ИРАН

Зеленски: Ако никој не ja запре војната на Блискиот исток, може да се претвори во светска војна

Ако конфликтот на Блискиот исток наскоро не се запре, тој би можел да прерасне во светска војна, изјави денеска украинскиот претседател Володимир Зеленски.Ако никој брзо не ja запре војната на Блискиот исток, таа може да трае многу долго и да се претвори во светска војна“, рече Зеленски, пренесува Укринформ.Тој оцени дека светот е многу близу до нова светска војна.Многу сме блиску. Не гледам како операцијата во Иран може да биде брза. Гледам повеќе глобални предизвици. Ако војната не се запре до есен, ќе трае долго“, додаде Зеленски.Украинскиот претседател исто така нагласи дека Русија подоцна би можела да испрати свои единици за помош на Иран.Технички, светот не е подготвен за ова. Европа не е подготвена, освен поединечни земји. Германците се многу брзи, но тоа не е доволно. Нема доволно време да се подготвиме за такви предизвици оваа година“, заклучи Зеленски.

Свет | пред 1 месец

Арагчи: Целосно уништување, уплашени лидери и одбрана во хаос, а ние штотуку започнавме

Иранскиот министер за надворешни работи, Абас Арагчи, се огласи поради одлуката на Израел да го забрани снимањето на безбедносните локации и преносите во живо додека важи предупредување за напади.Арагчи рече дека израелскиот премиер Бенјамин Нетанјаху не сака да се види „како моќните вооружени сили на Иран го казнуваат Израел за неговата агресија“.А еве што пријавуваат нашите мажи и жени на теренот: целосно уништување предизвикано со нашите проектили, уплашени лидери и противвоздушната одбрана во хаос. А ние штотуку започнавме“, напиша Арагчи на платформата X, пренесувајќи текст од Франс 24 кој наведува дека израелската армија забранила преноси во живо додека траат предупредувањата за воздушни напади од Иран со ракети или дронови.Во објавата што ја пренел Арагчи, Франс 24 наведува дека снимките на израелската противвоздушна одбрана која пресретнува ирански проектили биле вообичаени на почетокот на војната, од 28 февруари, како и за дванаесетдневната војна во јуни минатата година.Арагчи исто така упати порака до Американците, нагласувајќи дека тврдењето оти Иран имал намера да ги нападне САД или американските сили е „чиста и очигледна лага“.Единствената цел на оваа лага е да се оправда ‘Операцијата Голема грешка’, опасна авантура што ја смисли Израел, а ја платија обичните Американци“, рече Арагчи.

Свет | пред 1 месец

Њујорк тајмс за Мојтаба Хамнеи: Жив е, но е ранет

Три дена откако беше прогласен за нов врховен водач на Иран, Мојтаба Хамнеи сè уште не се појавил во јавноста, ниту објавил каква било писмена или видео порака.Причините за тоа би можеле да бидат безбедносни, но и здравствени.Како што наведува „Њујорк тајмс“, повикувајќи се на три ирански официјални лица кои зборувале под услов на анонимност поради чувствителноста на темата, постои страв дека секоја јавна комуникација би можела да ја открие неговата локација и така да го доведе во опасност.Но, според истите извори, постои и друга причина за неговото отсуство од јавноста.Хамнеи (56) наводно бил повреден уште првиот ден од нападите што врз Иран ги извршија Израел и Соединетите Американски Држави.Ирански официјални лица тврдат дека во текот на последните два дена од повисоки членови на власта добиле информации дека Моjтаба Хамнеи се здобил со повреди, вклучително и повреди на нозете.Сепак, наводно е при свест и се наоѓа на многу безбедна локација, со ограничена комуникација со остатокот од светот.Според пишувањето на њујоршкиот весник, и двајца израелски воени официјални лица изјавиле дека собраните разузнавачки информации го навеле израелскиот одбранбен систем на заклучок дека Хамнеи се здобил со повреди на нозете во нападот на 28 февруари.До тој заклучок дошле дури и пред во неделата официјално да биде избран за нов врховен водач на Иран.Целосните околности и тежината на неговите повреди не се познати.Хамнеи дојде на чело на Иран по смртта на неговиот татко, Али Хамнеи, долгогодишниот врховен водач на земјата.Тој загина на 28 февруари во израелски воздушен напад врз комплексот на државното раководство во центарот на Техеран.Во истиот напад загинале и членови на неговото најтесно семејство, како и неколку високи ирански одбранбени официјални лица.Поради недостигот од официјални изјави и јавни настапи на новиот врховен водач, во Иран и во меѓународната заедница расте неизвесноста.Останува нејасно кога Моjтаба Хамнеи би можел првпат јавно да настапи и да го потврди своето водство во еден од најчувствителните моменти за земјата во последните децении.

Свет | пред 1 месец

Израел повторно го напаѓа Техеран: започнат втор бран удари

Израел започна втор бран напади врз Техеран во текот на денот, соопшти израелската војска.Претходно во првиот бран биле нападнати Техеран и градот Табриз, при што, според израелската армија, биле погодени „централни командни локации каде се наоѓале оперативци на иранскиот режим“.Во нападите бил погоден и воен објект, како и голем комплекс во Табриз кој припаѓа на иранската паравоена организација Басиж.

Свет | пред 1 месец

Џо Роган го нападна Трамп: Ветуваше крај на војните, а сега имаме нова

Познатиот подкастер Џо Роган остро го критикуваше американскиот претседател Доналд Трамп поради војната со Иран, оценувајќи дека многу од неговите поддржувачи се чувствуваат изневерени.Во најновата епизода од својот подкаст, Роган изјави дека конфликтот е „лудост“, потсетувајќи дека Трамп за време на кампањата ветувал крај на „бесмислените војни“.„Тоа е лудо ако се има предвид на што ја градеше кампањата. Многу луѓе се чувствуваат изневерени. Се кандидираше со порака ‘Нема повеќе војни’ и ‘Запрете ги овие глупави, бесмислени војни’, а сега имаме војна за која ни самите не знаеме јасно зошто ја започнавме“, рече Роган.Роган му даде поддршка на Трамп во изборната кампања во 2024 година и го угости во својот подкаст, но по неговиот повторен избор повеќепати јавно го критикуваше, особено поради имиграциската политика.Загриженост поради конфликтот се појавува и меѓу дел од републиканците. Неколку членови на Републиканската партија предупредија дека војната со Иран може да се претвори во долгорочна обврска за САД, по двете децении конфликти во Ирак и Авганистан.Според нова анкета на Универзитетот „Квинипијак“, речиси три четвртини од американските гласачи очекуваат конфликтот со Иран да трае со месеци или подолго. Дури 71 процент од испитаниците сметаат дека војната може да продолжи „со месеци“, „околу една година“ или „уште подолго“.Во меѓувреме, Трамп изјави дека конфликтот е „пустоловина“ која наскоро ќе заврши.„Ова беше само пустоловина, нешто што мораше да се направи. И многу сме блиску до крајот“, изјави Трамп на прес-конференција.Неговите коментари доаѓаат само неколку дена откако порача дека од иранското раководство ќе прифати само „безусловна предаја“. Републиканскиот конгресмен Тим Берчет претходно предупреди дека гласачите на движењето МАГА треба да бидат загрижени дека воената акција против Иран може да прерасне во „уште една вечна војна“.

Свет | пред 1 месец

Балистички ракети од Иран кон Емиратите, војската во целосна готовност

Противвоздушната одбрана на Обединетите Арапски Емирати е активирана по активирањето на балистички проектили од страна на Иран, соопшти Министерството за одбрана на земјата.Во објава на социјалната мрежа Икс, од министерството наведоа дека системите за противвоздушна одбрана во моментов реагираат на ракетниот напад.Војската, како што се додава, е ставена во целосна готовност за да одговори на сите потенцијални закани и да ја обезбеди безбедноста на државната територија, како и сигурноста на граѓаните и жителите на Емиратите.

Свет | пред 1 месец

Мапа на нападите: Пентагон ги прикажа првите 10 дена од војната со Иран

Американското Министерство за одбрана објави карта која ги прикажува нападите изведени во првите десет дена од воената операција наречена „Епски гнев“.Графиката, објавена на социјалните мрежи, покажува на кои локации се извршени нападите и нивната позиција во однос на американските воени бази и иранските системи за противвоздушна одбрана.Објавата доаѓа во време кога конфликтот меѓу САД, Израел и Иран продолжува да се интензивира.Во меѓувреме, американскиот претседател Доналд Трамп соопшти дека американските сили „целосно уништиле“ десет неактивни ирански бродови наменети за поставување морски мини, додавајќи дека воените операции ќе продолжат и во наредниот период.

Свет | пред 1 месец

(Видео) Американската војска објави снимки од напади врз ирански бродови

Американската војска објави снимки од напади врз ирански бродови, откако претседателот на САД Доналд Трамп претходно соопшти дека американските сили погодиле „неактивни бродови за поставување мини“.Американското Централно заповедништво (ЦЕНТКОМ) соопшти дека операциите се насочени кон намалување на иранската „способност за проекција на моќ на море“.На видеоснимките објавени на социјалните мрежи се гледаат напади врз различни типови бродови, од кои најголемиот дел се наоѓаат во пристаништа.Засега не е јасно дали нападите прикажани на снимките се директно поврзани со операциите што ги спомена претседателот Трамп во својата изјава.

Свет | пред 1 месец

Специјален лет од Дубаи донесе 150 патници во Скопје

Втората група македонски државјани е безбедно евакуирана од Обединетите Арапски Емирати и вечерва пристигна на Меѓународниот аеродром Скопје со специјално организиран лет од Дубаи, информираше министерот за надворешни работи Тимчо Муцунски.Станува збор за 150 патници, од кои најголемиот дел се македонски државјани, кои успешно ја напуштиле територијата на Обединетите Арапски Емирати и се вратиле во државата.Според Муцунски, процесот на евакуација бил реализиран врз основа на претходно утврден план и во координација со надлежните институции.Организацијата на летот ја спровело Министерството за надворешни работи и надворешна трговија, а трошоците за овој и за останатите евакуациски летови се целосно покриени од државата.

Македонија | пред 1 месец

Трамп: Уништивме десет ирански бродови за поставување мини

Американскиот претседател Доналд Трамп изјави дека американските сили погодиле и „целосно уништиле“ десет ирански бродови наменети за поставување морски мини.Според неговата објава, станува збор за неактивни бродови за поставување мини, а американските сили ќе продолжат со нападите врз иранските цели.Само неколку минути претходно, Трамп објави дека засега нема извештаи дека Иран навистина поставил мини во Ормускиот теснец, но предупреди дека доколку тоа се случило, тие мора веднаш да бидат отстранети.Тој истакна дека во спротивно Иран ќе се соочи со воени последици „на ниво какво досега не било видено“.Ормускиот теснец претставува една од најважните светски поморски рути за транспорт на нафта и енергенси, па секоја закана за негово затворање предизвикува силни реакции на меѓународната сцена и на енергетските пазари.

Свет | пред 1 месец

Иран: Тврдењата дека сме планирале напад врз САД се „целосна лага“

Иран ги отфрли тврдењата на администрацијата на американскиот претседател Доналд Трамп дека Техеран планирал превентивен напад врз Соединетите Американски Држави или нивните воени сили.Иранскиот министер за надворешни работи Абас Арагчи изјави дека таквите обвинувања се „целосна и чиста лага“.Во објава на социјалната мрежа Икс, Арагчи се осврна и на називот на американската воена операција, наречена „Операција Епски гнев“.„Единствената цел на таа лага е да се оправда операцијата која всушност е епска грешка – авантура што ја осмисли Израел, а ја платија обичните Американци“, напиша шефот на иранската дипломатија.Изјавата доаѓа во време на засилени тензии меѓу САД, Израел и Иран по воените операции во регионот.

Свет | пред 1 месец

Трамп му се закани на Иран: Ако има мини во Ормускиот теснец, нека се отстранат веднаш

Американскиот претседател Доналд Трамп побара итно отстранување на евентуално поставените мини во Ормускиот теснец, откако се појавија медиумски извештаи дека Иран започнал со нивно поставување во оваа клучна поморска рута.Во објава на својата социјална мрежа, Трамп наведе дека САД засега немаат потврдени информации дека Иран навистина поставил мини, но предупреди на сериозни последици доколку тоа се покаже како точно.„Ако Иран поставил било какви мини во Ормускиот теснец, а засега немаме извештаи дека тоа го направил, сакаме тие веднаш да се отстранат“, напиша Трамп.Тој додаде дека доколку мини навистина се поставени и не бидат отстранети веднаш, Иран ќе се соочи со воени последици какви што, според неговите зборови, досега не биле видени.„Ако, од друга страна, го отстранат она што можеби е поставено, тоа ќе биде голем чекор во вистинска насока“, порача американскиот претседател.

Свет | пред 1 месец

Захарова: Експлозијата во Иран го оштетила рускиот конзулат

Рускиот генерален конзулат во иранскиот град Исфахан е оштетен во неделата за време на напад врз блиска зграда на покраинската влада, изјави портпаролката на руското Министерство за надворешни работи, Марија Захарова.Според нејзините зборови, ударниот бран од експлозијата соборил неколку вработени и ги искршил прозорците на зградата на конзулатот, како и на околните станбени објекти.Во инцидентот, како што соопшти руската страна, нема загинати ниту лица со сериозни повреди.Захарова оцени дека нападите врз дипломатски и конзуларни мисии претставуваат кршење на меѓународното право.„Бараме сите страни строго да ја почитуваат неповредливоста на дипломатските простории и да се воздржат од какви било напади кои би можеле да ја загрозат безбедноста, животот и здравјето на нивниот персонал“, изјави таа.

Свет | пред 1 месец

Белата куќа: Трамп ќе обезбеди слободен проток на нафта низ Ормускиот теснец

Американскиот претседател Доналд Трамп е решен да обезбеди непречен проток на нафта низ Ормускиот теснец, изјави портпаролката на Белата куќа Каролин Ливит.На прес-конференција таа повтори дека претседателот предложил американската морнарица, доколку биде потребно, да ги придружува танкерите што минуваат низ оваа клучна поморска рута.„Американската војска разработува дополнителни опции по директивата на претседателот Ормускиот теснец да остане отворен“, изјави Ливит.Таа додаде дека засега нема да ги открива деталите за тие опции, но нагласи дека претседателот е подготвен да ги употреби доколку ситуацијата го наложи тоа.Ормускиот теснец претставува една од најважните светски поморски рути за транспорт на нафта, низ која минува значителен дел од глобалните испораки на енергенси. Во последниот период пловидбата низ теснецот е сериозно нарушена поради ескалацијата на конфликтот меѓу САД, Израел и Иран.

Свет | пред 1 месец

(Видео) Белата куќа: Војната ќе заврши кога Иран ќе биде доведен до „безусловна капитулација“

Војната ќе заврши кога Иран ќе биде доведен во позиција на „безусловна капитулација“, изјави портпаролката на Белата куќа Каролин Ливит на прес-конференција.Таа појасни дека тоа не значи дека иранското раководство мора јавно да признае пораз, туку дека ќе биде доведено во ситуација во која повеќе нема да може реално да се заканува.„Иран може и понатаму да упатува закани, но тие ќе бидат празни“, изјави Ливит.Таа додаде дека американската војска преминува во нова фаза од операцијата, насочена кон уништување на инфраструктурата што Иран ја користи за производство на ракети.Според нејзините зборови, американските стратешки бомбардери Б-2 неодамна фрлиле десетици пробивни бомби тешки околу 900 килограми врз длабоко утврдени ирански ракетни позиции.Ливит истакна дека нападите се дел од пошироката воена операција насочена кон ослабување на воените капацитети на Иран.

Свет | пред 1 месец

Си-Ен-Ен: Трамп живее во алтернативна реалност, не знае што се случува во Иран

Американскиот претседател Доналд Трамп изнесувал тврдења за конфликтот со Иран без да располага со доволно информации, оценува телевизијата Си-Ен-Ен во анализа на неговите последни јавни настапи.Според медиумот, Трамп во саботата изјавил дека ирански проектил погодил основно училиште во Техеран и усмртил десетици деца, но во понеделникот признал дека всушност не знае доволно за настанот.На прес-конференција, запрашан зошто никој од неговата администрација не го повторува истата тврдeње и зошто се чека официјална истрага, Трамп одговорил: „Затоа што едноставно не знам доволно за тоа“, додавајќи дека ќе ги почитува резултатите од истрагата.Станува збор за напад кој предизвика силни меѓународни реакции, а според анализата на достапните докази постои веројатност дека за нападот е одговорна американската војска. Во меѓувреме се појави и видео-снимка која, како што се наведува, покажува американски проектил кој погодува поморска база на Корпусот на чуварите на исламската револуција во близина на училиштето.Си-Ен-Ен наведува дека тоа не е единствениот пример на неточни или непотврдени тврдења од страна на Трамп. На истата прес-конференција тој изјавил дека државите од Персискиот Залив се приклучиле на војната против Иран заедно со САД и Израел.Меѓутоа, според достапните информации, ниту една од тие држави официјално не се приклучила на воените операции. Обединетите Арапски Емирати, кои беа меѓу целите на иранските напади, не возвратиле со воена акција, додека Саудиска Арабија предупреди на можен одговор само доколку нападите продолжат.Катар, пак, јавно соопшти дека не е дел од воената кампања против Иран и повика на смирување на тензиите во регионот.Во анализата се наведува и дека Трамп тврдел дека блокадата на Ормускиот теснец „не ги погодува“ САД бидејќи земјата произведува доволно нафта, иако глобалната поврзаност на пазарите значи дека растот на цените сепак има влијание и врз американската економија.Трамп исто така повеќепати тврдел дека Иран наскоро би можел да нападне САД со интерконтинентални балистички ракети и дека Техеран планирал да го преземе целиот Блиски Исток, но за овие тврдења досега нема јавни разузнавачки докази.Според Си-Ен-Ен, ваквите изјави отвораат прашања за тоа колку американскиот претседател навистина е информиран за состојбата на теренот во конфликтот со Иран.

Свет | пред 1 месец

Иран тврди дека погодил рафинерија во Хаифа и сателитски центар кај Тел Авив

Иран соопшти дека во нов бран напади погодил енергетски објекти во Израел, вклучително и рафинерија во Хаифа и сателитски комуникациски центар во близина на Тел Авив.Портпаролот на иранскиот воен штаб „Хатам ал-Анбија“ изјави дека иранските сили со беспилотни летала гаѓале рафинерија за нафта и гас, како и резервоари за гориво во Хаифа.Според соопштението, во нападите бил уништен и сателитски комуникациски центар во близина на Тел Авив.Иранските власти наведуваат дека операцијата е дел од „33. бран“ напади, изведени како одговор на претходните напади врз ирански нафтени складишта.Во истото соопштение се наведува и дека Иран испалил пет ракети кон американското воено командување во базата Харир, која се наоѓа во курдскиот регион на северот на Ирак.

Свет | пред 1 месец

Експлозии одекнаа во Техеран, иранската престолнина повторно под напад

Неколку силни експлозии одекнале во Техеран, при што иранската престолнина повторно била цел на напади, јавуваат странските медиуми.Допишниците на сервисот Би-Би-Си Персиски известуваат дека во градот се слушнале нови експлозии, а според нивните информации Техеран во моментот е под напад.Новинарите на агенцијата Франс прес, исто така, потврдиле дека во градот се слушнале најмалку три експлозии.Во меѓувреме, три американски стратешки бомбардери од типот Б-1 полетале од воздухопловната база РАФ Ферфорд во југозападниот дел на Англија.Присуството на бомбардерите Б-1 и Б-52 во оваа британска база привлекло голем број љубители на авијацијата и аматерски фотографи. Дел од нив изјавиле дека на локацијата изброиле вкупно 12 бомбардери Б-1, откако претходно таму слетале уште четири авиони од истиот тип.Во базата е забележана зголемена активност, при што кај дел од авионите моторите биле вклучени, додека други биле опкружени со технички персонал кој, според очевидци, вршел проверки.Британското Министерство за одбрана и американскиот Пентагон засега не потврдија дали овие бомбардери учествувале во нападите врз цели во Иран.

Свет | пред 1 месец

Иран уапси 30 лица осомничени за шпионажа за САД и Израел

Иранското Министерство за разузнавање соопшти дека во последните денови се уапсени 30 лица осомничени за шпионажа, соработка или дејствување во корист на САД и Израел.Во соопштението, пренесено од новинската агенција Тасним, се наведува дека меѓу уапсените има и еден странски државјанин кој наводно пренесувал чувствителни безбедносни информации на две држави од Персискиот Залив, кои потоа тие податоци ги споделувале со САД и Израел.Според иранските власти, уште 19 лица делувале како „теренски и медиумски оперативци“ поврзани со антивладини групи и контакти со Израел.Од Министерството тврдат дека операцијата е дел од поширока акција насочена кон спречување на разузнавачки активности и соработка со странски служби во услови на зголемени тензии во регионот.

Свет | пред 1 месец

Пратеник на Трамп: Се надеваме дека Русија не му помага на Иран

Специјалниот пратеник на американскиот претседател Доналд Трамп, Стив Виткоф, изјави дека од Русија побарал да не споделува разузнавачки информации со Иран.Во разговор со новинарите во претседателскиот авион, Виткоф посочи дека овој став јасно ѝ бил пренесен на Москва. На прашањето дали верува дека Русија, сепак, му помага на Иран со разузнавачки податоци, тој одговори дека се надева дека тоа не се случува.„Се надевам дека Русите не споделуваат разузнавачки информации со Иран. Не сум разузнавач и не можам да ви кажам со сигурност. Но, вчера во разговор со претседателот Трамп, Русите ни рекоа дека не делеле информации. Тоа го кажаа. Можеме да им веруваме на збор. Да се надеваме дека не делат“, изјави Виткоф.Од друга страна, американскиот претседател Доналд Трамп изјави дека САД немаат сигурни информации дали Русија му доставува разузнавачки податоци на Иран, откако повеќе американски медиуми објавија дека Москва можеби му помага на Техеран.САД и Израел на 28 февруари започнаа опсежна воена операција против Иран, при што беа нападнати повеќе големи градови, меѓу кои и Техеран. Белата куќа нападите ги оправда со тврдења за ирански ракетни и нуклеарни закани, а воедно повика и на бунт против иранската власт.Во нападите беше убиен и врховниот лидер на Иран, ајатолах Али Хамнеи, како и неколку високи функционери на Исламската Република.По тоа, Иран започна одмаздничка операција насочена кон цели во Израел, а беа погодени и американски воени бази во Бахреин, Јордан, Катар, Кувајт, Обединетите Арапски Емирати и Саудиска Арабија.

Свет | пред 1 месец

Огромни трошоци за војната: Вашингтон потрошил милијарди долари за два дена

Администрацијата на американскиот претседател Доналд Трамп потрошила муниција во вредност од околу 5,6 милијарди долари во првите два дена од нападите врз Иран, се наведува во извештај доставен до одборите на американскиот Конгрес, пренесуваат извори запознаени со информациите.Според извештајот, трошоците се однесуваат на употребената муниција и воена опрема во рамки на операцијата што САД ја започнаа на 28 февруари заедно со сојузникот Израел.Членови на Конгресот, кои наскоро би можеле да одлучуваат за дополнително финансирање на воената операција, изразиле загриженост дека конфликтот може брзо да ги исцрпи американските воени резерви во период кога одбранбената индустрија веќе се соочува со тешкотии да ја задоволи растечката побарувачка.Пред четири дена Трамп се сретнал со раководители на седум одбранбени компании, додека Пентагон работи на обновување на воените залихи.Американската администрација засега нема објавено официјална проценка за вкупните трошоци на конфликтот.Според информации од конгресни соработници, Белата куќа наскоро би можела да побара од Конгресот нов пакет средства за финансирање на војната.Некои официјални лица проценуваат дека барањето би можело да надмине 50 милијарди долари, иако дел од аналитичарите сметаат дека и таа сума би можела да биде недоволна доколку конфликтот продолжи.

Свет | пред 1 месец

Иран ја обвини Европската Унија за „лицемерие и двојни стандарди“

Иран ја обвини Европската Унија за „најголемо лицемерие и двојни стандарди“, откако шефицата на европската дипломатија Каја Калас ги осуди нападите на Хезболах врз Израел.Портпаролот на иранското Министерство за надворешни работи, Есмаил Багаеи, во објава на социјалната мрежа Икс наведе дека ЕУ покажала рамнодушност додека, како што тврди, Израел изведувал напади во Газа, Либан и други држави во регионот.„Европската Унија покажа рамнодушност додека Израел спроведуваше геноцид во Газа и изведуваше напади во Либан и други земји“, напиша Багаеи.Тој додаде дека реакцијата на Брисел доаѓа дури сега, кога Либан, според неговите зборови, „се спротивставува“.„А сега, кога Либан се спротивставува, одеднаш се сеќавате на меѓународното право“, порача иранскиот дипломат.Багаеи истакна и дека Европската Унија не може да тврди дека зборува во име на европските граѓани, за кои, според него, многумина јавно ги осудуваат израелските напади.Неговите изјави следуваат по коментарите на високата претставничка на Европската Унија за надворешна политика Каја Калас, која оцени дека одлуката на Хезболах да нападне Израел претставува закана за целиот регион.Калас исто така изјави дека Израел има право на самоодбрана според меѓународното право, но предупреди дека „претераниот одговор“ на израелските сили предизвикува масовно раселување на населението и дополнително ја дестабилизира веќе кревката ситуација во регионот.

Свет | пред 1 месец

Невидлива војна на Блискиот Исток: GPS се претвора во ново оружје

Во сенка на ракетите и бомбите, на Блискиот Исток се води уште една, невидлива битка – електронска војна во која системите за сателитска навигација се претвораат во средство за напад.Во водите во близина на Иран, стотици бродови одеднаш почнале да се појавуваат на целосно погрешни позиции, при што нивните навигациски системи ги прикажувале на копно или групирани во необични и совршено кружни формации. Аналитичарите сметаат дека станува збор за масовно нарушување на GPS сигналите.Мишел Визе Бокман, виша аналитичарка во компанијата за поморска вештачка интелигенција „Виндвард“, вели дека на картите на Ормускиот теснец и околните води се појавиле десетици групи на бродови со очигледно нарушени координати.„О, Боже… гледам 35 различни групи“, изјави таа додека ги анализирала податоците за движењето на трговските бродови во водите на Иран, Обединетите Арапски Емирати и Катар.Експертите предупредуваат дека ваквото електронско мешање може да предизвика сериозни проблеми за поморскиот сообраќај. Иако конфликтите традиционално се водат со оружје, современите војни сè повеќе се водат и преку електромагнетни сигнали.Системите за автоматска идентификација на бродови, познати како AIS, се користат за да се избегнат судири на море. Големите танкери кои превезуваат стотици илјади тони нафта имаат потреба од значително време и простор за да го сменат курсот или да застанат.Ако екипажите не знаат точно каде се наоѓаат другите бродови, ризикот од судири значително се зголемува, особено ноќе или во услови на намалена видливост.„Проблемот не е во тоа што не знаете каде одите, туку што не знаете каде одат другите“, објаснува Алан Вудворд од Универзитетот во Сари.Иако засега нема официјална потврда кој стои зад нарушувањето на сигналите, дел од воените аналитичари се сомневаат дека Иран можеби користи системи за електронско војување. Технолошките средства за мешање на GPS сигналите, според некои процени, можат да бидат домашно произведени или направени со опрема набавена од Русија или Кина.Во исто време, постои можност и американските сили во регионот да користат системи за електронско мешање со цел да ги заштитат своите бази, бродови и персонал од дронови и оружје управувано преку GPS.Технолошките компании веќе развиваат нови системи за заштита од вакви пречки. Некои уреди можат автоматски да ги детектираат електронските сметњи и да се префрлат на други фреквенции, додека други користат алтернативни методи за навигација, како анализа на сателитски снимки, движење на ѕвездите или податоци од сензори.Експертите предупредуваат дека слабоста на GPS системот лежи во фактот што сигналите се релативно слаби и лесно можат да се нарушат. Војските, пак, користат посебни, заштитени верзии на системот кои се многу поотпорни на електронско мешање.Според експертите, сè почестото користење на вакви техники може да доведе до создавање нови, побезбедни системи за навигација во иднина, бидејќи современите конфликти покажуваат дека дури и невидливите сигнали можат да станат клучно оружје на бојното поле.

Свет | пред 1 месец

Претседателот на Иран: Кој мисли дека може да го уништи Иран живее во илузија

Иранскиот претседател Масуд Пезешкијан порача дека противниците кои веруваат дека можат да ја уништат иранската држава живеат во илузија.Во објава на социјалната мрежа Икс, Пезешкијан истакна дека низ историјата ниту една сила не успеала да го избрише Иран.„Низ историјата ниту една сила не успеала да го избрише тоа големо име“, напиша иранскиот претседател.Тој додаде дека оние кои веруваат дека Иран може да биде уништен не ја познаваат историјата.„Секој што живее во илузија дека може да го уништи Иран не знае ништо за историјата. Агресорите доаѓале и заминувале, а Иран опстанал“, порача Пезешкијан.

Свет | пред 1 месец

Нова закана од Техеран: Ормускиот теснец ќе биде или пат на мир или на пораз

Претседателот на иранскиот Национален совет за безбедност Али Лариџани упати ново предупредување поврзано со Ормускиот теснец, откако американскиот претседател Доналд Трамп се закани со жесток одговор доколку Иран го блокира овој клучен поморски премин.Во објава на социјалната мрежа Икс, Лариџани порача дека иднината на Ормускиот теснец ќе зависи од однесувањето на земјите кои, според него, поттикнуваат војна.„Ормускиот теснец ќе биде или теснец на мир и просперитет за сите, или теснец на пораз и страдање за воените поттикнувачи“, напиша Лариџани, пренесува телевизијата Ен-Би-Си њуз.Неговата изјава доаѓа откако Трамп претходно на социјалните мрежи предупреди дека Соединетите Американски Држави ќе го нападнат Иран „дваесет пати посилно“ доколку Техеран го запре поморскиот сообраќај низ Ормускиот теснец.Во меѓувреме, иранската Револуционерна гарда соопшти дека секоја арапска или европска држава која ќе ги протера израелските и американските амбасадори од својата територија би добила неограничен премин низ Ормускиот теснец.Според иранската државна телевизија, тие земји би имале „целосно право и слобода“ да поминуваат низ овој стратешки морски премин доколку ги прекинат дипломатските односи со САД и Израел, пренесува Си-Ен-Ен.Ормускиот теснец, широк околу 34 километри, претставува една од најважните светски поморски рути, бидејќи низ него минува речиси една петтина од глобалното снабдување со нафта.Актуелниот конфликт меѓу САД и Израел од една страна и Иран од друга доведе до значителен раст на цените на нафтата, главно поради речиси целосното затворање на Ормускиот теснец и забавувањето на производството на нафта на Блискиот Исток.

Свет | пред 1 месец