ГЛАВНИ-ВЕСТИ

Заев го демантира Милошовски: Прв пат слушам за тоа дека седум земји биле против

Премиерот Зоран Заев денеска го демантираше пратеникот на ВМРО-ДПМНЕ, Антонио Милошоски, кој на Твитер објави дека министри за надворешни работи на седум земји-членки на ЕУ биле против доделувањето на Датум за преговори за Македонија од страна на унијата на вчерашниот состанок на Надворешниот совет во Луксембург.- Прв пат слушам за тоа дека седум земји биле против отпочнување на преговорите. До сега немам таков податок - рече Заев.Инаку  Милошовски на Твитер вчера објави дека 7 земји членки биле против датум за преговори со Македонија и  АЛбанија.  Тој во својот статус ги наброја:  Франција, Холандија, Германија, Данска, Луксембург, Белгија и Шпанија.12 членки биле за преговори: Полска, Унгарија, Словачка, Чешка, ИТ, СЛО, ХР, БГ, РО, ЕСТ, Латвија, Литванија.Грција и другите воздржани!

Македонија | пред 6 години

Поранешен градоначалник и поранешен претседател на Советот на општина Велес обвинети за злоупотреба на службената положба

Основното јавно обвинителство Велес до Основниот суд во Велес поднесе Обвинителен предлог против поранешен градоначалник и против поранешен претседател на Советот на општина Велес кои се товарат за сторено кривично дело – Злоупотреба на службената положба и овластување од член 353 став 2 во врска со став 1 од Кривичниот законик.Имено, првиот обвинет, како службено лице – градоначалник на општината, со искористување на својата службена положба и овластување, за вториот обвинет прибавил имотна корист од поголема вредност. Спротивно на одредбите од Правилникот за користење и одржување на службените моторни возила и на Наредбата за користење и одржување на службените моторни возила, тој со усно одобрение допуштил тогашниот претседател на Советот во периодот од 23.02.2014 година до 09.08.2016 година, во повеќе наврати, да користи две службени моторни возила за лични приватни потреби, без реверс за нивно користење и без притоа да достави пополнет евидентен лист за патувањето.Вториот обвинет, пак, како одговорно лице – претседател на општинскиот Совет, без поднесено писмено барање, возилата ги управувал самостојно и со искористување на својата службена положба и овластување за себе прибавил имотна корист од поголема вредност. Тој во повеќе наврати вршел и набавка на гориво за двете возила во количина од 2.880 литри и во вредност од 170.598,00 денари, за кои била извршена исплата од сметката на оштетената општина Велес по доставени фактури изготвени врз основа на испратници своерачно потпишани од обвинетиот. 

пред 6 години

МЗШВ: Со нов систем за авионско засејување на облаците, до заштита на земјоделското производство од град

Владата на вчерашната седница ги усвои измените на Уредбата за доделување на техничката поддршка во земјоделството и руралниот развој, со коишто се додаде нова подмерка „Услуги за авионско засејување на облаците за превенција од природни непогоди и неповолни климатски настани врз земјоделски посеви“. Станува збор за нов систем за заштита од временски непогоди којшто предвидува контрола на климатските услови преку таканаречено засејување. Тоа подразбира надлетување на небото на територија на Република Северна Македонија со специјално опремени авиони кои ќе испуштаат раствор за спречување на формирање на мраз во облаците.Со овој вид на заштита од природни климатски непогоди како што е градот се постигнува најефикасен систем за превенција и неколку кратно поекономичен систем од старите ракетни системи.Во текот на изминатиот период МЗШВ направи повеќе истражување на различните типови на заштита и консултации со релевантни страни, при што се дојде до заклучок дека ваквиот тип на заштита е најпрецизен и економски исплатлив затоа што не бара сериозни инвестиции во комплексни системи какви што се денешните за кои никој не може да гарантира висок процент на заштита, односно досегашните алтернативните системи за справување со природни непогоди (град) предвидуваат испукување на ракети од земја кон облаците и во повеќе случаеви се имаат докажано како неефикасни.Овој период беа одржани неколку консултативни работни состаноци со УХМР за спроведување на целата постапка. Откако Владата ја усвои одлуката, сега УХМР ќе спроведе јавна набавка за избор на компанија за услуги за авионско засејување на облаците за превенција од природни непогоди и неповолни климатски настани врз земјоделски посеви.Проценетата вредност за набавка на услугите е 90 милиони денари, што е неколкукратно поекономично од инвестициите во ракетен систем чија проценета вредност за инсталација и одржување е еднократна инвестиција од 1 милијарда и 200 милиони денари и дополнителни трошоци за одржување и набавка на материјали од 300 милиони денари на годишно ниво.Поради сѐ позачестените негативни последици од климатските промени и појава на град, Министерството за земјоделство шумарство и водостопанство, интензивно работи на мерки со кои што ќе се заштити земјоделското производство од штети од временските непогоди, конкретно од град, и овој нов систем е само дел од мерките за заштита од временски нпогоди. Инаку, и натаму на земјоделците на располагање им стои мерката од Програмата за водостопанство нафинансиска поддршка во земјоделството за 2019 година за кофинансирање на трошоците за премијата за осигурување за надоместок на штета врз земјоделското производство во висина од 60 отсто. Вкупната сума во Програмата за оваа намена е 70 милиони денари. Дополнително, МЗШВ работи и на нов модел за зголемување на осигурувањето на земјоделското производство.

Македонија | пред 6 години

Милошоски: Седум членки биле против датумот за преговори

На ЕУ Советот вчера  седум членки биле против датум за преговори со Македонија и Албанија: Франција, Холандија, Германија, Данска, Луксембург, Белгија и Шпанија. Дванаесет членки биле за преговори: Полска, Унгарија, Словачка, Чешка, Италија, Словенија, Хрватска, Белгија, Романија Естонија, Латвија, Литванија. Грција и другите воздржани! – напиша поранешниот министер за надворешни работи и пратеник на ВМРО-ДПМНЕ Антонио Милошоски на Твитер.Земјите членки на ЕУ ќе се навратат најдоцна во октомври 2019 година на отворањето преговори со Северна Македонија и Албанија, се договорија министрите за надворешни работи на ЕУ, попладнево во Луксембург.https://twitter.com/AMiloshoski/status/1141107817769775104?ref_src=twsrc%5Etfw%7Ctwcamp%5Etweetembed%7Ctwterm%5E1141107817769775104&ref_url=https%3A%2F%2F24info.mk%2F%25d0%25bc%25d0%25b8%25d0%25bb%25d0%25be%25d1%2588%25d0%25be%25d1%2581%25d0%25ba%25d0%25b8-%25d1%2581%25d0%25b5%25d0%25b4%25d1%2583%25d0%25bc-%25d1%2587%25d0%25bb%25d0%25b5%25d0%25bd%25d0%25ba%25d0%25b8-%25d0%25b1%25d0%25b8%25d0%25bb%25d0%25b5-%25d0%25bf%25d1%2580%25d0%25be%25d1%2582%25d0%25b8%25d0%25b2-%25d0%25b3%25d1%2580%2F

Македонија | пред 6 години

Мирослав Лајчак во посета на земјава, вели ЕУ мора да го исполни ветеното и да отвори ново поглавје во односите со Северна Македонија

Претседавачот на ОБСЕ и министер за надворешни работи и европски прашања на Словачка, Мирослав Лајчак денеска и утре е во посета на Скопје.„Лајчак ќе се сретне со претседателот на Северна Македонија, Стево Пендаровски, премиерот Зоран Заев, заменик премиерот Бујар Османи и министерот за надворешни работи, Никола Димитров. Тој ќе оствари средба и со лидерот на ВМРО-ДПМНЕ, Христијан Мицкоски. Претседавачот на ОБСЕ ќе се сретне со претставници на граѓанскиот сектор од Северна Македонија и ќе го посети Заводот за рехабилитација на деца и младинци- Скопје, каде што ќе има прилика да разговара со децата кои учествуваа во проектот на Мисијата на ОБСЕ во Скопје, „Градиме мостови““, информираат од ОБСЕ.Инаку министерот Лајчaк, изјави дека ЕУ мора да го исполни ветеното и оваа година да отвори ново поглавје во односите со Северна Македонија. Тој во интервју за МИА рече дека Северна Македонија стигнала подалеку отколку што можело да се претпостави пред неколку години и сега е време да се наградат напорите на државата. 

Македонија | пред 6 години

Кирацовски ќе тужи медиуми кои шират лажни информации за неговиот имот

Пратеникот од СДСМ Александар Кирацовски на својот фејсбук профил најави тужба против неколку медиуми за како што вели ширење клевети против него.Како што пишува Кирацовски на Фејсбук, тужба ќе биде покрената против vecer.mk; netpress.com.mk; kurir.mk; republika.mk; denesen.mk, за кои вели дека се  пример за ширење лажни информации, груби измислици и инсинуации – тренд кој како канцер во демократскиот свет нагло се шири.„Ова е еклатантен пример за лиферување на лажни информации, груби измислици и инсинуации - тренд кој како канцер во демократскиот свет нагло се шири.Сериозни медиуми ова не би си го дозволиле, а несериозните, како гореспоменатите, мора да сносат одговорност.Наводите за споменатото возило се груба лага и клевета која лесно се докажува, во или вон судска постапка и е беспредметна за дискусија.Од друга страна, фамозната "хациенда" е семејна куќа изградена од 2013\ 2015 год. (а НЕ кога јас сум на општествена функција) на локација која е еден век во сопственост на мојата фамилија, од секој аспект основана и пријавена во Антикорупциска комисија.Ваквата зла практика на ширење на груби ЛАГИ на дрзок и безобразен начин дополнително ме мотивира, како пратеник во републичкото Собрание, да покренам сериозна иницијатива за законско решение со кое ќе се стави крај на создавањето на лажна претстава за реалноста.Секоја информација ќе мора да се провери пред да се објави, а доколку се стори спротивното, одговорноста ќе биде повеќекратна.Таквото законско решение е од интерес на граѓаните, затоа што тие одлучуваат и никогаш не смее да бидат доведени во заблуда од било какви "центри на моќ" чии што цели се спротивни од граѓанските.И запомнете: 100 пати повторена лага станува вистина, но не посилна од 100 пати повторена вистина“, напиша Кирацовски на ФБ. 

Македонија | пред 6 години

(Видео) Меркел почна неконтролирано да се тресе за време на церемонија во Берлин

Германската канцеларка Ангела Меркел за време на церемонијата во Берлин за пречек на новиот украински претседател Володимир Зеленскиј, доживеа непријатност. На германската канцеларка и се слоши и почна да се тресе, но не сакаше да го прекине интонирањето на химните.По церемонијата , таа изјави дека била дехидрирана , поради силното сонце и високите температури. Меркел , чие тело видливо се тресеше , се обиде да се контролира , ги стисна усните , но безуспешно. Мораше да стои со Зеленски додека се интонираа химните на Германија и на Украина.

Свет | пред 6 години

Истрага против две лица за Трговија со дете

Постапувајќи по кривичната пријава поднесена од страна на Министерството за внатрешни работи, надлежен јавен обвинител од Основното јавно обвинителство за гонење на организиран криминал и корупција донесе Наредба за спроведување истражна постапка против две лица од Тетово. Лицата се сомничат дека сториле по едно кривично дело – Трговија со дете предвидено и казниво по чл.418-г став 1 од Кривичниот законик.Имено, осомничената, искористувајќи ги сознанијата од ќерка си дека нејзината петнаесетгодишна другарка е со починат татко и болна мајка и живее во тешки семејни и материјални услови, го земала девојчето во својот дом. Таа, од користољубие преку интернет комуникација договарала средби и сексуално го експлоатирала детето – жртва. Осомничената го терала девојчето лажно да се претставува како полнолетно и го испраќала или го носела со свое возило по хотели во Тетово, каде по претходен договор за одреден паричен надомест, им овозможила на други лица да користат сексуални услуги од детето.Второосомничениот, како сосед на осомничената, иако знаел дека детето е малолетно и знаел за сексуалнатa злоупотреба, наместо да го пријави кривичното дело, истиот го искористил девојчето за остварување на парична заработка. Тој го однел детето во хотел во Тетово и од клиент наплатил за сексуалните услуги. Девојчето искористувајќи погоден момент и прилика ги пријавило осомничените.Ценејќи дека се исполнети законските услови, обвинителот до судија на претходна постапка при Основниот суд Скопје 1 Скопје достави предлог за определување мерка притвор. Ваквиот предлог Судот го прифати, па со решение на двајца осомничени им определи притвор во траење од 30 денa

пред 6 години

Нема датум за преговори за земјава, Северна Македонија сега ќе го чека октомври

Нема датум за преговори за земјава.  Попладнево, министрите за надворешни работи го усвоија заклучокот – дека прашањето за датумот повторно ќе го отворат во октомври, и за Македонија и за Албанија, без воопшто да испратат јасен сигнал каков епилог би можеле да очекуваме тогаш.На прес конференцијата по состанокот на министрите за надворешни работи на земјите членки на унијата, еврокомесарот за проширување Јоханес Хан и романскиот министер за европски работи, Џорџ Чиамба во својство на земјата претстадавач со ЕУ неколкупати изразија жалење за одлуката и неколкупати го споменаа во позитивно светло Договорот од Преспа.Жалам што земјите членки на Европската унија денеска не ја потврдија препораката на Европската комисија да отвори преговори со Северна Македонија и со Албанија, рече Хан.Иако се уште неофицијално, најнаскептични за македонските преговори биле Франција и Холандија. Нејасно е дали предупредувањето на Кипар, кој се закани со вето на какво било идно проширување, доколку Брисел не ја заостри реториката околку турското ископување нафта во Медитеранот, влијаело на одлуката на министрите. 

Македонија | пред 6 години

Мајката на Пино објави комуникација од осомничената Ангела и нејзиниот син

Маја Трпковска, мајката на Пино Секондо, момчето кое беше ѕверски убиено, вели дека ќе бара правда за она што се случило на нејзиното дете. Таа на Фејсбук објави комуникација за која тврди дека е на Пино со осомничената девојка Ангела.Во пораката која мајката тврди дека е помеѓу нејзиниот убиен син и осомничената Ангела која прва ја почнува комуникацијата Пино ја прашува од каде се знаат и зошто ја интересира девојката каде живее Пино.https://www.facebook.com/photo.php?fbid=2828732987200655&set=a.551765748230735&type=3&theater

пред 6 години

Нема фотографија

Сведок за „Таргет-Тврдина“:Ги гледавме Мијалков и Горан Грујевски како се логираат за да прислушуваат

Актуелниот помошник-директор на Петтата управа во МВР, Сашо Трајковски, денеска сведочи на рочиштето за случајот „Таргет-Тврдина“, за масовното нелегално прислушување.Трајковски, кој за време на аферата во МВР работел како главен инженер во УБК, откри дека со неговите колеги гледале како ексдиректорот на УБК, Сашо Мијалков и поранешниот началник на петтата управа во УБК, Горан Грујевски од нивните компјутери се логирале на системот за следење на комуникациите.До системот за прислушување во УБК, „Најс“, можело да се пристспува од неколку локации надвор од кругот на МВР, раскажа инженерот Сашо Трајковски. Тој рече дека за стариот систем „Веринт“ може да тврди дека пристап надвор од МВР немало, освен еднаш во 2007 година кога се пристапило за време на конференција на НАТО во Охрид.– За „Најс“ системот знам дека имаше посебно одделение во некогашниот Аеро клуб спроти гимназијата Јосип Броз Тито во Центар каде по насоки на началникот Горан Грујевски беа инсталирани работни станици. Тоа е единствен случај за кој знам дека се пристспувсло надвор од кругот на Министерството. Дури во текот на 2016 година кога бев префрлен со канцеларија кај аеродромот во Петровец разбрав од колега дека имало стан кај железничка станица од каде се пристапувало и наводно кога колеги од МВР кои доаѓале таму го зафаќале паркингот па станарите се бунеле – раскажа Трајковски.Откако „пукна“ аферата за масовното прислушкување во 2015 – та, началникот на Петтата управа во УБК од тоа време, Горан Грујевски им кажал на подредените дека опремата за следење, заедно со документите треба да се уништи и тоа во два наврати. 

пред 6 години

(Фото) Се преврте шлепер кај рампата Желино

Тешка сообраќајна несреќа се случи попладнево на автопатот Скопје-Тетово во близина на село Желине. Камион изгубил контрола и се превртел.Очевидци на настанот инфомираат дека возачот на камионот е повреден. Увид извршила екипа од СВР-Тетово.Очевидци на настанот инфомираат дека на местото на сообраќајката се упатиле и возила на тетовската противпожарна единица и брзата помош.

Македонија | пред 6 години

Фетаи: Главната задача за која граѓаните ни дадоа верба успешно ја завршуваме

Специјалната јавна обвинителка Фатиме Фетаи во вечерашното гостување на 1ТВ зборуваше за падот на довербата во СЈО.-Воспостувавањето на правна држава, тоа беше концепт кој постоеше при основањето. Тој концепт постои и денес. Имавме нагло растење на довербата и да не речам глорифицирање на трите обвинителки, уште по првата прес конференција. Потоа имавме пад во довербата и поддршка која се долшеше на разни субјективни и објективни околнисти. Сега се враќаме на едно разочарувачко чаршиско муабетење „и овие не ги бива“. Верувам дека СЈО ќе ја врати довербата. Институциите каде ние се обраќаме се уште не се на тој степен за да можеме да кажеме дека граѓаните целосно би имале верба. Морам да призанам дека СЈО како институција не е безгрешна, но она што беше главна задача за која граѓаните ни дадоа верба, јас сметам дека се уште успешно ја завршуваме. Можеби најголем дефект е што немаме правосилни пресуди, но таа околност не зависи од СЈО, вели Фетаи.

Македонија | пред 6 години

Нема фотографија

Градоначалникот на Аеродром, склучил договор со маркетинг агенција вреден 73.000 евра, така ќе ги информира аеродромци што ќе сработи

Градоначалникот на Општина Аеродром, Златко Марин склучи договор со маркетинг агенција вреден 73.000 евра за да ги информира аеродромци што ќе сработи за нив. Но и да ги едуцира за одговорно граѓанско однесување, објави 24.mk.Имиџот на градоначалникот и општината ќе го гради агенцијата „МККАН“. Иако на веб страницата на Аеродром стои дека за односи со јавност се задолжени 7 лица, од Аеродром велат дека имаат тројца. Тие нема да добијат отказ, туку им бил потребен како што велат „дополнител стручен сервис оти општината продолжува да работи со голем интензитет и има обемна програма.“Од Аеродром велат дека маркетинг агенцијата не ги презема соопштенијата, целосното информирање, организација, протокол и слично, туку се јавува само како поддшка и тоа само таму каде што е потребно. Тврдат - ќе ја ангажираат по потреба, и можеби нема да ги потрошат сите пари, објави 24.mk.Текстот во целост на: 24.mk

Скопје | пред 6 години

Заев и Пендаровски летале со редовни линии, затоа што владиниот авион бил на сервис

Претседателот Стево Пендаровски и премиерот Зоран Заев летаа со редовни авионски линии бидејќи владиниот авион е на сервис, потврдиле од Службата за општи и заеднички работи на Владата за СДК.мк од каде рекле дека авионот „лирџет 60“ е на редовен сервис во Нирнберг, Германија.– Не станува збор за никаков дефект, туку редовен сервис. Авионот треба да биде сервисиран и вратен во земјава другата недела – изјавил директорот на Службата за општи и заеднички работи на Владата Пеце Мирчески за СДК.мк.Само за потсетување на социјлните мрежи се појавија фотографии како претседателот и премиерот се пофалија дека наместо со владиниот авион се возат со комерцијални летови. Пендаровски на 11 јуни замина во Брисел а Заев во саботата од Виена се врати со комерцијален лет. 

Македонија | пред 6 години

Наставници заборавиле 8 деца во зоолошката градина во Скопје

Групните училишни посети во Зоолошката градина во Скопје знаат да бидат вистински кошмар за вработените кои често ги спасуваат децата од многу опасни ситуации, а нивните наставници за тоа време пијат кафе. Тина Мицковска, која работи во одделот за односи со јавност во Зоолошката градина вели дека децата како деца се секогаш љубопитни и нормално е да ги интересира сѐ во градината, но наставниците не секогаш се трудат да им раскажат нешто за животните.– Кутрите дечиња, беа преплашени зашто ги оставија сами во друг град. Едно детенце додека учителка пиеше кафе, падна и си ја дупна главата. Друга група деца уништија вртелешка која чини 5.000 евра. Среќа што ние, вработените, сме спречиле многу поголеми инциденти, иако јасно им е напоменато на училиштата дека деца до 16 години мора да шетаат во придружба и не смее да се пуштат сами низ градината – објаснува Мицковска за Деца.мкТекстот во целост на Деца.мк 

Македонија | пред 6 години

Заев на Криволак: Нашата Армија покажува дека сме подготвени за полноправно членство во НАТО

Премиерот Заев на Криволак: Нашата Армија покажува дека сме подготвени не само политички туку и воено, за стратешката аспирација, полноправно членство во НАТО Претседателот на Владата на Република Северна Македонија денеска го посети армискиот полигон Криволак, каде се одржа „Ден на високи гости“ во рамки на вежбата „Одлучен удар“.Премиерот Заев за заинтересираните медиуми даде изјава и одговори на прашање, кои Ви ги пренесуваме интегрално:„Останува, навистина целосно да се согласам и да го споделам исто моето задоволство, заедно со Претседателот на државата што учествуваме, дефинитивно во најголемата воена вежба „Одлучен удар“, која што се организира на еден од најдобрите полигони во овој дел од светот. Со тоа покажуваме еднаквост во Партнерството со нашите сојузници, со земјите- членки на НАТО. Горд сум на нашата Војска, заради тоа што демонстрираше денеска, пред нас, високите претставници на извршната власт, во присуство на Претседателот на државата, но и амбасадорите, еднаква подготвеност во вежбовни активности кои што се воедначување на нивната подготвеност за мировните процеси, кои што секаде НАТО ги има во светот.Горд сум на сите наши војници, заради тоа што имаат и желба да се усовршуваат и унапредуваат. Знам, дека ќе ги исполниме сите оние наши очекувања, да имаме достоинствена и горда Армија, која што рамо до рамо со нашите сојузници ќе се грижи за мирот во светот и ќе продолжи да го гарантира мирот во светот. Денешното учество на претставници на нашата Армија со претставници на уште пет земји-членки на НАТО навистина ја испраќа пораката дека сме подготвени не само политички, туку и воено преку нашата Армија.Дека храбро чекориме во тој процес и дека конечно нашата земја го достигнува тоа што е стратешка аспирација, полноправното членство во НАТО и политички и технички и армиски, што треба да биде сериозна гаранција за нашите граѓани. За траен мир, за никогаш повеќе да нема војна, за стабилност, сигурност, но и да го гарантира чувството дека навистина и надвор од територијата на Република Северна Македонија го гарантираме мирот и безбедноста на сите граѓани на светот“, На прашање на новинарите за годишнината од потпишувањето на Договорот од Преспа, и за придобивките од него од денешна перспектива, премиерот Заев рече дека и вежбата „Одлучен удар“ е една од придобивките.„Една година од Преспа, прво, добивме нов пријател. Не, дека со Грција имавме некои сериозни непријателства, но навистина беше чувството лошо, горко, кога бевме застанати во нашите интегративни процеси.  Еве после една година, првите придобивки ги гледаме како импликации на оваа вежба, како наша подготовка за целосно членство во НАТО. Тоа е остварување на една од големите стратешки цели на нашата земја, на целиот овој регион, на Република Северна Македонија која што не пред векови, туку пред 17-18 години имаше конфликти внатре. Сега тоа значи траен мир, стабилност, безбедност и сигурност. Гледате дека паралелно со тоа ги тераме сите процеси во Европската Унија и ние сме пред  добивање на датумот, после 15 години за почеток на преговори со Европската унија. Сето тоа носи економија, носи повисок стандард, бројките се веќе импресивни, тие растат и ќе продолжат да растат. На крајот, доказ е сето тоа како еден сублимат.Договорите дефинитивно куќа градат. Ние преку тоа ја градиме нашата заедничка куќа, Република Северна Македонија. Да биде дом којшто ќе топли, во кој што сите ќе останат. Каде што ќе живеат заедно организирајќи го својот живот со своите деца. Животот е едноставен и еден, мораме да го направиме да биде подобар, попримамлив и посреќен за сите. Една година со сите успеси кои што ги постигнавме, на економски план, на планот на НАТО, на планот на Европската Унија, на планот на реформите дома, навистина, покажуваат дека вредело. Вредело, заради тоа што сите сме фокусирани кон подобра иднина на нашите граѓани“, истакна Претседателот на Владата на РСМ Заев на прашањето по повод годишнината од Договорот од Преспа, на воената вежба „Одлучен Удар“, што се одржува на воениот полигон Криволак.

Македонија | пред 6 години

Херој на Рузвелтова: Го бркал крадецот на дожд за да ја врати украдената ташна

На зидот на сообраќајниот срам објавен е пост, преку кој девојка или жена објаснува што и се случило попладнево во Скопје. При тоа таа го бара храбриот господин кој помогнал да и се врати ташната.Еве што е напишано на ФБ:Денес околу 17:30 на раскрсницата на Рузвелтова со Иво Лола Рибар, насилно ми ја отворија совозачката врата во обид да ми ја украдат ташната. Храбриот граѓанин на само две коли позади мене, излезе од кола на дождот и го бркаше крадецот за да ми ја врати ташната. Ве молам да го најдеме човекот кој ми помогна и ми ја врати ташната, споделувајте. Доколку некој се препознае, Ве молам контактирајте ме, должник сум! Апелирам до сите возачи: заклучувајте врати на раскрсница!

Скопје | пред 6 години

Пендаровски и министри од прв ред го следеа „Одлучен удар“ на Криволак

Воениот полигон во Криволак беше домаќин на најголемата воена вежба „Одлучен удар“. Учество земаа пет земји членки на НАТО, САД, Литванија, Албанија, Бугарија и Црна Гора и македонската армија како претендент за членство.На воената вежба присуствува и претседателот и врховен командант на армијата Стево Пендаровски, премиерот Зоран Заев, вицепремиерката и министерка за одбрана, Радмила Шекеринска, министри во Владата, в.д. амбасадорката на САД Микаела Швајцер-Блум, високи воени и цивилни претставници на вооружените сили и министерствата за одбрана на САД, Бугарија, Албанија, Грција и НАТО, како и амбасадори и одбранбени аташеа акредитирани во земјава.„Со 2700 припадници, од шест држави, заедно со Соединетите Американски Држави, Албанија, Бугарија, Литванија и Црна Гора ги усогласуваме нашите сили како вистински сојузници, разменуваме знаења и ја зголемуваме  меѓусебната доверба. Колективната одбрана која се остварува преку интероперабилност, интегрирање на конвенционалните и силите за специјални операции на повеќе држави е особено важна за времето во кое живееме. Предизвиците со кои се соочува секоја земја се преголеми за да имаме индивидуален пристап. Радикализирани поединци, групи, како и меѓународниот тероризам се постојана  закана за нашата безбедност и нашите вредности. Постојат и нови хибридни закани, актери со цел да го нападнат нашиот сајбер простор и со тоа да наштетат на нашиот начин на живот, истакна пред присутните претседателот Пендаровски.Според него вежбата „Одлучен удар“ е доказ дека можеме да се справуваме со безбедносните предизвици и дека нашата Армија е  компатибилна со армиите на нашите сојузници од НАТО.„Како врховен командант ги поддржувам реформите во одбраната и безбедноста и развивањето на професионална и модернизирана Армија.Како држава имаме обврска да го зголемиме одбранбениот буџет на 2% од БДП до 2024 година. Ова е реална цел и ќе ја оствариме, рече претседателот.Претседателот на сите учесници во „Одлучен удар“  им оддаде признание за професионализам, вештини и обученост и тимска работа за успешната и  беспрекорна воена вежба.  

Македонија | пред 6 години

Ганиу со апел за терасите без дозвола во Старата Скопска Чаршија: Никој нема да биде над законот

Во рамките на акцијата која Општина Чаир ја покрена за отстранување на терасите поставени без дозвола во Старата Скопска Чаршија, Градоначалникот на Општина Чаир Висар Ганиу јавно им се заблагодари на сите бизнисмени кои го испочитуваа законот и сами ги отстранија терасите за кои не поседуваа дозвола. Спрема нив нема да биде изречени предвидените законски казни.Иницираната акција од страна на Општина Чаир ќе продолжи да се реализира и Градоначалникот Ганиу им гарантира на граѓаните дека никој нема да биде поштеден и над законот. Рокот за реакција од страна на самите сопственици е 5 работни дена. По овој рок, инспекторите и полициските службеници ќе ги отстранат незаконски поставените тераси и за истите ќе бидат изречени соодветните казни.

Скопје | пред 6 години

Општина Центар ги отстранува нелегалните тераси на угостителските објекти

По извршениот инспекцискинадзор на угостителски објекти на територијата на Општина Центар со кој се утврдува легалноста на поставена урбана опрема надвор од деловен објект, Општина Центар започна со отстранување на нелегалните тераси на повеќе од 20 објекти, а во процедура се и други извршни решенија по кои општината ќе постапува во наредниот период.Предмет на отстранување се објектите кај кои е утврдено дека, и покрај немање Одобрение за поставување урбана опрема од Град Скопје, истите ја поставиле опремата и направиле тераси со кои бесправно узурпирале јавен простор.На листата објекти кај кои Општина Центар во изминатиов периодутврдила нерегуларности и согласно тоа следува отстранување на терасите се: Ресторан Гурмет, Кафе бар Паладиум, Кафе бар Кофи Фектори, Гостилница Сушико, Гостилница Лантерн, Ресторан Барака, Кафе Бар Броз Кафе, Гостилница Фрути ди Маре, Кафе Бар Деус, Бистро Правда, Кафе бар Нано бар, Гостилница Бруклински, Гостилница Булевар, Кафе Бар Винил, Кафе бар Џус Бар, Кафе бар локал 45 и Гостилница Сквер.Инаку, споменатите објекти по доставено барање до Град Скопје за вршење дејност надвор од својот деловен простор и поставување урбана опрема добиле официјално Решение од Градот со кое нивното барање се одбива. Но и покрај тоа, тие постапиле спротивно од Решението.Согласно процедурата, иснпекциските служби на Општина Центар по извршениот увид, му издаваат на инвеститорот Решение за отстранување на што претходи определен законски рок и можност инвеститорот сам да постапи по Решението. Доколку инвеститорот не го стори тоа, општината со полициска асистенција, ќе го отстрани нелегалниот дел.фото: Стандард МК

Скопје | пред 6 години

Џафери се сретна со претседателот на Шангајскиот комитет на Кинескиот народен политички консултативен совет

Претседателот на Собранието на Република Северна Македонија, г. Талат Џафери кој ја предводи Делегацијата во чиј состав се потпретседателот Горан Мисовски, координаторите на пратеничките групи: на СДСМ г. Јован Митрески, на ДУИ г. Ејуп Алими, на ВМРО-ДПМНЕ г. Никола Мицевски, претседателот на Пратеничката група за соработка со Народна Република Кина, г-ѓа Владанка Авировиќ и генералниот секретар на Собранието на Република Северна Македонија, г-ѓа Цветанка Иванова, во официјална посета на Народна Република Кина, денес во Шангај оствари средба со г. Донг Јунху, претседател на Шангајскиот комитет на Кинескиот народен политички консултативен совет. Клучните функции на Советот вклучуваат консултации за фундаменталните политики и принципи на национално и локално ниво за најважните прашања од политичкиот, економскиот, културниот и социјалниот живот, во процесот на донесување на законите и следење на нивната имплементација.Претседателот Донг истакна дека, иако географски оддалечени, двете држави негуваат одлични билатерални односи и остваруваат соработка во различни области. Тој подетално ги запозна гостите со развојот на Шангај и со неговата улога на лидер во земјата по реформите и иновациите и изрази подготвеност за споделување на сите искуства и добри практики. Во однос на одржувањето на ЕКСПО за извоз и увоз кој до крајот на годината треба да се одржи во Шангај, г. Донг истакна дека би сакал и Република Северна Македонија да учествува и да ги претстави своите производи и услуги на светскиот саем.Претседателот Џафери изрази задоволство што односите меѓу Република Северна Македонија и Народна Република Кина се развиваат во духот на пријателството, меѓусебното разбирање и заемното почитување а фактот што официјалната посета на НР Кина започнува во Шангај, го оцени како своевидно охрабрување за продлабочување на економската соработка меѓу Република Северна Македонија и Народна Република Кина. Тој нагласи дека, парламентите, владите и 0другите институции треба постојано да вложуваат напори за создавање на широка рамка на билатерални спогодби кои создаваат поволни услови за соработка во повеќе области.Запознавајќи ги домаќините со актуелните случувања на домашната политичка сцена како и со надворешно политичките стратешки определби на државата, претседателот изрази надеж дека до крајот на годината Република Северна Македонија ќе стане 30 земја членка на НАТО и дека до крајот на месецот ќе добие датум за почеток на преговори со Европската Унија.  Двајцата соговорници изразија уверување дека добрите политички односи ќе бидат добра основа за понатамошно развивање на економските односи, како на билатерално ниво така и во рамките на Процесот за соработка 17+1 на НР Кина и земјите од Источна и Централна Европа.Делегацијата на Собранието на Република Северна Македонија имаше можност да го посети и Центарот за урбано планирање на градот Шангај, кој има население од 24 милиони жители и се протега на површина од 660 километри квадратни а својот најголем развој го доживува во последните 20 години. Беше претставено и функционирањето на локалните центри и начинот на кој се решаваат урбаните проблеми, а кој како модел се применува и во останатите градови во НР Кина.

Македонија | пред 6 години

Героски им одговори на заканите од Власта: Перото не ви го давам, на тоа да не се надевате! Нема да ме замолчите!

Новинарот Бранко Геровски вели дека од весникот Слободен печат се повлекол поради силен пристисок и додава дека закани сеуште добива.Токму поради тоа тој се обрати преку ФБ.МОЈОТ ОДГОВОР НА ОПОМЕНИТЕ И НА ЗАКАНИТЕ Во инбокс, во лични пораки што ми ги пренесуваат пријатели и познаници и на разни други начини, ми стасуваат опомени и закани. Премногу сум ја критикувал власта. Сум претерал. Та нели сме биле наши… Па еве, да одговорам јавно, како што имам обичај. Марш бре, таму, лицемери едни!!! Под силен притисок, дадов оставка од позицијата главен уредник и целосно се повлеков од „Слободен печат“. Никого не навредив, никого не повредив, самиот ја проголтав горчината на едно предавство. Како отров. Го оставив весникот, чедото што се роди во мојата глава и во моето срце… Што кур сакате сега, абдали едни?! Сакате два пати да ви поднесам оставка? Перото не ви го давам, на тоа да не се надевате! Нема да ме замолчите!https://www.facebook.com/branko.geroski/posts/2232149173573432

Македонија | пред 6 години

Од денеска започнува уписот во средните училишта

Во средните училишта денеска и утре е првото пријавување за запишување ученици во прва година средно образование во учебната 2019/2020 година во јунскиот уписен рок.Ранг-листите со резултатите од запишувањето и слободните места од првото пријавување ќе бидат објавени на 19 јуни. Второто пријавување и запишување на учениците е на 24 и 25 јуни, а третото  на 1 јули.Според конкурсот на Министерството за образование и наука во државните средни училишта миже да се запишат 35 690 ученици, од кои 24 581 на македонски наставен јазик, 10 123 на албански наставен јазик, 952 на турски наставен јазик и 34 на српски наставен јазик.МОН најави дека од учебната 2019/2020 година во сите средни стручни училишта ќе почнат да се реализираат новите наставни планови и 1040 модуларно дизајнирани наставни програми за стручно образование со четиригодишно траење кои предвидуваат воведување на учењето преку работа во трета и четврта година како интегрален елемент во системот на техничко образование и зголемување на учеството на практичната настава и вежби за учениците. 

Македонија | пред 6 години

Мицкоски: Македонија ќе успее, затоа што нема простор повеќе за неуспеси - броени се деновите на Заев, затоа што никој не победил народ

Македонија е жива. Покрај сите бури, сите премрежја, сите пакости кои се случија овие 29 години, Македонија е жива. Тој вулкан на непокорот и најдлабокото чувство кое доаѓа од срцето и кое не прави горди, и среќни не само што тлее, туку татни. Татни затоа што покрај сите неправди и беспаќа секогаш го одбиравме потешкиот, но вистинскиот пат. А ВМРО е чуварот на оваа земја, ова денеска на 29 роденден на ВМРО-ДПМНЕ го истакна лидерот на партијата Христијан Мицкоски.-И има приказни кои траат долго, и тоа е така затоа што оваа наша приказна има идеологија, цврста арматура во која кодот е ВМРО, а целта на нашето постоење е нашата Македонија. И еве не тука 29 години, по сите премрежја и се она што го минавме особено последниве години, ВМРО-ДПМНЕ се крева. И не само што сме на нозе, туку брзо чекориме, трчаме заедно со народот, да ја спасиме нашата земја од пепелот кој го оставаат. Да изградиме иднина, да го фатиме чекорот со другите од соседството кои не поминаа. Но не само да ги стигнеме, туку и да бидеме подобри. Затоа што оваа земја мора по сите порази и сите неразбрани трговци влезени во политиката да почне да победува. А победата не е нешто недостижно. Потребно е да се има сон, мотив и чест. Тоа го имаше пред 29 години и Драган Богдановски, човек со визија кој ги постави темелите на она што е ВМРО ДПМНЕ денес, потенцираше Мицкоски.Претседателот на ВМРО ДПМНЕ додаде дека и низ овие 29 години во ВМРО-ДПМНЕ се вградија многу поединци, цврсти индивидуи, оставија траен белег, интелектуалци, научници. Сите со свој придонес. Имавме грешки од кој учиме, и подвизи со кои се гордееме. И денес имаме подадена рака кон сите, кон секој еден човек, кон секој кој поседува потенцијал, мотив и верува дека можеме да донесеме промена и да успееме.-И од оваа перспектива две работи се сигурни: Првата….СДСМ паѓа, а втората ВМРО-ДПМНЕ со народот ќе победи Заев е на колена и во сопствената кал, а ВМРО-ДПМНЕ по изборите кога и да се случат ќе формира Влада со која Македонија ќе оди вистински напред. И немојте да мислите дека заборавам од каде почнавме, но и низ се што поминавме овие две години. И оние кои веруваа од почетокот, но и оние кои не веруваа, а поверуваа дека можеме, но оние се уште кои не веруваат а знам дека ќе поверуваат, ви велам СДСМ и Заев е тргната по удолницата од која нема враќање, а ВМРО-ДПМНЕ секој ден станува се посилна, се поорганизирана и свесна дека не чека многу работа за да Македонија успее. А победата на ВМРО-ДПМНЕ ќе биде победа на Македонија! И ова ви го ветувам на овој 29 роденден. Ова е битка во кој влегов свесно, во која влегов со целото мое срце, знаење и чест. И во која ја вложувам мојата душа и себеси. И нема да отстапам, нема да отстапам поради мојот карактер, поради иднината на нашите деца, поради секој солза која пушта обичниот човек поради неправдите и сиромаштијата, поради одземената иднина, поради мајките кои плачат за своите деца кои си одат од земјава, поради сите наши луѓе кои чесно и даваат на оваа земја без да побараат повеќе од тоа што вложуваат. Македонија ќе успее, затоа што нема простор повеќе за неуспеси. И има и такви кои ми велат народот не го сака Заев, ама гледај се му поминува, а народот молчи и на крај останува убеден во тоа. И секако дека не можам да се сложам во тоа. Не успеаја да го скршат духот на Македонецот, а пробаа. Но народот не може да се измами. И таман мислеа дека им помина, дека таа колективна психоза на разубавениот свет на Владата и вештачка среќа која треба да ја угуши тешката и болна реалност и вистинската несреќа, она психолошко насилие врз колективниот ум кој го применува оваа власт, ќе се распрсне како меур од сапуница, кога од 50 илјади грла од плоштадот Македонија бодрејќи го шампионот Вардар ќе ве соочат со неуспехот на Власта и тие изнасилени и вештачки политики, порачувајќи и пеејќи „Денес над Македонија се раѓа ново сонце на слободата“. Е таквиот пркос покажува дека броени се деновите на Заев, и никој не победил народ. Дека со сила убавина не бива. Дека за добар живот не треба уставна гимнастика, туку многу работа каква не гледаме, од оваа атниреформска и антибизнис влада, вели Мицкоски. 

Македонија | пред 6 години