротивно без почитување на стручните препораки ќе ни следи критичен период за заштита и управување на Езерото што ќе се одрази и на квалитетот на водите, а со тоа и на економската иднина, напиша Дејан Пановски координатор на ГЕФ Дримскиот Проект на социјалната мрежа Фејсбук.Од оваа перспектива гледано може да се каже дека важно е колку е старо Охридското Езеро, но уште поважно е колку ние ќе го заштитиме.

Македонија | пред 6 години

Новинарот Героски објави заканувачки пораки, денеска во СДСМ сака да се соочи со заканувачите

Новинарот Бранко Героски подолг период пишува дека добива заканувачки пораки поради текстовите кои ги објавува. Една таква објави синоќа и напиша: Утрово точно во 9.15 часот ќе дојдам во седиштето на СДСМ. Ве молам да го обезбедите присуството на овој господин и на сите што се неопходни за моето најавено "бањање во Вардар".Еве ја објавата од Героски, но и пораката која ја добил:Претседателе на СДСМ, Зоран Заев, вечерва во 22.14 часот ја добив оваа заканувачка порака од извесен Борче Гиноски, кој за себе вели дека работи во обезбедувањето на СДСМ.Дали Вашата партија, премиере, почна да се служи со вакви методи? Дали ја одобрувате оваа отворена закана? Дали ќе преземете нешто?Утре изутрина точно во 9.15 часот ќе дојдам во седиштето на СДСМ. Ве молам да го обезбедите присуството на овој господин и на сите што се неопходни за моето најавено "бањање во Вардар".Колеги новинари, претставници на ЗНМ и на другите новинарски здруженија, ве поканувам во ова време да бидете присутни на настанот во седиштето на СДСМ на улица Бихаќка.ПС. Ако не барам премногу од вас, драги пријатели, ве молам споделувајте го овој пост.https://www.facebook.com/photo.php?fbid=2239172859537730&set=a.444632805658420&type=3&theater

Македонија | пред 6 години

(ФОТО) SOS: Со багер се корнат растенија, дел од ѓубрето се турка в езеро, се кршат трски

„Помеѓу камп Елешец и плажата Атлантик, денеска се корнеа  растенија со багер  и дел од растенијата до оградата на плажата поточно ѓубрето го туркаа во езерото. При тоа без воопшто да се внимава се искршија и трски“, реагираат денеска од  Охрид SOS.Тие прстот го упатуваат директно кон Општина Охрид и прашуват кој дал одобрение за ова? Дали споменатата плажа има концесионер? Дали се ова подготовки за утрешниот ДЕН НА ЕЗЕРОТО?Во продолжение од SOS уште додаваат:Зоран Заев, се надеваме дека македонската делегација во Баку ќе ги понесе и овие фотографии, како посветено работите на зачувување на статусот природно светско наследство.https://www.facebook.com/OhridSOS/photos/pcb.2365308427081134/2365323710412939/?type=3&theater

Македонија | пред 6 години

Тимоние и Герберих со пофалби, но немаат гаранции за датум во октомври

Германскиот и францускиот амбасадор во земјава со пофалби за досега стореното, но без гаранции дека земјава ќе го обезбеди долго посакуваниот датум за преговори на есен.-Северна Македонија испиша успешна приказна на Западен Балкан. Лично сум убеден дека уште оваа година ќе може да има само една одлука, а тоа е да се започнат пристапните преговори со Северна Македонија согласно препораките на ЕК. Прашањето не гласи повеќе дали, туку кога тоа ќе се случи, истакна германскиот амбасадор во земјава Томас Герберих на денешната седница на Националниот совет за евроинтеграции во Парламентот.Францускиот амбасадор Тимоние повтори и дека за официјален Париз приоритет е реформа на унијата, а на земјава и порача да продолжи со реформската агенда.Следната шанса за земјава да го обезбеди посакуваниот датум за почеток на преговори со Унијата е на 17 и 18 октомври во Брисел за кога е закажана седницата на Европскиот совет, на кој се очекува да доминираат темите за конечниот излез на Британија од Унијата и новиот состав на Европската комисија.   

Македонија | пред 6 години

Се „крои“ списокот со нови министри, утре треба да биде доставен до Собранието

До крајот на неделава премиерот Заев ќе го состави својот нов кабинет. Владиниот портпарол најави дека пратениците ќе бидат првите кои ќе ги видат имињата во новиот владин состав. Во меѓувреме се уште течат консултациите на Заев со лидерите на помалите политички партии во коалицијата. Премиерот денеска остварил средба со лидерот на ДПА, Мендух Тачи.  Заев денеска имал средба и со првиот човек на Алтернатива, Африм Гаши, а се стретнал и со останатите лидери.Премиерот Заев треба да ги пополни и двете празни министерски фотелји: во култура, по оставката на Асаф Адеми и во земјоделство, откако Љупчо Николовски најави дека професионално ќе се занимава со партиски прашања.Неофицијално министерството за култура повторно ќе го води кадар на Алтернатива. Но, не е познато дали министерот на Тачи, Бардуљ Даути ќе го задржи министерското место без ресор задолжен за странски инвестиции. Исто така се зборува дека Горан Милевски, лидерот на ДПА, ќе биде нов министер за локална самоуправа. А неговиот сопартиецот, Зоран Шапуриќ ќе се повлече од позицијата министер без ресор, а на негово место неофицијално ќе седне кадар на НДП, партијата на Весел Мемеди. Насер Нуредини треба да го преземе Министерството за животна средина, и покрај тоа што по професија е банкар од ДУИ очекуваат добро да се снајде и во екологијата.Најмногу осум министри ќе заминат од Владата или ќе сменат ресор. Четирите дами нема да бидат реконструирани.Реконструкцијата ќе биде на дневен ред во Собранието во понеделник или во вторник. За нејзино изгласување, доволни се 61 глас.Се очекува веќе утре Заев да го состави списокот и да го достави до Собранието. Седницата пак на која што пратениците ќе одлучуваат за новата влада најверојатно ќе се одржи во вторник.   

Македонија | пред 6 години

(ВИДЕО) Трогателна сторија, синот моли институциите да го згрижат неговиот болен татко

Прилепчанецот Борис Мирчески 2,5 месеци живее со отворена рана на ногата. Поради тоа стапалото комплетно му поцрнело. Во станот од ногата се шири неподнослива миризба. Поради тоа што е неподвижен физиолошките потреби ги извршува во креветот што дополнително придонесува за страшните нехигиенски услови во кои живее. Со него живее и синот Александар. Ниту Александар ниту татко му не знаат зошто и како тој ја добил гангрена на ногата. Александар незнае зошто лекарите дозволиле ситуацијата толку да се искомплицира, објави sitel.com.mk.Мирчески живеат само со социјална помош, понекогаш Александар собирал и пластични шишиња, а Борис скоро секој ден пита. Иако немаат скоро ништо, скромно велат барем имаме за јадење. Сега само бараат помош за хоспитализација.Текстот во целост на: sitel.com.mk

Македонија | пред 6 години

Нова „бомба” од Ел Чека: Ахмети и Дураку говорат за пpикpивање на yбиeц, а тоа го побарал Бујар Османи

Ел Чека објави нова „бомба” на Фејсбук. Тој објави прислушуван разговор помеѓу Али Ахмети и Садула Дураку.Имено во бoмбата како што вели Чека се слуша како Али Ахмети и Садула Дураку говорат за пpикpивање на yбиeц, кој убил нeвин човек, а тоа од нив го побарал актуелниот вицепремиер за европски интеграции, Бујар Османи, објави lider.com.mk.– Кој е Бујар кој бара од Али Ахмети и Садула Дураку да го приkpијат yбиeцoт кој yбил како што и Садула вели нeeвин човек, зошто тој побара од Али Ахмети да го смени името на кpиминалецот кој како што му вели и Дураку дека пред да оди кај него се сретнал со Дураку, зошто Али Ахмети е толку близок со yбиjцитe и со кpиминалците кои бараат од него да интepвенира по cyдовите и кај cвeдoците. – пишува Ел Чека.Разговорот помеѓу Али Ахмети и Садула Дураку на: lider.com.mk https://www.facebook.com/dan.dervishi.5/videos/vb.100024454758048/448143912677430/?type=2&video_source=user_video_tab

Македонија | пред 6 години

Извршен увид во Карпош 4 каде што беше пронајдено телото на починат маж

Дежурен јавен обвинител од Основното јавно обвинителство Скопје изврши увид на лице место во Карпош, каде пред зграда беше пронајдено безживотно тело на 38-годишен маж. Во насока на целосно расчистување на настанот и утврдување на причините за смртта, јавниот обвинител издаде наредба за обдукција на телото на починатиот, како и наредба за криминалистичко-техничка обработка на станот во кој престојувало лицето и на неговиот автомобил. Истовремено, ќе биде обезбедена и целокупната медицинска документација за починатото лице.

Скопје | пред 6 години

Бизнисменот Кочан на 17 јули да се јави на издржување на казната затвор

Бизнисменот Сеад Кочан на 17 јули треба да оди во затвор. Кочан е осуден за случајот „Труст“ со затворска казна од 4 години и 8 месеци.Судија за извршување санкции при Основниот кривичен суд - Скопје, надлежен да постапува по предметот од обвинителството означен како „Труст“, изготви и достави упатен акт за еден од обвинетите кој со правосилна пресуда е осуден на ефективна казна затвор информираат од Кривичниот суд – Скопје.Според упатниот акт, а согласно член 137 и 139 ст.3 од Законот за извршување снакции, осудениот е должен на 17.07.2019 да се јави на издржување на казната затвор во наведената казнено поправна установа.Кочан беше осуден на шестгодишна затворска казна, но откако му беше прифатена дел од жалбата, казната му беше намалена.

пред 6 години

Нема фотографија

Капитацијата на матичните лекари ќе се зголеми од 1 ноември

 Со оваа мерка значајно ќе им се излезе во пресрет на матичните лекари да ги надминат пред се финансиските проблеми кои во секојдневниот начин на работење им создаваат проблеми во пристапот што го обезбедуваат за пациентите и квалитетот на здравствена заштита, со оглед на тоа што оваа капитација не е променета како сума со години наназад, истакна денеска министерот за здравство Венко Филипче.Кога станува збор за тоа колку точно ќе се зголеми капитацијата Филипче истакна дека точните калкулации ќе ги имаат во следните неколку месеци.Според Филипче зголемувањето на капитација ќе овозможи полесно надминување на проблемите со обезбедување средно медицински кадар за кој и сега одделуваат одредена сума пари, за да ја платат како дел од задолжителниот тим пропишан со законот.

Македонија | пред 6 години

Канада го ратификуваше Протоколот за членство на земјава во НАТО

Канада е 18-та земја членка на НАТО која го ратификуваше Протоколот за членство на Македонија во Алијансата.Како што објави на Твитер канадското МНР, тие изразуваат задоволство што набргу ќе и посакаат добредојде на нашата земја како 30 – та членка.– Канада со задоволство го ратификуваше пристапувањето на Северна Македонија во НАТО. Додека славиме 70 години НАТО, со нетрпение очекуваме да ве поздравиме како 30-та членка на Алијансата во блиска иднина, објави канадското МНР. 

Македонија | пред 6 години

Милошоски: Дали тоа и Хрватската МНР Пејчиновиќ Буриќ шири лажни вести дека неколку ЕУ-земји се противат на добивањето на датум

Власта го обвини Антонио Милошоски дека со пласирање на информацијата дека 7 земји гласаче ПРОТИВ датум за преговори за Македонија и Албанија ширел лажни вести. Премиерот Зоран Заев на прес-конференција рече дека првпат слуша за тие земји.Но Милошоски не застана тука. Тој ја сподели објавата на хрватската министерка за надворешни работи Марија Пејчиновиќ Буриќ, која во изјава за хрватските медиуми од Брисел вели дека жали што нема согласност да се признае напредокот.Во 2018 година најголемиот дел земји-членки се залагааа во април да започнат преговорите со Македонија и Албанија. Меѓутоа, имаше земји-членки кои не можеа да се согласат со тој текст. За жал, сега бројот на држави кои имаат резерва дури и се зголеми, вели Пејќиновиќ-Буриќ.https://www.facebook.com/Antonio.Miloshoski/posts/2565352683484182

Македонија | пред 6 години

Заев и Рама: Националистичките сили ќе зајакната на Балканот ако до есенва нема датум за почеток на преговори

Националистичките сили ќе зајакнат на Балканот ако Албанија и Северна Македонија до есенва не добијат зелено светло да ги почнат преговорите за приближување со ЕУ. Ова го изјавиле премиерите на двете земји, Еди Рама и Зоран Заев, за „Фајненшл тајмс“ (ФТ) на маргините на форумот во Лондон што британскиот весник го организираше за Западен Балкан.Како што наведува „Фајненшл тајмс“ , премиерите го дале ова предупредување откако европските министри за надворешни работи ја одложија одлуката за отворање на преговорите со двете земји до октомври.-Не ни се потребни некој нов радикализам, национализам и популизам во нашата земја. Не е многу важно дали имаме одлука на Европскиот совет во јули или во октомври, но ако е октомври нека биде конечно октомври, бидејќи имаше многу одложувања, изјавил премиерот Заев.-Не треба да ни се случат нови лоши работи за да сфатиме дека секоја блокада на овој процес го потхранува национализмот, фантазиите и штетните соништа, истакнал Рама.Весникот наведува дека Европската комисија (ЕК) дава позитивни препораки за почеток на пристапните преговори со Северна Македонија веќе 15 години, додека во случајот со Албанија препораките на Комисијата за преговори се повторуваат од 2014 година.

Македонија | пред 6 години

Најчевска: Зошто е Бучковски на ТВ, а нe e во затвор?

Професорката Мирјана Најчевска прашува дали нешто пропуштила во меѓувреме штом сега го гледа поранешниот премиер Владо Бучковски на дебатни емисии на телевизија наместо да е во затвор.Најчевска на социјалната мрежа фејсбук напиша:Зошто е Бучковски на телевизија наместо да биде во затвор?Што стана со неговиот криминал?Што стана со пресудата?Зо што го претставуваат како поранешен премиер, а не како денешен осуден за криминал од големи размери?Нешто сум пропуштила?

Македонија | пред 6 години

Милошоски кажа кога ќе поднесе оставка

Најголемите ширачи на лажни вести дека Македонија добила датум за преговори со ЕУ се премиерот Зоран Заев, вицепремиерот Бујар Османи и министерот Никола Димитров. Подготвен сум да дадам оставка ден по поднесување оставка од нивна страна, рече вечерва пратеникот Антонио Милошоски во „24 Анализа“, прашан во врска со неговиот јавно објавен став за добивањето датум за преговори за членство на земјава во ЕУ.Според Милошоски, МНР има телеграми и дописи од Брисел кои јасно укажуваат кои земји се „за“, а кои „против“ почнувањето преговори. Ако министерот биде доблесен и излезе на ТВ дуел или ги обајви, ги декласифицира тие информации, потенциа Милошоски, на јавноста ќе и биде појасно.-Прифаќам да поднесам оставка за лажни моменти ден по поднесувањето оставка од страна на Зоран Заев, Бујар Османи и Никола Димитров кои во 2008 година ширеа лажни вести дека Македонија добила датум за јуни 2019-та. Многу ми е жал што лани премиерот Заев манипулираше со македонската јавност дека во јуни имаме сигурен датум. Жал ми е што Македонија го нема добиено датумот што го заслужува од 2009 година кога првпат добивме препорака од Европската комисија за почнување на преговорите, но тогаш имавме се уште нерешен спор со Грција и тоа беше изговорот за блокада од грчката страна. Владата минатата година направи референдум и забави за ЕУ и НАТО интеграцијата, потроши 180.000 евра, убедувајќи не дека имаме датум, истакна Милошоски.

Македонија | пред 6 години

ФОТО: По дождот, ново езеро сред Скопје

По краткиот и обилен дожд кој врнеше во Скопје, неколку улици беа поплавени. Најмногу вода и фотографии на социјалните мрежи се шират од улиците ширум скопската населба Кисела Вода.На булеварот Борис Трајковски, во близина на Цементара, улиците изгледаа како да се излеал базен или да е направено ново вештачко езеро. За тоа сведочат и фотографиите.

Скопје | пред 6 години

(Видео) Обичен дожд уништи асфалт: Се поплавија куќи во скопска Кисела Вода

По краткотрајниот пороен дожд во Скопје, асфалтот на улицата Теферич во скопска Кисела Вода е уништен. Водата наместо во канализција, ги поплавува куќите на жителите. “Подолу е полошо, луѓето се цело време надвор, прават пат за водата, ама сепак пробива во дворовите и свлекува кал. Водата мириса како од канализација”, се жали една од жителките. Некои од жителите велат дека проблемот е бидејќи водата нема каде да се испушти, оти нема соодветна канализациона мрежа. Тие прстот го вперуваат во градоначалникот Филип Темелковски, кој не го решил овој проблем исто како и претходната власт.https://www.facebook.com/skopje1mk/videos/1122518251267185/

Скопје | пред 6 години

Нема фотографија

Се огласија од Општина Аеродром: Ќе го преиспитаме договорот со приватната маркетинг-агенција

Општина Аеродром ја известува јавноста дека врз основа на јавниот интерес, како и принципите според кои се води за одговорно и транспарентно работење, кое подразбира рационалност и економичност, сукцесивниот Договор со приватната маркетинг-агенција ќе биде преиспитан.Иницијалната потреба за зајакнување на капацитетите за информирање и едукација на граѓаните ќе биде преиспитана исклучиво врз точно одредување на јавниот интерес и критериумите за одговорни јавни комуникации.Тоа значи одговорно трошење на парите на граѓаните, економичност и рационалност, интегритет во јавните комуникации преку отворено, транспарентно, објективно и релевантно комуницирање со граѓаните.Граѓаните ќе бидат известени за одлуката и за натамошното постапување, се вели во дописот од општина Аеродром.

Скопје | пред 6 години

Претседателот Пендаровски го прими Лајчак

Претседателот на Република Северна Македонија, Стево Пендаровски, денеска го прими Мирослав Лајчак, министер за надворешни и европски работи на Словачката Република и актуелен претседавач со Организацијата за безбедност и соработка во Европа (ОБСЕ).Двајцата соговорници разменија мислења за севкупните билатерални односи меѓу Република Северна Македонија и Словачката Република, при што изразија задоволство од развојот на соработката која бележи континуиран позитивен тренд во повеќе области од заемен интерес, што пак се заснова на искреното пријателство, меѓусебната почит и доверба.Претседателот Пендаровски истакна дека Северна Македонија високо ја цени силната заложба и конкретната поддршка од Словачка за добивање датум за почеток на пристапните преговори со Европската унија, нагласувајќи дека интегрираниот и безбеден регион е еден од суштинските предуслови за стабилна и просперитетна Европа. Во тој контекст, Претседателот го поздрави и ратификувањето на Протоколот, во словачкиот парламент, за членство на Република Северна Македонија во НАТО.На средбата, претседателот Пендаровски подвлече дека Северна Македонија во изминатиов период  вложи огромен труд и напори во исполнувањето на европските критериуми. Во таа насока тој изрази благодарност за поддршката и помошта што ОБСЕ ја дава на нашата држава во клучните општествено политички области, особено во судството, законодавството, изборниот процес, унапредувањето на меѓуетничките односи и владеење на правото.Двајцата соговорници изразија увереност дека Европската унија го препознава напредокот на Северна Македонија и дека ќе го исполни ветеното, оваа година да отвори ново поглавје во односите со нашата држава.Министерот Лајчак му го честиташе стапувањето на функцијата на претседателот Пендаровски, посакувајќи му успех во работата, и ја изрази подготвеноста за натамошно продлабочување на традиционално пријателските односи меѓу двете држави. 

Македонија | пред 6 години